|
بتعرف تحضن كويس ؟...بتعرفى تحضنى كويس ؟
لو سمحت لى يعنى ممكن اسالك سؤال بتعرف تحضن كويس ؟ بتعرفى تحضنى كويس ؟ ايه السؤال الرخم ده وانت مالك يا اختى طبعاً اكيد هـ تقول وهـ تقولى كده المهم هـ تعرفوا انا بسأل ليه كده بعد ما تقرأوا موضوعى من وقت قريب اتفرجت على موقع يوتيوب على فيديو غريب اوى معمول على اغنيه لفريق الروك الاسترالى sick pup pies على ما اعتقد المهم الفيديو ابتدى بـ واحد واقف و ماسك يافطه كبيره مكتوب عليها free hugs احضان مجانيه فى الاول الناس بتبدى تبصله باستغراب وبعدين تمشى واحده واحده الناس بتبدي تتجاوب معاه و بتروح تحضنه لحد ما يبقى فى ناس كتيير بتروح و تحضنه وبعد كده يبتدى ينتشر و يتوغل ازاى ؟ ابتدى يدى يفط للناس مكتوب عليها نفس الكلمه و يبدأ يلم توقيعات من الناس لتأييد الحمله بتاعته لحد ما التوقيعات اللى معاه توصل لـ 3 الاف واحد الجميل بأه ايه واللى انت مش هتصدقه وهو ان الفيديو ده حقيقى مش تصوير كليب دي حاجه حصلت بجد يعنى فى واحد عمل الكلام ده فعلاً ايوه ايوه مجنوووون ما انا عارفه كل الكلام اللى قلته فوق ده حصل فعلاً طبعاً الفكره مجنونه جداً و ممكن الناس تقول انها فكره فاجره عشان مش ممكن واحد يمشى فى مصر او اى مكان عربى و يحضن الناس كده بس انا هقولك حاجه بأه ... ما تيجى ننفذ الفكره دى فى مصر او فى الوطن العربى ايوه عندنا ايه المانع ؟ بس طبعاً عشان ما يتقبضش علينا و ناخد لنا 6 شهور ونروح كلبووش وما ادراك ما الكلبوش ؟؟؟!!! دا بالنسبه للولاد اما للبنات فـ ده ممنوع منعاً باتاً فـ الشارع لانها ممكن تلاقى نفسها وبقدرة قادر فى خلال 3 دقايق فى ..... بس انا مش قصدى ننفذ الفكره بنفس الطريقه لحد يفكر انى بـ اروج للفسق والفجور لأ طبعاً ... ما تيجى نعمل كده مع أصحابنا ومع أهلنا على الطريقه المصريه هـ نسرق الفكره ( اشمعنا دى مش هـ نسرقها ما احنا بنسرق كتييير هى جت على دي .. افلام وافيشاتها و اغانى و مسلسلات .. بجملة بأه ) المهم نرجع لمرجوعنا بعد اذنَك وبعد اذنِك امتى كانت اخر مره حضنت فيها الست الوالده ومتقوليش انا كبرت على الكلام ده وامتى كانت اخر مره اترميت فى حضن ابوك امتى ؟! المشكله يا جماعه ان احنا مش بنحضن ابونا وامنا واخواتنا عشان عندنا مشاكل معاهم أو مش بنعرف نحضن ( لا قدر الله ) لأ ... احنا عندنا مشاكل عشان مش بنحضنهم أصلاً فى أخ كبير بيفكر ياخد اخته الصغيره فى حضنه وينصحها فى اب بياخد ابن فى حضنه فى شاب عنده حاجه وعشرين سنه بترمى فى حضن امه او اخته ويعيط طب تعرفوا ان الطفل اللى بيتحضن من أهله كتيير وهو لسه صغير بيطلع شخصيه سويه وحنينه على الناس اللى حواليه بس الظاهر ان ثقافة الحضن دى بقت معدومه عند الشعب المصرى والشعب العربى ككل و ساعات الناس تبصلها على انها شيْ مخجل ازاى واحده فى سنى يجرى على ابوه او امه و يحضنهم كده ؟؟!! ولا ازاى احضن واحده صاحبتى ... الناس تفهمنا غلط الى اخر هذا الكلام اللى لا يودى ولا يجيب لدرجه ان بقى عندنا حاله من الجفاء واللامبالاه ناحية بعضنا محدش تقريباً بيفكر يحس بالتانى واخيراً وليس آخراً ما اعتقدش ان الحاله بقت سيئه أوى ممكن نلحق نحضن بعضنا ومتخفش مع الوقت هـ تعرف تحضن كويس أوى م ن ق و ل |
عندك حق هند ...
الجفاء صار كبير بيننا للاسف لكن أن شاء الله راح يتغير هالشي .. شكر لك يسلموووو ع موضوع الرائع |
شكرا على الموضوع الرائع
فعلا ده بيحصل كتير |
ياعيني عليك ياهند
والله موضوعك بينقط حنية وشاعرية وتأثرت فيه جدَااااااااااا لأنو ملحوظ ومشاهد وبحس إنو موروث إجتماعي والآن أهلي برا البيت بس يدخلو ا ححضنهم واحد واحد .... من جد والله ليه مانعبر عن مشاعرنا بصدق الا لما نفقد غالي ؟؟؟؟ |
موضوع رائع
انا احب احضن امي واخواتي الشعور يكون روعه يكون كله حنان ومشاعر يسلموووووووووو |
| الساعة الآن 11:06 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية