منتديات ليلاس - رأيكم في المرأة التي تصرف على الرجل

منتديات ليلاس (https://www.liilas.com/vb3/)

- الحوار الجاد (https://www.liilas.com/vb3/f35/)

- - رأيكم في المرأة التي تصرف على الرجل (https://www.liilas.com/vb3/t70708.html)

اقتباس:

المشاركة الأصلية كتبت بواسطة beautyfofo (المشاركة 1236786)

و الله موضوع حلو فيوليف
و بيحصل كتير حوالينا
و انا اعرف واحدة حالتها كده لا و جوزها كمان بيتخانق معاها علشان ثمن السجاير بتاعته
لا و كمان هى بتصرف على امه و هى مخلفة منه حوالى اربع
يعنى صحتها كلها ضايعة عليهم كلهم بما فيهم هو نفسه

انا راى ان و احد بالشكل ده يبقى انسان استغلالى
وان من الاحسن ان يكون فى انفصال لانه كده كده هو ملهوش لازمة فى حياتهم
كمان هو ميعرفش حاجة عن دينه لو كان مسلم
لان الرسول أوصى بالنساء خير فى خطبة الوداع
مشكورة فيوليف
:flowers2:

العفو يا فوفو
كتير من الناس حوالينا حالهم بقى كده

و فعلا الراجل من النوع داه يبقى مش راجل و انسان
جشع و استغلالي خسارة فيه واحدة زيها
اللهم صلي وسلم على نبينا محمد
كلامه درر وداه كله حكم من ربنا سبحانه و تعالى

جزاكِ الله ألف خير على ردك الجميل يا فوفو

أهلا metvirus
وجهة نظر من الشباب ههههههههه

اقتباس:

vueleve
ازيك
موضوع كبير كبير يعني
عشان محتاج نوع خاص من المحايدة
ولو اني مش فاهم انتي عايزة رأي في المرأة دي ولا في الحكاية عموما
رأيي .. ان المرأة لما " تساعد " زوجها عموما دا مش نوع من التضحية
بس لما تكون المساعدة من اي نوع ؟
يعني لما تقوم بوظيفتها كزوجة أولا وكأم ثانيا كدة يبقى بترضي ربنا ونبينا محمد عليه الصلاة والسلام
اما لو كانت بتشتغل عشان تساعد على مصروفات البيت فده شيء زيادة من عندها تشكر عليه اكيد بس لو في حالة انها مش هتقصر في وظيقتها الأساسية كزوجة وأم , اما لو بتشتغل عشان مصاريف الميك اب والهدوم والحاجات دي فده موضوع تاني ما علينا بيه :)

في دي النقطة معاك حق يعني المساعدة في الصرف على البيت ممكنة
و حتى لو بتشتغل علشان تجيب لها الكماليات بتاعتها كمان داه شيء عادي
بس أهم حاجة بدون تقصير في واجباتها كزوجة و أم

اقتباس:

اما لو بتقولي انها بتصرف على زوجها وهو مالوش اي دور غير الي انتي اتكلمتي فيه
فهو طبعا كدة .. مش راجل

هي دي النقطة اللي بقول عليها
و طبعا زي ما بتقول مش راجل فعلا

اقتباس:

رأيي في النهاية ان الزوجة مفروض ما تشتغلش
بيتها اولى من اي فلوس هي تجيبها , وعلشان ما يبقاش في اي مجال نقول فيه " بتصرف "
لأن دي وظيفة الراجل , فمن قديم الأزل والراجل في الشغل والست في البيت

طيب كمان حلو الرأي داه
فعلا وظيفة المرأة الأساسية هي رعاية بيتها و أولادها
بس داه مايمنع انها تساعد كمان في مصاريف البيت لو الزوج مش قادر
يوفر كل احتياجات البيت بما إننا في العصر الحديث و كترت الطلبات للأسرة
و كمان وجهة نظرك كويسة بس لو الكل بيطبقها

اقتباس:

محدش يزعل .. واكيد في آراء تانية كتير
شكرا Vueleve
معلش طولت شوية
وبعدين ايه الرقة الي في الصورة الرمزية دي
كدة وردة المنتدى مش محقق المنتدى
هزار طبعا .. حلوة والله و التوقيع كمان تحفة

أكيد ماحدش راح يزعل هنا حوار مفتوح
و كل واحد له حق يقول وجهة نظره
و شكرا على رأيك في الصورة
ما هو الكل اليومين دي بيعلقوا عليها هي و التوقيع
هههههههههههههه

اقتباس:

المشاركة الأصلية كتبت بواسطة همس الطيور (المشاركة 1237004)

أممممممممممممممممم

أنا اصلا مش مع عمل المرأة الا للضرورة فقط

محدش يفهم غلط

للضرورة اه تشتغل

لكن زوجها بيشتغل وهما عايزين يزودوا الدخل

لا دي مسأله تانيه هي اللي تتحملها

همس الطيور ايه الرأي الجامد داه ههههههه
صحيح هو عمل المرأة غالبا مش محبب إلا للضرورة
و الضرورة تبيح المحظورات
و بالنسبة لحكاية هي بتشتغل علشان تزود الدخل
هي صح تتحملها بس كمان هي بتحاول تسعد أولادها و ماتخلي شيء ناقصهم
أو ناقصها إذا كان راتب الزوج ما بيقضي كل الطلبات و المصاريف
بس هنا احنا بنتكلم على اللي بتشتغل طول الوقت
و زوجها قاعد يتفرج و ينام و يآكل و بس
داه كل هدفه في الحياة
ايه رأيك في الكلام داه بقى؟؟؟؟؟

اقتباس:

المشاركة الأصلية كتبت بواسطة ام عمرو (المشاركة 1237344)

اولا وحشتينى يا فيفى
حاسه انى متكلمتش معاكى من زمان
اما بالنسبة لموضوعك للاسف موجودة النوعية دى كتير فى الزمان العجيب الغريب ده اللى
احنا عايشبنة
المراة تكون قايمة بدور الزوج والزوجة
يعنى الزوج مالوش اى دور
طيب ايه لازمته؟
انا من رايي لو الزوج من النوعيه دى تسيبه
اريح واوفر كمان ههه
لان النوعيه دى ممكن بعد دا كله تكون زوجته مش عجباه
وكمان ممكن يتجوز عليها"بجاحة"
وكمان هيكون قدوة سيئة للاولاد
اما لو كانو هما الاتنين بيشتغلو
يبقى هيكون فيه تعاون جوه وبرة البيت
موضوع حلو
تسلم ايدك

أهلا ام عمرو و أنتِ كمان وحشاني
و من زمان ما شفتكيش ههههه
بصراحة رأيك ما عليه كلام ابدا :lol::lol::lol:
وانتِ خير من يحكم بما أنك زوجة و أم

فعلا الزوج من النوع داه ماليش لازمة و زي ما قلتي
يكون احسن لو تتطلق منه
و لو مش عايز يطلق يبقى تخلع منه
أما لو كانت هي راضية على اللي بيحصل
تستاهل خليها تآخد على دماغها

شكرا ليكِ يا أم عمرو على ردك الرائع

حجـــز لي مقعد ولي عودة بإذن الله^_^