اشمعنى عصام الحضرى 00 ؟؟!!
 

:thrasher:
لا 00 اناباتكلم جد 00
يجرى ايه لو جانى عقد عمل خارج ليلاس ؟؟؟

بصراحة 000 الراجل عنده حق لانه حسبها صح 000 عمر قصير بالملاعب ويحتاج الى تامين مستقبله 00 يبقى من حقه يدور على القرش الزيادة مش عيب 00 هى دى قواعد اللعبة

لكن نرجع مرجعونا لشخصنا الضعيف 00
انا راجل بالعب فى فريق فوق الستين 00 وملعبى كى بورد وماوس واسكانر 00 وكان الله بالسر عليم 000 ثم ان سوق الكتب ياولداه مش هى اللى تأكل عيش 000 ولاعمرك ح تلاقى كشافين للبحث عن مشرفى مكتبات لسرقتهم من المنتديات !!
اصل الموضوع الناس بطلت تقرأ 000 ليه ؟

يبقى بذمتكم مش بدال ماانا قاعد انش مش لاقى ولازبون يقرا كتاب رغم ان العبد لله طلعان عينه فى مسح الكتاب وتوضيبه ورفعه والخ الخ

انا بصراحة بافكر اعمل مشروع اامن بيه مستقبلى 00
ايه رايكم فى مقلة لب ؟؟
اهو الواحد يستغل شوية الكتب اللى عنده فى لف القراطيس 00 بس المشكلة الصعبة اللى ح تواجهنى انى محتاج تخصص نادر فى المؤهلات الموجودة فى السوق 000 ايه هو التخصص ده بقى ؟؟ اخصائى فنى لف قراطيس !!
:ostrich_liam:

محمد جلال
مشرف كتب سابقا وحاليا مدير عام مقلة السعادة للمحمصات والمقرمشات !! :lillas:

تحيات صباحية جميلة سيد محمد جلال . أتمنى أن تكون أوفاتك جميلة دائما. قراءة الكتب مهنتا يا سيد جلال . لذلك يرجى الآ تبتئس من قلة الردود. ربما نكتفي بالتحميل دون مشاركة ولكن بالتأكيد نقرأ ما نقوم بتحميله. في حال رغبتم بمشاركات فعالة أقترح بطرح كتاب ما للمناقشة بحيث من يرغب المشاركة يكون على اطلاع كامل به بمعنى أنه قرأه مسبقا. مما قمت بتنزيله حضرتكم بالذات قرأت عدة كتب منها مؤلفات كولن ويلسون ورواية لساباتيني وغير ذلك الكثير. نشكر لك جهودك وندعو الله القدير أن يمدك بالصحة والسلامة وطول العمر. وأن يجعل لك البركة في رزقك

بمعنى أخر خليك شمعة ليلاس وما تتركنا


ياديما لاتتصورى فرحتى بكلامك 00
طيب ازاى اقدر اسيبكم وانتم شمعة حياتى اللى بتنور لى ايامى وليالى ؟؟
انتم الشمعة ياديما

محمد جلال

والله عندك حق بس انا عارفة قلبك ومايريد
وبعدين يهون عليك الملعب حاتسيبه لمين يعني

ياسكر بنى !!
القلب مايريد سواكم والملعب لن اتركه ولو على نقالة
وخدامكم دائما
محمد جلال