|
الطفاقه..قصة قصيمية
السلام عليكم ... اقروا القصة صايره لناس من البشر <<<<قولي قسم انهم من البشر .. القصة حقيقية واعجبتني وقلت أنقلها لكم ياصبايا ويا نسوااان .. .................................................. .............................................. ياقلبي اصبر لا تصير مطفوق ترى حبيبك مايحب الطفاقه والطفاقه وراي وراي .. هذا ياطويلين العمر بهالعيد الناس حايسه وقايمه من الساعه ثنتين استشوار ومكياج وحركات وانا مسويتن مهايطيه كل ماقالت لي امي تحركي انجزي علينا .. اقوله ابطحي راستتس بعد صلاه الفجر اكون جاهزه المهم راح الليل علينا واذن الفجر .. واقام .. وانا ماغير اتفهدزز (لغير الناطقين بالبلجيكي)>>>>>> ((اضيع الوقت باختصار)) المهم وتدخل علينا امي وتعطين سيل من الكلامات المرموقه ومير انقز من غير وعيي واروح اتضبط وخبرك الشوشه يبله واللبس يبله وكلش يبله <<< ياكثر دباعين هالبنات المهم ويطلعون من صلاه العيد .. والوهقه الصدزز ان فيه خوالي من الرضاع ماشفتهم من يومني فطيط((صغيره)) وشرهينن علي يقولون ماعمرنا شفناه بس نسمع به وامي ماتقوم ثلاث ثواني الا وهي داقه وينتس؟؟ خوالتس يسالون عنتس قلت له ابشري هذاي نازله مسافه السكه بس << لو اني حول امي كان بالنعله الصدز ان امي اشتبت وشبتن معه وانا اركض وخبركم عاد حنا يالقصمان من زود الفرحه بالعيد نعايد بعض بالحوش همن ندخل بالمجالس المهم البيت مابوووه احد؟؟ والحوش مابوه الا رجل واحد .. وانا اقول بقلبي الحين كل هالازعاج يايمه علشان خال واحد بس <<<ودك يشوف هرجي كان باقرب شي المهم الرجال ماغير يتصدد وانا اقول اشوى اني لقيت خال باعمارنا وانا اروح اسلم عليه المهم الرجال ماغير يتصدد ويوم جيت اسلم خبركم حبه العيد مابه منه <<<على قوله ابوي يمد ايده لي بس وانا اقول عاد مهب من زينوووه ييوم يشوف نفسه علي بس خالي وش اسوي.. ((الخال)) مسكت ماسلم ولا عايد قلت اصير اخيررر منه وانا اسلم ومير والكشره مفتوحه الله يبارك بهالعيد اللي خلانا نعرفك وينك لاتسير ولا تسن عندك بنات خوااات قال وهو يدور جواله الله يبارك بعمرتس قلت اخبارك ان شاء الله كلش تمام قال يسرك الحال ((وراه ذا يالله بالله نسحب الهرج منه)) الا واسمع صوت بنت خالتي مقبله علينا قلت اشوى انه جات لا ني مستحيه امشي واخليه والصدز الصدزز اني مشتبه اخاف ان البنات طالعين يتمشون وخلون <<<تفكير راس مالي المهم وبنت خالتي جت وانا اتضحيك هلا كل عام وانت بخير ومير تمزر شوشتي وتقول وراه ماتدخلين بس انا : وجع وجع وخري ترى مستشورته لين احرق الحين انت وجهتس ماتشوفين ماجد واقف عند الباب منهو ماجد؟؟ اخبر خوالي من الرضاع محمد وفهد وصالح ماجد منين طلع قالت ياكمخه خوالي بقسم الرجال كل الحريم هناك ويسالون عنتس وانتي هنا تكركرين المهم وتبدا مهمه المناشق والكحل سال والعيون حمرت بس تصدقون اني منقهره يومنه تجي وتمعط شوشتي وراه ماتغطت ولا يعنني دارسه الابتدائي بايطاليا ههههههههااي ولا من زين عذري اصيح واقوله والله اني اقول ان وجهه مهب غريب قالت ايه ياكمخه هذا بالتصوير اللي شفناه امس هماه ماجد عمره ماطب القصيم ومن زود الطفه بوه مطلعينوه اخواني للبر وكاشتين بوه وشفنا تصويرهم خبركم بلاغه حريم يقالك بنحببوه بالقصيم علشان قوبل يجي مير شكله هج من يوم شافن المهم نهايه السالفه اثر ماجد يبي يمشي ويحتري الحريم يوخرن عن قسم الرجال يبي ياخذ اغراضه ما درى ان الله بيبلاه بنشبتن مثلي لا والزينه انه جايب ثيابه بكياس يقول اخاف يالقصمان تضحكون علي هههههههههههههههه تسنوه اوربي هو وخشتوووه وسلامتكم استروو على ما واجهتم منقوووووووووول |
ههههههههههه هموسة تصدقي أضحك و أنا نص الحكاية ما فهمتها خخخخخخخخ التحقيق شغلني |
ههههههههههههههههههه تجامليني يعني خخخخخخخخخخخ طيب مقبولة منك ولا يهمك انا حضرت عندك هناك خوفا على زعلك وليس منه ههههههههههههههههههههههههههههههههههه |
هههههههههههههههههههههههههههههههههههههههههههههههههههههههههههه ههههههههههههههههههههه يسلمو على الموضوع الظريف
|
هلا فيك جوليا دوم يارب هالضحكة .. اشكرك
|
| الساعة الآن 09:07 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية