|
وش اول صدمة صارت لك وكانت قوية
حبيت اني اتناقش معكم بالموضوع ودي كل واحد يكتب اول صدمة تعرض لها وكانت السبب بعد الله في تغيرة سواء كان للاحسن أو للأسوء اوكي
راح ابدا اول شي بنفسي انا صدمتي اني كنت منغر او مغشوش وماكتشفت انهم مايحبوني وانهم حاقدين علي ويحسدون من فترة قريبة طبعا العلاقة انقطعت نهائيا بينا بعد مشكلة صارت بينا واللي كانت الفاصل يعني من فترة سنة ونصف او سنتين تقريبا وكانوا للاسف من اقرب الناس وكنت مغشوش فيهم بصراحة لفترة 15 سنة فيهم بصراحة يعني اعرفهم من كنا صغار والى الان للاسف احاول اعرف السبب اللي خلاهم يسون كذا معي برغم اني ماسويت شي وانا اعرف نفسي كويس معهم هاذي الصدمة اثرت على نفسيتي وشخصيتي بصراحة |
موضوع حلو وجديد على الساحة الحوارية بالنسبة لي صدمتني الصحيفة يوم قرأتها وما شفت اسمي متصدر في قائمة التوظيفات الحكومية مع إن معدلي مرتفع ،ووجدت ناس اقل مني بمراحل بالمعدل مع العلم إن سنة تخرجي اقدم ومعدلي اكثر إلا إن اتضحلي إن العالم مش ماشيه على معايير معينة في التوظيف وتدخل الواو بالواسطة. المهم هذا الموقف وقراءتي للصحيفة في ذلك اليوم اثر بحياتي بشكل إيجابي والحمد لله ،لأن تعلمت إن ممكن اخلق من اللاشيء شيء ،واقدر من شغلة بسيطة أو من شغلة تحت المستوى أكون نفسي ،يعني ابدأ من الصفر أو من السالب . تعلمت كيف اوفر وكيف احس بقيمة شيء من عرق جبيني وبصعوبة احصده وبالنهاية الحاجة أم الاختراع |
موضوع اكثر من رائع..
وما اكثر الصدمات..وكلها بدرجات.. والحمد لله ... بالصدمه ( وتقريبا اي شىء بنظر الشخص صدمه فهو كذلك ) ممكن الشخص يكتشف اكثر جانب او جوانب بنفسه ما كان يعرفها وممكن يتغير او يبدا بالتغيير. بصدمه حصلت معي اكتشفت اني اقوى مما اظن وازالت شك واكتشفت الكثير من الامور كنت اعلمها لاكن لم اكن متاكد منها.. وكل صدمه هي مغامره وذكرى رائعه او مؤلمه رائعه دائما حسب الشخص مهما كانت. |
اما انا صدمتي كانت باعز واغلا الناس باقلبي يقول لي انا ماعندي احساس يعني لازم الواحد يبكي عشان الناس تعرف انه انت عندك احساس مافي احاسيس من جوه والصراحه هذا الشيء اثر بحياتي كثير لاني ماكنت اتخيل حياتي بدونه بس ذحين حياتي احلى بامليون مرره من قبل على الاقل ماحد يحسبك ..........
مشكوووووووووره اخوي على الموضوع الرائع . |
هلا فيك موضوع حلووووووووووووو لأنو بيخلينا نفضفض أنا اتصدمت وهاي الصدمة خلتني أعيد حسابات حياتي كلها والمشكلة إنو غيرت آرائي في كثير أشياء وأولويات وبدلت بعض قناعاتي السابقة يعني أنا صرت مش أنا وهاي الشي اللي صدمني فعلاً |
| الساعة الآن 05:57 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية