|
ضياع في معاني الحب الخاطئة
"اوف مابغيت اوصل "
قلتها بقلبي اول ماوصلت لعشقي.. مدرستي ،نزلت من السيارة.. وبخطوات سريعة ...اتجهت لباب المدرسة واول مادخلت وجهت نظراتي لمكانها الي كله تقعد فيه دورت عليها مالقيتها! اوف اكيد ويا الزفتة" شهد" كملت.... وانا بطريجي لصفي شفت شي كل يوم اجوفه بس مو قادرة اتعود عليه وكل ما اجوفه احس قلبي يتقطع واتمنى موتي قبل لا اجوفه جفت توتو لامة بنية يعني مومع "شهد"غريبة!!بس حتى لو لازم ماتسلم على احد غيري تخيلت روحي مكان البنية..... آآه متى تحس فيني بس مابينت لها ومشيت بدون لا طالعها صارت حركاتها مكشوفة تبي تحرني وتقطع قلبي والله لراويج منو انا وصلت صفي شفت البنات واقفين عند الدريشة قلت: هاي ردو علي :هايات حطيت جنطتي وقعدت" بدفعج الثمن غالي يا توتو" :سماء "اوف هاي شتبي الحين اكره احد يقطع علي تفكيري بحبي" سماء:هلا ريم: حليتي واجب العربي سماء: جن اي ريم:انزين عادي انقله؟؟؟ سماء: عادي بس مالي شغل اذا في شي غلط ريم:ما صدق سماء تغلط بالعربي سماء:اي ليش انا مو بشر ريم:اقول لا تضعين السالفة ويبي الدفتر "طلعت الدفتر من الجنطة وعطيتها ياه" سماء:مالي شغل اذا مافهمتي على خطي ريم:انزين والا بدخلة غلا وفرح:هاي رديت:هايات جافو الدفتر بايد ريم وطبعا محد حاله فيهم فخذوه ونقلو والله لو درت الابلة بتذبحني قعدنا نسولف لين طق جرس الطابور وما نزلنا الا آخر ناس ووقفنا ورا وتعلج وضحك وسوالف ومو جن طابور اول ماخلص ولا والآن مع كلمة مديرة المدرسة كل بنات المدرسة تاففو وانا اولهم لوعت جبدنا كل يوم نفس الكلام لا تكتبين على الادراج ولا على الاطوف<الجدران>لا تلعبين بالماي لا تطلعين برا بالخمس دقايق..................الخ يعني كلها سخافة وحافظينها من كثر ماتعيدها واخيرا خلصت اف رحنا الصف وكان علينا رياضيات ياكرهي لهالمادة والمشكلة ان اول حصة اف قعدت مكاني وطلعت دفتري وكتابي كان درسنا حده سهل واول مرة اقدر استوعب شي الحصة الاولى خلصت شرح وبدينا نحل مثل كل مرة خلصت اول وحدة ورحت عشان تصلح دفتري وانا قايمة جفت مي قاعتبوس مها يمكن تلقونه شي عادي يعني بنت تبوس بنت من خدها بس كان شكلهم مادري شلون مو اول مرة اجوفهم جذي دايما يلمون ويبوسون بعض والمشكلة ان ولا وحدة منهم بوية عشان تكوون الثانية ليديتها<حبيبتها> اووووووووووووووه وانا شعلي منهم حطيت دفتري ورجعت مكاني عدلت كرسي بطريقة اني اجابل فرح وريم ريم:خلصتي؟؟ سماء:اي فرح:بل عليج سماء:هي قولي ما شاء الله فرح:ما شاء الله سماء:اي جذي كملنا سوالف لين طق الجرس والمفروض علينا انجليزي بس مايت الابلة ومو من عوايدها تتاخر شكلها غايبة راحو البنات وسألو وقالو لهم غايبة طبعا نص الصف منحاش والنص الثاني مسوين ازعاج بالصف وكنا حيل مستانسين لان الابلة نادرا ماتغيب بس يافرحة ماتمت يت ابلة الانجليزي بدالها وقالت ان المس ولدت فهاذي بدرسنا بدالها اف يمكن بعد ربع ساعة طق الجرس مرت علينا جنها ساعة الحين واخيرا وبعد انتظار طويل فرصة رحت لنور ولا اجوفها يايتلي كملنا ليتحت ولا توتو رادة من الحاسوب<<حافظة جدولها>> كنت انا بنص الدري واهي نفس الشي رحت للطرف عشان ما ادعم فيها ولا تروح للطرف وفجأة حسيت بدفا وشي لازق بصدري طالعت ولا هذا راسها مادري شلون اوصف شعوري حسيت ان وودي لو اخلي راسها علي لأ كلها ابيها لامتني مثل ما حطت رساها فجأة قامت فجأة كان ودي اقولها بليز خليج لا تقومين محتاجتج ابيج تلميني وابقى بحضج على طول بس راحت قبل ما اقول شي وحتى لو ماراحت ماكنت رح اقدر اقولها شي لاني استحي منها امبيه حده فشلة نور:ترا متعمدة سماء:ها نور:اقول ترا توتو متعمدة طاحت عليج سماء:اي ادري التفت ورا ولا توتو توها واصلة فوق وقاعتلتف لورا واهي مبتسمة بس انا ما ابتسمت وعطيتها نظرة احتقار وكره عكس الي بقلبي مادري ليش سويت جذي ولا مرة ابتسمتلي ورديت الابتسامة كله اعطيها نظرات جذي يمكن لانها تقهرني لما تلم بنات غيري جدامي بدون لا تراعي مشاعري مادري متى وصلنا المكان اي كله نقعد فيه وجفنا فجر وزهراء هناك قلنا:هاي وقعدنا فجر:سموي طافج ابلة هيا عطتني ورقة مكتوب فيها احبج وايد سماء:شلون؟؟؟ومتى؟؟؟ووين؟؟؟ فجر:انتي امس مو عطيتيها الدفتر؟؟ سماء:اي فجر:كتبتلها فيه قوليلي احبج جان تحط ورقة داخله كاتبة فيها احبج واايد سماء:الله وناسة وااااااي حظج شخباري ابلة زهراء واماني حدي ولهت عليهم فجر:اي شخباري اقول ليلحين تحبينهم سماء:قتلج انا احبهم مثل خواتي مو نفسج انتي وهيا فجر:علينا مثل خواتي اعترفي انج معجبة فيهم سماء:لو معجبة جان قلت مو خايفة منج فجر:شفيج زعلتي اتغشمر معاج سماء:مازعلت نور:اموت واعرف عن شنو تتحجون سماء:قاعتقولي ان ابلة هيا عطتها ورقة مكتوب عليها احبج واايد نور:صج مبروك فجر:الله يبارك فيج سماء:اقول زهور شخبار ابلة سارة زهراء:وييييييييي شخباري خلاص كرهتها سماء:متى زهراء:من زمان سماء:احسن كملنا سوالف لين طق الجرس وكان علينا عربي دخلت الصف ولاريم وغلا وفرح قاعدين رحت لهم ريم:شنوعلينا سماء:حبيبتج ابلة مريم ريم:جب دخلت الابلة جان اطالع ريم ونضحك رحنا لمكانا واحنا قاعنعلق على لبسها اهي استغفر الله متينة وتلبس لبس مايصلح لها يصلح للرشيقات المهم مابي ناخذ اثمها سلمت علينا وردينا السلام وبدت الابلة تشرح والي تسولف والي ترسم والي تحل الواجب وجم بنية منتبهين منهم "انا" الحصة الوحيدة الي ماسرح فيها حصة العربي وابلة زهراء واماني سبب حبي للعربي "ريم "و"لولو" قاعدين يسولفون مع بعض وحدة تكتب عالدفتر شي والثانية ترد عليها على نفس الدفتر << سماء قاعدة بالمجموعة الي بالنص ثاني درج على اليسار واذا رجعنا ورا بنجوف بنتين كل وحدة ماسكة ايد الثانية واطايحين تغول ببعض وماهمهم البنات الي قاعدين ولا الابلة الي قاعدة تشرح :بس حياتي جوفي البنات قاعدين يطالعنوننا :وانا شعلي منهم كيفي حبيبتي وقاعدة معاها اهما شكو؟؟ "اول ما مرت الابلة يمنا سحبت ايدي بسرعة وسويت روحي قاعدة اكتب" نرجع لسماء خلصت حصة العربي بسرعة مادري يمكن لاني احبها واستانس بكل لحظة فيها وما احس بالوقت واول مادشت ابلة الاجتماعيات سرحت.... :سماء سماء:نعم الابلة:شنو نعم جاوبي سماء:عادي تعيدين السؤال؟ عادته الابلة وبعدين طق الجرس مر باقي اليوم عادي وطق جرس الهدة<الانصراف> وطلعت وقفت بالمكان الي متعودة اوقف فيه ولقيت فجر رحت لها سماء: هاي فجر:هايات ولا بطلعة ابلة هيا من المدرسة فجر:واااااااااااااي فديتها تينن سماء:الحمد لله والشكر الله يهديج<<مو جن انا مثلها>> فجر:ابوي يا يلا باي سماء:حتى سايقنا كاهو يلا باي اتجهت للسيارة بخطوات بطيئة عكس لما طلعت منها المهم ركبت و قطيت جنطتي سرحت بافكاري لين قطعها صوت المزعج اخوي سماء سماء رديت:اف شتبي؟ قال:اليوم تهاوشت مع فلان سماء:شسوي ارقص؟؟ :لا قاعتكلم من صجي وعطوني استدعاء ولي امر قلت باستهزاء:شاطر :مارح اعطي حق امي بشقه :رح افتن عليك :أف سخيفة قربنا من ثنوية اختي ومثل كل يوم عدلت شكلي وقربت من الدريشة عشان اشوف "حصة" بس للاسف طلعت مو موجودة خذينا اختي وكملنا واخيرا وصلنا الجحيم قصدي البيت بدلت وصليت وقعدت على اللاب توب فتحت على الروايات لمتابعتها لما اذن العصر صليت وقعدت وامي تقولي ماتبين غدا قتلها بعدين وكملت قرايه هذا يومي صلاة وقراية واذا يعت<جعت>آكل صار بليل رحت لفراشي قريت الاذكار وانا منسدحة افكر بتوتو وشسوي معاها واتخيل المواقف الي بتصيرلي معاها باجر<باكر او بكرا> بعدين فكرت بحصة وشلون بوصل لها امممممممم آخذ رقمها ولا ايميلها بس شلون ومن منو روان ما اعتقد عندها ياه وحتى لو عندها ما اعتقد تعطيني ياه اف وانا ما اعرف احد بالمدرسة غير روان وجم بنية ما عندهم ياه اف بس مالي شغل لازم اكلمها واقولها اني احبها..... :سماء قومي صلي الفير :انزين قايمة وبعد نص ساعة قمت صليت وقعدت اختي اف يلا قومي روان قومي روان كيفج رح انام واذا صارت قضاء مالي شغل فيج قامت اختي صلت وانا رحت بنومة كنا قاعدين بصالة الالعاب شفت توتو منسدحة على مرتبة كبير<احنا نسمينها مرتبة نسوي عليها دحرجة امامية وخلفية وحركات ثانية بدل مانسويها عالارض صايرة نفس الاسفننج>رحت لها وانسدحت يا راسي على صدرها ومديت لها ايدي وسلمت بس مابستها وكان ودي ابوسها بعدين مادري ليش قمت نادتني ابلة العربي رحت لها الا توتو تقولي تعالي بحاجيج بس ابلة مريم قالت ماعليج منها وتعالي معاي :سماء سماء يلا ريوقج<فطورج> صار قومي "اف كنت بعرف شنو كانت تبي مني الابلة بالحلم " :يلا قمت قمت غسلت وتريقت بعدين رحت ابدل لبست هدوم المدرسة حطيت كريم بادي وويهي <وجهي> تعطرت وحطيت ماسكرا لبست حجابي <الي لو مو لابسته احسن> ترا اهو مافي شي بس مطلعة رقبتي شوي لبست جاكيتي فوق هدوم المدرسة الضيقة والمخصرة طالعت روحي بالمنظرة وتأكدت ان شكلي اوكي طلعت من الغرفة خلصو اخواني وركبنا السيارة اف الوقت يمر بطيء واخيرا وصلنا الثنوية نزلت اختي وقعدت تعدل هدومها بكل برود بعدين سكرت الباب كملنا اف اكره الاشارة هذي لازم تطول ياربي الساعة 7وربع وانا ليلحين ماوصلت صارت خضرا وصلت المدرسة وشفت سيارة حبي جدامي غريبة اليوم واصلة متأخر وناسة غيرت جنطتها وصارت نفس جنطتي من قدي طالعتها بطرف عيني وكملت طريجي<طريقي>لصفي شفت غلا اهي مو بوية بس اخوانها كل صبيان بس تكلم عادي وماتخشن صوتها شقول اف يعني اهي مو بنوتة بنوتة ولا بوية بنية عادية يمكن عشان جذي احس روحي اميل لها سويت روحي مو شايفتها وكملت....................................................... ............................................................ . الباجي ان شاء الله الاسبوع الياي |
ماشاءالله قصتج روووووعة
عجبتني البدايه .. سما تعيش اضطراب نفسي .. مرة تميل لوحدة يعني الحين انا مافهمت هي الحين تحب توتو ولا غلا ولا حصه؟ مسكينه هي ماتلاقي الحب بين اهلها تدور عليه مع الغير بس فعلا في بنات جذي فالمجتمعات .. بس تحب بنت! وهي بنت؟! .. صج ان النفوس تغيرت .. مشكووووووووورة ياحلوة بارت اروع من الروعه بانتظار الباجي تقبلي مروري دانة |
اقتباس:
|
احم شكرا انزين الغاليه بغيت اسأل نظام القصه اسبوعي؟ .. يعني اقصد في يوم معين لتنزيل البارت الثاني؟
ترى تحمسسسسسسست وابغي اقرا التكمله السموحة ع الازعاج بس حبيت اعرف |
اقتباس:
لا عادي مافيها ازعاج ولا شي اخذي راحتج والحين بنزل بارت لعيونج |
كملت طريجي<طريقي>لصفي شفت غلا.. اهي مو بوية بس.. اخوانها كل صبيان بس تكلم عادي... وماتخشن صوتها... شقول؟ اف.. يعني اهي مو بنوتة بنوتة ولا بوية بنية عادية ....يمكن عشان جذي احس روحي اميل لها سويت روحي مو شايفتها وكملت واهي مشت وراي احسن تستاهل محد قالها تقعد ويا الدلوعة مريم وتهدني<تتركني>
نقزت من مكاني على صرخة "توتو" التفت وراي شفت توتو لامة<ضامة>"شهد" الحيوانة قهرتني ودي اذبحها يعني بترد حركتي امس لما حقرتها وصلت الصف وبعدي بدقيتين تقريبا وصلت غلا :هاي فرح ردت:هايات ويتلي<جتلي> وهي مادة ايدها يعني بتلمني "انا ماحب الم احد وكذا مرة حاولت بنية تلمني... يا اسوي روحي مو جايفتها او اغير الموضوع المهم... ماتلمني مادري ليش اسوي جذي بس بقلبي ودي المها" ((شهاليوم الي كله ورطات!)) سويت روحي ...مو جايفتها وكملت.... حطيت جنطتي.... وقعدت.. وجن ماسويت شي جان تي <تجي> وويها <ووجها> احمر.. مسكينة..احرجتها بس شسوي؟؟ ماقدر اغير طبعي عشانها فكرت باي سؤال يكسر الصمت الي بيننا جان اقول: درستي؟ :اي صح ابيج تفهميني مسألة :والله ماعرف افهم يت فاطمة قوليلها تفهمج(فاطمة اشطر وحدة بالصف) طق جرس الطابور ونزلنا آخر ناس... انا وغلاوفرح وريم واقفين مرة مثل كل مرة واخيرا خلص رحنا صفوفنا دخلت اول وحدة الصف اليوم اول حصة انجليزي والمس غايبة الله وناسة(( نسيت اقولكم اني مجلس طالبات فرحت عند الاخصائية الاجتماعية)) ولا تقولي اروح الصف الفلاني.. ويافرحتي ...هذا صف توتو.. قالتلي: انادي فلانة الي اهي توتو انا سمعت.. الاسم ..خذيت الورقة الي فيها اسمها... وطيران لصفها .. بس قبل مادش الصف عدلت شكلي بسرعة طقيت.. الباب.. ودشيت... وبصوت كله دلع ونعومة:ابلة الاخصائية تبي "فلانة" الي اهي" توتو" انا.. اطالعها.. واهي.. تبتسم.. الابلة:بعد الحصة. وبدلع اكثر:ابلة تبيها الحين ضروري ((بعد الدلع صارت ابلا تبييها ضروريي والراء رقيقة)) :اوكي بسرعة. يت عندي ..جان ..اعطيها.. الورقة.. ولا ايدي.. تلمس.. ايدها.... انا خلاص ذبت ..دقيقة زيادة ويغمى علي.... جان اوخر ايدي بسرعة وامشي لحقتني وبصوت كله خشونة:شتبي فيني الزفتة؟؟ طبعا بدلع قلت:مادري بس قالت اناديج يت يمي ومشينا.. حسيت ان ودي امسك ايدها.. كل ما امد ايدي استحي وارجعها وعقلي مو معاي.. وماحسيت بروحي الا عند الاخصائية دشينا وعطتها الاخصائية استعداء ولي امر وزفتها وراحت تابعتها بنظراتي لين طلعت و..طلع ...قلبي معاها سولفت شوي مع الاخصائية وبعدين طق الجرس ورجعت الصف "اول مرة ابلة الرياضيات تتاخر شسالفة!!" اول ماقلت جذي طبعا بقلبي الا الابلة تدخل مالت علي لو مو متكلمة احسن الدرس كان ممل وينيم بس ماقدر انام لاني قاعدة ثاني وحدة وبالوسط فالهبلة قصدي الابلة رح تشوفني اف انا الغبية الي قعدت جدام خلاص السنة الياية<الجاية>رح اقعد آخر وحدة اي صح نسيت اقولكم اني بثامن سماء سماء :ها ريم:الابلة تناديج :نعم؟ الابلة حلي المسالة عبالها بتصيدني بس هين انا اراويج منو سماء كانت المسالة سخيفة حليتها وطالعتها بنظرة انتصار جان تقول واهي منقهرة:اعدي (قعدي) قعدت مكاني وكملت تفكير بالموقف الي صار اليوم وانا اطلع ايدي مادري بس احس ايدي احلوت بعد مامسكتها طق جرس الفرصة رحت عند نور لقيتها يايتلي <جايتلي> رحنا المقصف عشان نشتري اكل دشينا ولا الحرب العالمية داخل البنات كل وحدة تدز الثانية عشان تشتري قبل قتلها:اقول نرجع احسن :اي والله مابي <مابغى>اموت عشان اكل طلعنا والا فجر وزهراء بويهنا قلت:اذا بتموتون دشو فجر:ليش قلت:الحرب المدرسية الاولى داخل قالت:كل شي عشان ابلة هيا يهون قلت:وابلة هيا شكو؟؟ قالت:كرشتني اشتريلها نور:اوكي احنا ننطرج عند القسم مانبي نموت ضحكت وقالت:اوكي رحنا غرفة العربي وبعد شوي يو زهراء وفجر وعطو ابلة هيا اكلها فجر:سموي بليز سألأيه خلصت من الدفتر ولا لأ؟ سماء:عيلل نور تعالي معاي اخاف تحط حرتها فيني نور:اوكي امشي دشينا داخل ورحنا لمكتبها :ابلة خلصتي من الدفتر؟؟ :حبيبتي تعالي الفرصة الثانية سماء:اوكي طلعنا برة جان اقول:اول مرة ما تعصب لا وقالتلي حبيبتي فجر:سموي يالحيوانة سماء:حرة قالتلي حبيبتي فجر:بس جب ترا والله حدي منقهرة شكو تقولج حبيبتي نور:انتي صج مينونة اي صح ترا اهي علينا بعد الفرصة فجر:خلاص عيل بنطرها لين تطلع وآخذ اغراضها زهراء:ابي افهم ليش ما تدشين داخل وتاخذين الاغراض فجر:فشلة سماء:الحمد لله والشكر تررررررررررررررررررررررررررررن<<يعني صوت الجرس>> رحنا انا ونور وفجر وزهراء تمو واقفين ينطرون هيا قصدي ابلة هيا رحت صفي وكملت نور لصفها اف اليوم صج نحس علينا عربي وناسية احل الواجب اول مرة بحياتي كل من الروايات بس الروايات اهم من العربي شبتسوي بتزف ختزف بتوقف عادي مايهمني يت<جت>الابلة سلمت وقالت:الي مو حاله الواجب توقف شسوي؟؟ مابي اوقف واخاف ماوقف وتمر وتلقاني مو حالته مو " قتلكم اليوم نحس" ريم ولولو وقفو.. جان اوقف خذت الزفتة او الابلة الاسامي ولما وصلت عندي... :ما توقعتج جذي يا سماء توقعتج شاطرة ولا خربوج بعض الناس وطالعت ريم "اف الابلات يكبرون السالفة مادري ليش الحين اي وحدة ماتحل الواجب تصير مو شاطرة ولازم احد مخربها والمسكينة ريم طلعت اهي لمخربتني" :ابلة اسفة هذي آخر مرة الزفتة حقرتني وكملت شرح اول مرة احقد على ابلة عربي هالكثر وعناد فيها ما كتبت ولا شي ولا شاركت عيل انا تزفني بعد مادري جم سنة طق الجرس واخيرا طق الحين الله يسلمكم علينا دين مسكينة هالابلة تكسر الخاطر صج انها صغيرة بس مخرفة يعني بنية ماسمعت تقولها سمعت وتحلف لها تصدق والي تسمع تقولها عيدي تنسى ان سمعت لها دخلت والبنات نصهم برا الصف سوالف وضحك جن مافي ابلة وبعد مادري جم صرخة وتهديد دخلو ومسوين ديوانية ورا طبعا صارخت وايد بس معطينها طاف ومكملين سوالف سمعو البنات لمومسمعين طبعا بالغش يكتبون بالسبورة او اللوحة الاحاديث بالمعرب والقرآن بالعربي واهي ماتدري عن شي صج مقصة طق الجرس واخيرا امممممم اممممممم اف علينا امممممم اي صح العاب هذي الله يسلمكم اخيس حصة عندي والابلة حاقدة علي من سابع وانا مو لابسة والاخصائية طالعة اف وينج يا ابلة"اماني" لما كانت عندنا كانت تطلعني من الورطات. رحنا صالة الالعاب والزفتة نادت الاسامي :سماء :مو لابسة ليش؟؟ :قصدي لابسة ومقدر العب :ليش ان شا الله؟؟ :امم علي ال...........(اتوقع عرفتوها) :شنو حلاو اهي اربع وعشرين ساعة عليج قومي لبسي :ماقدر العب وانا ماقلت اربع وعشرين ساعة علي :مو بكيفج ويلا قومي لبسي :قتلج ماقدر ورحت وخليتها :سماء روحي اوقفي عالطوفة تافافت بصوت عالي ورحت اوقف البنات يطالعوني مستغربين شلون عاندت هالابلة لانهم يعرفوني هادية وما اتكلم وفجأة طلعلي لسان صج مساكين تميت واقفة طول الحصة ما يحتاج اقولكم ان ريولي<رجولي>تكسرت الله يكسر ريولها طق الجرس وطلعت جني سمعتها نادتني؟ بطقاق الي يطقها عيل انا سموي الحلوة توقفني صعدت فوق لقيت نور وفجر وزهور نازلين رحت لهم بعدين رحنا المقصف وما كان واايد زحمة شرينا بعدين قعدنا وكلينا ومر اليوم سخييييييف حده ومافي داعي اقوله رجعت البيت كالعادة بدلت صليت لاب توب وبما اني الحين فاضية ومحد بقاطعني رح اعرفكم على نفسي انا سماء بالصف الثامن حبيت توتو السنة لطافت و قبلها حبيت وحدة بس الحين كرهتها وبعد توتو حبيت ابلة زهراء عشان اشغل روحي عن توتو بس للاسف ما قدرت اما ابلة اماني فاهي غير ما حبيتها مثل توتو والباجي لأ جن اختي واعز كانت حيل تهتم فينا وتشجعنا اذا زفتنا بالامتحان وتغشمر معانا وتونسنا اذا كنا زعلانين اما عن اهلي فابوي متزوج ثنتين قبل امي اول وحدة يابت منه بنتين وحدة عمرها 47 والثانية 51بعدين طلقها والثانية موجودة وعندها 3 صبيان واحد 46 والثاني 44 والثالث 41 و3 بنات مادري جم اعمارهم بالظبط اممم وحدة فوق الاربعين والثانية بآخر الثلاثينات والثالثة والوحيد الي احبها منهم عمرها 27 ابوي عمره 73........ امي....تقوم بواجبات الام على اكمل وجه بس مادري ليش ماحبها ولا ابوي ولا مرة حسيت بحنانهم ....ولا مرة حسيت ان ودي اشتكي لامي واقولها اسراري اسالها الي يدور بخاطري اقعد واسولف معاها..........الخ واما ليش انا هادية فهذا طبع فيني من وانا صغيرة احب اسرح وايد وما احب ابين الي بقلبي لاي احد حتى اعز صديقاتي بس وحدة الي اهي حصة بتعرفونها بعدي طلعت موبايلي وشغلت الاغاني يمكن الاقي غنية تعبر عن الي بقلبي ادري ان الي اسويه غلط بس شسوي ابي احد يفهمني بس للاسف ليلحين مالقيته حتى اعز صديقاتي ما يفهموني عدل اذا انا ما افهم روحي ابيهم يفهموني اف الحين شسوي؟؟؟ مابي اذل روحي لها دامها ماتبيني انا مابيها بس قلبي شسوي فيه ؟؟؟؟ اووووه الي ما يبيني مابيه وقلبي بدوس عليه كل شي الا كرامتي<مصدقة روحها الاخت كرامتي وبدوس على قلبي> بس اذا خليتها بتاخذها" شهد" مني يعني الحين اهي مو ماخذتها اصلا "توتو" معجبة" بشهد" وتحبها اكثر منج امبلا تحبني مريم قالت((مريم صديقة توتو واهي الي قالت لتوتو اني احبها وقالتلي ان توتو تحبني)) الحين انتي صدقتيها اصلا لو تحبج ما هدتج وراحت لشهد انزين ماتحبني وانا احبها شسوي اذبح روحي اف خلاص راسي بينفجر اصدق قلبي ولا عقلي؟؟؟ يا ربي ساعدني اذن المغرب رحت صليت ورجعت افكر وبالنهاية انتصر قلبي على عقلي مادري لي متى بظل على هالحالة قمت ورحت لاخواني من زمان مو قاعدة معاهم((عندي اخوين اصغر مني يموتون علي لاني اسمعهم والعب معاهم بس انا ماحب احد حتى امي وابوي ماحبهم عادي)) قعدت معاهم ساعة تقريبا ورحت للاب توب اشتقت له وايد صارلي 5 ساعات مو قاعدة عليه مادري ليش حسيت ان ودي اكتب شعر او خاطرة اعبر فيها عن الي بقلبي فكتبت: مدري وش فيني انا والدموع اصدقاء ابكي بنهاري وابكي يليلي الابتسامة والفرح صارو اعداء والحزن والكآبة مرافقيني مثل ظلي ازعل على اتفه الاسباب بدون ماعرف سبب زعلي ابكي واضحك كاني مجنونة حتى المجنون ما وصل حالي احس روحي شوي ارتحت آآه متى يصير يوم الاحد واشوفها مهما سوت فيني بتم احبها مو بكيفي الساعة 2 بليل قمت عن اللاب توب صليت العشا ونمت.......... ماشية بالمدرسة ولا مها بويهي جان اسلم عليها وابوسها والمها بعدين راحت وسمعت صوت هذا الصوت مدري وين سامعته هذي مو جن امي؟؟ :سماء يلا قومي صلي الفير :اممممممم :سماء قومي :انزين قمت قمت وانا مغمضة وعين ومبطلة الثانية دعمت بالباب وطحت بالارض نمت قمت على صوت اختي :سماء قومي صلي :اممممممممممم :يلا قومي بعدين ليش نايمة بالارض "استوعبت اني ليلحين بالارض وما صليت" :قمت وانا افرك عيوني عدل عشان ما اطيح او ادعم بشي صليت ودعيت ربي ان توتو تحبني وتقرب مني استغفر الله ادري ان الله مارح يستجيب دعائي لان غلط ومافي الخير لي بس اوهم روحي ان ربي بيستجيب دعائي وبيوم من الايام توتو بتحبني رحت ونمت وانا افكر ان توتو بتحبني................ قعدت اليوم الثاني الساعة11 اول مرة اقعد مبجر غسلت وتريقت<فطرت>لما خلصت قعدت اطالع ايدي يتلي الرجفة ((اول مرة يتلي الرجفة السنة الي طافت بداية حبي لتوتو وكنت مشتركة في الاذاعة وكانت توقف اول وحدة عشان تطالعني وان ايدي ترجف والكلام بلغصب يطلع مني رحت الطبيب سولي تحاليل وطلع مافيني شي والمشكلة نفسية مارضو يودوني طبيب نفسي والرجفة كل مالها وتزيد)) اف متى تخلص؟؟؟ هذي قاعدة تزيد لازم اقول لامي :يما شنو قالتلج الطبيبة لما رحنا لها عشان الرجفة؟؟ :قالت ان مافي سبب عضوي يسويها :عيل ليش تيني؟؟؟ :مادري تقول قلق :بس اليوم اول ماقعدت من النوم لقيت ايدي ترجف :حسب تفكيرج :لما قعدت من النوم يعني مو مفكرة بشي حقرتني وراحت ((وانا ارجف من نظرات" حبي" لان نظراتها مو عادية مادري شلون افسر نظراتها جن بتاكلني وما تنزل عينها من علي احسها مو نظرات بنت لبنت الا نظرات صبي لبنت اف مادري شقول بس هذا الي احسه)) |
يعني الحين توتي بويه؟
سماء مسكينه احس حالتها النفسيه والتفكك الاسري بيضيعها .. كسرت خاطري .. يعني جد الي فاقد الرابط الاسري يضيع بالدنيا .. مسكين ياسما ماتدرين شمخبيه لج الدنيا .. بس معقوله في بنيه بكبرها للحين ماراح الثالث الاعدادي وجذي تفكيرها؟ والله انا كنت خبر خير بالاعداديه ولا اعرف شي ههههههههههههههه والله زمن! صج لي قالو النفوس تتغير مشكورة ع البارت الرااااااائع وبانتظار اليديد من مذكرات سما دانة |
اقتباس:
العفو |
مرت باجي الايام عادي وصار يوم الاحد
قعدت الساعة 6 صليت.. وتريقت... بعدين بدلت وحطيت ماسكرا وجلوس.. لبست حجابي.. تاكدت ان شكلي اوكي وطلعت.... ركبت السيارة.. وانا كلي شوق اروح المدرسة... واكحل عيني بشوفتها واخيرا وصلت المدرسة...... كالعادة اول ماوصلت... دورت عليها.. بس.. مالقيتها كملت لصفي ..شفت فرح رايحة الصف.. بس الحمد لله... ما انتبهت علي وصلت صفي.. لقيت غلا.. وجم بنية والادراج مو بمكانها.. "اف" مالي خلق ادور درجي..قطيت جنطتي بالارض ... ورحت لغلا.. وفرح.. سولفنا شوي بعدين.. يت ريم ومريم وبنات وحلوت القعدة طق الجرس رحنا الطابور كالعادة آخر ناس خلص الطابور... واول مرة.. مافي كلمة المديرة... رحنا صفوفنا.. واول حصة رياضيات... والادراج مخربطة ..نص الحصة.. بس.. نرتب الادراج والباجي درس ينوم كالعادة خلصت الحصة والي وراها عربي دخلت الابلة سلمت وبدت الدرس واول مرة نخلص بسرعة وباجي الحصة تشرحلنا الي مو فاهمينا ريم سالتها سؤال مادري شنو اهو الابلة:شوفي ريما............وكملت انا طالعت ريم و مت من الضحك جان ريم تضحك الابلة:خلاص حبيبتي ريم:اي خلاص وطول الحصة وانا اعلق على ريم صارت الفرصة رحت مع نور عند العلوم لان في اوراق ناقصينا بعدين قعدنا نسولف لين طق الجرس كملنا سوالفنا واحنا ماشيين وقفنا عند باب صفي ونور قاعتكمل سالفتها قالت نور باي ييت برد ولا.. بنية حيل قريبة مني... وماسكتني ..عشان بتمر.. لان كان زحمة قلت: باي بعدين استوعبت منو هالبنية"واعتقد انكم عرفتوها" دشيت الصف.. وانا متخدرة.. يت ابلة العلوم ..وحاولت كثر ما اقدر.. اني ما اسرح لانها.. حاقدة علي... والسبب مجهول واخيرا خلصت الحصة واول مرة ما اسرح الحين علينا احتياط والمس غايبة سولفت مع ريم ولولو شوي بعدين كملت تفكيري وشلون مسكتني طالعت هدومي "اليوم بقول حق لاشمي ماتغسلهم"((لاشمي خدامتنا)) :سماء "اف هاذي شتبي لوعت جبدي كل دقيقة تناديني انا الحيوانة الي قعدت يمها" :نعم :شنو علينا ورا هالحصة؟ "الحين قاطعة علي افكاري عشان هالسؤال السخيف" :مادري شوفي الجدول كملت افكاري بدون لا احد يقاطعني مر باجي اليوم عادي وصلت البيت مبجر لان اختي ماعندها ثنوية اليوم وما شفت حبي مجهولة الاسم بدلت وصليت وماكان لي خلق اتغدى فحطيت الاغاني ونمت وانا افكر وما قعدت الا على اذان العصر صليت العصر وخطرت ببالي فكرة مينونة "بما ان عندي رقم توتو ليش ما دق واذا احد رد اسكر؟" "لا يمكن في عندهم كاشف؟؟" "لا ماعندهم يلا صيري شجاعة ودقي" "اخاف تعرف اني دقيت وبعدين تسوي فيني شي" "انتي صج غبية يعني شبتسوي فيج بطقج مثلا بعدين اهم ماعندهم كاشف يعني مارح تعرف منو دق" "انزين واذا احد رد؟؟" "سكري" اقتنعت بالفكرة ودقيت رن رنتين وسكرت وابتسمت ابتسامة نصر وانا اتخيل شكلها بترد على التلفون ولما وصلت تسكر او نايمة وقعدت من نومها عشان ترد مر باجي اليوم عادي وماصار شي اليوم وصلت مبجر لان اختي ماعندها ثنوية اول مرة.. ما اطالع مكانها.. احس روحي اكرهها.. بس.. احبها ما دري شلون!! بس هذا الي احسه وصلت الصف.. وكان فيه بنتين.. وبعد دقيقة وصلت غلا.. بعدين يت.. فرح وراحو.. يتمشون.. اهي وغلا... انا زعلت ..لان ما نادوني.. اتمشى معاهم مو اول.. مرة.. يتجاهلون وجودي معاهم... والعلة الي يمي ..لوعت جبدي بهذرتها وانا اي ..لا.. مادري.. طق الجرس... ونزلت مع فاطمة ((تذكرونها؟؟ الي قتلكم اشطر وحدة بالصف)) كل الصفوف ..واقفين عليها.. الا.. صفنا فاضي... وريم توها تيي مسكينة.. الظاهر انصدمت ان مافي احد بصفنا.. والابلة ال.......... تزفنا بعدين جدمو البنات.. وانا صرت قبل الاخيرة.. خلص الطابور.. وقالو الصف الفلاني.. يوقف مكانه.. وهذا صفنا ..الظاهر بزفونا يت الوكيلة ..وعطتنا.. تهزيئة محترمة.. وطلعت كل المخالفين.. وانا كنت حاطه صبغ على اظافري.. بس شفاف.. فما شافتني كان علينا اول حصة حاسوب رحنا المختبر وقعدت فرح.. بالنص ونادت .. غلا.. و..ريم ..وكانو الادراج" 3" رحت وقعدت ..جدامهم.. وهالمرة.. صج زعلت... لاني ييت.. قبل ريم وغلا.. بس.. مابينت لهم شي.. والابلة مخليتنا على راحتنا ...قعدنا نسولف حصتين وبعدين فرصة... رحت عند نور.. وقعدنا بنص الساحة" وحبي" وصديقاتها.. يلعبون كرة قدم وكل شوي.. تيي الكرة.. وراي.. شوي وانفلع فيها.. وتيي"توتو"تاخذها وتستعرض مهاراتها بس ماهمني وقعدت عادي :ترى رح ننفلع رديت:عادي طق الجرس ورحت الصف وعلينا احتياط والابلةغايبة طبعا نص البنات انحاشو بقى 15 دقيقة وتخلص الحصة وتوها تيي الابلة سولفت مع فاطمة شوي والعلة الي يمي بكل سالفة ترز ويها ((هذي الله يسلمكم بنية سخيفة حدي اكرهها ومن حظي الجميل انها قاعدة يمي اصلا ماحد يحبها تقريبا كل الصف يكرهها و استغفر الله لازقة فيني اذا قمت تقوم واذا قعدت تقعد واذا رحت لفرح او ريم تي لهم)) طق الجرس علينا احتياط ... يت مليون بنية تقول لنا... ان علينا احتياط بالمكتبة عطيناها طاف... وكملنا سوالف... راحو شوي بنات... وبقينا 10 بنات بالصف.. والا تيي بنية وتقول ان آخر 5 بنات يدشون يويلهم من الابلة ما مداها تخلص كلامها... الا... البنات طيران للمكتبة ...انا ماهمني ومشيت.. بكل برود ويمي دلال((يا اقعد معاها او مع ريم وغلا وفرح والظاهر مايبوني فاروح معاها احسن لي)) وصلنا المكتبة ...وقعدو "الثلاثي المرح"على طاولة.. وانا ودلال وبنتين على طاولة سولفت... ولاول مرة ضحكت وما فكرت باحد طق الجرس وعلينا امتحان عملي علوم ومثل ماتعرفون.. ان الهبلة حاقدة علي... رحت الصف خذيت اللاب كوت وطيران للمختبر......... واحنا بنص الامتحان يت ابلتنا واهي اممممممم نقدر نقول انها تقريبا مسترجلة فاول ما دخلت... المراقبة الي علينا صار ويها احمر ...ولما تكلمت معاها تكلمت بدلع انا في البداية غرت.. بس لما تذكرت انها حاقدة علي ...ما همتني انا الي يهمني وحدة بس واهي "توتو"<<<ترا الابلةعادية ومو مسترجلة والثانية تكلمت معاها عادي بس سماء عندها ان كل الناس جذي>>> يمكان تتسالون ليش ما قول اسمها واسميها "توتو" لان هذا دلعها بس محد يناديها فيه غير مريم((الوسيطة بينا)) اف هاذي شقاعدة تقول؟؟ :نعم :وقعت على ورقتج "من زينج ولا من زين توقعيج يالدلوعة" :اي راحت عند البنات تشيك اذا ما وقعت على ورقة احد طق الجرس ورحت الصف الا نور ياية وحاطه جنطتها على ظهرها وقالتلي انه بتروح البيت رحت الصف وكان فيه غلا وريم وفرح رحت لهم بعدين لولو قالت انها بتروح قسم الانجليزي وتبي احد يروح معاها قلت:انا اروح نزلنا ودت الورقة للقسم ورحنا الصف قعدت يم بنتين وسولفت معاهم وريم وغلا وفرح نزلو ولا كلفو روحهم ونادوني "اف" الحين شسوي كله من نور الي راحت البيت وخلتني بالورطة ومادري وين زهراء وفجر مرت ال10 دقايق جن 10 سنين ويو البنات كانو تقريبا 10 بنات ولاننا مخلصين المناهج نصهم منحاشين والنص الثاني راحو البيت "اف" انا الغبية الي ما قلت لامي تاخذني الثلاثي المرح عند الباب واقفين رحت لهم ولقيت دلال برة و الابلة ما يت سولفنا شوي بعدين طق الجرس وباجي اليوم احتياطات طق جرس الهدة<الانصراف> رحت للمكان الي اوقف فيه مع نور بس حضرتها راحت البيت وكان يمي بنتين بسادس اكرههم مع انهم ما سوولي شي بس لان وحدة فيهم دلوعة و"حبي" تتمشى معاها مرات هذي مو سيارتهم؟؟؟؟؟ امبلا اهي كانت مادة راسها من الدريشة وتبتسم للدلوعة انا شوي واذبحهم واتوقع انها متعمدة تبي ترفع لي ظغطي بس بينت لها ان ماهمني وكل شوي اطالعها بطرف عيني بدون لاتحس :بليز قولي منور :منور ((اسم اختها منيرة والدلوعة والي يمها صديقات اختها منيرة)) واتوقع انهم نادو اختها عشان يلفتون انتباهها جان تسوي لهم باي وتبتسم واختها نفس الشي وناظرتهم بنظرات ما عرفت افسرها بس غير نظراتها لي كانت نظراتها حب على اعجاب على مادري شنو هالبنية صج تحير التفت وراي شفت الثلاثي المرح يايين رجعت التفت جدام وكان ما شفتهم فرح راحت للسيارة اما غلا وريم نادوني اتمشى معاهم غريبة!!! زين الي تذكرو ان في وحدة اسمها سماء معاهم تمشيت معاهم وبعد شوي يا سايق ريم راحت للسيارة و تميت انا وغلا كملت جدام وجن فرح مو موجودة والا تناديني :سموي :نعم : امشي هناك شافتني مترددة :انتي من وين يون لج؟؟؟ :من هناك(وكان عكس اتجاهها) :حلفي :والله راحت بعدين لحقتها وقلت:شكلهم بيتأخرون تمشينا وكل وحدة تسأل سؤال مثل ويها بس عشان تكسر الصمت شفت سيارتنا من بعيد واول مرة ييون لي قبلها شافتني اطالع هناك جان تقول:سايقكم؟؟؟ قلت:اي يلا باي بدون ما اطالعها قالت:باي رحت للسيارة وانا افكر بالاحداث الي صارت اليوم وتذكرت ان باجر عطلة والي بعده البنات متفقين يغيبون لان مخلصين المناهج وما علينا امتحان يعني ما رح اشوفها يومين يعني 48 ساعة لا ما اقدر اليوم ماشبعت منها وصلت البيت وانا افكر شلون بقعد يومين بدونها وملقيت غير امي بويهي قلت:هاي حقرتني وراحت اف فهمنا امي بس مو تحقرني مرو اليومين وكانهم سنتين اليوم الخميس قمت الساعة خمس ونص وانا حاسة بنشاط بمكن عشان بشوفها رحت صليت وكان الكل نايم قعدت على اللاب توب علما تصير الساعة ست صارت ست وقعدت امي وقالتلي اقعد روان عشان الصلاة :روان قومي الساعة ست وعشر شوي وبتطلع الشمس :امممممممممم :كيفج ان ماقمتي بتصير قضاء :انزين رحت وخليتها لقيت ريوقي جاهز تريقت وبدلت بس ماحطيت شي بعيوني لان امس ملجة<خطبة>بنت اخوي فكانت عيوني مكحلة حطيت جلوس على حلجلي ولبست حجابي اختي ما عندها ثنوية واخوي الي بسادس ماعنده دوام وصلو اخوي الصغير ورجعولي رحت المدرسة دورت عليها بس مالقيتها صعدت للصف قلت يمكن اشوفها بطريجي ما شفتها حسيت روحي ببجي وصلت للصف بطلت الباب والا ما في احد اف انا ليش حظي جذي بطلت جنطتي اشوف اذا عندي شي مو حالته بس مافي شي نطرت دقيقة والا الدلوعة دينا يت اف يعني يا مافي احد يا احد ويع قعدت تسولف على راسي وانا اي لا مادري يت غلا بعدين فاطمة بعدين يو البنات طق جرس الطابور ورحنا ركض عشان ما يعاقبونا طبعا انا ما همني وقاعدة امشي ببرود وصلت الصف ووقفت آخر وحدة دورتها مالقيتها سمعت البنات يقولون ان اليوم بس ثوامن الي عليهم امتحان والباجي لا عشان جذي غايبين الحين انا قايمة مبجر عشان ما اجوفها بس شقول حظي شسوي فيه خلص الطابور بسرررعة لان كان برد رحنا الصف والمفروض علينا رسم بس خذونا الدين لان اليوم علينا امتحان قرآن نادو البنات حسب ترتيب الاسامي وصار دوري رحت للغرفة وكان في 3 كراسي قاعدين عليها البنات وفي كرسيين كبار واحد قاعدة عليه سدن((معانا بالصف بس مو وايد صديقتي)) والثاني قاعدة عليه مريم((الوسيطة بيني و"حبي")) الابلة:سماء قعدي طالعتها باستغراب وقلت:وين والا مريم تاشرلي اقعد يمها رحت وقعدت على الطرف مادري ليش حسيت ان ودي احط راسي على جتفها شفت فرح تاشرلي ان آخذ الكتاب منها لان صار دورها الحمد لله انها انقذتني ولا لو قعدت دقيقة زيادة جان حطيت راسي خذيت الكتاب ورجعت قعدت على الطرف وحاولت اشغل روحي باظافري واخيرا قامت سدن ورحت قعدت مكانها سمعت صح وماكان في ولا غلطة رحت للصف ولا يطق الجرس والبنات كلهم منحاشين ومافي بالصف غيري وزينب السخيفة وفاطمة بعدين يت فرح لانها ما تحب تنحاش من الحصص اما ريم وفرح منحاشين سولفت مع فرح لين طق الجرس رحت لنور واحنا بالطريج شفت زهراء فجر نزلنا تحت وسولفنا طق الجرس ونور عليها امتحان فراحت الصف اما زهراء وفجر وقفو يم صفي وكملنا سوالف سماء:بليز قعدو معاي صفنا كله منحاش كانو بقعدون بس ابلتهم يت شفت دلال نزلت لها وتمشينا ورحنا عند ابلة العلوم استعبطنا عليها شوي بعدين رحت للاخصائية عشان ادق على امي تيلي دقيت وقعدت عندها ولا تيي افنان((هذي بوية اذكر لما كنا بسادس اهي ما كانت جذي وكان الكل يكرهها ونعيب عليها واتوقع انها صارت جذي عشان تصير محبوبة بس ليلحين محد يحبها)) دقت على امها وكان في مكان يمي كانت بتقعد يمي بس انا فتحت ريلي زيادة راحت وقعدت على الكرسي الثاني بروحها يت ريم ودقت وقعدت يمي من الجهة الثانية سولفت معاها وافنان تطالعني بنظرات كره حقرتها وكملت سوالف يتلي بنية وقالت ان امي يت فرحت بسرعة آخذ جنطتي ورحت لامي وانا متفشلة منها تدرون ليش؟؟ لانها مو كويتية سورية بس ماخذة الجنسية وماغيرت لهجتها ولا لبسها عشان جذي البنات عبالهم اني انا سورية المهم رحت بسرعة معاها ولما سالتني عن الامتحان جاوبت بسرعة وبالكويتي وصلت السيارة تلفت يمين يسار وتأكدت ان محد شافني معاها وماصدقت متى تحركت السيارة ووخرت عن المدرسة بمسافة الحين اقدر آخذ راحتي واتحجى باللهجة الي ابيها<<سماء بالبيت تتكلم سوري حتى مع ابوها وما تعلمت تحجى كويتي الا لما دشت الروضة لان كل الي كانو يتكلمون معاها يتكلمون سوري وابوها مو دايما تجوفه واخونها من ابوها تعرفت عليهم واهي بالروضة>> رجعت البيت وتذكرت ومريم وشلون قعدت يمها والشعور الي حسيت فيه لما قعدت يمها صار يوم اليمعة<الجمعة> قعدت الساعة 1 الظهر تريقت ولقيت روان عند امي فقعدت معاهم نطالع التلفزيون بعدين صليت وقعدت على الاب توب لين المغرب لبست عشان معزومة على عيد ميلاد اخو نور الصغير شريت له هدية وصلت بيتهم وخليت الخدامة تنزل الهدية سلمت على نور وامها وقعدت شفت بنت خالتها حوراء لكله تسولفلي عنها وشفت بنات خالاتها الثانيين بس ما قعدت معاهم حطو اغاني ورقصت حوراء ما شاء الله رقصها عجيب ما نزلت عيني من عليها ولعبت شوي مع اليهال بعد شوي نور نادت حوراء يت حوراء ووقفت ورا نور ولمتها من ورا وقالت :شتبين؟ ما انتبهت شقالت نور ولا شنو ردت حوراء ومتى راحت كنت اتخيل شكلي قاعدة و"حبي" تلمني من ورا نور:تقول ما تبي تقعد هني بتقعد يم خواتها :نعم :حوراء ماتبي تقعد هني تقول تبي تقعد عند خواتها :اها ما دري ليش احس ان ام نور مو متقبلتني وانا شعلي منها انا ياية عشان نور مو عشانها كملنا وسوالف بدو الناس يروحون دقت علي امي وقالتلي انزل سلمت على نور ونزلت للسيارة والابتسامة لكانت على ويهي صارت تكشيرة وصلت البيت بدلت ونمت اليوم الثاني قعدت الساعة 12 ونص اول مرة اقعد مستانسة مع اني ما حلمت شي او ماذكر شنو الحلم تريقت وقعدت عاللاب توب صارت الساعة 3 وما كان لي نفس اتغدى فرحت داري وانسدحت عالفراش وفتحت على مذكراتي وكاتبة فيها كل موقف صارلي معاها من السنة الي طافت بس هالسنة ما قمت اكتب مادري ليش توتو احب توتو ما عجبني شعرها اليوم توتو ما حطت جل على شعرها ما عجبني لان كشة ما ادري ما ادري انا احب توتو ولا لا اقعد اسولف ويا روحي افكر ليش احبها اقول مو حلوة وبوية بس مادري في شعوري يجذبني لها واغار لو احد باسها او لمها حلمت فيها قبل شوي كنت نايمة واخيرا حلمت فيها اذكر انها يت بيتنا وحاطة صليب على رقبتها ناديتها قالت:جب قتلها:انتي حاطه صليب قالت:كيفي صفها مادري وين كرسيي فقلت حق الابلة بروح ايبلي كرسي قالت اوكي رحت صفها و قلت:في كرسي زايد وكان متروس كراسي لان نص الصف غايب قالو البنات لا مافي جان اهي تقول:امبلا في وتعدهم قالت بنية: هذيلا الكراسي حق بنات غايبين جان تاخذ كرسيها وتعطيني يا قتلها شكرا وخذيته فصلوها اليوم توتو ما يت فصلوها مسكينة نظراتها اليوم وانا اقرا بالاذاعة كانت تطالعني وتضحكلي انا شوي واضحك احس نظراتها تخرع………………………………………………………………….. |
وووووووووووووووووواااااااااوووووووو
القصه روووووووووووووووووووووعه مره اعجبتني بس استغرب من سماء لانها ماتحب امها مسكينه سماء فاقده حنان الام والاب عالعموم كملي القصه ننتظرك دلع وسلوبي ولع |
اقتباس:
مرورك الاروع عااااادي في ناس واايد جذي ماتحب اهلها اي والله مسكينة مروروك حيل حيل فرحني |
اقتباس:
مرورك الاروع عااااادي في ناس واايد جذي ماتحب اهلها اي والله مسكينة مروروج حيل حيل فرحني |
مسكينة سماء فاقده الجو الاسري تسوي كل هالاشيا لانها فاقته فبيتهم فتبغي تعوضه بأي مكان ولا ليش تتمنى اي وحدة من البنات تلمها وتحسسها بقيمتها ..
مذكرات روووووعة وبصراحة اشفق على سماء ... شكرا بانتظار القادم |
اقتباس:
مرورك الاروع العفو |
سلمت علي
اليوم حلمت فيها انها سلمت علي يعني باستني ولمتني قعدت معانا حصتين اليوم راح صفها رحلة والوكيلة ماخلتها تروح معاهم لا عندها تعهدات<انذارات>وايد فقعدت عند ابلتنا الديكور وكان علينا آخر حصتين ديكور رحت للحصة متأخرة انا ونور وزهراء وغادة قعدنا ساعة نعتذر من الابلة واهي تطالعني قعدنا على الطاولة الي كله نقعد عليها وكانت جدام مكتب الابلة واهي قاعدة يم المكتب وصايرة قبالي كانت ماسكة مقص وتقص اوراق عطتها ياهم الابلة كل ما اجاوب على الابلة تهد شغلها وتطالعني كنت قاعدة اكتب على الدفتر جان تاخذ غادة الدفتر وتراويها ياه وتقولها شوفي خطها مو زبالة جان تقول:شفيه حلو وفشلوني كل شوي يقولون شوفي حبيبتج ومادري شنو انا ويهي صار احمــــــــــــر بعدين قتلها:والله ما احبج وبقلبي اقول والله احبج جان تطالعني وتقول حق مريم البنية اعترفت بعدين يو بنات صفها من الرحلة نص الصف يا عندنا ينادونها جان تقول حق الابلة البنات يبوني بروح وارد راحت وطولت وانا الافكار توديني وتيبني ودي اذبحها اهي والدلوعات الي نادوها والا تيي وتقعد يمنا وكل ماتقول شي تطالعني طق جرس الهدة وطلعت كنا ماشين انا ونور ونسولف عنها والا اهي ومريم يطلعون من الجهة الثانية جان نور تقول:في ناس عمرهم طويل كنا نحش فيهم<نغتابهم> جان تطالعنا وتقول:منو انا؟؟ قلت:اي جان تكم علينا وتمشي جان اقوا لا موفيج بحبيبتج يتلي والشرر يتطاير من عيونها جان ترفع ايدها بتطقني وتقول:اذا عدتي هالكلام مرة ثانية وسكتت ونزلت ايدها وراحت انا خفت منها وليلحين مادري ليش سوت جذي الساعة 11ونص رحت الغرفة قريت اذكار النوم وانسدحت واول مرة انام بسرعة بس مادري ليش قعدت الساعة 1وربع حاولت انام بس ماقدرت قعدت افكر بتوتو وشنو بصير باجر بعد ما قدرت انام لين صارت الساعة 4 قمت الساعة 6ونص تريقت بسرعة و رحت ابدل ولاول مرة ماحط شي على ويهي لبست حجابي وطلعت اليوم امتحان فاينل عربي ورقة اولى فخذيت قلم الي فيه 5 الوان وحطيته بمخباتي<جيبي> لأن ما كان لي خلق اشيل مقلمة رحت السيارة واليوم كل اخواني مداومين يعني رح اتاخر وانا بالطريج مادري ليش تذكرت ابلة اماني وحسيت بضيقة وجسمي كله رجف بعد شوي راحت الضيقة مادري ليش ان صاير لها شي لا سمح الله وصلت المدرسة عدلت شكلي ونزلت بسرعة وكانت شهد جدامي وتوتو واقفة وفاتحة ايدها حق شهد وكانت زهراءوفجر يمهم لفيت ويهي بسرعة عشان ما اجوفها واهي تلمها رحت لفجر وزهراء سولفت معاهم بعدين تمشينا شوي وحاولت انساها وانسى الي شفته قبل شوي وانسى ابلة اماني طق الجرس ولقينا نور واقفة عند صفها سولفنا معاها شوي وكل وحدة راحت صفها محد من صفنا يبي يوقف جدام جان فرح تقولي:امشي معاي جدام :اوكي بس مو ترجعين وتخليني رحنا جدام وثلجنا والابلة تطالعني لاني قاعدة اتعلج خلصو الطابور بسرعة يينا بنروح والا الناظرة تكلم عطتنا محاضرة شطولها وكلها ليش تيبون موبايلاتكم ومايصير والي نلقى معاها موبايل بتتعاقب ..............الخ واخيرا خلصت رحنا صفوفنا امتحنا وخلصت بسرعة لان كان سهل وباجي الوقت افكر فيها اليوم الثاني وصلت المدرسة متأخر جفت زهراء وفجر دورت يمهم مو موجودة رحت لهم وسولفنا شوي :عادي اقعد معاكم هذا جن صوتها التفت وراي والا اهي وقاعتحاجي فجر.. تسالها اذا عادي تقعد معانا توتو:وين شهد؟؟ فجر:مادري جن مايت "حتى واهي معانا تسال عن شهد مالت عليها" سولفت معاهم ولا جنها موجودة واهي نفس شي بعدين تمشينا وكانت يمي وقفنا شوي جان اقول فجر:كتابي عند ابلة العلوم ويوم الاثنين امتحاننا متى اخذه؟؟ :الحين او بعد الامتحان :الحين؟! توتو:لا باجر حقرتها وقلت لفجر:بليز تعالي معاي شهااااااااااااااااااااااااااااد وركضت تلمها صج اني منقهرة بس بينت ان ماهمني ورحت آخذ كتابي بعدين رحت امتحن طبعا بدعت فيه وصلت البيت وسيدا على داري بدلت ونمت قعدت الساعة وحدة صليت الظهر وقعدت عاللاب توب وصلني مسج فتحته من:فجر اف بموت صارلي اسبوعين ماكلمتها ((زهراء مينونة بشي اسمه ابلة هيا تموت عليها وصارلها سنتين تقريبا اذكر قبل شهر كمل حبهم السنتين جان تيب هدية حقها تقول بمناسبة عيد حبنا)) رديت حمدي ربج اسبوعين انا صارلي فوق الشهرين ماكلمت ابلة منى وغيرت خطها فمارح اقدر اكلمها ردت تحبين توتو؟ دزيتلها عادي وبقلبي اقول"اموت عليها" قالت لان انا الحين صرت حيل معاها وابشرج تدخن واهي عايشة عند امها قلت شدراج؟؟ قالت اليوم يت وريحتها زقاير قتلها ليش ريحتج زقاير؟؟ قالتلي انها تدخن وافصلوها قبل جم يوم لان الخدامة جكتها وقالت للوكيلة قلت امها تدري؟؟ قالت لا ماتدري من وراها تدخن ومن فترة لي فترة قلت اتوقع يبين من اظافرها بعدين براطمها مو سودة <<<الحمد لله والشكر حتى براطمها جايفتها ومدققة فيها اذا سودة ولا لأ الله يهديها>>> قالت مادري قمت من اللاب توب وانا منصدمة اهي تدخن وانا اقول شلون صوتها خشن يعني انا احب وحدة تدخن واذا تدخن عادي نص البنات يدخنون صح نص البنات يدخنون واهي حالها حال البنات مع اني اشك انها بنية ((توتو امها وابوها منفصلين وكانت عايشة عند ابوها ومن فترة قصيرة راحت لامها اهي ماكانت تدخن لما كانت عند ابوها بس لما صارت عند امها صارت تدخن)) |
باااارت حلوووو وطوووويل
ممممممممممم بنوتة احس الاحداث بطيئه شوي .. ياريت نشوف نقاط التحول بانتظار القادم خيتووووووووووو وبانتظار سماء ومذكراتها .. يحليلها .. دنو |
اقتباس:
ان شاء الله البارت الياي او الي بعده بتلقين نقاط تحول شكرا على المرور |
وين التكمله؟
اشتقت للشخصيات احس قصتج شريط واقعي مصور يمر جدامي ... اتحمست للتكمله.. ممكن تقولين لنا متى؟؟؟ |
اقتباس:
سوري دندون انا مجهزة البارتات من قبل والحين واصلة للثامن نسخت الفايل لفلاشي الثاني لان الاول فل بس الخامس ما انتسخ وتوني ادري فالحين قام اجوف السادس والرابع واربط بينهم بالخامس يمكن اطول ومرة ثانية سوري |
خسااااااااااارة اشتقنا للقصه وااااااااااايد
خلاص براحتج ويفداج الجزء وكل شي اهم شي راحتج وبانتظار التكمله على احر من جمر بس حاسه فيج قهر يوم تتعبين وتكتبين واخر شي يضيع الي كتبته هباء منثورا |
اقتباس:
ان شاء الله اكتبه بسرعة |
مر الاسبوع بسرعة وبدت الامتحانات
واليوم امتحانهم رياضيات يعني الاسبوع الي طاف كله دراسة الا مريم قام تحظر براشيم للامتحان او تكلم يوسف مي ومها ما جافو بعض بس 24 ساعة يتكلمون مع بعض بالتلفون سماء يا تفكر بتوتو يا قاعدة عاللاب توب وعلاقتها باهلها كل مالها وتسوء لدرجة انها صارلها يومين مو جايفة ابوها وماتدري عن اخوانها اما الامتحان فدرستله ساعة وحدة بس وما راجعت سماء الساعة الحين 7و10 دقايق وانا الحين واقفة عند باب المدرسة سميت بالله وقويت قلبي ودخلت جفت فجر وزهراء ولقيتها يمهم مع شهد مشيت لهم ومع كل خطوة امشيها دقات قلبي تصير اعلى لدرجة اني قمت اتلفت واجوف اذا احد سمعها ولا لا وبايد قام ترجف حيل حيل حيل عدلت حجابي وصلت وقلت:هااي فجر:هايات سماء:امشي العربي<<قلت جذي عشان ما اجوفها فجر:اوكي سماء:زهراء بتيين؟؟ زهراء:اي ورحنا للعربي وسولفنا مع الابلات لين طق الجرس ما سوو طابور لان حده بررررد كل وحدة راحت صفها وانا بالطريج لصفي سمعت مريم قام تقول لصديقتها منيرة:يوسف دق علي امس الساعة 1وربع منو هذا يوسف يمكن حبيبها حرااااام ان بعض الظن اثم وصلت الصف وفكرة تيبني والثانية توديني بطلت الباب ولا الكل قاعدين والابلة بدت توزع بسرعة قعدت مكاني وطلعت القلم من مخباتي حطت الابلة الورقة على الدرج كتبت اسمي بسرعة وبطلت ال5 صفحات على السريع مافي شي ما احبه كلهم سهلين الحمد لله بطلت الاصفحة الاولى وقمت احل شوي شوي وبتركيز واحاول انسى سالفة مريم ويوسف مريم كنت قام اقول لمنيرة ان يوسف دق علي ومن الفرحة نسيت روحي وصارخت لانه كان زعلان مني وما انتبهت ان سماء كانت يمنا اف الحين شسوي اخاف تكون سموي سمعتني وبعدين تفظحني لا ما اعتقج سماء مو من هالنوع اوووووووووه وانا شكو سمعت ولا لا اركز بالي جدامي ابرك وبالصف الي يمهم فجر اتوقع انكم تعرفون اني احب ابلة هيا بس ما تعرفون ليش احبها احبها لطيبتها وحنيتها علي صج اني ازعلها مرات بس ولا مرة زعلت مني ودايما تبتسملي حتى لو كانت معصبة ولا مرة عصبت علي او حطت حرتها فيني عكس امي الي على كل شي تزفني ولا مرة قالتلي انها مالها خلقي عكس اختي الي كل ماييت بسولف معاها تقول مالها خلقي واذا تكلمت تسمعني باهتمام مو اختي الي عندها ان كل سوالف بايخة واليوم صارلي اسبوعين مو جايفتها قعدت اليوم مبجر عشان اجوفها بس الزفتة اختي اخرتني وما اقدر اطلع متأحر لان ابوي بيي مبجر اف بعد ساعة وربع طق الجرس وركض برا الصف سماء رحت لنور ولا فجر وزهراء عندها نزلنا تحت وطلعنا من المدرسة جفت مريم قام تتحجى بالموبايل وشكلها اشكرة قام تكلم صبي ويهها احمر وحيل مرتبكة يمكن قام تكلم يوسف تمينا نسولف انا وفجر لين يا سايقنا ويا ابوها مريم ((مريم وشلتها بنات منحرفات درجة اولى كل المدرسة تدري عنهم وحييل مشهورين بالمدرسة ومحبوبين واايد وكل البنات وودهم لو يصيرو بالشلة)) بنات منو بروح الجمعية الصبيان طلعو من المدرسة واكيد بكونون هناك :لحظة بس بعدل شكلي :انا ما اقدر بييون لي مبجر :انا اوكي :اوكي بس ما اقدر اتاخر وراحوا الجمعية بس بقا بنتين مي ومها"سمعنا عنهم من سماء بس ولا مرة سمعناهم اهما ان شاء الله رح نتعرف عليهم بهالبارت والبارتات الي عقبه" مي واهي ماسكة ايد مها:مهوي ليش مارحتي؟ مها:ادري فيج تغارين اذا احد من الصبيان كلمني عشان جذي مارحت وكملو تغزل ببعض بعدين كل وحدة راحت بيتها سماء وصلت البيت سالتني امي عن الامتحان قتلها سهل وسيدا رحت لداري بدلت هدومي ونمت مريم اف رحنا الجمعية ويا ريتنا مارحنا ما في ولا صبي حلو كلهم جياكر لقيت السايق ناطر ركبت السيارة جان يقول:انا بقول حق ماما انتي روح جمعية اف طلعت عشرة من مخباتي وعطيتها ياه خلاص انا ما يعلم ماما الحيوان فلسني كل يوم اعطيه عشرة عشان لا يفتن وصلت البيت ركض لداري بدلت هدومي دقيت على يوسف عشان اتفق معاه على طلعة اليوم مي توني واصلة البيت اول ما بطلت الباب ولا مرت اخوي بتطلع مرت اخوي:هي انتي ديري بالج على خلودي انا بطلع مي"اف الله ياخذج":ان شاء الله خذيت خلودي منها ورحت غرفتي بدلت وقعدت معاه يمكن تستغربون ليش مارديت عليها وقلت ان شاء الله لانها حية من اول ماتزوجها اخوي وكل يم تصير مشاكل بسبتها اول شي كنت اعاند بس الحين لا يكفيني الطراقات الي يات بسبتها تعاملني جني خدامة لولدها لدرجة اني مرات اغيب عن المدرسة عشان اجابله وما اقدر اشتكي لاحد امي ما تقدر تسوي شي ابوي يوافق اخوي بكل شي يسويه حتى لو غلط وليش احب مها فما ادري ليش ولا ابي اعرف المهم اني مستانسة بالي قام اسويه مادري يمكن انتقم من اهلي بهالشي او عشان انسى الي يسوونه فيني رن موبايلي ولا مهوي داقة جنها حست فيني مي:الو مها:هااي مي:هايات ولهت عليج مها:انا اكثر مي:احم باجر تعالي مبجر مها:ليش؟؟ مي:انتي فاهمة قصدي وروحي المخزن سيدا بس بدون لا يجوفج احد مها:اوكي مي:درستي؟؟ مها:شوي وكملو سوالف سماء قعدت من النوم عالساعة 12 صليت الظهر وبديت دراسة مها توني مصكرة من مي فديتها تينن ودي لو كانت اختي الله وناسة بلزق فيها 24 ساعة واسولف معاها نلبس نفس بعض ونطلع مع بعض بس اهي مو اختي وانا ماعندي اخت طق طق<<باب الغرفة بينطق مها:نعم الخدامة:مدرس يجي مها:اوكي الحين بنزل بدلت ونزلت واول ما بدا شرح سرحت مي ردت مرت اخوي عطيتها ولدها وبديت دراسة الساعة 11 بليل سماء مخلصة دراسة من زمان وقاعدة عاللاب توب مي قام تكلم مها بالتلفون مريم كالعادة قام تكلم يوسف انتهى البارت |
هذا البارت الخامس دندونة
وان شاء الله يعجبج وبنزل الحين البارت السادس مادري احس ان هذا قصير |
اليوم الي بعده
مها كنت بروحي وواقفة بمكان حده ظلمة بس شكلي اعرفه حيل مادري احس روحي شفته من قبل بس وين ما اذكر كملت سيدا ولا اجوف باب كبير فتحته ولا المكان كله نار وما اقدر امشي على الارض اخاف احترق وفجأة يتسكر الباب وتطلع مي مادري من وين يت قالت:تعالي قلت:ما اقدر في نار بعدين تحرقني قالت:مو انتي محترقة محترقة فيها قلت:ما فهمت قالت:طاعي تحتج بتفهمين طالعت تحتي ولا في نار بس الي واقفة عليها مي كانت اقوى قلت:بس النار الي تحتج حيل قوية ما اقدر ايلج قالت:جربي ما رح تخسرين مشيت شوي اول شي احترقت بس بعدين عادي وكنت حيل مستانسة وانا قام امشي قالت:جفتي شلون قتلج مارح تعورين ومدت ايدها وسحبتني لها و.............................. آآآآآآآآآآآآآآآآآآآآآآآآآآآآه<<يعني جن صوت وحدة قامت من النوم مخترعة>> شربت ماي وطالعت موبايلي ولا الساعة ست ببسرعة قمت الحمام غسلت ويهي وبدلت دقيت على الخدامة وقتلها وتجهز الريوق مشطت شعري ونزلت تريقت بسرعة ركبت السيارة وقلت حق السايق يسرع عشان مي لا تزعل الحين الساعة 6 و35دقيقة يعني في ساعة على الطابور يمدينا رحت للمكان الي دايما نروحله اول كنا نسوي جذي بالحمام بس لما جكونا غيرنا المكان وصار هني ورا الشير<الشجر>في مثل مخزن يحطون فيه كراسي وادراج زايدة دخلته ولا مي ناطرتني سلمت رحت لها و........................................................... ................................. سماء قمت من النوم متنشطة غسلت ويهي و..........................الخ المهم وصلت المدرسة جفت توتو قاعدة بمكانها ويمها شهد بس ما طالعتها ولا أثر فيني مادري يمكن لاني تعود على هالمنظر كملت لصفي لقيت غلا وفرح وريم قام يسولفون قعدت معاهم شوي بعدين رحت لنور وفجر زهراء ووقفنا يم قسم العربي عشان فجر تجوف ابلة هيا بس للاسف طلعت ابلة هيا متأخرة رحنا لفوق واحنا قام نضحك على فجر وكل وحدة راحت لصفها لان الجرس طق دخلت صفي وقعدت مكاني وزعو الاوراق وكان الامتحان حده سهل خلصته بربع ساعة والباجي سرحت كالعادة فجر اف الحين انا ياية مبجر عشان اجوفها والا حضرتها متاخرة :بنات في سؤال؟؟ هذا مو جن صوتها؟!؟! التفت وراي ولا اهي الحمد لله يارب الحمد لله رفعت اييدي ولا تيلي :حبيبتي شنو سؤالج؟ :هذا قعدت تفهمني ياه بعدين سكتت :تصدقين توني استوعب انج فجر جان اطالعها واضحك كملت شرح للسؤال وانا سرحت بويهها ملامح ويها حدها طفولية واهي حدها بريئة وتونس بس اذا عصبت ماتعرف احد حتى انا مرة رحت لها واهي معصبة جان تصارخ علي بعدين تاسفت بس انا مازعلت منها ومهما تسويلي مارح ازعل منها :فهمتي؟؟ :ها :فهمتي؟؟ولا اعيد؟؟ :ها لا فهمت مشكورة واايد مريم واخيرا خلصت حده صعب الله ياخذ الي حطته بس مارح اخرب فرحتي امي خلتني اطلع مع منيرة بس انتو تعرفون وانا اعرف اني بطلع مع يوسف مو مع منيرة وااااااااااااااي ماني مصدقة روحي اليوم بجوفه متى تصير الساعة 8 مو جنها مطولة اف مها لبست هدومي بسرعة وطلعت من المخزن خذيت جنطتي وسويت روحي جن توني ياية وبعد شوي لحقتني مي دشيت الصف والكل يطالعني انا ومي حسيت جنهم يعرفون شنو كنا قام نسوي حده حده فشلة خذيت الورقة من الابلة وبسرعة رحت مكاني وبعد نص ساعة تقريبا طق الجرس وطبعت ركض برا الصف سماء توني واصلة البيت حدي حدي تعبانة بدلت وانسدحت بفراشي و................................نمت بعد ساعة وفي منطقة ال...................... واقفين جدام بيت سماء- مادري شلون اوصفه بس اهو من 3 ادوار ولونه امممممممم نقدر نقول انه بيجي له مدخلين مدخل لام سماء ومدخل لمرت ابوها((ابو سماء متزوج وحدة قبل امها وثنتينهم ساكنين بنفس البيت بس البيت مقسم لشقق مرت ابوها الدور الارضي والدور الثاني اخوها من ابوها واهي الدور الثالث)) اذا دخلنا الدور الارضي بنشوف مرة عيوزة شوي متينة وويهها كله تجاعيد لابسة دراعة او جلابية خضرا تلوع الجبد واقفة يم الدريشة تطالع الرايح والياي اذا وقفنا يمها بنشوف بنية لابسة مريول مدرسة مخصر متحجبة بس نص رقبتها طالعة متكحلة وحاطة جلوس وقام ترقص بمشيتها بس اهي مو سماء اختها الكبيرة روان بعاشر دخلت من مدخل مرت الابو واهي قام تغني عمدا عشان ترفع ظغط مرت الابو شوي وهذا الي صار قامت مرت ابوها من الدريشة واهي متنرفزة واذا لحقنا روان نشوفها تركب الاصنصير واهي متنرفزة لانها بدعت في الامتحان وصلت البيت سلمت على امها وراحت الدار وشافت شي خلاها تنفرز زيادة شافت ^ ^ ^ ^ ^ ^ ^ ^ ^ ^ ^ سماء نايمة<<سماء اول ما ردت من الامتحان نامت>> وشكلها حيل مرتاحة الظاهر قام تحلم بتوتو روان وصلت البيت حدي متنرفزة لانني مبدعة بامتحان الاحياء والي نرفزني زيادة ان سماء نايمة والساعة 12 ونص يعني انا قاعدة على اعصابي بالامتحان وشوي وابجي وهذي نايمة ومرتاحة بطلت مقلمتي وخذيت قلم وغزيت سماء فيه حكت مكان الغزة ولفت للجهة الثانية تليت<<سحبت>> الكفر من عليها لانها تكره هالحركة خذته سماء وعيونها مصكرة وشعرها كشة جان اضحك عليها سماء:جب جب سخيفة بس ما استسلمت الا بقومها كنت بكت عليها ماي بس غيرت رايي لما شفت الاسيتون خذيته و رحت لها وكانت منسدحة على ظهرها وحلجها مفتوح كتيت شوي بحلجها سماء كنت ماشية بالمدرسة والا توتو ياية بتلمني بطلت ايدي ولا شي يدخل بحلجي وشفت توتو ماسكة بطل ماي كنت ببلعه بس طعمه غير بطلت عيوني ولا اشوف روان واقفة وبايدها الاسيتون سيدا تفلته وشربت ماي حاولت استوعب الي صار كنت نايمة وفي شي دش بحلجي واهو اسيتون والي كته بحلجي روان فكرت اني لو بلعته او اختنقت فيه ومت رح يستانسون بموتي ولا بيزعلون علي؟؟ روان طافكم شكل سماء واهي منصدمة ولا لما تتفل الاسيتون موتني من الضحك ((صج ان روان وسماء خوات بس سماء تكره روان واعتقد معاها حق تكرهها لان غشمرتها سخيفة واهي حيل دفشة عكس سماء الدلوعة والي سوته عااااااادي عندها مو جن سماء كانت بتموت بسبتها اما روان فما تكره سماء ولا تحبها عادي ولا وحدة تدري عن الثانية مو جنهم خوات وبنفس الدار قاعدين)) سماء قمت من الفراش وحدي معصبة من روان عطيتها نظرة ومشيت لقيت امي بويهي جان اقولها شنو سوت فيني روان ولاول مرة في التاريخ امي تزفها حدي استانست يعني امي تحبني عشان جذي زفتها بس اهي ليش تعاملني جذي وتفضل اخواني علي؟؟ لا اهي تحبني رحت الحمام وتوضيت بعدين صليت الظهر بطلت اللاب توب وقعدت عليه والا تيي السخيفة روان روان:انتي الظاهر بتنعمين من كثر ماتقعدين على اللاب توب سماء:كيفي مالج شغل روان:ومو جن عندج امتحان عربي باجر سماء:كيفي انا مشتهية اسقط مالج شغل فيني يت بتعطيني المحاظرة الي كل يوم تسمعني ياها جان احقرها واكمل قرايه لاني حفظتها وين سماء الي كله تييب 99%واذا يابت 96%تبجي وانتي الحين ميتة عشان تييبين 94% والحين يايبة 91%يعني السنة الياية مارح تيبين امتياز انا لما كنت كبرج يبت95% والحين انا بعاشر واصعب منج يايبة96% سماء:اف راحت روان واهي متنرفزة وانا ماهمني يعني شسوي دراسة وقام ادرس بعدين اهما مالهم شغل الدرجة ايبها حقي مو حقهم فجر اف مليت وهالدرس صعب مو قادرة افهمه ييت بسكر الكتاب ولا اتذكر كلام ابلة هيا: ((اول ما طق الجرس رحت ركض على صفها عشان اشيل اغراضها طلعت من الصف وشكلها معصبة بس لما شافتني ابتسمت خذيت اغراضها وطول الطريج واحنا ساكتين ولما قربنا من القسم قلت:ابلة بسألج سؤال عادي؟؟ ابتسمت وقالت:عادي "ابتسامتها تينن تخليني ارتاح حتى لو كنت معصبة" قلت:جم تبيني اييب؟؟ قالت:99.9% طالتعها وانا منصدمة جان تضحك وتقول:مادري المهم امتياز قتلها:اوكي دخلت وحطيت اغراضها ورحت الصف وانا حدي مستانسة)) بطلت الكتاب وقريت الدرس وفهمته حده كان سهل مادري شلون قلت انه صعب اول ماخلصت الدرس و الا امي تطق الباب قتلها دخلي :فجورة حبيبتي احنا طالعين تبين شي استغربت امي تقول فجورة وحبيبتي بعد الظاهر فيها شي ولا مريضة :قولي لاتستحين :ها لا مابي شي قصدي ايه سلامتج :اوكي يلا باي وباستني وطلعت لا امي اكيد استخفت قعدت اقارن بين ابلة هيا وامي امي كله معصبة ونادرا ماتقعد معاي ولازم كل يوم تزفني لحظة اهي قالت احنا طالعين يعني كلهم قطيت الكتاب من ايدي وبطلت اللاب توب وقعدت عالmsn لقيت سموي شابكة وسولفت معاها شوي وقتلها عن امي حتى اهي استغربت بعدين كملت دراسة مها ((ماعندها اخوان ولا خوات عشان جذي اهي دلوعة امها وابوها وكل شي تبي يصير امها كله طالعة وابوها بالشغل عمامها وعماتها كبار وعيالهم كبار وماعندها غير خال واحد وعياله كلهم صبيان وماكان احد يحبها من صديقاتها لانها حيل دلوعة بعدين يت مي وكانت صديقتها والحين حبيبتها وتعرف كل شي عنها)) اف لاعت جبدي وانا ادرس خلني ادق على مي مي كنت بدق على مها بس رن موبايلي وكانت اهي جن حست فيني مها:هاي مي:هايات تصدقين توني كنت بدق عليج مها:جفتي شلون احس فيج؟؟؟ مي:ادري فيج يا قلبي مها:مي تحبيني؟؟ مي:حياتي شهالسؤال؟؟ مها:بليز جاوبي مي:اكيد احبج وانتي؟؟ مها:انا اموت فيج صدقيني رح اضيع من دونج <<مو جنها ضايعة وخالصة>> :قلبي شهالكلام؟؟ انا مستحيل اهدج مها:وعد؟؟ مي:"اف" وعد مريم الناس قام يدرسون واهي قام تحضر براشيم للامتحان بعدين قعدت تسولف مع يوسف وكانت ناسية تقفل الباب دخلت امها الغرفة ومن الخرعة طاح التلفون من اديها الام:منو كنت تكلمين؟؟ مريم:ها اي كنت قاعدة احاجي منيرة الام:درستي مريم:اي خالصة من زمان بس قاعدة اراجع الام:اوكي انا طالعة ديري بالج على اخوانج مريم:اوكي الام:يلا باي مريم:باي واول ما طلعت امها ركضت للباب وقفلته وبعدين دقت على يوسف وتاسفت منه وكملت سوالف بعدين نزلت تحت عند اخوانها لأن اذا امها يت ولقتها فوق وهادة اخوانها مع الخدم بروحهم ياويلها :مريم :نعم؟؟ :لعبي معاي :ذلفي عن ويهي مالي خلقج وراحت واهي قام تبجي اف الحين بتقول حق امي رحت لها وراضيتها ولعبت معاها سماء الساعة 8 بليل وليلحين مادرست لان امتحاننا عربي وبالنسبة لي العربي سهل يعني على الساعة تسع اقوم اراجع شوي وانا قام اراجع والا ييني مسج بطلته والا دلال دازتلي ايميل توتو رحت ركض للاب توب وقعدت الmsn وسويتلها add بعدين كملت مراجعة بس كل شوي اسرح بتوتو ما اتوقع انها تعرف ايميلي لو سألتني منو شقولها؟؟ ما اقولها اسمي واقولها كل شي اعرفه عنها رح تين هذي احسن فكرة خطرت على بالي كملت مراجع للساعة 10 بعدين قعدت على اللاب توب بطلت جم فايل عن البويات مطلعتهم من زمان بس ما كان لي خلق اقراهم قريتهمه وانا مو مصدقة الي مكتوب بوية تعتدي على بنية ويع يعني ممكن توتو تسوي جذي؟؟ ليش لأ حالها حال غيرها صكرت الفايل وانا لايعة جبدي معقولة في ناس تسوي جذي؟؟ ويع طفيت الاب توب وانا حدي منقهرة يعني توتو تسوي جذي مع وحدة بس منو اهي؟؟ يمكن شهد لا حرام صج انها تحب شهد بس ما اتوقع شهد ترضى تسوي جذي اووووووووووووووه سوت ولا لأ وانا شكو بس انا احبها واهي ما تحبج امبلا مريم قالت اوكي تحبج بس ليش تقعد مع شهد وغيرها وتخليج مادري مادري انسدحت عالفراش ودموعي بعيوني مادري من الصدمة ولا من الغيرة حاولت كثر ما اقدر ما افكر فيها بس ماكو وفايدة توتو لامة شهد وبعدين راحو مكان بروحهم وخلوني وشهد قبل لا تدخل تطالعني بنظرة خايسة....................................................... خلص البارت حبيت اقولكم ان موقف الاسيتون صج اختي سوته فيني وليلحين حاقدة عليها عشان جذي قلته دندون اتمنى يعجبج |
رووووووووووووعة الجزئين ولو اني مقهورة من شخصيات القصه
سماء تفكيرها بريء ماتفكر بـ اشياء ثانيه مثل توتو والبنات البويات ..هي تتوقع تحبها لانها تحتاج الانتماء والحب .. تحتاج الحنان من امها .. تحتاج الاهتمام .. لكن واضح يوم انها لاعت جبدها يوم قرت عن هاي انها ماتعرف شي عن ذاك العالم وحتى لو تعرف ماتقر فيه مها ومي .. وعععععععع لاعت جبدي.. والله حرام بنات هالكبير شابات في مقتبل عمرهم .. للحين زهور حياتهم ماتفتحت يضيعون بهالمعاني الخاطئه كله بسبب الافلام الخليعه الي يجوفونها والثقافه الاجنبيه الي للاسف البنت قامت تتفاخر فيها الله يهدينا ان شاءالله مشكورة يالغاليه وبارتاتج اكثر من روعه متشوقه اعرف الباقي عن سماء ورفيجاتها |
اقتباس:
على تعليقج الي عسل مثلج اي والله الله يهديهم |
مرت الايام بسرعة واليوم
في حدثين مهمين بحياة سماء الاول:نتيجتها بتطلع اليوم الثاني والاهم بتسافر سوريا سماء الساعة 4 الفير واااااااااااااااااااااااي مو قادرة انام حدي مستنانسة مو مصدقة ان باجر بسافر هناك بجوف اهلي مرة ثانية واااااااااااااو رح اجوف بنات خالتي الله شحلاته هالشعور واخيرا رح يرجعلي اف ماني مدصدقة متى تصير الساعة 6 عشان نرووووووووح قمت من الفراش ولقيت امي قام ترتب الاغراض وتشيك اذا في شي ناقص ولا لا كسرت خاطري بس ما ساعدتها قعدت عاللاب توب وفتحت الmsn ما لقيت احد وي جن الساعة 4 منو هالمينون الي بيشبك بطلت على الروايات الي متابعتها والا اجوف في جم بارت يدد نازلين نزلتهموشيكت عالباجي لين صارت الساعة 5ونص امي:سموي قعدي اخوانج تاففت بقلبي وقلت:اوكي قعدت اخواني رجعت كملت شغلي بعدين طفيت اللاب توب ورحت اصلي بعدين بدلت ولبست حجابي ولاول مرة ما احط شي على ويهي مادري متى وصلنا المطار ولا ادري متى ركبنا الطيارة كل الي اعرفه ان بعد جم دقيقة رح نوصل لسوريا واخيرا مادري ليش تذكرت توتو آآآآآآآآآآآآآآآآآآآآآآآآآآآه حتى وداع ما ودعتني وكل الي اذكره شي واااااحد بس واهو انها لمت شهد وباستها لين قالت بس وجدامي بعد بعدين ما قدرت استحمل وطلعت من المدرسة اففففففففففف وانا ليش اخرب فرحتي واتذكرها يا ربي وصلنا نزلنا من الطيارة خذينا الجناط......................الخ واخيرا خلصنا لقينا ريل خالتي باستقبالنا سلمنا عليه من بعيد طبعا وبعدين ركبنا السيارة حدددددددددده فقصة سيارته صغيرة واحنا ما شاء الله واايد ريل خالتي اهوا الي ساق ابوي جدام ويمه جنطة اخوي واختي يم بعض اما اانا فنصي بحضن امي ونص لا واخوي الصغير<8 سنين> نصه بحضني ونصه بحضن امي والاغراض نص عندنا ونص بالدبة بس كنت مستانسة ومو مصدقة متى نوصل البيت بعد ثلث ساعة تقريبا وصلنا اول كا وقفت السيارة بسرعة بطلنا الباب وركض لفوق نسيت اقولكم اننا ساكنين بشقة المهم وصلنا فوق ولقينا خالاتي كلهم ناطرينا ما اقدر اوصف شعوي بهاللحظة احس روحي قام احلم وما ودي اقوم منه احس روحي حيــــــــــــــل مستانسة احس ان في شي كان ضايع مني ورجعلي سلمت عليهم وبعدين قعدت مع بنات خالاتي وسولفنا خذيت منهم كل الاخبار الي صارت بالفترة الي كنت فيها بالكويت وقتلهم كل شي صار ما عدا توتو والي محد يدري عنها غير بنت خالتي صارت الساعة 11 بليل وراحو بيوتهم الا خالتي سوسن بس احنا نقولها سوسو والي عمارتهم يمنا ونقدر نروحلهم مشي كملنا سوالف انا وربا (بنت خالتي سوسو وتعرف كل شي عني تقريبا واهي اقرب وحدة لي) وقتللها عن توتو اختي قعدت تسولف مع هبا(اخت ربا وعمرها 20 بس حيل قريبة من روان قبل جم يوم ملجتها بس احنا ما قدرنا نيي لان امتحانات حيل فرحنا لما تزوجت لان ريلها شوي متدين واهي قبل ما تتزوج ما كانت تصلي وكانت تسمع اغاني الروك والميتل وجذي متحجبة بس حجاب خرطي يعني عاادي تصافح شباب وتسولف معاهم بس الحين ما قامت تسمع اغاني لان ريلها كسر السيديات واهي راضية وخلاها تلبس عباية وتصلي كل الصلاوات) المهم صارت الساعة 1 وراحو بيتهم رحت الحمام وتسبحت بعدين صليت العشا ورحت لفراشي طبعا كلنا بدار وحدة وحيل صغيرة لانها كانت بلكونة بعدين سوينها دار امي وابوي بدار بروحهم وفي صالتين ومطبخ وحمام صج اننا نتضايق واايد خاصة اذا ابي ابدل لازم اروح الحمام او اطرد كل الي قاعدين بالدار عشان ابدل غير جذي ان اخواني ينامون بالارض واناا واختي ننام بالفراش الي فيه فوق وتحت طبعا انا تحت لان اتحرك بنومي واخاف اطيح وروان فوق بس الي يخفف علي اني قاعدة مع اهلي الي احبهم لا تستغربون صج ان الناس الي احبهم شوي بس بنات خالتي احبهم حتى توتو احبها لا مادري احس اني مو مثل قبل ودي اروح المدرسة وودي العطلة تخلص بسرعة بس يمكن اذا رجعت الكويت ارجع احبها اف يعني لازم افكر فيها واخرب وناستي خليني مستانسة الحين وانساها و . ................................. ....................... ..................... ................ ......................................................... ........نمت :سماء قومي صلي :اممممممممم :سماء لا قومي صلي :انزين قمت خفت اني كنت قام احلم واننا ليلحين بالكويت بطلت عيوني وفركتها عدل وتاكدت اننا بسوريا قمت للحمام(اكرمكم الله) توضيت بعدين رحت للدار اصلي خلصت صلاة وقعدت اختي اف ساعة على ما تقوم :روان لا قومي روان:اف مالج شغل :احسن ونمت اليوم الثاني قمت على اصوات ناس وسوالف وضحك استغربت منو يينا بهالوقت!! اوبس احنا مو بالكويت بسوريا قمت من الفراش بسرعة بعدين تذكرت ان شعري كشة وعيوني شبه متصكرة اف سويته بسرعة وفكرت عيوني حيـــــل بعدين قمت وقلت:صباح الخير ردو:صباح النور وانا بالطريج للحمام(اكركم الله) شفت الساعة كانت 11 وربع زين اول مرة اقعد مبجر<<سماء عندها الساعة 11 جن الساعة 6 الصبح غسلت ويهي ورحت لهم وتريقت معاهم الله وناسة بالعادة كله اتريق بروحي اول مرة آكل عدل جذي العايلة تسوي؟؟ يمكن من الفرح مادري المهم اول ما خلصت اكل خالتي قالت:شرايكم تييون معاي لما ناخذ البنات من المدرسة؟؟ انا واختي سيدا قلنا:اي خالتي:عيل روحو لبسو بسرعة ركض خذينا هدومنا وبدلنا انا بالحمام(اكرمكم الله) واختي بدار امي وابوي لان ما فيها احد خلصت لبس ولبست حجابي ولاول مرة ما احط شي بويهي اختي نفس الشي رحنا لخالتي:خلصنا خالتي:اوكي يلا رحنا معاها ومعانا يدتي شحلاتها هالكلمة يدتي ركبنا السيارة مادري شنو نوعها بس على قد حالهم<<حالهم يعني حال خالتي المادي> شرو اغراض كانت نا قصتهم بعدين رحنا للمدرسة كانت الساعة 12 وثلث بقا عشر دقايق على الجرس اف مو قادرة اصبر الا بنزل وبجوفهم واجوف المدرسة والبنت الي معجبين فيها قلنا لخالتي اننا نبي ننطر عند الباب قالت اوكي نزلنا مشينا شوي ووصلنا للباب وي نسيت اقولكم شنو شكل المدرسة امممممم لونها بيجي شكلها صج مدرسة يعني جذي قديمة ومادري شلون تو الباب يتبطل والحارس اهو الي بطله قالتله خالتي اننا يايين من الكويت ونبي نشوف المدرسة شافنا وبعدين فتحه كله وخلانا ندخل دقيقتين تقريبا والبنات طلعو وكان في بنت مشيتها صبيانية وشعرها مو واايد قصير لي جتفها تقريبا لابسة كاب لي ورا هذي بنت خالتي يت لنا وبعدين يو ربا وبنت خالتي الثانية وكل شوي وحدة من صديقاتهم ينادونهم ويسألون عنا صج كانت اشكالنا غريبة بالنسبة لهم هدومنا مو نفسهم حتى حجابنا غير غير جذي انه كان برد وحنا لابسين هدوم خفيفة فوقها جاكيت اهما لابسين جواتي احنا لابسين فلات وطبعا بدون دلاغ فكان الكل قام يأشر علينا ومادري شنو بس مو تعييب لا استغراب المهم ركبنا السيارة و وصلنا البيت واهما راحو عشان بنات خالتي يحلون واجباتهم بعدين ييون لنا قلت:هااي محد رد اف لو ساكتة احسن يعني لازم افشل روحي .. .. .. .. مر اسبوع وبقا 5 ايام ويرجعون الكويت سماء تحاول كثر ما تقدر تستانس وما تفكر بتوتو الساعة 9 الصبح :سماء روان عبد الرحمن عبد الله يلا قومو سماء:اف ليش :ما تبون تروحون اللثلج؟؟ ر وان:متى؟؟ :الحين يلا قومو سماء:يمكن ما في ثلج؟!؟ :امبلا في يلا قومو قمت وغسلت ويهي بعدين تريقت ولبست بسرعة سماء:ويا منو بنروح :مع خالاتج رحنا بيت خالتي انا و روان علما يلخصون اخواني لبس سمعنا هرن السيارة ونزلنا كلنا طبعا ريل خالتي الي يسوق بس بسيارتنا خالتي الثانية"الي رحنا معاها المدرسة" يت بسيارتها وانطلقنا<<من الحماس اقلبت فصحى بعد ساعة تقريبا وصلنا وكنا حدنا مثلجين طبعا انا لابسة هدوم صيفية وفوقهم كوت ثقيل حجابي لوع جبدي كل شوي يطير آخر شي وصلت حدي ودخلته تحت الكوت اول ما وقفت السيارة نزلنا وركض على الثلج كل واحد يحذف عالثاني ما خليت احد ما حذفت عليه مساكين حذفته بعيونهم ولما حسيت ان الكل صار ضدي ركضت بسرعة ولحقوني بعدين سوينا فريقين وانا كل شوي مع احد حسب مصلحتي وين ولما ملينا جربنا نصعد فوق الجبل اول شي انا وربا ورانا لولو وروان وهبة تقول تبي تودع هالايام لان الشتى الياي رح تكون متزوجة الثلج واصل لنص ريلي فما اقدر اتحرك عدل غير جذي تكونين ماشية فجأة تلقين شي غز فيج لان في شوك تحت الثلج وبعد في صخر ربا:يلا سموي تعالي ما بقا غير شوي سماء:هي نطريني ربا:اي في شوكة غزت ريلي سماء:هههههههه احسن اح وانا بعد غزتني شوكة ربا:هههههه "الموقف كان احلا بواايد بس الكلمات عجزت توصفه وكان في مغامرات واايد وضحك وعبط" < > < > < > بعد اسبوع وجم يوم "اليوم آخر يوم لي هني باجر بروح الكويت ومادري متى رح نيي مرة ثانية حاولت كثر ما اقدر اني استانس بكل لحظة اقعدها معاهم ومااضيع ولا لحظة لين صارت الساعة 1 وصار لازم يروحون" ما لا داعي اوصف الوداع شلون كان ما اعتقد ان احد ما جرب يودع احد كان متروس دموع الفراق دموع حزن دموع خوف ان هذي آخر مرة بشوفون بعض بعد ما سلمنا عليهم راحو واحنا ركض للدريشة عشان نشوفهم لآخر مرة بدلت وصليت العشا ورحت لفراشي حاولت انسى اني مارح اشوفهم باجر وان هذي آخر ليلة بنام فيها على هالفراش ............................................................ .............................................. انتهى البارت |
مشكوره قصه كتير حلوه....
كتير عجبتني... |
تسلمين اختي
اعاد استغربت لماشفت قصتي بالصفحة الاوليى قلت اكيد غلطانين وحيل فرت بردج |
:سماء روان عبدالرحمن عبد الله يلا قومو
:امممممممممم :يلا قمت من النوم ورحت الحمام غسلت ويهي وخليت ايدي تحت الماي عشان اشبع منها لان هذي آخر مرة بغسل فيها بتقولون مينونة قولو بدلت هدومي ولبست حجابي ماحطيت شي بويهي قامو اخواني وبدلو نزلت امي تنزل الاغراض للسيارة رحت لها عشان اساعدها مو حبا فيها بس لان كسرت خاطري تنزل بهالبرد وبعد لان ظلمة والشمس ليلحين ماطلعت المهم نزلت معاها وحطينا الاغراض بالسيارة بعدين يا ابوي من الصلاة ونزلو اخواني للسيارة وصلنا المطار وبعد مادري جم ساعة وصلنا الكويت اول مرة بحياتي ما ابجي صج اني بجيت امس بس بالعادة ابجي اكثر كل الناس الي نزلو من الطيارة كان في احد ناطرهم الا احنا السايق مستقبلنا غرت منهم كلهم ودي لو كان عندي عم اوعمة وعندهم عيال كبري مو احفادهم كبري وصلنا السيارة بعدين البيت اول مادخلت رحت لداري آآآآآآه شكثر اشتقت لها خذيت هدومي ورحت الحمام وتسبحت بعدين صليت الظهر ونمت قعدت من النوم على الساعة 3 وشوي رحت لامي:ماما يوعانة امي:الحين رح نطلب شنو تبين :ابي ماك شكن كتبته على ورقة وكتبت بعد طلبات اخواني وعطتني ياه عشان اعطيه الخدامة والخدامة تعطي للسايق عشان يبيه<< قصة مو؟؟ المهم وصل الاكل وبدينا ناكل انا وروان بالصالة واخواني عبد الرحمن وعبد الله بدار الاكل خلصت اكل وصليت العصر مها هالفترة حدي مستانسة لان عطلة ومي تزورني كل يوم امي وابوي طالعين وحتى لو كانو موجودين مارح يشكون بشي بنية وبتزور صديقتها مرات يكسرون خاطري احس روحي قام اقص عليهم بس بعدين اغير رايي محد قالهم ييبوني اذا جذي بسوون فيني عبالهم الفلوس كل شي مايدرون اني محتاجة لهم ودي احس مرة ان عندي ام تهتم فيني او ابو يسالني وين رايحة ووين ياية مو جذي على كيف كيفي صديقاتي يحسدوني ان اسوي الي ابي ومحد له شغل فيني وانا احسدهم لان عندهم ام تخاف عليهم Hey hey you you I don’t like your girl friend هذي مي داقة علي مها:الو مي:هلا قلبي اليوم عندج شي؟؟ مها:لا ليش؟؟ مي:امممممم بيي لكم اليوم مها:اي ساعة عشان اخلي الخدم ينزلون تحت واجوف اذا امي منثبرة باليت ولا لا<<عاااااااادي اصلا هذا ولا شي من الي تقوله عن امها مي:هههههههههه امج ومنثبرة انا لو تسمعني امي جان ذبحتني يعني جذي ساعة واكون عندج مها:اوكي قلبي مي:باي مها:باي اول ما خلصت تلفون ركض رحت للخدم وقتلهم يروحون دارهم رحت لدار امي مالقيتها شكلها طالعة فكة منها نسيت اقولكم ان امي لها دار بروح وابوي بدار رحت داري تسبحت بسرعة بعدين بطلت الكبت اجوف شنو بلبس اممممممم هذا لبسته هذا وويع هذا شوي وسيع اف وهذا لونه خايس اففففففف الحين شسوي؟؟!! امممممم هذا حلو اكيد مي رح تستانس عليه فجر واااااااااي متى يصير يوم الاحد واجوفها بطلت الكمبيوتر وشبكت اووه سموي شابكة تحمدت لها بالسلامة وسولفت معاها حسيت جن مالها خلقي جان اقولها باي واطلع بدون ماترد علي بطلت الورقة الي ابلة هيا كاتبة فيها احبج واايد وشميت ريحتها آآآآآآآآه ريحتها تينن سماء هذي شفيها طلعت مالت صكرت اللاب توب ولا يرن التلفون منو بدق هالحزة؟؟!! :الو :هاي :هايات وااااااي حدي ولهت عليكم"هذي حصة صديقتي" :شلونج؟ شخبارج؟؟ شلون سوريا؟؟؟ :زينة الحمد لله تمام تسلم عليج :تستهبلين ولا تستهبلين :استهبل مو الاولى الثانية :سخيفة وااااي جفتي الاختيار الصعب؟؟<<مسلسل خليجي صارله سنة او سنتين ما اذكر :مادري جن جايفته بس من زمان ليش شفيه؟؟ :شجون تمثل فيه :ويع :قولي ويع مرة ثانية وياويلج :اوف انزين شنو دورها :كالعادة بوية واااااااااااااي تينن زوغة :لا كانت حاطة مكياج وفاله شعرها :هاو سموي شفيج دورها بوية وتمينا نسولف عنها مي وصلت البيت مها طبعا لاعت جبدي وانا اقنع امي واشوا ان الزفت اخوي شراله بيت وذلف عنا والحين ابوي مو فاضي دقيت على مها الو:مهوي انا تحت :الحين اقول للخدامة تفتح الباب وبعد شوي فتحتلي الخدامة الباب سالتها عن مها قالت فوق دخلت وصعدت لدارها بطلت الباب وكانت مها لابسة لبس يينن دايما كنت اقولها لبسي بس ماترضى تقول استحي جفتها باحلامي واايد بهاللبس بس اول مرة اجوفها صج وما قدرت اقاوم....................................................... ............................................................ . مريم وااااااااااي شكثر ولهت على يوسف صارلي زمان مو جايفته اف يلا بعد جم يوم مدرسة اتفق معاه ييلي الصبح بس مو الحين لان اختي الصغيرة عندي ولازم اقعد معاها علما تيي امي اف مرت الايام والمدرسة بدت سماء اليوم اول يوم مدرسة حدي متشوقة اروح بس مو عشان توتو عشان صديقاتي ولهت عليهم واايد توني اكتشف اني احبهم اما توتو مادري احس روحي ما قمت احبها لاني مو مستفيدة شي غير الهم والغيرة والخوف من ان احد يجكني<يكتشفني> بس يمكن اذا رحت المدرسة اغير رايي ان شاء الله لا ورح احاول كثر ما اقدر اني اوخر عنها وما اعلق روحي فيها لانها مو لي لشهد لشهد لشهد حسيت هالكلمة قاسية علي وحيل حيل جرحتني بس لا انا لازم ما اضعف اذا لما فكرت انها لغيري جذي صار فيني شلون لو صارت صج لغيري سماء انا ادري انج قوية ومو وحدة مثل توتو تخليج تضعفين كا حبيتي ابلة زهراء وفلانة وفلانة ما صار فيج الي صار لما حبيتي توتو شنو الفرق بينها وبينهم؟؟ ما في فرق لا في فرق الحق ينقال اهي مادري شقول عنهاهي صج احبها اهم بس جذي مادري احس ودي اصير مثلها بس ما اعتقد اقدر اهي قوية ماتبجي ولا ترجف على اي شي نفسي احس كل حنان العالم عندها صج اني ماجربت بس معاملتها لاختها تينن حدي استغربت منها مو بس اختها حتى باجي البنات تلمهم وتسولف وتضحك معاهم بس سماء جنج نسيتي الكلام الي قلتيه قبل شوي اف لا مانسيت :سماء سماء يلا نزلي هذي خدامتنا تبيني انزل ماحسيت بالوقت ولا متى نزلت اختي حسافة ماجفت حصة"حصة اهي الي احبها بثنوية اختي غير حصة صديقتي" نزلت قلبي قام يرقع وايدي قام ترجف حتى ريلي مو راضية تمشي عدل قام احركها بالغصب حاولت كثر ما اقدر ما اطالع المكان الي تقعد فيه بس عيوني ما طاعتني والتفت لها مو موجودة الحمد لله كملت طريجي للصف وجفت فجر وزهراء :هاي :هايات :رجعو بقط جنطتي :اف ورجعو معاي بس انظروني عند الدري صعدت بروحي للصف واول مابطلت الباب :يما :هههههههههه "كانت مي لازقة زيهها بمها الظاهر خربت عليهم الجو شكلهم بيدعون علي" مها قعدت مكانها وقالت مها:هاي شلونج؟؟شخبارج؟؟ سماء"حسيت جنها قام ترقع<تصرف>" قلت:زينة انتي شلونج؟؟ وحطيت جنطتي مها:زينة يت مي:هااي وسلمت علي بعدين لمتني حييييل مادري شلون اوصف شعوري وشقول عنه بس الي اعرفه انه حلو وودي لو اظل لامتها طول العمر ومن دون شعور لميتها مادري جم تمينا بعدين هدتني وقالت :اقول سموي قلت:هلا "وكنت حدي مستحية وقلبي يرقع وويهي حده احمر صج اني ماجفته بس احسه حيل حار" مي:ها لا خلاص نيت مي:شرايج تيين معانا انا ومهوي؟؟ سماء:مادري مواكيد وطلعت برا الصف بسرعة مساكين فجر وزهراء زرعتهم تحت نزلت لهم يو بتكلمون جان اقول:سوري مها ييت المدرسة مبجر لان مي قالتلي رحت الصف لقيتها هناك قلت:هااي مي ردت بعصببية:تو الناس جان تاخرتي اكثر رحت لها وبدلع:حبيبتي انا ما تأخرت انتي الي ياية مبجر ما تبين تسلمين علي؟؟ مي:سوري حبيبتي ما كان قصدي بس قهرتيني لاني حدي ولهانة عليج يت بتبوسني جان ينفتح الباب وخرت عنها بسرعة مها:هاي شلونج؟؟شخبارج؟؟ "عشان ارقع" سماء:زينة انتي شلونج؟؟ مها:زينة راحت لها مي وقالت:هااي وسلمت عليها ولمتها انا ودي اروح لسماء وايرها من شعرها واقولها مي لي مو لج لا مو بس ايرها من شعرها اذبحها انا ماعندي غير مي تيي هاذي وتاخذها مني والي قهرني زيادة نظراتها لها لا هاذي صج مو صاحية طلعت سماء جان اوقول لمي:شكو تلمينها؟؟ مي "اف الحين شسكتها هاذي" قتها بقلبي لاني اذا قتلها الصج بتسوي مصيبة ادري فيها تحبني وبتسوي اي شي عشاني مها:ردي مي:عاادي صديقتي ولميتها مها:لا ما يصير ترا انا اغار "اف هذي صج مصدقة روحها اغار" مي:خلاص مارح الم احد استانستي مها:اي استانست وبعدين شنو كنتي بتقولينلها بعدين هونتي؟ مي:كنت بقولها تيي معانا بالفرصة مها:اذا يت ما ني ياية مي"احسن" ما اعتقد تيي معانا عندها مشهد تمثيلي مع العربي مها:وانتي شدراج؟؟ مي"شقولها اعرف كل شي عنها ولا شنو" مي:ها جفتها امس عند الابلة وكانت قام تتدرب على المشهد مها:اها سماء حدي استغربت من مي اول مرة تلمني يمكن بتقولون عاادي بنية وبتلم صديقتها بس مي مو واايد معاي ونادرا ما اكلمها وانا الي اعرفه انها بالفرصة تروح مع مها حمام المدرسة عشان يسون الي خبري خبركم بس من بعد ماجكوهم البنات بطلو يروحون الحمام اتوقع ييون مبجر ويسونه بالصف وانا شعلي منهم ابي اعرف شنو تبي مني!! يمكن تحبني لا ما اعتقد عيل ليش تلمني؟؟ عاادي وحدة ولمت صديقتها لا مو عاادي بعدين مها كانت موجودة اف انزين ليش تحبج؟؟ سنو جايفة فيج زود عن مها؟؟ مها احلا منج ودلوعة غير جذي امها وابوها كويتين مو نفسج وحالتها احسن منج ومن مستوى مي اما انتي وينج وين مي ومها انتي انزل منهم بواايد وغير جذي مشيتج :سماء وين رحتي؟؟ سماء:ها لا معاكم"الحمد لله الي قطعو علي افكاري حسيت روحي رح ابجي" طق الجرس ورحنا الطابور ولا نور توها تيي نور:هااي منو يي معاي فوق بقط جنطتي سماء:انا يلا امشي رحت معاها وانا بالطريج جفت مي ومها مي ابتسمتلي بس مها طالعتني بنظرة جني مسويتلها شي يمكن عشان مي سلمت علي وانا شكو اف سماء:اقول نور نور:هلا سماء:تذكرين مي ومها الي بصفنا نور:لا سماء:الي لقوهم بالحمام قام يسوون الشي نور:اي شفيهم؟؟ سماء:ليلحين يسونه بالحمام؟؟ نور:لا يقولون انهم غيرو مكانهم بس نسيت وين قالولي سماء:اها نزلنا تحت ووقفت بالطابور فجر ييت مبجر اليوم سلمت على ابلة هيا بس طبعا مابستها لاني استحي يعني بس شلونج شخبارج بطنها كبر نسيت اقولكم انها حامل اهي عندها بنت صغيرة عمرها 6او7 شهور طبعا حدي غرت لما حملت بالاولى خفت تتغير معاملتها معاي بس الحمد لله ماتغير شي المهم سالتها حامل ببنية ولا صبي قالت:مادري سالتها :اذا بنية شنو بتسمينها؟؟ واذا صبي شنو بتسمينه؟؟ قالت:مادري "صج اني اكره هالكلمة بس مادري معاها طلعت حلوة خلاص بحب هالكلمة عشانها" اتوقع انها حامل بصبي لانها محلوة واايد ما شاء الله خلص الطابور والحصة الاولى والثانية وبدت الفرصة سماء واخير طق الجرس كان علينا رياضيات ياكرهي لهالمادة ييت بطلع من الصف ولا احد يمسك ايدي التفت وراي لقيتها مي مي:وين رايحة؟ سماء: عندي مشهد مي:"ادري" حسافة كنت ابيج تيين معانا سماء:لا ما اقدر سوووري الابلة تبيني ضروري مي:قولي ما تبين تيين معانا؟! "كنت بقولها ما ابي ايي معاكم بس كسرت خاطري" سماء:لا شدعوة لو مابي ايي جان قلت بس صج عندي مشهد مي:اوكي حياتي لو كانت توتو اهي الي واقفة جدامي وتكلمني مو احسن؟! سماء شقلنا؟؟ خلاص اف لحظة مي جنها قالت حياتي!! اخاف من صجها هاذي اذا تحبني من صج يعني نفس مها تخيلت شكلي معاها لاااااااااااا ويع صج اني تمنيت اسوي جذي مع توتو بس هذا لما كنت غبية امبيه ويع شلون يسوون جذي ما تلوع جبودهم؟؟ لا اذا تحبني جذي بوخر عنها اما اذا صديقات فممكن :سماء سماء:هلا نور:صارلي ساعة اناديج سماء:صج ما انتبهت نور:تفكرين بتوتو؟؟ سماء: شخباري توتو نور:عيل بمنو؟؟ سماء:محد نور:علينا قولي انج قام تفكرين بمي سماء:مي ؟؟ شكو؟؟ نور:لما كلمتج صار ويهج احمر سماء:شدراج انها كلمتني؟!! نور:جفتها سماء:انزين جن عندنا مشهد رحنا للقسم ولا فجر وزهراء هناك تدربنا على المشهد بعدين طق الجرس رديت الصف ما لقيت احد غير غلا ومريم وريم وفرح ومي بس مها مو موجودة غريبة!! بالعادة كله لازقة بمي جنها ياهل ومي امها قعدت مكاني المفروض علينا علوم بس يت ابلة رسم وقالت ان علينا احتياط العلة الي يمي راحت لصديقاتها قلبت كرسيي وجابلت ريم وفرح سولفنا شوي ولا اشوف مي ياية وقام تبتسم حقي قعدت يمي ولزقت كرسيها بكرسي وقالت:سموي ابيج تفهميني واجب العربي ما عرفت احله سماء:اوكي كنت حدي مستحية لان كانت حيل لازقة فيني حطت الدفتر على الدرج وبطلت على الواجب اشرت على السؤال الاول وكان حده سهل :هذا شنو جوابه؟؟ سماء:ربه,هاء الغائب,ضمير بارز متصل مبني في محل جر مضاف اليه مي:كتبي انتي سماء:خطي موحلو مي:عاادي ييت بطلع قلم من مقلمتي جان تعطيني قلمها ايدها لمست ايدي <<قسما بالله اكتب وانا لايعة جبدي>> خلاص ذبت وخرت ايدها كتب وايدي قام ترجف فطلع الخط عوي وحطيت القلم جدامها خذته وقالت:شرايج تجاوبينهم كلهم؟؟ سماء:اوكي خذيت القلم وبديت بالاجابة ولا تقرب ويهها مني اكثر لدرجة اني قمت اتنفس انفاسها قلبي قام يرقع حيل وقمت اتنفس بسرعة ايدي زادت رجفتها وويهي صار احمر مي:شفيج مو عارفة الجواب؟؟ سماء:ها لا بس اي الحين عرفته حليت الباجي بسرعة وعطيتها الدفتر والقلم قالت:مشكورة حبيبتي تعبتج معااي سماء:لا عادي تعبج راحة مي:اقول سموي قعدي يمي مهوي راحت البيت سماء:ليش شفيها؟؟ مي"تتدلع مالت عليها" :مادري تقول بطنها يعورها وراحت البيت سماء:ما تشوف شر اذا كلمتيها سلمي عليها مي"اي عشان تذبحج وتذبحني" :اذا كلمتها اقولها يلا يبي اغراضج وتعالي سماء:اوكي راحت مي وانا شلت جنطتي ييت بقوم جان ريم تقول:وين رايحة؟؟ سماء:بقعد يم مي مها راحت البيت ريم: بس جذي؟؟ سماء:اي بس ليش ؟؟ شنو عبالج ؟؟ ريم:مادري يمكن صرتي بدال مها سماء:شنو قصدج؟؟ ريم:انتي فاهمة قصدي سماء:انتي صج تفكيرج غلط تطمني مو بدال مها ولا يمكن اصير نفسها بس اهي قالتلي اقعد يمها وانا قلت اي ريم:ديري بالج منها سماء:الحمد لله والشكر ورحت لمي مي:جان طولتي اكثر سماء:سوري بس كنت قام اكلم ريم اتوقع ان هذا اطول بارت نزلته بليز بشوف تفاعل 1- مي صج تحب سماء ولا حالها حال غيرها؟؟ 2- مها شبتسوي لو درت ان مي تحب سماء؟؟ رح تسكت وعاادي؟؟ ولا بتبجي بعدين تنسى؟؟ ولا رح تسوي اي شي عشان ترجع مي؟؟ 3- سماء حبت مي ولا لا؟؟ 4- سماء رح تنسى توتو؟؟ 5- مي شلون تعرف كل شي عن سماء مع انها ماكلمتها غير جم مرة؟؟ |
بنوته حبيبتي شلونج انا توي بديت قراءة البارتات وشي حلو اللي يدور بالمدرسه رجعتيني لايام الدوامات الصباحي وايام العزوبية :) في لي تعليقات على البارتات الي قريتها بس انتظر لين اخلصها واحط تعليق كامل عندي جم استفسار وجم سؤال واتمنى اجابتي لو ما يضايقج :) واعتبريني من متابعيج ولو كان بصمت ووعد منى ارد على البارتات لما اخلص قراءة :) متابعتج ندووو |
اقتباس:
يشرفني كاتبة مثلج تتابعني:flowers2: |
وااااااااااااااااااااااااااااااااااااااو بنوتة تطورات ماشاء الله عليك وانا آخر من يعلم اهئ اهئ اهئ لالالا بجد حلووووووووووووووووووووة وحتى روووووووووعة قليلة وفكرتك عجييييييييبة خخخخ يالله من اليوم ورايح مسنترة عندك خخخخ تحياتي لك |
اقتباس:
بجد فرحتيني ويشرفني تسنترين عندي هع |
سلااااااااااااااااااام
ادري مصختها وطولت بس ترا ما كتبت غير نص بارت <<حلوة هع سووووووووووري بس صج صارتلي ظرووووووف انا ان شاء الله هالاسبوع بسافر واذا قدرت اكتب قبل لا اسافر كان بها ما قدرت اكتب وانا برا ان شاء الله رح آخذ اللاب معاي سوووووووووووووووووووووووووووووووري |
السلام عليكم ورحمة الله وبركاته
اول شي اعتذر عن التأخير القصور الغير متعمد والخارج عن ارادتي اليكم لجزء عسى ان يحوز على اعجابكم مي اتوقع انكم مستغربين مني وشلون قلبت على مها وحبيت سموي بدالها وشلون اعرف كل شي عنها (قبل يومين تقريبا كان علينا العاب بس الابلة ما لعبتنا وقعدت تسولف مع الابلة الثانية قلت لمها اني بروح الصف وتلحقني بعد شوي قلت للابلة بروح الحمام"اكرمكم الله" وقالت اوكي رحت الصف جان اتذكر ان ابلة العربي قالت الم دفاتر البنات بطلت الجناط وخذيت الدفاتر ولما وصلت لجنطة سماء لقيت مذكرة وياني فضول اني اقراها بطلتها وقعدت اقراها نسيت ان مها بتيي ونسيت الدفاتر ............................................................ ................................ توني خالصة منها مسكينة سموي الي يجوفها يحسها ياهل ولا يمكن يشك بلحظة ان هالويه البريء متعذب هالعذاب كله حراااااااام تتمنى احد يلمها ومنو هالاحد توتو الخايسة صج اني صديقتها بس لما دريت انها سبب عذاب سموي كرهتها حسيت انها سخيفة مادري سموي شتحب فيها وبعد ما سوت فيها كل هذا والله حرااااام كرهت مها اي مها سخيفة ودلوعة وتبجي على اي شي وعندها كل شي تبيه مو سماء المسكينة ما عندها احد نفسي صج ان عندها اخوان بس سما تحبهم نفسي بالظبط حتى اهلي ما احبهم وسموي نفس الشي انا لازم اسوي شي ما اقدر اشوفها جذي وما اسويلها شي صج انها ما اشتكت لي بس دام عرفت بساعدها بعطيها كل شي تبيه وانا شكو فيها اسويلها الي تبيه؟؟ كا انا محد عطاني شي ولا احد سوالي شي حتى مها مها؟؟ اي صح لاعت جبدي منها اول مرة اطول جذي مع بنية والحين سماء محتاجة لاحد خلاص اوخر عن مها واروح لسماء مها:هاي مي.. الزفتة اول شي ما خلتني حنيت عليها لين رضت مي:.......... مها:مي انا قام اكلمج حطيت المذكرة بالجنطة وقلت:لمي دفاتر هالمجموعة ابلة العربي تبيهم مها:واحنا شكو فيها احنا يينا عشان نستانس وقربت مني وقالت:ولا انا غلطانة دزيتها وقلت:بس اهي قالت تبيهم ظروري واحنا ما عندنا شي نسويه مها واهي قام تبجي:عيل ليش يينا؟؟ مي:اف مها:مي انا شسويت لج؟؟ مي:ولا شي مهوي انا الحين تعبانة ومالي خلق شي بليز ومسحت دموعها بعدين لميتها مسكينة مها اذا جذي قتلها وزعلت شلون لو هديتها) سماء مادري شفيها مي فجأة سكتت حسيتها زعلت بس انا ماقلت شي قلت: سوري بس كنت قام اكلم ريم انا قلت ريم!! معقولة تغار؟!؟! سماء:مي مي:هلا سماء:شفيج؟؟ مي:ما فيني شي ليش؟؟ سماء:مادري فجأة سرحتي عبالي انج زعلتي مني مي:ليش انتي سويتيلي شي عشان ازعل؟؟ سماء:لا مي:خلاص عيل وقعدنا نسولف اول مرة اسولف معاها جذي واايد اندمجت معاها قبل كنت ماخذى فكرة خايسة عنها بس الحين عرفت انها حبوبة مريم استغربت من مي قاعدة مع سموي وقام تسولف معاها الظاهر ملت من مها وتبي تغيرها الله يعينج يا مها كلنا ندري ان مها وايد متتعلقة بمي وحيل تغار عليها طق الجرس وبدت الحصة الي وراها مي:اف علينا عربي ويع سماء:بالعكس احلا شي العربي مي:اقول سموي شرايج ننحاش؟؟ سماء:اذا تبين انحاشي انا مابي مي:ليش؟؟ سماء:بس ما ابي آخذ تعهد ولا انفصل مي:ما رح يجكوننا في مكان سري اكشتفنا انا ومها كله ننحاش فيه سماء"اي عيل هناك تسووون الاحم احم" سماء:لا مابي مي:كيفج ولا تيي الابلة سلمت وقعدنا ............................................................ ........... مرو باجي الحصص عاادي بالنسبة للكل الا سماء سماء تو طق جرس الهدة مرت الحصص عادي بس الي تغير اني قاعدة يم مي ومي بكل حصة يا لامتني من ورا يا حاطة راسها على جتفي وحيل قاعدة قريب يمي مادري ليش احس انها تحبني شلت جنطتي ييت بطلع ولا مي تقول:سموي انتي من اي باب تطلعين؟؟ سماء:من باب الادارة ليش؟؟ مي:حسافة انا من الباب الثاني يت لي قالت:عطيني رقمج قلت:البيت ولا موبايلي؟؟؟ مي:الاثنين عطيتها الرقم بعدين لمتني وقالت:بااي مارديت عليها حسيت روحي متخدرة ومو قادرة اقول شي جسمي كله قام يرجف نزلت من الدري ولا اجوف زهراء وفجر ونور رحت لهم وطلعنا برا مر شهرين على الاحداث وبدت امتحانات الفترة الثانية من الكورس الثاني .................................... ملخص الاحداث مي تتهرب من مها و كل ما سمحت لها الفرصة تكلم سماء فجر وابلة هيا عادي نفس كل مرة مريم ليلحين مع يوسف وتعرفت على جم واحد بالنت توتو لاحظت تغير سماء بس ما همها وااااايد ومن بنية لبنية ............................................ سماء قعدت الساعة 5 الصبح حدي متشوقة اروح المدرسة مي حدها تونس وااااااااي ولا كلامها امبيه يهببببل تذكرت كلامها واحمرت خدودي<<الحمد لله والشكر اف الحين شسوي!! ادق عليها علما تصير 6 لا لا فشلة بعدين تقول اني ميتة عليها وانا قام افكر ادق ولا لا الا اهي تدق علي جنها حاسة فيني سماء:الو مي:قعدتج؟ سما:لا مي:اشتقتلج وتمو يتكلمون ساعه تقريبا مي تتغزل وسماء ساكته فجر واخيرا صار يوم الاحد اليوم بشوف حبي كتبت لها اشعار بالدفتر وبعد كتبت لها جم سؤال اموت واعرف شنو رح تجاوب واااااااي متى اروح ((فجر مسوية دفتر حق ابلة هيا تكتب لها فيه اسألة على بو انها تستحي تقولها ياهم فيس تو فيس وكاتبه بعد اشعار بس صج الدفتر يهبل تسطير وترتيبب ولا الخط عجيب والبنات صارو يطلبون منها تسوي لهم جذي)) خلني اروح اقعد اخواني احسن عشان لا يأخروني مريم اليوم متفقة مع يوسف انه يمرني المدرسة واطلع معاه عشان جذي ما رتبت جنطتي عالجدول تريقت بسرعة بعدين بدلت خذيت جنطتي ونزلت تحت ولا اشوف امي لابسة استغربت اول مرة تقعد مبجر مريم:يما وين بتروحين؟ امي:بوديكم المدرسة مريم:ليش وين السايق؟ امي:خالتج تبيه طرشتلها ياه يلا اخوانج جاهزين؟ مريم"ياربي يعني ما لقت تاخذه الا اليوم" مريم:اعتقد.الحين اشوفهم الحين شسوي امي ما تروح الا اذا شافتني دخلت المدرسة واذا دخلت ما رح اقدر اطلع الحارس الزفت واقف ومايرضى ياخذ فلوس مسوي روحه شريف اف اف اف :سارة يلا تعالي امي تحت ناطرتنا سارة"اخت مريم":وامي شكو؟ مريم:اوهو اهي بتودينا يلا بسرعة سارة:اوك اوك كاني خلصت مها مي وايد متغيرة علي اف مع اني ما سويتلها شي ياربي اليوم لازم اكلمها واشوف شالي مغيرها علي سماء وصلت المدرسة وكلي شوق اشوفها..مشيت بخطوات سريعة نايحة الصف.. ومع كل خطوة دقات قلبي تتسارع..وصلته وبطلت الباب بلهفه..وو فجر اففففففففففف وينها سماء صارلي ساعة ادورها ابيها تعطي الدفتر حق ابلة هيا..ياربي يعني صج مو وقتها.وزهراء ليلحين ما يت وانا استحي اعطيها ياه..بروح صفها يمكن الاقيها... سماء وو :سموي وين وصلتي!! سماء:ها لا معاك ورجعت لافكاري بطلت الباب ولا مي وريم موجودين سلمت عليهم وقعدت غريبة مها متأخرة بالعادة اهي اول وحدة تيي!! مريم افففففففففففففففففففففففففف يعني ما لقت الا اليوم تبي توصلنا وصلت المدرسة ولمحت سيارته واقفة..نزلت وحاولت ابطئ خطواتي وامي ليلحين واقفة ياربي..اشرت لها انها تروح بس حقرتني..اففف..دخلت المدرسة وركض للحمام"اكرمكم الله"دقيت عليه وقتله يروح عصب علي شكله زعل يا ربي والحين شراضيه هذا.. طلعت برا دورت على منيرة ما لقيتها شكلها طالعه مع حبيب القلب...مالت على حظي.. دخلت الصف ولا فيه سماء ومي وريم غريبة وين مها عنهم بالعادة اهي اول وحدة تيي..شكلها حست بالي بين سماء ومي..الله يستر. مها رايحه بسابع نومه لأن محد قعدها للمدرسه.. بالحصة الخامسهـ "رياضيات" مي:سمووووي شرايج ننحاش الحصة سخيفة سماء:لو احتياط اوك بس حصة اساسية ورياضيات بعد سووري مي:افا ترديني سماء:مو قصدي بس رياضيات بروحي ميح فيه وانحاش من الحصة مي:اوك خلاص فهمت(بنفس طبعا) مي افففففف حصة اساسية سوري ما قدر انحاش..يعني كلش مهتمة بالحصة مو جن نصها سرحانه..بس انا اراويها تتهرب مني عيل... بالهدهـ فجر رحت صف سماء عشان تيي معاي وناخذ الدفتر من ابلة هيا...وصلنا للقسم دقيقة وطلعت سماء. سماء:طالعه فجر:انزين الدفتر على درجها؟ سماء:مادري ما شفت بعدين درجها احده معفووس فجر:نطريني بدخل اشوفه سماء:اوك بس بسرعة دخلت القسم ولا لقيته على الدرج يا رب تكون مجاوبتهم بطلته بسرعة ولا اي الحمد لله سكرته وطلعت ((مثل ما قلت لكم القصة صجية وهاذي صور للدفتر)) سماء وصلت البيت..دخلت بدلت وصليت..ما تغديت مادري ليش لايعة جبدي ومو مشتهية...وقعدت عاللاب توب كالعاده.. فجر وصلت وركض على داري..بدلت....صليت وبطلت الدفتر.. ولا امي تفتح الباب... سيدا خشيت الدفتر امي:فجورة يلا غدا فجر:كاني يايه اففففففف كل مابي اقراه يصير شي ياربي نزلت تحت وكليت معاهم وتفكيري بالدفتر مريم وصلت البيت وركض عالدار..غسلت وبدلت وسيدا عاللاب.. سماء وانا قاعدة اكلم صديقتي عالmsn ولا اسمع صراخ اففف اكيد هوشة يديدة بين عبد الرحمن وابوي يا ربيييييييييي ما يمر يوم الا ويتهاوشون هذا وعمره 11 شلون لا كبر..استأذنت منها لان ايدي بدت ترجف وما رح اقدر اكتب..ضميت ركبي ودفنت راسي فيها مثل كل مرة تصير هوشة بينهم...ويكون سبب بايخ بس ابوي مايحب احد يرد عليه ولا قال لا يعني لا وعبد الرحمن بس يعاند طرااااااااااخ يا ربي شكله طقه الله يستر تعالى صراخهم وانا احاول كثر ما اقدر اهدي روحي...واوقف من الرجفة... طرااااااااخ طقه ثانية ابوي بدا صوته يتقطع واهو يتكلم بس ما قدرت اطلع تميت بمكاني وانا اسمعهم ابوي:اشش قتلت لا ترادد عبد الرحمن من بين دموعه:كيفي حتى الكلام ممنوع ابوي بصراخ:اشششششششش عبد الرحمن:مابي امي: بس عبد الرحمن اسكت عبد الرحمن:مااااااابي ابوي:يبي العصا"طبعا مايطقه فيها مجرد تخويف:(" امي"ولا جنها سمعت" ابوي:بتسكت ولا شلون؟؟ عبد الرحمن:ما ارح اسكت ابوي:اسكت" وطقه:(" عبد الرحمن:بتبرى منكم انتو مو اهلي وبعد جم طقه سكت زادت الرجفة عندي يا ربي الله يستر طلع ابوي وطلعت امي من داره ((اخواني من واهما صغار دلوعين يمكن لان بنات اكبر منهم تخيلو شعره كان لجفته"كتفه"لين صار عمره 5 والروضة قالولهم يقصونه كانو يلعبون بالباربي والعاب البنات معانا اصواتهم ناعمة امي وابوي عبالهم ان عادي يكبر ويتغير لكن للاسف لما لاحظو هالشي منعوه من اللعب بالعاب البنات كبر وصار ب5 وتعقد من كثر ما الصبيان يقولون عنه "جنس ثالث" وبدا يتغير عباله ان الرجولة باللسان الطويل وقلة الادب وانه ما يصلي ويشوف افلام وكليبات محتشمة قصدي العكس^_* طبعا ابوي ما كان يخليه يطلع مع اصدقاءه بس شوي شوي قام يخليه وبدا ينحرف اكثر بس لدرجة كبيرة يعني بدا يهمل دراسته تخيلو من 97% 80% وشوي شوي صار بالسبعينات صار قليل ادب وما يحترم امي لدرجة يقولها "تخسين,لو قالتله حمار مثلا يقول الحمار منو امه وابوه او دامني حمار يعني انتي وابوي وكل عايلتنا حمير,مرة دزها وطيحها بعدين اعتذر منها وقال انها آخر مرة,وما يخليها تروح المدرسة لا صار اجتماع مثلا لانه "يستحي" ولا يطلع معاها..والحين بدا يرادد ابوي صج انه بعدين يعتذر ويحس بغلطه لكن يرد يعيده وصارت كل يوم تقريبا مشاكل بين ابوي واهو واليوم الي ما تصير فيه مشكله استغرب صراحة.. ادري طولت عليكم بس شسوي^_*)) كلمت صديقتي وقتلها بطلع انسدحت على فراشي وقعدت افكر لو درو اهلي عني واهما معتبريني احسن وحدة من اخواني..لو درو ان سماء الهادية العاجل يطلع منها كل هذا شرح يصير فيهم..لو درت امي ان سماء الي تقول انها احسن وحدة من عيالها ما تحبها وانها ما تحب احد فيهم تحب وحدة بالمدرسة مو كافيها الي فيها ايي انا.. لو درا ابوي شنو ممكن يصير فيه يكفيه عبد الرحمن ومشاكله ايي انا اكمل عليه!! سمووووووووي وين راح مخج شلون رح يعرفون!!بعدين انتي ما سويتي شي تعالي تفكرين فيهم وشرح يصير واهما ما فكرو فيج رن موبايلي وطلعني من افكاري طبعا كانت مــــــــــــي الي داقه.......... مها الساعة 5 ونص وتوها تقوم من النوم ولما استوعبت انها ما راحت المدرسة لان محد قعدها بسرعة قامت غسلت..ونزلت تحت عند الخدم تشوف ليش ما قعدوها زفتهم وحطت حرتها فيهم..تغير مي عليها خلا نفسيتها زففت حتى الامتحانات مو هامتها نورهـ"اخت توتو" (((خلها اهي تعرفكم على توتو*_^)) افففففففففففففففففففففففففففففف التلفون من الصبح يرن يا ربيييييييي لا وكلهم معجبات توتو مالت عليها وعليهم مادري شعاجبهم فيها ويها الي فيه شبه لحيه*_^ ولا مشيتها الي جنها مشية صبيان ولا الصوت الي كله رقه قصدي العكس+_+ ولا ريحه الزقاير!!..وفوق هذا كله ساقطة سنتين شكلها حفظت المدرسة عدل..ولا طلعاتها مع عيال خالتي وعيال عمتي وجنها واحد منهم قسم بالله قمت اخاف منها يمااااااااه نظراتها تخرع..احس جنها صبي..حتى من كثر خوفي منها قمت اقفل الباب على روحي لما انام هذا بعد ما انتقلنا بيت امي ولا اول مع ابوي كنا قاعدين بشقه..وانا وياها بغرفة وحده طبعا حاولت معاي كذا مرة بس صديتها هذا الي ناقص بعد استغفر الله الله يهديها...... مريم وانا قاعدة بالغرفة ولا موبايلي يرن..عبالي يوسف فركضت بسرعه..ولا تطلع"منيره"غريبة المفروض تكون طالعه مع"حبيبها" رديت عليها: :الو :مريوووووووووووم لحقي علي :شصاير خرعتيني!! ............................................................ ........................ انتهى البارت ان شاء الله يعجبكم*_^ |
| الساعة الآن 06:12 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية