|
على المصطبة 000 اتفضل شاى !!
:Thanx: لى زمان اشتاق الى جلسة المصطبة 000 افرد ساقى وادعو كل مار الى كوب شاى !! ايه اللى فكرك ياشيخ ؟؟ اللى فكرنى الناس الحلوة اللى بتخش تكتب كلمة تعلق او تشكر او تطلب توضيخ او او او باحس ان فى تفاعل 000 وفى ناس والله باخجل انى ارد على شكرهم لانى باشعر بعواطفهم على حرف اقلامهم علشان كده باسكت ومش بارد من كتر الحب ليهم 000 مش قاعد فى الصحراء لوحدى !! كل كلمة تكتبونها تتفاعلوا بها معى 000 هى نبض يدفعنى لمزيد من العطاء 000 والتعب من اجلكم لانى اشعر ان تعبى لن يضيع فى الهواء اشكر الجميع بالاسم 000 وخاصة اتيلا وغيره الكتير من الناس الجميلة اللى بتقدر التعب واللى علشان عيونهم مش مهم اى تعب 000 وانتهز الفرصة لاهنئكم براس السنه الهجرية 000 اعادها الله على الامة الاسلامية بالخير والبركات -- قولوا امين !! سا الخير عليكو لما اقوم احسن الدنيا ليلت على وانا قاعد على المصطبة 000 تصبحوا بالخير كلمة وجعتنى حبيت اقولها 000 يمكن محمد جلال |
مسا الخير يا حكيم من أبرد بقاع العالم.
مساء الفل يادايما11 وربنا يدفى قلوبكم بالحب واللمة الجميلة ويقرب الغربة ونرجع نلعب فى حوارى بلدنا الجميلة رغم كل شىء جميلة ودافئة زى حضن الام 00 يعنى كان لازم تعلق يااخى ؟؟000 فلتة عواطف طلعت منى غصب عنى كنت فوتها يااخى بس قلبى معاك والله 000 وعارف الناس اللى ابرد من التلج اللى انت عايش معاهم وعارف صحيان العقل 24 ساعة فى اليوم والا 00 الله المستعان هنا وهناك ويرد غربتك بالسلامة مع تحياتى محمد جلال مشرف المنتدى |
اقتباس:
الان اشعر بشعور التاجر الخائب وهو يرص اكوام البضاعه على الرصيف امام باب المحل ويجلس منتظرها قدوم الزبائن 000 :dancingmonkeyff8:لى يومان 000 48 ساعة كاملة امام الكمبيوتر لما جانى وجع فى ضهرى وعنيى الاتنين دخلوا فى بعض وخلصت لى ست او سبع علب سجاير كاملة مع برادين شاى ( تانى برادين علشان ملولى ) ولم اكل شيئا من اول الامس وحتى الان طيب ليه ياشيخنا العذاب ده كله ؟؟ اقولك ليه 000 عشمان حد يعدى على يقول اى حاجة 00 يسأل عن كتاب 00 ولا يمدح فى كتاب او يذم فى كتاب او حتى يلعن خاش ابو اللى جابونى 000 مفيش حد يوحد الله عبرنى لذلك 000 وحتى لااصاب باحباط اكثر من ذلك سوف اعطى نفسى اجازة منكم واذهب لاجلس على المقهى اتفرج على سيقان الرائحات والغاديات وامتع نفسى بكوب من السحلب الساخن ومعه شيشه بنكهه التفاح 000 والنبى لو حد جه ولقى الدكان مفتوح ياخد البا ب فى ايده وهو خارج 000 اصل الدنيا مابقتش امان زى زمان 000 باى باى محمد جلال |
والله يا استاذنا حاولت اتواصل معاك وابعت برد يعبر عن فرحتي بشكرك لي وانك فاكر اسمي
بس للاسف الموقع كان حاجب خاصية الردود وحاولت كتير بس بدون فايدة فياريت تقبلي شكري المتاخر على مجاملتك الجميلة لي في كلامك وردك واكيد دة سبب عدم وجود ردود او تواصل معاك من باقي الاخوة هنا لانهم اكيدوا حاولوا ومعرفوش ومرة تانية مشكور استاذي العزيز واتمنى انك ماتحسش ابدا بشعور التاجر الخائب لانك فعلا تاجر شاطر ومفيش تجارة مكسبها احسن من انك تكون سبب لزيادة واتساع ثقافة الناس فعلا المنتدى حاجب خاصية الردود الخاصة بين الاعضاء لظروف واسعدنى انك احتلت وبرضه عرفت ترد !! لكن مااقوله هو اننى امر بحالة احباط شديد عندما اجلس 48 ساعة على الكمبيوتر ولااجد انسان يوحد الله يدخل ويرد على اى موضوع 000 هى الناس جرى لها ايه ؟؟ مع ان البرد الشديد هذه الايام يلزم الناس بالجلوس فى البيوت --- يعنى على النت 00 يعنى منتديات وكتب امال فين الناس ؟؟ بس 000 اسعدنى مرورك واشكر كل من لم يستطع التحايل مثلك للرد وادى احنا قاعدين لسه على باب الدكان !! محمد جلال |
إنشالله ما يخيب أملك يا سيد جلال وتلقى ناس يردوا على كلام لعسل. وألف شكر لك ولمنتدى ليللاس لما تقدمه من كتب لم أكن احلم يوما أن أقرأها.
|
| الساعة الآن 03:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية