منتديات ليلاس

منتديات ليلاس (https://www.liilas.com/vb3/)
-   الجوال (https://www.liilas.com/vb3/f20/)
-   -   قبل ما تشترى موبايل تعال هنا (https://www.liilas.com/vb3/t70381.html)

Z a H e R 19-02-08 04:02 AM

قبل ما تشترى موبايل تعال هنا
 
مرحبا يا احلى أعضاء
أبو الزوز يحيكم من أرض ليلاس
وبيقلكم ما حدا يقعد بالبيت وكلو يطلع يتفرج على التلج
ههههههههههههههه


طيب يا حلوين لو انت عايز تشترى جوال جديد وما بتفهمش كتير بالجوالات شو حتعمل

أولا:: يجب انك تحدد مبتغاك من الجوال يعني يشوف هو محتاج إيه من الإمكانيات
عاوز مثلاً تلفون يكون فيه راديو و MP3 وبيتركبله ميموري وكاميرا وبس
وممكن واحد تاني ماتهمهوش الحجات ده بيبقى محتاج جوال بس يكون شيك سواء بباب أو زلاج
وطبعاً دلوفتى الشركات ( خصوصاً نوكيا ) مابتقدمش كل المميزات في جوال واحد علشان التسويق لبقية العدد يعنى تلاقي جوال فيه حاجات كويسة بس نقصة مش عارف إيه وهكذا

خلاص دلوقتى فرضاً أن واحد عاوز تلفون تكون كاميرته معقوله ( مش غاوي تصوير قوي ) بس أهم حاجة ان يكون في راديو و MP3 علشان المزاج

يبقى عشان تشترى جوال لازم تشوف امكانيات الجهاز وانا حعطيكم موقع من أكثر
المواقع مصداقية فى هذا المجال وهو موقع


WWW.GSMARENA.COM

بعد ماتدخل على الموقع ده هتلاقي على اليسار قائمة بجميع شركات الموبايل الي ربنا أوجدها على الأرض بلا إستثناء الوحش والحلو وشكل القائمة بتكون بيهدا الشكل

http://img246.imageshack.us/img246/4841/01np5.jpg

طبعا انت تختار الشركة المصنعة للجوال الى حابب تشتريه نوكيا او سامنسونج ....الخ
وطبعا بعد ما تختار من القائمة اسم الشركة حتفتحلك صفحة فيها كل الجوالات الى صنعتها
الشركة والى موجودة فى السوق


http://img140.imageshack.us/img140/9926/02yi1.jpg

الان لنفرض انك شوفت جهاز وعجبك لازم الان تعرف شو مواصفات هالجهاز
بعد ما تضغط على صورة الجهاز راح تفتحلك صفحة بالشكل التالى


http://img209.imageshack.us/img209/9238/03mx3.jpg

الان حشرحلكم كل شغلة موجودة بالمواصفات

أولاً
الترددات
http://img176.imageshack.us/img176/2525/04th1.jpg

وطبعاً زي ماهو باين من الصورة أن الجوال ده بيشتغل على 3 ترددات وكلهمGSM وهي إختصار لـ Global System for Mobile وده مانسميه نحن الجيل الثاني 2G ومن هذا نعرف أن هذا التلفون مش مدعم لخدمات الجيل الثالث 3G ولو كان التلفون مدعم هنلاقي كاتبين أنه مدعم للـ 3G

ثانياً
المقاس والحجم

http://img176.imageshack.us/img176/2395/05xx5.jpg

وهنا قصده مقاس جسم الموبايل ووزنه
وطبعاً ماحدش فاهم المقاسات ده هتعرفها إزاي أسهل حاجة تعملها أن تفتح صفح خصائص تلفون
أنت عارفه كويس نقول مثلاً 6600 وتقارن المقاسات ببعض ساعتها هتاخذ بالك من مقسات ده
يعنى تخلي 6600 مرجع تقيس عليييه (طبعاً الحاجة ده تفرق مع واحد عاوز جهاز يكون صغير أو كبير ) حسب المزاج يعني


ثالثاً
الشاااااااشة

http://img151.imageshack.us/img151/2841/06ap6.jpg

وده أنا شايفها من أهم الحجات الي لازم تاخذ بالك منها لان دقة الشاشة وعدد الألوان في البكسل هو ده الي بتوقف عليه نقاوة الشاشة وبيخلي الشاشة ده أنظف من التانية
المهم أول حاجة هو كاتب نوع الشاشة وهي من نوع TFT وهي إختصار لـ thin film transistor وهذه التقنية بتعطي أفضل وضوح للشاشة وهي عبارة عن دمج ألوان البيكسل وأغلب الأجهزة الجديدة من بعد 6600 تقريباً وهي بتنزل بهذا التقنية وبعد كده كاتب 65K وهنا أن 65 ألف لون للبيسكل الواحدة وأنا من رأي الشخصي أن 65 ألف شوية أغلب الجديد دلوقتى بينزل 256k لون وده أقل ما أنصح بيه وبعد كده قال مقاس الشاشة 176*208 بيكسل برضه ممكن تقارنها بمقاس6600 علشان تحس بفرق المقاس وبعد كده ذاكر حبة حجات زرار الملاحة بخمس إتجهات ( فوق وتحت ويمين ويسار و الضغط للداخل كزر ) .


رابعاً
النغمات

http://img151.imageshack.us/img151/7696/07ah2.jpg

وده طبعاً لو بيهمك الموبايل بيشغل إيه ومابيشغلش إيه
هنا قال أن نوع النغمات POLYPHONIC يعني مجسمة وبتتكون من 48 طبقة صوت
وهنا أحب أقول لحضارتكم أن عدد الطبقات بيفرق كثير موووت في وضوع النغمات ( المجسمة)
وشركة سامسونج هي الرائد في وضوح النغمات بتصل طبقات الصوت عندها لأكثر من 64 طبقة
علشان كده تحسوا أن النغمات عندهم حلوة كده ونظيفة عن النوكيا
وبيقول أنه مدعم يشغل MP3 كنغمة رنه
وبعدين ذاكر أنه ممكن تعمل داون لون لنغمات ( وده بيكتبها في كل الموبيلات )
وبعد كده ذكر أن فيه فايبريشن (رجاج) وده لازم تاخذ بالك منها ( مع أن خلاص أغلب الموبيلات بقت بفايبريشن )


خامساً
الذاكرة

http://img175.imageshack.us/img175/406/08jw6.jpg

وطبعاً أنتو عارفين أهميتها أكثر منى
أول حاجة هو كاتب أن النوتة مطورة
وثاني حاجة أنه بيسجل مكالمات
وثالثاً ده أهم حاجة ( علشان تعرف الموبايل بيركبله كارت ومساحته الداخلية قد إيه )
هو كاتب MMC وهي إختصار لـ Multi Media Card ودلوقتى ظهرت أنواع أخرى
المهم هنا هو قلك أنه يتركبله كارت ولو ماكنش بيتركبه بيقولك NO MMC
وبعد هذا ذكر أن الجهاز بيجي معاه كارت 32 ميجا
وبعد كده قال 6 ميجا مساحة الجهاز الداخلية وبعد كده ذكر أنه بيسجل فوق الـ60 دقيقة فيديو


سادساً
نقل الداتا و التوصيل

http://img127.imageshack.us/img127/1310/09ck2.jpg

وده برده تعرفوها علشان فيها حاجات مهمة
أول حاجة ذكر الـ GPRS وهي إختصار General Packet Radio Service
وهي تقنة الإتصال بالإنترنت عن طريق الموبايل وتصل سرعته إلى 115 كيلو بت لكل ثانية ( ده أقصى سرعة ) وطبعاً هنا في الموبايل ده سرعته 48 فقط بس الحجات ده مابتفرقش معانا
وبعد كده ذكر أن التلفون غير داعم للـ HSCSD وهي إختصار High-Speed Circuit-Switched Data وهي بتستخدم للـ GSM NETWORK
وبعدين قال أنه داعم لخاصية EDGE وهي إختصار Enhanced Data rates for GSM Evolution وهي بتستخدم لمميزات الجيل 2.5G وهي عبارة عن مميزات تحتاج على إتصال ذات سرعة عالية زي الرسائل الفيديو وخلافه
وبعدين ذكر أنه مش مدعم للجيل الثالث 3G

والمهم بقى الي جاي بقى التوصيلات الي إحنا عاوزنا بجد
قال أنه فيه بلوتوث ونوعه 1.1 ( البلتوثات فيرجنات كثير وعليها بتعتد سرعة البلوتوث)
وبعد كده قال أن فيه إنفرا ريد
وبعد كده قال أن ليه كابل USB ( يعني ممكن توصلي بالجهاز عن طريق الكابل )


سابعاً
المميزات العامة

http://img20.imageshack.us/img20/567/10wr7.jpg

اول حاجة ذكرها OS وتعني الـ OPERATING SYSTEM
أو نظام التشغيل أو بالعربي نوع السوفت وير المستخدم والشركات الرائدتان في صناعة سوفت وير للموبيلات هي سيميان ومايكروسوفت بس الأخيرة متخصصة في الـ آي ميت
وطبعاً في شركات ثانية كثير غيرهم بس سيمبيان هي بقت تعمل أغلبية السوفت وير للنوكيا وهنا كاتب أنه الإصدار السابع وطبعاً أنتو بتشوفوا الإختلاف بين الإصدارات في الموبايلات المختلفة
بتاعت نوكيا بس لو تلاحظة الأوبشن الأساسية كلها واحدة
وبعد كده بيذكر أنواع الرسائل
وبعدها نوع المتصفح بتاع النت ( هم انواع وإصدارات كثير )
وبعد كده الألعاب الموجود على الجهاز
وبعد كده الألوان المتوافرة للجهاز
وبعد كده وأهم حاجة لناس كثييييييييير الكاميرا
كتبب أنها 1.23 ميجا وأنها 1280x960 بيكسل ( يعني الصور الي هتصورها من غير زوووم هتبقى بالمقاس ده) وذكر أنه بيصور فيديو ( وطبعاً لو الكاميرا كان فيها فلاش هيكتب ذلك ولو فيها MULTI SHOT هيذكر ذلك برضه يعنى الحج مش هيخبي عليكو حاجة )
وطبعاً أنا بنصح أن الكاميرا ماتكنش أقل من 1.3 ميجا ( للمهتمين بالتصوير فقط )
وبعد كده ذكر حبه خصائص الي موجودة في الجهاز أنا هقولكم على الحجات المهمة منها :

Push to Talk وده خدمة جميلة جداً وهي أن تستخدم الموبايل كجهاز لاسلكي عادي

Java MIDP 2.0 هنا بيقول ان الجهاز مدعم بلغة جافا يعني ممكن تنزل عليه ألعاب جافا وبرامج الي بنشوفها اليومين دول

Mono MP3 player وهنا بيقول أن التلفون فيه مشغل MP3 ماحدش يضحك عليكم ويقلوكم على الجهاز انه بيشغل MP3 بس ببرامج لازم تنزله لازم يكون التلفون يكون فيه مشغل علشان فرق الصوت

Stereo FM radio هنا قال أن الجهاز فيه راديو وإيستريو

Visual radio وده صراحة ميزة عجبتنى قوي في التلفون ده وهي خدمة الراديو لو جاية معاه أي إنفورميشن أو معلومات أو حتى صور بيعرضها زي التلفزيون بس للأسف الحجات ده مش في

T9 القاموس طبعاً كلكم عارفينه


ثامناً
البطااااااااارية

http://img89.imageshack.us/img89/9475/11ln0.jpg

طبعاً في الاول بيقول نوعها
وبعد كده بيقولك STAND-BY بتعقد 150 ساعة ( قصده ان الجوال لو سيبته خلاص من غير ماتتكلم أو تلعب فيه بيعقد 150 ساعة )
وبهد كده بيقول التحدث بيعقد معاك 4 ساعات ( يعني البطارية طولها 4 ساعات كلام متواصل )



ده بقى أهم 8 حجات لازم تعرفها عن الجهاز الي ناوي تشترية
بس فيه نقطين زيادة علشان تكمل إقتناعك بالجهاز الي انت عاوز تجيبه


تاسعاً
بصفحة الموبايل حتلاقى تقيم الو وهيدا شى منيح
مشان تعرف رأى الأشخاص الى جربو الموبايل


http://img201.imageshack.us/img201/2929/12qw3.jpg

لاحظ من الصورة انو التقييم فوق ال7 يعنى الجوال ممتاز
وهما بيقيمو على 3 شغلات التصميم والمميزات والإمكانيات

وكمان ممكن تقرأ اراء المستخدمين


http://img201.imageshack.us/img201/8601/13rj5.jpg

وانا برأى الشخصى انك تقرأ قد ما تقدر لانو فى عيوب ما تبان الا مع الاستخدام

عاشراً
تحت الجوال حتلاكى كلمة PICTURES

http://img201.imageshack.us/img201/1701/14gx2.jpg

دوس عليها هيفتحلك صفحة فيها الصورة الحقيقة للموبايل بنفس المقاس الحقيقي لها وتحت حبة صور وتحت حبة الصور هتلاقي كلمة
Click for more pictures المهم دوس عليها هيجبلك بقى كمية صورة للموبايل من كل الزويا ومن الجنب ومن جواه وبراه ومن كل حته تتوقعها


http://img201.imageshack.us/img201/9490/15vm5.jpg

وكمان حتلاقى حاططلك شكل السوفت وير بتاع الجهاز

http://img201.imageshack.us/img201/6698/16ns4.jpg

وكمان حتلاقى صور متاخذة بكاميرا الموبايل مشان نشوف نقاوة الكاميرا

http://img201.imageshack.us/img201/9560/17te6.jpg



يا سلااااااااااام وأخيرا خلص
دا انا ريقى نشف ههههههه

الان يا حلوين صرتوا خبراء
يعنى اى واحد فيه يروح يشترى الموبايل وهوا مطمئن
وصرتوا تفهمو بالمواصفات يعنى البياع مش حيضحك عليكم

والكم تحياتى










نبع الحب 20-02-08 01:32 AM

ههههههههههههههه

بصراحهـ انا اهم شيء شكلها

لانه مابعرف ولاشي عن المواصفات المناسبهـ للجوال

بس هلا صار عندي فكره عنها

يعطيكـ العافيهـ ابو الزوزز

على المعلومات

يسلمووووووووووووو

لبيب 20-02-08 02:15 AM

موضوع روعه زاهر... والموقع

بس المعلومات.... روووووووعه
ههههه
بس مش اليوم بقراها كلها ..

Z a H e R 21-02-08 01:54 AM

نبع صحيح الكل بينتبه للشكل اول شى
بس المواصفات طبعا اهم
ولازم يكون عندنا خلفية عن هالمواصفات
يسلمو لمرورك
موفقة



لبيب يسلمو الك
واقراها اكيد حتستفيد
موفق

إلياذة الواقع 21-02-08 02:00 AM

ميرسي أخي

إنشاء الله أستفيد منها


لأنو ناويه أشتري موبايل بدون كاميرا


الساعة الآن 02:02 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية