منتديات ليلاس

منتديات ليلاس (https://www.liilas.com/vb3/)
-   الارشيف (https://www.liilas.com/vb3/f183/)
-   -   مستقبلى بين ايديكم ارجوكم ردوا عليا (https://www.liilas.com/vb3/t65091.html)

العاشقة الحزينه 27-12-07 12:54 AM

مستقبلى بين ايديكم ارجوكم ردوا عليا
 
وحشتونى عاملين ايه بقالى فترة مش بدخل لأنى اعصابى متدمرة خالص وتعبانه قوى وعندى امتحانات ومش عارفه حمتحن ازاى اصلا ربنا يستر ادعولى بقى
انا منتدى ليلاس بالنسبه لى حاجه كبيرة قوى وبثق فيكم وفى كلامكم عشان كده انا ححكى لكم مشكلتى وعايزة ردودكم بصراحه من غير مجامله لأن اللى انا ححكيه دا حياتى وانا حضعها بين ايدكم ولأنى بجد محتاجه اعرف ارائكم
ارجو متبخلوش عليا بردكم
باختصار علشان مطولش عليكم
انا بنت عمرها 20 سنه وعانت كتير مع اهلها لأنها وبصراحه عايشه فى اسرة مفككه عمرها ما حست معاهم بالحب ولا بالتفاهم وكان فى مشاكل كتييييير قوى
مش عايزة ادخل فيها لكن اللى اقدر اقوله ان بجد انا عشت حياه صعبه قوى وطفوله بائسه
لكن قدرى والحمد لله على كل حاجه
وانا عمرى 11 سنه اتعرفت على ولد كانت جدته ساكنه معانا فى نفس البيت فالاول كنا صحاب وبعدين قال انه بيحبنى طبعا انا كنت وقتها صغيرة رفضت الموضوع دا لكن بعد فترة لقيتنى بحبه حسيت انى لأول مرة فحياتى فرحانه بجد وانى لقيت الحب اللى اهلى معرفوش يدهولى وبصراحه هو ولد محترم ولذيذ ومتدين وكل اللى بحلم بيه لقيته فيه
و واحده واحده لقتنى بحبه بجنون لدرجة انى مقدرش ابعد عنه ثانيه بقى حياتى كلها عشت معاه اجمل ايام عمرى عوضنى عن اللى فات كله حسيت ان الدنيا حلوة بعد ما كانت سودا عشنا مع بعض قصه رومانسيه جدا وجميله جدا طبعا فيها مشاكل كتير لكن كنا مع بعض وطبعا حصل مشاكل بين الاهل لما بابا عرف علاقتى بيه لكن رغم كل دا فضلنا مع بعض مش بعرف اذاكر الا لما اسمع صوته لما اكون متضايقه ببقى محتاجاه هو بحكيله كل حاجه وبحس انى حبيبته واخته ومامته كلام كتير قوى المهم حبيته لدرجه ميتخيلهاش انسان لدرجة اننا فى يوم سبنا بعض وانا متخيلتش ازاى حعيش من غيرة فحاولت الانتحار لأنى مش حقدر ابعد عنه
وحاولت بعدها مرتين برضه الانتحار منهم مرة من اسبوع كده لكن ربنا بيستر عالاخر
المهم المشكله بقى انى اكبر منه بسنه وهو فى اولى كليه وانا فى تانيه ولسه قدامنا سنين يعنى على ما نخلص دراسه
وهو بيقول انه دلوقتى مش بيفكر فى مواضيع الحب دى كل اللى فى دماغه الدراسه والشغل الاهم مستقبله
وانه لسه قدامه كتير ومينفعش يعلق واحده جنبه كل دا كمان هو باباه جايبله شقه عشان لما يتجوز لكن هو رافض الموضوع دا خالص وعايز شقته تكون بفلوسه هو مش بفلوس باباه انا بقول نتجوز فيها وبعدين نبقى نجيب اللى احنا عيزينه لكن هو رافض ومشتت جدا وعايز يسافر امريكا وكلام كده يعنى
بقاله فترة بقى بيقول انه مش بيحبنى ومش عايزنى وانى بالنسبه له زى اخته وطبعا الكلام دا مش داخل دماغى خالص بعد كل اللى مابينا مش بيحبنى انا عارفه انه مش عايز يظلمنى ويعلقنى معاه لكن انا عايزة اتعلق معاه انا مش حتجوز غيره
الغريبه بقى ان كل تصرفاته بتقول انه بيحبنى رغم انه بيقول لأ حاولت اتكلم معاه كتير وخليت ناس كتير تتكلم معاه لكن هو رافض خالص رجوعنا وبيقول انه مش بيحبنى لكن انا احساسى بيقول انه كداب
وانا مقتنعه انه بيحبنى وهو مقتنع بأنه يبعد عنى وهو دماغه ناشفه مش بيسمع كلام حد خالص
ودلوقتى هو مسافر هو كليته فى بلد وانا فى بلد وبجد انا من غيره تعبانه ومش عارفه اعمل حاجه خالص
دلوقتى انا عايزة اعرف اعمل ايه ازاى اخليه يحافظ على حبى ويشيل الكلام دا من دماغه ويعرف انى مليش غيرة فالدنيا واننا كل واحد فينا بيكمل التانى
عايزة اعرف منكم مين الصح فينا انا اللى مش عايزة اضيع حب اتبنى فى تسع سنين ومتأكده انه بيحبنى وان الكلام اللى بيقوله دا كدب يعنى هو بيحبنى لكن مش عايز يظلمنى وانا مستعده استحمل سنين كمان بس نكون لبعض لأن الحب الحقيقى بييجى مرة واحده بس فى العمر ولا هو اللى صح انه المهم دلوقتى الدراسه والشغل وانه يبنى مستقبله ويتخلى عن حبى
هو مش المفروض الانسان يعمل توازن فى مختلف مجالات حياته يعنى ولا حب بس ولا دراسه بس يعنى دا و دا وبعدين ايه المشكله فى ان باباه هو اللى جايب الشقه عادى يعنى اصل لو حنستنى لما يخلص دراسه ويلاقى شغل ويكون نفسه يبقى حيتجوز وهو عنده 50 سنه ودى مشكلة كل الشباب دلوقتى لكن مش المفروض الواحد يستسلم صح؟؟؟؟؟؟؟؟
عايزة اعرف منكم اعمل ايه استسلم لقراره وارضى باللى هو عايزة رغم احساسى بأنه بيحبنى و رغم كل اللى بيعمله عشان ابعد عنه ولا احارب للنهايه رغم انه بيقول انه مش بيحبنى لكن انا عارفه ان دا كلام مش حقيقه اما حتة الكرامه دى انا عمرى ما حسيت بيها بينا يعنى مش حقول لأ حبعد عنه لأنه طلب كده كرامتى ازاى يقولى مش عايزك وارجع اكلمه
فى مشكله تانيه انى بجد مش حتجوز غيره مينفعش خالص لأنى حفضل احبه طول عمرى يعنى اتجوز واحد واخونه بتفكيرى فى واحد غيرة ولو فرضنا انا حبيت واحد تانى ودا مش حيحصل بس فرضا يعنى ازاى اتجوزه
اكيد التانى دا حيسألنى اذا كان اول حد فحياتى ولا لأ ولو قلت اه عندنا الرجاله فى مصر مش بيقبلوا الموضوع دا وحيفضل نقطه سودا فحياتنا طول العمر ولو حصل اى مشكله حيطلع الموضوع دا ولو قلتله لأ معرفتش حد قبلك وانك اول بختى ازاى ابدأ علاقه العمر على كدب وبعدين لو حصل واكتشف الحقيقه فى يوم من الايام يبقى ايه الوضع وقتها
اعمل ايه قولولى اقنعه ازاى يرجعلى ارجوكم ردوا عليا ومعلش عالتطويل لكن انا حاولت اختصر عالأخر بس كنت عايزة اوضحلكم الصورة بس بأختصار
سلامى لكم (سارة)

حنين الصمت 27-12-07 03:13 AM

http://liilas.com/vb3/showthread.php?t=46217
حبيبتي اطرح مشكلتك هناك افضل و انا راح اقرا مشكلتك وراح ارد عليك اوك ..

فتاة الجليد الأحمر 27-12-07 03:38 AM

اهلين :: سارة ...

اقل من ساعة وستجدي الرد مفصل ...جدا ...ومن كل النواحي....

وبتمنى افديك...فيه......لاني مقدرة موقفك وفاهمة احساسك..


تحيتي يالغالية...

Teena 27-12-07 10:57 AM

سلامي الك أول حاجة...

أبغى احكيكي بصراحة... وميش عايزة تزعلي مني...

أنا عشت قصة تشبه قصتك ... حبيتو وهو أصغر مني بسنة...

هو الحين يتعلم خارج البلاد... وكنت ابكي وأقول متلك ازاي اعيش من غيرو.. (مع العلم الوضع العائلي مختلف كليا)... وأنا دلوقتي بقالي 5 أشهر عايشة لوحدي... من غيرو ... وصدقيني أنا عايشة من دونو.. ميش محتاجة لحبو عشان أعيش .. يكفي أحب الدنيا عشان أعيش...

نصيحتي الك حبيبتي هيك... ميش راح هأولك انسيه.. لأنو أعرف أنو صعب... بس حاولي... وبشدد على حاولي.. ما تعطيه أكثر من كدا وما تكلميه تاني عن حبك وعن الزواج.. ولا تبعتيلو حد خالص... استني... ( أنا صبرت 7 سنين... ولما جا مقدرتيش أعيش معا..)وصدقيني ان كان فعلا يحبك يرجعلك لو كان بآخر الدنيا.. ولما يشوف انك ممكن تكوني لغيرو حتتحرك الغيرة اللي بيه ويرجع... لما هو متأكد انك ليه وميش ممكن تفكري بغيرو راح يبقى على قرارو... فرجيه انك ممكن تعيشي من غيرو..
.. بكرا تكملي تعليمك.. وتفكيرك يتغير... والبنت مننا لما تكبر يوم واحد تتغير... وصدقيني ان حصل ونسيتيه... وحبيتي غيرو... لما يسألك جوبيه بصراحة... وما تحكيلو كل حاجة... عشان دي حياتك قبلو.. بس قوليلو بصراحة انك حبيتو (وانسي التفاصيا ) ولو حبك بجد ما يتركك...

تقبلي مروري... وآسفة للتطويل... بس بجد ذكرتيني بقصتي... اتمنى أكون فدتك...

أختك...

همس الخيال 27-12-07 11:48 AM

سارة حبيبتي ..انت مثل اختي وحكلمك وكاني انا بمكانك
اولا انت حساسة جدا جدا ..ممكن بسبب فقدانك لمشاعر الحنان من اهلك ولما لاقيتيها معه مش قادرة تستغني عنها
لانك كنت محتاجتها جدا ..وماحتتنازلي عنها
ثانيا حكاية الانتحار هذي ..اقول انها ياس من رحمة الله
بصراحة انا جربت مرة وفكرت كثير ..بس دايما كان يردعني خوفي من عقاب ربنا ونار جهنم لانها اعظم مما نتخيلة
واحنا بنضحي بهالافكار باخرتنا في سبيل دنيا زائلة
صح؟؟؟؟؟؟؟؟
طيب هو شخص عاقل وعصامي ..لا تضغطي عليه عشان لاتخسريه..لانه مابيحب احد يفرض عليه شي..هو بيحبك
اكييييييييد انا حسيت هالشي ..لكن مستقبله اهم من الحب
لان الحب مابيعيش في زمن الشخص مش ملاقي حاجة ياكلها....بالنسبة لابوه انتي مابتعرفي هو ليه رافض ممكن
حابب يثبت شيء لنفسه ولابوه ..انت المفروض توقفي جنبه لانك بتحبيه مش تضغطي عليه
طيب ياستي ..انت حتقدري تعيش من غيره لانك تحبيه
لو كنت بجد تحبيه حتخليه يكمل دراسته وتعطيه الخيار لانو يرجع لك باختيارة بدون ضغوط منك

حكمل تعليقي بعد شوي:flowers2:


الساعة الآن 12:18 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية