ماهي أصعب كلمة ممكن تقولها لأي إنسان؟؟
 

اكرهك...
مممممم عشان انا ما بحب اجرح احد فلو انا بكره الانساان ده يبقى اكيد مش محتااج اني اقولها له فالواحد بيعرف اذا كان الانساان ده بيحبه ولا بيكرهه بس انا الحمد لله مافي احد بكرهه بس يمكن الكلمة ديه هي فعلا اللي ما بقدر اقولها (لو بكره احد) غير كدة عادي ما عندي مشكلة

سامحني... الاقيها ثقيلة شوي... عشان كدا بقول سوري...هههه... بس بجد ما أعرف.. ما اقدر أقولها.. يمكن لأني ما أحب أتنازل لحد... ...

أحبك... هذي كلمة صعبة كتييييييييير... بالذات للي تبغى تقولو ياها... يمكن لأنو عندي كبرياءي.. أو لأنو أخاف يكون اعجاب مو حب....

بالنسبه ليا اصعب كلمه هيا (اكرهك ) ومااتخيل نفسي اقولها لاحد ..

هلا....ههههههههههههههه
تعرفي اني ضحكت لمن قلت بس..


مو على جوابك ابدا...

لكن على اني....هالكلمة قلتها لناس كثار....

انا انجرح بكلمات اقوى من هذي بكثييييييييير.....ووقعها مدمر...

وقتها ماراح اعرف ارد........واكون بداخلي......عدة مشاعر

قهر وحزن وعصبية وجرح....وكرامــــــــــــــة..

وتنفجر ...على شكل كلمة...

أنـــــــــــــا أكرهــــــــــــــــــك...


وبكل صدق...انا اكون في الحقيقة ما اكرهم....لكن مصدومة..

وان كرهتهم....حيكون في لحظتها فقط..

اما بعد كذا ما افضل اكرهه...

وعلى فكرة ...مفهوم الكره يختلف عن الحقد...

انا ما احقد...

شكرا ياقلبي..واسفة على تعليقي ومداخلتي

وتحيتي