|
صـــلاة فـي الفضـــاء
http://img149.imageshack.us/img149/6473/s22uq3.gif صـــلاة فـي الفضـــاء http://img341.imageshack.us/img341/4112/34ff9.gif ربما أصبح لدى كثير من المصريين عقدة يمكن أن نسميها بـ"العقدة الماليزية"، فكلما شعرنا بتأخرنا عن اللحاق بركب التقدم والحضارة ونظرنا إلى أقصى الجنوب الشرقي لقارة آسيا الذي لا يبعد عنا سوى آلاف الكيلو مترات فحسب ووجدنا ماليزيا التي تطل على المحيط الهندي والتي نالت استقلالها بعدنا بخمس سنوات كاملة وقد أصبحت نمرا آسيويا ضخما له أنياب اقتصادية حقيقية تجعل لكلمته ألف وزن وحساب، لأصابتنا هذه المقارنة بالحسرة والندامة ولجعلتنا نقول يا ريت اللي جرى ما كان، ولأصبحنا نتساءل في دهشة هم ليه بقوا كده وليه احنا بقينا كده رغم أننا بدأنا تقريبا مع بعضنا؟ ******* سيبـك -سايق عليك النبيمن الكلام حول حضارة سبعة آلاف سنة وبناة الأهرام الفراعنة العظام، لأنه – يا صديقي العزيز أصبحنا في عصر لا يعترف بـ"ماذا كنت" بقدر ما بات يعترف بـ"ماذا أصبحت"، ناهيك أصلا أننا حتى لم نستطع أن نحافظ على "كنا" هذه فلا استطعنا أن نسوق آثارنا –التي تزيد على ثلث آثار العالم كله بقليلبشكل جيد، ولا استطعنا أن نروج للطبيعة الساحرة الساكنة في أركان البلد، بينما استطاعت ماليزيا بقليل من التخطيط وكثير من تحمل المسئولية وحب البلد والقضاء على الفساد في الترويح لنفسها وكأنها جنة الله في الأرض بما تمتلكه من أماكن ومزارات طبيبعة ساحرة بحق ******* طيب ايه مناسبة الكلام ده اللي يوجع القلب ويقلب علينا المواجع والحكاية مش ناقصة أصلا؟ طبعا فيه مناسبة , يعني الواحد يعني غاوي عكننة على خلق الله من الباب للطاق .. لازم العكننة يبقى لها سبب.. وسبب وجيه.. ويرفع ضغط الدم كمان أصل الحكاية خبر صغير نشرته صحيفة الشرق الأوسط الأسبوع الماضي.. بيقول إيه ياسيدي بيقول إن وكالة الفضاء الماليزية ستعقد مؤتمرا لحسم الجدل الفقهي الذي يدور في البلاد حول الطريقة التي سيصلي بها رواد الفضاء المسلمون في الفضاء وذلك على خلفية استعدادت ماليزيا لإرسال أول رائد فضاء إلى القمر بحلول عام 2020 خدت الصدمة؟ اتعكننت زيي؟ ضغط الدم ارتفع عندك.. هتحلل عشان خايف يكون جالك السكر.؟ خدت بالك من الصدمات المتتالية.. أولا: ماليزيا عندها "وكالة الفضاء الماليزية"!مش قمر صناعي اسمه نايل سات كل إنجازاته إنه بينقل لنا حفلات "هيفاء وهبي" و"نانسي عجرم" على الهواء مباشرة ثانيا: سترسل أول رائد فضاء ماليزي إلى القمرالقمر هاه مش سرس الليان!في عام 2020 "يعني كمان 14 سنة بس لو ما كنتش بتعرف تحسب" تقدر سيادتك تقول لي مصر سنة 2020 هتكون عارفة العجز في التموين هيكون كام كيلو سكر وكام باكو شاي؟ ثالثا: من دلوقتي يعني قبل الهنا بـ 14 سنة بيعملوا حساب كل حاجة.. ومش ناسيين كمان فريضة ربنا.. يعني بيفكروا بمنطق حقيقي في الكيفية التي سيصلي بها رواد الفضاء بسبب أن محطة الفضاء تدور عادة حول الأرض ما يقرب من 16 مرة يوميا وهو ما يعني أن الشمس ستشرق وستغرب على من فيه أكثر من مرة في اليوم الواحد فلن يعرفوا في هذه الحالة ظهر من عصر من مغرب"حاجة تجنن برضه!".. ده هناك عندهم بينما احنا هنا في مصر كل اهتمامتنا الدينية تدور حول تحريم التماثيل والأكل والشرب في نهار رمضان ودخول الحمام أيكون بالقدم اليمنى أم اليسرى يا فضيلة الشيخ؟ ******* ناس لهم التقدم والعلم والتكنولوجيا وصناعة الحضارة، وناس لهم التخلف والرجعية والاستهلاك والاستيراد ناس لهم أن يصلوا ويسبحوا الله في الأرض وفي السماء وفوق القمر.. وناس لا تفعل شيئا سوى أن تنام وأن تأكل أرز مع الشياطين.. لا الملائكة.. في الأرض وعجـبـي http://img341.imageshack.us/img341/4112/34ff9.gif |
تسلمين غاليتي على الموضوع
دمتي بخير |
والله شرفتي موضوعي شهودة ونورتيه
تسلمي علي ردك حبيبتي http://img341.imageshack.us/img341/9...anksid2ng8.gif |
موضوع جمي جدااا
تسلمي أختي الغلية و في الحقيقة ماليزيا عرفت تقدم كبير ما شاء الله و ده راجع لسيساتهم و كمان للمجهودات المبدوولة من طرف العلماء للتقدم البلاد ما شاء الله عليهم من جد و وجد |
|
يسلموووووووووووو عالموضوع الاكثر من رائع
ننتظر جديدك |
موضوع هادف فعلا
اهنيك على الإختيار وللإضافه في عالم قالت علينا : اننا صحيح نحن اخترعنا الصفر لكننا بقينا عنده ياريت العالم توقف عند هادي المقوله |
اقتباس:
ميرسي حبيبتي علي المرور الكريم |
اقتباس:
اولا اشكرك علي ذوقك ثانيت بصراحة انا مسمعتش المقولة دي غير منك وبصراحه عجبتني جدا كتييير واقعية وللأسف |
للأسف اختي كلامك سليم
وأيدك فيه جدا وبشكرك طبعا على طرحك الرائع بس الي انا بجد مستغربله كمية الكوادر الكتيييير الي بتزخر بيها مصر .. قمة انجازها دايما بيكون مجرد حوار وسرد للمشكلة واحيانا وضع حلول .. بس مش بتخرج ابدا عن نطاق الحوار لحيز التنفيذ .... واكيد كلنا عارفين الأسباب .. الي اكيد برضو ما فيش داعي نتكلم فيها مش هقولك بقا كل واحد يغير من نفسه ويبدأ بمجتمعه الصغير او نزرع الي بناكله وناكل الي بنزرعه والكلام دا .. وفي نفس الوقت مش بشيل المسئولية من علينا الي احنا برضو مشتركين فيها بس بنسبة ضئييييلة جدا لا تتعدى الواحد بالمائة . والواحد في المية دا ما هو الا عنصر السلبية .. الي فينا طبعا بس هل ممكن تكون سلبي وانت مسلوب الإرادة ؟ وأكيد حضرتك فاهمه قصدي كويس ممكن تقولي حسبي الله ونعم الوكيل دا في رأيي الحل بشكرك جدا على الموضوع الجيد ومع ان السكر ارتفع عليا فعلا واهضطر اروح عشان الانسولين في البيت :) تحياتي الخالصة |
اقتباس:
بصراحة اولا اشكرك علي المرور الرائع ثانيا احييك علي صراحتك ^_^ واللي ميفهمش قصدك يبقي ....... وانا طبعا مش كدة *_^ لكن بصراحة زي انت مابتقول اننا دايما بنتكلم ونتكلم ونتكلم لكن مش بنعمل نيجي عند التنفيذ ونسكت ، زي دلوقتي كدة . وحسبي الله ونعم الوكيل وابقي طمني علي السكر . |
داه فعلا صحيح 100% و ما شاء الله الماليزين استخدموا مخهم و اشتغلوا كتير حتى وصلوا لهذه الدرجة من التطور و الحضارة و إن شاء اللله نلحقهم قريبا تسلمي همس الطيور على الموضوع الراااائع |
اقتباس:
|
اقتباس:
ميرسي علي مشاركتك:flowers2::flowers2::flowers2: |
عمرنا ماهنتغير الا لما كل واحد يغير من نفسه الاول يعني بلاش حد يقول وانا مالي هي بلدي انا بس وغيرها من الكلمات المحبطة ياريت نفكر صح مرة واحدة في حياتناو مانستناش الحكومة تبتدي لاننا لو انظرناها يبقى هيضيع العمر كله لجان ومناقشات وحوارات.
اسفة على الاطالة بس اسمحيلي اضيف ان في نقطة ايجابية وهي ان ماليزيا دولة مسلمة يارب نحاول نتعلم |
ميرسي حبيبتي علي مشاركتك الفعالة
هو ده اللي انا عايزاه فعلا حلول ايجابية زي انتي ماقولتي انها دولة مسلمة |
| الساعة الآن 06:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية