|
وش الدنيا عقب فرقاه ..
أول مرة أدخل هالقسم.... و حبيت أشاركم برواية شفتها في أحد المنتديات ...أنا ماقرأتها بس شفت إنو كثير من القراء عجبتهم أعذروني بس أنا مش من هواة هالنوع ...بس رح أحطها لأجلكم فقط و إذا كانت مكررة ..أتمنى من المشرفة حذف الموضوع فورا http://www.liilas.com/upload/getimg.php?image=25037 ( لـولوه ) خلونا نتكلم عن لولوه ,, لولوه بنت حبوبه واجتماعيه وقلبها أطيب قلب عمرها 21 سنة , تمتلك جمال طفولي وناعم . طويلة , رشيقه وجسمها حلو والكل يحسدها على هالجسم , بشرتها بيضه عيونها لوزيه جذابة حواجبها مرسومه على العيون , خشمها احلا مافيها صغيرووون J وشفايفها ممتلئة وبارزه ومرسومه وخدودها حلويين وعندها شامه على خدها اليسار وفوق هذا عندها غمازتيييين كبار وشعرها لي نص ظهرها بني وفيه خصل لونهم أشقر وناعم. J لولوه وحيدة أمها . امها منفصله عن أبوها من يوم كان عمرها 6 شهور , يعني ماكانت محتكه بأهل ابوها وكانت تتضايق كل ماتزورهم من اللي تشوفه من تصرفات خواتها اللي من ابوها ومرة ابوها اهما شخصيات راح نتكلم عنهم في الاجزاء الجاية , بس عمتها كانت طيبه معاها وكانت دايم توقف بصفها . الجزء الأول لولوة واهي تركض عند امها : وأخيرا يمه واخيرا تخرجت من الجامعة والحمدلله الله وفقني ونجحت لا وابشرج معدلي 3.36 J أم لولوة واهي تحضن بنتها : ألف مبروك يمه.. والحمدلله رفعتي راسي يابنيتي. لولوة واهي تبوس راس أمها : الحمدلله يايمه الله عطاني على قد جهدي وتعبي ... والله ماضيع لي أجري ألف شكر لك يارب . أم لولوة واهي اتطالع بنتها وتمسح على راسها : الحمدلله على كل شي .. أقول يمه لولوه حبيبتي دقي على أبوج وبشريه مهما كان هذا ابوج ولازم تبلغينه . لولوة تطالع أمها بنظرة حزن: الله يهداج يايمه كل يوم انا بدق على ابوي ,, مو حاله هذي . ما احس انه ابوي دايم انا اللي اتصل مو اهوا ولا بعد يبيني اتصل على اخواني اللي ما احس انهم اخواني ولا عمرهم رفعوا السماعه واتصلوا علي واسألوا عني يمه احس انهم يكرهوني ما يحبوني كأني عدوه لهم . أم لولوة وهي تمسك يد بنتها : لايمه لاتقولين جذي مهما كان هذيلا اخوانج ولا تقطعين الرحم يابنتي خلج احسن منهم وصدقيني على النيات ترزقون . لولوة واهي ترجع شعرها ورى : مو قادره اتقبلهم يا يمه ماشفتي طريقتهم معاي لما أزورهم وشلون يعاملوني كأني أشحذ منهم ... ماعلينا يايمه منهم مابي اكدر خاطري وخاطرج المهم . جدتي ماشفتها وينها اليوم J أبي هديتي منها . أم لولوة واهي ماتبي تضيق خلق بنتها : هههههههههه أي امي ماتقصر عنج تعطيييييييج والله بس أهي راحت عند بيت خالتج أم بدر وانشالله اول ماتوصل ابشرها عشان تكون البشاره لي ههههههههه. واضحكت لولوة على كلام أمها وبنص الحديث دخلت عليهم ضحى بنت خال لولوة لان لولوة عايشه في بيت جدتها ومعاهم خالها الكبير وعياله . ضحى أصغر من لولوة بسنة واهي اخر سنة جامعة وماخذه تربية تخصص أنجليزي . بينما لولوة خريجة حقوق ونورة أصغر من ضحى بسنتين وعمرها 19 سنه اول سنه لها بالجامعه وناوية تدش كلية الاداب قسم ادب انجليزي لان حلمها انها تكون مترجمة , اما نوف عمرها 18 سنة واخر سنه بالثانويه وخالد اخوهم تقريبا كبر لولوة يدرس بأخر كورس بكلية العلوم الادارية تخصص ادارة وتسويق , لولوة كانت تعتبر خالد اخوها فقط لا غير وكانت تشكر الله انه عوضها بأخو نفس خالد ,لولوة الله رزقها في بنات خالها وخالاتها اللي راح نتكلم عنهم في الاجزاء الجايه لان كل وحده لها شخصيه مميزه وربما قصة حب. المهم ان لولوة معاهم عمرها ماحست انها وحيده وبدون خوات . J ضحى واهي تحذف القلم على لولوة: مبروووووووك يالخايسه واخيرا تخرجتي خلاص عفنتي وانتي بالجامعه. لولوة واهي تحذفها بالكلينكس : ههههههههههههههههه جذي يبارك الواحد صج انج دفشة خخخخخخ عالعموم الله يبارك فيج واخيرا مابقيت اتخرج بعد طلعة الروح خخخخخخ. ضحى واهي تطق كتف لولوة : ايه من قدج يا اٍستاذة لولوة وصرتي محاميه ياحليلج باجر لما اتزوج برفع قضيه على زوجي عنددج. لولوه وأم لولوة : ههههههههههههههههههههههههههههههههه لولوة واهي تقرصها من خدها :صج انج خرابة بيوت اللي بياخذج امه داعيه عليه خخخخخخخخخ ماقول الا الله يعينه عليج بتهدمييييييين بيته انتي ولسانج الطويل . ضحى واهي تمسك خدها : أأأأي عورتيني .. نعم نعم عيدي عيدي شنو امه داعيه عليه قولي امه داعيه له عشان انا قبلت فيييييييه لان وين يلاااااااااااااقي وحده مثلي. أم لولوة واهي تطالع ضحى وتضحك : اكيد مايلاقي مثل طوالة لساااااااااااااااااااانج ههههههههه لولوة واهي ميته ضحك لان ضحى تفشلت من رد عمتها : أي أي صاجه يمه اصلا الناس بدال مايباركون له بيعزون له هههههههههههههههههههههههههههههههههههههههه ضحى واهي مبرطمه ومسويه نفسها زعلانه : افا ياعمتي جذي تقولين لي وتخلين العواذل يتشمتون فيني خلاص انا زعلت اصلا . قامت لولوة وباستها على خدها : اصلا وين بيلقى وحده لسانها طويل نفسج اصلا ماله امل يحصل مثل لسانج اللي ينقط عسل ههههههههاااااي فديتها بنت خالي والله . وراحت يم عمتها واقعدت واهي للحين مبرطمه . أم لولوة واهي تحضن بنت اخوها : فديت الزعلانين اصلاااا يحمد الله انه رزقه في بنت ولا كل البناااااااااااااااات وطالعت ضحى ولقت ضحى تضحك على الخفيف لان عمتها صدقت ان ضحى زعلانه , قامت ضحى وباست راس عمتها وراحت عند لولوة . لولوة واهي تعدل شعرها : ضحى انا ناوية اصير محامية دولة في مجلس الوزراء وانشالله عاد يقبلوني ابي دعواتكم ضحى واهي تمسك ايد لولوة : يااي وناسه بنت عمتي بتصير محامية دولة خلاص بكشخ فيج خخخخخخخخخخخ أم لولوة واهي تقوم : انشالله يقبلونج يا لولو لولوة واهي تشوف نفسها بالمنظره ( المراية ) : انشالله ياربي .... أقول ضحوه وين نوره ونوف ماباركو لي ضحى واهي تتعبث بمكياج لولوه : امممممممممم نوره عندها تسجيل جامعه تدرين أول سنة ولازم تسجل مبجر كاهي بالدرب اما نوف نايمه تدرين طول الليل سهرانه على النت . أم لولوة واهي عند الباب : أي لولوه قبل لا انسى بنات خالاتج بيجون الليله ويتعشون عندنا وبيباركون لج وانا علي نذر اني اسوي لج حفله لا وأحلى حفلة بعد . لولوة واهي تبوس راس امها: الله يخليج يايمه ولايحرمني منج راحت لولوه لضحى اللي خربت مكياجها :, ضحوه وخري عن مكياجي احسن لج وتموا البنات مناشب مع بعض واخر شي تموا يضحكون على اشكالهم J *** في مكان ثاني وبيت يختلف تماما عن بيت لولوه ,, الا وهو بيت ابوها . لولوه عندها 3 اخوات من ابوها ,منى أكبر من لولوه سنتين أي ان عمرها 23 ومي عمرها18 ومها الصغيره عمرها 7 سنين ,, وعندها اربع اخوان اكبرهم اسمه احمد وعمره 24 سنه وعبد المحسن عمره 22 سنة والباقي سامي عمره 13 وأصغرهم عبودي عمره 5 سنين وطبعا من ضمنهم مرة ابوها النسره , طبعا اخوانها مايختلطون في لولوه ولا يسألون عنها لدرجه لو يمرون جدامها ماتعرفهم يعني العلاقه بينهم مقطوعه . (نبذة عن أحمد . أحمد خريج كلية الضباط واهو حاليا ضابط شرطه , ملامحة حلوه ورجولية وجذابه ويختلف تماما عن ولد عمه نواف لان نواف احلا كثير من أحمد أحمد طويل وعريض واسمراني عيونه صغار بس حلوين وحاط له سكسوكه خفيفة وشعره اسود ناعم واللي يميزه ان عنده غمازه في خده اليميييييين واهي تبرز كل مايندمج بالسوالف , ماكان يرتاح من طريقة تعامل امه وخواته مع الكل وخصوصا معاه فيحاول قدر الامكان ان يبتعد عن جو البيت , فكان يقضي وقته بين شغله و بين بيت عمه مبارك اللي اهو ابو نواف وبين ديوانية ربعه ووقت النوم يروح للبيت.,, وحتى الان لم يدق الحب بابه ) أحمد واهو واقف عند الدرج : منى وصمخ انشالله وينج ليش ماتردين علي . منى واهي نازله وحاط ايدينها على خصرها : اوووووووف خير نعم شتبي شعندك .ترا ذبحتني انت ويا اخوك عبد المحسن لوعتوا جبدي انت تحت واهوا فوق . أحمد وهو يطالعها بقرف : أنا اخوج يالزفت وتكلمي عدل معاي انتي فاهمه. منى واهي تطوف من يمه : زفت بعينك اقسم بالله لا اعلم عليك ابوي اخليه يغسل شراعك ... شتبي خلصني. أحمد وهو معصب عليها وماسكها من كتفها: يبه عيب عليج استحي شوي شكبرج . سنعي اسلوبج لا بارك الله فيج لا انتي فالحه لا بدراسه ولا بغيرها . ولا على دخلة امهم , واهي نازلة من الدرج تتكلم بصوت عالي بنتي منى شيخة البنات مو محتاجه دراسه وقاعده بعز ابوها من الحين الخواطيب ذابحينا عليها اصلا ( منى ملامحها عاديه جدا سمره شوي مو طويلة حيل والله يسلم الكعب وذوقها حده موشي احلا مافيها ان شعرها طوويييل حيل ) أحمد واهوا يبتسم ابتسامة مصخره : دام الخواطيب تارسين بيتنا زوجيها ونفتك منها منى واهي تتطنز على اخوها : ليش يابابا تبي الفكه مني اصلا قاعده على قلبك .وعلى فكرة ياحبيبي انا ما اخذ الا واحد على مستوى ,, انا منى بنت محمد الجاسم اخذ لي أي واحد لايبه غلطان أمها واهي اتطالع بنتها وتبتسم : أي بنتي ماتاخذ حي الله , وانشالله ما تاخذ الا اللي في بالي ( طبعا امها تقصد نواف ولدعم منى واهوا بطل قصتنا J ) تموا يطالعون بعض ويبتسمونJ (صج مساكين يكسرون خاطري خخخخخخخخ ) سكت أحمد ودرى ان السوالف معاهم ضايعه وقام وطلع واهوا يبتسم بسخريه ويهز راسه راح وقف عند الباب وكلم امه : يمه لو سمحتي خلي أخوي عبد المحسن يدق لي ابيه ضروري .وطلع على طول بدون مايتكلم. راحت منى وقعدت عند امها واهي مبرطمه : يمه شفتي احمد شلون يتمسخر علي مو عاجبته يعني . امها واهي تطالع التلفزيون : ماعليج منه اصلا هذا معقد ومامنه فايده . أي صج ماقلت لج نواف رجع ولا معاه الشهاده وصار الدكتور نواف منى واهي مستانسه حدها : صج يمه متى رجع ياااااااي ياهنيالي والله واخيرا رجع وبشوفه . قامت منى وتلعب بشعرها وقالت : بس يمه تهقين يتذكرني ويفكر فيني ( مصدقه عمرها ) امها واهي تطالع بنتها :انشالله يفكر فيج وين بيلاقي احسن منج انتي بنت عمه واهوا اولى فيج . اهو رجع امس . شوفي انا سمعت من أم يوسف ( بنت خالة أم منى ) ان ابوه وجدته بيسووون له عزيمه كبيره وحفله على مستوى بمزرعتهم يعني بيروحوون اهناك اسبوع تقريبا وكلنا بنروح ونقعد ويسوون الحفله اهناك وانشالله يابنتي يشوفج ويموت عليج ويخطبج على طول . منى واهي مو مصدقه عمرها راحت قعد عند أمها : صج يمه واااااااو عيل الحييييين يمديني اشتري حق الحفله واسنع روحي عشان يشوفني ويعجب فيني واخير حلمي بيتحقق يافرحتج يامنى . امها واهي تمسح على شعر بنتها الطويل : أي خلاص روحي تزهبي واخذي اختج واشتري لها معاج , ابي بناتي يطلعون احلا بنات العايله , أبي الناس يقولون بنات أم أحمد احسن البنات. منى واهي تقوم من عند امها : خلاص بروح البس وبقعد أختي مي من النوم مره وحده عشان تروح معاي . وراحت منى ركض فوق لانها مو مصدقه ان حبيبها واللي تتمناه رجع بعد ماعاش بالغربة اكثر من 5 سنين , واهي تركض على الدرج اصدمت اخوها عبد المحسن بس ماعطته مجال انه يعلق عليها على طول راحت غرفتها .,, ونزل عبد المحسن عند امه وسألها : يمه اشفيها منى تركض جذي؟ شايفه جني خخخخخ أم أحمد واهي تبتسم لولدها : لا يمه هذي مستانسه عشاااان بتروح السوق . عبد المحسن واهو يقلب بالقنوات : الحمدلله والشكر مو صاحيه هالبنت الله يكملنا بعقولنا . أم أحمد واهي تطالع ولدها : أقول يمه حبيبي دق على أحمد يبيك ضروري . عبد المحسن واهوا يطق راسه : اووووهوووو نسييييت لا اودي سيارته الكراج . أم احمد مستغربه : كرااااااج ؟؟ ليش توديها وانت شكو بسيارته ,, اهوا اللي يوديها . عبد المحسن واهوا يوقف : يمه الله يسلمج انا ماخذ سيارته وتعبثت بشغله بالسياره وخربتها وموصيني اوديها ..... يلا يمه خل امشي أشوفج على خير . أم احمد : انتبه لنفسك ياوليدي .... بحفظ الله ورعايته. شرايكم نتكلم عن الدكتور نواف نواف طبعا ولد عم لولوه . عمره 25 سنه, شوصف لكم عن شكله ولا عن أخلاقه شكله كأنه أمير خيالي عريض الاكتاف و طويل تقريبا طوله 187 شعره أسود ناعم وكثيف ودايم يحطه ورى وتنزل خصلتين على جبهته , لونه تقريبا قمحي مايل لدرجة البياض وعيوونه عذاب J تخيلوا كبار ووساع وناعسين ورمشه طويل وحواجبه طوال ماشالله وكان يلبس نظارة طبيه وخشمه سلة سيف وشفايفه حلوين ودايم يحط لحيه خفيفه يسمونها ديرتي مع شنب كلاسيك . نواف توه متخرج من برا وتحديدا من ايرلندا من كلية الطب قسم العظام , أمه متوفيه واللي مربيته جدته أم ابوه. وابوه متزوج بنت خالة أم أحمد اللي اهي مرة ابو لولوه يعني قرايب وينقال لها أم يوسف ( الله يستر منهم ) وعنده اختين و3 اخوان طبعا كلهم صغار الا اخته عمرها 22 سنه واسمها مريم , طبعا عايشين مع بعض, الكل استانس على رجعة نواف من السفر وخصوصا لما جاب الشهادة وصار دكتور نواف J وعشان جذي أبوه بيسوي له عزيمه كبيره والحريم بيسوون له حفله كبيره بمزرعتهم . بيت لولوه وتحديدا يوم الحفله بمناسبة تخرج لولوه من الجامعه كانت لولوه لابسه فستان حرير لونه ذهبي موديله فرنسي وكوكتيل ورافعه شعرها فوق كان شكلها كأنها أميره وحاطه مكياج بني سموكي على العيون وقلوس وردي ناعم على شفايها اما بنات خالها وخالاتها كل وحده طالعه بمودييييل وكل وحده وشكلها الخاص وجوها الخاص اللي ترقص واللي تاكل واللي تسولف بس بالرقص مسووووووووووووين هيصه ههههههههههه بس كلهم حلوين . امها أشرت حق لولوة اللي كانت قاعده تسولف مع صديقة عمرها شوق نادتها وقالت لها : يمه لولوه انا ترا عزمت عماتج كلهم وابيج تستقبلينهم مهما كان هذيلا اهلج لولوه واهي تبتسم: انشالله يمه ولا يهمج.............., .. ولا على دخلة عماتها طبعا حضروا ثنتين ماعدا عمتها الكبيره اللي تعذرت من ام لولوه انها ماتقدر تجي لان عندها ظروف شخصية , عمتها ام سعود واهي ماعندها الا سعود وعمره 13 سنه وعمتها فاطمه ما تزوجت رغم انها بنهاية الثلاثين بس اهي طيبه مع لولوه وتحبها وتعزها . استقبلتهم لولوه برحابة صدر وسلمت على عماتها وراحوا عماتها سلموا على خالاتها وعلى جدتها واقعدت معاهم عمتها فاطمه واهي تطالع لولوه: شهالزين ماشالله تبارك الله ولاحول ولاقوة الا بالله طالعه قمر جنج لبنانية هههههه . عمتها ام سعود : أي والله يالولوه تهبلين تجننين صايره .,, اصلا احلا من اللبنانيات على الاقل لولوه جمالها طبيعي مو صناعي . لولوه طبعا انحرجت وانقلب وجهها احمر J لانها اهي حييل خجولة .. ردت بأبتسامة الله يسلمكم مشكورين من ذوقكم ولا جدتها تقول : عاد هذي لولو بنتي وبنت الغاليه زينة البنات كلهم راحت لولوه وباست جدتها على راسها : الله لا يحرمني منج يايمه انتي الخير والبركه وعسا الله يخليج لنا . ولا عمتها فاطمه تقول واهي تغمز حق ام لولوة : أي الحلا ماخذته مني طبعا والكل قعد يضحك . في زواية اخرى من الحفله كانت جارتهم أم فارس تسولف مع زوجة خال لولوة أم خالد . أم فارس واهي تطالع لولوة : مااشالله على لولوه جمال وعلم وادب الله يخليها حق امها ويبلغها فيها أم خالد واهي تبتسم : أي والله لولوه بنت ولا كل البنات كامله والكامل الله ، وتستاهل كل خير . أم فارس واهي تلفت : اقول ام خالد وين بناتج ماشالله كل بناتكم حلوين وانا مادري وين بناتج بالضبط . أم خالد واهي تأشر على بنتها ضحى عشان تجي أم خالد : هذي بنتي ضحى وباقي لها سنه وبتخلص الجامعه ,, جت ضحى وسلمت على ام فارس ....... هلا والله خالتي شلونج وشخبارج عساج بخير أم فارس واهي تطالع ضحى : ماشالله والله كبرتي ياضحى قبل اذكرج تلعبين عند باب بيتكم ضحى واهي تضحك : شفتي شلون ياخالتي كبرنا ههههههههههههههههه أم خالد : ضحى نادي نوره ونوف خل يجون يسلمون على خالتج ام فارس ضحى واهي تقوم : انشالله يمه بشوفهم وين . أم فارس واهي تبتسم : الله يخليهم لج ,, اقول يا ام خالد منو هذي البنت اللي لابسه بدلة لونها أخضر. أم خالد واهي تطالع هدى : أيي هذي هدى بنت أم بدر عايشه حماتي ,, مدرسة رياض أطفال . أم فارس واهي تخز هدى : ماشالله ,, والله انها بنت مزيونة , الله يحرسها ويحفظها . قامت أم بدر وراحت انضمت حق أم خالد وأم فارس ........ وأم فارس قامت هللت ورحبت في أم بدر . أم فارس : هلا ومرحبا ....... حي الله القاطعه اللي ماتبين بالشهر الا مره شنو قمر انتي هههههههههههههههه. أم بدر واهي تبتسم لام فارس : الله يحييج ويبقييييج , اعذريني ياوخيتي والله الدنيا مشاغل وتشغلك حتى عن أهلك ....... تدرين الواحد يلهي مع عياله وبيته والا انتي عزيزة وغالية . أم فارس : أي الله يعين ,, انا عندي بس اثنين فارس وطلال الله يخليهم لي وماني قادره عليهم ,, الله يعيين وبس . أم بدر واهي تشرب بيالة شاهي : الله يخليهم لج ويبلغج فيهم وتشوفينهم معاريس. أم فارس ونظرة أمل : أمين ياربي الله يرزقهم بأحلا البنات ,, انا خاطري أزوج ولدي فارس تدرين خلص دراسته وصار مهندس بترووول , وابي اشوف له بنت حلال تستر عليه واشوف عياله . أم خالد وأهي تلتفت حق أم فارس : عاد ماشالله فارس ماعليه قاصر وألف بنت تتمناه . وبعد قعدة الحريم وسوالفهم راحت هدى تتمشى صوب أمها , ومعاها بنت أختها العنود (فروحه) عشان تبيها تسلم على جدتها أم بدر واهي تبوس بنت بنتها فروحه : هلا بغلاتي وشمعة حياتي فرح عمري ....... يمه هدى سلمي على خالتج أم فارس . راحت هدى وبنظرات خجولة سلمت على أم فارس اللي طالعتها بنظرت تفحص واعجاب . أعلنت ام لولوه عن العشا والكل اخذ له صحن وأكل من البوفييييه المقام على شرف لولوه . راحوا عماتها ونادوا ام لولوه ,, شوفي يا أم لولوه انتي ماقصرتي ربيتيها احسن وفوق هذا والله انج مره اصيله ولا قطعتيها مننا وواصلتي الرحم بيينا ام لولوه : هذي بنتكم وانتم اهلها وانتم لحمها ودمها وانا مالي حق اني اقطع بينكم عمتها ام سعود : طول عمرج اصيله يا أم لولوه قامت عمتها فاطمه واسحبت امها واخذتها على جانب وكلمت امها واهي عيونها على لولوه : شوفي يالغاليه احنا مسوين بمزرعتنا عزيمه حق ولد اخوي مبارك ولد عم لولوه اللي تخرج طب وصار دكتور وانا خاطري اخذ لولوه معاي عشان تتعرف على بنات عمها وعماتها لان الكل يقول نبي نشوف بنت محمد تنذكر ولاتنشاف ومره وحده نبي نقعد بالمزرعة مدة اسبوع على الاسبوع الجاي وابيج تقنعين لولوه انها تجي معاي وصدقيني ما اخلي احد يضايقها لو على قص رقبتي واهي بنت اخوي واعتبرها بنتي ومعزتها بقلبي كبيره . أم لولوه احتارت ماتدري شتقول لان تدري بأن لولوه ماتحب تختلط معاهم : والله ياوخيتي مادري انا اكلمها وانشالله اقنعها ولازم بعد تتعرف على اهلها لمتى مايعرفونها عمتها فاطمه : سلمتي يا ام لولوه والله يرزقج على قد نيتج وماقصرتي انا انتظر منج تلفون واتمنى يكون الرد مثل اللي بخاطري. ام لولوه هي تربت على كتف فاطمه : ابشري يالغاليه والله يقدرني اني اقنعها واخليها تجي معاج . راحت ام لولوه ونادت على لولوه عشان تسلم على عماتها كانت قاعد تسولف مع رفيجة عمرها شووق ....... جتهم واهي مبتسمه بأدب وذوق وقالت لهم : تو الناس ياعماتي اقعدوا شوي ماشبعت منكم . عمتها ام سعود قالت واهي تحضن لولوه : ما دام انج ماشبعتي مننا خلاص تعالي لعزيمة ولد عمج نواف تدرين تخرج وصار دكتور . لولوه واهي منصدمه ان عندها ولدعم لا وبعد دكتور لانها تدري ان الكل فشله فالظاهر ما احد جاب لها سيره عنه ولا تدري بوجوده . قالت واهي حاضنه عمتها :ماشالله الله يوفقه انشالله ,,والله كريم J ويصير خير . وفي ديوانية الرجاجيل ( مجلس الرجال ) كانوا الشباب متجمعين على هالسوالف والوناسة وولد خال لولوة خالد ووبدر قاموا يقهوون الرجاجييييل . راح بدر وقعد مع رفيج عمره طلال اللي اهو اخو فارس طلال واهو يلتفت حق بدر : أقول بدر ترا انا مجهز الكشته ماوصيك كل ربعنا يبون يجوووون . بدر واهوا يعدل شماغة : خلاص افا عليك ابشر بعزك ولاتوصي حريص ....... أخوك فارس بيجي معانا ؟ طلال : لا ماعتقد لان فارس مايحب يطلع من البيت واجد ودايم لاهي بمشاريعه ....... وتموا يسولفون وانضم لهم ولد خال بدر عبد العزيز , دق تلفون خالد وكان من عمتة أم لولوة . خالد واهو يحط الدلال : ألووو هلا عمة امريني .......,, ها .. شنو ... ماسمع ... خلاص انا الحين اجي المطبخ واشوف العشا.... هاااااه ....ماسمع ... خلاص ....... دقاااااااااااااااااايق . راحت أم لولوة ونادت بدور اللي اهي بنت اختها أم بدر .. بدور حياتي ما دامج عندي روحي قولي حق الخدم خل يحطون الصحون لان الحين بدر يبي يجي ياخذهم ( ام لولوه حسبالها بدر مو خالد ). بدور واهي تقوم تبي تروح للمطبخ : انشالله خالتي مادام بدر بيجي بقعد اغثه اهناك ههههههههههههه قامت بدور وراحت للمطبخ ولا خذت معاها شال أو ملفع يغطيها لان حسبالها بدر اخوها اللي بيجي ويشوف العشا . بدور كانت لابسه فستان وردي كت وقصير للركبة تقريبا مع حزام على الخصر لونه فضي وشعرها يوصل لحد خصرها ولونه بني و مسويته كيرلي خفيف وحاطه لها قذله على الجبهه , بدور ملامحها حلوه و بريئة , عيون كبار , خشم صغير , شفايف صغار وبشرتها بيضه واهي مشالله طويله . ( أما خالد فكانت اوصافه كالتالي : طويل ,, عيونه وساع ولونهم عسلي ,, ابيض ,, شعره بني ناعم , وجسمه رياضي وشكله كأنه اجنبي ) طبعا خالد وصل للمطبخ واهو معطي ظهره لباب المطبخ ولا دشت بدووور واهي قاعده تغني اغنية يارا صدفة ومن بين كل الناس علقني ولا شافت ظهر خالد واهي حسبالها بدر .......,, بدور واهي تطق كتف خالد : هاي بدر شهالكشخه هذي جنك معرس لا ماصدق انك انت اخووووووووووي ,, حتى عطرك يهبل من وين لك يالخايس , يلا ورني وجهك خل اشوفك عدل . خالد اهني وجهه يطلع ألوان لان درى ان هذي بدوووووووور بنت عمته , واهي مبين عليها ماتدري واهو حده متوهق . راح ولف وجهه حقها عشان يقول لها اني انا خالد واهو مسكين بعد حسباله لابسه شي يغطي جسمها ولا شعرها .... لف وجهه وياليته مالف وجهه انصدم ....... معقوله بدور بهالجمال هذاااا ,, واهوا مبقق عيونه ويطالعها بتمعن وماقدر حتى يتكلم من جمالها . بدور انصدمت من الموقف وعلى طول كانت تبي تطلع وتنحاش ......., بس خالد مسك يدها وقال لها وهو عيونه على عيونها : بدور اسف ماقصدت والله بدور واهي بنظرات ترجي : خالد تكفى شيل ايدك بروح قبل لا احد يشوفني ,, فشلة لابسه جذي جدامك .. لاتطالعني خل اطلع قالت هالكلمات شوي وتبجي لان عيونها ادمعت . خالد واهو متفشل : والله اسف يابنت عمتي ....... بس ,, بس ...ماتوقعتج انج تكبرين وتصيرين بهالحلاوه هذي . على طول بدور راحت وشالت إيده واطلعت تركض , أما خالد المنبهر من جمال بدور تم على مكانه وهو يطالع الباب . راحت بدور على طول غرفة لولوة لان دموعها انزلوا وخرب مكياجها ....... عدلت مكياجها وعدلت شعرها واهي قاعد تفكر وتقول : ياربي شهالورطة هذي ,, أمبييييييه فشله صج انقص وجهي دشت عليها نورة ( بدور بنت عمة نورة ورفيجتها الروح بالروح لانهم كبر بعض ودايم مع بعض ) : بدور انتي اهني وانا قلبت البيت عليج .. وينج بالله بدور واهي مرتبكه : هاه ,, لأ كنت أغسل ايدي نورة واهي مستغربة من طريقة كلام بدور : اسم الله علييييج اشفيج بدور شكلج مخترع ,, صاير شي بدور تبي تغير السالفة : نورة شغلوا اغنيتي اللي احبها يلا خل نرقص , طلعت واسحبت ايد نوره معاها بس السالفه مشت على نوره . خالد طبعا رد المجلس واهو مو طبيعي للحين صورتها في باله , لما أبوه أشر له ورده لتفكيره خالد واهو عند ابوه : سم يبه ابو خالد : ها ياولدي انقلط الرجاجيل على العشا . خالد : أي يبه زهبت كل شي بالحديقه . أبو خالد واهو يطالع ولده بفخر : كفووووووووو , هذا ولدي السبع . خلصت الحفله والعزيمه وكل واحد راح لبيته , وخالد في باله بدور ,, وبدووووور تفكر في الموقف ,, وام فارس في بالها حلم وتتمنى انه يتحقق ,, ولولوة تفكر بعزيمة ولد عمها الدكتور نواف ومحتارة تروح ولا ماتروح ..... تتوقعون انها راح تروح ؟ |
الجزء الثاني مع بداية يوم جديد ,, واشراقة جديدة , كان يوم كله نشاط وحيوية بالنسبة الى نورة لان تدرون أول يوم لها بالجامعة وهي حدها متشوقة ومستانسه لان بالنسبة لها حياة جديدة تختلف تماما عن اسلوب حياة المدارس نورة واهي تقعد خالد من النوم : خااااااالد بليييز قوم يلا أبيك توديني . خالد واهو يحط المخدة على راسة : اممممم ,, وخري بنام ,, صكري الليت . نورة واهي تسحب المخدة : خالد تكفى لاتوهقني ,, اول يوم لي جامعه حبيبي قوووم ما احد يوديني غيرك خالد واهو يبطل عيونه : وضحى وين ليش مارحتي معاها .( ضحى تسوق سيارة ) نورة واهي قاعده عنده : ضحى مودية امي للطبيب عندها مراجعة وبعدين بتروح لجامعتها وانت تدري كليتها بعيدة عن كليتي ,, يلا خالد عفيه انا زاهبه بس انت قووووووووم غسل . خالد واهو يقوم : اووووووف منج مع الله افتكينا من ضحى وشرينا لها سياره وجيتي انتي ,, انا محاضرتي تو الناس عليها . نوره واهي تسحبه : مالي غيرك ياخوي ومابي اروح مع ضحى سواقتها الله بالخير يبه انا بنت مو بايعه حياتي اركب معاها . خالد وهو يحط له معجون اسنان : خير انشالله انتي نطريني تحت على ما ألبس واجهز كتبي . نورة واهي عند الباب : اوكي خالد بس بليز لا تطول . راحت نورة وعدلت شيلتها وتمت ناطرة خالد تحت ....... نزل خالد وكان لابس دشداشة بيضه وغترة ولابس نظارة police وماسك كتبه ... اطلعوا مع بعض من البيت ولا تلفون نورة يدق ... خالد استغرب وقال لها : منو داق عليج هالحزة ؟؟ يالله صباح خير .؟ نورة واهي تشوف المس كول : اوووو هذي بدووووور داقه لي لحظه خل اشوفها خالد يوم انذكر اسم بدور فز قلبه وقال لها : دقي عليها يمكن محتاجة شي . دقت نورة على بدور : ها بدورة صباح الخيييييييييير . بدور : صباح النور ....... نورة قلبي مريني بروح معاج الجامعة اخوي بدر مدري وين ذلف وماخذ سيارة السايق وانا حدي متوهقه لان محد يوديني . نورة واهي تلتفت حق خالد :اوكي يلا زهبي عمرج انا مارتج بالطريييق . التفتت على طول لخالد اللي كان قاط اذنه وقاعد يسمع الحوار : ها تبينا نمرها .؟ خالد وقلبه ملهوف على بدور : اكيد بمر بنت عمتي مانقدر نخليها .؟ ووقفوا عند باب بيت أهل بدور ونورة دقت عليها على اساس انها تطلع , كانت بدور حسبالها ان نورة مع السايق او ضحى كالعادة فكانت لابسه تنورة جينز طويله مع بلوزة سبورت شاريتها من مانجو لونها سماوي مع أبيض وشيلة لونها أسود فيها كرستال سماوي ومعاها كتبها ,, فنزلت على طوول وشافت سيارة خالد بورش كايين ....... استحت في البداية انها تركب معاهم بس اهي مسكينه مضطرة انها تركب بطلت الباب وقالت السلام والكل رد عليها السلام .. خالد واهو يطالعها من المراية ويبتسم : شلونج بدور عساج بخير؟ بدور واهي منزلة راسها : تمام الحمدلله . نوره واهي تتلقف : ها بدور زهبتي جدولج وكل شي وعرفتي وين قاعاتج بدور واهي تقرا جدولها : أي كاهو معاي والحين بشوف القاعات . وخالد طول الطريق وعيونه بالمنظرة يطالع بدور فأهي مبينه انها مرتبكه ,, وصلهم لكليتهم وانزلت نوره وراحت صوب البوابة و قبل لا تنزل بدور قال لها : ديري بالج على نفسج وعطاها هذيك الابتسامه اللي معناها حب ووله .. نزلت بدور راسها وراحت اهي ونوره داخل الكلية ........ *** في مكان ثاني وخصوصا عند بطلنا نواف طبعا كان هذا اول يوم له في المستشفى ,, لبس البالطو الابيض وشعره كان ورى مع نظاراته الطبية طلع شكله جنااااااااان لدرجة حتى الممرضات انبهروا من شكل نواف , كل مايمشي جدامهم كل وحده تقرص الثانيه عشان تشوفه ... كان اهو فرحان ومستانس لان تحقق حلم امه الله يرحمها في ان يكون دكتور .... رحب فيه الدكتور الاستشاري د. عبد اللطيف : اهلا دكتور نواف ,, نورت المستشفى وانا المسؤول عنك وأي شي تحتاجه او محتاج انك تستشير عنه ارجع لي . نواف واهو يصافح الدكتور : يعطيك العافيه دكتور عبد اللطيف وعساك عالقوة ,, وصدقني ماراح اتردد في طلب أي مساعدة , وعسى الله يقدرني على تحمل مسؤولية المرضى . دكتور عبد اللطيف : بلا شك انا واثق فيك انشالله انت راح تكون قدها وقدود , ومبين عليك شاب طموح وانشالله ماتخيب ظني فيك ولك مستقبل باهر بأذن الله . نواف واهو يشكر الدكتور : ألف شكر يادكتور على ثقتك الكبيرة فيني . سلمه الدكتور عبد اللطيف ملف مريض عشان يتابع نواف حالته المرضيه ... دق موبايل نواف وكان المتصل أبوه مبارك : هلا يبه ....... امرني .؟ أبو نواف : هلا بولدي ,, شخبارك وشلون اول يوم دوام لك انشالله بخير ومستانس ؟ نواف واهو يبتسم ويرد شعره ورى : والله الحمدلله يايبه وانا متحمس حدي .. والله يقدرني على تحمل المسؤولية . ابو نواف : كفو هذا ولدي اللي رفع راسي ... المهم ياولدي ما ابي اعطلك عن شغلك بس حبيت ابلغك ان عزيمتك أخر الاسبوع ومره وحده نبي نقعد هناك بالمزرعه مدة اسبوع وكل العايله بيتجمعون من بيت عمك محمد وبيت عماتك كلهم . نواف واهو يتصفح ملف المريض : انشالله يبه ولا يهمك .... اترخص الحين يبه لان عندي مريض ولازم اتابع حالته .......أشوفك على خير انشالله . سكر نواف من أبوه واهو يفكر بالعزيمة ويفكر بعمه محمد وعماته من زمان ما قعد معاهم ولا استانس معاهم ... مايدري ان هذي العزيمه يمكن تغير كيانه ,., يمكن تحسسه بأحساس عمره ماجربه ......., بلغه الدكتور عبد اللطيف ان عنده اليوم خفارة ( مناوبة ليلية ) تستمر لمنتصف الليل . *** في مقر عمل الضابط أحمد ....... استلم أحمد دورية مرور وكانت متجهه عند جامعة الكويت لتنظيم السير هناك ... لاحظ أحمد أن في سيارة مبنجره ( التاير فاش ) وواقفه في مكان مافيه تقريبا احد .. راح احمد بالدورية للسياره هذي . ضحى واهي تتحلطم ومتضايقه : بالله هذا وقته سيارتي تبنجر ياويلي شسوي ماعرف شي ....... ولا لمحت دورية شرطة جايه صوبها ,, طبعا اشكرت الله لانها كانت تدق على اخوها خالد بس مايرد عليها ,, و الله بعث لها الشرطي . قرب منها أحمد ونزل من الدورية ونّزل راسه عند الدريشة .,, وكان شكله بلبس الشرطة حلووووووو وجنتل ورجولي : هلا اختي ,, عسا ماشر .؟ ضحى واهي مرتبكه وشوي تبجي وتدمع عيونها : مادري ,, سيارتي بنجرت وادق على اخوي مايرد . أحمد حس فيها انها شوي وتبجي وبصراحه شافها بريئة ابتسم وحاول يطمنها ويهديها : ماعليه اختي انا انشالله بسويها لج ,, تدرين الشرطة في خدمة الشعب ... بس ماعليه تنزلين من السيارة عشان اقدر أغير التاير ( الاطار ) نزلت ضحى من سيارتها .... يوم انزلت انبهر من شكلها كانت لابسه عباية على الكتف فيها كرستال شوارفسكي فضي على الجوانب وشيلتها فيها نفس طريقة الكرستال الفضي وكانت منزله نظارتها وشاف عيونها اللي كانوا وساع ولونهم عسلي غامق والحاجب مرسوم على طول العين والخشم حلو والشفايف صغيره فسرح ثواني فيها ,, فهي ارتبكت من نظراته ... فحس على نفسه ورد طبيعي : اممم اختي انا بجيب العدة من الدورية انتي خلج اهني ولاتتحركين . ضحى واهي خايفه وذابحتها الشمس وبأسلوب طفولي : لا تكفى اخوي لاتخليني بروحي اخاف والله .. واللي يسلمك صلح لي التاير . أحمد واهو يبتسم : تطمني ماراح أخليج بس السياره كاهي وراج وقعد يضحك .. ضحى تكلم نفسها : يافشلتي والله اني خبله وهبله بعد .. خل اثقل واسكر حلجي . راح أحمد ونزل نظارته ورفع كم بدلتة وجاب العدة ونزل تحت عند التاير عشان يسويه لها . ضحى واهي في خاطرها تقول : ياااااي شحلوه صج انه جنتل مان ,, وشكله يهبل ماشالله عليه عسالله يخليه لاهله ويحفظة حق عمره .... بس ردت تقول لنفسها : انا شفيني استخفيت الحمدلله والشكر كأني مو شايفه خير واقعدت تبتسم بينها وبين نفسها . أحمد لاحظ ابتسامتها لان اهو كل شوي يطالعها واهي ماتدري يشوف حركاتها ,, هالبنت دشت قلبه حس بأحساس حلو اتجاهها كان يتمنى ان هاليوووم مايخلص بسرعه ,, واهو يفكر فيها جرح ايده واهو مايدري ,, ضحى شافت الموقف وعلى طول راحت يمه وعطته كلينكس و حاطه فيه ماي واهي خايفه عليه : تفضل أخووي انت جرحت نفسك ,, حط هالكلينكس على ايدك بسرعه . وقف بجهه مقابله لها بحيث مافي مسافه الا نص متر بينهم طالعها أحمد واهو ياخذ الكلينكس منها حس فيها حنان مو طبيعي .. قرب من وجهها شاف وجه حلو وجمييل واهي انتبهت لملامح أحمد ,, شافت ملامح رجوليية وقاسيه لكن فيها حنية وطيبة غريبة ,, انتبهت باللي قاعد يصير على طول وخرت عنه واهو يمسح ايده بالكلينكس : خلاص اختي انا خلصت سيارتج . ضحى واهي بعيونها نظرة شكر وعرفان مع ابتسامه جذابة : ماقصرت اخوي وكثر الله من امثالك واسفه تعبتك معاي وفوق هذا خليتك تجرح ايدك . أحمد واهو يحط نظارته على عيونه مما زاد اعجاب ضحى اكثر : ولا يهمج اختي انا ماسويت شي , بس انتي انتبهي على نفسج وشوي شوي امشي بالسيارة . ضحى واهي تركب السيارة : انشالله اخوي ولا يهمك ويعطيك العافيه ,, يلا سلام . وحركت ضحى سيارتها واعجابها زاد بأحمد لان شافت تصرفاته الرجولية معاها لو واحد غيره كان تصرفه قليل ادب . أحمد تم واقف ويطالع سيارتها لما راحت واختفت عن عيونه بس شاف رقم السيارة على طول سجل الرقم مايدري ليش سجل رقم سيارتها او على أي اساس سجل رقم سيارتها , المهم حط الورقه في جيبه وابتسم وركب سيارته واهو تفكيره فيها ودق تلفونه وكان صديقة وليد المتصل وتموا يسولفون مع بعض عن الشغل. ضحى على طول دقت على لولوه : ألووووو....... ماااااااااتدرين يا لولووه شصار فيني .؟ لولوه واهي خايفه على بنت خالها : عسا ماشر شفييييييييييييييييييييييييييج ؟ ضحى واهي تنزل من سيارتها وتبي تروح لمحاضرتها : سكتي بنجرت سيارتي الله لايوريج ... وادق على الزفت خاااالد مايرد لولا عناية الله جان رحت فيها . لولوه : يؤ وينج الحييييييييييين وشصار عليج ؟ ضحى واهي تتمشى بأروقة الجامعة : ماصار شي انقذني فارس احلامي خخخخخخخخخخ لا اتغشمر معاج ....... جاني واحد شرطي وصلح سيارتي بس اخ لو تشوفينه يالولو يهبل وفوق هذا ذرب واتيكيت . لولوه واهي تضحك على خبال بنت خالها : صج انج هبله ,, يامعوده الله ستر معاج ,, ومره ثانيه تأكدي وشوفي سيارتج . ضحى : أي قلت لج خل اكشخ بسيارتج يا لولو مارضيتي تعطينها لي . لولوه : أي مو انتي سواقتج الله بالخير وانا بصراحه خايفه على سيارتي . ضحى واهي تدش القاعه : المهم انا اخليج الحين عندي محاضره وبعدين ارد البيت واقولج بالتفصيل شصار معااااااي . لولوه : اوكي حبيبتي على خير انشالله . قامت لولوه من غرفتها وراحت عند امها وجدتها تقعد معاهم وتسولف ,, طبعا لولوه الحين تنتظر بس توظيفها لان قبلوها في وزارة العدل بس اهي ماتبي كان حلمها تكون في مجلس الوزراء وبالأخص محامية دولة وقاعده تنطر قبولها . لولوه واهي رافعه شعرها ولابسه دراعة موديلها فرنسي ولونها أبيض ووردي وكان شكلها كيوت : لولوه واهي تبوس راس امها وراس جدتها وتصبح عليهم بالخير . جدتها واهي تأشر لها تجي تقعد يمها : صباح الخير يمه ,, يلا سمي وافطري معانا . لولوه واهي تاكل : عاد حدي جوعانه امس ما اكلت من البوفيه ولا شي . أمها واهي تطالع بنتها : ها لولو شقررتي على عزيمة ولد عمج .؟ بتروحين يمه ؟ لولوه واهي شوي متضايقه : يمه شلون تبيني اروح وانا احس اهناك بالغربة .. ولا اقعد اسبوع بعد .. احس صعبه علي . ولا بدت جدتها تتكلم : لا يايمه روحي وقابلي عماتج , هذولا اهلج مهما كان ولا نبي نقطعهم منج , انتي الاحسن يايمه وفكي عمرج من القيل والقال . و اذا مارحتي بيحطونها براس أمج المسكينة وبيقولون مارضت تخلي بنتها تجي ويسووون من الحبه قبه .... روحي واكسري الشر وخلج أحسن منهم . أم لولوة : عشان يقولون أي ونعم التربية وبنت غالية مو قاطعة الرحم ,, يايمه كلها اسبوع منها استانسي وغيري جو ,, انتي ماشفتي مزرعة عمج ,, ماشالله كبيرة وحلوووووووووة وفيها خيول وحمامات سباحة وكل شي ومره وحده تعرفي على بنات عماتج اللي ماشافوا رقعة وجهج . لولوه واهي تطالع امها : يمه تو الناس على نهاية الاسبوع ,, بشووووووووووف مع اني رافضه بس بفكر عشانكم .,.,. أمها وتبي تغير من الموضوع : شخبار رفيجتج شوووووووق , وشلون امها .. ؟؟ والله هالبنت معزتها من معزتج . لولوه واهي تبتسم : هذي اهي مسكينه بتعيد الكورس بالجامعه لان ما افلحت بمقرر القانون التجاري وبتعيده . بس الحمدلله اهي بخير وامها بخير ودايم والله تسألني عنج . ام لولوة : أي الله يسلمها ويوفقها انشالله ويرزقها . لولوة : أي صج يمه ذكرتيني ,, بتصل عليها بشوف شلون الجامعه من بعدي خخخخخخخخخخ . قامت لولوه واتصلت على رفيجة عمرها شوق : الووو شوقوووه شخبارج ؟ شوق واهي فرحانه : هلا لولوووووووووووو ....... هلا بحبيبتي والله الجامعة بدونج ظلمة وكئيبة . لولوه واهي تلعب بشعرها : ههههههههههه لا شدعوااا... شخبار البنااااات فنر وأرجوان ودانوه الهبله . شوق : والله كلهم بخير ويسلمون عليج وفاقدينج ,, ليش ماتجين عندنا ,, الدكتورة سناء تسأل عنج والله . لولوه واهي تسترجع الذكرياااات : ياااااااه والله لها وحشه هالدكتوره ,, عفيه سلمي عليها وانا انشالله بحاول قد ما اقدر اني امركم بالجامعه واسلم على رفيجاتنا. شوق واهي تتساءل : اوكي تعالي ....... لولو تذكرين الطالب اللي معانا وكان معجب فيج ويحبج ينقاله فهد الضاحي ,, تدرين انه سألني عنج ويبي عنوان بيتكم عشان الظاهر بيدز امه ويخطبج بس انا ادري ان انتوا ماتاخذون من برا العايلة فقلت له اهي تزوجت وفكيتج منه ....... مسكين حده تضايق . لولوه واهي مصدومه : من صجه هذا ,, زين سويتي فيه اصلا انا ما اواطنه بعيشة الله مليييييييييييق حده , يلا الله يوفقه انشالله ويرزقه في بنت الحلال .. المهم شوقوه ابي استشيرج بشغله ,, طبعا انتي تدرين بسالفة ولد عمي انه متخرج من الطب وبيسوون له عزيمة شوق واهي تشجع لولو : احلا احلااااااااااا ولد عمج دكتور من قدج يامعوده ههههههههه لولوة واهي تضحك : اقول سكتي واللي يعافيج اصلا مايدري بوجودي ولا ادري بوجوده ولا اعرف احد من اهل ابوي ,, المهم شوقوه عماتي طلبوا اني احضر العزيمه والحفلة في مزرعتهم ولا بعد بيتمون اسبوع قاعدين انتي شرايج .؟ شوق واهي ودها تكفخ لولوه : انتي من صجج عزيمة ولد عمج وماتبين تروحين ,, روحي ياهبله عشان يعرفونج وتصكين على خواتج هههههههههاااااااي وتصدمينهم يعني تدرين يصير اكشن بحياتج ومن يدري يمكن .. احم احم بعض الناس يشوفونج . لولوه واهي ترفع صوتها : صج انج حماره ,, انا وين وهالسوالف وين لا يامعوده مابي اشوفه ولا يشوفني احسن اتم جذي؟؟ بس مادري شوق واهي تتكلم بعقلانية : اعتقد لما تروحين ماراح تخسرين شي بالعكس راح تكسبين احترام عماتج لانج قدرتيهم وجيتي ,, وفوق هذا الدنيا ماتسوى عيشيها بحلوها ومرها ,, نصيحتي لج روحي واستانسي واضحكي على حركات خواتج ومرة ابوج النسره هههههههههه. لولوة: امممممممم والله مادري كلامج طمني شوي وبفكر ... يلا ما اطول عليييييييييج وسلمي على حبيبج استاذ علي ههههههههههههههه شوق واهي تضحك : ههههههههه ياي فديت خشمه ياليت اتزوجه ....... يلا طسي خل اروح لحبيب القلب .هههههههه بايو سكرت لولوه التلفون من صديقتها شوق .. وقعدت شوي مع نفسها وفكرت شلون الايام الحلوه تمر بسرعه ومايبقى منها الا الذكريات ,, تذكرت ايام الجامعه ,, ايام صديقاتها ومحاضراتهم وشطانتهم وايام شوق لما تسولف لهم عن حبها واعجابها لدكتورها اللي يدرسها ,, وايام فهد الضاحي لما ينطرها دايم عند باب المحاضره ويحاول انه بس يكلمها واهي ماتعطيه وجه ....... ولما يحط لها كل صبح وردة من حديقة الجامعه على سيارتها وكانت تعرف انه هالورد منه بس تسوي نفسها ماتعرف .. وقعدت تضحك بينها وبين نفسها ,, وبهاللحظة هذي قررت انها تروح لعزيمة ولد عمها نواف وفكرت بكلام امها وجدتها وصديقتها شوق فعلا الدنيا ماتسوى القطاعه وشنو يعني مدة اسبوع اذا اربع سنين راحوا بلمحة بصر فأكيد الاسبوع يمر بسرعه وكانت ترجي الله انه يعدي الأمور على خير ......., الايام الجاية يا ترى ماذا تخبي للولوه ,..!!!! *** أحمد وهو بمقر عمله وخصوصا بمكتبه قاعد سرحان ويفكر بالموقف اللي صار ....... سأل نفسه اشمعنى البنت هذي !! ليش أفكر فيها !! انا شايف بنات الدنيا ..!! أشمعنى هذي البنت قدرت تستحوذ على افكاري ..,..!! وطلع الورقة من جيبه وشاف رقم سيارتها ... اخذه الفضول ....... وقال الا اعرف هذي البنت منو ..,؟,؟,؟ ولا على دخلة الضابط وليد .......وراحوا مع بعض لان عندهم مأمورية ..,. *** بـدور كانت قاعده بغرفتها وتسمع اليسا ( أجمل احساس ) واهي تبتسم وتحرك شعرها ,, وتفكر معقوله خالد يحبني ,, ماني مصدقه نفسي ,, ولا صحت على نغمة المسج : يحن قلبي للـحبايب ويشتاق && والشوق يرسم طيفهم في منامي أحبهم واسهر مع الحب تواق && فيهم حديث النفس وأحلى كلامي لو يعرف المحبوب قدره بالاعماق&& ما يبتعد عن وصل خله ثواني أستغربت من الرقم لانه رقم غريب ....... قررت انها تدق وتشوف منو المرسل ,, دقت على هالرقم ,,وخالد كان قاعد يذاكر لان عنده امتحان ,, دق تلفونه وشاف رقم بدور وابتسم ,, رد وصوته كان آسر : ألووو ....... بدور واهي تعدل قعدتها : اخوي منو رقمه هذا . خالد بيصدمها : بدور أحبج . بدور انصدمت وردت بعصبية : هيه ,, صج انك ماتستحي وقليل ادب ,, منو انت وشلون عرفت رقمي .؟ خالد واهو يضحك : انتي شسويتي فيني ,, لاليلي ليل ولانهاري نهار . بدور واهي ماسكه اعصابها : تبي تقول منو انت ولا اعطي الرقم أخوي اخليه يتصرف معااااك . خالد صار جدي : انا خالد ولد خالج ,, بدور لاتزعلين علي لكن والله من شفتج وانا حالي منقلب فوق تحت ........ بدور بققت عيونها وتمت ساكته , خالد يكمل : انا ماكنت اهتم بسوالف الحب والخرابيط ,, اهم شي وناستي ,, لكن من شفتج بالحفله وانا مو قادر اشيل صورتج من بالي .؟ حتى دراسه مادرس عدل استحوذتي تفكيري ... انا ولد خالج وانتي بنت عمتي وانا مارضى لج المهانه , انا بس ابي اعرف رايج ,, انا اذا خلصت دراستي بعد سنه ناوي اتقدم لج واخطبج ويهمني اعرف رايح الحين .؟ ها وشقلتي .؟ بدور واهي مو مصدقه نفسها والفرحه مو سايعتها : ...................... خالد واهوا خاف شوي ان بدور ترفضه : ها بدور جاوبيني لاتلعبين بأعصابي بس قولي يا كلمة أي او لا تكفيييييييين ردي لا تسكتين. بدور واهي تهمس له : موفق خير ياولد خالي ....... ايه انا موافقه , خالد واهو مستانس : يابعد عمري والله ....... ماني قادر اصبر سنه كامله بدونج ......., المهم حبيبتي انا اخليج الحين لان عندي امتحان وبذاكر نفس الناس, بدور واهي تبتسم : بالتوفيق ...... وسكرت بدور واهي مو مصدقه كأنها حلم مو علم ... راحت وقعدت تغني وترقص وعايشة بجوها ......., واخيرا تحقق حلمها ....... *** قرب أخر الاسبوع ,, وقرب موعد عزيمة الدكتور نواف ولد عم لولوه ,, فلازم لولوه تتخذ القرار يا انها تروح ولا ماتروح .......,, نزلت لولوه تحت بالصالة كانت لابسه بنطلون جينز وتي شيرت أحمر ومبطله شعرها ومخليته على اكتافها ومسويه فرق بشعرها وكان شعرها سبورت ولقت مرة خالها أم خالد وبناتها ضحى ونوره ونوف قاعدين مع امها وجدتها يسولفون . لولوه واهي تدخل الصالة : هاااا اشوفكم متجمعين ,, ولا احد يفكر يناديني ..؟ ولا نوف ردت عليها واهي تاكل كتكات : والله ماكو قاعدين ونقرق وحش بالاوادم ......., ماكو شغل .؟؟ حياج ولا طقتها جدتها : نوف اركدي عيب عليج شهالكلام ....... حنا مانحش بس نسولف عن الناس ؟ ولا اضحكوا جان ترد نورة : ايييييي يا جدة ماقصرتي وهذا بالله شيسمونه ؟؟ ولا لولوه تطالع ضحى ولقتها سرحانه ....... قربت منها لولوه ,, وهمست لها : ها الحلو سرحان بالشرطه التفتت لها ضحى واهي تبتسم وتهمس لها : ياليت اقدر امسح صورته عن بالي .؟ لولوه واهي تنصح : كبري عقلج يا ضحى ماتعرفينه ولا يعرفج ,, وماشفتيه الا مره ....... انسيه . ضحى واهي مستغربة : مادري اشمعنى هالانسان انحفر في بالي ,, مع ان ما احد يهزني ,, بس هالانسان غريب تمكن فيني ,, ماقول الا ياربي اشوفه مره ثانيه حتى لو صدفه ....... ياليت يا لولو . لولوه واهي تضحك : يأطع الحب شو بيزل هههههههههههههه . نوره + نوف : اشعندكم تتساسرون ,, شاركونا .. لولوة واهي تأشر لهم : انتوا شكو بسوالف الكبار ........ الجهال مالهم شغل ,..,, نوف واهي معصبه : شقصدج يعني انا جاهل ... حبيبتي انا افهم وعندي عقل حالي حالكم . نورة واهي تضحك على طريقة نوف : مشكلة المبزره هههههههههههههههههههههههه قامت نوف واحذفت نوره بالكلينكس : مبزره بعينج يالخايسه ......., مالت عليج وعليهم ,, خل اقوم اقعد على الكمبيوتر ابرك من وجيهكم . طلعت نوف والكل قعد يضحك على خبالها ...... لولوه قررت تتكلم وتقول رايها . لولوه واهي تقعد صوب امها : يمه انا قررت اني اروح العزيمه .؟ امها واهي تطالع بنتها باستغراب : متأكده يالولو .؟ لا تجبرين نفسج على شي ماتبينه وهالشي راجع لج انتي .؟ ولا تدخلت جدتها : علامج يا غاليه .. خلي بنتج تروح لأهلها .؟ هذي بنتهم مثل ماهي بنتنا , خليها تتعرف على بنات عماتها وعمامها. ام لولوه واهي خايفه : بس يايمه انا خايفه عليها من احد يضايقها او يسمعها كلمه ولولوه تعرفينها حساسه . أم خالد وهي تدش بالسالفه وضحى ونورة ساكتين : والله يا ام لولوه دامها مع عماتها ماحد يتجرأ عليها... واذا انتي خايفه من مرة ابوها انها تضايقها ,, فلولوه اكبر من عقليتها وتحترم وكبر سنها . لولوه واهي تهدي امها : عدل مثل ما قالت خالتي ام خالد , انا كبرت الحين وعرفت الصح من الخطأ . وانا عارفه شنو قاعده اسوي , انا بروح عشان اكسب ابوي واكسب عماتي , والقرار اللي اتخذته لمصلحتي ....... وانا يوميا راح ادق عليج ومثل ماقلتي لي يايمه بغير جو وبسوي اكشن بحياتي ههههههههه . ها شقلتي يابعد هالناس انتي ؟ أم لولوه وهي تقتنع : اللي يريحج يا يمه ولو اني عارفه انها راح تضايقج . بس دامج قررتي روحي واستانسي واكسري عينها ومالج شغل بأحد . لولوه واهي تبوس راس امها : يا بعد عمري يايمه ,, عساني ما نحرم من طيبة قلبج يالغاليه ..... بعد هالمناقشة استأذنت من امها انها تروح السوق مع بنات خالها عشان تشتري لها بدلة للحفلة وتزهب عمرها . راحت اهي وضحى ونورة للسوق ,, فشافت فستان لونه أسود تقريبا طوله لنص الساق فيه كرستالات فضية مما عطى شكل الفستان فخامه ونعومه وذرابه , راحت وقاسته بالمحل ..و كان عاري الاكتاف وضيق ومطلع شكل خصرها المكسور وجسمها الرشيق مما اعطاها رونق خاص فيها وكان شكلها مثل ممثلات السينما .. قررت انها تشتريه وتشتريه معاه وشاح نفس طريقة الفستان واشترت صندل فضي لامع ........, وراحت المركز الفرنسي واشترت لها روج أحمر مخملي وبلاشر بلون الزهر وعطر جيفنشي ..... وكان في بالها انها تطلع غير وروعه عشان تحرق قلوب العواذل هههههههههههههههههههه . ومن جهة ثانية وفي بيت أبو نواف العم مبارك , كان الكل قاعد يزهب اغراضه لروحة المزرعه . في غرفة نواف ....... أخذ له هاند باق وحط فيه اغراضه التي شيرتز والكابات يعني الملابس العمليه والسبورتيه ,, اما دشداشة وشماغه اللي مخليهم حق يوم العزيمه مطلعهم من المصبغه وحاطهم على سريره ........ واهو قاعد يرتب اغراضه على انغام أغنية بين ايديا لماجد المهندس اللي كان يحبها ويموت فيها ... ولا يطق الباب وكانت اخته مريم . نواف واهي يبطل الباب : هلا مريوم تفضلي ... مريم : هاااا اشوفك مزهب الاغراض ,, جنك تبي النحشه اول شي خخخخخخخخ وحاط بعد ماجد المهندس يسلام يالروماااااااااااانسي اموت انا .. صج انك ذوووق نواف واهو يبتسم : شسوي احب اسمع هالاغنية ... بس تصدقين مريم احس ماله داعي العزيمه والخساير هذي . مريم واهي تقعد جنبه : من حقه ,, اذا ما سوالك العزيمه حق منو يسوي ,, حق اخواني اللي يفشلون ههههههههههههههههه ولا حقي انا هههههههه انت اخونا وتستاهل اكثر من جذي ورفعت راسنا , فأحنا فخورين فيك يا اخوي يادكتور نواف . نواف واهوا مستانس من كلام اخته : الله يخليج لي يا اختي وعسالله يقدرني اني اسعدكم لان مالي غيركم ........ مريم واهي متأثره من كلام أخوها : بس عاد نواف لاتصير شاعري ترا انا اتأثر بسرعه .... يلا خل اطلع قبل لا اطقها بجيه ههههههه نواف واهو يضحك ويضم اخته : اوكي حبيبتي روحي سوي اغراضج لان نبي نستانس لمدة اسبوع بالمزرعه . مريم واهي تضحك : اوهووووووو بنسويها هيصه هناك تخيل كل العايله بتجتمع بعماتي كلهم وبيت عمي ابو احمد . نواف : أي احمد الصبح كنت عنده , بس ماراح يحضر هاليومين لان عنده استلام يمكن اليوم الثالث يالله يحضر . مريم واهي تبتسم : يالله ماعليه , اهم شي اننا نقعد مع عماتنا ونسولف معاهم ونقضي جو عائلي كلنا . نواف واهو يحس بشوق للمزرعة لان يذكر قبل يوم كان صغير كان دايم هو وابوه وامه الله يرحمها يروحون بالويك اند ويستانسون , يحس ان ذكريات الطفوله كلها هناك , فكان متشوق للروحه : على خير انشالله ....... نزلوا تحت عشان يتعشون ومره وحده ينامون لان من باجر الصبح بيروحون ويزهبون الوضع اهناك لان عقب باجر راح تكون العزيمة. لولوه بغرفتها ترتب جنطتها وتحط اغراضها وشاريه لها ipod وحاطه كل اغاني مطربها المفضل ماجد المهندس وخصوصا اغنيته بين ايديا .. ( أنصحكم تسمعونها ) دقت عليها رفيجتها شوق واهي قاعده ترتب اغراضها : الووووووو ....... شلونج لولو شخبارج حبيبتي ؟؟ لولوه واهي تحط لها غلوس : بخير ياقلبي انا تمام ....... وقاعده ازهب غراضي لان من باجر بروح للمزرعه واقعد هناك اسبوع ,,بس شوق اتصدقين خايفه من تعامل مرة ابوي وخواتي معاي اخاف مايتقبلوني ؟ شوق : ماعليج منهم لولو اهم شي استانسي ولاتكدرين خاطرج .. وحاولي تتحاشينهم قد ماتقدرين. لولوه : الله يستر يا شواقه ,, حاسه ان في شي راح يصير . شوق واهي تضحك : خخخخخخخخخ صج انج هبله لاتحكمين على شي وانتي ماجربتيه ....... يلا وسعي صدرج وانا راح ادق لج اهناك وماراح اخليج وابي التفصيل الممل للاشياء اللي صارت لج... وتموا البنات يسولفون ,, ولولوه قالت لشوق شنو شرت حق الحفله ,, المهم سكرته لولوه وقررت تدق على عمتها فاطمه وتقول لها رايها....... طبعا عمتها فاطمة استانست ورحبت فيها وقالت لها ان من باجر العصر بيمرون عليها وياخذونا ,, وبعد كلمت ابوها وابوها نفس الشي رحب واستانس لان لولوه كبرت بعينه حيل . *** في بيت أبو احمد ( أبو لولوه ) كان أحمد طالع لربعه .... طبعا منى ذابحه نفسها عشان العزيمه وكان املها ان نواف يشوفها ويعجب فيها اما مي نفس الشي متشوقه حق العزيمه ومستانسه انهم بيقضون اسبوع اهناك ....... دش ابوهم البيت وجمع عياله وبناته وزوجته ام احمد ....... ماكان أحمد موجود , أبو أحمد واهو واقف ويطالعهم : عقب باجر مثل ما انتم عارفين عزيمة ولد اخوي نواف ,واحنا اهناك بنقضي اسبوع منها نجتمع بالعايله ونستانس . الكل كان مبتسم ومستانس وأولهم أم احمد ,, كمل كلامه : باجر بنتي لولوه راح تكون موجوده وراح تتم اسبوع معانا , طبعا أم احمد ومنى ومي من اول ماسمعوا اسم لولوه بطلوا حلوجهم وتضايقوا . ردت أم احمد واهي متنرفزه : شنو يا ابو احمد شكو تجيب بنت غاليه ويانا .؟ رد ابو احمد بعصبيه وبصوت عاليه : هذي بنتي مثل مابناتج بناتي , انتي فاهمه ولا لا ,, ولا تجيبييييين طاري أمها على لسانج . أم أحمد واهي معصبه : مالها مكان بيننا لا هي ولا امها , ولا نبيها تجي ويانا . أبو احمد وهو ماسك اعصابه : احشمي حالج يامره , هذي بنتي هي اللي شرفتني من بد بناتج كلهم ,, لو فيج خير جان ربيتي بناتج مثل ما امها ربتها يكفي طلعتها محاميه ورفعت راسي ,, اقسم بالله العظيم ان تكلمتي كلمه ثانيه لا اوريج نجوم القايله انتي فاهمه . أم احمد كانت تبي ترد بس خافت من تهديد زوجها محمد وسكتت , وطلع ابو احمد من البيت . وراحت منى عند امها واهي حدها معصبه : من صجه ابوي ,, يبي يجيبها عندنا .؟ يمه شنو الحل . أم احمد واهي معصبه : سوتها غاليووه سوتها وتبي تلزق بنتها فينا , لكن هين والله ما احقق مناها دقيقه وحده . مي واهي تصعد فوق : خلاص يا حبايبي السالفه مطبوخه من زمان وارضوا بالامر الواقع باجر لولوه بتجي وتقعد معانا غصب علينا . منى واهي مكتفه ايدينها وتفكر : ياربي مابيها تجي قطييييييييييعه , شتبي هذي ملزقه عمرها , والتفتت حق امها : اشمعنى تبي تجي الحين وبهالوقت هذا ؟..؟. يعني يمه اتوقعين اهي في بالها نواف ؟ امها واهي تطالع بنتها : ياغبيه ليش لزقت بنتها بالاساس . الا على شان نواف يوم شافته دكتور قالت بلزق بنتي فيه , لكن والله وانا أم احمد دام راسي يشم الهوى لا اعلمها الشغل ان حاولت او قربت صوب نوااااف . ولفت على طول صوب بنتها منى وامرتها انها تروح تكمل تجهيز اغراضهم . منى ارتاحت شوي لان تفكير امها نفس تفكيرها , واصعدت واهي تبتسم وبخاطرها تقول : هين يا لولوه ان ماطفشتج القعده ما اكون منى .؟ ياترى شنو راح يصير بالمزرعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الجزء الثالث مع بداية يوم جديد ,, واشراقة جديدة , كان يوم كله نشاط وحيوية بالنسبة الى نورة لان تدرون أول يوم لها بالجامعة وهي حدها متشوقة ومستانسه لان بالنسبة لها حياة جديدة تختلف تماما عن اسلوب حياة المدارس نورة واهي تقعد خالد من النوم : خااااااالد بليييز قوم يلا أبيك توديني . خالد واهو يحط المخدة على راسة : اممممم ,, وخري بنام ,, صكري الليت . نورة واهي تسحب المخدة : خالد تكفى لاتوهقني ,, اول يوم لي جامعه حبيبي قوووم ما احد يوديني غيرك خالد واهو يبطل عيونه : وضحى وين ليش مارحتي معاها .( ضحى تسوق سيارة ) نورة واهي قاعده عنده : ضحى مودية امي للطبيب عندها مراجعة وبعدين بتروح لجامعتها وانت تدري كليتها بعيدة عن كليتي ,, يلا خالد عفيه انا زاهبه بس انت قووووووووم غسل . خالد واهو يقوم : اووووووف منج مع الله افتكينا من ضحى وشرينا لها سياره وجيتي انتي ,, انا محاضرتي تو الناس عليها . نوره واهي تسحبه : مالي غيرك ياخوي ومابي اروح مع ضحى سواقتها الله بالخير يبه انا بنت مو بايعه حياتي اركب معاها . خالد وهو يحط له معجون اسنان : خير انشالله انتي نطريني تحت على ما ألبس واجهز كتبي . نورة واهي عند الباب : اوكي خالد بس بليز لا تطول . راحت نورة وعدلت شيلتها وتمت ناطرة خالد تحت ....... نزل خالد وكان لابس دشداشة بيضه وغترة ولابس نظارة police وماسك كتبه ... اطلعوا مع بعض من البيت ولا تلفون نورة يدق ... خالد استغرب وقال لها : منو داق عليج هالحزة ؟؟ يالله صباح خير .؟ نورة واهي تشوف المس كول : اوووو هذي بدووووور داقه لي لحظه خل اشوفها خالد يوم انذكر اسم بدور فز قلبه وقال لها : دقي عليها يمكن محتاجة شي . دقت نورة على بدور : ها بدورة صباح الخيييييييييير . بدور : صباح النور ....... نورة قلبي مريني بروح معاج الجامعة اخوي بدر مدري وين ذلف وماخذ سيارة السايق وانا حدي متوهقه لان محد يوديني . نورة واهي تلتفت حق خالد :اوكي يلا زهبي عمرج انا مارتج بالطريييق . التفتت على طول لخالد اللي كان قاط اذنه وقاعد يسمع الحوار : ها تبينا نمرها .؟ خالد وقلبه ملهوف على بدور : اكيد بمر بنت عمتي مانقدر نخليها .؟ ووقفوا عند باب بيت أهل بدور ونورة دقت عليها على اساس انها تطلع , كانت بدور حسبالها ان نورة مع السايق او ضحى كالعادة فكانت لابسه تنورة جينز طويله مع بلوزة سبورت شاريتها من مانجو لونها سماوي مع أبيض وشيلة لونها أسود فيها كرستال سماوي ومعاها كتبها ,, فنزلت على طوول وشافت سيارة خالد بورش كايين ....... استحت في البداية انها تركب معاهم بس اهي مسكينه مضطرة انها تركب بطلت الباب وقالت السلام والكل رد عليها السلام .. خالد واهو يطالعها من المراية ويبتسم : شلونج بدور عساج بخير؟ بدور واهي منزلة راسها : تمام الحمدلله . نوره واهي تتلقف : ها بدور زهبتي جدولج وكل شي وعرفتي وين قاعاتج بدور واهي تقرا جدولها : أي كاهو معاي والحين بشوف القاعات . وخالد طول الطريق وعيونه بالمنظرة يطالع بدور فأهي مبينه انها مرتبكه ,, وصلهم لكليتهم وانزلت نوره وراحت صوب البوابة و قبل لا تنزل بدور قال لها : ديري بالج على نفسج وعطاها هذيك الابتسامه اللي معناها حب ووله .. نزلت بدور راسها وراحت اهي ونوره داخل الكلية ........ *** في مكان ثاني وخصوصا عند بطلنا نواف طبعا كان هذا اول يوم له في المستشفى ,, لبس البالطو الابيض وشعره كان ورى مع نظاراته الطبية طلع شكله جنااااااااان لدرجة حتى الممرضات انبهروا من شكل نواف , كل مايمشي جدامهم كل وحده تقرص الثانيه عشان تشوفه ... كان اهو فرحان ومستانس لان تحقق حلم امه الله يرحمها في ان يكون دكتور .... رحب فيه الدكتور الاستشاري د. عبد اللطيف : اهلا دكتور نواف ,, نورت المستشفى وانا المسؤول عنك وأي شي تحتاجه او محتاج انك تستشير عنه ارجع لي . نواف واهو يصافح الدكتور : يعطيك العافيه دكتور عبد اللطيف وعساك عالقوة ,, وصدقني ماراح اتردد في طلب أي مساعدة , وعسى الله يقدرني على تحمل مسؤولية المرضى . دكتور عبد اللطيف : بلا شك انا واثق فيك انشالله انت راح تكون قدها وقدود , ومبين عليك شاب طموح وانشالله ماتخيب ظني فيك ولك مستقبل باهر بأذن الله . نواف واهو يشكر الدكتور : ألف شكر يادكتور على ثقتك الكبيرة فيني . سلمه الدكتور عبد اللطيف ملف مريض عشان يتابع نواف حالته المرضيه ... دق موبايل نواف وكان المتصل أبوه مبارك : هلا يبه ....... امرني .؟ أبو نواف : هلا بولدي ,, شخبارك وشلون اول يوم دوام لك انشالله بخير ومستانس ؟ نواف واهو يبتسم ويرد شعره ورى : والله الحمدلله يايبه وانا متحمس حدي .. والله يقدرني على تحمل المسؤولية . ابو نواف : كفو هذا ولدي اللي رفع راسي ... المهم ياولدي ما ابي اعطلك عن شغلك بس حبيت ابلغك ان عزيمتك أخر الاسبوع ومره وحده نبي نقعد هناك بالمزرعه مدة اسبوع وكل العايله بيتجمعون من بيت عمك محمد وبيت عماتك كلهم . نواف واهو يتصفح ملف المريض : انشالله يبه ولا يهمك .... اترخص الحين يبه لان عندي مريض ولازم اتابع حالته .......أشوفك على خير انشالله . سكر نواف من أبوه واهو يفكر بالعزيمة ويفكر بعمه محمد وعماته من زمان ما قعد معاهم ولا استانس معاهم ... مايدري ان هذي العزيمه يمكن تغير كيانه ,., يمكن تحسسه بأحساس عمره ماجربه ......., بلغه الدكتور عبد اللطيف ان عنده اليوم خفارة ( مناوبة ليلية ) تستمر لمنتصف الليل . |
*** في مقر عمل الضابط أحمد ....... استلم أحمد دورية مرور وكانت متجهه عند جامعة الكويت لتنظيم السير هناك ... لاحظ أحمد أن في سيارة مبنجره ( التاير فاش ) وواقفه في مكان مافيه تقريبا احد .. راح احمد بالدورية للسياره هذي . ضحى واهي تتحلطم ومتضايقه : بالله هذا وقته سيارتي تبنجر ياويلي شسوي ماعرف شي ....... ولا لمحت دورية شرطة جايه صوبها ,, طبعا اشكرت الله لانها كانت تدق على اخوها خالد بس مايرد عليها ,, و الله بعث لها الشرطي . قرب منها أحمد ونزل من الدورية ونّزل راسه عند الدريشة .,, وكان شكله بلبس الشرطة حلووووووو وجنتل ورجولي : هلا اختي ,, عسا ماشر .؟ ضحى واهي مرتبكه وشوي تبجي وتدمع عيونها : مادري ,, سيارتي بنجرت وادق على اخوي مايرد . أحمد حس فيها انها شوي وتبجي وبصراحه شافها بريئة ابتسم وحاول يطمنها ويهديها : ماعليه اختي انا انشالله بسويها لج ,, تدرين الشرطة في خدمة الشعب ... بس ماعليه تنزلين من السيارة عشان اقدر أغير التاير ( الاطار ) نزلت ضحى من سيارتها .... يوم انزلت انبهر من شكلها كانت لابسه عباية على الكتف فيها كرستال شوارفسكي فضي على الجوانب وشيلتها فيها نفس طريقة الكرستال الفضي وكانت منزله نظارتها وشاف عيونها اللي كانوا وساع ولونهم عسلي غامق والحاجب مرسوم على طول العين والخشم حلو والشفايف صغيره فسرح ثواني فيها ,, فهي ارتبكت من نظراته ... فحس على نفسه ورد طبيعي : اممم اختي انا بجيب العدة من الدورية انتي خلج اهني ولاتتحركين . ضحى واهي خايفه وذابحتها الشمس وبأسلوب طفولي : لا تكفى اخوي لاتخليني بروحي اخاف والله .. واللي يسلمك صلح لي التاير . أحمد واهو يبتسم : تطمني ماراح أخليج بس السياره كاهي وراج وقعد يضحك .. ضحى تكلم نفسها : يافشلتي والله اني خبله وهبله بعد .. خل اثقل واسكر حلجي . راح أحمد ونزل نظارته ورفع كم بدلتة وجاب العدة ونزل تحت عند التاير عشان يسويه لها . ضحى واهي في خاطرها تقول : ياااااي شحلوه صج انه جنتل مان ,, وشكله يهبل ماشالله عليه عسالله يخليه لاهله ويحفظة حق عمره .... بس ردت تقول لنفسها : انا شفيني استخفيت الحمدلله والشكر كأني مو شايفه خير واقعدت تبتسم بينها وبين نفسها . أحمد لاحظ ابتسامتها لان اهو كل شوي يطالعها واهي ماتدري يشوف حركاتها ,, هالبنت دشت قلبه حس بأحساس حلو اتجاهها كان يتمنى ان هاليوووم مايخلص بسرعه ,, واهو يفكر فيها جرح ايده واهو مايدري ,, ضحى شافت الموقف وعلى طول راحت يمه وعطته كلينكس و حاطه فيه ماي واهي خايفه عليه : تفضل أخووي انت جرحت نفسك ,, حط هالكلينكس على ايدك بسرعه . وقف بجهه مقابله لها بحيث مافي مسافه الا نص متر بينهم طالعها أحمد واهو ياخذ الكلينكس منها حس فيها حنان مو طبيعي .. قرب من وجهها شاف وجه حلو وجمييل واهي انتبهت لملامح أحمد ,, شافت ملامح رجوليية وقاسيه لكن فيها حنية وطيبة غريبة ,, انتبهت باللي قاعد يصير على طول وخرت عنه واهو يمسح ايده بالكلينكس : خلاص اختي انا خلصت سيارتج . ضحى واهي بعيونها نظرة شكر وعرفان مع ابتسامه جذابة : ماقصرت اخوي وكثر الله من امثالك واسفه تعبتك معاي وفوق هذا خليتك تجرح ايدك . أحمد واهو يحط نظارته على عيونه مما زاد اعجاب ضحى اكثر : ولا يهمج اختي انا ماسويت شي , بس انتي انتبهي على نفسج وشوي شوي امشي بالسيارة . ضحى واهي تركب السيارة : انشالله اخوي ولا يهمك ويعطيك العافيه ,, يلا سلام . وحركت ضحى سيارتها واعجابها زاد بأحمد لان شافت تصرفاته الرجولية معاها لو واحد غيره كان تصرفه قليل ادب . أحمد تم واقف ويطالع سيارتها لما راحت واختفت عن عيونه بس شاف رقم السيارة على طول سجل الرقم مايدري ليش سجل رقم سيارتها او على أي اساس سجل رقم سيارتها , المهم حط الورقه في جيبه وابتسم وركب سيارته واهو تفكيره فيها ودق تلفونه وكان صديقة وليد المتصل وتموا يسولفون مع بعض عن الشغل. ضحى على طول دقت على لولوه : ألووووو....... ماااااااااتدرين يا لولووه شصار فيني .؟ لولوه واهي خايفه على بنت خالها : عسا ماشر شفييييييييييييييييييييييييييج ؟ ضحى واهي تنزل من سيارتها وتبي تروح لمحاضرتها : سكتي بنجرت سيارتي الله لايوريج ... وادق على الزفت خاااالد مايرد لولا عناية الله جان رحت فيها . لولوه : يؤ وينج الحييييييييييين وشصار عليج ؟ ضحى واهي تتمشى بأروقة الجامعة : ماصار شي انقذني فارس احلامي خخخخخخخخخخ لا اتغشمر معاج ....... جاني واحد شرطي وصلح سيارتي بس اخ لو تشوفينه يالولو يهبل وفوق هذا ذرب واتيكيت . لولوه واهي تضحك على خبال بنت خالها : صج انج هبله ,, يامعوده الله ستر معاج ,, ومره ثانيه تأكدي وشوفي سيارتج . ضحى : أي قلت لج خل اكشخ بسيارتج يا لولو مارضيتي تعطينها لي . لولوه : أي مو انتي سواقتج الله بالخير وانا بصراحه خايفه على سيارتي . ضحى واهي تدش القاعه : المهم انا اخليج الحين عندي محاضره وبعدين ارد البيت واقولج بالتفصيل شصار معااااااي . لولوه : اوكي حبيبتي على خير انشالله . قامت لولوه من غرفتها وراحت عند امها وجدتها تقعد معاهم وتسولف ,, طبعا لولوه الحين تنتظر بس توظيفها لان قبلوها في وزارة العدل بس اهي ماتبي كان حلمها تكون في مجلس الوزراء وبالأخص محامية دولة وقاعده تنطر قبولها . لولوه واهي رافعه شعرها ولابسه دراعة موديلها فرنسي ولونها أبيض ووردي وكان شكلها كيوت : لولوه واهي تبوس راس امها وراس جدتها وتصبح عليهم بالخير . جدتها واهي تأشر لها تجي تقعد يمها : صباح الخير يمه ,, يلا سمي وافطري معانا . لولوه واهي تاكل : عاد حدي جوعانه امس ما اكلت من البوفيه ولا شي . أمها واهي تطالع بنتها : ها لولو شقررتي على عزيمة ولد عمج .؟ بتروحين يمه ؟ لولوه واهي شوي متضايقه : يمه شلون تبيني اروح وانا احس اهناك بالغربة .. ولا اقعد اسبوع بعد .. احس صعبه علي . ولا بدت جدتها تتكلم : لا يايمه روحي وقابلي عماتج , هذولا اهلج مهما كان ولا نبي نقطعهم منج , انتي الاحسن يايمه وفكي عمرج من القيل والقال . و اذا مارحتي بيحطونها براس أمج المسكينة وبيقولون مارضت تخلي بنتها تجي ويسووون من الحبه قبه .... روحي واكسري الشر وخلج أحسن منهم . أم لولوة : عشان يقولون أي ونعم التربية وبنت غالية مو قاطعة الرحم ,, يايمه كلها اسبوع منها استانسي وغيري جو ,, انتي ماشفتي مزرعة عمج ,, ماشالله كبيرة وحلوووووووووة وفيها خيول وحمامات سباحة وكل شي ومره وحده تعرفي على بنات عماتج اللي ماشافوا رقعة وجهج . لولوه واهي تطالع امها : يمه تو الناس على نهاية الاسبوع ,, بشووووووووووف مع اني رافضه بس بفكر عشانكم .,.,. أمها وتبي تغير من الموضوع : شخبار رفيجتج شوووووووق , وشلون امها .. ؟؟ والله هالبنت معزتها من معزتج . لولوه واهي تبتسم : هذي اهي مسكينه بتعيد الكورس بالجامعه لان ما افلحت بمقرر القانون التجاري وبتعيده . بس الحمدلله اهي بخير وامها بخير ودايم والله تسألني عنج . ام لولوة : أي الله يسلمها ويوفقها انشالله ويرزقها . لولوة : أي صج يمه ذكرتيني ,, بتصل عليها بشوف شلون الجامعه من بعدي خخخخخخخخخخ . قامت لولوه واتصلت على رفيجة عمرها شوق : الووو شوقوووه شخبارج ؟ شوق واهي فرحانه : هلا لولوووووووووووو ....... هلا بحبيبتي والله الجامعة بدونج ظلمة وكئيبة . لولوه واهي تلعب بشعرها : ههههههههههه لا شدعوااا... شخبار البنااااات فنر وأرجوان ودانوه الهبله . شوق : والله كلهم بخير ويسلمون عليج وفاقدينج ,, ليش ماتجين عندنا ,, الدكتورة سناء تسأل عنج والله . لولوه واهي تسترجع الذكرياااات : ياااااااه والله لها وحشه هالدكتوره ,, عفيه سلمي عليها وانا انشالله بحاول قد ما اقدر اني امركم بالجامعه واسلم على رفيجاتنا. شوق واهي تتساءل : اوكي تعالي ....... لولو تذكرين الطالب اللي معانا وكان معجب فيج ويحبج ينقاله فهد الضاحي ,, تدرين انه سألني عنج ويبي عنوان بيتكم عشان الظاهر بيدز امه ويخطبج بس انا ادري ان انتوا ماتاخذون من برا العايلة فقلت له اهي تزوجت وفكيتج منه ....... مسكين حده تضايق . لولوه واهي مصدومه : من صجه هذا ,, زين سويتي فيه اصلا انا ما اواطنه بعيشة الله مليييييييييييق حده , يلا الله يوفقه انشالله ويرزقه في بنت الحلال .. المهم شوقوه ابي استشيرج بشغله ,, طبعا انتي تدرين بسالفة ولد عمي انه متخرج من الطب وبيسوون له عزيمة شوق واهي تشجع لولو : احلا احلااااااااااا ولد عمج دكتور من قدج يامعوده ههههههههه لولوة واهي تضحك : اقول سكتي واللي يعافيج اصلا مايدري بوجودي ولا ادري بوجوده ولا اعرف احد من اهل ابوي ,, المهم شوقوه عماتي طلبوا اني احضر العزيمه والحفلة في مزرعتهم ولا بعد بيتمون اسبوع قاعدين انتي شرايج .؟ شوق واهي ودها تكفخ لولوه : انتي من صجج عزيمة ولد عمج وماتبين تروحين ,, روحي ياهبله عشان يعرفونج وتصكين على خواتج هههههههههاااااااي وتصدمينهم يعني تدرين يصير اكشن بحياتج ومن يدري يمكن .. احم احم بعض الناس يشوفونج . لولوه واهي ترفع صوتها : صج انج حماره ,, انا وين وهالسوالف وين لا يامعوده مابي اشوفه ولا يشوفني احسن اتم جذي؟؟ بس مادري شوق واهي تتكلم بعقلانية : اعتقد لما تروحين ماراح تخسرين شي بالعكس راح تكسبين احترام عماتج لانج قدرتيهم وجيتي ,, وفوق هذا الدنيا ماتسوى عيشيها بحلوها ومرها ,, نصيحتي لج روحي واستانسي واضحكي على حركات خواتج ومرة ابوج النسره هههههههههه. لولوة: امممممممم والله مادري كلامج طمني شوي وبفكر ... يلا ما اطول عليييييييييج وسلمي على حبيبج استاذ علي ههههههههههههههه شوق واهي تضحك : ههههههههه ياي فديت خشمه ياليت اتزوجه ....... يلا طسي خل اروح لحبيب القلب .هههههههه بايو سكرت لولوه التلفون من صديقتها شوق .. وقعدت شوي مع نفسها وفكرت شلون الايام الحلوه تمر بسرعه ومايبقى منها الا الذكريات ,, تذكرت ايام الجامعه ,, ايام صديقاتها ومحاضراتهم وشطانتهم وايام شوق لما تسولف لهم عن حبها واعجابها لدكتورها اللي يدرسها ,, وايام فهد الضاحي لما ينطرها دايم عند باب المحاضره ويحاول انه بس يكلمها واهي ماتعطيه وجه ....... ولما يحط لها كل صبح وردة من حديقة الجامعه على سيارتها وكانت تعرف انه هالورد منه بس تسوي نفسها ماتعرف .. وقعدت تضحك بينها وبين نفسها ,, وبهاللحظة هذي قررت انها تروح لعزيمة ولد عمها نواف وفكرت بكلام امها وجدتها وصديقتها شوق فعلا الدنيا ماتسوى القطاعه وشنو يعني مدة اسبوع اذا اربع سنين راحوا بلمحة بصر فأكيد الاسبوع يمر بسرعه وكانت ترجي الله انه يعدي الأمور على خير ......., الايام الجاية يا ترى ماذا تخبي للولوه ,..!!!! *** أحمد وهو بمقر عمله وخصوصا بمكتبه قاعد سرحان ويفكر بالموقف اللي صار ....... سأل نفسه اشمعنى البنت هذي !! ليش أفكر فيها !! انا شايف بنات الدنيا ..!! أشمعنى هذي البنت قدرت تستحوذ على افكاري ..,..!! وطلع الورقة من جيبه وشاف رقم سيارتها ... اخذه الفضول ....... وقال الا اعرف هذي البنت منو ..,؟,؟,؟ ولا على دخلة الضابط وليد .......وراحوا مع بعض لان عندهم مأمورية ..,. *** بـدور كانت قاعده بغرفتها وتسمع اليسا ( أجمل احساس ) واهي تبتسم وتحرك شعرها ,, وتفكر معقوله خالد يحبني ,, ماني مصدقه نفسي ,, ولا صحت على نغمة المسج : يحن قلبي للـحبايب ويشتاق && والشوق يرسم طيفهم في منامي أحبهم واسهر مع الحب تواق && فيهم حديث النفس وأحلى كلامي لو يعرف المحبوب قدره بالاعماق&& ما يبتعد عن وصل خله ثواني أستغربت من الرقم لانه رقم غريب ....... قررت انها تدق وتشوف منو المرسل ,, دقت على هالرقم ,,وخالد كان قاعد يذاكر لان عنده امتحان ,, دق تلفونه وشاف رقم بدور وابتسم ,, رد وصوته كان آسر : ألووو ....... بدور واهي تعدل قعدتها : اخوي منو رقمه هذا . خالد بيصدمها : بدور أحبج . بدور انصدمت وردت بعصبية : هيه ,, صج انك ماتستحي وقليل ادب ,, منو انت وشلون عرفت رقمي .؟ خالد واهو يضحك : انتي شسويتي فيني ,, لاليلي ليل ولانهاري نهار . بدور واهي ماسكه اعصابها : تبي تقول منو انت ولا اعطي الرقم أخوي اخليه يتصرف معااااك . خالد صار جدي : انا خالد ولد خالج ,, بدور لاتزعلين علي لكن والله من شفتج وانا حالي منقلب فوق تحت ........ بدور بققت عيونها وتمت ساكته , خالد يكمل : انا ماكنت اهتم بسوالف الحب والخرابيط ,, اهم شي وناستي ,, لكن من شفتج بالحفله وانا مو قادر اشيل صورتج من بالي .؟ حتى دراسه مادرس عدل استحوذتي تفكيري ... انا ولد خالج وانتي بنت عمتي وانا مارضى لج المهانه , انا بس ابي اعرف رايج ,, انا اذا خلصت دراستي بعد سنه ناوي اتقدم لج واخطبج ويهمني اعرف رايح الحين .؟ ها وشقلتي .؟ بدور واهي مو مصدقه نفسها والفرحه مو سايعتها : ...................... خالد واهوا خاف شوي ان بدور ترفضه : ها بدور جاوبيني لاتلعبين بأعصابي بس قولي يا كلمة أي او لا تكفيييييييين ردي لا تسكتين. بدور واهي تهمس له : موفق خير ياولد خالي ....... ايه انا موافقه , خالد واهو مستانس : يابعد عمري والله ....... ماني قادر اصبر سنه كامله بدونج ......., المهم حبيبتي انا اخليج الحين لان عندي امتحان وبذاكر نفس الناس, بدور واهي تبتسم : بالتوفيق ...... وسكرت بدور واهي مو مصدقه كأنها حلم مو علم ... راحت وقعدت تغني وترقص وعايشة بجوها ......., واخيرا تحقق حلمها ....... *** قرب أخر الاسبوع ,, وقرب موعد عزيمة الدكتور نواف ولد عم لولوه ,, فلازم لولوه تتخذ القرار يا انها تروح ولا ماتروح .......,, نزلت لولوه تحت بالصالة كانت لابسه بنطلون جينز وتي شيرت أحمر ومبطله شعرها ومخليته على اكتافها ومسويه فرق بشعرها وكان شعرها سبورت ولقت مرة خالها أم خالد وبناتها ضحى ونوره ونوف قاعدين مع امها وجدتها يسولفون . لولوه واهي تدخل الصالة : هاااا اشوفكم متجمعين ,, ولا احد يفكر يناديني ..؟ ولا نوف ردت عليها واهي تاكل كتكات : والله ماكو قاعدين ونقرق وحش بالاوادم ......., ماكو شغل .؟؟ حياج ولا طقتها جدتها : نوف اركدي عيب عليج شهالكلام ....... حنا مانحش بس نسولف عن الناس ؟ ولا اضحكوا جان ترد نورة : ايييييي يا جدة ماقصرتي وهذا بالله شيسمونه ؟؟ ولا لولوه تطالع ضحى ولقتها سرحانه ....... قربت منها لولوه ,, وهمست لها : ها الحلو سرحان بالشرطه التفتت لها ضحى واهي تبتسم وتهمس لها : ياليت اقدر امسح صورته عن بالي .؟ لولوه واهي تنصح : كبري عقلج يا ضحى ماتعرفينه ولا يعرفج ,, وماشفتيه الا مره ....... انسيه . ضحى واهي مستغربة : مادري اشمعنى هالانسان انحفر في بالي ,, مع ان ما احد يهزني ,, بس هالانسان غريب تمكن فيني ,, ماقول الا ياربي اشوفه مره ثانيه حتى لو صدفه ....... ياليت يا لولو . لولوه واهي تضحك : يأطع الحب شو بيزل هههههههههههههه . نوره + نوف : اشعندكم تتساسرون ,, شاركونا .. لولوة واهي تأشر لهم : انتوا شكو بسوالف الكبار ........ الجهال مالهم شغل ,..,, نوف واهي معصبه : شقصدج يعني انا جاهل ... حبيبتي انا افهم وعندي عقل حالي حالكم . نورة واهي تضحك على طريقة نوف : مشكلة المبزره هههههههههههههههههههههههه قامت نوف واحذفت نوره بالكلينكس : مبزره بعينج يالخايسه ......., مالت عليج وعليهم ,, خل اقوم اقعد على الكمبيوتر ابرك من وجيهكم . طلعت نوف والكل قعد يضحك على خبالها ...... لولوه قررت تتكلم وتقول رايها . لولوه واهي تقعد صوب امها : يمه انا قررت اني اروح العزيمه .؟ امها واهي تطالع بنتها باستغراب : متأكده يالولو .؟ لا تجبرين نفسج على شي ماتبينه وهالشي راجع لج انتي .؟ ولا تدخلت جدتها : علامج يا غاليه .. خلي بنتج تروح لأهلها .؟ هذي بنتهم مثل ماهي بنتنا , خليها تتعرف على بنات عماتها وعمامها. ام لولوه واهي خايفه : بس يايمه انا خايفه عليها من احد يضايقها او يسمعها كلمه ولولوه تعرفينها حساسه . أم خالد وهي تدش بالسالفه وضحى ونورة ساكتين : والله يا ام لولوه دامها مع عماتها ماحد يتجرأ عليها... واذا انتي خايفه من مرة ابوها انها تضايقها ,, فلولوه اكبر من عقليتها وتحترم وكبر سنها . لولوه واهي تهدي امها : عدل مثل ما قالت خالتي ام خالد , انا كبرت الحين وعرفت الصح من الخطأ . وانا عارفه شنو قاعده اسوي , انا بروح عشان اكسب ابوي واكسب عماتي , والقرار اللي اتخذته لمصلحتي ....... وانا يوميا راح ادق عليج ومثل ماقلتي لي يايمه بغير جو وبسوي اكشن بحياتي ههههههههه . ها شقلتي يابعد هالناس انتي ؟ أم لولوه وهي تقتنع : اللي يريحج يا يمه ولو اني عارفه انها راح تضايقج . بس دامج قررتي روحي واستانسي واكسري عينها ومالج شغل بأحد . لولوه واهي تبوس راس امها : يا بعد عمري يايمه ,, عساني ما نحرم من طيبة قلبج يالغاليه ..... بعد هالمناقشة استأذنت من امها انها تروح السوق مع بنات خالها عشان تشتري لها بدلة للحفلة وتزهب عمرها . راحت اهي وضحى ونورة للسوق ,, فشافت فستان لونه أسود تقريبا طوله لنص الساق فيه كرستالات فضية مما عطى شكل الفستان فخامه ونعومه وذرابه , راحت وقاسته بالمحل ..و كان عاري الاكتاف وضيق ومطلع شكل خصرها المكسور وجسمها الرشيق مما اعطاها رونق خاص فيها وكان شكلها مثل ممثلات السينما .. قررت انها تشتريه وتشتريه معاه وشاح نفس طريقة الفستان واشترت صندل فضي لامع ........, وراحت المركز الفرنسي واشترت لها روج أحمر مخملي وبلاشر بلون الزهر وعطر جيفنشي ..... وكان في بالها انها تطلع غير وروعه عشان تحرق قلوب العواذل هههههههههههههههههههه . ومن جهة ثانية وفي بيت أبو نواف العم مبارك , كان الكل قاعد يزهب اغراضه لروحة المزرعه . في غرفة نواف ....... أخذ له هاند باق وحط فيه اغراضه التي شيرتز والكابات يعني الملابس العمليه والسبورتيه ,, اما دشداشة وشماغه اللي مخليهم حق يوم العزيمه مطلعهم من المصبغه وحاطهم على سريره ........ واهو قاعد يرتب اغراضه على انغام أغنية بين ايديا لماجد المهندس اللي كان يحبها ويموت فيها ... ولا يطق الباب وكانت اخته مريم . نواف واهي يبطل الباب : هلا مريوم تفضلي ... مريم : هاااا اشوفك مزهب الاغراض ,, جنك تبي النحشه اول شي خخخخخخخخ وحاط بعد ماجد المهندس يسلام يالروماااااااااااانسي اموت انا .. صج انك ذوووق نواف واهو يبتسم : شسوي احب اسمع هالاغنية ... بس تصدقين مريم احس ماله داعي العزيمه والخساير هذي . مريم واهي تقعد جنبه : من حقه ,, اذا ما سوالك العزيمه حق منو يسوي ,, حق اخواني اللي يفشلون ههههههههههههههههه ولا حقي انا هههههههه انت اخونا وتستاهل اكثر من جذي ورفعت راسنا , فأحنا فخورين فيك يا اخوي يادكتور نواف . نواف واهوا مستانس من كلام اخته : الله يخليج لي يا اختي وعسالله يقدرني اني اسعدكم لان مالي غيركم ........ مريم واهي متأثره من كلام أخوها : بس عاد نواف لاتصير شاعري ترا انا اتأثر بسرعه .... يلا خل اطلع قبل لا اطقها بجيه ههههههه نواف واهو يضحك ويضم اخته : اوكي حبيبتي روحي سوي اغراضج لان نبي نستانس لمدة اسبوع بالمزرعه . مريم واهي تضحك : اوهووووووو بنسويها هيصه هناك تخيل كل العايله بتجتمع بعماتي كلهم وبيت عمي ابو احمد . نواف : أي احمد الصبح كنت عنده , بس ماراح يحضر هاليومين لان عنده استلام يمكن اليوم الثالث يالله يحضر . مريم واهي تبتسم : يالله ماعليه , اهم شي اننا نقعد مع عماتنا ونسولف معاهم ونقضي جو عائلي كلنا . نواف واهو يحس بشوق للمزرعة لان يذكر قبل يوم كان صغير كان دايم هو وابوه وامه الله يرحمها يروحون بالويك اند ويستانسون , يحس ان ذكريات الطفوله كلها هناك , فكان متشوق للروحه : على خير انشالله ....... نزلوا تحت عشان يتعشون ومره وحده ينامون لان من باجر الصبح بيروحون ويزهبون الوضع اهناك لان عقب باجر راح تكون العزيمة. لولوه بغرفتها ترتب جنطتها وتحط اغراضها وشاريه لها ipod وحاطه كل اغاني مطربها المفضل ماجد المهندس وخصوصا اغنيته بين ايديا .. ( أنصحكم تسمعونها ) دقت عليها رفيجتها شوق واهي قاعده ترتب اغراضها : الووووووو ....... شلونج لولو شخبارج حبيبتي ؟؟ لولوه واهي تحط لها غلوس : بخير ياقلبي انا تمام ....... وقاعده ازهب غراضي لان من باجر بروح للمزرعه واقعد هناك اسبوع ,,بس شوق اتصدقين خايفه من تعامل مرة ابوي وخواتي معاي اخاف مايتقبلوني ؟ شوق : ماعليج منهم لولو اهم شي استانسي ولاتكدرين خاطرج .. وحاولي تتحاشينهم قد ماتقدرين. لولوه : الله يستر يا شواقه ,, حاسه ان في شي راح يصير . شوق واهي تضحك : خخخخخخخخخ صج انج هبله لاتحكمين على شي وانتي ماجربتيه ....... يلا وسعي صدرج وانا راح ادق لج اهناك وماراح اخليج وابي التفصيل الممل للاشياء اللي صارت لج... وتموا البنات يسولفون ,, ولولوه قالت لشوق شنو شرت حق الحفله ,, المهم سكرته لولوه وقررت تدق على عمتها فاطمه وتقول لها رايها....... طبعا عمتها فاطمة استانست ورحبت فيها وقالت لها ان من باجر العصر بيمرون عليها وياخذونا ,, وبعد كلمت ابوها وابوها نفس الشي رحب واستانس لان لولوه كبرت بعينه حيل . *** في بيت أبو احمد ( أبو لولوه ) كان أحمد طالع لربعه .... طبعا منى ذابحه نفسها عشان العزيمه وكان املها ان نواف يشوفها ويعجب فيها اما مي نفس الشي متشوقه حق العزيمه ومستانسه انهم بيقضون اسبوع اهناك ....... دش ابوهم البيت وجمع عياله وبناته وزوجته ام احمد ....... ماكان أحمد موجود , أبو أحمد واهو واقف ويطالعهم : عقب باجر مثل ما انتم عارفين عزيمة ولد اخوي نواف ,واحنا اهناك بنقضي اسبوع منها نجتمع بالعايله ونستانس . الكل كان مبتسم ومستانس وأولهم أم احمد ,, كمل كلامه : باجر بنتي لولوه راح تكون موجوده وراح تتم اسبوع معانا , طبعا أم احمد ومنى ومي من اول ماسمعوا اسم لولوه بطلوا حلوجهم وتضايقوا . ردت أم احمد واهي متنرفزه : شنو يا ابو احمد شكو تجيب بنت غاليه ويانا .؟ رد ابو احمد بعصبيه وبصوت عاليه : هذي بنتي مثل مابناتج بناتي , انتي فاهمه ولا لا ,, ولا تجيبييييين طاري أمها على لسانج . أم أحمد واهي معصبه : مالها مكان بيننا لا هي ولا امها , ولا نبيها تجي ويانا . أبو احمد وهو ماسك اعصابه : احشمي حالج يامره , هذي بنتي هي اللي شرفتني من بد بناتج كلهم ,, لو فيج خير جان ربيتي بناتج مثل ما امها ربتها يكفي طلعتها محاميه ورفعت راسي ,, اقسم بالله العظيم ان تكلمتي كلمه ثانيه لا اوريج نجوم القايله انتي فاهمه . أم احمد كانت تبي ترد بس خافت من تهديد زوجها محمد وسكتت , وطلع ابو احمد من البيت . وراحت منى عند امها واهي حدها معصبه : من صجه ابوي ,, يبي يجيبها عندنا .؟ يمه شنو الحل . أم احمد واهي معصبه : سوتها غاليووه سوتها وتبي تلزق بنتها فينا , لكن هين والله ما احقق مناها دقيقه وحده . مي واهي تصعد فوق : خلاص يا حبايبي السالفه مطبوخه من زمان وارضوا بالامر الواقع باجر لولوه بتجي وتقعد معانا غصب علينا . منى واهي مكتفه ايدينها وتفكر : ياربي مابيها تجي قطييييييييييعه , شتبي هذي ملزقه عمرها , والتفتت حق امها : اشمعنى تبي تجي الحين وبهالوقت هذا ؟..؟. يعني يمه اتوقعين اهي في بالها نواف ؟ امها واهي تطالع بنتها : ياغبيه ليش لزقت بنتها بالاساس . الا على شان نواف يوم شافته دكتور قالت بلزق بنتي فيه , لكن والله وانا أم احمد دام راسي يشم الهوى لا اعلمها الشغل ان حاولت او قربت صوب نوااااف . ولفت على طول صوب بنتها منى وامرتها انها تروح تكمل تجهيز اغراضهم . منى ارتاحت شوي لان تفكير امها نفس تفكيرها , واصعدت واهي تبتسم وبخاطرها تقول : هين يا لولوه ان ماطفشتج القعده ما اكون منى .؟ ياترى شنو راح يصير بالمزرعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الجزء الرابع في بيت أم فارس ....... حضرت أم فارس نفسها على شان تروح وتخطب هدى لولدها فارس ,, كانت ام فارس حدها مستانسه لانها قدرت تقنع ولدها فارس بالزواج .. اليوم اللي كانت ام بدر تترقب له ,, كانت هدى لابسه دراعة كشخه لونها وردي فاتح مع بنفسجي ,, كانت محددة بكريستال لامع وكان موديلها حيل راقي ,, كانت مبطله شعرها ومخليته على كتفها نظرا لان شعرها طويل يوصل تقريبا لتحت خصرها وكان لونه كستنائي فاتح نفس لون عيونها ,, هدى طويلة شوي ومتروسه شوي ملامحها ولون بشرتها اقرب الى المكسيكيات . وصلت ام فارس مع ولدها فارس للبيت ,, نزلت عند الباب و نزل فارس استقبله بدر وخالد وابو خالد بالديوانية ( مجلس الرجال ) , اما ام فارس استقبلتها ام بدر وبنتها الكبيره هند وسلموا على بعض . أم بدر واهي تهلي وترحب : حي الله بوخيتي ام فارس ,, تو مانور البيت . أم فارس : بوجودج يالغاليه , عساه بيتن عامر . هند : الله يسلمج ياخالتي والله ,, شخبارج وطمنيني عنج . أم فارس واهي تقعد فروحه بنت هند عندها : بخير يابنيتي ,, ياحلو فروحه والله ,, الله يبلغج فيها انشالله . كانت عيون ام فارس تدور على هدى : اقول ياوخيتي وين عروستنا بشوفها ,, بكحل عيني فيها . أم بدر : الحين اناديها لج ,, بس تدرين بسوالف البنات .. قامت ام بدر وراحت فوق لغرفة بنتها هدى ,, كانت هدى قاعده وقلبها يدق وبدور واقفه وتقرق فوق راسها . بدور واهي مستانسه : واخيرا افتك منج واستحوذ على غرفتج . هدى واهي متوتره : انتي حدج فاضيه انا وين وانتي وين ....... بدور خلاص مابي غيرت رايي مابي اتزوج . بدور بضحكه عاليه : امبيه حدج مصخره ,, شنو هي لعبه على كيفج توافقين ولا لا ,, انا سمعت من بدر ان الرجال ماينتطوف ,, مهندس ياهدى من قدج ,, وراي لاتطوفينه حرام. هدى واهي ماسكه ايدينها : يمكن ما اعجبه ,, يمكن انا مو من ستايله ,, يمكن يحب وحده ثانيه ,. قامت بدور واقعدت عند اختها : انتي شفيج قمتي تقطين خيط وخيط ,, اولا لو مايبيج ما فكر يتقدم لج ويخطبج ,, وبعدين انتي شفيج ,, كامله والكامل الله جمال ودلال وثقافة وعلم ويكفي طيبة قلبج ياهدى ,, والله يكتب اللي فيه خير . دخلت امهم وتقدمت لهم بأبتسامه واقعدت عند هدى : ها يابنيتي شلونج اعصابج مرتاحه .؟ هدى بتوتر : والله يايمه حدي متوتره ,, وقلبي يدق بسرعه . أم بدر واهي تضحك على بنتها : يابنتي حتى انا يوم تقدم لي ابوج الله يرحمه كنت متوتره وابجي ههههههه واذكر امي الله يرحمها كانت تحاول تهديني انتي تدرين انج صرتي بنت كبيره وفاهمه وعاقله وانا منى عيني اني اشوفج عروس واشوف عيالج ,, يلا يابنتي سمي بالرحمن وانزلي معاي ,, خالتج ام فارس تبي تشوفج . ابتسمت هدى وانزلت مع امها وتمت بدور قاعدة فوق تذاكر لان عندها امتحان وفجأة جاها مسج من خالد : (( تدرين اني تحت سقف واحد معاج واتنفس نفس الهوا اللي تتنفسينه ,, احبج )) ابتسمت بدور ودزت له مسج ,(( فديتك يابعد عمري ,, عساني مانحرم منك )) انزلت هدى وسلمت على خالتها ام فارس ,, ام فارس واهي تطالع هدى بأعجاااب وتأشر لها انها تقعد عندها . أم فارس : حي الله عروستنا ,, يابخت ولدي فارس فييييييييج ,, عز الله يبي ينجن لما يشوفج ,, شهالجمال . هدى واهي منزله راسها ومنحرجة : الله يسلمج ياخالتي من ذوقج . أم فارس واهي تبتسم : مثل مانتي عارفه ياهدى انا جايه وكل امل انج توافقين على ولدي فارس وصدقيني يابنتي انتي ماراح تكونين بس زوجة ولدي لا والله انج راح تكونين بنتي اللي الله ماعطانياها , واكون لج ام ثانيه , ها يابنتي موافقه ؟.؟ هدى واهي مرتاحه من كلام خالتها ام فارس : موافقه ياخالتي . استانست ام فارس على رد هدى , واتصلت ام بدر على اخوها ابو خالد اللي وصل بدوره على شان يسأل هدى وردها طبعا موافقه ,, قامت ام بدر ويببت ( لولشت ) وبدر كلم امه بخصوص فارس انه يبي يشوف هدى لانها نظره شرعية , قامت ام بدر وخذت هدى معاها لغرفة الاستقبال واطلبت انها تقعد لما يجي فارس ويشوفها . هدى واهي واقفه : يمه لاتروحين خلج معاي . ام بدر : يايمه ياهدى هذا بيصير رجلج مايصير جذي خليه يشوفج على راحته من حقه يايمه كلها خمس دقايق ويطلع . هدى واهي تحط شعرها ورى اذونها : بس يايمه حدي متوتره ماقدر والله . ولا صوت بدر : ها يمه كاهو الرجال بيدش انتي روحي داخل وانا بتم قريب منهم . هدى انخبصت فوق حدر , ووجهها يطلع الوان حدها متوتره .,. دش فارس في هيبتة الرجولية , كان لابس شماغ احمر ودشداشة بيضا , وحاط له لحية خفيفه , دخل وقعد عن بعد مترين عن هدى اللي كانت منزلة راسها وتطالع الارض , رفع عينه وشافها كان شكلها كلاسيك , مريح للنفس , جميله , واللي عجبه شعرها الطويل الكستنائي .. عم الهدوء اول 10 ثواني وبعدين بدى يكلمها : شلونج هدى .؟ هدى ردت بصوت يالله ينسمع : بخير فارس واهو يطالعها : مبروك انشالله . هدى اكتفت بالابتسامه الخفيفه اللي ماتبي تبينها , كانت تبي تشوفه , تبي تحط عينها بعينه , طلته اعجبتها , بس باقي الملامح , واهي تدعي يارب اشوفه عدل يارب . وقف فارس واستأذن عشان يروح وهدى بخاطرها لااااااااااا لاتروح بشوفك لاتروح ............. طلع فارس وماشافت الا ظهره وزوله شافت انسان طوله مناسب , عريض الاكتاف واختفىىىىىىى . على طول راحت لها امها وام فارس واهم يضحكون ومستانسين , أم فارس طبعا بلقافه : ها شفتي رجلج ؟. هدى بخيبة امل : لا ياخالتي ماشفت الا زوله . قامت ام فارس وطلعت لها صورة شخصية صغيره كانت تحتفظ فيها بمحفظتها , وحطتها بكف هدى : هذا رجلج وخلي صورته عندج ,, وانا وامج اتفقنا على المهر وانشالله العرس بعد شهر , مبروك يابنتي . هدى واهي تسلم على خالتها : الله يبارك فيج ياخالتي , عن اذنكم بروح لغرفتي . راحت هدى وللحين ماشافت الصورة , تمت ركض على غرفتها , وعلى طوول بدور اسمعتها وراحت باركت لها وتبي تسألها عن الاحداث . هدى واهي ماسكه الصورة : ياااااي ماقدر اطالع الصورة . بدور بلقافه : عطيني خل اشوفه , ماتبين تشوفينه كيفج . هدى واهي تدزها : وجع انشالله انثبري يالله , لازم انا اشوفه اول شي نسيتي انه بيصير زوجي . بدور تمت واقفه قبال هدى : يلا ياختي خلصينا ماصارت , اخاف توم كروز وانا مدري . رفعت هدى الصوره وشافتها , كان وسيم الملامح , عيونه كبار وحواجبه مرسومه ورموشة كثيفة و خشمه صغير , شفايفه صغار واسمراني .......,, هدى ابتسمت واهي تطالع وتقول : معقوله هذا زوجي ياحلوه يجنن . على طول بدور تليقفت وخذت الصورة واهي تصفر : وااااااااااو والله مزيووووووووووووووووووووون . واخيرا عندي زوج اخت مزيون عكس زوج هند الجيكر . ردت هدى وخذت الصورة منها : يافديته والله بس فيه حزن مو طبيعي بعيونه ., احس انه مهموم وشايل الدنيا كلها فوق راسه ......., عسالله يقدرني واشيل هالحزن من عيونه . انتشر خبر خطوبة وملكة هدى وفارس بين العايلة والكل استانس و يبارك لهم ويتمنون لهم حياة سعيدة . |
*** في اليوم المرتقب ,, يوم حفلة الدكتور نواف في المزرعه ,, الكل قعد الصبح , الحريم الكبار اشرفوا على صالات الاستقبال وعلى الاكل والضيافة اما البنات كل وحده تجهز نفسها لان الكل يبي يصير احلا شي ... الساعة 2 الظهر ومازالت لولوة نايمة . دانة واهي تقعد لولوة من النوم : لولوووووووه قومي وجع , الساعه بتصير ثلاث وانتي نايمه . لولوه وراسها تحت المخده : اووووووو ,, مابي بنام مانمت امس الا الفجر . دانة واهي تاخذ المخده عنها : يسلام عليج مو نايمه الا الفجر ,, نسيتي ان اليوم الحفله ,, قومي جهزي نفسج ,, الكوافيره موجوده خل تسوي شعرج . لولوة واهي ترد المخده : دانة بعديييييييييين خليني بس ساعه . دانة واهي استسلمت : يبه تدرين شلون بالطقاق انشالله عمرج ماقمتي ,, خل اروح اضبط عمري عشان خالتي ام زوجي بتجي الحفله ولازم اكشخ . طلعت دانة من الغرفة وتوجهت للغرفة المخصصه للكوافيرة وخبيرة التجميل اللبنانية مدام كارلا ... لقت عندها مي ومنى ومريم تبي تبدي فيهم . منى واهي تكلم مدام كارلا : شوفي مدام انا ابي اطلع احلا وحده بالحفله ما اوصيج . مدام كارلا : أي حبيبتي , شغلي معروف كتير ولاتخافي . ولا دانة تتدخل : والله يامنى الكل يبي يطلع احلا شي , مو بس انتي . طالعتها منى بنظرة يعني انطمي : والله انا اتكلم عن نفسي مالي شغل بالثانين ,, الا صج وينها رفيجتج ماتنشاف لايكون ماتبي تحضر الحفلة . دانة واهي متوهقه : والله اختج يامنى نايمه وماتبي تقعد . منى وابتسامة عريضه : احسن , لان وجودها ماله داعي . مدام كارلا : دخيلكون مين هيدي اللي نايمه , لان انا وأتي كتير مزدحم ومابأدر اظل كتير هون . منى واهي تجاوب : لا مدام بس احنا حطي لنا مكياج وبعدين روحي ,, دانة واهي تتنرفز : لا لولوة حرام عليج يامنى , ليش انتي جذي هذي اختج . منى ونظرة شر : تخلخلت احنوجها بلا ,, لو تبي كان جت وتمكيجت مو تأخر المدام على حسابنا . مريم تحاول تهدي الوضع : خلاص عاااااااااد منى دانه بس ,, خلونا نخلص بيروح الوقت وماخلصنا ,, اللي يبي يحط مكياج يحط مااحد حارمه ,, فكونا خلاص . دانة واهي تكلم نفسها : مالت عليج يالساحره , صج فرق بينج وبين لولوة . منى انتبهت لدانة : خير فيه شي تتكلمين . دانه واهي تقوم وبنفسية خايسه : سلامتج صج اللي خلق فرق ,, خل اقوم اطلع بدلتي احسن لي . صارت الساعه 6 المغرب وبدوا المعازيم يتدافعون على مزرعة آل جاسم .. والبنات حطوا مكياج واكشخوا ووقفوا عند صالة الاستقبال ,.. لولوة توها اقعدت من النوم وشافت الساعه ولا الوقت تأخر ,, على طول طلعت بدلتها وخلتها على السرير وخذت لها شاور سريع .. ونشفت شعرها .. احتارت ماكانت تعرف تسوي شعرها ,, كانت موهبتها بس بالمكياج ,, على طول اتصلت على دانة اللي كانت مع البنات بالحديقة الخلفيه مكان البوفية . لولوة : الووووووووو ,, دانه لحقي علي .,.؟ دانه واهي راحت بعيد عن الازعاج : هلا لولوه ,, وينج نزلي تأخرتي ؟ لولوة واهي متضايقه : تكفين دانة ابي احد يسوي شعري ماعرف اسويه كلش عطيني حل؟ دانة : خلاص لولوه , بقول حق اختي اشواق تصعد لج لانها شاطره بالتسريحات ... حطيتي مكياج . لولوة : أي زاهبه بس شعري توهقت ماعرف اسويه ... بليز لاتطولين علي . راحت دانة ونادت اختها اشواق على اساس تروح حق لولوة . أصعدت اشواق لدور البنات وراحت لغرفة لولوة ... شافت لولوة لابسة بدلتها اللي سبق وتكلمنا عنها وحاطه مكياج سموكي اسود مع فضي وروج احمر لامع وشعرها مخليته مبطل عشان تسويه لها اشواق ,, اول مادشت سمت بالرحمن وقالت حق لولوة : شهالجمال يالحمارة ,, شهالمكياج والله احسن من خبيرة التجميل صج انج بتخربين على بعض الناس اللي ذابحين عمرهم . لولوة بأبتسامة : كلج نظر يااشواق ,, وصدقيني مالي شغل بمنى ومي ,, ألزم ماعلي نفسي . أشواق واهي تقرب منها : صدقيني يالولوة منى بتندم لانها ماعرفتج عدل واهي محظوظة لانج اختها ,, المهم ماعلينا منها ,, تعالي خل اسوي شعرج ,, شلون تبين التسريحة .؟ لولوة واهي تشرح لها : شوفي حبيبتي ابي نفس طريقة تسريحة اليسا ( إرجع للشوق ) مع بوف خفيف وتحطين لي هذي الشريطة جدام . اشواق واهي تبتسم : أفا عليييييييج عاد انا اعرف لها عدل ... يلا نبدي بسم الله . مرت تقريبا نص ساعه على ما خلصت التسريحة ,, كان شكل لولوه يخبل ,, شي خيالي ,, من ناحية نعومه وذرابه وانوثه واغراء وخصوصا مع الروج الاحمر اللامع . اشواق واهي منبهره من شكل لولوه : وااااااااااااو تجننين ,, اقري على نفسج المعوذات لايصير فيج شي يامعوده . لولوة وبابتسامه واطلعوا غمازاتها : بعد عمري يااشواق ماقصرتي وتعبتج معاااااي , اخدمج بالافراح انشالله . اشواق : شوفي نزلي وراي بـ 5 دقايق ,, اوكيي . يلا بايو (( ولا قالت لها ان الحفلة في الحديقة الخلفية )) طلعت اشواق وانزلت وراحت للحديقه ,, حيث الحفله تقام في حديقة المزرعة ,, انزلت لولوة من الدرج .. وصلت لصالة الاستقبال الكبيره بس تفاجأت واستغربت ماكان فيها احد ,, لان حسبالها ان الحفله بصالة الاستقبال الكبيره ولا فكرت في انها تكون بالحديقة الخلفيه واستبعدت هالشي ماسألت دانة واشواق وين بالضبط ,, مثل مانتوا عارفين ان المزرعة كبيره حيل ,, والمفروض تطلع من الباب الخلفي المؤدي للحديقة ,, كان يسود الصاله هدووووء مخيف تجولت فيها وتنقلت مابين ممراتها بس مالقت احد ,, سمعت احد قادم من ورى الباب ,, ابتسمت وتقدمت للباب واول ما افتحت الباب : ها دانه شرايييييييييج فيني نواف وقف مذهول ومبطل حلجه من جمال لولوة : لو... لو... لو... لوولوه لولوة تجمدت مكانها وماقدرت تتحرك ,, نواف حس لنفسه ,, على طول التفت للخلف : السموحه يابنت العم ,, مو قصدي والله . لولوة واهي حدها انحرجت : لا عادي ,, انا المفروض اني اتأسف لاني ظنيتك دانة. نواف واهو يشم ريحة عطرها : شخبار ايدك ,, انشالله احسن . لولوة : الحمدلله احسن من امس ... نواف بغيت اسألك "؟ نواف : امريني ,, لولوة واهي تنزل راسها : وين مسوين حفلة الحريم لان مادري وين وانا مضيعه . ابتسم نواف على براءتها : في الحديقه الخلفيه ,, اطلعي لها من الباب الخلفي ورى المطبخ . لولوه واهي بتروح : لاهنت ياولد عمي . كان نواف لابس شماغ احمر وناسف نسفته اللي على الاكتاف مما بين عرض اكتافه .. ودشداشة لونها ابيض .. كان شكله يهبل وكانت توصل لاكتافه من طوله الفارع . سمع خطوات مشيها ,, كانت تمشي بهدوء وبرزانه ,, تم عطرها بالمكان ,, غمض عيونه ولا يدري ليش غمضهم وتم يشم عطرها واهو يبتسم ,, لولوة غير وكل شي فيها غير ,, بنت عمه هذي استوطنت تفكيره ,, نزل راسه وراح لمجلس الرجال واهو يغني اغنيته المفضله بين ايديا . دخلت لولوة وشافت حريم كثار وانتبهت لها عمتها فاطمه وراحت لها مبتسمه : هلا في بنت اخوي ,, شهالزين اسم الله عليج ,, تعالي سلمي على معارفنا . الكل انتبه حق لولوه ,, والكل يهمس ويقول هذي بنت محمد من غاليه ,, والكل يمدح في جمالها . راحت لجدتها وسلمت عليها : هلا في بنيتي لولوه ,, اسم الله عليج صايرة قمر .. لولوة واهي تبتسم : الله يخليج لنا يايمه . قامت عمتها فاطمة وامسكت يد لولوة على شان تعرفها على المعازيم وبكل فخر تقول هذي بنت محمد وغاليه ,, محامية العايلة لولوة ولا وحده من المعازيم قالت : ماشالله تبارك الله ,, تو ادري ان عند محمد بنت مزيونه وتسلب العقل . كانت ام احمد ( زوجة أب لولوة ) موجوده وتطالع بحقد , جت بنتها منى واهي تهمس لها : يمه شفتي شلون سنعوها بنات عمتي , شفتي يايمه . ام احمد واهي تخز لولوه من فوق لتحت : ماعليج يايمه كله صناعي مكياج وخرابيط , الزين يبقى زين يايمه . وخذت بنتها منى وخلتها تسلم على المعازيم , وتقول بصوت عالي تبي تغيض لولوة : هذي منى بنتي , شيخة البنات كلهم , هي محجرة حق ولد عمها الدكتور نواف . منى طالعت لولوة بنظرة خبيثة تعلوها ابتسامة خبث ومكر وغرور . ولولوة كانت منزلة راسها وفاطمه تطالعها وتهمس لها : لولوة اذا متضايقه روحي لغرفتج . لولوة تبتسم ببراءة وبريق الدمع يلمع من عيونها : لا عادي عمتي , تعودت على طريقتهم , واوعدج اذا تضايقت اصعد على طول . ولا ام يوسف ( بنت خالة زوجة ابو لولوة ) تقول حق الحريم : أي خلاص نواف وتخرج وصار دكتور , وماباقي الا نزوجة , وبنت عمة منى اولى حقه , عدل ياخالتي . وتقصد فيها جدة لولوة . جدة لولوة أم مبارك : والله انا ودي افرح فيه اليوم قبل باجر , والله يكتب اللي فيه خير انشالله . دانة واشواق وخلود كانوا ضمن القاعدين وانصدموا من طريقة ام احمد وكانت واضحه حيل انها تغيض لولوة . ولا فاطمة تقط نغزة حق ام احمد : والله نواف كبير وبنات عمه وعماته كثار ,, هو اللي يختار منهم اللي تعجبه . ام احمد واهي تطالع فاطمة بنظرة تحدي : وليش بنتي منى مو بنت عمه ؟؟ على الاقل منه وفيه واحسن من الغريبه . جدة لولوة ام مبارك تبدي تهدي الموقف : أعلنت ان العشاء جاهز والكل يتفضل على البوفيه . قامت دانة واشواق وراحوا عند لولوة .. واقعدوا عندها . دانة واهي تغمز حق لولوة : الحلو تأخر على الحفله لايكون ضاع وبعض الناس دلوه مكاننا لولوة واهي تدف دانة : شقصدج ياحمارة . دانة واهي تبتسم : ولا شي سلامتج . ولا اشواق مشتطه ومندبله جبدها وتقول بعصبية : قطع ما باقي الا خذي تاخذ نواف , نجوم السما اقرب لها . لولوة ردت عليها : ليش عادي , منى محجرة لنواف من الصغر وشي طبيعي . دانه واهي مغتاظة : جبي ماتمنيت احد ياخذ نواف الا انتي يالولوة , اول ماشفتج قلت هذي المفروض تكون زوجة نواف . لولوة منصدمه : شهالكلام يا دانة انا مالي شغل بنواف ولا بمنى كيفهم وعسالله يوفقهم , ونواف يستاهل كل خير . أشواق واهي تطالع لولوة : هذي انتي قلتيها يستاهل كل خير , وين الخير من ورى منى الحقوده . لولوة واهي ترد شعرها ورى : ماعلينا منها يا اشواق , الله يسامحها , ها ماودكم تتعشون ... انا حدي جوعاااااااااااااااانه . وقفوا ثلاثتهم وتوجهوا يم البوفيه عشان يتعشون , ولا منى كانت ماسكة قلاص عصير و ألمحت لولوة تاخذ لها صحن سلطة , وراحت لها من ورى وكبت قلاص العصير على بدلة لولوة واهي تصارخ بوجهها : وجع انشالله يالولوة ماتشوفين , انتي اكيد قاصده الحركه هذي , عورتي ايدي الله ياخذج . لولوة انصدمت : انا اللي ماشوف , انتي اللي كبيتيه علي , ليش جذي يا منى . الكل انتبه على صراخ منى على لولوة , وجت ام احمد تبي تهاوش لولوة : يمال العمى انشالله , عورتي ايد بنتي , شوفي عدل . لولوة اهني حست انها خلاص تبي تبجي وحست انها انهانت وانظلمت , ادمعت عيونها واطلعت من الحديقه تركض واهي تبجي . ولا عمتها فاطمة جت واهي ترفع صوتها على منى : حركاتج هذي ماتطوف علي انتي فاهمه , اقسم بالله ان عدتيها لا والله اعلم ابوج اخليه يأدبج يالخايسه . ام احمد واهي تبعد فاطمه عن منى : بنتي متربيه احسن من تربية بنت الغريبة . ولا عمة لولوة الكبيرة تكلمت ولا اسكتت عن الوضع : بنت الغريبة اللي تقولين عنها , اعرفت شلون تربي وتطلع لنا محامية , لو فيج خير وصلتي لمواصيلها . أم احمد بدت تمثيليتها وراحت عند خالتها تبكي : شفتي ياخالة مايبوني ولا يبون بناتي شفتي شلون . جدة لولوة ام مبارك واهي تقوم : لعنبوا دارج يافاطمة ما كأني موجوده اهني , خلاص عاد احشموني , واحشموا المعازيم , خلاص ماصار الا الخير , فكونا . وصلت غرفتها واقعدت على السرير وحطت راسها على المخده واهي تبجي , اصعدت لها عمتها فاطمة ودانة وشافوا شكلها يكسر الخاطر . فاطمه واهي تمسح شعر لولوة : بس يالولوة بس ياحبيبتي ,, خلاص كافي . لولوة واهي تبجي : والله ماقربت صوبها , اهي كبت العصير علي . فاطمه : ادري يا لولوة والله ادري , واحنا مصدقينج . دانه واهي تبوس لولوة : خلاص حبيبتي , مالج شغل فيها , اصلا اهي محتره ومغتاظه من كشختج . فاطمه : لولوة اجيب لج شي تاكلينه , ما اكلتي عشاج ياقلبي . لولوة واهي تمسح دموعها : عمه ابي ارد البيت . دانة واهي مبرطمه : افا يا لولوة , ماتوقعتج ضعيفه هالدرجه , انا توقعت انج تكونين اقوى . لولوة واهي منزله راسها : والله يادانه تعبت , مادام اولها جذي اكيد ينعاف تاليها . ولا فاطمة تدخلت : اذا تبين تستغنين عن اللي يحبونج بسبب اسلوب منى الجاهلي , هالقرار راجع لج . تمت لولوة ساكته وماتكلمت ,, فاطمة ودانه استأذنوا عشان ترتاح لولوه , قامت واخذت لها شاور والبست بجامه قطنيه وخلت شعرها على الاكتاف , وراحت تدور ال ipod مالقته , وتسأل نفسها وين حطته , وحاولت تذكر وين حطته وتذكرت انه بالاسطبل اكيد , ما حبت انها تنزل هالحزه لان اكيد قاعدين كلهم لان الساعه 11 بالليل , فقررت انها تنطر وبفترة الانتظار اتصلت على امها اللي اشتاقت لها حيل وتمت تسولف معاها بس ماقالت لها شنو سوت منى فيها عشان ماتبي امها تحاتي وتشغل بالها فيها . في مجلس المزرعة كانوا مجتمعين نواف وابوه وعمه ابو احمد و جدته وعمته فاطمه وام احمد وبناتها طبعا وام يوسف , اكيد تسألون عن دانه , دانه راحت مع امها للبيت وراح ترد باجر الصبح هي وام سعود عمة لولوة . منى واهي ماسكه ايدها : يمه ايدي تعورني اخاف فيها رضه ولا شي . ((وكانت طبعا تمثيليه من تمثيلياتها)) ولا ام يوسف قالت لها : مادام عندنا دكتور عظام , خل يشوف ايدج . كان نواف مندمج بالسوالف مع ابوه وجدته وعمه , راحت ام احمد وقالت حق نواف : يمه نواف شوف ايد بنتي منى , تعورها يمكن فيها رضه . نواف واهوا يطالع ام احمد : عسا ماشر خالتي , من شنو تعورها .؟ قالت واهي تطالع ابو احمد : لا بس لولوة الله يسامحها عورت ايدها بالحفله . نواف رفع حاجبه وتأكد لان لولوة ماتسويها ,, ولا ابو احمد قال : خير شصار .؟ ولا جدة نواف تدخلت : لا ماصار شي , حركات بنات , ماصار الا العافيه . ابو احمد طالعها بنظرة غضب : وين لولوة الحين .؟ فاطمه تدخلت : قاعده بروحها فوق بغرفتها , خنت حيلي ماذاقت عشاها . قام ابو احمد ويبي يصعد حق لولوة . ولا ام احمد راحت ونادت منى عشان يشوف ايدها . طبعا منى ما امسحت مكياجها وكانت حاطه لفه على شعرها ومغطيه شويه من شعرها ومنزلته لانه طويل من تحت وكانت قاصده هالحركه . مشت صوب نواف واهي مستحية وتبتسم بعذوبه وعينها بعين نواف . ونواف استحى ووخر عيونه , اشرت لها ام يوسف انها تقعد صوب نواف عشان يشوف ايدها . فاطمه ماعجبها الوضع وراحت استأذنت تبي تنام ,, وكذلك استأذن ابو نواف وجدة نواف ,, اللي تم ام احمد وام يوسف . نواف واهو يطالع ايد منى : أي صوب العوار بالضبط .؟ منى واهي تطالع نواف : اهني . راح ومسك ايده على شان يشوف سبب العوار , وطاحوا خصلات شعره على جبينه . منى انجنت من شكله . طبعا ام احمد وام يوسف مستانسات وقرروا يبعدون شوي عنهم . نواف رفع عينه على منى ولقاها تطالعه : مافيها شي ايدج , مو مبين انج طايحه . منى واهي تطالع نواف بنظرة حب ووله : بس تعورني ايدي . نواف تضايق من جرأة بنت عمه وراح قام وخلاها: الظاهر دلع بنات هذا , يلا عن اذنكم . صعد نواف لغرفته وكان وده يروح مع عمه ابو احمد ويشوف لولوة , حس انها متضايقه بس ماقدر . ام احمد على طول جت بنتها : ها بشري ماقالج شي . منى واهي تتأفف : ماقال شي يايمه ولا بين عليه انه معجب فيني مع اني كاشخه حدي . ام يوسف قالت لها : ماعليه الحب يجي ورى الزواج صدقيني. ام احمد واهي تواسي بنتها : نواف لج ومايروح لغيرج يابنتي يلا قومي خلينا ننام . اصعدوا لغرفهم لان الساعه صارت 1 الفجر ولازم ينامون . كان ابو احمد قاعد على سرير بنته لولوه واهي يسألها : علامج لولوه .؟ في شي مضايقج ؟ لولوة واهي تتصنع الابتسامه : لا ابد يبه ماكو شي الحمدلله انا مرتاحه . ابو احمد وهو مشكك بمصداقية بنته : شسالفة ايد منى وشنو الموضوع ؟ لولوة واهي تنزل راسها : ابد كان لعب بنات وعورت ايدها بالغلط . وانا غلطانه . ابو احمد وارتاح نسبيا : الحمدلله يا بنتي , ماصار شي . يلا اخليج تنامين وترتاحين . لولوة بابتسامه : انشالله ....... و تصبح على خير يايبه . |
تنقل لقسمها ياdarla
القسم هنا لكتاب الروايات الأصليين اعذريني ياقلبي وكملي نقلها باين انها رائعه .. |
اسفة يا عزيزتي أقدار أنا ما اعرف في هالقسم كثير :YkE04454::YkE04454::YkE04454::YkE04454::YkE04454::YkE04454: |
الجزء الخامس صارت الساعه 2 الفجر , ولا جاها نوم وفوق هذا ذبحها الجووع ,, بدلت بجامتها الضيقه والبست دراعة قطنيه بيتوتيه لونها ابيض وفيها دببه ملونين , قررت انها تنزل للمطبخ وتسوي لها ساندويتش مرتديلا بالمايونيز وتشرب معاه كوب شاي اخضر خذت طبعا معاه شال حق شعرها لان يمكن تلقى احد قاعد . انزلت تحت وكانت الاناره طافيه , بس انارة المطبخ شابه , يعني اكيد فيه احد بالمطبخ , البست الشال فوق شعرها ومشت بهدوء صوب الباب وافتحته , لقت نواف يتعبث بالثلاجة ويغني بصوت خافت اغنيته المفضله بين ايديا , ابتسمت لولوة لان كانت تحب هالاغنيه بس صوته كان يخرع ههههه . راحت تبي تطلع ولا شافها نواف : لولوة ,, وين رايحه . التفتت لولوه حقه : لا بس كنت ابي اسوي لي اكله خفيفه , بس اخذ راحتك . راح ارجع بعدين . نواف واهو يبتسم : لاتروحين خلج اذا مضايقج وجودي اطلع عادي . لولوه : لا عادي بالعكس بس اخاف انت متضايق من وجودي . نواف واهو يرفع حاجبه الايمن : شدعوا وليش اتضايق بالعكس , انا نازل المطبخ عشان بعد جوعان ولا اكلت من البوفيه , بس تصدقين ماعرف اطبخ . لولوة ترد عليه من ورى طاولة الطعام : اممممم انا بسوي لي ساندويتشات خفيفه حاب اسويلك معاي ؟ نواف وبأبتسامه قاتله : يااااليت . كان نواف واقف عند الثلاجة وكان لابس بنطلون بيج قطني وتي شيرت بيج مع ازرق فاتح وفوقه جاكيت قصير لونه بني وشعره مبهذل بس ياي يجنن ويخبل , وخلا مجال حق لولوة انها تروح صوب الثلاجه واهو قعد عند طاولة الطعام , يراقب تصرفات لولوه وتحركاتها , وحس انها مرتبكه من نظراته . لولوة بارتباك : حاب احطلك خس ولا بدون خس . نواف بابتسامه : كيفج ,, كل شي من ايدج اكيد طعمه حلو . اهني لولوه صاروا خدودها طماطه , انتبه لها نواف ونزل راسه وهو يبتسم . حاب يكسر التوتر بينهم : لولوة انتي ناويه تفتحين مكتب محاماة خاص لج ؟ لولوة واهي شدها السؤال : لا انا ناويه بأذن الله اصير محامية دولة في مجلس الوزراء بس انشالله يقبلوني . نواف وبأعجاب : ماشالله عليج طموحج قوي وانشالله يتحقق لج . لولوة بأبتسامه ذوبت قلب نواف : ياربي احقق حلمي وحلم امي , وافرحها انشالله. نواف واهو يطالع لولوه : امج انسانه عظيمه لانها وصلتج لهالمواصيل هذي واكيد بتفتخر فيج لانج رفعتي راسها فوق . الله يخليها لج ويطول بعمرها انشالله . لولوة بنظرة حنان : تسلم ومشكور على الكلام الطيب , وانت ماعليك قاصر امك اكيد بتفخر فيك ويكفي رفعت راسها . نواف نزل راسه وحس بدمعته تبي تطلع اول ماتذكر امه ,, لولوة لامت نفسها صج اني خبله وين ذكرته بأمه المرحومه , اكيد تضايق والسبه انا صج اني غبيه , وقالت له : نواف اسفه والله ماكان قصدي . نواف رفع راسه على طول : بالعكس يالولوة انتي ماقلتي شي يزعل , بس تذكرت امي وتمنيتها انها تكون موجوده وتشاركني فرحتي ,, والله يالولوه احس ان فرحتي ناقصه بدونها . قربت لولوه من طاولة الاكل وبيدها صحن فيها ساندويتشتين وايدها الثانيه فيها كوب شاي اخضر وحطتهم على الطاوله واهمست له بس بصوت مسموع وواضح : امك يانواف موجوده معاك تدري وين .. اهنيه ( واشرت على قلبه ) ماراح تخليك ,, دامك تتذكرها و تتذكر ايامك معاها راح تكون قريبه عندك , الحين لازم علينا اننا نترحم لها وندعي لها ولاننساها من الدعاء ,, عدل يادكتور نواف ؟ نواف بهاللحظه هذي تمنى انه يضم لولوه ولا يخليها , يتم يضمها ليما يغفى وينام , يحس براحه مو طبيعيه لما يسمع كلامها ولما يشوفها ,, اكتفى في انه يبتسم في وجه لولوه وقال لها بهمس : توني احس بطعم الراحه يا استاذه لولوه لولوة نزلت راسها : دوم انشالله مرتاح يا دكتور نواف ............... على فكرة انا سويت لك شاي اخضر اوكي. نواف واهو يطالع الصحن : وااااو والله حركات , شكله لذيذ ,, يعطيج العافيه . لولوه واهي تغسل ايدها : عوافي انشالله . راحت تبي تطلع من الباب ولا نواف يطالعها : وين ....... وين .......! لولوة واهي تطالعه : ليش بغيت اسوي لك شي ثاني قبل لا اطع .؟ نواف واهو شكله بيزعل : ماراح تسولفين معاي ... تبين تطلعين .؟ لولوه توهقت ياربي شكو اقعد معاه مايجوز اصلا ,, لولوه واهي متوهقه : الوقت تأخر حيل ومو حلوه احد ينزل ويشوفني قاعده اسولف معاك .؟؟ نواف وهو معصب : اللي يتكلم اقص لسانه , نسيتي انا ولد عمج وشرفي هو شرفج .. لولوه واهي تطالعه : بس مايجوز اقعد مع زوج اختي منى المستقبلي . نواف هد اللي بأيده وهو استغرب : زوج منو ؟؟؟؟؟؟؟؟؟؟ منى ؟..؟؟ ومنو قالج هالكلام او من وين سمعتيه ؟ لولوة واهي متعجبه : ليش يعني انت ماتدري ؟؟؟؟؟ نواف واهو معصب : اكيد ما ادري ,, على كيفهم يزوجوني ويخطبون لي ,, اصلا منى بعيييييييييده حيل عن تفكيري ,, ولا عمري فكرت فيها انها تكون زوجه لي , اعتبرها مثل مريم اختي لا اكثر ولا اقل . لولوة ارتاحت نسبيا وحست بنشوة الانتصار لانها تأكدت ان نواف مايفكر في منى . كمل نواف كلامه : اسمعي لولوة ,, الكلام اللي راح تسمعينه واجد ,, وخصوصا من خالتي ام احمد او يمكن من منى , لان ادري ان امنيتها اني اتزوج منى , بس صدقيني يالولوه مافكرت فيها . لولوه : انا مالي شغل فيهم , ولا لي شغل في اختيارك . نواف واهو يطالع لولوه : لا راح يكون لج شغل باختياري ....... صدقيني . لولوه استغربت : انا شكو فيك ؟؟؟؟؟؟ نواف ابتسم ورد لاكله : على فكره جهازج ipod موجود عندي ,, طلعتي تحبين ماجد المهندس نفسي غريبه حتى اهتماماتج مثلي لولوة واهي مستانسه : صج عاد نيتي اليوم ادور الجهاز بالاسطبل بس اشوا انك لقيته ... وماجد يعجبني احساسه لما يغني بصوته الرومانسي . نواف مد ايده بجيبه وطلع منه الجهاز وقدمه حق لولوه ,, لولوه اشكرته وابتسمت له واطلعت فوق لغرفتها .... نواف تم مكانه قاعد على طاولة الطعام ماكان يتمنى ان لولوة تروح . كان يبيها تقعد معاه وتسولف معاه ,, حس بأحساس غريب اتجاهها , حب لولوة .. يحس براحه لها ,, يتمناها تكون طول العمر قربه ,, يتمنى يمسك ايدها ,, يلمس وجهها ,, يضمها حيل لصدرة ,, كل هذا يدل على شي واحد انه مايقدر يعيش بدونها ولازم يتقدم لها ويتزوجها ,, بس شلون ,, يمكن اهي ماتفكر فيه ؟ ,, ومنى وامها اكيد ماراح يخلون هالشي يتم اذا دروا ان نواف بدا يميل حق لولوة,, قرر انه ينتظر ويشوف وش اخرتها . *** في الجامعه ,, نورة اخت ضحى تأقلمت مع وضع الجامعه والدراسه وحبت جو الجامعه لانه جو جديد وحلو عليها ,, حبت المحاضرات وايام الانتخابات الجامعية ,, طبعا كانت تصوت لقائمة الائتلافيه ,, كانت توها خالصه من المحاضره ورايحه تشوف بدور وين ,, ولا دق تلفونها واهي تمشي وطلعته من الجنطه وكان المتصل صديقتها شهد ,, واهي تمشي ومنزله راسها تبي ترد على الاتصال ولا اصدمت بشي لدرجة انه كتبها واوراقها طاحوا على الارض ......., جاها صوت رجولي : اسف ,, فيج شي اختي ؟؟ ولا نورة عدلت وقفتها واهي ترفع راسها وتقول بعصبية : ماتشوف انت ,, عما انشالله يعميك .؟ زياد واهو يبتسم على عصبيتها : خلاص اختي قلت لج اسف ....... مع ان انتي العميه ماتشوفين في احد يمشي ومايشوف دربه . نورة واهي تلم كتبها واوراقها : خلاص بس فارقني . نزل زياد لمستواها عشان يلم معاها الكتب والاوراق : اوكي على الاقل خل اساعدج نورة واهي تكمل وتلم اوراقها اللي طاروا : مابيك تساعدني ,, فارقني بس وخلاص . زياد وهو يحط كتبه على جنب : بدال ماتقولين لي شكرا وجزاك الله خير وماقصرت تقولين هالكلام , هذا وانا هاد محاضرتي ومتأخر علشانج وتقولين هالكلام . نورة واهي مشتطه وصاروا خدودها حمر من التعصيب : ياخي مابي منك شي , طلبت تساعدني وقلت لك ساعدني , ياخي روح خلاص فكني . زياد واهو ياخذ كتبه : خلاص خلاص لاتعصبين شوي وتطقيني .. و شوفي عدل مره ثانيه ياالعميه , راح زياد وقعد يضحك ,, لان كلامه يغيضها واهي عصبت حييييييييييل منه , ودقت على رفيجتها شهد : الو شهد وينج شهد واهي مخترعه : هلا نوره اشفيج معصبه ,,. نوره واهي تمشي : انا اقول لج اذا شفتج ,, وينج بسرعه . شهد : موجودين ننطرج انا وبدور بالمكتبه . نوره : يلا كاني جايتكم . دشت نورة للمكتبة وشافت بدور وشهد قاعدين يكتبون بحثهم , جتهم نورة واهي معصبه واقعدت قبالهم . انتبهوا لها وسألوها : اشفييييييييج. نورة واهي تهمس لان ممنوع الكلام بالمكتبه : صار لي موقف خايس قبل شوي . شهد وهي تهمس لنوره : شصار لج شنو الموقف ؟ نورة وهي منفعله : دعمت واحد وتنثرت اوراقي ,, وتخيلي يقول لي انتي عميه ماتشوفين طبعا شهد وبدور ماتوا من الضحك .. نوره واهي مشتطه : بس هذا اللي فالحين فيه ضحك ومصخره وبس صج مالت عليكم مافيكم خير . بدور واهي تعطيها ماي : شربي الماي وهدي اعصابج وخلاص انسي . نوره واهي تشرب الماي : بدور والله لو تشوفينه يبط الجبد ,, مسوي نفسه يساعد المغرور هذا صج حقير اكرهه اكرهه . شهد واهي تضحك : شدعوا عاد اهو يحبج هههههههههه . بدور واهي تهديهم : خلاص عاد خل نكمل البحث لازم نسلمه باجر . تموا ثلاثتهم يكتبون البحث ولا شافوا نوره تشهق وتقول : هذا هو المغرور الحقير. شهد وبدور يتلفتون : وين وين وين !!!!! نوره واهي تأشر شوي شوي : كاهو هذا اللي لابس بنطلون جينز وبلوزة لونها ابيض ومسوي شعره فوق . شهد واهي تطالعه : يازينه والله انه مملوح ويهبل ياحظج هذا اللي صدمج ,, اخيه لو صادمني . نوره بنظرة غضب : وجع انشالله من زينه المغرور .. مادري على شنو مغرور . شهد : ياختي من حقه يصير مغرور ماتشوفين شحلاته , ياي شوفي جسمه معضل وحده رياضي . بدور : شهد خلاص عاد فكينا من هالسوالف عيب يلا . شهد واهي تحط ايدها على خصرها : يسلام وانا شقلت ماقلت الا الصج مزيون وشكله ولد عااااااااااايله هاي هاي . (( هاي هاي تعبير عندنا بالكويت عن الناس اللي عايلاتهم ثرية ويهتمون بالمظاهر )) نورة واهي ترجع لبحثها : والطقاق شنو يعني "هاي هاي" , اهم شي الصحه والعافيه والستر والاخلاق . شهد واهي تتحلطم : أي مو احنا عيال فقارى مساكين مالنا الا هالكلام . نورة طالعت شهد بنظرة يعني انطمي : شهد تبينه روحي له مو تقعدين تقرقين فوق روسنا خلينا نكمل البحث . شهد واهي تتأفف : اووف خلاص عاد شقلت يعني ,, قاعده اضحك معاكم . ( نورة ملامحها حلوه ,, بيضه , وجهها دائري ,, شفايفها صغار ,, عيونها ذبلانه ,, خشمها حلو ,, مو طويله حيل ,, وجسمها شوي متروس بس كان مقسم وحلو ,, نوره هادية بطبعها بعكس اختها ضحى اللي تحب تضحك واختها نوف اللي بس تحب تهاوش وتحب دراستها وتحاول انها تجيب معدل يرفع راس اهلها ,, ماكانت تهتم بسوالف المكياج والكشخه وسوالف الشباب ,, لدرجة ماكانت تعرف تحط مكياج الا مسكره وغلوس ملمع فقط ,, لبسها بسيط وكاجوال ولا تهتم بالمظاهر ) ( زياد كان محط انظار البنات ,, كل البنات متحطمات فيه , طويل .. ضعيف بحيث عضلات جسمة بارزة من ممارسة الرياضه ,, شعره كستنائي ناعم خفيف وعنده شوارب كلاسيك وعيونه فيهم حدة تذوب لما يطالع احد ,, واحلا ما فيه كانت ابتسامته العذبه ,, كان ولد عائلة بارزة في المجتمع الكويتي وغنية جدااا ,, على شان جذي البنات دايما يحاولون يلفتون انظاره عشان يقع في الحب ,, بس اهو ما يهتم ,, كان يبي يحب وحده هو اللي يتعب على شانها مو اهي تجي وتعرض نفسها لان يحتقر هالفئة هذي اللي تقط نفسها على الشباب ) كان زياد يدور له كتاب يساعده على عمل التقرير,, من ورى رفوف الكتب لمح نورة , كانت قاعده وحاطه ايدها على خدها وايدها الثانيه ماسكه القلم وتكتب بالبحث وكان شكلها مندمج للآخر ,, ابتسم زياد لا شعوريا لما طالعها ونزل راسة وكمل البحث عن الكتاب .. بدور كانت لاهيه ومنشغله بالبحث وفجأة جاها مسج من حبيب القلب خالد : هو فيه غيرك بالغلا شخص يسواك && يخسى بزمانه ما يـجي بيوم يمك الله وهبك من الغلا والله اعـطااااك && عشق يبي يسري مع عروقي دمك عهد علي لأعيش لك طـول دنياك && على الوفا والطيب و بالقلب اضمك ابتسمت بدور ابتسامه عشق ووله ,, انتبهوا لها نورة وشهد ,, شهد بلقافتها المعهوده : اييييييه ناس نايمه بالعسل وناس منغثه بهالتقارير عسالله يرزقنا يارب ؟ بدور واهي تطق شهد وخدودها حمر من الاحراج : وجع زين , صج انج ملقوفه انتي شكو. نورة كانت تدري ان خالد يحب بدور وبدور تحب خالد بس ماكانت تبي تحرجها وقالت : بدور ماعليج منها ,,واهي تغمز لبدور بأبتسامه . بهاللحظة كان زياد يتابع حركاتها وشاف ابتسامتها لاول مره , زادت جمال وعذوبه وبراءة , حس انها طيبة و على نياتها , قعد زياد بالطاولة اللي قبال نورة . استأذنوا بدور وشهد على شان محاضرتهم بدت وتمت نورة قاعده بالمكتبه وتكتب بحثها اللي تعب ايدينها الصغيره من الكتابه ,, رفعت راسها فوق وطالعت جدام ولقت زياد مرتز وقاعد يطالعها ومندمج .. طالعته ورفعت حاجبها بطريقة استفزازيه ,, وهو بادلها بابتسامه عذبه خلت قلب نورة يرتجف وردت على طول تسوي نفسها تكتب عشان مايبين التوتر اللي فيها . فجأة جت بنت وكانت لابسه ضيق وشكلها كان ملفت من المكياج اللي حاطته والتسريحه اللي مسويتها لشعرها ,, كانت البنت جميله وحلوه بس شكلها حييييييييل اوفر ,, شافت زياد وحاولت تتحرش فيه عن طريق الابتسامات وهالسوالف هذي ,, طالعها زياد بنظرة استحقار ,, الموقف هذا كله صار قدام نورة اللي كانت تراقب بهدوء ,, قربت منه البنت وطلبت بكل حقارة رقم زياد ,, نوره بققت عيونها وتمت تراقب ,, زياد اكتفى في ان يقول لها كلمه وحده : احترمني نفسج وانا ماتشرف اعطي رقمي لانسانه نفسج . طبعا ا ستحت البنت وقلب وجهها الوان وطلعت على طول . زياد كان مبين عليه انه متضايق حيل من تصرفات البنات معاه . رفع راسه فوق وطالع نوره اللي كانت تطالعه وعيونهم تلاقت مع بعض لثواني ,, رجعت نورة بسرعه ونزلت راسها وبدت تلم كتبها عشان تبي تطلع .. وتلحق على محاضرتها .*** |
*** كان من المقرر ان أحمد يرجع للمزرعه اليوم ويلتقي في عايلته ....... لكن استدعى الى العمل لان عنده بلاغ عن حريقة كبيرة في بيت عائلة مكون من ستة افراد من ضمنهم ثلاثة اطفال مع الام والاب والخادمة .. اتجه الضابط احمد الى البيت المحترق ,, تفاجأ لما شاف النار شلون تلتهم البيت واهل البيت قاعدين يستنجدون ويصيحوووون والمطافي للحين ماوصلت ....... أحمد مع اصدقاءه الضباط يحاولون يساعدون قد مايقدرون والجيران بعد مو مقصرين بس للأسف النار محاطة بكل الزوايا ومافي مجال انهم يدخلون ,, احمد راح صوب الحديقة وشاف ولد صغير عند الباب الخلفي للبيت وقاعد يصيح ويبجي ,, سمعوا صوت المطافي وتحركوا رجال المطافي بسرعه ,, لكن احمد قرر انه ينقذ هالولد هذا ,, حاول يبطل باب السور ,, ومشى صوب البيت ,, ماكان ماخذ معاه أي درع حمايه من النيران ,, كان متكل على الله ,, تقدم خطوه خطوه ,, كل مايتقدم خطوه يحس بنسبة الاكسجين تقل عنده ,, حس بحرارة النيراة ,, رفس الباب برجله ,, وقدر بقوته يكسر الباب ,, لقى الولد الصغير مسكيين متكور على نفسه وقاعد يبجي كان منظره حيل يعور القلب ,, احمد واهو قاعد يصيح بصوت عالي : حبيبي لاتخاف انا راح اطلعك بس انت لاتتحرك خلك مكانك انزين . طالعه الولد الصغير وهو يحرك راسه طاعة لكلام أحمد . الضابط وليد قعد يلتفت ويدور على أحمد بس مو لاقيه بأي مكان ,, نادى على الشرطي سعد بصوت عالي : ما شفت الضابط احمد ؟ الشرطي : لا سيدي ما شفته . استغرب وليد وقعد يسأل نفسه وين راح وين ذلف حده مو وقته , وخاف انه سوى شي متهور لان احمد كان يحب المغامرة بصورة جنونية ,, فجأة سمع الجيران ملتفين ورى البيت عند الحديقة وقاعدين يصارخون , جمع الضابط وليد فرقته وراح صوب التجمع , ودخل وشاف احمد يحاول انه يدخل بين النيران لكن ماقدر . وليد نادى على احمد : احمد وخر لاتتهور المطافي قايمين بالواجب . لكن احمد لاحياة لمن تنادي , معطيه طاف , راح احمد ونزع قميصه وربطه على خشمة وقط نفسه بين الممر اللي كانت النيران تحاصره ,, شاف الولد الصغير وحضن احمد وقاله احمد : لاتخاف احنا راح نطلع بس ابي منك طلب . الولد الصغير واهو يبجي : شنو احمد واهو ماسك الولد : ابيك تكون بطل وتتمسك فيني حيل وتنزل راسك وتحطه بين صدري عشان النار ما تحرقك . الولد الصغير سمع الكلام وسوى نفس ماقال عنه احمد .... وراح احمد واهو يركض والنيران تلسعه وتحرقه قدر بفضل الله انه يطلع الولد وينقذه ويوصله لبر الامان ,, ركض له الضابط وليد وفرقته وخذوا الولد واحمد طاح مغشي عليه متأثر من نقص الاكسجييييين وانصدم الضابط وليد لما شاف نص رقبة احمد محترقه وصدرة متأثر بالجروح مع ظهره ,, على طول وصلوا الاسعاف واسعفوا احمد ,, وتمت العمليه بنجاح وانقذوا الاسرى المنكوبه والكل كان يشهد على موقف احمد البطولي واللي ضحى بحياته عشان هالولد . وصلت الاسعاف للمستشفى على طول دخلوا احمد للعناية المركزه اللي كان متأثر بالجروح وكان فاقد الوعي نتيجة نقص الاكسجين . *** كان ابو احمد ونواف وابوه والعايله كلها مجتمعين كلهم في المزرعه ,, سوالف وضحك ,, لولوة كانت فوق مانزلت ,, نواف كان بنظرات عيونه يدور على لولوة وحس بضيقه لما درى ان لولوة مو موجوده معاهم . دق موبايل ابو احمد والكل سكت عشان يرد على الموبايل . (( ألو , نعم )) (( أي نعم معاك ابو احمد )) (( شنو ,, أي مستشفى ,, ها الحين جاي مع السلامه )) الكل التفت على ابو احمد اللي كان منصدم ,, ابو نواف ونواف قاموا معاه والكل : خير شفيك شصاير . ابو احمد واهو متوتر ويطالع ام احمد : أحمد ولدي بالمستشفى . ام احمد قعدت تصيح وجدته والكل انهار , ابو نواف ونواف راحو على طول مع ابو احمد , لولوة اسمعت الصراخ ونزلت على طول واهي تسأل عمتها شالموضوع وقالت لها على السالفة منى واهي تطالع اختها بنظرة حقد : يعني يهمج احمد ,, شدعوا دريتي عنه .. لولوة واهي بموقف دفاع : عمر الظفر مايطلع من اللحم يامنى . راحت لها ام احمد واهي تمسك يدها بقوه : كل المصايب والبلاوي منج يام النحس , من جيتينا واحنا محتاسين. لولوة وعيونها تدمع : انا ماسويت شي ,, شسويت لكم عشان تعاملوني بالطريقه هذي . عمتها فاطمه راحت لام احمد ووخرت ايدها وقالت لها : عيب عليج يا ام احمد ماله داعي هالكلام هذا , لولوه بنتنا واحمد اخوها . , وام احمد تصارخ على لولوة : اطلعي من حياتنا عوع مانبيج يا ام البلاوي . على طول لولوة ركضت و اصعدت ولمت اغراضها واهي تبجي ودقت على خالها ابو خالد وطلبت انه يجيها الحين لان خلاص تحملت المذله والمهانه عشان خاطر ابوها . صعدت لها عمتها وشافتها لامه اغراضها وتبي تروح : خلاص يالولوة لاتسوين جذي بنفسج لولوة واهي تشهق : بس ياعمه خلاص تحملت عشانج انتي وابوي بس مالي قعده اهني خلاص بروح لامي . فاطمه واهي تشوف جنطتها : شنو تروحين الحين الساعه 10 بالليل ماكو روحه يالله . لولوة واهي تمسح دموعها : اصلا اتصلت على خالي وكاهو جاي بالطريق , ماعليه عمه سلمي على ابوي وكان ودي اشوف احمد واقعد معاه بس مالله لي هالشي والله يشفيه انشالله وبليز عمه طمنيني عليه . وصل خالها بعد ساعه ودق عليها تلفون , وامرت الخدم انهم يشيلون اغراضها سلمت على عمتها وجدتها وراحت ....... خالها : عسا ماشر شصار . لولوة بنظرة حزن : ماصار شي ياخالي , اتمنى انك ماقلت لامي. ابو خالد : لا يالولوة مستحيل ماراح اقولها ,, بس شصاير ! طبعا لولوة قالت له كل شي واكتفى في ان يقول : حسبي الله ونعم الوكيل . *** في المستشفى قسم الحروق وبالتحديد قسم العناية المركزية ,, توجه ابو احمد واخوه ابو نواف ونواف معاهم لغرفة أحمد ,, شافوا احمد محاط بالاجهزه ونص وجهه وصدرة كله لافينه بالشاش الابيض .. دمعت عين ابو احمد لما شاف ولده بهالمنظر هذا وعلى طول راح نواف لدكتور أحمد وبدا يستفسر عن حالته المرضية والدكتور فهمه ان حالة احمد مستقره بس للأسف ان آثار الحروق راح تبقى فيه . توجة نواف لابو احمد : ياعمي الحمدلله على كل شي واذكر الله , وقدر الله وماشاء فعله . ابو احمد : الحمدلله على كل شي ,, ياولدي شقالك الدكتور ؟ نواف واهو يحك راسه : والله ياعمي قال ان حالته مستقره ومعطينه منوم بس اثار الحروق راح تبقى معاه . ابو احمد وهو متكدر : اللهم لك الحمد والشكر ,, ياولدي روح انت وابوك وارجع المزرعه وانا بتم شويه عند احمد وبرجع . نواف : بس ياعمي ماني مخليك بروحك , انت روح ارتاح وانا اتم عند احمد . ابو احمد وهو مصر : لا روح الحين مع ابوك , المزرعه مافيها الا محارمنا وروح خلك عندهم. توجه نواف هو وابوه للمزرعه وكان الكل ينتظرهم عشان يتطمنون , دخلوا من البوابة الرئيسية واتجهوا لصالة الاستقبال ولقوا الكل قاعد ينطر .. ابو نواف بدا يقول لهم عن حالة أحمد ,, والكل تضايق وتأسف عليه لكن ملامح منى كانت عادية بالنسبه للموقف وكانت عيونها على نواف ,, ونواف كان بعيونه ونظراته يدور على لولوه بس ماشافها ,, كان وده يشوفها الحين وبهاللحظة هذي حس انه مشتاق لها بس للأسف مالقاها ,, شاف منى تطالعه وتخزه استغرب من نظراتها وقال لها : خير فيه شي يابنت العم . منى طاح وجهها وقالت بصوت شبه مسموع : سلامتك ياولد عمي . ابتسم نواف بسخريه واستهزاء وقال لها : ما اشوفج متأثره من سالفة احمد .. منى واهي تلقط وجهها : ها .. اممم.. أي صح اكيد اخاف على اخوي . نواف طالعها فوق تحت : خير انشالله . وطلع على طول راح للمجلس بس نادته عمته فاطمه : نواف بالذمه شلون احمد الحين ؟ لاتحاول تجذب علي . نواف واهو منزل راسه : والله ياعمتي احمد حالته مستقره ولله الحمد بس للأسف آثار الحروق راح تتم فيه . فاطمه واهي تدمع عيونها : ياحسرتي عليك يا احمد , والله انك ماتستاهل ياولد اخوي . نواف واهو يحضن عمته : اذكري الله والحمدلله الحرووق مو بوجهه , بصراحه ياعمتي ماتوقعتج جذي ,يلا عاد لاتضيقين خلق خالتي ام احمد . فاطمه واهي تمسح دموعها : شدعوا عاد تهتم بولدها احمد , لا هي ولا خواته ماقول الا حسبي الله على الظالم . نواف واهو متعجب من اللي سمعه : معقوله ام ماتهتم لولدها ؟!!! فاطمه : اصلا يانواف احمد دايم يعاني من طريقة تعامل امه والكل معاه , يحسسونه كأنه منبوذ ولاذاق طعم الحنان منها , احمد غير عن اهله وطيب ولايستاهل . نواف انجرح لما سمع هالكلام , ولو كان يدري كان واسه ولد عمه احمد ... طرا على باله لولوه وحاب يسأل عمته عنها : اقول عمه ,, لولوه شلون علاقتها مع احمد . فاطمه : لولوه المسكينه ماقصرت , كان ودها تشوف احمد وتقعد معاه لكن مالله كتب , حتى نسيت اطمنها عن احمد خل اتصل فيها . نواف : تتصلين فيها ليش اهي وينها الحين ؟ فاطمه واهي تقعد على الكنبه : ايييي انت ماتدري شصار يوم رحتوا للمستشفى ؟ نواف بأهتمام كبير : شصاير قولي لي بالتفصيل .؟ طبعا شرحت له فاطمه عن كل شي وطلبت انه مايقول لبو احمد .. نواف عصب وحس بضيقه وقال بعصبيه : ليش جذي يعاملونها واهي شذنبها , هذا شي بأمر الله .؟ فاطمه واهي تقوم : هذا وهم خواتها من لحم ودم لعوزها وبهذلوها ماقول الا حسبي الله عليهم. طلعت الموبايل وبدت تتصل على لولوة وكان نواف قاعد عندها ماتحرك , وبدت تكلم لولوه وتطمنها على اخوها احمد وسألت عنه وين أي جناح راقد وقالت لها فاطمه انها ماتعرف مما نادت نواف وخلته يكلمها . نواف : ألو ,, هلا لولوه شخبارج ؟ لولوة بنعومه : ياهلا نواف بخير الله يسلمك انت شلونك ؟ نواف : بخير الحمدلله,, ليش يالولوه تروحين واحمد بحاجه لج .(( نواف كان يقط نغزة لها بس اهي مافهمته )) لولوة بضيقه : ادري طريقتي ماكانت حلوه اني اطلع جذي بس لاتلومني يانواف اللي صار مو شويه لي واحمد انشالله انا ماراح اقطع فيه مهما كان اخوي وانا باجر الصبح بزوره . نواف : خلاص باجر الصبح تعالي وانا راح انطرج عند باب المستشفى واوصلج لاحمد بس لاتطلعين بروحج اخذي معاج احد . لولوه منحرجه : مشكور يانواف ماقصرت معاي ادري تعبتك نواف بأبتسامه : ولو انتي بنت عمي ومابينا شكر . واستأذنت منه وسكرت الموبايل . وكان يتمنى انها ماتسكر ويظل يسمع صوتها وهمساتها , وسألته عمته فاطمه : نواف بتروح باجر مع لولوه لاحمد ؟ واذا رحتوا متى بتروحون ..؟ نواف : أي نعم , وانشالله الصبح , بتروحين معاي ؟ فاطمه بتردد : ما اعتقد اقدر الصبح , بس شلون تعرف انها وصلت ؟؟؟ وانت تدري المستشفى مليان شباب . نواف : والله مادري ياعمه نسيت اسألها متى تكون موجوده . فاطمه واهي تقوم : شوف خذ رقمها ودق عليها وشوف بنت عمك انزين . استانس نواف : انشالله عمتي . استأذن من عمته فاطمه وراح لغرفته يرتاح فيها . أشرقت شمس الصباح , ونواف طالع ساعته بعيون نعسانه لقاها الساعه 7 الصبح , قعد من النوم وراح اخذ له شاور عشان ينتعش , نشف شعره حيل واحتار شنو يبي يلبس فقرر انه يلبس كاجوال بنطلون جينز وبلوزة قطنيه لونها بني مع كاب بالخلف كان شكله بسيط وحلو وشكله ملفت للنظر نظرا لوسامة نواف , لبس نظارته الطبية ونزل للمطبخ وطلب من الخدامه تسوي له عصير برتقال طبيعي فرش , وتوجه الى المجلس وقعد يفكر في لولوه وابتسم بينه وبين نفسه , دخلت منى وكانت لابسه تنورة لونها زيتي وبلوزة اصفر بزيتي مع شيله لونها اسود وكانت حاطه مكياج خفيف , رفع راسه يبي يشوف منو اللي دخل عليه لقى منى مبتسمه ومتوجهه له : صباح الخير نواف . نواف من غير نفس : صباح النور . منى واهي تقعد قباله : ها ياولد عمي تريقت , تبي اسوي لك ريوق . نواف واهو يطالع التلفزيون : لا مشكوره لاتعبين نفسج , ماحب اتريق الصبح . منى بدلع : نواف ماقلت لي شرايك بترتيبات العشا والمجلس ترا انا اللي اشرفت عليهم . نواف طالع منى بنظره خلت وجهها يطلع الوان : اعتقد الحين مو فاضين حق هالسوالف هذي , اخوج احمد بالعنايه المركزة ولا سألتي عنه جايه تسأليني عن الخرابيط . منى وانقص وجهها : لا انا اصلا كنت ابي اسألك عنه واليوم بنروح له كلنا بنزورة . نواف لاعت جبده وقف وقام بيطلع : انا استأذن تامرين بشي . منى قامت معاه : وين ياولد عمي , خلك شوي قاعد . نواف بدون مايلف عليها : يالله مع السلامه . منى حست بالقهر لما شافت طريقته معاها , وقالت والله لا اخليك تتعلق فيني غصب طيب يا نواف والايام بيننا , وقامت وهي تغني اغنية احلام ناويلك على نيه . |
الجزء السادس طلع نواف من الفيلا وركب سيارته الرنج روفر متوجه الى المستشفى وشغل طبعا أغنيتة المفضله بين ايديا وعلاّ عليها , وابتسامته تشق وجهه ,, اخيرا بيشوف لولوه , اشتاق لها , ويحس براحة كبيرة لما تطري في باله . وقف سيارته بالباركينق , ونزل منها , ودخل المستشفى ومر على ولد عمه أحمد مالقاه بالعناية المركزه خاف واختبص قلبه وراح على طول لدكتوره وقاله ان حالته أحسن من اول وانقلوه للجناح وهو الحين نايم تحت تأثير المخدر , ارتاح لكلام الدكتور وابتسم وتوجه للجناح وشافه نايم وحمد ربه انه بخير , ونزل تحت للكافيه مال المستشفى وبدا يشرب كوفي لاتيه مع كرواسون بالجبن , مر الوقت بطيء على نواف ومل انتظار لولوة طالع ساعته وشافها الساعه 9 , طلع موبايله واتصل على لولوه ورن موبايلها . بهالحزه كانت لولوه تتجهز وألبست لها عبايه راقيه وحلوه وفيها على اطرافه نقش ناعم وشيلتها نفس الشي , حطت لها مسكره وغلوس خفيف وكانت في منتهى النعومه والذرابه , اسمعت تلفونها يرن ويرن وشافت المتصل ولقته رقم غريب فقررت انها ترد عشان تشوف منو : ألوووووو نعم . نواف : صباح الخير لولوه شخبارج . لولوه واهي رافعه حاجبها : نعم منو انت اخوي ؟ نواف واهو يبتسم : ماعرفتيني يابنت العم , انا ولد عمج نواف . لولوه ارتاحت : هلا نواف , صباح النور , اسفه ماعرفت الرقم . نواف : توقعت هالشي , على العموم انا بأنتظارج بالمستشفى من الصبح . لولوه واهي تبتسم : يلا كاني بس مسافة الدرب . نواف واهو يمسح على شعره : خلاص اذا وصلتي تلقيني بالكافيه اللي بالمستشفى . لولوه : انشالله على خير يلا مع السلامه . صكرت لولوة التلفون ونزلت تحت وشافت امها وصبحت عليها بالخير وباست راسها وقالت لها : يمه انا قلت لج اني بروح لاخوي احمد بالمستشفى . ام لولوه واهي تشرب شاي : مايخالف يابنتي روحي هذا اخوج , بس لاتصيفين اهناك . لولوه واهي تلتفت : وين ضحى ابيها تروح معاي , قلت لها من امس . ام لولوه واهي تبتسم : وييييييييي ضحى تلقينها طاقتها نوم . لولوه واهي معصبه : تسويها هالخايسه , بس ماعليه انا اوريها , خل اروح لاني تأخرت حدي . اطلعت لولوه من البيت , ووصلت المستشفى ووقفت سيارتها بالباركينق , وتوجهت إلى المستشفى والتفت يمين يسار وشافت نواف قاعد بالكافيه , لمحها من بعيد وابتسمت له وراحت صوبه : هلا نواف لايكون طولت عليك ؟ نواف واهو يوقف قبالها : لا عادي بالعكس , تفضلي اطلب لج قهوه .؟ لولوه واهي تطالع ساعتها : لالا مابي اتأخر . نواف بأبتسامه : ماراح تتأخرين , يلا انا اصلا ناوي اعزمج على قهوه ؟ لولوه بأنصياع : خلاص انا ابي هوت جوكلت . ألتفت نواف للجرسون وطلب منه هوت جوكلت , ومن ثم التفت على لولوه وشافها متوتره : عسا ماشر لولوه شفيج ؟ لولوه بأرتباك : مافيني شي نواف بس مو متعوده على جذي , وانا جايه بس ابي اشوف اخوي احمد واتطمن عليه . نواف واهو مانزل عيونه منها : اذا يحرجج هالشي مو مشكله نمشي ونروح , بس انا قلت انج تشربين شي على الاقل افضل وبعدين نشوف احمد . لولوه واهي تتعبث بنظارتها : على رايك . نواف يبي يكسر الحاجز اللي بينهم : انا مو قلت لج لاتجين الا معاج احد ؟ لولوه طالعت عيونه : ماحصلت احد يروح معاي , واكيد قلت لامي وامي اسمحت لي بس قالت لي لاتتأخرين , حتى توصل لك سلام وتبارك لك لو انها متأخره . نواف بأبتسامه : الله يبارك فيها , ماقصرت خالتي فيها الخير والبركه ,الله يطول لج بعمرها. لولوه ابتسمت وطلعوا غمازاتها : الله يسلمك ويخليك . وصل طلب لولوه واشربت بتروي وكل هذا ونواف ماشال عيونه منها , شاف ملامحها عن قرب , حلوه لا مو حلوه اكثر من الحلا نفسه , اسحرته بنت عمه بجمالها وهدوئها ولباقتها , انتبهت لنظرات نواف مما زاد ارتباكها قالت بصوت متوتر : يلا مشينا . على طول وقفت ومسكت جنطتها وهو وقف ودفع الحساب ومشى قدامها , كانت تمشي وايدينها على قلبها , خايفه من ردة فعل اخوها .. هل يتقبلها؟ او لا .؟ وصلت للجناح واوقفت عند باب غرفته ونواف دخل لاحظ انها للحين واقفه توجه نحوها وقال لها بصوت كله حنيه ورومانسيه : لولوه يلا تعالي لاتخافين انا معاج . لولوه ارتاحت من كلام نواف ودخلت الغرفه , وشافت اخوها احمد نص جسمه لافينه واجهزة التنفس موصوله فيه , قربت منه وبدون شعور دموعها بدت تنهمر على حال اخوها ولا على لحظة لقاها حق اخوها , حست انه بحاجه لها , حست بأحتياج الاخوه مع بعض , حست بمشاعر متضاربه , بكت بهدوء واهي ماسكه ايد اخوها , شافها نواف,, شاف دموعها , حس كأن انطعن لما شاف هالدموع هذي على وجه الملاك , قرب منها نواف وقال لها بهدوء : انا ابيج تكونين اقوى يالولوه احمد الحمدلله مافيه شي واحسن من اول . لولوه وصوتها مبحوح من البكي : كان ودي اشوفه غير هالمكان , مو قادره اشوفه بهالوضع يانواف , يصعب علي شوفته جذي . نواف بأبتسامه تدوخ : لو يدري انج موجوده وانج عنده وبقربه جان يشكر ربه لانج اخته , يابخته والله , والحين امسحي دموعج مابي اشوفهم مره ثانيه فاهمه . ابتسمت لولوه وامسحت دموعها وقربت من اخوها وباست جبينه واقعدت بقربه واهي تقرا عليه آيات قرآنيه , هالموقف هذا هز كيان نواف , ياربي وشكثر يحبها . أحمد كان يحس ان فيه احد حوله , فتح عيونه بتكاسل , شاف نواف ومعاه وحده , ابتسم نواف لما شاف ولد عمه : ها ابو شهاب شخبارك الحين .؟؟؟ لولوه بسرعه ألتفتت وشافت وجه اخوها وابتسمت : الحمدلله على سلامتك ياخوي خطاك السوء . أحمد بصوت تعبان : منو أنتي .؟ نواف على طول رد : هذي أختك يا أحمد , اختك لولوه .؟ أحمد واهو يطالع لولوه اللي دموعها بدت تنهمر من جديد ": أختي لولوه . لولوه واهي تمسح دموعها وتمسك ايد اخوها : أي يا أحمد انا اختك لولوه , شخبارك ياخوي والله كان ودي اشوفك من زمان . أحمد بأبتسامه والهالات السوداء محيطه بعيونه : وانا كان ودي اشوفج من زمان . لولوه واهي تبوس راسه : الله لايحرمني منك ياخوي . أحمد يبي يمازحها : تو ادري ان عندي اخت حلوه . ضحك الكل ولولوه انحرجت طبعا بس ضحكت على اخوها , واحمدت ربها ان اخوها تقبلها عكس العقارب خواتها , دخل عليهم ابوها وسلمت عليه لولوه . أبو احمد : واخيرا يا احمد شفت اختك لولوه . أحمد : الحمدلله يايبه اني شفتها وعرفتها . لولوه منحرجه : خلاص عاد بسكم ترا ماستحمل . ضحك ابوها واحمد ونواف , انتبهت للساعه شافتها الساعه 11 تأخرت حيل , أستأذنت من ابوها واخوها عشان تروح . أحمد : تو الناس لولوه قعدي معاي شوي . لولوه : انشالله راح ازورك باجر الصبح وراح اتغدى معاك بعد بس الحين لازم اروح تأخرت على أمي وهي موصيتني ارد مبجر . أبو احمد : خلها يابوك , البنت تأخرت وباجر انشالله تجيك , قومي يابنتي وسوقي شوي شوي بالسياره وانا ابوج . نواف وانا عمك رح وصل بنت عمك للسياره ؟ لولوه وهي تسلم على ابوها : انشالله يا يبه ولا يهمك . وتوجهت لأحمد وقالت له : دير بالك على نفسك ترا انت غالي وباجر ترا غداي عندك انت فاهم . واضحكت وطلعت وطلع معاها نواف . مشى نواف بجنبها والتفت لها وشافها منزله راسها : ها لولوه تطمنتي على احمد .؟ لولوه واهي منزله راسها : أي الحمدلله , ماتوقعته يتقبلني .؟ نواف باستغراب : ليش مايتقبلج يالولوه انتي اخته ولاتخلين هالكلام براسج . لولوه واهي تبتسم وتطالع نواف بنظرة كلها حنان : توي الحين عرفت شلون احساس الأخوه , فعلا احساس حلو . وصلوا لسيارة لولوه , واركبت السياره ونزلت الجامه : نواف مشكور على كل شي سويته , وشكرا على القهوه . نواف نزل لمستواها وطالعها بعيونه الحاجه : العفو ,, وانتبهي على نفسج يالولوه , بس ممكن طلب ؟ لولوه بأبتسامه : تفضل امرني . نواف واهو مركز عيونه على عيونها : ابيج تطمنيني لما توصلين البيت , على الاقل دزي لي مسج . لولوه وخدودها حمر : انشالله . ياترى هل هذي بداية لمشوار طويل بين نواف ولولوه . !!!!!!!!!!!!!!! *** في غرفة بدور ,, كانت قاعده تختار لها بدله عشان تلبسها لان بيت خالها بيجون يباركون حق هدى وبعد عشان احتمال تشوف حبيب القلب خالد , واهي قاعده تشوف لها بدله دق موبايلها على النغمة المخصصه لخالد وهي ( نغمة نانسي اللي كان ) ابتسمت وتوجهت للسرير وردت بصوت هادي : ألوو خالد : هلا بأحلى الوو والله , شخبارج حبيبتي بدور حمرت : بخير حبيبي وانت شلونك ؟ خالد : بخير دامني سمعت هالصوت والله . بدور : بس عاد خالد استحي ترا . خالد : أخخخ بس متى اتخرج واتوظف واجيج طيراااااااان واخطفج . بدور : وي بسم الله علي شنو انخطف ؟ خالد واهو يبي يحرها : ماتبيني اخطفج , خلاص اخطف غيرج . بدور واهي مسويه نفسها زعلانه : لااا تخطف غيري مو مشكله روح اخطف غيري بس هذا وجهي ان كلمتك اليوم كله . خالد واهو يضحك : شدعوا حبيبتي ليش زعلانه بدور وبدون ما تعطيه جواب على طول سكرته بوجهه وقالت واهي واقفه هين اوريه الخايس . واختارت لها تنورة جينز قصيره طولها للركبه وبدي بيج مع ذهبي وسيحت شعرها وانزلت تحت عند امها . بدور واهي تبوس امها : يمه شحلاتج تهبليييين يا ام بدر . ام بدر : حلاي ماخذته من بنتي الاموره الحلوه . بدور واهي تبتسم : وين العروسه ما تنشاف صايره . أم بدر : رايحه مع لولوه تجهز للعرس . بدور واهي مبرطمه : ليش ماقلتي لي عشان اروح معاهم . أم بدر : وتخليني بروحي ويهون عليج تخلين امج بروحها وبيت خالج بيزورنا . بدور واهي تحظن امها : اموت ولا اخلييييييج يا احلا ام بالدنيا . أم بدر واهي تلم بنتها : انشالله اشوفج عروسه وافرح فيج نفس اختج . بدور انحرجت ونزلت راسها واستأذنت من امها عشان تجهز الحلا والقهوه . *** الساعه 1 الظهر , نورة خلصت آخر محاضراتها وتذكرت البروجكت اللي قدمته حق دكتورها المتعجرف ولازم تروح لمكتب الدكتور عشان تعرف جم عطاها على البروجكت , بس مالها خلق حق تعجرف دكتورها ونفسيته الخايسه بس مضطره تروح عشان تعرف نتيجتها , مشت ومشت ووصلت لقسم الادب الانكليزي ووقفت عند الباب متردده تدخل ولا ماتدخل , ورفعت راسها واهي تقول : ياربي ياربي سهل لي ولاتخليه يعصب علي ولا يزفني . خذت نفس قوي وطقت الباب بهدوء والدكتور من ورى الباب وبصوت عالي : تفضل . سمت بالرحمن ودشت : السلام عليكم دكتور . الدكتور وهوا يقرا بالاوراق بدون مايرفع راسه : وعليكم السلام , نعم . نورة واهي تقول بنفسها (اوف بدايتها نفسيه الله يستر) : عفوا دكتور بغيت اعرف درجتي بالبروجكت جم ؟ الدكتور واهو يطالعها بنظاراته الكبيره : اسمج ؟ نوره عطته اسمها الكامل , و قال الدكتور : درجتج 19 من 30 نورة بققت عيونها وشوي تدمع : ليش دكتور والله تعبت عليه وكان الافضل بالكلاس . الدكتور بعصبيه : شنو تعلميني انتي شلون اعطي الدرجات , البروجكت ماكان قوي يعني مكرر . نورة واهي تدري ان مافي فايده من المجاراة : بس دكتور اعتقد انه كان حلو وقوي والكل يمدح فيه . الدكتور واهو يطالعها بنظرة شريه : أعتقد انا اتكلم عربي , ولوسمحتي عندي شغل وطلعي وصكي الباب وراج . ورد يطالع بأوراقه واهي مغتاظه منه , راحت اطلعت على طول من المكتب وصكرت الباب بقوه من الحره اللي فيها وانزلت دموعها غصب عنها , والله ظلم حرام عليه يعطيني درجة جذي ومعدلها راح ينزل والسبه هالدكتور الظالم , تعبت وانا اسوي البروجكت , واقعدت على الكرسي اللي عند القسم , واحمدت ربها ان مافي احد نظرا لان الظهر والطلاب اغلبيتهم بالكافتيريا اما الاقسام كانت فاضيه ونزلت راسها على كتبها واهي تحاول تخفف من دموعها , رن موبايلها وشافت المتصل بدور , اتصلت بالوقت المناسب , ردت بصوت مبحوح : ألو , هلا بدور بدور : اشفيج نوره , انتي قاعده تبجين . نوره وقد اطلقت العنان لدموعها : شفتي يابدور البروجكت اللي تعبت عليه عطاني عليه درجة تفشل , معدلي بينزل والسبه هالظالم . بدور واهي خايفه على بنت خالها : خلاص نوروه حبيبتي ماعليه لاتضايقين نفسج وانشالله تعوضين باللي جاي , انتي وينج الحين . نوره : انا بقسم الادب الانجليزي قاعده ,, تعالي لي بدور بدور : نوره انا مارحت اليوم الجامعه عندي اوف , يلا تعالي ردي البيت عشان تجينا مع الاهل بالمغرب . نوره واهي تمسح عيونها : خلاص انا انطر خالد يجيني او ضحى وهم بيتصلون علي , يلا سلام . بهاللحظة كان زياد مار على القسم ولمح نورة قاعده وعيونها حمر وماشاف احد عندها واستغرب ان القسم فاضي وهدوء , قرب منها وصار قبالها : عسا ماشر اختي اقدر اساعدج ؟ نوره بدون ماترفع راسها : لا مشكور اخوي مابي شي . زياد أصر على ان يعرف شنو فيها لان قلبه يعوره واهو يشوفها منكسره : بس حالتج ماتطمن , اذا عندج مشكله مع دكتور ولا شي , يمكن اقدر اساعدج او افيدج على الاقل . رفعت راسها وشافته : انـ .. انت انت زياد واهو يبتسم : أي انا انا نوره واهي تلم كتبها : قلتلك اخوي مابي شي شكرا . زياد : نوره ( وكان اول مره تسمع اسمها منه ) ليش تعامليني جذي كأني مرض تبتعدين عنه . نوره واهي تطالعه : اشلون عرفت اسمي , ومن سمح لك تقول اسمي بلسانك . زياد بلباقة : احنا داخل صرح جامعي والكل يعرف اسماء الطلاب والطالبات ولاتنسين انج معاي بمحاضرة اساسيات اللغة الانجليزيه وانتي ماتدرين اني موجود معاج واشوفج واراقب حركاتج . نوره وهي مواجهته وبنبرة حاده : مالك أي حق انك تشوفني وتراقب حركاتي واعتقد ماله داعي , اذا تبي تتحرش في بنت , هذيلا شكثرهم الوان واشكال ولبس وخرابيط شوف لك وحده منهم اما انا لاتعتقد بمجرد الاعتقاد اني راح اميل لك او تمشي علي فلمك . زياد وهو ناوي ينهي ويهد الجبل اللي بينهم : انتي ليش ماخذه موقف مني , ليش تقولين لي هالكلام , ليش ماخذه فكرة عني غلط اني راعي بنات وخرابيط , غيري فكرتج عني لو سمحتي . نوره بنظرة احتقار : يبا انت كلك على بعضك ماهميتني , وقامت تبي تمشي , وزياد وقف بطريقها وقال بنبرة حادة وعصبيه : شوفي يابنت الناس . رايج فيني ما احطه بالاعتبار ولا همني بس انا كنت ابي اساعدج لوجة الله وبس لكن انتي ماتستاهلين أي مساعده من احد , يامعقدة . وطلع بسرعه بدون مايلتفت لها . اما اهي انصدمت وقفت مكانها مذهوله ,شلون يتجرأ ويقول لها هالكلام , بس لامت نفسها شلون عاملته جذي واهو نيته طيبه , سكتت واتصلت عليها ضحى عشان تطلع لها بسرعه ويردون البيت . *** تزعـل واراضيـك واتلـذذ بتزعيلـك تبي الصراحه انـا مجنـون زعلاتـك واحاول ارضيك ومدري منين ابديلـك واحتار واذكـرك فـي بعـض زلاتـك واستسمحك واعذرك واسمعك واشكيلك واتلهـف لبسمتـك ورد ضحكـاتـك يسرقني الوقت ولا يمدينـي احجيلـك كـلام اللـي تحفظـتـه لشوفـاتـك تزعـل واراضيـك واتلـذذ بتزعيلـك تبي الصراحه انا اعشق كـل حالاتـك )للشاعر حمد السعيد( كان هذا مسج من خالد حق بدور , اللي قرته وتبتسم ابتسامة انتصار , ياربي والله تحبه وتموت فيه . *** في بيت أبو احمد , الكل رد من المزرعه , وكانت منى متضايقه لانها تمنت لو تكمل الاسبوع على الاقل عشان تضبط نواف وتخليه يقع في شباكها , لكن حادثة احمد اجبرت الكل يرد , واهي ترتب اغراضها تكلم نفسها : اوووووووووووف ,, صج مو وقته يا احمد . سمعت ابوها يناديها ويصيح بأسمها , على طول خلت اللي بيدها وانزلت تحت تشوف ابوها شنو يبي . منى واهي نازله من الدرج : هلا يبه أمرني .؟ ابوها : يلا زهبي نفسج بنروح كلنا لاخوج بالطبيب . منى وهي مبوزه : يبه مارتبت اغراضي للحين , نروح له العشا احسن . ابوها وهو معصب عليها : ولا كلمه , الحين روحي زهبي حالج وامشي جدامي , في وحده ماتبي تتطمن على اخوها انتي شنو مافيج احساس . طالعت امها بنظرات استنجاد , لكن امها هزت اكتافها بقصد ماباليد حيله , اصعدت على طول لغرفتها واهي تصك الباب حيييل وشافت اختها مي تلبس عبايتها وشيلتها واسألتها مي : خير شفيج بعد معصبه . منى : ابوي لا يطاق صراحه , يعني لاحقين على احمد وين بيروح ياحسره كله بالمستشفى قلت له بنروح له العشا مارضى . مي واهي تطلع من الباب : يامعوده امشي خل نروح لا يحطون علينا سوالف . *** في مجمع المارينا مول , كانت لولوه وهدى يتسوقون ويتنقلون من محل لمحل , لولوه واهي تعبانه عالآخر : هدى بس تعبت ارجولي تكسروا حرام عليج . هدى واهي متشوقه وتشوف محل الاكسسوارات : لولو بس هالمحل خل ندشه وبعدين بعزمج على كافيه يلا حبيبتي . راحت هدى واسحبت يد لولوه اللي يالله تمشي من التعب , وشرت هدى اكسسوارات عجيبه وحلوه , واخيرا خلصت هدى من التشري , واهي تطالع لولوه وتضحك : خلاص يا انسه لولوه خلصت والحين امشي خل نشرب لنا كافيه وناكل لنا كيك معاه . لولوه وهي مستانسه : أي ابي اخسرج بالكافيه كل شي بطلبه على حسابج . هدى واهي تمسك ايد بنت خالها : ولا يهمج , جم لولو عندي . راحوا اقعدوا على طاوله وطلبوا كابتشينو مع كعك بالجوكلت . هدى بنظرة تفحص حق الطاوله اللي جنبهم : اتصدقين لولو هذا لاحقنا من اول مادخلنا المجمع ومانزل عينه منج . لولوه بلا مبالاه : عادي مافي شي جديد كل ماروح مكان تلقين ورااااااي سرب مو اوادم هههههههههه متعوده يا اختي . هدى واهي تضحك : أكيد ماينلامون , احد يشوف هالقمر ويخليه . لولوه وحمر وجهها : شدعوا هدى مو لهدرجه هذي عاد هدى اتطالع الاغراض اللي شرتهم بلهفه وبفرح , انتبهت لها لولوه وقالت واهي تغمز لها: ها اشوفج متشوقه عشان تلبسينهم حق حبيب القلب . هدى واهي تلكز يد لولوه : جبي يالخايسه لاتقولين جذي ترا استحي . لولوه تضحك : يختي فديت اللي يستحون . هدى وبنظرة دافئة تميل للحزن : اتصدقين يا لولو , احس اني خايفه وانا مقبله على حياة ما ادري عنها شي , مرات تجيني افكار اقول يمكن فارس مايبيني يمكن مجبور علي , لان بصراحه لولو ماشوفه متشوق لي . لولوه واهي تحاول تطمن بنت خالتها هدى : شيلي هالافكار من راسج حبيبتي , أصلا من حسن حظ فارس انه ارتبط فيج لانج انتي نفس الالماسه مو أي احد يمتلكها يا هدى , وبعدين شي طبيعي تفكرين جذي لان هذا من التوتر والقلق , واذا تقصدين الحب صدقيني بيجي بعد الزواج هدى واهي تطالع بنت خالتها بنظرة تفحص : لولوه ماجربتي الحب . لولوه واهي تقولها بصوت عالي : اعوذ بالله . وتموا يضحكون على بعض هدى واهي تبتسم :تصدقين الحب حلو واحساسه أحلا .. احس اني اموت على فارس مع اني ماعشت وياه بس بمجرد انه زوجي . لولوه واهي اطق الطاوله : احلا احلااااااااااااااااا يابخت روميو فيج هدى واهي تمسك ايد لولوه : والله يالغاليه اتمنالج كل خير , واتمنى من اللي يبوق قلبج شخص طيب وحبوب و يستحقج وطبعا طبعا حلو نفسج . لولوه بأبتسامه ناعمه : تسلمين ياقلبي والله يسمع منج. ادفعوا البنات وخذوا اغراضهم واطلعوا من المجمع وراحوا للسياره شنو راح يصير بالايام الجايه ؟؟ |
الجزء السابع في المستشفى كان أحمد قاعد بروحه وجنبه المرايه , وقعد يتأمل الحروق اللي في رقبته ونص صدره وايده اليسار , كان يشوف الحروق بنظرات اشمئزاز , كره نفسه , حس انه مقرف , تضايق حيل , ولا على دخلة أبوه وامه وخواته واخوانه أبو احمد : ماشالله ماشالله الحمدلله على سلامتك ياولدي . أم احمد : أي والله الحمدلله على سلامتك . أحمد : الله يسلمكم . منى واهي تطالعه وكأنها تتفحصه : ماتشوف شر ياخوي . أحمد انتبه لنظراتها وحاب يحرجها : ليش شكلي مو عاجبج يا منى ., انقرفتي مني !! صح ؟ منى بنظرات استغراب : ها لا من قال ,, انت اخوي لاتقول جذي . وبعدين راح تتعود على هالشي؟ ولا مي تتدخل : شدعوا احمد شهالكلام واللي صار لك شي بيد الله مو بيدنا . أبو احمد واهو يهدي ولده : شهالكلام وانا ابوك.. اهم شي سلامتك ياولدي . أحمد واهوا بنظرات غضب وحزن : ماتشوفهم يايبه شلون يطالعوني بنظرات اشمئزاز ,, حتى امي وهي امي منقرفه مني , كأني مو ولدها .؟ أم احمد بغضب : شهالكلام يا احمد ,, ليش تقول جذي . أحمد بصوت مبحوح : من قعدتي عندي ماطالعتيني ,, حتى يوم سلمتي ماطالعتيني . ليش يايمه ليش ,, وخواتي بعد نفس الشي ,, حتى اخواني الصغار مايبون يجون عشان يخافون يطالعون فيني . منى ترد وتدافع : انت ماعندك سالفه ,, هذا جزانا اننا جايين ونشوفك بس صج مو كفو يا احمد ؟ أبو احمد بغضب : انطمي يامنى , ان سمعت صوتج لا اخلي العقال يلعب فوق ظهرج , احشميني واحشمي اخوج . أم احمد واهي تقوم : أي هذا الترحيب فيني يا احمد , الظاهر ماتبي تشوف احد . يلا يابنات امشن خل نمشي .؟ أحمد وهو يبكي : مابي احد يزورني خلاص لاتزوروني . اذا انتم اهلي وتسوون فيني جذي , فما بال الناس الثانين , انا مقرف بالنسبه لكم والظاهر اني افشلكم خلاص روحوا عني . أبو احمد وهو منكسر خاطره على ولده : بس ياولدي بس , ارتاح الحين وراح نزورك مره ثانيه , قام وباس ولده على ر اسه وطلع مع حرمته وبناته . تم أحمد يبكي على حاله ,, حس انه وحيد بهالدنيا ,,ماحد يحس فيه ,,غمض عيونه وضحى طرت على باله ,, هدت نفسه وسلم روحه للنوم . *** في بيت خالة لولوه أم بدر ,, الكل اجتمع والبنات ألتموا مع بعض حتى أم فارس كانت موجوده ,, الكل كان مستانس ومبسوط عشان هدى والكل تمنالها الخير والتوفيق لان بعد يومين العرس لولوه كانت تحاتي اخوها أحمد وقررت تتصل فيه , خذت تلفونها واتصلت على موبايل احمد , مره مرتين بس مارد عليها , وخافت عليه ,, قررت تتصل على نواف عشان تسأله عن احمد .. كان نواف بالمستشفى وقاعد على مكتبه ,, رن موبايله وشاف الرقم , ابتسم ورد على طول : ألووو , ياهلا والله لولوه بنعومه : هلا فيك نواف , شخبارك طمني عنك . نواف : دامج بخير انا بخير يالغاليه .. أمريني يابنت العم . لولوه واهي مختبصه : اممم نواف بغيت اسألك ,, رحت لأحمد اليوم ؟ نواف :والله يالغاليه مارحت له انا الحين بالدوام مستلم حوادث , ليش فيه شي تبيني اروح له واطمنج عليه ؟ لولوه : لا مافي شي وخلك بدوامك بس قاعده احاتيه لا اكثر ولا اقل ,, على العموم السموحه على الازعاج , نواف : ولو يالغاليه انا اصلا بأنتظار اتصالج بأي وقت يالولوه. واتمنى انج ماتقاطعيني . لولوه بأرتباك : انشالله , يلا فمان الله وصكرت التلفون وقلبها يدق بسرعه *** في اليوم التالي . وتحديدا في بيت لولوة , الساعة كانت 4 العصر . كانت ضحى قاعده متملله ونورة تقرا كتاب بس بالها مو مع الكتاب , كانت تفكر بزياد .. انتبهت لها ضحى ونادتها لكن لا حياة لمن تنادي , احذفت عليها علبة الكلينكس ويالله انتبهت نوره : خير شتبيييييين . ضحى بأستغراب : اللي ماخذ عقلج يتهنا فيه , صار لي ساعه اناديج . نورة وهي تتهرب : شنو يعني الواحد مايفكر بمستقبله لازم تقطعين حبل افكاري . ضحى وتطالعها بنص عين : أي واضح تفكرين بالمستقبل , اقول نورة أي لون تبين تلبسين بعرس هدى. نورة واهي تقرا الكتاب : عادي عندي أي لون مو مشكله . ضحى وهي محتاره :والله ياختج مدري أي لون افصل , خاطري الزهري ولا الليموني , ماني عارفه . على دخلة لولوة : اشتري زهري احسن لج ولايق عليج. ضحى واهي تطالع لولوه : أحلا احلا وين انشالله كاشخه . لولوة : بروح ازور اخوي احمد من امس مارحت له وانا وعدت اني ازوره , بس أمي قالت لي لاتروحين بروحج أخذي معاج احد , نورة ترد : أي تكفين اخذي ضحى معاج , لانها فاضيه وماعندها الا ازعاج خلق الله,, ونورة مدت لسانها لضحى . ضحى واهي مبوزة : مالت عليج يالخايسه , احترميني انا اكبر منج , المهم لولو انا ماعندي مشكله بس على شرط . لولوه : شنو الشرط ياهانم . ضحى : أبيج تمرين السوووق بشوف لي بدلة عرس حق هدى . لولوة : وهو كذلك , يلا قومي لبسي لاتطولين علي . وقامت ضحى ركض على غرفتها عشان تتزهب *** كان نواف قاعد مع صديقه جراح .. بس باله ماكان معاه باله كان مع لولوه ,, يفكر فيها , انتبه له رفيجه جراح وقام وطق كتفه : ياعمي اشفيييييييييييييك ,, وين فكرك وداك؟؟ ضحك نواف : لا وداني ولا شي كاني وياك . جراح : علينا يانواف ,, تعلمني فييييك ؟ لا يكون تحب يامعود؟؟ نواف بأبتسامه : وليش الحب شفيه , مو عيب ولا حرام . جراح بقق عيونه : واخيرا صابك سهم الحب ,, ومنهي بالله سعيدة الحظ ؟ نواف واهوا ينزل نظارته الطبية : آآه يا جراح , احبها حب مو طبيعي .. اول مره احس بأحساس الحب وفعلا عذرت من جربوه , بس ............ جراح واهو متابع : بس شنو ؟؟ نواف بضيقة : يمكن هي ماتحبني ,, لأان ماشوفها تحس فيني . جراح : اممممممم وليش ماتصارحها . نواف: اخاف اصارحها وانصدم من ردها خلني جذي احسن . جراح : ايييييييييييييه الله يعينك دام حبيت ,, يلا قوم خل نمشي . *** طلعت وشافت الجو كان عجيب وروعه , نسمات هواء تداعب خدودها , كانت تبتسم بنعومة , اركبت سيارتها ودارت المحرك , ولكن ضحى ما طلعت , انتظرت ضحى لما تشرف لها ,, لمحتها واهي طالعة من البيت , واشرت لها لولوة بيدها بمعنى يلا تأخرنا , فكان رد ضحى بالأبتسامه .... : لولو شوفي اول شي خل نمر السوق وبعدين نروح للمستشفى . لولوة واهي تسوق : لا حبيبتي لا عيوني أخوي أولى من السوق ,, نمر اول شي أحمد عشان اضمن ان ماعنده أحد هالحزة هذي. ضحى : ليش أهله مايقعدون عنده . لولوة واهي ضايق خلقها على اخوها : اتصدقين يا ضحى , امس احمد متصل لي بالليل وكان حده متضايق . ضحى بأهتمام : ليش اشفيييييييه ؟ لولوة : مادري ما قال لي , بس انا احس ان في شي صاير . يمكن ما زاروه خواتي ؟ ضحى : في احد مايزور اخوه , الحمدلله والشكر , الناس هذي شلون عايشه . مهما كان هذا أخ والأخ مايتعوض . لولوة : يامعوده خليها على الله ......., شوفي ضحى انا بمر السوبرماركت بشتري له أغراض . ضحى : اوكي انطرج بالسيارة بس لاتطولين . وقفت سيارتها بالباركينق , انزلت بخطوات هادئة وواثقه من نفسها ,, كانت لولوه لما تمشي خطواتها ثقيله واللي يشوفها يقول هذي مغروره ,, لانها رافعه راسها ولا تطالع أحد .. دخلت السوبر ماركت واخذت لها سلة تحط فيها شوكلاته وعصاير مشكله وبعض من الفواكة ... وشافت باقة ورد ألوانها جميلة مابين الاصفر والوردي والابيض قررت تشتريها حق احمد ....... لان الورد يبث شعور الراحه عند المريض ,, حاسبت على الاغراض وراحت السيارة .......,, ضحى تصفر : اوف اوف ,, كل هذا حق احمد ..واااااااو شحلاة الورد ...لا وبعد شوكلاته عفيه لولو ابي جالكسي . لولوه : ماكو جبي يلا ,, هذيلا حق احمد وبس انتي مالج شغل ولاتمدين ايدج فاهمه . ضحى واهي مسويه نفسها زعلانه : مالت عليج وعلى اخوج . أنتبهت لها لولو واسألتها شفيج ؟ ضحى واهي تفكر : لولوه ... شلون انطرج بالسياره ولا شنو ؟؟ ماقدر انزل معاج لغرفتة .؟ لولوه : لا حبيبتي تنزلين انتي تدرين ان الباركينق بعيد حيل عن الجناح وماقدر اخليج بروحج .. نزلي ماراح ياكلج . ضحى بتوتر : لا يبه فكيني ,, شكو رازه وجهي ,, يمكن بيقولج سالفه ويكون منحرج مني ... أخ واخته ,, بس انا شكو بينكم . لولوة أكتفت في انها تطالع ضحى بنظرة أجبرتها انها تنزلها من السيارة غصب عنها ..... ونزلوا من السيارة ......., دشوا الجناح ....... ووصلوا لغرفة أحمد .............. لولوة دشت على طول وشافت أخوها احمد نايم بهدوء وعمق ابتسمت واطبعت بوسة على راسه لكن ضحى تمت واقفه برا عند الباب وكانت متردده بالدخول ......., انتبهت لها لولوة وراحت صوبها وقالت لها بصوت خافت : دشي احمد نايم مافي داعي للاحراج . استجابت لها ضحى وهزت راسها بالموافقه .... دشت بهدوووء وشافت أحمد نص وجهه وصدره ملفوف بالشاش ....... ملامح وجهه ماكانت مبينه لانه نايم على الجهه الثانية .... انكسر خاطرها على احمد ....... اكتفت في انها تقعد على الكرسي البعيد عن السرير وتراقبه بهدوء ....... لولوة اهمست لها : أقول ضحى انتي خلج اهنيه ,, أنا بروح اكلم دكتور احمد وبشوف عن حالته وبرد لج انزين . ضحى امسكت كم لولوة : لا لولوة اخاف يقعد مابي لاتخليني بروح معاج . لولوة واهي توخر ايدها : علامج هبله انتي مو صاحيه ,, كاهي غرفة الدكتور بس أسأله عن حالة أحمد وارد لج على طول ,, وبعدين لاتنسين هو نايم ومستحيل يقعد لانه معطينه منوم . طلعت لولوة .......,وتمت ضحى قاعده بتوتر ,, تدريجيا راح التوتر لان احمد نايم وشكله مطول ,, ابتسمت وقررت انها تروح صوب البلكونه وتشوف اللي رايح واللي جاي على ماتجي لولوة .... سمعت همس خافت وبطيء : ماي .......,, ماااي ألتفتت وشافت احمد يهمس ويبي يشرب ماي ....... اهني طاح قلبها في بطنها من الخرعه ,, لدرجة قعدت تسب لولوة : صج حماره خلتني وراحت ,, ياويلي شسوي مابي يشوفني . واهي تامه واقفه بمكانها , أحمد ردد بصعوبة واهو نايم : ماي ....... ماي تداركت ضحى الموقف وراحت صوب الدرج وصبت كوب ماي ووقفت جنبه ,: ياربيه شلون اشربه انا بروحي خايفه.............. اخاف اصب الماي عليه . تشجعت واجمعت قواها واهي تاخذ نفس طويل ,,وامسكت الكوب بإيد مرتجفه وقربته من فمه شوي شوي ,, وشربته بهدوء ,, لكن فجأة كح أحمد لان الوضعيه غلط لازم ترفعه شوي وتشربه ,, راحت على طول بدون شعور وحطت ايدها تحت راسه واهي ترفعه وتشربه ماي ....... فتح عيونه شوي شوي ,,اهني ضحى ماتت خلااااااااااص ,, من خبالها حطت شيلتها على وجهها ,.. لكن احمد صحى وفتح عيونه وسألها بصوت خافت : منو انتي .؟؟ كانت ضحى منزلة راسها بحيث ماشافت وجهه : أنا... أنــا...... الممرضه الجديده . |
أبتسم احمد على توترها : الظاهر توج متخرجة ,, لاتخافين انا ما أعض ومشكورة على الماي . . بس اول مره اشوف ممرضه لابسه عبايه وحاطه شيله على وجهها ... انتوا ستاف جديد .؟
ضحى واهي تقول بنفسها : اوووف شيفكني من اسألته ... اقول اخوي تبي شي انا بمشي بطلع ....... أحمد واهو يأشر على التكييف : واللي يعافيج قصري على المكيف حده بارد . ضحى واهي تدور وتتلفت وتشوف وين المكيف : انشالله . راحت لصوب التكييف وقصرت على المكيف : والحين بغيت شي ؟ أحمد وكأنه عرف هالصوت هذا : أختي انا سامع صوتج من قبل وين بس مدري ؟ لولوه اهني انبطت جبدها ,, ورفعت راسها على طول وشافت وجهه وياليت ماشافت وجهه ....... هذا الضابط اللي ساعدني ,, اللي كنت اكلم لولوه عنه ,, يطلع أخو لولوه ,, ياويل قلبي انا .. أحمد استغرب من صمتها وحب يكسر الصمت : أسف اختي الظاهر زعلتي مني بس والله مشبه على صوتج . أكتفت ضحى في انها تهز راسها ,, وطلعت من الغرفة وتمت واقفه عند الباب عشان تنطر لولوة اللي تأخرت حيل ,, شافت لولوة مقبله عليها .... على طول راحت صوبها : لولوة وجع انشالله شلون تخليني وتروحين ؟ لولوة بخوف : اشفيه اخوي فيه شي تكلمي ؟ ضحى : اخوج مافيه شي صحى من النوم ......., انا اللي فيني .... امبيه لولوة احرجتيني تخيلي صار لي موقف مع اخوج . لولوة واهي تمشي : خلينا اروح له وبعدين اسولف معاج . وصلوا لغرفتة وتمت ضحى واقفه مادخلت .. لولوة انتبهت لها : ها مطوله اهني جنج طراره ؟ ضحى واهي حاطه ايد على ايد : أي ماني داشه تكفين لولوة . لولوة واهي ماشيه عنها : كيفج شافت احمد منسدح على السرير ويطالعها بأبتسامه ... : اهلييييييين , ها ياخوي شلونك الحين ؟ احمد واهو يعدل من قعدته : هلا والله بخير يا احلا اخت , دامني اشوفج وتسألين عني ؟ لولوه واهي تقعد عنده : شوف ياخوي ترا جبت لك انواع العصاير وكاكاوات مختلفه . احمد : عساني مانحرم منج ياختي ,, جايبه لي ورد بعد ؟ لولوه : أي عشان تعطي جو بالغرفه . احمد : صج انج ذووووووووق يا اختي ,, أي صج ماشفتي الستاف الجديد من الممرضات . لولوه باستغراب : أي ستاف ؟ احمد واهو كاتم ضحكته : تخيلي قبل شوي عندي ممرضه لابسه عبايه وحاطه شيله على وجهها ولا نفسيتها خايسه بعد . لولوه حست انه قاعد يتكلم عن ضحى : هههههههههههههههههههههههههه الظاهر رئيسها مشتط عليها ههههههههههههههههه . وفجأة دق موبايلها وردت عليه : يلا كاني الحين جايه , احمد : منو هذا ؟ لولوة : هذي طال عمرك بنت خالي جايه معاي وناطرتني برا . احمد : ليش بتروحون مكان يعني .؟ لولوه : أي بنروح السوق نشتري بدل حق عرس بنت خالتي ...... المهم احمد انا كلمت الدكتور وطمني على حالتك وقال لي انك في تحسن مستمر . ولله الحمد . اهم شي دير بالك على نفسك اوكي . احمد : الحمدلله , خلاص ما ابي اعطلج بس باجر انا ناطر منج زياره لانج اليوم ماقعدتي واجد لولوه واهي تسلم على اخوها : ابشر من عيوني . احمد : انتبهي على نفسج وبحفظ الله . *** كانت منى قاعده ومتملله ,, وتحوس بين غرفه وغرفه وتفكر في طريقه توصلها حق نواف ولد عمها : ياربيييييييه شلوووون اوصل له , لازم يعرف اني ابيه واحبه ؟ شافت اخوها عبد المحسن بيصعد غرفته : بتروح عبد المحسن وين ؟ عبد المحسن : وانتي شكو ,, يلا طسي منى : مالت عليك وعلى اللي يسألك زين ........... اقول وين موبايلك ؟ عبد المحسن باستغراب ": ليش انشالله شتبين فيه ؟؟ منى ببراءة : أبي مسج حلوو بدزه حق رفيجتي .............. بليز . عبد المحسن : ماعندي مسجات كلهم ماسحهم . منى : طيب بحول لي رصييييييييد منك . عبد المحسن : يلا مافيه .... وذلفي عن وجهي خليني ادور قميصي بروح النادي تأخرت . راحت منى وتغافلته وخذت تلفونه واهو مايدري ........ على طول راحت للأسماء وتدور اسم نواف .,. وفعلا لقت نواف مبارك وسجلت رقمه بموبايلها وردت تلفون اخوها وتدعي الله انه مانتبه وفعلا الله استجاب لدعائة ومانتبه لها . راحت منى لغرفتها واهي مستانسه حدها عشان وصلت للي تبيه ... دورت له مسج عشان ترسله لنواف ,,, لقت هالمسج : (( توني عرفت الشوق من عقب فرقاك ؛؛؛ ليت القدر يسمح بلقياك ساعه )) في ركن ثاني ,,, كان نواف بيدخل ياخذ لك شاور ويطلع ,,, سمع رنة المسج ,, راح لموبايله وفتح المسج وقرأه بأستغرااااااااااااااب .. قرر انه يتصل على هالرقم الغريب بس ماحد يرد ,,, منى كانت تشوف رقمه يتصل وكانت تضحك واهي تتوعد ,,, والله لا اخليك مجنون من مسجاتي . *** اليوم ......... يوم مميز بالنسبة لـهدى ........ مثل ما انتوا عارفيييين اليوم عرس فارس وهدى ..... صحت هدى الساعه ثمانية الصبح وهي متوتره ومضطربه .... لقت اللي بالبيت نايمييييييين للحين .... نزلت للمطبخ وسوت لها اكله خفيفه ... كلت واصعدت فوق واخذت لها شاور ..... وعقب اتصلت على لولوة : ألووو صباح الخير لولوة بصوت توه صاحي : اهلييييين بالعروسه صباح النور هدى :هلا لولو ,,, عفيه قومي صحصحي عشان ابيج تروحين معاي الصالون . لولوه : يلا انشالله ,,, جهزتي اغراضج ؟ هدى : أي الحيين ابجهزهم . لولوه : خلاص ... أنا بقعد ضحى ونورة ونوف عشان ما يأخرونا . هدى : اوكي لولو لاتتأخرون علي . سكرت من لولوة ,,,,, وراحت لغرفة بدور ولقتها صاحيه وقاعده تزهب البدله والاكسسوارات بدور واهي تلم اختها : ألف مبروك حبيبتي ,,, والله راح افقدج وادمعت عيونها . هدى واهي تبكي : بس بدور حبيبتي .... لاتضيقين خلقي ... انا محتاجتج تقومين تقولين لي هالكلام . بدور واهي تمسح عيونها : اسفه هدى بس انتي اختي وفراقج صعب علي . هدى واهي تمسح عيونها : يابعد عمري انا ماراح اروح عنكم ,,,, كل يوم برز وجهي عندكم اضحكوا البنات ونزلوا تحت .... لقوا أمهم و اختهم الكبيره هند جاايه مع بناتها فرح وبسمه . هند واهي تلم هدى : مبروووووووووووووك ,, الف مبروووووك ... ما اوصيييييج بالسنع ,,,وريهم سنعنا . هدى واهي تضحك : انشالله يا اختي بس فكيني شوي ,,,, بسلم على امي. ام بدر : مبروك يا بنتي ,, عسالله يوفقج في حياتج . هدى وهي تبوس راس امها : الله يبارك فيج يالغاليه ,,, , والله يعز علي فراقكم . ام بدر وهي تحاول تغير الجو : شفراقه يابنتي ,,, هذا بيت زوجج على شارعين ,,, تقدرين تجين مشي لو تبين .... بس اهم شي يا بنتي تدرين بالج على نفسج وعلى بيتج وعلى زوجج. هدى منحرجه : انشالله يمه لاتوصين , انا تربيتج يا يمه . هند : ها حبيبتي جهزتي اغراضج اللي تبين تاخذينهم الصالون ؟؟ هدى : أي الحمدلله كل شي جاهز ,,, بس أنطر لولوه والبنات عشان نروح مره وحده بعد . هند : شوفي انا وبناتي بنروح لصالون ثاني لان اذا كنا مع بعض ما راح نخلص . بدور واهي تمسك فروحه : هند لاتنسييين الورد تعطينه فروحه وسوي شعرها كله فوق عشان تمشي بالكوشه جدام هدى . هند : أي ادري .,, الورد راح يجيبه زوجي على الساعه 6 انا متفقه معاه وفروحه بخليها احلا من هدى . راحت فروحه تركض لامها واهي تضحك : ماما بسيل احلا من هدى ( بصير ) وتمسكها هدى واهي تبوسها : أي ياقلب هدى بتصيرين احلا مني . بدور واهي تطالع الساعه : هذيلا وينهم تأخروا .......... يلا نبي نروح عشان نطلع مبجر من الصالون . هند : أي والله تأخروا دقي على لولوه شوفيها وينها . بدور خذت التلفون تبي تتصل على موبايل لولوه بس سمعت الباب ومتأكده انها لولوة : انا ببطل هذي لولو . ولا لولوه تدش عليهم ومعاها اغراضها .... على طول راحت لهدى واحضنتها واهي تقول لها : مبروووووووووووووووووووووك حبيبتي وعسالله يوفقج في حياتج الزوجيه . هدى واهي تبتسم : الله يبارك فيج وعقبال ماشوفج عروس . لولوه : لا وي تو الناس على عوار الراس ..... امبيه نسيت خالتي ماسلمت . راحت على طول لخالتها وهند وبدور وسلمت عليهم وشافت دموعهم واهي تبي تغير الجو : شدعوااا خالتي ... شفيكم بدال ما تفرحونها وتونسونها تضيقون خلقها جذي .... يلا عاد هذي فرحه مايصير اشكالكم جذي . ام بدر : أي والله صاجه يابنتي . هدى راحت لامها واحضنتها : بس عاد يمه اذا ماتبيني اتزوج خلاص بتم عندج على طول . ام بدر : لا والله ,,, ابي افرح فيكم وابي اشوف عيالكم عسالله يوفقكم . لولوة : هدى يلا خلينا نروح الحين ..,. لان ان تأخرنا بيروح الحجز لازم على الموعد . بدور : وين نوره والبنات ؟ لولوة : راح يجيبهم خالد للصالون و انا جيت مع السايق . بدور بهمس : فديته خلوووووووووودي . جهزوا البنات اغراضهم وراحو مع بدر اخو هدى وبدور .. وبعد ساعه وصلت ضحى ونوره ونوف . راحت لولوه عند هدى ومعاها سلطة فواكه : هدى حبيبتي اكلي هالسلطه . هدى واهي متوتره : سكتي ماني مشتهيه حدي متوتره . اضحكت لولو بصوت عالي ولا قالت لها هدى : انتي من صجج تضحكين ,,,,,, شنو ماتحسييييييين اقولج بموت من الخوف . لولوه : ياهبله وفري الخوف لما توصلين هناك مو الحين . هدى : حدج فاضيه ..... اخاف يطلع شكلي مو حلو لولوه . لولوه اقعدت قبالها : اصلا انتي شيخة البنات ,,.... واخذيها مني فارس بينجن عليج وبيموت فيج بعد هدى : ماني مصدقه انه بيصير زوجي , لولوه : مااوصيج اهتمي فيه وكوني له صديقه وزوجه واخت وام . هدى وخدودها حمر : اصلا كل حياتي تحت امره ,..... عسالله يقدرني واسعده . لولوه : ياعيني على الحب والرومانسيه .......... ولا يرن موبايل لولوه وشافت الرقم وابتسمت : هلا والله بحبيبة قلبي دانه كانت على الطرف الثاني : هلا بالغاليه لولو شخبارج طمنيني عنج . لولوه : بخير ياقلبي شلونج وشلون عمتي وخلود واماني واشواق . دانه : كلهم بخير لولو ,,, سلمي على العروس ... وراح نشوفج انشالله بالعرس . لولوه : الله يسلمج كاهي العروس مختبصه هههههههه . دانه : ههههههههههههههه الله يعينها صراحه مالومها , يلا ما اطول عليكم بس حبيت اسمع صوتج وتعالوا مبجر مو تتأخرون اوكي . لولوه : انشالله ياقلبي نشوفج على خير. لولوه استأذنت من هدى لأن طلبت منها خبيرة التجميل انها تطلع عشان تهتم بالعروس ...... اطلعت بره وشافت ضحى قاعده تحوس وتدور على شي : شدورين عليه ؟ ضحى واهي لاهيه : اكسسواري مال الشعر طاح مني ومالقيته .... لازم القاااااااه عشان تضبط التسريحه ياويلي وينه . لولوه واهي تدور معاها : انتي متأكده انج مضيعته بهالمكان . ضحى واهي تصارخ : يس يس يس لقيته ,,,, اللهم لك الحمد واخيرا مابقيت القاه . لولوه : وين نوره ونوف وبدور خليهم يخلصون ويتزهبون مانبي نتأخر . ضحى واهي تلتفت على لولوه : شوفي والله حبيبتي انا مالي شغل فيهم الزم ماعلي نفسي روحي تصرفي معاهم ..... ومشت عن لولوه وراحت تسوي تسريحتها . لولوة : عز الله تأخرنا ... خل اخلص نفسي وبعدين اشوف البنات . على الساعه 8 الكل جهز ...... اتصلت هند على بدور بس ماكانت ترد واتصلت على لولوة بس الحمدلله انها ردت : الووووو ها لولو خلصتوا ولا بعد ؟ لولوة واهي عند الكوافيره : أي خلصنا بس انا باقي شعري ونكون خالصين . هند : شوفي انا بدز لكم بدر عشان ياخذكم . لولوه : مايخالف ضحى اتصلت على خالد وجايهم بالطريق عشان يروحون للصالة ويستقبلون المعازيم لان فشله مافي احد من اهلنا هناك الا الحريم الكبار . هند : خلاص صار ,,,,,,,, انا رايحه اهناك وانطرهم .... بس لولوه خلج مع هدى وبدور اوكي . لولوه : اوكي حبيبتي . كانت اشكال البنات اكثر من رائعه .... نوف وبقصتها البوي (( قصة الفراولة )) اللي مزينتها بخصل فوشيه كانت لابسه وردي متداخل بكريستال فضي لامع بدون اكمام ويوصل للركبه ومن ورى نازل شيفون وردي وسيلفر .... ونورة كانت مسوية شعرها كيرلي ورافعه خصلتين على جنب ولابسه برتقالي ضيق ومن تحت فلوو ومن فوق مزين بالكريستال الذهبي ونازل على ايدها ....... بدور كانت جايبه شعرها على جنب واحد ومسويته فير وحاطه ورده جورية حمره وكانت لابسه احمر ضيق ومن عند الظهر كان شفاف وبدون اكمام ومسويه فتحه توصل لفوق الركبه بشوي ونازل منها كريستالات ملونه ..... ضحى كان شكلها حده ناعم لابسه لون بنفسجي فاتح موديله كوكتيل ونازل شيفون بلون الزهر لي تحت واكتفت في انها تقص شعرها مدرجاااااات وتحط اكسسوارات على شعرها ..... لولوه كانت لابسه كيوي بدرجات مشمشي لامع موديله حلو وغريب مستوحى من الازياء الاسبانية محدد بورود كريستال وشعرها مسويته بوف مرتفع واالباقي نازل على اكتافها ومسويته لولبي ومكياجها متدرج بين الكيوي والمشمشي ....... وصل خالد واتصل على ضحى عشان يطلعون .... ضحى بصوت عالي : يلا بنات خالد وصل خلونا ننزل . لولوة : خلاص انتوا روحوا مع خالد وانا راح أيي مع هدى اوكي . نزلوا البنات تحت وتمت لولوه وبدور اللي كان ودها تشوووف خالد وتوريه كشختها بس ماقدرت تروح وتخلي اختها وهي بحاجتها . خالد كان ناطرهم تحت بسيارته الحوت وكان كاشخ حده ازقرت مع النسفه والبزمات ,,,,, انتبه لثلاث بنات وتأكد انهم خواته لان ضحى كانت مطلعه عيونها عشان تشوف ,,,,, اشر لهم انهم يجون وراحوا له ..... ضحى واهي ترفع الغطى عن وجهها : يلا خاااااااالد حرك بنروح للصاله المصورة ناطرتنا . خالد واهو يطالع ضحى : احلا احلا صج المكياج يخلي الجياكر حلوين . نوره ونوف اضحكوا على خالد وسألهم : بس انتوا مافي احد بعد باقي ( وكان يقصد بدور ) نوره افهمت على طول : لا خالد بدور ولولوه بيتمون مع هدى وبيروحون مع بدر بعد ساعه . خالد طبعا تكدر خاطره لان ماشاف حبيبة القلب ........... وصلهم للصاله واخذ موبايله وقرر يتصل على بدور .... رن موبايل بدور على نغمة أصيل ابو بكر ايه احبك وعرفت انه خالد لان هذي نغمتة الخاصه ,,,, ابتسمت وردت : ألو خالد : هلا بطوايف هلي كلهم ,,,,, وينج ياقلبي خاطري اشوفج . بدور : ماعليه حبيبي ماقدرت اروح مع البنات لان بتم مع هدى . خالد : ويهون عليج اني ماشوفج ولا اكحل عيني بشوفج بدور : اوعدك انك راح تشوفني بس نزف هدى خلك عند باب الاستقبال اوكي . خالد : اصلا بدر ماراح يروح بروحه بالسياره انا بتم معاكم بالطريق ,,,, بس خليني اشوفج عدل ولا ترا ابيعها واخطفج . بدور واهي تضحك : من عيوني ياقلبي ,,, يلا انا لازم اسكره الحين لان بروح عند هدى . خالد : لحظه لاتسكرين ,,,, ابي حواوه . بدور وهي منحرجه : يلا ماكو عيب . خالد واهو مبرطم : بس وحده يلا بسرعه بروح انزل للرياييل . بدور وهي متوهقه : اوكي خلاص هاك . خالد : اخييييييييييييه على هالحواوه هذي بس متى تصير صج . بدور وخدودها حمر : يلا عاد عيب عليك باي . وسكرت وتم خالد يضحك عليها وحس انه وهقها ..... اما بدور تمت تضحك وشافتها لولوه واستغربت : اشفيييييييج تضحكين انهبلتي . بدور : لا ولا شي تذكرت موقف وضحكت .... ها خلصت هدى .؟ لولوه واهي تلبس الرداء : تقريبا بس باقي تعدل لها التسريحه لان مارضت تدخلني عليها . بدور : خل ادق على بدر يجي ياخذنا بعد نص ساعه. واتصلت على بدر ....ووصل عندهم .ووراه طبعا خااالد... واطلعت هدى عشان بينزلونها للسياره ... كانت مغطيه بالرداء ومو مبين شي منها .... نزل لهم بدر ,,,,, ومسك ايد اخته هدى .... وخالد اخذ المصورات الخاصين بالعروس وركبهم معاه ,,,... ونزل مره ثانيه لبدر ,,.... بدور اهني ماتت من رزة خالد وحلاوته ,,, ياربييييييه شحلوه والله مزيون ...... وصلت عند باب السياره ونادته بهمس .... التفت خالد على طول لها ... وارفعت الغطى عن وجهها ,,,,, اهنيه خالد انهبل واستخف يوم شاف وجه بدور ,,... أكتفى في انه يبتسم وينزل راسه ومر من عندها قبل لاتركب السياره وهمس لها : يا بختي فيج يا قلبي . وصلوا الصاله على الساعه 11 بالليل واعلنوا عن وصول العروسه ... على انغام زفة حسين الجسمي ,,,, مشت هدى بهدوء وكأنها أميرة أسطوريه .... كانت آية في الجمال ... وفي طلتها الكل انبهر من بدلتها الاكثر من رائعه على شكل فراشه وطرحتها الطويله اللي نازل منها كريستالات لامعه ومن مسكتها اللي كانت كلها ورد جوري وفرااش وردي نازل للاخر وفي الوسط اكتفت في انها تمسك مجسم فراشه مليان كريستالات لامعه .... امها استقبلتها وسلمت عليها وكانت تبكي من الفرحه ... وكذلك خالتها ام ريلها وزوجها استقبلتها وكانت في قمة السعاده ... وسلموا عليها بنات خالاتها وبنات عمها وصديقاتها ,,,, وتموا كل البنات يرقصون ,,,, لولوه اهني تدور عماتها وبنات عمتها ... وشافتهم وراحت لهم وسلمت عليهم واحضنتها داااااانه : ماشالله تهبلييييين اسم الله عليج . لولوه : يابعد عمري يادانه انتي اللي تهبلين . وسلمت على اشواق واماني وخلود سلام حار .... واقعدت معاهم تسولف شوي ... وسألتهم عن خواتها . دانه ردت : لا ماحضروا العرس تدرين احمد بالمستشفى ومو حلوه يحضرون . ولا خلود ردت : يامعوده شدعوا دارين عن احمد . لولوه : ماعلينا منهم ... اهم شي انتوا حضرتوا كفيتوا ووفيتوا ,,, ولو ماحضرتوا جان ازعل عليكم . اماني : من صجج مانحضر ... لازم نحضر عشان نشوفج ياقلبي ,, على فكره سلمنا على امج والله انها تهبل وعلى نياتها والطيبه مبينه عليها . لولوه : الله يسلمج من طيبح تقولين هالحجي حبيبتي والله .... تعالوا خل اعرفكم على بنات خالي . راحوا مع لولوه وسلموا على العروسه وبالتالي عرفتهم على بنات خالها وعلى بدور .... وبهاللحظه فاجئتها رفيجتها شواقه وعلى طول احضنوا بعض : ياي لولو تهبليين . لولوه : يابعد عمري ياشوقوه . وتموا البنات يرقصون مع بعض .... وبالتالي اعلنوا عن وصول المعرس ,,, الكل تغطى وقعد مكانه .... ودش المعرس مع اخوه طلال وبدر وخالد وابو بدر وابو خالد وعم المعرس والكل انهبل على رزتهم ... ووقفوا عند المعرس عشان يصورون ,,, طلال كان واقف عند فارس و همس لاخوه المعرس انه على الاقل يبتسم شوي ... بس فارس ما استجاب له ... وكان مبين علييه انه متضايق حيل ومايبي هالعرس بس شيسوي ماباليد حيله . طلال واهو يروح صوب امه اللي كانت فرحانه وشافها تبجي باس على راسها : ألف مبروك يا أم فارس .. ولا ابي اشوف هالدموع هذي . ام فارس : انشالله اشوف عرسك قول امين . بهاللحظة كانت نوف واقفه وراهم وتسمع لهم . ابتسمت وقالت لنفسها : ياربي ياحلوه ,, صج انه اسلوب مو نفس خالد مالت عليه ...... وبهاللحظة أفقدت توازنها وكانت بتطيح والغطى طاح عن وجهها ... على مالف طلال بيطلع ولا نوف واهي ماتدري امسكت طرف كمه عشان تستعيد توازنها واهو مسكين تفشل نزل لمستواها وقال : اسم الله عليج . ورفعت راسها واشهقت من الخرعه صج فشيلة واهي بالاساس ناسيه غطى شعرها من الخرعه ... وحط عينه بعينها .. ونسى دنيته كلها وابتسم لها ابتسامه .. انتبهت للموقف على طول خذت غطاها ومشت عنه بسرعه قبل لا احد يشوفها ... وانتبهت له امه وكذلك صديق عمره بدر وحسبالهم انه طايح ....... على طول راحوا له ": طلال عسا ماشر اشفيك .. كان صوت بدر طلال واهو يعدل غترته : لا بس زلقت وبغيت اطيح ..وتم يضحك . اطلعوا الشباب برا الصاله استعدادا للزفه., وهالموقف اللي صار لطلال مع نوف راح يتم في باله... قعد فارس بالكوشة .. كانت هدى للحين منزلة راسها .. راحت له أمه واقعدت عنده واهي تهمس له : يمه امسك ايد زوجتك لاتفشلنا بالناس ... شوف شكلك جنه بيعدمونك .. لاتفضحنا ياولدي . فارس وهو يهمس لأمه : يايمه اليوم انكتب موتي ... ظلمتوني وظلمتوها . قامت أم فارس وعرفت ان الكلام مامنه فايده مع ولدها .. راحت وامسكت ايده وحطتها على ايد هدى وهالحركة استفزت فارس بحيث طالع امه بنظرات حاده .. أما هدى ماتت من المستحى لدرجة الموت ... أعلنوا زفة العروس والمعرس .. والكل استعد لها ,, اركبوا المعاريس بالليموزين ,,, وتموا البنات يرقصون على الزفه ... وصلوا للفندق ونزل فارس من الليموزين وشاف هدى متوهقه مع بدلتها ولا قدرت تنزل ..... فارس وهو يقول لنفسه : ولييييييييه صج مو وقته .... نزل تحت ومسك ايدها ومسك بدلتها من تحت ورفعها شوي عشان بيساعدها .. وهو للحين ماشاف وجهها ولاشاف كشختها لانها كانت مغطية بالرداء ... قدرت انها تنزل من السيارة .. وهو لاشعوريا ظل ماسك إيدها ليما وصلوا لجناحهم ..... دخلوا الغرفة ولقوا كل شي جاهز من ناحية العشاء والشموع والاغاني الكلاسيكية يعني جو حده رومانسي .... قعدت هدى على حافة السرير بينما فارس ظل واقف ... كان يبين شكله انه حده زهقان ومو طايق القعده ... دخل على طول المغسله وغسل وجهه وتم يطالع وجهه بالمرآية .. هدى استغربت شافته طول حيل .. قامت تسأل نفسها : هذا وينه وشفيه طول .؟ مو المفروض يقعد معاي .؟ انتظرت ربع ساعه ماطلع للحين صارت نص ساعه وهو للحين داخل ... قررت انها تروح وتشوف شنو سالفته ... سكرت الغرفة وغيرت بدلتها والبست لها بجامة حريرية وفوقها روب طويل شفاف وخلت تسريحتها مثل ما هي وخففت من المكياج وغيرت لون الروج وخلتها افتح شوي ... راحت صوب المغسله وطقت الباب بهدوء لكن مافي استجابة ... ردت وطقته ونادته بأسمه : فارس فيك شي ؟ وكانت اول مره تنطق اسمه ... اهو سمعها ولكن مارد عليها ,,,, اكتفى في انه يبطل الباب ... وشافها وجها لوجه واهي تطالعه بحنان : عسا ماشر ؟؟؟ فيك شي ؟؟؟؟ تم يطالعها بهدوء .... شافها ... شاف ملامحها ... كانت في منتهى البراءة .... جميله .... حلوه . بس رد لواقعيته ان كل البنات خاينين ومستحيل يثق فيهم.. هدى استغربت من هدوئه وبرودة أعصابه .. نزل راسه واتجه للسرير وهو يمشي قال لها : انا ابي ارتاح وبنام ,,, تعشي اذا تحسين بالجوع ... مابي عشا .... خلاها مذهولة ومستغربة من تصرفاته ... ليش يخليها بروحها وهم الحين متزوجين .... ليش يسوي فيها جذي ... وليش جاف معاها ولا حتى عبرها بكلمة تسعدها لا يكون ماعجبته ؟؟ ... مية ابو الف فكرة طرت في بالها ... تمت تحوس بالجناح : ياربييييه الحين شسوي ... ادق على أمي ولا على لولوة ؟؟ لالا ماني متصله اخاف ياخذون فكره عني .... خل اروح انام ابرك لي .. حتى عشا مابي .... ومن أصبح أفلح . وها هي مرحلة حياة جديدة بدأت لفارس وهدى .... تتوقعون هالمرحله راح تغير فارس ؟؟؟ ام تنكد على هدى عيشتها ؟؟ ونواف هل راح يتجرأ ويعترف للولوة بحبه لها ؟؟ ومنى هل راح توصل للي تبيه ؟؟؟ وشنو ناويه عليه ؟ أحمد ومصيره مع ضحى ؟؟؟ خالد وبدور ونورة وزياد ونوف وطلال ,,,,,, أحداث ترقبوها في الاجزاء اليايه ..؟ |
الجزء الثامن
في بيت خال لولوة .... الساعة 11 الصبح ... قعدت ضحى من النوم ... وراسها مصدع من ازعاج العرس ,,,, أتجهت للمطبخ واطلبت من الخدامه انها تسوي لها نسكافيه ... واتجهت لغرفة لولوة ولقتها نايمه والظاهر كلهم نايمين ,,,,,, الظاهر من تعب العرس للحين ماقعدوا ,,,,,, وتوجهت للصالة اللي فيها تلفزيون ولقت بس نوره قاعده .: ها نوره متى قعدتي ؟ نورة واهي تشوف التلفزيون : قبلج بساعه . وانتي شمقعدج هالحزه مو من عوايدج ؟ ضحى واهي تحط المخده على حضنها : مادري اتصدقين ... مع اني ما نمت الا متأخر . بس احسن اني قعدت مبجر .... آآآآآخ ياراسي كل طيران العرس فيه . نوره : أي والله عاد امس خوش عرس .,.. رقصنا رقص سنه بساعه ههههههههه . ضحى واهي تشرب النسكافيه : ههههههههههه أي والله كان خوش عرس ... حتى هدى ماشالله عليها تهبل طالعه كأنها أميره . نوره : أي والله تهبل ماتوقعتها تطلع جذييه صج مبدعه .. عسالله يوفقها بحياتها الزوجية. ضحى : ياربييييييه متى يصير عرسي .. صج زهقه ابي اتزوج . نوره واهي تحذفها بالريموت : وجع زين ... من ياخذج انتي اصلا أهبل اللي بس يفكر يرتبط فيج . ضحى واهي تطق نوره بالمخده : يكون بعلمج يا نوره خانو اني انا ضحى الكل يتمنى يرتبط فيني .... انتي فاهمه . نوره واهي تضحك : أي واضح ... مالت عليج وعلى اللي بيرتبط فيج صج ماعنده ذرة ذوق . قامت نوره بسرعه وانحاشت لغرفتها وضحى وراها ركض جنهم يهال .... ضحى وقفت عند باب نوره: هيييين اوريج ياخايسه لو فيج خير ما انحشتي ياجبانه ... وتمت نوره تضحك بصوت عالي عشان تغيض ضحى . راحت ضحى وارجعت للتلفزيون وجا على بالها أحمد وتمت تقول لنفسها : ياااااااااه صج الدنيا صغيره . الحين احمد الظابط اللي شفته طلع أخو لولوه . ياترى بيعرفني ؟؟ يتذكرني ..؟؟ ماقول الا الله يستر . *** لولوه واهي نايمه بسريرها .... اقعدت على نغمة المسج اللي وصل لها وكان من نواف .. (( وش الحال ياللي لك الحال مشتاق ,,,, نبضات قلبي تهديك طيب السلامي )) قرت المسج بعيون ذبلانة وابتسمت وقررت ترد عليه بمسج : (( جتني رساله رمزها يشرح البال .. هزت شعوري يوم عيني قرتها مشكور ياغالي وياأعز مرسال ,, حي الرساله وحي منهو رسلها )) قامت من السرير واهي بالها مع مسج نواف وراحت توضت وصلت فرضها وبعدين اتجهت لثلاجتها وخذت منها عصير كوكتيل وراحت لغرفة التلفزيون وشافت ضحى سرحانه ... اقعدت لولوه عندها واهي ماحست : ضحى علااااااامج سرحانه ؟ ضحى انتبهت حق لولوه : ها ,,,, شنو ,,, هلا لولو ... صح النووووم ,,,, والله ماكو ,, راسي مصدع من العرس . لولوه واهي تمسك راسها : أي والله حتى انا ... احس ان رجوووولي مو قادره اشيلهم من الرقص ..... بس تصدقين ماتوقعت هدى تطلع بهالحلاوة هذي . ضحى : أي صح تهبل طالعه ,,,, بس مالاحظتي شي بالمعرس ؟؟؟ لولوه واهي تحاول تتذكر : مثل شنو يعني ؟ ضحى واهي تهمس حق لولوه : كأنه ماله خلق حق العرس .. حده كان نفسيه وضايق خلقه ؟ لولوه : انا لاحظت جذي بعد . . يمكن كان تعبان او مريض ؟ ضحى : والله مادري يالولوه .,,, ماقول الا الله يعين هدى ويوفقها بحياتها الزوجية ؟ لولوة : أي والله اللهم امين . على دخلة نووووووووف واهي ترقص على انغام اغنية عزااااه لراشد الفارس اللي كانت موجوده بالتلفزيون ونوف مطوله عليها ... شافتها لولوه واضحكت على طريقة نوف بالرقص ,,,, ضحى واهي تصارخ على نوف : وجع نوفوو خلاص صدعتينا ... مصييبه ماتعبتي من العرس ؟ نوف واهي تاكل كرواسون : لا وناسه وين اتعب ,,,, صج العرس يونس ... بعد نبي عرس يلا لولو شدي حيلج انتي والعقربه هذي . ضحى واهي تحذفها بريموت الكنترول : عقربه بعينج ياعيوز النار . راحت لها نوف وباستها : بعد عمري والله ضحى اختي حبيبتي ماتزعل علي صح . ضحى : قومي ذلفي عن وجهي لا ادوس في بطنج الحين . نوف واهي تقعد و تغير محطة التلفزيون : تعالوا بنات بسألكم ... منو اللي دخل مع المعرس ابو غتره اللي كان بدر ماسكه .؟ ؟ لولوه : مادري بس اعتقد اخو فارس ؟ ليش تسألين ؟ نوف تسوي حركات كأنها هيمانه فيه : يمه يهبل يجنن .... وتمت تغني طوله حلو شعره حلو شكله حلو .. لولوه طبعا ماتت من الضحك على نوف .. اما ضحى انفعلت وراحت يمها وامسكت شعرها : شنو شنووووووو ماسمعت صج انج قليلة أدب .,,, اشوفج تمدحين الرجال .. خير انشالله شكو فيه انتي لايكون زوجته وانا مادري . نوف وهي تضحك : انشالله اصير زوجته ليش لأ . طبعا اهني ضحى كفختها وطاحت فيها طق وتموا يصارخون وصراخهم وصل لبرى لدرجة حتى نوره و ام خالد وام لولوه وجدتهم اخترعوا وراحو لمصدر الصراخ .. وشافوا ضحى طايحه تكفخ في نوف ونوف تستنجد ولولوه تحاول تفرقهم لكن ماقدرت على ضحى . صرخت امهم عليهم واسكتوا البنات : وجع انشالله ماتستحون الوحده شكبرها شعرضها تتهاوشون مو عيب عليكم ؟؟ هذي يعني تربيتي لكم ؟ نوف : يمه شوفي ضحى اذبحتني بالطق مع اني ماسويت لها شي . ضحى واهي تحاول تدافع : يايمه ماتدرين عن سوالفها انا بس ابي أادبها ؟ ام خالد : وانا وين رحت يعني ؟؟؟؟؟ شنو تأدبينها .؟ مابي اسمع منكم كلمة وحده .. أي شي يصير لازم ترجعون لي .. نوف روحي لغرفتج واشوفج تطلعين منها .. وانتي ضحى حسابي معاج بعدين . أم لولوه : احنا حسبالنا انكم بنات كبار جذي تخرعونا وتخبصون قلوبنا .. لو ابوكم موجود ولا خالد شنو بالله راح يسوي فيكم ؟؟ والله يسوي فيكم اعدام . جدتهم : لعنبوكم عيب البنت يطلع صوتها .. ماتعرفون العيب .. تفشلوا البنات وراحت نوف ركض لغرفتها اما ضحى راحت وباست راس امها وجدتهم وام لولوه واطلبت السماح منهم واوعدتهم ماراح تكررها . *** اليوم موعد خروج أحمد من المستشفى .... كان مسئول أحمد الضابط فهد وصديق احمد الضابط وليد و ابو احمد وعمة ابو نواف واخوه عبد المحسن والدكتور نواف موجودين عنده وراح نواف يكمل اجراءات الخروج من المستشفى ... أحمد كان مستانس ان الحمدلله الله مّن عليه الصحه والعافيه وقدر يتأقلم مع الحروق الموجوده فيه بصعوبة لكن فيه شي من الحزن وعدم الطمأنينة .. خلص نواف اجراءات الخروج والكل تحمد له بالسلامه ..... مع الزحمه والازعاج وهو متوجه لسيارته قرر نواف يبلغ لولوة ان احمد طلع من المستشفى ومره وحده عشان يسمع صوتها لان حس انه مشتاق لصوتها و تم موبايلها يرن وويرن ليما ردت بصوت كله عذوبة وحنان : يا هلا والله بولد العم . نواف واهو يبتسم : هلا فيج اكثر .. حي الله هالصوت . لولوه بنعومه : الله يحييك ويبقيك ... شخبارك انشالله بخير ؟ نواف : بخير يالغالية ... انا متصل وعندي لج خبر يفرحج ... بس ها ماقوله الا توعديني بشي ؟ لولوه : صج شنو هالخبر . نواف : يلا وين الوعد ؟ لولوه : تم ياولد عمي اذا قدرت ابشر من عيوني . نواف : تسلم لي عيونج والله ,,,, وانشالله تقدرين عليه .,.. طال عمرج أحمد اليوم رخصوه من المستشفى وحالته مستقره ولله الحمد .. لولوه واهي فرحانه : صج ........... احلا خبر سمعته .. الله يبشرك بالخير انشالله من جد اسعدتني .. نواف وهو يضحك معاها : شوي شوي يامعوده لاتطيرين علينا , كل هذا حق أحمد .. ما اقول الا يابخته والله بهالحب . لولوه واهي منحرجه من كلام نواف وقالت بعفوية : غلاك من غلاه ياولد العم .. يكفي ماشفت منك الا كل خير . اهنيه نواف الدنيا مو سايعته درى انه غالي عندها : تسلمين والله ,,,, بس ها ماسألتيني عن الوعد ؟ لولوه واهي تضحك : يؤ نسيت ... امرني ؟ نواف : تجين اليوم لبيت عمي وتطمنين على احمد و بعد خاطري اشوفج .. من زمان عنج . لولوه بأرتباك : والله ودي يانواف اجي واشوف احمد ... بس تدري ان الوضع هناك مايساعد .. ومابي اسبب مشاكل وعوار راس ... نواف بحزم : لولوه انا راح اكون موجود وماراح ادخل الا معاج وبعد ابوج واحمد .. وانتي مو جايه حق زوجة عمي انتي جايه حق اخوج وفي بيت ابوج ... يعني هذا بيتج يالولوه ولا احد يقدر يهينج وانا موجود وابوج بعد موجود ... صدقيني يالولوه انا معاج وماراح اتركج . لولوه : عسا عمرك طويل .. ودي يا نواف بس مادري ..... حدي متردده . نواف : انتي وعدتيني يالولوه . لولوه : خلاص ولايهمك انا ابي ابلغ امي ... واكيد دامكم معاي اكيد راح أرضى . نواف : خلاص الساعه 7 راح انطرج عند باب بيت عمي مو تنسين .. وبعد عماتي كلهم راح يكونون موجودين . لولوه : على خير انشالله ,,, يلا فمان الله . راحت لولوه عند امها وبلغتها انها بتروح بيت ابوها وطبعا امها ماتقدر ترفض لان هذي صلة رحم وماتقدر تقطع لولوه عن اهلها .... اتجهت لغرفتها وخذت موبايلها واتصلت على دانه بنت عمتها .. : ألوووووو .. هلا دانه شلونج يالغاليه ؟ دانه : ياهلااااااااا ومرحبااااااااااااااا بحبيبة قلبي لولوه ... بخير وانتي شخبارج ؟ لولوه : والله تمام ياالغاليه ,,, اقول دانه بتروحين اليوم بيت ابوي ؟ دانه : لأ بس امي بتروح .. ليش ؟ لولوه : لااااا دانوه عفيا تعالي هنااااااااك انا راح اجي وابيج تكونين معاي ؟ دانه : لا حبيبتي ماقدر .. اليوم بيجي حبيب عمري وحياتي مشاري فديته ... واخته .. عشان بتوريني التجهيزات حق عرسي . لولوه : وليييييييييه .. عيل الله يعيني . اليوم الظاهر حرب بيصير . دانه : ماعليج منهم .. روحي واحرقي قلوبهم .. واكسري عينهم بعد خخخخخخخ . لولوه : الله يستر .. يلا حبيبتي ماطول عليج . دانه : اقول لولوه اتصلي علي وقولي لي شيصير معااااااااااااااج مو تنسين . لولوه : انشالله .. يلا باي . كانت الساعه ستة المغرب وباقي ساعة على الموعد ... خذت لها شاور واسترخت لمدة ساعه تقريبا وبعدين نشفت شعرها وبطلت الكبت وجهزت لها بدله عمليه وبسيطه عشان تلبسها . اختارت لها تنورة جينز وقميص ابيض بوردي وفوقه بلوزه ورديه عشان تلبسهم ..... وراحت إلبست عدسات لاصقه بلون رمادي فاتح وحطت مسكره وبلاشر بلون الزهر وحطت لها غلوس زهري وكانت قمة في البراءة ,,, إلبست عبايتها وانزلت تحت ... شافت امها وجدتها ومرة خالها قاعدين يتقهون ويسولفون ,.. شافتها امها : ها يمه زهبتي ؟؟ لولوه بأبتسامه : أي يمه زهبت وابي السايق يوديني سيارتي مافيها بانزين ومايمدي امر البانزين اخاف اتأخر . |
أمها : خلاص حبيبتي ... خل يوديج وبعد ما يوصلج خل يرجع عشان يودي بعد امج العوده ( جدتها ) تاخذ ابرتها في المستوصف وعقب اتصلي اذا بغيتي ترجعين .
لولوة : أنشالله يمه ,, تامروني على شي . جدتها ومرة خالها : سلامتج يايمه وانتبهي على نفسج ., بحفظ الرحمن . اتجهت للسيارة واركبت .. وقالت للسايق انه يوديها وعقب يرجع للبيت اكتفى السايق بقول : يس مدام .. اضحكت لولوة على كلمة مدام لانها عيزت واهي تفهم راجو انها مو مدام بس ماكو فايدة فيه ... واهي طول الطريق تفكيرها مشتت وكانت خايفة من ردة فعل مرة ابوها وخواتها ,,,,,, بس ارتاحت نسبيا لنواف لان راح يكون موجود معاها مثل ماوعدها ... وابتسمت على طاري نواف ... ماتدري ليش هالانسان تحسه متغلغل بمشاعرها واحساسها .... بس شالفايدة دام من نصيب اختها .. والمفروض ماتفكر فيه نهائيا . اكتفت في انها تقول الله يوفقه . وصلت عند البيت ... وقالت للسايق انه يرد للبيت وهي تتصل فيه لما تخلص .... نزلت بخطوات ثقيله ماتدري شنو راح ينتظرها ... لمحت اخوها عبد المحسن وراحت له وسلمت عليه .. لكن بادرها السلام ببرود مو طبيعي ... راح وخلاها واقفه بروحها ... تضايقت من طريقته معاها ...كانت تبي بس تشوف احمد وتفتك وترد بسرعه ,,,,, وقررت تدخل صالة الاستقبال الكبيرة .. سمت بالرحمن ودشت بهدوء ... شافت أبوها ومرة ابوها ومي وعبودي الصغير قاعدين يسولفون ... الظاهر للحين ماوصل احد من عماتها ولا حتى جدتها .. بس احمدت الله انها لقت ابوها موجود ,,,, سلمت بصوت عالي وخزتها مرة ابوها بنظره كلها شر و طبعا ابوها فز لها واستقبلها برحابة صدر راحت له وسلمت عليه وباست راسه ... وسلمت على مرة ابوها وهي تسلم تسمعها تقول بهمس قطيعه هذي انتي ... اسكتت لولوه وماردت عليها احتراما لسنها الكبير ... ألتفتت على اختها مي وسلمت عليها عادي .... والتفتت لخوها عبودي وانزلت لمستواه وابتسمت له : شلونك حبيبي عبودي . عبودي وهو يطالعها وخايف : آآنا زيييييين . لولوه واهي تبتسم : عرفتني ؟ عبودي واهو يبتعد عنها : لا ماعرفج . ضحك ابوها على عبودي وقاله : عبودي حبيبي هذي اختك لولوه . عبودي واهو يمسك لعبته ويصرخ : لاااااا هادي مو اختي . مرة ابوها ومي ابتسموا ابتسامة مصخرة على شكل لولوه عقب التفشيله .. اكتفت لولوه في انها تبتسم .... اما ابوها زف عبودي وقاله : عيب بابا لاتقول جذي هذي اختك .. عبودي ادمعت عيونه وقام يبجي .. طبعا مرة ابوها اهني ماتت من الغيض ولا تقدر تتكلم عشان زوجها ابو احمد موجود . واطلبت من مي انها تاخذ عبودي وتطلع فوق .... ألتفت ابو احمد حق زوجته وقال بصوت كله جديه : قولي للخدامه اتضيف بنتي لولوه بسرعه . أهني مرة ابوها اغتاضت وشوي تموت ودها تذبح لولوه بس ماتكلم حتى تتكلم خوفا من زوجها ... راحت وقامت واصعدت فوق . لولوه تدخلت بسرعه : لا يبه مشكور مابي شي ... انا جايه بشوف أحمد واتطمن عليه . ابو احمد : استريحي الحين يابنتي واحمد الحين ينزل لج لان راح ياخذ له شاور ... المهم يابنيتي البيت بيتج واللي يضايقج قولي لي انا بروح الديوانية ( مجلس الرجاجيل ) تامريني بشي . لولوة بأبتسامة : ابد سلامتك يايبه وانشالله ماحد راح يضايقني تطمن . راح أبوها الديوانية .. وتمت لولوة قاعده بروحها .. تنتظر أحمد ... وتدعي الله ان مايصير شي يضايقها اكثر من جذي ... اتصلت على موبايل أحمد ولقته مغلق.. ولا يرن موبايلها وكان المتصل طبعا نواف .. ردت بهدوء ومبين من صوتها انها متضايقه : ألو .. هلا نواف نواف : لولوه وينج الحين ؟ لولوة : انا في بيت ابوي . نواف بعصبيه : انا ماقلت لج اتصلي فيني اول ماتوصلين ... ليش ماتسمعين الكلام ؟ لولوة : ماعليه اسفه نواف .. ماحبيت ازعجك ,,, واسكتت فترة وبعدها كملت بصوت مخنوق .. انا ناطره احمد وللحين مانزل قالوا لي ياخذ له شاور ,, اتصلت عليه مغلق . نواف حس ان لولوه فيها شي : لولوه اشفيه صوتج فيج شي ؟؟ صاير لج شي . لولوه : لا مافيني شي ... بس ماني مرتاحه من قعدتي بروحي ... توقعت اشوف عمتي فاطمه بس مالقيتها . نواف : لولوه انا الحين دقايق واكون عندج ... عمتي فاطمه رايحه لبيت عمتي ام ضاري اليوم ماراح تجي واتوقع حتى عمتي ام ضاري ماراح تجي . لولوه : كلمتني دانه وبلغتني ان عمتي راح تجي ... بس ماعليه .. على فكرة ابوي قاعد بالديوانية . نواف بأبتسامه : أي مايخالف اسلم عليه وبعدين اشوف بنت عمي فيها شي يعني .؟؟؟؟ لولوه انحرجت : لا عادي حياك الله . انزلت من على الدرح مرة ابوها ووراها على طول منى .. لولوة طالعتهم واهي تقول بنفسها : وليييييه اكملت .. الله يستر . منى بصوت عالي : انتي اهنيييييه ... خير شتبين . لولوة واهي ترد عليها ببرودة وحاطه رجل على رجل عشان تغيضهم : والله يا منى انا قاعده في بيت ابوي وثانيا مو جايه عشانج ... جايه عشان احمد . مرة ابوها ردت : شوفي يابنت غاليه .... لمي اغراضج وبلاويج واطلعي عن بيتي . طالعتها لولوه بنظرة ونزلت راسها بدون ماترد ... اما منى اهني حست الدنيا مو سايعتها عشان بتبرد حرتها في لولوه : ماسمعتي امي يلا قومي طلعي مانبيج ,, انتي ماتحسين ,, شنو غصب تلزقين فينا . لولوه بإصرار : ماراح اطلع قبل ما اشوف أخوي احمد . مرة ابوها ام احمد ردت بعصبيه : أحمد مو اخوج انتي فاهمه ... ولا يتشرف فيج كأخت ... انتي غريبه عنه وعننا ... احشمي نفسج واطلعي برا عن الفضايح ولا اقسم بالله اطلعج بطريقتي الخاصه . راحت لها منى وامسكتها من كتفها : الظاهر انتي ماينفع معاج .... على فكرة محاولاتج والتلزق فينا ماراح يخليج تاخذين نوااااااااف مني .. انتي فاهمه .. نواف حقي انا بس. اهنيه لولوه انصدمت من كلام اختها والمشكله انها اطعنتها بشرفها ... قامت لولوه ومدت ايدها وعطت منى كف قوي على الوجه واهي ماتحس .... اهني منى اشتاطت وقامت اسحبت لولوه وطيحتها بمساعدة امها ,,,, ولا على دخلة نوااااف صالة الاستقبال هو وابو احمد وولده عبد المحسن ... وشافوا الموقف .. طبعا نواف ركض صوب منى ودزها عن لولوه ومايقدر يمد ايده على حرمة ... اما ام احمد شافت زوجها ونواف واقعدت تبجي وتمثل عليهم وتقول بصوت عالي : شفت بنتك هذي اللي تقول عنها متربيه ... مدت ايدها على اختها منى وعطتها كف . اما ابو احمد مسك منى وسحبها وهو يصرخ عليهم : ليش تسووووووووين بأختج جذي . منى واهي منبهره ومتوهقه : يبه .. يبه طقتني تخيل في بيتي وطقتني . اما لولوه لاحول لها ولا قوة ... قعدت تبجي كأنها طفله صغيره ضايعه ومالقت أحد .. قومها نواف ومسك شيلتها وحطها على شعرها ... ابو احمد : لولوه صح انها بعيده عني لكن انا اعرف شلون امها مربيتها ومستحيل تسوي جذي ,,,,,, عطى منى كف ثاني لان مستحيل يصدق في بنته لولوه .... عبد المحسن اهني عصب : يبه لاتطق منى ماسوت شي .. لولوه اهي اللي طاقتها شوف خدها شلون احمر . نواف : انت ماتعرف الحق يا عبد المحسن ... ماتشوفها شلون مطيحه لولوه وطايحه طق فيها .... اتجه ابوها حق بنته لولوه اللي كانت تشهق من البجي : لولوه قولي لي شصاير بينكم . عبد المحسن عصب عليها : ماتكلمين ماتقولين بس فالحه بالبجي . اهني نواف ماقدر يسكت وقال بعصبيه وصوته هز اركان البيت : عبد المحسن اكل خرا ولاتكلم اختك جذي هذي اكبر منك . اهني سكت عبد المحسن وتبلعم وخاف من نواف وقرر انه ينسحب ويطلع بهدوء ... ابوها : ها ماتكلمين شصاير ؟ لولوه واهي بصوت يقطع القلب : يبه منى اطردتني وقالت لي كلام لدرجة اطعنت شرفي فيه ... ماقدرت استحمل وعطيتها كف . اول ماسمعتها منى على طول انحاشت لفوق اما مرة ابوها تمت ساكته ... ولابطلت حلجها بكلمه .. أبو احمد مسك عقاله وقال لنواف : اخذ بنت عمك ووصلها البيت الحين ... والتفت على زوجته وقال بعصبيه : وانتي يامرة اطلعي فوق مع بنتج حسابي معاكم راح يبدي الحين ... والله لا اربيكم من جد وجديد ... على طول انحاشت مرة ابوها من الخرعه فوق . لولوه اهني اكسرت خاطرها مرة ابوها وطاحت على ابوها تتوسله وتترجاه : لا يبه تكفى لاتسوي لهم شي .. خلاص انا مسامحتهم .. انت لاتضايق نفسك ماصار شي ... خالتي ماسوت شي مالها ذنب تكفى يبه لاتسوي لها شي ... مهما كان هذي كبر امي . ابو احمد : ياخسارة عمري اللي ضيعته بعيد عنج يابنتي ...ياليتهم مثلج . اهني لولوه باست ايد ابوها .. وطلب من نواف انه ياخذها الحين ... اطلعت مع نواف واهي منكسره وحالتها حاله .. اركبت سيارته بالمقعد الخلفي وتمت تبكي بهدوء ونواف قلبه تقطع واهو يشوفها ولعن الساعه اللي عرف فيها منى النسره . نواف بصوت آسر : لولوه بس عاد لاتسوين بعمرج جذي ... يكفي خذوا جزاهم الحين .. لاتخلينهم يأثرون فيج ... خلج اكبر من عقليتهم . لولوة : ماتدري يانواف شلون قالتها لي منى ... ولا شلون طردتني ... كلهم مايحبوني ,,,, مع انهم اخواني واتمنى انهم يحبوني ... والله ماسويت لهم شي والله ... وقعدت تبكي بصوت عالي ... اهني نواف ماقدر يستحمل وقف السياره عند بقالة وراح نزل واشترى لها ماي واخذ لها عصير ليمون تهدي اعصابها .... راح عند الباب وبطله ونزل لمستواها : لولوه بس خلاص كافي .. ماستحمل اشوف دموعج ... عورتي قلبي خلاص ... اخذي الماي وغسلي ويهج واشربي العصيير .. شريت لج عصير من قدج بعد ... صاير لج سايق واشتري لج ... في احد يحصل هالدلال . اهني لولوه ابتسمت على كلام نواف اللي كان قصده انه يضحكها ..... خذت منه الماي واشربت العصير . نواف : أي ابيج جذي .. مابيج تروحين البيت وامج تشوفج جذي ... تبينها تتضايق يعني ؟ لولوه واهي منزله راسها : مشكور ماقصرت ... واكيد مابي امي تشوفني جذي . نواف : خلاص مابي اشوف هالدموع هذي .. فاهمه . اكتفت لولوه في انها تهز راسها ايجابا .... اهني نواف حسها فعلا طفله ,, قدر يتحكم بمشاعرها ... ودها يحظنها .... أي وده يحظنها الحين ولا يخليها تتضايق .. ووده يمسح دموعها بيده ... ولو بكيفه مايخلي أي احد يتجرأ ويغلط عليها . نواف واهو يطالعها من المراية اللي جدام : ها حبيبتي شلون النفسيه الحين ؟؟ كلمة حبيبتي اطلعت عفوية ومن قلبها .. تدارك نواف الموقف وقال : اسف والله لولوه ماكان قصدي . لولوة ابتسمت : لاعادي .. ادري انك مو قاصدها . وصلوا للبيت.. وطلبت من نواف انه ينزل ويتقهوى .. لكن نواف ماحب يثقل عليهم واعتذر بأدب وأسلوب ,, بس طلب انه يسلم على أم لولوه ويتعرف عليها . دشت داخل البيت ومالقت فيه احد ... زوجة خالها والبنات رايحين لقرايبهم .... والموجود بس ام لولوه والخدم .. لولوة بصوت عالي : يمه وينج يمااااااااااه اانا وصلت . امها واهي طالعه من المطبخ : هلا بحبيبتي وبنيتي .... مع منو جيتي السايق مع امج العوده وليش جايه مبجر ؟ لولوة تلعثمت بس جاوبت : ماكو مالقيت احمد ورديت بسرعه ... وفي ضيف معاي يبي يسلم عليج . أم لولوة : ضيف حياه الله بس منو هالضيف . لولوة واهي تحذف جنطتها بسرعه وامسكت ايد امها واسحبتها عند الباب .... أم لولوه شافت شاب وسيم طويل كاشخ ولابس دشداشة بيضه وشماغ أبيض ... استغربت من هالشاب ... وطالعت لولوه بمعنى منو هذا .. لولوه افهمتها وابتسمت : يالغاليه هذا ولد عمي الدكتور نواف. أم لولوه واهي تبتسم : يا هلا بوليدي نواف .... شلونك يمه عساك بخير . نواف واهو يبوس راس أم لولوه : هلا خالتي .. بخير الله يسلمج .. طمنيني عنج انشالله احسن . أم لولوه : بخير ياولدي ... تفضل تعال داخل مو حلوه وقفتك برا ... انت مننا وفينا حياك الله . نواف : والله ياخالتي ماودي اثقل عليكم ... بس جاي ابسلم عليج وابمشي . أم لولوه استغربت من الوضع : شلون دليت البيت ؟؟ اهني لولوه توهقت .. بس حنكة نواف انقذتها : لا ياخالتي .. لولوه كانت تبي ترجع وماكان عندها سياره وعمي وصاني اوصلها ومره وحده قلت فرصه اشوفج ياخاله واتعرف عليج . لولوه واهي واقفه ورى امها قالت لنواف بلغة الشفايف شكرا ... نواف ابتسم واستأذن من ام لولوه عشان عنده دوام بعد ساعه تقريبا . ام لولوه : والله والنعم فيه .. ماشالله عليه الله يوفقه . لولوه واهي تمسك امها : امين يارب ويوفقنا ويطول لي بعمرج ويخليج انشالله يااااااااااااااااااااااااارب . وصل هالمسج في موبايل لولوه وكان من نواف وكتب لها : (( الحين عرفت من وين ماخذه هالطيبه والقلب الكبير ... الله يطول بعمرها يارب ... لولوه ابيج وانا راح اتصل فيج بكرا انشالله .. يلا سلام )) ياترى شنو هالموووضوووع .؟؟؟؟ *** صحت هدى الساعه 10 الصبح ... ودورت فارس ومالقته لانه صحى من وقت وطلع ... ياربي مو راضيه تفهم هالانسان ... انسان غريب وعجيب ... صحت وخذت لها شاور وبدلت ملابسها واختارت لها تنورة موديل غجري لونها ابيض وتوصل للركبه ... وبلوزة كت أبيض وفوقه جاكيت جينز قصير ... وارفعت شعرها لفوق ونزلت قذلتها ... وحطت لها ميك أب خفيف ... وكان شكلها حده كيوووت .. اتصلت على موبايل فارس ... تم يرن مره مرتين واخيرا رد : صباح الخير ... هلا فارس وينك فيه ؟؟ فارس وهو نفسيه : صباح النور .. موجود يعني ويني فيه ؟ هدى حست انه متضايق : طيب متى ترجع عشان زهقت وانا بروحي قاعده بهالجناح هذا . فارس : يلا هذا انا جاي .. دقايق واكون عندج ؟ راحت اطلبت فطووور واحرصت انه يكون منسق حييييييييل من ناحية الالوان والورود .. وصل الفطور وفارس للحين ماوصل ,,, طالعت ساعتها اللي صار لها من كلمة فارس ساعه الا ربع ... تمت تنطر وتنطر ليما اخيرا سمعت صوت الباب ,,, ابتسمت وراحت له : هلا فارس ... انا طلبت لنا فطور وناطرتك ما افطرت . فارس واهو يمشي عنها : مابي فطور ماني مشتهي شي . هدى بدلع طفولي : يعني افطر بروحي ؟ طالعها فارس بنظرات فيها من الكره وفيها من الحب يعني نظرات غريبه مافهمتها للحين ... بس اصرت انها راح تفهمه اكثر واكثر ,,,,,, قربت منه اكثر وهو ابتعد خطوه ورى ,,,,,, استأذن عشان يبدل ملابسه ,,,.... على طول راح لغرفة التبديل وصك الباب وراه و قعد على الكرسي ونزل راسه بين رجوله وحط ايدينه على راسه وهو يقول لنفسه : ليمتى يافاااااااااارس ليمتى .؟؟؟ خلاص عيش حياتك خلاااااااااااااص . وادمعت عينه ,,, هالموقف كانت تشوفه هدى من بعيد ,,,, خافت عليه وتمت تقول لنفسها : اشفيك يافارس غامض ... شنو السر اللي خاشه عني ..؟؟ ليمتى وانت تبعدني عنك ..؟ بس لازم اعرف كل شي .... آآآآآه لو تدري شلون احبك كان ماظلمتني وياك يافارس والله احبك ومستحيل اتخلى عنك وعشان احبك لازم اجاريك ومصير الايام بيننا يافارس . *** اليوم شمس وغيوم وبراد خفيف ... كان جو الجامعه حده عجييييييييب وخصوصا يوم انتخابات الجامعه والقوائم الطلابية اللي يتنافسون فيما بينهم وكل قائمة تغني اناشيييييييد تشجيعيه بالسوكويرات تصفيق ووناسه يعني هيصه وتطمش ..... واغلبية الدكاترة لاغييين محاضراتهم ليشهدوا حدث الانتخابات .... الا طبعا محاضرات نورة شغاله لان الدكاتره اجانب وكانوا يهتمون بالمحاضرات بالدرجة الاولى ,,,,, كان باقي على محاضرة نورة نص ساعه تقريبا وكانت تتمشى هي ورفيجتها شهد ..... شهد بلقافتها المعتاده : نوروووووه شوفي شحلاة هذاك يمه يهبل ... عشان حلو بصوت لقائمته . نوره : صج ماعندج سالفه ... تصوتين عشان انه حلووو .. يبا صوتي للأفضل . شهد : يووووه كيفي مو ديمقراطيه مالج شغل .... اقول نوروه عفيا لاتحضرين محاضرتج ترا ماحد بيحضر فلاتعبين نفسج . نورة : شهوووووووده شفيج ,, ماتعرفين هالدكتور غثيث ومايطوف شي ... ولو بس وحده تحضر يشرح لها .. يعني مثالي مالت عليه . شهد : وي حسافه يعني بتحضرين ,,,, عيل بتطوفج الوناسه . نوره واهي تطالع شهد : خليت الوناسه والحلوين لج . اضحكت شهد على طريقة كلام نوره ..... وقالت لها : نورووووه عبايتج حدها حلوه ... أبي أفصل نفسها ..... شوفي باجر حطيها لي بكيس وانا راح اخذها منج وافصل نفسها وارجعها لج . نوره : العبايه وراعيتها فداج . شهد واهي متشققه من الوناسه : لا شوي شوي علي ماستحمل كلام غزل ... ترا اروح اقحص بسيارتي وارد . تموا البنات يضحكون مع بعض ... وانتبهت نورة للساعه ولا متأخره 5 دقايق . نوره : ياالخايسه طافت محاضرتي الحين يطردني برا . شهد : احسن خل يطردج عشان نتطمش على الحلوين . نوره واهي تطق شهد بالكتاب : صج انج متفرغه .......... يلا بااااااااي . وراحت نوره تمشي بخطوااااات سريعه ولما ماشافت احد موجود ... قعدت تركض على الخفيف واخيرا وصلت ... افتحت الباب واهي تلهث من الركض ,,,, وشافت الدكتور قاعد والقاعه مافيها احد يعني فااااااااااااااااااااااضيه .. واهي تلهث وتمسح راسها : Dr. I know I am very late . please accept my apology . الدكتور اكتفى في انه يرد بأبتسامه : its ok . وسمح لها انها تقعد ... ولفت انتباهها واحد كان قاعد بمقعدها اللي دايم تقعد عليه ... طالعته وعرفته كان زياد .... تم يخزها بنظراااات حاده وهي توهقت وراحت اقعدت بالكرسي اللي كان وراه على طول وماحبت تقعد جدامه ... تم الدكتور يشرح لهم الدرس وما اهتم لقلة العدد ... بل شرح وكأن القاعه متروسه ... واهو يشرح تم يناقش زياد وكان زياد يرد عليه بكل طلاقه وتمكن وسلاسه اللي ابهرت نوره من طريقته بالكلام ..... وراح الدكتور وسأل نوره اللي مانتبهت للشرح وماعرفت تجاوب ... راح زياد وكتب لها الاجابه على ورقه وطلعها حق نوره وفعلا نوره قرت الجواب بسلاسه مما خلا الدكتور مستانس من قوة استيعابهم .... بأخر المحاضره .... كلفهم الدكتور في بريزنتيشن وطلب منهم ان اثنيناتهم يشتغلون عليه عشان درجته راح تضاف بدال درجة الميد تيرم لانهم احضروا وحافظوا على المحاضره ... طبعا نوره عارضت واشرحت له انها ماتبي تتشارك مع ولد بالبريزنتيشن .. اهني زياد ضحك .. بس فهمها الدكتور انها فرصه ماتنعوض عشان درجات الامتحان .... راح زياد والتف لها وقال : انتي من شنو خايفه ؟؟ اني اعضج مثلا ..؟؟؟ على فكرة انا واثق اني راح اجيب فيه علامه كامله وانتي كيفج بتضيعين الفرصه براحتج . بس نوره اهني انصدمت : لا مو عن جذي ... بس عاداتنا وتقاليدنا ماتسمح لهالشي . زياد تم يضحك : شقالولج بتزوجج يعني ولا شنو ... يبا اهني صرح جامعي واحنا طلبه وقاعدين ندرس.... احنا جايين ندرس ونبي ننجح وانا ماني مستعد اطوف هالفرصه هذي . اهني نوره تمنت الارض تنشق وتبلعها .... زياد انتبه انه احرجها : شوفي يابنت الناس .. انا اسف على هالكلام بس انتي تجبريني أقول جذي ... اذا تبينا نسوي البريزنتيشن مع بعض وبدون ماتشوفين رقعة وجهي انا مستعد وعندي طريقه . نوره بأرتباك : شلون ؟ زياد : اعطيج ايميلي وتضيفيني ونتراسل عشان نتابع مع بعض .. ها موافقه ؟ نوره نزلت راسها بحياء مو طبيعي مما زاد زياد اعجابا فيها .... طلع ورقة وقلم وكتب ايميله ومد ايده بس اهي طبعا ما قدرت تمد ايدها ... زياد : اخذيه ترا مو رقم طاحت ايدي اخذيه . ابتسمت نوره واخذته .... واطلعت بسرعه .. وقلبها يدق من الموقف اللي صار لها .. راحت ابسرعه ودقت على شهد واهي ترجف : هلا شهد وينج بسرعه . شهد : اسم الله عليج اشفيج انا كاني جايتج خلج عند القاعه . راحت لها شهد ... وشافت وجهها اصفر ... وخافت على نوره : اشفييييييج نوره شصاير ؟.؟. نوره : يمه شهد عطاني ايميله . شهد واهي مستغربه : منو هذا .. تكلمي عربي؟ نوره : زياااااااااد .... شهد واهي مو مستوعبه : قصدج زياد الهامور .. يلعن يومج شسويتي له ( الهامور لقب يطلع على من لديه ثروة ) . نوره : وجع انشالله ماتستحييييين . الدكتور كلفنا انا وياه نشترك في بريزنتيشن ... وانا طبعا رفضت اشوفه .. فعطاني ايميله . عشان نتابع مع بعض . شهد : صج انج غبيه وخايسه ...في احد يرفض زيااااااااااااااااااااااااااااااااااااااااد ... ماتشوفين البنات يتحاذفون عليه من كل صووووووووب ... عيزت وانا افهم فيج ماينفع ... بتمين طول عمرج فقريه ومو شايفه خير . نوره اهني بطت جبدها وراحت كفختها بكتابها وقالت لها : الشرهه مو عليج ... الشرهه علي انا اللي قلت لج يالمشفوحه . قامت نوره عنهاااا وراحت اتصلت على اختها ضحى عشان تروح وترد البيت . أنتهى ياترى شنو اللي راح يصير بين زياد ونوره ؟؟ وهدى هل راح تكشف سر فارس ؟؟؟ وموضوع نواف هل هو مدخل لقلب لولوة .؟.؟ |
الجزء التاسع
لا تحسبني صرت لانسان ثاني القلب يا أغلى الناس والروح وياك شفت القدر وشلون بيدك رماني!! وخلاني أكتب في الغزل شعر يزهاك ترى الغلا دايم مكانه مكاني واحلف انا باللي خلقني وسواك مكانتك في القلب وسط المحاني ومحد في هذا الكون والله يسواك (( للمبدع صــالح الجابر )) في اليوم التالي .... الساعة 10 الصبح ... كانت لولوة بغرفتها تنتظر على أحر من الجمر اتصال نواف ... كانت حدها على اعصابها .... كانت تبي تدق عليه بس مستحيه ومنحرجه يمكن يكون مشغول مع مرضاه فما حبت تزعجه ,,,.... تبي المبادرة تكون من صوبه . بهذي اللحظة كان نواف مرهق من الشغل .... وكان عنده آخر مريض يشخصه .... انتهى من تشخيصه .... نزع الرداء الابيض الخاص بالدكاتره وحطه على كتفه ... ومسح على شعره وعدل نظارته واخذ موبايله ,,, وطلع يتمشى لسيارته ... وصل لسيارته وأدار المحرك ... وطبعا شغل أغنية بين ايديا ... وقعد يغني ويندمج مع لحنها ... وطى على صوت الاغنيه ومسك موبايلة واتصل على لولوة .... شافت لولوه الرقم وابتسمت وردت على طول : ألووو هلا دكتور نواف . نواف واهو يضحك : هلا استاذة لولوه ... بس مانبي القاب وتم يضحك ,,, شلونج وشخبارج ؟ وشلون خالتي ؟ لولوه : بخير الحمدلله ,,, وامي تسلم عليك والله تذكرك بالخير . نواف : الله يسلمها من كل شر ... والله انها دشت قلبي ... عسالله يطول لنا. لولوه واهي تبتسم : الله يسلمك ياولد العم .... اممممممم نواف انت قلت لي انك تبي تكلمني بموضوع ..؟ خير فيه شي ؟ نواف وهو توه واصل البيت .: لولوه شوفي انا وصلت البيت بنزل اتغدا وعقبه ادق لج ... اوكي يلا باي . سكرت لولوه بخيبة امل وكان ضغطها مرتفع ... يعني صراحه ما الومها ... لما تنتظر شغله مهمه وشاغله بالك وفجأة تتأجل شي يبط الجبد ... والله يعين لولوه .. سلمت امرها لله وقررت انها تنتظر نواف . مرت نص ساعه ولولوة مازالت تنتظر .... واخيرا رن موبايلها .. وردت بلهفه : هلا نواف . نواف ضحك على طريقة ردها : هلا فيج ... الظاهر مستعجله عشان الموضوع صح ؟؟ لولوة بأبتسامه : بصراحه ايه . لان هالموضوع اشغلني . نواف بجدية : طيب ما ابي اتعب تفكيرج اكثر ... لولوه ممكن اعرف شنو صار بالضبط بينج وبين منى ؟؟ لولوة : خلاص اهي سالفه وصارت .. والله يسامحهم . نواف وهو مصر انه يعرف السالفه : لولوه واللي يعافيج انا يهمني اعرف شنو صاير .... لان اللي صار بينج وبين منى شي موطبيعي ... ابي اعرف شنو الكلام اللي قالت لج . لولوة واهي متردده تقول له ولا لا : يانواف خلاص ماصااااار شي ... ليش تذكرني باللي صار ... خلاااااص عااااد . نوااف : لولوه ليش ماتسمعين الكلام ... لازم اعرف انتي فاهمه . لولوه واهي طلعت عن طورها وقالت بعصبيه : يهمك تعرف ... يهمك تعرف شنو قالت لي اختي اللي من لحمي ودمي ... وتتكلم بشرفي اللي هي نفسها شرفي ... عمرك شفت اخت تتكلم بشرف اختهااااااااااا . نواف قاطعها بعصبيه : تخسي الا هي ... انتي شرفي يالولوه ... شقالت لج قولي تكلمي ؟؟ لولوه واهي انهارت وقعدت تصيح : قالت لي اني انا احاول فيييييييييك ... واني اتلزق فيك ... وحتى امي دخلتها بالسالفه ... وقالت بصوت متقطع من كثرة البكى : يانواف والله ان نيتي صافيه من صوبك وصوبها ... والله اني مانويت فيك ولا حاولت اتلزق فيك ... وحتى منى احبها ولانويت لها نية الشر لانها اختي مني وفيني ... وانا ادري انك لها وهي لك من يوم كنتوا صغار ... فاليش اخرب بينكم .... انا ماجيت اخرب بينكم يانواف .... انا جيت ابي اتعرف على خواني واهلي ... لان مالي احد غيركم .... بس ماصار اللي ابيه .... لا منى ولا مي ولا عبد المحسن ولا عبودي الصغير ... ما احد يبيني .. حتى أخوي احمد اللي كنت اظنه متقبلني ويحبني كأخت ... طلع مايبيني .... لو صج يبيني جان نزل لي ولا يتهرب من وجودي ... انا ما احد يبيني ... ما احد ... وتمت تصيح . نواف اهني مذهول وانصدم ... شلون منى تجرأت وتقول هالكلام .... وشلون تفكر اني لها وهي لي ؟؟؟؟؟ قرر انه مايرد على كلام لولوه ... لان لولوه ماراح تسمع كلامه الحين ... لما تهدي شوي راح يرد يكلمها ... استأذن وسكر التلفون .. لولوه ارتمت على السرير وتمت تصييييح ... بهاللحظة افقدتها ضحى وقررت تشوف وين لولوه .... اصعدت لها بغرفتها وشافت لولوه تبكي على السرير .. بسرعه راحت لها ضحى وامسحت على شعرها : لولوه اشفييييييج ... شصاير .؟ لولوه ماستجابت حق ضحى ... اما ضحى مسكينه خافت على بنت عمتها : لولوه خوفتيني اشفيييييج ... تكلمي ؟ لولوه هدت شوي وقالت بصوت متقطع : عمر الشي اللي ابيه يا ضحى مايصير والله مايصير ,,, هذا حظي دايم جذي . ضحى مافهمتها : شقاعده تخربطين .. قولي يمكن اقدر اساعدج .؟ لولوه امسحت دموعها بيدينها الناعمه : ولا شي يا ضحى ... كنت متضايقه وبكيت . ضحى : الحين تارسه الغرفه بحر من الدموع وتقولين كنت متضايقه ... و تبيني اصدق بعد ؟ لولوه : خلاااااص واللي يعافيج خلاص فكيني . ضحى واهي تقوم : قومي زين وغسلي وجهج ... لاتشوفج عمتي وتقعد تحاتيج .... ترا كلنا قاعدين تحت نزلي بسرعه اوكي حبيبتي . لولوه : انشالله . راحت لولوه وغسلت وجهها وبدلت ملابسها واكتفت في انها تلبس تنورة طولها يوصل لنص الساق ولونها زيتي ,,, وبلوزه لونها اصفر فاتح ,,,,, وبطلت شعرها ... وحطت لها غلوس ومسكره .... كان شكلها قمه في الجمال والنعومه .. وانزلت تحت تقعد مع اهلها وكأن ماصار شي . *** نزلت منى من الدرج شوي شوي واهي تمسك ايدها اللي صاير لونها ازرق من الطق اللي اكلته من ابوها .... وما لقت احد في البيت .... بس شافت اختها مي قاعده على التلفزيون .... مي واهي تلتفت لها : اهلييييين ... ها شلونج الحين احسن ؟ منى بنفسيه : شتشوفين يعني ... الحمدلله هذا انا امشي واتحرك ... ماني مكسره . مي واهي تبتسم بسخرية : أي واضح ... جسمج ماشالله الوااااااان من العقال ... اقول شنو شعورج بعد الطق .؟؟؟؟ منى واهي خلاص واصله : احترمي نفسج واسكتي لان مالي خلقج .... ااااااااااااااااااااه يا ايدي .... كل هذا عشان الخايسه لولوه والله واللي خلقني لا اوريها . مي : انتي للحين مو تايبه خلاص عاد ... ماصارت ... مو كافي فشلتي نفسج جدام نواف . منى بحقد : عشان جذيييييه ..... والله لا اخليه يكرهها . مي واهي تقلب بالتلفزيون : ياحظي شنو تبين تسوووووووووووين ..... بعد تبين تنطقيييين ؟ منى واهي تدق بموبايلها شوفي شنو بسوي .... اتصلت منى على رفيجتها ساره اللي كانت معاها من ايام الثانوية .: هلا ساره شخبارج حبيبتي . ساره من الطرف الثاني : هلا منى .... وينج يالقاطعه ماتتصلين ولاتدقين ... ِشدعوا كبر راسج علينا ؟؟؟ نسيتي ايام قبل .؟ منى واهي تضحك : والله لاهيه بهالدنيا ... الا انتي شخبارج وشخبار الشله ؟. ساره : والله تمام كلنا بخييييييييير . ونسئل عنج ... قلنا شفيها انقطعت . منى : أي مو قلنا لج لاهيه ,,,,, والله ساره مافضيييييت ... تدرين ولد عمي رجع من السفر . ساره: أي هذا الدكتووور ... اللي ذبحتينا عليه ... ها بشري تزوجتيه .؟ منى : انشالله ماباقي الا شويه وامتلكه ... بس طلعت لي عثرة بالدرب ولازم ازيلها من دربي . ساره : اهااااااا فهمت ... متصله علي عشاااااان هالشي هذا صح ,,,,,, الظاهر بنرد على ايام قبل . منى : اللي يعجبني فيج انج تفهمينها واهي طايره .... الا شخبار سلمان ؟؟ ساره : تمام ... للحين مع بعض ... بس اللي ذبحنا عليج فواز ...... علقتي الرجال وبعدين نحشتي مايصير جذي . منى : ياحبيبتي انا اطمح للأعلى وللأحسن ... فواز كان تقضية وقت لا اكثر ولا اقل ... يوم رجع الدكتور خلاص شبي فييييه .... المهم ماعلينا خل يولي هذا مو موضوعنا .... ابي خدمه من سلمااااااان ؟ ساره : شتبين فيه ... ولاتنسين ان سلمان مايرضى على صديق عمره فواااااز وخصوصا بعد ماتركتيه . منى : اوهوووووووووو ساره خلاص عاد فواز مابيه غصب ... قلت لج تقضية وقت لا اكثر ولا اقل ... واهو اكيد راح يفهم هالشي ... هو الحب بالعافيه ... بلييييز ركزي معاااااي . ساره : أي قولي شتبين منه .؟؟ منى : ابي منه خدمة بسييييطة ... جداا جداا ساره : لا حبيبتي ماراح تكلمين حبيبي ... عشان تاخذينه .... انتي خوانه ... يكفي خذيتي فواز من ابتهال . لا حبيبتي ماراح اخليج تكلمينه . منى : وووووويع قطيعه شبي فيه عاد من زينه اجلح املح ... ماعلينا الحين انزين انتي تسوينها ؟؟ ساره : اوكي ماعندي مشكله ... بس تدرين خدماتي مو ببلاش . منى : أي اعرفج طول عمرج جذي ... ماعليه لج اللي تبين ... ابيج تدقين على رقم ولد عمي وتقولين له ان لولوه تكلم وااااااااااحد يحبها وتحبه .... ولاتخرب عليهم . ساره : اوف اوف اوف ... والله انج مو سهله ... بس اخاف ولد عمج مايصدق .... ويبي دليل ؟ منى : حبيبتي الدليل موجود ,,, تسجلييييييين فواز وهو يتكلم عني بس ماتخلينه يقول اسمي ... يعني تسألين فواز عني وهو راح يتكلم وسجليه وسمعي التسجييييل نواف . ساره : ياعيني علييييج صج راعية شر ... والله هالخدمه مو سهله والمبلغ راح يكون كبير . منى : لج اللي تبين وتطلبييييين . نفذي اول شي عشان اتأكد انج ماخونتي ... وبعدين استلمي المبلغ اللي تطلبين. ساره : شوفي انا راح اتصل عليج بالليل وراح تعطيني التفاصيل اوكي . منى : اوكي حبيبتي ... يلا بااااااااي اهنيه مي انصدمت وبطلت حلجها من شدة الصدمه ... وراحت لاختها : انتي من صجج ... تبين تنذبحييييييين ؟؟ تبين حياتج تنتهي .؟؟ اللي تسوينه ترا مو هين ... مهما كان هذي اختنا والمفروض مانضرها بهالشكل هذا ... شرفها من شرفنا . منى واهي معصبه : لاتقولين اختنا ... هذي مو اخت .. هذي عدوة ... خذت نواف وبتاخذ احمد ومعاه ابوووووووي ... من متى ابوي يمد ايده علي .... ها ... اقسم بالله اني لا اسود عيشتها بيدي ... هين بس والله لا اخليها تندم . مي : ليش صرتي جذي يامنى ... لهدرجه هذي بتضرين وحده بريئة ومننا وفينا بعد ..... ترا انا مو معاج .. ولا راضيه عن هالشي . ولا منى تمسك كتف اختها بقوه : اقسم بالله يا مي ان تكلمتي وبطلتي حلجج لا ادمرج معاها فاهمه ؟ مي واهي تطالعها بقرف : انا قلت لج انا مو معاج ... ولا مع غيرج .... وسوي اللي تبينه ... ومالي شغل فيج ,,, ذنبها برقبتج ... يلا وخري عني . راحت مي واصعدت فوووووووق وصادفت احمد وهو نازل سألها : اشفيج مي فيج شي ؟ مي واهي تصعد و بدون ماتطالعه : لا مافيني شي . احمد تعود على تجاهل خواته له ونزل تحت وشاف منى مستانسه وتغني ... حب يتقرب منها : اشوفج مستانسه .. ونسينا معاج . منى واهي ماتطالع احمد : ابد ماكو شي ... حرام استانس بعد ؟ احمد انتبه لأيدها : علامها ايدج ؟؟ من مكفخج ؟ منى : ماحد كفخني ... هذي رضه لاني طحت . احمد وهو مستهزأ : أي ماشالله خوش رضه لانها مطلعة لون جسمج عدل . اهني منى تنرفزت وقالت بعصبيه : لا والله وتطنز بعد ... ماتشوف شكلك انت الحين .... حدك مقرف ... اصلا تلوع جبدي لما اطالعك . اهني احمد انجرح وراح عطاها كف قوي وقال بعصبيه ": مره ثانيه كلميني باحترام ياخايسه ... مع اني ادري لو تعرفين الاحترام جان تكلمتي عدل . راحت ودزته ... وانحاشت لغرفتها ... اهني احمد ضاق صدره .... وادمعت عينه ....... وكره نفسه بزياده .... لان من صار له الحادث خواته واخوانه يتجنبونه .... حتى اخوه الصغير عبودي بدا يخاف منه وماقام يلاعبه نفس قبل ....... طلع وتوجه لسيارته .. صادف سيارة نواف ... وراح له : هلا نواااااف . نواف واهو ينزل من السياره : هلا بأحمد ,,,, زين حصلتك ... كنت ابيك بس اشوا صدتك قبل لا تطلع . ضحك احمد : خير انشالله امرني . نواف : الحين تسمح لي اعزمك على كوفي . أحمد وكان محتاج انه يغير جو : مادام على حسابك مايخالف ابشر . وركب احمد بسيارة نواااف وتوجهوا لكوفي قريب من منطقتهم . أحمد : ها يادكتور نواف امرني .؟ نواف واهو يشرب الهوت جوكلت : شوف يا الضابط .... انت من طلعت وما اشوفك اتصلت على اختك لولوه ,,,, وانا اللي بلغتها انك طلعت . احمد : هذا انت قلتها بلغتها بس ما اتصلت علي ولا زارتني ... مع اني متوقع انها اول الناس اللي تزورني . نواف : ومن قال انها ما زارتك ... هي جتك في البيت واتصلت عليك وشافت جهازك مغلق بعد . احمد : بس ما احد قال لي انها زارتني ؟ نواف : امبلا زارتك ,,,, بس ماشافت نفسها مرحب فيها وخصوصا من منى .,, قررت انها ترد البيت . احمد وهو يهز راسه وكأنه عرف باللي صار : لا حول ولا قوة الا بالله ..... لازم اروح لها ... بس ما ادل بيتهم . نواف : افا عليك انا ادليك واوديك بعد . احمد : لالا بس عطني العنوان انا ابي اروح لها بروحي وانت شكو تروح . ضحك نواف بصوت عالي ... وكان صوت ضحكته ملفته للنظر ... الكل طالعهم . احمد وهو يضحك : اسكت يامعود فشلتنا ... يلا عطني العنوان بروح لها الحين وابخليها مفاجأه . نواف : اوكي وهذا هو العنوااااااااان .؟؟؟ دفع نواف الحساب ومشى هو واحمد وكانت اشكالهم حيل ملفته نظرا لوسامتهم .. وكان في بنتين قاعديين وتموا يطالعون نواف واحمد ويبتسمون .. لكن لاحياة لمن تنادي ... وصل نواف احمد لسيارته واستأذنوا من بعض وكل واحد راح في دربه . *** هدى كانت ترتب اغراضها واغراض فارس وتحطهم في الجنطه لان فارس طلب منها هالشي ... عشان يرجعون لبيتهم .. وصل فارس للجناح .... وشاف هدى ترتب الاغراض وتحطهم .. انتبهت هدى لوجوده ... وقررت انها تكلمه وتكسر الصمت : فارس ممكن اتكلم معاك لو سمحت ؟ فارس وهو واقف وشكله بيطلع مره ثانيه : خير ... شبغيتي ؟ هدى وهي مبينه انها جديه : ممكن تقعد واخذ من وقتك دقايق ... لان ماعرف اتكلم وانت واقف ؟ فارس وهو يستجيب لطلبها وقعد.... هدى واهي تتكلم وواقفه قباله : فارس ,,,,, انا لاحظت انك مو متقبلني .... ولاتحسسنا اننا متزوجين ... ماتقعد معاي ولاتسولف معاي ... كل شي اتضح لي من الليلة الاولى .... فارس انا ماجبرك على نفسي ... بس على الاقل لما نرد اليوم البيت ما ابيهم يدرون بشي ... ولا يحسون بشي ... وخل الوضع عادي جدامهم ... على الاقل خلنا زوجين جدامهم لما ربك يفرجها وحزتها كل واحد بيروح بدربه ... لان مابي اكدر فرحة امي وخالتي فينا . ها موافق على كلامي ؟ فارس انحرج وحس ان هدى معاها حق ... وبنفس الوقت حس ان هدى مجروحه ... طالع هدى بعيونه : ابشري ماطلبتي شي .... اللي تبينه يصير . هدى ارتبكت من نظراته بس جاوبت : اللي ابيه اتمناه يكون غير ... بس هذا اللي بيصير ... تسمح لي اكمل شغلي وانا بعد ساعه اكون جاهزه . طلع فاااااااارس وحس انه متضايق ,,, طلع له زقاره ودخن مع انه مو من عادته التدخين لكن اضطر عشان ينسي نفسه من الهم اللي فيييييه ... اما عن هدى تمت تبكي بهدوووووووء ... ياااااه ماكانت متوقعه ان حياتها الجديده بتكون كذبه وتمثلية وانها راح تكون مسألة وقت ,,,,,, ياربييييه ليش حبيته ليش ... ليش مايحبني .... اكيد يحب غيري وعنده حبيبه وانا اخذته منهاااا .... ااااااه ياقلبي . خلصت من ترتيب اغراضها ومر عليها فارس ولقاها هاااااااديه وساكته .... ولابسه عبايتها وتنتظره ..... تقدم منها فارس وسألها : جهزتي نفسج ؟؟ يلا نمشي ؟ تقدمت هدى بدون ماتكلمه ومشت جدامه وهو مشى في وراها ...... ماكانت تبي تبين لفارس ضعفها .,.. بس دمعتها خااااااااااانتها ماقدرت تتحكم فيها ... وصلوا للسياره ..... وكان الهدوووووء مخيف بينهم ..... تمت تطالع الشوارع بصمت ..... التفت فارس عليها وشافها .. كمل طريقه .... وصلوا للبيييت ... ماكان احد يدري انهم اليوم بيرجعون ... نزلوا مع بعض ... وتمت هدى تطالع البيييت والحديقه ... طلب من الخدم انهم ينزلون الجناط ويصعدونهم لشقتهم اللي فوق ... كانت امه قاعده بروحها ... قرب منها بشويش ... وشافته امه وبسرعه استانست ولمت ولدها : الف مبرررررررووووووك يمه الف مبروك .. شخبارك بخير . فارس وهو يبوس راس امه : الله يبارك فيج يايمه .. انا بخير . ام فارس وهي تدز ولدها فارس : وين بنتي وينها . هدى واهي تبتسم : هلا خاااااااالتي ... واحضنوا بعض ... شلونج خالتي شخبارج ؟ ام فارس : يابعد عمري ياهدى دامكم بخير انا بخير ... مبروك يايمه ... ها لايكون ولدي زعلج . هدى واهي تطالع فارس بنظرات حب : بالعكس فارس ماقصر عني بشي ... الله يخليه لي . اهني فارس نزل راسه وقرر انه يطلع لشقتهم ويرتاح ... امه نادته وطلبت منه انه ياخذ هدى معاه ويرتاحون مع بعض ... اهنيه توهق ولازم يمثل جدام امه ... وقال بصوت آسر : يلا حبيبتي خل نصعد نرتااااااح . اهني هدى قلبها بدا ينبض من جديد ... حبيبتي ياحلوها بلسانه ... بس ياليتها صج مو كذب ... ومسك ايدها ولا ودها تفارق ايده .. حست براحه كبيره لما المست ايده .... ياااااااه لو قدرت تملك قلبه .... واصعدوا فوق وشافت شقتها اللي كانت فخمة بشكل كبير نسبة للأثاث .... والاكسسوارات .... فارس بصوت هادي : الحين انتي في بيتج ... اخذي راحتج فيه .. هدى : مو بس بيتي .. هذا بيتك انت بعد . فارس : طيب انا بروح اخذ لي شاور وبعدها بنام . هدى : ماتبي تاكل لك شي ؟ فارس : لا ماني مشتهي .... بس ابي انام . استسلمت هدى للواقع ... وردت لتجاهل فارس ... الحياة راح تكون جدامها صعبه ... وتتطلب انها تدوس على نفسها وتتحمل الالم عشان فرحة اهلها .... طلعت الجناط وبدت ترتب ملابسهم ....... نزلت تحت عند خالتها .... عشان توسع صدرها من الهموم اللي فيها .... بس مالقت خالتها ... لانها راحت تاخذ لها قيلولة .... بدت تتمشي بهالبيت الكبيييييير ... وتتعرف على زواياااااه ... حست نفسها جوعانه وتوجهت للمطبخ واطلبت من الطباخ يسوي لها اكله خفيفه ..... اشتاقت لامها ولاهلها .... راحت واتصلت على بيتهم : الووووو السلام عليكم ... شلونج بدور حبيبتي شخبارج ؟ بدور واهي تصيح باسم هدى : هلااااااااااااااااااا ياقلبي هلااااااااااا بالعروسه واحلا عروسه بعد ... شخبارج شمسويه .؟ هدى : والله بخيييييييير الحمدلله .. شلونج وشلون بدر و هند وبناتها وشلون امي وينها الغاليه ؟ بدور : كلنا تمام وفاقدينج هدى ... مكانج خاااااالي صراحه ... امي نايمه بس انا قاعده ... شلون فارس معااااج يا عصافير الحب ههههههه . هدى واهي ماتدري شتقول : الحمدلله زين .. وكلنا زينيين ... خلاص بدور حبيبتي انا احاول امركم بعد المغرب اوكي... سلمي عليهم كلهم .... يلا سلام . بدور : انشالله ياقلبي ... انتبهي على نفسج ... فمان الله . *** كانت نورة قاعده بغرفتها ومقابله اللابتوب وتكلم نفسها : ياربي اضيفه ولا ماضيفه ؟؟؟!! وبعدين ليش ما اضيفه ... لازم اضيفه ... عشان البريزنتيشن اللي كلفنا فيه الدكتور ... واللي درجاته تعادل الامتحان بكبره ... وانا بحاجة للدرجة الكامله وانا ضامنتها معاه لانه ماشالله عليه خريج المدرسه الانجليزيه العالميه ... وعندة فائض من اللغة واساسياتها احسن مني .... يبا بتكل على الله وبضيفه واحادثه على طووول بالبريزنتيشن . دشت عليها ضحى وشافتها تكلم نفسها .... ضحى بدفاشه : هيه هيه شفيج تكلمين اللابتوب,.. انهبلتي .؟ طبعا نوره اهني فزت من مكانها وقالت بصوت عالي : وجع انشالله ..... اشفيج دفشه جذي .... خرعتيني والله . ضحى واهي تضحك : انتي اللي خرعتيني ... مقابله اللابتوب وتسولفين .. قلت اختي خلاااااااص عقلها باي باي . نوره وهي مرتبكه شوي : لا ابي ابلش بالبريزنتيشن اللي كلفني فيه الدكتوووور ... وقاعده احط اساسيات وخطط عشان ابدي فيه . ضحى واهي واقفه على راس نوره : اوكي ماعلينا ... نوره ابي بلوزتج الورديه ... بروح مع امي وعمتي بيزورون بنت جيرانا منال توها راده من رحلة علاج . نوره : ولولوه بتروح معاكم ؟ ضحى : والله مادري عنها كيفهاااااا . طلعت لها البلوزة وراحت عنها ضحى ... وقررت واخيرا تضيفه بدون خوف ولا توتر ..... دشت على الماسنجر ,,,, واكتبت ايميل زياد وسوت له ادد وتنتظر قبوله للاضافة ... انتظرت نص ساعه تقريبا وفجأة شبك زياد . تم تسجيل دخول OnlY GoD CaN JuDgE Me (( OnlY GoD CaN JuDgE Me )) مساء الخير .... عفوا اختي منو معاي ؟ __ <اتق شر من أحسنت إليه> __ مساء النور ... معاك نوره اللي كلفنا الدكتور بالبريزنتيشن . (( OnlY GoD CaN JuDgE Me )) هلا نوره ... عرفتج بدون ماتقولين لاني قلبي قال لي انج نوره .. شلونج انشالله بخير ... تو مانور الماسنجر __ <اتق شر من أحسنت إليه> __ انا بخير ... وبعدين شنو قلبك قالك ؟؟؟ اخوي عيب وماله داعي هالكلام ... الحين خلنا نبدي في الجد لو سمحت ... بخصوص البريزنتيشن ؟ شلون نبدي فيه .. وشنو المطلوب مني .. لان ماعرف ولا شي . (( OnlY GoD CaN JuDgE Me )) انتي هني وهناك كله نفسيه .... شفيج شوي شوي ... ترا اذا ماكلمتيني عدل ... ماراح افيدج... خلينا اصدقااااااء وزملاء ... وبعدين هذا نت لو اقولج حبيبتي عادي . __ <اتق شر من أحسنت إليه> __ شنو شنو؟؟؟ شنو حبيبتك وعادي .,, حبك برص انشالله ... صج انك قليل ادب ... نت ولا مو نت هذي انا ما اتغير انت فاهمني . (( OnlY GoD CaN JuDgE Me )) وليييييييييه ... انتي وين الله حطج بدربي ... ا لله يعيني عليج .. وعلى نفسيتج ... المهم اعصابج ... شوي شوي ... المهم خل نتكلم بالجد ... انا بصراحه اخترت الموضوع و سويت مخطط وابي اخذ رايج فييه وتشوفينه .. طبعا بالنت no way تشوفينه ... فعشان جذيه باجر الصبح اشوفج و اوريج اياه . __ <اتق شر من أحسنت إليه> __ شنو تشوفني ... شقصدك يعني ... خلاص حط المخطط وانا اشوفه وارد لك خبر. (( OnlY GoD CaN JuDgE Me )) انتي شفيج ؟؟؟ مو صاحيه ...؟ باكلج يعني ... يبه مابي منج شي ... بيني وبينج مية طاوله وكرسي .... شلون بالله اوريج المخطط ... كله بالانجلش وماراح تفهمين له . __ <اتق شر من أحسنت إليه> __ اممممممممم .... اوكي بس بشرط ؟ (( OnlY GoD CaN JuDgE Me )) لاحول ولاقوة الا بالله ... امري شنو الشرط ؟ __ <اتق شر من أحسنت إليه> __ المكان راح يكون بنفس القاعه ... والساعه 7 ونص . اوكي (( OnlY GoD CaN JuDgE Me )) @@ شنو 7 ونص حرام عليج ... حيل مبجر ... حتى العمادة ماداومت ... وبعدين ابي اتريق شلون يعني ماتريق في البيت ؟ __ <اتق شر من أحسنت إليه> __ زياد ماعليه ... مو لازم تتريق ... الكافتيريا مبطله ... وبعدين خل نخلص شغلنا الله لايهينك .... خلاص اتفقنا . (( OnlY GoD CaN JuDgE Me )) ممكن اسألج سؤال ؟؟؟؟ انتي خايفه احد يشوفج معاي ؟؟؟؟؟؟ __ <اتق شر من أحسنت إليه> __ ها ؟؟ لا شكو مالي شغل احنا مو بروحنا راح نكون ... فيه طلبه اكيد والدكتور موجود. (( OnlY GoD CaN JuDgE Me )) اوكي نوره ... انا اصلا فاهم ... وعارف شنو تفكرين فيه ... ماعليه على راحتج ,,, والله يعيني على قعدة الصبح . __ <اتق شر من أحسنت إليه> __ على خير انشالله ... استأذن ... فمان الله (( OnlY GoD CaN JuDgE Me )) حياج الله يانوره ... باجر اشوفج انشالله تم تسجيل خروج __ <اتق شر من أحسنت إليه> __ .... تم زياد يطالع ايميلها ... لدرجه ماسكر المحادثه لما طلعت .... قعد يقراها من جديد .... هالانسانه هذي ... حركت شي بداخله ... مو نفس البنات اللي يمرون عليييه ... ولا نفس البنات اللي كان له علاقه فيهم قبل لا تدخل نوره بحياته .,,,,, شافها بس مره وغير نظرته لكل البنات ..... لانها انسانه نظيفه وبسيطه وشريفه ولا تتصنع.... ابتسم .... وقعد يحضر حق بااااااجر . أما نوره من سكرت المحادثه واللابتوب بكبره ..... اقعدت تفكر ... تحس انها حيييييل تجرأت ... ومن يلومها ... اول مره بحياتها يصير جذي ... كانت بداخلها مستانسه ومرتاحه ... بس بنفس الوقت تحس بضيييييقه مو طبيعيه .... بس فكرت زين ... ليش اتضايق ... انا ماسويت شي يخليني اتضايق ,,,,, الدكتور نفسه اجبرني اني اسوي بريزنتيشن معاه ونصير قروب .. وفرصه بعد اني ارفع من معدلي ... يالله يارب انك تسهل الامور وتعديها على خير .... خل اروح اكلم بدور واقولها عن اللي صااار واخذ رايها .... بدال قعدتي جذي . راحت انزلت تحت واتصلت على بيت عمتها .... وردت عليها بدور : هلا بدور شلونج ؟ بدور : اهلييييييييييين نوره شخبارج عساج بخير .؟؟ نوره : والله تمام الله يسلمج .... باجر بتداومين الجامعه ؟ بدور : والله مادري احتمال لا ... لان بصراحه مالي خلق اداااااااوم .... اقول نوره انا اتصل عليج بالليل . نوره : ليش شعندج .؟؟ بدور واهي تضحك : بروح اقدم الحلو حق ولد خااااااالي خالد تدرين لازم نضيفه . نوره واهي تضحك : اهاااااا خالد بالسالفه .... عيل ماراح تتصلين علي خير شر .... شنو بيتعشى ..؟ بدور وخدودها حمر : فديته والله ... احتمال يقعد والظاهر ... شكله بيتعشى . نوره تبتسم : ياعيني على الحب ... الله يهنيكم انشالله وتجتمعون على خيييييير . بدور : اااااامين .... حبيبتي انتي يلا باي راحت ومشت في البيت ولقت البيييييت هدووووووء ... راحت لغرفة لولوة ولقت لولوة ترتب غرفتها ... وضحى معاها ترتب ... نوره واهي تخرع ضحى من وراها وبصوت عاااااالي : بووووووووووووووو ضحى : يمممممممممممه ... وجع زين . اما لولوه ونوره تموا يضحكوووووون على شكل ضحى ... وضحى معصبه : وجع انتي وياها زين ... مالت عليكم . نوره واهي تبوس اختها : ادري خرعتج حيل ... اسفه ... تعالي مو قلتي بتروحين مع امي وعمتي وجدتي ؟ لولوه اهني تدخلت : أي اصلا راحت بس طردتها جدتي هههههههههههههههههههه ضحى : لا ماطردتني بس قالت لي ماله داعي تروحين . نوره : أي والله حده ماله داعي .... بنات يعني احنا بروحنا الحين ؟ لولوه : ليش وين نوف ماشفتها من الصبح ؟ نوره : نوف فطيسه بس نوم هالبنت ... ياحلو جوها نوم في نوم خخخخخخ . ضحى : أي والله .. ماتشبع من النوم ... حتى نسيت ملامحها والسبه هالنووووووووووم . نوره : خلاص انا استأذنكم بروح اذاكر عندي كويز باجر ... يلا سي يوو . اما ضحى التفتت على لولوه وبدت تدردش معاها : اقول لولو ... شلون اخوج احمد ؟ طلع من المستشفى .؟ لولوه بكآبه : ايه طلع ... ولا شفته تصدقين . ضحى : ليش مادقيتي عليه ؟؟؟ وسألتي عنه .؟ لولوه : لو انا مهمه بالنسبه له ... جان اهو اللي دق علي وبلغني انه طلع . ضحى بأستغراب : ومن قالج انه طالع ؟ لولوه : نواف ولد عمي . ضحى واهي تصفر : احلى احلى الدكتووووور نونو هههههههههه لولوه بعصبيه : لايروح تفكيرج بعيد ... اصلا نواف بيتزوج منى ... واهما لبعض من يوم كانوا صغار . راحت بسرعه و طلعت من الغرفه وتوجهت للصالة توسع صدرها بالتلفزيون ... اما ضحى لحقتها : لولو شفيييييج مو قصدي اضايقج ... خلاص عاد اسفه ... ومره ثانيه ما اعيدها وعد مع اني ماذكر قلت شي غلط وزعلج ... ماعلينا ... الا قولي لي شرايج فيني ... مو حلوه لولوه : حسافه على هالكشخه هذي ومارحتي بس ماعليه . وتموا البنات يسولفون ويدردشون ..... اما ضحى تبرعت انها تسوي لهم اكله خفيفه ... وراحت للمطبخ وخذت معاها مسجلتها وبدت تحط اغاني نانسي عجرم وتطبخ واهي ترقص صج خبال ههههههههه ... ولولوه كانت تتابع التلفزيون . *** بهاللحظة هذي ... وصل أحمد لبيت لولوة بمساعدة نواف ... اللي وصله وراح لدوامه .... نزل احمد وهو لابس جينز وبلوزة كمها طويل ... مع وشاح عشان يغطي فيه رقبته ويخفي فيه آثار الحروق .... طق الجرس ... مره وحده بس ما احد استجاب ... رد و طق مره ثانيه .... طبعا ضحى معليه على المسجل فما سمعت ... اما لولوه انتبهت واسمعت ... وراحت توجهت للباب وشافت من العين السحريه ... ولا احمد اخوها واقف ... استانست وضحكت وعلى طول بطلت البااااااااب : هلا بخوي الغالي .. الف الف الحمدلله على سلامتك ... وعلى طول لمته واحضنته . أحمد واهو مستانس : الله يسلمج ياختي .. وينج لاتدقين علي ولاتتصلين ... هالدرجه هنت عليج . لولوه طالعته وادمعت عينها : عمرك ماتهون ياخوي ... والله اني جيت بس مالقيتك ,,,, تعال ادخل تفضل حياك . امسكت ايده ودخلته داخل البيت وبالصالة .... لولوه واهي مستانسه : والله مو مصدقه ... احمد اخوي حبيبي عندي احمد : لالا صدقي هذا انا تبيني اقرصج عشان تصدقين ههههههههههه . لولوه واهي تضحك : ههههههههه .... ها شنو تحب تشرب ؟ احمد : ابد والله مابي شي تو نواف عازمني على قهوه ... بس جااااااااي اسلم عليج واشوفج لاني اشتقتلج صراحه . لولوه حست بشعور غريب لما اسمعت اسم نواف : الله يسلمك ياخوي من كل شر ... على فكرة ترا هدية سلامتك عندي ولا فوق حاطتها ,,,, دقايق اجيبها لك . أحمد : لا حبيبتي مابي شي .... قعدي معاي .. مابيج تروحين ... بعدين عطينياها . لولوه بأصرار : لا مابي .... الحين انطرني ولاتتحرك اوكي . راحت لولوه فوق ومن الفرحه نست ان ضحى بالمطبخ وماقالت لها ان احمد اهني ... اما احمد تم في مكانه وهو مستانس ويحس ان صدره انشرح من دخل البيت وشاف اخته لولوه ... وحب يتعرف على امها بعد .... لولوه وصلت لغرفتها وقعدت تدور الهديه وماتدري وين حطتها مع الترتيب الجديد للغرفه وتمت تدور عليها . ضحى طبعا الحمدلله والشكر نست الفطاير بالمكرووييف .. وقاعده تغني واهي تقص خس وطماط ... فجأة ولا الدخان طالع من المكروييف والريحه تارسه المكان ,,,, احمد كان قاعد بالصاله وقاعد يشم ريحه دخان ... كأنه شي محترق ... خاف احمد والنار سببت له عقده ... على طول راح لمصدر الريحه ... ولا المكروويييييف صااااير اسود والدخان طالع اسود وضحى انتبهت للدخان واهي تقعد تصييييييح ... بس صراخها ماكان مسموع بوضوع لان المسجله كانت بالعالي ... وتمت تصييييييح .... حريقه حريقه .... اما احمد على طووول دش وشاف ضحى وبسرعه سحب ضحى برااااااااا ,,,, وبسرعه فتح المكروويف وطلع الفطاير وفصل التيار منه .... اما ضحى شافت واحد واقف معاها وحسبالها خالد .... ضحى واهيا تكح : خالد زين جيت بالوقت المناسب ولا تلقاني انا متفحمه . التف عليها أحمد وشافها ... أنصدم ,,,,, هذي اللي قبل سوى سيارتها وساعدها .. اما ضحى طالعت احمد شافت ان جسمها مو جسم خالد : امبيييييييييييييه انت مو خالد ,... اسفه اخوي وانحاشت على طوووووول . احمد بذهول : هذي اللي كنت افكر فيها ... وبأبتسامه ... طلعت قريبة لولوة ... ياااااه صج الدنيا صغيره . اما لولوه انزلت على طول وشافت الدخااااان والريحه ومالقت احمد ... خاااااااافت وراحت ركض تدوره وتصيح بأسمه ... اما احمد طلع لاخته : لاتخافين ماصار شي ... بس اكلكم احترق والفطاير كلها متفحمه . لولوه : ضحى وينها صار فيها شي . احمد واخيرا عرف اسمها : لالا مافيها شي انا طلعتها واهي راحت . لولوه بأرتياح : الحمدلله ... صج انها هبله ... في احد ينسى الفطاير بالمكروييف . أحمد وهو يضحك : ضحى شنو تصير لج ؟؟ لولوه : ضحى اختي وبنت خالي ... بس فيها طفاقه عجيبه غريبه ماقول الا الله يهديها . احمد وهو يقول بنفسه : ياحلوها والله ... مطفوقه بس حلوه . لولوه : ها احمد هذي الهديه وسامحني على القصور . أحمد : ليش اتعبين نفسج ... والله بس شوفتج عن مية هدية . لولوه : يابعد عمري يا احمد ...... اه لو بس امي اهني ودي انها تشوفك . احمد : كنت بسألج عن خالتي .... خاطري اسلم عليها صراحه . لولوه : امي طالعه مع جدتي ومرة خالي ... بس انشالله مره ثانيه تشوفها . احمد : خلاص عيل استأذن الحين ,,,,, وانشالله مره ثانيه امركم واسلم على خالتي . لولوه : اوكي ياخوي .. ماتشوف شر وانتبه لنفسك . أحمد : أي تبينه اتصلي علي انزين ... يلا فمان الله لولوه بأبتسامه : فمان الله . *** ضحى حزتها اصعدت لغرفتها ... وكانت حالتها حاله ... شافني يافشلتي ... شلون يشوفني جذي ووجهي اسود من الدخاااااااان ... فشيله ... اكيد عرفني ... نظراته تقول انه عرفني ... ياويلي والله اذبحها الخايسه ماقالت لي ان احمد موجووووووووووووود . اما لولوه اصعدت لها وتبي تطمن عليها .. اول مادشت لولوه وشافت كشة ضحى ووجها اسود مااتت ضحك عليها ... اما ضحى امسكت قلاص الماااااااي وكبته على لولوه واهي تقول بعصبية : ليش ماقلتي لي ياكبر فشلتي جدام اخووووج والله عيب اطلع جذي ... زين ماخرعته وقال عني جنيه . اما لولوه اللي تبللت من الماي وهي تضحك : اصلا من شافج انحاش برا ههههههههههههههههههههههه ضحى بجديه : صج لولوه انحاش يافشلتي لولوه :لأا لا اضحك ... بس انقذج لو ما انقذج جان رحتي وطي . ضحى واهي قاعده وماده بوزها : يكون بعلمج انقذني للمره الثانيه . لولوه بأستغراب : شلون مافهمت . ضحى : تذكرين الضابط اللي ساعدني وكلمتج عنه . لولوه بأنصات : ايييييه !! ضحى : طلع اخوج ...... والله مادريت الا يوم شفته بالمستشفى. لولوه : من صجج ... طالعي الدنيا شلون صغيره وليش ماقلتي لي ها. ضحى : مادري ارتبكت صراحه . لولوه واهي تطالع ضحى بنص عييين .... اما ضحى انتبهت حق نظرات لولوه وقالت بأنفعال : نعم خير ليش تطالعيني كـأني مسويه شي . لولوه واهي تبتسم : لا سلامتج ... بس شكلكم لايق لبعض ... يلا انا بروح انظف المطبخ قبل لاتجي امي وتشوف العفسه وتعفسنا . اهني ضحى ماتت من المستحى ... معقوله حبت احمد ؟؟؟؟؟؟؟ بس ماتدري هل يبادلها نفس الشعور ؟؟ ونواف ....... تأكد من احساسه انه يحب لولوه .... بس هل يصارحها ؟ نورة ؟؟؟؟؟؟ ومصيرها مع زياد ؟ هدى .... هل راح تستحمل في انها تكمل التمثليه مع فارس .؟.؟.؟ ومنى والاعيبهاا ؟؟؟؟ هل ممكن انها تضر اختها لولوه ؟؟ |
الجزء العاشر
ماكان عندي شي أغلى من الروح ولا كنت أحب أحدً كثر حب روحي! كنت أحسب إن الروح مابعدها روح ولافيه روحن حبها مثل روحي! وعرفت إن الروح ترخص لأجل روح روحً غلاها زاد عن حب روحي! *** صحت نورة من النوم وطالعت الساعة وكانت 6 ونص الصبح .... راحت وغسلت وتوضت وصلت الصبح ... وبعدها اختارت لها بلوزة سبورت لونها رمادي في وردي وتنورة جينز مع شيله رمادية فيها كريستال وردي .... ولبست عدسات رمادية وحطت لها مسكره وغلوس وردي طبيعي كان شكلها كيوت وبسيط ..... راحت لضحى بتقعدها ولقتها بسابع نومه ... نوره واهي تهز ضحى : ضحى قومي وديني الجامعه .. بسرعة تأخرت ؟ ضحى واهي تتلحف : وخري مابي .... بناااااااااام . نورة واهي تطالع ساعتها اللي صارت 7 وباقي نص ساعه على لقائها مع زياد .... على طول راحت تحت دور اخوها خالد ولقته يشرب قهوته وماسك كتبه .... نوره بتوسل : خلّووود عفييييييه ... ودني الجامعه ... عندي مقابلة بريزنتيشن . خالد واهو يشرب : نو ... يعني لأ نوره : واللي يعافيك خّلوود .. بليز مابي اتأخر على الموعد الله يخليك ... اذا مو عشاني عشان بعض الناس ( قالتها واهي تغمز ) . خالد وهو يسوي نفسه يفكر : اممممممممممممممم .... بما ان عشان بعض الناس ... يلا قومي خل اوديج . نورة : انزين خلوووود حبيبي خل بس اكل لي شي . خالد واهو يقوم : شنوووووو شوفي انا ناطرج بالسياره اذا ركبت وانتي ماركبتي ترا بروح . نوره طبعا خافت يسويها .. ومشت قبله مع انها يوعاااااانه حدها بس شتسووووووي ... ركبوا السيارة وحاطين على محطة اذاعة القرآن الكريم .... وطلع برنامج حده حلو كله مناقشات ومحاورات حول الانسان وعمله ... المهم ... نورة طالعت خالد اللي كان طول الدرب شكله هادي .. وحاولت انها تتقرب من اخوها خالد : اقول خالد متى راح تستقر .؟؟؟ خالد واهو يسوق : شقصدج يعني ؟؟ نورة : يعني متى راح نشوف عرسك ؟؟.؟؟ خالد واهو يبتسم لان طرا على باله بدور : انشالله قريب .... انا هالكورس بتخرج وبتوظف وبعدها اخلي امي تخطب لي . نورة : ليش ما تخطب الحييييين ؟؟ وعقب ماتخرج تتزوج ؟ خالد : نفس الشي يا حبيبتي يانورة . نورة واهي تبي تغيض اخوها : بس يمكن البنت تنخطب لغيرك ..... وتروح عليك ... تدري بدور حلوة وتهبل والكل يتمناها .... فلا تضيع هالفرصه . خالد واهو قاعد يفكر بكلام اخته اللي كان عقلاني ..... نورة بدت تزيد من لقافتها : أي عاد اقولك يا اخوي العزيز ... اخطب بدور قبل لاتروح لغيرك ... وانا من رايي تروح تخطبها اليوم ... ولاتأجل عمل اليوم إلى الغد . بدا خالد يفكر بجدية كلام نورة ,,,,, وعجبته الفكرة واقتنع ... صح ليش مايخطبها ويضمن ان بدور تكون من نصيبه ولاتروح لأحد غيره .. ابتسم وقال لها : انشالله بشووووف ... وبعدين يانورة شعندج مهتمه فيني اليوم ... كل هذا عشان وصلتج مبجر نورة واهي تضحك : هههههههههه لا يبا مو عشان جذي ... عشان ابي بدور تعيش معانا وفي بيت واحد خالد : اها قولي جذي ... عشان رفيجتج واخوج بالطقاق !!! نورة : لالا اخوي حبيبي وقلبي وعيوني ... عسالله يخليه لي ذخر انشالله . *** بنفس اللحظة ... كان زياد مضبط عمره .. وقرر انه يلبس اللبس الرسمي المتعارف عليه اللي اهو ( دشداشة وغترة ) زهب شغله والبروجكت اللي مخطط عليه .... نزل للطابق الأرضي ... مالقى أحد ... كالعادة أبوه دايم مسافر لانه رجل اعمال مهم في الديره ... وأمه للحين نايمه وأكيد بعد شوي بتطلع عندها اجتماع لانها سيدة مجتمع ولازم تتواجد بكل مكان ... مالقى الا اخوانه التوأم حمد ومحمد يتفطرون قبل لايروحون المدرسة ... ابتسم وصبحهم بالخير ... وطلع بسرعه للباركينق لبس نظارته ماركة فيرزاتشي وشغل محرك سيارتة الفارهه ... قبل لايوصل الجامعه قرر انه يمر ستاربكس واخذ معاه قهوة ( موكا ) وطلب اثنينه .. طبعا الثاني حق نورة ... وصل للجامعه على قبل الموعد بعشر دقايق ... وشاف الجامعة تقريبا فاضيه ومافيها احد الا عمال النظافة ... والباركينق مافيه الا 3 سيارات بس ... نزل معاه القهوه والمخطط وبدا يتمشى للقاعه اللي هو المكان المتفق عليه .. دش القاعه وحط القهوه والمخطط على طاولة الدكتور وسحب كرسي وعدل نسفته واخذ قهوته وتم ينتظر وصول نورة . صادف ازدحام عند الطريق المباشر المؤدي للجامعه ... راحت على طول وشافت ساعتها اللي كانت متأخره 10 دقايق ... نوره واهي تطالع الازدحام : خالد بليز شوف لنا غير هالدرب ... حدي متأخره .؟ خالد وهو يحاول يتجاوز السياره اللي قدامه : يعني ماتشوفين الازدحام انا شسوي بكيفي . واهي كل خمس دقايق تطالع الساعه .... بس الحمدلله الدرب مشى ... واخيرا وصل لكلية اخته ... نزلت على طول ومشت بسرعه عشان ما تتأخر ... بروحها متأخره ربع ساعه ... شافت السكويرات ولقت ماكو احد .,, وأروقة الجامعه تقريبا خالية ... بس تمت تمشي بسرعه ووصلت واخيرا للقاعة ... بطلت الباب وشافت زياد اللي كان شكله غير واحلا واذرب صج حلو ... وهو على طول طالعها وقال لها بأبتسامة : صباح الخير ... متأخره ربع ساعه بالضبط ؟؟؟؟ نورة واهي متفشلة : صباح النور ... ادري متأخرة .. اسفه بس كان زحمه وبيتنا بعيد . زياد : يالله ماعليه مو مشكله منقعتني اهنيه بالقاعه ربع ساعه بروحي ... بصراحه خفت واستاحشت المكان . نورة ولأول مره تبتسم في وجه زياد : ماعليه السموحه زياد .. ماكان قصدي .... يلا خلنا نبلش عشان مانتأخر على محاضراتنا . زياد بيغيض نورة : أولا محاضرتنا بنفس القاعه يعني ماراح نتأخر وثانيا انتي متأخره ربع ساعه ... وانا جاي مبجر واتفقنا الساعه 7 ونص وفوق هذا انتي اللي تأمرين وتاخذين بزمام الأمور ... وتصيرين القائد !! نورة واهي بدت تفقد اعصابها : انت وبعدين معاك .. ليش مو راضي تفهم .. قلت لك زحمه وتأسفت ... خلاص عااااااااد ... لاتقعد تذلني على هالربع ساعه . زياد اللي يستانس لما نوره تكون معصبه : انزين خلاص مو مشكله بس لاتعصبين علي ... أخذي هالقهوه واشربيها شكلج مو متريقه الصبح . نوره واهي تقعد وتشوف المخطط : مشكور مابي شي منك ... بس ابيك تخلصني من هالبريزنتيشن . زياد : يعني انا حاسبج معاي ... واخرتها ماتشربين ... مايصير شربي لان شكلج مرهق ولازم تشربين القهوه عشان تصحصحج عدل وتركزيييييييين . نورة بأقتناع : طيب مشكور زياد على القهوه .... خذت القهوه واشربتها بهدوء واهي تطالع المخطط وفعلا محتاجه تبل ريقها شووووووي ... تم زياد يطالعها بتأمل بنظرات كلها اعجاب ... نورة انتبهت لنظراته ورفعت راسها ... وعلى طول اهو نزل راسه قال بصوت رجولي : يلا نبدي . نورة : اوكيه نبدي . وتم زياد يشرح لها واهي كانت مندمجة للآخر .... وبدت تتفاعل معاااااه ... ليما خلص شرح واشكرته نورة ...... وقّسم معاها المواضيع اللي راح يتناقشون فيها جدام الدكتور ..... زياد واهو يطالع نورة : نورة احنا لازم نسوي مجسم يمثل موضوع البريزنتيشن . نورة بأهتمام واضح : مو مشكله .. يكون أحسن بعد ... بس شلون ؟؟ زياد : خلاص .. انا راح اسوي كل شي .. انتي لاتحاتين . نورة بإعتراض : لا لو سمحت ... مايصير كل شي عليك .... الدكتور كلفنا في مهمه ولازم نسويها مع بعض . زياد : انتي سويتي اكثر من جذي .؟ استغربت نورة من كلام زياد : بس ماسويت شي ... الحين شرحت لي الموضوع ... ولاتنسى انك اخترت الموضوع ... وسويت المخطط ... وكتبت المناقشات ,,,, وفوق هذا تسوي المجسم ... وانا شسووووويت .. ماسويت شي ... لازم نتعاون مع بعض ,,,, حرام اخذ درجات وانا ماشتغلت معاك . زياد كان وده يصرح لها ان من يوم شافها وهو يحس نفسه متغير ولا يدري شنو السبب .... سكت زياد شويه وراقبها بصمت واهي تتكلم وفجأة قطع كلامها : خلاص ... تبين شغل اوكي بس انا اقولج شنو تسوين بالضبط ! نوره : أوكي .. شنو المطلوب مني ؟ زياد : تسوين بطايق تعريف بالموضوع ... عشان نوزعهم على الطلبة اللي معانا في المحاضره ... وغيره ماكو وبس اتفقنا . نورة : اتفقنا ... مشكور زياد على كل شي سويته ... وعلى القهوه اللذيذة . زياد ناوي يطفرها : العفو ... وعلى فكرة حتى انا ابي انجح مو بس انتي فلازم اضبط شغلي عدل .... ولاتظنين اني اسوي هالشي عشانج . نورة بأستنكار : عمرك ماراح تترك غرورك ... أبي افهم على شنو انت مغتر .. حدك ماخذ مقلب بعمرك .؟ زياد يبي يغيضها : مغتر على حلاتي . نورة : الحمدلله والشكر ... على فكرة ترا الجمال والمال عمره مايدوم ... اهم شي الصحه والعافيه يا أخ زياد . زياد : تدرين شنو مصبرني على اسلوبج الجاف معاي ؟؟ نورة ردت بلا مبالاة : ما اهتم ولاتعب عمرك في انك تقول لي ... على العموم انا استأذن ماباقي شي على المحاضره بروح اراجع لي شي منه فايده .... لان قرقتي وياك مالها أي فايدة . اطلعت نورة من الباب مغتاضه حدها ... تم زياد يضحك ... فعلا هالانسانه نادرة ... مختلفة عن كل البنات اللي صادفهم ... ما تتمصلح عندة عشان اسم عايلته ولا مركزه ... لا كانت على طبيعتها عمرها ماتصنعت ... وهذا اللي ريحّ زياد منها ويحاول يدخل عالمها البسيط ,,,, لان مل من عالم الترف ويتمنى يعيش في بساطه . |
***
كانت لولوة قاعده بروحها تسمع أغنية خذاني الشوق لنوال .... وسرحانه ... وفي بالها شخص واحد وهو نواف .... ياربي ليش تفكر فيه .... ليش لما تسمع صوته ولا احد يجيب طاريه تحس بأحساس غريب .... هالاحساس اكيد له تفسير واحد فقط (( الحب )) : ايه احبه ... شلون حبيته ..؟؟ وشلون سمحت لنفسي إني احبه ؟؟؟ اهو مو ملكي ... اهو محرم علي ؟؟ لانه ملك منى .... وما اقدر اسمح لنفسي اني احبه ...... اااااااه ليش حبيته .. بس لازم اثقل جدامه وما اسمح لاحساسي يتغلب علي ... بس والله احبه ياربي شلون الحين . قامت وعدلت من قعدتها ,,,, وتعوذت من ابليس . دق موبايلها وكانت المتصله دانة بنت عمتها وردت عليها : ألووو ... هلا بالغاليه ؟ دانة : هلا بالقاطعة اللي ماتتصل ولا تسأل . لولوة : لا قاطعه ولا شي ... بس كان عندي ظروف شويه ... ماعلينا طمنيني عنج شلونج انتي ؟ دانة : بخير ياقلبي ... أقول لولو انا عازمتج على عشا عندنا في البيت ... يوم الخميس .. كل خواتي بيتجمعون ونبيج تشرفين ... لاننا اشتقنالج .. واتمنى ما ترديني . لولوه : افا عليييييييييج ... غالي والطلب رخيص ... حسبوا حسابي ... ضبطوا لي العشا دانة : مو بس نضبط لج العشا ... الا نضبط لج القعدة . لولو : اوكي خلاص تم ... الخميس عندكم انشالله ... سلمي على عمتي .. يلا سلام . دانه : الله يسلمج ... سلام . *** صحت هدى من النوم .... وألتفتت ومالقت فارس ... تأكدت أنه صحى قبلها وأكيد طالع كالعادة ... تمت قاعدة تطالع مكانه الخالي وامسحت على شعرها الطويل .... وقالت لنفسها : راح اتحدى نفسي .. واحاول اغير اشياء كثيره بحياتك يافارس ... حتى لو قلبك مو لي مملوك للغير .... صح اني احبك .... واللي يحب مايرضى يشوف حبيبه تعيس ... الله يقدرني عليك . قامت وراحت غسلت وبدلت بجامتها وأختارت لها دراعة لونها أوف وايت حلوه مطرزة على اشكال ورد ملون .... وحطت لها غلوس ومسكرة ... وانزلت تحت عند خالتها ... وخذت الشال معاها تحسبا لوجود طلال ... مالقت خالتها موجودة في غرفة الطعام ... راحت تدورها بين الممرات ,,,, وطلت من الدريشة الزجاجية الكبيرة المطله على الحديقة .... شافت زياد قاعد يفطر مع أمه ,,,, وكالعادة ماخذه جريدته ويقراها .... قررت انها تروح هناك .... لمحها فارس واهي قاعده تتمشى صوبه ... تم يطالعها لما قربت عنده ولا شال عينه منها ... باست راس خالتها أم فارس : صباح الخير خالتي ... شلونج انشالله طيبة . أم فارس واهي مستانسه : هلا صباح النور ... هلا في بنتي وحبيبتي ... تعالي يمه اقعدي عندي . هدى واهي تبتسم : انشالله خالتي ولا يهمج ..... طالعت فارس اللي للحين مانزل عينه منها : صباح الخير فارس . فارس وهو يرد يقرا الجريدة : صباح النور . أم فارس تتدخل : فارس خل عنك الجريدة وخلك مع مرتك . وافطر معاها . هدى : لا عادي خالتي ... خليه يقرا .... يكفيني قاعده معاج . أم فارس وهي مسوية نفسها معصبة : شوفي هدى تبين رضاي ولا لا . هدى بأستغراب وفارس كان يطالعها : خير خالتي شصاير ... أكيد ابي رضاج .؟ ام فارس : من اليوم ورايح كلمة خالتي مابي اسمعها ........... قولي لي يمه ..... انتي بنتي الحين . هدى بأبتسامة : بعد عمري والله بس هالطلب ... ابشري ومن عيوني الثنتين يا أحلى أم بهالدنيا كلها .... الله لا يحرمني منها . ام فارس واهي تطالع ولدها : الحمدلله ان الله رزقك حرمة سنعة . فارس تضايق وقام بدون مايقول شي ... امه استغربت من طريقة ولدها واسألت هدى اللي كانت تطالع الأرض : اشفيه فارس ... ليش زعلان ؟؟ من قعد معاي الصبح وخلقه ضايق مدري علامه حتى ما افطر ... يابنيتي صاير بينكم شي . هدى : بالعكس يايمة ماصار بيننا شي .... يمكن متضايق من الشغل ... خل اروح اشوفه ... عن اذنج . راحت هدى ورى فارس ... ولقته قاعد على السرير ... طالعها وقال لها : هدى لو سمحتي ... انا تعبان وبرتاح . هدى واهي واقفه : فارس ... راح اخليك ترتاح ... بس هالتصرف ما اتفقنا عليه على الاقل جدام خالتي عشان ماتحس بشي . فارس وهو مبين انه فعلا تعبان : هدى خلينا نأجل الموضوع ... حدي دايخ . هدى شافت شكله فعلا تعبان ,,, قربت منه ,,,, وتجرأت وحطت ايدها على راسه ... وكانت حرارته فعلا مرتفعه ,,,, وفارس صاير نفس البيبي متكور على نفسه .... على طول يابت له كمادات وحطتهم على راسه وغطته ,,,, وتمت قاعده عنده .... وماسكه ايده وتمسح على راسه .... وفارس يحس فيها ... يحس براحه ... بس التعب غلب عليه ونام على طول ..... نزلت هدى تطمن خالتها على حالة فارس ,,,, وبينت لها انه شوي تعبان وحرارته مرتفعه .... ردت اصعدت له فوق ... واقعدت جنبه على السرير .... سمعته يتمتم بكلمات وجمل غير مفهومه : ليش !!! خنتيني ... رفيجي !!!!. استغربت من هالكلمات اللي قاعد ينطقها ... قربت منه أكثر .... وكان يهذي وحاولت تسمع وتفهم شنو يقول ... بس ماوصلت للي تبيه انتبهت واهني تقوم انه يقول اسم شخص ... قربت منه وكانت الطامة الكبرى : أمل ... ليش ... حبيتج ؟ هدى واهي منصدمه : أمل ؟؟؟؟ منو امل هذي ؟؟ اكيد حبيبته وانا خذيته من حبيبته ... اشوفه مو متقبلني طلع يحب انسانه ثانيه .... ليش يا فارس ماقلت لي والله ماراح اوافق عليك ... ليش ظلمتني وظلمت نفسك معاي لييييييييش !!!!!! انهمرت دموعها وقعدت تبكي بصمت .... الحين عرفت ليش فارس مو متقبلها وفسرت اسلوبه الجاف معاها .... لانه يحب .... وقلبه للغير ... .يااااه فعلا صدمه ... وصدمه كبيره خصوصا لما عروس ما كملت الثلاث شهور وتكتشف ان قلب زوجها لغيرها مو لها .... يااااااه صج لما الواحد يحب انسان ويعتبره حياته ومستقبله وكل شي وفجأه مايتقبله ولا يحبه تتحطم آماله وتسود الدنيا في وجهه . أمسحت دموعها ... وغسلت وجهها ... واستغفرت ربها .... وقررت انها ماتتكلم الحين الا لما يصحى ويرد لعافيته ... وتبين ان كل شي طبيعي جدام خالتها وجدامه . *** صارت الساعه 6 المغرب .... جهزت لولوه نفسها .. أختارت لنفسها فستان يوصل للركبة لونه ابيض في كريستالات وردية وردي مع شوية أزرق وتحته بنطلون جينز ... ومسويه شعرها بوف عالي شوي ولامته فوق كله ... ومنزله خصله من ورى ... أكتفت في ان تحط لها فانديشن طبيعي مع بلاشر زهري فاتح ومسكره وغلوس طبيعي .... وكان شكلها حيل طبيعي وبسيط ماحبت الكلافه .. وطالعه فيه جنااااااان .... خذت عبايتها وجنطتها وانزلت تحت . بنات خالها شافوها وصفروا لها وكلهم : أحلىىىىىىىىىى يالكشخه . لولوه واهي تضحك : أي كشخه .. كله جينز . ضحى بلقافتها : على وين انشالله . لولوة : بروح لبيت عمتي أم ضاري ... عازمتني دانه على العشا .... صج وين امي ؟؟؟ ماشوفها لا هي ولا جدتي ؟ نوف : الحلوات رايحين يزورون ناس مادري منو . لولوه : ويييييه ... انا قايله لامي بروح ... بس شلون اطلع بدون ما شوفها ... لازم اشوفها عشان ارتاح . ضحى : اشفيها شكسبيره ... روحي فشله تأخرتي على بنات عمتج ... وسلمي على دانه . لولوه : أي صاجه والله ... يلا تشاااااااااااو . بعد ربع ساعه وصلت لولوة لبيت عمتها أم ضاري ... وكانت المره الأولى اللي تزورهم وبالغصب دلته بعد وصف دانه للطرق المؤديه له .... أركنت سيارتها برى ... وقبل لاتنزل لمحت شخص متوجه إليها نزل لمستواها واهي خافت وقالت بصوت متوتر : نعم خير ؟ فيصل : طلعي سيارتج من هالموقف ؟ لولوة عصبت : ليش انشالله لا يكون شاريه بفلوس وانا مادري . فيصل وهو يطالعها : انتي شفيج ماتفهمين ... أي شاريه بفلوسي . لولوة : احترم نفسك عاد ,,, شنو ما افهم عيب عليك تكلم عدل . فيصل وهو ينزل كابه ويمسح شعره : وبعدين يعني ما اصفط سيارتي ؟؟؟؟؟؟ لولوة : وماتقدر تصفط الا بهالموقف ... شوف لك موقف ثاني ... يلا وخر بنزل ؟ فيصل : انتي منو وشكو جايه اهني ؟ لولوة : صج انك ماتستحي .... انت مالك شغل فيني فاهم يلا وخر . أدفعت الباب بقوه ومن قوته رجع فيصل ورى شوي ... ومشت بغرور ,,,, اما فيصل ابتسم وتم يطالع طيفها اللي فعلا انبهر فيها .... وشافها تدش بيته ... كان على يقين انه صديقة دانه ولا كان يظن انها بنت خاله ... راح حرك سيارته وسد على سيارتها عشان ماتقدر تطلع ... ضحك وقال : والله لا ازهقج هالموقف ههههههه . دخلت لولوة وكان بأستقبالها عمتها طبعا دانه واشواق وخلود أما اماني ماقدرت تحظر لان ولدها مريض وزوجة أخوهم الكبير ضاري واسمها أفنان ... سلموا على بعض ولولوه تعرفت على زوجة اخوهم أفنان وكانت في منتهى الطيبة .... تموا البنات سوالف وضحك وغشمره ... واصعدت دانه واخذت معاها لولوة عشان توريها غرفتها ,,,, وبعد توريها صور خطوبتها مع مشاري . لولوة : أحلى أحلى .... صج لايقين على بعض ... تهبلون. دانة : بعد عمري يالولوة كلج ذوق . لولوة : وما حددتوا متى زواجكم .؟ دانة : انشالله لما يخلص من الدورة العسكرية وبعدها نحدد ... مو مستعجلين على شي الحمدلله لولوة : ماقلتي لي شلون تعرفتي عليه بالضبط ؟؟ دانه : هههههه لو اقولج تموتين من الضحك ؟ لولوة : شلون يلا قولي . دانة : انزين بقولج ... طال عمرج كنت في الجمعية ... وفجأة صدمت مشاري بالغلط واهو يمشي ... لدرجة انا صرخت خفت على هالمسكين ... وقالي اشفيج تأذيتي مع اني انا اللي صادمته هههههههه من الخرعه صرخت مسكين تروع .... وبعدين لحقني للبيت وعرف بيتنا ... وجاب أهله وخطبني وهذي هي السالفه . لولوه : هههههههههههههههههههه صج انج هبله وموصاحيه ... بس كان خوش لقاء ... صج كان لقاء رومانسي . دانه : ههههههههه أي والله ... لولا هالصدمة جان ما خطبني ... والله احبه خخخخخخخخخخخ . لولوة : الله يوفقكم ويرزقكم كل خير . دانة واهي تطالع لولو بنظرات جدية : لولوه ..... شخبار قلبج ؟ لولوة رفعت حاجبها بأستغراب : شقصدج ؟.؟ دانة : نواف .!!!!! لولوة : نواف اشفيه بعد ؟؟.؟؟ دانه : تحبينه صح ؟؟؟؟؟؟؟؟؟؟؟؟؟؟؟؟؟ لولوة اهني اختبصت ... هالدرجة واضح انها تحب نواف .... ومشاعرها فاضحتها ... : لا طبعا ... ماقدر احبه لانه زوج اختي فهمي زوووووووج اختي وانا محرمه عليه . دانه معصبه : جبي زين ,.... شنو زوج اختج على كيفج ..... اصلا نواف مستحيل يفكر في منى .... واعتقد شايفه الفرق بينهم .... وبعديييييين مافي اثبات يدل على ان نواف يبي منى ..... اصلا مافي غير زوجة خالي تطلع الحجي هذا عشان مصلحة بنتها ؟ وتبي تضمن مستقبلها اهي ؟ لولوه : شلون تضمن مستقبلها ... ؟؟ ماني فاهمه ؟ دانه : شوفي .... اول شي منى ماتحب نواف وانا عارفتها عدل .... تبي تتزوج نواف مو حبا فيه بس عشان مركزه وفلوسه والمزرعه ... لاتنسين ان المزرعه من نصيب نواف ... وزوجة خالي .. اكيد تبي تقبض شي من نواف ... فعشان جذي تحاول قد الامكان انها تلزق منى في نواف ..... ونواف مايستاهل هالشي لانه طيب وحبوب ويتيم الام ويكسر الخاطر . لولوة : معقولة يبي يتقربون من نواف بس عشان الفلوس ....؟؟ دانه : معقوله واكثر ... توقعي هالشي من هالثنتين .... وبصراحه يا لولوة انا اتمنى لنواف كل الخير لان احس انه اخوي وانتي الخير ... لولوة حبيبتي مبين من عيونج انج تحبينه .... وحتى على نواف واضح هالشي ... احس انه يحبج ... فلا تخلينه تحت ظلم منى وأمها ... انتم تحبون بعض .. فلا تحرمون انفسكم . لولوه : أي كلام انتي قاعده تخربطين ... شنو يحبني ويبيني ويتمناني ... اصلا لو فعلا يحبني كان صرح لي على الاقل .... بلييييييز دانه لا تقولين هالكلام مره ثانيه . دانه : اوكي خلاص ... كيفج بالطقاق ... بس لاتجذبين على نفسج . لولوه واهي تطق دانه على ايدها : خلاص عاد نسيني ........... على فكره قبل لا ادخل بيتكم ... نرفزني واحد لوع جبدي ... تخيلي يقول لي وخري سيارتج لاتصفطين ... حسباله موقف ابوه وانا مادري . دانه : هههههههه عادي مصيرج بتشوفين عاهات كثيره هههههههه لولوة : أي والله صاجه .... المهم انا بروح الحين لان ماقدر اطول ... أمي تحاتيني . دانه : قعدي شويه عاد لاتصيرين نحيسه . لولوه واهي تلبس عبايتها : انشالله مره ثانية يالغاليه .... لأن صج تأخرت . وصلتها دانه للباب .... وفجأة شافت سيارتها اللي صايره بين السيارات واللي في مقدمتها سيارة فيصل ... وماكانت تقدر تطلع سيارتها . لولوه بعصبية : شفتي يادانه هالحقير مسكر علي ولا اقدر اطلع ... الحين شلون بالله ؟؟؟؟؟؟؟؟؟؟ دانه : وين أي سيارة تقصدين ؟؟؟؟؟؟ لولوة واهي تأشر : هالجاكوار السودة . دانه واهي ماتت من الضحك : خخخخخخخخخخخخخخخ من صجج ... هذي سيارة اخوي فيصل .... لحظه خل ادق له . لولوة : امبيييييييه طلع اخوج .... شوي واكفخه ؟ اتصلت دانه على اخوها : الووو .. فييصل تعال عند الباب ابيك ضروري . وسدته على طول . وصل فيصل عند الباب وطلعت له دانه : اقول فصول طلع سيارتك بسرعه . فيصل : ليش انشالله ؟ دانه : بلا كلام زايد اقول لك طلع سيارتك . فيصل : اهااااا فهمت .. لان صديقتج العزيزة طلبت منج هالشي صح ؟ دانه : اولا هذي مو بس صديقتي ... هذي بنت خالي محمد . فيصل : بنت خالي محمد ... بس منو هذي أول مره اشوفها ؟ دانه : أي بعدين اقولك ... بسرعه طلع سيارتك . فيصل : اوكي خليها تطلع الحييييييييين ... لان فيه شباب جيرانا ومابيها تمشي بروحها . راحت دانه ونادت لولوة .... واطلعت لولوة وكان فيصل بأنتظارها . فيصل يبتسم : السموحه والله ماعرفتج . لولوة : ماعليه حصل خير ... وانا بعد اسفه زودتها معاك . فيصل : لا عادي ماصار شي ... وحده بوحده مشى فيصل جدامها واهي تلحقه بخطوات رزينه ... طلع سيارته ... وبعدها طلعت سيارتها ... وطق لها فلشر ( تحية بالسياره ) وابتسمت ومشت . على طول راح لاخته وكان متلهف لمعرفة قصة بنت خاله اللي طلعت فجأه في حياتهم ... وطبعا دانه ماقصرت بالشظذرح كان بالتفصيل الممل . ( فيصل تخرج من كلية الطيران وصار طيار حربي ... عمره 24 سنه ... كان متوسط الطول ... أبيض البشرة ... اسود الشعر وكان كثيف ... ملامحه حلوه نسبيه ) *** تحسنت حالة فارس تدريجيا ... وطول الوقت مافارقته ... كانت تسهر على راحته ولاخلته دقيقه .... صح انها عرفت جزء من الحقيقه ولكن كانت كافيه بالنسبة لها .... خلاص مافي الا تصارح فارس باللي تعرفه ... فكرت ليش العجله .... كانت تبي تفهم السالفه وبعدين تصارحه ... تبي تعرف ليش ما تزوج من حبيبته ...؟؟ شنو كان المانع ؟. مع انه يحبها حييييييييل بس ليش ماتوج الحب بالزواج ؟؟ لازم في سبب .. وكانت مصره انها تعرف السبب .... عشان تعرف السبب لازم تقربه من نفسها حيل .... فراح تعامله معاملة الازوااااااج وكأن حبيبها .. صحى الصبح وراح اخذ شاور عن التعب ... وطلع وتفاجأ بالفطور اللي كان على الطاولة ومزين بورد الجوري الاحمر والابيض وعليه بطاقة لونها احمر مكتوب عليها (( ألف حمدلله على سلامتك يا حبيبي )) ... استغرب فارس وتوجه لغرفة النوم وكان هناك وردة جورية مع اغصانها حاطتها هدى على مخدته (وسادته) .... سأل نفسه : اشفيها هدى اليوم .؟؟ توجه لدولاب الملابس واختار له دشداشة اماراتيه ... توجه للطاولة وكان صراحه شكل الفطور شهي .... لقى هدى ترتب الطاولة وتصب له عصير برتقال طبيعي ... أنتبهت له هدى وابتسمت : صباح الخير حبيبي ... ألف حمدلله على سلامتك ها شلونك احسن انشالله ؟ وقف بمكانه مستغرب ومذهول .... توجهت هدى لناحية فارس وأمسكت يده اللي كانت ترتجف لما تحس انه قريب حيل منها ,,, وأسحبته لغاية الكرسي .. : يلا ياقلبي تفطر عشان تصحصح ,.,, لأن انا مسويتلك أحلا فطور ؟ فارس تم يطالع عيونها : ليش تسوين جذي ؟ هدى واهي أول مره تطالع عيونه بعمق : عشان انت زوجي ولأني أحبك . فارس أنصدم من أعتراف هدى وتم يصرخ بوجهها : تحبيني ,,,,,,,, مابيج تحبيني ,,,,,,, انا الحب مسحته من قاموسي ... مستحيل أحب مستحيييييييييييل . وقف على طول وكان بيروح ... لكن هدى امسكت ايده واهي تكلمه : انت شفيك ... ليش تعاملني جذي .. انا زوجتك مو خدامتك .......... انا احبك يافارس ...... والله احبك والمشكله حبك يزيد .. ذبحتني بطريقة معاملتك . فارس : افهمي انا مستحيل أحب والله مستحيل . هدى واهي تنزل دموعها أول مره : ليييييش تزوجتني وظلمتني معاك . فارس شاف دموعها وبلا شعور حط ايده على خدها وبدا يمسح دموعها وقال بنبرة هاديه : انا ماكنت موافق على الزواج ... والسبب مو فيج بالعكس انتي انسانه مافيه منها ... بس السبب فيني أنا ... هدى ورب الكون مابي اظلمج معاي لكن امي اجبرتني اني اتزوجج انتي بالذات . على طول طلع فارس ... اما هدى كانت واقفه مكانها وهي تبكي بصمت .. ماقدرت توصل للي تبيه ... ولا قدرت تتحمل الكثير ... الله يكون في عونها . *** اجتمعوا عيال العم والخال بمجلس الرجال عند بيت العم الكبير مبارك .. أبو نواف .... كان فيصل قاعد بجانب نواف .. وتموا يسولفون عن أيام أول ويوم كانوا اهما صغاااااار ... كان أحمد يستمع ويضحك على سوالفهم ... لما حس نفسه شوي متضايق استأذن وطلع بينام ... ظل فيصل ونوااااااف وكملوا سوالف لبعض . نواف : تذكر يوم كنا نجتمع عند النخله واي واحد يمر نسوي فيه مقلب . فيصل واهو يضحك : ايييييي يوم حذفنا عامل البناء بالطين ... ويوم شافنا ولاحقنا وطاح فينا تكفخ ههههههههههههههه نواف : أي والله ايام سوده كانت ههههههههههههههه فيصل واهو يسكت وسأل نواف : بسألك شي ؟ نواف وهو يشرب قهوه : تفضل أسأل . فيصل : دريت ان عند خالي محمد بنت ثالثه واسمها لولوه واهي خريجة حقوق ؟! نواف : أي نعم ادري ... من زمان بعد ... وحضرت للمزرعه يوم كان حفلة العشاء .. بس انت كنت مسافر وتوك راد متى دريت . فيصل : مو بس دريت الا شفتها . نواف واهو يطالع فيصل : شفتها ؟؟؟؟؟ شلون ومتى ؟ فيصل : ياليتني ماشفتها يانواف ...... ماتوقعت انها تكون جذي ... جمال واسلوب وذرابة . نواف وهو وده يكفخ فيصل : ترا هذي بنت عمي وما اسمح لك تكلم جذي حتى لو انك ولد عمتي ... انت فاهم . فيصل : ههههههههه اشفيك عصبت ........ اصلا ادري انها بنت خالي ومستحيل افكر فيها بنيه شينة .... ماتدري يمكن تصير اكثر من بنت خالي . اهني نواف قام بسرعه وطلع على طوووول .... ولازم يتحرك ويسوي شي .... خاف انه يخسرها ... طلع موبايله واتصل لاشعوريا على لولوة .... اللي كانت قاعده اهلها ... شافت الموبايل وكان رقم نواف ... استانست لانها بتسمع صوته ... على طول راحت لغرفتها وردت عليه : ألو هلا والله نواف واهو يتمشى في الحديقه : ياهلا والله بلولوة ... شلونج انشالله احسن . لولوه : الحمدلله احسن نواف : أكيد مستغربه من اتصالي ... بس احتجت اني اسمع صوتج . لولوه وكانت مستانسه من اعتراف نواف : امممممم ... ليش في شي مضايقك ؟ نواف قرر انه يعترف لها : لولوه تسمحين تسمعيني للآخر .؟ واذا كنتي موافقه عليه خلج على الخط واذا رافضه صكي الخط بويهي .. موافقه ؟؟ لولوة : موافقه نواف : لولوه ... انا من كنت صغير كان عندي هدف في بالي اني اكون الدكتور نواف وقدرت اسعد أمي وابوي وافرحهم وارفع راسهم ..... والحمدلله هالهدف تحقق ... دخلت كلية الطب وأول كورس تلقيت خبر حطم آمالي كله ... امي توفت .. ماقدرت اتحمل الدراسه ,,, وقفت قيدي وتميت في البيت تقريبا سنه كامله .,,, لكن مانجحت في اني اتأقلم بدون أمي,,, لانها كانت بالنسبه لي كل شي ..... قررت أني اكمل دراستي ولكن براا الكويت ... قدمت على بعثه وقبلوني فيها .... قعدت برا لمدة 8 سنين اخذت البكالريوس والماجستير ... وانشالله راح اكمل واخذ الدكتوراة ,,,,, بلغوني ان ابوي تزوج وصار عندي اخوان يوسف ومريم . تصدقين لولوه أحس اني كرهت ابوي بهاللحظه هذي .... شلون قدر ينسى امي ويتزوج ويستانس ... بس بالاخير عذرته لان الرجل مايقدر يعيش من غير مره .... رديت للكويت ,,, وشفت اخواني واستانست عليهم ... وتعرفت على عيال عمي وعماتي .... وقابلتهم .... كانوا مخطيين ومفكرين اني انا نواف حق منى ... او بالاحرى محجر حق منى ,,, وانا والله يالولوه مافكرت فيها ولا افكر اني ارتبط من العايله كلش ... وما ادري على أي اساس قالوا انا لمنى ,,,,, كلمتني جدتي وقالت لي لازم تتزوج ومنى بنت عمك أولى فيك ,,,... بصراحه فكرت في منى بس مافي شي يجذبني لها ... يعني غير عن البنت اللي اتمناها تكون زوجه لي ..... انا يالولوة شكثر بنات صادفتهم واانا كنت بالخارج ,,, واقسم بالله اني ماحاولت اغلط معاهم لاني اخاف ربي عدل ,,, ولا هموني ولا حركوا شعره من راسي .... انا ابي انسانه نظيفه .... وبيني وبينج كنت ابي اقدم على خطوبة منى وكان مقرر بعد حفلة العشا مباشره ... بس انتي طلعتي في حياتي ,,,,,, غيرتي لي حياتي ,,,,, شفتج يالولوه وحبيتج بصمت وكنتي فعلا اللي اتمناها في احلامي ... واحمد الله على هالشي لاني راح اقدم على خطوه بعدم اقتناع مايندرى شنو راح يصير فيني .... جذبتيني ... وحبيت اسلوبج وطيبة قلبج وطريقتج وفوق هذا سحرتيني بجمالج ... وقلبي هو اللي تكلم وقال ابي ارتبط فيها . سكت نواف وينتظر جواب لولوة .... اللي لولوه ماكانت متوقعه ان نواف يعترف ويبوح في حبه لهاااااااااااا ... كانت ساكته او متلعثمه ماتدري شتقول .. نواف خاب ظنه من سكوت لولوة ... وتأكد ان لولوه ماتقبله . لولوة بصوت هادي : نواف بصراحه صدمتني ... ماتوقعت انك تحبني ... بس يانواف منى ؟؟؟؟ منى مفكره انها لك ... شنو تتوقع تكون ردة فعلها ؟ نواف : مالي شغل بمنى ... ولا عمري صرحت لها اني احبها ولا ابيها ... حتى وانا ازورهم ما اقعد ولا اتناقش معاها .... ماقدر اظلمها واظلم نفسي وانا احبج يالولوة ... واعتقد انتي شفتي طريقة منى شلون كانت تعاملج ... انا مابي انسانه جذي . انا ابيج انتي يالولوه . لولوه وهي خلاص ملت من الانتظار وماتبي تتعب نفسها وتعب نواف معاها اكتفت في انها تقول : نواف احبك .... من اول لحظه شفتك وعرفتك ...... كنت اتمنى اكون قريبه منك ... والله احبك . نواف قام يصيح : هيييييياااااااااااااااااا ... انا اللي اموت فيج . بس كانت لولوة خايفه من هالحب هذا ... ماكانت متطمنه ... دعت ربها ان الله يسهل لهم ويوفقهم ويسير أمورهم ويجمعهم على خير . أما نواف ماكان سايعته الفرحه ... واخيرا وصل لقلب لولوه اللي ياما تمناها وحلم فيها . |
الجزء الحادي عشر
انا لاقلت لي شلونك وانـا ضايـق اقـول بخيـر مدامك سائـلٍ عنـي اكيـد ان ضيقتـي راحـت انا من كثر ماحبـك اشوفـك فـي عيونـي غيـر تضيق النفس من غيرك ولامـن شفتـك ارتاحـت احبك كثر .. ماتطـري فبالـي وتشغـل التفكيـر كثر .. ماشيلـك بعينـي ونـاسٍ منهـا طاحـت احبك كثر .. ما ادمح خطـاك ان خانـك التعبيـر كثر .. ماخانت الرفقـه بكتـم اسرارهـا وباحـت احبك كثـر .. صقـارٍ تولـع فـي محبـة طيـر كثـر .. مادلـة الطيّـب بريحـة هيلهـا فاحـت احبك كثر .. ماحس بشعـور انـي عليـك اغيـر كثر .. مازيح هالغيره عن افكـاري ولا انزاحـت احبك كثر .. مالك داخلـي حـب وغـلا وتقديـر كثر .. ماغبت عن عيني ودموع امفارقك ساحـت تصدق !! من عرفتك صرت احبك .. واكره التغيير وانا اللي كنت اعشق كـل نجمـه بالسمـا لاحـت تأكد كـل ماتسئـل عـن حوالـي اكـون بخيـر مدامك سائـلٍ عنـي اكيـد ان ضيقتـي راحـت (( للمبدع ثامر شبيب الدقباسي))*** قعد على شاطىء البحر ... ويمسك بأيده رمال الشاطىء ,,, يفكر في مستقبله .... ليمتى وهو وحيد بهالدنيا .... لا أم تهتم له ... لا أخ يدري عنه ... لا أخت تحترمه .... والأب ما بيده شي .... يحس بفراغ كبير بحياته ,,... وخصوصا بعد الحروق اللي اصابته من الحادثه صار انطوائي اكثر مايبي يشوف نظرات الشفقة في عيون الناس ..... تم يفكر يأسس أسرة ويكون هو رب البيت ... ابتسم وهو يفكر هالتفكير لان سنه مناسب للزواج ..... وتخيل (( ضحى )) انها تربي عياله وتهتم فيه وبشئون البيت ..... يااااه متى يكون هالحلم حقيقه .... تعب من حياته .... يبي انسان يشكي له ... انسان يكون عنده لاصار متضايق ... انسان يهتم فيه .... والاهم انسان يحبه .. بس ياترى !! هل ضحى تبادله نفس الشعور ؟؟؟ هل راح ترتبط بأنسان مشوه تقريبا ؟؟؟ ... بس شلون يعرف ردة فعلها اذا طلب يدها ؟؟؟؟ اخاف ترفضه ؟؟؟؟.. انطلقت تنهيدة كبيره طلعت من صدره ...... وقف على رجوله ومشى لسيارته ... وهو يحس نفسه ضايع مايدري وين يروح ..... سمع موبايله يرن ... ابتسم وهو يشوف الشاشه ... كان رقم لولوة .... رد عليها : اهلييييييييييييين . لولوة : هلا بأخوي الغالي ... شخبارك انشالله بخير ؟ أحمد : بخير وانتي شلونج ؟ لولوة : دامك بخير انا بخير ... عسا ماشر ياخوي اشفيه صوتك مو طبيعي ؟ أحمد : أبد لاتحاتين مافيني الا الخير انشالله . لولوة بقلق : لاتجذب علي ... صوتك مو طبيعي احس فيك شي ...... شاللي مضايقك ياخوي ؟ أحمد : أحس اني مخنوق يا لولوة . لولوة : اسم الله عليك ياخوي. ... تعال مرني البيت ... اقعد شوي ووسع صدرك ومنها نسولف وندردش ها شقلت ؟ أحمد : طيب . سكرت لولوة الموبايل .... وراحت لأمها تبلغها ان أخوها أحمد بيزورهم ... كانت ضحى قاعده على التلفزيون ... سمعت لولوة تجيب طاري أحمد وقررت انها تروح تشوف شالسالفه : لولوة خير منو بيزورنا ؟؟ لولوه واهي تبتسم : واحد غالي علّي وعلى البيت كله . ضحى : شتقصدين يعني ؟ لولوة : أخوي أحمد .... بيزورنا ... ضحى أنخطف لونها لما جابت طاري أحمد : امممم اها .. اوكي لولوة وتخزها بصورة مو طبيعيه .... ضحى انتبهت لنظرات لولوة وهي تحاول تتحاشى هالنظرات ... ضحى بإنفعال : ليش تطالعيني جذي ؟ لولوة واهي تبتسم : تحبينه ؟ ضحى اهني صار لون وجهها اصفر : شنو !! لولوه : ضحى انا عارفه انج تحبين أحمد ,.,. صدقيني مافيها شي دام تحبينه بنيه صافيه .... وبصراحه أحس نظرات أحمد فيها حب .... ضحى صارحيني . ماتقدر تنكر لان كل شي صار واضح : أي يا لولوة ... حبيت احمد من يوم شفته اول مره ... وحلمت فيه .... يوم دريت انه اخوج وشفته مره ثانيه بالمستشفى .... مادري شنو صار فيني ... وقلبي ينبض بسرعه . لولوة : ضحى انتي تستاهلين كل خير ... واحمد يستاهل كل خير .... أحمد انسان طيب وحبوب ... يا ضحى أحمد انحرم من حنان الأم وفقد حب واحترام الاخوان .... انسان وحيد واحسه انطوائي من صار له الحادث ... فقد الثقه بنفسه وقام يشمئز من نفسه ... حتى تلاحظينه دايم يغطي حروقه ... وانتي لازم تعوضينه عن الام والاخوان وترجعين ثقته بنفسه ... مستعده لهالشي ... مابيه ينجرح مره ثانيه ياضحى الله يخليج . ضحى ودموعها تنزل : والله أحبه يا لولوة ... ولو بيدي ما خليه يحس بالحزن ثانيه وحده .... ياليته بس يبادلني نفس الشعور . لولوه واهي تحضن ضحى : وهو محظوظ لانج انتي اخترتيه ... واحمد احسه يحبج بس اهو من النوع الخجول ومايحب يصرح لأحد .... وانا راح اساعدكم واتمنى من كل قلبي انكم تتزوجون . ضحى تبتسم : يلا روحي الحين ... الظاهر احمد على وشك الوصول ... وسلمي عليه ههههههه . *** وصل أحمد عند البيت .... نزل من السياره ... كان لابس دشداشة وغتره بيضه ... وصل للباب وضغط على الجرس .... بهاللحظه كانت ضحى قاعده تطل من الدريشه ... وتشوف احمد ... وابتسمت واهي تشوفه .... احمد تم عند الباب ويتفحص شكل البيت ... طالع السقف وانتبه لوحده قاعده تطالعه .... عرفها ... ضحى .... ابتسمت له ,,,,, وهو ابتسم .... ويقول بنفسه ياااااه ياليتني معاج ياضحى وادخلت داخل ... بطلت الباب لولوه ... وسلمت عليه : ياهلا والله .. حياك الله ... تفضل . أحمد : هلا فيج يالولوه ... دام فضلج . دخل أحمد وشاف أم لولوة اللي راحت له على طول وسلمت عليه وهو باس راسها : حبيت الكعبه انشالله ... شلونك يايمه عساك بخير ... طمني عنك ياولدي . أحمد حس بحنان أم لولوه واول مره كان يحس هالشعور وكم تمنى ان هالحنان من صوب أمه : بخير خالتي الله يسلمج . أم لولوه : لا يايمه لاتقول لي خالتي ... قولي يمه ... انت بمثابة ولدي .... اذا مايضايقك هالشي . أحمد بأبتسامه : بالعكس والله اتشرف انج تكونين امي . تموا يسولفون مع بعض ... وأحمد حس الضيقه راحت .... حس بالاستقرار والامان ,,,,, وحمد ربه ان الله رزقه بأم ثانيه تعوضه عن امه الحقيقيه ..... استأذنت أم لولوه وخلتهم بروحهم .... لولوة تمت تطالع أحمد وودها بس تجيس النبض من ناحية ضحى ... أحمد أستغرب منها : لولوة خير شفيج تطالعيني جذي ؟ لولوة : أحمد .... انت جم عمرك الحين ؟ أحمد تم يضحك : هههههههههه ... طال عمرج عمري 27 ... ليش هالسؤال .؟؟؟؟ لولوة تبتسم : ماتعتقد ان عمرك مناسب للزواج ؟؟؟ ليمتى بتم جذي على هالحال ؟؟ لازم تكمل نص دينك . أحمد حس انها ضربت على الوتر الحساس : وتعتقدين في وحده بترضى فيني ؟؟؟ وانا جسمي مشوه ؟ لولوه عصبت من كلام احمد : شهالكلام يا احمد ؟؟؟ انت الحمدلله مو ناقصك شي مركز واخلاق ومال ... شفيك يعني ؟؟ ومره ثانيه ان بطلت حلجك وتقعد تقول مشوه ومشوه ياويلك ... اسم الله عليك مافيك الا العافيه . هذا انت تمشي بصحه وعافيه .... واصلا المحظوظه اهي اللي ترتبط فيك . أحمد مرتاح من كلام اخته اللي قاعده تشجعه وتريحه بكلامها : يالله على ايدج شوفي اللي ترضى فيني ... بس لازم تدري ان صار لي حادث وعندي حروق . لولوة مستانسه : لاتوصي اصلا ..... على فكرة عروستك جاهزه وانا بنفسي اخترتها لك وقلت هذي اللي تصلح حق احمد . أحمد : بعد مخططه وخالصه ... ومنو هذي اللي بترضى فيني ؟؟ لولوة واهي تعدل جلستها : ضــحى ... شرايك فيها ؟؟؟؟ أحمد سكت فجأة .... وتمت لولوة تطالعه : ها احمد ماقلت لي شرايك فيها ؟ أحمد : ضحى بنت حلوه وحبوبه .... بس تعتقدين انها ترضى بأنسان مثلي ؟ لولوة بأبتسامه عريضه : اصلا عندي خبر انها راح ترضى . أحمد على طول رفع راسه حق لولوه : يعني موافقه علي لو اتقدم لها ؟؟؟ لولوة : فالك طيب ياخوي ... توكل على الله ... ماراح تلقى نفس ضحى صدقني .... ولا هي راح تلقى انسان مثلك . أحمد : بعد عمري يالولوه .... يلا خل أروح اضبط اموري واوضاعي... وسلمي لي على ضحى لولوة : لا عفيه اقعد تعشى ... مسكينه امي تبيك تتعشى . أحمد : ماعليه مره ثانيه ... يلا بوسي لي راس امي اوكي ... فمان الله لولوه : فمان الله وألف مبروك مقدما أحمد : الله يبارك فيج يالغاليه . واخيرا تحقق الحلم .... وارجعت لذة الحياة لأحمد ... بعد ما كان كئيب .... حلم حياته الاستقرار والامان .... مع ضحى ..... طلع والابتسامه ماتفارق شفاته .... كل احلامه بدت تتحقق ..... كسب أم ثانيه واهي ام لولوه ... كسب أخت كان يتمناها وهي لولوه واخيرا كسب زوجه حنونه واهي ضحى .... يارب تسهل الامور .... يارب *** وصلت بيتهم ... يااااه صج فقدت هالبيت ... فقدت امها واخوانها .... ياليت لو يرجع الزمن ورى ... كان مافارقتهم ... لو تدري حياتها بتصير جذي .... مافكرت دقيقه وحده انها ترتبط ... فعلا المسؤولية صعبه .... ويبيلها التزام ... فما بالك لو تزوجت واصبحت مسؤول عن شخصين .... وقفت السيارة ... ونزلت هدى بهدوء .... ونزل معاها فارس ..... طالعت فارس بنظرات توسل : فارس مابي امي تدري ... اتمنى لو بس جدامها نكون زوجين . فارس مايدري شنو يرد عليها ..... معاها حق ... وهدى فعلا ماكانت تستاهله .... اكتفى في ان يهز راسه بالايجاب يدل على موافقته . تبطل الباب واستقبلتهم امها بكل حب وحنيه وضيفتهم في صالة الاستقبال : هلا بعيالي والله ... ماشالله تبارك الرحمن ... شلونكم وشخباركم ؟ هدى واهي تحظن امها : هلا بالغاليه .... هلا بأمي ... اشتقتلكم وربي ... احنا بخير انتي شلونج وشلون خواتي وبدر ؟؟ أم بدر : بخير ياقلب امج انتي . ألتفتت على فارس وصافحته وباس راسها : هلا عمتي ... شخبارج انشالله بخير ؟ أم بدر : بخير يايمه ... طمني عنك ؟ فارس : بخير خالتي ... الله يسلمج . أم بدر تبي تمازح فارس : ها يمه قولي لايكون زعلتك هدى ولا ضايقتك بشي ... ترا مارضى عليك .؟ ابتسم فارس وطالع هدى بنظرات فيها من الحقيقه : أبد هدى مو مقصره عني بشي . أم بدر واهي تطالع بنتها : أي يايمه سمعي كلام زوجج ,,,,, وانتي شفيج جذي ذبلانه ؟؟؟؟ وصايرة ضعيفه ؟ هدى واهي تقول لنفسها " شقولج يايمه من الهم اللي فيني زوجي طلع مو زوجي وقلبه مملوك للغير " : أبد يا يمه .... بس مسويه رجيم لأن فارس حبيبي قال لي ابيج رشيقه هههههههه .... وبعدين يايمه أي شي أبيه فارس يجيبه لي مايقصر معاي ... عساني ما انحرم منه . أهني فارس انطعن من كلام هدى ... يااااااه سكين في قلبه .... مثل السم ... ليش تهينه .... ليش تذله .... ليش تطعنه بكلامها . أم بدر مستانسه وفرحانه من اللي كانت تسمعه : عسالله يوفقكم ولا يحرمكم من بعض . أستأذن فارس من عمته أم بدر .... وطلع برا ....... شغل سيارته ... وهو يفكر بكلام هدى ... ليش جذي .... ليش ينكد عيشة هدى .... والله ماتستاهل .... تم يفكر ويفكر . أما بدور اللي من درت ان هدى عندهم ... انزلت ركض وتموا يحظنون بعض ويبكون .... وهند بعد معاهم . هدى : بدور طمنيني عنج ..... شسويتي ماسويتي ؟ بدور : ماكو ... الحياة مستمره ... والدراسه ماشيه ... الا انتي اللي شفيج متغيره 180 درجه ... مو اختي اللي اعرفها ... ليش جذي صايره . هدى بتضيع السالفه : خخخخخخخخخ الحب وعمايلو اما بدور ماقتنعت برد هدى : مرتاحه بحياتج الجديده ؟ هدى : أي مرتاحه ولله الحمد . بدور : احس انج جذابه ... قولي الصج ؟ هدى : بالعكس الحياة الزوجية حلوه بس اللي يضيق الخلق ... المسؤوليات ... لانج راح تكونين مسؤله عن شخصين انتي وزوجج ... انشالله باجر لما تتزوجين راح تعرفين شنو اقصد ؟ بدور : يااااااااااااااااااااااااااااارب اضحكت هدى على اختها ...... وتحس من زمان هالضحكه ما ضحكتها ...... اخ منك يافارس ... ليش تسوي فيني جذي .... ليش . بدور : عفيه هدى نامي عندنا هالليله ....... والله اشتقتلج وودي اقعد معاج ... بليييييز . هدى واعجبتها الفكره وهي محتاجه تغير وقت : امممم ........ بس اخاف فارس مايرضى . بدور : انزين اتصلي عليه شوفي يمكن يوافق ...... يلا هدى حبيبتي انتي يلا . هند تدخلت : انتي من صجج تبينها تنام اهني ... توها عروس ماصار لها شهرين وتبينها تنام ماتستحين . بدور : هند بليز خلج على صووووووووووب . هند واهي تاخذ بنتها : الحمدلله والشكر .... هدى لاتسمعين كلامها هذي بتضيعج . بدور طلعت لسانها لهدى بحركة طفوليه ... وهدى تمت تضحك .. بس فعلا اعجبتها الفكره ... واتصلت على فارس : ألو هلا فارس . فارس : هل |
الجزء الثاني عشر
قرر أحمد أن اليوم يكلم امه بخصوص خطبة ضحى عشان تروح تخطبها له .... مع أن حس ماراح توافق ... بس راحته راح تكون مع ضحى ... ومستحيل يقبل بأحد ثاني غيرها .... تشجع ونزل تحت في الصاله .... كانت امه قاعده مع منى يتابعون المسلسل ... وقف عند المدخل .... وتقدم ببطء .... مايدري ليش يحس بالخوف .... طالعته امه بنظرة سريعه وصدت عنه .... اما منى ما اهتمت بوجوده ... أحمد بصوت هادي : يمه ... أبيج بموضوع ؟ أم احمد واهي تطالعه : خير شعندك ؟ أحمد وهو يقعد بالكرسي المقابل لأمه : أبيج تخطبين لي ؟ اهني منى اضحكت ضحكة استهزاء على الخفيف واحمد ما انتبه لها ... امه استغربت من طلب ولدها : شنو ...؟؟ تبيني اخطب لك !!! ومنهي سعيدة الحظ اللي بتاخذك ؟ أحمد : يمه انا اخترت الانسانه اللي ابيها . أم احمد من غير اهتمام : وتدري هالانسانه هذي ان نص جسمك محروق ؟؟؟ أحمد : يعني شنو شتقصدين ؟؟؟ منى تلقفت وقالت بصوت عالي : يعني تدري انك مشوه ؟ أهني احمد سكت .... شيسوي فيها طق وطقاها وتكفخ وكفخها ... ماكو فايده مع هالادميه ... مارد عليها ... سفها : أي يمه تدري . وراضيه فيني ؟ أم احمد : الظاهر هذي طايحه بجبد اهلها ..... شلون ترضى عليك ؟ أحمد : ليش شفيني ... شنو ناقصني .... ليش تقولين هالكلام ... انا مو ولدج ... في ام تقول حق ولدها هالكلام .؟؟ ليش كل ماقرب منج تبعديني . ام احمد : بسك كلام مسلسلات .... ماقلت لي من بنته .؟ أحمد : بنت عبد الوهاب العثمان . أم احمد واهي تقوم : شنو بنت اخو غاليه . احمد وهو يقوم : أي ... بنت ولا كل البنات ... احترام وأدب وانا ابيها . منى : حلو حلو ... اكملت ... اشوف لولوه حوشت على كل اهلنا . أحمد : اكلي خرا .... لولوه لاتجيبين اسمها على لسانج ... لانها تكرم عنج فاهمه . منى : اكل خرا انت .... كلك مشوه وجاي تحاجيني انا ... روح اخذ منهم لانك نفس طقتهم . اهني احمد صج ماقدر يستحمل .. مسك راسها وطيحها تحت بقوه ... وقال : موتج حلال على ايديني ... بس انا رجال ... وما امد ايدي على مره .... ولا ارد عليج تدرين ليش ... لانج انذل انسانه ... وقلبج اسود وحقود ... ماينفع ألوث ايدي فيج .... طول عمرج أسفل السافلين . اهني ام احمد راح ودزت ولدها احمد عن منى ... وتقول بصوت عالي : وخر عنها ذبحتها .... ونجوم السما اقرب لك اني اروح واخطب لك لو توقف الدنيا ما اخطبها لك... انت فاهم .. يلا اطلع عن بيتي وانقلع عن وجهي .... مابيك تصير ولدي ... انا تبريت منك ... اذلف عني يلا . أحمد وعيونه تدمع : ليش تكرهيني يايمه ... ليش تعامليني جذي ... كل عمرج وانتي تفرقين بيني وبين اخواني .... كرهتيهم فيني ... وانتي عمرج ماحبيتيني ... شنو سويت لج ... ماني ولدج مو حرام عليج . أم احمد وهي تطلعه برا : انا حملت فيك بالغلط وماكنت ابيييييييييك .... لو ذابحتك ببطني جان اهون ... يلا اطلع ماني امك ولاتقول لي يمه . صعبه على الرجال تنزل دموعه ... لكن ماقدر يستحمل القنابل اللي القتهم امه عليه قويه ومو سهله لو الحجر نفسه ذاب من هالكلام ... معقوله في أم تقول لولدها وبكرها وفرحتها الاولى جذي ... بكى وكأنه طفل .... لدرجه انه كان يشهق من كثر مايبكي .... تم بسيارته وحاول يبعد اكثر واكثر مايبي احد يحس بضعفه ولا ضيقته .... هدت نفسه شوي ... وقرر يدور له شقه عشان يستقر فيها ... لان خلاص مايقدر يدخل البيت مره ثانيه .. بعد البحث اللي استمر 5 ساعات .. لقى شقه مكونه من غرفتين وصاله ومطبخ وحمام ... وفيها بلكونه ومطله على البحر ... كان موقعها حلو ويشجع على انه يرخي الاعصاب ... على طول اخذها ... ودق على ابوه : هلا يبه وينك فيه ؟ ابو احمد : عند ديوانية عمك ابو نواف .... بغيت شي ياولدي ؟ أحمد : أي يبه ... ابيك تروح معاي باجر العصر نخطب بنت أبو خالد ؟ ابو احمد : انشالله ... امك رضت ؟ احمد ": لا مارضت ولاراح ترضى ... يبه انا تعبت نفسيا من طريقة امي معاي ... وانا ادري ان راح تصير مشاكل اذا خطبت ... من بعد اذنك يايبه انا أخذت لي شقه ... وانشالله لاتزوجت بستقر فيها انا وزوجتي . أبو احمد : لاحول ولا قوة الا بالله ... مادري هالمره متى تعقل بس حسابي معاها بعدين... ماعليك ياولدي ... انا ابكلم جدتك وعمتك ام ضاري وعمتك فاطمه ... يروحون يخطبون لك . أحمد : عليك الله يا يبه لاتقول لامي شي .... انشالله ترد لعقلها والله يهديها ... اذا تعزني لاتقول لها شي . أبو احمد وهو يطلق تنهيده : الله كريم ياوليدي .... جهز عمرك باجر انا وعمك وولد عمك نروح معك ... مبروك مقدما. أحمد : الله يبارك فيك يايبه ... وعساني ما انحرم منك . اتصل على عماته وباركوا له مقدما ... وافرحوا عشانه .... ولما دروا عن امه شنو سوت فيه ..... تحمدوا الله على نعمة العقل .... وماستغربوا عليها هالقساوة . وعقبها اتصل على اخته لولوه : هلا لولوه .... شخبارج وشخبار امي ؟ لولوه : هلا بأخوي وحبيبي ... بخير دامك بخير ... انت طمنا عليك . أحمد : الحمدلله ... اقول لولوه .... باجر بجيكم بس مو بروحي ... معاي ابوي وعمي وولد عمي وبعد عماتي بيجون . لولوه استغربت : يسلام كلهم بيجووووون .... وناسه وشنو المناسبه ؟ أحمد بأبتسامه : المناسبه طال عمرج تخصني وتخص ضحى . لولوه تصارخ : صج ... احلف ...... مبرووووووووووك مبروووووووووووك ... حياكم الله بأي وقت ... يلا باي خل اروح ابلغها . أحمد يضحك : هههههههههههه ... سلمي عليها ... باي . *** لولوة راحت ركض عند ضحى عشان تبشرها .... لقت ضحى منسدحه وتسمع اغنية شرين " بحبك أوي " .... شافتها لولوه وراحت نطت عليها : عندي لج بشاره ضحاوي . ضحى : اوووووه ... لازم تخربين جوي ... شتبين . لولوه : احمد اخوي باجر بيجي . ضحى : حياه الله . لولوه : بس راح يكون معاه ابوي وعمي وجدتي وعماتي . ضحى تبقق عيونها : من صجج . لولوه واهي تناقز : أي أي أي مبروووووووووووووووك ألف مبروك . ضحى لمتها على طول : الله يبارك فييييييج ... واخيرا واخيرا يالولو احمد بيخطبني وناسه . نوره ونوف اسمعوا صراخهم وراحو لهم على طول : شسالفه بنات ؟ لولوة : باجر احمد اخوي بيخطب ضحى رسمي . نورة ونوف : مبروووووووووووووووك .... واخيرا بيصير عندنا عرس . تموا يرقصون مع بعض . راحت لولوه وبلغت امها وأم خالد ... الكل وافق بس ام خالد كانت متردده عشان ام احمد بس طمنتها لولوه : لاتخافين خالتي ... احمد عكس اخواني وماتربطه علاقه فيهم ... تخيلي حتى امه ماتحبه وتفرق بينه وبين اخواني .... صدقيني احمد قلبه ابيض ونظيف ... وضحى راح تكون مرتاحه معاه لانه شاريها . *** قررت هدى انها تروح لشقتها وتاخذ أغراضها ... لأن خلاص فاض الكيل من فارس .... خصوصا بعد ماعرفت عن حبيبته الخاينه أمل وشنو شعوره منها .... نزلت تحت ولبست عبايتها .... شافتها امها وسألتها : وين رايحه من الصبح . اقعدت عندها هدى : هلا يمه ... أنا بروح لشقتي امها بفرح : صج يابنتي ... أي هذا عين العقل .... زين سويتي . هدى : لا بروح اخذ غراضي من الشقه .... يايمه والله تعبت . أمها : ليش تسوين جذي وانتي ماكملتي حتى السنه ....... والله مابي الناس يتكلمون ... مادام ما احد يدري للحين ... ارجعي لبيتج واصلحي امورج مع زوجج .... والله يهديكم انشالله مع ان ودي اعرف وش صاير بالضبط انا وام فارس ماندري شصاير بينكم . هدى واهي تاخذ جنطتها : اذا الناس ماتكلموا اليوم مصيرهم بيتكلمون باجر ,,,, اللي بيني وبين فارس ماهو بيدي .... وياليت ماتزوجت ..... لاني ظلمت نفسي حيل معاه .... وصدقيني يايمه فارس ماعليه قصور بس الماضي لعب فينا .... يلا يايمه مع السلامه . امها : الله يصلح مابينكم . اطلعت وركبت السياره ووصلها السايق لغاية البيت وطلبت من السايق ان ينتظرها .... مالقت سيارة فارس اكيد ان طالع ويكون احسن بعد .... دشت البيت مالقت احد .... اصعدت لفوق ...... لقت باب شقتها مبطل .... تقدمت بهدوء شافت النور طافي لولا اشعة الشمس كان تتعثر بالظلام .... لقت الشقه غير مرتبه نهائيا ... تقدمت بهدوء وراحت صوب غرفتها بتاخذ جنطتها الكبيره ومن ثم تتجه إلى غرفة التبديل عشان تاخذ ملابسها ... وخرت عنها الشال عشان تاخذ راحتها وكانت مسويه شعرها فوق ... طلعت جنطتها بهدوء ... وقبل لاتطلع انتبهت حق أحد .... كان فارس متكور على نفسه وقاعد على الكرسي الهزاز وكان نايم ... شكله يكسر الخاطر ... مو حالق لحيته وشعره مبهذل .... اتجهت لصوبه واستغربت لحاله .... انزلت لمستواه خايفه يكون فيه شي !! وقالت بصوت ناعم : فارس ... فارس فارس وهو يبطل بس عيونه وبصوت مبين عليه انه كان يبكي : هدى !!! هدى موعاجبها حال فارس : عسا ماشر فيك شي ؟؟ مريض ..؟؟؟ تروح المستشفى .؟ فارس : ليش رجعتي ؟ هدى منزله راسها : رجعت لأني بطلع من حياتك ... انا اسفه يافارس لو ادري ان بيصير جذي ماوافقت ..... اسفه لاني ظلمتك معاي وظلمت نفسي وياك . فارس : انتي مافيج شي ياهدى .... وانسانه نادره بس مو فيج العيب فيني ... انا مريض نفسيا ياهدى .... ياليت قدرت اسعدج .... وغيرت حياتي معاج . هدى ودموعها تنزل : أنا حبيتك يافارس ... حبيتك بجنون بس ادري ان هالكلام مامنه فايده ... أبي اطلع من هالزواج بالمعروف ... انتظر ورقتي . وقفت هدى وخذت جنطتها ومشت بعيد عنه ... استوقفها صوت فارس : هدى تصبرين علي ؟ طالعته هدى بنظره حزينه : صبرت واجد وماعتقد فيني صبر ... تعبتني يافارس . واطلعت هدى بنفس مكسوره .... وفارس صار ضحية ماضي انسان ما !!! *** اليوم .... الصبح ... الساعه 6 ونص الصبح ... صحت نورة من النوم ... وكانت متأخره ألبست لها عبايه مزينه بكريستال عسلي لامع وملفع نفس الطريقه .... وخذت كتبها ... واهي تنزل ركض وتطالع الساعه ... اتصلت على السايق وطلبت يجهز السياره ... مرت على المطبخ واخذت لها عصير برتقال ... وراحت للسياره .... تأخرت حيل على الموعد .... اكيد زياد ينتظرها .... واخيرا وبعد نص ساعه بالدرب .... وصلت للجامعه ... انزلت بسرعه وراحت للقاعه ودخلت ... بس مالقت زياد الظاهر ما وصل للحين .... تمت تنتظره على أحر من الجمر .... ماتدري ليش حست بالضيقه لما مالقته ... ياترى هل مشاعر الحب بدت تتسلل إلى قلب نورة ؟؟؟ مرت ساعه ... ساعتين ... للأسف ماوصل للحين ... صابتها خيبة أمل كبيرة ... لمت كتبها واغراضها ..... سمعت صوت الباب يتبطل ... رفعت راسها وكان زياد يطالعها وقال بصوت تعبان : أسف ادري تأخرت . نورة : شنو أسف ... اسفك ماراح ينفع ... انت تدري ان باجر لازم نسلم البريزنتيشن .... وانت حضرتك متأخر . زياد واهو يقعد على الكرسي وكان وجهه شاحب ومعرق شوي : كنت تعبان ويالله قمت من النوم والحين وصلت ... والله مو ماكل شي .... على طول جيت . نورة تطالعه نظرات فوق تحت وكان فعلا مبين انه تعبان اكتفت تقوله : ماتشوف شر ... اذا تعبان رد البيت وباجر الصبح نلتقي . زياد : لا عادي خلينا نكمل ... عشان نخلص ونفتك من الموضوع . نوره : تبي اجيب لك شي تاكله او تشربه لان صج شكلك تعبان . زياد : لاتعبين نفسج ... عادي . نورة بإصرار : هذي آلة القهوه برا عند القاعه خل اجيب لك شي دافي . زياد بإبتسامه : أكون لج شاكر . توجهت نوره إلى آلة القهوه .... وكان في بنتين يطالعونها بنظرات كلها غرور ... طالعتهم نورة بنفس النظره ولا اهتمت فيهم ...طلعت لها مية فلس وحطتهم بالآلة .... واسحبت كابتشينو .... وبصوت واطي اسمعت البنات يتكلمون عنها كانوا يقولون ان زياد معجب فيها والبنت الثانيه مستنكره الوضع : شلون يعجب بوحده جذي .. حدها مو من مستواه ... اهو ولد تجار ويطالع هالاشكال صج ماعنده ذوق . كانت نورة تسوي نفسها ماتسمع هالكلام .... ومشت عنهم بهدوء ... لكن داخلها كانت نار تغلي .... شلون تجرأو يقولون جذي ... وبعدين ليش زياد مايعجب فيها !!!! شفيها ناقصه عن البنات !!! ولا عشان مو بنت هاي هاي ماعجبهم الوضع .. بس كانت مستانسه من اللي سمعته عن اعجاب زياد .... شكرها زياد على الكابتشينو ... وقالت : العفو ... والسموحه على الكابتشينو لانه من آلة مو من كافيه معروف . زياد بعصبية : ليش اشفيه هالكابتشينو ... مافيه شي طعمه حلو ؟؟؟ وبعدين لو سمحتي انا هالاسلوب ماحبه .... ولاتحطين بيني وبينج حزازيات كلنا عيال ادم واصابعنا سوى . نورة : الظاهر بعض الطلبه مو عاجبهم قعدتك معاي ..... ولا يبون واحد ولد خير يشتغل مع وحده بسيطة . زياد : من قالج هالكلام ؟؟؟ وبعدين بالطقاق فيهم انا ماهتميت برايهم . نورة تنزل راسها : يوم جبت لك كابتشينو سمعت بنتين يتكلمون عنك وعني ومستنكرين من الوضع . زياد صج عصب : بالطقاق انشالله .... خل يتكلمون وينطمون ... شوفي نوره ... مصيرج راح تسمعين كلام ... بس مابي هالكلام يأثر فيج ... ابيج تسمعين ولاتهتمين ... وانا عارف ليش هالكلام يطلع .... لان السبب الرئيسي والاساسي انج تسووينهم كلهم . اكتفت نوره بأبتسامه ... بس لاحظت على زياد ان وجهه يشحب أكثر .... بدا وجهه يعرق أكثر ... راحت له نوره وعطته ماي ... طلع له دواء اخذ الحبوب وشرب الماي على طول ... عقبها اضطر انه يستأذن نورة لان مايقدر يقعد . طلع وترك نوره خلفه متوتره ومتسائلة عن حالة زياد . *** زحمه .... ازعاج .... حالات مرضية كثيرة .... نواف اخذ فوق طاقته من العمل المتواصل .... يخلص من حاله ويروح لحاله .... الأرهاق بّين عليه .... هناه الدكتور عبد اللطيف على المجهود اللي قاعد يبذله .... وطلب من نواف يحضر إلى مكتبه ... نواف واهو يطق الباب : هلا دكتور عبد اللطيف طلبتني ؟؟ د.عبد اللطيف : أهلا دكتور نواف تفضل استريح ؟ نواف : زاد فضلك أمرني دكتور . د.عبد اللطيف : بصراحه انت يادكتور نواف انسان كفؤ ومجتهد في دوامك وطريقة أسلوب تعاملك مع المرضى راقي .. وانا بصراحه رشحتك لحضور مؤتمر طبي في فيينا ... وهالمؤتمر مدته شهرين ونص ... واتمنى انك توافق على ترشيحك لان هالمؤتمر يضيف لك مؤهلات كثيره تساعدك في شغلك ودراستك اذا بتكمل في المستقبل انشالله .. شرايك دكتور نواف .؟ نواف : بصراحه دكتور احرجتني ... ومادري شقول لك ؟ د. عبد اللطيف: قول انك موافق ... لو هالشي مو لصالحك مارشحتك .... لو اني بمكانك ماطوفت هالفرصه . نواف : تسلم لي يادكتور وبالعكس انا مستانس من هالشي .... ومتى يبدي المؤتمر ؟ د.عبد اللطيف : انشالله بعد 3 أيام .... ( بطل درج المكتب وطلع منه ظرف ) تفضل هذي التذكره . نواف : بعد 3 ايام ؟؟؟ كان في بالي شي بسويه ... بس ماعليه .. تسلم لي يادكتور انشالله راح أبيض وجهك وشكرا جزيلا . د.عبد اللطيف : بالتوفيق دكتور نواف ... وانا متوقع منك شي كبير ... ومتأكد انك ماراح تخيب ظني فيك . وقف نواف وصافح د.عبد اللطيف .... واخذ الظرف وطلع لمكتبه .... وتم يفكر ؟؟؟ اهو ناوي يتقدم حق لولوه خلال هالاسبوع ... بس المؤتمر بعد 3 ايام .... فقرر قرار نهائي اول مايرد من المؤتمر يتقدم حق لولوه ويتزوجها مره وحده ..... اخذ موبايله ولاشعوريا دق على رقم لولوه .... تم يرن ويرن ويرن ... بس ما ردت عليه ... حس بالضيقه لان يبي يسمع صوتها ..... نزع البالطو واخذ مفتاح السياره وطلع .... عشان اليوم بالليل بيروح مع احمد ويخطبون ضحى . *** بهالحزه كانت لولوة نايمه وحاطته سايلنت .... عشان تقعد مصحصحه حق خطوبة ضحى ... بينما ضحى اللي مارتاحت كل شوي مطلعه بدله وقاعده تقيسها ..... تبدل وتاخذ راي نوره ... اللي كانت نوره تحاتي زياد وبالها كلش مو مع ضحى . ضحى : ها نوره شرايج بهالبدله حلوه ؟ نوره : أي حلوه . ضحى : اوووووف زهقتيني كل ما البس بدله تقولين لي حلوه.... لوعتي جبدي .... عطيني رايج ... حدي محتاره وابي اكشخ . نورة : اللي لونها أخضر مع ذهبي احلى .... بس لاتحطين مكياج وايد ... خليج طبيعيه . ضحى : انشالله وبعد شنو ؟ نورة واهي تنسدح على سريرها : سلامتج . ضحى شافت اختها سرحانه : نورة شفيج ؟؟ لج جم يوم مو طبيعيه ... صاير شي ... قولي لي انا اختج ؟ نورة واهي تغمض عيونها : مافيني شي .. اليوم فرحتج ولاتخربينها ولاتحاتين .. اهم شي راحتج . ضحى مصره تبي تعرف اشفيها نوره : لا انتي اختي وانتي اولى .... يالله في وقت شنو في بالج قولي لي ؟ نوره واهي تطالع ضحى وتبتسم : ابد قاعده احاتي الامتحانات .... المهم ضحى بكون اول وحده تقولج ألف مبروك ضحى تضحك : بعد عمري والله ... الله يبارك فيج وعقبال ما اشوفج عروسه واحلا عروسه بعد . نورة استحت : بعد التخرج انشالله . راحت ضحى تبي تاخذ لها شاور ... عشان شعرها ينشف وتستشوره ... وتركت نوره سرحانه وتحاتي في زياد ... تحس ان فيه شي ... وشكله ماكان طبيعي وفكرت بالحبوب اللي اخذهم ... بس طرت على بالها شكوك وظنون ( لايكون زياد مدمن مخدرات ) وتعوذت من ابليس ودعت ان يكون ظنها خاطىء . *** صارت الساعه خمس العصر ... صحت لولوة من النوم .... خذت لها شاور سريع ... شافت موبايلها فيه ميس كول .... ابتسمت ( فديته والله متصل فيني ) ... اتصلت على نواف ورد عليها بصوت يوحي بأنه نايم : ألووو لولوه : ألو ... هلا نواف .... أمبيه الظاهر انت نايم خلاص كمل نومتك وأول ما تقعد اتصل لي . نواف يبطل عيونه : لالالا... خلاص قعدت ... شخبارج يالغاليه . لولوه : بخير الحمدلله ... سوري كنت نايمه يوم تتصل الظهر . نواف قاعد يتثاوب : حسيت انج نايمه ... حسافه كنت بسمع صوتج وانتي قاعده من النوم ... بس ماصار هالشي .... لولوه اشتقت لج ( قالها برومانسيه ) . لولوه ذابت يوم سمعتها من نواف ... اللي تخربطت وماعرفت حتى تتكلم . نواف : ليش ساكته .... لايكون زعلتي ؟.؟ لولوه مسبهه : لالا مازعلت ليش ازعل . ضحك نواف على طريقة رد لولوه ... وعرف انها انحرجت وتوترت : اسف اني احرجتج بس صدقيني هالشي مو بيدي .... احس يومي ناقص لما ما اسمع صوتج . لولوة بدلع : بس عاد نواف . نواف : ياويلي .... ما استحمل ترا هالدلع .... خفي علي . اضحكت لولوه على نواف ... تم نواف يكلمها : اقول يالغاليه اليوم انا عندكم بجي مع ابوي وعمي واحمد عشان نخطب بنت خالج . لولوه : حياكم الله بأي وقت . نواف بجدية : لولوة ابيج تسمعيني عدل .... انا في بالي اطلب ايدج من عمي على نهاية الاسبوع ... لكن راح اسافر مدة شهرين ونص . لولوه تقاطعه : تسافر .! نواف : ادري حبيبتي مو وقته وانا متضايق من هالسفره المفاجئة .... بس لازم اسافر عشان احضر مؤتمر طبي في فيينا ... وهالمؤتمر راح يفيدني لما اكمل دراستي واخذ الماجستير والدكتوراه مستقبلا ... وبأذن الله أول ما ارجع راح اتقدم لج على طول ... موافقه على هالكلام ؟ لولوة بضيقه : يعني راح تبعد عني شهرين ونص .... صدقني مو شويه ؟ نواف : يابعد عمري يالولوه ... هالدرجه تبين قربي .... ولايهمج ياقلبي راح ادق عليج يوميا وماراح اخليج ... من لي غيرج اصلا ؟ ابتسمت لولوه : دربك خضر ياولد عمي بس متى السفره ؟ نواف : بعد 3 أيام انشالله . لولوه : حيل مبجر نواف سافر على الأقل الاسبوع الجاي .؟ نواف : حبيبتي مو بيدي والله مو بيدي ... اذا ماتبيني اسافر خلاص بقعد عشانج . لولوه : لالا ... بالعكس روح سافر هالشي بينفعك اما قعدتك اهني مامنها فايده ... تروح وترجع لي بالسلامه انشالله نواف : الله يسلمج ياقلبي .... ااااااااااااااه لو انج تسافرين معاي ؟ لولوه : نواف وبعدين معاك ؟ نواف متعمد يحرجها لان يحب يشوفها واهي منحرجه : صج حبيبتي .. راح تشتاقين لي ؟ لولوه : شلون ماشتاق لك ... يكفي اشتاق لك وانت قريب ... وشلون لو انك بعيد ؟ نواف : والله ماستحمل ... كلامج هذا ريحني .... عساني مانحرم منج . لولوه بهمس : ولا منك يا ..... ( سكتت ) نواف : قوليها . لولوه : لا ماقول . نواف بإصرار : تكفين قوليها خاطري اسمعها منج . لولوه : راح تسمعها لما تتقدم لي . نواف مسوي نفسه زعلان : خلاص لاتقولينها انزين . لولوه : يا حبيبي . نواف : شنو ماسمعت . لولوه : ياحبيبي . نواف واهو يصيح : أخييييييييييييييييه شسوي بروحي ؟.؟ اذبح نفسي ؟؟؟ لولوه ماتت من الضحك : لا تكفى الا انت ... لاتسوي شي ... عسالله يحفظك لي . نواف : احبج احبج اااااااااااااااااااااااحبج . لولوه : حبتك العافيه ... الحين استأذنك نواف ... لازم اصكه ... بروح اشوف ترتيبات الاستقبال . نواف : اوكي يا عيون نواف ... انتبهي على نفسج يالغاليه . لولوه : وانت بعد يالغالي ... بحفظ الله . صكت لولوه الموبايل .... ومستانسه حيل من كلام نواف ... ودعت ربها يتمم عليها الفرحه ... طلعت لها دراعه فخمه لونها بنفسجي مع برتقالي .. موديلها مغربي ... وكان شكلها ذرب وراقي ... اكتفت في انها تخلي شعرها مبطل وتكسره بالاستشوار ... وطلع شكلها حيل حلو .... انزلت تحت وكانت تبي تشوف شنو صار على الترتيبات ... لقت كل شي مرتب بإشراف امها ... لان على الساعه 7 راح يوصلون عماتها ... اصعدت لغرفة ضحى ... اللي كانت مستانسه وطايره من الفرحه ... شافت ضحى لابسه تنوره لونها اخضر عشبي فيها شك على شكل ورود بلون ذهبي ,,,, بينما التوب كان من الستان الذهبي ... والبست لها سلسال طويل مرصع بكريستالات لونهم اخضر .... خلت شعرها ناعم ... ماسوت فيه شي ... اما عن مكياجها ... اكتفت انها تحط فانديشن طبيعي ... ومسكره ... وغلوس برتقالي فاتح لامع ... كان مجمل الشكل ناعم وبسيط . لولوه واهي تحضن ضحى : ماشالله تهبلييين .. اكيد احمد بينجن عليج . ضحى : بس عااااااااد والله استحي . لولوه بأبتسامه : مو لايق عليج المستحى وين لسانج يا أم لسانين . اضحكوا البنات ... ورن موبايل لولوه وكان المتصل أحمد ... أشرت حق نوره ونوف وضحى عشان يسكتون : اهلييييييييييين بالمعرس والله ... احلا معرس فديت اخوي . ضحى تأشر لها عشان تحط سبيكر وفعلا حطت سبيكر عشان خاطر ضحى .. رد احمد ": هههههههههههه الله يسلمج ... شخبارج وشخبار زوجة المستقبل وخطيبتي الحاليه . اهني ضحى صار ويهها احمر من الاحراج ... لولوه : يامعود شوي شوي ... ترا زوجة المستقبل بخير ولا كاشخه احلا كشخه عشانك . أحمد : أخيييييييه فديتها والله ... المهم لولو بعد ربع ساعه نكون عندكم ... الله الله بزوجتي ماوصيج . لولوه : ههههههههههههههههه يمه منك تو الناس شفيك بناكلها يعني.... كاهي زوجتك قبالي بذبحها . أحمد : لا يبه حدج عن زوجتي ما رضى عليها .... يلا اخليج الحين ... تامريني بشي .؟ وسأليها تامرني بشي . لولوه تغمز لضحى : ابد مانبي الا سلامتك ... بس اهي تقول لك يلا طولت عليها . ضحى اقرصت لولوه ... اما احمد استانس وتشقق من الفرحه : يلا كلها ربع ساعه واكون عندكم ... فمان الله . لولوه : فمان الكريم .......... ضحى ( ياحلوه يهبل ) ... لولوه : شكو تقرصيني يالخايسه . ضحى : لانج تستاهلين والله راح اردها لج بيوم خطوبتج عشان تحسين فيني شوي . لولوة : أي نشوف هين بس ..... خل اروح انزل وابلغ اهلي عن موعد وصولهم . *** وصلت سيارة احمد اللي كان راكب معاه أبوه وعمته فاطمه وعمته الكبيره أم ضاري ... أما سيارة نواف كان راكب معاه ابوه وجدته ... انزلوا من السيارة ودخلوا لمدخل الديوانيه اما الحريم راحوا للباب المخصص للحريم ... كان أحمد كاشخ حييل ... لابس دشداشه بيجيه مخصره شوي لها بزمات ديور وغتره بيضه وقلم ديور طالع من مخباته ومضبط الشارب الكلاسيك ... يعني شكله ازقرت ... اما نواف اللي كان شكله عجيييييب ... لابس دشداشه بيضه لها بزمات جيفنشي وشماغ أحمر وكذلك قلم جيفنشي مذهب ... ومضبط السكسوكه ... ادخلوا الحريم وكان في استقبالهم أم لولوه وجدتها وام خالد ... أللي سلموا على بعض ورحبوا وهللوا فيهم .... ام خالد قعدت تدور أم احمد بس شكلها ماجت يعني اكيد مو راضيه على هالزواج .... استقبلوهم واستقبلتهم لولوه برحابة صدر ... وراحت اقعدت بين عمتها فاطمه وجدتها وتموا يسولفون ويضحكون ويتذكرون أيام قبل ... عقب ما شبعوا سوالف تقهوت الجده وتكلمت بصوت عالي : والله يا أم خالد ... حنا يشرفنا نطلب ايد بنتج ضحى لولد ولدي الغالي أحمد ... شرايكم . أم خالد وهي تطالع الباب متوقعه دخول ام احمد عليهم : الشرف لنا يا خالتي أم مبارك ... وضحى بنتكم مثل ماهي بنتنا . انتبهت لها الجده ام مبارك وعرفت مقصدها : شوفي يا ام خالد ابي اوضح لج شغله ... أحمد ولله الحمد رجال ولا كل الرجاجيل ... ينشد به الظهر .... طول عمره كان مستقل وتربى عندي والحين الحمدلله لقى له شقه وجهزها بأحسن مايكون .... ادري انج تسألين ليش ماجت امه وخطبت معانا ... وماتنلامين على هالتساؤل ... بس ابيج تعرفين ان ام احمد ماقدرت تجي لظروفها .... وام احمد مالها شغل لا بضحى ولا بأحمد . أم خالد : والنعم في احمد وبالعكس احمد ماينرد ومافيه عيب .... وانا ماني قاطعه رزق بنتي دامه يبيها ... ومثل ماقلت لكم انا عطيتكم البنت . قامت فاطمه واتصلت على ابو احمد عشان يبدي موضوع الخطبه في ديوانية الرجال . أبو احمد حط فنجال القهوه على صوب : يا ابو خالد انا يشرفني اطلب ايد بنتك ضحى لولدي احمد ... وش رايك ؟ ابو خالد : الشرف لي يا ابو احمد ... واحمد رجال وماينرد والنعم فيه ... بس انت تدري ان الراي راي البنت . ابو احمد : ولا يهمكم خذوا راحتكم واسألوا البنت وعطونا رايها . أمر ابو خالد ولده خالد انه يروح ويسأل اخته عن رايها .... صعد خالد لغرفتها من الباب الخلفي ودق على امه وهي بعد اصعدت لها... وناده على ضحى : اهلين بالعروسه ... ها خلصيني موافقه ولا لا ... الرجال ينطر الرد . ضحى مسبهه وواقفه بدون ماتتكلم .... خالد مستغرب : أم لسان ساكته لا ما اصدق ...ماني مستوعب ... وين لسانج الطويل يلا تكلمي . ام خالد : علامك على البنت ... مستحيه شوي شوي عليها ... ها يايمه موافقه ولا لا .؟ ضحى بهمس : أي يمه موافقه . خالد : متأكده !! ام خالد : فكري زين ياضحى ... حتى امه ماجت تخطب ... وهذا دليل على انها مو موافقه عليج . ضحى : انا شكو بأمه ... بالطقاق ... اهم شي احمد ...دامه مستقل ويسكني بروحي موافقه . خاالد : أي يمه الرجال عنده شقه مستقله وفارشها بعد وبيني وبينج احمد ماينرد والنعم فيه ..... ( يطالع ضحى ) يعني موافقه ؟ ضحى واهي تهز راسها بالايجاب .... خالد : الف مبروك ياضحى . أم خالد : ألف مبروك ياضحى مع اني مو مرتاحه ... بس مابي اوقف بنصيبج وعسالله يوفقج انشالله يابنيتي . ضحى : لاتحاتين يمه ... اهم شي انه شاريني .... وصدقيني يالغاليه سعادتي معاه . أكتفت أم خالد في انها تحضن بنتها ضحى بأحضانها . بلغ خالد ابوه بالموافقه وباركوا الرجال لبعض ... أبو خالد : الف مبروك يا احمد .... وانتبه لبنتي ضحى ترا غاليه ؟: أحمد مستحي : الله يبارك فيك ياعمي ... وضحى بعيوني انشالله . نواف واهو يسلم على أحمد : مبروووووووووووووك مبروك واخيرا مابقيت ههههههه . احمد : ههههههههههه الله يبارك فيك ... يلا شد حيلك وخلنا نخطب لك يالشايب . طرا على باله لولوه ... قال بأبتسامه : انشالله قريب حيل . مبارك أبو نواف ألتفت لولده : وليش مانخطب لك الحين . نواف توهق : ههههههه انشالله يبه لاتستعجل كل شي بوقته حلو . أبو احمد : الله يوفقك يانواف ويرزقك في بنت الحلال . أبو خالد : عاد نواف ألف وحده تتمناه رجال من ظهر رجال والنعم فيه والله .... وماعلى الحاضرين زود . أما عند الحريم .... اطلقوا اليباااااب المتواصل .... وباركوا حق ام خالد وام مبارك جدة احمد .... عمته الكبيره ام ضاري : يلا وين عروسنا خل نشوفها . أم خالد تطالع لولوه : لولوه يمه روحي نزلي ضحى وخليها تسلم على حمولتها . راحت لولوة لغرفة ضحى وسلمت عليها وباركت لها وطلبت انها تنزل معاها عشان بيشوفونها .... ضحى وهي متوتره : مابي انزل لولو تكفين وخري عني . نوره ونوف : روحي نزلي ياهبله خليهم يشوفونج . لولوه : أي صاجين بالله شحقه ماتبين تنزلين . ضحى : انتوا ماتحسون مابقلبكم رحمه ... قلت لكم ماقدر احس رجولي ماتشيلني اخاف اطيح واتفشل . اضحكوا البنات عليها .... وهدتها لولوه : لاتخافين انا معاج وبظل ماسكتج ليما تنزلين ها شرايج ؟ ضحى : اوكي بس لاتخليني . لولوه تمسك ايدها : أي مايخالف يالله تأخرنا على الناس . أنزلت لولوه ووراها ضحى ,,,,, وراحت عند جدتها وباست راسها وسلمت على ام لولوه وامها ... وبعدين راحت لها عمة لولوة فاطمة واسحبتها عند امها : ماشالله ... تبارك الرحمن .... ألف مبروك ياضحى .... بصراحه ما الوم احمد فيج . ضحى مستحيه حدها وصوتها يالله يطلع : الله يبارك فيج خالتي . فاطمه : وانا اشوف ولد اخوي اتخذ قرار الزواج بسرعه ... بصراحه ما ألومه ... شهالجمال ياضحى بسم الله عليج . اهني ضحى ساحت خلاص ماتقدر تتحمل هالمجاملات واطلبت جدة احمد ان ضحى تقعد عندها وظلت تكلمها : الحين انتي بنتنا .... وابيج تاخذين بالج على أحمد ... الحين صرتي زوجته اخته وامه وصديقته .... ترا احمد طيب وحبوب ويحبج ... لاتبخلين عليه بهالاشياء يابنتي . ضحى منزله راسها : احمد بعيوني ياخاله ... وانشالله ماراح ابخل عليه . فاطمه : الحين المعرس يحق له نظرة شرعية ... ولا شرايج يا ام خالد ؟؟؟ أم خالد : أي والله هذا حق شرعي ومانقدر نخالف الشرع . اطلعت بالممر و أتصلت فاطمه على أبو احمد : هلا بخوي ألف مبروك . ابو احمد : الله يبارك فيج يافاطمه . فاطمه : كلمتهم وراضين على ان احمد يشوف ضحى ... انت كلم ابوها بخصوص هالموضوع . أبو احمد : انشالله يلا مع السلامه . ألتفت ابو احمد حق ابو خالد : الحين صرنا اهل وبيننا نسب ... يا ابو خالد الولد يبي يشوف البنت وماعتقد ان هالشي فيه رقض ... وهالنظره شرعيه . ابو خالد : اكيد بلا شك ... ومن حقه يشوفها .... خالد قوم يبه واخذ نسيبك احمد وضيفه في صالة الاستقبال ..... وبعدها جيب معاك اختك . خالد : ابشر يبه . طلع خالد واحمد من الديوانيه ... وضيفه في صالة الاستقبال .... واستأذن من احمد عشان يجيب ضحى .... دق خالد على لولوة : هلا لولوه .... تعالي جيبي ضحى لصالة الاستقبال الثانيه ... احمد بيشوفها . لولوه : اوكي يلا باي . لولوه كلمت ام خالد وقالت لها ان احمد ينتظر بصالة الاستقبال .... قامت عمته فاطمه وام خالد ولولوه وام لولوه وخذوا ضحى وودوها لصالة الاستقبال مكان ما احمد قاعد ينتظر ,,,,,,, دخلت ام لولوه وسلمت على احمد : الف مبروك يايمه .... منك المال ومنها العيال . احمد وهو يبوس راسها : الله يبارك فيج يايمه . وراح لصوب جدته باس ايدها وراسها ... وسلمت عليه فاطمه وكذلك لولوه : مبروك ياخوي . احمد : الله يبارك فيج عقبال ما اشوفج عروسه . لولوه انحرجت وانطمت ههههههه .... كذلك صافح أم خالد وباركت له بالمثل .... ضحى كانت واقفه اخر شي للحين مادشت الصاله ... انتبهت لها لولوه واسحبتها : لولوه يمه احس اني بموت . لولوه : صج انج جذابه وين لسانج لما احرقتينا بالمطبخ وكنتي تهاوشينه ههههههههه سمي بالرحمن ودشي ولاتخافين . دخلتها فاطمه وقعدتها بالغصب عند احمد ... اما احمد بعد كان منحرج وماطالح الا طرف بدلتها .... أستأذنوا الكل وطلعوا وخلوهم . شوصف لكم عن شكل وتوتر ضحى .... كانت منزله راسها وماطالعت وجه احمد ... اما احمد شاف شعرها وشكلها ... بس وجهها ماكان واضح ... احمد بصوت خافت : مبروك ضحى . ضحى ساكته ... احمد : خليني اشوفج على الاقل ... لأاتستحين مني انا صرت زوجج . ضحى ساكته وماترد .... أحمد : خلاص انا بروح ..... بسرعه التفتت ضحى والتقت نظراتهم ... احمد انبهر من جمال ضحى .... كانت قمه في الجمال والنعومه .... ظل احمد يطالعها ويطالعها ... مانزل عينه عنها ... اما ضحى اكتفت في انها تبتسم بخجل ومستحى .... احمد : ماني مصدق انتي تصيرين زوجتي . ضحى : شدعوا هالدرجه اخرع .. انتبهت ضحى لالفاظها واسكتت على طول . كان احمد بيتكلم لكن خالد دخل عليهم : ها مطوليييييييين أحمد ترا ماصارت . احمد : خالد ليش ماتظف وجهك وتخليني مع زوجتي شوي . خالد : بعد زوجتك ... ترا اختي قبل ماتكون زوجتك . احمد : حقك علي ... بس خمس دقايق . خالد : ماكو يالله قدامي . تضايق احمد ... وطلع ورقه ومكتوب رقمه عليها : هذا رقمي وياليت اسمع صوتج اليوم . اكتفت ضحى بالابتسامه وخذت الورقه . كانت فرحة احمد ماتنوصف .... قمه في السعاده ... مانقول الا عسالله يتمم علييييييييه . *** الكل استانس والبنات تموا يرقصون بغرفة ضحى ... اما لولوه ونوره كانوا مشغولين البال .... لولوه تفكر بسفر نواف ,,,, ونوره تفكر بحاله زياد . ياترى شنو راح يصير ؟؟ |
الجزء الثالث عشر
في بيت ام ضاري , عمة لولوة الكبيره ... كانوا قاعدين يتعشون ... فيصل ودانه مجتمعين على العشا .... دانه تسأل امها عن خطوبة احمد وضحى اللي ماقدرت تروح لها ... واهي تاكل : ايه يمه ... شفتي ضحى ؟؟؟ ام ضاري : أي شفتها وكانت خوش بنت صراحه ... جمال واخلاق ... وبصراحه تدش القلب بسرعه . دانه : أي مبين عليها خوش بنت وتهبل ... الله يهنيهم .... واحمد يستاهل كل خير . أم ضاري : ماقول الا الله يستر من امه لما تعرف اننا رحنا وخطبنا حق احمد .... حتى مسكينه ام خالد تحاتي هالسالفه . دانه : امبيه ... ليش عاد جذي مرة خالي ؟؟؟ واحس بعد تعامل احمد غير عن اخوانه دايم تفرق بينهم .؟؟ وماني عارفه السبب صراحه ... يمه تهقين فيه سبب تخلي معاملة احمد غير عن اخوانه ؟ أم ضاري : والله يابنتي ماني عارفه السبب شنو بالضبط ؟ دانه بلقافة : لا لازم يايمه فيه سبب .... عفيا يهمني اعرف هالسبب ؟؟ لاني احترت ؟ أم ضاري : ماتجوزين من لقافتج ..... والله انا نفسج ماعرف السبب بس اعتقد ان يوم حملت في احمد ... ابو احمد راح تزوج عليها غاليه اللي اهي ام لولوه ... يمكن احقدت ليش انه تزوج وهو يدري انها حامل ... وكرهت ضناها ! دانه : ليش تزوج عليها خالتي غاليه ؟ فيصل : وانتي شكو بالناس والعالم ... مالج شغل !!! اكلي وانتي ساكته . دانه وهي تلتف على فيصل : ياربيييييييييييه بعرف السر حرام يعني ... لو سمحت اكل بهدوء ولاتدوس لي على طرف . أم ضاري : بسكم عاد عيب عليكم جنكم جهال ؟ سكت فيصل وتم يكمل عشااه لان اهو من النوع اللي لما يتعشى ولا يتغدى مايحب يتكلم كثير ... بس ينصت . دانه : انزين يمه كملي .... ليش خالي محمد تزوج عليها ؟ أم ضاري : ما ارتاح معاها .... ماكانت تهتم فيه ولا في البيت ..... وكله مشاكل ... الرجال يابنتي يبيله وحده تداريه وتقعد معاه واهم شي الكلمه الطيبه بين الزوجين . دانه مهتمه بالموضوع : انزين وخالتي ام لولوه ليش طلقها ؟؟ ام ضاري : يوم ولدت الولد وجابته ... درا ابوي الله يرحمه وامي عن الولد ... وكانوا يبون يشوفون ضنا ولدهم ... ام احمد ماكانت تجيب احمد لهم ,,, تبي تحرق قلب محمد اخوي ... ليش انه طلقها ... المهم ضغطوا عليه ابوي وامي انه يطلق غاليه ... واجبروه يطلقها .... وتحت الضغوطات طلقها مع ان كان يبيها ويحبها ... بس الله يسامحهم اجبروه ..... وراحت غاليه وماكانت تدري انها حامل بلولوة ... والله عوضها بلولوة . من جابوا طاري لولوه تغيرت ملامح فيصل .... انتبهت امه لهالشي هذا .... وحست ان فيصل فيه شي . أم ضاري : يمه فيصل فيك شي ؟؟؟ علامه وجهك تغير ؟ دانه افهمت على طول والتفتت له وبأبتسامه : علامك فيصل ... الاكل ماعجبك ولا في شي طرا في بالك ؟ أكتفى فيصل برد : مافيني شي ... الحمدلله شبعت . قام من الطاوله ... واتجه لغرفته فوق ... ام ضاري طالعت دانه : فيصل فيه شي ؟؟ دانه وهي تضحك : هههههههههه لا ابدا بس الضاهر ولدج يحب . ام ضاري : جان زييييييين يقول لي منهي والله لا اروح اخطبها له .... منى عيني اشوفه معرس ومستقر . دانه : اييييه الله يبلغنا فيه انشالله .... ولو بس اعرفها اقولج يمه على طول لاتحاتين هههههه . أم ضاري : هههههههههه انا ابيج بس تروحين لبيت زوجج وتفكينا من لقافتج . *** مرت مي من عند غرفة منى .... سمعت منى واهي تضحك بصوت عالي ... قربت اذنها من عند الباب ... وانصدمت لما اسمعتها تقول :" حبيبي انت ,,,,, حياتي والله .... لالا ماراح اتأخر عليك " ... مي واهي تقول لنفسها : منو تكلم هذي ؟؟ طقت الباب ... ولكن دون استجابه ... بطلت الباب ولقت منى نايمه على السرير واهي تكلم بالتلفون ... طالعتها مي ,,, ولا منى كملت بالتلفون : خلاص مو مشكله ... انا ادق بعدين اوكي ... باي . مي واقفه عند السرير : منو تكلمين ؟ منى واهي تقعد : لايكون امي وانا مادري .... وبعدين ليش داشه مو لازم تستأذنين ؟ مي : انا طقيت الباب بس مارديتي علي ... ماقلتي لي منو تكلمين ؟؟ منى واهي تطالع روحها بالمرايه : مو شغلج ... انتي فاهمه ؟ مي وهي تتخصر : لا وتقولين حبيبي وحياتي .... تكلمين واحد ... والله لو يدري عنج ابوي ولا احمد جان اذبحوج . منى واهي تطالع اختها : لو يدري ... وماحد راح يدري ,,, واذا سمعت انج قايله لأحد يامي وربي مايحصلج طيب .... وديري بالج مني ... ومره ثانيه تدخلين غرفتي وانا ماسمحت لج ماتلومين الا نفسج ... يلا طسي . مي : الحمدلله والشكر ... طلعتي منحطه ... وهذا وانتي تبين نواف ... وتروحين تخونين صج الحمدلله والشكر . منى : والله نواف بيكون حقي غصبن على اللي مايرضى .. ومستحيل احد ياخذه مني ... اما هذا مجرد تقضية وقت لا اكثر ولا اقل ... اوكي حبوبه . مي : منى صفي نيتج جدام ربج وجدام نفسج .... لو سوالفج جذي ... فأنتي ماتستاهلين نواف . مشت عنها مي ... وخلت منى تضحك واهي واثقه من نفسها حيل ... ومتأكده ان نواف خلاص ملكها ... بس ناطره الضوء الاخضر عشان تنفذ خطتها . *** أستأذنك باسافر ايام واجيك ,,,, وان طالت ايام السفر لاتحاتي حتى ولو طولت ماني اخليك ,,,, ياللي بدونك ويش تسوى حياتي حتى يدي ماودها تفارق ايديك .,,, ساكت وانا اشوف البلا في سكاتي ماشفتني لارحت قمت التفت فيك ,,,, بلاي والله روحتي والتفاتي لكن قبل ماروح ودي اوصيك ,,,, وانت الوحيد اللي يقدر وصاتي لحدن سألك وقالك وين مغليك ,,,, قله لوازم لاقضاها بياتي وان طروا النسيان ماني بناسيك ,,,, ياراس مالي بالحياة وغناتي وان طروا السلوان ماني بساليك ,, طيفك معي حتى وانا في صلاتي قلبي وهو قلبي الى مر طاريك ,,,, لولا ظلوعي كان عزوا مماتي انا وقلبي والغلا ساكنن فيك ,,,, وانته وقلبك والغلا وسط ذاتي غلاك مثل الحكم عند المماليك ,,,, اكبر طموحي لا كل امنياتي شف في غيابي اي حاجة تسليك ,,,, لاني بعدك أسلى مع ذكرياتي احب لاني مقدر انساك و ابيك ,,,, ولا اقدر اخليك ياللي تحاتي مع ان احب ومقدر انسى واخليك ,,,, يعني بدونك ويش تسوى حياتي (( للشاعر حمدان المري )) كانت القصيدة بصوت نواف قاعد يسّمعها حق لولوه ... اللي من سمعتها انهارت واقعدت تبجي نواف يحاول يهديها : لا ياقلبي لاتبجين ... دموعج غاليه ... ماحب اشوفهم . لولوه بصوت متنهد : بس انت بتسافر وتخليني وانا ماقدر على فراقك . نواف : حبيبتي انا بسافر بس ماراح اخليج ... لانج معاي ,,, في قلبي وبالي وفكري .... ومستحيل اتخلى عنج ... لانج روح نواف . لولوه : نواف لاتسافر ... ماقدر اصبر بدونك . نواف : غلاتي ... بس ارد راح تكونين لي وحقي انا بروحي ..... لازم اسافر عشان مستقبلنا ,,, عشان عيالنا باجر لولوه ابتسمت وبصوت حزين : يعني معزم يانواف ؟ خلاص بتسافر باجر ؟ نواف : أي ياغلاتي ... باجر الساعه ه المغرب طيارتي ... والله يعيني على فرقاج ... لولوه احبج . لولوه : اموت فيك ... بس عفيا بشوفك ولازم اشوفك . نواف : بذمتج تبيني اسافر من غير ما اشوفج ... بصراحه ماقدر .... لولوه حياتي ابي منج طلب ؟ لولوه : عيوني لك يالغالي . نواف : أبي صورتج ... على الاقل تكونين معاي بالصوت والصوره ... امانه لاترديني . لولوة : ابشر ياقلب لولوة لك اللي تبي ... من لي غيرك . سكرت لولوة التلفون واهي تمسح دموعها ... وراحت على طول وبطلت الادراج وتشوف احلا صوره لها .... اختارت لها صوره كانت في قمة العفويه والبراءة .... كانت مصورتها بغرفتها القديمه ... ماسكه دوب وردي كبير ومبطله شعرها ولابسه بيجامه كلها دببه ورديه ... تطالع الكاميرا واهي تبتسم مما طلعوا غمازاتها . أبتسمت واهي تاخذها ... وأكتبت ورى الصورة (( أحبك )) واطبعت عليها شفايفها . *** دخل أبو احمد البيت .... مالقى أحد في بيته ... من عقب ما طلع أحمد ... حس أن البيت كئيب .... دق الانتركم وطلب الخدامه . ميري : يس بابا !! ابو احمد : وين مدام ام احمد ؟ ميري : مدام فوق . أبو احمد : روحي نادي عليها . بعد خمس دقايق انزلت ام احمد بعنجهيتها ...... وطالعت ابو احمد بأبتسامه : هلا بالغالي .... أمرني ؟ أبو احمد : هلا فيج .. اقعدي ... ابيج بموضوع ؟ قعدت ام احمد عند زوجها : خير شنو الموضوع ؟؟؟ ابو احمد : خطبت حق احمد .... أمس ... والناس وافقوا . ام احمد استنكرت الموقف : شنو .؟ خطبت له .... وليش تخطب له بدون ماتقول لي . ابو احمد بعصبية : اعتقد يوم جاج ويكلمج بالموضوع ... وانتي طردتيه من البيت بكبره .... ولدج هان عليييج ... طلع وخاطره زعلان ... وانتي عارفه بالظروف اللي مر فيها .. ولا قربتي منه ..... الحمدلله ان الله رزقه في بنت حنونه بتكون احسن من معاملتج له . ام احمد : شنوووو ... يعني سو اللي في باله ... هين والله لا اوريه ... ولا وخطب له وحده مايندرى عنها ... الظاهر طايحه بجبد اهلها . ابو احمد : عيب علييج يامره ... احشمي حالج .. صارت مننا وفينا ... وان سمعت او بس دريت انج مسويه مشكله ولا مصيبه .. والله لا يصير لج ماهو طيب .... وشوفي الملكه والعرس الشهر الجاي ... واقسم بالله ان ماحضرتي انتي وبناتج لعرس ولدج ,,,,,, لا ارمي عليج يمين الطلاق ... انتي فاهمه . قام وطلع من البيت ... وخلاها مغتاظه ... ولا قدرت حتى تسوي شي سوا تنفيذ أوامر زوجها . *** نورة بأحد سكويرات الجامعه ... كانت قاعده على الكراسي اللي عند المكتبه ... نظراتها فاقده شخص من ثلاث ايام ... تدور عليه ... ماشافته .... ياترى وينه !! أشتاقت لشوفته ... اشتاقت لمناجرها معاه ... اشتاقت لنرفزته ... اشتاقت له ..... حست بضيقه ... ألمحت بدور وشهد .. أشرت لهم ... شافوها وراحوا لها . بدور : اشفيج نوره مو طبيعيه ؟؟ تحسين بشي ؟.؟ شهد : أي والله مو نورة اللي نعرفها ... علامج !! نورة بضيق : احس اني مخنوقه ماني عارفه ليش . بدور : اسم الله عليج ... شفيج حبيبتي متضايقه مني ؟ شهد : يلا عاد قولي لنا احنا رفيجاتج ... واذا ماقلتي لنا تقولين لمنو ؟ نورة : والله يابنات مادري شفيني . بس احس اني متضايقه ... ودي ارد البيت . بدور : ومحاضراتج ... شلون ؟ نورة : بس مالي خلق احضر محاضرات وماعندي الا بعد ساعه . شهد وعيونها على نورة : انتي متضايقه على زياد ؟ نورة التفتت على طول : زياد ؟؟؟ ليش شفيه ؟ بدور غمزت حق شهد عشان ماتقول لها ... وشهد اسكتت .. نورة تتساءل بهستيريه : اشفييييييه زياد شصاير ... ماتقولون لي . شهد تكلمي اشفيه زياد لاتطلعيني من طوري !! بدور معصبه على شهد : صج انج تافهه وسخيفه ... بالله هذا وقته تقولين لنورة ؟ شهد متوهقه : امبيه اسفه ... والله زلة لسان ماكنت اقصد . نورة : بتقولون لي ولا شلون ؟ بدور واهي تمسك ايد نوره وتبي تطلعها عن السكوير ... وتوديها قاعه مافيها احد عشان يتكلمون على راحتهم ... وطبعا شهد معاهم ... نوره مسكينه ماقدرت تتحمل .... وتمت تترجاهم بس عشان يقولون لها عن زياد وشفيه بالضبط . بدور بدت تقول حق نورة : كنت انا وشهد امس قاعدين في قاعه ... وكان فيها اثنين قاعدين واحد منهم رفيج زياد اللي دايم معاه اسمه مشعل وكان شكله متضايق وسمعناه يقول للثاني عن زياد .. (( سكتت بدور ماقدرت تكمل )) نورة بتوتر شديد : أي كملي لاتحرقين اعصابي . بدور تمسك ايد نوره : زياد بالمستشفى مرقد ... فيه المرض الخبيث .. وحالته خطيره وميؤوس منها . نوره تبكي : لا تجذبييييييييييين .. زياد مافيه شي .. هالمرض الخبيث مو موجود بزياد لااااااااااا .. ياربي . شهد تبكي و تحظن نورة : بس يانوره كافي ... ادعي ان الله يشفيه . بدور : أي يانوره لازم ندعي الله يشفيه ويعينه على ما ابتلاه .... هو بحاجه لدعائنا ... البكى عمره ماينفع . نوره : احبه يابدور .... ولا قلت له ... ولا يدري عني .... اموت فيييييييييييه وانا ادري انه يحبني ويموت فيني .... لاتكفين مابيه يروح مني ... ابيه ... ابيه يعرف عني . وتمت تبكي بهستيريه . شهد تمسح دموعها : بس يانوره ... الحين فيه محاضره بهالقاعه وشوفي شكلج شلون . نوره : ماقدر امشي ماقدر .. آآآه ياقلبي . بدور : شهد ... محتاجين انطلع نوره برا الجامعه ... خلينا نروح لمكان بعيد شوي بالسياره .... عشان تهدي نوره . شهد : يلا امشوا .... سيارتي موقفتها قرييب . بدور وشهد امسكوا نوره اللي ماقدرت تمشي .... وطلعوها من الباب الخلفي ..... وتوجهوا لسيارة شهد ... اركبوا وراحوا واصفطوا عند البحر ... ونوره تمت تبكي .... وبدور انكسر قلبها على بنت خالها نوره ... وشهد ماقدرت تتحمل هالمشهد وعيونها بدت تدمع . نوره تصييح : ودوني لزيااااااااد الحييييييين ... بشوفه ولا اموت نفسي ... ودوني . بدور : انتي شفيج هبله ... شلون تبين تروحين ... اكيد اهناك اهله واخوانه وبصفتج شنو تروحين انشالله ... وبعدين ليش تحرجين نفسج . نوره وتبكي بكاء يقطع القلب : تكفون ودوني ... ابوس ارجولكم ودوني .... بس بشوفه ... والله مابي شي منكم . بدور : ماتروحين يعني ماتروحين . نورة واهي تبطل باب السياره : انا بروح له مابيكم تودوني .... شهد انصدمت وبدور بطلت الباب ولحقتها ... وشهد الحقتهم .... امسكتها بدور وهزتها : انتي شفيج خبله ... علامج ... ماتوقعتج جذي يانوره اصحي شوي ... تبين تفضحين نفسج جدام الناس . نوره تنهار مره ثانيه : ماتحسين فيني ... بس بشوفه حرام |
نوره تنهار مره ثانيه : ماتحسين فيني ... بس بشوفه حرام عليج ... لاتحرميني ... اخاف ماشوفه مره ثانيه..... بس بقوله اني احبه ... ابيه يعرف اني احبه ... واعتذر له عن كل الكلام اللي قلته واجرحه .... لاني جرحته حيل بكلامي ..... اخر مره شفته فيها كان مريض وماكنت ادري .... وفوق هذا كنت قمة في الحقاره .... خليته يعصب وهو مريض ... تخيلي .. خلص البريزنتيشن عشاني ... عشان مايبي الدكتور يزفني ... آآآآآآآآآه يابدور .
بدور مسحت دموعها ... وشهد ماقدرت تستحمل الموقف اكثر .. مسكت نوره وقالت لها : امشي انا اوديج المستشفى ولا اشوفج جذي .... يلا خلينا نروح . نوره تمسح عيونها : مشكوره شهد .... وربي ما انساها لج . اركبوا السياره .... وتوجهوا للمستشفى . *** اليوم ...... يوم السفر .... اقعدت لولوه الصبح وعلى طول دزت مسج شعر لنواف . (( إدعي علي بالموت ولا سمني && بس لاتفارقني دخيل الله وتغيب طاري السفر يابعد عمري همني && شلون اودع بالمطار أغلى حبيب تعال قبل اتروح عني ضمني && اقرب من انفاسي ترا حالي صعيب أبنتثر قدام عـينك لمني && وابسألك هل نلتقي عما قريب !! )) تم 5 دقايق وبعدها اتصل نواف على طول : صباح الخير ياقلبي .... ذبحتيني بهالمسج . لولوه : هذا اللي حاولت اعبره لك امس بس ماقدرت . نواف : ياقلبي انتي ... والله عارف .... حبيبتي تبيني اكلم عمي عن موضوعنا قبل لا اسافر ؟!! لولوه : لا نواف ... ابي لما ترد من السفر .... عشان تكون مرتب امورك . نواف : على راحتج يالغاليه ... لولوه ابي اشوفج ... قبل اسافر ... وبصراحه مستحي امر عليج بالبيت نظرا لوجود خالج والوالده . لولوه : لاعادي لاتستحي ... احنا اهل ... ومره وحده سلم على امي . نواف : زهبتي لي الصوره ؟ لولوه : كل شي جاهز ياقلبي . نواف : بعد نص ساعه امر عليكم اوكي . لولوه : حياك الله بأي وقت . بسرعه قامت لولوه وغسلت وبدلت ملابسها ... وانزلت تحت ولقت بس امها قاعده ... اما جدتها رايحه لخالتها ام بدر هي وام خالد .... وضحى نايمه والباقي عليهم دوام . لولوه تبوس راس امها : صباح الخير يا أحلى ام . ام لولوه : هلا في بنيتي ... صباح النور . لولوه : يمه نواف ولد عمي بيمر عليج ويسلم . ام لولوه : الله يسلمه من كل شر ..... ليش فيه شي ؟ لولوه : أي يمه بيسافر برا بيحضر مؤتمر ... واتصل وقال بمر على خالتي وبسلم عليها . ام لولوه : فيه الخير والله .... طيب من طيب امه الله يرحمها ... كانت خوش مره . لولوه بأهتمام : كنتي تعرفين المرحومه امه ؟ أم لولوه بدت تتذكر ايام قبل : اييييييي منيره الله يرحمها ... تزوجت عمج وماكان احد متقبلها من البيت ... كلهم رافضين الزواج ,,,, لانها مو من عايلتهم وبعيده عنهم ... فكان جدج رافض هالزواج ... بس عمج مبارك كان شاريها ومتمسك فيها ... لان ماعندها احد .,.. كانت يتيمه ومربيها جدها ... كانت قمه في الطيبه وبنت حلال ... الله يرحمها . لولوه : الله يرحمها ويرحم جميع موتى المسلمين . أم لولوه : اللهم امين . وصل نواف البيت ... واتصل على لولوة عشان يبلغها انه وصل ... راحت لولوة بطلت له الباب ... تم واقف عند الباب ويطالع لولوه بأنبهار ... اللي كانت بسيطه من ناحية اللبس والشكل ... لو وحده غيرها جان اترست الوجه مكياج ..... اما لولوه استحت من نظراته ونزلت راسها ... نواف مد ايده على راسها ورفعه فوق : لاتحرميني هالوجه الحلو .,.. خليني اشبع منه . لولوه خلاص صارت طماطه وبتضيع السالفه : امي تنطرك بالمجلس . نواف مانزل عينه منها : احبج . اكتفت بالابتسامه ... ومشت عنه ... ومشى وراها ... استقبلته ام لولوه بحب وحنان : حي الله وليدي ... شخبارك عساك بخير . نواف يصافحها : بخير ياخالتي انتي طمنيني عنج ؟ ام لولوه : عسالله يحفظك ويعافيك انشالله ..... تروح وترد لنا بالسلامه . نواف : الله يسلمج ياخالتي . ام لولوه : عاد ماوصيك على نفسك ... انتبه على حالك ... ولاتنسى الصلاة ياولدي ... ودايم اذكر الله . نواف : الله يسلمج ... انشالله ابشري ياخالتي ... اليوم طيارتي المغرب وقلت ماني مسافر الا اسلم عليكم . طلع ظرف من مخباته وسلمه حق ام لولوه : خالتي واللي يعافيج اقبلي هالظرف مني ؟ ام لولوه بأستغراب : شنو فيه هالظرف ؟ نواف منحرج : فيه كل خير .... وهذي هديه مني لكم انتي ولولوه . ام لولوه : لا ياولدي .... لاتخليني ازعل عليك .,.. الحمدلله الخير موجود والحال مستور ... لو احنا محتاجين جان قلنا لك ... بس ولله الحمد كل شي عندنا . نواف : مافي زعل انشالله .. والحمدلله عسالله يزيدنا ويزيدكم ... بس هذي مو عطيه ... هذي هديه ... والهديه ماتنرد ... تكفين ياخالتي ,,,,, لاتحسسيني اني غريب عليكم ... انا ولدج ومنج وفيج ... امانه لاترديني.... حلفتج بأغلا ماعندج انج ماترديني . أم لولوه توهقت عشان نواف حلف عليها : انا باخذها ياولدي عشانك ... بس هالمره لكن لو كررتها وربي ما اخذها . نواف بأبتسامه : تمونين ياخالتي . جتهم لولوه وقدمت العصير حق نواف ... واستأذنت ام لولوه بتروح تودي الظرف وبترد .. نواف بتلهف : وين اللي وصيتج عليه .؟ لولوه اضحكت ... وطلعت كيس صغير مزخرف من المكتبه ... وعطته نواف .... بطل نواف الكيس وشاف رساله والقرآن الكريم بحجم متوسط لكن لولوه طلبت منه مايشوف الصوره ولا يقرا الرساله الحين ... لما يوصل بالسلامه . نواف ابتسم : احلا هديه المصحف الشريف .... ما نحرم منج يالغاليه . لولوه : تكفى نواف ... ماوصيك على حالك ... وعفيا أول بأول تتصل فيني ... واي شي يصير معاك تقول لي ... عشان احس اني موجوده عندك . نواف قرب من لولوه ومسك ايدها وبجرأه باسها .... لولوه بهاللحظة خلاص ماتت من الحيا ... نواف حس انه تجرأ و لولوه توترت فحاب يلطف الجو : لاتلوميني يالغاليه ... ردت روحي يوم مسكت ايدج وبستها . دخلت ام لولوه عليهم ... واهني نواف لازم يستأذن : خالتي ماوصيج على لولوه ... ولولوه ماوصيج على خالتي ... انتبهوا لنفسكم. ام لولوه : تروح وترد بالسلامه ...حافظك ربي ويستر عليك انشالله . لولوه وصلته للباب .... وطالعها نواف : لولوه . لولوه : عيونها . نواف : فديت عيونها ... قولي احبك ... خاطري اسمعها منج وانتي عندي . لولوه بصوت ناعم : أحبك موت يالغالي . نواف طق على صدره : أخييييييييييه ... وانا اموت فيج ... ماوصيج على عمرج . لولوه : ابشر يانور عيني ... درب السلامه . طلع نواف ... لكن لولوة نادته ولف عليها : نوااااااااااااااف ارجع لي سالم . ابتسم نواف ... واشر على عيونه .... وطير بوسه بالهوا ... ولولوه رفعت ايدها ويعني امسكت هالبوسه وباست ايدها .... ياااااااااااه شكثر تحبه ... مانقول الا الله لايغير عليهم يارب . *** طفوله ... براءة .... ضحك .... لعب .... بكى ...... وناسه .... شطانه ... هدى وجو الاطفال في الروضه وانواع الازعاج .... تحاول تختلط بهالجو في سبيل نسيان فارس ..... شافت بنوته حلوه قاعده تبجي قربت عندها : شفيج حبيبتي قاعده تبجين .؟ البنوته : أبي ماما .. ابي الوووح بيتنا ( أروح) هدى تبتسم : ليش فيونه اهني مو وناسه .. شوفي كلهم قاعدين يلعبون ... ليش ماتلعبين معاهم وتستانسين ... ماما راح تاخذج بعد شوي . البنوته : لااااااااا موبي ... بلوووح بيتنا . هدى واهي تقعد على الارض مثلها : انزين شوفي ... شرايج تلعبين معاي ... انا بروحي مثلج وابي العب ماعندي اصدقاء .... عادي اصير صديقتج ؟ البنوته : خلاس بث ثنو نلعب ابله ؟ ( بس شنو نلعب ) هدى : خلاص شوفي شرايج نرسم ورد .... يلا قومي معاي خل ناخذ الوان ونرسم .... ليما الماما تجي وتاخذج اوكي . استانست البنوته وبطفوله قامت وامسكت ايد هدى ... واتجهوا صوب المرسم ... اللي هدى نست انها كبيره وارجعت لأيام الطفوله .... لكن ماقدرت تنسى فارس ... او بالأحرى مستحيل تنساه . *** وصلوا المستشفى على الساعه 11 ونص الصبح ... وقفوا في المواقف .... بدور واهي تلتف لنوره : سمعيني ... احنا نبي ننطرج اهنيه ... روحي بسرعه شوفيه وتعالي ... لاتطولين ورانا محاضرات ؟ شهد : أي نوره بليز لاتطولين . نورة واهي تبطل الباب : انشالله . بدور : لحظه نوره ... سمعي ... اول شي شوفي يمكن اهله موجودين انتبهي ولاتفشلين نفسج ... تعالي بسرعه اول ما تشوفينهم .... وهاج النظارة السوده لبسيها . نورة مستعجله : انشالله بدور لاتخافين ... اعرف اتصرف . لبست النظارة وتوجهت لبوابة المستشفى ... ادخلت وكان قلبها بيدها ينبض بمشاعر متعدده.... مشاعر خوف .. رهبه ... حزن .. حب ... وله ... وصلت للرسبشن ... موظف الرسبشن بأبتسامه : how can I help u ? نورة بتوتر : i`d like to ask about a patient here .. his name Zyad Ali . الموظف : wait a minute , please ? نورة : ok, take your time الموظف : Room No 102 , Third floor . نورة : thanks راحت عند الاصنصير .... واضغطت على الطابق الثالث ... دشت الجناح ... وعيونها على ارقام الغرف ... 100 ... 101 ... قربت للغرفه وقلبها كل ماله وينقبض زياده ... وصلت عند الغرفه 102 ... ادمعت عيونها قبل لاتدخل .... ألتفتت فيه احد ولا لا ... لقت ان مافيه احد .... كانت تبي تبطل الباب ... لكن الباب تبطل ... على طول انحاشت ورى طاولة الممرضات ... وشافت ممرضه طالعه من الغرفه ... توجهت بسرعه للباب .... وامسكته قبل لا يتسكر ... ودخلت .... وكم تمنت تشوف زياد بغير هالمكان ... كانت الغرفه شبه مظلمه .... تقدمت بهدوء .... شافت زياد نايم على السرير ... مانتبه ولا حس في وجود أي شخص ... تقدمت اكثر واكثر ... قربت منه ... لاشعوريا بدت دموعها تنزل .... امسكت ايده بحنان ... لقتها بارده ... قربت من وجهه ... كانت ملامح التعب والمرض واضحه عليه .... صاير هزيل .... وجهه شاحب بزياده .... كان مغطي شعره بكاب قطني ..... والظاهر مايبي احد يطلع عليه بعد العلاج الكيماوي ... ظلت ماسكه ايده ... وقربت من راسه وباست راسه ..... دموعها انزلت على وجهه ... امسحت وجهه بيدها ... حس بلمساتها ... حس بعطرها ... بطل عيونه شوي شوي ... نوره حست انه وعى وصحى .... زياد بتعب : نورة . نوره تحاول تبتسم ولاتبين دموعها : ألف حمدلله على سلامتك . زياد : انتي نورة ... ماني مصدق ... ليش جايه . نوره تبتسم : شدعوا ماتبيني اجي ... هالدرجه ماتشتهي تشوفني . زياد : لا مو القصد ... بس مابيج تشوفيني بهالمكان هذا ... ولا ابيج تشوفيني بهالشكل . نوره : لاتقول هالكلام ... ترا والله ازعل عليك ... زياد اانا جايه اتطمن عليك لاني فقدتك . زياد : فقدتيني !!! نوره تضغط على ايد زياد : زياد احبك . زياد يطالع ايد نوره بذهول ... ويرد يطالع وجهها البريء : تحبيني يانوره ! نوره دموعها بدت تنزل : أي احبك من اول يوم شفتك ... بس كنت اكابر .. ولا ابي اعترف لك ... كنت خايفه انك تطنز علي .. وتحتقرني ... لاني بنت بسيطه و .... زياد حط ايده على فم نوره : لاتكملين ... انا من شفتج وحالي منقلب ... حبيت البساطه منج وتمنيت اعيش معاج .... نوره انا حبيتج من اول لحظه شفتج فيها ... صح اني كنت انرفزج واخليج تعصبين ... بس صدقيني هالشي خلاني اقرب منج واقتحم عالمج .. بس الحين ماينفع .... ياليت لو اقدر اعيش اكثر .... ياليت . نوره تبجي : لا يازياد لاتقول جذي ... انشالله بتكون بخير وصحه ... وتشفي ... هذا كله تقليل ذنوب انشالله ... ولك اجر ... بس اصبر . زياد يبتسم : الله كريم ... بس نوره ابيج تسامحيني على أي شي ضايقتج فيه .... مادري متى راح اموت . نوره : لاتجيب طاري الموت ... بإذن الله راح تعيش بصحه وعافيه ... عشاني زياد لاتقول جذي . زياد وهو يمسح على وجه نوره : أنتي احلا شي صار لي بحياتي كلها . وفجأه بدأت اعراض المرض تظهر عليه .... قعد يتألم ويصرخ بقوه ... نوره انهارت ... على طول اطلعت ونادت الممرضات ... اللي ركضوا لزياد وطلعوا نوره بره ... وشافت الدكتور يركض ... ونوره ماقدر اوصف لكم شلون كانت حالتها .... بس كانت تبكي وتدعي الله ان يشفيه ويعطيه الصحه والعافيه ... انتظرت عند الباب ليما الدكتور يطلع .... طلع الدكتور ... واركضت له نوره : دكتور عفيه شلون زياد ؟ الدكتور : عفوا انتي من العايله .؟ نوره : أي انا من العايله ... شلون حالة زياد بليز طمني ؟ الدكتور : ماني عارف شقولج بالضبط ... زياد حالته متكلفه حيل ماقول الا الله يرأف فيه و ادعي الله ان يشفيه . نوره : يعني شنو ماكو امل خلاص ... زياد بيروح من ايدي . الدكتور : الاعمار بيد الله يا اختي ... و للأسف اكتشفنا المرض متأخر جدا .. ماله علاج الا المسكنات ... الحين عطيناه مسكن ... اتمنى لو تزورينه وقت ثاني لانه نايم ومانبي احد يزعجه ... وباجر تعالي زوريه . يلا عن اذنج . تمت نوره واقفه ودموعها للأسف ماوقفت ... وكانت ترجف من شدة البكا .... مشت شوي شوي ليما وصلت الاصنصير ... وانزلت تحت ... لمحتها شهد من بعيد : بدور كاهي نوره .. روحي لها شكلها يالله تمشي . انزلت بدور بسرعه وراحت لها : ها شلونه ؟ نوره : آآآآآه يابدور ... حاله يعور القلب ... ادعي له تكفين . بدور : الله يشفيه ويشفي جميع مرضى المسلمين ... اللهم آمين . ركبوا السياره .... اما نورة طلبت من شهد انها توديها البيت لان مو قادره تروح الجامعه وهي بالمنظر هذا ..... تموا ساكتين طول ما اهم بالدرب .... بأستثناء شهقات نوره ... وصلت البيت ونزلت بدور مع نوره ... ودخلت البيت والحمدلله ان ماكان في احد قاعد ... دخلتها غرفتها ... وانسدحت على السرير وغطتها بدور باللحاف ... واطلعت ... صادفت لولوه بالممر ... واستغربت لولوه من وجود بدور : بدوووووور شعندج ؟؟؟؟ شجايبج هالحزه ... مو المفروض بالجامعه .؟ بدور : جايبه نوره شوي تعبانه .... لولو ديري بالج على نوره ... انا بروح الحين لان رفيجتي تنطرني برا وفشله مخليتها بروحها .. انا امر عليكم العصر ... يلا سلام . لولوه : مع السلامه . *** راحت لولوه لغرفة نورة ... وشافتها تبكي بصمت .... قربت منها : نوره اسم الله عليج ... اشفيج ياقلبي ؟؟؟ نوره بحرقه : آآه يالولو ... لو تدرين باللي صاير .... زياد خلاص ... ( ماكملت كلامها وتمت تصيح ) لولوه مستغربه : منو زياد .. وشالسالفه ... فهميني شصاير ؟ نورة هدت شويه : هي قصه طويله يالولوه ... راح اختصرها لج ... زياد طالب معاي بالجامعه حبيته وهو بعد حبني ... واكتشفت انه مريض بالمرض الخبيث وطايح بالمستشفى .... بيضيييييييييع مني يالولوه.... ما اقدر اعيش بدونه . لولوه انكسر خاطرها وتمت تحظن نوره : لا يانوره .. ذكري ربج ... الاعمار بيد الله .. والله يشفيه انشالله ويكون احسن من الاول . نوره : وين يصير احسن ... والدكتور يقول حالته خطيره وميؤوس منها . لولوه بشفقة على نوره : لاحول ولاقوة الا بالله ... الله يرحم حاله انشالله . تمت نوره على صدر لولوه تبكي ... ليما غفت ونامت . *** بعيد عن جو الحزن ... وبمكان ثاني فيه الحب والشوق .... أحمد اللي كان عازم ضحى على الغدا .. لحظة وصولهم الى المطعم ... اقعدوا على طاولتهم اللي حاجزها احمد ... احمد بأبتسامه : ها حبيبي شرايج بالمطعم ؟؟؟ انشالله اعجبج . ضحى بحب : كل شي منك حلو ياحياتي . أحمد : يابعد قلبي والله ... حبيبي غمضي عيونج عندي لج شي . ضحى : صج وناسه يلا كاني غمضت . (( طلع من مخباته علبة صغيره ... كانت تحتوي على خاتم مرصع بألماس ... ومكتوب من داخل الخاتم .. "أحمد ضحى حب للأبد" .. طلع الخاتم ومسك ايد ضحى ولبسها ... ومن ثم باس ايدها )) ضحى بطلت عيونها .. وشافت الخاتم الاكثر من رائع : يابعد عمري يا احمد ... ليش مكلف على عمرك جذي ... شكله غالي . أحمد : الغالي للغالي ... ها انشالله عجب حبيبي . ضحى : مو بس عجبني الا حاز على رضاي بعد هههههههه يهبل كلك ذوق . وصل الطلب .... وتموا ياكلون ... لكن ضحى لاحظت على احمد مو ماخذ راحته شوي وكان متضايق ... لان كل 5 ثواني يغطي رقبته وايده ... مايبي الحروق تبين ... وخصوصا جدام ضحى . ضحى تفهمت وضعه ولا حبت تحرجه واسكتت عنه . *** تم وصول نواف إلى مطار فيينا ... على طول اتصل على لولوه وحاب يطمنها عليه .. دق على موبايل لولوه وردت : هلاااااااااااا حبيبي الف حمدلله على السلامه ها وصلت ؟ نواف : أي حبيبتي انا توني واصل حتى الفندق مارحت ... قلت بطمنج علي أول بأول . لولوه : حبيبي انت دير بالك على عمرك انزين ياقلبي ... ولا تطالع مني مناك ترا اشوفك هههههههه. نواف : اصلا انتي تارسه عيني ... ومليتي عيني ... كل ماشوف احد .. تطرين على بالي .. المهم حبيبتي انا مضطر اني استأذن لان بروح اشوف لي تاكسي اخليه يوديني الفندق وراح اتصل عليج اول بأول ... انتي بعد انتبهي على نفسج ... تراج انتي غاليه . لولوه : وانت اغلى يانور عيني . *** في صباح يوم جديد ... كانت نوره متأمله انه اليوم يكون يوم مليء بتباشير الخير .... غسلت وجهها وكانت عيونها حمر من آثار البكى ... ألبست ملابسها وزهبت اغراضها عشان تروح للجامعه ... لان اليوم نتيجه البريزنتيشن اللي جمعها مع زياد ... حضرت محاضرتها والدكتور بدأ يقول نتيجة البريزنتيشن .. وطبعا حصلوا على A+ .. ارتاحت نفسيا .... وقررت انها تزور و تبشر زياد بهالنتيجه ... اتصلت على لولوة : هلا لولوه شلونج . لولوة : هلا حبيبتي ها احسن انشالله .؟ نورة : الحمدلله احسن .... البريزنتيشن اللي مسويته مع زياد ... جبت فيه امتياز . لولوه : مبروك يلا تستاهلون . نوره : لولوه ابي اطلب منج طلب واتمنى ماترديني . لولوه : امريني يالغاليه عيوني لج . نوره : تسلم عيونج حبيبتي ... ابيج تمريني وتوديني المستشفى ... خاطري ازور زياد وابلغه عن النتيجه . لولوه : امممممم ... اخاف اهله عنده موجودين . نوره : خلينا نروح ونشوف ... عفيا لولو . لولوه : اوكي بس خل استأذن من امي وامرج على طول . نوره : لاتطولين انا ناطرتج . لولوه : انشالله يلا باي . لمحت شهد جايه صوبها وماسكه بأيدينها عصير برتقال ... شهد بأبتسامه : السلااااااااام عليكم . نوره : هلا شهود وعليكم السلام . شهد : تفضلي هالعصير ... جايبته حقج . نوره بأبتسامه : مشكوره شهد ... ماقصرتي شهد : شدعوا مابيننا شكر احنا صديقات .. ها شلونج الحين .؟ نوره بلمحة حزن : الحمدلله احسن ... والحين لولوه بتمرني وبروح ابشر زياد عن نتيجة البريزنتيشن جبنا امتياز . شهد : صج ... يلا عالبركه ... ومره وحده سلمي على زياد . نوره : الله يسلمج من كل شر ... وين بدور ؟ شهد : بدوووور ماداومت اليوم ... مالها خلق . نوره : أي مسكينه امس عندنا من العصر وماراحت الا متأخر ... تلقينها نايمه . بعد نص ساعه من السوالف ... دقت لها لولوه بالموبايل : يلا نوره طلعي انا عند البوابه الرئيسيه . نوره : يلا كاني طالعه . اوقفت نوره وقالت لشهد : شهود انا بروح الحييييين اوكي ... يلا سلام . شهد : اوكي ماتشوفين شر . *** وصلوا المستشفى .... ووقفت سيارتها بالباركينق ... وانزلت نوره اللي كانت شاريه بوكيه ورد حق زياد ومعاها لولوه ... وتوجهوا للطابق الثالث ...شافوا من بعيد ناس متجمعه عند غرفة زياد ... وشافت مرة لابسه عبايه وكانت تبكي بهستيريه وتصييييييح بأعلى صوتها : ياويلي عليك ياولدي ... ورجال يبكي و ماسكها ويحاول يهديها .. نوره مسكت قلبها ... ولولوه حطت ايدها على فمها ... نوره طالعت لولوه بنظرات خوف : لولوه ليش يبكون ؟ لولوه : مدري ... اللهم اجعله خير . مر الدكتور من عندهم ... وسألته نوره : دكتور شلون زياد .؟ لكن الدكتور اكتفى في ان يهز راسه : البقا براسكم .. زياد في ذمة الله ... اطلبوا له الرحمه والمغفره ... عن اذنكم . نوره دموعها تنزل بس كان لها مقدره في انها تتكلم : لولوه زياد حي ... الدكتور يجذب علي ... زياد مامات صح يالولوه ... زياد مامات ... امس ماكان فيه شي ... كان يكلمني ... وانا قلت له راح ازورك باجر ... اكيد ينطرني الحين . لولوه : نوره خلينا نطلع الحييييين يلا امشي . نوره : لا مابي اطلع الا اشوف زياد ... بقوله عن النتيجه ... ابي افرحه . غصب عنها لولوه دمعت عيونها ... واسحبت نوره بكل قوه لبرا المستشفى ودخلتها السياره.. لان ماتبيها تشوف موقف ام زياد وابوه ... اما نوره صابتها حالة هستيريه : لاااااااااااا .. زياااااااااااد مامااااااااااااااااااااااااااااات .. ماماااااااااااااااات ... ابي اشوفه . لولوه وبكل قوه اصفعت نوره عشان تستوعب الموقف : زياد مات افهمي . انصدمت نوره ... اغشى عليها وطاحت على لولوه ... اللي لولوه تمت تركض للمستشتفى : لحقوووووووني اختي مادري شفيها طاحت علي بالسياره . اركضوا الممرضات لبرا ... وحطوا حق نوره اكسجين ... ودخلوها داخل غرفة الملاحظة . اما لولوه كانت خايفه على نوره وتمت تبجي وتدعي الله يصبر نوره واهل زياد على مابتلاهم . الله يرحمه ويرحم جميع موتى المسلمين . ياترى شلون راح تكون حالة نوره بعد موت زياد ؟؟ |
الجزء الرابع عشر
مر شهر تقريبا .... زادت علاقة نواف ولولوه حب ولهفه ... صاروا مايقدرون يتفارقون ... ونواف ماستحمل وقرر اول مايوصل المطار خلاص يكلم عمه ابو احمد ويطلب ايد لولوه ... ضحى وأحمد جمعهم الحب وتحدد زواجهم بعد شهرين .... هدى وفارس والوضع على ماهو ماتغير حتى الان مع ان حنين هدى لفارس بين على عيونها ولكن الكرامه فوق كل شي ..... نورة قررت توقف قيدها لمدة كورس كامل لانها اتعبت نفسيا بعد موت زياد ولا قدرت تكمل ... وأهلها ماقدروا يفهمون سبب رغبتها مع ان نوره كانت من المتفوقات وتحب الدراسة ...ولا تقدر تروح للجامعه من غير ماتشوف زياد . *** دانه واخيرا تحدد موعد زواجها ... وكان بعد 3 أيام بالضبط ... الكل قاعد يجهز لزواج دانه ... لولوه من صوب وضحى من صوب وخوات دانه وطبعا منى ومي .... كل وحده تبي تطلع وتكون الأحلى . *** اتصلت لولوة على حبيب القلب نواف ... اللي كانت مشتاقه له وخاطرها تشوفه قبل لاتروح العرس : هلا حبيبي ... شلونك ياقلبي عساك بخير ؟ وشخبارك ؟ نواف بصوت مهموم : شسولف لك عن اخباري وش الدنيا عقب فرقاك حشى والله ماتسوى لا الدنيا ولا اخباري حبيبي كم تصبرني على الفرقى صدى ذكراك وانا لامن ذكرت الحب يرد الحب لك طاري ورب البيت ما اجامل قليل ان قلت انا اهواك انا عندي كلام اكبر يهز الحب واقداري احبك ايه متأكد ولا يطري علي انساك انا وشلون انسى اللي رسمته درب مشواري . (( آآآآه يالولوة وش الدنيا عقب فرقاااااااااااااااااااااااج )) لولوه دمعت عيونها و خافت على نواف : يابعد روحي انت .. بس حبيبي علامه صوتك ... مو مثل كل مره ... فيك شي .. مريض تعبان شفيك ؟ نواف وصورة لولوة قباله : لاحبيبي مافيني شي .. بس مشتاق لج حيل وتمنيت لو انج معاي الحين ... او انا معاج الحين .. واشوف كشختج بعرس دانه ... وبس هذا اللي مكدر خاطري . لولوه : يابعد قلبي والله .... انا أكثر وربي ... حبيبي هانت ماباقي الا شهرونص انشالله ... وبعرس احمد راح تشوفني وتشبع مني نواف ابتسم : عساني منحرم من هالحنان هذا ... أقول لولوه حبيبي ؟ لولوه : هلا ياعيون لولوه . نواف : فديت عيونج ياعيوني .... ادري بتروحين الصالون ... بس حبيبي ما اوصيج اقري المعوذات مابي الناس تصكج عين وبعدها تسكربين وابتلش فيج هههههه . لولوه بضحكه متواصله : ههههههههههههههههههههههههههههه نواف : ااااااااااااه فديت هالضحكه هذي ... ياعساها دوم .... سمعي لاتنسين صوري لي بالعرس خاطري اشوف ام عيالي وزوجتي حبيبتي وهي كاشخه . لولوه مستحيه : يوووووووووه بس عاد والله استحي .... انشالله حبيبي ولا يهمك . بس اهم شي انت انتبه لنفسك اوكي . نواف : اوكي ياقلبي ..... بس مو ناسيه شي ؟؟؟ لولوه خدودها حمر : وبعدين يعني .؟ نواف بعناد : ماراح اسكره الا بحلاوتي ... يلا ابي حوااااااااااوه لولوه بأرتباك : يلا عاد بسكره تأخرت البنات ناطريني حدك فاضي . نواف مسوي نفسه زعلان : يهون عليج يعني اسكره وانا زعلان ... خلاص العرس اهم مني ... روحي استانسي وخليني بروحي وانا زعلان . لولوة حنت له: ماعاش من زعلك ياعيون لولوه . نواف : يلا وينها . لولوه بدلع : أممممممممووووووووووووواااااااااح . نواف : اااااااااااااخيييه خلاص مت ماستحمل . لولوة تضحك : يلا حبيبي انتبه لنفسك واول مارد من العرس ادق لك اوكي . نواف : اوكي حبيبي ... ولاتنسين تقرين على نفسج المعوذاات . احبج . وباست الموبايل عقب ماسكرته .... راحت بتجهز اغراضها حق الصالون . *** اليوم .... يوم عرس مشاري ودانه ... اللي كان مختلف عن باقي الاعراس من فخامته وترتيبة وحضور المعازيم اللي امتلت الصاله منهم .... قاعة العرس كانت كبيره ... وتسكيرة القاعه من داخل كلها ذهبي مع عنابي وعلى كل طاولة باقة ورود بلون أحمر .... الكوشه كانت على شكل قوقعة كبيرة محاطة بالورود . خلونا نوصف البنات اتفقوا ضحى ولولوة ونوف وطبعا بدور وهدى مع خوات دانة لصالون معروف جدا بالكويت ... طبعا نورة اعتذرت وماقدرت تروح لعرس دانه لأسباب نفسيه خاصه فيها (( موت زياد )) بس اتصلت على دانه وباركت لها ونفس الوقت اعتذرت من عدم حضورها .... البنات كانوا محتاسيييين وكل وحده لاهيه بعمرها ومايبون يتأخرون ... وتقريبا زهبوا أغلبية البنات .... لولوة كانت لابسه فستان من قطعتين ... البدي كان كت بيج مزين بكريستالات شوارفسكي بلون عسلي والظهر كان طالع وحاطه على ظهرها صورة بشكل وشم فراشه ذهبية بعسلي لامعة والتنورة كان موديلها فرنسي كلوووش متداخل معاه اكثر من خامة ودانتيلات ذهبيه وعسلية ... رافعه شعرها كله بشكل مجعد ونازل منه كريستالات وحاطه مكياج لونه بني دخاني ... مع حواجب Chinese ... وروج لونه برتقالي فاتح ... كان شكلها اكثر من قمه ورائع ... ضحى كانت لابسه فستان لونه تركواز مزين بكريستالات لامعه فضية وموديله كان ناعم وبسيط كان الصدر مفتوح على شكل رقم سبعه يوصل تقريبا للبطن بس كان شفاف .. ونازلة سلسلة على ظهرها لتحت ... وكانت مسوية التسريحة الرومانية وحاطه ورد صغير على جنب (( وهي تسريحه يديدة هبوا فيها بالكويت )) ومكياجها كان لونه زهري مع شدو تركواز .. وشكلها كان قمة في الرقي كأنها عارضة ازياء ... ونوف مخليه شعرها نفس طريقة السبايكي لانه بوي وكان ستايلها غربي نوعا ما ... وفستانها كان قصير للركبة ... مفتوح من عند الصدر وكان شفاف من عند البطن ولونه طبعا بيبي بلو .. ازرق سماوي مع لمعة ملونة ... وكان شكله كيوت ... هدى ماكان لها خلق تروح بس فشله راحت عشان دانه اكتفت في انها تلبس فستان بسيييط جدا ولونه اصفر مع رداء خاص له اما شعرها فكان نازل بشكل مرتب واكتفت انها تحط مكياج خفيف وطالعه قمر ... بدور كان شكلها غير عن هدى ... كانت لابسه فستان بنفسجي ضيق طويل مع حزام أحمر لامع وكان لها فتحه لنص الفخذ وشعرها مسويته بوف خفيف وحاطه ربطه صغيره بلون احمر وبنفسجي وطبعا مكياجها بنفجسي دخاني مع روج أحمر ... أما خوات العروس اشواق واماني وخلود كل وحده لها ستايل خاص بس ماشالله طالعين حلوين وذربين . بدور تكلم نورة بالتلفون : اييييييه انا خلصت والحمدلله طلع شكلي حلو ... تدرين خالد بيشوفني ولازم اكشخ .... توقعين راح اعجبه ؟ نورة واهي قاعده على سريرها : اكيد يابدور ... لو ما تعجبين خالد من راح يعجبه ... عسالله يوفقكم انشالله . بدور : تمنيتج يالخايسه تكونين معانا . نورة نزلت راسها وتحس الدمعه بتطلع ... بصوت متنهد : شلون تبيني اروح وزياد ماصار على وفاته شهرين ؟ بدور ماتبي تخليها تتضايق : خلاص نوره مضطره اخليج بتصل على خلودي وبس ارد للبيت ادق عليج اوكي . نوره : اوكي مع السلامه . *** طلعت لولوة من غرفة تبديل الملابس .... والكل شافها وانبهر من شكلها ... جتها وحده بنت ماتعرفها : ماشالله تبارك الرحمن ..... شكلج يهبل وروعه ؟ لولوه بأبتسامه : تسلمين من ذوقج الحلو . البنت : انتي متزوجه ... لان خاطري اخطبج حق اخوي . لولوه اضحكت : حبيبتي انا مخطوبه حق ولد عمي . البنت : الله يوفقج انشالله .... ويابخته فيج ... دام ماخذ قمر . لولوة استحت : حبيبتي والله مشكوره . راحت صوب غرفة البنات . أشواااااق شافتها : احلا احلا .... طالعه قمر . لولوه تبتسم : مشكوره ,... وين البنات خلصوا . أشواق : باقي خلود واماني داخل يحطون مكياج ... هدى خلصت مكياجها و اتصلت على اخوها و راحت معاه اهي ونوف . لولوة : وضحى وبدور وينهم ؟ أشواق : بدور موجوده اعتقد تكلم نوره ... وضحى باقي بس تسريحتها . لولوة : انزين رحتي شفتي دانه ... يمكن تبي شي ؟ أشواق : أي رحت لها بس خبيرة التجميل مارضت تدخلني ... وكاني انطر ؟ لولو شرايج بشكلي حلو ؟ لولوه : كلج حلا يا اشواق . بصالون ثاني .. كانت مي ومنى ومريم اخت نواف يحطون مكياج ... منى خلت شعرها على طوله نظرا لانه طويل بس سوت خصل من شعرها زوي ...... ولابسه فستان لونه احمر موديله كان طويل مكشوف الصدر ومن الركبه لي تحت كان جاي طبقات .... وحاطه ميك اب اسود دخاني وروج احمر وكان شكلها حلو .... أما مي ومريم كانت أشكالهم عاديه وبسيطه ..... خلصوا البنات ودقوا على عبد المحسن وجا وصلهم لغاية الفندق . *** خلصوا البنات كلهم ... وكل وحده تاخذ راي الثانيه بشكلها .... ضحى اتصلت على أحمد : هلا حبيبي ... احنا خلصنا ... يلا تعال . أحمد : يلا ياقلبي دقايق واكون عندج . ضحى بصوت عالي : لولو احمد دقايق ويكون عندنا يلا زهبي نفسج . لولوة : يلا انا زاهبه ... بس بروح اسلم على دانه . اتجهت لولوه لدانه ... اللي كانت قاعده في جناح العرايس وكانت مرتبكه ... طلت عليها لولوه : ماشالله عليييييييييييج تهبليييييييين . ألف مبرووك مشاري بينجن لما يشوفج . دانه بأرتباك : الله يبارك فيج ... لولو خايفه حدي ... مادري شفيني . لولوه تضحك : عادي كل عروس تحس بهالاحساس ... على العموم ما طول عليج .. ريحي بالج ... واقري آيات قرآنية عشان ترتاحين . دانه : لولو خليج معاي قعدي . لولوة : ودي ياقلبي .. .بس ماقدر لازم اروح مع احمد وضحى . باستها لولوة وتركت خواتها معاها ... وشافت بدور بتطلع : بدور مع منو بتروحين ؟؟ بدور : خالد ناطرني برااا ... يلا لولو بروح لا يعصب علي . راحت لولوه عند ضحى : ضحى حبيبتي ... هاج موبايلي وصوريني .؟ ضحى استغربت : ليش انشالله ؟ لولوه : بدز صورتي حق نواف ... مسكين قاعد ينطر الحين .؟ ضحى : احلا حركات بعد .... يلا عطيني واوقفي جدامي . خذت لها اكثر من وضعيه بالصور ... واختارت لها صورة مطلعه شكلها بالكامل ... ودزتها بوسائط متعدده حق نواف ... عشان يشوف كشختها ... جتهم اشواااااااق : لولو حبيبتي خلج مع دانه ... انا واماني وخلود بنروح مع احمد لأن امي اتصلت علينا ولازم نروح . ضحى : خلاص لولو قعدي عند دانه ... اهيا بالاساس تبيج تقعدين . لولوة : خلاص انا اقعد مع دانه .... راحت لجناح العرايس وانطرت مع دانه اللي اجهزت تقريبا . اماني تطالع ضحى : ها احمد وينه ؟ ضحى بتجاوب ولا احمد يتصل عليها : الو ... ايه خلصنا .. بنات يلا كاهو زهبوا عمرك ... انا بنزل له اوكي .. لاتطولون . نزلت ضحى وهي متغشيه كلها ... شافها احمد واشر لها ... توجهت وبطلت الباب وركبت : ااااااااااففف حر احمد عفيا شغل التكييف عشان مكياجي لايخترب . أحمد يبتسم وهو يطالعها : وريني خليني اشوفج ... واكحل عيني بشوفج . طالعته ضحى واحمد بنفسه رفع الغشوه اللي على وجهها ... حس بحرارة جسمه ترتفع ... انبهر .. بلع ريقه ... قلبه ذاب من هالجمال ... ضحى انتبهت له واضحكت بدلع : علامك لاتاكلني بنظراتك .؟ أحمد يمسك وجهها : انا اصلا باكلج كلج ياكيكتي انتي . ضحى انحرجت وزاد احراجها على طريقة كلام احمد : بس احمد والله استحي ... بنات عمتك راح يجون لاتفضحنا جدامهم . احمد يطالعها بخبث : خلهم يجوووووووون وانا شكو مو انتي زوجتي وحلالي .... كيفي لو اكلج . وصلوا البنات واخيرا قبل لا يصير شي ههههههههه ... أشواق : السلام ... شلونك احمد ؟ احمد وهو يطالع من المنظره وكلهم متغشيات : اهليييييين الله يسلمج .... شلونكم انشالله زينين ... ومبروك زواج دانه . الكل : الله يبارك فيك ويسلمك . وصلوا عند الفندق .... ونزلوا ... اما احمد مسك ايد ضحى .. وضحى طالعته وتحس بمغص في بطنها : بغيت شي ؟ أحمد بأبتسامه جذابه : لاتروحين ... صكري الباب . ضحى : احمد حبيبي مو وقته .... لازم انزل . أحمد : وغلاتي عندج ... صكيه حبيبتي . استجابت ضحى لأمره ... وصكت الباب ,... وادار محرك السيارة ومشى فيها . ضحى وعيونها على الشوارع : حبيبي وين موديني ؟ احمد وماسك ايد ضحى : الحين بتشوفين ياعيون حبيبك . وقف عن الشاطىء ... وماكان فيه احد ... رفع الغشوه عن وجه ضحى ... تم يطالع ضحى ليما حس ان عروق دمه بدت تنفجر .... ضحى نزلت راسها واستحت ... راح احمد ورفع راسها بأصبعه ويقول لها برومانسية : لو ما كنتي بحياتي مادري شلون راح تكون حياتي ؟ انتي العمر كله ... وعمري بدونج ما ابيه . ضحى ودها تلمه حيييييييييل ... ودها تغفي على صدره الحنون ولا تقوم منه ... لمحت بريق في عينه .... مسك ايدها وباسها حيييييييل وبعدين حط ايدها على وجهه وتم يبوس كل اصبع من اصابعها ... ضحى عروقها بدت توقف ... تحس الدم يضخ بكثره بجسمها .. اكتفت في انها تقول : أحبك . |
أحبك .
أحمد وهو مغمض عيونه ويشم ايدها : اموت فيج . *** دانة جهزت ولله الحمد .... وقفت جدام لولوه : ها شرايج فيني ؟ لولوة : وااااااااو تهبلييييييييييييييييييييييين ... ناويه على مشاري ... ماقول الا الله يعينه لانه بيغمى عليه من هالجمال . دانه تضحك بحياء ... دق موبايل دانه وردت عليه لولوة : ألوووو فيصل من طرف ثاني : الووووووو منو ؟؟؟؟ دانه تهمس لها هذا فيصل قولي له انا جاهزه : هلا فيصل انا لولوة ... احنا جاهزين . فيصل استخف يوم سمع صوت لولوه : هلا في بنت الخال ... اوكي انا ناطركم تحت عند الباب يلا تعالوا . لولوة بأرتباك : خلاص خلك عند الباب لان بدلة دانه كبيره وماقدر امسكها بروحي اخاف تطيح . فيصل ( فديتها ) : ابشري ... تامرين امر . لولوه استحت : اوكي احنا نازلين الحين . دانه ألبست الرداء الابيض الخاص بالعرايس ,,,, ولولوة حطت الغشوه على وجهها و خذت مسكة دانه اللي كانت مليانه ورد وكريستالات .. وفعلا كان بأنتظارهم فيصل ... اللي كان كاشخ وزقرت مع الغترة والثوب الابيض ... والعطر الرجالي اللي يفوح منه ... انتبه لهم وبسرعه توجه ومسك دانه من ايدها ... وعيونه كانت على لولوة اللي ماشاف منها الا سواد في سواد لان هذي وصية الغالي نواف ماكان يبيها تطلع مكشفه عشان ماحد يشوفها غيره ... بطل الباب لدانة واركبت ... وبعدين بطل الباب حق لولوه اللي ارتبكت من قربه ماكان يفصلهم الا اشبار وتم يطالعها بأبتسامه.. اركبت بسرعه ورى وصك الباب ... وطول ما اهما بالطريق كان يطالعها من خلال المراية واهي منزله راسها وتقول لنفسها (( ليش يطالعني جذي ... وشنو قصده من هالنظرات )) . وصلوا للفندق واتصلت على أشواق عشان تبلغهم بوصول دانه . اشواق : بنااااااااات يلا دانه وصلت جهزوا الغرفه لها عشان تستريح .... اماني قولي للمصوره خل تطلع برا . انزلت لولوة وسلمت المسكه حق اشواق ... وادخلت على طول .... توجهت لدورة المياه وعدلت من شكلها ... شمعت نغمة المسج وبطلته وكان من نواف "" ياويلي من هالجمال فديت عينج يا روحي ... انتبهي على نفسج ياروح نواف """ ابتسمت وباست المسج . وتوجهت لغاية الصالة .... اول مادخلت كل الحضور كان يطالعها نظرا لكشختها وجمالها ... ارتبكت من نظرات الحضور ... وتقدمت بكل هدوء لغاية عماتها عشان تسلم عليهم .. وسلمت على عماتها كلهم والكل رحب فيها وراحت اقعدت مع بنات خالها وزوجة خالها ام خالد ... انتبهت لها منى وهي تحس داخلها نار تغلي .... مي تضحك على شكل منى : امبيه منى صكت عليج صراحه . منى بعصبية : اكلي خراااااا .. اانا ماحد يصك علي ... وبغرور : يكفي اني احلا . راحت واتصلت على سارة اللي منى عازمتها : هلا وينج ساره ؟ ساره : انا توني داشه الصاله ... كاني اشوفج . توجهت لها منى وسلمت على ساره : شوفي ساره .. لولوة موجوده بالعرس وابيج تدققين عليها وتعرفين عليها عشان خطتنا تنجح اوكي . ساره واهي تتلفت : وينها ماشوفها ؟ منى واهي تأشر على مكان لولوه : هذيج ام بيج وعسلي . ساره بأنبهار : شهالحلا هذا ... شهالجمال ... تجنن . منى اغتاضت : جبي ... انا احلا ... يلا وريني شغلج . راحت ساره ومشت لها ... لولوه كانت مندمجه بالسوالف ... قربت منها ساره : مرحبا لولوه ترفع راسها : هلا مراحب . ساره بأبتسامه : ماشالله عليج انتي احلا وحده بالعرس . لولوة : مشكوره تسلمييييين . ساره واهي تقعد جنبها : بصراحه يشرفني اتعرف عليج ... معاج سارة . لولوه : هلا سارة .. انا لولوه .. بنت خال العروس . سارة : انتي اخت منى ومي عدل ؟ لولوه استغربت : أي نعم انا اختهم ... بس من الاب . ساره بضحكه : بصراحه الله خلق وفرق .... انتي احلا وااااااايد .... لولوة ممكن تعطيني رقم تلفونج بصراحه خاطري اصير صديقتج . لولوة عن حسن نيه : أي عادي حبيبتي وهذا رقم تلفوني ........ ساره : اوكي سجلته .... يلا تعالي خلينا نرقص ونستانس . لولوة وهي تقوم : يلا . *** ضحى مسكينه راح عليها العرس واحمد مو راضي يخليها تروح : يلا عاد احمد والله ترا ازعل عليك ... راح علي العرس ... الحين امي تتحراني . أحمد يأشر على شفايفه : ماروح الا ببوسه . ضحى عصبت : انت مو صاحي ماتشوف الناس ... وين اعطيك بوسه . احمد وهو يسكر محرك السياره : ماكووووووو .. كيفج . ضحى متوهقه : انزين شوف في احد . احمد يتلفت : لا ماكو يلا بسرعه . ضحى وهي تقرب : امممموواااااااااااااااح . احمد قلبه شوي ويطلع : اخييييييييييييييييييييييه بعد أبي وحده . ضحى خدودها حمر : يلا عاد بس وربي اروح مع تاكسي ترا . احمد ضحك عليها : متى عرسنا بس والله لا اوريج نجوم النهار ههههههههههه يلااااا مشينا . *** بدت زفة العروس ... مشت دانه على أنغام اغنية راشد الماجد اشرقي كالشمس بفستانها الكبير اللي لونه كان ثلجي ونازل منه ورود بنفسجيه بكريستالات ... وطرحتها الممتده للآخر ... كانت طالعه قمر ... شافتها امها وقعدت تبجي .... لانها اصغر بناتها وخلاص بتروح وتبدي حياة جديدة ... لولوة عيونها تدور على ضحى وتقول بنفسها : هذي وينها . بس ألمحت ضحى توها جايه ... راحت صوبها : انتي وينج ياحماره ... امج تدور عليج . ضحى : لولوة شسوي .. اخوج ذبحني .. موراضي يرجعني . لولوة تبتسم : اعترفي وين رحتوا ".. وشنو سويتوا بسرعه . ضحى : بعدين اقولج .. .فشله بروح اسلم على دانه قبل زفة الرجاجيل . راحو وسلموا على دانه اللي زينت الكوشه بجمالها ... وتموا البنات يرقصون عندها .... وجت منى وسلمت على دانه والمحت لولوه قاعده ترقص مع ضحى .... اغتاضت .. وراحت صوبها ودزتها ... لولوه : ااااااااي ماتشوفين . منى : انتي شوفي مالت عليج . ضحى عرفت انها منى : انتي هيه يالجيكره مره ثانيه شوفي عمتج لولوة ولبسي نظارات . منى : عمت عينج انتي وياها ... خرا عليكم .... من زينها عاد . ضحى عصبت ... بس اغمزت لها لولوه عشان تسكت . منى تطالع ضحى بأحتقار : انتي ضحى ؟ ضحى بنفس نظرتها وقالت بشموخ : اييييييه انا ضحى زوجة أحمد ... انتي اكيد منى . منى بأبتسامة استهزاء : أي لايقين على بعض .... على فكرة يا ضحى ترا ماحد متقبلج من البيت كله ... لا انا ولا امي ولا اخواني .... فأعتقد عيب لما انسانه ترتبط بواحد واهله مو راضين على هالزواج ... تعتبر قطة وجه . لولوه تكلمت : عيب عليج يامنى ... أحمد هو اللي تقدم لها ولو مايحبها ماخطبها . منى بكره : انا مالي كلام معاج انتي بالذات ... فاهمه . وطالعت ضحى : انتي هيه ... احترمي نفسج وفلي الزواج .... لان احمد بيتسلى فيج شهر شهرين وبعدين مرده حق اهله وبيطلقج . ضحى تبي تغيضها اكثر : شوفي عاد ... بيطلقني كيفه ... بس اهم شي خذيت اللي انا ابيييييه ويبيني .... على فكرة باركي حق لولوه ... لان الدكتور نواف ... بيتزوجها عن قريب . منى طلعت عيونها : نواف يتزوج لولوه ... ومن قال اصلا انا محيره حق نواف ... وماياخذ غريبه على بنت عمه . ضحى ناوية تغثها اكثر : لولوة بنت عمه وماهي غريبه .. ولااااااا بعد خلاص علقته لولوه فيها .. مسكين مايمر يوم الا لازم يسمع صوتها وهو مسافر ... صج الحب حلووو واحساسه احلى .... يلا عن اذنج . امسكت ايد لولوه ودزت منى اللي كانت مصدومه من كلام ضحى ... ومنى تتوعد : والله يالولوه ماخليج تتهمنين بنواف ... هين بس . لولوة وقفت ضحى : ليش قلتي لها عني . ضحى : جبي ... بطت جبدي الخايسه وقلت بغيضها ... حدها مصدقه عمرها على شنو مادري ... بصراحه ما ألومج قطييييييعه تلوع الجبد ... ولا بعد تبي تتزوج نواف .... حاصل لها .... هين والله لا افشلها الحين لولوه اضحكت على نرفزة ضحى : بالله شلون تفشلينها ... انتي عيب عليج متزوجه احمد وتبين تتهاوشين معاها ... شيقولون الناس عنج . ضحى تبتسم بخبث : ومن قال انا .... اخلي نوف تقوم بالمهمه . لولوه تضحك بصوت عالي : والله انج خطيره . أعلنوا عن زفة المعرس ... وكل البنات تغطوا ... دخل مشاري مع ابوه واخوانه وفيصل وضاري وأحمد وهو كاشخ بالبشت الاسود والغترة البيضه والابتسامه شاقة الحلج ... ضحى تطالع أحمد : فديته والله حبيبي رزه . بدور قاعده واتصل عليها خالد : هلا حبيبي .... شنو ما اسمع .؟ خالد : قلبي طلعي برا انا ناطرج . بدور : لا ماقدر ... امي قاعده عندي . خالد : بدور حياتي والله ماشبعت منج . بدور : كل هذا وماشبعت ... شسويت فيني بالسياره ماباقي مكان ماقرصتني فيه . خالد : ههههههههههه فديتج ياحياتي ... شسوي انتي كلج اثاره وتثيريني . بدور : يلا خالد انا لازم اسكر امي تطالعني بنظره يعني صكري ... باي حبيبي ادق عليك اول ما ارد . تموا الشباب يرقصون وكل البنات متحطمييييييييييييين على اشكالهم .... أعلنوا عن زفة المعاريس وقام مشاري بطوله وهيبته ومسك ايد دانه وبدوا يمشوووووون على ألحان كلاسيكيه وأنزفت دانه حق فارس احلامها مشاري .. ومن هاللحظة بدوا حياتهم الجديدة والسعيده ....قامت من على الكرسي و راحت ضحى صوب نوووووف اللي قاعده مع شلة بنات وضحك وسوالف .... ضحى وهي تقعد عند نوف : نووووووووووف ابيج بمهمه . نوف تحب الهواش والمصايب والمشاكل : افا عليييييييج امريني ... شنو تبين . ضحى وهي تأشر على منى : شوفي شغلج معاها . نوف : هذي اخت زوجج ياهبله . ضحى : ادري مالت عليها ... ابيج تشوفين شغلج معاها وتهزأينها ... لان هزأت اختج وهزأت لولوه . نوف : افاااااااااا علييييييييج ماطلبتي شي . قامت نوف ونادت رفيجتها آلاء : آلاء يلا عندنا مهمه . آلاء نفس نوف تحب المشاكل : وناسه يلا كاني زاهبه . ضحى اضحكت على نوف ورفيجتها ... سبحان الله نفس الشي .... واشرت على لولوة بحركة اوكي ... ولولوة افهمتها واضحكت . تموا يلاحقون ويراقبون منى وتحركاتها ... اتجهت واخيرا لدورة المياه ... وكانت هذي الفرصه المناسبه حق نوف لتنفيذ المهمه .... أشرت حق آلاء عشان تجيب الاغراض بسرعه . آلاء وهي ماسكه عصير وكيك من البوفيه : يلا نف نف كل شي جاهز . نوف وهي تتجهه صوب دورة المياه : اوكي مسكي الكيكه وانا بمسك العصير ومثل ماقلت لج انزين . آلاء : اوكي . دخلوا دورة المياه ... وشافوا منى تعدل شعرها ... أغمزت نوف حق آلاء يعني تحركي ... آلاء واهي ماسكه العصير ومتجه بسرعه ... قربت منها وطيحت عليها العصير : آسسسسفه ماشفتج . منى بصرااااااااخ : عما بعينج ... كل هذا وماشفتيني صج انج خايسه خربتي بدلتي . ومن وراها جت نوووف وهي ماسكه الكيكه وحطتها على شعرها من ورى : ااااامبيه اسفه بعد انا ماشفتج . منى انهارت : ياخايسه ... صج انج حيوااااااااااانه .... ومسكت بطل ماي صحة وكبته على شعر نوف . نوف كل شي الا شعرها : انا اوريج يالحماره . راحت آلاء وصكت الباب عليهم ... ومنى خافت .. امسكتها نوووف مع شعرهااااااا وغرقت باقي الكيكه فيه ... أما آلاء خذت الماااااااااي وعلى وجه منى ليما اخترب مكياجها كله وبهذلوها ... وبعدين كفختها نوف وقالت لها : مره ثانيه احترمي أعمامج وتاج راسج يالواطيه ... اتفوووو عليج ... واتركوها واهي ميته من البجي ... وتصارخ : والله اوريكم يالحمير . آلاء ونوف ماتوا من الضحك . آلاء : امبيه ذبحناها هههههههههههههه وناسه . نوف : شفتي شسويت بشعرها مسكينه هههههههههههههه ... ولا انتي خربتي مكياجها هههههههههه آلاء : ههههههههههههههه يمه بطني... ذكرتيني بأيام المدرسة لما نتهاوش مع البويات والبنات هههههههههههههههه ...... نف نف شوفي شعرج كله ماي ههههههههههههههههههههه . نوف وهي تمسح شعرها : عما بعينها خربت سبايكيي ههههههههه بس يامعوده اشوا انه بوي ولا جان رحت فيها هههههههههههههههههههههه . راحوا لضحى ولولوه : تمت العمليه بنجاح هههههههههههههههههههههههههههههه ضحى تضحك : هههههههههه صج شسويتوا قولوا لي .؟ آلاء بدت تقول لها السالفه ... ضحى ولولوه ماتوا من الضحك ههههههههههههه . لولوة : امبيه انتوا امبدعيييييييييييين ... زين سويتوا فيها .... الحين اهي وين ؟ نوف : خليناها تبجي بمكانها ههههههههههههههههههه . لولوة : وييييييييه مسكينه ههههههههههههه . ضحى : أي احسن كفو والله بأختي ورفيجتها ... فديتكم والله . نوف : احنا برسم الخدمه .. أي شي بس أشروا لنا . راحوا نوف وآلاء لشلتهم ... لولوة ألتفتت حق ضحى : تهقين درت ان نوف اختج ؟؟ ضحى : والله مادري بس ما اعتقد . لولوة : اتصدقين اكسرت خاطري ودي اروح واشوفها . ضحى : ماعليج منها هذي عقرب ... وتستاهل كل شر ... امشي خل نروح نرقص . *** مي ومريم دخلوا دورة المياه وشافوا منى وشكلها كان يخرع ... مي ومريم اركضوا لها : اشفيييييييييييييييييج منى ليش شكلج جذي ؟ منى تصارخ : بنااااات الكلب سووا فيني جذي .. احتروا مني ... عشاني احلا منهم خربوا شكلي والله لا اوريهم والله . مريم : انزين منو اهم . منى : مادري ماعرفهم ... وحده شعرها بوي والثانيه عند اكتافها وكلهم لابسين لون أزرق . مي : أي عرفتهم ... هذيلا نوف وآلاء . مريم : الي معانا بالمدرسه صح مي . مي : اااااااااي ... هذيلا عصابه بروحهم ... بس انا اوريج فيهم . منى : لاتروحون وتخلوني ... نادي لي امي ابروح البيت ماقدر اطلع جذي ... وجيبي لي عبايتي وشيلتي خل اطلع واروح البيت . مي :انزين انزين .... يلا مريم . كلمت امها وقالت لها ان منى تنطرج برا ودقت على السايق ... اما مي قررت انها تقعد لنهاية العرس وتجي مع اخوها عبد المحسن ... توجهت مي ومريم حق نوف وآلاء اللي قاعدين سوالف مع شلتهم ... مي بصوت عالي : من سمح لكم تسوون جذي بأختي . آلاء تطالع نوف وتموا يضحكون بصوت عالي ... مي ارتفع ضغطها : ماقلت شي يضحك ... ليش تسووون فيها جذي . نوف وقفت قبالها : لأن اختج ما تعرف تحترم ولا تعرف تثمن كلامها ... وشي طبيعي اللي صار لها . مريم تكلمت : بس مو لهدرجة هذي .... مو حرام عليكم خربتوا شعرها ومكياجها. نوف : والله عاااااااااد قولي لها خليها تحترم نفسها وتكلم الناس عدل ذيك الساعه مايتكرر هالشي ... على فكرة بغيت اسوي اكثر من جذي بس كسرت خاطري المسكينه . مي : واللي انتي سويتيه شي محترم يا محترمه .؟ نوف وهي تضغط على ضروسها : مي ذلفي عن ويهي لا اسوي فيج نفس اختج وزياده ... ترا مالي خلقج . مريم خافت على مي لان نوف تقدر تسويها ,,, اسحبت مي : امشي خليها تولي ... هذي كل شي تسوي . مي : خليني بذبحها الخاااااااايسه .... منو تفكر نفسهااااااا . مريم : يامعوده هذي تذبحج اشفيج ,.,,, ماتشوفينها قاعده مع شلتها ... يلا خليها تولي . خلص العرس وكل من راح لبيته . *** في الفندق وخصوصا في جناح العرايس ... اللي كان الجناح الكامل هدية أبو مشاري لولده مشاري . مشاري وهو يقرب عند دانه : ألف مبروك ياحياتي ... وانشالله تكون حياتنا سعيده وان الله لايفرقنا ... وعسالله يقدرني اني اسعدج واحقق لج كل اللي تبين وتتمنين. دانه منزله راسها ومستحيه : الله يبارك فيك . مشاري وحس عروقه بتطلع و مسك ايدها : فديت اللي يستحون .... احبج . دانه وتحس بجسمها حرارة مو طبيعيه : اموت فيك . قرب منها مشاري ... باس راسها وباس خدها و ... و ,.... وانتوا عارفين التكمله ماله داعي اقول هههههههههههههههه . *** في اليوم التالي ... كانت منى قاعده وهي تفكر بكلام ضحى ... هل صحيح ان نواف بيتزوج لولوه ... يعني اكيد راح تاخذه مني ... والله يالولوه مااخليج تتهنين فييييييييه ... على طول اتصلت على رفيجتها ساره : ألووووووو اهلين ساره .. هابشري شصار أمس ؟ ساره : شنو ذكريني ... ترا ناسيه .؟ منى : ياغبيه عن لولوه شصار امس ؟ ساره تتذكر : اييييييييييييه المزيونه ... ماصار شي ... تعرفت عليها واخذت رقمها ؟ منى : حلو ... اعتقد انتي عارفه شنو بتسوين ..... يلا أبيج من اليوم تبدين الخطه . ساره : من اليوم ؟؟؟ ليش مو قلتي لي بعد شهر ؟ منى : اييييييه ... لان سمعت ان نواف يحبها ويبي يخطبها بس يرد من السفر . ساره : بصراحه ما الومه ولد عمج .... عليها جماااااااااااااااااااال يذبح . منى اغتاضت : بتنطمين ولا شلون . ساره : شوفي انا مابدي الا بفلوسي . منى : ساره انا وعدتج بس يصير اللي في بالي .. اعطيج الفلوس وزياده بعد . ساره : اوكي خلاص تم ... أنا اليوم بتصل فيه ... دزي لي رقمه بمسج . منى : اوكي حبيبتي ... الحييييييييييين ادزه ... يلا باي . ارتاحت منى وهي تبتسم ابتسامة نصر ... لانها بدت تحقق احلامها وتوصل للي تبيه . *** على أنغام أغنية شيرين (( بـتوحشني .. وانا وياك ... بتوحشني .. وكل يوم بعيشه معاك .. بتوحشني .. وكل ثانيه وشويااااات بتذبحني ... تخوفني وتجرحني .. ومافيش غيرك بيوحشني )) تسمعها نوره وهي تتذكر حب حياتها زيااااد ... اللي راح ولا تهنوا في بعض ... تبكي حسره ... تبكي فرقاااااه ... تحبه ... كان حبها الأول ... ومستحيل تحب غيره .... تمت تبكي وهي تتذكر سوالفهم ... تتذكر ايام البريزينتيشن ...تتذكر لما يشوفها عند مكتب الدكتور وسأل عنها ... تتذكر نظراته وابتسامته لما تدخل القاعه .. ابتساماته ... كلامه .... كل شي فييييييييه تحبه ... ماهمها الفروقات اللي بينهم ... حبته عن نية صافيييييه ... ياااااه يازياااااااد ليش خليتني ... لييييييييييش خليتني .... انا احبك واموت فيك ... هذا جزاي خليتني بروحي ... شلون اروح الجامعه وما اشوفك ... شلون امر من عند المواقف وما اشوف سيارتك ,,,, من يحط لي رسايل بصندوقي الجامعي ... من يحط لي ورود ... من يحبني بصدق مثلك ..... ياليتني مت معاااااااااااااك ... مااااااااالي عيشششششه بدونك ..... دنياي كلها مابيها بعدك ... والله ما ابيهااااااااااااااا .... آآآآآآآآه يازياااااااااااااد . أتصلت عليها رفيجتها شهد ... ردت بصوت مبحوح : ألو شهد حست فيها ... حست انها تبكي زياد : ياقلبي يانوره ... للحين تتذكرينه ؟ نوره تبكي بصمت : شلون تبيني انساه وهو داخل هالقلب ... ماقدر ياشهد والله ماقدر . شهد : خلاص يانوره عذبتي نفسج ... اطلبي له الرحمه ... ادعي له يانوره بالمغفره ... الله يرحمه انشالله . نوره : الله يرحمه ويغفر له . شهد : تدرين ان الجامعه بدونج مو حلووه .... فاقدينج ... يلا عاد ردي لنا .... نبي نورة الأولانيه ترجع لنا . نورة : وانا بعد فاقده البنات ... سلمي عليهم كلهم ... وانشالله راح ارجع لكم ... بس ما اضمن اني اكون نورة الاوليه . شهد : يا معوده انتي بس ردي الجامعه ... وخلي كل شي علي . نورة : الله كرييييييم ... شهد تعالي عندي البيت .... قعدي معاي . شهد : خلاص باجر انشالله عشااااااااااااي عندكم . نورة : حياج الله يالغاليه ... يلا انتبهي على نفسج . شهد : انشالله حبيبتي ... مع السلامه . |
الجزء الخامس عشر يامعذبي,, الشي الذي لاتعلمه أن قلبي ليس بسهوله أن يمتلك مفتاحه وانه ليس من النوع الذي يتأثر بكلمات الحب ولا نظراته انه قابل أصناف وأصناف من البشر مع ذلك لم يتحرك إحساسه ولكن مع ذلك أريد أن أصارحك بشي طالما أخفيته عنك سأقولها وبكل صراحه وأعلى صوت إنك أنت الوحيد الذي إمتلك قلبي وبكل جداره وأن إحساسك وحبك إجتمع مع صدق حبي ودفء إحساسي ولكني لم أستطع أن أقولها لا أعلم لماذا ربما لانني لم أتوقع أنك وجدت مفتاح قلبي وربما لانني كنت أخاف من تلك الكلمه وذلك الإحساس وربما لان كبريائي اللعين منعني من قولها ربما وربما معذبي,, لا أعلم لماذا ولكن هاأنا الآن أخبرك بأنك الوحيد المتربع على عرش قلبي وبأنه مهما طالت المدة سنين وسنين لن أنسى حبك أو أنسى أجمل إحساس أحسسته معك أقولها للمره الاخيره أحــــــــبك,, (( قطر الندى )) جسمه نحفان ... شكله ذبلان ... ملامحه الحاده امتلأت بملامح الحزن والضعف .... هذا شكل فارس بإختصار ... كره حياته .. كره نفسه .. كره كل شي فيه ... وين فارس الشامخ ... وين فارس المهابه .... فارس أسير لقفصه النفسي ولا قدر يطلع منه . أم فارس مسكينه كل شوي تتردد على غرفة ولدها فارس وشافت ولدها منسدح على السرير ... بملابس النوم .. شعره مبهذل ولا حلق لحيته .. ولا اهتم في نفسه الكل متعود على كشخة فارس لكن لو يشوفونه بهالمنظر يمكن يرأفون بحاله ويشكون انه كان كشخه ... أمه بعيونها الحزينه على حالة ولدها : يايمه مايصير جذي ........... شوف حالتك شلون صايره .؟؟ من راحت هدى وانت حالتك تدهورت .. ذبحتني وذبحت نفسك .. حرام عليييك اللي تسويييييه بنفسك ... قوم يايمه حلق والبس عدل واطلع وشم هوا ... شوف الناس ... شوف العالم ... ليمتى قاعد على هالحاله .. حتى دوامك ماتداوم ..ارحمناااااااا ياربي برحمتك. لكن فارس ولا كلمه ... تم ساهي وشارد الفكر نزلت امه راسها وقالت بتمتمه : لاحول ولاقوة الا بالله . طلعت وهي مهمومه من حالة ولدها ... وخايفه لاتخسره .. ونزلت تحت لمحت طلال كاشخ وكان بيطلع ... أم فارس بصوت مرتجف : طلال ؟ طلال وهو يتوجه لأمه وباس على راسها : ياهلا بالغاااااااااليه ... امريني ؟ ام طلال وتطالع ولدها بنظرة مكسورة : شلون تكشخ وتبي تطلع واخوك بهالحاله هذي ؟ طلال : يايمه والله فارس ذبحنا ... رحت له وقلت له يافارس خل نروح نطلع نستانس حتى نسافر لو تبي بس معطيني بو لباس ... مايرد علي ... يسفهني . ام فارس ودموعها تنزل : ياويلي على ولدي ... بيروح مني والله بيروح مني ... ياربي رحمتك الواسعه . طلال شاف امه بهالحاله قرر انه مايطلع ... بسرعه قعد امه على الكراسي وامر الخدم يجيبون ماي بارد : استهدي بالله يايمه مو صاير شي حق فارس . ام فارس : المشكله ماني عارفه شسوي ..... شنو اللي بيدي ؟ وليش صار جذي .. ياويلي عليك ياولدي . طلال : تبيني اكلم هدى ؟؟ يمكن تدري بشي ؟ أم فارس : ايييييييه ياليت والله ... مابي ولدي يضيع مني .. ابيك تجيب هدى وتتفاهم وياااااااااه ... يمكن تقدر تطلعه من اللي هو فيه . طلال وهو يبوس ايد امه : ابشري يالغاليه ... انا الحين بروح اكلمها واقابلها بعد واجيبها بالغصب . أم فارس بأبتسامه من خلالها اشرق وجهها المليان بتجاعيد الزمن : الله يخليكم لي ولا يحرمني منكم .... وعسالله يبلغني فيك واشوف عيالك يايمه . طلال مستانس ويرفع ايده : اااااااااااااامييييييييييييييييييييييييييييييييين . *** هدى اللي كانت قاعده مع اهلها .... صح اهي معهم لكن القلب مو معاهم في مكان ثاني .... قاعده بس تجامل وماتبي تحسس اهلها انها متضايقه ... أم بدر واهي تلتفت لبنتها هدى : يمه تروحين معانا لبيت خالج ابو خالد .؟ هدى ماكان لها خلق تطلع مكان لأحد : لا يايمه انتي روحي واستانسي انا احس اني تعبانه وبرتاح في البيت ومنها ارتب غرفتي . بدور تاكل حب : يلا هدوووووووووي امشي خل نروح ... من زمان ماطلعنا مكان ... على الاقل غيري جو . هدى : لا لا لا مالي خلق ... روحوا انتوا . أم بدر بحزم : لا ماروح واخلييييييييييييج .... تروحين اروح ماتروحين ماروح ... ماقدر اخليج بروحج . هدى : يمه الله يهداج من قال اني بروحي ... اصلا لولوه بتمرني وبتتعشى معاي انا دقيت لها . أم بدر : وبتطلعون مكان ولا قاعدين في البيت ؟ هدى : لا يمه بنقعد في البيت . بدور : خلاص يمه ... لولو عندها ... خلينا نروح لبيت خالي لان رفيجتنا شهد بتجي عند نوره و بقعد معاهم تدرين مشتاقييييين لبعض . ام بدر : ايه ماعليه ... بس حتى نورة مادري شفيها حالتها متغيره ... مادري علامكم ؟ بدور توهقت : هاه لا مافيها شي ... بس اهي تعبانه شوي .... يلا انا بقوم ألبس عشان اتجهز . على طول أصعدت فووووووووق ودقت على حبيب القلب خالد : ألو هلا حبيبي ؟ خالد : ياهلا بالطش والرش والماي اللي بالقرش ... هلا بهالصوت وراعييييييييييييته ... اخيييييييه عليج بس . بدور خدودها حمر : بس عاد خلودي .... المهم حبيبي انا وامي بنزوركم . خالد : وليش ماقلتي لي من قبل ساعه ... انا الحين بمخيم واحد من الربع ... عازميني على العشا . بدور ماده بوزها وبدلع : صج حبيبي ما اقدر اشوفك يعني .؟ خالد ياويلي ماقدر على الدلع : يبه تدرين شلون ... ابي اهد العشا بكبره واجي عندج يابعد طوايفي انتي . بدور مستانسه بس كسر خاطرها ... وين يرد لها وهو بالمخيم : لا خلاص حبيبي فرصه ثانيه ... انت استانس مع ربعد... وانا بقعد مع نوره وبسولف ... يلا حبي انتبه لنفسك انزين . خالد : باجر انا غداي عندكم ... احبج يالغاليه ... انتبهي لنفسج ... بحفظ الله . سكرت بدور وراحت بدلت ملابسها واطلعت . *** نوف كان عندها بحث في مادة علم النفس ,,, وهالبحث يتناول موضوع نفسية الأطفال .... وماحد راح يساعدها الا هدى بنت عمتها بما انها مدرسة روضة وعندها خلفية بهالموضوع ... اكيد تعرف لنفسية الاطفال ... أتصلت على موبايل هدى : ألوووووو شلونج هدى ؟ هدى : هلا بنوف شخبارج ..... تمام ؟ نوف : أي تمام الحمدلله ... انتي شلونج ؟ هدى : الحمدلله تمااااااااام ... تعالي صج انج خايسه شسويتي بأخت احمد بالعرس ... قالت لي لولو وقعدت اضحك ... صج مجرمه . نوف تضحك بصوت عالي : ههههههههههههههههه أمبيه لعوزناها هدى ... لو تشوفين شكلها جنها ساحره ههههههههههههههه ... بس تستاهل الحماره ... عشان مره ثانيه ما تغلط على اسيادها . هدى : عشتواااااااااااا ... يمه منكم صج مهبل.... انزين امي وبدور عندكم ؟ نوف بأستغراب : ليش اهما جايين لنا ؟ هدى : أي اشفيييييييج ... قبل ربع ساعه حركوا . نوف : يووووووووووووه ... ليش ماجيتي معاهم .؟ ابيج بشغل . هدى : وليش انشالله ... شتبين فيني ؟ نوف بدت تتمصلح : ياحياتي ياهدى .. انتي اصلا مافي مثلج اثنين ... ويلوموني في بنت عمتي وحبيبتي الغاليه .. ومرة الغالي . نوف اضربت على الوتر الحساس .... هدى حست بقلبها يدق بسرعه ونبضاته تزيد لما ذكرت فارس وبنفسيه : خير شتبين .؟ نوف : هدويه الحلوه انا عندي بحث عن نفسية الأطفال ... وابيج تساعديني فيه بما انج مدرسة روضة وتعرفين اكثر مني ... تكفيييييييين لازم اقدم هالبحث ولا ارسب بعلم النفس . . هدى : خلاص تعالي مع لولو هي بتجي تتعشى عندي ... تعالي معاها عشان نتعشى مع بعض . نوف : اوكي خلاص حلووووووووو ... مسافة الطريق وجايتج ... هدوي ابي بيتزا طلبي لي . هدى تضحك : طرار ويتشرط .... ايه هين بس انتي تعالي . نوف اركضت لغرفة لولوه اللي شافتها تلبس ... لولوه طالعتها مخترعه : بسم الله اشفيج .. (( و تمثل بعصبيه )) جم مره اقولج مشطي كشتج . نوف تضحك : هههههههه خرعتج ادري ههههه .. ماعلينا .. بروح معاج لهدى . لولوه : ليش شعندج انشالله . نوف : ابد عندي بحث وابيها تساعدني ... شنو ماتبين تاخذيني يعني . لولوه : يمه كليتيني ... اعصابج ... اخاف تكفخيني نفس منى ههههههههههههههههههههههههههههههه . نوف : خخخخخخخخخخخخخخخ لاتذكريني فيها الله يغربلها ... يلا انا بلبس . دقايق اوكي ؟ لولوه : بسرعه نف نف مابي اتأخر . انزلت لولوة تحت وشافت خالتها وبدور جاييييييين ... سلمت عليهم وطالعتها ام بدر : مارحتي حق هدى للحييييييييين ... تنطرج . لولوه : أي خاله كاني رايحه لها ... بس انطر نوف ؟ بدور : نوف بتروح ..... شعندها ؟ لولوه : تقول عندها بحث وتبي هدى تساعدها . بدور : اهااااااا ... نورة امشي خل نصعد غرفتج ... في سوالف كثيره بقولها لج . ضحى : يسلااااااااام واحنا مو تارسين عينكم . بدوره : خخخخخخخ انتي لا .... لالا بس ابي اقول حق نوره شغلات . ضحى : الله والشغلات عاد اللي يسمعكم يقول منظمة اليونسكو . نوره تقوم : يمه واللي يعافيج اذا جت شهد خليها تصعد لنا بالغرفه . أم خالد : خلاص حبيبتي . لولوه : يمه انا بروح تامريني بشي ..؟ ام لولوه : خلاص يمه بس انتبهي للدرب ودقي علي اول ماتوصلين طمنيني عليج . لولوه تبوس راس امها وراس جدتها : ابشري يمه ... خل نوف تطلع لي انا بالسياره انطرها . أم خالد تلتفت على ام بدر : اقول يا ام بدر ... هدى مانيتها ترد على زوجها؟؟ ام بدر : والله يا اختي مادري شفيها ... احس بنتي صاكينها عين على هالفارس هذا ... ياقلبي قلبها ماتهنت بزواجها . أم لولوه : بس طلعتها من بيت اهل زوجها ماله داعي ... جان قاعده . أم بدر : والله قلت لها حتى هاوشتها ... بس كله تقول لي انتي ماتدرين عن شي ... اذبحتني هالبنت . جدة البنات : الله يصلحها ... ويهديها ويهدي الجميع ويجمعها مع زوجها على خير . الكل : أميييييييين . تموا الحريم يسولفون مع بعض . *** نوف لبست لها بنطلون جينز وبلوزه كت بدون اكمام لونها برتقالي ... ماحطت مكياج ... بس استشورت شعرها اللي كان طايل شوي وصاير لي نص رقبتها بس طالع عليها احلا .... راحت بتاخذ عبايتها وشيلتها ... ومرت على غرفة نوره ... سلمت على بدور : يلا يالجياكر انا بروح ..... هدووووووووي عازمتني على العشاااااا . والله اني مهمه . بدور : عشتوا جياكر بعينج ... يلا طسي خلينا نسولف على راحتنا . نوف : مالت عليكم وعلى سوالفكم ... يلا باي . نورة تبتسم : الحمدلله والشكر صج انها هبله .... بس ياحليلها ... معطيه جوو بالبيت . بدور وهي تمسك ايد نورة : ماعلينا منها ... طمنيني عنج . نورة : الحمدلله . بدور تضغط على ايد نورة وعيونها بعيون نوره : متأكده انج بخير . نورة نزلت راسها وكأن بدور حاسه فيها ... طالعت فوق : الله يرحمك يازياد . بدور وبحنان كبير : نوره انتي شفتي شكلج ... شفتي شسويتي بحياتج ... ِشفتي شسويتي بأهلج .... الكل قعد يحاتيج .. ليش يانورة تبي تخسرين نفسج ... و تخسرين اهلج ... والله حرام اللي تسوينه فينا ؟؟ انا الحين قاعده معاج بس ما احس انج نورة بنت خالي اللي اعرفها ... اللي تربيت معاها ... احسج غريبه عني... وين نوره الاوليه اللي كله تضحك وتتغشمر ... وين نورة العصبيه ... اللي مايعجبها شي . نورة منزله راسها واهي تسمع كلام بدور بس انطقت بصوت مبحوح : ماقدرت انساه . بدور تحظن نوره : انا ما الومج يانوره ... ولا احد بيلومج ... بس هالدرب كلنا ماشين فيه ... زياد مات ... انتي ليش تموتين نفسج ... الكل محتار فيج ويلاحظج... حتى امي اليوم سألتني ... لاحظتج ... يانوره ياحياتي الحي ابقى من الميت ... عيشي حياتج .. والله حرام تسوين بنفسج جذيه نورة ساكته وكانت بتتكلم بس شهد دخلت عليهم بأبتسامتها العريضه : طحت عليكم .......... وحشتوووووني . بدور ونورة : اهليييييييييين ... حياج تعالي . شهد ومعاها كيس كله حلويااااااات وككاوات مشكله ... بدور تضحك : ماتخلين سوالفج أبد . شهد : خخخخخخخ تدرين ما اقدر استغني عنهم .. يلا حياكم " ألتفت حق نورة : ها نويره شلونج الحييييين . نوره تبتسم : الحمدلله ماشي الحال . شهد : عفيه نوره تعالي داومي والله ماله داعي قعدتج في البيت ... فاقدينج يالخايسه . نوره : انا ماراح اداوم الا لما اسوي شي في بالي . بدور وشهد بصوت واحد : شنو بتسوووين ؟ نورة : بعدين اقول لكم ... بس ابي افكر بالموضوع عدل اخاف اندم وبعدين عاد استشيركم . شهد وكأنها تتذكر شي : ااااااييي نوره ... تعرفين بشار .. " وبصوت هادي " صديق زياد الله يرحمه ؟ نورة بأستغراب : أي اعرفه ... هذا رفيج زياد الروح بالروح اهو مشعل ... وهو الوحيد اللي يعرف عن علاقتنا ... ليش شفيه ؟ شهد تعدل شعرها وترجعه لورى : اليوم سأل عنج ... وقالي بعد شلون اقدر اوصل لها ؟ نورة مستغربه وعاقده حواجبها : شيبي فيني ؟؟؟ بدور : أي صح شيبي بنوره ؟؟ شهد : مادري والله بس يقول عنده امانه لج وحاب يوصلها. نورة : أمانه لي .... " وبحزن " اخاف زياد موصيه على شي ؟ شهد : مادري كل شي جايز . نورة : انزين ابي اوصله شلون ؟؟ بدور : يوم السبت تعالي داومي معاناااااااا ويمكن تشوفينه . نورة : واذا ماكان مداوم . شهد تطق على صدرها : افا عليييييييييييييييج ... عندي رقمه ومستعده ادق لج عليه . بدور : ايا المعفنه ... مايطوفج شي ابد . شهد تضحك : لالا تفهمين غلط والله عشان نوره اخذت رقمه اشفيج . نوره : خلاص شهد انتي اتصلي عليه الجمعه واتفقي معاه يوم السبت الساعه 10 الصبح عند المكتبه اوكي . شهد : اوكي . تموا البنات يسولفون ويونسون نورة .... والحمدلله نورة حست انها احسن وبدت تبتسم وتضحك .. وتنسى للحظه الهم اللي ساكنها بوجود اقرب صديقاتها بدور وشهد ... اللي تحبهم ولاتقدر تستغني عنهم . *** لولوة واهي تنطر نوف بالسياره ... قاعده تتحلطم : اففففففف هذي وينها الساعه صارت 6 وللحين ماوصلت . ألمحت نوف قاعده تمشي بدلع وبمشيتها تقلد عارضات الازياء ... اركبت السياره ولولوه معصبه : اخاف صج بس ... لايكون مصدقه عمرج عارضة ازياء . نوف تكمل دلعها : اوووووف ياربي من الغيره ما استحمل انا ... ليش كل هذا عشان حلوه واهبل وقمر . لولوة تبتسم : اقول صكي حلجج وخلينا نمشي ... اتصلت علي هدى وانا قاصه عليها قلت دقيقه ونوصل عندج . نوف تحط لها غلوس وهي تطالع المنظرة : ايييييي خليها تنطر شوراها يعني ... " وفجأة ضحكت نوف ضحكه هستيريه " لولوه استغربت : اشفيج ياهبله ..... الحمدلله والشكر نوف تضحك : ههههههههههههه قاعده اتخيل شكل هدى واهي معصبه ولا قاصين عليها بعد ههههههههههههههه . أضحكت لولوة على ضحك نوف ... مع ان مافي شي يضحك هههههههههه بس عادي فصله واخيرا وصلوا .... نزلوا ... كانت هدى مجهزه خوش قعده للبنات ... وحاطه انواع الحلو والكيك والدونات وانواع العصاير ... اول ما دخلوا البنات شافوا الطاوله قامت نوف تصفر : احلى احلى كل هذا لي يسلام توني ادري اني مو هينه صراحه . هدى تضحك : ههههههههههه انتي سلمي أول شي يالملقوفه وبعدين سمعينا اطراءج . هدى سوت نفسها معصبه : ليش بالله متأخرين ... صج انكم ماتستحون ... الحين عازمتكم وحالتي حاله وحضرتكم جاييني اخر المغرب ... جان ماجيتوا وقعدتوا في البيت احسن بعد . لولوة مصدقتها : يابعد عمري ياهدى ما احد اخرني الا هالنف نف . نوف بدلع : والله اسفه .... تأخرت عشان قاعده اطلع اوراقي وأغراضي . هدى وهي تغمز لنوف : أي ماعلينا .. عشان نوف بس بسامحج يالولو . لولوه وهي تتخصر بشكل طفولي : عشتوا بعد تسامحيني عشان هالملقوفه والله هزلت صراحه . أضحكوا البنات عليها ....تموا يسولفون .... واختاروا الجلسة الارضيه عشااااااان ياخذون راحتهم اكثر بالتمدد .... ضحك وسوالف نوف وغشمرتها اضافت للقعده روح وحيااااة وردوا وكأنهم أطفال ... يعني الجلسه حلوه وخصوصا لما يكون البيت مافيه احد ... يعني ياخذون حريتهم اكثر من ناحية الصووت والصراخ . هدى تعتدل بقعدتها : اقول بنات والله فقدنا هالجلسه الحلوه ... شرايكم تنامون عندي ... باجر عطله وماعندكم عذر . لولوة : انا عن نفسي صج ماقدر هدى . نوف تلقفت : اييييييييي عشان دكتور القلب قايل لها لاتناميييييين برا البيت . لولوه تدز نوف : وجع انشالله ... يالملقوفه . هدى تضحك : احلاااااااا دكتور القلب قايل لج ... الظاهر خايف عليييييييييييييييييج مسكين مايدري انتي تخوفين ديره كامله هههههههههههههه نوف تضحك بهستيريه : خخخخخخخخخخخخخخخخخخخخ هههههههههههههههههه حلوه حلوه هدى . لولوه تمد بوزها بدلع : لا موبي ... ماقدر أعصي اوامره ... ياربي متى راح يرد باقي شهر اففففف ياطوله من شهر . هدى أبتسمت : الله لايفرقكم انشالله وأنا عاذرتج ... " ألتفتت على نوف " نف نف شقلتي ... عشان نسهر ونسوي بحثج مع بعض . نوف عجبتها الفكره : انا ماعندي مانع بس بدق على امي ... أخاف ما ترضى . لولوة : لالا خالتي ماتقول شي . هدى عطتها الموبايل : يلا دقي الحين وجدامي . نوف خذت الموبايل ودقت على أمها : ألوووووو هلا يمه ... من بعد اذنج انا خاطري انام عند هدى عشان تسوي معاي البحث ... ومنها أغير جو ... ها يمه موافقه ؟ ام خالد : انا ماعندي مانع .... نامي واستانسي . نوف ألتفتت على هدى : احم احم ... امي وافقت ... بس ماعندي ملابس . هدى استانست : ماعليج ملابس بدور كلها تحت امرج . لولوه وصل لها مسج من نواف (( لو مات في وصلك رجا الشوف والصوت $$ مامات في قلبي غلاك ومكانك وحشتيني )) لولوة خدودها صاروا حمر ... أنتبهوا لها نوف وهدى ... واضحكوا ... نوف صفرت : يسلااااااااااااااام أموت انا على الكناري .. يارب ارزقنا يااااااااااارب . لولوة وهي مستحيه : نوف وجع انزين . هدى : خلونا نروح نقعد في الحديقه ... الجو حلو . لولوة ونوف : اووووووكي يلا . *** سارة خذت رقم موبايل نواف من منى ... والحين بهاللحظه هذي راح تبدي خطة منى .... اقعدت سارة على السرير ... واصابعها تضغط على رقم نواف ... تم يرن ويرن ولكن دون استجابه . سارة : هذا وينه ليش مايرد ... خل ادز له مسج . اكتبت له مسج (( السلام عليكم ... عندي لك موضوع مهم يخصك ... أتمنى الاتصال بأقرب فرصه )) أبتسمت وهي تدز المسج .... وبعدها اتصلت على رفيجها الجديد اللي تو متعرفه عليه . ياترى شنو راح يصير ؟؟؟؟ *** حرك فيصل بسيارته ... يتمشى في شارع الخليج على أنغام أغنية راشد الماجد يسألوني ليه احبك .... وفكره شارد في لولوه ... يبتسم وهو يتذكرها .... يتذكر جمالها .. رقتها ... نعومتها ... شفايفها التوتيه .. خشمها الصغير ... جسمها المنيكان ... يااااااه كامله وما الكامل الا وجه الله .... لازم يتحرك ويكلم امها ... يبيها .... يعشقها ... ولا مره فكر في بنت بهالجديه هذي ... الا لولوه يفكر فيها بجديه ... دعى ربه ان تكون لولوه من نصيبه .... يازينه من نصيب .... عّلا على الاغنيه ويدندن مع صوت السندباد .... وتم يسووووووق بسرعه ... يحس انه فرحان . *** أتصل طلال على هدى بخصوص موضوع فارس .... طالعت هدى الموبايل واستغربت ... البنات انتبهوا لها ... لولوه : اشفيج هدى ردي على التلفون . هدى : هذا طلال متصل ... غريبه .؟ نوف كانت تاكل .. أول ما سمعت اسم طلال شرقت : كح كح كح لولوه : اسم الله عليج ... اشفيج . نوف عيونها مغرقه دموع من الشرقه : كح أبـ ي مـ ـ ا ي كح على طول لولوه عطتها ماي ... هدى اطلبت منهم السكووت والهدوء عشان تتكلم مع طلال ... وبعد ست رنات واخيرا ردت بخوف : ألو هلا طلال . طلال : واخيرا مابغيتي تردين هههههههههه . شلونج هدى عساج بخير ؟ هدى : الحمدلله تمام ... انت شلونك وشلون خالتي عساكم بخير . طلال حاب يحرجها : بس تسألين عننا ... مانسيتي احد ؟ هدى بصوت حزين : وفارس .؟ طلال بجدية : هدى ... انا لازم اشوفج ... محتاج اتكلم معاج ؟. هدى خافت ودقات قلبها تدق بسرعه : خالتي فيها شي ؟ طلال : لا ياهدى مو خالتج اللي فيها شي ... فارس اللي فيه ؟ هدى خافت على فارٍس : ليش اشفيييييييه قول لي ؟ طلال : مافيه شي بس انا لازم اشوفج ... ماينفع اقولج بالتلفون ... قولي لي متى حابه اشوفج ... ولا تدرين شلون ... بعزمج على ستار بكس الافنيوز باجر الصبح .؟ ها موافقه ؟ هدى : أوكي باجر الساعه 9 اكون عندك ... طلال سلم على خالتي امانه . طلال بأبتسامه : انشالله يوصل ... لاتنسين باجر الصبح ... يلا فمان الله . طول المكالمه ونوف عيونها على هدى .... ماتدري ليش نبضات قلبها تسارعت يوم اسمعت اسم طلال . لولوة بفضول : اشفيه طلال شعنده . هدى مستغربه : مادري يبيني بموضوع .... باجر الصبح مواعدني بستار بكس اللي بمجمع الافنيوز . نوف : وانشالله بتروحين . هدى : اكيييييييد بروح وانتي باخذج معااااااي .... عشان بشتري لي بلوزه وماعرف اختار ... ابي من ذوقج . نوف بتهرب : لالا مابي اروح ... اخذي بدور ؟ هدى : انتي نسيتي ان خالد مايخلي بدور تطلع من البييييييييت ... لاتصيرين غثيثه .. باجر زهبي عمرج . لولوة استأذنت عشان ترد البيت ... هدى : لا تو النااااااااااس قعدي . لولوه : لا مابي ... اخاف ارد بروحي بالليل ... يلا انتبهي على نف نف ؟ نوف واهي تطق صدرها : افا عليييييييييج انا عن عشرة رجاجيل . هدى اضحكت على نوف وطريقتها بالكلام حدها مصبنجيه (( عربجية )) . لولوه وهي تضحك : يلا بنااااااااات باي . هدى ونوف : باياااااات لولو . *** قاعده في المجلس والنار قاعده تاكل قلبها ... مقهوره .... تحدد زواج ولدها احمد بعد شهر .... اكيد تبي تاخذه المسعده عساها ماتتهنى فيه .... منى شافت امها معصبه والشر يتطاير من عيونها : ها يمه اقدر اقول لج مبروك هههههههههههههههه ام احمد تصرخ على منى : الله لايبارك فيج ولا في اخوج ولا فيكم كلكم . منى بنرفزه : أعصابج شوي شوي علي ... انا شذنبي تصرخين علي ... حطي حرتج بولدج اللي تزوج من وراج . أم احمد بعصبيه والشر يتطاير من عيونها : عساااااااااااه مايتهنى ... والله واللي خلق سبع اني ماراح اخليه يتهنى مع بنت الفقر . منى تضحك بأستهزاء : اصلا خلاص تحدد زواجهم ... وبعدين شنو تبين تسوين مو ابوي منبهج انج ما تتعرضين لهم .؟؟ أم احمد بثقه : ومن قال اني بروح لهم واحوس عرسهم ... لا انا بحـضر العرس وبستقبل المعازيم ... وأم كاظم تسوي كل شي . منى عقدت حواجبها بأستغراب : ومني ام كاظم هذي ؟ أم احمد بأبتسامه : أم كاظم مشعوذة وسحّارة .... بخليها تسوي سحر حق الشينة بنت الفقر ... عشان احمد يطلقها بليلتها . منى أطلقت ضحكه عاليه : ههههههههههههههههههههههههههههههههههه يمه تفكيرج خطير ههههههههههههههههه . أم احمد تتكلم بثقه : أنا ام احمد مايطوف علي شي ... واللي ابيه يمشي . منى : الله وناسه يمه ودي أروح بيت مشعوذه ... بروح معاج . أم احمد تمشي بكبرياء وهي تصعد الدرج : اذا رحت باخذج . (( الله يعينج ياضحى على المصيبه هذي )) حركت منى شعرها بدلع ... وقررت تدق على حبيبها المؤقت فواز تتسلى معاه وبصوت كله دلع مصطنع : الو هلا بقلبي فوفو ... اشتقتلك حبيبي . فواز : هلا بهالصوت هلا بحبيبتي ودلوعتي .. انا اكثر .... جذي يالظالمه تخليني بروحي ولا تدقين علي ... ماتوقعتها منج ... هالدرجه أهون عليج . منى : افففف ياقلبي والله ظروفي ماتسمح . فواز برومانسيه : والله مقدر ظروفج ياقلبي ... بس انا مشتاقلج ... وودي بشوفج يالغاليه ... أبي اكحل عيوني بشوفتج . منى تلعب بشعرها : انشالله بأقرب فرصه احاول اشوفك فيها . فواز : في بارتي انا بسويه بشاليهنا ... تعالي اهناك ياقلبي . منى بتردد : اممممممممممممممم ... مادري بشوف حسب ظروفي ياقلبي . فواز : حبيبتي انا كل خميس بالشاليه ..... اتمنى تجين واكحل عيني فيج يابعد عمري . منى استانست من الكلام اللي تسمعه : خلاص حبيبي اول ماتحصل لي فرصه أشوفك ... انا لازم اسكره الحين ... لأن ساره معاي خط ثاني . فواز : اوكي ياقلبي انتبهي على نفسج ... تراج روح فواز . منى : يابعد روحي يافوفو ... بايو . سكرت منى وهي مستانسه من كلام فواز اللي يحسسها انها بنت وحلوه وواثقه من نفسها ... ردت على سارة بسرعه وهي تسمع اصوات وازعاج كأنها في حفله : ها سارونه بشري . ساره تتكلم بصوت عاالي: اتصلت وما يرد علي . منى ماتسمع من الازعاج : شنو ماسمعج عدل ازعاج عندج. ساره : لحظه لحظه خل اطلع برا . وقفت بتطلع ولا واحد مسكها من الخصر يبي يبوسها ... لكن ساره بدلع ابعدته وهي تضحك له ضحكه رايحه فيها (( ضحكه رقاصات )) منى استغربت : ساره انتي وينج فيييييييه . ساره : انا موجوده في بارتي خاص ... عجيب تمنيتج معاي منوووووه . منى : انزين بعدين ... الحين بشريني شصار مع نواف . ساره بملل : اتصلت عليه أكثر من مره بس مايرد ... حتى دزيت له مسج وماتصل ... شكله ثقيل ولد عمج . منى مغتاضه : افففففففف والحين شنو الحل ... ساره عفيا لازم تحاولين تتصلين اكثر من مره . ساره تبتسم ابتسامه خبيثه : افا علييييج حطيته في بالي والله ماخليه ... بس اتصدقين احس انه يحب لولوه ومستحيل يصدق فيها . منى : شدعوا ساره ... انتي عليج اسلوب يقنع .... احنا بس خلينا نمشي بهالخطوه ...وبعدين نفكر بخطط ثانيه . ساره : انزين خلاص ,,,,, انا بدق عليه اليوم بس ارد وبعدين اعطيج خبر ... يلا بروح للبارتي ... تأخرت عليهم . منى : انزين يلا باي ولاتنسييييييييييين تتصلين علي أول بأول . ساره : اوكي يلا باي . *** وصل البيت .... وهو يحس بأحساس الحب ... معقوله الحب يخلي الحياة حلوه ... دخل البيت بهدوء وهو قاعد يغني بصوته الشجي " يسألوني ليه احبك ... حب ما حبه بشر " ... لقى أبوه وأمه قاعدين يتابعون الاخبار ... أنتبه له ابو ضاري وابتسم : حي الله الطربان ... شعندك تغني . أم ضاري : عساني ما خلا من هالصوت ... عسالله يحفظك ياولدي ... ويفرحني فيك . فيصل ابتسم وراح باس راس ابوه وراس أمه : انشالله قريب يايمه تفرحين فيني . ام ضاري استانست من ولدها ... واخيرا قرر يتزوج : الله يبشرك بالخير ياولدي ... قلي منهي وانا اروح اخطبها لك . أبو ضاري : أي يافيصل واخيرا قررت ... وترا العروس جاهزه ياولدي . فيصل استغرب من ابوه : منو العروس . أبو ضاري بفخر : بنت عمك صالح ... حنين . فيصل توهق ومايدري شنو يرد على أبوه ... ولا يبي يغضب أبوه لان يدري اذا ابوه قال كلمه لازم يلتزم فيها .. من التوتر حط ايده بداخل شعره : اذا عزمت انشالله بقول لكم ... عن اذنكم . صعد على طول لغرفته .. وانسدح على سريره ويطالع السقف بعيون كلها حزن.... لييييه يايبه تخرب جوي ... ليه تصدمني وانا كنت مستانس ... لييييييييييه حنين وقلبي مع لولوه .... مستحيل ياخذ غير لولوه اللي دخلت في باله ... وامتلكت قلبه واحساسه ومشاعره ... لولوه بإختصار هي حياته ... ولازم يلقى ويفكر في حل ... يقنع ابوه فيه . غمض عيونه ... واستسلم للنوم (( نبذه عن فيصل ... فيصل انسان حالم ورومانسي ..... عمره 24 سنه وهو موظف في الحرس الأميري ... عيونه عسليه لوزيه .. شعره كستنائي ... مو طويل حيل ... كان عريض الاكتاف ... كان له علاقات سابقه مع جميع اصناف البنات ... ومالقى البنت اللي يفكر فيها كزوجة ... بس شاف لولوه مره وحده حبها ويحس بمشاعر متضاربه لما بس يسمع صوتها او يطرون له اسمها ... هل راح يتحقق حلم فيصل !!!! )) *** لولوة ردت البيت .... وطول ماردت ماقدرت تكلم نواف ... لان كل ماتتصل ... مايرد : أكيييييد بمؤتمر ومو فاضي ... فديت قلبه حبيبي . غسلت وجهها وإلبست بجامتها .... وقررت تمر على نورة وتشوفها ... شافت نوره قاعده تكتب خواطر ... أبتسمت والحمدلله حاولت تشغل نفسها شوي بعيد عن زياد ... بس ماتدري ان هالخواطر كلها لزياد ... اطلعت بهدوء وماتبي تشغل نوره ... وقررت تروح لغرفة ضحى اللي لقت ضحى غرقانه في الحب مع أحمد ... ابتسمت لولوه ودعت الله ان لايغير عليهم . وصكت الباب ,,, وراحت لمملكتها ... غرفتها ... قررت انها تريح وتنام .... ونامت ولا تدري عن باجر شنو راح يصير . *** نواف اللي كان يومه حافل .... من مؤتمر ... إلى مستشفى ... ومن مستشفى إلى لجان طبيه ... يعني كان يومه متعب ... وصل للفندق وكان تعبان وراسه يعوره ... أخذ له حبة بندول ... واتجه للحمام ... وغسل وجهه ذو الملامح الحاده وبلل شعره الحرير اللي صار طال شويه بالماي ... وفتح قميصه وظهرت عظلات اكتافه وبطنه المقسم على الخفيف وظل عاري الصدر ... كان شكله خيااااااااااااالي ورجولي ويجنن .... توجه للسرير ... وانسدح عليه ... اخذ موبايله وشاف 3 مكالمات لم يرد عليها ومسج واحد .... بدون مايشوف الارقام والمسج ... اتصل على حبيبته لولوه ... ولكن دون استجابه .. وتأكد ان لولوه نايمه اكيد ... تحسس بإيده على الجهه الثانيه ... تمنى ان لولوه تكون موجوده فيه ... عشان يظمها حييييييل ويدفن راسه في صدرها ... لان محتاج يظمها ... محتاج لحنانها ... يبيها عنده .... متى ارجع الكويت واخطبج ... آآآآآه الله يصبرني على بعدج عني ... وش الدنيا عقب فرقاج يالولوه . تذكر المسج ... وكان من رقم غريب ومكتوب فيه : ((السلام عليكم ... عندي لك موضوع مهم يخصك ... أتمنى الاتصال بأقرب فرصه )) استغرب من الرقم الغريب ... وتم يتساءل بينه وبين نفسه ... ياترى منو وشهالموضوع المهم ؟؟؟ خل اتصل واشوف منو ... اتصل على الرقم وتم يرن . ساره اللي كانت قاعده في بارتي ... وانواع الرقص والبنات مع الشباب والخرابيط اللي تصير ... شافت موبايله وكان رقم نواف .... ابتسمت وقالت لنفسها : أخيرا اتصل وينج يامنى هههههههه .... واطلعت برا الشاليه عشان تتكلم معاه بدون ازعاج ... نعمت صوتها ... وردت بصوتها الانثوي الساحر : ألو . نواف بإستغراب بس شده الصوت الحلو : الو ... السلام عليكم ... أختي متصله ودازه لي مسج ... خير انشالله . ساره تخبلت على صوته الثقيل والرجولي : وعليكم السلام ... أسفه على الازعاج دكتور نواف ... ادري ازعجتك ... واضحكت بضحكتها الانثويه الجذابه بصوت ناعم وخفيف . نواف بلع ريقه و تعوذ من الشيطان : لا مافي ازعاج ... بس ماقلتي لي شنو الموضوع ... لأن انا مشغول ماقدر اطول بالموبايل عندي شغل . ساره (( ياحلوه مستحي )) : اوكي ... اذا فضيت دق علي وانا اقول لك ... لان الموضوع يبيله وقت واخاف اعطلك . نواف مصر انه يعرف الموضوع وبصوت حازم : لا لازم الحين تقولين لي ... مايخالف الشغل يتأخر .. يلا اسمعج تكلمي . ساره وهي تقعد قبال البحر : طيب بقول لك الموضوع بس ابيك تسمعني للآخر ولاتقاطعني . نواف متحمس يعرف : كلي آذان صاغيه . ساره عدلت جلستها وقالت بثقه وبجديه : انا عارف انك انسان مستقيم وماشي سيده ... ماتحب تلف ولاتدور ... لكن سمعت انك تبي تتزوج وتخطب وحده اعتقد انها تقرب لك " نواف استغرب شلون عرفت .. صج ماينخش شي بهالديره " كملت ساره : هالانسانه هذي يانواف ماتصلح لك . نواف بأستهزاء : ماتصلح لي شلون بالله .؟ ساره : استغفر الله ياربي مابي اتكلم في اعراض الناس . نواف بدى صبره ينفذ : تكلمي بسرعه . ساره (( فديته معصب هههه انطر علي والله لا اخليك تعوف لولوه )) : بقول لاني خايفه عليك والله وعلى سمعتك والله يسامحني ... لولوة كانت زميله لي ايام الجامعه .... وكنت حابه اني اكون صديقتها ... لكن في وحده من البنات قالت لي ان لولوه تطلع مع شباب وتستغل جمالها عشان يعطونها فلوس وتطوف محاظراتها ... لكن انا ماصدقتها ... الا يوم شفتها بعيني ... تطلع الصبح مع عيال الهاي هاي وترد الظهر ... تمويه عشان اهلها يدرون انها بالجامعه . نواف حس برجفه ملت جسمه وحس قلبه شوي يطلع من هالكلام هذا وقال بعصبيه وصراخ : اكلي خراااا لولوه اشرف منج ومن امثالج وما اسمح لج تتكلمين عنها بهالطريقه هذي . ساره بصوت عالي : شوف اصلا انا ماني مهتمه فيك ... ولا فيها ... بس حبيت اسوي خير فيك ... لانك ولد ناس ولا تستاهل انك توصخ نفسك مع وحده مرخصه عمرها عشان الفلوس ... واذا مو مصدقني انا مستعده اثبت لك ... واجيب لك الدليل بعد . نواف حس راسه بينفجر من الكلام اللي يسمعه ... يحس الدم قاعد يضخ براسه أكتفى في ان يصرخ ويقول : لولوه اشرف منج .. وان شفتج اتصلتي برقمي مره ثانيه ماتلومين الا نفسج فاهمه . وصك التلفون بوجهها ... مستحيل يصدق في لولوه ... لولوه طاهره وعفيفه ... ومو محتاجه تبيع نفسها عشان جم فلس . سارة اكتبت له مسج وتبي تشككه اكثر .. وصله المسج وكان مكتوب فيه : (( راح اثبتلك يانواف ... والدليل راح يكون موجود عندي .. انا اسفه اني ضايقتك )) حذف نواف الموبايل لدرجة انه تكسر لأجزاء ... ومسك راسه ... والشكوك والظنون بدت تسري لعقله لكن يقول لنفسه : لاااااااااااااا لولوه مستحيل تسويها مستحيل ولا راح اصدق فيها .... لبس ملابسه بسرعه وطلع يتمشى يبي يشم هوااا يحس انه مخنوووووووق . " الله يعينك يانواف بس اهم شي لاتصدق في لولوه " *** في اليوم التالي .... الصبح ... وتحديدا الساعه 8 الصبح ... اقعدت هدى من النوم ... وقعدت نوف معاها عشان تتزهب وتروح لموعد طلال .... تريقوا البنات بروحهم لان ام بدر نايمه ... وبدور هم نايمه ... وبدر عنده دورة بالدوام وما يجي البيت ... هدى : نوفي يلا لبسي بسرعه عشان نلحق . نوف وشعرها كشه صاير : هدى مابي اروح .. وديني بيت اهلي ... والله فشيله هدى تتخصر : شنو شنو ... لا يبا تروحين غصب معاي . نوف تتثاوب : والله ماله داعي .. احس وجودي غلط ... يمكن بيقولج موضوع خاص بينكم ... شكو ارز ويهي . هدى وهي تسحبها من الكرسي : اقول امشي بلا قرقه ... خلصيني ربع ساعه وتكونين جاهزه . خذت نوف من كبت بدور ... فستان حرير تايقر يوصل للركبه ... والبست تحته بنطلون جينز ... ومع شيله بيجيه ... حطت لها مسكره وغلوس عالسريع ... أما هدى أكتف في انها تلبس عبايه نظام مغربي مطرزه بلون فضي وملفع نفس نقشة التطريز ... وماحبت انها تحط مكياج جدام طلال لان فشله .... ألبست نظارتها الديور ... وانزلت تحت وشافت نوف جاهزه .. أبتسمت لنوف : ها سرقتيهم من بدور . نوف اضحكت : ههههههههههههه امشي يامعوده قبل لاتقعد بدور وتسوي لي سالفه . هدى وهي تطلع سويج السياره (( مفتاح السياره )) : يلا مشينا . |
الجزء الخامس عشر يامعذبي,, الشي الذي لاتعلمه أن قلبي ليس بسهوله أن يمتلك مفتاحه وانه ليس من النوع الذي يتأثر بكلمات الحب ولا نظراته انه قابل أصناف وأصناف من البشر مع ذلك لم يتحرك إحساسه ولكن مع ذلك أريد أن أصارحك بشي طالما أخفيته عنك سأقولها وبكل صراحه وأعلى صوت إنك أنت الوحيد الذي إمتلك قلبي وبكل جداره وأن إحساسك وحبك إجتمع مع صدق حبي ودفء إحساسي ولكني لم أستطع أن أقولها لا أعلم لماذا ربما لانني لم أتوقع أنك وجدت مفتاح قلبي وربما لانني كنت أخاف من تلك الكلمه وذلك الإحساس وربما لان كبريائي اللعين منعني من قولها ربما وربما معذبي,, لا أعلم لماذا ولكن هاأنا الآن أخبرك بأنك الوحيد المتربع على عرش قلبي وبأنه مهما طالت المدة سنين وسنين لن أنسى حبك أو أنسى أجمل إحساس أحسسته معك أقولها للمره الاخيره أحــــــــبك,, (( قطر الندى )) جسمه نحفان ... شكله ذبلان ... ملامحه الحاده امتلأت بملامح الحزن والضعف .... هذا شكل فارس بإختصار ... كره حياته .. كره نفسه .. كره كل شي فيه ... وين فارس الشامخ ... وين فارس المهابه .... فارس أسير لقفصه النفسي ولا قدر يطلع منه . أم فارس مسكينه كل شوي تتردد على غرفة ولدها فارس وشافت ولدها منسدح على السرير ... بملابس النوم .. شعره مبهذل ولا حلق لحيته .. ولا اهتم في نفسه الكل متعود على كشخة فارس لكن لو يشوفونه بهالمنظر يمكن يرأفون بحاله ويشكون انه كان كشخه ... أمه بعيونها الحزينه على حالة ولدها : يايمه مايصير جذي ........... شوف حالتك شلون صايره .؟؟ من راحت هدى وانت حالتك تدهورت .. ذبحتني وذبحت نفسك .. حرام عليييك اللي تسويييييه بنفسك ... قوم يايمه حلق والبس عدل واطلع وشم هوا ... شوف الناس ... شوف العالم ... ليمتى قاعد على هالحاله .. حتى دوامك ماتداوم ..ارحمناااااااا ياربي برحمتك. لكن فارس ولا كلمه ... تم ساهي وشارد الفكر نزلت امه راسها وقالت بتمتمه : لاحول ولاقوة الا بالله . طلعت وهي مهمومه من حالة ولدها ... وخايفه لاتخسره .. ونزلت تحت لمحت طلال كاشخ وكان بيطلع ... أم فارس بصوت مرتجف : طلال ؟ طلال وهو يتوجه لأمه وباس على راسها : ياهلا بالغاااااااااليه ... امريني ؟ ام طلال وتطالع ولدها بنظرة مكسورة : شلون تكشخ وتبي تطلع واخوك بهالحاله هذي ؟ طلال : يايمه والله فارس ذبحنا ... رحت له وقلت له يافارس خل نروح نطلع نستانس حتى نسافر لو تبي بس معطيني بو لباس ... مايرد علي ... يسفهني . ام فارس ودموعها تنزل : ياويلي على ولدي ... بيروح مني والله بيروح مني ... ياربي رحمتك الواسعه . طلال شاف امه بهالحاله قرر انه مايطلع ... بسرعه قعد امه على الكراسي وامر الخدم يجيبون ماي بارد : استهدي بالله يايمه مو صاير شي حق فارس . ام فارس : المشكله ماني عارفه شسوي ..... شنو اللي بيدي ؟ وليش صار جذي .. ياويلي عليك ياولدي . طلال : تبيني اكلم هدى ؟؟ يمكن تدري بشي ؟ أم فارس : ايييييييه ياليت والله ... مابي ولدي يضيع مني .. ابيك تجيب هدى وتتفاهم وياااااااااه ... يمكن تقدر تطلعه من اللي هو فيه . طلال وهو يبوس ايد امه : ابشري يالغاليه ... انا الحين بروح اكلمها واقابلها بعد واجيبها بالغصب . أم فارس بأبتسامه من خلالها اشرق وجهها المليان بتجاعيد الزمن : الله يخليكم لي ولا يحرمني منكم .... وعسالله يبلغني فيك واشوف عيالك يايمه . طلال مستانس ويرفع ايده : اااااااااااااامييييييييييييييييييييييييييييييييين . *** هدى اللي كانت قاعده مع اهلها .... صح اهي معهم لكن القلب مو معاهم في مكان ثاني .... قاعده بس تجامل وماتبي تحسس اهلها انها متضايقه ... أم بدر واهي تلتفت لبنتها هدى : يمه تروحين معانا لبيت خالج ابو خالد .؟ هدى ماكان لها خلق تطلع مكان لأحد : لا يايمه انتي روحي واستانسي انا احس اني تعبانه وبرتاح في البيت ومنها ارتب غرفتي . بدور تاكل حب : يلا هدوووووووووي امشي خل نروح ... من زمان ماطلعنا مكان ... على الاقل غيري جو . هدى : لا لا لا مالي خلق ... روحوا انتوا . أم بدر بحزم : لا ماروح واخلييييييييييييج .... تروحين اروح ماتروحين ماروح ... ماقدر اخليج بروحج . هدى : يمه الله يهداج من قال اني بروحي ... اصلا لولوه بتمرني وبتتعشى معاي انا دقيت لها . أم بدر : وبتطلعون مكان ولا قاعدين في البيت ؟ هدى : لا يمه بنقعد في البيت . بدور : خلاص يمه ... لولو عندها ... خلينا نروح لبيت خالي لان رفيجتنا شهد بتجي عند نوره و بقعد معاهم تدرين مشتاقييييين لبعض . ام بدر : ايه ماعليه ... بس حتى نورة مادري شفيها حالتها متغيره ... مادري علامكم ؟ بدور توهقت : هاه لا مافيها شي ... بس اهي تعبانه شوي .... يلا انا بقوم ألبس عشان اتجهز . على طول أصعدت فووووووووق ودقت على حبيب القلب خالد : ألو هلا حبيبي ؟ خالد : ياهلا بالطش والرش والماي اللي بالقرش ... هلا بهالصوت وراعييييييييييييته ... اخيييييييه عليج بس . بدور خدودها حمر : بس عاد خلودي .... المهم حبيبي انا وامي بنزوركم . خالد : وليش ماقلتي لي من قبل ساعه ... انا الحين بمخيم واحد من الربع ... عازميني على العشا . بدور ماده بوزها وبدلع : صج حبيبي ما اقدر اشوفك يعني .؟ خالد ياويلي ماقدر على الدلع : يبه تدرين شلون ... ابي اهد العشا بكبره واجي عندج يابعد طوايفي انتي . بدور مستانسه بس كسر خاطرها ... وين يرد لها وهو بالمخيم : لا خلاص حبيبي فرصه ثانيه ... انت استانس مع ربعد... وانا بقعد مع نوره وبسولف ... يلا حبي انتبه لنفسك انزين . خالد : باجر انا غداي عندكم ... احبج يالغاليه ... انتبهي لنفسج ... بحفظ الله . سكرت بدور وراحت بدلت ملابسها واطلعت . *** نوف كان عندها بحث في مادة علم النفس ,,, وهالبحث يتناول موضوع نفسية الأطفال .... وماحد راح يساعدها الا هدى بنت عمتها بما انها مدرسة روضة وعندها خلفية بهالموضوع ... اكيد تعرف لنفسية الاطفال ... أتصلت على موبايل هدى : ألوووووو شلونج هدى ؟ هدى : هلا بنوف شخبارج ..... تمام ؟ نوف : أي تمام الحمدلله ... انتي شلونج ؟ هدى : الحمدلله تمااااااااام ... تعالي صج انج خايسه شسويتي بأخت احمد بالعرس ... قالت لي لولو وقعدت اضحك ... صج مجرمه . نوف تضحك بصوت عالي : ههههههههههههههههه أمبيه لعوزناها هدى ... لو تشوفين شكلها جنها ساحره ههههههههههههههه ... بس تستاهل الحماره ... عشان مره ثانيه ما تغلط على اسيادها . هدى : عشتواااااااااااا ... يمه منكم صج مهبل.... انزين امي وبدور عندكم ؟ نوف بأستغراب : ليش اهما جايين لنا ؟ هدى : أي اشفيييييييج ... قبل ربع ساعه حركوا . نوف : يووووووووووووه ... ليش ماجيتي معاهم .؟ ابيج بشغل . هدى : وليش انشالله ... شتبين فيني ؟ نوف بدت تتمصلح : ياحياتي ياهدى .. انتي اصلا مافي مثلج اثنين ... ويلوموني في بنت عمتي وحبيبتي الغاليه .. ومرة الغالي . نوف اضربت على الوتر الحساس .... هدى حست بقلبها يدق بسرعه ونبضاته تزيد لما ذكرت فارس وبنفسيه : خير شتبين .؟ نوف : هدويه الحلوه انا عندي بحث عن نفسية الأطفال ... وابيج تساعديني فيه بما انج مدرسة روضة وتعرفين اكثر مني ... تكفيييييييين لازم اقدم هالبحث ولا ارسب بعلم النفس . . هدى : خلاص تعالي مع لولو هي بتجي تتعشى عندي ... تعالي معاها عشان نتعشى مع بعض . نوف : اوكي خلاص حلووووووووو ... مسافة الطريق وجايتج ... هدوي ابي بيتزا طلبي لي . هدى تضحك : طرار ويتشرط .... ايه هين بس انتي تعالي . نوف اركضت لغرفة لولوه اللي شافتها تلبس ... لولوه طالعتها مخترعه : بسم الله اشفيج .. (( و تمثل بعصبيه )) جم مره اقولج مشطي كشتج . نوف تضحك : هههههههه خرعتج ادري ههههه .. ماعلينا .. بروح معاج لهدى . لولوه : ليش شعندج انشالله . نوف : ابد عندي بحث وابيها تساعدني ... شنو ماتبين تاخذيني يعني . لولوه : يمه كليتيني ... اعصابج ... اخاف تكفخيني نفس منى ههههههههههههههههههههههههههههههه . نوف : خخخخخخخخخخخخخخخ لاتذكريني فيها الله يغربلها ... يلا انا بلبس . دقايق اوكي ؟ لولوه : بسرعه نف نف مابي اتأخر . انزلت لولوة تحت وشافت خالتها وبدور جاييييييين ... سلمت عليهم وطالعتها ام بدر : مارحتي حق هدى للحييييييييين ... تنطرج . لولوه : أي خاله كاني رايحه لها ... بس انطر نوف ؟ بدور : نوف بتروح ..... شعندها ؟ لولوه : تقول عندها بحث وتبي هدى تساعدها . بدور : اهااااااا ... نورة امشي خل نصعد غرفتج ... في سوالف كثيره بقولها لج . ضحى : يسلااااااااام واحنا مو تارسين عينكم . بدوره : خخخخخخخ انتي لا .... لالا بس ابي اقول حق نوره شغلات . ضحى : الله والشغلات عاد اللي يسمعكم يقول منظمة اليونسكو . نوره تقوم : يمه واللي يعافيج اذا جت شهد خليها تصعد لنا بالغرفه . أم خالد : خلاص حبيبتي . لولوه : يمه انا بروح تامريني بشي ..؟ ام لولوه : خلاص يمه بس انتبهي للدرب ودقي علي اول ماتوصلين طمنيني عليج . لولوه تبوس راس امها وراس جدتها : ابشري يمه ... خل نوف تطلع لي انا بالسياره انطرها . أم خالد تلتفت على ام بدر : اقول يا ام بدر ... هدى مانيتها ترد على زوجها؟؟ ام بدر : والله يا اختي مادري شفيها ... احس بنتي صاكينها عين على هالفارس هذا ... ياقلبي قلبها ماتهنت بزواجها . أم لولوه : بس طلعتها من بيت اهل زوجها ماله داعي ... جان قاعده . أم بدر : والله قلت لها حتى هاوشتها ... بس كله تقول لي انتي ماتدرين عن شي ... اذبحتني هالبنت . جدة البنات : الله يصلحها ... ويهديها ويهدي الجميع ويجمعها مع زوجها على خير . الكل : أميييييييين . تموا الحريم يسولفون مع بعض . *** نوف لبست لها بنطلون جينز وبلوزه كت بدون اكمام لونها برتقالي ... ماحطت مكياج ... بس استشورت شعرها اللي كان طايل شوي وصاير لي نص رقبتها بس طالع عليها احلا .... راحت بتاخذ عبايتها وشيلتها ... ومرت على غرفة نوره ... سلمت على بدور : يلا يالجياكر انا بروح ..... هدووووووووي عازمتني على العشاااااا . والله اني مهمه . بدور : عشتوا جياكر بعينج ... يلا طسي خلينا نسولف على راحتنا . نوف : مالت عليكم وعلى سوالفكم ... يلا باي . نورة تبتسم : الحمدلله والشكر صج انها هبله .... بس ياحليلها ... معطيه جوو بالبيت . بدور وهي تمسك ايد نورة : ماعلينا منها ... طمنيني عنج . نورة : الحمدلله . بدور تضغط على ايد نورة وعيونها بعيون نوره : متأكده انج بخير . نورة نزلت راسها وكأن بدور حاسه فيها ... طالعت فوق : الله يرحمك يازياد . بدور وبحنان كبير : نوره انتي شفتي شكلج ... شفتي شسويتي بحياتج ... ِشفتي شسويتي بأهلج .... الكل قعد يحاتيج .. ليش يانورة تبي تخسرين نفسج ... و تخسرين اهلج ... والله حرام اللي تسوينه فينا ؟؟ انا الحين قاعده معاج بس ما احس انج نورة بنت خالي اللي اعرفها ... اللي تربيت معاها ... احسج غريبه عني... وين نوره الاوليه اللي كله تضحك وتتغشمر ... وين نورة العصبيه ... اللي مايعجبها شي . نورة منزله راسها واهي تسمع كلام بدور بس انطقت بصوت مبحوح : ماقدرت انساه . بدور تحظن نوره : انا ما الومج يانوره ... ولا احد بيلومج ... بس هالدرب كلنا ماشين فيه ... زياد مات ... انتي ليش تموتين نفسج ... الكل محتار فيج ويلاحظج... حتى امي اليوم سألتني ... لاحظتج ... يانوره ياحياتي الحي ابقى من الميت ... عيشي حياتج .. والله حرام تسوين بنفسج جذيه نورة ساكته وكانت بتتكلم بس شهد دخلت عليهم بأبتسامتها العريضه : طحت عليكم .......... وحشتوووووني . بدور ونورة : اهليييييييييين ... حياج تعالي . شهد ومعاها كيس كله حلويااااااات وككاوات مشكله ... بدور تضحك : ماتخلين سوالفج أبد . شهد : خخخخخخخ تدرين ما اقدر استغني عنهم .. يلا حياكم " ألتفت حق نورة : ها نويره شلونج الحييييين . نوره تبتسم : الحمدلله ماشي الحال . شهد : عفيه نوره تعالي داومي والله ماله داعي قعدتج في البيت ... فاقدينج يالخايسه . نوره : انا ماراح اداوم الا لما اسوي شي في بالي . بدور وشهد بصوت واحد : شنو بتسوووين ؟ نورة : بعدين اقول لكم ... بس ابي افكر بالموضوع عدل اخاف اندم وبعدين عاد استشيركم . شهد وكأنها تتذكر شي : ااااااييي نوره ... تعرفين بشار .. " وبصوت هادي " صديق زياد الله يرحمه ؟ نورة بأستغراب : أي اعرفه ... هذا رفيج زياد الروح بالروح اهو مشعل ... وهو الوحيد اللي يعرف عن علاقتنا ... ليش شفيه ؟ شهد تعدل شعرها وترجعه لورى : اليوم سأل عنج ... وقالي بعد شلون اقدر اوصل لها ؟ نورة مستغربه وعاقده حواجبها : شيبي فيني ؟؟؟ بدور : أي صح شيبي بنوره ؟؟ شهد : مادري والله بس يقول عنده امانه لج وحاب يوصلها. نورة : أمانه لي .... " وبحزن " اخاف زياد موصيه على شي ؟ شهد : مادري كل شي جايز . نورة : انزين ابي اوصله شلون ؟؟ بدور : يوم السبت تعالي داومي معاناااااااا ويمكن تشوفينه . نورة : واذا ماكان مداوم . شهد تطق على صدرها : افا عليييييييييييييييج ... عندي رقمه ومستعده ادق لج عليه . بدور : ايا المعفنه ... مايطوفج شي ابد . شهد تضحك : لالا تفهمين غلط والله عشان نوره اخذت رقمه اشفيج . نوره : خلاص شهد انتي اتصلي عليه الجمعه واتفقي معاه يوم السبت الساعه 10 الصبح عند المكتبه اوكي . شهد : اوكي . تموا البنات يسولفون ويونسون نورة .... والحمدلله نورة حست انها احسن وبدت تبتسم وتضحك .. وتنسى للحظه الهم اللي ساكنها بوجود اقرب صديقاتها بدور وشهد ... اللي تحبهم ولاتقدر تستغني عنهم . *** لولوة واهي تنطر نوف بالسياره ... قاعده تتحلطم : اففففففف هذي وينها الساعه صارت 6 وللحين ماوصلت . ألمحت نوف قاعده تمشي بدلع وبمشيتها تقلد عارضات الازياء ... اركبت السياره ولولوه معصبه : اخاف صج بس ... لايكون مصدقه عمرج عارضة ازياء . نوف تكمل دلعها : اوووووف ياربي من الغيره ما استحمل انا ... ليش كل هذا عشان حلوه واهبل وقمر . لولوة تبتسم : اقول صكي حلجج وخلينا نمشي ... اتصلت علي هدى وانا قاصه عليها قلت دقيقه ونوصل عندج . نوف تحط لها غلوس وهي تطالع المنظرة : ايييييي خليها تنطر شوراها يعني ... " وفجأة ضحكت نوف ضحكه هستيريه " لولوه استغربت : اشفيج ياهبله ..... الحمدلله والشكر نوف تضحك : ههههههههههههه قاعده اتخيل شكل هدى واهي معصبه ولا قاصين عليها بعد ههههههههههههههه . أضحكت لولوة على ضحك نوف ... مع ان مافي شي يضحك هههههههههه بس عادي فصله واخيرا وصلوا .... نزلوا ... كانت هدى مجهزه خوش قعده للبنات ... وحاطه انواع الحلو والكيك والدونات وانواع العصاير ... اول ما دخلوا البنات شافوا الطاوله قامت نوف تصفر : احلى احلى كل هذا لي يسلام توني ادري اني مو هينه صراحه . هدى تضحك : ههههههههههه انتي سلمي أول شي يالملقوفه وبعدين سمعينا اطراءج . هدى سوت نفسها معصبه : ليش بالله متأخرين ... صج انكم ماتستحون ... الحين عازمتكم وحالتي حاله وحضرتكم جاييني اخر المغرب ... جان ماجيتوا وقعدتوا في البيت احسن بعد . لولوة مصدقتها : يابعد عمري ياهدى ما احد اخرني الا هالنف نف . نوف بدلع : والله اسفه .... تأخرت عشان قاعده اطلع اوراقي وأغراضي . هدى وهي تغمز لنوف : أي ماعلينا .. عشان نوف بس بسامحج يالولو . لولوه وهي تتخصر بشكل طفولي : عشتوا بعد تسامحيني عشان هالملقوفه والله هزلت صراحه . أضحكوا البنات عليها ....تموا يسولفون .... واختاروا الجلسة الارضيه عشااااااان ياخذون راحتهم اكثر بالتمدد .... ضحك وسوالف نوف وغشمرتها اضافت للقعده روح وحيااااة وردوا وكأنهم أطفال ... يعني الجلسه حلوه وخصوصا لما يكون البيت مافيه احد ... يعني ياخذون حريتهم اكثر من ناحية الصووت والصراخ . هدى تعتدل بقعدتها : اقول بنات والله فقدنا هالجلسه الحلوه ... شرايكم تنامون عندي ... باجر عطله وماعندكم عذر . لولوة : انا عن نفسي صج ماقدر هدى . نوف تلقفت : اييييييييي عشان دكتور القلب قايل لها لاتناميييييين برا البيت . لولوه تدز نوف : وجع انشالله ... يالملقوفه . هدى تضحك : احلاااااااا دكتور القلب قايل لج ... الظاهر خايف عليييييييييييييييييج مسكين مايدري انتي تخوفين ديره كامله هههههههههههههه نوف تضحك بهستيريه : خخخخخخخخخخخخخخخخخخخخ هههههههههههههههههه حلوه حلوه هدى . لولوه تمد بوزها بدلع : لا موبي ... ماقدر أعصي اوامره ... ياربي متى راح يرد باقي شهر اففففف ياطوله من شهر . هدى أبتسمت : الله لايفرقكم انشالله وأنا عاذرتج ... " ألتفتت على نوف " نف نف شقلتي ... عشان نسهر ونسوي بحثج مع بعض . نوف عجبتها الفكره : انا ماعندي مانع بس بدق على امي ... أخاف ما ترضى . لولوة : لالا خالتي ماتقول شي . هدى عطتها الموبايل : يلا دقي الحين وجدامي . نوف خذت الموبايل ودقت على أمها : ألوووووو هلا يمه ... من بعد اذنج انا خاطري انام عند هدى عشان تسوي معاي البحث ... ومنها أغير جو ... ها يمه موافقه ؟ ام خالد : انا ماعندي مانع .... نامي واستانسي . نوف ألتفتت على هدى : احم احم ... امي وافقت ... بس ماعندي ملابس . هدى استانست : ماعليج ملابس بدور كلها تحت امرج . لولوه وصل لها مسج من نواف (( لو مات في وصلك رجا الشوف والصوت $$ مامات في قلبي غلاك ومكانك وحشتيني )) لولوة خدودها صاروا حمر ... أنتبهوا لها نوف وهدى ... واضحكوا ... نوف صفرت : يسلااااااااااااااام أموت انا على الكناري .. يارب ارزقنا يااااااااااارب . لولوة وهي مستحيه : نوف وجع انزين . هدى : خلونا نروح نقعد في الحديقه ... الجو حلو . لولوة ونوف : اووووووكي يلا . *** سارة خذت رقم موبايل نواف من منى ... والحين بهاللحظه هذي راح تبدي خطة منى .... اقعدت سارة على السرير ... واصابعها تضغط على رقم نواف ... تم يرن ويرن ولكن دون استجابه . سارة : هذا وينه ليش مايرد ... خل ادز له مسج . اكتبت له مسج (( السلام عليكم ... عندي لك موضوع مهم يخصك ... أتمنى الاتصال بأقرب فرصه )) أبتسمت وهي تدز المسج .... وبعدها اتصلت على رفيجها الجديد اللي تو متعرفه عليه . ياترى شنو راح يصير ؟؟؟؟ *** حرك فيصل بسيارته ... يتمشى في شارع الخليج على أنغام أغنية راشد الماجد يسألوني ليه احبك .... وفكره شارد في لولوه ... يبتسم وهو يتذكرها .... يتذكر جمالها .. رقتها ... نعومتها ... شفايفها التوتيه .. خشمها الصغير ... جسمها المنيكان ... يااااااه كامله وما الكامل الا وجه الله .... لازم يتحرك ويكلم امها ... يبيها .... يعشقها ... ولا مره فكر في بنت بهالجديه هذي ... الا لولوه يفكر فيها بجديه ... دعى ربه ان تكون لولوه من نصيبه .... يازينه من نصيب .... عّلا على الاغنيه ويدندن مع صوت السندباد .... وتم يسووووووق بسرعه ... يحس انه فرحان . *** أتصل طلال على هدى بخصوص موضوع فارس .... طالعت هدى الموبايل واستغربت ... البنات انتبهوا لها ... لولوه : اشفيج هدى ردي على التلفون . هدى : هذا طلال متصل ... غريبه .؟ نوف كانت تاكل .. أول ما سمعت اسم طلال شرقت : كح كح كح لولوه : اسم الله عليج ... اشفيج . نوف عيونها مغرقه دموع من الشرقه : كح أبـ ي مـ ـ ا ي كح على طول لولوه عطتها ماي ... هدى اطلبت منهم السكووت والهدوء عشان تتكلم مع طلال ... وبعد ست رنات واخيرا ردت بخوف : ألو هلا طلال . طلال : واخيرا مابغيتي تردين هههههههههه . شلونج هدى عساج بخير ؟ هدى : الحمدلله تمام ... انت شلونك وشلون خالتي عساكم بخير . طلال حاب يحرجها : بس تسألين عننا ... مانسيتي احد ؟ هدى بصوت حزين : وفارس .؟ طلال بجدية : هدى ... انا لازم اشوفج ... محتاج اتكلم معاج ؟. هدى خافت ودقات قلبها تدق بسرعه : خالتي فيها شي ؟ طلال : لا ياهدى مو خالتج اللي فيها شي ... فارس اللي فيه ؟ هدى خافت على فارٍس : ليش اشفيييييييه قول لي ؟ طلال : مافيه شي بس انا لازم اشوفج ... ماينفع اقولج بالتلفون ... قولي لي متى حابه اشوفج ... ولا تدرين شلون ... بعزمج على ستار بكس الافنيوز باجر الصبح .؟ ها موافقه ؟ هدى : أوكي باجر الساعه 9 اكون عندك ... طلال سلم على خالتي امانه . طلال بأبتسامه : انشالله يوصل ... لاتنسين باجر الصبح ... يلا فمان الله . طول المكالمه ونوف عيونها على هدى .... ماتدري ليش نبضات قلبها تسارعت يوم اسمعت اسم طلال . لولوة بفضول : اشفيه طلال شعنده . هدى مستغربه : مادري يبيني بموضوع .... باجر الصبح مواعدني بستار بكس اللي بمجمع الافنيوز . نوف : وانشالله بتروحين . هدى : اكيييييييد بروح وانتي باخذج معااااااي .... عشان بشتري لي بلوزه وماعرف اختار ... ابي من ذوقج . نوف بتهرب : لالا مابي اروح ... اخذي بدور ؟ هدى : انتي نسيتي ان خالد مايخلي بدور تطلع من البييييييييت ... لاتصيرين غثيثه .. باجر زهبي عمرج . لولوة استأذنت عشان ترد البيت ... هدى : لا تو النااااااااااس قعدي . لولوه : لا مابي ... اخاف ارد بروحي بالليل ... يلا انتبهي على نف نف ؟ نوف واهي تطق صدرها : افا عليييييييييج انا عن عشرة رجاجيل . هدى اضحكت على نوف وطريقتها بالكلام حدها مصبنجيه (( عربجية )) . لولوه وهي تضحك : يلا بنااااااااات باي . هدى ونوف : باياااااات لولو . *** قاعده في المجلس والنار قاعده تاكل قلبها ... مقهوره .... تحدد زواج ولدها احمد بعد شهر .... اكيد تبي تاخذه المسعده عساها ماتتهنى فيه .... منى شافت امها معصبه والشر يتطاير من عيونها : ها يمه اقدر اقول لج مبروك هههههههههههههههه ام احمد تصرخ على منى : الله لايبارك فيج ولا في اخوج ولا فيكم كلكم . منى بنرفزه : أعصابج شوي شوي علي ... انا شذنبي تصرخين علي ... حطي حرتج بولدج اللي تزوج من وراج . أم احمد بعصبيه والشر يتطاير من عيونها : عساااااااااااه مايتهنى ... والله واللي خلق سبع اني ماراح اخليه يتهنى مع بنت الفقر . منى تضحك بأستهزاء : اصلا خلاص تحدد زواجهم ... وبعدين شنو تبين تسوين مو ابوي منبهج انج ما تتعرضين لهم .؟؟ أم احمد بثقه : ومن قال اني بروح لهم واحوس عرسهم ... لا انا بحـضر العرس وبستقبل المعازيم ... وأم كاظم تسوي كل شي . منى عقدت حواجبها بأستغراب : ومني ام كاظم هذي ؟ أم احمد بأبتسامه : أم كاظم مشعوذة وسحّارة .... بخليها تسوي سحر حق الشينة بنت الفقر ... عشان احمد يطلقها بليلتها . منى أطلقت ضحكه عاليه : ههههههههههههههههههههههههههههههههههه يمه تفكيرج خطير ههههههههههههههههه . أم احمد تتكلم بثقه : أنا ام احمد مايطوف علي شي ... واللي ابيه يمشي . منى : الله وناسه يمه ودي أروح بيت مشعوذه ... بروح معاج . أم احمد تمشي بكبرياء وهي تصعد الدرج : اذا رحت باخذج . (( الله يعينج ياضحى على المصيبه هذي )) حركت منى شعرها بدلع ... وقررت تدق على حبيبها المؤقت فواز تتسلى معاه وبصوت كله دلع مصطنع : الو هلا بقلبي فوفو ... اشتقتلك حبيبي . فواز : هلا بهالصوت هلا بحبيبتي ودلوعتي .. انا اكثر .... جذي يالظالمه تخليني بروحي ولا تدقين علي ... ماتوقعتها منج ... هالدرجه أهون عليج . منى : افففف ياقلبي والله ظروفي ماتسمح . فواز برومانسيه : والله مقدر ظروفج ياقلبي ... بس انا مشتاقلج ... وودي بشوفج يالغاليه ... أبي اكحل عيوني بشوفتج . منى تلعب بشعرها : انشالله بأقرب فرصه احاول اشوفك فيها . فواز : في بارتي انا بسويه بشاليهنا ... تعالي اهناك ياقلبي . منى بتردد : اممممممممممممممم ... مادري بشوف حسب ظروفي ياقلبي . فواز : حبيبتي انا كل خميس بالشاليه ..... اتمنى تجين واكحل عيني فيج يابعد عمري . منى استانست من الكلام اللي تسمعه : خلاص حبيبي اول ماتحصل لي فرصه أشوفك ... انا لازم اسكره الحين ... لأن ساره معاي خط ثاني . فواز : اوكي ياقلبي انتبهي على نفسج ... تراج روح فواز . منى : يابعد روحي يافوفو ... بايو . سكرت منى وهي مستانسه من كلام فواز اللي يحسسها انها بنت وحلوه وواثقه من نفسها ... ردت على سارة بسرعه وهي تسمع اصوات وازعاج كأنها في حفله : ها سارونه بشري . ساره تتكلم بصوت عاالي: اتصلت وما يرد علي . منى ماتسمع من الازعاج : شنو ماسمعج عدل ازعاج عندج. ساره : لحظه لحظه خل اطلع برا . وقفت بتطلع ولا واحد مسكها من الخصر يبي يبوسها ... لكن ساره بدلع ابعدته وهي تضحك له ضحكه رايحه فيها (( ضحكه رقاصات )) منى استغربت : ساره انتي وينج فيييييييه . ساره : انا موجوده في بارتي خاص ... عجيب تمنيتج معاي منوووووه . منى : انزين بعدين ... الحين بشريني شصار مع نواف . ساره بملل : اتصلت عليه أكثر من مره بس مايرد ... حتى دزيت له مسج وماتصل ... شكله ثقيل ولد عمج . منى مغتاضه : افففففففف والحين شنو الحل ... ساره عفيا لازم تحاولين تتصلين اكثر من مره . ساره تبتسم ابتسامه خبيثه : افا علييييج حطيته في بالي والله ماخليه ... بس اتصدقين احس انه يحب لولوه ومستحيل يصدق فيها . منى : شدعوا ساره ... انتي عليج اسلوب يقنع .... احنا بس خلينا نمشي بهالخطوه ...وبعدين نفكر بخطط ثانيه . ساره : انزين خلاص ,,,,, انا بدق عليه اليوم بس ارد وبعدين اعطيج خبر ... يلا بروح للبارتي ... تأخرت عليهم . منى : انزين يلا باي ولاتنسييييييييييين تتصلين علي أول بأول . ساره : اوكي يلا باي . *** وصل البيت .... وهو يحس بأحساس الحب ... معقوله الحب يخلي الحياة حلوه ... دخل البيت بهدوء وهو قاعد يغني بصوته الشجي " يسألوني ليه احبك ... حب ما حبه بشر " ... لقى أبوه وأمه قاعدين يتابعون الاخبار ... أنتبه له ابو ضاري وابتسم : حي الله الطربان ... شعندك تغني . أم ضاري : عساني ما خلا من هالصوت ... عسالله يحفظك ياولدي ... ويفرحني فيك . فيصل ابتسم وراح باس راس ابوه وراس أمه : انشالله قريب يايمه تفرحين فيني . ام ضاري استانست من ولدها ... واخيرا قرر يتزوج : الله يبشرك بالخير ياولدي ... قلي منهي وانا اروح اخطبها لك . أبو ضاري : أي يافيصل واخيرا قررت ... وترا العروس جاهزه ياولدي . فيصل استغرب من ابوه : منو العروس . أبو ضاري بفخر : بنت عمك صالح ... حنين . فيصل توهق ومايدري شنو يرد على أبوه ... ولا يبي يغضب أبوه لان يدري اذا ابوه قال كلمه لازم يلتزم فيها .. من التوتر حط ايده بداخل شعره : اذا عزمت انشالله بقول لكم ... عن اذنكم . صعد على طول لغرفته .. وانسدح على سريره ويطالع السقف بعيون كلها حزن.... لييييه يايبه تخرب جوي ... ليه تصدمني وانا كنت مستانس ... لييييييييييه حنين وقلبي مع لولوه .... مستحيل ياخذ غير لولوه اللي دخلت في باله ... وامتلكت قلبه واحساسه ومشاعره ... لولوه بإختصار هي حياته ... ولازم يلقى ويفكر في حل ... يقنع ابوه فيه . غمض عيونه ... واستسلم للنوم (( نبذه عن فيصل ... فيصل انسان حالم ورومانسي ..... عمره 24 سنه وهو موظف في الحرس الأميري ... عيونه عسليه لوزيه .. شعره كستنائي ... مو طويل حيل ... كان عريض الاكتاف ... كان له علاقات سابقه مع جميع اصناف البنات ... ومالقى البنت اللي يفكر فيها كزوجة ... بس شاف لولوه مره وحده حبها ويحس بمشاعر متضاربه لما بس يسمع صوتها او يطرون له اسمها ... هل راح يتحقق حلم فيصل !!!! )) *** لولوة ردت البيت .... وطول ماردت ماقدرت تكلم نواف ... لان كل ماتتصل ... مايرد : أكيييييد بمؤتمر ومو فاضي ... فديت قلبه حبيبي . غسلت وجهها وإلبست بجامتها .... وقررت تمر على نورة وتشوفها ... شافت نوره قاعده تكتب خواطر ... أبتسمت والحمدلله حاولت تشغل نفسها شوي بعيد عن زياد ... بس ماتدري ان هالخواطر كلها لزياد ... اطلعت بهدوء وماتبي تشغل نوره ... وقررت تروح لغرفة ضحى اللي لقت ضحى غرقانه في الحب مع أحمد ... ابتسمت لولوه ودعت الله ان لايغير عليهم . وصكت الباب ,,, وراحت لمملكتها ... غرفتها ... قررت انها تريح وتنام .... ونامت ولا تدري عن باجر شنو راح يصير . *** نواف اللي كان يومه حافل .... من مؤتمر ... إلى مستشفى ... ومن مستشفى إلى لجان طبيه ... يعني كان يومه متعب ... وصل للفندق وكان تعبان وراسه يعوره ... أخذ له حبة بندول ... واتجه للحمام ... وغسل وجهه ذو الملامح الحاده وبلل شعره الحرير اللي صار طال شويه بالماي ... وفتح قميصه وظهرت عظلات اكتافه وبطنه المقسم على الخفيف وظل عاري الصدر ... كان شكله خيااااااااااااالي ورجولي ويجنن .... توجه للسرير ... وانسدح عليه ... اخذ موبايله وشاف 3 مكالمات لم يرد عليها ومسج واحد .... بدون مايشوف الارقام والمسج ... اتصل على حبيبته لولوه ... ولكن دون استجابه .. وتأكد ان لولوه نايمه اكيد ... تحسس بإيده على الجهه الثانيه ... تمنى ان لولوه تكون موجوده فيه ... عشان يظمها حييييييل ويدفن راسه في صدرها ... لان محتاج يظمها ... محتاج لحنانها ... يبيها عنده .... متى ارجع الكويت واخطبج ... آآآآآه الله يصبرني على بعدج عني ... وش الدنيا عقب فرقاج يالولوه . تذكر المسج ... وكان من رقم غريب ومكتوب فيه : ((السلام عليكم ... عندي لك موضوع مهم يخصك ... أتمنى الاتصال بأقرب فرصه )) استغرب من الرقم الغريب ... وتم يتساءل بينه وبين نفسه ... ياترى منو وشهالموضوع المهم ؟؟؟ خل اتصل واشوف منو ... اتصل على الرقم وتم يرن . ساره اللي كانت قاعده في بارتي ... وانواع الرقص والبنات مع الشباب والخرابيط اللي تصير ... شافت موبايله وكان رقم نواف .... ابتسمت وقالت لنفسها : أخيرا اتصل وينج يامنى هههههههه .... واطلعت برا الشاليه عشان تتكلم معاه بدون ازعاج ... نعمت صوتها ... وردت بصوتها الانثوي الساحر : ألو . نواف بإستغراب بس شده الصوت الحلو : الو ... السلام عليكم ... أختي متصله ودازه لي مسج ... خير انشالله . ساره تخبلت على صوته الثقيل والرجولي : وعليكم السلام ... أسفه على الازعاج دكتور نواف ... ادري ازعجتك ... واضحكت بضحكتها الانثويه الجذابه بصوت ناعم وخفيف . نواف بلع ريقه و تعوذ من الشيطان : لا مافي ازعاج ... بس ماقلتي لي شنو الموضوع ... لأن انا مشغول ماقدر اطول بالموبايل عندي شغل . ساره (( ياحلوه مستحي )) : اوكي ... اذا فضيت دق علي وانا اقول لك ... لان الموضوع يبيله وقت واخاف اعطلك . نواف مصر انه يعرف الموضوع وبصوت حازم : لا لازم الحين تقولين لي ... مايخالف الشغل يتأخر .. يلا اسمعج تكلمي . ساره وهي تقعد قبال البحر : طيب بقول لك الموضوع بس ابيك تسمعني للآخر ولاتقاطعني . نواف متحمس يعرف : كلي آذان صاغيه . ساره عدلت جلستها وقالت بثقه وبجديه : انا عارف انك انسان مستقيم وماشي سيده ... ماتحب تلف ولاتدور ... لكن سمعت انك تبي تتزوج وتخطب وحده اعتقد انها تقرب لك " نواف استغرب شلون عرفت .. صج ماينخش شي بهالديره " كملت ساره : هالانسانه هذي يانواف ماتصلح لك . نواف بأستهزاء : ماتصلح لي شلون بالله .؟ ساره : استغفر الله ياربي مابي اتكلم في اعراض الناس . نواف بدى صبره ينفذ : تكلمي بسرعه . ساره (( فديته معصب هههه انطر علي والله لا اخليك تعوف لولوه )) : بقول لاني خايفه عليك والله وعلى سمعتك والله يسامحني ... لولوة كانت زميله لي ايام الجامعه .... وكنت حابه اني اكون صديقتها ... لكن في وحده من البنات قالت لي ان لولوه تطلع مع شباب وتستغل جمالها عشان يعطونها فلوس وتطوف محاظراتها ... لكن انا ماصدقتها ... الا يوم شفتها بعيني ... تطلع الصبح مع عيال الهاي هاي وترد الظهر ... تمويه عشان اهلها يدرون انها بالجامعه . نواف حس برجفه ملت جسمه وحس قلبه شوي يطلع من هالكلام هذا وقال بعصبيه وصراخ : اكلي خراااا لولوه اشرف منج ومن امثالج وما اسمح لج تتكلمين عنها بهالطريقه هذي . ساره بصوت عالي : شوف اصلا انا ماني مهتمه فيك ... ولا فيها ... بس حبيت اسوي خير فيك ... لانك ولد ناس ولا تستاهل انك توصخ نفسك مع وحده مرخصه عمرها عشان الفلوس ... واذا مو مصدقني انا مستعده اثبت لك ... واجيب لك الدليل بعد . نواف حس راسه بينفجر من الكلام اللي يسمعه ... يحس الدم قاعد يضخ براسه أكتفى في ان يصرخ ويقول : لولوه اشرف منج .. وان شفتج اتصلتي برقمي مره ثانيه ماتلومين الا نفسج فاهمه . وصك التلفون بوجهها ... مستحيل يصدق في لولوه ... لولوه طاهره وعفيفه ... ومو محتاجه تبيع نفسها عشان جم فلس . سارة اكتبت له مسج وتبي تشككه اكثر .. وصله المسج وكان مكتوب فيه : (( راح اثبتلك يانواف ... والدليل راح يكون موجود عندي .. انا اسفه اني ضايقتك )) حذف نواف الموبايل لدرجة انه تكسر لأجزاء ... ومسك راسه ... والشكوك والظنون بدت تسري لعقله لكن يقول لنفسه : لاااااااااااااا لولوه مستحيل تسويها مستحيل ولا راح اصدق فيها .... لبس ملابسه بسرعه وطلع يتمشى يبي يشم هوااا يحس انه مخنوووووووق . " الله يعينك يانواف بس اهم شي لاتصدق في لولوه " *** في اليوم التالي .... الصبح ... وتحديدا الساعه 8 الصبح ... اقعدت هدى من النوم ... وقعدت نوف معاها عشان تتزهب وتروح لموعد طلال .... تريقوا البنات بروحهم لان ام بدر نايمه ... وبدور هم نايمه ... وبدر عنده دورة بالدوام وما يجي البيت ... هدى : نوفي يلا لبسي بسرعه عشان نلحق . نوف وشعرها كشه صاير : هدى مابي اروح .. وديني بيت اهلي ... والله فشيله هدى تتخصر : شنو شنو ... لا يبا تروحين غصب معاي . نوف تتثاوب : والله ماله داعي .. احس وجودي غلط ... يمكن بيقولج موضوع خاص بينكم ... شكو ارز ويهي . هدى وهي تسحبها من الكرسي : اقول امشي بلا قرقه ... خلصيني ربع ساعه وتكونين جاهزه . خذت نوف من كبت بدور ... فستان حرير تايقر يوصل للركبه ... والبست تحته بنطلون جينز ... ومع شيله بيجيه ... حطت لها مسكره وغلوس عالسريع ... أما هدى أكتف في انها تلبس عبايه نظام مغربي مطرزه بلون فضي وملفع نفس نقشة التطريز ... وماحبت انها تحط مكياج جدام طلال لان فشله .... ألبست نظارتها الديور ... وانزلت تحت وشافت نوف جاهزه .. أبتسمت لنوف : ها سرقتيهم من بدور . نوف اضحكت : ههههههههههههه امشي يامعوده قبل لاتقعد بدور وتسوي لي سالفه . هدى وهي تطلع سويج السياره (( مفتاح السياره )) : يلا مشينا . |
الجزء السادس عشر أغتاضت ساره من حركة نواف ... شلون يتجرأ ويصك التلفون بوجهها .. حركت شعرها لورى بدلع : أنا ساره يصك التلفون بوجهي ... هين يانواف ... كل هذا عشان لولوه ... والله لا اخليك تكرها وتكره خلقتها . بعدها اتصلت على منى عشان تقول لها شنو صار بالضبط ,,,, منى شافت الرقم وعدلت قعدتها وردت بلهفة : ها شصار .؟ ساره مغتاضه : الحقير ماصدق وصك التلفون بوجهي . منى : من صجج ساره ... لازم يصدق ... شنو ماصدق .. شقلتي له .؟ ساره : قلت اللي قلته ... أهم شي ... لازم نفكر بشي أقوى ... لاني قلت له عندي دليل واثبات ... وماني عارفه شنو اسوي .. احس توهقت ؟ منى : لالا ... دام قلتي له جذي احسن بعد عشان يشك ... لازم ندور على شي يثبت الكلام اللي قلتيه ؟ ساره : امممممم ... خلاص خليني افكر عدل ... وباجر اقول لج . منى : خلاص اتفقنا .. باجر مريني البيت وخلينا نفكر اوكي . ساره : لالا مابي اقعد في البيت ... خلينا نروح نتعشى برا ونغير جو عشان نفكر عدل ... ها شرايج ؟؟ منى : اوكي خلاص الساعه 6 اكون جاهزه مريني البيت يلا باي . رجعت منى وانسدحت على السرير والابتسامه شاقه وجهها من الفرحه ... اللي تبيه بيتحقق قريييييييب وبتنهي وجود لولوه من حياة نواف ... ويبقى نواف حقها وبس . (( منج لله يامنى ... هذي اختج )) *** لولوة من قعدت الصبح وهي تتصل على نواف مغلق .... استغربت حركته هذي ... كله يخلي جهازه مبطل حتى لو كان نايم ... اول مره مغلق ... فكرها شارد مع نواف دزت له مسج : الله يستر عليك حبيبي ... بليز اتصل وطمني .... من لي غيرك ياعمري . *** وصلوا مجمع الافنيوز على الساعه 9 ضبط ... نزلت هدى ومعاها نوف ... نوف وقفت هدى : شوفي هدى انتي روحي وقابلي طلال وانا بفتر في المجمع انزين . هدى وهي تمسك ايد نوف وتسحبها : لا نو وي ... اخاف طلال ماوصل للحين ... امشي قعدي معاي واذا وصل روحي كيفج . نوف : اوهوووووو هدى ليش تبين تحرجيني ... والله فشله .... احس مالي داعي صراحه . هدى : جبي زين . وصلوا لستاربكس .... وماكان فيه احد ...... لان الصبح محد يجي وخصوصا بالويكند ... هدى تلتفت لنوف : شفتي قلت لج ماوصل للحين ... خلينا نتريق على مايوصل . نوف وهي تقعد على الكرسي : اوكي ... انا ابي كرواسان جبن مع كابتشينو . هدى ظلت واقفه : انزيييين انا بروح اطلب .. يووووووووه نسيت ؟ نوف : شنو نسيتي ؟ هدى وهي تطق راسها : نسيت جنطتي ... خل اروح اجيبها من السياره وانتي خلج اهني ... دقيقه وراجعه . نوف وهي حاطه رجل على رجل : اوكي لاتطولين . راحت هدى وطلعت برا اسوار ستار بكس ... اما نوف ظلت قاعده على الكرسي تنتظر رجعة هدى ... قاعده و كانت معطيه ظهرها للباب . *** وصل طلال لستاربكس وكان لابس برمودا بيجيه وبلوزه سماوي ... وشعره رافعه لورى وحاط عليه نظارته RayPan ... شاف الطاولات ماكان في احد الا وحده قاعده ... أكيد هذي هدى تنطره ... ابتسم وراح صوبها .. على طول قعد بالكرسي وحط على الطاوله سويجه (( مفتاح سيارته )) وبوكه الديور .. وللحين ماطالع وجه نوف : آآآسف تأخرت عليج . نوف فتحت عيونها على الآخر : هيه هيه انت شتبي قاعد يلا قوم .؟ طلال انتبه للصوت ... هذا مو صوت هدى ... طالع على طول بوجه نوف اللي كان مألوف له بس ماقدر يميز وجهها ... ابتسم بحنية (( لان مغازلجي درجة اولى وماقدر يميز وجه نوف من كثرة البنات اللي يعرفهم )) : اسف ما نتبهت . بس تم قاعد يبتسم لها ... نوف انهبلت عليه وعلى عيونه وابتسامته الساحره وعرفته هذا اللي كان بالعرس ... بس ضخمت صوتها : انت شفيك مو صاحي ... قوم اقول لك ... وبعدين ليش تبتسم ... شايف لك مهرج جدامك ؟ طلال وهو يقرب وجهه لنوف : لأ شايف لي ملاك قاعد بروحه وشكله زعلان حاب افرفشه .. في مجال اتعرف .؟ نوف ودها تكفخه وتدوس في بطنه ... حده جريء بس هالحمار حلو ويهبل .... تحس حراره بجسمها ودقات قلبها سريعه : احترم نفسك واذلف عن وجهي ياقليل الادب صج انك ماتستحي صراحه ... (( كانت تقول هالكلام وتحس برجفه في جسمها )) . طلال وهو يتأمل وجهها الحلو وملامحها الحاده : يه يه يه الحلوه تزف ... احلا زفه والله عسل على قلبي ... بعد زفيني اخذي راحتج .. وحط ايده على خده والابتسامه مافارقت شفاته وتم يخزها بعيونه البنيه الكبيره الناعسه . وقفت نوف بعصبيه وخذت جنطتها بدون ماتقول شي ... طلال وقف معاها : وين وين ؟ نوف ترد عليها بعصبيه : لايكون ابوي ولا اخوي وانا مادري . طلال بصوت آسر : لا ... حبيب قلبج . نوف ضربت رجلها بالارض : تخسى ماباقي الا انت تصير حبيب قلبي ... صج انك حقير وماتستحي . اطلعت بدون ماتلتفت له وخلته ... اما طلال تم يضحك : مصدقه عمرها ... صادفت هدى واهي طالعه هدى بأستغراب : نف نف وين وين ؟ نوف بعصبيه : اخو زوجج الاهبل ينطرج داخل ... انا بروح اتمشى بالمجمع اذا خلصتي دقي لي . هدى ماهتمت انها تعرف باللي صار ... على طول راحت داخل وشافت طلال يضحك ومنزل راسه ... راحت له : هلا طلال شخبارك . طلال رفع راسه قام وصافح هدى : هلا والله بالغاليه ... انا بخير وانتي شلونج . هدى تقعد على الكرسي ونزلت نظارتها .. بأبتسامه : انا بخير الحمدلله ... طلال طمني شصاير ؟ طلال ينادي الويتر : اول شي شنو حابه تشربين ؟ هدى : قهوه فرنسيه . طلال يلتفت للويتر :2 french coffee هدى بدون صبر : يلا طلال قول لي تراك اشغلت بالي ؟ طلال بجدية : هـدى فارس بيضيع مننا ... امي تبجي ليل نهار على حالة فارس . هدى بضيقه : ليش اشفيه ؟ طلال : من رحتي عننا وطلعتي من البيت وفارس متغير .... تخيلي ماخذ اجازه من الدوام وقاعد بس بالغرفه ... نحفان وذبلان ... حتى الشيب طلع براسه ... لو تشوفينه ماتعرفينه ... رافض انه يطلع من الكآبه ... عايش بظلام .. غرفته مو راضي يطلع منها .. حتى ربعه جو بيشوفونه بس رفض انه يطلع لهم ... تكفين ياهدى ردي له ... ارجعي معاي .. لايموت ويضيع مننا . هدى تحس دمعتها بتنزل : فارس عايفني ياطلال .. مايبي قربي .. حتى اعترف لي قال اكرهج .. شلون تعيش مع واحد يكرهك يا طلال ؟ طلال : هدى فارس مريض .. فاقد الثقه بالحريم كلهم ... بس يوم تزوجج احس انه بدا يشفي .. قدرتي تغيرنه . هدى استغربت : ليش فاقد الثقه بالحريم ؟ طلال : عشان جذي انا طالب اشوفج .. بقول لج قصتة وبصارحج... فارس ياهدى كان يحب وحده ايام دراسته الجامعيه .. وكان مقرر انه يتزوجها ... كان يثق فيها ثقة عمياء .. لدرجه ان كان يعطيها الماستر كارد وتسحب اللي تبيه وتشتري اللي تبيه ... لكن مسرع الحب صار كره بالنسبه له .. على كثر ماحبها كرهها . هدى كانت تصغي بهدوء .. بصوت ناعم : شنو صار ؟ طلال : كان قاعد مع ربعه بمخيم ... وكان رفيجه الخاص قاعد معاه يسولفون .. دق تلفون رفيجه الخاص .. طلب من فارس انه يسكت عشان يحط سبيكر .. رد على الموبايل وكانت الصدمه الكبيره أمل حبيبة فارس تخونه مع اعز رفيج عنده .. تخيلي شنو كان موقفه .؟؟ والمشكله كان يتلفظ لها بألفاظ بذيئة معاها وهي تضحك ومستانسه ... عقبها كره رفيجه وكره امل وكره البنات كلهم .. أنصدم صدمه وللحين يعاني منها . هدى بعيون مدمعه : وانا شذنبي بهالتمثلية هذي ... حتى زواجي كله اكذوبه وتمثليه .. ظلمتوني وظلمتوه معاي . طلال : لا ياهدى ماكان تمثليه ... حتى امي ماكانت تدري شفيه فارس .. كانت تبي تفرح فيه ورشحتج له وماقال شي .. احس ان فارس بدا يتغير معاج .. تكفين ياهدى لاتتخلين عنه وهو بهالحاله . هدى دموعها تنزل : بس مايحبني مالي مكان بقلبه ... شاللي بيدي اقدر اسويه .؟ طلال : انتي بإيدج كل شي ياهدى .. اعتبريه طفل وابدي معاه من جديد .. ماشالله عندج خبره مع الاطفال .. يكفي انج مدرسة اطفال ... تكفين ياهدى ساعديه .. انتي قلبج كبير .. حتى امي وربي تقطع قلبها عليه . هدى : عشان خالتي وعشانك بحاول اني اساعده واطلعه من الحاله هذي . طلال بابتسامه : هذا العشم فيج يالغاليه .. والله انتي اختي اللي ماجابتها امي ... عسانا ماننحرم من طيبتج ياهدى .. متى راح تجين عشان امرج واخذ اغراضج . هدى : باجر انشالله العصر تعال .. بس بليز طلال لاتقول حق احد هالموضوع بيني وبينج . طلال : ابشري يالغاليه ماراح اقول حتى حق امي .. بس لاتتأخرين على فارس . هدى : على خير انشالله ... سلم على خالتي وقول لها خير انشالله . طلال : اوكي يوصل ... يلا انا بمشي . هدى وهي تقوم : وانا بعد بتسوق مع بنت خالتي نوف .. مسكينه الحين تنطرني . طلال ابتسم وتذكر نوف .. وعرف انها اهي اللي تحرش فيها قبل شوي : اوكي هدى خل اوصلج لها وبعدين اروح . هدى : حياك الله . طلعوا من ستاربكس .. دقت هدى على نوف : الو وينج ؟ نوف وهي تحوس فوق : انا فوق تعالي . هدى : يلا كاني جايتج . مشت هدى ومعاها طلال واصعدوا فوق .. طلال لمح نوف تمشي ووراها واحد قاعد يلحقها ويحاول يتحرش فيها ويقط عليها كلام .. نوف صدت له وقعدت تزفه وتهاوشه .. التفت على هدى وسألها : هذي نوف بنت خالتج ؟ هدى وهي تصد ناحية ماطلال يأشر : أي هذي نف نف .. امبيه هذا واحد يتحرش فيها . طلال يمشي بسرعه بناحية الشاب اللي يحاول يتحرش بنوف .. مسكه من كتفه .. ألتفت له الشاب : خير نعم .؟ طلال بعيون كلها شر : خير لاحقها ؟؟؟ نوف انتبهت لطلال وشافت وراه هدى .. بسرعه راحت لهدى . الشاب وهو يمسك ايد طلال : انت اللي خير شتبي ... مالك شغل ؟ طلال بعصبيه مسكه من رقبته : أقول لك شف دربك احسن لك لا والله أكوفنك اهني وماحد يقدر يفكك مني انت فاهم . الشاب خاف من جرأة طلال لان واضح من عيون طلال انه ماكان ناوي نية خير .. ابتعد الشاب بهدوء بدون مايبطل حلجه . نوف طالعت طلال ورفعت حاجبها وقالت لهدى بصوت عالي : ترا ماله داعي يكلف على عمره .. انا اعرف شلون اتصرف . طلال تقدم لناحيتها وعيونه بعيون نوف : الشرهه مو عليج الشرهه علي انا اللي ادافع عنج ... لولا هدى جان ماهتميت فاهمه . نوف حست قلبها ينبض بسرعه من نظرة طلال ... طالعته نظره وكانت بترد لكن هدى امسكتها وتدخلت بسرعه : خلاص مشكور طلال ماقصرت فيك الخير ... وانتي نوف يلا جدامي وسكري حلجج . طلال : خلاص هدى انا بروح .. أي واحد تحرش فيج اتصلي لي فاهمه . هدى بأبتسامه : انشالله وحصل خير ... يلا باي . مشت عنه هدى شوي بعيد .. نوف تلتفت لهدى وبعصبيه : الاخ مصدق عمره على شنو مادري ... حسباله دون جوان زمانه مالت عليه . هدى : حمدي ربج انه فزع لج ... يكفي فيه شهامه ومروه .. بدال ماتشكرينه .. انتي اللي مالت عليج والله .. صج مو كفو احد يفزع لج . نوف : يخسي اشكره .. وبعدين ماحد قال له يفزع لي .. شكو يدخل عمره . هدى : خلاص عاد يانوف فضحتينا .. احنا بمكان عام .. امشي خلينا نتسوق بهدوء ... عشان ارجعج البيت بسرعه . امسكت نوف اللي كانت تتحلطم واسحبتها عشان يتسوقون .. اما طلال كان مغتاظ من حركة نوف هز راسه وقال بنفسه : عربجيه لازم هالاسلوب يطلع منها .. صج مافيها انوثه .. حسبالها ميت فيها ... مالت عليها . *** بالها مشغول في نواف .. قاعده تحاتيه.. ياربيه وينه هذا ليش للحين مغلق .. مية فكره جت في بالها .. تعوذت من الشيطان واستغفرت .. راحت توضت وصلت لها ركعتين تدعي فيهم ان الله يستر على نواف ويحفظه ويرجعه بالسلامه .. ألبست لها فستان صيفي للركبة لونه اصفر وارفعت شعرها في مشبك .. انزلت تحت .. مالقت أحد الا ضحى كانت قاعده تشوف التلفزيون .. شافتها ضحى ولونها مخطوف : لولوه علامج فيج شي ..؟ شكلج مريضه ؟ لولوة وهي تقعد على الكرسي : والله ياضحى خايفه .. من امس اتصل على نواف وكله مغلق .. وهذي اول مره يسويها ؟ ضحى تحاول تهدي بنت عمتها : ماعليه يمكن مشغول ولاهي ... او نسى يشحن جهازه من كثرة الشغل . لولوه بخوف : لا ياضحى حتى لو .. المفروض يطمني ويتصل علي ... والله حاطه ايدي على قلبي من الخوف . ضحى : لولوه شفيج الريال رايح شغل مو رايح سياحه .. وهناك اكيد مضغوط .. انشالله مافيه الا الخير .. بس انتي لاتحاتين . لولوه بهمس : الله يستر ويسمع منج . ضحى : لولوه ابيج تروحين معاي السوووق .. بكمل جهازي . لولوه بضيقه : ضحى حبيبتي مالي خلق اروح .. صج بالي مشغول مع نواف . ضحى : انشالله مافيه الا العافيه .. بس انتي ذكري ربج ومافي الا الخير . لولوه : لا اله الا الله .. يارب سترك يارب تحفظه لي . رجعت للموبايل اضغطت على رقم نواف (( نبض القلب )) تتصل فيه ولكن نفس الشي (( الجهاز مغلق او خارج منطقة التغطيه .. يرجى الاتصال في وقت لاحق )) رمت الموبايل على القنفه . *** الساعه وحده الظهر ... وصل خالد لبيت عمته أم بدر .. وكان حده مشتاق لبدور .. يالله هانت ماباقي شي على التخرج ياخالد .. طبعا شقول لكم عن بدور ماخلت أكله ماطلبتها من الطباخ عشان خاطر عيون خالد .. أستقبلته عمته وسلم عليها وباس راسها ودخلته المجلس : حي الله خالد .. وينك لاتسأل ولاتمر . خالد بلبس كاجوال : والله ياعمه انشغلت بالدراسه .. تدرين اخر سنه ولازم اشد حيلي عشان التخرج .. وبأبتسامه عريضه : وعشان الزواج . ام بدر : الله يوفقك ياوليدي ويستر عليك . خالد : الله يسلمج ياعمه .. وين بدر ماينشاف . ام بدر : أي بدر ماخذينه الجيش بدورة مدة شهر . خالد : اها الله يوفقه .. عمه أي شي تبونه ومحتاجينه اتصلي علي أي وقت وقولي لي . ام بدر : ياعل عمرك طويل .. اكيد ياولد اخوي انت سندنا ومانستحي منك . خالد استانس من المدح .. وتم يطالع الممرات يبي بدور مشتاق لها .. انتبهت عمته لهالشي .. اضحكت واستأذنت عشان تشوف الغدا ومنها تنادي بدور له . بدور كانت قاعده وتتأمر على الخدم عشان يزهبون طاولة الطعام .. اللي ماخلت شي ماحطته في هالطاوله .. اسمعت صوت خالد .. قالت بهمس : فديته وصل حبيبي .. راحت على طول للمرايه وعدلت من شكلها .. كانت قاصه شعرها للأكتاف وكان كله مدرج .. وصابغته خصل ثلجي وأرضيه زيتي .. حاطه مكياج خفيف .. ولابسه تنورة للركبه بنفسجيه فيه شريطه ستان لونها فوشي عند الخصر وقميص بنفسجي فاتح .. كان شكله حيل حلو وراقي .. دخلت على طول المجلس والابتسامه مافارقت شفايفها .. ريحة عطرها ترست المكان .. خالد شم عطرها ورفع راسه وكانت واقفه قباله تبتسم .. خالد انبهر من شكلها اللي متغير .. وقف بطوله وراح قبالها : مسك ايدها وباسها .. ورفع راسه وعيونه صارت بعيون بدور اللي وجهها صار احمر ,, وللحين ماسك ايدها الحاره : كل يوم تصيرين احلا ... ناويه تذبحيني . بدور نزلت راسها : اسم الله عليك حبيبي . خالد سحبها لعنده وظمها ومسك شعرها : شخبارج ياقلبي .. اشتقتلج . بدور وخرت عنه لان فشله المجلس مكشوف واحتمال أي احد يشوفهم : خالد فك عني .. لا تفشلني جدام امي . خالد وبعيونه اللي كلها حب : شسوي مو بيدي .. انتي سحرتيني . بدور تضحك : هههههههههه بعد عمري والله . أم بدر دخلت عليهم وشافتهم واقفين وخالد ماسك ايد بدور .. اللي انتفضت يوم دشت امها وابعدت ايد خالد .. أم بدر بأبتسامه : علامكم واقفين ومخترعين .. يلا الغدا جاهز . طلعت ام بدر جدامهم اما خالد وبدور مشو وراها بهدوء .. بس خالد قبل لايطلع من المجلس سحب بدور بأيدها حيل له .. لما انفاسه اخترقت انفاسها: أبي بوسه . بدور خلاص بتموت : انت من صجك .. امش خل نتغدا .. والله امي تشوفني وتسوي لي سالفه . خالد بإصرار : بس شويه يلا بسرعه .. أبيها اهني (( يأشر على شفايفه )) توهقت بدور مابيدها شي الا تنفذ الطلب لان خالد عنيييييد وماراح يخليها .. قربت منه وبسرعه باست شفايفه .. وراحت تركض جدامه وهي تضحك .. أما خالد وقف وماقدر يتحرك حس نفسه دايخ من البوسه هههههههه .. وقعد يتحلطم متى بس يتخرج ويتوظف ويتزوج . *** أتصلت ساره على منى اللي كانت تنطرها بسيارتها : ألوووو .. يلا منووو انا برا خلصيني لا تنقعيني ؟ منى وهي تلبس عبايتها : يلا دقايق بس . سكرت منى الموبايل وانزلت تحت .. شافتها مي وعطتها نظره من فوق لتحت : شهالكشخه .. على وين انشالله ؟ منى بحقد : انطمي .. وبصوت عالي : يمه يممممممممممه . أم احمد تطلع من المطبخ : خير انشالله شتبين ؟ منى : يمه بروح مع رفيجتي ساره .. عازمتني لا تنطروني بالعشا لأن بتعشى انزين . أم احمد بلا مبالاه : ماتشوفين شر . أطلعت منى برا وشافت ساره قاعده بسيارتها ومعليه على المسجل وحدها مندمجه مع الأغنيه .. بطلت الباب : هاااااااي . ساره بأبتسامه وهي تحرك السياره : مابغيتي تطلعيييين . منى وهي تعدل مكياجها : شسوي على مالبست وحطيت ميك اب تدرين يبيله وقت . ساره : انزين بس جبي .. شوفي انا بوديج مطعم على كيف كيفج .. تخيلي نظام فندقي . منى بإستغراب : شلون يعني نظام فندقي . ساره : امبيه انتي حدج أي شي شنو هذا ليش مغبره .. الحين الناس تطوروا وانتي للحين تسألين شنو يعني نظام فندقي . منى بزعل : شسوي سارونه .. ماحب اطلع وايد .. تدرين قبل اخوي احمد كله ماسكني وموصي ابوي مايخليني اطلع اففف .. والحين الحمدلله انقلع برا وامي اطردته . ساره : اوف امج طردته والله امج هتلر ههههههه . منى : جبي زين حدج عن امي .. المهم ماقلتي لي يعني شنو نظام فندقي ؟ ساره : يعني حاجزه سويييت كامل لنا بفندق هيلتون ونتعشى وناخذ راحتنا ... وناسه اهبال ورقص . منى بتفكير : اممممممممم سويت ورقص ؟؟؟ لايكون بارتي وعازمه أحد .. ترا مو لابسه شي حلو .. حدى جينز وبلوزة . ساره بضحكه : هههههااااااااي ماعليج كل شي هنااااااااك .. بس ننزل اختاري لج ملابس ولبسي اللي تبين . منى : في احد موجود هناك ؟؟ قولي الصج . ساره : اييييه مسويه حفله صغيره .. مو عازمه الا 5 اشخاص وانتي السادسه . منى : والمناسبه شنو بالله ؟.؟ ساره : ماكو تعرفت على واحد يديد .. والسويت اهو اللي حاجزه لنا ... وقال لي عزمي اللي تبين . منى تفكر : اخلي فواز يجي ؟؟ مسكين كله بيشوفني . ساره : ايييييي ياحليله قديم .. يالله عزميه خل يجي نستانس معاه . طلعت منى موبايلها .. واتصلت على فواز وبدلع : ألوووو .. شلونك فوفو ؟؟ انشالله بخير ؟ فواز : هلا بهالصوت وراعيه .. بخير يابعد عمر فواز انتي .. والله مشتاق لج . منى تضحك بنعومه : خلاص دام مشتاق لي ... تعال انا عازمتك على حفله صغيره . فواز يقول بنفسه (( واخيرا مابغيتي يامنى )) : صج ياقلبي. . والله داري ما اهون عليج .. وين الحفله عطيني العنوان ؟ منى عطته العنوان ورقم الجناح وكل شي .. وبعدين صكته .. وكانت حدها مستانسه لأن في بارتي اكيد وناسه .. ساره طالعت منى : شوفي منى انا فكرت بموضوع نواف.. ولقيت حل .؟ منى : صج شنو قولي ؟ ساره : شرايج ندخل واحد من الشباب .. عشان نسجله يتكلم عن لولوه ونعطيه طبعا اوصافها وكل شي ونخليه يتكلم عنها ؟ منى : بس نواف ذكي وراح يصيد الحركه هذي ؟ ساره : تقدرين تجيبين لي صوره حق لولوه ؟ منى تفكر : أقدر ادبر لج ... بس ليش ؟ ساره : ياغبيه عشان اخذ الصوره واركبها مع أي واحد .؟ منى بأنبهار : صج يصير ؟ ساره : مو اقولج انتي مغبره ماعندج سالفه .. الحين كل شي يصير . منى : اوكي خلاص انا راح ادبر لج الصوره وادق عليج .. والحين خلينا نستانس بالحفله . وصلوا للفندق .. ساره نفشت شعرها وعدلته .. وعدلت قميصها اللي كان شبه شفاف مع التنوره اللي توصل فوق الركبه .. دشوا للفندق .. واصعدوا على طول الدور الخامس .. وبطلت الباب بالكرت .. وللحين ماوصل احد .. على طول دشت منى وقالت لساره : خلصيني وين البدل قبل لا احد يجي .. بختار لي بدله حلوه . ودتها ساره لغرفة التبديل وطلعت لها كبت كامل بدل .. منى شهقت : اوووف كل هذا حقج ؟. ساره تضحك : أي حقي بروحي .. انا مو شويه حبيبتي .. يلا خلصيني لبسي وتعالي . احتارت منى شنو تختار .. بالاخير اختارت لها فستان ذهبي .. ضيق يوصل للركبه وفتحه صدرة كبيره على شكل مثلث .. البسته .. وبطلت شعرها وارفعته بس من جدام .. كان شكلها مش بطال ... وضبطت مكياجها وراحت لساره عشان يجهزون للبارتي المختلط . (( ان لم تستح .. فأصنع ما شئت )) |
واخيرا بطل جهازه ... وشاف ميس كول عشرين مكالمه .. وأغلبيتهم من لولوه ... ماكان يحس بنفسه .. طالع من المغرب للفجر .. وهو يفكر .. ومتضايق .. تعوذ من الشيطان وغسل وجهه .. ورجع يدق على لولوه .. وهو واثق فيها لان لولوه مستحيل تسوي هالشي وما يهمه اتصال انسانه غريبه وتقعد تتكلم عن شرف لولوه .. لولوه بهاللحظه كانت قاعده بغرفتها وهي تحاتي نواف وتدعي الله ان يحفظه .. فجأة رن موبايلها .. على طول ردت بدون ماتشوف الرقم : ألوووووو . نواف بصوت مبحوح شوي : ألو هلا لولوه . لولوه ودموعها تنزل : ليييييش خرعتني عليك حبيبي .. خليتني احاتيك ... فيك شي حبيبي .. مريض قولي . نواف ابتسم وكسرت خاطره حبيبته قاعده تحاتيه .. ومن يحاتيه غيرها : حبيبتي لاتسوين بعمرج جذي .. انا مافيني الا العافيه .. بس بطارية موبايلي خربانه ومافضيت اشتري غيرها .. والحين توني بدلتها واتصلت عليج على طول . لولوه تبجي : لا انت فيك شي .. قلبي يقولي واحساسي يقول .. ومستحيل احساسي يجذب .. تكفى نواف قولي شفيك .. حتى صوتك متغير . نواف : ياقلبي مافيه الا العافيه انشالله انتي لاتحاتين .. (( بيغير السالفه لان مايقدر يكمل جذبته )) انا جم مره اقولج دموعج مابي اشوفهم .. ماتدرين شيصير فيني لما اشوف هالدموع .. قلبي امسحي دموعج .. ولا تبيني اتضايق وازعل عليج .. لولوه استجابت لطلب نواف ومسحت دموعها .. وهي تضحك : ها الحين زين جذي ؟ نواف يحس بأنتعاش لما يسمع ضحكتها : لولوه انا احبج .. ولاعمري حبيت غيرج .. انتي حبي الاول والاخير ؟؟ أنتي تحبيني مثل ما احبج ؟ لولوه استغربت من سؤال نواف : أنا أصلا أموت على تراب رجولك .. أييييه احبك يانواف ولا عمري حبيت غيرك .. والله لو تدري بمحبتك عندي جان ماسويت فيني جذي وتقعد تخرعني . نواف وهو يقط نفسه على السرير ويغمض عيونه : لولوه أبي اتخيلج عندي .. ابيج تضميني حيييل حيل .. لاني محتاج لضمتج حبيبتي . لولوه غمضت عيونها : هذا انا قاعده اضمك حيل على صدري .. ولا راح ابعدك عن صدري . نواف حس جسمه ينتفض وحراره جسمه خلت قلبه ينبض بقوه لان فعلا حس ان لولوه عنده وقاعد يضمها الحين : حبيبتي خليني ضامج على صدري ولاتروحين عني . لولوه نفس احساس نواف : انا ضامتك حيل وماراح اهدك لاتخاف ياقلبي . وبصوت آسر : عساني مانحرم منج . لولوه بنعومه : ولا منك ياقلبي . نواف للحين مغمض عيونه : غلاتي .. غني لي .. من زمان ماغنيتي لي ؟ لولوه ابتسمت : انشالله حبيبي ... وغنت له أغنية عبد المجيد عبد الله (( ماذكر متى )) """ ما أذكر متى ما كنت بحياتي .. ألتفت ما ألقى سواك """ """ أنت عمري اللي ابتدا وأول حياتي .. مولدي لحظة لقااااك """ "" هاك كلي ضمني لك احتويني حن لي .. انا من لي شوف عينك غير دربك دلني """ """ تتلخص الدنيا بحبك .. أيه وربك .. ياللي ماغيرك ضروري .. عالمي والناس انته .. وحدك انته .. فيك متمادي غروري """ غنت بكل احساسيس الحب والشوق واللهفه وهي تحس انه بعالم بروحها مع نواف ... اندمج حيل مع صوتها الاكثر من رائع وعربها لما تمد بالاغنيه .. يحس شعر جسمه يوقف لما يسمعها تغني .. لان صوتها اكثر من عذب . (( الله لايغير عليكم )) *** نوف من صار لها الموقف مع طلال ... وهي مغتاضه وصايره نفسيتها زفت .. قطيعه حسباله انه مهم وقوي .. مالت عليه انا اصلا اقوى منه .. لا يانوف لاتفكرين بالمغرور هذا باجر عندج امتحان وبحث .. درسي احسن لج . *** اما هدى اللي كانت قاعده مع امها وبدور قالت لامها : يمه انا باجر برد بيت زوجي . ام بدر استانست من قرار بنتها : عسالله يكملج لعقلج يابنيتي .. هذا تفكير البنت الصايبه .. مالج الا بيت زوجج . بدور تلتفت لهدى : متأكده من قرارج هذا ياهدى ؟؟ هدى : أي متأكده .. وبعدين مو حلوه اني اقعد معلقه جذي في بيت اهلي .. وانا ادري ان الناس طايحين حش فيني .. وهالشي ما ارضاه لنفسي ولا لكم . أم بدر باست بنتها : عسالله يهديكم لبعض ولا يفرقكم . بدور بأبتسامه : طيب جهزتي أغراضج ؟ هدى : لا للحين ... تساعديني ؟ بدور وهي تقوم : افا عليج ماطلبتي الا عزج .. يلا امشي خلينا نصعد ونزهب اغراضج . هدى ابتسمت .. لكن ابتسامتها ناقصه طمأنينه .. وماتدري شنو اللي راح ينتظرها مع فارس ... اصعدت مع بدور فوق .. وامها مستانسه حييييييل لان قعدتها في بيت اهلها يجيب لهم الكلام .. وهم طول عمرهم ماحد قدر يتجرأ عليهم بالكلام . *** نوره .. قاعده تفكر في كلام بشار .. تذكرت شهد لازم تدق عليه عشان تقوله عن باجر .. خذت موبايلها واتصلت على شهد : ألوو هلا شهد شلونج حبيبتي ؟ شهد : هلا وغلا بأحلا رفيجه عندي . نوره بأبتسامه : الله يسلمج ... شهوده اتصلتي في بشار ؟ شهد تطق راسها : امبيه نسيت .. زين ذكرتيني . نوره : أي لاني داريه انج نسايه ولازم اتصل عليج .. المهم دقي عليه الحين وقولي حقه باجر الساعه 9 ينطرنا بالمكتبه اوكي ؟ شهد : انزين خلاص الحين اقوله .. نوروه باجر انا بمرج البيت واخذج معاي انزين وريوقج علي ؟ نوره : اوكي مايخالف .. مشكوره حبيبتي . شهد : العفووو يلا باي خل ادق له. نوره : باياااااات . صكرت من نوره وعلى طول راحت تدور الكرت اللي عطاها بشار عشان تتصل عليه .. دورته .. مالقته .. أكيد بسيارتي .. انزلت تحت وراحت للمواقف وفتشت سيارتها واخيرا لقت الكرت : أشوا لقيته . على طول اصعدت غرفتها وصكت الباب وراها .. طلعت الكرت بأيد مرتجفه .. سمت بالرحمن وبدت تضغط على رقم بشار .. تم يرن لكن مايرد .. صكته : عشتوا رقمه ذهبي بعد .. صج هامور ههههههه . بعد خمس ثواني بالضبط .. دق عليها رقم بشار .. شافت الشاشه واستانست .. ردت بصوت مرتجف من الخرعه : ألو بشار : الو مساء الخير .. عفوا منو داق علي ؟ شهد (( ياربي على الاسلوب )) : احم احم .. أنا داقه عليك . بشار : نعم منو انتي ؟؟ امريني ؟ شهد : أنت بشار ؟ بشار : اييي بشار .. آنا اعرفج .؟؟ شهد : أي تعرفني .. أنا شهد رفيجة نورة .. متصله بخصوص الامانه اللي من زياد الله يرحمه . بشار : الله يرحمه .. ياهلا شهد .. شخبارج ؟ شهد وايدها ترجف (( يسأل عن اخباري وناسه )) : الحمدلله تمام .. انا كلمت نوره قبل شوي .. وقالت ياليت تكون موجود باجر الساعه 9 الصبح بالمكتبه . بشار : انشالله باجر راح أكون موجود . شهد : اوكي على خير انشالله . بشار : شهد مشكوره وايد وانا ممتن صراحه .. ادري تعبتج معاي . شهد بنعومه بينت بحة صوتها : العفو .. ولو ماسويت الا الواجب . بشار : أشوفج انشالله باجر .. ما اطول عليج .. تامريني بشي ؟ شهد : سلامتك .. ماقصرت .. يلا فمان الله . بشار : فمان الكريم . *** في صباح اليوم التالي الساعه 8 صباحا ... تحديدا في بيت أبو خالد .. جهزت نوره نفسها .. ولبست لها عباية فيها كريستال على الاطراف مع ملفعها .. ما حطت مكياج .. راحت طبيعي .. أنزلت تحت عشان تنطر شهد تمرها .. شافت ضحى قاعده : شمقعدج الصبح . ضحى وهي تشرب كوفي : ماكو ماجاني نوم .. قاعده افكر . نوره تبتسم : تفكرين بزواجج صح .؟ ضحى : أي والله يانوره حدي خايفه .. مادري ليش . نوره : لا تفكرين وايد صدقيني راح تتعبين .. توكلي على الله .. وأحمد ماينخاف منه .. حبوب وطيب.. وفوق هذا يحبج . ضحى : ادري انه يحبني .. وانا مو شاكه بهالحب .. بس انتي عارفه ان كل بنت يقترب موعد زواجها تفكر بأهلها وحياتها الجديده .. صدقيني راح افقدكم . نوره تنزل راسها : وانا راح افقدج ياضحى حيل .. احس من بعد زيــ .... (( اسكتت وماقدرت تكمل )) . ضحى حست فيها .. اتركت الكوب على الطاوله وقربت من نوره : حبيبتي انا ما راح اخليج تفقديني .. اربع وعشرين ساعه ويوميا تلقيني مسنتره عندكم خخخخخخخخخخخخخخخخ . نوره اضحكت على كلمة مسنتره : هههههههههه من وين جبتيها .؟ ضحى : من صديقتي سعوديه فديتها والله . رن موبايل نوره وكان من شهد .. طلبت انها تطلع لها بسرعه ... نوره لـضحى : هذي شهد ناطرتني يلا انا بمشي .. مع السلامه . ضحى : مع السلامه حبيبتي . اطلعت نوره وركبت سيارة شهد وانطلقوا للجامعه ... نوره اسألت شهد : ها اتصلتي عليه ؟ شهد : لا ماتصلت للحين .. تهقينه واصل قبلنا؟ نوره : مادري دقي عليه عفيه . شهد : انزين عطيني موبايلي .. بجنطتي . خذت الموبايل من نوره .. وتمت تدق على بشار : ألو صباح الخير .. شلونك بشار انشالله بخير ؟ بشار : هلا صباح النور .. الحمدلله انتي شلونج ؟ شهد : الحمدلله بخير .. بس حبيت ابلغك احنا وصلنا الجامعه . بشار : خلاص حلو .. بس شهد المكتبه ما احس انها مكان مناسب ؟؟ شرايج من بعد اذنكم طبعا .. نروح لكافيه (( كوفي بيين )) اللي عند الجامعه عشان ناخذ راحتنا . شهد : خلاص مو مشكله احنا ننطرك هناك .. يلا باي . حركت سيارتها وراحت صوب الكافيه .. نوره : وين رايحه ؟ شهد : ننطره بكوفي بيين احسن .. لأان المكتبه يبيلها هدوء . نوره : لا شهد مابي . شهد : كيفج ماتبين تاخذين الامانه ماعندي مشكله . نوره : زين خلاص يلا . وصلوا لغاية الكافيه ... ودشوا داخل .. ولقوا بـشار قاعد ينطرهم .. قربوا منه .. وبأبتسامه شهد تلقفت وقالت : صباح الخير .. اسفين طولنا عليك . بشار يوقف : صباح النور... حياكم .. تفضلوا ... انا عازكم على الكوفي .. شحابين تشربون . شهد بلقافتها : أبي كابتشينو . نوره طقت رجل شهد : لا مشكور مانبي نعطلك . شهد طالعت نوره بحقد وبهمس : انتي ماتبين انا ابي ... شتبين افففف . نوره بهمس : فضحتينا يمال الضعفه . طالعها بشار وتم يبتسم على حركات شهد وقال : والله ماتطلعون من اهني الا لما تشربون شي . نوره انقص وجهها من شهد : انا عن نفسي مابي شي . بشار التفت وطالع شهد ... شهد بهدوء : خلاص انا ابي كابتشينو . طلب بشار من الويتر .. اثنين كابتشينو . نوره بهدوء وبنبرة حزن : بشار شنو اللي وصاك المرحوم زياد ؟ بشار يبتسم : أول شي خل شهد تشرب الكابتشينو .. لاتموت علينا . شهد تفشلت وحست ان لقافتها مو بمحلها وخصوصا قدام بشار .. نزلت راسها . بشار يطالعها : شهد كنت اضحك شدعوا .. هالدرجه غشمرتي ثقيله . شهد بأبتسامه : لا عادي .. انا جذي اصلا هههههه . وصل الويتر ومعاه الطلب .. عقب ماشربوا وخلصوا .. أستأذن بشار عشان يجيب الامانه من سيارته .. تموا البنات ينطرون .. ونوره على اعصابها : شهد شنو تتوقعين الامانه . شهد وهي تفكر وبغشمره : يمكن كنز كله مجوهرات وملايين . نوره اقرصتها : يلا عاد .. من صجج !! شهد تضحك : لا اتغشمر معاج .. انا اقول لج شنو .؟ نوره بتلهف : شنو ؟ شهد : يمكــن .............. نوره تطالعها تبيها تكمل عشان تعرف : أي كملي شنو ؟ شهد : مادري والله هههههههههههه نوره : مالت عليج يالتعبانه . وصل بشار ومعاه كيس حجم كبير .. وكيس ثاني متوسط الحجم ... كانوا محكمين الاغلاق . استغربت نوره من الاكياس .. بشار قرب منها : هذي يانوره الامانه . نوره تطالع الاكياس : بس هذيلا شنو ؟ بشار بهدوء وبتأثر : زياد الله يرحمه قبل لايموت بساعات ... كنت قاعد عنده .. وكان موصيني اني اعطيج هالاكياس ... كان مزهب كل شي .. رحت للبيت ودخلت غرفته وجبت الاكياس وانا بالدرب دقوا علي وبلغوني بموت زياد . نوره ادمعت عيونها ... بشار لاحظها : نوره عمري ماشفت زياد فرحان ومرتاح الا لما تعرف عليج .. كان يحبج ويموت فيج .. لما درا عن مرضه ماكان يبي يقولج ويضيق خلقج ويقتل سعادتج.. كان بيعيش كل لحظاته بسعاده معاج . شهد تأثرت وتمت تبكي ... اما نوره قالت بصوت مبحوح : وانا كنت ولا زلت احبه .. ومستحيل احب غيره .. ليش تركني وراح عني وانا محتاجته . بشار تأثر من كلام نوره : اطلبي له الرحمه . نوره تمسح دموعها : الله يرحمه .. يلا شهد خلينا نمشي . شهد عيونها مدمعه : يلا امشي . وقفت نوره : مشكور بشار على كل شي .. ماقصرت ياخوي . بشار : العفو .. واي شي تبينه قولي لي انا حاضر .. اعتبريني اخو دنيا يانوره .. والتفت لشهد بأبتسامه : ديري بالج على نوره . شهد ردت له الابتسامه : انشالله ... يلا فمان الله . ركبوا السياره .. نوره اطلقت العنان لدموعها : ياحياتي يازياد .. مفكر فيني حتى وهو بموته . شهد تقطع قلبها على رفيجتها : بس عاد يانوره .. انتي جذي تعذبينه ... طلبي له الرحمه والمغفره . نوره : الله يرحمه ويغفر له .. شهد وديني البيت الله يخليج . شهد : انشالله حبيبتي .. بوديج وبطوف محاضرتي عشانج . وصلوا البيت .. ونزلت نوره حاضنه الاكياس .. وعلى طول اصعدت لغرفتها ومعاها شهد اللي سلمت على ام خالد : هلا خالتي شلونج . ام خالد : هلا شهد شلونج .. علامها نوره .؟ شهد توهقت : لا مافيها شي بس شوي تعبانه .. انا بصعد لها يلا باي . (( يا تـرى شنو داخل الاكياس )) *** جهزت أغراضها كلها .. واتصلت على طلال : هلا طلال شلونك . طلال : هلا فيج .. ها هدى زهبتي اغراضج .. انشالله بمرج بعد ساعه . هدى : أي مزهبه كل شي .. طلال ابي منك طلب عفيا .؟ طلال : هلا امريني . هدى : ابيك تطلع فارس من الشقه شوي .. على ما أجي وارتب اغراضي . طلال : لالا تخافين من هالناحيه .. اهو توه نام .. ما نام من امس .. يعني ماراح يحس بوجودج لانه مرهق ونومه ثقيل . هدى : أكيد فارس ماراح يحس بوجودي وهو نايم ... يعني اعتمد على كلامك ؟ طلال : أفا عليج .. اعتمدي .. اصلا كل ما ابي ابوق منه .. مابوق الا وهو نايم ههههههههههه . هدى ارتاحت من كلام طلال : اشوا طمنتني . طلال : اوكي زهبي نفسج .. عشان بمرج بعد ساعه . هـدى : اوكي .. يلا باي . نزلت هدى تحت ولقت أمها : ها يمه زهبتي اغراضج . هدى : أي زهبتهم .. بعد ساعه بيمرني طلال عشان ياخذ غراضي . أم بدر والابتسامه شاقه الحلج : ماتشوفين شر يابنتي . وبعد مرور ساعه .. وصل طلال للبيت .. ونزل وسلم على ام بدر .. اما الخدم خذوا الجناط وحطوها بسيارة طلال .. هدى سلمت على امها وبدور .. ومشت مع طلال . *** وصلوا اخيرا للفيلا .. ركن طلال سيارته بالمواقف .. وطلب الخدم يطلعون .. طلعوا واخذوا جناط هدى وصعدوهم بالاصنصير لغاية شقتها .. شافت ام فارس قاعده بالحديقه بروحها .. توجهت لها هدى : شلونج يمه .. اشتقتلج . ام فارس وقفت واحضنتها بقوه : بخير يايمه دامني شفتج اكيد بخير ... ليش تتركينا ياهدى . هدى باست راس ام فارس : كنت محتاجه أغير جو .. وهذا انا ماقدرت افارقكم . طلال : شدعوا يمه كل هالشوق حق هدى ترا اغار . ام فارس ابتسمت واشرق وجهها اللي كان مليان تجاعيد : انت ولدي وهي بنتي ومابينكم فرق .. والتفتت لهدى : يمه روحي اصعدي وارتاحي بشقتج . هدى : انشالله يمه بروح الحين . وصلت لباب شقتها .. تمت واقفه مادخلت .. تحس رجولها ثقيله ماتدري ليش ... وقلبها ينبض بسرعه .. الحين راح تشوفه .. من زمان ماشافته ... اشتاقت لقسوته .. لغموضه .. لملامحه القاسيه .. الحين لازم تربيه من جديد ... |
[SIZE="3 " ] الجزء السابع عشر في ليلة الحفلة ... كان صوت الدي جي صاخب وعالي .. منى خذت لها زاويه تقعد عليها لانها بدت تخاف من الوضع اللي تشوفه وخصوصا ساره شلون ترقص مع الشباب .. اللي كانت اياديهم تتحسس على جسمها .. وطالعت نفسها : انا شلون لبست جذي .. ياويلي شسوي .!! لمحها واحد من المعزومين وتقدم ناحيتها بأبتسامه صفراء : الحلو ليش قاعد بروحه . منى مرتبكه : ها .. لا عادي .. بس ماحب ارقص . تقدم الشاب بكل هدوء وقعد عندها : تسمحين اقعد معاج . منى ردت له الابتسامه : أي عادي .. على راحتك . تم يسولف ويضحك معاها .. ومنى اندمجت معاه وعلت صوت ضحكاتها .. وكل هالموقف صار بلحظة وصول فواز .. اللي صج احتقر منى : ايه يامنى واضح حبج لي .. هين ! تقدم لها فواز ووقف قبالها .. وطالعها من فوق لتحت : لو ادري ان وجودي ماراح يضيف شي .. ماراح اجي . منى وقفت له : لا بالعكس فواز زين جيت .. كنت مشتاقتلك . فواز ويطالع الشاب ويرفع حاجبه : أي واضح الشوق ... هذا رفيجج الثاني ..؟ منى : لالا ماعرفه ولايعرفني . وقف الشاب واستأذن من منى : اسف على الازعاج .. يلا استأذن . مسكها فواز من زندها ويضغط عليه حيل : منو هذا قولي لي . منى احتقرت حركته .. وابعدت ايده : وخر عني .. انا ماعرفه ماتفهم . وبعدين شكو تتدخل ... مالك شغل فيني انشالله اسوي اللي ابيه . فواز : لا وبعد تطولين صوتج !! ... سحبها حيل لداخل الغرفه أو لمكان هادىء من ازعاج الدي جي .. انتبهت لها ساره ,, وراحت بسرعه لمنى .. وشافت فواز يمد ايده على منى ويعطيها طراق قوي .. منى دزته بسرعه ... واركضت ساره لصوب فواز ووخرته عن منى : انت شفيك عما بعينك ,, شكو تمد ايدك . فواز والشر يتطاير من عيونه ووجهه صاير احمر من العصبيه : انتي بالذات لا تدخلين ... روحي لوصاختج . ساره توقف بوجهه : اكل خرا فاااااهم .. ماغيرك الوصخ يالعفن .. يلا اطلع برا انا ماتشرف بوجودك . فواز طالع منى ورد طالع ساره : انا اللي ماتشرف فيكم .. يازباله . وبعدين صد على منى : حسابج معاي بعدين وراسج لا اخليج تندمين . طلع معصب من الغرفه اللي منى انهارت وقعدت تبجي .. ساره : لاتخافين منى .. اهو طول عمره جبان ومايقدر يسوي شي . منى : ساره ابي ارد البيت الحين . ساره : شدعوا بتخربين الحفله اصلا توها مابدت .. يلا قومي . منى بإصرار : لا مابي ابي الروح الحييييييييين بليز ساره . ساره بلا مبالاه : دقي على تاكسي وخل ياخذج .. مقدر اترك ضيوفي . منى : من صجج اروح بتاكسي .. أي شي . ساره ماردت عليها .. وطلعت برا تكمل سهرتها .. اما منى توهقت .. واضطرت انها تتصل على التاكسي .. فعلا وصل .. وبدلت ملابسها وانزلت تحت بدون ماتودع ساره . وصلت البيت على الساعه 12 ... دعت الله ان اهلها كلهم نايمين عشان مايبدون تحقيق معاها .. وفعلا لقت اهلها نايمين .. صعدت لغرفتها بالتخفي عشان ماحد يحس فيها . *** دخلت غرفتها وقفلت الباب وراها .... شهد من ورا الباب : نوره بطلي انا شهد . نوره مشت ببطىء وفتحت الباب وبعيون محتقنه من الدموع : ماقدر افتحهم ياشهد .. والله ماقدر . شهد احضنت نوره وهمست لها : لو زياد عايش كان حاب انج تفتحينهم وتشوفين شنو كانت هديته ... ماعليه اعرف ان الوضع صعب عليج .. بس لازم تشوفين شنو مهديج . نوره اكتفت في انها تهز راسها بالايجاب .. طالعتها شهد وباستها على خدها : يلا انا بمشي .. حيل تأخرت عن البيت ... دقي علي انزين . ودعتها نوره .. ورجعت صكت الباب وراها .. خذت الاكياس .. وحطتهم بالكبت ماتقدر تشوفهم الحين .. توجهت لسريرها لان اليوم بالنسبه لها طوووويل وحزين وغمضت عيونها .. ونامت . *** بدور كانت تتصل على نوره ولكن جهازها مغلق .. اتصلت على شهد : الووووو هلا شهد .. ها بشريني شصار اليوم ؟ شهد : سكتي يا بدور ... ياحلووووووووه يهبل .. اخيه . بدور مستغربه : وجع انشالله ... اسألج عن نوره شصار فيها شقال لها بشار . شهد : ايه ياهبله .. اقولج بشار يهبل فديت خشمه خخخخخخخ بدور عصبت ودها تكفخها : شهد يمال الضعفه .. الحين فاضين لسخافتج .. خلصيني شصار عليكم . شهد : ويه شوي شوي علي .. لاتاكليني .. انزين بقولج .. طال عمرج رحنا وقابلنا بشار .. وعطى نوره أكياس وقال انهم من زياد الله يرحمه . بدور رفعت حاجبها : أكياس !!!!! شهد : أي اكياس شفيج ... مو أي اكياس .. اكياس كشخه .. يمكن هدايا او شي جذي .! بدور : ياحياتي يانوره اكيد الحين قاعده تبجي .. لازم امرها اليوم العشا . شهد : لالا مافيها شي .. واذا تبين نصيحتي .. مريها باجر احسن . بدور : ليش انشالله ؟ شهد : عشان تاخذ راحتها شوي مع ذكرى زياد .. وباجر نزورها .. اوكي . بدور : اوكي على رايج .. يلا ما اطول عليج . شهد : اوكي انا توي واصله البيت .. يلا سلمي .. بايو بدور : بايووش . *** وصلت لباب شقتها .. تمت واقفه مادخلت .. تحس رجولها ثقيله ماتدري ليش ... وقلبها ينبض بسرعه .. الحين راح تشوفه .. من زمان ماشافته ... اشتاقت لقسوته .. لغموضه .. لملامحه القاسيه .. الحين لازم تربيه من جديد .. مسكت جنطتها .. وفتحت الباب .. ودخلت بهدوء .. تحس ان كل شي تغير .. وهالمكان بالنسبه لها جديد عليها .. هدوء .. وظلمه .. توجهت على طول لغرفتها وشافت فارس من بعيد نايم بهدوء ,,, تراجعت خطواتها وراحت صوب غرفة الملابس ... رتبت ملابسها وملابس فارس .. ولبست لها برمودا ورديه وتي شيرت أصفر .. وشعرها مسويته ذيل حصان .. شافت الشقه وكانت حوسه .. اوراق طايحه مني ومناك .. رتبتهم كلهم وبخرت الشقه .. مشت بهدوء لغاية فارس .. تبي تتأكد للحين نايم .. قربت منه اكثر واكثر .. كان نايم على جنب وحاضن ايدينه الثنتين وكأنه بيبي .. اقعدت على ركبتها .. شافته شاحب الوجه هزيل وسواد محيط بعيونه .. ولحيته ماحلقها .. شعره كثيف .. انكسر خاطرها على حاله ورق قلبها .. معقوله هذا فارس اللي ارتبطت فيه ... همست لنفسها : عارفه انك مريت بتجربة صعبه عليك .. عسالله يقدرني واسعدك وأنسيك الماضي اللي عانيته . مدت ايدها بهدوء .. وامسحت على شعره .. نبضات قلبها كانت سريعه وهي تحاول تقرب منه اكثر .. باست جبينه ... غطته عدل لان درجة التكييف عاليه نوعا ما .. وراحت سوت لها آكله خفيفه عباره عن توست وجبن سلايت ... وبصوت كسر الصمت اللي كان يسود الشقه : ليش رجعتي !! هدى رفعت راسها بسرعه .. وشافت فارس واقف عند الباب يطالعها وماشال عينه عنها.. تمت تطالعه وكأنها اول مره تشوفه .. ماقدرت تتكلم .. نزلت راسها .. اما فارس تم بمكانه واقف ويطالعها بنظرات تحمل التساؤل : ليش ؟؟ هدى تمت منزله راسها .. وبصوت عذب : لأني احبك . فارس حس قلبه يخفق بسرعه .. لكنه عاند قلبه وكابر : ماني محتاج حبج .. مثل ماطلبت منج تقعدين .. الحين اطلب انج تروحين ,, وورقة طلاقج راح توصلج .؟ طلاق لا ما قدر اعيش بدونه .. رفعت راسها : فارس انا احبك .. ولاقدرت اعيش بدونك .. انت اول شخص بحياتي حبيته والاخير . فارس حس ان جسمه انتفض واطرافه ترجف .. معقوله هدى تحبه عقب اللي سواه فيها .. قربت منه هدى .. وامسكت ايده الحاره وحست فيها ترجف .. شافت وجهه معرق ... وهو تم بس يطالعها .. خافت عليه .. حست انه تعبان : أشفيك حبيبي ... مريض !! تعبان !! مسكته من الكتف ... وحطت ايدها ورا خصره .. اما فارس للحين يرجف ووجهه صار احمر .. سندته عليها وقعدته على السرير .. وراحت تركض تجيب له ماي عشان يشربه .. شاف الخوف بعيونها .. هدى تخاف علي لا مو معقوله .. عقب اللي سويته لها وتخاف عليه .. قربت منه هى وانزلت لمستواه : تبيني اوديك المستشفى ..!!! شافته بدون استجابه لتساؤلاتها .. اتركته عشان يرتاح .. وتوجهت للمطبخ وهي منزله راسها : راح افشل .. ماقدر استمر جذي .. ياربي ساعدني . مرت خمس دقايق .. وراحت تطمن عليه وتشوفه .. شافته قاعد على السرير ضام ايدينه لصدره .. يحاول انه يكبت الرجفه بس ماقدر .. رفع راسه وشاف هدى واقفه وشكلها خايفه عليه .. طالعها بعيونه المليانه حب وشوق لها .. ونطق بصوت مبحوح : محتاجج حيل ؟ هدى اركضت لناحيته .. وضمته حيييييييل .. كأنه شي ثمين بيضيع منها ... لدرجة تحس ان نبضات قلبها تخترق صدرها من شدة اللمـة .. فارس همس بأذنها : لاتخليني .. لاتتخلين عني .. حيل محتاجج . هدى حست بتأنيب الضمير .. ليش سوت معاه جذي .. مهما كان هو زوجها ولازم تستحمله مهما سوى .. رجعت ضمته حييل .. وهمست بأذنه : من اليوم ورايح ماراح اتخلى عنك .. انت زوجي وحبيبي .. أحبك يافارس ... رجع وتمسك فيها .. لدرجة تحس ان عظامها بتتكسر .. بس فداه كلي .. غفى على صدرها الحنون .. اللي اتسع لقسوته ولحبه ولحنانه ولتقلبات مزاجه ... وغفت معاه .. وهي تحس ان اللي قاعد يصير لها حلم مو حقيقه . ***[/SIZE] |
"" أعــذريني يـا الهــدايا """ "" لــو هـملتك بالـزوايـا """ "" مـاني متحمـل اشـوفـك "" "" واللي جـابـك مـو مـعايا "" صحت نورة من النوم .. غسلت وجهها .. وصلت فرضها .. توجهت للكبت وطلعت الاكياس .. حطتهم على السرير .. سمعت طرقات الباب .. وكانت ضحى : نوره بطلي انا ضحى . نوره بسرعه غطت الأكياس بالكنبل وراحت افتحت لـضحى : هلا ضحى . ضحى طالعت نوره : اشفيج ماتنزلين .. امي تسأل عنج .. كلنا قاعدين تحت . نوره : ضحى عفيا قولي حق امي قاعده ترتب اغراضها .. انا محتاجه اقعد شوي مع نفسي . ضحى : متأكده مافيج شي . نوره ابتسمت ابتسامة صفراء : ايه متأكده لاتحاتين . ضحى : اوكي حبيبتي . رجعت وقفلت الباب وراها .. وركضت على طول لغاية السرير وطلعت الاكياس الثقيله من الكنبل .. أفتحت أول كيس اللي كان مغلف بأحكام ... وشافت فيه طقم ساعة يد مع شنطة يد أنيقه مع بوك من ماركة LV وعطر جيفنشي الجديد ... كانت تتمناهم دايما بس ماقدرت تشتريهم لانهم حيل غاليين ومكلفين .. شافت فيه كرت .. فتحت الكرت بأيد مرتجفه . (( كل عام وانتي بخير ,,, وانشالله تكون سنة خير علينا .. اتمنى تقبلين هديتي المتواضعه .. وتنال على استحسانج .. شكرا لانج خليتني اعيش هالسنه بسعاده وحب .. أحبج ... زيـاد ملاحظة : اكيد تفكرين وتقولين شلون عرف عن هالطقم .. استفسرت من شهد وقالت لي شنو بخاطرج فيه .. بس خليتها توعدني انها ماتقول لج .. أتمنى ماتزعلين )) بنظرات كلها حزن أجبرتها تبتسم ... امسحت دمعتها بأيدها وافتحت الكيس الثاني .. وكان عباره عن ألبوم صور بحجم صغير ,, ومذكرة يوميات ,, افتحت الالبوم بأيادي مرتجفه وطاحت عيونها على صورة كانت لزياد وهو تقريبا بعمر 14 سنه راكب خيل ويبتسم للكاميرا .. احضنت الالبوم وهي تشهق من البكا ... تذكرت ايامها الحلوه .. صح انها كانت قصيره ولكن اجمل ايام حياتها .. لانها كانت بقرب زياد .. تصفحت الالبوم .. كان الالبوم يحتوي على صور زياد من ايام الطفوله وايام المراهقه .. وايام الجامعه .. تأملت في كل صوره .. تبي تحفظ كل شي في زياد .. استوقفتها صوره لزياد كان قاعد بغرفته .. ويكتب .. الظاهر الصوره ملتقطينها وهو مايدري .. تأملت غرفته .. حست انها فعلا كانت عايشه معاه لان غرفته تحس انها مو غريبه عليها .. تنهدت وهي تمرر اصابع ايدها على وجهه وشعره .. قربت صورته وباستها .. وخذت مذكرة يوميات زياد .. كانت المذكرة عبارة عن جلد أسود ومحاطه بخشب ذهبي .. شكلها فخم وتحتوي على قفل ذهبي .. افتحت القفل بواسطه مفتاح صغير خاص فيه .. أول صفحه مكتوبه بخط عربي جميييل : إذا اغلق الشتاء ابواب بيتك .. وحاصرتك تلال الجليد من كل مكان .. فانتظر قدوم الربيع وافتح نوافذك لنسمات الهواء النقي .. وانظر بعيدا فسوف ترا أسراب الطيور وقد عادت تغني .. وسوف ترى الشمس وهي تلقى خيوطها الذهبيه فوق أغصان الشجر .. لتصنع لك عمرا جديدا .. وحلما جديدا .. وقلبا جديدا اهـــــــداء إلى من يقرأ حرفي .. إلى من لمس جرحي .. اذكرني في بسمه لا تذكرني في دمعه .. زياد كانت المذكره مليئة بالخواطر وتواريخ مهمه في حياته .. زياد يحتفظ فيها من ايام دراسته بالجامعه .. ويكتب كل اللي بخاطره فيه . اقلبت الصفحه وقرت خاطره بعنوان (( ألحب ألصادق )) بتاريخ 12\7\2005 الحب الصادق ,, ليس بكلمة ينطقها العاشق .. انما هو رحمة .. وعطف .. ومشاعر .. واحساس صادق .. يسكن قلب العاشق .. وهو ليس طقوسا كما زعم عباد الشيطان .. الحب نقاء وصفاء .. الحب شفاء ليس بلاء .. الحب شباب لايعرف أبدا معنى الشيخوخه .. الحب كيان يحيا ويموت مثل الانسان .. لابد ان نسقيه لنحييه .. ولابد ان نداويه لنشفيه .. الحب الصادق في القلب الطاهر .. كزهرة في فصل الربيع .. لا يأتيها الصيف القاتل ولا يخدشها البرد القارص .. ولا يقصفها الخريف المدمر .. والعقل الناضج بالحب الصادق ليس معطلا .. والقلب النابض بالحب الصادق قلب شاطر ليس بليد .. القلب هو الذي يهمس قائلا أنا الحب الصادق .. شدتها مدى انسيابية الكلام .. وحست بتأثيره عليها .. لانه ممزوج بين الحزن والتفاؤل .. تصفحت اليوميات .. انتبهت لخاطره كاتبها زياد بتاريخ 25\10\2006 تسألينني عن حزني !! انه لوحة رسمتها يد الاقدار .. قصيدة مدماة .. حروفها من وجع القلب .. وكلماتها من نزيف الجراح .. حزني طوفان مدمر يهدد جزري الآمنه .. يكسر حواجز الصبر والتحمل معلنا اقتراب .. النهاية .....!!! انهمرت دموعها بدون شعور .. ياااااه هالكثر كان يتعذب زياد .. وهي ماتدري عنه .. تصفحت المذكرة بأمعان ,, وشافت تاريخ لقائها بزياد 12\12\2006 وكان كاتب تحته : أجمل تاريخ في حياتي ... هنا عرفت طعم السعاده فتذوقته منذ لقائي مع نـورة . رأيتها صدفة .. فكانت أجمل الصدف .. لحظات كانت قصيره .. ولكنها طويله عند سردها لـقلبي .. رأيتها .. بريئة كالطفل .. جميله كالورده .. انفعالاتها الحاده كالنسيم العذب .. أحببتها منذ اللحظه الاولى وأحسست بالامان لدى لقائي بها .. سلبت عقلبي .. احبها .. ياليت تبادلني هذا الشعور .. تاريخ 14\12\2006 رسالة الى حبيبتي : حـبيبتي أبلغكي سلامي الذي يتجدد كل حين .. ليدوم السلام بيننا بعبير الحب .. ونسمات العاطفة .. وتنهيدات الآهات ..! حبيبتي أعلمني ان كلامي من القلب .. الى القلب .. فقلبي الشوق وقلبكي المشتاق .. وقلبكي العشق وقلبي المعشوق .. حبيبتي اذا نظرت لكي .. أحس بأني انظر لملاك .. بعدها أتأمل في حسن حظي ..! واحمد الله على هذه الصدف الجميلة .. حبيبتي وداعي لايزال سلام يتجدد كل حين .. حبيبتي ..!!! أحبك انطلقت آه من صدرها .. وتمتمت بصوت مبحوح : والله اموت فيك .. والله احبك يازياد ,,, ماني مصدقه انك تركتني وخليتني .. وربي عايش معاي .. احسك قاعد معاي .. احسك تمسك ايدي .. والله احبك .. يااااااربي صبرني على فرقااااااااه يااااااااارب . قامت ومسحت وجهها من آثار الدموع .. واستغفرت ربها .. دعت له بالرحمه والمغفره .. خذت صورته وحطتها قبالها : اوعدك يازياد .. ماحد راح يمتلك قلبي غيرك .. لانك انت ملكته وهو عرشك بروحك .. ويحرم علي كل حب جديد .. لانك انت الحب الاول والاخير وراح تظل عايش معاي بروحي وقلبي وعقلي .. أحبك . حست انها مرتاحه لانها شاركته بأحساسه ومشاعره .. باست صورته وابتسمت .. لمت الاغراض وحطت الالبوم والمذكرة في الكمدينو اللي كان جبنها ... قررت انها ترجع للجامعه وتكمل دراستها .. ارفعت شعرها فوق .. وانزلت تحت تقعد مع اهلها . *** أم احمد قاعده تتقهوى بصالة الاستقبال مع صديقتها أم راشد ... أم راشد اسألتها : صج ولدج احمد بيعرس ؟ ام احمد تتصنع : أي انشالله الشهر الجاي بيعرس . ام راشد : شدعوا ماقلتي لنا ولا ذكرتي انج خطبتي له ؟؟ ام احمد توهقت : شسوي كل شي صار بسرعه .. وانشالله كلكم معزومين بالعرس .؟ أم راشد بتغيض ام احمد : سمعت انه خاطب بنت اخو شريكتج غاليه . أم احمد اهني ماقدرت تتصنع اكثر : اصلا ماكنت ابيها .. ويوم دريت عن هالخبر .. طردته من بيتي .. وخله يعيش بالفقر مع بنت الفقر اللي ماوراها خير أبد . أم راشد : شنو تبي تسوين يامنيره ؟ ام احمد : والله مادري ياوخيتي ماني عارفه .. رحت لام كاظم ولقيتها مسافره .. ما سافرت الا على حظي . ام راشد : وشتبين فيها ؟ ام احمد : والله ماخليها تتهنى بولدي !! ام راشد : يابنت الحلال تعوذي من الشيطان واتركي ولدج يتهنى .. ما دام هو اللي مختارها .. شتبين فيه .. حرام عليج .. هذا ضناج . ام احمد معصبه : حرمة عيشتها .... والله لا اقعد على قلبها .. بس خل انطر ام كاظم ترد من السفر .. طال الزمن ولا قصر وراهم وراهم . ام راشد تشرب قهوتها : والله ماعندج سالفه .. اتركي عنج الناس .. لاتنفضحين بخلق الله . شتسوى عليج ؟؟؟ أم أحمد : مو انا اللي انفضح .. هين والله حسابها معاي .. ماباقي الا هذي تصير حرمة ولدي . اكتفت ام راشد بهز راسها .. على سخافة كلام ام احمد . *** بزاوية ثانيه من زوايا البيت .. وخصوصا في غرفة التلفزيون .. كانت مي تسولف مع مريم .. ويتكلمون عن المدرسه وهالسوالف .. انزلت لهم منى .. وكانت راسها يعورها من دي جي امس الصارخ .. سلمت عليها مريم واقعدت : شلونج مريم .وشلون خالتي ام يوسف؟ مريم : بخير الحمدلله .. انتي شلونج ؟ منى واهي تمسك راسها : والله الحمدلله .. متى يرجع نواف من السفر مو جنه طول ؟ مريم تبتسم : انشالله اخر هالشهر بيرجع . منى استانست من هالخبر : صج من قالج ؟ مريم : ابوي قال لنا اليوم .. وقال بعد بيسوي له عشا في بيتنا ..؟ منى تبتسم : حلوو . مريم : مارحتوا لبيت عمتي ام ضاري ؟؟ شفنا البومات الصور . منى بدت تفكر بمكر : مريم مايخالف اطلبج طلب ؟ مريم : امري ؟ منى : مايامر عليج ظالم .. بس أبي منج خدمه ؟ مريم : اذا قدرت عليها مو مشكله . منى تتعدل بجلستها : شوفي انتي تقدرين عليها .. ابيج تجيبين لي صورة لولوة من الالبوم ؟ مريم استغربت من طلب منى : وانتي ليش ماتجيبين ؟ منى : انا ماقدر اروح لبيت عمتى لانهم مايحبوني ولا يواطنون يشوفون وجهي؟ مريم تفكر : اممممممممم صعبه .. بس ليش تبينها ؟ منى : لا مو صعبه وبعدين عادي بحط صورة اختي بالبوماتنا ؟ فيها شي ؟ مي تطالع منى بنظره : شهالحب اللي نزل عليج يامنى ؟ منى : جبي انتي ولا كلمه ؟؟ وألتفتت لمريم : ها حبيبتي تقدرين تحصلين لي صورتها ؟ مريم : انا عندي صورتها لما كانت بحفلة نواف .. كنا مصورين وهي لها صوره ؟ منى : حلو حلوووووو .. خلاص جيبيها لي ... ضروري . مريم : اوكي انشالله . منى تأكد : ضروررررررري لاتنسين عفيه مريوم .. وياليت باجر اذا تقدرين . مريم : خلاص انا اعطيها مي بالمدرسه وهي تجيبها لج . منى تقوم توقف : خلاص .. اخليكم الحين . اصعدت غرفتها وخذت موبايلها .. وكان فيه 4 ميس كول وكلها من فواز : الحقير ماراح ارد عليه .. خل يتصل منيه لباجر . اتصلت على ساره : هلا ساره .شلونج عقب امس . ساره وصوتها فيه النوم : والله ماكو .. تمام .. ها شتبين ؟ منى : باجر الصوره تكون عندي .. متى تركبينها ومع أي صوره ؟ ساره : ماعليج انتي جيبيها وتعالي عندي واحنا نضبطها . منى : أوكي حبيبتي .. باجر انشالله عندج .. يلا ردي لنومج .. مع السلامه . سكرت من ساره وهي تحس بقمة سعادتها .. ماباقي الا ساعات وتدمر لولوه مره وحده ... رجع موبايلها يرن .. وكان المتصل فواز ,,, شافته واحذفت موبايلها : اتصل منيه لباجر ماراح ارد . *** ضحى اللي تقريبا قرب زواجها وباقي لها اقل من شهر .. كانت منشغله عن احمد نهائيا .. حايسه بين تجهيزها وبرامج العروس من تبييض وسنفره وحمامات مغربيه وملكيه و .. و... إلخ .. دز مسج لـضحى : اشتقتلج ... وماقدرت اصبر .. اليوم راح اتعشى عندكم . قرت ضحى المسج وهي تبتسم وتكلم المسج : حياتي والله ادري اهملتك .. بس شسوي هههههه . ارجعت من الصالون .. وبسرعه خذت لها شاور .. ونشفت جسمها .. وقررت تلبس لها بنطلون جينز .. مع بلوزه طويله لونها ابيض .. ولبست حجاب على شعرها عشان ماتبي احمد يشوف قصة شعرها الجديده وصبغته البلاتيني مع الزيتي تبيه يكون مفاجأه .. وصل احمد على الساعه 8 العشا .. سلموا عليه كلهم ... واولهم طبعا لولوه .. تموا يسولفون مع بعض .. وضحى للحين مانزلت .. احمد سأل لولوه : وينها ضحى ؟ لولوه : الظاهر قاعده تلبس . أحمد : طولت للحين مانزلت ؟ لولوه تضحك : اقول يالعاشق اصبر الصبر زيييين . خالد انتبه لهم : شعندكم تتساسرون ؟ أحمد : واحد ويا اخته انت شكو تدخل ؟ لولوه تضحك : أي والله .. ياشين الناس اللزقه . خالد : أحمد ترا والله ما اخليك تشوف ضحى ؟ أحمد : نسيت انها زوجتي شرعا واني اقدر اخذها الحين لو ابي . خالد : والله اهي للحين في بيت ابوها .. وماتقدر تاخذها . انزلت ضحى وسمعت صوت مناوشات بين خالد واحمد .. تقدمت بهدوء : السلام عليكم . الكل : وعليكم السلام . احمد يطالعها وكأنه بيلتهمها بنظراته : شخبارج حبيبتي . نوف صفرت : احلاااااااا تدليع يا عيني . ضحى استحت وحمرت خدودها .. أشر لها احمد تجي وتقعد عنده .. راحت عنده وقعدت .. ومسك ايدها البارده .. همس لها وضغط على ايدها : أشتقتلج ضحى ابتسمت بخجل ونزلت راسها ...لولوه كانت تتابعهم بأبتسامه .. وتخيلت مكانهم هي ونواف .. دعت لهم بالتوفيق ويحميهم من العين . استأذن من ابو خالد عشان ياخذ ضحى ويتعشون برا .. بس ضحى قالت : والعشا اللي مسوينه لك ؟؟ أحمد : لا مابي عشا .. خاطري اتعشى معاج ... ولا ماتبين ؟ ضحى : لا اكيد ابي ... خل ألبس عبايتي . أحمد : اوكي انطرج بالسياره . أستأذنوا من الكل .. وطلع أحمد لسيارته .. وانزلت ضحى وركبت معاه .. وراحوا يتعشون برا .. حجز لها طاولة بمطعم برج الحمام .. وكان العشا فاخر ولذيذ .. وتموا يسولفون عن حياتهم المستقبليه .. أحمد ماسك ايدها : اذا جانا ولد بسميه بندر . ضحى : لا ويع ماحب هالاسم يلوع جبدي .. اصلا تدري شنو بسميه ؟ أحمد : لا شنو ؟ ضحى بتفكير : اممممممممم بسميه ضيدان . احمد بقق عيونه : من صجج !!!!! ضحى تضحك : هههههههههههه .. أي ليش مو حلو . أحمد : لا بالله تعقد الولد هههههههه . ضحى بدلع : اصلا ماحد يسمي عيالنا الا ابوهم فديت قلبه . أحمد : يابعد عمري ياضحى .. تحبيني !! ضحى شدت من قبضة يدها : بذمتك .. أنت للحين تشك بحبي لك ؟ أحمد : مو مسألة شك .. بس احب اني اسمعها منج ؟! ضحى : اااااااااااااااحـــــــــــبــــك . أحمد كان وده يصيح بس فشله قدام الناس .. ضحى انتبهت له وتمت تضحك عليه . ضحى اسألته بجديه : احمد الحين شلون علاقتك مع اهلك ؟ أحمد كان فرحان بس سؤال ضحى رده لواقعيته : ضحى مابي اتكلم عن هالموضوع .. لانج عارفه بكل شي ؟ ضحى : حبيبي ... مهما كان ابيك تصلح علاقتك معاهم .. وخصوصا مع امك .. هذي ام والام ما تتعوض . أحمد : أمي عمرها ماحبتني .. ولاحسستني بحنانها .. دايما تناديني بأقبح الالقاب .. وتحسسني بالنقص .. واخرتها اطردتني من البيت بدون سبب . ضحى حنت لاحمد : الله يسامحها .. مردها بتعرف غلطها وبتندم . أحمد عوره قلبه يوم تذكر معاملة امه واخوانه له .. طالع ضحى بنظرة تحمل الأسى والعذاب : ضحى انا مالي احد غيرج .. انتي كل شي بالنسبه لي .. أم وأخت وزوجه وصديقه وأهل . ضحى ابتسمت له ابتسامه مطمنه : عسالله يقدرني على اسعادك . احمد باس ايدها ... ودفع الفاتوره وطلعوا برا يتمشون ومنها يختارون اثاث حق الشقه . *** اتصل فواز على ساره عقب تطنيش منى له ... ساره شافت رقمه وردت عليه : اهلين فواز ؟ فواز : ساره شلونج زينه ؟ ساره : أي تمام الحمدلله . فواز : وينج الحين .. ابيج بموضوع . ساره : انا بنفس الفندق .. تعال تعشى معاي حياك . فواز : اوكي انا مسافة الطريق وجايج . سكر فواز .. وهو في باله مية شغله .. مايدري شلون بيبتدي فيها .. وبعد نص ساعه .. وصل لغاية الفندق وصعد لجناح ساره .. اللي استقبلته .. : ها شعندك فواز ؟ فواز ونظرات الغضب بعينه : منى . ساره ترفع حاجبها : اشفيها منى .؟ فواز : أبيها شلون ؟ اضحكت ساره على كلام فواز : ههههههههههههههههههههههه . فواز انقهر من ساره : ليش تضحكين ماقلت شي يضحك ؟ ساره : دامك تبيها شكو جايني .. روح لها كلمها .. انا شكو !!! فواز : مو معطتني مجال اكلمها .. وابيج تساعديني . ساره تشرب بيره : وشنو مطلوب مني ؟ فواز يطلع من جيبه 100 دينار : هذي الدفعه الاولى ... والدفعه الثانيه اذا نفذتي اللي بقوله لج . بسرعه خذت ساره الفلوس : أي خلاص مو مشكله .. قول وكلي اذان صاغيه . فواز يحط رجل على رجل وبمكر : شوفي .. ابيج تجيبينها لشقتي بالويكند .. شقتنا قبل انا وياج وسلمان ... تخلينها وتروحين . ساره : بس هذي هي .. حدها مهمه سهله .. مايبيلها شي .. بس ماقلت لي شنو بتسوي فيها ؟؟ فواز وهو يمسك ايدينه بقوه : بخليها ذليله مثل ماذلتني .. بطقها ليما تقول بس . ساره : شوف راح اجيبها لك .. بس مو بالويكند هذا .. الويكند الجاي .. لان بسوي لها شغله . فواز بإستغراب : شنو هالشغله .؟ ساره : شغله تافهه .. تبي تطعن شرف اختها عشان ولد عمها مايتزوجها . فواز : معقوله منى حقوده وحسوده . ساره : واكثر .. تراها خبيثه هههههه . فواز ابتسم ابتسامه خبيثه : هين يامنى .. بتتهمين اختج بشرفها .. ماعليه انتي بس جيبيها لي الاسبوع الجاي . ساره : خلاص مو مشكله الويكند مو هذا .. الجاي بجيبها لك . فواز وهو يقوم : حلو .. مثل ما اتفقنا .. راح اكملج المبلغ لما اخلص شغلي معاها .. يلا باي . ساره : والعشا . فواز يطالع ساره بقرف : لا مابي انسدت نفسي .. بس اهم شي لاتنسين ؟. ساره : اوكي ... باااااااااااااي ياروميو ههههههههه طلع من الجناح مبتسم .. ابتسامة النصر . *** صحت من النوم ومرتسمه على شفايفها ابتسامه راحة وطمأنينه .. صحت وهي مو متخيله انها كانت بين احضان فارس ,, أي غفت بحضن فارس الدافي .. تذكرت شصار أمس .. احمرت خدودها خجل .. امس احلا ليله مرت عليها .. امس عمرها انولد من جديد .. أمس صارت حلاله.. ابعدت ذراع فارس عن خصرها بشويش .. لكن فارس حس فيها .. وبصوت كله نوم : مابيج تروحين .. خليج عندي . هدى قابلته وابتسمت : ماعليه حبيبي .. بروح اغسل وانزل لخالتي. فارس حط اصبعه على شفايفها : اشششش ولا كلمة .. انسي كل الناس وخلج معاي . مسكها من رقبتها و قرب وجهها له .. وباس شفايفها بقوه وكتم على نفسها ... وعض خشمها بحركة طفوليه ... اهي ابتسمت ابتسامه حياويه .. مسك شعرها الطويل .. ودخل اصابع ايده بين خصلات شعرها ويمسح عليها .. مو مصدق .. كأنه اول مره يشوف هدى .. أي خلاص هي زوجته وحلاله .. ليمتى بيحرم نفسه من الحب .. طالع هدى بعيونه : ماتبين تبوسيني !! هدى برد وجهها من الفشله وقام يطلع الوان .. قالت بصوت مرتبك : هـ ا .. شـ ن و مـ ادري . فارس ابتسم على برائتها .. قام من على السرير .. اهني هدى ارتاحت .. وقامت بتقوم .. ولا سحبها حيييل ..وخله جسمه ملاصق لجسمها.. تحس بأنفاسه الحاره تختلط بنفسها المتضارب .. وصدرها ينزل ويصعد من حرارة نبضات قلبها .. تم يطالعها ويلمس وجهها ويمرر اصابع ايده على شفايفها ورقبتها .. وايده اليسرى ورى ظهرها .. أهني هدى خلاص راحت فيها .. وبصوت آسر : للحين رافضه انج تبوسيني . هدى بعيون رومانسيه : وين تبيني ابوسك . فارس يأشر على شفايفه : اهنيه . غمضت هدى عيونها .. وباست شفايفه .. واستمرت البوسه ربع ساعه ههههه .. بعدين ضمها على صدره وتم يشم رقبتها وهي تحس بآآآه طالعه من قلبه .. همس بأذنها وكانت المره الأولى اللي فارس يعترف فيها : أحبج . كانت تأثير الكلمة قويه على هدى .. تحس بأرتجاف اطرافها ... ردت اهمست له : وانا اموت فيك يافارس . فارس يمسك وجه هدى بيدينه الثنتين الكبار .. وتم يهمس لها بصوته الرجولي الآسر : سامحيني ياهدى .. تعبتج معاي . هدى بعيون لامعه : تعبك راحه ياروحي .. مالي غيرك يافارس . باس جبينها .. وراح يغسل وجهه .. اما هي وقفت مكانها متصلبه .. ماتقدر تتحرك .. بس داخلها كانت ترقص من الفرح .. تمت تدعي الله انهم يتمون مع بعض ولا شي يغير عليهم .. *** نورة طلبت من امها انها تروح لبدور .. عشان تغير جو شوي .. وافقت امها .. وراحت لبدور الصبح ومره وحده تتغدى عندهم .. وصلت لبيت عمتها وسلمت على عمتها وبدور .. بدور وهي تصعد مع نوره لغرفتها : ها شنو بالاكياس قولي . نوره تبتسم : مهديني دفتر مذكراته .. مع البوم صور .. وشاري لي هديه . بدور انكسر خاطرها : الله يرحمه . نوره : بدور .. خاطري اروح اتعرف على امه . بدور ألتفت على نوره : من صجج شلون بالله . نوره بإصرار : بروح اتعرف على امه وبشوف وين كان ينام وياكل ويشرب .. تكفين بدور قولي لي شسوي . بدور : لا بالله انهبلتي .. افرضي امه تطردج من البيت .. شتسوى عليج بالله ؟ نوره وهي تقعد على السرير : وانا اقرا مذكراته ويومياته .. كان كاتب عن امه انها انسانه طيبه لكن الشغل خلاها تلهى عنه ... يلا بدور شقلتي .. انا مستعده اجازف صراحه . بدور وهي تحك راسها : مادري ... قلتي حق شهد . نوره : شهد اكيد اذا قلت لها راح توافق .. انتي ماعليج .. بس ابي تشجيع . بدور: دام هذا اللي تبينه .. روحي سويه ومايصير خاطرج الا طيب بغطي عليج ههههه . نوره : واخيرا راح اشوف غرفة زياد . |
الجزء الثامن عشر الجـزء الأخـير ((( الفصل الأول ))) مر شهر بالكامل على مصالح الحبايب .. فارس وهدى .. تصالحوا وصاروا حبايب ... وانبنت بينهم قصة حب كبيره .. من أحلا القصص .. استأجر فارس شاليه بروحهم لمدة أسبوع .. عشان يغير جو مع هدى اللي ارفضت انها تسافر لأوروبا لبداية شهر وعمر عسل طويل .. قعد فارس من النوم الساعه 11 الظهر .. كان مرتاح بنومته ونفسيته فل .. تلفت بالغرفة ومالقى هدى .. غسل وجهه ولبس برمودا جينز مع تي شيرت أبيض بدون اكمام وشعره مبهذل مخليه وكان شكله كأنه بطل من هوليووود .. توجه للدور الأرضي .. لقى هدى تحوس بالمطبخ تحضر له فطور .. تم واقف يطالعها واهي مانتبهت .. كان شعرها سايح على اكتافها .. ولابسه قميص نوم اوف وايت مع رداء يوصل للركبه .. شكلها كان قمة في النعومه والجمال .. مشى لصوبها .. انتبهت هدى لخطواته .. طالعته وابتسمت : صباح الخير حبيبي ... توك صاحي . فارس يقرب منها ويبوس ايدها : صباح الورد ياروح فارس .. أشتقتلج . هدى تحضنه : حبيبي قاعده احضر لك فطور ... روح استريح على ما اخلصه . فارس يهز راسه وماد بوزه بحركه طفوليه : موبي .. بقعد عندج .. انا زعلان اصلا . هدى تكمل معاه كأنهم اطفال : ليث اثفيك زعلان ؟ فارس وهو يتحسس الخصل اللي طايحه على وجهها : ما عطيتيني فطوري ؟ هدى واهي ماسكه خصره : أي حبيبي كاني الحين أخلصه لك . فارس وبعيونه اللي سحرت هدى : فطوري بوسه منج . هدى استحت وابتسمت بعذوبه : يووه فارس لا تحرجني . فارس تم يقرب منها اكثر واكثر .. ليما حك خشمه بخشمها .. وتم يهمس لها : ابي فطوري الحين الحين ... تقرب منها اكثر وباس شفايفها .. لكن هدى دزته لورى وراحت تركض وهي تضحك . فارس مسوي نفسه معصب : اوريج كاني جاي وياويلج من يفكج مني . وتم يلحقها وهي تصيح وتركض... وفعلا كانت تصرفاتهم مثل الأطفال .. فارس نسى انه مهندس .. وهدى نست انها مدرسة .. *** خلصت نوف اخر امتحاناتها الفاينل .. واطلعت مبجر من قاعة الامتحان .. وكانت متضايقه وحدها معصبه .. عشان الامتحان كان صعب ما حلت عدل .. اتصلت على السايق عشان يجيها .. تمت ناطره برا .. خلصوا البنات وتموا واقفين ينطرون اهاليهم عند بوابة المدرسه .. آلاء ألمحت نوف من بعيد وراحت لها ركض : نف نف ها بشري شسويتي . نوف تحك راسها : سكتي مدري شكتبت .. حدي خربطت الله يستر . آلاء والعلكه بحلجها : عااااااااادي .. طاف نف نف .. يعني لو تسقطين انا راح اسقط معاج ولا يهمج لاني نفسج مو حاله عدل . نوف تضحك : أي هذي انتي صج لا قالوا الصاحب ساحب . آلاء تسحب نوف لبرا عشان يوقفون عند البوابه : امشي خل نستانس .. ونتمصخر على اللي يغازلون . نوف مالها خلق .. بس توجهت مع آلاء يطلعون برا .. تموا يشوفون مصخرة الشباب .. اللي مواعد صاحبته .. واللي يقحص بالسياره عشان يحوز على اعجاب البنات .. واللي يقط كلام للبنات ومعلي المسجل .. يعني حدث ولا حرج خخخخخ .. لمحت نوف شخص مألوف بالنسبه لها لكن استبعدت افكارها .. سيارته الرياضيه بورش كريرا لونها فضي .. وكان مشغل المسجل على العالي وطبعا اغاني اجنبيه .. كل البنات انهبلوا عليه وعلى كشخته .. كان بس جاي يبي يغازل ويستانس ويروح .. (( أكييييييييد عرفتوه )) .. آلاء وهي تطق نوف بدفاشه واشهقت : يييييييييييييييييمه شوفي المزيون الحلو يممه يهبل . نوف تحك ايدها : ااااااي يالخايسه عورتيني .. صج دفشه .. لكن نوف ما انتبهت منو المقصود . آلاء تبلع ريجها : شوفي ... هذاك ابو بورش .. يمه يهبل . نوف ألتفتت تطالع وين ما آلاء تشوف .. تمت تطالع عشان تتعرف عليه .. وفجأه شهقت : يييييييييييه هذا الحمار طلال شجايبه اهني . آلاء وعيونها عليه : طلال .. منو طلال @@ نوف : تذكرين عرس هدى وفارس .. اللي دش مع المعرس .. هذا اخوه اسمه طلال .. مالت عليه الحمار ... حده مغازلجي . آلاء تبتسم : اييييييييه تذكرته .. وناسه جاي يغازل عندنا .. آلاء بعربجيتها تمت تقول بصوت عالي وجدام البنات : انت ياحلو يالمزيون يا بو بورش .. عطنا ويه خخخخخخخ . نوف تبي تسكتها : وجع انشالله فضحتينا ... هذا من نسايبنا . آلاء : ياي يهبل يجنن . اما طلال سمع آلاء وهي تصوت له .. طبعا تشقق من الفرحه واستانس .. نزل نظارته وتم يطالع آلاء ويبتسم ابتسامه جذابه وسحريه .. وقال بصوت عالي : هالحركه لعيونج ياحلوه . وقام الخبل ويقحص بهالسياره .. شوي ويدعم في البنات من كثر ما يقحص .. اما آلاء استانست وتمت تصفق وتصفر ..لكن نوف ماعجبها الوضع كلش سحبت آلاء عن تعليق البنات .. توجهوا لبوابة الباصات .. آلاء بعصبيه : اااي شتبين .. خلينا نستانس . نوف : انتي هذا الظاهر ماتعرفينه .. هذا اكبر وصخ على وجه الارض .. خليه يولي . آلاء : واي سوا لي هالحركه على شاني فديته والله .. لمحهم طلال وين ماراحو وقرب منهم بالسياره عشان يكلمهم وللحين ما انتبه لنوف لان نوف كانت معطيته ظهرها : ها ياحلوه اعجبتج الحركه . آلاء تبتسم : انت كلك عاجبني ههههههههههاااااااااي . طلال تشقق من الوناسه : تبين اسوي لج بعد حركة ثانيه . أهني نوف ماقدرت تتحمل .. لفت عليه وبعيونها الشر وقالت بعصبيه وبصوت عالي : طلول ماشبعت مغازل .. استح على وجهك وفارق .. ماتستحي تغازل اهني . طلال انصدم ,,, نوف اهني وجدامه .. لكن تمالك نفسه ورد : طلول بعينج .. اصغر عيالج انا .. وبعدين شتبييييييييين مالج شغل .. لايكون مصدقه اني أغازلج والاحقج من مكان لمكان .. ترا وجودج كالعدم .. والتفت على آلاء .. وخلا صوته سحري وغمز لآلاء : انا اهني عشان الزين كله . آلاء تبتسم بحيا .. اما نوف لكزتها بقوه على بطنها .. اللي خلت آلاء تطلع صوت من العوار .. طلال انتبه : عما بعينج .. عورتي البنيه .. صج انج دفشه ومافيج انوثه ورقه . نوف امسكت حصاة كانت طايحه بالارض وبصوت عالي : اقسم بالله ان ماذلفت الحين وفارقتني والله لا افلعك بالحصاة اللي ماسكتها انت فاهم . طلال ما استبعد هالشي منها .. بس عاند وتم واقف : اتحداج تسوينها وربي لا اوديج ورى الشمس .. وامصخرج جدام اللي يسوى واللي مايسوى . آلاء تدري ان نوف تسويها .. راحت لطلال : روح روح ترا تسويها .. بسرعه حرك . طلال نزل نظارته لنص خشمه وعيونه على نوف : ماراح اروح لو شنو .. بشوف اخرتها معاها . لكن آلاء تمت تترجاه انه يروح .. ليما اقتنع .. طلال قبل لايروح ألتفت لنوف وطالعها من فوق لتحت : انا بروح بس عشان هالحلوه ولا انتي مو كفو .. حرك سيارته ومشى ببطىء .. لكن نوف صار وجهها أحمر من العصبيه وانقهرت من طريقته : هين يا طلال والله لا اعلمك .. امسكت الحصاة مره ثانيه .. واحذفتها على سيارة طلال .. وصارت بالجامه مالت السياره من ورى وتكسرت كلها .. والبنات اللي واقفين طالعوا نوف بأنبهار.. وقف طلال السياره بمنتصف الطريق ونزل يبي يشوف الجامه انصدم .. عصب حيل صك على ضروسه وطق باب السياره بقوه : سوتها الخبله .. كسرت جامة سيارتي الجديده .. هين يالحماره والله اوريج هين واخليج تدفعين الثمن غالي .. وراح بيحرك صوب نوف عشان يكسر راسها مثل ما كسرت سيارته .. لكن نوف امسكت جنطتها وركضت بسرعه لداخل المدرسه عشان مايشوفها طلال .. اما آلاء المسكينه .. تمت واقفه مكانها منصدمه .. نوف سوتها ... والله انها جريئة .. تقدم طلال لناحية آلاء وبعصبيه : وينها الزفت رفيجتج . آلاء توترت من عصبيته : مـ ا د ري راحت داخل . طلال يرفع اصبعه بوجه آلاء و بتهديد : قولي لها ماراح اخليها وانا راح اردها له .. انا وراها والزمن طوييييييل .. ولبس نظارته بغرور ومشى عنها .. أما آلاء راحت ركض لنوف تدورها .. لقت نوف واقفه داخل : يالخايسه شسويتي .. لكن نوف طالعت آلاء وضحكت ضحكه عاليه : ههههههههههههههههههههه ههههههههههههههههه يمه بطني ههههههههههههههه . آلاء معصبه : تضحكين على خيبتج .. تدرين انه هددج وقال انا وراها والزمن طويييييل . نوف اللي ادمعت عيونها من كثرة الضحك : خل يولي زيييييييين ماعنده سالفه ههههههههههههههه ... يستاهل وللحين ماشاف شي هههههههههههه . آلاء : انتي شفيج مو صاحيه .. هذا ريال والريال يقدر اييب راسج .. ماقول الا الله يستر عليج . نوف رفعت خشمها : يخسي .. ما جابته امه اللي يسوي لي شي . وصل السايق .. وراحت نوف والبنات كلهم يطالعونها بحذر ويتهامسون بينهم .. اما نوف ما اهتمت اركبت السياره وهي تضحك لما تذكرت شلون كسرت جامة سيارته . *** فيصل في البيت قاعد ويا امه ..يطالعون التلفزيون ودانه قاعدة على الارض ويا ولد ضاري تلعب معاه . دانه : ياحلوك تهبل .. اكيد طالع على عمتك حلو مثلها . الولد يضحك: ههههياغااااايغ دانه تبوسه : وتسلم لي هالضروووووس اللي كلها سوس والله ... ياااااااربي اتييب لي ولد حلو نفس فهودي . ام ضاري : بسچ يا دانه دوشتينا وياه ما تخلينا نسمع الاخبار . دانه: يمه انتي شلج بالاخبار ... كله جذب في جذب . فيصل : يعني الواحد مايتابع اخبار عندج .. قومي روحي لزوجج .. طلعي معاه استانسي . دانه : زوجي فديته معزوم عند صاحبه .. وبعديييين شدعوا فصول ماتبيني اقعد معاكم استانس .. اليوم زوارتي لكم . فـيصل : أي قعدي بس بدون ازعاج انتي ويا هالنزغه هذا . أم ضاري : كل شي ولا الغالي فهودي .. باجر لمن تتزوج وتشوف ولدك .. ذيك الساعه تعرف غلاته شلون . ابتسم فيصل لاشعوريا .. دانه انتبهت على فيصل : احم احم اشفييه فيصل يتبوسم .. لايكون ترك سوالفه وقرر انه يتزوج . فيصل حس بدانه وحذفها بالمخده : أي بتزوج عندج مانع . دانه واهي تشيل ولد اخوها فهودي : لا اكيد ماعندي مانع .. بس منهي سعيدة الحظ ؟ فيصل : كل شي بوقته حلو . دانه : لايكون حنين بنت عمي ؟ فيصل : لا مو حنين .. وحنين ما افكر فيها كزوجه . دانه عقدت حواجبها : اذا مو حنين منو يعني .. وبعدين انت ناسي ان حنين محيره لك ..؟ لانك ولد عمها وأولى فيها . فيصل تضايق : انا عايفها مابيها غصب .. وبعدين اللي ابي اختارها .. انتي تعرفينها عدل . دانه رفعت حاجبها : اعرفها منو ؟؟ فيصل بأبتسامه عريضه : لولوه بنت خالي محمد . دانه بلعت ريقها .. لولوه لا مستحيل : اشمعنى لولوه ... بس مادري يمكن ما توافق ؟ فيصل عقد حواجبه بأستغراب : ليش انشالله ماتوافق ؟ أم ضاري : لولوه بنت أخوي محمد .. والله وستين نعم .. زينه وماعليها قاصر . دانه توهقت : ها مادري .. يمكن انت مو ستايلها . أم ضاري : شنهو ستايل شتقولين يادانه .. وليه ماتوافق . دانه : يمكن البنت ماتفكر بالزواج . فيصل : اذا طلبت أيدها ورفضت .. ذيك الساعه .. اعرف .. وبعدين ليش ترفضني .. شايفتني ناقص ؟ ام ضاري : لا يايمه انت كامل والكامل الله وألف وحده تتمناك .. وعسى الله يتمم اللي فيه خير . دانه ماتدري شتقول : ها مادري عاد .. متى ناوي تخطبها ؟ فيصل : مثل ماقلت لج .. كل شي بوقته حلو .. أول شي بسوي مسألة حنين مع ابوي واتفاهم معاه . دانه تمتمت بهمس : الله يستر . وتمت تفكر شلون لو درى نواف عن فيصل ؟؟؟؟ الله يستر لايكون هذي بداية حرب بين فيصل ونواف .. والضحيه لولوه *** بعيد عن التوتر اللي صار لدانه ... الساعه 5 المغرب جهزت نوره نفسها .. تمت تطالع نفسها بالمرايه شكلها كان بسيط (( تنوره جينز وبلوزه لونها اسود مع ملفع أسود )) وهي على استعداد انها تروح تغامر وتقابل أم زياد ... أم زياد (( عاليه الراسي )) أشهر سيدة اعمال ومجتمع في الكويت و في الخليج العربي .. لها معارف كثيره واللي يقابلها لازم يعمل لها ألف حساب . دقت عليها شهد اللي كانت تنتظرها برا : يلا نوروووووووه خلصي انا برا . نوره وهي تنزل : يلا كاني نازله لج . قابلت امها ,, باستها .. أم خالد : انتبهي لنفسج انتي ورفيجتج . نوره وهي طالعه : انشالله .. لاتنطروني على العشاء . ابتسمت ام خالد .. لانها ارتاحت لما تشوف بنتها نوره رجعت لطبيعتها وقدرت تطلع شوي شوي من قوقعتها اللي صابتها من شهرين .. ودعت الله انه يبلغها فيها ويرزقها ويوفقها بحياتها هي ونوف . طلعت نوف وهي ماسكه كيس كبير لبطاط نايس .. ولابسه بلوزة اخوها خالد وبرمودتها .. وشعرها طبعا كالعاده مسويته سبايكي هههه .. شافت امها واقفه وشكلها كانت تدعي .. راحت لها : تقبل الله يمه .. شدعيتي لي ؟ ام خالد : اعوذ بالله .. دعيت لج بالهدايه.. وبعدين جم مره اقولج مشطي شعرج . نوف تضحك : يمه هذي الموضه جذي . ام خالد : بذمتج هذي موضه .. جنج ديك مو بنت .. وبعدين ماعندج ملابس .. شهاللبس هذا .. صرت ما افرق بينج وبين خالد . نوف تطالع بلوزتها : أي هذي بلوزة خالد عطانياها . ام خالد اكتفت انها تهز راسها وسألتها : شسويتي بأمتحانج . نوف اضحكت لانها تذكرت شسوت بطلال : هههههههههه تمام . أم خالد : يمه بنتي انجنت ..علامج تضحكين !!! . سمعوا صوت جدتهم جايه ..نوف بصوت واطي : لايحوشك الحكومه وصلت .... راحت نوف ركض لغرفتها .. لان جدتها كل ماتشوفها بهالمنظر تهاوشها وتطقها بالعصايه (( عجرا )) هههههههه . *** نورة وهي تركب السياره : السلاااااااام عليكم . شهد : وعليكم السلام ... يلا نمشي . نوره : اوكي .. بس تعالي عرفتي مكان بيتهم وين ؟ شهد : افا عليج .. أي عرفت .. طبعا بشار قال لي . نوره تبتسم : بشار قالج .؟؟ اشوف اعتمدتي على بشار ؟. شهد : يوه يانوره تفكيرج كله غلط فيني .. يعني ماعندج مفهوم زماله . نوره : انشالله يصير اللي في بالي . شهد عرفت مغزى كلام نوره وبصوت عالي : أمييييييييييييييييييييييييييييييييييييين . اضحكوا مع بعض . وصلوا لمنطقة الـروضه .. نورة حست بأنقباض في صدرها .. انتبهت لها شهد : نوره اذا ماتبين مو لازم ترا . نوره تبلع ريقها : لا لازم بالنسبه لي ... كملي دربج . شهد : يمكن ماتستقبلج .. انتي تدرين انها ماتستقبل أي احد .. هذي وين واحنا وين . نوره : يوووووه ياشهد لاتخرعيني .. المفروض تشجعيني . شهد : بس يانوره .. مالها داعي روحتج .. شنو بتقولين لها . نوره : بعزيها اول شي وبعدين بقول لها انا زميله زياد بالدراسه . شهد : بتقولج شكو او ليش يايتها .. امبيه انا الحين خفت عليج . نوره : شهد بتكملين طريقج ولا شنو ؟؟ شهد : امبلا بكمل . وأخيرا وصلوا لمرادهم وللعنوان المطلوب . (( كانوا واقفين من ورى السور المحيط للفيلا العوده .. وبوابة الفيلا بالنص وكان فيها البواب والسيكيورتي اللي يحرس .. كانت الفيلا خياليه كأنها قصر في الافلام القديمه ..طريق طويل من ورى البوابه يؤدي الى الفيلا وعلى اليسار واليمين حدائق ولا في الاحلام .. ومن ثم في دوار صغير للسيارات بالوسط داخله نافوره صغيره.. وبعدين باب الفيلا الذهبي المزخرف بأشكال هندسيه .. قباله فيه تمثالين أسد على اليمين وتمثال ثاني اسد على اليسار .. كان قمه في الفخامه )) شهد ونوره بققوا عيونهم واهم يشوفون القصر جدامهم ... شهد بطلت حلجها وقالت : شوفي هالقصر .. وهالسكيورتي ... معقوله زيااااد عايش اهني . نوره تبلع ريقها اللي نشف : تهقين يدخلونا ؟ شهد : طبعا لأ . نوره : شهد روحي صوب البوابه .. خل نكلمهم عشان يدخلونا . حركت شهد لصوب البوابه .. اللي وقفهم السيكيورتي تقدم في بدلتة الرسميه ونزل لهم : نعم في شي .؟ شهد بصوت متوتر : احنا جايين نقابل السيده عاليه الراسي . السيكيورتي : عندكم موعد معاها ؟ شهد : لا احنا جايين بدون موعد . السيكيورتي : ارجعوا من وين ماجيتوا .. ماقدر ادخلكم الا اذا كان لكم موعد معاها .. هذي اوامر من السيده عاليه الراسي . نوره تدخلت : الله يخليك احنا طاقين درب وجايين بنقابلها ضروري . السيكيورتي : اسف ماقدر ادخلكم .. ارجعوا .. قبل لا اضطر اني ارجعكم بالقوه . شهد خافت وسمعت كلامه .. ارجعت ورى .. اما نوره عصبت : عما بعينه صج مايستحي .. شنو يرجعنا بقوه . شهد : يامعوده يسوويها .. ماشفتي امثاله بالافلام . نوره : تكفين شهد ابي حل شلون .. قولي لبشار يدخلنا . شهد : صج فشله شنو بقول له .. انهم طردونا ومارضوا يدخلونا .. لا يبه بينقص ويهي يامعوده .. هذيلا الاغنياء مايهمهم شي .. فليش تعبين عمرج عشانها .. خلاص تقبلي الواقع . نوره اسكتت .. وشهد للحين ماعرفت نوره عدل .. اذا حطت شي في راسها لازم تسويه . *** نرجع لـمنى .. اللي تعودت على جو الحفلات المختلط .. واسبوعيا كانت تطلع تسهر بالحفلات .. وكل مايسألها ابوها عن التأخير تقول له انها كانت في عرس وحده من رفيجاتها .. كانت ساره تعرفها على عيال الهوامير .. عشان الفلوس طبعا .. اما منى ماكانت تدري بنية صديقة عمرها ساره .. وشنو ممكن تسوي فيها . *** لـولوه واخيرا طلع قبولها في التوظيف .. بس ماقبلوها بالمكان اللي تبيه ,, صابتها خيبة امل كبيره .. بس احمدت ربها .. لان غيرها وايد يتمنون الوظيفه .. باركوا لها الكل على القبول .. وراحت أهي وضحى ورفيجتها شوق للسوق .. عشان لولوه تشتري للدوام وضحى تكمل الاغراض اللي ناقصتها .. ماخلت شي ماشرته .. كانت حريصه بالاهتمام في اناقتها .. شروا وخلصوا .. واقعدوا يشربون قهوه . شوق : ما رجع نواف من السفر ؟ لولوه : انشالله الاسبوع الجاااااااااااي . شوق : يوصل بالسلامه . ضحى : واخيرا خلصت كل اغراضي ... صج فكه وراحه . لولوه : ضحى ما اوصيج على احمد ديري بالج عليه . ضحى : فديته والله .. بحطه بعيوني .. مايحتاج توصييين .. بس هو خل يحط باله علي . شوق : متى عرسج ضحى ؟ ضحى بحيا : بعد أسبوعين . شوق : عسالله يوفقج حبوبه .. (( وبغمزه )) كثري من اللي خبري خبرج . لولوه + ضحى : ههههههههههههههههههههههههههه لولوه : وجع ماتستحين . شوق : أي ماقلت شي خخخخخخ .. عادي عروس . ضحى : افا علييييج ماخليت شي ماشريته ألوان واشكال هههههههههههههههههههه . شوق : كفو والله خخخخخخخ ماوصيج تهبلين فيه اول ليله خخخخخ . وقطع الحديث رنين موبايل ضحى .. اللي كان طبعا احمد .. اشرت لهم يسكتون .. وبدلع : هلا حبيبي . أحمد : هلا قلبي .. ها عمري كفوووج الفلوس .؟ ولا تبيني ازيدج ؟ ضحى تلعب بجنطتها : أي حبيبي عسالله لايحرمني منك .. كفوني وزادو بعد .. وقلت بشتري لك معاي . أحمد : يابعد عمري .. لا خليهم لج .. انا بعدين اشتري . ضحى : لا ياقلبي لازم اشتري لك معاي .. على فكره شريت لك طقم بجايم جناااااااااااان نفس طقمي . أحمد : عساني ماخلا منج .. يلا قلبي اخليج الحين تكملين تسوق .. انا بروح مع صاحبي نتعشى وأول ما اخلص ادق عليج .. مع السلامه . ضحى : اوكي .. بالسلامه حبيبي . لولوه وشوق تموا يطالعون ضحى ويبتسمون .. وضحى بادلتهم الابتسامه .. اما شوق ترفع ايدها فوق و بصوت عالي : يارب تزوجني . الكل ضحك عليها . *** فواز كان سهران بشقته مع سلمان وساره وجم بنت .. فواز وهو ماسك الكاس .. اخذ ساره على انفراد : ساره انا اسف اني طولت صوتي عليكم انتي ومنى وانا حاب اعتذرلج . ساره رافعه حواجبها : أي عادي اصلا ما اهتم لسخافاتك بصراحه . فواز يبتسم : انزين يالغاليه ماقلتي لي متى تسوين اللي قلت لج . ساره بملل : عن قريب .. بس حاليا في شغله لازم اسويها لمنى وبعدين انفذ طلبك . فواز يشرب من الكاس : طيب شنو الطلب يمكن اقدر اساعد . ساره : لا ماعتقد تقدر .. شغله بين منى واختها . فواز جاله فضول انه يعرف شنو الموضوع : طيب قولي يمكن اقدر . ساره فكرت يمكن يساعد ليش لأ : اممممممم بس الجو مايساعد اقول لك . فواز يضحك ضحكه عاليه : هههههههههههههه احلا جو واحلا مزاج ... صدقيني يساعد انتي جربي . ساره تضحك : هههههههههههه اوكي بقول لك . ((( أكيد تسألون عن ساره وشلون صارت جذي .. ساره متغيبه عن اهلها من سنتين.. من بعد ما ضاع شرفها .. واهلها تبروا منها .. فحياتها كلها سهر وخرابيط من شقه لشقه ))) يـــــــــتبع |
قالت له ساره عن كل شي .. وعن خطة منى ضد اختها لولوه ... واكيد عن نواف . فواز مسك الكاس بقوه : يعني منى تحب ولد عمها نواف . ساره : أي اكيد .. وليش تبي تفرق بينهم عشان هالشي ههههههههههههههههههههه . فواز فكر لصالحه وان هالشي بيقربه من منى .. ابتسم ابتسامه خبيثه : طيب انا بساعدكم . ساره : صج .. بس شنو تقدر تسوي ؟ فواز : خلاص انا اكلم منى واتفق معاها . ساره : تدري شلون خلني انا اكلمها واخليها تدق عليك اوكي . فواز : خل اكلمها انا افضل .. اوكي . ساره بلامبالاه : كيفك .. بروح لسلمان قاعد بروحه . مشت عنه ساره وراحت لسلمان تسهر معاه . فواز تم ساهي : الحين لازم اخليها تثق فيني ولا اتسرع . (( ياترى شنو في بالك يا فواز )) *** منى كانت قاعده تشوف التلفزيون بغرفتها .. رن موبايلها .. ارفعته وشافت الرقم .. كان رقم فواز .. منى بضيقة خلق : اففففففف هذا مايزهق .. صج ماينعطى وجه .. لازم احط حد بيني وبينه . ردت عليه بملل : نعم . فواز يتبسم : حي الله القاطعه .. عسا ماشر ماتردين علي ؟ منى : ماكو .. كنت مشغوله . فواز بنبره احتقار : أي ادري بشنو مشغوله .. بحفلاتج اللي كثروا هالايام .. الظاهر سعرج ارتفع . منى عصبت : احترم نفسك وعن الغلط . فواز يضحك بصوت عالي : ياحياتي تعلميني الاحترام .. ااالمهم ماعلينا .. انا متصل عشان ابي اشترك بخططج ؟ منى : مابي منك مساعده ولا شي . فواز بأصرار : صدقيني اقدر اجيب راس لولوه .. واسهل عليج امور واجد . منى : امممممم انت عرفت بالموضوع .؟ فواز : أكيد عرفته .. ساره قالت لي . منى تعدل جلستها : وشنو تقدر تسوي ؟ فواز : انا تحت امرج .. بس ابي اشوفج اول شي .. عشان افهم منج اكثر . منى مستعده تبيع عمرها عشان بس تدمر اختها لولوه وقامت تتمصلح : اوكي وهو كذلك .. شرايك اليووووم الساعه 7 . فواز ابتسم ابتسامه انتصار : خلاص الساعه 7 .. بشقتي حلو . منى : اوكي بس ساره تجي معاي ماقعد بروحي ... يلا اشوفك بالليل . سكرت من فواز وهي تحس بنشوة الانتصار .. ماباقي الا اسبوع واحد ويكون نواف لي انا وبس . صارت الساعه 6 ونص .. جهزت منى نفسها .. وانزلت تحت .. مالقت احد الا اخوها عبد المحسن قاعد .. طالعها بأستغراب : وين بتروحين بعد اليوم عرس رفيجتج ؟ منى : وانت شكو مالك شغل فيني .. فاهم .. وبعدين وينهم ؟ عبد المحسن : توني قاعد من النوم .. بس اعتقد ان امي ومي عند بيت خالتي ام يوسف . منى : وانت راح تطلع ؟ ولا بتتم اهني ؟ عبدالمحسن : لا مالي خلق اطلع . منى : انزين أبي سيارتك .. امي ماخذه السايق .. بروح مشوار وبرحع بسرعه؟ عبد المحسن وهو يحذف المفتاح لمنى : اوكي اخذيه بس لاتتأخرين يمكن اغير رايي وأطلع . منى بأمتنان : انشالله .. مشكووور محسن ماقصرت .. يلا باي . وصلت للشقه .. واتصلت على ساره .. بس ماردت : الظاهر فوق . اصعدت للدور الثالث .. وطقت الباب واستقبلها فواز بحفاوه .. قبل لاتدخل .. قامت تطالع بعيونها من تحت الغشوى الشقه وتتفحص المكان بتعرف اذا كان فيها احد .. حس فيها فواز : لاتخافين .. سلمان وساره ورؤى موجودين . ابتسمت منى وارفعت الغشوى عن وجهها .. وتقدمت الباب وفعلا مثل ماقال فواز .. سلمان كالعاده مع ساره ورؤى تتكلم بالتلفون .. قدم لها فواز جوكلت وبيبسي .. منى بجديه : فواز صج شنو تقدر تسوي ؟ قام وسحبها لغرفه هادئة : خلينا نروح للغرفه الثانيه .. هدوء .. اهني مانركز من ازعاج ساره وسلمان ورؤى . فواز وهو حاط رجل على رجل : كل شي اقدر اسويه .. لاتحاتين من هالناحيه .. بس خلي الخطه بيني وبينج مابي ساره تتدخل عشان نقدر ننتقم منها عدل . منى ونظرة الشر بعيونها : اوكي .. بس انا ابي انتقم منها .. أبي اذلها يافواز . فواز يبتسم وبخاطره يقول (( حتى انا راح اذلج يامنى )) : ابشري باللي تبين .. عطيني عنوانها واوصفيها لي وانا مستعد اسوي اللي تبين . منى : مشكور يافواز .. بصراحه ماتوقعتك تساعدني . فواز قرب منها ومسك ايدها وتم يضغط عليها : تدرين انفذ طلباتج لاني احبج . منى بدلع : واذا هالشي ضبط .. أبشر باللي تبيه . فواز يضغط ايدها اكثر : أي شي أبيه ؟ منى تبتسم : أي . فواز بيتأكد اكثر : شنو يضمن لي ؟؟ اخاف احقق اللي تبينه وبعدين تتنكرين .؟ منى تبي تخلي فواز يثق فيها عشان يحقق مطالبها : مو منى اللي تتنكر . فواز وهو يسحبها : اثبتي لي . منى بكل وقاحه احضنته وباسته وكأنه زوجها .. منى تطالع فواز اللي وجهه صار احمر وكأنه مخدر : هذا انا ثبت لك . فواز بصوت مخدر : بعد اثبتي لي .. ابي اكثر . منى تبعد عنه : لا فواز .. انت تدري اني مو متزوجه .. يعني بنت للحين .. وماقدر اسوي اكثر من جذي . فواز راح وصك باب الغرفه .. وطالع منى بنظرة ساحره : أبي بوسه بعد . منى اضحكت : لا حبيبي .. نفذ اللي قلته وبعدين اسويلك اللي تبيه واكثر بعد .. يلا عن اذنك ما اقدر اتأخر اكثر من جذيه .. اخوي يبي سيارته وانا جايه فيها . طلعت منى وهي تضحك على عقلية فواز .. صج انه مصخره هههههههههههه *** بـعد أسبوع في المطار ..(((( تن تن تن على جميع القادمين من الخطوط الجوية الكويتيه .. رحلة رقم 132 كويت – فيينا – كويت .. التوجه إلى البوابه رقم 4 وشكرا )))) . وأخيرا وصل لديرته الغاليه .. والاهم وصل لحبيبته لولوه .. طالع في وجيه المستقبلين .. أشر له أحمد من بعيد .. جا لعنده سلم عليه واحضنه : الحمدلله على سلامتك .. نورت الكويت بجيتك يا بو عبد العزيز . في السياره كملوا الحديث نواف : الله يسلمك يابو شهاب .. منوره فيكم ... شلونك يالمعرس وشخبارك ؟ أحمد يضحك : تو الناس ماصرت معرس بعد أسبوع العرس بإذن الله .. انت شلونك عقب السفر ؟ نواف يمسح وجهه : حدي مرهق اتصدق . أحمد : الله يعينك .. يلا هانت .. باجر تتزوج وترتاح هههههه . نواف يبتسم لان جا على باله لولوه : امين يارب ... عيل وين ابوي ؟ احمد : عمي مبارك وابوي رايحين لـدبي .. بيشوفون مشروع هناك وبيرجعون بعد ثلاث ايام . نواف : اها حلو .. عاد خاطري اروح دبي صراحه .. احب هالديره لانها حلوه وناسها خوش ناس طيبين واجواد . احمد : والنعم فيهم أهلنا الامارتيين فديتهم .. خلاص لما تتزوج تاخذ عروستك لدبي دار الحي نواف : الله كريم .. بس انت قبلي راح تتزوج .. اخذ حرمتك لها . أحمد : اكيد بلاشك .. نص شهر العسل بدبي . نواف : الله يوفقك يا أحمد .. تستاهل كل خير . وصـلوا للبيت .. سلم نواف على عمته فاطمه وجدته .. وعقبها اتصل على ابوه وعمه وبشرهم ان وصل والكل تحمد له بالسلامه . صعد لجناحه اللي اشتاق له .. حط جنطته وانسدح على السرير .. وشاف رقم لولوه وابتسم .. حب يكلمها ويسمع صوتها .. قبل لايتصل .. دق موبايله وفعلا كانت لولوه وكأنها حاسه فيه : ألوووو هلا حبيبي .. هلا بالصوت . لولوه بدلع : هلا بالغالي .. شخبارك .؟ نواف : بخير ولله الحمد انتي شلونج طمنيني عليج حبيبي ؟ لولوه : الحمدلله بخير ... يلا عاد متى ترد .. ماصارت مو انت قايل لي بعد اسبوع بترد .. وهالاسبوع مر ؟ نواف حاب يعشمها شوي : والله حبيبتي شسوي مالقيت حجوزات على الكويت .. انشالله بشوف بعد شوي . لولوه شوي وتبجي : يعني شنو عرس أحمد ماراح تحضر .. ماراح اشوفك . نواف يضحك بصمت : شسوي ياقلبي .. بحاول .. هالدرجه مشتاقه لي ؟ لولوه بحنان : واكثر يابعد عمري .. حبيبي ماتدري انت شنو بالنسبه لي . نواف : ياويل قلبي انا ... حبيبي مشتاق اسمع صوتج .. غني لي ؟ لولوه لبت له النداء وغنت له أغنيتهم (( بين أيديا )) نواف : آآآآآآآخخخخخ عليج .. يسلم لي هالصوت والله ... تدرين لو اني عندج شسوي فيج ؟ لولوه بدلع طفولي : لأ ما أدري . نواف : آآآآه ياشيخة الزين والله ثم والله لا اذبحج بوس وما اخليج تطلعين . لولوه : هههههههههههههههههههههههههههه .. حبيبي انت . نواف يكمل فلمه : حبيبي الحين بروح اشوف لي تذاكر .. يلا باي لولوه : باي . نام تقريبا ساعه .. قعد واخذ له دش عالسريع .. ولبس له دشداشه وغتره .. وطلع يسلم على ابوه .. ومن ثم توجه لمحل ورود .. واخذ باقة ورد كبييييره .. وعطى المحل عنوان بيت اهل لولوه وكتب على الكرت (( مبروك الوظيفه .. من ولد عمج نواف )) ... وطلب يرسلها الحين . وعقب قرر يمر على بيت عمه أبو احمد ويسلم عليه .. راح لمجلس الرجال ولقى عمه وعبد المحسن وأحمد قاعديين .. عمه تهلل وجهه اول ماشاف ولد اخوه نواف .. سلم على عمه : شلونك عمي عساك بخير .؟ أبو احمد : بخير الحمدلله على سلامتك ياولدي .. شخبارك عقب هالغربه . نواف يتقهوى : الغربه تبهذل الواحد ياعم .. الواحد دون ديرته وأهله مايسوى شي . ابو احمد يبتسم : انشهد انك قلتها ياولدي ... شوف وانا عمك اليوم عشاك عندي .. استأذنت من ابوك وقال لي تم . نواف : ياعمي ماله داعي تكلف على عمرك . ابو احمد وهو يحط ايده على كتف نواف : اذا ماسويتلك من اسوي له . احمد تلقف : سو لي انا يبه هههههههههههه . ابو احمد : ههههههه انت خلاص القلم مرفوع عنك .. زواج وزوجناك وشتبي اكثر . الكل ضحك أحمد بغشمره : شدعوا يبه ... ماستاهل . ابو احمد : تستاهل كل خير .. وانت ونواف عيالي مابينكم فرق .. وعقب العرس اسوي لك عشا . ألتفت لنواف اللي سهى بسالفة العرس ... انتبه له : علامك نواف فيك شي ؟؟ أحمد يغمز لنواف : لا يبه مافيه شي بس عيار يبي العرس ههههههه . نواف بضحك : ههههههههههههه انت ماتخلي عيارتك يا احمد . أبو احمد يبتسم : والله سعد حظي نواف يفكر بالعرس .. انا مستعد اروح واخطب له بنفسي .. بس يامر أمر . نواف حس ان هالوقت مناسب ان يخطب لولوه بس ماخبر ابوه عن هالشي واستحى : والله ياعم الواحد لازم يكمل نص دينه .. والريال دون مره مايسوى . أبو احمد : وانت الصاج .. ولاتحاتي ياولدي .. عروستك جاهزه (( يقصد منى )) . نواف تضايق وأحمد لاحظ هالشي حب يلطف الجو : أي عروسته جاهزه وهو يختار اللي يبي .. بنات عمه تحت امره . نواف ابتسم : يحصل خير انشالله .. يلا ابمشي .. اشوفكم بالعشا .. فمان الله . الكل : فمان الله . ابو احمد وهو يطالع احمد : علامه نواف تضايق ؟؟ فيه شي ؟ احمد توهق ومايبي يتكلم جدام عبد المحسن : لا مافيه شي .. بس تعبان من السفر . ابو احمد : ايه الله يعينه .. (( صوت على عبد المحسن )) : روح لاهلك وخل يزهبون العشا لولد عمك يلا قم . عبد المحسن : انشالله . قام عبد المحسن ودش الصاله وبصوت عالي : يممممممه يمممممممممممممممه وينج . أم احمد بالمطبخ : وصمممممه انشالله شتبي خير . عبد المحسن : يقولج ابوي اليوم عشا نواف عندنا ويبيج تزهبينه . ام احمد : نواف رجع من السفر ؟ عبد المحسن : ايه رجع اليووووووووم .. يعني شلون يسوون له عشى وهو مسافر . ام احمد تطق كتفه : وجع .. لسانك طويل صاير . عبد المحسن : يمه عندي لج بشاره ... ابوي قاله ان عروستك يانواف موجوده هههههه الظاهر يقصد اختي منى . ام احمد شوي وعيونها تطلع : صج .. الله يبشرك بالخير . راحت على طول واصعدت لغرفة بنتها منى .. اللي كانت قاعده وتكلم فواز .. طقت الباب : منى افتحي انا امج . منى : فواز انا بسكره الحين بشوف امي وعقب اتصل فيك .. يلا باي . افتحت الباب لامها .. : ها يمه شبغيتي . ام احمد تبتسم : عندي لج بشاره . منى ترفع حاجبها : شنو شصاير بعد ؟ أم احمد : نواف ولد عمج رجع من السفر وعشاه اليوم عندنا .. وخبرني عبد المحسن ان ابوج قاله ان عروستك جاهزه (( وهي تغمز لمنى )) منى تضحك : هههههههههه صج وناسه .. يلا يمه بروح ازهب نفسي حق العشا . صكت الباب .. وهي مستانسه واخيررررررررررررا صار .. والخطه لازم تبدي الحين .. اتصلت على فواز : الو هلا حبيبي .. طولت عليك ؟. فواز : لا عادي .. شتبي امج . منى والفرحه مبينه من صوتها : تقول لي ان عشا ولد عمي اليوم بنسويه . فواز : وانتي ليش مستانسه . منى : الحين لازم نبدي الخطه .. لأن وقتها حان .. مثل ماقلت لك .. روح وراقب لولوه وحاول انك تصورها .. وبعدين كلم نواف . فواز وفي باله يقول (( والله لا احرمج منه يا منى )) : اوكي خلاص الرقم عندي والعنوان عندي .. باجر الصبح براقب لولوه واحاول اصورها بالموبايل.. أخليج الحين . منى بسرعه صكته من الفرحه بوجه فواز اللي ماعبرته .. اما فواز قال : أي استانسي الحين باجر راح تندمين على كل شي يامنى . *** وصل البوكيه لغاية بيت لولوه .. خذته الخدامه لداخل المجلس .. ام لولوه كانت تتقهوى .. شافت البوكيه الكبير .. استغربت سألت الخدامه : منو اللي جاب هالبوكيه ؟ سـانتي : I don`t know madam . ام لولوه : جيبيه اشوف . شافت الكرت بأسم لولوه .. ماحبت تقراه .. أم لولوه : سانتي روحي نادي لولوه . لولوه واهي نازله من الدرج : كاني يمه خير شنو فيه ؟ أم لولوه : يمه هذا البوكيه تو واصل بأسمج . لولوه وهي تشوفه بأستغراب : ورد من منو ياترى ؟؟؟ قرت الكرت وأبتسمت ابتسامه عريضه واهمست لنفسها : ياعلني افداك .. قربت لامها : تدرين من منو ؟ ام لولوه : لا من منو ؟ لولوه مستانسه: من نواف ولد عمي .. شوفي شنو كاتب لي بالكرت .. (( مبروك الوظيفه .. من ولد عمج نواف )) . أم لولوه تبتسم : فيه الخير نواف ... بس لولوه مالاحظتي شي .؟ لولوه : لا يمه شنو فيه ؟ ام لولوه تبتسم : احسه حيل مهتم فيج . لولوه وجهها كله الوان من الفشيله والاحراج : لا يمه عادي ... يلا عن اذنج باخذ البوكيه . خذت البوكيه واصعدت لغرفتها .. شافتها نوره : الله شهالورد الحلو . ضحى تطلع من الدار : وناسه من منو هالورد . ونوف وراهم تغني : الورد للورد . لولوه اضحكت : هذا من ولد عمي نواف .. يهنيني على الوظيفه . نوف تحك راسها : حده جنتل ولد عمج . ضحى : ياربي ارزقني بباقة ورد ... بخلي احمد يجيب لي باقة ورد احلا من بوكيهج ههههههههههههه نوف : يا شين اللي يقلدون الناس الرزه والكشخه خخخخ ضحكوا البنات وادخلت لولوه لغرفتها .. وعلى طول دقت على نواف .. : هلا حبيبي أول شي شكرا على البوكيه الحلو .. وثانيا انا زعلانه وماراح ارضى . نواف يضحك : فديت الزعلانين .. والله ياقلبي حاب اسويها لج مفاجئة . لولوه نست انها زعلانه من سمعت ضحكة نواف : واحلا مفاجئة ياقلبي .. الف حمدلله على السلامه متى رجعت ؟ نواف : اليوم ياقلبي رجعت .. ها اعجبج البوكيه . لولوه بنعومه : أكيد يعجبني دامه منك . نواف : يلا هانت ماباقي شي ... انا اليوم معزوم على العشا حبيبتي .. ادق لج اول ماخلص .. اوكي حبيبي اموت فييييييييج . لولوه : بحفظ الله يالغالي . *** بدأ نهار جديد .. غيوم بيضاء صافيه .. واشعة الشمس الذهبيه تشع بحرارتها الدافيه .. وهواء بارد نسبيا ينعش الجسد .. كان يوم حلووووووو ومنعش .. صحت لولوه الساعه 7 استعدادا لأول يوم دوام رسمي .. احتارت شنو تلبس .. قررت تلبس لها بنطلون جينز وفستان بيج وذهبي كمه طويل ومعاه حزام بني وملفع بيج .. حطت لها فانديشن طبيعي ومسكره وغلوس .. وانزلت بكل نشاط وحيويه ,,,, تريقت مع امها وتمنت لها يوم حلو ونشيط ... اطلعت برا غمضت عيونها واستنشقت هواء صافي منعش .. وابتسمت .. سمعت رنة مسج من موبايلها .. افتحته وقرته بأبتسامه وكان من نواف : (( صباح الخير حبيبتي .. انتبهي على نفسج واحبج )) .. ردت له بمسج (( صباح النور غلاي .. انشالله .. احبك )) .. اركبت سيارتها وانطلقت في الطريق .. لاحظت سياره تتبعها وين ماراحت .. المشكله ماقدرت تتعرف على صاحب السياره لانها مظلله ... لفت يمين ويسـار ... لكن ماتوقف تم يلاحقها .. لولوه بتوتر : ياربي مووقته مغازل على هالصبح اففففففف . وصلت للدوام .. وقفت سيارتها بالباركينق .. والسياره اللي ملاحقتها .. اصفطت جنبها .. نزل منها واحد طويل .. توجه لها وطق على دريشتها (( نافذة السياره )) .. استغربت لولوه .. وبتشوف اخرتها معاه .. نزلت نص الدريشه : نعم اخوي بغيت شي . فواز بلم وتم يطالعها .. شهالجمال والنعومه ,.. بس كانت مألوفه له .. حاول يتذكر وين شافها .. بس قال لها بإصرار : انا شايفج قبل هالمره .! لولوه لاحظت اصراره و شافت وجهه عدل وتمت تتذكر .. تذكرت .. (( كانت مره رايحه موديه جدتها الطبيب وكان فواز جايب امه .. ومارضوا يدخلونه لغرفة ملاحظة الحريم .. فساعدته لولوه وقابلت امه وطمنته عليه )) .. : اييييييييييه تذكرت .. انت فواز عدل ؟ شلون الوالده وشخبارها ؟ فواز تذكر الموقف : ياهلا اختي .. الوالده عطاج عمرها . لولوه دمعت عينها : لاحول ولاقوة الا بالله .. الله يرحمها ويغفر لها .. اسفه اخوي ذكرتك . فواز : توفت قبل شهرين . لولوه بحنان : عظم الله اجرك اخوي . فواز : اجرنا واجرج . لولوه استغربت وتساءلت شيبي هذا .. وبأبتسامه : بغيت مني شي اخوي .!! فواز انتبه انه جاي ينفذ خطة منى : لأ .. بس حبيت اشكرج على اللي سويتيه لي . لولوه ارفعت حاجبها .. تو يشكرني الحمدلله والشكر : العفو وهذا واجبي .. الوالده الله يرحمها بمثابة أمي وانت بمثابة اخوي . هزته كلمة لولوه ... الوالده بمثابة امي وانت بمثابة اخوي .. وهو جاي بيدمرها عشان وحده واطيه نفس منى .. ادمعت عينه وقال بسرعه : اسف على الازعاج .. مع السلامه .. ركب سيارته وحرك بسرعه جنونيه .. وتم يطق السكان : شلون طلعت لولوه اخت منى !!! وليش فكرت جذي يافواز .. تبي تهدم حياة بنت ساعدت امك واعتبرتك أخو لها .. يااااااه صج مافيني خير . أما لولوه استغربت ولكن دعت لأمه بالرحمه والمغفره .. وانزلت من سيارتها .. وبدت أول يوم دوام بنشاط وحيويه .. وتعرفت على قروب حلو ومميز .. *** يتبع ... |
درالا وينك ؟ قصة في منتهى الروعة نستناك و ربي يعطيك العافية
|
نستناك طال الانتظار
عس المانع خيرا |
روايه روعه
الف شكر لك :flowers2: |
نوره أستأذنت من ضحى عشان تاخذ سيارتها لمشوار وبترد (( نوره عندها ليسن بس ماعندها سياره )) .. ضحى عطتها المفتاح .. وانزلت تحت .. طلبت من ميري تسوي لها شي خفيف تاكله .. دقت على بدور : هلا بدور وينج ؟ بدور : يالخايسه ليش ماداومتي .. كلنا ننطرج ؟ نوره : اليوم عندي مشوار .. باجر اداوام انشالله . بدور : خلاص عزمتي بتروحين .. بيطردونج مثل قبل .؟ نوره بإصرار : لا ماعليج .. اليوم داشه داشه وبقوه بعد . بدور : صراحه ماعندج سالفه ... المهم المحاضره بدت .. دقي علي اذا خلصتي باي . خلصت نوره ريوقها .. وركبت سيارة ضحى .. وتمت تسوق بهدوء وشوي شوي جنها سايق عليمي خخخخخخ ههههههه .. لو تشوفونها شلون تسوق جان تموتون من الضحك .. المهم .. وصلت لغاية الفيلا ... تقريبا الساعه 8 الصبح .. حركت السياره وراحت صوب البوابه ,,, طلع لها البواب وكان صعيدي : عاوزه ايي يابت ؟ نوره خافت من شكل شواربه خخخخخخ : أبي اقابل ام زياد ؟ البواب : إقده .. الست مش عايزي تأبل حد ؟ (( الست ماتبي تقابل احد )) نوره بترجي : تكفا الله يخلي لك اعيالك ويرجعك مصر سالم .. عفيا .. ابيها ضروري ضروري .. دخلني والله ما اقول حق احد ؟ البواب : انتي ماتفهميش يابت .. عاوزاني اعمل ايه ؟ نوره طلعت له دينارين خخخخخ يعني بقشيش : تفضل هذيلا .. واذا دخلتني اعطيك اكثر . البواب تم يطالع الفلوس .. فرضى انه يدخلها .. استانست نوره وادخلت بسيارتها وهي تمشي شوي شوي .. ليما وصلت للباركينق .. انزلت من السياره واهي تعدل من شكلها .. كانت لابسه ملفع وردي فاتح .. وبلوفر وردي بأبيض طويل للركبه .. وتحته جينز .. شكلها كان كيوت وحلو وبسيط .. طالعه بريئة وكأنها ملاك .. انبهرت من القصر اللي تشوفه لان كان قصر مو بيت .. كان يحتوي على غرف تشميس زجاجيه موجوده في المساحه الخارجيه برا .. والباب كان بجانبه عواميد ذهبية طويله ... ابلعت ريقها واضغطت على الجرس .. فتح لها رئيس الخدم .. وبصوت مرتبك : ممكن اقابل السيده عالية الراسي . رئيس الخدم : تفضلي داخل .. على ما ابلغها .. بس ممكن الاسم . نوره تبلع ريقها : قول لها نوره . راح رئيس الخدم عنها .. اما نوره طلعت عيونها .. شهالفخامه هذي .. زياد البسيط كان عايش اهني .. ماصدقت ..كان المجلس يحتوي على صالة كبيرة ودائرية .. تحتوي على اثاث غربي وستايل مميز .. والحواجز كانت من الزجاج الملون الفخم .. ولا الجرانيت اللي كان يلمع تحتها .. لدرجه تشوف صورتها من شدة لمعانه .. : ياربي انا وين جيت .. اكيد بتطردني . فتح الاصنصير واطلعت منه سيده أنيقه في العقد الرابع من العمر .. شعرها كان قصير وممتلئة القامه .. بس وجهها بشوش شوي ومايخوف .. وكان وراها رئيس الخدم.. قربت من نوره وبأبتسامة استغراب : انتي نوره ؟ نوره تلعثمت : أيـه أنـ ا نـ وره . حست فيها انها مرتبكه وخايفه .. أبتسمت أم زياد وقربت منها أكثر : ليش خايفه .. تعالي تفضلي ؟ خذت نوره لصالة استقبال الضيوف اللي كانت في منتهى الفخامه .. اقعدت : هلا يانوره ... طلبتيني .. انا اعرفج !!؟؟ نوره ابلعت ريقها وقالت بصوت هادي وناعم : لأ ماتعرفيني .. أنا نورة طالبه سنه أولى في جامعة الكويت كنت زميلة المرحوم زياد .. حبيت أوصل لج لأقدم لج تعازيي بوفاة زياد .. عظم الله اجرج خـالتي . أم زياد نزلت راسها بحزن : أجرنا واجرج . نوره شدت على صوتها عشان يكون واضح عدل : أكيد تسألين ليش جايه او شنو سبب زيارتي .. أقطعت كلامها ام زياد : انتي نوره اللي كان يحبها زياد عدل ؟ نوره تبلمت مره وحده .. اكتفت في انها تنزل راسها وقالت لنفسها : ياويلي الحين تزفني .. لو مو جايه ابرك لي .. أم زياد كملت : لا تنزلين راسج .. قولي الصج انتي ولا لا ؟ نوره بصوت شبه مسموع : أيه انا . أم زياد انزلت دموعها .. انتبهت لها نوره : لا ياخالتي تكفين لاتبجين .. مايهون علي اشوفج جذي .. انا اسفه اني جيتج وس اقطعت كلامها : لاتقولين جذي نوره لاتتأسفين .. انتي ماتدرين شنو اللي ضفتيه بحياة زياد .. كان يتكلم عنج ليل نهار .. عيشتيه أحلا ايام عمره .. ماتدرين شلون تغير للأفضل والسبه انتي ... انا اللي مفروض ادور عليج واشكرج .. لاني فعلا كان ودي اقابلج .. لكن ماحصلت فرصه . نوره بكت بهدوء .. ام زياد قربت منها واحضنتها : والله يانوره اني ماشفت شلون كان زياد فرحان الا لما تعرف عليج . نوره تجهش بالبكاء : والله ياخالتي اني حبيته وهو اول حب بحياتي .. وعمري مافكرت في انسان ثاني . ام زياد تمت حاضنتها : وهو كان يحبج ويودج .. والحين مسحي دموعج ولا تخليني ازعل . ابتسمت نوره على حنان أمه ... ماتوقعت انسانه بمنصبها الكبير بالمجتمع تكون بهالرقه هذي .. شلون زياد ماكان يحس بحنانها غريبه .. مسحت نوره دموعها وقدمت لها عصير واشربته .. وسألتها : خالتي من متى كان مريض ؟ أم زياد : اكتشفنا المرض من سنه تقريبا .. بس ماتطور هالمرض الا لما دخل الجامعه .. ماتدرين شلون اثر في نفسيته هالشي . نوره بحزن : وليش ماعالجوه . ام زياد بصوت يخنقه العبره : وديته كل مكان لكن للأسف ماله علاج .. فكانوا يعطونه مهدئات ... اهني انهارت ام زياد وتمت تبجي حيل .. نوره توهقت ماتدري شنو تسوي .. يوها الخدم وعطتها الخدامه مهدئ وماء واكلت الدوا وهدت شوي .. نوره بتلعثم : أسفه خالتي اني ذكرتج فيه . ام زياد بصوت مبحوح : اللي ذابحني وقاهرني .. اني ماقعدت معاه .. كنت مبتعده عنه ومشغوله بهالاجتماعات اللي ماتخلص .. ولدي راح ولا شبعت منه .. ولا حس بحناني.. دايم كان يقعد بروحه .. يتغدى ويتعشى بروحه .. اشوفه باليوم بس دقايق .. هذا اللي ذابحني يانوره . نوره ادمعت عيونها وتأثرت من كلام أم زياد : لاتخافين ياخالتي زياد مو ماخذ بخاطره منج .. كان دايم يقول لي عنج .. ويقول انج طيبه وحبيبه .. وهذا الشي اللي خلاني اقابلج . ام زياد تطالع نوره وبلهفه : يعني مو زعلان مني ؟ نوره بأبتسامه : لا مو زعلان ... كان دايم يسولف لي عنج وكله يقول امي انسانه مثاليه بس ظروف الشغل دايم تخليها لاهيه .. بس صدقيني ياخالتي اهو يحبج ودايم يذكرج انتي والوالد بالخير . ام زياد حست بالراحه اللي فاقدتها من وفاة زياد لما سمعت نوره : الله يريحج مثل ماريحتيني .. انتي الحين بأعتبرج بنتي اللي مايبتها .. تكفين نوره دايم زوريني .. لما شفتج احس ان روح زياد موجوده معانا . نوره نزلت راسها وبعدين ارفعته بأبتسامه : انشالله خالتي ولايهمج انا بزورج .. بس ممكن طلب ؟ ام زياد : باللي تامرين فيه ؟ نوره : ممكن اشوف غرفة زياد ؟ ام زياد هزت راسها بالايجاب .. راحوا بالاصنصير واضغطوا على الدور الثالث .. تبطل الاصنصير .. وشافت الدور كأنه نظام الأجنحه الفندقية الراقية .. وكان في جناحين مقابلين بعض .. وقفت ام زياد عند جهة اليسار وعطت نوره المفتاح : هذا مفتاح زياد .. اخليج على راحتج وانا تلقيني قاعده تحت .. ونزلت راسها وكملت : لان مادخلت الجناح من وفاة زياد .. ولا ابي ادخل له عقب الغالي . تفهمتها نوره وابتسمت لها .. راحت ام زياد .. اما نوره تمت واقفه قبال الباب .. الحين حلمها تحقق .. بتكون في الجزء اللي زياد رسمه لهم .. يااااااه يازياد ليش رحت وخليتني .. وهي تحط المفتاح بالباب ارتجفت ايدها وماقدرت تبطل الباب وطاح المفتاح عالأرض.. خذت نفس عميييق عشان تريح اعصابها .. انزلت لتحت وخذت المفتاح وبطلته .. دشت الغرفه اللي ماكانت غرفه .. كانت عباره عن شقه فخمة .. بس لها طابع بسيط وهاديء .. تدل على شخصية زياد الغير مكلفه .. مشت بهدوء وتركت الباب مبطل .. تحس بالحزن ملك كيانها .. تخيلت زياد قاعد جدامها ويبتسم لها .. ادمعت عينها وهي تمسح على التواليت وهي تشوف (( مشطه وعطوراته )) .. على السرير (( كنبله ومخدته )) .. بطلت الكبت وشافت ملابس زياد للحين معلقه ماتحرك منها ولا شي .. طاحت عيونها على آخر بلوزة كان لابسها زياد لونها بني في بيج .. أمسكتها وقربتها لوجهها .. تمت تشم عطر زياد المفضل (( شانيل )) .. اقعدت على سريره تبجي ..: راح الغالي .. خلاص ماراح يرجع لي .. اااااه يازياد .. ليش مت وخليتني .. ماتدري اني محتاجتك .. ياليتني مت معاك ياليتني .. ارجع لي يازياااااد ارجع لييييييييي ... أنتبهت لظل واقف مقابلها : منو انتي ؟ نوره كانت منزله راسها واسمعت الصوت .. هذا صوت زيااااااااااااااد .. معقول زياد رجع معقول .. اوقفت ورفعت راسها وهي تبتسم .. واشهقت من الصدمه .. شافت عيون زياد .. وخشم زياد .. وشفايف زياد .. حتى حركة حواجبه نفس زياد . يشابهه لدرجه مخيفه .. حتى شعره نفسه .. بس كان شوي اسمر واطول من زياد . راكان بذهول يسألها : انتي منو ؟؟ وليش قاعده بغرفة المرحوم ؟؟ نوره ماقدرت تتكلم .. تمت واقفه .. تحس اعصابها وصلت للآخر .. حست بدوخه وقشعريره تسري في دمها من الصدمه .. أغمى عليها . راكان على طول ركض لصوبها .. وحاول يصحيها لكن لا استجابه .. مسك نوره وشالها بسرعه بإيدينه الكبار اللي كان حجم نوره مثل الريشه عنده .. ونزل تحت .. : يمه اغمى عليها .. انا رايح المستشفى .؟ أم زياد خافت على نوره .. وبسرعه قامت ولبست ملفعها راحت مع راكان .. وطاروا للمستشفى . في غرفة الملاحظة .. صحت نوره بعد ربع ساعه اغماء من شدة الصدمه .. شافت ام زياد قاعده على الكرسي جنبها .. نوره بصوت تعبان : انا وين ..؟ ام زياد : حبيبتي نوره انتي اغمى عليج والحين بالمستشفى ... لاتخافين .. حاولت اوصل لرقم أهلج ماقدرت .. عطيني رقمهم . نوره بتعب : لا تخرعينهم انا مافيني شي . نوره تذكرت اللي صار لها قبل الاغماء .. كان طيف زياد موجود .. نوره دموعها تنزل : خالتي انا شفت زياد .. شفته والله شفته وكملت تبجي . ام زياد دمعت عينها مع نوره ... وتأكدت من نوره وحبها الكبير لزياد .. حسبالها البنت انجنت ولا صار فيها شي : نوره زياد مات .. الله يرحمه .. لاتخرعيني . نوره ووجها صار احمر من البجي .. وكملت وهي تبجي وماسكه ايد ام زياد : والله شفته والله العظيم شفته .. انا مو مجنونه والله مو مجنونه .. زياد كان جدامي .. اما ام زياد ماتدري شتسوي معاها .. جو النرس وعطوها مهدىء .. ونامت بهدوء .. اطلعت ام زياد حق ولدها راكان .. راكان بتلهف : ها شلونها الحين ؟ ام زياد : والله مادري ياولدي تقول شافت زياد . راكان : بس انا اخر واحد شافتني .. اول ماشافتني و أغمى عليها . ام زياد تفكر : يمكن حسبالها انت زياد .. لان انت واخوك الله يرحمه تتشابهون . راكان استغرب من هالبنت : يمه منو هذي ؟؟ ام زياد : هذي كانت زميلة زياد بالجامعه .. وزياد الله يرحمه تعلق فيها وحبها .. بس ماقال لها عن المرض . (( نبذة عن راكان .. راكان أخ زياد اللي اكبر منه بسنتين .. صار له 5 سنين وهو في الخارج .. قاعد في بيتهم بـلندن .. منها يكمل دراسته بالاداره ومنها يقابل شركة أبوه في لندن ومعاملاته .. كان يشابه زياد لدرجه مخيفه .. ماكان يفرق عنهم الا الطول لان راكان اطول من زياد وشوي اسمر ... وزياد كان بسيط اما راكان كان يحب الكشخه ومايلبس الا الماركات الغاليه وشوي مغرور )) راكان متسند على الكرسي : يعني حبيبة زياد الله يرحمه ؟ ام زياد بحزن : الله يرحمه .. كان مقرر يتزوجها .. بس للأسف المرض وقف بينهم . راكان تم ساكت يسمع امه . ام زياد : راكان انا لازم ارجع البيت اخوانك الصغار بروحهم .. نوره مو راضيه تعطيني رقم اهلها .. تقول لاتخرعينهم و راكان قطع كلامها : its ok mam , don’t worry , i`ll be with her . ام زياد : أخلي السايق يجيب سيارتها اهني .. وياليت لو توصلها للبيت افضل مابيها تسوق بروحها . هز راكان راسه بأنصياع لكلام امه ... اطلعت ام راكان اللي مفروض نقول ... وردت لبيتها .. اما راكان تم قاعد عند نوره .. يراقبها من ورى الزجاج .. شافها نايمه بهدوء .. شاف نعومة ملامحها .. انتبه لبساطة لبسها .. وليش زياد أختار نورة البسيطه لتكون حبيبة واشمعنى اهي من بد البنات ؟؟ .. اكيد في شي يميزها عن البنات .. بس هل راح اكشف هالشي !! مرت ربع ساعه .. سريعة بالنسبه لراكان .. جاله احساس انه يبي يقعد اكثر ويتابع نوره من بعيد .. صحت نورة ,,, تلفتت مالقت احد خافت .. انتبه لها راكان .. طق الباب بهدوء .. نوره بصوت مجهد : تفضل . دخل راكان وبأيده باقة ورد .. شافته نوره شوي وتطلع عيونها .. راكان تقدم بهدوء وحط الباقه على السرير .. نوره ارتجفت شفايفها : من انت ؟ راكان ابتسم بحنيه : انا راكان اخو زياد اللي اكبر منه . نوره نزلت راسها ودمعت عيونها بس الدمعه مانزلت ... قعد راكان على الكرسي ونطق اسمها بصوت رجولي آسر : نوره .. ارفعت راسها .. كمل كلامه : الوالده قالت لي عن كل شي .. يوم شفتيني حسبالج انا المرحوم .. اسف اني عيشتج بصدمه وانا عارف ان هالشي كله بسببي . نوره بصوت مرتجف : لا عادي ماصار شي .. ابلعت ريقها وكملت : بس زياد ماقال لي ان عنده اخو اكبر منه . راكان رفع راسها بحزن : ماجاب لج طاري عني ؟ نوره حست ان في شي كان بينهم : لأ ماجاب لي طاري . نزل راسه .. ويتمتم : الله يرحمه . نورة : أبي ارجع البيت . راكان وقف وحط ايدينه داخل مخبى الجينز : السايق جاب سيارتج .. ركبيها وانا راح اتم امشي وراج . نوره : لالا مابي لاتعب نفسج . راكان وهو يمشي بيطلع .. هز اكتافه : هذي اوامر الوالده وماقدر ارفض الامر .. سواء رضيتي ولا مارضيتي .. idon`t care . نوره : شهالغرور مالت زين .. صج فرق بينك وبين زياد . وقفت على حيلها .. وعدلت ملفعها .. واطلعت وعيونها تروح يمين ويسار تدور عليه . راكان واقف وراها ومتسند على الجدار : يلا نمشي . نوره لفت راسها بسرعه ورا .. وشافته واقف بكابه البربريز وبزمات قميصه الديور .. مشى من قدامها وهي مشت وراه ... وصلت لسيارتها والسايق بطل لها الباب .. ابتسمت للسايق وركبت السياره .. وشافت من منظرة السياره وراها راكان بسيارته الفارهه (( بـنتلي أسود )) يمشي وراها ليما وصلها البيت |
دقق على بيت نوره كان حلو على بساطه .. وفخم بالديكورات الخارجيه بس كان اصغر عن بيتهم ألف مره وبمنطقه متواضعه .. ابتسم لنوره ومشى قدامها .. اما نوره تم قلبها يدق بقوه . واصعدت غرفتها ونامت على طول . *** هـدى وفارس الثنائي اللي انحرموا من الحب لفتره والحب رجع لهم آخر شي .... خلص شهر عسلهم المصغر .. ردت لبيتها عشان تعيش اخر العمر مع فارس ... احضنت خالتها .. وفارس باس راس أمه .. واصعدوا لفوق .. فارس وهو يحظن هدى من ورى : حبيبتي باجر انشالله أمي مسويه لنا بوفيه .. والكل راح يحظر . هدى : بس ماله داعي الكلافه . فارس يلف هدى مقابله : انا حيل قصرت بحقج ,, ولو بيدي سويت اكثر واكثر . كانت هدى بترد لكن فارس حط اصبعه على شفايف هدى : انتي غيرتيني .. ورجعتي لي الثقه اللي كنت فاقدها .. احبج . ابتسمت هدى : وانا احبك . راحت بسرعه واتصلت على اهلها وبلغتهم ان باجر في عشا .... وكذلك اتصلت على بيت خالها بو خالد .. وكلمت خالتها أم لولوه وبلغتها انهم يجون كلهم . سكرت السماعه .. وشافت فارس قاعد على الكنبه وسرحان .. قربت منه : علامك حبيبي سرحان فيك شي ؟ فارس يبتسم : لا مافيني شي . أبتسمت وكملت ترتيبها للملابس .. اللي ماتحب الخدم يمسكون شي خاص فيها . *** اتصلت منى على فواز وبدلع : ألو هلا حبيبي شلونك ؟ فواز منسدح على سريره : هلا حبيبتي بخير وانتي .؟ منى : بخير حبيبي .. ها بشر صورت لولوه؟؟ فواز يبتسم : أكيييد صورتها ولا صور راح تستانسين عليهم . منى بصوت فرحان : صج يابعد عمري والله انك رجال وقدها . فواز : عشان تعرفين ان حبيبج ذيب ويسوي اللي تبين . منى : انزين ودقيت على نواف ؟؟ فواز : لا هالشي ماراح اسويه الا بشرط . منى : شنو الشرط ؟ فواز : انا بسوي حفله بشقة واحد من الربع وابي اشوفج هناك . منى بتردد : بس ماقدر لأن فواز قطع كلامها : لاتخافين حفله مختلطة وساره أول الحضور . منى : اوكي دام جذي مايخالف .. بس متى ؟ فواز : ممممممممممم يمكن الخميس الجاي . منى : لالالا عرس اخوي ... خله الجمعه شرايك ؟؟.؟؟ فواز : وهو كذلك .. اشوفج الجمعه انشالله . منى تبتسم : اوكي يلا باي. سكر منها فواز .. شكثر صغرت بعينه منى وزاد احتقاره لها (( لازم يربيها )) .. وهالنواف .. ماحد بيصدمه غيري . *** بدأ يوم جديد ... والكل استعد لعزيمة هدى .. لولوه طلعت لها بدله بسيطه وكثرت من الاكسسوارات اللامعه.. وكذلك نوره وضحى اللي اكشخوا اخر كشخه.. اما نوف قاعده ماتبي تروح .. نوره تسحبها : شنو تقعدين بروحج .. امشي . نوف : مابي رايحه اهناك .. ماحب المكان . نوره : شنو ماتحبين المكان ,, متى شفتيه عشان تحبينه يلا امشي . نوف : مابي يعني مابي . ضحى : خليها تولي كيفها .. هذي تدلع . مدت نوف بوزها لضحى .. وطلعوا نوره وضحى اللي راحو مع سيارة بو خالد .. تمت قاعده لولوه وامها بيلحقونهم على ماتجهز لولوه .. أنتبهت لنوف قاعده مبوزه .. وحالتها حاله : نوف ليش مارحتي معاهم . نوف منزله راسها : مابي اروح هناك . لولوه استغربت .. لانها تعرف نوف تحب الطلعات : انزين تقعدين بروحج معقوله . نوف : لولو خلاص قلت لج ماني رايحه لأن .. اسكتت نوف . لولوه اقعدت يمها : لأن شنو قولي . نوف : بصراحه ماعندي شي ألبسه كل لبسي سبورت .. وحتى مكياج ماعرف احط .. فليش أفشل نفسي جدام الناس واهم مسويين عزيمه كبيره واكيد اوادم بتحضر . لولوه أبتسمت : بس عشان هالسبب هذا بتقعدين . نوف : خاطري اكون نفس البنات اللي يكشخون بس ماعرف .. الكل ينظر لي نظرة اني صبيك وانا ماحب هالشي .. الكل يقول مافيني انوثه. أسحبتها لولوه : قومي انا اخليج اليوم تصكين على كل البنات اللي موجودين بالعزيمه . راحت لولوه وطلعت لها فستان سواريه ستان بلون الكراميل من فوق كوكتيل ومن تحت فرنسي وسيع وفيه حزام شك شوارفسكي .. شكله قمه في الانوثه والاثاره .. اطلبت من نوف انها تقيسه .. نوف شافته : من صجج البس هذا لا يبا . لولوه : عفيا نوف قيسيه والله يطلع يهبل عليج . أم لولوه تصوت على لولوه من تحت : يلا يالولوه خلصي . لولوه تصرخ : لحظه يمه نطري شوي ... طالعت نوف : يلا خلصيني لاتأخريني . نوف بأنصياع : انزين . ألبسته نوف وكان عليها اكثر من رائع ... بين خصرها النحيل .. لولوه تشوف نوف : وااااااااااو عجييييييييييييب . نوف : صج !! لولوه تبتسم : الحين باقي مكياج . مكيجتها لولوه .. حطت لها شدو دخاني بني بتدرج الذهبي .. وحمرا برتقاليه فاتحه وبلاشر اورنج وحطت لها لمعه ذهبيه تحت العيون وعلى الخشم .. استشورت شعرها وخذت لها دبوس ذهبي وحطته على جنب .. ونفشته شوي من جدام .. طلع شكل نوف قمه في الاثارة والانوثه .. لدرجه ان نوف استانست وهي تحس نفسها اول مره حلوه : وااااااااي هذي انا اتصدقين اهبل .. طلعت احلا من اليسا خخخخخخخ . لولوه : واحلا من القمر بعد ... اخذي الصندل الذهبي .. وبسرعه لبسي العبايه وخلينا نروح . واخيرا وصلوا للعزيمه .. ام فارس كانت عازمه ناس وايد .. المهم انزلوا .. وسلمت لولوه على هدى .. ونوف وراها .. هدى : نوف هذي انتي .. ماشالله تهبلين والله ماعرفتج . نوف انحرجت : مشكوره هدى .. قلت بغير من شكلي شوي . هدى : أي يامعوده جذي تهبلين . نوف : عيونج الحلوه حتى انتي تهبلين بعد . استأذنت منها هدى عشان تسلم على المعازيم .. اما نوف تمت قاعده بالمجلس وراحت صوب خواتها .. ضحى : نوف شمسويه بعمرج ... من ضبطج ؟ نوف تعدل دبوسها : هذي لولوه استلمتني ومارضت تخليني بروحي . نوره : زين تسوي فيج .. الحين صرتي بنت قبل ماينعرف لج ههههههه . بدور وهي تأشر لهم من بعيد .. جايتهم ركض : هاااااااااي . البنات : هايات .. ها وينج تأخرتي . بدور : على مارحت صالون سويت شعري ... طالعت بدور في نوف : اف اف اف نوف كاشخه في مناسبه عاديه ما أصدق . نوف : يبه خلاص عاد ماتسوى علي اني اكشخ .. صج انكم تضيقون الخلق صراحه .. خل اقوم احسن لي . بدور تضحك .. : احسن عشان اخذ مكانج .. لأن ابي نوره في سالفه . قامت عنهم نوف .. وكانت تمشي شوي شوي لان الكعب طويل حيل : ياربييييييييه كل مكان متروس شنو هذا افففففففففف ... انا وين لبست هالبس .. لو على جنزي وبلوزتي ابرك لي .. خل اطلع يم النافوره اللي برا احسن لي . بدور اقرصت نوره وهمست لها : ها شصار . نوره : سكتي ماتدرين شصار فيني . قالت لها نوره كل السالفه . بدور طقت صدرها : أخو زياد التوأم ...؟؟ نوره : لا مو اخوه التوأم اكبر منه بسنتين .. وكان طول عمره بالخارج .. يوم توفى زياد رجع . بدور : معقوله لهالدرجه يشبهه ؟؟ نوره : والله يابدور اني انصدمت واغمى علي من الصدمه ... زياد واقف جدامي بس شوي طويل واسمر . بدور : انزين وشصار بعدين ؟ نوره : ماصار شي .. بس احسه غير عن زياد حده مغرور ومصدق نفسه . بدور : من حقه يغتر هذا ولد عز ومادام تقولين ان لبسه ماركات وسيارته بنتلي .. تبينه متواضع يعني هههههههههههههه . نوره : بالطقاق ماعلي منه ... تموا البنات يسولفون ويدردشون . اطلعت نوف يم النافوره .. وشافت هدى مع فارس .. استحت ورجعت .. طرت على بالها فكرة : ليش ماروح واشوف غرفة طلالوه ؟؟؟ ابتسمت على فكرتها .. وفعلا أصعدت للطابق الثاني .. وشافت الممرات فاضيه .. كانت الفرصه المثاليه بالنسبه لها .. راحت لآخر الممر ولقت غرفه .. بطلت الباب وكانت الغرفه كلها حوسه .. ثياب واغراض طايحه تأكدت انها غرفة طلال .. ابتسمت بخبث تقدمت وسكرت الباب .. قعدت تدور أي شي تستخدمه ضد طلال .. لقت صعوبه في التنقل من الوشاح اللي حاطته والكعب الطويل .. افصخت الكعب الطويل وحطت وشاحهها على السرير .. وتمت تدور .. كان في درج مقفل .. حاولت تفتحه لكن مقفل ما قدرت عليه .. نوف تتسائل : اممممم أكيد هالدرج فيه اشياء مهمه .. ولازم افتحه واكسر خشم طلالوه .. تمت تحاول وتحاول لكن ماقدرت .. أففففففففففف ماقدرت افتحه .. وشافت موبايل طلال طايح عند الكمدينو .. ابتسمت: هههههههه موبايل بعد هين ياطلال بشوف رفيجاتك واخرب عليك .. سمعت صوت خطوات برا الباب .. نوف انقلب وجهها ابيض من الخرعه .. ياويلي وين اروح .. بسرعه اركضت وانخشت تحت السرير ومعاها الموبايل .. وعيونها على الباب .. شافت مقبض الباب ينفتح بهدوء .. ماقدرت تشوف الشخص .. لكن شافت ثوب ابيض ونجديه بيج .. نوف بهمس : اكيد هذا طلال .. ياعلني المرض انا وين جيت اهني .. نوف تذكرت الوشاح والكعب .. طقت وجهها وقامت تدعي على عمرها لو الارض تنشق وتبلعها . طلال دش الغرفه وهو يصفر .. مانتبه للكعب والوشاح نتيجة الحوسه والثياب الطايحه .. راح صوب الكمدينو وقعد بقوه على السرير .. مما طق راس نوف على الخفيف .. ونوف تنزل راسها و بهمس : اااخ . طلال مانتبه للصوت .. تم يفتح الكمدينو .. : ياربي وين حطيت موبايلي . نوف بققت عيونها وبيدها موبايل طلال .. ياربي شسوي .. تم يدور ويدور .. واتجهه للغرفه الثانيه .. وتم يدور وفجأه طق رجله شي .. انتبه ولا كعب نسائي طويل .. رفع حاجبه ومسك الكعب : هذا شجايبه عندي ؟؟ وطاحت عينه على وشاح نوف .. مسكه بأستغراب : شنو هذا ؟؟؟ قربه منه وشم ريحته ولقاه عطر نسائي .. ابتسم .. يعني في احد بغرفتي .. بس منو هين بشوف منو ههههه ؟؟ أول شي سواه .. قفل باب غرفته وحط المفتاح بمخباته .. نوف اسمعت صوت تسكيرة الباب .. استانست لانه طلع وذلف اكيد .. أطلعت من تحت السرير .. وبصوت عالي : مالت عليه وعلى غرفته الوصخه .. خربت بدلة لولوه ياويلي .. راحت عند الكمدينو بتعدل من شكلها وشعرها .. طلال بالجهه الثانيه انهبل على نوف .. شهالملاك هذا والجمال .. معقوله هذي نوف .. بس تذكر جامة سيارته .. الحين بتاخذ بثارك ياطلال .. نوف مسكينه ماتدري ان طلال بالجهه الثانيه .. جات تدور نعالها ووشاحها عشان تطلع .. مالقتهم .. طلال بصوت ساحر : تدورين على هذيلا .؟ نوف انصدمت .. وتيبست مكانها ,, وشوي عرقها بينط من الصدمه .. طلال يقرب منها ويطالعها من فوق لتحت وبوقاحه : ماتوقعت انج بهالجمال هذا وجسمج حلو ومقسم .. قرب منها وشم شعرها : ولا ريحتج احلا بعد . نوف لا شعوريا دزته حييييييييل .. واركضت صوب الباب ولكن هيهات لقته مقفل .. نوف وهي تطق الباب بقوه وتصرخ : بطلوا لي البااااااااااااااااااب بطلوا لي... هدىىىىىىىىىىىىى بطلي الباب . طلال يضحك : لو تصارخين مني لباجر ماراح يسمعونج . نوف خفق قلبها بقوه والدموع تجمعت بعيونها .. نزلت راسها واحضنت ايدينها وبشفايف مرتجفه : طـ لال تـ كفى لاتقرب صوبي خلني اطلع . طلال يتقدم منها بخطوات بطيئة : نسيتي شسويتي فيني ؟؟ نوف ودمعتها انزلت وراسها للحين مارفعته : اسفه والله اسفه .. كنت خبله ومو صاحيه . طلال شاف شكلها شلون .. يااااااه تسحر القلوب صراحه .. طلال يبي يخرعها اكثر : انتي انتقمتي مني .. والحين جا دوري انتقم منج .... نوف بنفسها عندي .. وبأحلا لبس وأحلا شكل .. شبي اكثر ؟ نوف رفعت راسها وشاف أول مره دمعتها نازله على خدها الناعم .. ارفعت اصبعها بوجهه : اقسم بالله ان قربت مني ياويلك .. وربي مايحصل لك خير . طلال استانس على الوضع .. قرب منها حيييييييل ونوف لازقه على الطوفه .. وصدره شوي ويصير على صدرها اللي يرتفع وينزل من الخرعه .. مسك ايدها لأول مره حس من لمستها بروده تسري بجسمه... وبقبضته نزل ايدها حيل .. نوف تبي تدزه وتبعده لكن ماقدرت لانه مسك ايدينها وهو قوي البنيه ماتقدر عليه .. تصرخ : ابعد عني وخر.. ياحقير ياسافل . طلال يحط ايده على فم نوف : انا قلت لج لو تصارخين مني لباجر ماراح احد يسمعج .. وتم يطالع عيونها الناعسه الكبيره ورمشها الظليل .. شاف دموعها تنزل بغزاره مسح دموعها بيدينه .. طلال بهمس رومانسي : لاتخافين ماراح اسوي لج شي .. ماني واطي للدرجه هذي .. انا كنت بس ابي اخوفج .. عشان مره ثانيه لاتحطين راسج براسي .. انا موقدج يانوف .. ولو اني حقير وسافل .. جان أخذت أغلا شي تملكينه .. ارتاحت نوف نسبيا وهي تسمع كلام طلال .. واعرفت ان ماراح يسوي لها شي .. بعد عنها طلال واخذ وشاحهها ولف فيه اكتافها وصدرها .. وعيونه مركزه بعيونها .. : ألحين روحي انزلي تحت لايفقدونج .. وانتبهي على نفسج . قبل لا يطلع .. طالع نوف للمره الاخيره وبأبتسامه : توني اعرف انج قمه في الانوثه .. غمز لها وطلع وصك الباب وراه .. اما نوف .. من الموقف كله رجولها ماقدرت تشيلها طاحت على الأرض وهي تبجي ... طلال طلع لمجلس الرجال وهو منبهر من شكل نوف .. اللي ماصدق انها نوف .. رفع ايده اللي مسك نوف فيها وباسها . انزلت لهم نوف عقب ماغسلت مكياجها اللي خرب من البجي .. راحت صوب لولوه .. : وديني البيت تكفين .؟ لولوه خافت وخذتها على جنب : اشفيج نوف .. ليش مسحتي مكياجج . نوف بدت تنهار وقالت حق لولوه عن كل شي .. من المدرسه لغرفة طلال .. لولوه : صج انه شهم ورجال .. لو غيره جان صارت سوالف .. الحمدلله ان الله ستر عليج .. وطفت كتفها : تستاهلين اللي صار لج .. يلا خل اقول حق امي واجيب عبايتنا .. انتي خلج اهني .. وفعلا راحت لولوه وجابت العبايه ولبستها نوف .. وراحوا للبيت .. واطلبوا لهم وجبات وتعشوا ... نوف اصعدت لغرفتها وفي بالها طلال اللي ماقدرت تطلعه من مخها .. وحست بأحساسيس ومشاعر غريبه بدت تدخل في قلبها .... نوف بذهول : معقوله انا احب البايخ طلال ؟؟؟ ليش لأ اضحكت ونامت . *** اليوم .... الليله ... واخيرا ... ليلة عرس أحمد وضحى .. كانت ليله من أحلا الليالي بالنسبه لهم .. دخلت لولوه الفندق وهي بكامل اناقتها .. من ناحيه الشكل والبدله والمكياج والتسريحه .. الكل التفت يوم شافها تقبل .. سلمت على خالتها أم خالد وجدتها وامها .. اللي كانوا قاعدين في طاوله بعيده .. عن طاولة أم احمد وبناتها .. وبعدين راحت لعماتها وسلمت عليهم .. منى قاعده وايدها على خدها وهي تشوف لولوه حست بالقهر .. ام احمد لاحظت بنتها : ماعليج انتي احلا منها من زين لبسها .. جنه خلاجين . منى تقوم ببدلتها البرتقاليه وتعدل اكسسوار شعرها .. انا بوقف عن الكوشه يمه انزين .. راحت منى عند الكوشه . في مجلس الرجال .. الكل قاعد يبارك ويهني لأحمد اللي كان طاير من الفرحه .. فيصل اغتنم الفرصه وقال جدام اهله والمعازيم : ياعم .. يشرفني اني اطلب ايد بنتك لولوه .. نواف اللي كان يستقبل المعازيم لف بقوه على فيصل .. قبل لايتكلم عمه .. نواف وبشجاعه : لولوه يافيصل لولد عمها وهو انا .. ومحد بياخذها غيري . فيصل ابتسم : انت لك اختها .. ولا انت نسيت ؟ نواف يطالع عمه : لا مانسيت .. ,البنت ماتسمت فيني ولا احد خذا رايي .. ولافيها قصور .. انا لولوه لي .. ومحد يقدر يمسك شعره من راسها الا انا . ابو احمد ابتسم برضا : الف مبروك يانواف ... لولوه لك والبنت لولد عمها . اهني اغتاظ فيصل وعصب ولف لعمه : يرضيك ياعم .. بنتك الكبيره تسمت بأسمه والحين مايبيها ..؟؟ ابو احمد : اللي يقوله نواف هو القول الصحيح .. كلهم بناتي ومافي فرق .. دامه ماطلع عن السلم . |
انقهر فيصل .. طلع من مجلس الرجال .. احمد يضحك مع نواف : مبروك عليك لولوه .. صج انك حقود مانطرتني اكمل العرس الا خطبت . نواف يضحك : الله يبارك فيك ... شسوي اخاف تروح علي . أبو احمد : مبروك عليك لولوه .. نواف يبتسم : الله يبارك فيك ياعم . ابو نواف : ليش ماقلت لي اخطبها لك رسمي دامك تبيها .؟ نواف : يبه الله يطولي بعمرك قلت ليما اعدل من اموري شوي واكلمك ... يلا حصل خير . وصلت الزفه .. وادخلت ضحى بثوبها الابيض المزين بالكريستالات وبذيلها الطوييييييل .. وطرحتها الاوروبيه اللي كلها كريستال .. تمشي بخطوات واثقه وكأنها أميره .. وصلت للكوشه وسلمت عليها امها وجدتها وكل البنات وتموا يرقصون .. اما ام احمد تمت قاعده بحقد وبنفسيه بعد .. وصلت زفة المعرس وكل البنات تغطوا بأستثناء لولوه .. راحت منى بسرعه عند الباب عشان تشوف نواف .. دش أحمد بهيبته وكشخته وبشته الاسود .. وعلى يمينه ابوه وعمه .. ودش معاه نواف وخالد بس .. كل البنات انهبلوا على كشخه نواف وخالد .. راحت منى وبتمثيل طبعا سلمت على اخوها وابوها وعمها .. اما نواف ماكان يشوف الا لولوه .. ولا درى عنها .. وصلوا للكوشه واهني سلمت لولوه على احمد واحضنته .. وسلمت على ابوها وعمها .. شافها نواف وتم مبلم من جمالها .. وغمز لها بعينه .. لولوه استحت ونزلت راسها .. كل هالموقف كان جدام منى .. اللي انقهرت من جد .. راحت بسرعه واقعدت على الطاوله .. اما احمد اللي مات وانهبل على شكل عروسته ضحى .. باس راسها وقعد عندها .. ام احمد كانت واقفه بالاخير .. عقب ماطلعوا .. راحت لولدها اللي استقبلها بأبتسامه .. أم احمد وكأن وجهها مغضوب عليه .. اهمست لولدها : عساك ماتتهنى دامك طلعت عن شوري ... وراحت عنه . كانت طعنه .. طعنه .. بصدر أحمد .. معرس ويسمع امه تدعي عليه بليلة عرسه .. انقلب وجهه 180 درجه .. انتبهت له ضحى واعرفت ان امه قال له شي يضيق خلقه .. امسكت ايده بحنان .. طالعها أحمد بنظرات حزينه .. هزت راسها بمعنى لأ وابتسمت .. رد لها الابتسامه ,, وباس ايدها .. أعلنوا عن زفه العرسان .. وتوجهوا لقفصهم الذهبي .. وبيتهم الزوجي ... لبدايه حيااااة جديده . *** وصلوا العرسان لشقتهم ... انبهرت ضحى وهي تشوف الشقه .. ماتوقعت ذوق أحمد راقي للهدرجه هذي .. احمد بصوت رومانسي : ألف مبروك ياحياتي .. ضحى بهمس : الله يبارك فيك . أحمد يقعد ضحى على السرير وماسك ايدها : الحين انتي صرتي زوجتي .. وعلى ذمتي .. وكرامتج من كرامتي .. أي شي يضايقج .. اتمنى ماترددين وتقولين لي كل شي .. وانشالله حياتنا نبي نبديها بحب وتفاهم .. وعسالله يبعد المشاكل عنا وانشالله الله يقدرني على اسعادج . باس راسها .. وكمل : انشالله بكرا الظهر طيارتنا .. زهبي نفسج . ضحى ابتسمت وهزت راسها بالايجاب . وبعدها توجه وبدل ملابسه وتوضأ عشان يصلي ركعتين لوجه الله .. بهاللحظه هذي .. ضحى بدلت ملابسها وألبست لها قميص نوم حرير لون بنفسجي فاتح فيه كريستالات على اطرافه وكان طويل وبالجنب له فتحات.. أمسحت مكياجها .. وحطت لها مكياج ناعم .. وتسريحتها خلتها مثل ما اهي .. شافت احمد مقبل لها وكان لابس بجامه حريريه لون زيتي ذو اكمام طويله .. أبتسمت وهي تشوفه جاي صوبها ... شغل لهم موسيقى كلاسيكيه .. وقعد قبالها تأمل ملامحها ولمس وجهها بأيده بحنيه .. : ها حبيبي شرايج نتعشى ؟؟؟ ضحى تبتسم بخجل : أوكي حبيبي براحتك . أحمد قام ومسك ايدها وسحبها .. ضمها حيل .. وهمس بأذنها : انا مسوي لج أحلا عشا . وفعلا توجهوا لغرفة الطعام .. وشافت ضحى الطاوله كلها شموع .. ومزهب الأكل بطريقه أوروبيه رومانسيه .. كان شكل الاكل يشهي صراحه .. وضحى ودها تنسدح على الاكل وتاكل من شده الجوع .. خخخخخخخ لولا العيب بس انحرجت من أحمد . أحمد يبتسم يطالعها : يلا وكليني .. ضحى استحت ونزلت لقمتها .. وسوت لها لقمه جديده ووكلت أحمد .. احمد فتح حلجه وعظ ايد ضحى .. ضحى بصوت عالي : اااااااااااااح عورتني .. في معرس يعض عروسته ؟ أحمد ضحك على عفوية ضحى : انا زوجج واسوي كل شي .. ضحى سوت نفسها زعلانه : شنو هذا مايصير جذي .. تعضني وانا مسالمه . احمد هد اللي بيده وراح صوبها .. لمس وجهها : تدرين اني احبج . ضحى هزت راسها بالايجاب . احمد يكمل : واحبج اكثر اذا صرتي زعلانه . ضحى هزت راسها بالأ .... قرب منها احمد .. ومسكها وشالها فوق .. اما ضحى تمت تصيح .. : لا أحمد تكفى لا اطيح . أحمد يضحك وهو يدور فيها : ماكو عطيني بوسه قووووووويه واهدج . ضحى تضحك : أي والله نزلني وراح اعطيك بوسه قويه . نزلها أحمد .. اما ضحى قربت منه وبصوت رومانسي : غمض عيونك حبيبي . أحمد غمض عيونه ,, قربت ضحى وعضت خشمه حيييييييييييل .. وبعدها اركضت تضحك .. احمد بصراخ : ااااااااااااااااااح عورتيني .. انا اوريج . تم يلحقها احمد و............ انتوا عارفين شنو صار خخخخ *** منى عقب الموقف اللي شافته في عرس اخوها .. وشلون نواف يغمز وييتسم حق لولوه .. حقدت اكثر واكثر .. مسكت موبايلها واتصلت على فواز : الو... حبيبي شلونك؟ فواز : اهلين هاه للحين على الموعد منى بدلع : أي افا عليك حبيبي .. انا كلمتي وحده بس لاتنسى اللي قلت لك .. فواز يضحك بخبث : ههههههه لا ولو شدعوه انا انسى اللي وعدت فيه حبيبتي ؟ انتي بس تعالي للحفله ويصير خير .. منى باطمئنان : ان شاء الله ولا يهمك باجر انا عندك .. جم فواز عندي..؟ فواز : طيب ناطرج باجر . *** من باجر .. الساعه 7 مساء .. تجهزت منى وألبست لها فستان لنص الفخذ .. وكت من فوق .. ومسويه شعرها كيرلي .. وحطت لها مكياج صارخ .. مرت من صوبها و أستغربت مي من شكل اختها : على وين انشالله ؟ منى وهي تحط حمرا : طالعه لحفلة رفيجتي . مي تطالعها من فوق لتحت : اشوف كثرت الحفلات . منى ماردت عليها .. خذت عبايتها وملفعها .. ودزت مي بكتفها .. وانزلت تحت ,, وطبعا ساره تنطرها .. أركبت السياره وتوجهوا لسهراتهم وقعداتهم .. وصلوا للشقه .. وفعلا لقوا الوضع يعجبهم .. مختلط ولبس فاضح وشرب .. افصخت عبايتها وسلمت على ربعها وكذلك ساره .. بهاللحظه هذي كان فواز يراقب الوضع من بعيييد ابتسم بخبث : طاحوا بالفخ هههههههههههههه . اخذ موبايله ودق على رقم نواف وتم يرن ويرن ... نواف بهاللحظه هذي كان بالمستشفى .. شاف الرقم غريب .. رد : نعم ؟ فواز : الو من معاي الدكتور نواف ؟ نواف : أي نعم معاك الدكتور نواف ... من يتكلم ؟ فواز : بجيبها من الآخر .. انا بصراحه انسان أحب الستر ولا احب الفضايح .. وما احب اطعن في شرف بنت عمك . نواف مسك التلفون بقبضه قويه وكان تفكيره كله بلولوه حسباله يتكلم عن لولوه : اكل خرا يالحقير .. ينقطع لسانك قبل لاتجيب طاري بنت عمي . فواز يضحك قصده يغيض نواف : لالا عيب ماله داعي العصبيه .. انا مثل ماقلت لك ابي استر على بنت عمك ... انت لو تدري وينها بهالوقت هذا جان ماقلت هالكلام . نواف سكر باب مكتبه وعلآ صوته : لو انت رجال ما كلمتني ورا التلفون ... تعال قابلني لو فيك ذرة رجوله .. واجهني كرجل . فواز يقطع كلامه : اسمعني ... بنت عمك الحين بحفلة مختلط وبجو ثااااااااااني وهذا عنوان الشقه المشبوهه .............. .أنصحك تروح لها وتجيبها من هناك قبل الشرطه لاتكبس عليهم . وصكر منه فواز وهو يحس بنشوة الانتصار .. نواف اختبص فوق تحت .. عرق جبينه من شدة التوتر .. قلبه يدق بقوه .. وكل تفكيره بلولوه .. أخذ موبايله بسرعه ودق على لولوه ولكن دون استجااااابه .. تم يرن ويرن لكن ماكو فايده .. وتم يصرخ : معقوله لولوه تخونيني معقووووووووووووووووووووله .؟ اخذ مفتاح سيارته وطيران على العنوااااااااااان .. طول ماهو بالطريق .. يفكر ياربي ليش تسوي فيني جذي .. شلون لا مو معقوله .. وبعد نص ساعه وصل لغاية المكان .. نزل من السياره والشر يتطاير من عيونه ..: موتج على ايدي يالولوه . وصل للشقه .. وكان الباب مفتوح .. دخل وشاف الوضع .. دي جي عااااااااالي .. ورقص .. والادهى من ذلك حركات قلة ادب .. اخذ نفس بقوه .. وهو يحس بطعون السكاكيييين تطعن قلبه .. الحين بيشوفها اكيد بحضن غيره .. صرخ بأعلى ماعنده لولوووووووووووووووووووووه .. دز اللي قدامه وهو يحاول يوصل للغرفه اللي قدامه .. فتح الغرفه وكانت الطامة الكبرى .. وقف بذهول يطالع .. هذي منى بنت عمي .. صج اللي اشوفه ولا لا... نواف وصدره يرتفع وينزل وبعيون كلها شر : منى . منى دزت الشخص اللي قدامها وعلى طول ألبست جاكيتها عشان تستر اللي باقي من جسمها : نواااااااف . نواف ركض لها وسحبها من شعرها وطقها طراااااق على الوجه من قوته طاحت على الارض : يالوااااااااطيه .. يالخايسه .. دنستينا بفعايلج . منى تبكي بألم : لا نواف انت مو فاهم ااااااااااي شعري . تم يسحبها بقوه من شعرها .. وطلعها من برا الشقه .. فسخ البالطو الابيض .. وحذفه بوجه منى : ألبسي يالواطيه واستري اللي بقى من سمعتج . منى تبكي بشده وتترجاه : تكفى لاتقول حق ابوي .. تكفى استر علي ياولد عمي . طالعها بنظرة احتقار .. اللي منى من هالنظره اكرهت عمرها .. سحبها للسياره ودخلها داخل .. صرخ بوجهها : ليييييييييييييش تسوين جذي ليييييييييييييييش ؟ منى منزله راسها تبكي : انت السبب انت اللي خليتني أوصل هالمواصيل هذي . نوااااااااف مسكها من رقبتها : أكلي خرا يالواطيه .. انتي اصلا ماتستاهلين الا الذبح .. والله ثم والله لو ما اخاف ربي لايكون ذبحج على ايدي يالواااااااطيه يالفاجره .. انتي فاااااااااااااااااااااااااااااااااااااااااااجره .. لكن هين حسابي معاج بعدين . منى تحاول تقاوم وتوخر ايده : وووووخر عنييييييييييييييييييي خنقتني . نواف وهو يضغط على اسنانه : احسن موتي يالفاجره . أبتلش فيها نواف .. وين يوديها بهالوقت هذا .. مايبي يوديها عند عمه .. ولا يبي يخرب فرحة أحمد بزواجه .. فاطمه عمتي فاطمه بوديها عندها ... حرك سيارته .. وسمع صوت الشرطه تحاوط المكان وامسكوا كل اللي داخل ... كانت عباره عن شبكة ***** وبفضل الله اكبسوا عليهم .. وبما فيهم ساره اللي راح تقضي باقي حياتها في السجن .. وقف عند بيت عمه .. ودق على فاطمه .. تم يرن ويرن ليما استجابت فاطمه : ألو .. اهلين نواف . نواف بصوت مخنوق : عمه وينج الحين انتي في البيت . فاطمه خافت من نبرة صوت نواف : نواف اشفيك شصاير ؟ نواف : صايره مصيبه كبيره .. أبيج تقومين تفتحين الباب الخلفي ,, بدون ما احد يحس بسرعه . فاطمه وهي تقوم : يلا اوكي الحين .. يارب سترك . راح وسحب منى بقرف من السياره وكأنها كيس زباله (( وانتم بكرامه )) ومنى تشهق من كثرة البكى .. وراح للباب الخلفي ,, أفتحت لهم فاطمه وشافت نواف مكفس اكمومه لفوق وزراير صدره مفتوحه وشعره مبهذل .. ومنى تبكي ووجهها كله دموع .. فاطمه تطق صدرها : شفيكم شصاير ؟ نواف : دخلينا لجناحج وانا راح اقولج عن المصيبه . راحوا ادخلوا بهدوء عشان ما احد يحس .. قفلت فاطمه الباب : شصاير نواف قول لي .؟ نواف يدز منى وطاحت على الارض : الفاجره هذي صايدها بشقه ومع واحد . فاطمه بققت عيونها وطقت خدها : شنهووووووووووووووووووووووووووووو .. بشقه ومع واحد . نواف : هالفاجره دنستنا .. لو ما لحقت عليها جان الحين بالمخفر صايدينها الشرطه مع امثالها . لاشعوريا قامت فاطمه ترفس في منى وتطقها : ايا الواطيه ايا الخايسه .. فشلتينا .. لييييييييييييش تسووووووووين جذي .. ما قصرنننننا عليييييييج بشي .ليييييييييييييييش تنزلييييييين راس ابوج لييييييييش . منى تبكي : خلاص والله ماعيدها والله ماعيدها . فاطمه تزيد بالطق وبصراخ هستيري : ماينفع الحييييييييييييييييييييييييييين ماينفع . نواف سحب فاطمه بقوه : خلني اذبحها .. تستاهل الذببببببببببح هالفاجره .. خللللللني نواف يكلم عمته : لاتلوثين ايدج بهالفاجره .. الحين نبي حل .. شلون نقول حق عمي . فاطمه تقعد على الكرسي وتبجي : ياويلي ا خوي بيروح فيها لو يعرف سوايا بنته . منى تصرخ : اذبحوني .. خلصوني من اللي فيني .. اكرهكم اكرهكككككككم . من صراخها .. سمعوا طق في الباب .. راحت فاطمه بسرعه واسحبت منى ودخلتها الحمام .. نواف اختبص .. : هذا صوت عمي شنسوي . امسحت فاطمه عيونها وافتحت الباب وسوت نفسها طبيعيه : هلا بأخوي . ابو احمد : انا مريت من اهني وسمعت صراخ ..وحبيت اتطمن عليج .. فيج شي . فاطمه توترت وارتبكت .. نواف تدخل : لا ياعم تطمن مافي شي . ابو احمد التفت على صوت نواف : نوااااااف علام شكلك جذي مبهذل ... اكيد السالفه فيها شي .. قلبي مو مطمن .. قول وش صاير ؟ فاطمه ماقدرت تمسك نفسها وانهارت .. ابو احمد مسكين مايدري شنو السالفه وبصوت عالي : قولوا شصااااااااااير .. وألتفت على نواف : علامها فاطمه لي تبجي .. أبوك فيه شي .! نواف حس انه لازم يقول حق ابو احمد الصج .. توجه صوبه وطلب منه يقعد .. فاطمه من بعيد تأشر حق نواف بـ لأ يعني لاتقول له .. وفجأه طلع صوت منى وهي تبجي .. أبو احمد قام من الكرسي وتوجه لغاية منى .. وشاف شكلها متبهذل .. وهي متكوره على نفسها .. أبو احمد صدمه شكل منى .. نزل لمستواها : اشفييييييييييييككم شصاير ماتقولون . فاطمه تدخلت : بنتك فضحتناااااااااااااااااااااا .. كشفت سترنا ياخوي . ابو احمد قام بسرعه وألتفت على فاطمه : شتقولين انتي ؟؟ نواف مسك كتف عمه وقال له الصج .. اهني أبو احمد ماقدر يستحمل اللي سمعه نواف .. فسخ عقاله ولسب فيه منى وزاد ألمها ألم ..من كثرة الصراخ والطق ومحاولات نواف في ايقاف عمه .. قعدوا كل البيت .. ام احمد وعبد المحسن ومي توجهوا لغاية الصراخ وانبهروا بالمنظر اللي شافوه .. منى طايحه على الارض والدم يسيل منها وبو احمد يلسبها بالعقال وفاطمه تحاول تاخذ منى ونواف مرفع اكمامه وهو يمسك ايد عمه .. أم احمد طاح قلبها واركضت على طول وصارت بين ابو احمد ومنى : اشفييييييييييييييييييك .. لييييييييييش تطقها شصااااااااير ؟ ابو احمد ولأول مره يرفع ايده على زوجته ام احمد وعطاها كف قوي وبصوت عالي وعصبي : هذي تربيتج .. ماربيتي لي بنت سنعه .. ربيتي لي فاااااااااااجره .. بنتج يالسنعه صايدها ولد عمها بشقه مع واحد . ام احمد اشهقت وطقت صدرها بقوه : شتقووووووووول بنتي منى بشقه مع واحد .؟ نواف تكلم : ياعمي خلاص مو حل هذا .. خلونا نتصرف بعقلانيه . عبد المحسن حقد على اخته وراااااااااح رفس منى مع بطنها : ايا الخاينه يالواطيه .. بسرعه نواف خذاه ودزه بقوه وطلعه من الغرفه وطلب انه يهدي .. لان منى جسمها صار كله ألوان والسبه الطق اللي طقته .. وهي تصيييييييييييح وتصرخ .. مي شافت اختها بهالمنظر ماقدرت تتحمل قعدت تصيح وتبجي .. على طول ابو احمد مسك بنته منى وجرها لغرفتها .. واخذ منها الموبايل والكمبيوتر والتلفزيون .. وكل وسيلة اتصال او ترفيه .. حتى الدريشة اللي بغرفتها صكرها .. وقفل عليها .. ألتفت لزوجته : اسمعي والله ثم والله ان فكرتي بس تفكين الباب وربي تحرمين علي .. وباجر الصبح جهزيها بوديها الطبيب بشوف عنها فاهمه يامره . أم احمد اكتفت انها تهز راسها ودموعها تنزل .. راح ابو احمد لغرفة مي وشافها متكوره على السرير وتبجي .. أبو احمد بعين الغضب والشر : اسمعي طلعه من البيت مافي .. تلفونات مافي .. وربي ان سمعت انج طالعه مايحصل لج خير . مي تبجي : ليش يايبه انا مو مثل منى .. والله مو مثلها . ابو احمد : لاترادديني .. انتي فاهمه .. انا اللي بربيكم على ايدي . ومثل ما اخذ من غرفة منى كل وسائل الاتصال والترفيه .. كذلك اخذهم من غرفة مي .. *** بدأ اليوم الثاني اللي كان كله كآبه على بيت بو احمد .. الساعه 7 الصبح .. قام بو احمد ولبس وراح فتح باب منى اللي شافها نايمه .. راح صوبها وهزها بقوه : قومي يالفاااااااااااااجره قومي الله لايبارك يومن جابته فيج امج .. قومي اخلصي .. بنروح الطبيب . منى صحت وهي تتألم من الرضوض اللي بجسمها .. ألبست عباية وفوقها نقاب لان ابوها طلب هالشي .. يعني خلاها سوده من فوق لتحت .. وتوجهت هي وابوها لطبيبة النساء عشان تكشف عليها .. بس الحمدلله النتيجه كانت ايجابيه .. ارتاح قلب بو احمد وتطمن على شرف بنته .. بس هالشي ماراح يخليه يتنازل عن قراره اللي اتخذه بخصوص بناته . *** مر شهر ... شهر يمكن يكون الأفضل بالنسبه حق نوره ولولوه ..وبداية قصة حب تجمع نوف وطلال .. ضحى و أحمد ارجعوا من شهر عسلهم ومشاعر الحب ماتفارق ضحى اللي عوضت أحمد بالحب والحنان .. نوره ولله الحمد بعد سنه من وفاة زياد رجعت نورة الطبيعيه .. وخلصت الفصل الجامعي الثاني من السنه الثانيه بأمتياز مع مرتبة الشرف .. وهي مصممه انها تكون الأولى على الدفعه .. أكيد تتساءلون عن زياراتها لبيت زياد !!!طبعا ام زياد صارت ماتستغني عن نوره .. ونوره اعتبرت ام زياد امها الثانيه وحبتها حيل .. لان كل ماتشوف نوره تحس ان زياد للحين عايش .. راكان اللي كل يوم يكتشف شي في شخصية نوره .. حب هدوئها .. رزانتها .. عزة نفسها .. عنفوانها .. بساطتها .. وكل مايشوف نوره قاعده مع امه .. يحس بروحه تنتعش لما يراقب تصرفاتها من بعيد وهي ماتدري عنه .. حركاتها لما تسولف .. : ليش آنا مهتم فيها للدرجه هذي ؟؟ انا الملياردير راكان الراسي وكل الناس يحسبون لكلمتي ألف حساب .. أفكر بهالنوره للدرجه هذي ؟؟؟؟ كل البنات ومن كل صنف ونوع بس أأشر يجوني .. ليش اتعلق بهالانسانه هذي ؟؟ ليش ملكت تفكيري .. هذي غير عن البنات كلهم .. لها عزة نفس ماشفتها وكرامتها فوق كل شي .. أبتسم وهو يكلم نفسه وطالع فوق بالسما : ما تنلام ياخوي .. وربي ماتنلام فيها .. الظاهر الله بلاني فيها . ياترى هل راكان راح يتجرأ ويعترف لنوره اللي للحين رافضة فكرة الحب عقب زياد !!!!!!!!!!!!!! نورة وأم زياد كانوا قاعدين يشربون عصير في الغرفة الزجاجية .. انتبهت لنورة لطيف بعيد .. ام زياد لاحظت نظرات نوره وطالعت لوين مانوره تطالع .. شافت ولدها الكبير راكان متوجه لهم .. أم زياد ابتسمت .. اما نوره سرحت بطيفه .. ومشيته .. وهيئته .. تخيلت ان زياد جايهم .. قرب راكان ولا نزل عيونه من عيون نوره .. نوره انتبهت على نفسها ونزلت راسها .. حست بنظرات راكان فيهم شي مو عادي .. راكان دخل الغرفة : السلام عليكم . ام زياد + نوره : وعليكم السلام . ام زياد : تفضل اشرب معانا عصير وأكل من هالكيك .. نوره مسويته ويايبتلي منه .. راكان طبعا عمره ماذاق كيك بيتوتي .. كان الكيك بسيييييط لأبعد درجه مو شغل محترف بس مبين انه شهي .. راكان طالع نوره : اذا ماتمانع نوره ؟ نوره بأحراج : لا لا طبعا .. تفضل . أخذ قطعه صغيره من الكيك .. وتذوقها : لذيذه .. يعطيج العافيه . نوره ابتسمت : الله يعافيك . راكان قعد على الكرسي المقابل لنوره وحط رجل على رجل : واضح عليج تحبين تطبخين . نوره فهمت سؤاله على انه غرور منه : أكيد احب اطبخ .. ما احب اكل من ايد الخدم . راكان ابتسم لهجومها الخفيف .. وحب يشوف آخرة الهجوم لوين يوصل : بس جذي تتعبين اذا كل شوي بتطبخين .. يعني ريحه وحوسه . نوره بنظرة حاده : ما شكيت الحال حق احد .. كل واحد وراحته .. ماحب انسان يخدمني .. احب اخدم نفسي بنفسي .. أم زياد كانت تراقب الحوار بصمت .. وحست من نظرات راكان لنوره نظرات اعجاب .. راكان مارد على نوره .. وقف على طوله وبغرور : فعلا كل واحد وراحته ... انا استأذن وراي شغل . طلع ونظرات نوره متعلقه بزوله .... *** أنتشر خبر خطوبة لولوه من نواف .. والكل بارك وتمنوا لهم حياة سعيده .. واخيرا تحقق الحلم المنتظر .. حلم لولوه بـنواف .. بيوم حفلة الخطوبه .. كانت لولوه تتجهز بالصالون .. وحوالينها بنات خالها وخالاتها .. تمنت خواتها يكونون معاها .. يفرحون لفرحها .. طبعا أهي مادرت شنو اللي صار بمنى لان ابوها طلب من نواف انه يكتم السر حتى حق أحمد مايقول له .. جهزت لولوه اللي كانت طالعه قمر بفستانها الأرجواني المرصع بكريستالات على فتحة الصدر الطويله .. بدون أكمام .. والشيفون النازل على شكل ذيل طويل .. وتسريحتها الفخمه مزينه بوردة كريستال لامع .. ومكياجها الأكثر من روعه .. وزينت أيدينها بمسكة صغيييره فيها كريستال .. لدرجة ان حتى خبيرة التجميل انبهرت من شكل لولوه وطلبت انها تقرا المعوذات بقلبها .. تجمعوا البنات حوالينها .. وهم فرحانين بلم شمل لولوه ونواف ............ أمها ادمعت عيونها من الفرح لان تطمنت اخيرا على لولوه ..... تشوف بنتها من بعيد كيف مستانسه .. ودعت الله يتمم عليهم الفرح والسعاده .. ضحى جلست جنب لولوه : يه يه .. تهبليييييييييييين والله نواف بينهبل . لولوه بتوتر : احس دقات قلبي بتطلع . ضحى : خخخخخخخخخخخخخخخخ أي ماشفتي شي يامعوده .. لاحقه على التخرع . هدى تمشي صوب لولوه وكرشتها واصله متر لجدام : مبروك ياقلبي عسالله يوفقج . لولوه : الله يبارك فيج . ضحى : هدى امبيه شكلج يضحك .. حدها مو لايقه الكرشه . هدى تمسح على بطنها : سكتي يالله امشي .. باقي لي شهرين وأولد . ضحى : عسالله يتمم علييييييييييج . هدى تغمز لضحى : يالله عقبالج .. نبي نشوفج بالحمل شلون تصيرين . ضحى تضحك : هههههههههههههههههههههههه حده مو لايق ههههههههههه . أعلنوا عن دخول نوااااف .. البنات تغطوا طبعا .. ودخل نواف وابوه وابو احمد واحمد معاه ووصلوه لغاية لولوه .. نواف وعيونه على لولوه : ألف مبروك ياقلبي .. لولوه منزله راسها : الله يبارك فيك . .. نواف لبس لولوه الدبله والشبكه والكل قام ييبب .. ومستانس شغلوا الدي جي وقاموا يرقصون .. نواف باس ايد لولوه وهمس لها : طالعه قمر . لولوه انحرجت حيييييييييييل من اسلوبه الرومانسي .. تقدمت لصوبهم ام لولوه اللي كانت تبجي من الفرحه باس نواف راسها ولولوه كذلك .. وسلمت عليهم يدتها ومرة خالها وكل العايله والفرحه مو سايعه الجميع .. أم لولوه بهاللحظة حست بخفقان بقلبها وقامت تعرق .. توجهت لغرفتها وطلعت حبوب وكلتهم : ياربي مو وقته ياربي رحمتك .. |
السلاااام عليكم
تسلمييين دااارلا ع القصه الحلوووه :flowers2: ننتظر التكمله بفااارغ الصبر ^____^ |
مشكورة درلا
ننتظر الباقي... |
وينك Daral ؟؟
إن شاء الله من ورا غيابج خير ؟؟؟ |
أخر فصل و لا بارت و لا ورقة على كيفكم :lol::lol::lol::lol: الجزء الثامن عشر الجـزء الأخيـر ((( الفصل الثالث والأخير ))) ,,, ثلاث أيام مرت في حياااااااتي غير ثلاث ايام عشت الحب وأغليتك ,,, بهالثلاث أيام عاشوا عصافير الحب نواف ولولوه أحلا لحظات الحب ... من بعد ماتملك عليها وصارت زوجته رسميا ... لولوه منسدحه وتلعب بشعرها والتلفون بإيدها : لا قلبووو خاطري بأسم عبد العزيز ... حلوو مو ؟! نواف يبتسم : يابعد عمري ياحلوج يعني ام عزيز وانا ابو عزيز . لولوه بدلع : أيه شرايك حلووووووووووووو ابو عبد العزيز . نواف : دامه منج أكيد حلووو ... قلبي ترى حجزت قاعة الشيراتون .. بعد شهرين عرسنا اوكي . لولوه منحرجه : اوكي يمديني اجهزز .. يلا قلبي استأذن الحين . سكرت وهي تحس نفسها بتطير من الفرحه.. نواف لها .. صار زوجهاااااا .. عدلت شعرها وحركته بعشوائية ونزلت تحـت .. شافت امها قاعده .. باست راسها : شلونج يالغاليه . ام لولوه عدلت من جلستها : هلا ببنتي .. الحمدلله .. لاحظت لولوة شحوب وجه أمها .. لكن أسكتت ماتحب تضايق امها لأن امها ماتحب هالسوالف هذي واسكتت احتراما لها . دق موبايلها .. راحت تشوف منو المتصل ولقته رقم غريب استغربت .. بس ردت عليه : ألو نعم ؟ مريم من الطرف الثاني : هلا لولوه .. معاج مريم .. شلونج . لولوه : اهلا مريم آنا بخير .. انتي شلونج وشمسويه ؟ مريم : الحمدلله تمام .. وبتردد : لولوه بغيتج بموضوع مهم ؟ لولوه بجديه : هلا امريني انشالله اقدر اساعدج ؟ مريم : خلاص انا بمر عليج الحييييين عشان اقول لج ماعرف اتكلم بالتلفون . لولوه : انا بأنتظارج . اصعدت فوق وبدلت ملابسها والبست لها فستان لفوق الركبه بلون نحاسي ساده ولبست لها سلسال من اللؤلؤ لونه بني .. وخلت شعرها نازل على الاكتاف بعشوائيه . بعد ربع ساعه وصلت مريم واستقبلتها لولوه بحفاوه وسلموا على بعض وصعدت معاها لغرفتها .. لولوه وهي تقعد جنب مريم : شنو الموضوع اللي بغيتيني فيه ؟ مريم بتوتر : ماني عارفه شلووون ابدي معااااااااج . لولوه دقات قلبها تزيد .. خايفه ان الموضوع يتعلق بنواف : نواااااااف فيه شي ؟ مريم بسرعه : لالاااااااا مافيه شي .. بس مـنـ .. منى . لولوه عقدت حواجبها : منى شفيها ؟؟ مريم منزله راسها وتتكلم بصوت مرتجف : انا عارفه اني ماكنت حبوبه وطيبه معاج .. لا أنا ولا منى ولا مي تمنينا لج الخير .. وانا أسفه حييييل لاني ماعرفت قلبج الابيض .. منى كرهتني فيج غصب .. مع ان مي كان عادي عندها ماكانت تكرهج ولا تحبج .. يعني عادي ... وجا الوقت اللي منى تدفع فيه ثمن كرهج . لولوه بأستغراب وماهي فاهمه الموضوع كلش . مريم تكمل : منى قبل حفلة خطوبتج بيومين .. صايدها أخوي نواف بشقه مع واحد . لولوه وقفت على طولها : شنوووووووووووووو .. مريم وصوتها مبحوح : واحد داق عليه وقايل ان بنت عمك بشقه .. تعال استر عليها قبل الشرطه لاتجي لان الشقه كانت مشبوهه . لولوه : والحين وينها شصار لها . مريم : طبعا عمي من درى عصب حيل وطق منى طق سنه بساعه ... والحين حاكرها بغرفتها بدون أي شي .. وياويلها ان طلعت برا غرفتها .. ومي بعد حكرها عمي ومنع عنها كل وسائل الاتصال والترفيه .. مريم توقف وتمسك ايد لولوه : والله حالة مي ماتسر لا عدو ولاصديق والمشكله مالها ذنب باللي صار .. كله من منى خربت على نفسها وعلى اختها مي .. لولوه : رحتي شفتيهم ؟ مريم تبكي : رحت بس طبعا ماكان عمي موجود لان لو يدري ان احد زارهم بينطقون .. رحت وشفت مي اللي حالتها متغيره ومنهاره .. تخيلي يالولوه عمي بيطلعها من المدرسه .. مي مالها ذنب والله انها عاقله وصديقتي من الصغر ماشفت عليها غلط .. كله من منى . لولوه أحضنت مريم .. : لاتخافين على مي .. انا انشالله بشوف شنو الموضوع . مريم ترفع راسها : مشكوره يالولوه .. بصراحه ما ألوم اخوي نواف يوم تحدانا وخذاج .. سحرتيه بطيبة قلبج .. بس اتمنى يا لولوه ان نوااااااااف مايدري اني جيت اهني تكفين . لولوه تبتسم وتمسح على شعرها : لاتخافين .. الحين مسحي ويهج من هالدموع وتعالي خليني اعرفج على بنات خالي . استانست مريم من نوف ونوره ووناستهم وطبعا القعده ناقصه ضحى اللي مسافره لشهر العسل وبدور وامتحاناتها .. وتعرفت على نوف أكثر ههههههه تدرون ان مريم و مي يكرهون نوف ويخافون منها .. لكن الحين عرفت نوف زيييين وصاروا صديقات .. على الساعه 11 ونص بالليل .. راحت مريم بعد ماتعشت معاهم .. اطلعت لولوه لغرفتها ودقت على نواف .. نواف بهاللحظه كان ياخذ له شاور .. بس سمع رنة لولوه (( والله أحبك ويشهد الله علّي .. لما اشوفك ابتسم صدقني ماهو بيدي )) أغنية يوسف العماني .. طلع من الحمام بسرعه وانتو بكرامه ومانشف جسمه وشعره .. مسك موبايله وحطه على سبيكر : هلا بيبي وحياتي وغلاتي . لولوه معصبه : ليش جذي يانواف ليييييييييييييييش ؟ نواف استغرب : اشفيج قلبو صاير شي ؟ لولوه بجديه وبنبرة حاده : ايه صاااااايره اشياااااااااء .. ابي اشوفك الحين الحين .. تعاااااااااال ضروري اناااا ناطرتك اوكي . وسدته على طول وماعطته مجال انه يرد عليها .. أستغرب من أسلوب لولوه .. أول مره يشوفها جذي .. نشف جسمه و شعره .. ولبس له بنطلون جينز وتي شيرت بني غامق وشعره نشفه بس للحين فيه ماي ومخليه ورى صاير طويل لنص رقبته وكان شكله جناااااان وملفت .. ركب الرنج وتوجه لغاية حبيبته وقلبه لولوه ... طبعا لولوه ماغيرت لبسها تمت على حالها بس عدلت شعرها ورشت من عطرها ٌالمفضل (( روزز مسك )) وزادت المسكره والغلوس .. وصل نواف البيت ودق على لولوه : أنا تحت . لولوه : انطرني في الحديقه الخلفيه كاني نازله لك . توجه نواف لغاية الحديقه الخلفيه ... ونزل قعد على الكراسي .. كان الجو حده عجييييييييب نسمات هواء بارده تلامس الجسم وتحس بالانتعااااااااش يسري بدمك .. والسماء مزينه بالنجوم والقمر يضويها .. كان نواف قاعد ومغمض عيونه والهوا يداعب شعره .. بعد لحظات أبتسم .. لولوه واقفه قباله ومستغربه من ابتسامته .. فتح عيونه بكسل وابتسامته مافارقت شفايفه .. تم يطالعها منبهر .. كل يوم يشوفها احلا واحلا .. لولوه كانت على اعصابها ومتخصره (( حاطه ايدينها على خصرها )) : يسلااااااام .. انا احترق من داخلي وانت قاعد لي تضحك ... ليش قايله نكته عشان تبتسم . نواف وعيونه مانزلت عنها ,,, مد ايده وسحبهااااااااا بقوه وقعدها في حضنه .. يهمس لها من ورى أذنها : عطرج دوخني ,,, أحبج .. وباس رقبتها برومانسيه لولوه تحاول تتخلص من ايدينه اللي ضامتها .. وتحرك راسها : وخر عني نوااااااف حدك فاضي . نوااااااف تم يضحك ويدغدغ رقبتها وخصرها .. وهو يضحك : انااا فاضي هااااااا اراويج ههههههههههههههههههههه. لولوه تنقز من دغدغاته و تضحك : هههههههههههههه وخررررر هههههههههههه ااااي ههههههههههههههه بس خلاص هههههههههههه .. والله بقولك شي ضروري هههههههههه بس عااااااد . نواف يرفع خصلة شعره عن جبهته : هههههههههههه خلاص يلا شنو قولي . لولوه وهي بأحضانه : وخر عني لان فشله لو احد يمر شيقول .. عفيا . نواااااف يقعدها قباله: اوكي قلبي .. قولي اشفيج معصبه . لولوه تعدل من فستانها وشعرها .. وطالعت نواف بنظرة تساؤل : ليش ماقلت لي عن أختي منى . نواف رفع حاجبه : من قالج عنها ؟ لولوه حاطه ايدها على خصرها : مو مهم من اللي قال لي .... مو المفروض انت تقول لي لاتنسى انها اختي .. حتى لو تكرهني مايخالف بتتم اختي واسمي مرتبط بأسمها ... قول لي بالضبط شصار . نواف بعصبيه : شقولج يعني .. أقولج عن سواد الوجه .. ولا شنو بالضبط . لولوه خافت من عصبيته .. بلعت ريقها : أي المفروض ماتخش عني شي .. يمكن اقدر اساعد . نواف وقف بطوله الفارع ومشى صوبها : لولوه .. مو بشاره حلوه عشان اقولج .. هالشي يضيق الخلق ومابي اضيق خلقج .. ارجوج افهميني . لولوه نزلت راسها والدموع بدت تتجمع بعيونها : حتى لو .. المفروض تقول لي . قرب منها نواف حيل وحظنها بقوه وكأنها تبي تضيع من ايده : ياقلبي خلاص صار اللي صار .. وخلي السالفه مستوره . لولوه بإًصرار : لأ قول لي السالفه من أولها . نواف قال لها كل السالفه .. من أول ما اتصل عليه الرقم لــيوووووووووووووم مسك منى .. لولوه بأسى : طيب .. الرقم اللي اتصل عليك موجود عندك ؟ نواف : أعتقد عـندي .. مسيّف بسجل المكالمات .. ليش .؟ لولوه : ممكن تعطيني الرقم .؟ نواف : شنووووووووووووو .. هذا اللي ناقص .. لاتخليني ازعل عليج . لولوه : تكفى نواااااااف .. خلني أحل المشكله .. لاتنسى أنا محاميه وأعرف الاجراءات القانونيه .. يعني اذا حاول يلف ويدور.. ألف عليييه بالقانون .. لاتخاف علي من هالناحيه . نواف : بس هذا رجال وحسابه معاااااااااااي ,, انتي ماتدخلين بين سوالف الرجاجيل . لولوه بترجي : تكفى حبيبي انت .. خلني اتفاهم معاااااااااه واذا حاول يلعب معاي ويلف ويدور .. راح اقول لك ... وبعديييين قلت لك لاتخاااااف علي انا محاميه مو شويه . نواف يبتسم ويفرك خشمها : فديت محاميتي اناااااااا . لولوه تطق كتفه بدلع . نواف يبوس ايدها الناعمه .. ولولوه تطالعها وتبتسم .. نواف يطالع عيونها : حبيبي تدرين عقب باجر طيارة أحمد وضحى راح توصل بالليل . لولوه : صج وناسه .. ياني مشتاقه لهم . نواف ماد بوزه : وانا ماتشتاقين لي لولوه تحط اصبعها على بوزه : في أحد يشتاق حق أكسجينه نواف استانس على الوصف : فديتج ياقلبي ... بس لولوه اتمنى انج ماتقولين شي حق احمد لان احنا طبطبنا السالفه بيننا . لولوه : لاتوصي حريص .. ترا باجر بروح أشوف منى .. وبعرف منها السالفه بالضبط .. يمكن نكون ظالمينها . نواف يطق كف ايده بقوه ويصر على اسنانه : شلون ظالمينها وانا شايفها بأحضان واحد يا لولو . لولوه اسكتت شوي وبعدين كملت : بس مايمنع اني اعرف السالفه .. باجر لازم اروح حتى لو واجهت صعوبات منهم . نواف احترم رغبتها وسكت ..... *** رواية وش الدنيا عقب فرقاه للكاتبة بنت جابر *** صحى أحمد على صوت تلاطم أمواج البحر بشده .. توجه للبلكونه المحاطه بنسيج من أشجار النخيل وقدامه على امتداد واسع متع عيونه بمشاهدة شواطئ رملية بيضاء صافية وبحيرات زرقاء خلابة، جزر المالديف كان شهر العسل لأحمد وضحى .. وحجز لها فندق ومنتجع Four Seasons Maldives at Kuda Huraa , والمميز في الفندق أن الشاطىء يرتبط بالمسبح الرئيسي الكبير ويتميز بموقعه بالقرب من الثلاثة مطاعم والبار الخاص به ، والمطعم الرئيسي هو مطعم (البارابارو) وهو متخصص بالمأكولات من جنوب شرق أسيا، والمطعم الآخر مطعم متخصص بوجبات حوض البحر الأبيض المتوسط ... يعني الفندق كان كامل بكل شي . تأمل أحمد امواج البحر والشواطىء الرمليه ذهبية اللون من انعكاس اشعة الشمس عليها .. كان المنظر خيااااااااال واكثر من رائع .. تحسس رقبته وكتفه المشوه .. يشمئز لما يشوف نص جسمه محترق .. ولا يقدر يتقبل آثار الحروق .. يحاول قدر المستطاع يخفيها عن عيون الناس وأولهم ضحى .. مايبي يشوف نظرة الاشمئزاز بعيونها .. أطلق تنهيده من صدره لعلها تخفف الهم اللي فيه .. ليش يحس انه اسير حروقه .. ليش مايقدر يمارس حياته الزوجيه بسهوله .. ليش لازم يتحفظ ويختار نوع معين من التي شيرتات والبلايز عشان يلبسهم .. كل هالتساؤلات كانت بذهن أحمد .. قطع هالتساؤلات إيدين ضحى اللي كانت ضامه أحمد من ظهره وحاطه راسها على اكتافه : صباح الخير حبيبي . أحمد حط كفوف ايدينه على ايدين ضحى : صباح النور حبيبتي . حست من نبرة صوته فيه شي .. لفت عليه وصارت مقابله له بحيث ان ايدينها للحين على خصره .. وبحركه سريعه من أحمد غطى رقبته اللي كانت محروقه .. ضحى امسكت ايده وعيونها بعيونه مانزلتهم تطالعه بنظرة عتب وبصوت هادي : ليش تسوي فيني جذي .؟؟؟ أحمد بعد عيونه عن نظرات ضحى .. وتخلص من ايدينها وراح عنها بعيد بدون مايقول حتى كلمه .. ضحى انقهرت من حركته وقالت بصوت عالي : حرااااااااااااااام علييييييك ليش تعذبني .. ليش انا شسووويت لك . أحمد بيطلع كل اللي مخزنه بقلبه : ااااااااانا انسااااان نااااااااقص ماتفهميييييييين .. انا مسخ (( شبح )) انا مشوه ... تبيييين تشوفين الجانب الثاني من شكلي .. عشان تنقرفييييييييين مني .. عشان تكرهيييييييييني . ضحى ودموعها تنهار بقوه .. أركضت بسرعه لصوب أحمد واحضنته حييييييييل حييييييييييل : أنا اخترتك وحبيتك بكل شي فييييييييييييك .. لو انك أقبح رجل فأنت بعيوني أجمل رجل .. أحبك أحمد لاتسوي فيني جذي . وبحركه سريعه امتزعت ضحى تي شيرت أحمد وبيّن اللي كان خافي .. رقبته كتفه صدره .. كانت آثار الحروق واضحه .. أحمد اندهش لحركة ضحى وحس بضيق تنفس .. ابعدها حيل عن طريقه واخذ التي شيرت وطلع بسرعه .. بدووووووون مايقول لها أي كلمه .. ضحى طاحت على الارض وقعدت تبجي وانصدمت ماتوقعت آثار الحروق تكون كبيره بهالدرجه هذي .. بس حتى لو يكون كله مشوه أحمد زوجها وتحبه ومايهمها هالشي هذا .. قامت على حيلها وامسحت دموعها وتوجهت للبلكونه ,,,, لمحت احمد قاعد على الشاطىء ومنزل راسه .. على طول بدلت ملابسها وألبست لها برمودا جينز وبلوزة لونها وردي واتركت شعرها على حاله .. لأن مافي احد على الشاطىء ومالبست الحجاب .. انزلت تحت وهي ملهوفه لحبيبها وزوجها الغالي .. ضحى وتقعد عند رجله : حبيبي احمد . تلاقت عيونه بعيونها : الحين شفتيني على حقيقتي .. أنا ما ألومج اذا تبين تنفصلين عني . ضحى غورقت عيونها وحطت ايدها على حلجه : لا تقول هالكلام .. انت حبيبي ومالى غناة عنك .. ليش تعذبني لييييييييش . أحمد وهو يقوم : ماتفهمييييييييييييييييين أنا انسان مشوه وشكلي مشمئز . ضحى تقوم وتقابله : ااااحبك ومايهمني الشي والله احبك واااااااااااااالله ... انت بعيوني كاااااااااااااااااااااااامل . أحمد ويبتسم ابتسامة استهزاء : بتتقبليني يوم .. يومين ... بعدها راح تشمئزين . ضحى تطق رجلها بالرمل : انت شفيك ماتفهم .. انت زوجي تعرف شنو يعني زووووووووووووووجي .. أموت ولا اتخلى عنك . وبعدها بدأت نوبة بكاااااء هستيري .. أحمد ماقدر يستحمل يشوف ضحى بهالمنظر .. على طووووووول راح صوبها وضمهااااااا حييييييييييييييل على صدره .. ضحى تشهق من كثرة البجي .. ادفنت راسها بصدر احمد .. وبصوت مخنوق : حياتي ماتسوووووى بدونك . أحمد ولأول مره حس بالراحه .. انزلت دمعته : وأنا كلي ما أسوى بدونج ... كنت متخوف انج راح تتركيني .. او تشمئزين مني .. اعذريني حبيبتي .. ادري عذبتج معاي . ضحى طقت رجله : صج انك خبل .. أحمد صاح بألم وطالعها منبهر : أأأأأأأأأأأأأأأااايييييييييييي ليش تطقيني . ضحى تبتسم وتطالعه : في أحد يقدر يترك دنيااااااااااااااااااااااااااااااااااااااااااااه . احمد باس راسها وشااااااااالها فوووووووق وتم يدور فيها وضحى تصارخ .. وكان الجو خيييييييييييييييااااااااال. نزلها احمد لتحت لان خاف عليها تطيح من ايدها .. ضحى ردت احضنته : حبيبي ممكن طلب . احمد استغرب : امري . ضحى : بسوي شغله بس مابيك تمنعني . احمد استغرب .. ردت ضحى لورى ومزعت بلوزته بشويش بس يد احمد امنتعتها لكن ضحى طالعت احمد وهزت راسها بـلأ .. تركها .. طلع صدره العاري اللي نص مشوه .. قربت ضحى وابتسمت وباست كل مكان مشوه ومحترق بجسمه . احمد انبهر من ضحى .. ورجع رفعها فووووووووووووووووووووق ويصرخ اااااااااحببببببج يارب لاتغير عليهم *** رواية وش الدنيا عقب فرقاه للكاتبه بنت جابر *** خالد مع بدور بحديقتهم قاعدين يتمشون .. وماسك ايد بدور : قلبي .. أنا قدمت على دورة لمدة سنة برا الكويت . بدور وشعرها الحريري كله جايبته على جنب واحد : يعني راح تسافر وتخليني . خالد يضغط على أيد بدور : تدرين ياقلبي .. لازم اكون نفسي عشان نتزوج .. لأن مابي أنطر اكثر .. تعبت يابدور .. تعبت . بدور : ليش شفيك تعبت . خالد يبتسم : تعبت لانج بعيده عني . بدور تبتسم بخجل : فديتك يابعد عمري . خالد يمسك خد بدور بنعومه : حياتي تأكدي اني ماراح اتهاون ولو للحظه فييييج . بدور شبت ضو .. نزلت راسها . خالد : فديت اللي يستحون انا .... حبيبتي انطريني اهني .. بطلع للسياره وبرد . هزت راسها بالايجاب وانتظرته بدور ... وراح خالد يركض لغاية سيارته وطلع منها دبدوووووب كبير لونه وردي وحامل قلب حب مكتوب عليه بالستراس الفضي اللامع My love Bedoor , شافنه بدور من بعييييييد .. ركضت صوب خالد وخذت منه الدبدوووووووب اللي كان تقريبا طولها : واااااااااااو يهبل حبيبي مشكووووووور . خالد يضحك : يامعوده وينج ماشوفج منه .. خليني اخذه عنج . اضحكت بدور على تعليق خالد .. استأذن منها خالد لان بيروح مع رفيجه .. باس بدور على خدها وراح ... ركضت بسرعه لغرفتها وحطت الدبدوووووووب على السرير وطاحت عليه وهي تضحك . *** رواية وش الدنيا عقب فرقاه للكاتبه بنت جابر *** بداية يوم جديد .. الخميس الساعه 10 الصبح .. تجهزت لولوه عشان تروح لبيت أبوها .. أتصلت على نواف : ألو صباح الخير حبيبي . نواف : صباح النور قلبي ... شلونج انشالله بخير . لولوه : الحمدلله حبيبي .. انا بروح الحين لبيت أبوي .. بشوف منى . نواف : خلاص قلبي لاتتأخريييييييييين .. أخليج الحين لان عندي مريض . لولوه : اوكي حياتي .. مع السلامه . سكرت لولوه وهي تحس بمشاعر الخوف والرهبه تعتريها .. ضبطت ملفعها وخذت جنطتها .. قبل لا تنزل اتصلت على عمتها فاطمه ... : هلا عمتي شلونج ؟. فاطمه : الحمدلله يالغاليه انا بخير وانتي طمنيني عنج ؟ لولوه : الحمدلله دامج بخير انا بخير .. أقول عمه انا بجيكم الحييييين .. وخاطري اقابل منى .. تقدرين تساعديني بهالشي . فاطمه : بس أبوج حالف انها ماتطلع ولا يدخل لها احد ... بس بشوووف . لولوه : ماعليه عمتي بس انا .. يمكن اقدر اساعدها .. يمكن تطلع مظلومه . فاطمه بعصبيه : خليها تولي .. تستاهل لانها متربيه تربية شوارع . لولوه اسكت شوي وبعدين كملت : المهم انا بجيكم بعد ربع ساعه ومرة ابوي موجوده . فاطمه : لا مافي احد .. أذلفت عند اهلها ... يلا تعالي . سكرت منها لولوه وانزلت تحت .. استأذنت من امها وراحت لبيت أبوها .. وصلت بعد ربع ساعه .. نزلت نظارتها الـ Rayban ومشت بخطوات هادية للبوابة ودخلت داخل الفيلا .. شافت عمتها فاطمه تنتظرها بصالة الاستقبال .. : هلا حبيبتي لولوه . لولوه : هلا بعمتي .. شلونج .. وشلون الوضع . فاطمه قبل لاترد اطلبت حق لولوه عصير وكيك وكملت : شقولج عن الوضع .. ما يسر لا عدو ولا رفيج .. نزلت راس ابوج بالتراب .. حسبي الله ونعم الوكيل . لولوه نزلت راسها وكملت : أحد يدري عن سالفتها ؟ فاطمه : لالا كلش ما احد يدري الا انا ونوااااف وابوج وجه تهديد لسحيله ام الخلاجين امها .. وقال لها ان بطلتي حلجج وقلتي كلمه عن السالفه وربي لا ارمي غراضج بالشارع ... تدرين نبي نطبطبها بيننا . لولوه : طيب ومي شلون وضعها الحين ؟ فاطمه : أبوج حارمها من الطلعه . لولوه : بس مالها ذنب . فاطمه : والله عارفه ان مي مالها ذنب بس لاتلومينه يالولوه . لولوه وقفت : انا بصعد لمي أول شي وبكلمها وبعدين بروح اكلم منى اوكي . فاطمه : المفتاح عندي .. خلينا ابطل لج غرفة مي . اصعدوا على السلم متجهيييييييييين لغرفة مي .. بطلوا غرفة مي ... وشافوا مي قاعده وحاطه ايدينها على خدها .. على طول عيون مي تلاقت مع عيون لولوه .. مي أول ماشافت لولوه .. قامت على حيلها وركضت صوب لولوه واحضنتها وقعدت تبجي بحضن لولوه .... لولوه امسحت على راس اختها مي .. وألتفت على عمتها فاطمه : ممكن تخليني شوي معاها . فاطمه هزت راسها وكانت عيونها مدمعه من المنظر اللي شافتها وصكت الباب عليهم ... لولوه سندت اختها على السرير .. لكن مي تمت تبجي وتتكلم : والله مااااااااالي شغل يالولوه واااااااااالله انا ماااااااالي ذنب بااللي قاعد يصير . لولوه ماسكه ايدها : انا ادري ان مالج ذنب .. بس ابيج تهدين عشان نقدر نحل المشكله . مي هدت شوي ولكن قلبها يصعد وينزل : لولوه اسفه على كل شي سويته غلط بحقج . لولوه ابتسمت : لاتتأسفين .. احنا خوات وبالأخير مالنا غنى عن بعض صح ولا لأ . مي هزت راسها .. كملت لولوه : الحين يامي .. أبيج تقولين لي .. قبل لاتصير السالفه .. كانت منى تحاجي احد معين بالتلفون ؟؟؟؟ قولي لي لاتخشين عني شي . مي قاعده تفكر .. : اييييي كنت اسمعها تحاجي واحد اسمه فواااز .. وكانت تقول له خلاص باجر موعدنا . لولوه : وبعد !!! مي عدلت جلستها وكملت : لولوه بصارحج بشي ... كانت منى ناويه لج بالشر .. كانت تحاجي هذا اللي اسمه فوااااز عنج وكانت تبي تفرقكم انتي ونواف . لولوه : وماتدرين من وين عرفته .؟ مي : اعتقد من ساره ؟ لولوه : منو ساره ؟ مي : هذي رفيجتها وحده صايعه ماوراها احد .. اربع وعشرين ساعه حفلات وطلعات .. دايم كنت انصح منى تبتعد عنها بس ماسمعت كلامي .. واخر شي مسكوها الشرطه واسجنوها . لولوه : خلاص حبيبتي ... اهم شي انتي بخير وصحه وعافيه .. وابيج تعرفين ان ابوي لو مايخاف عليج جان ماسوى اللي سواه فيج .. بس انا راح اكلمه .. أوكي مي ترد تحضن لولوه : عسالله لايحرمني منج يا أحلى اخت . لولوه كسر خاطرها حال اختها مي .. وبتردد : الحين بروح اشوف منى . مي تنقز : انا بروح معاج .. اخاف تشوفج منى وتسوي سالفه بعد .. مع أني داريه مالها وجه عقب اللي صار . لولوه توقف على رجولها : يلا قومي خلينا نروح نشوفها . خذت جنطتها وعبايتها وحطتهم على ذراعها ومشت ورا مي لغاية غرفة منى .. مي من ورى الباب : منى قاعده ولا نايمه ؟ ولكن لا استجابه .. قربت اذنها من عند الباب وسمعت نحيب منى وهي تبجي .. طالعت لولوه : قاعده تبجي . لولوه : خلج عندها بروح أشوف عمتي فاطمه عشان تبطل لنا الباب . نزلت لولوه وهي تلفت يمين يسار ... نادت بصوت عالي : عمه فاطمه وينج ؟. فاطمه طلعت من المطبخ التحضيري : هلا شفيج ؟ لولوه سحبت يد فاطمه : بطلي لنا باب منى بلييييز . فاطمه بخوف : بسرعه قبل لايجي ابوج ويشوفنا ويسوي لنا سالفه . لولوه : اوكي يلا بسرعه .. بس بطلي لنا الباب وخليني معاها اوكي . صعدت فاطمه وبيدها المفتاح وبطلت الباب بهدوء ... قبل لا تفتح الباب طالعت لولوه : تكفين خلصي بسرعه ماني ناقصه عوار راس . اكتفت لولوه بهز راسها بالايجاب .. أدخلت لغرفة منى بهدوء ومعاها مي .. شافت منى قاعده على الارض وضامه رجولها لصدرها وتبجي .. أقعدت لولوه بجنبها وبصوت هادي : شلونج منى ؟. منى ارفعت راسها وعطت لولوه نظرة غضب ولكن ماتكلمت .. لولوه كملت وهي حاسه بالنظره : منى انا عرفت باللي صار .. انا مو جايه اهني الا لاني ابي اساعدج واوقف بجنبج .. خلينا ننسى اللي راح ونفتح صفحه جديده . مي : صح يامنى .. لولوه اختنا وجايه تساعدج . اما منى صرخت : اااااااااااااكلي خرا انتي وياهااااااااا .. وانا ماني محتااااااااااااجه مساعدتج .. كل اللي صار منج انتي يالخايسه .. خذيييييتي ابووووووووووي وبعدين خذيييييتي نوااااااااااااااااااااااف والحين خذيتي مي .. شتبيييين فيييييينااااااا .. انتي غرييييبه عننااااااااا ... اطلعييييييييييييي براااااااااا اطلعييييييييييييي .. جايه تتشمتييييييين فينيييييييييييي يالحمااااااااااااره .. قالتها وهي تدز لولوه حييييل . مي مسكت ايدين منى عن لولوه . لولوه صرخت بوجه منى : انا مو جايه اتشمت فيج .. نسيتي انج اختي .. انا جايه عشان اعرف الموضوع لان الموضوع مو سهل .. افهميييييييييي اناااااااااااا جايه اشوف شالسالفه وبعدها اطلع من حياتج . منى هدت شوي .. تكلمت مي : منى الله يهداج شفيج .. يمكن لولوه تقدر تطلعج من الوضع اللي انتي فيه .. يعني عاجبج الوضع هذا . منى تمت تتكلم : أكيييييييد النذل فوااااااااز هو اللي قال لنواااااف . لولوه : فواز تعرفين اسمه الكامل . منى تحظن مخدتها : ايه .. اسمه فواز مشعل الفالح الاسم ماكان غريب على لولوه كأنه سمعت هالاسم بس وين ماتذكر .. : انزين منى بوريج رقم موبايل قولي اذا بتعرفينه ولا لا . بطلت لولوه موبايلها N76 ودخلت على الاسماء وطلعت الرقم اللي عطاها نواف .. : هذا الرقم تعرفينه ؟ منى مسكت الموبايل وتطالع الرقم : اييييييييييييي كنت متوقعه وتوقعي صاااااااب هذا رقم فواز النذل الحقير . لولوه : خلاص يامنى انا راح ادق عليه وبشوف ليش سوى جذي . منى : لا كلميييييه جدامي خلني ابرد حرتي فيييييييييييييه الوغد الحقييييييييير . لولوه : لا كل شي بالرسميه .. لاتخربين اللي بنسويه .. الحين انا عرفت منو صاحب الرقم وهالشي مهم .. واحنا مسكنا مربط الفرس ... يلا انا الحين ابمشي .. واذا صارت مستجدات راح أبلغج أكيد . وقفت لولوه ومنى تمت مكانها ولا ودعتها حتى شكر ماشكرتها .. صج اللي يكره صعب انه يحب .. المهم طلعت برا الغرفه وراحت لسيارتها عقب ماسلمت على مي وعمتها ... واسم فواز مشعل الفالح للحين يرن في بالها لان متأكده انها سامعته وتحاول تتذكر منو ؟ ***رواية وش الدنيا عقب فرقاه للكاتبه بنت جابر *** طلال يتمشى بالحديقه ويكلم صاحبه ورفيق عمره بــدر : اتصدق يابدر ماتوقعتها تكون بهالجمال . بدر وهو مايدري ان اللي يتكلم عنها بنت خاله : بس انت قلت لي دفشه وحركاتها جنها صبي ؟ طلال : أي كانت بس والله يابدر ان بس اظفرها الصغير يسوى كل البنات اللي كنت اعرفهم .. من شفتها تركت كل البنات . بدر : افاااااااااااااا والله وبنت جابت راسك . طلال بلهجة شامية : يأطع الحب شو بيزل . ضحك بدر على صاحبه طلال .... طلال يحب مو معقوله .. يالله بهالدنيا كل شي معقول . طلال يمشي وباله مشغول بنوف .. يبي يشوفها مره ثانيه بس وين .؟؟ المدرسه وعطلت ... ياربييييييييه بشوفها شلوووووووون !!!! وفجأه صدم بهدى مانتبه لها .. هدى تمسك ظهرها بصوت عالي : طليل عمى ماتشوف .؟ طلال اخترع على هدى : تعورتي .. أسف والله ماشفتج ؟ هدى ابتسمت على شكل طلال المخترع : لا تخاف مافيني شي .. بس تعال انت شسالفتك ؟ طلال رفع حاجبه : ليش شفيني ؟ هدى تخزز طلال : مادري دااااااايم سااااااااهي وفكرك مشغووول .. جنك تحب .؟ طلال بقق عيونه : أحب لا مضيعه الظاهر ؟ هدى تضحك : ههههههههههه اشفييييييك اختبصت وحالتك حاله ههههههههههههههههههههه لايكون تحب صج .. خو عادي قول لي يمكن اقدر اساعدك . طلال ويطلق آآآآآه قويه .. ويقعد على الكرسي : أحبهااااااا ياهدى . كسر خاطرها طلال واقعدت جنبه : ااااااالله ياطلال وقمت تحب ... منو سعيدة الحظ ؟!! طلال : بقولج بس هاااا يتم سر بيني وبينج .. حتى فارس مايدري ؟ هدى تبتسم : افا علييييييييييك .. لاتهتم من هالناحيه .. انا اختك ولا نسيت .؟ يلا قولي ؟ طلال يعدل قعدته : نوف بنت خالج . هدى فزت : نف نف ماغيرها . طلال يهز راسه هدى تضحك بقوه : هههههههههههههههههههههههههههههههههههههههههههههههههه ه لالا ماصدق ههههههههههههههههههههههههههههه نف نف هههههههههههههه طلال عصب على هدى وقام : الشرهه مو عليج ..الشرهه علي انا اللي قاعد افضفض لج . هدى جرته : اقعد بس ... انا مستغربه لان نف نف مو حق حب كلش خخخخخخخخ هذي حق هواش .. مصارعه أي لكن حب No way . طلال يأشر على قلبه : ماحد حرك هالكلب الا هي .. احبها واحب اسلوبها وطريقتها وكل شي فيها احبه . هدى طالعت طلال بنظره رومانسيه : والله وعرفت تختار ... بس انت عارف ان نوف للحين صغيره وبالثانويه ومستحيل تتزوج .. بس خذها مني محد بياخذها الا انت. طلال تطمن من كلام هدى : مشكورة يازوجة اخوي ..يلا انا بمشي . هدى : بحفظ الله تمت هدى تفكر بنوف وطلال واضحكت : هههههههههههههههههههههههههههههه حدهم راكبين على بعض ههههههههههههههههههههههههه ياحليلهم . ***رواية وش الدنيا عقب فرقاه للكاتبه بنت جابر *** رجعت لولوه للبيت .. شافت جدتها قاعده بروحها وامها بغرفتها .. سلمت على جدتها وراحت لامها .. ولكن حالة امها مو زينه وجهها شاحب وشفايفها جافيين : يمه صار لج جم يوم وحالتج مو عاجبتني ؟ فيج شي .؟ ام لولوه تبتسك : لا يايمه مافيني شي . لولوه تقعد امها : يمه تكفين قولي لي مو معقوله ويهج شاحب جذيه .. انا لازم اخذج المستشفى يلا قومي . ام لولوه تقعد بنتها بالغصب : بقولج .. أنا فيني القلب . لولوه طقت صدرها وغورقت عيونها : القلب وتوج تقولين لي يايمه . ام لولوه : صارلي اربع سنين وانا مريضه فيه .. كنت اراجع بروحي عشان مابي اشغل احد فيني . لولوه : بس انا مو احد انا بنتج وهم اهلج ليش يايمه . ام لولوه تحظن بنتها : بسج عاد مناحه شصاير الحمدلله اعالج واكل علاجي بوقته . لولوه : انزين ابي كل تقاريرج بوريهم نواف . ام لولوه : أي ليش عاد العباله هذي .؟ لولوه : يمه اذا لي خاطر عندج نفذي اللي ا قوله لج . باست راس امها واصعدت فوق لغرفتها .. ولا نوره طايره لغرفة لولوه : دريتي ضحى اليوم بترد . لولوه تشيل عبايتها : أي ادري وبنروح نستقبلهم بعد ؟ نوره : يسلام وليش ماقلتي لي . لولوه : كنت ابيها مفاجئة بس يالله خربت . نوره وهي تطلع : يلا خل اروح اقعد نف نف ونتزهب . لولوه تمت قاعده على السرير وتطالع الموبايل : انا لازم اتصرف مع هالفواز هذا . دقت على رقمه وتم يرن مره مرتييييييييين ليما جاها صوت فواز : ألوووو السلام عليكم . فواز مستغرب من الرقم : وعليكم السلام .. نعم منو ؟ لولوه : انت فواز مشعل الفالح ؟؟ فواز : أي نعم خير ؟ لولوه وبشجاعه : معاك المحامية لولوه الجاسم . فواز بأستهزاء : محامية منو انشالله .؟ لولوه : بتعرف انشالله بس قبل لاتعرف لازم اشوفك عشان تفهم السالفه عدل ؟ فواز : وين انشالله اشوفج ؟ لولوه : اتمنى اشوفك بمكتبي باجر الساعه 10 الصبح .. وعطته عنوان المكتب وصكته من فواز . يت بتقوم ولا موبايلها يرن وكان حبيب القلب نواف : هلا حبيبي . نواف : هلا قلبي .. ها بشري شصار . لولوه : ماصار الا كل خير . (( وقالت له السالفه كلها ليما مكالمة فواز )) نواف عصب : لا والله وبتقابلينه بعد ؟ لولوه : ياحبيبي اشفيك بقابله بمكان عمل وبمكتبي .. لازم ياقلبي نمشي جذي عشان ما نصعب السالفه على منى وعليه . نواف اقتنع من كلام لولوه وهو محترم مهنتها : طيب بس اذا تجرأ ولد الكلب وسوى أي شي وماقلتي لي ياويلج فاهمه . لولوه تبتسم : انشالله ولا يهمك .. لاتنسى اليوم بنروح المطار نستقبل ضحى واحمد الساعه 7 اوكي . نواف : اوكي احبج . لولوه : أحبك . *** رواية وش الدنيا عقب فرقاه للكاتبه بنت جابر *** لـولوه – نوره – نوف – بدور – أم خالد – خالد – ابو خالد – نواف – أبو احمد .. كانوا بالمطار ينتظرون وصول طيارة المعاريس .. نوره وبدور ماسكين باقااات ورد .. وطبعا طول ماهم ينتظرون خالد يتحرش ببدور ويتغزل فيها .. وبدور تضحك ونوره تقرص بدور .. اما لولوه كانت واقفه بالجنب الثاني عند ابوها وحبيبها نواف ... شافوا احمد وضحى من بعيد .. نوره وبدور ونوف اركضوا لغاية ضحى واحضنوهااااا .. اما احمد سلم على ابووه وحضنه وعلى نواااااااااااف وحضنته لولوه .. وبعدها راحت لضحى وسلمت عليها : مبرووووووووووووووووك ياعروسه والحمدلله على السلامه . ضحى متورده خدودها : الله يبارك فيج .وعقبالج . كان الجو عجييييييييب واكثر من رائع .. لمة كلها حبايب الحسد والحقد بعيد عنهم ... وقضت ضحى الليله عند بيت ابوها وتمت تسولف عن البنااااااااااات عن وناستها مع احمد وشنو صار معاهم أما احمد راح مع ابوووه وولد عمه نواف . *** MoHraH غير متواجد حالياً تقرير بمشاركة سيئة رد باقتباس |
صحت لولوه على منبة الساعه 9 وجهزت نفسها استعدادا لمقابلة فواز ,, صارت الساعه 10 وهي كانت متوتره وعلى اعصابها وكل شوي عينها على الباب تنتظر وصول فواز .. بعد ربع ساعه شافت طيف واقف على باب المكتب والصوت سامعته من قبل : هذا مكتب المحامية لولوه الجاسم ؟
لولوه اللي كانت تحوس بين الاوراق .. ارفعت راسها وكانت بتتكلم لكن اسكتت : فواااااااااااز ؟ فواز عرفها هذي لولوه اللي ساعدت امه : لولوه ؟ لولوه وقفت من الصدمه : معقوله انت . فواز عرف شنو تقصد ونزل راسه .. لولوه ودموعها نزلت : ليش يافواااااااااز تسوي جذي ليييييييييييييش . فواز طالع لولوه : تسمحين اقعد واقولج السالفه كلها . قعد فواز وقال السالفه حق لولوه من أول ما عرف منى لغاية مداهمة الشرطه . لولوه : بس اللي يحب يلعب في اعراض الناس . فواز وهو يفك زراير ثوبه : اختج هذي كانت تبي تدمرج هي والواطيه ساره . لولوه : مهما كان هذي اختي والله يسامحها .. بس يافواز انت عرفت شنو سويت فينا ؟؟؟ دمرت عايله كامله .. وكنت بتجيب بأبوي جلطه بس الله ستر .. منى اندمت حيييييل وحالتها متغيره .. لانها كان بعيونها غمامه سودا من رفيجتها بس الحين صحت عدل .. يافواز انا اعتبرك اخوي .. وابيك ترد ديني ؟ فواز رفع حاجبه بأستغراب : شنو تبين ؟ لولوه : ابيك تصلح غلطتك .. مو انت تحب منى .. واللي يحب عمره مايكره .. وانا متأكده ان منى تحبك وتغيرت .. ابيك تتقدم لها وتخلصها من اللي عايشه فيه .. انت بأيدك ربيها من جديد .. بس عن كلام الناس .. تكفى استر علينا تكفى . فواز : بس يالولوه شلون ارتبط بوحده جذي . لولوه : مثل ماقلت لك انت ربيها من جديد واذا كان استحاله انك تعيش معاها .. طلقها بس بعد مرور سنه .. بس عن كلام الناس . فواز : والله يالولوه مستغرب شلون تبين لها الخير.. هذي كانت تبي تدمرج . لولوه : اذا ربي وربك يسامح .. انا العبد الضعيف ما اسامح .. صف نيتك وربك بيرزقك يا فواز ها وشقلت ؟ فواز : انا ما انكر اني احب منى .. وعلى كل اللي سوته مازال لها حب في قلبي .. خلاص يا لولوه ابشري . وانا برد ديني .. لانج تستاهلين كل خير . لولوه استانست : الله يريحك مثل ماريحتني .. وعسالله يوفقك يا احن اخ .. فعلا اتشرف انك تكون اخوي ... وانا عن نفسي راح امهد لك الدرب وابلغ ابوي .. والله يكتب اللي فيه خير . طلع فواز من مكتب لولوه .. : يااه هالانسانه ملاك ... بس يالله من قدك يافواز بتتزوج بدون فلوس ولا مهر هههههههههههههههه . على طول لولوه اتصلت في نواف وقالت له السالفه وهي حدها مستانسه . نواف : حلو دام الموضوع تم على جذي .. خل ابلغ عمي . وراح نواف وبلغ عمه عن اللي متقدم لمنى .. وطبعا مثل حالة منى صعب ان الاب يرفض .. على طول وافق وقال له : خل يجي ويملك وياخذها بثيابها . نواف : بس ياعم لازم على الاقل تشتري لها شي . ابو احمد : يحرم عليها طلعة السوق دامها عندي . سكت نواف احترام لعمه .. ودز مسج حق لولوه (( بلغت عمي ووافق )) دزت مسج حق فواز (( باجر تعال اخطب ومره وحده تملج )) طبعا فواز استانس من قده خطبه وملجه والمره معاه خوش . ***رواية وش الدنيا عقب فرقاه للكاتبه بنت جابر *** راحت لولوه حق السوق وجهزت حق اختها قمصان نوم وجم بلوزه وعطورات وتنانير وحتى مكياج جهزت لها .. وكل مجموعه غلفتهم .. طبعا ماردت للبيت على طول راحت لبيت ابوها .. وطلبت من الخدم ينزلون الاكياس ويصعدونهم لغرفة منى .. سلمت على ابوها ومرة ابوها طبعا ماسلمت بس صافحتها .. ابوها : شنو هالاكياس .؟ لولوه : يبه هذيلا جم شغله شريتها حق منى .. تدري باجر ملجتها . ابو لولوه كان بيتكلم بس سكت يوم شاف نظرة بنته لولوه ومايبي يكسر بخاطرها : عن اذنك يبه بصعد فوق . دقت الباب وادخلت وشافت منى على حالتها ... لولوه تقعد جنبها : مايصير تسوين بحالج جذي .. انتي عروس . منى تطالع لولوه : تقصين على منو أي عروس أي بطيخ .. بذمتج انا عروس لامهر لا عرس ولا حق منو حق فواااااااااز النذل . لولوه : يامنى بدال ماتخسرينه اكسبييييييييييه .. ليش وافق انه يتزوجج الا لانه يحبج .. وعلى فكره شوفي شنو جايبه لج . منى بكت بقهر : ليش تعامليني جذي .. انا ولا مره عاملتج زييييين . لولوه تحضن منى : بس عااااد لاتسوينها مناحه .. احنا خوات وانا الماضي نسيته ولازم تنسينه ونفتح صفحه جديده . منى تحضن لولوه : عسالله يوفقج مع نواف فعلا تستاهلون بعض . لولوه تبتسم : مشكوره .. وانا باجر راح امكيجج واخلي اشواق تسوي شعرج لان عليها تسريحات عجيبه اوكي . منى هزت راسها بالايجاب . *** رواية وش الدنيا عقب فرقاه للكاتبه بنت جابر *** تمت الملجه بهدوء وبدون موسيقا ولا شي ..راحت منى وهي تودع اختها مي وامها وعماتها وبعد لولوه .. بجت لولوه على حال اختها .. فعلا الواحد لما ينكسر تصعب شوفته .. دزت مسج حق فواز (( دير بالك على منى .. عاملها بأحسان وانت بيدك تقدر تتطبعها طبايعك )) وبعد ثواني رد عليها فواز (( لاتوصين حريص .. بأحاول )) وراحت معااااااااااه وهي ماتدري شنو اللي ينتظرها . ***رواية وش الدنيا عقب فرقاه للكاتبه بنت جابر *** بعد مرور سنه نواااااااااااااااااااااااااااف تعال اخذ عزوزي ذبحني مو راضي يخليني ألبس غلاوي ... نواف مسك عزوزي فووووووق ويلاعبه : فديته البطل حبيبي .. عزوز تم يسعبل على ابوه . نواف يضحك : افا تسعبل على ابوك يالحمار . لولوه تضحك : تستاهل هههههههههههههههههههههههههههه . عزوز عمره سنه وغلا عمرها شهرين .. هذيلا هم ثمرة زواج نواف ولولوه اللي عاشوا بحب وموده .... أخذ لهم نواف فيلا على البحر ,, وطبعا ام لولوه عايشه مع بنتها لولوه . ***رواية وش الدنيا عقب فرقاه للكاتبه بنت جابر *** ضحى وأحمد ثمرة زواجهم ولديييين توأم ((تركي ومحمد )) احمد ردت علاقته مع امه واخوانه وصاروا يحبون ضحى . *** خالد تزوج بدور وسافر معاها يكمل دراسته . *** هدى وفارس صار عندهم ولدين وبنتين ومالين حياة فارس وام فارس وهدى . *** نوف وطلال علاقتهم في بعض قويه وصاروا مايستغنون عن بعض .. وينتظرون ليما يتخرجون ويرتبطون . *** أكيد تسألون عن نوره ؟؟؟؟؟؟؟؟ هل هي ارفضت راكان ؟؟ اكيد لا ههههههههههه تزوجوا وعرسهم كان افخم عرس طبعا بعد عرس لولوه ونواف ونظرا لطبيعة شغل راكان بالخارج اضطر ان ياخذ نوره معاااااه وهم ينتظرون مولودهم الأول (( زياد )) وكان هذا الاسم مختاره راكان ونوره ... أبو زياد وام زياد .. *** رواية وش الدنيا عقب فرقاه للكاتبه بنت جابر *** عاشوا ابطالنا بسعااااااااااااده وبفرح .. و عشنا معاهم بلحظات فرح وحزن .. وعسالله يديم الفرح ويبعد الحزن عن الكل قولوا آآآآآآآآمييييييييين . أنتهت بتاريخ 27-2-2008 بقلم (( بنت جابر )) |
واااااااااااااااااااااااااااااااااااو
:55: تسلمين ع النهايه الحلوه وتسلم بنت جابر ع القصه الحلوه:hR604426: مني لج أحلى باقة ورد يا خيتو :rdd10ut5: darla تسلمين ع النقل العجيب والحلو :29ps: ^____^ |
مشكورة يا الغلا رواية تهبل شكرااااااااااااااااااااااااااااااااااااااااا :55::55::55::mod195lr:
|
صراحة الرواية غير طبييييييييييييييييييييعية بالمرررررررررره
تهئ جد تأثرت بجد لما مات زياااااااد يسلموووووووووووووووووووووووووو كثييييييييييييييييييييييير |
مشكوره على القصه الرائعه.........
ونهايه جميله... |
[CENTER]ووووووووووووووووووووووووووووووووووووووووواو
ايش الروايه الحلوه تسلمين اختى على الروايه الا اكثر من رائعه ونتظر جديدك دانيه [/CENTER] |
روايتك تجنن:flowers2: وحلوة ونهايتها روعة تسلمي
ووالمزيد :f63::liilas: |
| الساعة الآن 12:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية