|
مما قيل .. ( متجدد باستمرار )
أعزائي أحلى أعضاء بأحلى منتدى :liilase: ازيكم كتير بنقرا كلمات بتعجبنا سواء في جريدة , مجلة , على الانترنت , في اعلان في الشارع , في التلفزيون ... الخ بتكون حكمة , مثل , مقولة , نصيحة , خبر غريب ... الخ جاتلي فكرة بصراحة مش عارف هل هي موجودة قبل كدا ولا .. لأ ان اي حاجة تعجبك في اطار الحكاية دي نكتبها هنا ويبقى أحلى لو كتبنا احنا شوفناها او قريناها فين واكيد الهدف في الآخر اننا نفيد ونستفيد ايه رأيكم |
موضوع فكرته رائعه اخوي بجد أتمنى اشوف تفاعل بموضوعك ولي عوده ان شاء الله انت ابدا قبل علشان تتوضح الفكر اكثر الله يعطيك العافيه |
اسمحولي أبدأ
الهمة العالية : قال رجل لآخر : أريدك في حويجة ! أجابه فورا : أقصد بها رجيلا ! الدستور .. مايو 2007 لا تكن طبلا : من يتكلم من غير علم يكون كالطبل : ممتلىء من الخارج خواء من الداخل. وقد قبل : لإحداث الضجيج نبحث عن صغار السن , والطبول. عقيدتي .. 4 / 2007 هل توافق ؟ الخوف هو أسوأ مستشار للإنسان. الدستور .. مايو 2007 نبأ .. عن سبأ لا يعرف الكثير من الناس اسبأ رجل , أم امرأة أم أرض ومكان ؟ والصحيح : أنه رجل ولد وله عشرة من الأولاد فتيامن منهم ستة , وتشائم منهم أربعة ! ( تيامن : ذهب إلى اليمن , تشائم : ذهب إلى الشام) الأهرام 3/1/2008 للنساء فقط : دموع التماسيح التي يضرب بها المثل هي في الحقيقة ليست دموعا , حيث أن التماسيح ليس بها غددا دمعية كالأسماك , وأن ما نراه على عيونها ونظنه دموعا ماهي إلى بقايا الماء الذي تعيشس فيه . فهي - إذن - دموع زائفة : ولذا يضرب بها المثل في الخداع والزيف. "في التلفزيون" فاكهة الطماطم : لأوراق الطماطم خاصية عجيبة في طرد البعوض . إذ يكفي وضعها في غرفة ما ليهرب البعوض منها . وكذا بقية الحشرات. كما أن آلام لدغ الحشرات , والتهاب المفاصل تزول بسهولة - بإذن الله - بدلك مكان اللدغ بأوراق الطماطم. " في التلفزيون " من يستغل الفرصة : البعض ينجح بذكائه , والبعض الآخر ينجح بغباء الآخرين. الغد .. 11/2006 العذاب الشديد : كانت ملوك الفرس إذا غضبت على عاقل حبسته مع جاهل. وقد فسر بعض العلماء تهديد سليمان عليه السلام الهدهد بالعذاب الشديد أنه حبسه مع غير جنسه. " من ع النت " :welcome_pills2: |
اقتباس:
حنين الصمت وأتمنى تنم الفايدة على الجميع تقبلي احترامي البالغ :liilas: |
موضوع جميل فعلا وان شاء الله يلقي التفاعل المطلوب .
وعجبتني اوي دي البعض ينجح بذكائه , والبعض الآخر ينجح بغباء الآخرين. |
فكره حلووووه يامتفريس يعطيك العافيه لا تحقرن كل صغيرة انا الجبال من الحصى |
فكرة راائعة جدا اخوي
ولي عودة قريبة ان شالله دمت لنا ودامت افكارك |
اقتباس:
اشكرك همس الطيور على حضورك الراقي تقبلي خالص احترامي |
اقتباس:
ميرسي اخت الزين فينا اسعدني مرورك حلوه جدا لا تحقرن كل صغيرة انا الجبال من الحصى دمتي متميزة |
اقتباس:
ثانكس .. كوين تشرفنا زيارتك وتنوري متصفحي دايما تقبلي تقديري البالغ |
المسابقة الكبرى
إلى كل المدخنين .. الجمعية العامة للتبغ في ( يوبيلها الذهبي ) تدعو جميع المدخنين من جميع الأعمار وللجنسين للاشتراك في أكير سحب بهذه المناسبة . كل مدخن سيكون بين الفائزين . كل مدخن لديه فرصة ليربح إحدى هذه الجوائز الكبرى : الجائزة الأولى : إصابة بمرض السرطان - التهاب شعبي - صداع نصفي - ورم في القلب - ارتفاع في ضغط الدم الجائزة الثانية : تصلب الشرايين - التهاب في اللثة - التهاب القلب الروماتيزمي - سرطان اللثة بإمكانكم أيضا أن تربحوا إحدى هذه الجوائز التعويضية : ترسبات كلسية بالأسنان - رائحة كريهة بالفم واليدين - صبغة الأسنان - فقدان الشهية - تورم في اللثة تذكروا .. أنه كلما زاد عدد السجائر التي تدخنونها .. كلما زادت فرصة الكسب السريع السهل جوائز رائعة بانتظاركم ربما أنت الفائز السعيد .. بإمكانكم استلام الجوائز من أقرب مقبرة ولمزيد من المعلومات ارجع إلى صور الأشعة الخاصة بك. "إعلان في الشارع" |
فكرة هايلة:55: واسمح لي بهذه المشاركة
الدنيا ساعة فاجعلها طاعة والنفس طماعة علمها القناعة. الزمن جواد ابدي الركض ان سابقته فزت وان سايرته وصلت وان عنه تقاعست داسك وتخلفت فمكانك من الزمن هو مكانتك في الحياة وهي حيثما لنفسك اخترت. |
اقتباس:
مرور رائع .. واضافة هايلة بشكرك جدا تحياتي |
منتهى السلاسة .. منتهى البلاغة .. منتهى القوة
بعض من كلمات الفن الشعبي المصري - الصعيدي تحديدا - كتبها وتغنى بها الرجل البسيط حيث انتقد بها امور دنياه واحوال معيشته بمنتهى البساطة والبلاغة في نفس الوقت بصراحة اذهلني أحد رفاقي وهو يتغنى بهذا الكلام الذي راقني وقعه بأذني لحد بعيد فكتبت بعض ما قال .. ع اللكنة الصعيدية طبعا .. بس الكلام سلس جدا يا رب يعجبكم ولو في كلام مش مفهوم .. اكيد مستعدين للترجمة ودي أمثلة : واجب على ابن الأصول طول الوقت .. يتحمل ويبقى متل الجمل .. يشيل ويتحمل لو ينشتم .. يصبر ويتحمل الي يحبك يمضغلك زلط .. وحديد وعدوك السو* يتمنى تكون غلطان الراجل الجد يجي عند الأدب .. وحديد والراجل الجد عند الشر .. يصبر .. ويتحمل -------------------------------------------- * السو : السيء يا حبة البن يا سمرة اللون .. أرضك فين .. فنا جيلك انتي خلاصة المزاج يا حلوة .. فناجيلك قالت تجدني حدا* الي يعرفوا الواجب ويقابل الضيف كحد السيف لكن الندل مهما اغتنى بيخاف م الواجب الي يحبك يولع منقدة** م العصر كيفك كلو دوا م العصر للعصر ونسمع .. رن فناجيلك -------------------------------------- *حدا : عند **منقدة : حطب خطبت بنت من راجل .. جار بيتنا بعد الموافقة غدر بي .. في جا ربيتنا ازاي ياخده الغريب والبنت .. جريبتنا* سألت ايه السبب .. قالوا غني وعنده مال رجعلي سبعين .. لكن منه قبض مية البنت قالت قريبي .. يساوي م الخزاين مال هو ده الي عندي .. يساوي م الغريب مية الأب نفذ طلب البنت وكلامها وجهز لبنته فراش العز .. وكرمها البنت قالت آخد قريبي .. والمهر من عندي ودق طبل الفرح .. والعرس .. جار بيتنا ----------------------------------------- * جريبتنا : قريبتنا يلي انت طمعان في الدنيا .. ما تعجبش وتجمع المال والآخر .. ما تعجبش لو انت عالِم .. مع العالَم .. ما تعجبش الزمن دا يحير كل فكر سليم في الميه واحد يكون مخلص وقلبه سليم أكم نوادر من الأصحاب .. عادتهم طول ما معاك مال يجولك على القدم .. واللين وان خف مالك .. تراهم من بعيد آلبين* الرك** ع الأصل مش ع البياض واللين ويامه ناس حلوين .. لكن أحوالهم .. ما تعجبش -------------------------------------------------- * آلبين : مطنشين ** الرك : نرجع إلى .... يا عيني على الي ما تمرت فيه .. لقمتنا ونفسه كبرت علينا ولا قدرش .. لقيمتنا بيذل فينا ويجرح .. ولسه في بقه .. لقمتنا وعجبي |
موضوع مميز ان شاء الله ارجع ويكون عندي معلومات مفيدة ايضا
|
اقتباس:
اشكرك على مرورك وتشرفنا زيارتك |
أنا أكتر شيء بيأثر فيه قصيدة الإمام الشافعي دع الأيام تفعـل مـا تشـاء...وطب نفساً إذا حكم القضاء ولا تجزع لحادثـه الليالـي...فما لحوادث الدنيا من بقـاء وكن رجلاً عن الأهوال جلداً...وشيمتك السماحة والوفـاء وأن كثرت عيوبك في البرايا...وسرك يكـون لهـا غطـاء تستر بالسخاء فكـل عيـبٍ...يغطيه كمـا قيـل السخـاء ولا ترى للأعادي قـط ذلاً...فإن شماتـه الأعـدا بـلاء ولا ترج السماحة من بخيل...فما في النار للظمـآن مـاء ورزقك ليس ينقصه التأنـي...وليس يزيد في الرزق العناء ولا حزن يدوم ولا سـرور...ولا بؤس عليك ولا رخـاء إذا ما كنت ذا قلـب قنـوعٍ...فأنت ومالك الدنيـا سـواء ومن نزلت بساحته المنايـا...فلا أرض تقيـه ولا سمـاء وأرض الله واسعـة ولكـن...إذا نزل القضا ضاق الفضاء دع الأيام تغدر كـل حيـن...فما يغني عن الموت الدواء تابع يا محمد و نحن معك |
السلام عليكم
كنت أشوفك من قريب مع جميع الناس عادي .. ما تخيلتك حبيب .. رايح بقلبي وغادي . يعطيك العافيه |
اقتباس:
دي من أروع وأبدع ما قيل بتاريخ البشرية يعطيكي العافية Vueleve وشكرا لمرورك الغالي |
اقتباس:
:) جميلة واللهي .. بس مين قال الكلمتين دول ثانكس .. الزين فينا والشين حوالينا |
من معاني الأسامي
ايمان : اسم ذكر من اصل عربي معناه سعادة وقوة
عبلة : اسم انثى من اصل عربي معناه بيضاء نجلاء : اسم انثى من اصل عربي معنها ذات العينين الواسعتين نوفل : اسم ذكر من اصل عربي معناه الشاب الشهم الوسيم ريهام : اسم انثى من اصل عربي معناه المطر الرقيق عزام , ضرغام , حيدر : اسماء ذكور من اصل عربي معناها الأسد عثمان : اسم ذكر من اصل عربي معناه العصفور ابن الصياد رنا : اسم انثى من اصل عربي معناه الفرحة يمنى : اسم انثى من اصل عربي معناه يد السعادة سندس : اسم انثى من اصل عربي معناه الحرير |
انا يامتفريس شفتها في روايه كنت اقراها
اسم الروايه ( ما تخيلتك حبيبي ) وفيه كلمات للشاعر حامد زيد احبها مره وهي : على ذاك الطريق اللي يسمونه غرام أحباب ...وطت رجلي على دربه ولا أدري وش نوى فيني الى اخر القصيده |
اقتباس:
شكلها رومانسية جدا واضح من اسمها وعلى فكرة حامد زيد من الشعراء الجامدين اوي سمعتلو مرة قصيدة ع التلفزيون عن الجنوب روووووووووعة ونفسي اجيبها بس مش عارف اسمها ميرسي الزين فينا .. على المرور الهادىء بانتظار المزيد على نفس النسق تحياتي |
معلومة وتعليق
الفرس يستطيع أن يظل شهرا كاملا واقفا. ماشاء الله لياقة .. مش زي لعيبة فريق غزل المحلة. الجمل لا ينسى من يظلمه قلبه اسود ما يخص تركيب الجمل من مفردات وتعابير في اللغة العربية يتعدى ألف كلمة مو هين ! نبات النرجس يقتل كل نبات ينمو جواره وإذا جارتنا اسمها نرجس ؟ ثعلب الماء يغطس بهدوووء بدون أن يتناثر منه الماء يعجبني الايتيكيت الفيل له أربع ركب 4 باي 4 بس بطيء قنفد البحر يمشي على نهايات أسنانه وياكل برجوله كنية النمل في الربيع ( ابو مشغول ) وفي الشتا أبو غير متاح " منارات .. شعبان 1428 " |
علي سلامة العبقري و .. إسمه إيه ده
إسمه إيه ده بالصلاة ع النبى احناعندنا إسمه إيه ده أحسن واحد يحلل مباريات يحط التشكيل الأساسى والبديل ويقولك إمتى تلعب براسين حربة وإمتى تلعب من غير راس ولو ضميرك مش مرتاح وعندك إحساس بلاش تشوط ع الثلاث خشبات وعندنا إسمه إيه ده أحسن مهندس خبير بيرمش بس للبير يطلع غاز وبترول وينزل دهب م الحنفيات وعندنا إسمه إيه ده أحسن سمكرى فى الثلاثين سنة الأخيرة نخش من مجرى العيون على عين الصيرة هاتعرفه من مناخيره ومن شكل العربيات وعندنا إسمه إيه ده مجرم قانون دولى ودستور وايده خفيفة أوى فى التعديلات يشيل من هنا ويحط هنا جواهرجى ياربى ملقاط وعندنا إسمه إيه ده أحسن واحد يحط الفول ع الطعمية ويعمل سندويتشات وعندنا إسمه إيه ده أحسن دكتور مسالك وعظام وقلب وغرام من نظرة عينك يعرف كل الحاجات ولا روشتة ولا إبرة ولا تحليل ولا إشاعات وعندنا إسمه إيه ده أحسن حنوتى آثار ولا لو جاله برد أبو الهول يموت وتنتحر الأهرامات وعندنا إسمه إيه ده أحسن كاتب وأحسن مخرج رقص وأحسن جزار كوارع وعكاوى وحلويات وعندنا إسمه إيه ده ملوش حل فى الزراعة فواكه وحبوب وخضراوات يقول للأرض قمح تقوله حاضر ونخبز ونعمل بسكويت وفينو بسمسم وبقصمات وعندنا إسمه إيه ده صاحب القهوة كلنا نتيتم ونتشرد لو بعد الشر زى الناس مابتموت مات ياأخى أنا مش عارف لما احنا عندنا إسمه إيه ده وإسمه إيه ده أمال إسمها إيه دى مصر مبتتقدمش ليه وتعبت وزهقت وداخت ولفت السبع لفات "جريدة الدستور ديسمبر 2007 " |
من أسرار الفاكهة
الفاكهة غذاء وشفاء ذكرت في القرآن الكريم تكسب الإنسان الحيوية والنشاط وتمنحه الشعور بالسعادة والرضا طعام أهل الجنة وغذاء وشفاء لأهل الأرض قال الله تعالى : ( وأنزلنا من السماء ماء بقدر فأسكناه في الأرض وإنا على ذهاب به لقادرون فأنشأنا لكم به جنات من نخيل وأعناب لكم فيها فواكه كثيرة ومنها تأكلون ) وفيما يلي بعضا من أسرار العلاج بالفاكهة .. نسأل الله الشفاء ودوام الصحة والعافية. العنب : مقو عام ومغذي ويخفض ضغط الدم المرتفع ويجلب النوم لاحتوائه على الميلاتونين خصوصا الأحمر الذي ينشط الأمعاء وغني بالطاقة. التمر : يمد الجسم بالطاقة ويحتوي على البروستاجلندين الذي ينظم الطلق عند الحوامل استعادا للولادة ويعمل على تخفيف الآلام ويهدىء الأعصاب وينشط حركة الأمعاء , ويخفض من ضغط الدم ويمنح الجلد والبشرة والشعر النعومة , ويقوي النظر ومنشط عام للرجال. الرمان : يحتوي على الفيتامينات ومواد سكرية ومضادات الأكسدة القوية والحديد المشمش : ويوصف للأشخاص الذين يبذلون جهدا ذهنيا كبيرا لوجود الفوسفور و الماغنسيوم ويقوي النظر من المناعة ويساعد على تصنيع كرات الدم الحمراء. التين : مقو وغني بالألياف والفيتامينات خصوصا ( A – C ) الضروريان لمقاومة الجسم للأمراض ويكافح الإمساك. الجوافة : تحتوي على فيتامين ( A – C ) والأملاح وزيوت عطرية وهي مقوية للجسم ومنشطة للمناعة وتقوي الأسنان والعظام وتقي من نزلات البرد . المانجو : تحتوي على المواد السكرية والفيتامينات والأملاح المعدنية والألياف وتقوي البصر وتقي من مرض الاسقربوط ومرض البري بري. التفاح : يحتوي على فيتامينات ( A – B – C ) ومواد سكرية وبروتينية وأليافا وبكتين وأحماضا عضوية وأملاحا معدنية ( كالسيوم – بوتاسيوم - صوديوم ) تخفض الكوليسترول ومنشط للدورة الدموية ويحسن الهضم. الفراولة : تستخدم في حالات فقر الدم وتدر البول وتنشط المعدة وتخفض نسبة حمض البوليك في الدم عند مرضى النقرس. الموز : يعالج القرحة والتهابات الأمعاء ويخفض ضغط الدم ومحسن أمراض القلب والأنيميا ومنشط قوي للرجال. البرتقال : غني بفيتامين ( C – B ) ومضادات الأكسدة , ويحمي من نزلات البرد ويقوي جهاز المناعة ويؤخر مظاهر الشيخوخة ويحمي البشرة والجلد ويقوم العظام والأسنان واللثة ويقوي جدار الشعيرات الدموية ويخفض ضغط الدم ومنشط للدورة الدموية ومهضم وفاتح للشهية. الشمام : منشط للأمعاء ومهدىء للأعصاب ومقو البصر وغني بفيتامينات ( A – C – G ) ويبرد الجسم في حر الصيف. البطيخ : يطفىء العطش وملين ومهضم ومقو ومنقي للدم ومدر للبول ولعلاج أمراض الكلى والنقرس ويكافح سرطان البروستاتا . الخوخ : يحتوي على الفيتامينات والمعادن والأياف فيحمي من الامساك ويعمل على تقوية البشرة والجلد ويحمي من تصلب الشرايين والشيخوخة المبكرة ويخفف من ارتفاع حمض البوليك في الدم . الأناناس : يقوي المناعة ومنشط للكبد ويفتت الحصى ويعمل على نمو العظام ومسهل الهضم ويقي من نزلات البرد ويفيد في علاج تصلب الشرايين ويخفض الكوليسترول المرتفع. والله أعلم المصدر : المجلة الطبية دار الأهرام للدعاية والنشر العدد 12 |
حكمة منقولة قرأتها يوم أمس برواية "نقطة النور" لـ بهاء طاهر "كلما قل ما تفرح به قل ما تحزن عليه" تحياتي metvirus على موضوعك و ذوقك الراقي بالإختيار |
اقتباس:
على مرورك الرائع وعلى الحكمة الأروع سعدن بوجودك بين صفحاتي تقبلي خالص احترامي |
ما من كاتب الا سيفني ويبقي الدهر ما كتبت يداه فلا تكتب بكفك غير شيء يسرك في القيامه ان تراه
قول سلفي |
اقتباس:
فعلا .. صدق قائل العبارة شكرا همس الطيور على المقولة الرائعة سعدنا بوجودكم يا فندم تحياتي |
اغرب ماقرءات وحبيت انقله لكم
قصيدة شعرية عجيبة ، نظمها إسماعيل بن أبي بكر المقري ـ رحمه الله ـ والعجيب فيها أنك عندما تقرأها من اليمين إلى اليسار تكون مدحا وعندما تقرأها من اليسار إلى اليمين تكون ذماً . من اليمين إلى اليسار ... (في المدح) طلبوا الذي نالوا فما حُرمــــوا **** رُفعتْ فما حُطتْ لهـــم رُتبُ وهَبوا ومـا تمّتْ لــهم خُلــــــقُ **** سلموا فما أودى بهـــم عطَبُ جلبوا الذي نرضى فما كَسَدوا **** حُمدتْ لهم شيمُ فــمـــا كَسَبوا من اليسار إلى اليمين ... (في الذم) رُتب لهم حُطتْ فمــــا رُفعتْ **** حُرموا فما نالوا الـــــذي طلبُوا عَطَب بهم أودى فمــــا سلموا **** خُلقٌ لهم تمّتْ ومـــــــــا وهبُوا كَسَبوا فما شيمٌ لــــهم حُمــدتْ **** كَسَدوا فما نرضى الذي جَلبُوا وموضوعك جداااااااااا مميز مع خالص الود |
اقتباس:
اسماعيل بن أبي بكر المقري اول مرة اسمع عنه بس رهيب واشكرك على الاطراء اخت صدق المشاعر تحياتي |
ان لم تخش عاقبة الليالي ولم تستح فافعل ما تشاء
يعطيك العافية اخوي موضوع مميز عجبني موضوع علي سلامة كتير |
اقتباس:
ocean heart على المقولة الجامدة وأول شخص الاقيه معجب بـ علي سلامة غيري هنا في المنتدى اشكرك جدا رفعتي من معنوياتي تحياتي |
قلبي الليلة دي حزين
قلبي الليلة دي حزين
كتب : محمد علاء الدين انجيل آدم 2007 ساعات كتير الواحد بيكون مجبر ياخد قرارات ما و يحس برضه كتير انها اكبر منه. ساعات كتير الواحد يطوي نفسه علي نفسه و ينام. يلحس في جسمه زي القط الموجوع و يتأسي علي حاجات هو السبب فيها بدماغه اللي مش مريحاه. كتير اوي بيبقي علاج الوجع هو وجع اكبر و احمى. وجع كبير ياكل الوجع الصغير و مش مهم حبه عرق علي حبة دموع. ربنا مديني شوية ناس بيقولولي ان قرارات الوجع—و مفيش قرار كبير من غير وجع كبير غالبا—بتاعتي صح.بتبان لكل الناس غريبة بس هي ديتها يوم او يومين، سنة او سنتين، بس بتطلع صح. مش عارف ايه النقمة بالظبط، اني باطلع صح و لا ان ربنا مديني ناس بتفهمني اني صح. مش عارف. بس اللي اعرفه كويس ان لما تقفل البيبان و تمشي، سيجارة في طرف بقك و كتاف مرفوعين بيداروا الوجع، اوع تجرب تبص تاني وراك. سلم الحياة الحقيقي ضيق و من غير درابزين. حقيقة شخصية يوم موتي ساعة ما اتناساها. |
خدعة النهايات
خدعة النهايات
كتب : محمد علاء الدين انجيل آدم واحد صاحبي قالي النهاردة انه خايف يكون اللي بعد الموت عبارة عن شاشة بتوش..حاجة كده بعد نهاية الارسال.. نغمشة سودا في نغمشة بيضا و شكرا. وش..وش..وش.. انا عن نفسي كان خوفي انه بعد الموت، يمكن تتعاد عليك كل المشاهد المؤلمة، واحد ورا التاني، واحد ورا التاني، من غير نهاية.. في كل مرة تقول ما انزلش.. في كل مرة تقول ما اقولش.. في كل مرة تقول ما ازعلش.. في المرة الجاية ح اعمل كده.. في المرة اللي بعدها اكيد كده.. في المرة اللي بعد كل المرات اكيد.. و اكيد.. و اكيد. بس بيحصل، و بيفضل يحصل، و ح يحصل مش لنهاية العمر.. لأن العمر انتهي خلاص، و ما بقاش غيري انا و كل الكوابيس اللي كانت خنقاها جري حياة ما بتقفش.. و دلوقتي وقفت.. و ماتت. يمكن خدعة الموت انه مش بينهي حاجة.. ده بيبتديها... |
مين علي سلامة
طبعا كلنا عارفين ان جريدة الدستور(للناس اللي غاويين قراية بقى وكدة)بقت بتطلع يوميا...والأربعاء بقى العدد الأسبوعي
مش دة موضوعنا موضوعي عن شاعر بيكتب في الصفحة الرابعة من الدستور اليومي اسمه (علي سلامة).....الراجل دة ياجماعة بيكتب شعر تحفة التحفنة اللي في الشعر دة مش لأنه كلام مجعلص ولا حاجة من حاجات العشق والحب والحاجات دي....الراجل دة بيكتب شعر سياسي امتع ما يكون وبأسلوب السهل الممتنع كلمات من بتاعتنا من اللي انا وانت بنقولها كل يوم...الراجل دة بقى بيطلع من الكلام دة شعر انا شخصية احترت اسميه ايه؟ هل هو شعر مبهج.....أه.......ممكن يكون شعر تراجيدي.....فعلا.....هو شعر سياسي....اكيد....شعر عامي....منتهى العامية انا عن نفسي مش مهتم بالشعر أد كدة ...وماليش فيه...انما (علي سلامة)دة لازم اقراله الشعر بتاعه كل يوم في الدستور. النهاردة كتب حاجة اسمها....مصر والكاميرون طبعا اسمها غريب جدا قلت لازم اجيبها لكم علشان اللي مابيقراش الدستور يعرف الراجل المبدع دة واسلوبه الغريب: بقول لهم مين اللي بيعيط بحرقة دة؟ قالوا لي مواطن اتصور وهو بينضرب قلت لهم ومين الأمور اللي بيضحك دة؟ قالوا لي دة واحد عمل شوية كوارث وهرب قلت لهم والدنيا عتمة هناك كدة ليه؟ قالوا لي دي حتة جديدة بتتخرب قلت لهم ومين الحاوي اللي بيتكلم دة؟ قالوا لي دة الوضع بيتقلب وايه الهيصة اللي في الساحل الشمالي دي؟ قالوا لي دي البقرة بتتحلب قلت لهم وانتوا قلقلين كدة ليه؟ قالوا لي اصل بنلاعب الكاميرون وخايفين نتغلب ايه رأيكم......شعر بيقول كلام كتير قوي بكلمات بسيطة قوي شاعر عظيم فعلا |
موضوع رائع تسلم ايدك اخى الكريم ونتمنى لك دوام التوفيق والنجاح الدائم باذن الله وللامام دائما
|
اقتباس:
اشكرك على الاطراء الي زي العسل دا ومبروك يا باشا ع الإشراف تحياتي |
والدنيا عتمة هناك كدة ليه؟
قالوا لي دي حتة جديدة بتتخرب بصراحة كلامه بيجى على الجرح فكرة روعة تسلم ايدك |
اقتباس:
اخت ام عمرو بمتهى البساطة بيعمل من كلامنا العامي شعر ومش اي شعر من الي بييجي ع الجرح اشكر مرورك نورتينا |
دراسة هولندية تكشف عجائب لفظ الجلالة [الله]
أثبت الباحث الهولندي البروفيسور فان دير هوفين أن قراءة القرآن خاصة حرف الـ هـ في كلمة الله تعالج أصعب الأمراض النفسية وتبعث على هدوء الأعصاب لدي الإنسان.
وقال ان كلمة الله بحروفها الخمسة لها فعل مدهش يسمو فوق نطاق التفكير البشري بمراحل، فعند النطق بحرف الألف بالعربية الذي يتشابه مع أول الحروف الهولندية A والذي ينطق من المنطقة التي تعلو منطقة صدر الإنسان تكون البداية لعملية تدريبية تنظم التنفس، ويأتي حرف اللام بالعربية الذي لا يوجد إلا جزء منه فقط في اللغات غير العربية،ليفعل وضع الجزء الأعلى من فك الإنسان على مقدمة اللسان، حيث يقوم بعمل وقف لمدة تقل عن الثانية بتكراره السريع وذلك بمثابة راحة يستعد بها الإنسان لنطق أقوى وأنقى الحروف وهو حرف الـ هـ بالعربية، الذي وجدنا تشابهًا كبيرًا بينه وبين حرف ال H بالهولندية وهو الحرف الذي يربط رئتي الإنسان بالقلب وينظم ضرباته. واختتم هذه الفقرة البحثية بذكر أن تكرار من يعاني من مرض نفسي أو عصبي لكلمة الله لأعداد تتراوح بين 10 و ألف حسب القدرات يبعث على الهدوء. الأهرام المسائي 27 فبراير 2008 |
تعيين أول مصرية في منصب مأذون شرعي
عينت أول امرأة مصرية في منصب مأذون شرعي في منطقة القنايات في محافظة الشرقية في مصر بعد أن حسم القضاء الأمر لصالحها.
وحققت أمل سليمان عفيفي أول مأذونة مصرية بعدا جديدا في مجال عمل المرأة، بعد أن دخلت نزاعا قضائيا ضد 11 رجلا تنافسوا في وظيفة المأذون وحكم القضاء لصالحها أمس الأول. وأمل سليمان سيدة متزوجة ودارسة للقانون وجاء اختيارها لمنصب المأذون الشرعي لأنها الأفضل من الناحيتين العلمية والفقهية. وقالت أول مأذونة في مصر إنها كانت متأكدة من فوزها بتلك الوظيفة لثقتها الكاملة بنزاهة القضاء وثقتها بأن يأخذ كل مواطن حقه بصرف النظر عن جنسه رجلاً كان أو امرأة، إضافة إلى عدم وجود مانع قانوني لشغل تلك الوظيفة. يشار إلى أن شيخ الأزهر الدكتور محمد سيد طنطاوي ومفتي الديار المصرية الدكتور علي جمعة كان قد وافقا على شغل المرأة مأذونا من الناحية الشرعية. قلبا وقالبا .. انا ضد الموضوع الله يستر علينا الأهرام 1 / 3 / 2008 |
من تاني علي سلامة .. وميزان حياتي
....ناقص حته
....وكل ما أوزن ......ألاقي لسه ناقص لي حته أحط حته تقل حته وأجيب قميص تضيع جاكته وأعيش لي ساعة يفوتني سته وكل ما أوزن ألاقي ناقص أقول بناقص لو هي حته أتاري لسه ولسه تاخد سنين وحته وحاجات تسيبني وحاجات تاخدني لحاجات تخبط في كل حته ....وأقول ها نفرح ..ف يوم ..ها نفرح ويوم مانفرح على الله ...يفضل في القلب حته على سلامه حفله وجيه عزيز بساقيه الصاوى نوفمبر 2007 |
رائع ... رائع
موضوع رائع أخي Metvirus مجهود رائع تشكر عليه بجد و الأقوال أيضا رائع جداً وتسلم أيديك ... و إذا ما عندك مانع جبت معايا بعض الأقوال إللي أعجبتني ... لم يولد الإنسان لنفسه, ولد الإنسان لوطنه ...... أفلاطون زوجوا الهر الفأرة إذا أردتم سلماً دائماً ..... ميخائيل نعيمة من قال أنه يعطي و لا يأخذ فقط أخذ فوق ما يستحق ...... ميخائيل نعيمة إن الحياة لا يحدها زمان , فالأمس هو ذاكرة اليوم و الغد حلمه ......جبران خليل جبران بعضنا كالحبر و بعضنا كالورق , فلولا سواد بعضنا لكان البياض أصم و لولا بياض بعضنا لكان السواد أعمى ...... جبران خليل جبران إذا قلت للمرأة : أنت جميلة فأفعل ذلك همساً ... لأن الشيطان إذا سمعك ردد في أذنها صدى قولك مرات ..... سقراط <<< هذه تضحكني مرة ما زال نور النجوم التي انطفأت قبل سنوات عديدة يصلنا .. وهكذا هي الحال مع من ماتوا قبل قرون يصلوننا بإشعاع شخصياتهم ........ جبران خليل جبران جميعاً سجناء و لكن بعضنا سجناء في سجون ذات نوافذ و بعضنا في سجون بدون نوافذ ........ جبران خليل جبران معليش طولت في الكلام ما هو إذا جلست أقول ما راح أخلص اليوم .... على العموم :rdd17ns5: |
ميرسي جدا
اقتباس:
اخت أفروديت مرورك هو الي رائع وعبارات أحلى بكتير عجبتني اوي زوجوا الهر الفأرة إذا أردتم سلماً دائماً ..... ميخائيل نعيمة اشكرك جدا تحياتي |
مما قيل في السجود .. سبحان الله
اعجاز علمى فى السجود
فقد اكتشفت مؤخرا انه عند السجود يفرغ الجسم الشحنات الزائدة الى الارض من خلال الدماغ مما يريح البدن كثيرا سبحان الله عشان كده الحديث الشريف"أقرب ما يكون العبد الى ربه وهو ساجد فأكثروا من السجود" يعنى السجود فيه قرب من الله وكمان راحة للبدن وكمان أستجابة للدعاء لأن الله يستجيب الدعاء أثناء السجود. خبر غريب طبيب عظام فرنسى مشهور عندما زار أحد مساجد مصر اكتشف ان تأدية حركات الصلاة خمس مرات يوميا يقوى عظام الظهر ويلين الفقرات وهو علاج لآلام الظهر.فأصبح السياح الأجانب يحاولون تقليد حركات الصلاة للحفاظ على عظامهم.**نفس النتائج توصلت اليها طبيبة فى العلاج الطبيعى حيث اكتشفت أن حركات الصلاة هى أفضل علاج طبيعى لكل عضلات وعظام الجسم. ثبت علميا أن حركات الصلاة(ركوع,سجود,قيام) تقوى جدار المعدة وتزيل الدهون المتراكمة عليه وتقى من مرض تمدد المعدة وتنبه الأمعاء وتخفض ضغط الدم العالى.وأن حركات الصلاة تزيل توتر الجهاز العصبى وتعالج الآرق صدق أو لا تصدق أحد الصحابة من شدة حبه وتلذذه بصلاته لم يشعر حينما انهدم أحد أركان المسجد فاستمر فى صلاته ولم ينتبه لما حدث الا بعد انتهائه من الصلاة.... أقوال علماء الغرب عن الصلاة بصفة عامة د: توماس هايسلوب:"الصلاة هى أهم وسيلة عرفت لبث الطمأنينة فى النفوس والهدوء فى الاعصاب:" د: ألكسيس كارليل: حائز على جائزة نوبل فى الطب, رئيس قسم البحوث بامريكا: الصلاة كمعدن الراديوم مصدر للاشعاع ومولد ذاتى للنشاط وقد شاهدنا تأثير الصلاة فقد برئ كثير من المرضى أخفقت العقاقير فى علاجهم من أمراض مختلفة مثل التهاب العظام, الجروح المتقيحة , السرطان........... بحث مضحك مقارنة بحثية بين مناخير المتوضئ والغير متوضئ فى دراسة قام بها مجموعة من علماء جامعة الاسكندرية سنه 1985 وجدوا الاتى **الانف عند غير المتوضئين باهت اللون دهنى الملمس وفتحته لزجة غامقة يعلوها الاتربة والقشور والبكتريا الضارة.. **الانف عند المتوضئين:نظيفا لامعا يخلو من القشور والاتربة والبكتريا الضارة والافرازات وصاحبه قليل التعرض لأمراض الجهاز التنفسى..آآه عشان كده ربنا خلى عقاب تارك الصلاة كبير... قال صلى الله عليه وسلم عن الصلاة""من حافظ عليها كانت له نورا وبرهانا ونجاة يوم القيامة,ومن لم يحافظ عليها لم يكن له نور ولا برهان ولانجاة وكان يوم القيامة مع قارون وفرعون وهامان وأبى بن خلف"" ولشدة فضلها واهميتها قال فيها الحبيب المصطفى "ان اول ما يحاسب به العبد يوم القيامة من عمله صلاته فان صلحت فقد صلح ونجح ,وان فسدت خاب و خسر... الاموات يتمنون الصلاة زار أحد الصالحين القبور يوما فصلى ركعتين ثم نام فرأى فى منامه ان أهل القبور خرجوا بأكفانهم يقولون له::قم أمثلك ينام؟ ان ركعتيك اللتين ركعتهما أحب الينا من الدنيا وما فيها:: من الواقع عروس فى ليلة زفافها وأثناء عمل الكوافيرة أذن المغرب فأرادت الصلاة فحاول الجميع معها ان تؤجل الصلاة حتى لا تهدم ما عملته الكوافيرة فى ساعات ولكنها أصرت و توضأت وبدأت الله أكبر-أكبر من كل شئ مهما كان وبعد أن انتهت وسلمت على يسارها أسلمت روحها الى بارئها ورحلت طائعة لربها عاصية لشيطانها تسأل الله ان تكون زفت الى جنات الخلد. ***فتاة فى ال 20 من عمرها كانت عابدة لله أصيبت بمرض وتوفيت وبعدها سمعت الأم أنينا من غرفة ابنتها يستمر من المغرب الى الفجر ولما سألت أحد الشيوخ أراد أن يسمع بنفسه وعندها بشرها أنه انين الملائكة. فيا ترى اذا قبضت أرواحنا سنكون ممن تبكى عليهم الارض والسماء؟؟...نسأل الله حسن الخاتمة. **أحد الاموات حفر قبره عدة مرات وفى كل مرة يخرج ثعبان فيتعذر دفنه ولما سئل أحد الشيوخ سألهم عن حاله فأخبروه أنه كان لايصلى فأمرهم بدفنه فى اى قبر فهذا هو مصيره...!!! عافانا الله واياكم . رقرقى النفس دموعا واسكبيها فى الصلاة فإله الكون يصغى للنفوس الباكيات يا الله ما أجمل السجدة الخاشعة فى جوف الليل يسجدها المهموم يشكو فيها حزنه الى خالقه فيشعر بعدها ببرد اليقين وزوال الهموم وانشراح الصدر وتيسير الامر.جرب بنفسك وانت الحكم |
جد موضوع جدا رائع
يسلمو |
اقتباس:
موون اند سول دا بس من ذوقك اسعدنا مروركم تحياتي |
تاني علي سلامة .. بس المرة دي خايف !
خايف أصحى مالاقيش مصر
------------------------------ ساعات بقلق بالليل يعني بالليل شوية كده قبل الفجر حسب الظروف كده بعد العصر خايف يوم أصحي.. وأفتح الشباك.. مالاقيش مصر ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها مصر البنوتةالحلوة اللي زي القمر بقت عجوزة وشايبة وبان عليها الكبر خايف يوم أصحي.. وأفتح الشباك.. مالاقيش مصر |
والمرة دي .. عجيبة !!!
مش أنا امبارح
رحت من بيتنا في السيدة للشغل في حلون في سبع دقايق لا شوفت حد زعلان ولا حد متضايق والورد إنسان والنخل متعايق والناس جميلة مؤدبة والجو رايق والدنيا ماشية لوحدها ولا حد سايق ومش انا امبارح برضه رجعت من الشغل في حلوان لبيتنا في السيدة في خمس دقايق لا حاسس بغربة ولا شايف غريب وقلبي ابيض حليب عندليب كروان فرحان شايل ف قلبي وف جيوبي الفرح أشكال وألوان وزعت ع الشوارع والبيوت والجيران وطلعت البيت ضربت الجرس فتحت مراتي وبالأحضان والعيال كمان فرحانين ناجحين وجايبين الدرجات النهائية من غير دروس خصوصية قمنا رقصنا وغنينا واحتفلنا واتغدينا فضلة خيرك سمك واستاكوزا وجمبري م الكبير وحلينا ب مهلبية وشربنا الشاي كمان وفجأة لقيتني بردان بردان بصيت لقيت الشباك مفتوح ومفيش بطانية ومراتي جنبي وزي ما هيه لسة بتعاني من آلام المفاصل وده اللي حاصل والحمد لله على كل شيء |
مرايا
قلت أبص ف المرايا ..
يمكن أكون إحلويت .. فضلت داير أبص .. مخلتش ولا مرايا ف البيت .. في الحمام ف الأودة ف دولاب .. أو متعلقة ع الحيط .. شوفت .. سكت شويه .. وبعدين إتخضيت .. معقول أنا قضيت العمر ده كله .. وزي ما روحت زي ما جيت .. معقول أنا عمري مافكرت ولا إتغيرت ولا حبيت .. وإزاي ساكت علي روحي ده كله .. وليه إستنيت ... ! يا ريتني ما كان عندي مرايا .. وياريتني ما بصيت .. |
دي يهديها لكل المتغربين زي حالاتي .. خلينا نعيط
الواد ابنى ابو لسان طويل
قالى يعنى سافرت يا بابا واتغربت مشوار طويل وف الاخر راجع.. ف شارع متفرع من شارع وشقه فى الدور الرابع.. ودولار نزل طالع... وشويا حاجات.. دكان مستنى التراخيص.. ومكنسه على خلاط وكمبيوتر مش نافع... من الاخر معرفتش تتصرف.. مقدرتش تقول لاء مش مسافر... ..... منين الكحه دى يا بابا... دى عمر..!! ولابرد... ولا سجاير..! ..... انت عارف يا بابا انا بقالى اد ايه بستناك؟؟ ايه يا بابا انت هاتعيط .... ده انا كنت بهزر معاك... كنت بهزر معاك |
هههههههههههههههههههه
والله انت عسل يامتفيروس فيرست دماغنا معاك |
اقتباس:
وعينيك الي بتشوف كل حاجة حلوة :) اسعدتنا زيارتكم يا فندم تحياتي اخ عبد الله :flowers2: |
اقتباس:
الشكر ليك على مرورك الجميل |
رجعنا تاني مع ( علي سلامة ) صاحبنا وتحفة صغيرة .. رجل الترابيزه
رجل الترابيزة ******************************* يا عم قول كلام منطقى تخبط صباع رجلك .. ف رجل الترابيزة وتبكى وتشتكى .. وتحط مراهم يفش الورم .. ويروح شوية الألم وترجع تتخبط وترجع تبكى تانى وتشتكى .. ياعم شوف قلبك ولا ده مش بتاعك .. يا عم شوفلك حل.. يا تبيع الترابيزة يا تقطع صباعك .. |
أنا قرات مرة قصة كتير حلوة
هيدا فى رجال غنى كتير وكان عندو بيت رائع مثل القصر تقريبا ولكن كان هذا الرجل يضع ابوه الكبير فى السن فى غرفة (ملحق) خارج الفيلا وكان لا يراه الا بالسنة مرة فى يوم من ايام قال لأحد اولاده الأطفال شو نفسك تعمل بس تكبر قال الطفل نفسى أبنى فيلا كبيرة وحلوة متل فيلاتنا مشان اتزوج فيها واعيش انا واولادى ونفسى ابنتى غرفة صغيرة خارج الفيلا مشان احطك فيها بس تكبر الأب انهمرت دموعه وعرف خطأو واعتذر من والده وخليه يعيش معاه بالفلا هيدى من القصص المؤثرة الى قراتها مؤخرا موضوعك جميل موفقة |
اقتباس:
موضوع مؤثر كتير بس مش عارف ليه حط ابوه في غرفه ملحقه خارج القصر ندل الراجل دا مشكور عزيزي على المرور الجميل لك خالص تحياتي |
مريض صيني يحمل 3956 حصوة في مرارته
أكد طبيب صيني أن مواطن يدعي زهاو دازو يقيم في مقاطعة سيشوان سجل رقماً طبياً قياسياً تمثل في إزالة 3956 حصوة من مرارته.
وذكرت صحيفة )تشاينا دالي أن زهاو البالغ من العمر 39 عاما خضع مؤخراً لجراحة جرى خلالها إزالة 3956 حصوة من مرارته . ونقلت الصحيفة عن الطبيب الذي أجرى الجراحة قوله:إنه رقم قياسي, لم أزل من قبل مثل هذا العدد من الحصى من مرارة إنسان, وأضاف أن تكون الحصى في مرارة المريض بسبب عاداته الغذائية السيئة. الوفد 4 مارس 2008 |
ميرررررررررسي عالموضوع الحلوووووووو تحياتي |
ثانكس
Majedana نورتينا |
عودة للطفولة .. مع علي سلامة
وإحنا لسه في إبتدائي .. وسط اوراقى القديمة .... اللى لسه منها باقى ... شوفت صورتى بين زميلى ... و احنا لسه فى إبتدائي ... الوشوش كانت بسيطة ... طاهرة لكن مش عبيطة .. نرسم الأحلام خريطة .... فى قلبها نقطة تلاقي .... هو صاحبى لما كان فى الدنيا صاحب اما دول كانوم جيرانى ..... كل واحد فينا حقق ... جزء من بعض الأمانى ... ا ما دى الشاطرة البليدة .... العنيدة أم الضفاير …. تبقى حبى الأولانى ..... أد ايه حزنت عليها ... لما راحت فصل تانى .... ما احنا كنا تخته واحده ... فى تانيه تالت ... مره قلت ... و هى قالت .. لما مدت ايدها شالت .. دمعة وقعت غصب عنى .... جوه كراسة الحساب .. كنا لسه صفحه بيضه فى الكتاب ... الوشوش كانت بسيطه .... طاهرة لكن مش عبيطه ... نرسم الأحلام خريطة ... فى قلبها نقطة تلاقى ... واحنا لسه فى أبتدائي |
Life Will Never Be The Same Again ,So ...Forget About It And Keep Smile
موضووع رائع تحياتي celine :flowers2: |
امنية بالإنجليزي عجبتني مررررره may the lucky star keeps shining on you من دفتري حق المحاضرات شكرا موضوع جميل بصراحة تحيتي دمتم |
موضوع رائع اخوي يعطيك العافيه
تقبل مروري |
اقتباس:
thanks so much |
اقتباس:
والمرور الراقي بجد عجبتني اوي اشكرك |
اقتباس:
دا بس من ذوقك تحياتي |
من اجمل ما قرات
ل محمد علاء الدين سأل الكاتب نفسه، في يوم بلا علامات مميزة، كيف يمكن تقطير ثمان و عشرون عامًا، في سطر، أو سطرين.. كيف، فقط كيف، يمكن لملمة ما جرى في عبارتين، تدعيان الحكمة، و الرصانة، و تلتفتان، بتهافت، للرطانة.. مشذبتين كذقن دجال، مهذبتين بشكل اقرب للوقاحة.. كاذبتين كابتسامة العشيقة.. كيف ، فقط كيف، يمكن أن تحشر ملابس الثمانية و عشرون عامًا داخل حقيبة من سطرين؟؟! |
مما قيل في الرجل
الرجل الساذج يطلب من المرأة أن تحبه ,,, و الرجل المجرب يجعلها تحبه الرجل هو المادة الخام التي تعمل فيها المرأة اللمسات الأخيرة الرجال يقولون في النساء ما يروقهم , و النساء يفعلن بالرجال ما يروقهن الرجال يحبون بسرعة , لكنهم يكرهون ببطء إذا رأيت الرجل لجوجا , مماريا , معجبا بنفسه فقد تمت خسارته الرجال ثلاثة أنواع : رجل يدَعي أنه على حق و هو العنيد , و رجل يعترف أنه على خطأ و هو العاقل , و رجل يؤكد أنه على خطأ حين يكون على صواب و هذا هو المتزوج الرجل المصاب بداء الحب يتحول من صياد إلى طريدة شيئان يحبهما الرجل : الخطر و اللهو , و هو يحب المرأة لأنها أخطر أنواع اللهو الرجل حبل مشدود فوق هوة بين الحيوان و السوبرمان لكل رجل امرأة أحلام بعيدة المنال , تكون أحيانا موجودة على الأرض , و تكون غالبا في ضمير المجهول حين يرتكب الرجل بلاهة ما يقولون : ما أشد بلاهته . و حين ترتكب المرأة بلاهة ما يقولون : ما أشد بلاهة النساء !!!! يفقد الرجل أوهامه أولا , ثم أسنانه , و أخيرا طيشه خاطب في الرجل عقلة , و في المرأة قلبها , و في الأحمق أذنه الرجال أطفال كبار الرجال يمكنهم أن يقاوموا نظرية صائبة و يستسلمون لنظرة الرجال يحلمون قبل الزواج , و يستيقظون بعده يستدل على الرجل بأعماله , و على أصلة بعقله قوة الرجل بدماغه و قوة المرأة بدموعها من موقع غريب مش فاكر اسمه :) |
صباح الخير اخي متفيرس موضوع حلو كتير ، سأكتب جمل ادبية جمعتها من روايات ادبية
تصيد الحب ضرب من الخيلاء للككآبة أياد حريرية الملامس ، قوية الاعصاب تقبض عل القلوب وتؤلمها بالوحدة ، فالوحدة حليفة الكآبة ستظهر تلك اللحظة المختفية في رحم المستقبل المقبل بسرعة ضارية لا شئ يحدث في هذا العالم بالصدفة لن اكون الرمال الثابتة التى تزورها الامواج حين تشاء ليه كل ما جيتك اكثر زدت قسوة .................. اغنية ان بهجة الحياة ليست شيئا آخر غير احتمال تحقيق الحلم المحارب الامثل هو الذي ينجح في ان يجعل من عدوه صديقا انا حرة فالحب يحرر انا ارى الدنيا على نحو ما ارغب في ان تكون ، لا كما هي عليه بالفعل عندما تريد شيئا بإخلاص فإن العالم كله يتآمر بحيث تحصل عليه في بعض الاحيان يكون من المستحيل ان تسيطر على نهر الحياة إن العالم يتكلم بأكثر من لغة عندما تحب يكون للأشياء معنى اكبر الخيانة هي الضربة التي لا تتوقعها ان الخوف من العذاب اسوأ من العذاب نفسه الصحراء امرأة متقلبة تبعث في الرجال الجنون احيانا الحب لا يعني الركون إلى الثبات ، ولا الطواف حول العالم ، ولا رؤية كل شئ من بعيد الايام تطوي كل شئ .......... والارض تبتلع كل حي ............. ورماد الاجسام يختلط بترابها ، ما اظن ان اديم الارض إلا من هذه ............ الاجسام الحرية هي ان تشعر بما يرغب فيه القلب بمعزل عن رأي الآخرين واخيرا الحب ، واعني به الحب الملتهب بين الذكر والانثى ............ والذي يجذب كل منهما الى الاخر .......... بقورة لا تقاوم . هذا النوع من الحب له مقوماته وهي غالبا نابعة من الاوهام ، من صنع الحب ذاته ........ من حساسيته تجعله يضخى على الاشياء الوانها المبهجة ويجسدها بشكل رائع ............. وتجعله حساسا لالتقاط مل الانفعالات وتجسيدها ....... سواء انفعالات السعادة او الشقاء او الغيرة او الحرمان ، ام اليأس ام الامل ، ومقومات الحب لا تركن الى اسس مادية بل ترتطم بها . |
موضوع اكثر من رائع بجد
شكرا ليك كتيييييييييييييير علي الكلمات الممتعة دي ودي شوية امثال قريتها في كتاب وعجبتني اوي.......... يا رب تعجبكوا سوف تري وينجلي الغبار ............افرس تحتك ام حمار مجبر اخاك لا بطل يا حبذا الامارة.............ولو علي الحجارة فقد الاخوان غربة لا يضر السحاب نباح الكلاب |
| الساعة الآن 02:18 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية