منتديات ليلاس - ازاي تحب صلعتك ؟

ازاي تحب صلعتك ؟

اولا اللي عنده موضوع الصلعه دا لازم يتعامل معاه علي انه فورم
دا كاركتر .. دا شكل الشخصية بتاعتك .. ودا الملمح الرئيسي الواضح اللي فيك .. زي ما بيبقي فيه شخص حواجبه تقيله .. شخص مناخيره كبيره ..شخص بقه عريض .. فكل دا ملمح في شخصية كل انسان .. وفي ناس بتدفع دلوقتي فلوس عشان يبقي وشها فيه ملمح محدد ما يتحفظ من خلالها ويبقي مميز ..
الصلع دا ملمح واضح جدا ورئيسي من ملامح الرجولة زي مثلا (...) ملمح انثوي ماينفعش ان انتا تغفله وعمرك ما هتشوف راجل بـ ( ... ) او ست صلعه !!
بعد كدا انتا ممكن تشغل الصلعة بتاعتك كتير يعني ممكن تستغلها
كاأبوشن عندك ... ممكن تعمل تان فيها .. اما يبقي في ماتش المنتخب ترسم عليها علم مصر بدل ما تعمل وشك وتبوظه
ممكن لو بتحب واحده ترسم قلب عليها وتعمل سهمين عليها وحروفها وبتاع .. لو قابلت حد نجم مثلا مشهور في حته يمضيلك علي الصلعه لو ماعكش حاجة يمضيلك عليها .. تلونها في شم النسيم
تكتب عليها جمله زي عربيات النقل مثلا : العين صابتني ورب العرش نجاني ..
تشغلها يعني في اوبشانات كتيره انك انتا ممكن تشغلها فيها ...
بالاضافة لكل ما سبق في تاريخنا ناس كتير مش هنقول عظامتهم بس ممكن نقول تميزهم مرتبط بالصلع .. يعني عندك في السياسة الريس السادات .. عندك في الشعر صلاح جاهين .. عندك في الكوره زين الدين زيدان وحسام حسن ووائل جمعه وناس كتير ...
عاوز اقولك اوعي تتكسف من صلعتك او تخبيها بكاروكه ... لسه الحمد لله محصليش حكاية الصلع دي بس في لحظة تخيلت نفسي من غير شعر وتخيلت ناس كتير اصدقاء بيعانوا من موضوع الصلع وكأنه ديفو وعيب فيهم !! وصاحب الفكرة الرئيسي هو صحفي شاب اصلع لا عنده اي مشكله من الصلع بل بالعكس بيشوف انه شئ مميز في شخصيته ... ومن انهرده لو كنت اصلع لازم تتصالح مع صلعتك وتحبها ... ولو حد عنده اضافه ممكن يتفضل .... ويتحفنا
منقووووووول