|
أحب فيك الليل لا صار الهوجاس وأحب باكر دامني فيك موعود
السلام عليكم ورحمه الله وبركاته عيدكم مبارك وكل عام وانتو بخير يا احلى اعضاء :coolll: كيف حالكم يا احلى اعضاء انا من فترة وانا متابعه معاكم واحب تكون اول مشاركاتي معكم روايتي والاولى وهي }{}{}{}{ أحب فيك الليل لا صار الهوجاس وأحب باكر دامني فيك موعود }{}{}{}{ روايتي الاولى واتمنى ان القى منكم التقبل بينكم وخصوصا كتاب الروايات مثل اقدار واتمنى اشوف زارا من زوار الصفحه لان هالبنت تدخل القلب من اوسع ابوابه واتمنى من اعضاء منتداكم الرائع ان يعطوني رايهم وصدقوني انا ما كتبت في المنتدى الا اني اعرف ان الاعضاء اللي فيه راح يعطوني رايهم بدون مجاملات وخصوصا انا مسجلة في اكثر من منتدى لكن شرف عظيم لي اني اكتب الرواية لاول مره عندكم واذا لقيت قبول منكم راح اكمل بس شرط القى دعم والقى انتقادات بناءه واتركم مع اول الاجزاء واتمنى منكم الفاعل يا من على جسر الدموع تركتني .. لست ابكي منك بل ابكي عليك كانت جالسة على سريرها وبيدها قلم تنقش كلماتها في كتاب ذكرياتها الذي لا تبوح الا له لأنه الوحيد الذي يستمع الى شكواها دون كلل او ملل العنود ( عمرها 20 سنه كتومة لدرجة كبيرة وتسمع اكثر من انها تتكلم وكل صديقاتها يشكون لها لانهم يعرفون وين يحطون اسرارهم ووين يلقون حلول لمشاكلهم تحب تسمع الاغاني الهادية والحزينة تعبر عن اللي فيها بالرسم والشعر وتتعرفون عليها اكثر من خلال الاحداث ) العنود عندها صديقة قريبة منها كثير اسمها الجازي ( عمرها 20 سنه حنونة لدرجة كبيرة وطبية وقلبها ابيض جميلة وشعرها ماخذ من سواد الليل وعيونها ناعسة وكبيرة ولونها عسلي فاتح وتحب الاغاني الي ترقص وتعشق السمك واللون الازرق بكل درجاته ) بعد ما خلصت كتابة حطت كتابها مع القلم على المكتب وفتحت درج المكتب وطلع منه البوم صور اخذته وراحت للسرير تتفرج على الصور شافت صورة اشتاقت لصاحبه : وينك يا دفا سنيني وينك ياسندي بالدنيا انا محتاجتك ليه ما دقيت على او حتى طمنتني عليك لو برسالة خذت موبايلها وارسلت مسج " ياكل دنياي اشتقت لك وينك وليش ما طمنتني عليك ياظالم يومين ما اسمع صوتك ولا تدز لي مسج اعرف اخبارك بس ترا انا مشتاقة لك موت ومن تغلا تخلا " وراحت عند الاستيريو وحطت سيدي اغاني قديمه وسمعت بعيد عنك لام كلثوم مسكت جوالها ودقت على " ياعمري فديتك " وبعد الرنه الرابعه سمعت صوتها الجازي : عنوده فيك شي العنود : لا ياقلبي مافيني شي بس داقة اسولف معاك الجازي : اشفيك العنود : مشتاقة حق عزوزي صار له يومين من سافر واهو لا حس ولا خبر انا خايفة عليه الجازي : عنودتي يمكن انشغل بعدين لا تنسين هو سافر شغل يعني اكيد مشغول وايد او ما قدر يدق لانه تعب من الشغل كل واحد عذره معاه ليش انتي خايفه الحين وليش تبكين العنود : انا خايفه عليه هو لان مستحيل يمر يوم عزوز ما يكلمني فيه حتى لو مسافر اسبانيا ولا أي مكان لازم يدق علي حتى لو مشغول الجازي : يعني بس تشتاقين حق عزوز وانا لي الله العنود: ياقلبي من قالك ما اشتاقلك الجازي : بعد عمري الحين روحي نامي ومن اصبح افلح ارقدي ولا تشيلين هم ان شاء الله ما عليه الا العافية العنود : اه من وين يجيني نوم وانا ماكله الهم اكل ( كنايه عن كثر همها ) واهي تتكلم سمعت صوت خط ثاني وبسرعه قالت : مس بلو كاهو دق يلا باي عزوز : وحشتيني موت ياعمري سامحيني ما قدرت ادق لان اول ما وصلت امس من المطار لين الشركة وما طلعت منها الى متاخر واول ما وصلت البيت حطيت راسي ونمت حتى بدون لا ابدل ملابسي الو انت وين ما سمع ردها عزيز : عنودتي نايمه العنود : لا مو نايمه بس ابي اشبع من صوتك عشان لو صدفت ما كلمتني الايام الجاية عزيز : بعد عمري ليش زعلانة مني والله مو بيدي المهم الحين شلونك يا قلبي عنود : بخير الحمد لله انت شلونك عزيز : بخير الحمد لله ياحلوة شلون ماما وبابا عنود : ماما تسلم عليك وتقولك دير بالك على نفسك وتغطا عدل واكل عدل وبابا مغلبني ما ياخذ ابرته الا بطلوع الروح كل يوم على نفس المنوال عزيز : وانتي تاكلين عدل او لا ترا انا اعرفك ما تاكلين الا غصب اكلك اكل طيور عنود : مس بلو ما تقصر كل حزت ابرتي تدق اقولها انا 20 سنه ما نسيتها ليش مصرة تذكريني لا تعبين عمرك تقول جل من لا يسهو والذكرى تنفع المؤمنين وتدق علي كل حزة اكل عشان تقولي اكلي عدل تتوقع شنو تسوي عزوز : شنو العنود : هههه تدق على فاضل الطباخ كل يوم تقوله سو الاكلة الفلانية اليوم وكل يوم على هالموال وانا كل ما قعدت على الطاولة اكلي دومه غير ههههههههه عزوز : الله يحفظها صج ونعم التربية عنود : عزوزي ما ودك تنام اخاف انك تعبان من الشغل وانا مثقلة عليك عزوز : بلا بنام بس لما اشبع من صوتك ولا ما يحق لي اكلم حبيبتي وعمري وروحي وبيني واختي عزوز : بلا يحق لك بس اختك خايفة عليك وتبيك ترتاح عشان تقوم نشيط لشغلك عزوز : لا تقولين خايفة عليك قولي بزهقت منك بسكر وانا اسكر حاضر عنود : لا والله انا ازهق منك الله يسامحك عزوزي قولي شلون الجو عندك بالرياض عزوز : الجو خيال برد ومطر والله طافكم كان ودي تكونون معاي الحين عنود : ياي دير بالك على عمرك ولا تطلع الا بجاكيت مطري عزوز : ان شاء الله عمتي اقول يلا روحي نامي صارت الساعه وحده يعني متى تقدين عشان تخاذين علاجك وتعطين ابوي علاجه اقول اخذتي ابرة الليل او لا عنود : أي اخذتها بعدين اذا على متى اقوم الصبح هاذي خلها على مس بلو اهي متكفله فيني هههههه حاطية مذكرتين بموبايلها عشان ما تنسى عزوز : الله يستر على هالبنت ما تلقين صديقه مثلها عنود أي والله انا احبها موت بعدين مس بلو اخت اكثر من انها صديقة عزوز : عندي سؤال ممكن اسال عنود : تفضل عزوز : زاد فضلك بيس انتي من تعرفينها عنود : من 4 سنوات بس احس اني اعرفا من نولدت عزوز : بنت منو ؟ وكم عمرها؟ عنود : بنت خالد سعود الفهد وعمرها 20 والحالة الاجتماعية غير متزوجة قاطعها : بس بس بس واللي يرحم والديك انا قلت اسمها وعمرها ما قلت اقري جواز سفرها عنود : هههههههه اضحك معاك ويلا باي ترا الساعة صارت وحده ونص يعني متى تروح تنام ترا انت تقوم من السبعة يعني لازم تشبع نوم تصبح على خير بعد عمري عزوز : وانتي من اهل الخير يادلوعتي مع السلامه وتغطي عدل حبيبتي طيب عنود : طيب حبيبي باي وسكر الخط وطلع بوكه من جيب دشداشته وطلع صورة له ويا عنود وابتسم وقال : الله يخليك لي ويوفقك يابنوتي الدلوعة عزوز ( اخو العنود عمره 28 اخوها البكر مدلعا كثير لانها من انولدت واهي مرضة سكر فعمره ما زعلها ولا يرضى احد يزعلها او حتى يضايقها ورافض فكرت الزواج لين هي تتزوج ويزفها على زوجها بعدين يشوف حياته يشتغل في مؤسسة ابوه لان ابوه كبير في العمر وعطي عزيز كل الصلاحيات واهو بشطارته فتح فروح لؤسستهم في دبي وفي الرياض والفرع الرئيسي في الكويت ) رجع الصورة مكانها وراح ينام الساعة 8 صباحا يدق المنبه وأخذت دوش سريع ولبست برمودا ببج خصر واطي وبدي عليه صرة بنوته حلوة مشطت شعرها الطويل اللي وصل بين خصرها والركبة اهو اقرب للركبة ومتساوي وما تحب أنها تقصه على الموضة تقول يخرب جمال وحيوية شعري بعكس مس بلو شعرها يوصل لين أخر ظهرها وقاصته مدرجات وشعرها اسود ومستحيل إن يجي يوم تحط عليه صبغ و خرابيط الموضة حطت قلوس وردي ومسكرا وسوت شعرها ذيل حصان لأنها بالبيت ونزلت المطبخ لقت الطباخ مسوي فطورها مع الوالد راحت على الثلاجة و أخذت صندوق العلاجات وطلعت من المطبخ راحت حطت الصندوق في غرفه الطعام على الطاولة وراحت فوق تقعد الوالد طبعا مثل موال كل يوم ما يبي العلاج هو صار له مريض سكر من شهر بس فعنود بحكم خبرتها بالعلاج هي اللي تكفلت تعطيه الابرة كل يوم مرتين عنود : يبه قوم تريق معاي انا زهقانه بروحي فارس ( الوالد ) : اممممم مابي كل يوم تقولين نفس الكلام عشان اخذ علاجي ابي انام نعسان ماشبعت نوم عنود: يبه ارت اذا ماقمت ترا بزعل وماخذ علاجي تبيني اموت فارس : بسم الله عليم لا تقولين هالكلام الحين اقوم اسبقيني بس الله الابرة تعورني عنود : يبه هذا كله اجر انت نسيت الرسول عليه الصلاة والسلام لما قال " حتى الشوكه يشاك بها المؤمن يكفر الله بها خطاياه " مأجور يبه قوم عاد فارس طيب اسبقيني ونزلت عنود غرفه الطعام بعد ماقالت لفاضل يسوي لها عصير برتقال دق موبايل عنود وشافت الرقم وابتسمت (( ياعمري فديتك )) العنود : هلا وغلا بهالصوت الجازي :السلام عليكم العنود : عليكم السلام ورحمه الله وبركاته صج النوم الجازي : صح بدنك سامحيني راحت علي نومه مادقيت عليك عنود : حبيبتي عادي اصلا انا احط المنبه كل يوم وعزوز يسلم عليك الجازي : الله يسلمه شلونه ان شاء الله بخير وليش مادق عليك العنود : الحمدلله طيب مادق يقول انه نام وهو تعبان حتى ملابسه مابدلها وعلي عليه الجازي : الحمدلله يعني مافيه الا العافية قلت لك امس بس انتي ملقوفة هههههههه عنود شافت ابوها دخل غرفه الطعام قالت : طيب مس بلو اكلمك بعدين بتريق ( افطر ) بعدين اكلمك الجازي : اكلي عدل او اني بجي اوكلك غصب العنود : طيب باي الجازي : باي عنود لفت على ابوها : هلا وغلا باغلى ابو بالعالم وباست راسه وقعدت عنده وفتحت علبة الادوية واخذت ابره وحسحبت من المعكر ورجعته مكانه واخذت الصافي وسحبت منه وخذت المسحه ( مسحه معقمه ) ومسحت زند ابوه وهي تقول : انا احبك بابا الاب فارس : وانا بعد وهي تبتسم وتغز الابرة وشافت ابوها اللي يكره العلاج ما تكلم اليوم مثل كل يوم يتحلطم لو انه قال للدكتور انه ما يبي ابر يبي حبوب وابتسمت له وهي تقول : يلا سم فارس : يابعد عمري يالعنود والله اني متعبك معاي كل يوم المفروض اني اتعلم عليها واريحك العنود : افا والله يابو عزوز تبي تحرمني الأجر ومن دعواك اللي ترد الروح يوم انك تقول الله يوفقك يابني والله يسعدك فارس : لا والله مو جذي السالفه بس انتي منتي ملحقه على نفسك من التعب واجي انا ازيدها عليك عنود : بابا سكر الموضوع لان ما راح اعلمك عليها لان انا متكفله فيك وصدقني يبه اني ما اقول جذي الا اني ابي ارد لكم شوي من جمايلكم انت وامي وعزوز اللي تعبتو معاي من وانا صغيرة ومعاي السكري فارس : طيب شخبار عزوز ما دق عليك تراه امس كلمني ويسلم عليك عنود : بلا كلمني ويسلم عليكم زكملو فطور ودخلوا بالصاله الداخلية عنود سحبت الاب توب والاب يقرا الجرايد رفع فارس السماعد وطلب 11 : فاضل سو كوبين شاي وقال بصوت اخفض شوي وكثر سكر بكوبي وياويلك تعلم احد فاضل : سم يا طويل العمر وسكر ورجع للجرايد وبعد شوي دخلت الشغاله ومعاها الشاي والسكرية ( علبه السكر ) والشغالة طبعا عطت فارس اول وعنود تطالع ابوها لانه يدايم يغشهم ويحط 3 ملاعق سكر عنود تكلم الشغالة : حطيه على الطاولة انا اعطي بابا فارس : عنود بابا خليها انا اخذ كوبي مو بعيد عني عنود : لا مافيه ثقه انت دايم تغشنا وتتكثر سكر لا انا اعطيك احسن فارس في قلبه هين يا فاضل شغلك عندي قلت لك حط السكر جايب السكرية عشان ما اهاوشك بس هين يا وجه الفقر فارس : انا مب جاهل عشان بكيفكم تمنعون السكر ولا الاكل انا اسوي اللي انا ابيه مو عامشي على كيفك انتي وفاضل بعدين محد له عندي شي انا اسوي اللي ابيه عنود وهي تقوم وتقعد بحضن ابوها وتبوسه بقوة على خدة : واحد قال غير هالكلام ياسيد الرجال كلهم بس انا اخاف عليك مثل ما انت كنت تخاف علي قبل لما كنت اشوف الكاكاو ما صديقاتي وانا ما اقدر اكل كاكاو وياد عشان انتو ما تهاوشوني فروسي لا تزعل علي انا احبك فارس وهو يبوسها على جبهتها : طيب انا مو زعلان وانا اقدر ازعل على عنودتي وباسها مرة ثانيه نفس المكان ولحظة بوسة دخلت مشاعل : لا والله ابعدي عن مكاني احسن لك هذا الحظن لي انا وبس عنود وهي تحاوط رقبة ابوها بذراعها : حبيبتي مثل ماهو ابوك هو بعد بابا مشاعل وهي تفك ايدين عنود عن رقبة ابوها : وخري عن مكاني بابا شوفها قاعده مكاني فارس : خليها انا ابيها بحضني هي بنتي الدلوعة وحبيبتي وانتي بس بنتي مشاعل والدمعة بعينها : هين عنودوه انا رايحه حق ماما اقعدها تهاوشك وهي تشهق وانا زعلانه عليك بابا اصلا انا ما احبك انا بس احب ماما كثير فارس : لا تحبيني اصلا انا بس يكفيني ان عنود تحبني اهو يقول هالكلام لانها جاهل وبسرعه تبكي على أي شي لو تافه فحب يضحك معاها وهي تطلع من الصاله : هين عنودوهانا الحين اكلم عزيز اخليه يهاوشك وانت يابابا راح اقعد ماما عشان تزعل عليك مثلي بغرفه امها : ماما قومي ماما قومي سارة الام : هلا يا ماما اشفيك مشاعل : بابا يقول انه ما يحبني وانه بس يحب عنود سارة : ههه هو قال جذي لك مشاعل : أي هو قال جذي سارة وهي تسحب مشاعل مع يدها تنومها يمها وتمسح على شعرها : شعوله انتي تدرين ان بابا يحبكم كلكم مثل بعض بس يحب يضحك معاك لانك دلوعته واخر العنقود ما تبين يحبك وانتي دلوعتنا مشاعل : طيب قومي تريقي (افطري ) معاي وبعد ابي اقعد بحضنك مثل العنود عشان احرها مثل ما تحرني وابي احر بابا يعد عشان مرة ثانية مايسوي جذي سارة : طيب انزلي انطريني تحت بالصاله معاهم وحريهم قولي لهم اني احبك اكثر وحده بالعالم وانك انتي الوحيده اللي بقلبي على ما اخذ دوش سريع وانزل اتريق ( افطر ) معاك مشاعل ( الفتاة المدلله اخر العنقود عمرها 15 سنه ولها توأم اسمه مشعل مدلله وراح تعرفون شخصيتها مع الاحداث الجايه لانها مرة كيوت وحبوبه ) مشاعل وهي تقوم وتبوس سارة : اوكي بس لا تطولين في الصاله لحظة لما طلعت مشاعل زعلانه عنود : هههههههههههه هالمشاعل تبي كل شي لها وبس فارس : مو دلوعتي اكيد تاخذ كل شي . بس المشكلة ما عندها ثقه اني احبها وبسرعه تبكي عنود : انا شريرة احب اشوفها تبكي ودخلت عليهم مشاعل وقعدت بعيد عنهم : موتو قهر اصلا ماما تحبني اكثر وحده وانا الوحيده اللي بقلبها مو مثل بعض الناس يحبون كل الناس ماما بس تحبني انا وبس فارس يكلمها وهو يبتسم وده ينفجر من الضحك على شكل مشاعل : شدراك اصلا هي تحبني انا عشان انا زوجها وانتي بنتها قاطعته مشاعل : اصلا هي قالت لي هالكلام بنفسها مشكلتك واثق انها تحبك خنقتها العبرة : تبي كل الناس ما يحبوني مثلك وسكتت لان دمعتها نزلت فارس وهي يقوم عنود اللي بحظنه ويروح عندها : افا يا عيون بابا انا ما احبك اذا انا ما احبك منو يحبك مثلي انا احبك موت لانك دلوعتي واخر العنقود وهي تقوم : انا ما يهمني انت انا يهمني ماما وبس والحين هي تنزل عشان اقعد بحضنها الحلو فارس وهو يسحبها مع يدها : وانا حضني مو حلو وحطها بحضنه وقام يدغدغها : انا تفولين حضني مو حلو مشاعل وهي تضحك : لا والله حضنك حلو بس فكني والله بموت ههههههههه بابا وخر عني ههههههههه فارس وهو يزيد الدغدغه : ما افكك اول قولي انك تحبيني اكثر واحد مشاعل : هههههههههههههه والله احبك اكثر واحد بس فكني هههههههههه وهو يوخر عنها : طيب انك قلتي تحبيني لان والله لو ما قلتي انك تحبيني ما افكك مشاعل وهي تبوس ابوها : اجل ليش قبل شوي تقول انك ما تحبني فارس : انا احبك بس اضحك معاك وبالحظة هاذي دخلت امهم تقول : ماما شوفي بابا مايحبني وزفني وهاوشني وشوفي عنود قالت وبابا قال واجي ابي اهاوشهم القاك تكركرين مشاعل : سوء تفاهم وزال ولله الحمد سارة : زييييييييين سوء تفاهم الحمدلله انه زال كملت وهي ترح تحب فارس على راسه : صباح الخير فارس : صباح النور و البنور والورد المنثور كيف اصبحتي سارة : الحمدلله اصبحت على وجه الحلوة شعوله وكان صبحي مثل العسل عندو نطت تقول وهي حاطه يدها على خصرها : لا والله ما كن عندكم بنت اسمها عنود كل شي مشاعل تطالع عنود ماشاء الله مكوشة على الكل مو مخليه لي احد سارة : انتي الكبيرة الدلوعه تغمز لها انتي الغاليه اول فرحتي تسحبها يمها وتحظنها مشاعل : لا والله احسن قعديها بحضنك فارس : ما يكفيك حضني مشاعل : بلا بس هاذي ماما وعنود تحرني تسوي جذي عنود : موتي قهر انا اول فرحتها هههههههههه سارة تطلع مشعل : قولي انا اخر العنقود ههههههههههههههههه وقعدو سوالف وضحك مع بعض بعد فترة عنود : عن اذنكم بروح غرفتي الكل : اذنك معك وراحت بدلت ملابسها ولبست جينز لويست مع بدي احمر وجاكيت طويل جلد اسود وبوت جلد اسود عليه ورود صغيرة باللون الاحمر وشنطتها بفس شكل البوت ( وانتو بكرامه ) ودقت على الجازي بعد ثاني دقه ردت : مس بلو تروحين معاي الجازي : وين العنود : بسيارتي الجازي : ما ينفع نروح مع السواق العنود : ليش الجازي : يعني ما تعرفين القوانين سيده جوري العنود : اها طيب بنروح معاه بس يلا بتروحين معاي الجازي : اكلم علي واشوفه بعدين اكلمك العنود : اوكي سينوريتا لاروسا وسكرت ودقت الجازي على علي اللي كان مداوم ( علي اخو الجازي العود عمرة 35 واهو ابوها واخوها لان ابوهم مات وعمرو 6 سنوات وما عرفت اب غير علي لانه اهو اللي رباها مع امه كان لها احن اب بالعالم) الجازي : السلام عليكم علي : وعليكم السلام والرحمه يا حلوة متى قعدتي الجازي : من قبل شوي من الساعه 8 عشان اقعد خويتي عشان علاجها علي : طيب شنو سر هالاتصال المفاجئ الحلو من الصبح اكيد تبين فلوس الجازي : ايه ابي فلوس وابي شي ثاني بعد علي : امري يا عسوله الجازي : ما يامر عليك ظالم ابي اروح السوق مع عنود في جاكيت نازل جديد بروح معاها نشتري مثله علي : بتطولون او لا الجازي : يمكن نتغدا برا انا وهي ونتمشى شوي بعدين نرجع للبيت علي : اوكي روحي بس ديري بالك على حالكم واي واحد يضايقكم دقي علي على طول مع منو يتروحون الجازي : سواقهم علي : اوكي يلا تبين شي ثاني وعلى فكرة الفلوس مروا علي المستشفى عشان اعطيك بطاقه البنك والماستر والفيزا اعرفك لو طبيتي السوق ما تكفيك فلوس الدنيا كلها الجازي : اوكيشن بابا علاوي يا اغلى بابا بالدنيا علي : اوكي يا اغلى مصلحجيه بالعالم بعيدا عن تلك الاجواء وفي هدوء يقطعه صوت تدرين وادري للمغني عبادي الجوهر على ضوء ابجورة المكتب ما ترحم اللي مات قبل انتحاره ... اجرم بنسفه وانت بقلبه اجرمت ... اثر التجارة والمحبة شطارة ... وانا من انصار الهوى ما تعلمت ... يفزلك جسم ( ن ) براه انتظاره ... ويقوم لك قلبي وانا ما بعد قمت ... كتبتها على اوراق بيضاء بقلم احمر كأنها تقول كتبتها بدمي رسمت قلب مسجون وكتبت تحته نساني للاسف في عز ضيقي وانا في غمرة اجراحي اعاني ليقته في هوى غيري غريقي تنكر من هواي ومن حناني " ليتك تحس فيني يا معذب الروح وينك عني ووين دنياك ياترا تحس باللي احس فيه قلبي متعذب وانت ولا تدري عني " والوقت يمشي وهي تكتب كلاماتها على اوراقها البيضاء وبحبر احمر }{}{}{}{ احبك كتبتها لك يا مالك القلب والروح }{}{}{}{ هذا حالها من صدمتها هذه الشخصيه سوف تظر مع الاحداث بوضوح وبكل شفافيه هذه الشخصية موجوده على ارض الوقع وليست من نسج الخيال و .؟.. لن اكمل بل سوف اجعلها هي من تظهر نفسها مع الاحداث &&& انتظروها قريبا &&& ^&^ وتفقت مع العنود تمرها وراحوا المستشفى واخذت بطاقات البنك وراحوا السوق وبعد السوق راحوا المطعم وتغدوا وبعدها طلعوا يتمشون على البحر وقعدوا على الكراسي الجازي : عنود انا عندي موضوع وحابه اكلمك فيه بس اخاف تزعلين مني او تتضايقين مني عنود : خير مس بلو اشفيك :welcome_pills2: %%%%%%%%%%%%%%%%%%%%%%%%%%%%%% اذا لقيت تفاعل راح اكملها والا لن اكملها ودعتكم الله الذي لا تضيع ودائعه ودمتم بخير ومحبه دمتم في حفظ الرحمن |
السلام عليكم و رحمة الله عيدك مبارك سعيد، و كل عام وانت بصحة و هنا:flowers2: أختي ندى الزهر، انا عن نفسي متابعة لقصتك إن شاء الله جذبني تعلق البطلة بأخيها، أحب مثل هذه العلاقات الأسرية الحميمة و من الواضح إن قصتك فيها أسرار و مفاجئات و آمل أن تكون مشوقة، مع أني لن أصوت الآن عليها لكن لك مني وعد في الجزء القادم عندما تتضح لي الأمور أكثر بكون أول المصوتين ما شاء الله عليك أختي و اسمحي لي بالترحيب بك:friends: على رغم اني ضيفة جديدة على المنتدى في انتظار المزيد منك، بالتوفيق |
السلام عليكم اختي ندى الزهر
العنوان عجيــــــــــــــــــــــــــــــــــب وشكل القصة حلوة مع اني ليلحين ماقريتها اتمنى انج تقبليني من المتابعين لقصتج؟! |
الحان الشوق
اسعدني مرورك وافرحني كثيرا اطرائك واتمنى ان تحوز الرواية على اعجابك واعجاب الاخرين وصدقني ان هذه الشخيصات موجوده بالحقيقه وليست من نسج الخيال بل من ارض الواقع وهي فعلا مليئه بالمفاجأت والاحداث وشكرا على مرورك العاطر ودمتم بخير ومحبه دمتم في حفظ الرحمن |
بنت بلدي الكويت اسعدني وجودك ويهمني رايج بعد ما تقرينها
واشكر وجودج العاطر ودمتم بخير ومحبه دمتم في حفظ الرحمن |
يامرحبا ....وياهلا...بندى الزهر...
وكل عام وانتي بخير... نورتي ..المنتدى بوجودكِ..... واعتبري ...انيّ..من المتابعين ...ولو كنت خلف ..الاسوار... والتصويت ...راح ...اصوت ....بعد ...اتضاح ...بعض الامور....فيها ..... واخيرا.... اتمنى ان تسعدي معنا .....ونكسبكِ....صديقه عزيزه.... اختكِ قال الزهر آآآه |
بداية رائعة عزيزتي
|
حيا الله زهورة وعلى فكرة انا متابعه روايتك واسعدني كثيرا كاتبة متالقه مثلك تتواضع وتكتب في صفحتي ويهمني رايك كثيرا واتمنى وان تحوز اعجابكم
ودمتم بخير ومحبه دمتم في حفظ الرحمن |
reem99sh
اسعدني مرورك ودمتم بخير ومحبه دمتم في حفظ الرحمن |
حياك الله ...اختيارك للمنتدى شيء جميل
اعتبريني من متابعينك والتصويت لن اتعجل فيه..حتى يكون أكثر مصداقية وفقك الله |
|
:flowers2::flowers2::flowers2: كل عام وانتى بخير قصتك حلوه كتير وبالاخص العنود ومرضها من وهى صغيره وعلاقتها بعائلتها الرائعه بدايه من اخيها عزيز وابوها وامها و الثنائى المرح مشاعل ومشعل . الجازى وعائلتها مؤثره جدا موت الاب وتولى الابن الاكبر المسئوليه وتربيته لاخواته مع امه ونعم الرجال. و المجهوله التى تتركينها تكشف عن نفسها بنفسها نحن بانتظارها فاكشفى عن اسرارها. اكملى روايتك وبالتوفيق ومزيد من الابداع والتالق . :flowers2::flowers2::flowers2: |
ماشاء الله تبارك الله
باين انها رواية مميزة والحمد لله ان قسمنا يحظى بكتاب متألقين انا قرأت البداية وماقدرت اصبر ماارد ياقلبي انتي ماشاء الله في طريق الابداع وان شاء الله تلاقين التشجيع وتحققين اللي تطمحين له واعتبريني من متابعينك وراح ارجع وارد بتعليق مفصل للشخصيات والأحداث بإذن الله اذا انهيت الجزء .. بس اكون فاضيه يالغلا واتمنى من كل قلبي تكون روايتك من ضمن الروايات المميزة .. مرة ثانية حياك الله في ليلاس ومن ضمن كتابه تستحقين التقييم والخمس نجوم ;) اما التصويت انتظري بس لين نشوف لب الأحداث ومالك الا من يصوت بضمير :smile: |
اقتباس:
اتشرف بوجودك عزيزتي ودمتم بخير ومحبه دمتم في حفظ الرحمن |
اقتباس:
مشكورة حبيبتي ودمتم بخير ومحبه دمتم في حفظ الرحمن |
اقتباس:
غاليتي اقدار يعلم الله اني فرحت من كل قلبي عندما شفت تواضعك عزيزتي واني يعلم الله اني احبك في الله وزادني شرف متابعتك لي يا غاليتي وانا في انتظار ردودك غاليتي ودمتم بخير ومحبه دمتم في حفظ الرحمن |
السلام عليكم
ما شاء الله عليك اسلوبك روعـــــــــــــــــــــــة مو جن هذي اول رواية لج العنود:شكلها وايد حبوبة من علاقتها مع اهلها وصديقتها الجازي عزوز:عجبني وايد اهتمامه باهله حتى لومسافر الجازي:عجبتني وايـــــــــــــد علاقتها بالعنود واهتمامها فيها والحين نادرا ماتلقين صديقة جذي وشكل علاقتها باخوها وايد قويــــــة الله يخليهم لبعض مشاعل: صج دلوعـــــــــــــــــــــة حتى اول ماقريت عبالي عمرها 10 سنين وان شاء تطلع حبوبة مثل ماقلتي لاني بصراحة حسيت روحي اكرهها امس طول الليل قاع افكر شنو الموضوع الي الي بين الجازي والعنود؟! ومنو هذي الي منصدمة وموجودة على ارض الواقع كنت برد امس بس ماقدرت عشان جذي رديت اليوم ولا انا من امس قاريته متى البارت الياي؟ |
أهلين حبوووبه كل عام وانتي بخير بدايه موفقه جدا وأسلوب رائع وسلس في صياغة الأحداث حبيت شخصية العنود وعلاقتها بأهلها واضح التقارب العائلي بينهم الجازي شخصيه حلوه وااايد ونعم الصديقه هالصديقه الي نادرا نلقى مثلها راح أكوون انشالله من متابعينج بس يا ريت يا قلبي تحددين اليوم الي اتنزلين فيه بااارت ننتظر الباارت الياااي بكل شووووووق |
سلااااااااام عليكم شكل الروايه جنان اكثر شي جذبني العنوان (احب فيك الليل لا صار هوجاس واحب باكر دامني فيك موعود)روعهههههههههه اهم شي انها روايه كويتيه من زمان عن روايات الكويتيه البارت وايد حلوو تحسينه صج من واقعنا او مجتمعنا علاقه الاب والام مع عيالهم حتى الاخ حبيتي اعتيريني من متابعينج تسلمين يا الغاليه |
طلعوا يتمشون على البحر وقعدوا على الكراسي الجازي : عنود انا عندي موضوع وحابه اكلمك فيه بس اخاف تزعلين مني او تتضايقين مني
عنود : خير مس بلو اشفيك الجازي : نونوه حبيبتي انتي تدرين اني احبج وابي مصلحتك انا عندي سؤال واحد اذا عجبك جاوبي واذا ما اعجبك طنشي عنود تهز راسها بايجاب الجازي : ليش ما تكملين المدرسة أنتي ما بقى لك الا رابعة ثانوي كملي دراستك ترا ما ينفعك غيرها العنود : جوجو أنتي تدرين ليش انا تركتها انا ما تركتها كسل مني وأنتي أدرى بالشيء هذا انتي أول وحده تدري ان نسبتي في ثالثه ثانوي 99.7 علمي يعني كنت من المتفوقين دايم كانوا البنات بس يقولون انتي متى تلحقين تدرسين وتحفظين المنهج هذا على كثر المواد وصعب المناهج بعد ما تخرجت من ثالثه بالعطلة سوو لي اهلي حفله كبيرة عشان افرح وافرح اهلي معاي وانتي كنتي موجودة بعد وعدت العطلة باللي فيها ويوم بدت الدوامات رحت ابي أداوم بس شفت المدرسة رجعت بالسيارة وانتي بكرامه ولما كان عزيز يبي يردني البيت ما رضيت لانه اول يوم وانا استانس اذا كان اول يوم لاني اشوف ابلاتي وصديقاتي بعد غيبه طويله ولما دخلت ما قدرت اتماسك أغمى علي بالصف ودقوا علي عزيز لان رقمه عندهم لاني من الحالات الخاصة بسبب مرضي وجا اخذني ووداني المستشفى والدكتور يقول ما فيني شي ولما رجعنا البيت ارتحت وكان مافيني شي ثاني يوم نفس الشي واداوم ويغمى علي ولما ارجع البيت ارجع عادي ما كان اغمى علي من شوي بعدها سحبت أوراقي من المدرسه وقعدت بالبيت والناس تقول عين الجازي : طيب ليش ما تكملين السنه الجايه العنود : والله فكرة سكتت تفكر وقالت : تصدقين والله الفكرة حلوة بس ما اعتقد انهم يقبلوني صباحي لازم مسائي لان صارلي 3 سنين ما درست بس خايفه يتكرر اللي صار الجازي : جربي انتي مو خسرانه شي اذا حسيتي انك تعبانه لا تنطرين على طول دقي على عبد العزيز يجيك العنود : بشوف عزيز اذا يوافق او لا و اعطيك خبر الجازي : على خير ان شاء الله يلا عنوده ما ودك نرجع البيت ترا تعبت امس مو نايمة عدل العنود : يلا مشينا &@&@&@&@&@&@&@&@&@&@&@ &@&@&@&@&@&@&@&@&@ &@&@&@&@&@&@&@ &@&@&@&@&@ &@&@&@&@ &@&@&@ &@&@ &@ @ بعد يومين في نفس المكان البعيد عن ازعاج الناس والاضواء على ضوء الابجورة وعلى صوت الفنان عبادي الجوهر تدرين وادري بنفترق نزلت دمعه حارة على خدها تتحسف على كل دقيقه قضتها معاه وكل دقيقه قضتها له وكل دقيقه قضتها على ذكراه تذكرت واهي اصلا ما نست هي واقفه على الشباك المطل على الشارع وهو واقف تحت يتكلم بالموبايل وفي يده فنجان القهوة العربيه ويلعب فيه وهو يتكلم وشكله زعلان او معصب هي كل حواسها توقفت لما بطلت الشباك تبي تسمع صوته ليتها لم تفتح الشباك سمعته يقول : لا تقولين حمار انا مو حمار ( انتو بكرامه ) ولا عشان حبيتك تستغلين حبي لك .. .. لا تصارخين .. وافهمي كل شي اول ... زين خليني اشرح لك ... .. هدي اعصابك وكلميني عدل ولا تسبين ... لا تسكرين اسمعيني انـــ .. وبعدها حذف الفنجان اللي معاه بقوة على الشارع .. لانها سكرت بوجهه .. هي نادته وهي واقفه على الشباك من فوق بصوت واطي عشان ينتبه لها وانها سمعته : عادل طالع لها فوق وعرف انها واقفه من اول لان دموعها على خدها وسكرت الشباك والستارة وهي تبكي بكل الم وركضت على غرفتها بكت ... حبها اللي عطته اياه بكت ... عمرها اللي قضته معه بكت ... جروحها اللي اهداها لها بكت ... حزن انه يحب صديقته وما يحبني بكت ... ندم عليه وشلون قدر يلعب عليها وهي تبكي على سريرها انفتح الباب ودخلت انفجعت لما شافت عاليه تبكي وركضت لها غاليه : اشفيك شصار ليش تبكين ( غالية اخت عالية التوأم تحبها وتموت عليها وتخاف عليها حيل وما يخشون عن بعض شي عمرهم 17 سنه يتشابهون بشكل عجيب لدرجه محد يفرق بينهم غير امهم سبحان الله قلب الام دليله حتى ابوهم ما يفرق يبنهم ) غالية : علوية اشفيك ليش الدموع حبيبتي تتكلم وهي ضامتها وتمسح على شعرها علوية ضلت تبكي وتبكي لين صارت تشهق من كثر البكي قالت من بين دموعها : شفته يكلمها غالية : من عادل عالية قالت لاختها كل اللي صار وبكت غالية مع اختها لان ما تقدر تشوف اختها تبكي غالية : هين يا عويدل الهم شغلك عندي عادل كان بالديوانية ( المجلس او المقلط ) يسولف مع عيال عمه واستأذن انه يبي يروح يسلم على جدته وعمته ودخل داخل وهو على نار سلم وقعد شوي بعدين استأذن انه يبي يروح يسلم على البنات وراح غرفتها وقف عند الباب وهو خايف من ردت فعلها دف الباب غالية : منو ؟؟ عادل : انا عادل ممكن اشوف عالية غالية نعم سيد روميو جاي تكمل الفيلم عليها عادل : غالية ممكن تفتحين الباب لي بكلم عالية شوي عالية ردت وصوتها باين انها تبكي : نعم تفضل يا سيد روميو عادل وهو يدخل الغرفه : السلام عليكم البنات وعليكم السلام غالية : نعم وياريت تختصر عادل مرتبك لما يشوف عالية تبكي بحضن غالية وده يضمها يتأسف منها عادل : علويه الموضوع مو مثل ما انتي مفكرة عالية ترفع راسها : لا والله عيل منو هاذي فهمني يلا عادل : هاذي رفيجه صديقي وهي متهاوشه معاه ويبيني اصالح يبنهم بس هذا كل اللي صار عالية : بعد تجذب فوق شينك قوات عينك تقلد صوته لا تقولين حمار انا مو حمار ( وانتو بكرامه ) ولا عشان حبيتك تستغلين حبي لك سكتت وقالت قبل لا يرد : فهمني سيد روميو منو هاذي جولييت اللي بعتني عشانها عادل بدأ يعصب لانها عرفت كل شي وممكن تفصخ الخطوبه اللي بينهم : غاليه تكلمني غاليه : لا والله تبيني ابرر لك موقفك انت وانا اشوف اختي منهارة شنو تبي اقولها اقولها عادل يحبك أي حب وانت طايح مغازل وصاير خروف للجوليتك عادل وهو ينزل عند ركب عالية : علويه تكفين سامحيني انا غلطت ومنك السماح عاليه وهي حاطه عينها بعينه : اكرهك يا عادل وبس اهدأ راح أروح لأبوي وأقوله يلغي خطوبتنا يا عادل مالك بقلبي مكان يا ((( خااااااااااااااين ))) واطلع برا بالطيب لا تخليني أسوي فضيحة على الأقل عشان العشرة اللي ( كانت ) بينه يا ولد عمي عادل : عاليه لا تروحين لعمي زين انتي عطيني فرصه اشرح لك انا احبك ولا تنسين انك بعد تحبيني على الاقل فرصه وحده يا عالية عاليه وهي توقف : عادل لو سمحت اطلع برا لان مو قادرة اشوف وجهك بعد اليوم وياريت كل الصور اللي جمعتني فيك ترجع لان خلاص كل شي بيني وبينك انتهى يا عادل انتهى عادل : عالية الله يوفقك والله كان طيش شباب وصدقني انا من يدك هاذي للثانية بس لا تنهين اللي بيننا عالية بكل هدوء الأرض : يعني تعترف انها صاحبتك مو صاحبت صديقك عادل نزل عينه للأرض عالية : عادل من هاللحظة تنسى كل شي بيننا وانت مجرد ولد عم لا اكثر ولا اقل وطاحت بحضن غالية تبكي غالية :عادل لو سمحت انزل تحت ماله داعي تكون هني عادل يقعد عند راس عاليه وحط يده على راسها : حبيبتي سامحيني والله اني احبك موت واني قلبي يعورني عاليه رفعت راسها : الله يسامح الجميع عادل : حبيبتي سامحيني والله كانت لحظه طيش وانا مابي غيرك والله انا احبك زادت عالية بكاها ودفنت راسها بحضن غاليه اكثر من اول كأنها تقول مابي اسمع عادل قرب من غاليه وهمس بأذنها : تعالي بالحديقة تكفين والله محتاج أتكلم ومحد راح يفهمني غيرك عاليه هزه راسها بايجاب وطلع وخلف وراه جروح لا تندمل والالم الاكبر " الخيــــانـــــه " نزل ونطرها بالحديقة تحت وشوي وجات غالية معاها كوب كابتشينو حطت الكابتشينو عال الطاولة وقعدت بالكرسي اللي يمه عالية : هلا يا عادل شنو كنت تبي مني عادل : والله مدري شنو اقول ومن وين ابتدي بس اول شي شلونها غالية : نامت وهي تبكي عادل : غالية تكفين انا والله احبها ومابي اخسرها قولي لها انها لحظة طيش غالية : ما اقدر انت جرحتها ولا حطيت اعتبار حق خطوبتكم عادل : طيب انا غلطت بس والله انا احبها غالية افهميني انا احبها وما اقدر اتخيل حياتي بدونها او مع غيرها غاليه : عطها فرصة تفكر انا راح أحاول افهمها انه كان كله طيش وانك نادم مو عشان خاطر عيونك لا عشانها هي لاني ادري انها راح تتعب من فراقك وانا مابي علوية تتعب بسببك وصدقني لو صار لها شي راح تندم طول عمرك لان راح أسوي فيك اللي محد سواه قبل ولو اني عارفة انها ماراح تسامحك لانك ((((( خـــــــــــايـــــــــــــــن )))) عادل : بس يا غالية والله هالكلمه قوية انا ما قصدت اني اجرحها بس كنت استهبل على البنت اللي كنت اكلمها وما كنت متوقع انها تسوي جذي لما تعرف غالية : شنو متوقع انها تضمك تقول حبيبي كمل سوالفك مع الصايعة الضايعة عادل : والله أسوي اللي تبيه بس خلها تسامحني غالية : طيب تبي شي ثاني بروح اتطمن عليها عادل : أي ابي ورقة و قلم الحين غالية : طيب تعال فوق مالي خلق انزل مرة ثانية عادل : يلا وراحت غرفتها وعطت عادل كشكولها وقلمها وأخذهم وراح الصالة اللي فوق وقعد على الكنب وفتح الكشكول وكتب ^^ عزيزتي * عاليـــة * سامحي قلب حبك يابعد كل هالناس خطيت فحقك وطالب الحين رضاك قلب تعذب بعدك والحين محتاس معاد ينفعني من الدنيا غير رجواك عالية انا احبك موت وأتمنى انك تسامحيني لاني ماراح اقدر على بعادك حبيبك المعذب عادل وطوى الورقة وعطاها غالية وقال : غالية ديري بالك عليها تراها قلبي اللي بين ضلوعي غالية هزت راسها : تطمن عالية جزء مني تبيني اخسر نصفي الثاني عادل : فمان الله وديري بالك على نفسك غالية : فمان الكريم وحفظة طلع من البيت وراح البحر وقعد هناك لين 3 الفجر واهو يفكر فيها وفي مصيره معاها وهل راح تسامحه لانه جرح كرامتها وهو صح غلطان بس اهو متندم موت على اللي قاله واللي سواه نرجع للخلف قليلا عندما ترك عادل غالية اللي دخلت على عالية لقتها تبكي وبالموت قدرت تسكتها عشان يتفاهمون غالية : علوية صدقيني عادل يحبك وكان طايش والحين عرف قيمه اللي سواه لانه اخذ درس طول عمره ما راح ينساه عالية : يحبني ؟؟؟ ترا هو قالها احبك يعني يلعب عليها فأكيد هو قالها لي يلعب غالية : علوية حبيبتي عادل رجال وبدوي بعد والرجال البدوي ما يتعذر لو انه غلطان بس عادل ذل نفسه عندك عشانه يحبك ولو انه يلعب عليك كان ما هميتيه اذا زعلتي او لا وهو رجال لا تنسين يعني عيب على الرجال انه يعتذر من مره عندنا وهذا سلمنا ولا تنسين تراه يحبك ومستعد يسوي أي شي بس عشان ترضين عالية : غالية رجاء انا مابي اكره احد ثاني بسببه سكري الموضوع ولا عاد تفتحينه معاي لو سمحتي انتي مالج شغل باللي صار وعادل شغله عندي انا انا اللي بربيه غالية : طيب انتي اهدي بس وريحي حالك وفكري بعقلك تراني اعرفك لا عصبتي ما عاد تعرفين اهلك عالية : اوكي يا قلبي ارتاحي وريحي بالك غالية تبين تنامين الحين او تقعدين معاي عالية : اكيد اسهر معاج وانا اقدر اني افترق عن نصفي الأخر غالية : اصلا تو الناس الساعه 10 ونص عالية : تعالي انهبل فأبوي شوي وراحوا لأبوهم اللي قاعد يطالع الأخبار على العربية شافهم : هلا وغلا بالجوري والياسمين البنات : هلا فيك غالية ( عاليه اصلا ) : يبه شلونك مشعل ابوهم : طيب انتو شخباركم عاليه ( غالية اصلا ) : بخير ونطلب رضاك يبه مشعل : سمي غالية ( عاليه اصلا ) : تعرف انا منو مشعل : أي انتي عالية غالية ( اصلا ) : لا غلط مشعل : لا والله تبين تخربطيني يعني لا انتي عاليه وهاذي غالية وهو يحط يده ورا ظهر غالية غالية : شلون عرفتنا يبه انت امس مخربط بيننا مشعل : عرفت وخلاص ولا تبوني ما اعرفكم عشان تلعبون بعقلي عالية : لا صج يبه شلون عرفت مشعل : سهله انتي تحبين ترفعين شعرك كله اما غالية تحب تخليه مفتوح وقعدوا يسولفون مع ابوهم لين طلعو ينامون او بالأصح طردهم ابوهم عشان ينامون وراحوا بالصاله عاليه : مافيني نوم شنو اسوي غالية : تعالي ندرس عالية : تصدقين عندي واجب ما حليته غالية : خلاص روحي المكتب ادرسي وانا اسوي كابتشينو وارجع لك تبين شي من المطبخ عالية : أي كولا غالية : طيب يلا روحي وراحت غالية المطبخ التحضيري عبت الغلاية وتنتظر الماي يسخن ما تدري الا اللي غطى عيونها هي تركت الكوب ومسكت يده : منو فهد او بدر ما تكلم بس طبع بوسه على رقبتها من ورا لانه يدري انها ما تحب الحركه هاذي غالية :ههههههه لا والله يا ويلك تعيدها اكيد انت بدوري مادام فيها بوسه فهد لو تطلع عيوني غير بوسه العيد ما اخذ منه بدر يلفها : ههههه ياعيون بدر المركبه انتي منو علوية او غلوية غالية : منو تتوقع بدر : اكيد غاليه لان عاليه ما ترد السؤال بسؤال انتي ملوسنه وعلويه بس اسالها تجاوب على طول ما ترد علي مدري هي تخاف مني او انا شكلي يخوفها والله مدري ليش تخاف مني غالية : عاليه تخاف والله وانك مدوج عالية تخرع بلد ما تتخرع بدر : يالعوبه هاذي اختك ليه تتكلمين عليها جذي بدر : شنو قاعده تسوين غالية : كابتشينو في غيره بدر : بسك والله يتعب صحتك على الفاضي وما منه فايدة بعدين كله سعرات حرارية وتعالي بعدين ابكي وقولي يقلد صوتها : بدر وزني زاد 4 كيلو والله 4 انا منصدمه شلون انا اكلت زايده عن دايم غالية : لا يا بعد عمري انا اكثر منه أي بس بدون سكر يانور عيني عشان السعرات الحراريه يانظر عيني غالية : شنو تبي اسوي لك معاي لان نبيك تسهر معانا بدر : عالية وين ماشفتها غالية : تدرس لان عندها واجب ما حلته وقاعده تحله ما قلت شنو تبي تشرب بدر : لا عادي انا اسوي لنفسي غالية : يووووه منك يا الدلوع قول شنو تبي خلص انا ابي اخدمك يا مولاي بدر : مشكورة يا قلبي ابي شاي غالية : حاضر من عيوني بس ابي اسولف معاك شوي بعدين اسوي اللي نبي نشربه وقعدت تسولف مع بدر ولا سوت لا شاي ولا كابتشينو وبعد نص ساعه دخلت عليهم عالية عالية : ما شاء الله عليك قاعده تسولفين وانا انطرج راحت لبدر : انا اقول من اللي سرق مني غلوية اثاريها قاعده مع القمر واقرصت خده بخفه : ياناس والله قمر وتبوسه على خده الثاني بدر : علوية ترا انا اخوك الكبير مو جاهل عالية : اخوي واتدلع عليه كيفي غالية : شفت وتقولي عالية ما لها لسان هههههههههه هاذي تاكل الواحد بلسانها بدر : كيفها انتي شنو حارق بكدك عالية : والله انك غثيثه كيفي انا اتدلع على اخوي انتي شلك عندي ماكله حلالك وقعدوا يسولفون مع بدر اللي يحبهم موت ويحبونه كل الناس وبالأخص جدته موضي اللي هي مربيته لانها تدلعه غير عن الكل ( بدر اخوهم الكبير عمره 20 سنه معاق بس الحمد لله يمشي على رجله ما يحتاج كرسي بس يحتاج عصا لانها تساعده بحركته كثير اهو صحيح معاق بس ربي عطاه ميزتين انه اجمل شخص رأته عيني اللي يشوفه يحسه بس أعرج وعليه ذكاء حاد جدا وكان دوم متفوق على أقرانه راح تتعرفون عليه اكثر مع الاحداث ) بعدها قعدوا يسولفون لين نعسوا وراحوا ينامون |
الله وناسة اول وحدة ارد
تسلم ايدك عالبارت بقراه ون شاء اعلق |
لين الحين ماقريتها .. الحين بقراها كلها ولي رجعه مع التعليق
البدايه حلووووه تسلملنا اناملج الماسيه خيتوووو |
اقتباس:
بنوته اشكر تواصلج معاي ويهمني رايك بالشخصيات واللي ما يعجبكم اتمنى انك تقولينه واذا في اخطاء اتمنى انك تقولينها عشان التفاداها بالمرة الجايه واشكرج من اعماق قلبي ودمتي بحفظ الرحمن ودمتم بود |
اقتباس:
حبيبتي حياك الله واستنى رايك واتمنى تعجبك ودمتم بحفظ الرحمن ودمتم بود |
العفو ياقلبي
عالية وغالية:حبيتهم وضخكوني لما راحو يهبلون بابوهم عادل:المفروض مايكلم دام اهو خاطب انا لو من عالية ماصدقه مثل ماقص على وحدة بقص على 100غيرها بدر:شكله حبوب سؤال:لما قلتي اجمل مارأت عيني يعني اهو شخصية حقيقية ولا خيال؟ تقبلي مروري |
اقتباس:
والله اني فكرت اوقف كتابتها في المنتدى لكن انا عندي كشكولين بس للرواية وانا الحين في منتصف الرواية لكن ما قررت انزلها بالنت الا لما شجعني زوجي ورفيجاتي اللي خليتهم يقرونها ويعطوني رايهم واهم لا وحده ولا ثنتين وهذا الشي اللي خلاني انزلها بالنت بس صج قاعده افكر اوقف لان مافي شي يساعد او يمكن الى الان انا ما تمكنت من اني اكون كاتبة هاوية لان الكتابة هواية عندي واقضي فيها وقت فراغي وعادل انتي لين الحين ما عرفتي شنو راح يسوي غير اللي سواه والخطوبه ملكه بس احنا نسميها خطوبة واذا قصدك على ابطال الرواية اغلب الاشخاص موجودين بالحقيقه وبدر حقيقي وجماله صج اجمل ما رأت عيني والاشخاص اللي بالرواية مثل ما قلت اول ان عالية وغالية وعايلتهم اشخاص موجوده والاحداث اللي بالرواية مع اي من الابطال تراها مواقف حقيقة ان كان ما صادفتني صادفت ناس اعرفهم ثقه ودمتم بحفظ الرحمن ودمتم بود |
حيبيتي ندى الزهر بارتين حلوين اسلوب جميل وسلس .. ولكن بالحقيقة .. لم أعرف من هم عالية وغالية .. وما صلة القرابه بينهم وبين العنود والجازي ؟ وشلون عادل يدش غرفة عالية وغالية ؟ اوكي اهو ملج على وحده منهم بس شلون يقعد مع الثانية ؟ بدون اي حرج ؟ خصوصا انهم بدووو وهذا مستحيل عند البدو .. ! اتمنى تتوضح الصورة بالبارت القادم .. واتمنى تكبير الخط وتثخينه .. دمتي بود .. |
اقتباس:
حبيبتي جليع سلمتي على درك الجميل سؤالك كيف غاليه تقعد مع عادل تقعد وهي متغطيه عادي انا اقعد مع عيال عمي وانا بدويه واقعد معاهم ونضحك ونسولف بعد وخصوصا زوج الاخت اذا كان من اولاد العم يعتبر مثل الاخ وانتظري البارت الجاي لان لين الحين قاعده اكتبه وبس اخلص منه راح انزله الليله باذن الله وانتظر تعليقك حبيبتي على البارت واتمنى يعجبك واذا على علاقه التوم بالعنود والجازي كل شي راح يتوضح لك بالبارتات الجايه |
هذا انا انتهيت من كتابه البارت
|
اتمنى لكم قراءة ممتعة واتمنى اشوف تعليقاتكم
ولا تنسون حطو توقعاتكم فمان الله ودمتم بحفظ الرحمن ودمتم بحب وموده |
مرت الايام والعنود على حالها والجازي نفس ما تركناها البارت هذا من نصيب القلبين المعذبين ولا للابطال الاخرين فيه نصيب الاوضاع مستقرة عند الكل الا قلبين عالية اللي اهلكها التفكير بعادل ولاهي راضيه تعطيه فرصه يشرح لها او يعتذز منها وعادل اللي والندم اخذ منه كل مأخذ وحاول يتوصل لها لكن دون جدوى عالية مسكرة على نفسها الباب ولا تاكل الا بالغصب او لما ابوها يجي يكلمها وابوها ما يدري شنو فيها هي تقول تعبانه وتبي تقعد بروحها راح مشعل سأل عادل وعادل قاله السالفه لان عمه متفهم ماهو متحجر زي اخوانه لا اهو يسال ويفهم وبعدين يقرر ودايم قراراته اهو الصائبة بفضل من الله اللي اعطاه الحكمه مع انه مو كبير مرة في يوم الكل كان متجمع بالصاله ( الجدة .. الاب ( مشعل ) .. الام .. بدر .. فهد .. عادل .. نورة .. لمياء .. موضي .. محمد .. طلال .. ماجد .. سعود .. غالية .. ) والصاله تفقد شخص اكيد كلكم عرفتوه ((( عــــالـــيـــه ))) بوسط السوالف قال الاب ( مشعل ) : يبه غاليه غالية : سم يبه مشعل : سم الله عدوك روحي نادي لي علوية غالية : ابشر يبه وراحت الغرفه لقت عالية تقرى رساله وتبكي : علوية اشفيك مدت لها الموبايل وهي تكتم عبرتها قرت يا عين لا تبكين شخص فقدتيه تصبري وارجي من الله يجيبه مدام هو حي مع الناس شفتيه لو طالت الغيبه لزوم التقي به قلبي من الفرقا زادت بلاويه وعهد علي ما انسى غلاته وطيبه غالية : علويه بسك والله عذبتي نفسك وعذبتيه معاك ترا كا انسان يخطي ومحد معصوم من الخطا عالية : هو ما حافظ على كرامتي يوم اني حبيته غالية : طيب ابوي يبيك تحت يسال عليك وقال ناديها لي عالية : طيب الحين انزل بس اعدل شكلي وراحت الصاله وما تدري ان كلهم موجودين حسبالها بس نورة وعيالها كانت لابسه قميص البيت لين تحت الركبة ونص كم لونه ابيض وعليه صورة ميكي ماوس شخصيتها المفضله دخلت واول ما جت عينها عليه اخر شخص تتمنى تشوفه الحين مشعل لاحظ وجهها لما تغيرت تعبيراته وتدارك الموقف على طول وقال : حيا الله الشيخة وينك ما تنشافين تعالي حذاي ( يمي ) واشر لها على المكان اللي بجانبه قعدت يمه بعد ما باست راسه وسلمت على الكل بما فيهم عادل بس ما باسته على راسه نفس كل مرة بس مصافحه باليد وقالت : الله يحيك يبه ابوها وهو يمسح على راسها وظهرها : وينك يبه اشتقنا لك وانتي منتي بداريه عني والله الجلسه بدونك ما تسوى الجدة : عاليه يمه علام وجهك وهي تلف على الام : انتم ما توكلون بنتي الام : والله يا عمه اننا نغصبها على الزاد غصيبه بس هي صارلها كم يوم تعبانه ما تشتهي الاكل الجده : ما اخذتوها عند الطبيب الام : والله عنيده وراسها يابس اذا قلنا لها روحي الطبيب تقول الطبيب ماعنده علاج العلاج عند الله طبعا عادل وعمه مشعل هم الوحيدين اللي فاهمين الطبيب ما عنده علاج يعني شنو عاليه قاعده يم ابوها من جهة اليمين وعلى يمينها هي عادل لان مشعل مستقصد انه يسوي جذي وهو حاط يده على ظهرها مسك كتفها وضمها زود وحط يده اليسار على راسها وقال : الله انك حبيبتي وانك تزعليني لما تسوين كذا بنفسك كان يهمس باذنها همس عشان بس هي اللي تسمعه عالية هذا اللي كانت محتاجته حضن دافي وفيه كل معاني الحنان بس سشمعت كلام ابوها خنقتها العبرة وخانتها الدمعه ونزلت بس بدون صوت وهي تشهق وتكتم الصيحه اللي فيها ودها تقول اكرهك لعادل بس ما تقدر مشعل بصوت مسموع : افا ليه الدموع والله ما كان ولا عاش اللي ينزل دمعه على خدك انتي جوهرتي الغاليه من اللي زعلك غالية ارتبكت ما تدري تخاف اختها تفضح اللي صار قدام الكل نطت عند ابوها وهي قاعده على ركبها قدام ابوها وعاليه : افا عاليه حسبالي سامحتيني على عباتك اللي حرقتها انا قلت لك ما كان قصدي ليه تبكين والله انا اشتري لك وحده احلى منها بس عطيني شهر عشان اجمع مصروفي واشتري لك استانس لما شاف قلوب بناته على بعض وهو نفسه عارف ان غالية ترقع الموقف مشعل : افا دموع جوهرتي عشان خلاجين افا والله افا وانا ولد ابوي قوموا يالله كلنا نبي نروح نشتري لك عبايه وبعدها نروح البحر ونعشي جدتج برا الجدة : والله اني ما اواطن اكل المطاعم بس لعيون شيخة البنات اكله واكل ابوه بعد وراحوا يلبسون البنات عباياتهم والحريم بعد البسوا وطلعو من البيت السوبرمان والجيب حق فهد وسيارة عادل لان عمه وصاه يجي على سيارته وصلو السوق قال مشعل : انا باخذ امي و حرمتي وانتي توزعوا على كيفكم مع بدر غاليه ولمياء وموضي الصغيرة وعالية عادل واقف مع بدر مع فهد معاه نورة واولادها وعادل كلم عمه مشعل ان الخطه ما مشت مثل ما يبون تفاهم مع عمه وسكر طبعا عالية ميتة قهر تبي تعرف هو يكلم منو بس ما تسمعه شنو يقول لانه راح شوي بعيد عنها شوي الا دق موبايل بدر ورد على طول : سم يبه .. ايه .. ايه ايه عرفته .. حاظر .. ابشر .. لا توصي حريص .. طيب .. فمان الله وسكر وطالع بعاليه اللي مستغربه منه وقال لها : ابوي يقول جدتي وامي لقوا لك عبايه تجنن ويبونك تروحين لهم والتفت على عادل وقال : عادل ودها محل قمورة للعبي تعرفه اللي يم محل بازل حق الالعاب عادل : ابشر عالية : ومن قال اني بروح مع عادل انا بروح معاك يا بدر بدر : ومنو يقعد عند بنات نورة عالية : عادل يقعد عندهم بدر : ماهو محرم لهم عادل : يلا عالية عالية : لا يعني لا انتو ما تفهمون بدر : تراه رجلك من شنو خايفة ولا اللي يشوفك يحسبك اول مرة تطلعين معاه انتي دايم معاه حتى باحلامه تطلعين له عالية : لا لا لا عادل : يا بنت عمي ينطر عالية : انا عندي فكرة بدر : اتحفينا عالية : كلنا نروح مع بعض توصلوني بعدين تروحون على كيفكم غالية : علويه ترا محنا فاضين حق دلعك يلا روحي مع رجلك وخلي عنك العلوم الزايدة وسوالف الجهال عالية : وانتي شكو انا قلت لا يعني لا معاه ما اروح بدر حاس انها زعلانه عليه ومبين من تصرفاتها مسك يدها ومشاها معاه لعند عادل ومسك يد عادل وحط يد عاليه فيها وهي تحاول تسحب يدها لكن مسكه الرجال اقوى منها وخصوصا انهم اثنين مو واحد قال : خلي سوالف الجهال واقصري الشر وروحي معاه عادل ومسك يدها حيل كأنه خايف انه ما يمسكها مرة ثانيه وقال : يالله حبيبتي عالية بصوت بالكاد يسمع وما سمعه الا عادل : حبك برص وسبعه خرس قرب من اذنها وهمس بهمس ساحر : هم راح ابقى احبك لو حبني البرص والسبعه الخرس عالية : ؟؟؟؟؟؟؟؟؟ بدر قال : يلا بنات مشينا وراح عنهم وخلاهم وهم يدورون على مشعل عالية : هذا هو وحاولت تفك يدها تبي تروح بسرعه لابوها عاليه : عادل فك يدي ترا عورتني من جد عادل : ياعيون عادل انتي امانه عندي ولين نوصل عند عمي راح امسك فيك غصب عنك لانك حبيبتي وزوجتي وكل دنياي عالية : بس كل هذا راح يروح لما اقول لابوي اللي لين الحين حسباله انك شريف مكه عادل : هم احبك ولا تحاولين انك تكرهيني لانك انتي بعد تحبيني ووصلوا عند مشعل : حيا الله الشيوخ عادل : الله يحيك يا عمي عالية وهي تفك يدها بس بهدوء عشان لا يلاحظ ابوها شي ما قدرت قالت : يبه وين امي ابي اروح لها عادل قال بسرعه : عمي بعد اذنك انا باخذ مرتي بروح عندي مشوار اقضيه وارجع مشعل : اذنك معك وقرب من اذنه وهمس بكلمات ضحك بعدها عادل وعمه قال : طيب عادل : ابشر عمي قالت عالية : انا ابي اروح لامي ماني رايحه مكان ابي اتسوق قال مشعل بسرعه : لاحقة على السوق روحي مع رجلك قالت : يبه لي خاطر عندك مشعل : وش هالسؤال ؟؟؟ عالية : انا غالية او لا مشعل باستغراب يبي يعرف شنو وراها : أي انتي غاليه عالية : مابي اروح ومعاه ولو سمحت يبه لا تسال ليه لاني تعبانه وابي ارد البيت الحين لان مالي نفس شي وحتى سوق ما ابيه عادل : انا بوديك البيت طالعته عاليه بنظرة كرهه : ومن طلب منك توديني عادل انا زوجك ومارح ارضى انك تركبين مع احد الا انا عالية : بس انا بروح مع ابوي عادل شد على يدها : انا زوجك وامرتك انك حتى عمي ما تركبين معاه والا انا ماني رجالك ومالي كلمه عليك عالية تطالع ابوها : يبه مشعل : وش اللي يبه هذا رجلك وانا مالي كلمه عليك من بعد كلمته عالية : انت ابوي شنو مالك كلمه علي بعد هذا مشعل خزها ونرفزة اسلوب بنته مع زوجها : هذا زوجك عادل : وش رايك نقدم العرس انا كنت بسويه بعد ما تخلص ثاونيه بس الحين لا بخليه بعد شهر ونص وش رايك مشعل : اللي تشوفه يبه انت المعرس عاليه : ما شاء الله والله تخططون وتنفذون وانا ضايعه بالطوشة والا مالي كلمه مشعل عصب : وش كلمته بعد لك كلمه بعد رجلك وابوك عالية : يبه انا مابي انزوج عادل عادل ؟؟؟؟؟؟ مشعل عصب زيادة ورفع صوته : نلعب حنا ومسك موبايله ودق .. لو .. انا بمشي عندي مشوار ضروري .. ايه تعال عند امك وجدتك .. دق على امك تقولك هي وين انا ماني ناقصك انت بعد يلا .. يوه انت ما تفهم اخلص علي .. يلا وسكر وطالع في عادل وقال : سيارتك معك عادل : ايه يا عمي مشعل : طيب خذ مفتاح السوبرمان عطه بدر وتعال بسرعه لا تطول عادل وهو يفك يد عالية اللي المتها من مسكته لها : ابشر يا عمي واخذ المفتاح وداه عند بدر وفي اثناء ما فك عادل يدها لا شعوريا فركت يدها اللي تالمها وهي تطالع فيها مشعل بهدوء: عورك يا الغالية عاليه : لا بس مسكته قويه حسباله انا ولد استحمل مثله مشعل : اجل حسبالك الرجال مثل المرة عالية : ؟؟؟؟؟؟؟؟؟...........؟؟؟؟؟؟؟؟؟؟؟؟ مشعل : عاليه انا عمري ما طولت صوتي عليكم ولا عودتكم اني انفذ رايي غصب عن أي احد فيكم واذا انتي حسبالك اني ما ادري عن خلافك انتي وعادل لا غلطانه عادل جاني وقالي اللي صار وانك زعلانه عليه ولا راضيه تسمعيه اذا انتي ما تبين تسمعينه اسمعيني انا وانا ابوك صدقيني الرجال ما تهمه حرمه لو منو ما كانت الحرمه بالنسبه للرجال مثل طقت الكوع صدق انها تالم لكن بعد فترة بسيطه جدا يروح العوار والله ما كثر الحريم وصدقيني لو عادل ما هو شاريك كان ما خليتك عنده دقيقه ولمح عادل جاي قال : اكمل معاك بعدين عادل : السلام عليكم عالية ومشعل : وعليكم السلام مشعل : يلا مشينا عالية بحركة كلها جرأة منها مسكت يد عادل عادل طالع فيها وابتسم واهو ردت الابتسامه بابتسامه اكبر وقال : الله لا يحرمني منك يالغاليه عالية : ويخليك لي مشعل وهو يمشي قدامهم ابتسم ابتسامه نصر ومشي اسرع شوي عشان يخليهم ياخذون راحتهم ووصلوا للسيارة قال مشعل : تراها حلالك الليلة بس لاعاد اشوف رقعه وجوهكم الليلة ابي افتك منكم لا عاد ترجعون الا الفجر عادل : وهو يغمز لعمه ابشر لا توصي حريص مشعل وهو يقرب يهمس باذن عادل وبعدها انفجر عادل ضحك ومن بيت ضحكاته قال : تم مشعل وهو يضحك من ضحك عادل : يالله فارجوا عادل وهو يحب راس عمه : فمان الله مشعل : الله يخليكم لبعض وفمان الكريم وركبوا السيارة وعادل بصوته العذب يغني لها : &&&&&&& احب فيك الوقت لا غابوا الناس واحب فيك الناس لا صرت موجود واحب فيك الليل لا صار الهوجاس واحب باكر دامني فيك موعود كيف اتنفس وانت ما غيرك انفاس قيدتني وحريتي صارت قيود كيف اجمتع عبق كل مابي من احساس كيف اختصرت الكون بعيونك السود وش سهرك فيني انا كلي نعاس وش طولك فيني وانا كلي حدودك اعشق جنوني فيك وارفع به الراس وان قيل ناقص قلت نصي هو الزود ماهو بكيفي والضما يكسره كاس بشرب ضماك ويرتوي يابس العود دام الرجا لي فيك مايعرفه ياس ليه انتظر موتي انا فيك مولود &&&&&&&&& عالية : يسلم هالصوت عادل : وراعيه ؟ عالية بكل خجل: وراعيه بعد عادل : عالية صدقيني لو مهما صار ماراح ازعلك مرة ثانيه عالية : ليه انا رضيت الحين عشان تفكر بغير هالمرة عادل : وش يرضيك يانظر عيني واسويه لو موتي فيه بقدمه لك هديه عالية : سم الله عليك بس انا عندي شرط عشان ارضى عادل : امري يا روحي عالية : تكلم اللي كنت تكلمها وتفتح سبيكر وتهاوشها الحين عادل : بس .. ابشري ياروح روحي ومسك موبايله ودق رقم هو حافظه وفتح السبيكر وبعد ثالث رنه ردت بدلع وصوتها كله نوم .......: هلا عدولي عادل بصوت كله صرامه : السلام عليكم .......: وعليكم السلام اشفيك عادل صاير مسلم تعرف تسلم عادل : قومي ابي اكلمك بموضوع ضروري .....: عادل مو وقتك ترا الساعه 8 وانا اعندي لازم اقوم 11 عندي بارتي دي جي عادل : انا شنو اقول ........: لا وصاير حمش بعد عادل انت حرارتك مرتفعه عادل : انتي الحكي معك ضايع شوفي لا عاد تدقين على رقمي لو انك بتنفجرين لا عاد اشوف رقمك على شاشه موبايلي فاهمه ...... : شصاير حبيبي عادل : حبك برص وسبعه خرس انتي حسبالك انا من صج ميت في هواك والا احبك اللي احبها هاذي هي قدام عيني الله يحفظها لي ردت عليه بصوت منزعج : عادل انت من صجك تهددني عادل : اهددك واهدد ابوك يابنت السكران اللي ما عرف يربيك ....... : عادل انت نسيت منو تكلم عادل : لا ما نسيت واحب اذكرج بماضيك يالمعفنه يانت السكير النكير .....: عادل انت مستوعب الحجي اللي تقوله وين يبي يوديك عادل : وين يعني تبين تدورين لي تهمه وتقطيني بالسجن مثل عبدالهادي اللي قطيته بالسجن بتهمه مخدرات وهو ماله ذنب فيها ....: ذنبه انه غلط علي جدام الناس بالسوق عادل : يعني انا شنو تبين تدبرين لي تهمه ......: لين الحين مدري بس تاكل انك راح تخيس بالسجن وساعتها بتعرف منو غدير عذبي السامي عادل : يلا ضفي وجهك ولا عاد تدقين واللي ما تطولينه بيدك طوليه برجلك يالـ .....؟ وسكر بوجهها ولف على عالية شافها تبكي : علويه اشفيك هذا اللي تبينه سويته عاليه : عادل انا خايفه عادل : من شنو خايفه ياروحي مسك يدها وباسها بقوة عالية : منها هاذي شريرة واخاف تاخذك مني عادل : تخسي الا هي تاخذني منك انا لك انتي بروحك عالية : بس هي تهدد وتقدر وتنفذ تهديدها والدليل احمد اللي تقول انت عنه عادل : اذا على انها تضرني تاكدي ما تقدر تسوي لي شي لاني ما خذ احتياطاتي لان ادري ان سويت جذي راح يجي من وراها بلا عالية : شلون ؟؟؟ عادل : : شلون ما شلون خليها بعدين كل شي بوقته حلو الحين انتي شلونك ياروحي عاليه : بخير يا عمري عادل : دوم يارب تكونين بخير ويالله ترا صار لنا واقفين جدام المطعم ربع ساعه متى ننزل ودخلو المطعم وبعد ما طلبوا العشا قالت عاليه : عدولي عندي سؤال ؟؟ عادل : ياعيون عدولي المركبة قولي عالية : شنو قالك ابوي لما كنتو تتساسرون عادل ضحك بصوت عالي : عادي اقولك ما تنحرجين عاليه منحرجه : ليه انحرج عادل يضحك من قلب عليها : قبل لا اتكلم انحرجتي شلون لو اقول عالية وجهها ولع نار من الاحراج بس عندها فضول تعرف ابوها شنو قال : عدولي تكلم عادل مبتسم : حاضر اول مرة كلمني فيها لما كنت ماسك يدك : قال تراها بنت مو ولد ماسكها بهالقوة ماراح تنحاش منك وثاني مرة لما كنا عند السيارة هو قال حلالي وانا ضحكت وهمس لي حلالك بس ياويك تقربها قبل العرس لا اكون ذابحك انت وياها موتقص عليها بكم كلمه وتفر عقلها ترا بنتي واعرفها مسكينه تسمع الكلام ولا ترا مرة ثانيه احرمك منها وراضها تراها لين الحين زعلانه مبين بعيونها وهذا السبب يا سيده علويه عالية تمنت انها ما تليقفت مثل كل مرة وتعشوا وسهروا على البحر لين الساعه 2 بعدها صار اللي مو متوقعينه اثنينهم &&&&&&&& اتمنى اشوف تعليقاتكم وتوقعاتكم شنو رايح يصير بالبحر واذا راح تعدي على خير او لا ؟؟؟؟ والبارت الجاي راح تكون فيه احداث كبيرة راح تغير مسارات الابطال كلهم العنود الجازي عالية عادل عبد العزيز علي بس شنو الاحداث انتظروني وراح تعرفونها باذن الله تعالى ودمتم بحفظ الرحمن ومتم على حب وموده |
هلا بالكاتبه الجديده ندى الزهر الروايه باين عليها ككككككككككككككككككككتير حلووه بس انا ماقريت الا البدايه وشدتني لهاااااا وماراح اتفرق لها بعد ماخلص امتحاناتي فياليت تعتبريني من المتابعين لها وحتى لو ماشفتي تعليقاتي فذي الفتره وتسلمين
|
اقتباس:
هلا وغلا حبيبتي نورتي انتظرج بعد الامتحانات انتظر توقعاتك والله يوفقج بامتحاناتج ويوفق الجميع ودمتم بحفظ الرحمن ودمتم بود ((( ندى الزهر ))) |
ننتظـر..
لاتتأخرين علينـا .. تسلمين |
لا توقفـــــــــــــــــيــــــــــــــــــــــــــن بليز ابي اعرف شنو رح يصير وما شاء الله عليك اسلوبك حلو وبداية الرواية حلوة
والبارت ماقريته ان شاء الله اقراه واعلق |
هلا ندى،،،، أشوف الأحداث في تقدم مع إني اتلخبط أحيانا،،،،:lPk05240: يلا كملي و بالتوفيق إن شاء الله،،، بعيد القراءة من جديد و بعدها ممكن أعلق على الشخصيات فامان الله أختي |
اقتباس:
بنوته عزيزتي اشكرك من كل قلبي :Thanx::Thanx::Thanx: وان شاء الله ماراح اوقف بس عندي ضروف راح تجبرني اني ابتعد قليلا واتمنى انك ما تزعلين علي بس اذا تاخرت اتمنى انكم تقدرون ظروفي واشكرك مرة ثانية واقري البارت وعطيني رايك ودمتم بحقظ الرحمن ودمتم بحب ومودة |
اقتباس:
الحان الشوق اشكرك حبيبتي واي شي تتلخبطين فيه قولي لي وانا اقولك عليه ويهمني رايكم بالشخصيات وانتظروني بالبارت القادم ودمتم بحفظ الرحمن ودمتم بحب وموده |
لله يعطيك العافية ... على البارت
وننتظر التكملة |
اقتباس:
الله يعافيك حبيبتي Electron واشكرك ودمتم بحفظ الرحمن ودمتم بخير وعافيه |
ندى الزهر
البارت رائع تسلم ايديكى مستنيين جديدك والاحداث اللى هتغير مسار الابطال كلهم |
كل بارت تنزلينه احلي من الي قبله
غدير هذي شكلها شريرة وتكلم بكل ثقة ان بتسوي فيه شي الله يعينج ياعالية عادل:بهالبارت عجبني بس حيرتيني لما قلتي اني ماعرفت شنو رح يسوي بعدين!! مشعل:عجبني وحسيت انه حكيم ويحب بناته وايد غالية:عجبتني لما انقذت عالية من الاحراج شوقتيني يكون عندي توأم شنو صار لما كانو بالبحر؟؟؟؟؟!!!!!!!!!!!! سؤال قاعد يدور بالي مالقيتله جواب |
اقتباس:
اشكرك حبيبتي وانتظري الاحداث ودمتم بحفظ الرحمن ودمتم بخير وامان ((( ندى الزهر ))) |
اقتباس:
اشكرك على اطرائك الجميل اذا على عادل انتظريه باحداث اقوى من اللي بتصير واذا على مشعل فهو فعلا حكيم ويحب بناته والتوم سبق وقلت هي فعلا بحياتنا وانتظريهم احداث يمكن انها تزعلك ويمكن انها ترضيك بس ((((( القدر ))))) وش مخبي لهم ودمتم بحفظ الرحمن ودمتم بامن وامان ((( ندى الزهر ))) |
حبيبتي البارت رووووعه تسلم ايدك على الكتابة الحلوة :flowers2: :Thanx:بس لي تعقيب بسيط القصة بدات بشخصيات غير منها عزوز و اخته وصديقتها الجازي وانتهت بشخصيات ثانية منها عالية وغالية وعادل بس مش عارفة ايش الرابط بينهم فحسيت اني دخلت في قصة ثانية يارت توضحين لنا ؟؟؟؟؟؟؟؟؟؟؟؟؟؟؟؟؟؟؟؟؟؟ اسفة على الاسئلة الكثيرة |
عزيزتي طيوفه كل شي راح يتوضح بالبارت الجاي واذا على الشخصيات لها رابط قوي بالقصة وماراح اقدر اقول اكثر من كذا ودمتم بحفظ الرحمن ودمتم بحب ومودة |
شكررررررررررا ليكي حبيبتي بانتظار باقي الرواية
|
اقتباس:
حبيبتي دولي اشكرك ودمتم بحفظ الرحمن ودمتم بخير وامان |
ندوي
متى البارت؟؟؟؟؟ |
اسمحوا لي يا جماعه امتحاناتنا 9*1 يعني اقل من 10 ايام فاسمحوا لي اني اتفرغ للدراسه قليلا واستميحكم عذرا واتمنى انكم تقدروني ودمتم بحفظ الرحمن ودمتم بود ومحبه |
بسم الله الرحمن الرحيم السلام عليكم ورحمة الله وبركاته الى كل من شرف صفحتي بدخوله ان كان متفرج او مشجع ************** ابشركم ترا احنا خلصنا امتحانات وننتظر النتايج وان شاء الله خير اليوم بالليل بحدود الساعه 11 او 12 راح انزل البارت الجديد وان شاء الله يعجبكم ودمتم بحفظ الرحمن محبتكم ندى الزهر |
البارت وصل والسموحه على التأخير البارت الرابع الساعه 1 ونص عادل : حبيبتي عالية : هلا حبيبي عادل : تدرين انك جوهرة وغالية بعد حبيبتي ترا انا ما كان قصدي اللي صار انا بس كنت العب عليها هــ قاطعته عالية : عدولي ليش تخرب جونا الحلو بذكر الشياطين انا نسيت السالفة وانت بعد انساها عادل : ويلوموني ليه احيك حب ما حبه بشر غناها بصوته لها وبعد ما خلص اغنيته قالت عاليه : عدول ابي تغني لي اغنية بصوتك اللي يرد الروح عادل : ابشري ولك ما طلبتي انتي مو تطلبين انتي تتأمرين على راحتك ابي اغنيه عبادي احب فيك الوقت لانها بصوتك روعه وغنى لها وبعد ماخلص قالت ك عيدها ولالله روعه بصوتك بس تكفى في بيت ينقال مرة وحده ابيك تعيده اكثر من مرة عادل ك شنو البيت ياروحي عالية : أحب فيك الليل لا صار الهوجاس وأحب باكر دامني فيك موعود عيده لي ولا توقف والله هالبيت روعه مع ما هو بكيفي والضما يكسره كاس .. بشرب ضماك ويرتوي يابس العود دام الرجا لي فيك ما يعرفه يأس.. ليه انتظر موتي أنا فيك مولود ......: اخوي لو سمحت أنت وياها تفضلوا معاي وكانت الصدمة في نفس الوقت عند قلب حنون تملأه التساؤلات وتملأه الأماني " عندما تشعر بالوحدة عندما تشعر بالضيقة عندما تشعر بالألم عندما تتمنى الموت ولا تدركه عندما تذهب أمانيك أدراج الرياح عندما تتذكر شخص تود ضمه إلى صدرك عندما تحتاجه لتقبل قدميه ليرضى عليك عندما تشعر بالوحدة وحولك الكثير عندما تشعر بالضيق بالمكان الواسع متأكد أنني محتاج لكي أين أنتي غاليتي أين أنتي حبيبتي لكي روحي فداء لكي أقدم الغالي والنفيس ذهبتي وأنا في أوج حاجتي لكي تركتني أتخبط يمين ويسار ابحث عن طريقي لولا الله ثم أبي لم اعرف ماذا سيحل بي غاليتي إني احن لكي إني مشتاق لكي إني احبك حبيبتي إني احتاج إليك إذا اشتدت الشدائد فانا لازلت طفلك المدلل الذي يحتاج حنانك احبك يا أمي احبك يا جنتي وناري غاليتي ودعتك الله الذي لا تضيع ودائعه و جعل الله مثواك جنات الخلد في الفردوس الأعلى وجعلها مثوى كل من قال على هذه الدعوة آمين ابنك المدلل عبد العزيز سكر كتابه اللي ما يعرف بوجوده بشر لأنه لا يعتبره إلا صندوق أسراره فإذا ضاقت به الدنيا صلى ركعتين لله وجلس يكتب به وهذا جزءه العشرون فقد كتب مثل هذا الكتاب 19 كتاب أخر فهو يكتب منذ الثالثة عشر من عمرة فقد أخذها عادة ومتنفس لأنه رجل لا يحب أن يشكو لأحد ضعفه إلا لله عز وجل فانه يعتبر من يشكو ضعفه لا يستحق أن يكون رجلا لذالك لازمه هذا الكتاب في الحل و الترحال فان احتاج لحنان أمه فتح الكتاب وناظر صورتها اللي سبق وان وضعها في بداية كل كتاب منهم وبعد أن افرغ شحنات الاشتياق لحنين الأم فقد تقولون بأنه رجل والرجال لا يحنون لامهم بهذه الطريقه لكن الرجال هم اشد حاجه لحنان الأم لأنهم يستمدون القوة منها صلى ركعتين أخرى حمد الله بها على نعمه بان رزقه زوجه أب حنونة وأب حنون لأبعد حد وراح بعدها ينام وبعدها بيوم مشاعل راحت لامها : ماما انتي تعرفين عيد ميلادي بعد أسبوع الأم : كل عام وأنتي بخير مشاعل : وأنتي بخير وصحة وسلامه بس مو هذا موضوعي الام : غردي شنو شروطك كم تبين مشاعل : فلوس اكيد بس بسوي بارتي قاعة حفلات وبحجز ديجي الام : طيب احجزي في احد ماسكك مشاعل : ماسكني عمري نسيتي انا اقل من 18 ما اقدر احط عقود باسمي الام : طيب روحي لعزيز هو يعرف بالشغلات هاذي اكثر مني مشاعل : اوكي مامي ومسكت موبايلها ودقت على عزيز : هالو عزوزي عزيز : رجال طول بعرض عزوزي مشاعل : تيك ات ايزي برذر عزيز : اخلصي شنو تبين الحين مشاعل : ابيك بموضوع مهم انت وين عزيز : انا برا وبعد شوي اجي شنو موضوعك مشاعل : ما ينفع بالموبايل لازم وجها لوجه عزيز : داشه حرب شنو موضوعك مشاعل : ماي برذر الاسبوع الجاي عيد ميلادي وابي منك خدمه عزيز : كل عام وانتي بخير كم يصير عمرك مشاعل : 16 وانت بخير وصحه وسلامه يارب يا اخوي الغالي اللي مالنا غناتن عنه يا ذخري انت يـ عزيز : بس بس بس انتي تطرين انتي تامرين امر مو تترجين انا ما احب اخت عبد العزيز فارس تترجى احبها تتأمر وبكل غرور مشاعل : يدومك ذخر يارب ابيك تحجز لي دي جي بسوي حفله مثل السنه اللي طافت عزيز : وين تبين الحفله بالبيت والا بصاله افراح مشاعل : بصاله الافراح لاني كل صديقاتي وبنات عمي وصديقاتهم راح يجون مثل السنه اللي طافت عزيز : اوكي وراح تشرف على الحفله مايا مشاعل : لا الله يخليك مايا لا انا راضيه بمدام لورا عزيز : ليش مايا لا مشاعل : مايا ثقيله دم وتتحكم بكل شي عملوا هيك مابيصير هيك هيذا مش صح بعدين استاز عبد العزيز بيعصب عزيز : أي ليش تبينها سمردحه انا احب النظام وانتي فوضويه ان خليت مدام لورا تشرف على حفلتك بتسوين الهوايل لا لورا لا تبين حفله مايا هي اللي تشرف عليها مشاعل : اوكي بس مو تتحكم كثير عالخفيف عزيز باستهزاء : ابشري مدموزيل مشاعل تبين الدي جي منوع او خصصين اغاني معينه مشاعل : ابي احلى الاغاني و خليه يجيب كل الاغاني عشان البنات اذا طلبوا اغنيه معينه تكون موجوده اوكي عزيز : ابشري أي اوامر ثانيه مشاعل : سلامتك يا احلى اخوو بالدنيا عزيز : الله يسلمك يالله روحي البسي عباتك وتعالي بس لا تقولين لاحد بسرعه باخذك مشوار مشاعل بفرحه : وين عزوز عزيز : ترا ابطل يلا لا تتاخرين علي الحين انا اوصل وراحت مشاعل تلبس عشان تطلع مع عزيز وعزيز دق على ابوه : السلام بو عبد العزيز فارس : هلا والله عزيز وعليكم السلام عزيز : شلونك يبه فارس : بخير جعلك بخير عزيز : يبه قل تم فارس : تم بس على شنو عزيز : انا ماخذ مشاعل معاي امشيها شوي لان عيد ميلادها الاسبوع الجاي وبمشيها تتشرى ملابس للحفله فارس : يبه انت اخوها اخذها بدون لا تشاور احد عزيز : لا ال تم مو على التمشيه انا عارف انك راضي انها تطلع معاي ال تم ياطويل العمر ابي احجز لمشعل ومشاعل وعنود يسافرون اسبوع هديه مني لهم طبعا معاي ومعاك ومع الوالده الله يحفظك لي فارس : زين والشغل يا وليدي من يمسكه لا رحنا انا وياك شف انت رح معاهم وانا هنا امسك الادارة عزيز : سفره بدونك مهي صايرة انت اول من يمشي معنا واذا على الشغل انا معطي طارق خويي الصلاحيات الازمه وهو ان شاء الله انه قدها وانا جربته قبل هالمرة لما سافرت اسبانيا وما شاء الله عليه الولد فطين وعارف كل شي فارس : خلاص اللي تشوفه تبي امك تدري او تبيها مفاجأه عزيز : لا نبيها مفاجأه لا تعلم احد حتى ملابسهم واغراضهم انا بطلعهم كلهم من البيت واخلي سميرة ولورا ومايا اهم يسون الاغراض ويودونها السيارة اقولك انا مجهز كل شي باذن الله بس ناقصنا كلمتك فارس : ووين السفره ان شاء الله عزيز : ماليزيا اغلب الظن لان مرة سمعت مشاعل تقول نفسي اروح ماليزيا اليوم لانها حلوة وعلى كثر ما رحناها ما تملون منها يعني سوالفها المعتاده فارس : الله يخليك لهم يا عزيز والله انك مدلعهم كثير عزيز : خليهم يتدلعون علي انا راضي بس هم يستانسون ويضحكون هذا الشي يكفيني فارس : الله يحفظك يا وليدي والله ان غلاك غير عن كل عيالي عزيز : يبه اهم شي بالدنيا انك راضي عني واني اسمع الله يرضى عليك دنيا واخرة ومن دعاويك الحلوة اللي ترد الروح فارس : الله يرضى عليك دنيا واخره ويفتحها عليك من كل صوب والله ان قلبي راضي عليك عزيز : بس هذا اللي لازمني من الدنيا رضاك ورضا ربي علي تامر على شي ياغالي فارس : سلامتك والله يحفظك وسكر ودق على مشاعل : يلا وينك انا عند الباب مشاعل : يلا هذا انا طالعه لك انا عند الباب وهو بالسيارة دق على عنود : قوه عنود وينك عنود : عند الجازي فبيتهم توني واصله عزيز : مع منو رايحه ما لقيت سيارتك بالكراج عنود : أي انا مكلمه ابوي اطلع على سيارتي عزيز : طيب عطيني عنوان بيت صاحبتك عنود باستغراب : ليش في شي صاير شي عزيز : لا مو صاير غير كل خير عطيني العنوان عطته العنوان وبعد ربع ساعه وصل عند الباب ودق عليها : عنود اطلعي انا عند الباب عنود : ليه صاير شي فيك شي عزيز : يوه عنود انتي ليه جذي اقولك اطلعي وبلا كثر اسئلة عنود : طيب الحين اطلع وسكر ولف على مشاعل اركبي ورا عنود بتروح معانا وركبت ورا وشاف عنود عند باب البيت تكلم خويتها الجازي الجازي تترجاها تقعد عندها عزيز اشر حق عنود بسرعه وجات عند شباكه وبطل الشباك : اركبي شنو ناطرة عنود : وسيارتي عزيز : عنود انا شنو اقول بلا كثر اسئله اركبي خلصيني اخرتيني وركبت وعلى وجهها اكبر علامه استفهام عزيز يكلم البنات : اقول ادري ان وجيهكم بارده وما تدرون ليش ماخذكم بس انا ما خذكم عشان عيد ميلاد مشاعل الاسبوع الجاي وفكرت اني اسوي لكم فساتين عند صاحبي حق الحفله يعني عصفورين بحجر انتوا تستانسون وهو يستفيد من وراكم بس الله الله بالفساتين اختاروا الوان حلوة مشاعل بصراخ : ياي عزيز مشكور والله اني احبك مووووت وباسته على خده بقوة عزيز : مشاعل انا اسوق وخري عني مشاعل : من الوناسه انا اسعد انسانه بالدنيا عزيز : دوم ان شاء الله اسعد انسانه عنود : مشكور ياخوي وماقصرت عزيز : واذا على صاحبتك دقي عليها قولي لها انج شوي وترجعين لها بس تفصلون ونطلع اوديك لصاحبتك واطلع اتمشى انا ومشاعل لان ابيها بموضوع يخصها هي بروحها عنود بابتسامه : ان شاء الله ودقت على الجازي وقالت لها انها ساعه وبترجع تقعد عندها وراحوا محل صاحبه وهناك : هلا وغلا عبد العزيز عزيز : مرحبا المليون يالغالي محمد : هلا بالشيخ عزيز امرني حبيبي وانا بالخدمه عزيز : ما يامر عليك ظالم يالغالي محمد انا جاي بشغل محمد رفع السماعه : اجلوا كل المواعيد اللي اليوم ليوم ثاني ودقي على عصام خليه يجي ولف على عزيز : ابشر بعزك يالغالي عزيز : اسمع انا جايك بشغل ابيك تتعامل معي رسمي يعني تنسى اني صاحبك ولا والله لا اطلع مني ولا عاد تشوفني وهمس له : ارفع السعر على الاخير عشان البنات يتفاخرون جدام رفيجاتهم محمد : افا عليك بالفاتورة اوصلها الف اذا تبي بس بينا ما فيها فلوس عزيز : محمد انا شنو حلفت عليه تو انا قلت لك تعامل معي رسمي ولا معاد تشوف وجهي مرة ثانيه محمد : ابشر باللي تبي بس الفاتورة غير عن حسابنا عزيز : محمد انا ما جيتك ابي الفلوس اللي تسلفتها مني انا جاي ابي منك فساتين يعني شغل وانت غبي اصلا حتى لو جبت الفلوس ماراح اخذها منك لاني محللك فيها حبيبي واحنا مابيننا الرسميات هاذي محمد : عزيز هذا دين وانا لما تسلفت منك كنتا محتاجها للمحل لان مثل ما انت عارف الشغل كان توه ببدايته وانا الحين الله انعم علي بس شريحتي احترقت وضاعت كل ارقامي ولاعاد حصلت رقمك والله ما افضى عشان امرك مثل ما انت تشوف كل وقتي رايح بين العباده والشغل والبيت عزيز : شوف انا قلت الكلام اللي عندي تبي تعاملني مثل غيري ابصمم عندك تبي تعاملني غير ابطلع من هني على اقرب خياط هندي افصل لاهلي محمد : هههههههههه لا الا منافسي الخياط الهندي عزيز : اجل دق على سكرتيرتك خلها تدخل اهلي وابي فساتين سبشل لهم مابي منهم اثنين يعني ابيهم غير عن كل الناس باللحفله محمد : متى تبيهم عزيز: ابيهم بعد اسبوع بالضبظ تقدر محمد : أي اقدر وشلون ما اقدر وانا محمد ولد صالح حفلتكم أي يوم عزيز : اليوم السبت والحفله يوم الاثنين الجاي محمد : ان شاء الله مثل اليوم تاخذها عزيز : هذا العشم يابو صالح محمد رفع السماعه : لمى خلي البنات اللي جو مع عزيز يدخلون وتعالي معاهم ووين عصام خليه يدخل مع اهل عزيز وتعالي انتي بعد ولف على عزيز : والله الساعه المباركه اللي نخدمك فيها يالشيخ عزيز : ساعتك ابرك وانطق الباب ودخل رجل طويل القامه ابيض شعره اسود ناعم يصل لرقبته ومرتبه بشكل مبعثر طالع جنان لابس جينز وقميص اسود عليه كتابه بالصيني بالبيض ودخلت وراه السكرتيرة لمى لابسه تنورة تصل الى الركبه سوداء وبدي ضيق احمر ولمى جميله شعرها قصير شقراء لانها لبنانية لمى دخلت قبل البنات ووقفت عند الباب وهي تمد يدها يعني تفضلوا وتبتسم : تفضلوا ودخلو عنود وراها مشاعل وراحوا لعزيز اشر لهم يقعدون وقف محمد بسرعه قبل محد يقعد وقال : تفضلوا بالقاعه الثانيه احسن ووقف عزيز : يلا تعالوا معاي ودخلوا القاعه الثانيه وقعدوا عزيز بجنب محمد على اليسار وعلى يمين محمد عصام وعلى يمين عزيز خواته ولمى واقفه جدامهم محمد: مدام لمى تفضلي نادي المصمم عادل والمصممه نادين وغاده وخليهم يجيبون معاهم اغراضهم من تصميم و اوراقهم لمى : حاضر استاز محمد لف على عصام : شوف الانسات ايش يبغوا وسو لهم اللي يبغونه واشرف على عادل والباقي ابي تصاميم ما صار مثلها عشان الغالي عزيز : يحط يده على فخذ محمد : تسلم حبيبي وبعد ساعه ونص من المناقشات واخذ القياسات طلعوا من المحل وودا عنود عند صاحبتها &&&&&& عند باب بيت الجازي عزيز : عنوده تبين تطولين عند صديقتك عنود : لا بس ابي اسولف معاها شوي بعدين ارد البيت عزيز كان يبي يتكلم لف على ضوء السيارة اللي وقفت جدام سيارته عزيز : اصبري لا تنزلين انطري لين يدخل بعدين ادخلي علي مستغرب وجود السيارة جدام الباب وظل ناطر عند باب الدوانيه يطالع سيارة عزيز وبعدين دخل الدوانيه ودخلت عنود من الباب المخصص للنساء وعلي دخل من باب الدوانيه ( المجلس ) على داخل البيت وفجأة بدون سابق انذار عنود داشه وعينها بالجنطه تدور موبايلها ( جوالها ) وما تدري الا باللي صدمته طبعا عنود ماشيه مسرعه تبي تدخل الصاله اللي كانت فيها وعلي ماشي يطالع بموبايله ومايدري الا اللي صدمت فيه وبغت تطيح وبسرعه مسكها مع ذراعها وهي بدأ يتحرك فكها الاسفل انذارا للبكاء ترك ايدها وبسرعه ركضت برا البيت لسيارتها وشغلتها وقعدت تبكي وموقادرة تسوقها من الخوف من هذا ؟؟ اكيد اخوها علي ؟؟ انا حوله يوم اني ماشيه وافتش بجنطتي المفروض اني انتبه للطريق ما اصير حوله الله يهديني الحين شيقول عني يقول مجنونه طلعت تركض وهي بالسيارة وحاطه راسها على السكان ( عجله القياده ) رفعت راسها وطالعت الباب ولقته واقف على الباب ويطالع لها ولما شافته بسرعه دخل داخل الدوانيه وهو يفكر من هاذي معقوله مع اللي قبل شوي بالسيارة .. لا بس سيارتها كانت واقفه من قبل لا اشوف السيارة اللي كانت فيها .. وانا شدخلني فيها .. اوووه خلني اروح مع ماجد احسن .. علي : وينك ماجد ماجد : السلام لله علي : ماجد ترا مالي خلق لك انت الثاني انت وين ماجد : علي ؟.؟. اشفيك انا مو جاهل تصرخ علي .. انا بالدوانيه حياك علي : عندك احد ماجد : لا .. كنت بدق على الشباب نتجمع اليوم .. قاطعه علي : لاتدق على احد والبس الحين امرك اخذك ماجد : اوكي بس وين علي بهدوء ولا كنه اللي يصارخ قبل شوي : ابمشى وبدون شعور كمل .. يمكن انسى شكلها ماجد: شكلها ؟؟ منو علي : هاه منو ؟؟ انا ماجد : لا حالتك خطيرة لاتطول شكل السالفه خطيرة علي : أي أي خطيرة يلا باي وسكر ووقف مكانه لانه من طلع الشارع هي لين الحين حاطه راسها على السكان وتبكي وهو نزل عليه الهدوء من شاف شكلها كانت جذابه بشكل كبير وطلع علي من البيت وهو سرحان ويفكر بالبنت اللي صدمت فيه وسامحوني على البارت ولو انه قصير بس ان شاء الله في بارت باجر باذن الله تعالى والله ولي التوفيق ودمتم بحفظ الرحمن محبتكم ندى الزهر |
حبيبتي ندى الزهر .. القصة حلوووة .. بس ودي اعرف علاقة عادل وعالية وعايلتهم بعايلة عبدالعزيز وان شاء الله ما يصير على عادل وعالية شي اذا مسكتهم الشرطة !! وودي اعرف شنو اسم اغنية عبادي شوقيتيني اسمعها شكرا لج .. |
جليع غاليتي لا تستعجلين على الاحداث وكل شي بوقته حلو واغنيه عبادي احب فيك الوقت وسلمتي غاليتي ودمتم بحفظ الرحمن ودمتم بحب وامان |
ابدعت ندى الزهر
السلام عليكم ورحمة الله وبركاته
عزيزتي ماشاءالله عليك ياندى الزهر قريت أجزاء روايتك وأعجبني أسلوبك في كتابة الأحداث واعجبتني كثير من الشخصيات منها عالية وغالية الاختين التوأم وعزيز الأخو الي أكيد كل من قرى البارت تمنى أن يكون عنده أخو مثله صج شخصية نادرة بالوجود بهالوقت من طيبة قلب وحبة لخواته ودلعه لهم وكان مثل ابوهم ,,, ودمتي سالمة يالغالية وننتظر كل جديد منك بكل شوووق اسعدينا بكتاباتك الرائعــــة ,,, تحياتـــي لــكـــ اختـــك جــرح القصيـــد |
هلا والله بندى الزهر الروايه باين عليها مشوقه الصراحه انا توني مكمله الاجزاء
بس في كثير اشياء صار لي التباس فيها منها الجازي والعنود متحجبين او لا وبعض الالتباسات وجدت لها تفسير في الاجزاء الاحقه وطبعا كحال البقيه انتضر بفارق الصبر معرفة علاقة جميع الابطال ببعض لفت نضري في البارت الاول تصرف مشاعل الصراحه ضحكت الاني في البدايه افتكرت دلعها على ابوها دلع بنت 5سنين انصدمت لما عرفت انها15 علاقة العنود باخوها رائعه وساميه كثير اعجبتني انا يجزبني هذا النوع من التقارب بين الاخوان عاليه وغاليه والله هثنتين شهوني انا يكون عندي اخت توام هههههههههههه عادل غلط بسس انشاء الله انه يكون درس لها مايعود الكره مره الثانيه ونسره الي كان ايكلمها تبعد عنه بندر وفهد شكل علاقتهم مع خواتهم رائعه واتمنى انك تتقبلي مرروري وتعليقي شكرا اختك في الله اينجل |
اقتباس:
اشكرتج غاليتي جــرح القصـــيد وكثير من المرات ذكرت ان بعض من اشخاص الروايه موجوده على ارض الواقع واتمنى تعجبج باقي الاجزاء ودمتي بود غاليتي ودمتم بحفظ الرحمن نـــدى الـــزهـــر |
اقتباس:
اينجل حبيبتي اول شي اشكرج على متابعتج للروايه ثانيا : الجازي والعنود متحجبين او لا العنود ومشاعل مو متحجبين اما الجازي منحجبه ثالثا : لفت نضري في البارت الاول تصرف مشاعل الصراحه ضحكت الاني في البدايه افتكرت دلعها على ابوها دلع بنت 5سنين انصدمت لما عرفت انها15 الدلع احيانا يكون من البيئه اللي الشخص عايش فيهايعني مثلا العنود ومشاعل لان اهلهم مدلعينهم عشان جذي تصرفاتهم تكون عفويه رابعا : علاقة العنود باخوها حتى مع مشاعل ومشعل وراح تتضح الامور في البارتين القادمين خامسا :عاليه وغاليه والله هثنتين شهوني انا يكون عندي اخت توام هههههههههههه شي حلو لما يكون عندك توام احيانا ما يكون التوأم من نفس البطن يعني مو توأم حقيقي يكون توأم بالروح خامسا : عادل غلط بسس انشاء الله انه يكون درس لها مايعود الكره مره الثانيه ونسره الي كان ايكلمها تبعد عنه انتظري البارت القادم سادسا : بندر وفهد شكل علاقتهم مع خواتهم رائعه بدر يمكن بس فهد ؟؟ ما اقول الا انتظري البارتات القادمه افرحني وجودج غاليتي ودمتي بود ودمتم بحفظ الرحمن |
اعزائي القراء ان شاء الله البارت راح ينزل اليوم بالليل اتمنى يعجبكم واتمنى لكم قراءة دون كلل او ملل ودمتم بحفظ الرحمن نـــدى الـــزهـــر |
مشكووورة ندى الزهر .. وآنا أول المنتظرين .. |
ودخلت عنود من الباب المخصص للنساء وعلي دخل من باب الدوانيه ( المجلس ) على داخل البيت وفجأة بدون سابق انذار عنود داشه وعينها بالجنطه تدور موبايلها ( جوالها ) وما تدري الا باللي صدمته طبعا عنود ماشيه مسرعه تبي تدخل الصاله اللي كانت فيها وعلي ماشي يطالع بموبايله ومايدري الا اللي صدمت فيه وبغت تطيح وبسرعه مسكها مع ذراعها وهي بدأ يتحرك فكها الاسفل انذارا للبكاء ترك ايدها وبسرعه ركضت برا البيت لسيارتها وشغلتها وقعدت تبكي وموقادرة تسوقها من الخوف من هذا ؟؟ اكيد اخوها علي ؟؟ انا حوله يوم اني ماشيه وافتش بجنطتي المفروض اني انتبه للطريق ما اصير حوله الله يهديني الحين شيقول عني يقول مجنونه طلعت تركض وهي بالسيارة وحاطه راسها على السكان ( عجله القياده ) رفعت راسها وطالعت الباب ولقته واقف على الباب ويطالع لها ولما شافته بسرعه دخل داخل الدوانيه وهو يفكر من هاذي معقوله مع اللي قبل شوي بالسيارة .. لا بس سيارتها كانت واقفه من قبل لا اشوف السيارة اللي كانت فيها .. وانا شدخلني فيها .. اوووه خلني اروح مع ماجد احسن .. علي : وينك ماجد ماجد : السلام لله علي : ماجد ترا مالي خلق لك انت الثاني انت وين ماجد : علي ؟.؟. اشفيك انا مو جاهل تصرخ علي .. انا بالدوانيه حياك علي : عندك احد ماجد : لا .. كنت بدق على الشباب نتجمع اليوم .. قاطعه علي : لاتدق على احد والبس الحين امرك اخذك ماجد : اوكي بس وين علي بهدوء ولا كنه اللي يصارخ قبل شوي : ابمشى وبدون شعور كمل .. يمكن انسى شكلها ماجد: شكلها ؟؟ منو علي : هاه منو ؟؟ انا ماجد : لا حالتك خطيرة لاتطول شكل السالفه خطيرة علي : أي أي خطيرة يلا باي وسكر ووقف مكانه لانه من طلع الشارع هي لين الحين حاطه راسها على السكان وتبكي وهو نزل عليه الهدوء من شاف شكلها كانت جذابه بشكل كبير وطلع علي من البيت وهو سرحان ويفكر بالبنت اللي صدمت فيه وهي بالسيارة طلعت مرايتها وعدلت شكلها ودقت على الجازي عنود بصوت واضح البكا فيه : مس بلو وينج الجازي : بالبيت .. طولتي مو قلتي ساعه الحين صارلج ساعتين العنود : كلمي اخوج علي وقولي له ابطلع مع عنود انا محتاجه لج ضروري الجازي : خير .. عنود انتي وين الحين العنود : برا بيتكم بالمواقف بسيارتي الجازي : طيب بدق على علي وارد عليج وسكرت ودقت على علي : بابا علاوي وينك علي بجديه : برا البيت خير شبغيتي الجازي مستغربه من نبره علي اللي اول مرة يكلمها فيها : بغيتك بموضوع بس صوتك ما يساعد اتكلم معاك لان اكيد طلبي مرفوض علي بكل جديه : فيج شي انتي .. تكلميي شبغيتي الجازي : خلاص هونت علي بصرخه : الجازي الجازي بخوف : هلا علي : تكلمي لا ترفعين ضغطي الجازي : كنت ابي اروح مع عنود خويتي زعلانه كلمتني وهي تبكي تقول انها محتاجه لي وهي الحين بمسافط بيتنا علي بهدوء : بسيارتها الجازي بخوف : أي علي : ووين بتروحون الجازي وهي مستغربه هدوءه : مدري بس اكيد ابروح معاها بيتها لان اكيد ما خذت علاجها السكر ولا تعشت وانا بصراحه خايفه عليها علي : روحي معاها واذا خلصتي انا اجي اخذج لا ترجعين البيت مع من كان لو السواق فاهمه الجازي باستغراب شديد : هاه علي : وجعاه ما سمعتي الجازي : بلا سمعت ان شاء الله بس انت هد بالك علي : يلا وسكر الخط بوجه الجازي الجازي لبست بسرعه ملفعها وبسرعه طلعت مع العنود لقتها تبكي : سينوريتا لاروسا اشفيج العنود : تعبانه مس بلو انا ميته تعب الجازي : لا ما راح نروح مكان انتي راح تنزلين معاي البيت العنود بسرعه قاطعتها : لا بيتكم لا الجازي : بيتنا لا ؟؟.. ليه في احد كلمج او مضايقج العنود : ماراح انزل بيتكم الجازي : لاروسا اشفيج العنود: جوجو وبكت لانها ما اقدرت تكمل الجازي طفت السيارة وسحبت السويج ونزلت من السيارة وراحت صوب العنود وبطلت الباب ومسكت يدها : انزلي معاي ماراح نروح مكان العنود نزلت لانها تعبانه ودخلوا البيت وراحوا غرفه الجازي والبجازي نومة العنود بفراشها وقعدت عند رجولها : لاروسا اشفيج حبيبتي العنود بصوت باكي ومتقطع : عـ .. ـلـ .. ـي الجازي : علي ؟؟ وقامت بسرعه طلعت برا الغرفه ودقت على علي : الو وينك علي : خلصتي الجازي : انا بالبيت ما طلعت علي : خير في شي الجازي : خير بوجهك بابا علاوي وينك علي : وانتي شكو انا ويني الجازي : انا اللي لي شغل معاك ممكن اعرف شدخلك بصاحبتي لاروسا علي : لاروسا ؟؟ من هاذي بعد الجازي : العنود خويتي اللي الحين عندي بالبيت تبكي علي : وانا شدخلني فيها تبكي ولا تكركر الجازي : سالتها اشفيج قالت علي وما قدرت تتكلم بعدها من البكا ممكن اعرف شنو مسوي علي ضحك ضحكه قويه وكل اللي بالمقى اللي هو فيه لفو عليه هههههههههههههههههههههه الجازي : علي اشفيك علي يحاول يكتم الضحكه لانه جذب كل الانظار عليه : ولاشي الجازي : علي ممكن تشرح لي شنو صار علي : خويتك الحين تبكي الجازي : أي علي : من صجها تبكي الجازي : علي حيرتني شصاير علي : ولا شي صدمة فيني انا داخل من الدوانيه وهي داخله الصاله ولا واحد فينا انتبه للثاني الجازي : بس هذا اللي صار علي : ومن الصدمه بغت تطيح كان امسك ذراعها وبعدها طلعت تبكي الجازي مو مستغربه بكاء العنود لان العنود خجوله جدا وممكن موقف مثل هذا يأثر عليها مثل هالتأثير : اها الحين عرفت علي بفضول : الجازي هي ليه تبكي ؟؟.. الجازي : لانك مسكت ذراعها وهي خجوله علي بفضول : حيويه حيل ليش ؟؟ الجازي : يعني ماسك ذراعها تبيها تصفق لك اكيد راح تبكي علي : طيب يلا روحي سكتيها قولي لها علي يقول ترا ما تسوى الجازي بلقافه : عندك ما يسوى لكن عندها يعني لها الكثير علي : يعني شلون ؟؟ الجازي : يعني انت متعود على الاشياء هاذي وعادي عندك اما هي خجوله لدرجه كبيرة عمري ماشفت خجوله مثلها علي : هي بنت منو الجازي ابوها اسمه فارس واخوها اسمه عبد العزيز صاحب شركات (...) ما عرفته علي : أي أي عرفته طيب يلا تبين شي الجازي : لا سلامتك يبه وراحت للعنود لقتها هدت شوي : لاروسا مايصير اللي تسوينه بنفسك العنود : شنو اللي اسويه بنفسي الجازي : انا سظالت علي وقالي على اللي صار شي مايستاهل اللي تسونيه بعمرك العنود : يعني لو انتي صدمتي بعزيز اخوي ومسكت ايدك عادي الجازي : لاروسا هو ما مسك ايدك لغايه بنفسه هو قال انك كنتي راح تطيحين عنود قاطعتها : ليته خلاني اطيح ولا مسك يدي الجازي : لاروسا خلاص انسي الموضوع هذا كل واحد يتعرض لمواقف في حياته عنود : مو مشكله انا الحين برجع بيتنا ادري تعبتك معاي الجازي : نونه شهالكلام ترا من صج بزعل عليج عنود : طيب مس بلو ممكن اروح البيت لاني تاخرت على بيتنا الجازي : اكيد ممكن بس بروح معاج بيتكم العنود : ليه ؟ الجازي : تطرديني يا بنت فارس افا ما كان العشم فيج طرده مرة وحده عنود : لا حشا بس مستغربه الجازي : بسلم على خالتي من زمان ما شفتها هي ومشعوله العنود : حياك الله يلا مشينا الجازي يلا اروح اكلم علاوي وارجع العنود : انا انتظرك بالسيارة ودقت الجازي على علي : الو بابا علي : هلا الجازي : العنود تعبانه شوي وتكابر وتبي تروح بيتهم بروح معاها على الاقل لو تعبت يكون في احد معاها علي : طيب تبين تطولين ؟ الجازي : مدري لان انا قلت لها بسلم على خالتي ما قلت عشانج تعبانه لاني اعرفها تكابر علي : طيب طيب هي وقفت بكى الجازي : أي بس بعد شنو علي : طيب يلا مع السلامه الجازي سكرت وراحت السيارة : طولت عليج العنود : لا عادي حبيبتي وراحوا بيت العنود وتعشوا هناك بعد ما خذت العنود علاجها وعشتها الجازي غصب &&&&&&&& نرجع شوي لورا عند عزيز ومشاعل وبعد ما حرك عزيز سيارته عزيز : ها شعوله مستانسه مشاعل : أي وايد مشكور عزوزي عزيز : شوفي انتي الحين كبيرة وعمرج 16 سنه يعني راح تكونين مسؤله عن نفسج وانا مو دايم لكم ولا ابوي وامي الله يطول باعمارهم عشان جذي ابيك تسمعيني عدل وتطحين كلامي ترجيه باذنج ابي اسالج اسئله وتجاوبين عليها بصراحه : مشاعل : طيب عزيز : انتي محتاجه شي مشاعل : شي مثل شنو ؟؟ عزيز : فلوس دلع حب أي شي ناقصج مشاعل : لا انتوا مو مقصرين علي بشي عزيز : حبيبتي شعوله انتي الحين بفتره مهمه بحياتج مشاعل بغباء : شنو حرجه ؟ عزيز : انتي الحين مراهقة يعني أي شخص حلو ممكن تشوفينه ممكن عقلج يوهم لج انج تحبينه وانه هو حبيبج المنتظر مشاعل ولعت خجل : طيب عزيز : شوفي انا ابي لما اقول اختي ارفع راسي فوق بعالي السما مابي يقولون اختك وانزل راسي عزيز : انا اعرفف ان كلامي معاج راح يكون مرة وحده في هذا الموضوع لان انا اعرف خواتي من النوع اللي ما تفكر بالغلط وقبل كل كلمه او شي تبي تسويه تفكر مليون مرة لو صار هل راح تتعاقب عليه او راح تتكافئ انا ما اقولج هالكلام عشان اخوفك لا انا اقول هالكلام ابي تعرفين ان الله فوقك هو اللي يعاقب ويجازي الالنسان على اعماله بس صدقني ووانا ما اعيد كلامي اكثر من مرة مو ان سمعت انج سويتي غلط لا ان فكرتي تسوين غلط راح يكون اخر عمرج ابي تفكرين بكلامي عدل انا احبج واخاف عليج واحنا في زمن فيه الشين يغلب الزين انا يا مشعولتي اخوج اللي يحبج ويدلعج ويعطيج اللي تبين عشان ما تحتاجين غيري بالحب كلنا نحب لكن في اولويه للي تحبينه اولا الله ثم الرسول ثم نفسج ثم الوالده والوالد واكيد وانا ومن بعدي الطوفان وابتسم لان حس ان مشاعل خايفه مشاعل ابتسمت له وهي خايفه من عزيز عزيز حس فيها وقال : شعوله عطيني بوسه قويه مثل اللي قبل شوي مشاعل : بس انت تسوق عزيز لف السيارة على اليمين ووقف في طريق الامان وقال : يلا بوسيني الحين انا ما اسوق مشاعل باسته حيل عزيز وهي تبوسه : قلت حيل بس شلعتي خدي مشاعل وخرت عنه وهي تضحك : هههههههههههه عزيز : عورتيني وتضحكين بعد وهو يحرك السيارة مشاعل : انت قلت تبي بوسه ولانك حبيبي بوستك غير ههههههههههههه عزيز : طيب حبيبتي وين تبين تتعشين مشاعل : أي مكان عادي عزيز : يا انا اعرف مطعم هندي عجيب قاطعته مشاعل : هندي اقول رجعني بيتنا طبخ فاضل يسوى كل الهنود عزيز : انا مصر اعشيك من عند الهندي مشاعل بشقاوتها المعتاده قرصت خده بخفه : هندي لا روح أي مطعم حلو عزيز : طيب مدموزيل شعله : مشاعل : شعله عاد دور دلع احلى قبل شوي تقول مشعولتي عزيز : لا شعله حلو مشاعل : شعله شعله امرنا لله يا خوي العود وراحوا تعشوا ورجعو البيت بعد العنود والجازي وعند قلوب العشاق قبل كم يوم ......: اخوي لو سمحت أنت وياها تفضلوا معاي وكانت الصدمة لفوا عليه عادل : نعم خير الشرطي : خير بوجهك يالحبيب الساعه 2 وانت مع الحبيبه بالبحر وتقول خير بطاقاتكم لو سمحت عادل : اول شي احترم نفسك لا اعلمك الاحترام شلون صاير بعدين هاذي زوجتي واذا عندك شي تقدر تسويه تعال سويه الشرطي : طيب بطاقاتكم لو سمحت لا اعلمك انا شلون تتكلم عادل : عطني هويتك العسكرية قبل لا تتكلم الشرطي : لو سمحت انا لين الحين اكلمك باحترام عطني بطاقاتكم عادل لف عنه كلم عاليه : روحي السيارة قاطعه الشرطي : لو سمحت لا تخليني اسوي شي ما يرضيك عادل : شعندك ؟! الشرطي : انت الظاهر ما تفهم بالطيب عادل لف عنه ودق موبايل عادل : الو السلام سليمان سليمان : هلا وعليكم السلام عادل : سليمان انا وعاليه مع بعض عند البحر تعال وجيب معاك هويتيك العسكرية سليمان : خير عاليه فيها شي ؟ انت فيك شي عادل : ولا شي بس الشرطي مو مصدق انها زوجتي يقول بطاقاتكم سليمان: ابشر انا قريب منك بس انا مع ربعي عادل : ما يهم سليمان لا تطول عزيز : ابشر ابشر عشر دقايق وصلت سيارة عند عادل والدوريه والشرطي نزل من الدوريه سليمان : عادل خير اشفيك وليه الدوريه عادل : الاخ وياشر على الشرطي : يقول زوجتي ماهي بزوجتي خويتي وش رايك وش ممكن اتصرف لا والاخ ماخذ سويج السياره يقول انتظر ولي امرها الشرطي : هذا واجبي عادل : شكلك تو متوظف الشرطي : هذا مو شغلك ولو سمحت ابي بطاقاتكم عادل : انت شكل امك فطمتك على ابي بطاقاتكم عزيز : عادل قالها بنبرة حاده وطالع الشرطي : عطني هويتك لو سمحت الشرطي : ومن انت بعد عشان اعطيك هويتي سليمان : معاك الرائد سليمان وطلع هويته العسكريه والشرطي : اسف يا الرائد سليمان سليمان : ولا يهمك هذا واجبك تقدر تتوكل الحين هذا اخوي وهذول اهله الشرطي : ابشر واسف على المضايقه بس اسلوبه يشكك الواحد فيه عادل : انا بمشي وهو يطالع سليمان تامر على شي سليمان : لا سلامتك ولف سليمان على الشرطي : اشكرك على جهدك وانت مثال خير للشرطي الشرطي : هذا واجبي وانا مسؤول عنه من ربي سليمان : بارك الله فيك فمان الله الشرطي : فمان الكريم وحفظه عادل بالسيارة مع عاليه : اسف حبيبتي عاليه : على شنو عدول عادل : على اللي عكر مزاجنا وجونا عاليه : افا حنا محد يخرب جونا حنا دوم حبايب عادل : الله لا يحرمني منج عاليه : ولا منك يا تاج راسي عادل : وين تبين نروح عاليه : وين ما تبي عادل : نروح البيت عاليه : كيفك ؟؟ بس بيتنا او بيتكم عادل : لا تبينا نقعد بغرفتي نسولف عاليه : اللي تشوفه يا نظر عيني عادل : من بعد مزح و لعب أهو صار حبك صحيح أصبحت مغرم عيون و أمسيت و قلبي طريح و اخجل إذا جات عيني صدفه ف عينك و اصير مربوك و حاير ف أمري من فرحي أبغى اطير توحشني و إنته بجنبي و اشتاق لك لو تغيب و احسد عليك حتى نفسي و اخشى يمسك غريب و اخجل إذا جات عيني صدفه ف عينك و اصير مربوك و حاير ف أمري من فرحي أبغى اطير و انا الذي كنت أهرج و الكل من حولي سكوت قد صرت أتلام و اسكت و أحسب حساب كل صوت و اخجل إذا جات عيني صدفه ف عينك و اصير مربوك و حاير ف أمري من فرحي أبغى اطير و الله يا أحلى عمري في عيوني مالك مثيل تساري الروح و تغلى و تكون عنها بديل و اخجل إذا جات عيني صدفه ف عينك و اصير مربوك و حاير ف أمري من فرحي أبغى اطير اغنيه الفنان طلال مداح رحمه الله وبعدها وصلوا البيت ونزلوا وكانت الساعه حوالي 3 ودخلوا البيت وهو ضام عاليه مع كتوفها وهي مستانسه لانها مع عادل ودخلوا غرفته وقفل الباب عاليه طالعت فيه وهو يقفل الباب ورفعت حاجبها عادل بضحكه : باكلج ممكن عاليه : اكلني هههههههههههه عادل : ههههه الله يدوم ضحكتج يارب عاليه : اقول ترا شكلي بنام على سريرك وانت روح نام في بيتنا خخخخخخخخخ عادل : عشان اقوم القا راسي بالزباله عاليه : شلون ؟؟ عادل : يقطعه عمي عاليه : ههههههههههه تخيل شكلك اذا قمت لقيت راسك مقطوع شنو راح تسوي ؟؟ عادل : ولله انتحر ههههههههههههههههههه عاليه : تسويها هههههههههههههههههه عادل : علويتي احبج يا كل دنياي عاليه تفاجأت منه لان كانوا يضحكون فجأة قلب عليها : وانا بعد عادل : انا افداج بروحي انتي قلبي وروحي وعقلي ودنياي عاليه : عادل عادل : قرب لها ومسك يدها وباس يدها : ياروح عادل عاليه سحبت يدها : عادل اعقل عادل : مابي اعقل شعندج عاليه : ادق على ابوي اخليه يجي ياخذني عادل : اذا لقيتي موبايلج عاليه : وينه عادل : اخذته منج بالسيارة ولا نسيتي عاليه : طيب وينه الحين عادل : بالسيارة عمي قال انتي حلالي الليله ومابي احد يزعجني عاليه : لا تنسى ابوي شنو قال عادل : زوجتي وكيفي عاليه بخوف : عادل عادل قرب لها وعاليه رجعت للخلف عادل قرب منها ورفعها وهي تبكي : عادل اشفيك عادل يضحك : شفيك علويه ليش خايفه وهو شايلها عاليه : عادل انت اللي شنو تسوي عادل : حلالي وانا حر عاليه : والعرس عادل : العرس اشفيه ما راح يتغير الله يقدرني اصبر للعرس عادل يدور فيها ويضحك : علويه انا عادل اذا قلت كلمه ثقي بالله اني قدها بس انا احبج وانتي حلالي وعادي اذا شلتك ولعبتك ولعبت معاج عاليه تضحك : خوفتني نزلها وقعد يمها على الكنب عادل : والله شكلج وانتي خايفه يجنن روعه عاليه : هههههههههههههههه والله انت اللي تخوف مرة ثانيه ما اطلع معاك لو اموت عادل : واهون عليك ما تخليني اشوف الوجه الحسن عاليه : لا خلاص بطلع معاك بس اخذ غلويه عادل : لا خلاص هونت مابي اطلع معاج عاليه :ههههههههههههههههه توك تبي تموت عشان اطلع معاك عادل : اموت عشانك لا ما حزرتي انا احب نفسي وما اضحي عشان الناس عاليه : وانا ناس عادل : انتي كل الناس عاليه تطالع الساعه : عدولي متى ارد البيت عادل : تو الناس ؟؟ عاليه : وين تو الناس صارلنا نسولف اكثر من ساعه الحين ياذن الفجر وانا هني عادل : عمي سمح لي وانا ما صدقت على الله ابي الفكه منج يلا قومي خليني افتك منج عاليه : تفتك مني انا وسوت نفسها زعلانه عادل : افا والله علويه تزعل انا افتك من روحي ولا افتك منج ياعمري انتي عاليه : طيب يلا لاننا تاخرنا حيل عادل : ابشري حبيبتي يلا امشي طلعوا عادل وعاليه وهم طالعين على الدرج عادل ماسك ايد عاليه ولان الوقت وقت صلاه فاكيد ام سليمان وابو سليمان قاعدين وعادل وعاليه نازلين من الدرج وسمعوا صوت من وراهم .... : عادل عادل وعاليه لفو بسرعه على صاحب الصوت عادل : يبه .. صبحك الله بالخير ابو سليمان : هلا صبحكم الله بالنور منو اللي وياك هي عاليه عاليه : ايه يا عمي وصعدوا لابو سليمان وسلمت عليه عاليه وباست راسه وايده عادل استغرب سلام عاليه لان اول مرة يكون معاها لما تسلم على ابوه وطلعوا من البيت بعد ما زاد فعل عاليه من مكانتها عند عادل وهي ما كانت قاصده ان عادل يشوفها لان الفعل كان عاده عندها لعمامها وخوالها الكبار وجدانها والاكيد امها وابوها وصلوا البيت ولقوا فهد عند الباب فهد : تو الناس ؟,. عادل : السلام عليكم فهد وعليكم السلام .. وين كنتوا لين الحزة هاذي عادل : اظن انها زوجتي واخذها متى ما بغيت بعدين مو حلوة واقفين بالشارع عاليه دشي البيت فهد خزها بنظرة مسكت يد عادل وظغطت عليها عادل : فهد انت اشفيك تراها زوجتي وعمي عنده خبر فهد : انا اخوها وما لها حق تطلع بدون لا تقولي عادل : خير ما سمعت تقولك وليه انا طرطنقي هني فهد اقصر الشر احسن لك فهد خز عاليه : دشي غرفتك وشغلج عندي عاليه بطريقه عفويه وقفت ورا عادل كانها تقول انت ما تقدر تكلمني وعادل موجود فهد بصرخه قويه : عاليه ادخلي غرفتج احسن لج عاليه : مالك كلمه علي بعد اذن زوجي وابوي فهد : والله وطلع لج لسان عادل : فهد تراانا ساكت لك احترام لعمي وعمتي فهد : ومن انت اصلا عشان تتكلم وبالحظه هاذي دش ابو بدر : فهد اشفيك انهبلت فهد : يبه شوف الساعه جم وهي توها داخله البيت بو بدر : وانت شكو انا لا قلت كلمه ما اعيدها مرة ثانيه بناتي مالك عليهم كلمه فاهم او لا فهد : نزل راسه ان شاء الله يبه عادل : انا اسف ياعمي ابو بدر : على شنو ياعادل انت ما سويت شي غلط هي حرمتك وانا راخص لها وين الغلط وفهد ما كان يدري اني راخص لها عادل : فهد اخوي ياعمي وادري انه ماكان يدري والله لايخليني بالعكس فعله كبره بعيني زياده يومه خايف على اخته بس انا زوجها ولي كلمه عليها بعد كلمتك ياعمي بو بدر : عادل انت زوجها وكلمتك تسبق كلمتي وانا ابوك عادل : ما اطول عليك ياعمي انا استاذن الحين ونشوفكم على خير ان شاء الله بو بدر : الله يحفظك يالنسيب عاليه بعد مافك عادل يدها راحت لابوها تحتمي فيه من فهد فهد : عاليه ليه تطولين لسانج قبل شوي بو بدر : فهد للمرة الاخيرة يا فهد اقولك مالك كلمه على بناتي انت ما تفهم فهد : يبه مايصير انا اخوهم بو بدر : لا مت انا تعال تكلم فهد : بعد عمر طويل يبه انا ما قصدي بس لازم يحترموني بو بدر : ومن االي ما احترمك |
مشكوره ندوش هههههههههه مطيحه الميانه على البارت لي عوده مع التعليق ان شاء الله بعد القراءه ومشكور على توضيح الامور لي واتمنى اني ماكون ازعجتج باسالتي وترى توام روحي موجوده هههههههه رفيجتي فديتها
الله يخليها لي واكرر شكري واعتذاري |
اقتباس:
اينجل غاليتي بالعكس يفرحني اهتمامج بالقصه وابطالها واتمنى لج قراءة ممتعه دون كلل او ملل وتوام روحج الله لا يفرق بينكم وتبقون مع بعض طول العمر ودمتي بود ودمتم بحفظ الرحمن ندووش ^_^ |
مشكووورة ندى على البااارت بس وااايد قصير وما فيه احداث مصيرية .. نتمى البارت القادم يكون أحلى وأحلى .. فديت عزوز .. ما يصير تزوجيني له :) |
اقتباس:
جوجو غاليتي اشكرج على متابعتج وعزوز حلالج ^_* ودمتي بود ودمتم بحفظ الرحمن |
اعزائي القراء قد يكون الجزء هذا قصير لكن ليس كسل مني ولكن لامور الله يعلم بها من تعب الم بي ولكن والله يعلم انني اجتهد بقدر المستطاع ان اجعل الجزء ان يكون طويل انا من ناحيتي افضل ان البارت يكون قصير لاني اول ما اكتب البارت انزله على طول يعني كل يومين تقريبا ان شاء الله راح يكون في بارت اشكر كل من قرا الروايه واتمنى ان تنال اعجابكم ولا استطيع ان اقول غير هناك احداث كثيرة لم تظهر وهناك شخصيات قد تغيب وهناك شخصيات قد تظهر ولا اقول سوى انتظروني في الاجزاء القادمه (( على فكرة الاسبوع الجاي انا بسافر السعوديه يعني اذا قدرت اشبك من هناك وانزل لكم البارتات ابشروا من عيوني والله مشتاقه للسعوديه موت وخصوصا بنات خالي وخالي ونياقه وكل اللي بالسعوديه )) واللي تبي حليب نياق تقولي ^_^ >>> لاني احبه طولت عليكم دمتم بحفظ الرحمن ندوش ^_* |
هلا حبيبتي .. مشكووورة يا قلبي على عزوزي .. وان شاء الله تروحين وتردين بالسلامة .. أما حليب النياق وي لا يحوووشج يا معودة انا ما احب اي نوع من انواع الحليب .. بالهنا يالغلا .. |
مشكوره على البارت والبارت كان يجنن وروعه واينجل من توام روحج ها<<< وندى الزهر ننتظر التكمله ويعطيج الف عافيه
|
اقتباس:
غاليتي اهـ يا زمن اشكرج ودمتي بود واهم شي ان البارت عجبج وان شاء الله في بارت اليوم واتمنى اشوف ردج عن الابطال منو عجبج ومنو اللي ما عجبج لان رايج يهمني واينجل صديقتها على حسب ما قالت اهي توأم رلاوحها الله لا يفرقهم يا رب وانتي ما عندك توام روحي لج ودمتي سالمـهـ ودمتم بحفظ الرحمن ندوش |
واولا ماتشوفين شر ندوش
وثانيا تروحين وترجعين بسلاما ومشكوره على البارت عنود هههههههههههههههههه عليها بخجل مسكينه اكسرت خاطري لوانها مكانها جااااااااااان رحت قيها ما اقدر اتخيل الوضع صح البضع عنده مايسوه بس ممممممممممممحرج وفششششششله عبد العزيز عجبني ككلامه لخنه وجه كلامه بطريقه دبلوماسيه وراقيه وحضاريه شي حلو انه يفتح هذا الموضوع مع اخته الصغنونه غاليه ومشعل الصراحه انا مااستوعبت الموقف انهم يكونن مع بعض لي الفجر وانهم يكونون في غرفته صح اهو زوجها وحلالها بس مادري مادامهم لحين بس ملجه مو حلو فهد احسه سخيف ويبغي يفرض رايه وبس يعني يبي يتعنتر اي ترى الفضوليه الي فوق اه يازمن تراها بنت عمي واكيد عندها توام روحها الي هي انا بلا منازع ههههههه واثقه الاخت وتقبلي مروري ودمتي بحفظ الرحمن ندوش انجل |
اقتباس:
مرحبا اينجل اولا :الله يسلمج ثانيا : السفرة تاجلت هئ هئ هئ >>> زعلانهـ تبي بنات خالها ثالثا : عنود خجولهـ لدرجهـ كبيرهـ رابعا : عزيز طريقهـ في التعامل مع خواتهـ تخليهم يفكرون بالشي قبل يسوونه لانه موفر لهم كل شي دلع " حب " كلام حلو " ما يهاوش " التفاهم " لان هاذي الشغلات اللي تحتاجها البنت واظن اذا البنت لقت كل شي بالبيت ماراح تدور هالشغلات بالطريج الغلط لان اهم اسباب انحراف البنت حرمنها من ابسط شي بالبيت وهو الكلمه الحلوة وراح يتوضح كل شي بالبارتات ان شاء الله خامسا : عاليه وعادل بالنسبه لقعدتهم بالغرفه راح تشوفين اللي راح يصير ؟؟ سادسا : فهد ؟؟ >> انتظري فقط سابعا واخيرا : اهـ يازمن الله لا يحرمكم من بعض يارب ودمتي بود غاليتي اينجل والله ولي التوفيق ودمتم بحفظ الرحمن ندووووش |
السلام عليكم ورحمه الله وبركاته كيف حالكم ان شاء بخير البارت باذن الله راح ينزل بعد شوي يعني بعد ساعه تقريبا وقراء ممتعه لكم والله ولي التوفيق ودمتم بحفظ الرحمن ندووووووش ^_^ |
نحن ..بالانتظار
^_^ |
البارت وصل وقراءة ممتعه وصلوا البيت ولقوا فهد عند الباب فهد : تو الناس ؟,. عادل : السلام عليكم فهد وعليكم السلام .. وين كنتوا لين الحزة هاذي عادل : اظن انها زوجتي واخذها متى ما بغيت بعدين مو حلوة واقفين بالشارع عاليه دشي البيت فهد خزها بنظرة مسكت يد عادل وظغطت عليها عادل : فهد انت اشفيك تراها زوجتي وعمي عنده خبر فهد : انا اخوها وما لها حق تطلع بدون لا تقولي عادل : خير ما سمعت تقولك وليه انا طرطنقي هني فهد اقصر الشر احسن لك فهد خز عاليه : دشي غرفتك وشغلج عندي عاليه بطريقه عفويه وقفت ورا عادل كانها تقول انت ما تقدر تكلمني وعادل موجود فهد بصرخه قويه : عاليه ادخلي غرفتج احسن لج عاليه : مالك كلمه علي بعد اذن زوجي وابوي فهد : والله وطلع لج لسان عادل : فهد تراانا ساكت لك احترام لعمي وعمتي فهد : ومن انت اصلا عشان تتكلم وبالحظه هاذي دش ابو بدر : فهد اشفيك انهبلت فهد : يبه شوف الساعه جم وهي توها داخله البيت بو بدر : وانت شكو انا لا قلت كلمه ما اعيدها مرة ثانيه بناتي مالك عليهم كلمه فاهم او لا فهد : نزل راسه ان شاء الله يبه عادل : انا اسف ياعمي ابو بدر : على شنو ياعادل انت ما سويت شي غلط هي حرمتك وانا راخص لها وين الغلط وفهد ما كان يدري اني راخص لها عادل : فهد اخوي ياعمي وادري انه ماكان يدري والله لايخليني بالعكس فعله كبره بعيني زياده يومه خايف على اخته بس انا زوجها ولي كلمه عليها بعد كلمتك ياعمي بو بدر : عادل انت زوجها وكلمتك تسبق كلمتي وانا ابوك عادل : ما اطول عليك ياعمي انا استاذن الحين ونشوفكم على خير ان شاء الله بو بدر : الله يحفظك يالنسيب عاليه بعد مافك عادل يدها راحت لابوها تحتمي فيه من فهد فهد : عاليه ليه تطولين لسانج قبل شوي بو بدر : فهد للمرة الاخيرة يا فهد اقولك مالك كلمه على بناتي انت ما تفهم فهد : يبه مايصير انا اخوهم بو بدر : لا مت انا تعال تكلم فهد : بعد عمر طويل يبه انا ما قصدي بس لازم يحترموني بو بدر : ومن االي ما احترمك فهد : يبه انا اتكلم على اني اخوهم ولازم تحط لي اعتبار بو بدر : عاليه روحي غرفتج وعاليه قبل لا تطلع باست راس وايد ابوها مثل كل يوم قبل النوم وقبل لا تطلع مرت من عند فهد وهي خايفه من اللي بتسويه اول ما وصلت عنده وقفت جدامه وقالت : فهد انت اخوي وتاج راسي وحبت راسه وايده مثل ما تسوي مع ابوها فهد مستغرب تصرفها لكن ما تكلم وقف وقبل لا تمشي : علويه لفت علويه عليه : لبيه فهد ضمها قبل لا يتكلم وهو اول مرة في حياته يضم وحده من خواته : عاليه انا احبج وخايف عليج عاليه : انت تاج راسي واخوي الكبير اللي مالي غناتن عنه فهد : ترا ماكان قصدي عاليه : فهد لا تتكلم بهذا الموضوع انا اختك الدلوعه وابتسمت فهد لاول مرة يكون مع اخته جذي ابتسم وباس جبينها وابوهم جالس على الكنب ونزلت دموعه فهد لمح ابوه يبكي ترك عاليه وراح لابوه وجلس عند ركبة ابوه : يجلعني اروح فدوة لك يبه ولا تنزل جوهرة من هالجواهر ابوهم : كنت متاكد انه راح يجي يوم وتضم اختك لكن توقعة بعد ما اموت فهد : يبه ياجعلك ذخر لنا وش هالكلام الله يدومك فوق روسنا يبه ابوهم : فهد انا مب دايم لخواتك وانت ذخرهم بالدنيا بعد عيني انا مابي احد يظلم بناتي وانت لهم ابيك تفكر مليون مرة وتعد للعشرة قبل لا تقرر أي قرار او تتكلم أي كلمه فهد : ابشر يا تاج راسي ابوهم : والصلاة الصلاة تراها وصيتي يافهد فهد : ابشر باللي يرضيك يابو فهد فهد ( الابن البكر لمشعل عمره 26 عصبي جدا ولا يمكن لاحد مجاراته بالكلام لانه متحدث بطلاقه ومتعصب جدا مدرس اول رياضيات ) حياة مشعل واولاده مشعل كان متزوج زوجتين الزوجه الاولى ام فهد ونورة والزوجه الثانيه تزوجها مشعل لما تعبت زوجته ام فهد هي اللي شارت عليه انه يتزوج بنت عمها ام بدر لانها تحب عيالها وهي ماتبي عيالها يتربون عند وحده ما تعرفها وتعرف اخلاقها وفعلا تزوج ام بدر على حياة ام فهد وعاشت سنتين معاهم وبعدها توفت وكان عمر فهد ذاك الوقت 4 سنوات عشان جذي ام بدر ربت فهد لين صار عمره 6 بعدين جابت بدر وبدر كان معاق اتعبهم في التربية لكن كان هادي مو مثل فهد بعد فترة حملت بالتوأم وربتهم كلهم ولا فرقت بيوم بينهم لانها امهم ومو شرط الام هي اللي تولد بالعكس الام هي اللي تربي وفهد مايذكر امه لانه كان صغير لكن يذكر لمحات منها كأن حياته السابقه حلم له وهو بار في امه وابوه لكن ما يحب شي اسمه بنات يقول البنات مدلعات البنت ما تمشي الا بالعصا ** فهد لف على عاليه لقاها تبكي وهي على الارض راح لها وتقومها : روحي ارتاحي بغرفتج ولف على ابوه : يبه الله يحفظك لي قم ارتاح الاب : الله يخليك لهم تراهم بناتك من بعدي يافهد ابيك تصونهم ولا ترضى لاحد يغلط عليهم لو بكلمه يابو مشعل فهد وهو يمشي مع ابوه يوصله للغرفه : ابشر يابو فهد وصله غرفته وراح غرفته بدر على الاب توب حقه اللي يقابله كل يوم الفجر عشان وينسى الدنيا ويكتب اللي في خاطره في خواطر باسم " مالي بالدنيا مكان " في لحظات بدر يحب ينسى حياته كلها فتح المنتدى لقى رساله خاصه من " غلا دنياي " بدر في نفسه غريبه هاذي البنت عمرها ما تكلمت بالمنتدى غير الاشعار اللي تكتبها والخواطر يعني ما ترد ولا رد بس اللي يكتبون ردود على اشعارها او خواطرها تشكرهم على تواجدهم بالصفحه وبس غربيه تدز رسايل خاصه بطل الرساله مالي بالدنيا مكان قد تستغرب وجود كلماتي في وارد رسائلك الخاصه لكن لم يدفعني لكتابتها لك الا شي يتحرك بداخلي عندما اقرأ كلماتك التي تكتبها واشعارك التي تسطرها هنا اشعر أنك تقاسمني شي كنت أظن انه لا يعرف غيري بشر (( الهـــمـ )) (( الحـزنـ )) (( الألـم )) مالي بالدنيا مكان لك في هذه الصفحة اعترافي أني أكن لك كل المشاعر النبيلة التي لا زيف بها حاولت أن أتراجع عن قراري بالاعتراف لكن قد فات الأوان واعترفت لك في خواطري وأشعاري منذ ولادة شعوري هذا الذي لا اعرف هل هو إعجاب أم حب هل قلت الحب آه ما أدراك ما شعوري الذي أكن ^ ^ أني اعرف أني اقتحمت عاملك دون إذن منك لكن هذا اعترافي وقد أدليته بدلوك ولا انتظر منك رد لكن أريد أن تعرف أن هناك قلب لا يريد من الدنيا سوى شراء سعادتك بأغلى الأثمان ودمت بسعادة وراحة ودمت بحفظ الرحمن المرسل " غلا دنياي " بدر بلم لوقت لا يعرف كم لكن يفكر تحبني بدون لا تعرف انا منو معقوله تحبني عشان كلماتي او عشان انا حزين مثل ما تقول وفتح قسم همسات وخواطر وكتب موضوع باسم إهداء إلى من تعرف من هي اليك اكتب كلماتي لا اعرف ماذا اقول سوى صدمتني كلماتك لي ما الشعور الذي يتملكني الان ؟؟ بكل تاكيد الاستغراب !! فانا لم اعتاد ان استمع لهذه الكلمات من أي شخص كان لا اقول سوى لا يمكن ان اعيد الكره وانا ليس لي قلب انا لدي بقايا قلب تركت قلبي لها منذ سنوات وهي من سكنت قلبي وعندما رحلت اخذته معاها ولم تترك سوى قلب محطم لا املك من الكلمات سوى هذه فقد تركتني كلماتي ورحلت عني من الصدمه لم اكن اعرف شي عن الحب منذ ان قتلته بقلبي لا اعرف هل قتلته ام لا لكن لا يمكنني ان اعيد الكره مرة اخرى فلا يملك قلبي سوى هي اعتذر ان كنت حطمتك لكن لا استطيع ان اكذب ولم اعتاذ عليه ,, فهو وسيله رخيصه الثمن ,, وان كنت اريد ان امتلك قلبا امتلكه بكامل احساسي الذي املك واريدها ان تملكني بكل احساسها الذي تملك لا اريد حبا لا يدوم الا لحظات ولو كانت هذه الللحظات سنين فإن انتهى الحب في يوم ما ما تكون سنينه التي قضيت فيه الا لحظات لا اريد هذا الحب اريد الحب الذي يتوجه الزواج وتكون ثمرته ابناء صالحون باذن الله اعتذر عن اطالتي لكنها كلماتي ابت ان تستقر في صفحات سوى هنا والله ولي التوفيق التوقيع " مالي بالدنيا مكان " وترك الاب توب وتمدد على الكنب اللي كان جالس عليه ^^ فهد بعد ما وصل ابوه راح لغرفه عاليه طق الباب ودخل وعاليه كانت قاعده وقفت من الخوف فهد : السلام عليكم عاليه والخوف باين عليها : وعليكم السلام فهد : اشفيج خايفه ترا انا ما اكل عاليه : ......... فهد : بسولفه معاج اشفيج عاليه : حياك ياخوي حياك فهد جا وجلس يمها : علويه ممكن اعرف وين رحتو مع عادل عاليه : اكيد ياخوي وقالت كل شي من السوق لين عمها ماعادا اللي صار الغرفه فهد : بحده دخلتي غرفته عاليه بخوف : أي فهد : وكم قعدتوا عاليه يمكن ساعه فهد بصرخه قويه خوفه عاليه زود : ساعه وش سويتوا عاليه : ماسويت شي فهد : بصرخه اقوى من الاولى :عاليه تكلمي عاليه : البكى قريب منها :والله ما سوينا شي بس سوالف فهد : ساعه كامله سوالف عاليه : أي والله واساله بعد فهد قرب منها وهي من الخوف وقفت مسك شعرها : تكلمي بالطيب احسن لك عاليه بكت خوف والم : والله ماصار شي بدر وهو سرحان واهو غرفته اقرب غرفه عند عاليه وغاليه سمع فهد يصارخ ترك الاب توب وقام بسرعه وخذ عكازه ومشى بسرعه وطلع من غرفته راح لغرفه عاليه بطل الباب بدر : فهد اشفيك فهد : بدر اطلع من الغرفه احسن لك لا تشوف شي ما عمرك شفته وانتي تكلمي وكان يجرها مع شعرها بكل قسوة بدر تقدم من فهد بسرعه ومسك يد فهد وفهد بمحاوله ابعاده عنه عطاه كف بقفا يده عاليه : بدر الله يوفقك اطلع برا بدر : فهد انت انهبلت فهد : بدر للمرة الاخيره اقولك اطلع برا لا احطك فوقها بدر يحاول يفك عاليه من فهد : تعوذ من ابليس انت اشفيك عليها عاليه : بدر يكفي انا اطلع الله يخليك بدر اطلع بدر : فهد تعوذ من ابليس وهد البنت راح تموت بيدك فهد : تكلمي لا اذبحج تكلمي احسن لج يا حقيره ابو فهد داخل غرفته يسمع كلام بس مو معقوله يسولفون لان حتى لو سولفوا ما يطلع صوتهم بعدين فهد وبدر شعندهم وقام يبي يروح للصوت وهو ماشي يقرب اكثر ييسمع كلام فهد لخوانه قال في قلبه : الله يهديك يا فهد بس لازم اربيك الظاهر ان اللين وياك ما ينفع ولازم استخدم القوة والقسوة لو امثلها تمثيل ابو فهد واقف على الباب صرخ صرخه خلتهم يسكتون مو خوف لا احترام له : فهد شنو هذا وفهد سكت بس لازال ماسك شعر عاليه وهي على الارض طايحه وهو واقف عندها وبدر يحاول يفكهم فهد بغضب : والله لو ما تكلمت لاكون ذابحها ابو بدر : ماني عاجبك يافهد ولا انا اصغر عيالك وخر عن اختك اشوف وفهد وهو لازال معصب : يبه الحقيره رايحه مع عادل بيتهم يبه ترضاها عليها تروح معاه بيتهم لا وقاعده بالغرفه معاه يبه ترضاها ؟؟ ابو فهد : فهد ماراح اعيد كلامي عليك وخر عن اختك فهد وهو يوخر عنها بس قبل لا يروح بعيد رفس عاليه في بطنها برجله باقوى ما عنده : ياحقيرة ابو فهد لازال واقف على الباب بدر اول ما بعد فهد عن اخته على طول وحضنها عاليه : بدر والله ما سويت شي والله يابدر بدر : والله مدري شالسالفه بس لا تبجين علويتي والله قطعتي قلبي بس حبيبتي لا تبكين وهو يمسح على راسها ابو فهد واقف على الباب فهد وقف بعيد شوي عنهم وجا يبي يطلع مع الباب الثاني لان ابوه واقف عند الباب ابو فهد : فهد لف فهد على ابوه : سم ابو فهد : تعال راح فهد وقف جدام ابوه ابو فهد : علمني شنو سبب اللي سويته الحين ابو فهد تكلم بكل هداوه وفهد لانه معصب ومشتط يتكلم وهو هايج وبدون قصد انه يرفع صوته على ابوه : يبه اسالها وين راحت هي وعادل اسالها ابو فهد في قلبه لازم يا مشعل لازم : فهد قالها بصرخه عاليه هزت ارجاء المنزل كله من قوها ومن صوته الجهوري فهد : اسف يبه ماكان قصدي ارفع صوتي بس عادل ماخذ عاليه بيتهم وقاعده معاه بالغرفه بروحهم يرضيك يبه ابوفهد : ..... طرااااااااااااااااااااااااااااااااااااااااااخ وعطا فهد طراق من قو صوته عاليه خافت وخشت راسها بحضن بدر اكثر من الخوف وبدر مسك عاليه وشد على راسها فهد نزل راسه : يبه ابو فهد قاطعه : ولا كلمه انا غلطان ما ربيتك من اول فهد : يبه ابو فهد : فهد اطلع عن وجهي وان ما تعدلت والله ثم والله ان قلبي غاضب عليك ليوم الدين فهد نزل راسه صعب لما اكبر اخوانك يتهزأ جدامك وينطق وطلع من يم ابوه ما تكلم ابو فهد اول مرة يرفع يده على واحد من عياله ماكان يحب يربيهم بالقسوة كان يحب التفاهم لكن تناسى ان احيانا يجب القسوة ابو فهد لمعه عينه يمكن لانه خايف انه يسوي شي بنفسه لانه انطق جدام اخوانه وهو ما يحب الاهانه بس كان لازم اسوي جذي .. وين بيروح .. خله يتادب كل هالافكار طرت بدقيقه في مخ مشعل اه من عيالي اه شاف بدر حاضن اخته بحب وخوف عليها عرف ان خواته طال الزمن او قصر مالهم الا بدر بعد عيني .. فهد مدري راح ينصلح حاله باذن من الله او لا .. بدر طول عمره حنون علينا الله يخليك لهم يارب راح لعاليه وهي بحضن بدر .. بدر شاف ابوه قرب فك ذراعه اللي محاوط اخته بها عشان ابوه يكلم عاليه عاليه تطالع بابوها : والله ماسويت شي .. والله .. ابو فهد : والله اني عارف بس انتي هدي بالك انا بعرف يوم سالك ليه تعلمينه هاذي اشياء خاصه بينج وين زوجج فهد ماله شغل قولي له تمشينا وجينا عاليه : هو قال نسولف مع بعض حسبالي عادي ما كنت ادري ان اللي سويته كان غلط ابو فهد : عاليه اللي انتي سويتيه غلط ومو غلط عاليه : شلون ؟؟ مافهمت ؟؟ ابو فهد : الغلط الوقت لكن المكان مو غلط لانه زوجج لكن لو شافكم احد من اخوانه وش بيقول عنكم عاليه : انا اسفه ما دريت ان اللي اسويه غلط ابو فهد : لا ماهو غلط بس الوقت غلط لانه الفجر لكن لو وقت ثاني عادي مثلا العصر الصبح لكن الفجر ماعليك الحين انتي ارتاحي وفهد طلع من البيت معصب وزعلان عشان الكلام اللي قاله ابوه له انه راح يغضب عليه ليوم الدين واصعب شي غضب الوالدي راح للبحر المكان الخالي في نفس هالوقت الا من بعض الناس اللي يركض واللي يتشى بس الاغلبيه يسوي تمارين ويركض وجلس يحكي له عن اللي صار ويمكن تستغربون انه بكى .. .. فهد يبكي .. ايه اللي يحس ان امه او ابوه زعلان عليه .. ما يذوق طعم الراحه ولو كان جبار لكن الوالدين .. عزيز متعود في كل يوم قبل لا يروح الدوام الساعه خمس ونص الفجر يركض عشان يتنشط بعدين يروح يفطر و ويلبس وروح الدوام وجسمه متناسق ومبين عليه انه رياضي كان بنفس المكان والزمان اللي كان فهد يبكي ويكلم البحر فيه عزيز لاحظ انه بروحه ويتكلم بصراخ كانه يهاوش احد عزيز كان يركض مو معطيه بال متعود على الناس بالمكان هذا بس استغرب انه يقول فهد : يبه انا يتيم واعوض نقصي لحنان امي بالصراخ مالي وسيله غيرها افهمني يبه عزيز حسباله انه يكلم ابوه بالموبايل وشدته هالكلمه حيل مشتاق لج يمه حس انه يشبهه في شي وهو فقدان حنان الام عزيز في باله انه يروح يكلمه يعرف هو اشفيه لكن كان متوقع انه يستصغره انه ما يعرفه ويسال اشفيه وليه يبكي وفكرة طرت على باله سريعه طفا موبايله وراح لفهد اللي يتكلم وهو يطالع البحر وعزيز جا من وراه عزيز : لو سمحت فهد فجأه لف عليه مستغرب منه : لبيه عزيز : لبية حاج يارب ياخوي موبايلي طفا مافيه شحن ورفع الموبايل يوريه انه مغلق بغيت استعمل موبايلك للضرورة الله يسلمك فهد: لف راسه وطالع البحر وطلع موبايله من جيبه وعطاه عزيز عزيز : ماراح اطول .. ان شاء الله .. فهد : خذ راحتك حبيبي عزيز : اشكرك يالغالي واخذ الموبايل وابتعد شوي : ادق على منو ؟؟ منو قاعد الحين ؟ ماكو غيره فاضل اقوله يجهز الفطور ,, ودق على فاضل خلص المكالمه بسرعه ,, ورجع لفهد الي لين الحين يطالع البحر وما شال عينه عنه وماتحرك من مكانه عزيز : يا الغالي .. فهد : هلا .. عزيز يمد له الموبايل : اشكرك حبيبي وما قصرت فهد : يرخص لك حبيبي عزيز : ممكن اجلس معك او يضايقك فهد : افا يضايقني لا حياك عزيز : انت ناطر احد فهد : لا والله جاي اشم هوا عزيز : طيب حنا نسولف ما عرفت اسمك ولا انت عرفت اسمي معاك عزيز فارس الفارس فهد : والنعم معاك فهد مشعل فهد عزيز : والنعم فهد : ماعليك زود الا بغيت اسال شركات (( .. الفارس ..)) لكم عزيز : ايه نعم فهد : لمنو صاحبها وش يصير لك يعني عزيز : ليه ؟؟ يهمك فهد : لا والله بس لاحظت الاسماء قلت يمكن صاحبها من اهلك عزيز : انا صاحبها وهو يبتسم فهد : يبتسم : انت بس انت صغير وشكلك ما يعطي انك مؤسسها لان لهم فروع برا على ما اعتقد عزيز : هي للوالد بس انا اللي فتحت الفروع اللي برا الكويت وانا مالكها الحين فهد : والنعم كفوو : الله ينعم عليك وكفاك الله من النار وشرها .. الا انت وش تشتغل فهد : انا واحد على قدي مدرس اول عزيز : ماشاء الله مدرس وشو واي صف تدرس فهد : مدرس اول رياضيات ثانوي عزيز : ما شاء الله الله يبارك فيك فهد : مشكور حبيبي عزيز : فهد ممكن سؤال فهد : تفضل عزيز : زاد فضلك انت جم عمرك فهد : 26 عزيز : العمر كله يارب فهد : الله يسلمك الا انت جم عمرك شكلك صغير مب كبير عزيز : عمري 28 فهد : العمر كله عزيز : اجمعين انا عندي سؤال ممكن اسالك اياه فهد : تفضل عزيز : سؤال عن حياتك وخصوصي فهد : اسال عزيز : انت ما عندك ربع صح فهد : شدراك ؟؟ عزيز : انا اركض قبل شوي اسمعك تتكلم مع البحر فهد : بلا عندي اوفى صديق عزيز : وليه ما رحت له فهد : انا عنده الحين ولف يطالع البحر الصبح مع طلعه النور شلون لونه خيال انعكاس الضو على البحر عزيز : ونعم الصديق فهد لف على عزيز بهدوء : صج ليه تسال عن ربعي عزيز : لانك تشبهني فحبيت اتاكد من الشي هذا فهد : اشبهك ؟؟ عزيز : ايه تشبهني انت فاقد اللي انا فاقده فهد : فاقد عزيز : انا يتيم الام فهد: وش دراك اني يتيم عزيز : سمعتك تتكلم مع نفسك فهد : ؟؟؟؟؟؟؟؟؟؟ عزيز : بو مشعل مشينا فهد : مشينا ؟؟؟ عزيز : ايه انا عازمك عندي لاني حبيتك اذا ما يضايقك فهد : لا ما يضايقني بس انت مشغول الحين وانا اجازه عزيز : أي شغل امش معاي يلا انا عازمك على ريوق امحق عزينه بس الوقت وابتسم مو وقت غدا فهد : انا اللي عازمك الحين عزيز : لا اليوم انا وانت مرة ثانيه بما انك سبق قلت انك في اجازة فــ انا باخذك معاي اليوم مشاويري كلها تتفرج معاي على التعب فهد : بس يمكن ازعجك فيها عزيز : بالعكس انا ادور احد استانس معاه غير ربع الشغل لانهم حيل رسمي فهد : توكلنا على الله عزيز : توكلنا على الله وراحوا الباركينج عزيز شاف فهد يبي يروح سيارته : بو مشعل وين تعال معاي فهد : وسيارتي عزيز : خلها احنا راح نرجع هني على الغدا ولا اقولك الحقني فيها فهد : ان شاء الله عزيز الحين تبدأ زحمه الدوامات دير بالك لا تضيعني فهد : ابشر وراحوا بيت عزيز وكانت الساعه 7 ونص في كراج بيتهم : فهد حياك اشفيك فهد : ........... عزيز راح داخل الدوانيه وفهد وراه عزيز : بو مشعل انت تاكل على الارض او على الطاوله فهد : ليه عزيز : احنا هني على طاوله لكن اذا انتوا تاكلون على الارض ابشر فهد : عادي مانبي نغلبك على طاوله مثلكم وابتسم عزيز : حياك اقعد فهد ليش واقف فهد قعد وهو عيونه تجول في البيت من فخامته ومن كبره عزيز رفع السماعه وطلب المطبخ : الو سميرة ؟؟ عطيني فاضل فاضل .. قبل شوي شنو قلت انا أي انا بالدوانيه ومعاي ضيف .. شرايك يعني .. اكيد يلا فمان الله حبيبي ورفع السماعه مرة ثانيه وطلب البيت داخل : الو سلام ... اهلين حبوبه ياروح بابا ابوي قعد حبيبتي زين انتي اخذتي الابره .. وابوي .. لا يتاخر قوميه قولي له في ضيف عندنا بالدوانيه تريقتي انتي وابوي طيب دوري احد يتريق معاج وخلي ابوي يجي الدوانيه وخلي فاضل يجيب ابرته انا اعطيه اياه اوكي ياروح بابا اوكي حبيبتي باي ولف على فهد : تو ما نور البيت حبيبي فهد : منور باهله عزيز اسف على التدخل بس ابره شنو اللي تاخذها بنتك وابوك عزيز : ههههههههههههههه بنتي لا هاذي اختي واللي تاخذها ابره السكري لانها مريضه سكري بعيد عنك وعن اللي تحب فهد باستغراب : اختك تقولها حبيبتي ومن هالكلام عزيز : ليه فيها شي غلط لو الواحد دلع خواته بالعكس انا ذخرهم واناا مو بس مدلعهم الا عمري ما رفضت لهم طلب لو شنو ماكان فهد :البنت ما تتدلع البنات ما يمشون الا بالعصا عزيز قاطعه : لا غلطان ومفهومك خاطيئ وابتسم وهذا انت مربي اجيال لازم تعرف ان القسوة عمرها ما جابت نتيجه زينه بالعكس القسوة دوم طريق الفشل اما الطريق الصحيح الحوار والتفاهم اسمع , حوار , استنتج , ثم قرر فهد : كني قاعد مع ابوي وابتسم عزيز : الشيء هذا ما يبيله ابوي وابوك هذا بالفطرة واحيانا يكون بالتعود يعني اذا ماكانت فطرتك جذي تقدر انك تعود نفسك على هالشي بالعكس اذا انت فتحت مجال للحوار بينك وبين اختك اذا صار شي تقدر تقولك واذا ما عرفت تقرر تستشيرك واذا مالقت الحنان من بيت اهلها من منو تلقاه انت اللي لازم تكون حنون عليهم ورفقا بالقوارير فهد :: والله يا بو فارس اني مدري ويش اقول لكن بحاول افكر في كلامك عل وعسى اقتنع فيه وسمعوا كحه صوت جهوري بالممر الفاصل بين الديوانيات دخل فارس ( الاب ) : السلام عليكم حيا الله من جانا كلهم وعليكم السلام والرحمه والاكرام فهد : الله يحيك ياعمي فارس : وشلونك يا ولدي : بخير ياعمي انت بشرني عن صحتك فارس : الحمدلله جعلك بخير عزيز : يبه هذا صديقي فهد مشعل فهد الاب : والنعم يالله انك تحيه يارب فهد : الله يحفظك ياعمي ويحيك فارس ( الاب ) : انت ريقت ضيفك ولا لين الحين عزيز : لا والله ناطر فاضل يجهز الريوق فهد : والله ما يحتاج يا بو فارس ما قصرت كافي شوفه الوجيه السمحه عزيز : لا بومشعل لا كلافه ولا شي انت عزيز وغالي فهد : الله يسلمك حبيبي ونطق الباب ودخل فاضل بلباس الطباخ المعتاد : حياكم الفطور جاهز عمي عزيز : وابرة ابوي فاضل : موجوده بالصندوق هناك عزيز : الله يعطيك العافيه خلاص انت روح الحين ولف عزيز على فهد : حياك يبه حياك بو مشعل البيت بيتك وانا اخوك فهد وابو عزيز قاموا ويتقدمهم ابو عزيز ووراه فهد ثم عزيز ودخلوا غرفه الطعام اللي ابهر فهد ان في ناس عايشه بالرخاء هذا هو صحيح مو قاصره شي وعنده فلوس ولله الحمد لكن اول مرة في حياته يشوف غرفه طعام طولها مثل اللي شافه في تفكير فهد معقوله يحطون المفطح ولا الذبايح هني ما اتوقع شلون لا اتوقع هاذي للشخصيات المهمه يمكن ليش لا لفت نظره عزيز يسحب من علاج ابوه بالابره ولما عطى ابوه الابره فارس : عزيز تصدق ايدك ثقيله عزيز : هههه الله يسامحك يبه انا ايدي ثقيله فارس : يمكن لاني تعودت على اختك تغزها لي ايدها خفيفه الا دق على فاضل قوله ياخذ الصندق لها ترها ما خذت علاجها وبعد ما دق عزيز على فاضل وجا اخذ الصندوق رجع فاضل ووقف عند عمه وصب له شاي وراح لعزيز وعطاه العصير اللي طلبه منه لما دق عليه الفجر وهو بالبحر ووصل عند فهد فضل : تفضل ايش تشرب فهد سرح بالطاوله اللي يدزها جدامه وهو يشوف كل انواع الشراب من عصير وقهوة وشاي وحليب واشياء ما عمره شافها فاضل : عمي لو سمحت ايش اجيب لك او تفضل انك تشرب بعد الاكل فهد : لا صب لي شاي وهم يتريقون دش شاب في 16 من عمره وجميل المنظر لابس سبورت لانه بيطلع وصل لابوعزيز وباسه على راسه : صبحك الله بالخير يبه فارس : صبحك الله بالسرور وراح لعزيز وباس راسه : هالو برذر وراح لفهد اللي وقف عشان يسلم عليه مشعل : السلام عليكم ياهلا فهد : وعليكم السلام ومشعل قعد يم فهد : شوي دخل فاضل : صباح الخير مشعل ايش تشرب مشعل : هلا فاضل حليب بدون اضافات ولا سكر وعطاه الحليب ولف مشعل يكلم عزيز : عزيز ما عرفتني عزيز :فهد هذا اخوي الصغير مشعل هذا فهد صاحبي مشعل : تشرفت بمعرفتك فهد : زدتني شرف ياغالي ورجعوا ياكلون فهد كان يلاحظ كل واحد شلون ياكل وطريقه اكلهم المعتاده وما كثر اكل لكنه يشرب من الشاي على خفيف عزيز : بومشعل علامك ما تاكل فهد : الحمد لله كثر الله خيركم ابو عزيز : وخيرك بس تراك ما كلت شي فهد : الحمدلله عزيز : بو مشعل تبي انقل لك على سفره بالارض نفس منت متعود قاطعه ابو عزيز : اجل انت بدوي يافهد فهد بتعصب لكن ابتسم : ايه ياعمي فارس : والنعم والله لف على عزيز وليه ما خليت الريوق بغرفه الطعام الثانيه عزيز : أي وحده الصغيرة او الارضيه فارس : الارضيه يابوي فهد : وهو يوقف : كثر الله خيركم في باله في غير غرفه الطعام هاذي مو وحده ثنتين بعد فارس قام معاه وعزيز وقف بعد ما بقى الا مشعل قاعد وطلعوا كلهم راحوا الدوانيه وطلب عزيز من فاضل الشاي والقهوة والتمر فهد حسب توقعه انه راح يدخل فاضل شايل صينه كالمعتاده فيها دله الشاي ودله القهوة والقدوع ويسولف عزيز مع ابوه وفهد سوالفهم المعتاده ودق موبايل فهد شاف موبايله "" تاج الراس "" فهد : السموحه الوالده عزيز : خذ راحتك فهد : هلا يمه :............ فهد : وعليكم السلام :................ فهد : ايه بخير جعلج بخير :.................. فهد : لا عند واحد عزيز علي :................ فهد : ما قصرتي يا ام بدر والله يخليج لي يمه :................ فهد : والله اني بخير :................ فهد : من قالج ؟؟ :.............. فهد : ازعل على شنو يمه لا زعلان ولا شي :............... فهد : يمه الله يحفظك لي لما ارجع البيت نتكلم :......... فهد : ان شاء الله انتي بس ارتاحي وريحي حالج :.......... فهد : فمان الكريم وسكر وناظرهم يسولفون ومندمجين بالسوالف وقف فهد: انا اترخص منكم وكثر الله خيركم عزيز: وخيرك حبيبي وهم طالعين للكراج عزيز : فهد فهد : سم عزيز : ترا ما يرضيني انك جذي ترا ما طولت بعدين انت وعدتني انك تتمشى معاي اليوم والله يافهد اني حبيتك من قلبي واحس اني اعرفك من شنين فهد : الله يسلمك يا عزيز بس والله انا محرج منكم من الصبح وانا هني عزيز : افا يا فهد هذا وانت صاحبي واخوي فهد : والله ياعزيز بصراحه انا تعبان وعندي هموم وودي اسافر بس ناطر معاشي ينزل بقب من الديره شهر كامل عزيز : زين تخاويني انا عندي سفره بعد اسبوع فهد : ووين عزيز : انت وين خاطرك فهد : والله انا نيتي اتمسى في السعوديه تبوك الطايف جده أي مكان المهم اذا قعدت هني زياده بنفجر عزيز : انا سفرتي على ماليزيا تسافر وياي فهد : ماليزيا اشوف المعاش الاسبوع الجاي الا ما عطيتني رقمك عزيز : فهد ابي اشوفك الليله صار فهد : ابشربس الليله عندي عزيز : عندي او عندك ماهي مشكله لكن خلنا نشوفك واخذوا ارقام بعض وسلموا على بعض وطلع فهد من عند عزيز قراءة ممتعه لكم البارت الجاي شنو توقعاتكم عن فهد ... وانطباعه عن عزيز والفكره اللي كونها لهم وبدر والنت ؟؟ وعادل وعمه ؟؟ ودمتم بخير وعافيه ودمتم بحفظ الرحمن ((( ندى الزهر))) |
سلمت ..يداك حبيبتي ...ممتع ...ماخطه ..قلمكِ..ليفرض...رؤيا واقعيه ...ونظره ...صادقه ...للعلاقات ..الاخويه ..
استطعتي ..بهذا البارت .. عرض...رأي صادق...وصريح...وواقعي ... واتمنى ...ان يصل ...كما اردتي .... دمتي ..بود..والى الامام ^_^ |
[SIZE="4"]السلام عليكم ورحمة الله وبركاته
تـــــــــــــــــــــــــــــــــــــــــــسلمين على البارت عزيز أو عزوزي فديته من الحين ترى اهو محجوز لي يعني انجل وزارا لكم عماد ولي عزيز اوكي:lol: : ما دري شلون تفكيره بس يعجبني يعني يبي يساعد واحد ما يعرفه وطريقته مع خواته وابوه آآآآآآآآآآآآآآآه ثم آآآآآآآآآآآآآآآه >>>>>>>>>> طاقه الميانه والحين فهد : رفع ضغطي ما عنده اسلوب :8Pp04714::zkc04699: بس يا ربي عزوزي يساعده ويعطيه شوي من اسلوبه بس صج كسر خاطري من شفت طرااااااااااااااااااااااااااااااااااااااااااخ عورني خدي:y4605198: عادل كان غلطان من راح مع عاليه الغرفه عيب يا خوي ما يصير جذي :Uf704404::y4605198: بس اظن انه عمه مب امسوي شي له لانه مثل ما قال حق عاليه الغلط الوقت لكن المكان مو غلط لانه زوجج وبدر: آآآآآآآآآآه والله لو عندي اخو لا كنت طلبت ان يكون اهو شاف بدر حاضن اخته بحب وخوف عليهاآآآآآآآآآآآآآآآه |
اقتباس:
قال الزهر اه سلمتي غاليتي على مرورك وقراءتك للروايه مع ضيق وقتك هذا شرف لي غاليتي ودمتي بود ((( ندوووووش ))) |
اهـ يا زمن والله ان يسعدني مرورج غاليتي كيف حالج وكيف حال اينجل ان شاء الله بخير اقتباس:
سبق ووضحه وجهة نظري في تعامل عزيز مع اخواته في الصفحات السابقه اقتباس:
اجل خدج عورج :lol: لو دريت انه بيعورج كان خففته :lol: وانتظري فهد بالبارت القادم يمكن تحبينه يمكن تكرهينه زوووووووود والله اعلم اقتباس:
عادل غلطان ويمكن عمه ما يسوي شي ويمكن يسوي ليه متوقعه ان مشعل راح يكون هادي لدرجه كبيره انتظري فقط اقتباس:
بدر شخصيه حنونه ويمكن الشي رهذا اللي يتقاسمه مع عزيز غاليتي اهـ يا زمن يسعدني وجودج بصفحتي ودمتي بحفظ الرحمن |
كيف حالج
وكيف حال اينجل ان شاء الله بخير بخير دامج بخير يا الغاليه :flowers2: |
دوم حبيبتي اهـ يازمن ووصلي سلامي لاينجل ودمتم بحفظ الرحمن |
الباااااااارت حلوووو وجميل جدا .. فهد .. افا عليك والله وهذا ابوك توه موصيك على خواتك مسرع ما نسيت وضربت عالية .. عالية .. الصراحة احيانا تييب المشاكل مو كل شي تقولينه يا قلبي .. عبدالعزيز .. فديت هالتفكير والمنطق .. يا رب يأثر على فهد وياخذ من اطباعه شوي .. مشعل ابو فهد .. تصرفك سليم .. بدر .. فديتك والله اذ انت مالك مكان عيل منوو ؟ الدنيا لك وعليك .. ولا تخلي اعاقتك عجز .. اللي جرحك مرة مو شرط كل الناس نفسه .. |
اقتباس:
مشكوره حبيبتي اقتباس:
؟؟ >> انتظري فقط اقتباس:
احيانا يكون الانسان غبي ^_^ مو دايم لكن في مرات يقفل فيها الواحد اقتباس:
عزيز يمكن يتحقق توقعج ويمكن لا لا فهد صعب التفكير اقتباس:
سبق وقلت انه حكيم اقتباس:
بدر * مالي بالدنيا مكان * يمكن * غلا دنياي * تقدر تثبت وجهة نظرج ؟! غاليتي جليع اشكرك على مرورك العاطر ودمتي بود ودمتم بحفظ الرحمن ((( ندووووش ))) |
ســــــــــــــــوري
اني ماعلقت على البارتات الي طافت بس كنت مسافرة البارت روعــــــــــــــــــــــــــــــــــــــــــة تسلم ايدج عليه فهد:صج يقهر توه كان شزينه ويا اخته ليش قلب؟؟ بعدين اهي ما سوت شي غلط وهذا زوجها ودام ابوها راضي اهو ماله شغل فيها ومو يعني ان ماعنده ام يحط حرته فيها بدر حنون وطيب يا ريت كل الاخوان جذي الله يخليه لخواته بس منو هاذي الي كان يحبها وقتلت الحب بقلبه؟؟؟ عالية:ما عليج من اخوج انتي ما سويتي شي غلط بس ثاني مرة لا تقوليلنه شي اوكي؟؟ علي:شكله حب الجازي الجازي:مسكينة ما توقعتها لهدرجة خجولة وان شاء الله تكون حبت علي تقبلي مروري |
تسسسسسسسسلمين على البارت الرائع
فهد احسه انسااااان معقد من الجنس الاخر مو متفبله بشته الطرق عبل احنا مانمسي غير بالعصى الله يسامحه بس واتمنى ان علاقته مع عزبز تكون اول المراااحل لفك هذي العقده بدر يسلم اخو مثله صح انسسسسسسسسان حنون ورقيق ربي يخليه ذخر لخولته عاليه وعادل عسى الموقف الي صار مايسبب لهم مشاكل وان معك المكان ممكن مو غلط بس الوقت كككككككككان كتير غلط وتتتتتسلمين على البارت ومشكور لاسالج عني الي اسعدني يا ندوش ودمتي بحفظ ورضى الرحمن اينجل |
اقتباس:
وحمدلله على السلامه والتعليق مو مهم المهم ان البارت عجبج اقتباس:
اقتباس:
اقتباس:
بالعكس فاقد الشيء اكثر انسان مخول انه يعطي اللي فاقده للناس اقتباس:
اقتباس:
بس ماقلتي لابقين على بعض او لا ^_* اقتباس:
اقتباس:
ودمتي بود غاليي ودمتم بحفظ الرحمن ((( ندووووش ))) |
اقتباس:
اقتباس:
ترقبي اللي بيصير يمكن فهد ياثر على عزيز ويقلب على خواته ويمكن فهد ينقلب حاله البارت الجاي شي غير التوقعات . ^_^ اقتباس:
اقتباس:
امين اقتباس:
سؤالي عنج لانج حبيبه وغاليه علي ولا يهونون الباجي ودمتي بحفظ الرحمن ندوووش ^_* |
السلام عليكم ورحمه الله وبركاته كيف الحال اسفه لانقطاعي لكن التمس منكم العذر والدعاء لعمي بالمغفرة حيث وافته المنيه الاسبوع المنقضي وان شاء الله البارت القادم سوف يكون غدا او بعد غد واعتذر منكم على اطالتي والسموحه ودمتم بحفظ الرحمن ((( ندوووش ))) |
الله يرحمه ويجعل مثوااااااااااه الجنه يااااااارب ويصبر اهله على فراااقه ويساعدهم ويثبتهم ويسكنه المولى فسيح جناته احسن الله عزاكم ندوش معذووووره يالغلا
اختك اينجل |
اشكرك غالتي اينجل
وجزاك الله خير ودمتي بحفظ الرحمن (((ندوووش))) |
اقدم التعازي لج اختى ندى الزهر .. إن شاء الله آخر الاحزان .. لا أرانا الله مكروه في عزيز .. دعاء للمتوفى • اللهم يا رحمن يا رحيم يا واسع الغفران اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس • اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار • اللهم عامله بما انت اهله ولا تعامله بما هو اهله • اللهم اجره عن الاحسان احسانا وعن الاساءة غفوا وغفرانا • اللهم ان كان محسنا فزد فى حسناته وان كان مسيئا فتجاوز عنه يارب العالمين • اللهم ادخله الجنه من غير مناقشة حساب ولا سابقة عذاب • اللهم انسه فى وحدته وانسه فى وحشته وانسه فى غربته • اللهم انزله منزلا مباركا وانت خير المنزلين • اللهم انزله منازل الشهداء والصالحين وحسن اولئك رفيقا • اللهم اجعل قبره روضة من رياض الجنه ولا تجعله حفره من حفر النار • اللهم افسح له فى قبره مد بصره وافرش له من فراش الجنه • اللهم اعذه من عذاب القبر وجاف الارض عن جنبيه • اللهم املأ قبره بالرضا والنور والفسحة والسرور • اللهم قه السيئات (ومن تق السيئات فقد رحمته) • اللهم اغفر له فى المهديين واخلفه فى الغابرين واغفر لنا وله يارب العالمين وافسح له فى قبره ونور فيه • اللهم انه فى ذمتك وحبل جوارك فقه فتنة القبر وعذاب النار. انت اهل الوفاء والحق فاغفر له وارحمه وانك انت الغفور الرحيم. • اللهم ان هذا عبدك وابن عبدك وابن امتك خرج من روح الدنيا وسعتها ومحبوبيها واحبائه فيها الى ظلمة القبر وما هو لاقيه كان يشهد الا الله الا انت وان محمد عبدك ورسولك وانت اعلم به • اللهم انزل بك وانت خير منزل به واصبح فقيرا الى رحمتك وانت عنى عن عذابه اته برحمتك رضاك وقه فتنة القبر وعذابه واته برحمتك الامن من عذابك حتى تبعثه الى جنتك يارحم الرحمين • اللهم انقله من مواطن الدود وضيق الحود الى جنات الخلود (فى سدر مخضود وطلح منضود وظل مسكوب وفاكهة كثيرة لامقطوعة ولا ممنوعة ولا ممنوعة وفرش مرفوعة) • اللهم ارحمه تحت الارض واستره يوم العرض ولا تخزه يوم يبعثون (يوم لا ينفع مال ولا بنون الا من اتى الله بقلب سليم) • اللهم يمن كتابه ويسر حسابه وثقل ميزانه وثبت على الصراط اقدمه واسكنه فى اعلى الجنات فى جوار نبيك ومصطفاك صلى الله عليه وسلم • اللهم امنه من فزع يوم القيامة ومن هول يوم القيامة واجعل نفسه امنه مطمئنة ولقنه حجته • اللهم اجعله فى بطن القبور مطمئنا وعند قيام الاشهاد امنا وبجود رضوانك واثقا والى اعلى علو درجاتك سابقا • اللهم اجعل عن يمينه نورا وعن شماله نورا ومن امامه نورا ومن فوقه نورا حتى تبعثه امنا مطمئنا فى نورمن نورك • اللهم انظر اليه نظره رضا فان من تنظر اليه نظره رضا لا تعذبه ابدا • اللهم احشره مع المتقين الى الرحمن وفدا • اللهم احشره فى زمره المقربين وبشره بروح وريحان وجنه نعيم • اللهم احشره مع اصحاب اليمين واجعل تحيته سلام للك من اصحاب اليمين • اللهم انه صبر على البلاء فامنحه درجه الصابرين الذين يوفون اجورهم بغير حساب • اللهم انه كان مصليا للك فثبته على الصراط يوم تنزل الاقدام • اللهم انه كان صاءما لك فادخله من باب الريان • اللهم انهه كان لكتابك تاليا فشفع فيه القران وارحمه من النيران واجعله يارحمن يترقى فى الجنه الى اخر ايه قراها واخر حرف تلاه |
اقتباس:
وعادي اخذي راحتج صج اننا نبي بارت بس راحتج اهم |
اقتباس:
اشكرج غاليتي جليع وجعله الله في ميزان حسناتك ودمتم بحفظ الرحمن ندوووش |
اقتباس:
اجرنا واجرك وجزاج الله كل خير ودمتم بحفظ الرحمن ندوووش |
ندى الزهر
عظم الله أجرك وغفر لميتك ورزقكم الصبر والسلوى وجمعنا وإياكم به في مستقر رحمته تقبلي مني خالص التعزية والمواساة دمت بخير أختك/ لِمَ السؤال؟ |
السلام عليكم ورحمة الله وبركاته :f63:الله يرحمه وعظم الله اجرج ودوام لله اختج آه يازمن |
اقتباس:
غاليتي لم السؤال جزاك الله خيرا اشكرك ودمتم بحفظ الرحمن ندوووش |
اقتباس:
غاليتي اهـ يازمن جزاج الله كل خير واشكرج ودمتم بحفظ الرحمن ندوووش |
السلام عليكم ورحمه الله وبركاته كيف الحال البارت ان شاء الله ينزل في تمام الساعه 9 ان شاء الله ودمتم بود ودمتم بحفظ الرحمن ((( ندى الزهر ))) |
البارت وصل قراءة ممتعه فهد بالسيارة يفكر : اه لو اقدر اني اغير نفسي والله ما شاء الله عليهم ناس طيبين ومبين على ابوهم يحبهم وفي ترابط قوي بينهم مثل اهلي بس لو انا مو بينهم لو انا مو موجود بينهم كان هم بخير استغفر الله .. وش هالكلام . . وابوي .. يارب الهمني الصبر .. يارب اجعلني بارا بوالدي ّ ووصل البيت ونزل ودخل البيت وقلى امه وجدته بالصاله وجدامها القهوة والشاي والمضير والقدوع فهد : السلام عليكم الجده والام : وعليكم السلام الجده : حيا الله ابو مشعل فهد : الله يحيج شخبارج يالغاليه الجده ( موضي ) : بخير ياجعلك بخير الام ( ام بدر ) : فهد ياوليدي وين كنت اشغلت بالي عليك فهد : الله يخليج لي يمه لا تشغلين بالج يالغاليه ام بدر : لو ما انشغل بالي على وليدي ينشغل على منو &&*&&*&&*&&*&& عزيز راح الشركه وعلى المكتب يفكر معقوله اللي اسويه غلط يعني صحيح البنات دلوعات لكن اذا اللي اسويه غلط ليش ابوي ما قالي او حتى امي لان الوالدين اكثر حرص على عيالهم من أي واحد بالدنيا مهما كان طيب ليش فهد قال البنت ماتمشي الا بالعصا والدلع يفسدهم والله مدري بس اللي اسويه مو غلط او اكبر غلط بس انا واثق في خواتي يووووووه خلني ادق على فهد اخليه يمرني هني احسن من التفكير مسك موبايله ودق &&&&&&&&&& الام :فهد ياوليدي طول بالك عليهم انت اخوهم وهم مالهم غيرك عضيد فهد : والله يا يمه اني مدري وش يصير لي لما احس ان وحده من خواتي تطلع مدلعه وفاسده الام قاطعته : فهد وش الحجي خواتك متربيات وما يسو( ن) سواه تسود الوجه لانهم تربيت ابوك فهد : والله يمه ما اشكك في اخلاقهم لانهم تربيتج انتي وابوي لكن شنو يقولون الجيران وبنتك داشه على وقت الصلاه الام : الناس .. ماعليك من حجي الناس فهد : لو عاليه طلعت من البيت مع عادل قبل العرس ماتلوم الا نفسها بدخله مشعل ( الاب ) : من اللي ماتلوم الا نفسها الام : الخدامه مضيعه اوراق فهد وهي تنظف فهد قام من مكانه عشان يقعد ابوه مكانه راح حب راس ابوه لما وصل عند ابوه ابوه صد عنه مايبيه يحبه فهد سكت ما تكلم عرف ان ابوه زعلان عليه الجده : فهد يا وليدي تعال عندي ابيك بكلمه راس فهد : ابشري وراح قومها وراح معاها لغرفتها وقعد يم جدته مد رجولها ولف على صوب وانسدح على فخوذها هي تتكلم وتمسح على راسه الجده : فهد انت الغالي وانت اول فرحته وصدقني ابوك ماهو زعلان منك لكن يبيك تحن لخواتك لان مالهم غيرك فهد : يمه والله عارف بس مدري شنو احس اذا فكرت بس تفكير جدته : فهد انت رجال واكبر اخوانك وابوك ماهو دايم لهم وكل ابو لا قالو بو فلان يقولون والنعم فيه وولده رجال ونعم الرجل ومربي رجال فهد : يكون خير يمه يكون خير وتكلم والعبره خانقته بس يمه ابوي زعلان ولاهو راضي علي الجده: يايمه هذا طبع ابوك من يومه صغير لازعل يرضى بس مو بسهوله وصدقني هو ماهو زعلان منك هو بس ماخذ بخااطره وبدخله مشعل ( الاب ) : لا زعلان وان ما تعدلت يافهد والله اني ماني راضي عليك ليوم الدين وانا حذرتك فهد وهو لين الحين بحضن جدته : يبه عدل قعدته وقعد يم جدته والدمعه بعينه : يبه انا مالي بعد الله غيرك مشعل : فهد اطلع من بيتي الحين ولا اشوفك لين تعدل حالك فاهم فهد : يبه انـ مشعل : فهد كلمتي ما اثنيها فهد وهو يقوم ويمر من يم ابوه اللي ما قعد من دخل ولما وصل من يم ابوه قال : السموحه يبه وطلع من البيت على غير هدى ما يدري وين يروح ركب سيارته (( العود )) في دبه السيارة ( الشنطه ) ورجع للبحر وهو بالسيارة دق عليه عزيز : هلا بالشيخ قاله وهو متضايق عزيز هلا بك حبيبي وينك الحين فهد : والله فاضي ما عندي شي ماخذ العود معاي قلت ادندن على البحر عزيز : توك راجع منه فهد بضحك : لا مو راجع انت رجعتني عزيز : طيب راح تطول وانت مختلي بروحك فهد: والله مدري عزيز : طيب مرني مو احسن من القعده بروحك فهد : والله ما ودي اشغلك انت مو بالشركه عزيز : شنو هالكلام يا فهد انت الحين خويي ولا يهمك وين ما اكون المهم تكون معاي واكون معاك فهد : الله يسلمك يالغالي طيب تجيني او اجيك عزيز : لا انت تعال عشان اوريك الشركه فهد : اوك .. وخذ عنوان الشركه وبعد نص ساعه كان عنده عزيز : حيا الله فهد فهد : الله يحيك وقعدوا سوالف عن الدنيا والاسهم والعقارات ومن سوالف الشباب وبعدها سكتوا شوي وكل واحد في خاطره يسال الثاني عن طريقه تعامله مع اهله اذا هي صح ولا غلط عزيز وفهد بنفس الوقت : اقول كلهم :ههههههههههههههههههههههههه فهد : قول عزيز : لا انت قول اول فهد : لا انت اول عزيز : ولا شي بس عندي سؤال يقرقع بقلبي ودي اسالك بس منحرج منك فهد : ليه منحرج مني مو انت تقول ان احنا اخوان عزيز : أي والله يشهد اني حبيتك فهد : تسلم بس اسال انا فيني فضول اعرف شنو السؤال عزيز : بغيت اعرف جم اخ واخت عندك وتفاصيل حياتك لان انا ابي صديق اعرف عنه كل شي ويعرف كل شي لان ابي احد اثق فيه واعطيه سري فهد : عزيز يمكن ما صار لنا يوم وانت ما تعرف عني شي مثل وانا مثلك بس اللي ابيك تعرفه عني اني لايمكن لاحد يعرف سر عن احد مني لاني مو بزر عزيز ابتسم فهد : ليه تبتسم علمني ابي اضحك معاك عزيز : عشان قلت بزر فهد : غلط عزيز ابتسم اكثر من اول : ولاعيب ولاشي لكن انا عاجبتني فهد : انت تقول ياهل صح عزيز :ههههههههههههههه أي اقول ياهل فهد : والله حلو كلامكم بس ما يجوز لي عزيز : انا مو دايم اتكلم جذي فهد : الكلام مو مشكله واذا احتجت لتفسير كلمه راح اقولك عزيز: ههههههههههههههه ماراح تحتاج لاني بتكلم مثلك فهد : اذا كذا ازين لي عشان افهمك وما اتعب وانا اترجم كل كلمه عزيز فطس ضحك : ههههههههههههههههههه عزيز : فهد صج ما قلت جم افراد عايلتك فهد : الله يسلمك انا عندي اختي الكبيرة وانا وبعدي بدر وبعدنا توم بنات انا واختي الكبيرة من ام واخواني الباجي من بنت عم امي زوجه ابوي الحين عزيز : زوجه ابوك بنت عم امك فهد : أي امي زوجت ابوي قبل لا تموت ومالقت وحده تناسب ابوي الا بنت عمها وعشان بنت عمها تحبنا وقالت اضمن عيالي مع بنت عمي لان امي تعبت قبل لا تموت عزيز: اها الله يرحمها وغمد روحها الجنه فهد : امين وانت عزيز : انا اكبر اخواني وبعدي عنود اختي وبعدها توم مشعل ومشاعل فهد : انا بقول لك شي بس لا تزعل عزيز : قول فهد : لا تقول اسامي خواتك جدام أي احد حتى لو انا ما يصير عزيز : ليه انت خويي عادي لو تعرف اسامي اهلي كلهم فهد : حنا سلمنا عيب لكن انتو تحسبون انه عادي انا احترمكم لكن جدامي لا تطري اساميهم عزيز : ابشر انا من ام واخوني كلهم من ام مشعل اخوي اللي شفته اليوم هذا من التوم فهد : شكله رياضي حتى انت بعد عزيز : الرياضه شي حلو وخصوصا للي مثلي دايم بالشغل وعلى الكرسي احتاج اني اتحرك وحركتي تكون الصبح مثل اليوم الفجر اللي شفتني فهد : اها والله شي حلو عزيز ابتسم : كل يوم اركض بروحي لكن بعد اليوم ما راح اطلع مكان الا انت وياي حتى بالنوم بطلع لك بحلمك فهد : هههههههههههه حياك مو بس بحلمي عزيز : استعد للتطفل فهد : انا مثلك فضولي هههههههههههههه عزيز : قم اوريك الشركه وبعدها عندي مشوار ابيك تخاويني فهد : عزيز والله اني حبيتك عزيز : انا احس ان في اشياء نتشابه فيها فهد : تصدق تو لاحظت ههههههههههههه عزيز : مشينا وتعرفو على بعض اكثر في كم يوم وصاروا ما يتفارقون عن بعض بما ان فهد في اجازة قبل استلام فساتين عنود ومشاعل مشاعل : يمه دقي على عزيز الام : ليه ان شاء الله شتبين فيه ترا لجيتيه مشاعل : ماما ابي اغراض من السوق الام : روحي مع السايق مشاعل : لا مابي ابيه هو يوديني الام: ليه هو بالذات مشاعل : ابيه بموضوع خاص فيني الام :والله والكوبه انتي تبين عزيز بموضوع لا وخاص بعد مشاعل : غريبه صح الام : بس عسى موضوعج مو تافهه لان طفارت عزيز حركاتج الماصخه مشاعل : ماما ليه تكلميني جذي انا شقلت الام : ماقلتي شي بس فكيني من حنتج مشاعل بزعل انا بدق على عزيز ولو العنود ولا مشعل طالب منج هالشي جان ما ترددتي الام : مشاعل واللي يسلمج فكيني من حنتج مشاعل وهي تبكي : انتو ما تحبوني كلكم تحبون العنود وطلعت على غرفتها تبكي ودقت على عزيز اللي كان مع فهد في السياره مشاعل وهي تشهق بالبكي : الو عزيز ما انتبه للصوت : الو نعم مشاعل وخانقتها العبره تتكلم بصوت كسير : عزوز انت وينك عزيز انتبه انها تبكي : شعوله ابوي في شي مشاعل : لا عزيز : عنوده فيها شي مشاعل : هذا اللي يهمكم كلكم عنود وبس وانا ما اهم ولا واحد فيكم عزيز : شعوله حبيبتي ليه تبكين مشاعل انتوا ما تحبوني مثل عنود ومشعل عزيز : اكيد ما احبج مثلهم مشاعل قاطعته و ارتفع صوتها بالبكي : شفت شلون انكم ما تحبوني عزيز : شعوله ممكن تهدين حبيبتي مشاعل : انا ما احبكم كلكم عزيز : افا ما تحبيني انا عزوز حبيبج مشاعل : انا احبكم بس كلكم تحبون عنود ومشعل وبس عزيز : انا ما احبج مثلهم لاني احبج اكثر منهم لانج الجعده اخر العنقود واخر العنقود سكر معقود مشاعل ببراءة : والله عزوز انت تحبني انا اكثر وحده عزوز : أي انا احبج لانج بنتي الامورة عدل ولا انا غلطان مشاعل : عدل وضحكت : اصلا انا احبهم بس هم ما يحبوني عزوز : منو اللي ما يحبج مشاعل : ماما وبابا عزيز : ليه شنو قالوا لج ياحلوة مشاعل : ما قالوا بس من التصرفات هم يخافون عليها ويحبونها اكثر خلاص مو مهم المهم اني ابيك توديني السوق ابي اغراض عزوز : طيب البسي الحين امرج اخذك مو تطولين وترا معاي صاحبي مشاعل : صاحبك منو عزوز : ليش انتي ملقوفه ؟؟ مشاعل : لايكون بيروح معانا عزيز : ان شاء الله تبين افرفر معاج بالسوق لا يبه انا اوديج واخذي خدامتج معاج انطرج بالكوفي على ما تخلصين الا صج ليه ما تروحين مع السايق مشاعل : ابي اروح معاك الروحه معاك تفتح النفس مشاعل : الله واكبر يالمصلحجيه الا قولي رصيدي بالبنك مصفر وابيك تحاسب مشاعل بضحكه وصلت لاذن فهد من قو الصوت : اللبيب من الاشارة يفهم عزيز : بطيتي اذني يلا لا تطولين ترا ان طولتي راح اروح واخليك مشاعل : ثواني واكون جاهزة عند بدر في نفس الوقت جالس بالغرفه على الاب توب ويكتب خاطره بعنوان (( ارحلي )) فاتنتي ؟؟! اين انتي ؟؟! بحثت عنك في كل زاويه من زوايا روحي فلم اجدك اين ذهبتي هل من الممكن ان تكوني رحلتي هل من الممكن ان تأخذ مكانك اخرى لا .. لا لا اعتقد فاتنتي منك عرفت الحب ومنك تعلمت الكلام الجميل ومن لمعه عينك كنت اسرق كلامي المعسول ومن حمرة خديّك استصيغ عذب اللحون ومن زرقة عينك ارى اجمل ايامي ومن رقه صوتك اسمع لاسمي اجمل اجمل رنه فاتنتي هي من سكنت روحي لكن لا اعرف لماذا ؟؟ لم اعد افكر بها هل انتي من ابعدتني عنها .. لا اقول لكي سوى ارحلي .. انتي مجرد دخيله على حياتي وتريدين ان تسرقيني منها لا انكر اني افكر بك ولماذا اتيتي لي في تلك الليله من الذي ارسلك لي انا اوفى مما تتوقعين احبها .. نعم .. احبها .,. اين انتي من تلك التي ملكتني طوال 4 اعوام تأتين انتي وبيوم واحد تسرقي ماليس لك قلبي ملكها وقد ختم بالشمع الاحمر بعد رحيلها (( ارحلي )) * مالي بالدنيا مكان * وبعد اقل من ساعه وجد خاطرة من غلا دنياي في قسم الخواطر بعنوان * لن ارحل * لن ارحل اعلنها بكل جراءة حتى اعرف من هي ومن تكون واعترف بانك سلبت عقلي بكلماتك وقد اشتعلت بداخلي نيران الغيره من وصفك لها ومن تغزلك بها لماذا انا ولماذا جمعنا القدر هنا هل ليعذبني بك ام لجمعنا على كل حب وخير اعلنها امام الملأ بأكمله اني احبك واعشق كلماتك واعشق اسمك يا بدر دنياي اعشق عرجك الذي يزينك ومشيتك بكل غرور تفتح لي باب من السعاده والامل احبك لماذا لا تريد ان تفهم واقف بكل شمووخ امامك واعلن اني (( لن ارحل )) قرأها بدر وخذ برهه حتى يستوعب الكلام ويفكر منو هاذي اللي تعرفني وتعرف عني كل شي اهاله كلامها ووصفها لعرجعه اكيد تعرفني بس من هي توه عزيز بيدق على مشاعل ولا تدق هي عليه عزوز: الو نعم مشاعل تقلده : الو نعم وين اللي بسرعه وبسرعه انا منلطعه ساعه عند الباب كأني طرارة عزوز: جذابه وينج انا صارلي 5 دقايق واقف جدام بيتنا انتي وينج وشافها تطلع من الباب ومعاها مرافقاتها اللي هم سلوى ( مصريه الجنسيه قدمت على وضيفه سكرتيره عند عزيز بالشركه وهو عرض عليها ترافق مشاعل وين ما تروح وهي وافقت ) ولورا فهد بالسياره يناظر متفاجأمن مشاعل كانت لابسه تنورة تحت الركبه ازرق غامق وبدي شموا وقميص ستان افتح من التنورة بدرجه وحده وشعرها مخليته على راحته على اكتافها بلونه الكستنائي ولابسه نظارتها الشمسيه وتمشي بكل غرور ودلع فطري واشر عزيز للمرفقات اللي معاها يركبون بسيارة السايق ونزل من سيارته : سلمت عليه وباست راسه عزوز: ها شعوله جم تبين مشاعل : ابي فلوس كثيرة لان بشتري اشياء كثيرة عزوز : مثل شنو الاغراض مشعال : ابي لاب توب وابي موبالين جدد لان في اثنين نزلوا جدد بالسوق بروح اشتريهم عزوز : ليه تشترين لاب توب مو عندج واحد مشاعل بزعل : يعني ما يصير اشتري واحد جديد الي عندي قديم عزوز : كيفج اركبي مع السايق والحقني بروح البنك اسحب لك ولا اقول اركبي مع السايق بروح انا وصاحبي معاكم ** فهد بالسيارة : ياربي معقوله يخليها تطلع جذي بدون شي مبين عليها جاهل ما تعدى عمرها 14 14 مو جاهل الا مره وفي سن زواج لازم اتصرف مع عزيز ما يصير يخلي خواته جذي لا وهاذي ملابس تروح فيها السوق بس والله مزيونه هذا وهي مو حاطه الوان على وجهها مثل بنات هالايام الله يستر عليها بس هو ليه ابطى وهو يكلمها كان دخل داخل البيت يهرج معاها لازم عند الباب وشاف عزوز يركب السيارة واخته تركب مع السايق عزوز : فهد عندك شغل فهد : لا والله شوفه عينك فاضي لا شغل ولا مشغله عزوز : خلاص بروح السوق تروح معاي فهد : ليه شنو تبي تشتري عزوز : اهلي يبون يشترون لاب توب وموبالات جديده نازله بالسوق وبروح معاها اشتريها لها فهد : مو كأنك قلت لها يعني هي وحده مب خواتك كلهم عزوز : لا بس هي بروحها فهد : تشتري جم موبايل لها : تقول في اثنين نازلين جدد بروح اشتريها لها فهد : عزوز اسمح لي انت غلطان عزوز : انا .. ليه عنود تكلم الجازي مومبايل : يلا تعالي البيت لا تصيرين مليغه الجازي : لاروسا انت اشفيج اقولج علي مو راضي يقول انتي تعالي بيتنا عنود : وليه ان شاء الله ما يرضى بعدين بيتنا مافيه احد وباجر حفله شعولتي وصج ذكرتيني في لج مفاجأه عندي الجازي : شنو المفاجأه عنود : لا مافي بس باجر اذا جيتي عندي حزت الحفله اعلمج وترا نبي نروح مع بعض للصالون الجازي : لاروسا تكلمي احسن لج عنود : مافي باجر تعرفينها الجازي: نذله عنود : قولي اللي تقولينه الجازي : طيب تعالي البيت والله زهقانه حدي عنود : طيب راح اجي بس بقول لبابا وماما الجازي : يلا انطرج لا تطولين علي طيب عنود : يلا تشاو مس بلو الجازي : تشاوات لاروسا وراحت العنود عند الجازي وقعدت عندها وهي هناك دزت رساله لعزيز انه ما ينسى مر صاحبه عشان الفساتين شنو توقعاتكم يصير بالسوق عند عزيز وفهد وشنو راح تكون رده فعل عزيز والعنود ؟؟ ودمتم بود ودمتم بحفظ الرحمن محبتكم ندى الزهر |
تسلم ايدج
وان شاء الله اعلق بعد ما اقراه |
اقتباس:
اهلين بنوته انتظرك ودمتم بحفظ الرحمن ندى الزهر |
:besm8dg4:
اشتقنا لج ندوووووووش <<<< طاقه الكلافه واعظم الله اجرج ودوام لله :f63: تسلميــــــــــــــــن على البارت:flowers2: :rdd12tf: البارت اليوم روعه وجنان :55: والحين للشخصيات فهود : :zkc04699::zkc04699::zkc04699::zkc04699: ما عرف شنو اقول هل ريال رفع ضغطي ما قدر اعبر الكلمات خلصت اخوي لا تعادي عزوز وتخربه علي ها:57: والضرب والعصا على قولتك ايخلي البنت تعاند و تدور الحنان في المكان الغلط >> تفلسف خخخخـ وكل شي له حدود حتى الدلع ترى انت سند خواتك وابوك ماهو دايم لهم عزيز :c8T05285:: ذي البارت شوي ما عجبني لكن انا لاحظت ان عزيز وايد دلع خواته موبالين ولا عندها واحد ترى قلنا دلع بس مب هل الكثر ادلع يخرب >>> تفلسف هههههـ مشعل : انا معاك وفي حزبك :71_asmilies-com: بدر : آآآآآآآآآآآآآآآآآآآآه ثم آآآآآآآآآآآآآه فديته عليه بخواطر جنان الا اعرف من ذي الي حطمت قلبه << متاثره في المسلسلات فضول <<< شنو لاروسا :110::rdd12zp1: مشكوره على البارت وما تقصرين تقبلي فائق احترامي اختج زيزي>>> دلعي خخخخخخخـ:uJl04657: |
اقتباس:
مرحبا زيزي كيف حالك ان شاء الله بخير زيزي حبييتي اشكرك على متابعتك وتعليقك على الابطال حلو لاروسا تعني ورده بالاسباني وهي نك نيم ينادونها فيه والجازي نيك نيمها مس بلو لانها تحب وتعشق اللون الازرق في كل شي اتمنى اني وضحت لج هاذي النقطه ودمتم بحفظ الرحمن ندى الزهر |
كالعادة بارت اكثر من رائــــــــــــــــــــــــــــــــــــــع
كاتبته كاتبة اكثر من رائـــــــــــــــــــــــــــــعة فهد:لااااااااااا اذا انت معقد لا تعقد عزيز خله بعيد عنك وتستاهل ان ابوك مو راضي عليك وكيفها عالية بتطلع مع عادل انت مالك شغل ابوها راضي يا السخيف انا قلت بتعدل بعد الطراق الي خذيته والطردة من البيت الا تعقدت زيادة الله يهديك عزيز ما لك شغل بفهد اذا اهو معقد وما يثق بخواته فلا تصير نفسه ترا انت الصح مو اهو مشاعل كسرت خاطري صج انها دلوعة واايد بس دام اهم معودينها على الدلع فما يصير يعدلونها فجأة لازم شوي شوي العنود الظاهر بصير موقف بينها وبين علي سؤال: فهد كويتي؟؟ انتي قلتي يقول بزر وانا الي اعرفه ان بزر كلمة سعودية تقبلي مروري |
رواية رائعة وكل بارت احلى من القبله
ندى طلبتك لا تخلين فهد يشيش عزيز على اخواته ممكن تجمعي صفاتهم الحلوة وتبادليها اما شكوك فهود ابعديهااااااااااااااااا عن عزوز ننتظرك بشوق يالغلا :flowers2::flowers2: |
بااااارت جميل جدا ... اعجبني اختلاف العادات والتقاليد بين الحضر والبدوو .. نشوف منو يقنع الثاني بعاداته وتقاليده او بالاصح شلون يتقبلون بعضهم .. ننتظرج يالغلا .. |
اقتباس:
بنوته كيف حالج حبيبتي اشكرج بنوته على متابعتج فهد ؟؟ انتظري البارت القادم يمكن يزيد كرهكم له ومشاعل : احيانا يكون مو في محله ويمكن الاشخاص نفسهم يستغلون الدلع وفهد كويتي الجنسيه سعودي الاصل وتقبلي فائق احترامي ودمتم بحفظ الرحمن ندووووووش |
اقتباس:
الحلو اللاذع اشكرج حبيبتي على مرورج وانتظري فهد يمكن تكرهينه ودمتم بحفظ الرحمن ندووووش |
اقتباس:
غاليتي جليع شخبارج اشكرك على مرورج واتمنى ان تحوز البارتات الجايه على اعجابج وانتظري المفاجأت والي راح تصير ودمتم بحفظ الرحمن ندووووش |
:rdd2lq9:اختي ندى واحب احيج على القصه الحلوه والاسلوب الحلو في التعبير بس عندي سؤال واحد البارت في اي يوم ينزل لاني ضايعه كل يوم ادخل واجيك على القصه اذا في بارت يديد ولا لا واخيرا اقولج:rdd12tf: |
وحشتيني ندى الزهر
الله يرجعك بالسلامة تقبلي مروري |
اقتباس:
غاليتي ام الحلا كله هلا بك حبيبتي اشكرج على اطرائج الرائع واشادتك التي زادت قصتي بريق حبيبتي ام الحلا اتمنى انكم ما تزعلون علي لكن انا عندي اشياء اهم من الكتابه او النت بشكل عام اولا انا عندي .. طاعه ربي ثانيا .. زوجي ثالثا .. بيتي رابعا .. مدرستي وخامسا .. النت والقصص حبيبتي اتمنى انكم ما تزعلون علي لان احنا في فتره امتحانات قصيرة وتقديمي في الكورس الاول (( الترم الاول )) ما كان يعطيني النسبه اللي ابيها >>> كنت فاشله فيه عشان جذي لازم ابتعد شوي عنكم واذا تأخرت اتمنى القى منكم العذر والسموحه ان شاء الله كل سبت في بارت لانه عطلتنا وان شاء الله تقدرون ظروفي واتمنى انكم تنتظرون البارت الجاي بكل شوق لان فيه احداث كثيرة بتغير اشياء صارت مع الحنون .. عزيز الاب .. علي يمكن بعد .. فهد صاحب القلب الذهبي .. بدر &&&**&&&**&&&**&&& العاليه .. غاليه الدلوعه .. مشاعل مس بلو .. الجازي لاروسا .. العنود وفي وجوه جديده لكن يمكن لها دور كبير ويمكن ما يكون لها دور في نفوس راح تكرهه اشخاص ونفوس راح تعشق ونفوس راح تنجبر على اشياء تكرهها ونفوس راح تقسى على من تحب بإختصار هذا اللي راح يصير في البارتين الجايين ويمكن البارت الجاي يكون البدايه الحقيقه لروايتي وتكونون عرفتوا الابطال من خلال البارتات اللي طافت اتمنى منكم العذر والسموحه على الغيبه لكن الظروف اقوى من كل انسان وعلى فكرة انا كتبت من البارت الجاي الكثير لكن بموبايلي مو على الكمبيوتر ووعد مني انه راح يكون طويل اطول بارت كتبته ودمتم بحفظ الرحمن محبتكم ندوووش |
اقتباس:
الحلو الاذع غاليتي اشكرك على مرورج حبيبتي مايوحشك غالي وانتظري البارت القادم ودمتم بحفظ الرحمن محبتكم ندوووش |
اخذي راحتج ندوي
ودرسي عدل بعدين البارت بس هذا مو يعني ان مو متشوقة له بالعكس بس راحتج اهم |
السلام عليكم ورحمة الله وبركاته اعتذر عن الغياب البارت اذا انتهيت منه بعد شوي راح ينزل ودمتم بحفظ الرحمن محبتكم ندى الزهر |
معذووووووووووورة
على خير ان شاء الله ننتظرك بفارغ الصبر |
قراءة ممتعه منكم ارجو العذر على تأخيري واليكم البارت الثامن في بيت الجازي وتحديدا بالصاله عنود : مس بلو تصدقين احس اني تعبانه شوي ما ادري ليش عاد كلش مو وقته باجر حفله شعوله . الجازي : طيب امشي نروح الطبيب انا معاج عنود : لا مايحتاج شويه تعب وان شاء الله يخف الجازي : لاروسا شنو المفاجأة العنود : باجر تعرفينها مــ وقاطعها رنة موبايلها شافت الرقم قالت : هذا نفس رقم عزوزي الجازي : ردي طيب العنود : الو الطرف الثاني : ها حبيبتي شلونج العنود : من معاي الطرف الثاني : عزوز يعني منو بس تعالي تبين اجيب لج الجوري عند مس بلو العنود : لو سمحت عن قلة الأدب وياويلك تدق مره ثانيه فاهم الطرف الثاني : افا حبيبتي زعلتي علي وانا حبيبــ طوط طوط طوط سكرته وهي ترجف من الخوف : جوجو الحقيني المسج وصل له بالغلط دق نفس الرقم مره ثانيه الجازي : عطيني موبايلج دقيقه الجازي : نعم الطرف الثاني : هلا مس بلو وين حبيبتي وليش راده على نقالها ( جوالها ) الجازي : شوف ترا ان شفت رقمك مرة ثانيه ماراح يحصل لك طيب فاهم الطرف الثاني : طيب عطيني حبيبتي الجازي : انت ماتفهم صح وسكرت الخط بوجهه بس شكله عنيد ويحب اللعب رجع يدق الجازي : هذا مايفهم أنا بروح حق بابا فوق انطريني وراحت فوق تركض وبطلت الباب بعد طقه وحده وما نطرت علي يرد عليها دخلت تركض علي كان يشتغل بين اوراق وكتب ولاب توب كان على المكتب ومندمج بين اوراقه ودخلت الجازي كانت تخوف فز من مكانه فجأه ووقف :اشفيج امي فيها شي الجازي وقفت تاخذ نفس هزت راسها بــ لا علي : اجل اشفيج خرعتيني الجازي وهي تلهث : ابيك بموضوع مهم علي : والي عنده موضوع يخرع الناس جذي رجع قعد وهو يقلب اوراقه : ارجعي بعدين مو فاضي لسوالفج انا مشغول الجازي وهي ترفع راسه ويده عن الأوراق : والله موضوع مهم ودق الموبايل بيدها ورفعته تشوف الرقم ولفت الموبايل توريه علي : شفت الموضوع مهم علي وهو يرجع ورا على الكرسي ويكتف ايدينه : اسمعج تحجي الجازي عطته الموبايل : يبه هذا موبايل لاروسا دزت مسج حق اخوها وصل بالغلط لهذا الرقم علي : مايبي لها ذكاء خليها ترد تقول اسفين ووصل بالغلط الجازي : ردت بس هذا يتحرش فيها ورديت انا عليه وهاوشته بس ماينفع علي من سمع يتحرش مايدري شنو فكر فيه بس عصب وطلب منها الموبايل قال : اطلعي واذا خلصت اناديج الجازي : وموبايل البنت علي : لا خلصت اناديج اطلعي وسكري الباب معاج وبعد ماطلعت رفع الموبايل وابتسم لأن الثيم ( الخلفيه ) كانت صوره العنود مبتسمه وهي واقفه جدام عزيز وماسكه يده اليمين وهو مسوي حركه بيده اليسار وراها ومبتسم ابتسامه كبيره ولقى مكالمتين لم يرد عليها دق على الرقم ورد الطرف الثاني على طول : هلا وغلا اخيرا حبيبتي غيرتي رايج علي : بشنو حبيبي اغير رايي الطرف الثاني : من انت علي : وشدخلك من انا انت الي منو الطرف الثاني : داق علي وتقول من انت علي : اذا حسبالك بنات الناس لعبه غلطان فكر بخواتك اول ولاعاد اشوف رقمك مره ثانيه الطرف الثاني : اول رب اهلك بعدين تكلم على خواتي علي : انت شكلك ماتفهم بالطيب الطرف الثاني : انت اقرأ المسج الي وصلني بعدين تكلم عن بنات الحمايل علي : اقلب ويهك لا ادفنه لك بين ريولك وسكر الخط بوجهه وشاف الموبايل وراح للرسايل المرسله وفتح اخر رساله : عزوزي حبيبي انا عند مس بلو الحين لاتنسى تروح تجيب المفاجأه ومر محل الورود مشتهيه اشم ريحه الجوري ومابي اشتريه ابيه هديه منك حبيبي لأن كل شي منك غير ملحوظه ياليت يكون الجوري احمر رد لي خبر راح تشتريه لي او لأ احبك يا اغلى ناسي علي رجع يشوف المرسل اليه ( دنيا بدونك خساره ) ولا اراديا راح يقرى الرسايل الموجوده بالمرسله فتح وحده من الرسايل لأن المرسل اليه نفس روحي انا طالعه الحين السوق وراح يقرى الرسايل لين وصل لرساله مرسله لنفس الأسم محتواها اذا ماتغليت عليك اتغلى على منو يقولون انك اخوي الكبير لازم تتحمل انت الي دلعتنا صح تحمل اخر دلعك نزل الموبايل يعني هذا اخوها الكبير يمكن هو نفسه الي بالثيم ( الخلفيه ) معاها رفع الموبايل وراح الوارد اخر رساله من عزيز انا طالع مع رفيجي ماراح ارد الا بالليل اركبي سيارتج وروحي او طرشي السايق ولا اقول الله ما كثر المطاعم دقي على بداله المطاعم واطلبي رقم المطعم الي مشتهيته واطلبي لج غدا الا تعالي ليش الفاست فود وفاضل موجود طباخ عالفاضي حبيبتي لو رفيجي مو وياي كان جبت لج لكن مره ثانيه اعزمج مو اجيب لج علي يفكر اه ظلمتج سامحيني وفتح الأستيديو ولقى صور كثيره اكثر شي صورها دور على موبايله وفتح البلوتوث وارسل صورتين من صورها الأولى كانت حاطه شعرها كله جهه اليمين ومبتسمه وماكانت حاطه مكياج والصوره الثانيه كانت بالسياره كانت تضحك وقعد يفكر والله عجيبه ليش صاير تفكيري تفكير مراهق وبعد ما وصلت الصور الى موبايل علي طلع من الصور ودخل مقاطع صوت ولقى Sound clip(17) بطله صوت وحده تغني صوتها عجيب وهادي حيل فكر ليش ما ارسل المقطع واسمعه على راحتي اخاف تطب العوبه وخلص علي وسكر موبايل عنود وقعد يطالع الثيم ويبتسم والله انج تهبلين وضحك على نفسه بصوت عالي والله انا المهبول الي افكر بالخرافات هاذي وطلع من الغرفه ينادي بأعلى صوته جت اخذت الموبايل وشكرته قال : اذا دق او دز مسج وماعلمتوني اذبحج انتي وهي فاهمه الجازي : ابشر يبه علي : وتأكدوا من الأرقام مره ثانيه مو تصيرون ملاقيف الجازي : اسفين شكلنا ازعجناك مرة ثانيه اذا صار شي راح اخليها تقول لأخوها لأن انت ما تتحملنا احنا ومشاكلنا علي : افا انا تقولين عني جذي الجازي : لأ انا غلطانة لما قلتلك السالفه هي لو قالت السالفه لأخوها جان طلع الرجال من تحت الأرض وعلمه السنع ومايهاوشها لأنها ماغلطت بشي علي : زعلتي . الجازي الحياة ماتؤخذ بالقوة والمال انا لو ابي اطلعه بنص ساعه اجيب اخباره كلها لكن الحياة تدوم للطيب مو للقوي وانا اخاف عليكم واذا هاوشتكم مو معناه اني ما احبكم غلطانه الجازي : انا اسفه ماقصدي اقول جذي علي : طيب ترا لاروسا تحت بروحها وانتي تقرقين عند راسي . الجازي : طيب شاوو خيوو نزلت لقت عنود سرحانه الجازي : لاروسا الي ماخذ عقلج يتهنى به العنود : اي عقل يامعوده الجازي : افا اشفيها المينونه العنود : مينونه شنو انتي وويهج الجازي : انتي تقولين اي عقل والي ماعنده عقل مينون العنود : واي انتي صج متفرغه الجازي : اشفيج لاروسا العنود : والله تعبانه شوي يمكن السكر مرتفع شوي الجازي : وقاعده قومي اوديج العنود : مابي اروح اخذت ابرتي ولين الحين احس نفس الشي يمكن بعد شوي يخف العوار الجازي : عوار شنو ؟؟ العنود : راسي يعورني واحس بدوخه الجازي : عشان خاطري قومي اوديج العنود : الحين ادق على عزيز اشوفه فاضي يوديني ودقت على عزيز الي توه وصل السوق مع فهد ومشاعل ومرافقاتها عزيز : الو العنود : هلا حبيبي عزيز : هلا بج العنود : حبيبي فاضي او لأ عزيز : ليش العنود : اسأل عزيز : انا مع مشاعل بالسوق العنود : طيب مع السلامه عزيز : تبين شي العنود بتعب : سلامتك باي عزيز : باي وسكرت ورجعت راسها على الكنب بتعب : والله مو بيدي الجازي بخوف قعدت يمها : نونه قومي اوديج الطبيب عشان خاطري العنود : مشكوره جي جي بس انا مافيني شي شوي مرهقه يمكن لأن مانمت عدل الجازي : زين انادي علي العنود : ناويه تفضحيي انتي شنو راح يقول الجازي : بناديه ماعلي منج ومسكت يدها بترجي : نونه انتي حاره العنود : والله مافيني شي ومابي اخرب حفله شوشو باجر الجازي : تضحين بصحتج عشان وناسه اختج العنود : مو بس اضحي بصحتي الا افداها بعمري انتي ماتعرفين مشاعل شنو بالنسبه لي وفرحتي لما اشوفها تضحك من قلب ومستانسه الجازي .. بس شنو راح تفيدج سعادتها لو طحتي بعد يومين العنود . تفيدني اني اشوف غيري مستانس ويضحك انا تعودت عالتعب لكن شعوله شنو ذنبها اني اتعب واخرب فرحتها باجر بعد حفلتها ان شاء الله اروح الطبيب لكن الحين مستحيل كانت تتكلم بكل تعب الجازي .طيب انادي علي يفحصج هو طبيب يعني ماتروحين الطبيب يعطيج مسكن عالأقل العنود . اخوج لأ انتي نسيتي شنو صاير معاه قلبي يرجف لما تقولين اسمه شلون لو يفحصني الجازي بضحك وقفت جدامها وتمثل وتحرك يدها : اه ياعلي شمسوي برفيجتي طاحت بشباك الحب وانا مش عارفه العنود تضحك : شفتي طحت ومحدش سما عليا الجازي نقزت يمها : تحبينه من وراي يالخايسه العنود تضحك : مو حب حب لكن تقدرين تقولين استلطاف الجازي تغمز لها : اي دريت استلطاف العنود : جي جي ويهد عيب هالسوالف تونا صغار الجازي : انتي صغيره انا لأ انا وحده ادور على معرس اخطبه العنود : تخطبينه يعني مو هو يخطبج الجازي : اشفيها حبيبتي الحين البنات كثروا ونسبه العنوسه زادت وانا مو ناويه ازيد نسبه العوانس وحده زياده العنود : على كلامج هذا بتخيسين في بيت اهلج محد خاطبج الجازي بزعل مصطنع وقفت : اشفيني جمال وادب وعلم وشقرديه واحب الخير العنود : كثري منها ادب الجازي : اوريج يالخايسه انا اكثر انسانه على وجه الأرض ادبا وأخلاقا العنود : زين السقف بيطيح علي من كبر الجذبه قال شعرفك انها جذبه قلت من كبرها الجازي : طيب انتي شخبارج الحين العنود : بخير وعند علي كان يبدل ملابسه بيطلع وهو نازل سمع العنود لما كانت تكلم عن مشاعل اختها وانها ماتبي تخرب وناستها وطلع من الباب الثاني بعد ما سمع حوارها كله لين قالت بخير وركب سيارته يفكر فيها راح السوق بيشتري موبايل جديد قبل لايرجع البيت يبدل ويطلع الدوام وشترى له اغراض جديده كنوع من التغير رجع البيت بعد ساعه ونص دخل متوقع العنود راحت بيتهم عشان جذي دخل عالصاله على طول بدون لا ينادي وعنود كانت منسدحه عالكنبه والجازي كانت مسويه لها كمادات لأنها مارضت تروح المستشفى كانت الجازي بالمطبخ تسوي شوربه والعنود منسدحه ومغمضه عيونها وكانت لابسه جينز اسود وعليه تنوره صغيره وبدي احمر مكتوب عليه لاروسا سينوره علي اول ماشافها خاف عليها وضحك بخاطره رجع الدوانيه وحط اكياسه وحول موبايل صامت عشان مايطلع صوت للكامرا وطفا الفلاش ورجع الصاله العنود لين الحين على نومتها فتح الكامرا وصورها جم صوره وسوا زوم على وجهها وصورها وقال سبحان من صورك والله ملاك ودخل المطبخ لقى الجازي تحوس بالمطبخ على : السلام عليكم الجازي : وعليكم السلام جابك الله علاوي علي : خير اللهم اجعله خير الجازي : لاروسا تعبانه شكل السكري مرتفع معاها وحرارتها مرتفعه علي : خذت علاجها او لأ وشنو علاج السكر الي تاخذه الجازي : تاخذ ابر للسكر ابرتين وخذته ولين ألحين تحس بتعب وخذت من غرفتك ميزان الحراره وقست حرارتها 38.7 وحطيت لها كمادات علي : طيب استأذني منها بدخل اشوفها الجازي : مو راضيه علي : ادخلي قولي لها بلا عناد والسكري مافي لعب الجازي : الحين اروح بس اقصر عالجوله واروح وراحت لعنود الجازي وهي تقعد يمها : لاروسا حبيبتي العنود ماتحركت ولافتحت عيونها : امممم الجازي : حبيبتي علي بيكشف عليج قامت من مكانها مخترعه : هو هني الجازي : اي موجود قلت له عنج وقال خلي العناد عنج والسكري مافيه غشمره العنود : ومن قال اني تعبانه انا الحمدلله مافيني شي برجع بيتنا الحين الجازي : ليش خبله انا اخليج تسوقين وانتي تعبانه العنود : مافيني شي وبعدين من طلب منج تقولين لأخوج اني تعبانه شايفتني طايحه اصلا مافيني شي بس ارهاق الجازي : نونه عن الخبال انتي شايفه حرارتج خليه عالأقل يعطيج ابره تنزل حرارتج ومسكن للصداع العنود صرخت : جي جي انا مو تعبانه متى تفهمين ليش تبين تطلعيني تعبانه غصب الجازي : نونه انتي تحبيني العنود : شكو الجازي : انا سألتج تحبيني العنود : اي احبج الجازي : ليش تحبيني العنود : شكل الي حرارته مرتفعه انتي مو انا الجازي : ليش تحبيني العنود : لأنج اختي الجازي : لو كنت مكانج انا المريضه شنو تسوين تخليني على كيفي او توديني الطبيب العنود نزلت راسها : لاتقولين جذي انتي غير عني الجازي : فهميني شلون غير العنود : انا تعودت عالتعب وصار شي عادي بالنسبه لي الجازي : نونه انا بفهم انتي معترضه على شنو بالضبط اخوي او الطبيب بكبره العنود : على اخوج الجازي : طيب قومي بوديج الطبيب العنود : طيب بروح لكن باجر مو اليوم الجازي وقفة جدامها: عنود شوفي انا تعبت معاج اقسم بالله العلي العظيم لو ماطلعتي معاي بالطيب لأخلي علي يشيلج يوديج المستشفى غصب عنج العنود : زين ليش تحلفين الجازي تصارخ تنادي الخدامه عشان تجيب ملفعها وشنطتها وبعد ماجابت الخدامه الأغراض الجازي : جدامي نونه العنود : علي ماراح يرضى تطلعين معاي الحين الجازي : ومن قال بروح معاج ماراح تسوقين الحين انا الي بوديج العنود : ما شاء الله متى اخذتيها الجازي بإستغراب : اخذ شنو العنود : الليسن (اجازه السواقه) الجازي : من قالج اني اخذتها العنود : انتي اكيد طاقه فيوزاتج اليوم مو توج تقولين ماراح تخليني اسوق وانج بتوديني الجازي : راح نروح مع السايق العنود : لا الجازي مابي اتعبكم معاي الحين ادق على عزوزي او بابا الجازي : لو دقيتي عليهم راح يكنسلون حفله مشاعل حرام عليج تخربين فرحتها العنود : توج تحلفين اني اروح والحين تقولين لأ الجازي : تروحين معاي تاخذين علاج وترجعين بيتكم طيب العنود : صاجه والله فكره الله لايحرمني منج الجازي : مطوله يلا قومي العنود : طيب بعدل شكلي لاينحاشون الي بالشارع كلهم الجازي : ترا ان تأخرتي ياويلج العنود : اسبقيني انا اجي الجازي : ليش محترقه فيوزات عقلي عشان اخليج بروحج العنود : لاحول ولا قوة الا بالله جي جي لاتخليني اكرهج الجازي : اذا تقدرين ليش لأ العنود تقلدها : مطوله وراحوا المستشفى وعلي اخذ اوراقه وراح وراهم بسرعه دق على ربعه عشان يضبطون اوراقه انه يستلم طوارئ ساعتين ودخل الطوارئ وسأل عنها لقاها بالملاحظه ودخل الملاحظه بكرنيه المستشفى ولقاها نايمه على السرير وجنبها الجازي على طرف السرير اخذ اوراقها وقراها السكر مرتفع شوي وحرارتها مرتفعه شافته الجازي وضحكت علي اشر لها تسكت وقال : العنود فارس شلون صحتج الحين ان شاء الله احسن العنود ماتحركت بس قالت : الحمدلله وفتحت عيونها شوي ولما شافته فزت تعدل قعدتها وكانت تطالع الجازي الجازي رفعت يدها بإستسلام : مالي شغل علي : خير فيكم شي الجازي ميته ضحك العنود : ابي اطلع من هني الحين علي : مايصير انتي حالتج ماتسمح تطلعين اليوم العنود : ما شاء الله من قرر اني ما اطلع من هني علي : انا الطبيب المشرف على حالتج العنود : الحين تكتب لي خروج او اني راح اطلع غصب عنكم كلكم علي : اذا طلعتي اقدم على اهلج شكوى اهمال لأنج مريضه ومحد متابع حالتك عنود : طيب بطلع بس اليوم وارجع باجر علي : ما يصير تطلعين العنود : مو بكيفك راح اطلع غصب عنك والحين تشوف ومسكت موبايلها ودقت على ابوها : قوة يبه ابوها فارس : هلا حبيبتي العنود : شلونك يبه فارس : بخير انتي وين وشنو هالإزعاج الي عندك العنود : يبه امي يمك او في احد يمك فارس : لأ امج راحه تجيب لي اوراق من المكتب الي تحت ليش العنود : طيب ابيك تجي المستشفى الحين بس لحد يدري بسرعه تعال فارس : اشفيج فيج شي العنود : مافيني شي بس في دكتور شكله توه متوظف ويبي يطبق قوانينهم علي فارس : ليش شنو صاير العنود : جيتهم شوي تعبانه يبي يدخلني الاجنحه يقول ماتطلعين اليوم فارس : انا الحين جاي مسافه الطريج عنود : بابا لاتقول لأحد اوكي فارس : يصير خير وبعد 20 دقيقه فارس دق على عنود : انتي وينج عنود : بالملاحظه فارس : طيب شنو اسم الدكتور الي كشف عليج عنود : علي خالد سعود الفهد فارس : طيب مع السلامه وراح يدور علي سأل الممرضه السوريه وبلغته انه موجود بغرفه الطوارئ غرفه رقم 4 وراح له طق الباب وشافه علي خمن انه ابو العنود لأنها تشبهه فارس : السلام عليكم علي : وعليكم السلام والرحمه والإكرام حياك يابوعبدالعزيز فارس : انا والد المريضه العنود فارس بغيت اسأل عن حالها علي : يابو عبدالعزيز والله بنتك تعبانه شوي وماراح نقدر نطلعها قبل 12 ساعه عشان نتأكد من السكر عندها لانه مرتفع وحرارتها مرتفعه وبنتك الله يحفظها تبي تطلع غصب مايصير تطلع الحين حاولت فيها انا وأختي الجازي بس مو مقتنعه بكلامنا فارس : انت اخو صديقه بنتي الجازي علي : اي ياعمي انا اخوها فارس : والنعم والله ونعم التربيه علي : الله ينعم بحالك ياعمي تبي تدخل تشوفها فارس : اي والله ياليت علي : ابشر امش معاي وراحو الملاحظه ودخلوا عند العنود عنود اول ماشافت ابوها خنقتها العبره : يبه فارس : هلا ياروح ابوج ليش تخوفيني عليج وقرب منها وضمها عنود بكت : طلعني من هني الحين مابي اقعد فارس : ليش ماتبين تقعدين العنود : لان اذا نمت بالمستشفى راح تلغون حفله مشاعل وانا مابي اخرب فرحتها فارس : افا مشاعل اهم من صحتج العنود : اي اهم من صحتي مابي اقعد هني ولا دقيقه ويبون يعطوني ابر الأنسولين كل ساعه وربع اخذها انا بالبيت بس يقولون لي جم الجرعه الي اخذها وانا اخذها بالبيت والحراره الكمادات موجوده فارس : مايصير بعدين انا خايف عليج بعدين الدكتور قال راح تطلعين باجر العنود : يعني راح احضر حفله شعوله فارس : ان شاء الله تحضرينها وتكونين ملكتهم عنود : ان شاء الله بس يبه لاتعلم احد اني هني قول لهم ان جي جي تعبانه شوي واخوها موموجود بالبيت واني راح انام عندها فارس : ليش ما اعلمهم العنود : اخاف عزيز اذا عرف يلغي الحفله فارس : لا ماراح يلغيها وعلى خير ان شاء الله انتي باجر بينهم واحلاهم العنود : اوكي على راحتك بس لا تعلم احد اني هني فارس يضحك : طيب ياروح ابوج علي كان يكلم الممرضه واذنه مع عنود ابتسم من خاطر @@@@@@@@ فهد وعزيز عند باب بيتهم فهد : عزيز عزيز : هلا فهد : اتمنى الموضوع الي قلته لك يبقى بينا ولو انك مو غالي علي ما قلته لك عزيز : احنا اخوان ولو يا فهد بس باجر لا تتأخر علي ولا تنسى بلغ اهلك عن الحفله تراهم معزومين خلهم يتعرفون على بعض يصيرون ربع مثلي انا وياك فهد : ابشر عزيز : تصبح على خير وحرك عزيز وبالسياره يفكر ومسك موبايله ودق على عنود عنود : بابا هاك رد عليه قوله اني نسيت موبايلي فارس ابشري عطيني اياه ورد فارس : هلا عزيز عزيز متلخبط : هلا يبه شلونك فارس : بخير عزيز : يبه انا كأني داق على عنود فارس : ايه يبه مو غلطان دقيت على عنود موبايلها معاي عزيز : هي وينها فارس : هاذي هي عندي بس حبت تلعب معاك عزيز : اها وين مشاعل عنكم مازعلت عليكم فارس : ماتدري عننا احنا مو بالبيت عزيز : عيل وينكم فارس : مع بعض عزيز : ادري انكم مع بعض وين اي صوب فارس : عندنا صاحبتها الجازي واخوها ماراح نتأخر ان شاء الله عزيز : يبه انت تعبان او عنود فيها شي فارس : انا طيب الحمدلله عزيز بعدين دق علي انا مشغول الحين وسكر وعطا العنود موبايلها عنود : يبه ليش ماقلت الي قلت لك عليه فارس : ليه انا معودكم عالجذب عنود : حشا بس الحين يخاف ماتعرف عزيز فارس : واذا عرف انتي ليش خايفه . عنود : مو خايـ سمعت صوت المسج الي توه وصل " عنود وينكم فيه والله ياويلج لو ماقلتي وينكم انطرج " عنود دزت " بالمستشفى لاتخاف احنا بخير " دق على طول ردت : هلا عزيز عزيز : اي مستشفى ومن التعبان عنود : انا تعبانه شوي وبس ماله داعي تعب حالك وتجي عزيز يصارخ : عنود انا شقول انتو وين عنود : انا في مستشفى (............) في الحوادث في غرفه الملاحظة علي في نفسه : والله خوش اليوم احلى يوم التقيت ابوها واخوها والله اني عبقري ههههههههههههههههههههههههههههه عنود : يبه والله ماله داعي انا مافيني شي انتو اشفيكم تكلم علي وهو يطالع ابوها : عمي بو عبد العزيز في اوراق محتاجه توقيعك فارس : الحين يجي عزيز وهو يوقع احسن لانه هو اللي راح يمكل الاجراءات علي : اللي تامر فيه يا عمي عنود : دكتور متى اطلع علي : باجر ان شاء الله عنود : في أي حزه علي : الصبح ان شاء الله عنود : شكرا دكتور علي : العفو ولو هذا واجبي وطلع علي بعد ما استأذن وراح في غرفه الحوادث غرفه 4لقى رفيجه جعفر عبد السلام جعفر : ها يالعاشق كيف حال المعشوقه علي : انت اشفيك أي معشوق انا بس حبيت اعلمها الشغل لانها قالت هي مو معترضه عالطبيب هي معترضه علي انا جعفر : اها صدقتك علي : ترا انت صاير غثيث اشفيك اليوم جعفر : مافيني الا العافيه بس انا اشوف في عيونك عشق علي : زين اسكت احسن لك الا تعال جعفر : هلا علي : انت الحين راح تدخل معاي على اساس اني راح اسلم لك الاوراق لان هذا مو اختصاصي بس انا مرافق معاك جعفر: وتقول مو عاشق الا العشق طالع مع خشمك علي : زين اكرمنا بسكوتك جعفر : انت معقد نفسيا علي : والله متى محد قالي جعفر : تستخف دمك لا صج انت معقد نفسيا اذا تحبها قول ليش تخش ترا انت مدري شلون صاير علي : طيب حجي يلا قوم اخوها بالطريج جعفر : شدراك ؟؟ علي : تو كلمهم وانا موجود وابوها قال ان هو اللي يبي يوقع اوراق دخولها جعفر : اها طيب امسك ارضك علي : شنو امسك ارضي جعفر : انت مو تقول راح يجي وهي حالتها مو خطرة لكن انت تبي تقعد معاها اليوم وباجر علي : أي جعفر : انت دكتور مو خباز هو راح يجي يدورك مو انت تروح له اثقل قلنا حب بس مو تعشق مرة وحده خف يا الحبيب خف علي : الشرهه علي اللي قلت لك جعفر : ليش يالعاشق علي : انت ما تعرف تسكت الحين لو دشت الممرضه تبي تقول الدكتور علي استخف جعفر بيتكلم سمع طق الباب :تفضل دخل مريض : السلام عليكم علي وجعفر : وعليكم السلام وعلي قال : انا استأذن واذا خلصت دق علي اذا بروح اشوف الدكتور خالد قبل شوي قالي في حاله يبي لها جراحه بروح اشوفها اذا وصل عبد العزيز دق علي طيب جعفر : منو عبد العزيز علي : اخو الحاله اللي عندك جعفر : أها اوكي .. طلع علي وراح للدكتور خالد جعفر عنده مريض انطق الباب الممرضه قالت للدكتور جعفر : يادكتور دا واحد يسال عن الدكتور علي جعفر خليه ينطر الحاله الي عندي واذا طلع خليه يدخل الممرضه : حاضر وبعد ما طلع المريض دخلت الممرضه عزيز عزيز : السلام عليكم جعفر : وعليكم السلام عزيز : انا اخو المريضه عنود جعفر : حياك الله معاك الدكتور جعفر عزيز : انا كنت ابي الدكتور علي جعفر : الدكتور علي موجود الحين يوصل انا الحين اروح والدكتور علي يلحقنا علي عند الدكتور خالد وصله مسج من جعفر ( اخو الغاليه وصل ) علي استأذن من الدكتور خالد انه في حاله لازم يروح وطلع وهو يضحك من مسج جعفر ويقول في نفسه : مدري ليش مصر اني احبها لا صج تضحك على منو ؟؟ انت صج تحب ..؟؟ لا شنو ياهل انا احب ؟؟ انا عمري فوق 35 شنو احب انا ادور راحه الجازي ونصيبها بعدين اتزوج ؟؟..؟؟ وصل الملاحظه لقى عزيز وجعفر عند باب الملاحظة علي : السلام عليكم عزيز وجعفر : وعليكم السلام جعفر : اخوي عبدالعزيز هذا الدكتور علي وهو المسؤل عن المريضه العنود عزيز : شلونك دكتور علي علي : بخير الله يسلمك عزيز : بغيت اسالك عن حالة اختي علي : الحمدلله ما فيها شي بس الحرارة مرتفعه والسكري مرتفع شوي يمكن كانت زعلانه او متضايقة من شي رفع لها السكري بس ما يصير جذي لازم تحاولون تحافظون على السكر لان ارتفاعه دايم مو زين وانا شفت ملفها وشفت تاريخها المرضي لقيت انه دايم يرتفع معاها واذا كان يرتفع معاها وكانت تكابر وما تعلم احد هذا شي كبير لان المفروض انها تعلم باي شي اذا ارتفع معاها لان ارتفاعه يسبب اشياء اكبر من جذي واحيانا يدخل المريض بغيبوبه نتيجه ارتفاع السكر والله اعلم عزيز : الله يعطيك العافيه جعفر : احنا راح نضطر نخليها عندنا لين تنزل نسبه السكر ولان الاسيتون مرتفع معاها والله اعلم انها متضايقه لان لما سالناها انها اخذت علاجها قالت أي ماخذته لما حست انها تعبانه عزيز : سوو اللي تشوفونه احسن من وجهة نظركم انتو الدكاترة علي : الحين محتاجين توقيعك عشان تدخل الجناح الحين عزيز : الوالد ما وقع عزيز : والله قلت لعمي بس قال ننطرك احسن عزيز : توكلنا على الله شنو الاوراق وبعد الإجراءات وتوقيع الاوراق ودخول العنود للجناح 16 عنود مع الجازي وابوها فارس فارس : يبه العنود .. العنود: هلا يبه فارس : انا برجع البيت لان امج الحين تجي ومعاها مشاعل انا مالي داعي هني وباجر انا موجود والحين ادق على بو عبدالله اخليه ينقلج غرفه خاصه غير هاذي هاذي موشي بس مؤقت لين الصبح العنود : على راحتك يبه بس يبه مرهم يعطونك ابرتك الجازي : عمي فارس فارس : هلا بنتي الجازي الجازي : عمي اخوي علي هني خله يعطيك العلاج مو احسن من انك تروح فارس : لا يابنتي مابي اتعبه معانا زود الله يعطيه العافيه ما قصر والله الجازي : لا انا الحين ادق عليه ولا تردني العنود : أي يبه خله يجي احسن لان لو بيدي والله ما عطاك اياها غيري لكن شوفة عينك فارس : على هواكم اللي تبونه سووه الجازي دزت مسج لعلي ( يبه طالبتك لا تردني ) رد علي بمسج ( امري ياروحي ) الجازي ( انا قلت لعمي فارس انك تجي تعطيه علاجه السكري راح تجي تعطيه ؟؟ عشان خاطري لان اللي كان يعطيه العلاج العنود وهي الحين ما تقدر وهو يبي ينزل الحوادث عشان يعطونه علاجه لانه ما يعرف ياخذ ابرته ) علي ( ابشري الحين انا جاي جم جازيه عندي ) الجازي ( تسلم يا احلى ابو بالدنيا ) علي يكلم نفسه اخيرا راح اروح لها ومر الممرضه قالها تجي معاه وتجيب معاها ابرة السكري وراح غرفتها استاذن ودش ومعاه الممرضه : مساء الخير الكل : مساء النور علي : سستر دانه عطي عمي الابره فارس : الله يعطيك العافيه ياولدي ما قصرت تعبناك معانا علي : افا ياعمي هذا واجب انت غالي علينا ولف لى الجازي : تبين تردين البيت الحين او تقعدين عند خويتج لين ينتهي دوامي وترجعين معاي الجازي : بعد اذنك بقعد عندها لين يخلص دوامك انا كلمت امي قالت ان خالتي فاطمه تبي تنام عندنا اليوم بس بدق على السايق يجيب الشوربه اللي سويتها قبل شوي \علي : على راحتج الجازي : شكرا يبه في نفس اليوم لكن في الساعات الاولى من النهار عند القلب الحنون بدر قاعد مع غالية غاليه : بدوري بدر : هلا حبيبتي غالية : ما كلمك فهد او كلمته بدر : بخصوص شنو غالية : اللي صار بدر : فهد ما يحب احد يتكلم معاه بالشيء هذا لانه يعتبر اني و لا شي لان قلبي معاكم يقول ان الرجال لازم يكون شديد غالية : الله يهديه يارب بدر : امين ويهدينا والله انه غالي علي واني احبه حيل بس ما اقدر اغير تفكيره وباللحظه هاذي دخل فهد : وانا احبك بعد يا بدر لفوا عليه وابتسم بدر له وفهد رد له الابتسامه فهد : غلاوي وين ابوي ما شفتيه غاليه : لا ما شفته لكن هو قال لامي انه رايح مشوار قريب فهد : طيب غلاوي ممكن طلب : غاليه : انت تامر ياخوي فهد : ما يامر عليج ظالم ممكن تغيرين القهوة وتسوين وحده جديده لان بيجيني رجال غاليه : ابشر ياخوي فهد : ابشرتي بالجنه غاليه وبدر : اجمعين بدر يكلم فهد : منو اللي بيجي فهد : بو رجا بدر : الله يحيه من معاه فهد : توه واصل من السفر معاه سلطان اخوه بس بدر : طيب ما تدري شصار على عبد الرحمن بن غنام فهد : لا وش صار بدر : صارله حادث وهو مرقد بالمستشفى الحين فهد : لا حول ولا قوة الا بالله متى صار الحادث ومن المخطي بدر : المخطي هو امس صار الحادث باليل انا توي داري بعد شوي راح امشي المدينه فهد : ابوي درى بدر : لا ما علمته فهد : ليه ما علمته بدر : لان عبد الرحمن بين الحياة والموت الحين فهد : شلون صار الحادث بدر : كان مسرع في طريق السفر وطلع بوجهه بعير وصدم فيه فهد : لا حول ولا قوة الا بالله بدر : الا ما قلت تمشي معاي فهد : مدري اذا الوالد راح يسافر اكيد بمشي معاه بدر : خلاص بلغه فهد : وينه هو بدر : طلع مشوار قريب يرجع هو طالع من ساعه ونص فهد : طيب قم معاي الدوانيه الحين يجي بو رجا طلعوا الدوانية وجابت غاليه القهوة وعطتها فهد ورجعت لجدتها الجده : غاليه يمه تعالي ابيج غاليه : ابشري يالغالية امريني الجده : ما يامر عليج ظالم الا وش ذا اللبس اللي لابسته غاليه : اشفيه لبسي يمه انا لابسه تنورة وبدي الجده : ليه ما تلبسن دراعة مثل امج ومثل البنات غاليه : يمه والله لبسي ما فيه شي الجده : شلون يهنالج بال تقعدين كذا عند اخوانج غاليه : هم محرم لي يعني عادي الجدة : واذا محرم لج تتملطين جدامه غاليه \: والله لبسي ساتر الجده : \ وش فيها لو لبستي دراعه بالبيت ولا حطيتي على نفسج جلالج غاليه \ ان شاء الله يمه الحين اروح اغير لبسي الجده : الله يحفظج بعد ما طلعت غاليه الجده تكلم ام بدر : ليه مخليتهم على راحتهم ام بدر : والله يا عمتي مو بيدي البنات الحين ما هم مثل بنات جيلنا لاشافوا البنات اللي بعمرهم يلبسون ويكشخون انها تحز في خاطرهم الجده : وش اللي يحز في خاطرهم انهم ما تملطو ام بدر : لا يا عمه .. لبس بناتي بالنسبه للبس بنات هالوقت ساتر الجده : ياربي دخيلك من رداة النصيب وش لبسه ذا اللي افصخ من اللي شفته ام بدر : عمه والله لبس يشيب الراس الجده : خلينا من ذا الهروج شوفي لي مشعل وينه ام بدر : يا عمتي مشعل بلغني انه طالع لشغل عنده ضروري وماراح يرجع قبل ثلاث ساعات والحين صارله ساعتين الجده : ايه الله يوفقه ام بدر : امين بالدوانيه بدر : فهد وينه ابو رجا فهد : مدري عنه قال انه بالطريج دخل ابو رجا : السلام عليكم فهد وبدر : وعليكم السلام والرحمه والاكرام فهد : حيا الله من جا ابو رجا : الله يحيك ويبقيك بدر : حمدلله على السلامه ابورجا : الله يسلمك شلونك بدر بدر : بخير الله يسلمك ابو رجا : خالي وينه فهد : على وصول عنده شغل يخلصه ابو رجا : جدتي وينها ابي اسلم عليها فهد : بدر روح خذ طريج بدر : ان شاء الله دخل بدر : درب ياولد غاليه : هلا بدر بدر : دشي عند جدتي قولي لها ابو رجا وصل يبي يسلم عليها غاليه في خاطرها محمد وصل يا الله الحين شنو اسوي بالغثا غاليه لبدر : ابشر راحت لجدتها : يمه ترا محمد ولد عمتي وضحه الله يرحمها وصل الجده تحاول تقوم : يالله حيه وينه هو تعالي ساعديني اقوم له غاليه : لا استريحي هذا هو جايج الجده : يالله حيه غاليه : انا بطلع الحين تامريني على شي الجده : سلامتج غاليه راحت لعاليه لقتها تكلم عادل غاليه : الحقي \ عااليه : لحظه عدول هلا غلاوي غاليه : تدرين منو وصل عاليه : شكلج يقول ان محمد اللي وصل غاليه : اه اي وصل الله ياخذه عاليه : انا بعرف انتي ليش تكرهينه غاليه : من الله ما اواطنه عاليه: لحظه : عادل ممكن اسكر شوي .. بعد شوي اكلمك عاليه : اوكي باي لفت على غاليه : انا بفهم هو مو ولد عمتج مثلنا غاليه : الا ولد عمتي مثلكم بس انا ما احبه كذا من ربي الحب ما هو غصيبه عاليه : ولا عشان فشلج مرة جدام جدتي غاليه : لا تذكريني يالله صج احراج تمنيت اني مت ذاك اليوم عاليه : اف اف كل هذا عشان قال انا بتزوج غاليه غاليه : الله يقطعها من سيرة غيري الموضوع عاليه : اسمعي شرايج نكلم بابا نروح السوق غاليه : شعندج بالسوق عاليه : بروح اشتري شي جديد مليت من اللي عندي غاليه : لا بس محمد يهاوش تذكرين يوم هاوشنا قبل عاليه : تخافين منه غاليه : يخسي الا هو ليش اخاف منه بس ما احب يهاوشني وهو ما يصدق على الله عاليه \: الا خايفه والخوف ناط من عيونج غاليه : مو خايفه والحين اكلم بابا عاليه : نشوف غاليه دقت على ابوها اللي توه داش البيت ورايح لامه وهو ما يدري ان محمد داخل رد وهو داش على الجده مشعل : هلا يبه غاليه :............ مشعل : ابشري يبه الحين اكلم بدر يوديكم :.................. مشعل :وينكم انتي واختج ما شفتكم اليوم تعالي بسرعه ابيج :,,,,,,,,,,,,, مشعل : فمان الكريم السلام عليكم حيا الله الشيخ ودخل سلم على امه راسها محمد سلم على خاله : شلونك يا خالي مشعل : زان حالك يا ولدي انت شلونك وشلون الوالد وعمامك واخوانك محمد : بخير ربي يخليك لي الكل يسلم عليك مشعل : حمدلله على سلامه الاسفار يا ولدي محمد : الله يسلمك يا خالي مشعل : شلونج يمه اليوم الجده : بخير الله يسلمك مشعل : محمد من معاك جاي من السعوديه محمد : انا وسلطان اخوي مشعل : وينه هو الحين محمد : نايم في الفندق لانه ما نام من سافرنا هو مسك اخر الطريج وانا مسكت اوله و نمت باجي الطريج عشان جذي جيت على طول بس قطيته بالفندق وجيت اسلم مشعل : افا يا ذا العلم تنام بالفندق وانا موجود ما حبيتها منك يا محمد ليه انا غريب محمد : لا والله يا خالي بس انت تعرف سلطان يحب ياخذ راحته بالنوم وهو مزعج وقت النوم قلت اخليه يريح هناك وان شاء الله بس يرتاح يجي على طول مشعل : اذا هي عالراحه بس مو مشكله لكن اول ما يقعد من النوم تجيب اغراضك انت وياه وتجي بيتي .. وترا عشاكم الليله عندي محمد : لا تكلف على نفسك يا خالي محنا غرب مشعل : حق وواجب يا محمد انت منت غريب انت من اهل البيت محمد : الله يسلمك يا خالي الجده : محمد محمد : لبيه يمه الجده : ليش ما جبت معاك خواتك محمد : والله يمه قلت لابوي قال السفرة الجايه لانه هو بعد يبي يجي مشعل : الله يحيهم بأي وقت محمد : الله يسلمك ياخالي الجده : يابو رجا ماقلت لي شلون جدتك محمد : طيبه ياجعلج طيبه ومرسله لج اغراضن كثيره بس بالفندق الجده : ياجعلها سالمه يارب وقعدوا يسولفون عن اخبار الجماعه غاليه وعاليه لبسوا عباياتهم ودخلوا على جدتهم وابوهم ومحمد غاليه وعاليه :السلام عليكم الكل : وعليكم السلام غاليه وعاليه : حمد لله على سلامتك يابو رجا محمد : الله يسلمكم يابنات خالي كيف حالكم عاليه : بخير الله يسلمك انت شخبارك وشخبار البنات محمد : بخير جعلكم بخير راحو قعدوا بين جدتهم وابوهم غاليه : يبه مشعل : هلا يبه غالية : متى نروح مشعل : خلوها مره ثانيه غاليه : ليش يبه مشعل : لما كلمتج ما عرفت ان محمد هني اجليها بعدين غاليه :ابشر يبه مشعل : صلحي لنا قهوه وطرشيها الدوانيه ولف على محمد : يابو رجا محمد : سم مشعل : مشينا الدوانيه ولا ودك تقعد عند جدتك محمد : بعد اذنك بقعد عند امي لأن مشتاق لها بس قبل ابيك بموضوع انت وامي غالية طلعت مع عاليه بعد هالكلمه لأنها واضحه لأن مافي غيرهم معاهم مشعل : خير يابو رجا محمد : الخير بوجيهكم والله ياخالي انت تدري اني محير غالية لي و انا ابي املك على غاليه بعد مايوصل ابوي الكويت وطالب اذنك ورضاكم انت والوالده الجده : والله يوم السعد ياولدي مشعل : الساعه المباركه يابو رجا ولو هي ذبيحه ماعشتك الا ماقلت ابوك متى يوصل محمد : والله عنده شغيل يخلصه ويمشي يعني الأسبوع الجاي على خير يكون هني مشعل : الله يحيه ويحييك @/@/@/@ ياربي هاذي وينها ماشبكت غالية : منو قصدك بدر : بسم الله خرعتيني مالج شغل منو غالية : بدوري اشفيك سؤال عادي من الي وينها بدر : بلا لقافة روحي لأختج غالية : افا بدير ما تبيني بدر : بدير بعين عدوج اكبر منج وتقولي بدير غالية : اشفيك بدوري انت كل ماتذكر الزفته هذيك ينقلب حالك ترا انا غالية وافهمك من نظرة عينك هي ترسل لك شي او تكلمك بدر : غلاوي حدج عاد ضحكت معاج اشوف قمتي تتخطين حدودج غالية : بدر انا ملاحظه انك قاعد تصير نسخه مصغره حق فهد ابشر ماتبي اكلمك بمواضيعك خلاص انسى اني سألتك وهي طالعه قالت : تبي نعاملك مثل فهد ابشر وماعطته فرصه يتكلم لأنها بسرعه طلعت وهي طالعه من عند بدر شافت فهد فهد : يابنت غالية : لبيه فهد : عاليه غالية : لا فهد : حبيبتي غلاوي جيبي اختج وتعالي غرفتي بسرعه ياحلوة غاليه تتلفت حواليها : تكلمني فهد : اشفيج حبيبتي غالية : ها فهد : غاليه اشفيج روحي جيبي اختج بسرعه في لكم مفاجأة غالية : من عيوني يا تاج راسي فهد : تسلم عيونج لاتطولون غالية راحت تركض حق اختها عاليه الحقي بسرعه عاليه : اشفيج غالية : فهد يبينا عالية : يبي منو !! انا ؟ غاليه : اي انا وياج بعد عالية : بس انا خايفه غالية : ليش تخافين والله فهد حبيب وطيب بس احنا احيانا مانسمع كلامه فهد دخل غرفتهم : ياسلام عليج اقولج جيبيها واقفه تقرقين غاليه : تونا كنا نبي نطلع فهد : ماعلينا المهم انكم مع بعض عالية : بغيتني فهد : حبيبتي علويه اشفيج خايفه عاليه مرتبكه : لا مو خايفه فهد : المهم ياحلوات البسوا بسرعه نبي نطلع بسرعه غالية : نطلع ؟ منو الي بيطلع فهد : انا وانتو بس واذا بدر بيجي مو مشكله غاليه بفرح : وين نروح فهد : نتغدا برا واوديكم السوق تتشرون اغراض في مناسبه ابيكم تروحونها غاليه : مناسبه شنو فهد : صديقي .. خواته مسوين حفله ابيكم تروحون تستانسون وتتعرفون على خواته غالية : بدو فهد : حضر ناس محترمه ويدخلون القلب وابوهم يحب البداوة بس بناتهم فري غالية : شلون فري يعني ؟؟ فهد : يعني مو محجبات بس محترمات لازم تشترون هديه كبيره وغاليه غاليه : حفله زواج ولا ملكه فهد : لا هاذي ولا هاذي غاليه : اجل حفلة شنو فهد : عيد ميلاد وحده منهم غالية تطالع عالية : عيد ميلاد فهد : اي تبون تروحون او لأ غاليه : كيفك بس بيتهم وين فهد : الحفله في قاعه افراح مو في بيتهم غالية: يعني يبي لنا كشخة كامله مو بس لبس فهد : شوفوا كم تحتاجون وانا موجود ويلا قوموا البسوا تأخرنا ،@،@،@، ام بدر : شلونك يابو رجا محمد : بخير الله يسلمج فهد دخل الغرفه : يبه عن اذنك انا باخذ البنات عندنا شغل ما نطول مشعل : أي هم يبون السوق يبون يتشرون قبل شوي انا مكلمهم فهد : أي يبه يمكن نطول هناك مشعل : خير ان شاء الله بس اهم شي البنات يشترون الللي يبونه فهد : ابشر يبه &&&&**&&&&**&&&&**&&&& توقعاتكم وش ممكن يصير بالحفله ومحمد شنو راح يسوي واذا كان له دور او لا والبنات العنود وش ممكن يصير معاها واذا كانت تقدر تروح الحفله او حالتها راح تتدهور اكثر والجازي والمفاجأة ومشاعل ودمتم بحفظ الرحمن محبتكم ندى الزهر |
بااااااااااااااااااارت راااااااااااائع :dancingmonkeyff8::flowers2::flowers2: ياااااااااااارب :f63::f63: يبقى فهود حليل ومايتغير عزوز :lol: وان شاء الله العنود تكون لعلي :f63: ومحمد ههههه الله يستر من ردة فعل غالية :f63: وبدر الله يصبره :f63: ماادري احساسي يقول ان عزوز والجازي :flowers2: راح يكون بينهم قصة مشكووووووووووووووورة ياعسسسسسسل :55::55::55: ننتظر جديدك بكل شوق :lol: |
تسلم ايدج
وان شاء الله اقراه واعلق |
thanks you , merci , gracias ,choukrane , allah ya3tiiik el 3afiah |
اقتباس:
اشكرج حبيبتي الحلو الاذع على متابعتج يمكن واحتمال يكون كلامج فيه شي من الصحه بس ما اقول غير انتظري ودمتم بحفظ الرحمن اختج ندى الزهر |
اقتباس:
حياج يالغاليه خذي راحتج ودمتم بحفظ الرحمن اختج ندى الزهر |
ouiam حياج يالغليه اتمنى ان تكون الاحداث عجبتج الله يعافيج حبيبتي ودمتم بحفظ الرحمن اختج ندى الزهر |
مرحبا ندى اشلونج حياتي شخبارج يعطيج العافيه وتسلم ايدج وافكارج :55::55::55:يا حلوه البارت حلو والي عجبني اكثر الاخ علي:flowers2: صج انه جريء ووايد بعد :friends:لا الاخ ماخذ راحته على الاخر قاعد على الراحه وطايحله تصوير في البنت على بو انها تعبانه ولا قادره انها تفتح عينها صج الريال لي عشق او حب يسوي اي شي احلا يا بو حسين :friends::flowers2: فهد الله يثبته على خواته ولا ينقلب عليهم مره ثانيه ويتم معاهم جذي على طول انشاء الله قولوا آمين :f63::f63::f63: عزوز الحنون الله يخليه حق خواته ويرزقه بنت الحلال الي تسر خاطره وانشاء الله اتكون الجازي من نصيبه :f63::f63::f63:عشان يتعادلون اهيه وصديقتها كل وحده فيهم حبت اخو الثانيه غلاوي عن التغلي على ولد عمتج لان ما تدرين باجر شنو خاشلج من مفاجئات شكلج بعد ما ياخذج راح تشرقين باسمه يا حلوه :7_5_129: واخيرا اقولج شكرا على البارت العجيب وننتضرج يا حلوه :party0033::party0007::party0033::party0007::party0033: |
اقتباس:
هلا وغلا بـ ام الحلا كله انا بخير جلعج بخير حبيبتي واتمنى تكون الاحداث عجبتج وانتظري الاحداث القادمه ودمتي بحفظ الرحمن اختج ندى الزهر |
thanks nada azzahrana 3endi mouchkila fi alkitaba lakine ana mou3jaba be9isatiq wa atmana enek tastamerine .
oukhtik ouiam :rdd10ut5: |
اقتباس:
هلا بج حبيبتي اسعدني مرورج وتسلمين على ما خطت يدج ودمتي بحفظ الرحمن اختكم ندى الزهر |
ندوي
البارت عجيب مثلج فهد وانا اقول من وين هالحنية طلعت عشان يروحون الحفلة العنود لا ان شاء الله تتشافى علي مو بس يحبها الا يموت عليها بس يكابر وما عجبني انه دزله صورها وصوتها واهي تغني بدر الظاهر انها خذت عقله وخلته يفكر فيها وغيرت حاله لدرجة انه صار قاسي مع خواته او ان فهد الي أثر عليه بس اموت واعرف منو اهي وشلون عرفته غالية شكلها تحب بو رجا بس تكابر سؤال:ليش مسمينه بو رجا لقب ولا امه اسمها رجا ولا كان متزوج وطلق؟؟ عالية شلون علاقتها مع عادل؟؟ اليدة مسكينة عبالها احنا بال1700م بعدين اهي قاعدة بالبيت مو طالعة جذي تقبلي مروري |
اقتباس:
اهلا اهلا شلونج بنوته اشتقنا لج :flowers2: فهد تغير مع خواته صح لكن لان صار شي بينه وبين عزيز بالسيارة قبل لا ينزله عزيز البيت وهو عنده غايه من روحة خواته للحفله ^_^ العنود شوفي شنو راح يصير معاها علي يحبها ويكابر صح لانه مو متوقع انه يحب وهو بالسن هذا بدر : ما تغير على خواته لكن هو كان يفكر فيها شلون عرفت عن عرجته وشلون عرفته ومن هي غاليه : لا تحب ابو رجا ولا شي الا تكرهه كره العما هههههههههههههههههههههههههه وابو رجا اسمه محمد رجا >> يعني اسم ابوه رجا عشان جذي يقولون له ابو رجا عاليه يصير معاها شي هي وعادل وهم السبب فهد بس شلون تابعي بارت القادم الجده والله مافي احلى منها انا عندي منها نمونه تبين والله عسل لما تتكلم لكن انا مو جدتي عندي عماتي >> مو كلهم وخالتي وسلمتي بنوته على مرورج العاطر ودمتي بحفظ الرحمن اختكم بالله ندى الزهر |
مشكورررررة ياقلبي
باااارت رائع وقصتك أروع البروفســــــورة |
اقتباس:
هلا وغلا البروفيسورة مرور رائع تشكري عليه تابعي بقيه الاحداث اختك ندى الزهر |
صراااحة البارت وااايد حلوو .. بس ما شدني الا ابو رجا لما يطلب غالية ويقول انه محيرها له .. واااي اكرهه هالسالفة بليز .. كملي البارت خل اشوف شنو يصير بغالية .. حبي ننتظرج .. |
اقتباس:
تسلمين يا جليع انتظري الاحداث الجايه ولكي فائق احترامي ندى الزهر |
السلام عليكم ورحمه الله وبركاته الى كل من زار هذه الصفحه اهديه اجمل التحايا البارت باذن الله تعالى بعد شوي لما اخلص من مراجعته واسفه على التأخير ومالي غير العذر منكم والسموحه ودمتم بحفظ الرحمن محبتكم نور الدنيا ( ندى الزهر ) |
البارت وصل قراءه ممتعه لكم البارت التاسع مشعل استأذن وطلع برا غرفه امه وطلع الشارع لقى فهد توه بيركب السياره : فهد فهد : سم يبه مشعل طلع بوكه ومد بطاقه البنك ومدها على فهد : هاك خلها معاك فهد : انا معاي الله يخليك لي مشعل : زيادة الخير والرقم السري تعرفه انت فهد : الله لايحرمنا منك ودخل مشعل عند امه قبل لايطلعون غاليه وعالية مرت غرفه جدتها غالية : يبه احنا طالعين مع فهد يقول عازمنا على الغدا برا الجده : من رايح معاكم غالية : انا وعاليه وفهد بنروح السوق اول بعدين نتمشى مشعل : تعالي غالية بنتي يابنتي اشتروا بس الي تحتاجونه عاليه بغباء : هو يقول اشتروا الي تبونه وانا موجود يعني هو راح يدفع مشعل : وان شاء الله بتشترين السوق كله اشتري اللي تبونه بس ومو تدوخون اخوكم غالية : ابشر يبه وطلعوا محمد : خالي راح يطولون برا مشعل : والله الظاهر ليه تبي شي ياولدي محمد : سلامتك ياخالي الجده : رح معهم وسع صدرك محمد : لا يايمه ماودي احرجهم مشعل عارف ان محمد مايبي غالية تطلع وعارف انه وده يروح معاهم عشانها قال : اي والله يا محمد رح وسع صدرك مافي احد غريب معاهم محمد : لا ماودي اضايق البنات مشعل : اي تضايقهم لاتضايقهم ولاشي بس رح وسع خاطرك محمد : انت رايك جذي مشعل : اي محمد : شورك وهدايه الله مشعل : اجل ادق على فهد ودق على فهد : وينك يافهد :....... مشعل : طيب ارجع اخذ بو رجا معاك :...... مشعل : والله طيب مو يطولون :....... مشعل : طيب مع السلامه ولف على محمد : اثاريه راح يمر خويات البنات يجلسو عندهم بعدين يطلعون يقول يوديهم عندهم ويرجع لك محمد : ايوه مو مشكله &*&*&*&*& في السيارة فهد : بنات راح نروح اول لخوات رفيجي تقعدون عند خواته بعدين نطلع للسوق غاليه شهقت : لا من صجك فهد : اشفيك اي من صجي غاليه : شلون نروح واحنا لابسين ملابس البيت ولا تمكيجنا فهد : انا عندي حل لكم غالية : شنو فهد : تروحون السوق تشترون بدلات واوديكم بيت نوره تلبسون وتكشخون واوديكم بس ماتطولين غالية : اي جذي احسن جدام السوق فهد : لكم نص ساعه بس عاليه بغباء : لا انا بشتري اغراض واجد فهد : مو مشكله نروح اول للناس بعدين اوديكم السوق يلا انزلوا مطوله انتي وياها واشتروا بدلات نفس الشي وراحوا لنوره وبسرعه راحوا غرفه لموي ولبسوا وتمكيجوا بسرعه واركبو السيارة فهد : اول تروحون تشترون هديه لازم لان اول مرة تروحون لهم غاليه : مو مشكله هم جم بنت فهد : خواته 2 وحده اصغر منكم ووحده اكبر منكم لكن باعماركم على ما اعتقد انهم جذي لكن في وحده صغيره وهي نفسكم توم بس تومها ولد غاليه : والله وناسه فهد : بس ترا بتشوفون عادات غير عاداتنا وطبايع يمكن اول مرة تشوفونها غاليه : يعني شلون : فهد : يعني هم ناس كل شي عندهم عادي بحدود الادب يعني اول شي ماهم متغشيات ( متغطيات ) ثاني شي هم ما يلبسون نفسكم تنانير ودراريع لا هم بناطيل ووبرمودات بس ابيكم تتعالمون معاهم برقي مو بدفاشه انتي وهي يعني تصرفو عادي لكن ياويل وحده فيكم تنتقد حياتهم او شلون يسوون جذي ابيكم تتعرفون عليهم عادي كانهم متغشيات وكانهم ناس من جماعتنا غاليه مستغربه تصرف فهد عاليه : يعني نفس سارة عبدالله وهي تكلم غاليه فهد : منو هاذي غاليه : معانا وحده مثلهم لكن هذيك تتغصب الدلع اقسم بالله مو لايق عليها فهد :ههههههههههههه غاليه : والله جيكرة واذا جت تتكلم تقلدها بدلع بايخ : ابله السؤال من هو الصحابي او الصحابي هو من فهد انفقع ضحك على طريقه كلامها عاليه متعودة على طنازة غاليه على سارة لانها معاها بنفس الصف كانت كاتبه مسج حق عادل * حبيبي انا طالعه مع فهد * وهي حاطه موبايلها على الصامت لان ما تبي فهد يعصب لان عادل كل دقايق يرسل مسج اول ما ارسلت المسج بعدها بثواني وصلها مسج منه * طالعين ؟ ومع فهد ؟ من وين طالعه الشمس اليوم * عاليه ارسلت * ليش اشفيه فهد عشان ما نطع معاه * عادل : * مافيها شي لكن هذا اللي ماسك علينا عيب وعيب ومايصير والحين .....؟* عاليه * عادل لاحظ انك تتكلم على اخوي وعضيدي * عادل : * والله ؟. وشنو يعني اخوج ؟ ما قلت شي انا * عاليه : * عادل حدك عن اخوي * عادل : * زعلانه علي * عاليه : * أي زعلانه * وما ارسل شي لها وهي تنتظر منه مسج او حتى اتصال وما دق ولا ارسل لها شي حست انها زودتها معاه شوي مهما قال هو زوجها وفهد اخوها طالعة من الشباك : ياليتني ما تكلمت فهد حس ان عاليه ما تكلمت : عاليه عاليه : لبيه فهد : اشفيج ما تسولفين مثل غلاوي عاليه : مافيني شي فهد : شكلج متضايقه تبين اكنسل روحه بيت رفيجي ونطلع نتمشى عاليه : انت كلمت الرجال وامدي خواته ينطرونا فهد : ترا الحفله اليوم لكن انتوا راح تزورون البنات تسلمون عليهم عشان يعرفونكم غاليه : يعني راح نطلع من عندهم على السوق بعدين نروح الصالون بعدين عالحفله فهد : عليج لمبه غاليه : اوكي مو مشكله شافت الطريج طريج مستشفى قالت : فهد انت مريض او تعبان فهد باستغراب : لا ليش غاليه : ما يتهئ لي ان احنا بمواقف المستشفى فهد : اي اخته تعبت شوي من السكر وجابوها امس بالمستشفى غاليه : هذول من صجهم بنتهم بالمستشفى ويسوون حفله فهد : هي ماهي تعبانه حيل لكن يتطمنون عليها غاليه : اها دلع يعني فهد : عليج كهربا دلع غاليه : طيب راح نشتري ورد صح فهد : هاذي ما يبي لها كلام كل وحده فيكم تاخذ بوكيه وانا بعد راح اخذ لها غاليه :انت شكو فهد : عندهم لازم الورد غاليه : ناس طبعهم غريب فهد : مو غريب لكن لانج ما تعودتي عليه غاليه : صح عشان اول مرة اشوف نفس العادة هاذي فهد : انا مو اوديلها الورد بنفسي لكن لازم اوديه لاخوها فهمتي غاليه : اي وانا اقول شنو الطبع هذا طيب يلا انزلو كل وحده تاخذ لها بوكيه وفي محل الزهور عاليه مفهيه في المحل وماهي معاهم فهد قرب منها : حبيبتي علويه عاليه لفت عليه : لبيه فهد : لبيتي بمنى اشفيج حبيبتي في احد مزعلج عاليه : لا بس متضايقه شوي فهد : عادل مزعلج عاليه سكرت عيونها : لا موعادل انا متضايقه شوي من نفسي فهد : لا تتضايقين ترا كل شي بالدنيا ما يستاهل كانوا يتهامسون وهم في وسط المحل وغاليه كانت تكلم راعي المحل عشان تقوله شنو البوكيه اللي تبيه خلصت غاليه وراحت عندهم : عاليه فهد ما خلصتوا انا خلصت فهد : يلا حبيبتي علويه اختاري البوكيه اللي تبينه عاليه : ان شاء الله غاليه : فهد انا اخترت هذا شرايك فهد : والله حلو ذوقج يجنن غاليه غاليه : اكيد ذوقي يجنن لاني اخت فهد وبدر شلون يطلع ذوقي مو حلو فهد ابتسم لها عاليه : فهد انا ابي هذا فهد : اكتبوا على الكرت غاليه : المريضه شنو اسمها فهد : على ما اتوقع العنود غاليه : تتوقع او اكيد فهد مو لازم تكتبين اسمها اكتبوا حمدلله عالسلامه وبس مو لازم اسمها وحاسبوا وكل واحد اخذ باقه الورد اللي شراها ودخلوا المستشفى فهد دق على عزيز فهد : عزيز انا بالمستشفى انتو وينكم اي غرفه فهد : اي اهلي معاي فهد : اوكي يلا باي راحوا الجناح اللي العنود موجوده فيه لقى عزيز عند باب الجناح وسلم عليه وعزيز يرحب فيه كانه مو شايفه سنه عزيز الله والله ريحه البخور عجيبه بس من وين ومشى عزيز ومعاه فهد و البنات واره عزيز في نفسه ياربي ريحه العطر والبخور تزيد ووصل عند غرفة العنود ووقف هو وفهد ودخلوا عاليه وغاليه غاليه : السلام عليكم الجازي كانت موجوده مع ام العنود ومشاعل الجازي : هلا وغلا والله وعليكم السلام حطوا الباقات اللي معاهم وسلموا عليهم وقعدوا على الكراسي اللي يم العنود والجازي قاعده على السرير عند العنود وام العنود ومشاعل على الصوب الثاني الجازي : شخباركم غاليه وعاليه : الحمدلله وغاليه قطت النقاب هي وعاليه مشاعل شهقت : توم غاليه ابتسمت : اي توم مشاعل : انا بعد توم بس تومي ولد غاليه : وناسه عاليه مبتسمه العنود وصل لها مسج ابتسمت منه ولفت على غاليه وعاليه العنود : غاليه لفت عليها غاليه : انا العنود وهاذي صديقتي الجازي وهاذي ماما وهاذي شعوله اختي الصغيرة غاليه : عاشت الاسامي انا غاليه وهاذي اختي عاليه وقعدوا يسولفون عاليه : العنود اخوي قال ان عندكم حفله اليوم عدل العنود : اي عدل عاليه : شلون الحفله وانتي تعبانه العنود ابتسمت : انا مو تعبانه حيل لكن يتطمنون علي لان السكر شوي تعبني غاليه : انتي عندج السكري العنود ابتسمتها ما فارقت محياها : اي من لما انولدت غاليه : الله يكون في عونج بعد نص ساعه دق فهد على غاليه : السلام عليكم غاليه : وعليكم السلام فهد : يلا مشينا عشان يمديكم تخلصون شغلكم غاليه : ابشر فهد : مع السلامه غاليه : في حفظ الرحمن ولما طلعوا كان فهد وعزيز واقفين عند الباب طلعوا البنات مع فهد انصدمت غاليه ان محمد واقف معاهم في خاطرها متى وصل محمد في خاطره بعد يا غاليه متعطره ومتكشخه شغلج عندي هين ودخل الغرفه عندهم عزيز بخاطره اي هاذي نفس الريحه اللي قبل شوي سأل العنود : منو حاط دهن عود ومبخر الغرفه العنود : غاليه لان اختها ما تحط دهن عود تحب العطور الخفيفه عزيز في خاطره أي نفس ريحه العطر واسمها غاليه بعد عزيز : شنو اسامي خواته عنود : غاليه وعاليه عاليه متزوجه وغاليه ما أظن عزيز : كل هذا عرفتوه فاتحين تحقيق وهم بالسيارة فهد : ها بنات شنو صار معاكم غاليه : والله ناس محترمه فهد : عاليه شرايج فيهم عاليه كانت سرحانه مو معاهم فهد بصوت اعلى :عاليه عاليه : لبيه فهد : لبيتي بمنى وين كنت سرحانه عاليه : ولا شي معاكم فهد : طيب شرايج بالناس عاليه : ناس محترمه فهد :هههههههههههه عاليه : اشفيك غاليه : اشفيك فهد : لان غاليه قالت نفس الكلام قبلج دقايق وانتي كنتي سرحانه عاليه : هههههههههه ما دريت فهد : بنات وين تبون السوق غاليه : لازم نشتري بدلت حفله وهاذي راح تكلف عليك فهد : اشتروا اللي في خاطركم كله وانا اللي بحاسب ما عليكم بالسعر اشتروا الي يعجبكم عاليه : لا غاليه لا تشترين غالي غاليه : ليش عاليه : انتي ما سمعتي ابوي شنو قال غاليه : طيب ان شاء الله فهد : شنو قال ابوي عاليه : قال لا تكثرون على فهد ولا تزعجونه فهد : يا جعله ذخر اشتروا اللي انتو تبونه عاليه : انا عن نفسي راح اشتري اللي يعجبني محمد : واحسبوا حسابكم ما راح تطولون يعني لكم ساعه بس فهد يبي يضحك بس ما يقدر : سمعتوا ساعه بس غاليه بإعتراض : ساعه ما تكفي محمد : ليه ناويه تنامين بالسوق يا غاليه غاليه :انا اكلم اخوي محمد مالك شغل فهد : غاليه بس عاد انتي ومحمد كنكم بزارين غاليه : شوفه فهد يقول ساعه ساعه ماراح اخلص شي محمد : خلصتي ولا ما خلصتي مو شغلي ساعه وراح تطلعون من المجمع غاليه وهي عارفه انه ما يثني كلمته : تكفون والله ما تكفي محمد : انا قلت ساعه وبعدين تعالي انت وعاليه يوم انكم متعطرات ومتكشخات ليه رايحن حفله ولا مستانسه على عمرج انتي وهي غاليه : ناس اول مرة نشوفهم محمد : يا سلام ماشاء الله تبارك الله هذا اللي فلحات فيه انتي وهي غاليه : محمد شنو على كيفك نمشي وانا ما ادري محمد : سكري الموضوع وانزلي انتي وهي وخلي عنج كثر السوالف غاليه نزلت مقهورة وعاليه بالها مشغول بموبايلها فهد نزل هو ومحمد محمد يمشي و وراه البنات فهد انتبه لعاليه سرحانه وان غاليه ماسكه يدها ويمشوون مع بعض فهد رجع عندهم ومسك ايد عاليه : علويه عاليه : سم فهد : سم الله عدوج اشفيج حبيبتي عاليه : ابد ولا شي فهد : عاليه اذا انتي زعلانه من عادل او هو زعلان منج علميني عشان اتصرف معاه عاليه : انا مو زعلانه بس فهد : بس شنو ؟ عاليه : ولا شي غاليه قالت : فهد انا بدش المحل هذا فهد : طيب طيب ولف على عاليه: بس ابيج تعرفين ان انا لج بالدنيا وما ارضى احد يزعلج منو ما كان لو كنت انا عاليه في نفسها وعادل يتطنز عليك وانت عضيدي : الله يخليك لي وخنقتها العبره وما قدرت تكمل فهد : عاليه والله لتقولين اشفيج عاليه بكت : مافيني شي ابي اروح السيارة ممكن فهد : طيب ولف على محمد : يا بورجا محمد : سم فهد : الله يخليك انا بروح السيارة عاليه تعبانه شوي خلك مع غاليه محمد : ابشر ومسك يد عاليه لين السيارة وعاليه تبكي من حنان فهد بعد ماكان مثل الحجر ركبت عاليه السيارة وفهد ركب فهد : عاليه انتي متهاوشه مع عادل عاليه : مو متهاوشه لكن هو زعل مني فهد : ليه شنو مسويه عاليه : عشانك فهد : انا وش دخلني عاليه قالت اللي صار لفهد فهد قام يضحك :هههههههههههههههههه عاليه : ليه تضحك فهد من بين ضحكاته : هو معاه حق عاليه مستغربه : شلون فهد : يعني رجال متهاوش انا وياه عشان مثل هالسوالف والحين انا مطلعكم ومشيكم اكيد راح يستغرب عاليه : يستغرب لكن ما يتكلم عليك فهد : عاليه انا احبك و اخوك وصدقيني ان مافي شي يستاهل بالدنيا انج تضيعين من يدك واحد مثل عادل عادل يحبك ويموت عليك لا تخليني عثرة بطريقكم عاليه ابتسمت : شكرا فهد : على شنو عاليه : لانك تكلمت وياي لاني كنت متضايقه موت وما ادري شنو اسوي فهد : يعني لو اقولج شي تسوينه عاليه : اكيد انت اخوي وتعرف مصلحتي فهد : ارسلي له رساله وتأسفي منه عاليه : لا والله الحين انا الي زعلانه واروح اراضيه فهد : والله اجل خلك زعلانه عليه لين يدور حرمه غيرك تدور على رضاه عاليه : لا والله عدولي يحبني انا فهد ضحك : عدولي هاه عاليه : مو قصدي فهد : ولا قصدك ولا مو قصدك يالله ارسلي له رساله عاليه : لا مابي بعدين كل مره يبي انا اراضيه فهد : والله انتو طواله يالحريم طيب امري لله انا بدق عليه اكلمه عاليه : أي يكون احسن فهد دق على عادل : السلام عليكم يالشيخ عادل عادل : وعليكم السلام والرحمه والاكرام فهد : كيف الحال يالنسيب عادل : بخير الله يسلمك فهد : وينك عن الدوانيه من زمان مو شايفك عادل : بالدنيا فهد وهو يطالع بعاليه : عدولي انت وين عادل : طالع ليش فهد : عندي وحده ازعجتني تقول خلوا حبيبي عدولي يجي ياخذني من السوق ابي اشتري على ذوقه عادل : عاليه فهد : أي علويه عادل : مو فاضي الحين فهد نزل من السيارة فهد : عادل اشفيك هي قالت لي اللي صار وصدقني انا عارف رايك بالموضوع لان اول مرة تسمع عني اني اطلع معاهم عادل : بس تزعل بدون سبب وتبي انا اراضيها وين قاعدين ترا من تغلا تخلا فهد : السموحه يا عادل والله انا عارف اني اتدخل فيكم لكن انا تدخلت لانها بكت احنا بالسوق وصدقني انها متضايقه حيل وتعبانه عادل : اسم الله عليها لا تقول عليها جذي فهد بخبث : أي والله انها تعبانه منك تقول انا ما سويت شي عشان يزعل وهي صاجه ما تبيها تدافع عني وانا اخوها عادل : فهد انتو وين فهد : احنا بسوق ....... عادل : زين هي يمك فهد : لا بس الحين اروح السيارة انا نزلت منها عشان اكلمك عادل : بسرعه فهد فهد : طيب يا روميو وعطاها الموبايل ونزل من السيارة عاليه : عادل عادل : ياروح عادل عاليه : اسفه عادل عادل : ياروحي انتي لا تتأسفين انتي روحي ومافي احد يزعل من روحه عادل: احبك عاليه عاليه: عادل بس انا بالسوق عادل: وشنو يعني لو بالسوق انا احبك لو انتي بالخباز عاليه :ههههههه خباز عادل : اضحكي يا امل عمري عاليه : عدولي عادل : لبيه امري تدللي عاليه : انت زعلان علي او ماخذ بخاطرك مني عادل : ليش انتي شنو قلتي عاليه : يعني مو زعلان مني عادل : اشفيج خبل انا ازعل من ولا شي عاليه : احبك عادل : ما سمعتج كرريها عاليه : احبك عادل : انتحر تبيني انتحر عاليه : اسم الله عليك عادل : تخافين علي عاليه : اذا ما اخاف عليك اخاف على منو عادل : لا انتي تبين تخدريني عشان ادخل بالشاحنة اللي جدامي عاليه : عدول والله ازعل تقول الكلام هذا انت تخوفني عادل : كلش ولا تزعلين علي عاليه : طيب عادل : عاليه عاليه : لبيه عادل : قولي احبك عاليه : بس عادل عادل : طيب ابي اسمعها مو زوجتي ابي اسمعها عاليه : احبك افتح الباب عليها فجأة وهي خافت عادل : ابي اسمعها الحين عاليه : ههههههههههههه عادل خوفتني عادل : يلا قوليها عاليه نزلت راسها : مابي عادل : حلفت غير تقولينها عاليه وهي منزله راسها : احبك عادل : ياروحي انتي ركب مكان فهد وطفا لسيارة واخذ المفتاح معاه : يلا عاليه انزلي عاليه : وين عادل : نبي ننزل عندهم عاليه : طيب ان شاء الله ونزلوا وراحو حق فهد ومحمد وغاليه اللي ميته قهر &&&&&&&&&&&&&&& عند باب المحل اللي فهد ترك محمد وغاليه فيه طلعت غاليه لقت محمد : وينهم محمد : راحوا غاليه : وين محمد : فهد قال ابقى معاج عاليه تبي فهد بموضوع غاليه : وليش ما خذوني معاهم محمد : انا معاج غاليه : وانا شدخلني فيك محمد : غاليه غاليه : خير محمد : ترا لسانج طال وانا ما احب طواله السان ابد لا تقولين بالسوق ما اقدر عليج انا بورجا وصدقني لو بتعانديني تخسرين غاليه : انا بفهم شنو تبي مني محمد : ابيج انتي وصدقني انا اللي بربيج عدل وعلى ايدي غاليه : خير انت تربيني انا متربيه من قبل لا اشوفك محمد : شوفي هذا ثاني تحذير لج عن طواله السان لكن صدقني الثالث كف وربي ما اكررها غاليه : شتبي انت انا اكرهك محمد : تكرهيني غاليه : أي وما احبك خير شر محمد : يصير خير لما تصيرين زوجتي اعلمج الكره شلون صاير غاليه : ما سمعت انا اتزوجك انت محمد : ليه ما تتزوجيني اشفيني غاليه : جنك البخت ما فيك شي لكن انا مابي اتزوج محمد: احنا رجال وما تمشي علينا كلمه حرمه غاليه : وانا ابوي ما عايفني عشان يزوجني لواحد مثلك محمد عطاها كف جدام الناس كلها : هاذي الثالثه غاليه ما بكت بس تكلمت بقهر : مو غاليه اللي تطقها يا بو رجا محمد : انا حذرتك لكن انتي عنيده وشكلك راح اتعبيني معاج غاليه : انت منو اصلا عشان تعطيني كف محمد : انا ابو رجا غاليه : و خير يا طير محمد : شوفي ويمين بالله انطقي بكلمه وحده ما تعجبني والله اجرك مع شعرك جدام الناس عشان تعرفين منو ابو رجا غاليه : ان شاء الله محمد : امشي جدامي اشتري لك ولعاليه معاج غاليه : ان شاء الله محمد : وباقي لج نص ساعه لانج هذره راح نص ساعه وانتي واقفه تهذرين غاليه مقهورة منه : طيب قلنا طيب محمد امشي جدامها وهو فرحان انه قدر انه يسكتها ويمشيها مثل ما هو يبي غاليه في خاطرها والله انت عارف اني ما اقدر اقول لابوي لاني انا الغلطانه لكن زواج ما راح اتزوجك غاليه : يابو رجا محمد : سمي غاليه في خاطرها سمك ربي : سم الله عدوك ابي ادخل المحل هذا محمد : طيب ادخليه ومشى وراها غاليه : وين ان شاء الله محمد : معاج اجل تبين تدخلينه بروحك غاليه : محل حريم محمد : واللي يبيع مو رجال غاليه : بلا رجال محمد : تبين تدخليبنه او لا خلصيني غاليه :اوووووف محمد بصرخه خفيفه : غاليه غاليه : طيب طيب يلا ندخل ومحمد داخل المحل لابد من هذا مو حلو. هذا ما يناسبج . عشان يقهرها شرت غاليه فستان راقي وبسيط اسود لي الركبه العلاق على الرقبه والظهر مفتوح بلاسيه وعند الصدر ورده حمرا ونفس الفستان حق عاليه محمد : غلويه غاليه : خير غلويه اصغر عيالك اسمي غاليه محمد : انا ادلعج اللي انا ابيه مو كيفج يلا مشينا غاليه : ما شريت اكسسوارات محمد : مو شغلي انا قلت ساعه والساعه خلصت غاليه : يا بو رجا محمد : نعم غاليه : طالبتك قل تم محمد : تم غاليه : ابي بس نص ساعه الله يوفقك محمد : والله بس عشان قلت تم ولا محد يثني لي كلمه غاليه : الله يسلمك هذا العشم فيك محمد : امشي وخلي عنك الهذرة الزايده ترا بس نص ساعه جاهم فهد : يابو رجا محمد : سم فهد : ما خلصت غاليه محمد : لا الا وين عاليه فهد : جاها زوجها خليتهم وجيت لكم لو اخليكم وقت اكثر اجيكم القاكم ماسكين شوش بعض محمد : اختك عنيده وبعد كم مناقشه بين فهد ومحمد وشراء غاليه اغراضها هي وعاليه وصلهم عادل وعاليه غاليه : تو الناس مدام عاليه عاليه : ما شريت شي ابي اشتري غاليه : لا والله كان ريحتي عمرج عاليه : غاليه خلاص بس غاليه : شريت لج مثلي ماله داعي اتعبين عمرج عادل : مشكورة غلاوي غاليه : العفو ولو محمد قرب من غاليه وبهمس قالها : غلاوي هاه شغلج عندي صدقيني اطلع كل هذا من عيونج غاليه : هين يا بو رجا محمد : اصبري بس عادل : اجل انا باخذ عاليه معاي اوديها البيت فهد : توكل على الله . الله يحفظكم . عادل : فمان الله الكل باصوات متفرقه : فمان الكريم غاليه لعاليه : لا تطولين عشان نروح الصالون عاليه : ان شاء الله عادل : انا اوديها نتغدا و اوديها الصالون عاليه : لا عشان ابي اروح مع غاليه عادل : راح نمر غاليه ناخذها معانا غاليه : خلاص اوكي فهد : اوكي مو مشكله محمد معصب ما تكلم وطلعوا من السوق راحت غاليه مع فهد ومحمد البيت وعادل اخذ عاليه معاها اغراضها عند العنود وخروجها من المستشفى كان فرحه لها لانها تكرهه على طول الصالون عند العنود و الجازي ومشاعل في الصالون مشاعل : لاروسا عطيها هديتها العنود : هاذي هي الهديه مس بلو الجازي : واو بيرفكت يعني انا وياج توينز الليله العنود : بكل شي حتى الميك اب والشعر الجازي : ثانكس لاروسا العنود : اهم شي عجبتج الجازي : اكيد اعجبتني العنود : يلا علشان نخلص بسرعه وابعدوا عن مشاعل الجازي : بس اهم شي جبتي كامرتج الخاصه عشان استهبالنا على شعوله لما تشوف هديتنا لها والسيدي وينه العنود : لأ . عفيه مس بلو خلصي كشختج وروحي غرفتي ييبي الكاميرا و الهديه لأن لو انا رحت راح تكشفنا شع شع الجازي : اوكي لاروسا الساعه ٥ المغرب خلصت الجازي واستأذنت وطلعت وهي بالطريج تسولف مع علي الجازي : بابا علي علي : هلا ياروح بابا الجازي : شفت الهديه الي يابتها لاروسا علي : لأ الجازي : يابت لي فستان حق الحفله نفس فستانها واكسسوارات نفسها عشان نكون توينز بالحفله علي : والله الجازي : اي وربي علي : عيل لازم تردين لها الهديه بهديه اغلى منها الجازي : صج بابا علي : اي صج ياروح بابا الجازي : اوكي بابا ودني بيتهم عشان اييب من غرفتها اغراضنا علي : اوكي بس اغراض شنو الجازي : احنا لشعوله هديه علي : اها اوكي جدام بيت العنود علي : لاتطولين الجازي : اوكي فوق في غرفة لاروسا بعد ما اخذت الكاميرا وهي طالعه تمشي في الممر ( السيب . الليوان . الكاريدور ) ماتدري الا باللي حاوط رقبتها بذراعه وهمس بإذنها : يا اجمل لاروسا بالدنيا والله قمر شعرج احلى مع القصه الجازي كانت ميته خوف ماتدري منو هو او من الخوف ضيعت كل المعلومات الي في بالها ولامت حالها ليش تقط الملفع في بيتهم الي كان ضامها طبع بوسه على خدها ولفها له وانصدم عزيز ان الي واقفه مو العنود وخر ايده بسرعه واعتذر وطلع لان ماله وجه يطالع فيها الجازي نزلت بسرعه ومعاها اغراضهم علي بالسياره : ليش طولتي الجازي : ولاشي بس يبت الأغراض وييت علي : اوكي عزيز بسيارته : اشفيك عزير هد بالك انت ماكنت تدري .. بس والله جميله .. أنت أمداك تقزها .. هاذي مس بلو بس عليها شعر ما شاء الله عليها كل هالزين كان تحت الملفع .. اشفيني اليوم مو قادر اتحكم بنفسي الصبح ام عيون جذابه وريحه الدهن عود الي حاطته سلبت عقلي والحين الجازي وشعرها وين القى وحده فيها كل المواصفات هاذي بسي من التفكير خل ادق على فهد اخليه يمرني مع ولد عمته ابو رجا واجتمعوا فهد وعزيز ومحمد بدوانيه فهد في نفس الوقت لكن في مكان هادي كان قاعد في غرفته على الاب توب من ذاك الوقت ما كتب من الخواطر والاشعار شي لان عنده فضول يعرف منو هي اللي تعرف عنه كل شي فتح خانه ارسال رساله وارسل لها رساله ما فيها غير كلمتين من انتي ؟! وجلس يفكر وينتظر منها الرد بعد ما رجعوا عادل وعاليه وغاليه من الصالون الساعه 5 ونص دخلوا الصاله وقطوا ملافعهم عند جدتهم بس ما قطوا عباياتهم عشان المشلكه اللي راح تسويها لهم جدتهم لو شافت ملابسهم الجده : ماشاء الله تبارك الله يا ام بدر تعالي ام بدر : هلا عمتي الجده : اقري على بناتك قبل لا يروحون والله ان راحوا العرس جذي راح يرجعون قرعان ما عليهم شعره غاليه : جدتي والله شعري قصير ما يسوي مو مثل شعور بنات عماتي وخالاتي اللي يوصل ساقها الجده : هذا يوم اني اقول لكم قبل لا تقصصنه حلات البنت بشعرها ما تصدقوني حسبالكم اني امزح نعكم ام بدر : وهي تقرا على بناتها المعوذات وايه الكرسي عاليه : انا بالنسبه لي ما احب الشعر الطويل وبالنسبه لي شعري طويل حيل مو كفايه انه يوصل فوق ركبتي بالنسبه لي اتعب وانا امشطه الجده : يا كثر ما فيس نسبتج خلي عنج بالنسبه واقري على نفسج عاليه : جدتي ليش انتي تحطميني الجده : ما احطمج بس انتي طول السالفه وانتي بالنسه لي وبالنسه لي وبعدين اهرجي مثل الناس عاليه : ابشري بهرج مثل الناس اصلا انا بس اتزوج راح اقصه لين اهني . وهي تأشر على رقبتها الجده : قصيه عشان اقص رقبتج وراه ليه ولد انتي وانا مدري ام بدر: عاليه خلي سوالف البزران عنج الجده : غاليه غاليه : لبيه يا جدتي الجده : اذا اعرستي راح تقصين شعرج مثل اختج غاليه : الله لا يقوله انا ما صدقت يوصل لين ركبتي اروح اقصه الجده : ايه يمه والله حلات البيت بشعرها غاليه : اصلا انا قررت ما عاد يطبه مقص الجده : والله انج الشيخه وان سوالفج تجيب العافيه مب مثل اختج اللي سوالفها ترفع الضغط غاليه كنها تذكرت شي : يمه لا تنسين تنقعين الحنه بالليل عشان باجر احط لنفسي ام بدر : طيب اذا قمت الفجر انقعها لج غاليه : الله لا يحرمني منكم لا انتي ولا جدتي ولا ابوي ولا اخواني ونورة وعيالها عاليه : ما بقا احد غاليه : بلا بقى انتي عاليه : يا خايسه ما تحبيني .؟ غاليه : لا ما احبج انتي ترفعين ضغط جدتي وانا ما احب اللي جدتي ما تحبهم عاليه لفت على جدتها : ما تحبيني جدتي الجده : من قال انا احبكم كلكم واحب بدر قبلكم عاليه : الله اكبر عليج الا تجيبين بدر بالسالفه الجده : خلي عنج كثر السوالف وروحي ازهمي لي بدر ما شفته من الغدا عاليه : ليش ما تغدا الجده : تغدا معانا لكن من بعدها ما شفته عاليه : طيب ابشري عاليه راحت لبدر بغرفته وطقت الباب بدر : منو عاليه : انا بدر : تعالي عاليه : بدر جدتي تبيك مشتاقه لك تقول من الغدا ما شفته بدر : ابشري الحين انزل لها الله لا يحرمني منها وطلعت عاليه من غرفتها وراحت غرفه فهد تدوره ما لقته دقت عليه فهد : هلا عاليه : فهد السلام عليكم فهد : وعليكم السلام عاليه : ترا احنا جاهزين وخالصين ننطرك فهد : طيب دقيقه ونزل الموبايل وكلم عزيز فهد : عزيز : حفلتكم متى تبدأ عزيز : مو الحين لكن ود اهلك خلهم يقعدون مع اهلي يستانسون فهد : قولك جذي عزيز : أي احسن هم بنات يعرفون لبعض فهد : اوكي ليش لا ورفع الموبايل على اذنه : اجهزوا بس ادق عليج تطلعين لسيارتي عاليه : ان شاء الله نزلت عند جدتها : غاليه يلا فهد يقول بسرعه ولبسوا نقاباتهم ووقفوا عند الباب ودق عليهم فهد وركبوا سيارته وعزيز كان بسيارته ومعاه محمد عشان يروحون يوصلون البنات القاعه ويروحون ياخذون مشعل ويطلعون يتمشون عزيز بالطريج يكلم العنود : ها حبيبتي خلصتوا الساعه صارت 6 ونص العنود : أي خلصنا احنا الحين رايحين القاعه عشان نكون هناك لان ماما دقت تقول لازم نكون هناك اول الناس عزيز : وهي صاجه كلامها صح بعدين خوات رفيجي فهد ياين لكم بالطريج العنود : الله وناسه راح نكون بروحنا اول الناس احنا والتوم عزيز : عدل العنود : متى يوصولن احنا الحين جدام القاعه عزيز : احنا بالطريج بس اول ما اوصل اطلعي لي ابي اشوف كشختج اول الناس العنود : اوكي اول ما توصل دق علي عزيز : شعوله يمج العنود : أي يمي عزيز : عطيها الموبايل ابي اكلمها مشاعل : هلا اغلى اخ بالدنيا عزيز : هلا وغلا اغلى جعده بالدنيا مشاعل : شلونك حبيبي عزيز : بخير انتي شلونج فرحانه مشاعل : اكيد بكون فرحانه اذا انت اخوي عزيز : ان شاء الله دوم تكونين فرحانه مشاعل : الله لا يحرمني منك يا الغالي عزيز : ولا منج بس لا تنسين انا جايكم بالطريج اول ما اوصل اطلعوا ابي اشوف كشختكم انتي والعنود مشاعل : اوكي أي اوامر ثانيه سيدي عزيز : ان شاء تستانسين اليوم بعد الحفله لكم مفاجأة ثانيه غير اللي راح تلقينها بالقاعه مشاعل : واو في غير الحفله عزيز : اكيد طول ما انتي دلوعتي راح تكونين مبسوطه وتاخذين كل اللي انتي تبينه مشاعل : الله لا يحرمني منك عزيز : يلا انا بسكر و بس اوصل ادق عليكم باي حياتي مشاعل : باي يا روحي محمد على راسه اكبر علامه استفهام ما يعرف عنه شي غير انه صديق فهد والمكالمة هاذي شغلت فضول محمد وصلوا ودق عزيز على العنود : انزلو انا بالسيارة طبعا لان العنود ومشاعل مو متحجبات ما راح يتغطون يطلعون له بملابسهم لانه شي عادي عندهم فهد واقف مع محمد وعاليه وغاليه وعزيز واقف يمهم ولما وصلوا العنود ومشاعل كانت معاهم لورا محمد اول ما شاف البنات نزل عينه عنهم حتى فهد لكن فهد شاف مشاعل وعرفها لانه شافها قبل فهد فهد في خاطره : والله انها انثى بمعنى الكلمه بس والله طبايعهم ما تجوز لي يعني شلون طالعه وجسمها مبين محمد : لا اله الا الله هذول بنات او شنو ؟ يا الله ساعدني ابي اعرف شلون عادي عند اخوهم يا ربي عزيز سلم عليهم وباس شعوله على جبهتها : كل عام وانتي بخير شعوله مشاعل : وانت بخير وصحه وسلامه الله يخليك لي يالغالي عزيز : شعوله الهديه الحمرا لج والورديه حق لاروسا مشاعل : ثانكس عزيز : ولكم العنود : مشكور عزيز عزيز : ولكم مدام لورا اخذي الهديا كاهم بسيارتي لورا : حاضر استاز عبد العزيز عزيز : يلا بنات اخذوا البنات وادخلوا داخل فهد : عاليه خلي جوالج مفتوح ابي ادز لج مسج بس لحد يقراه غيرج عاليه : ابشر فهد : يلا دشوا محمد : غاليه ديري بالج على نفسج غاليه : خير ان شاء الله محمد : غاليه انا احبج غاليه : بلمت ما تدري شنو صاير محمد يقول احبج نزلت راسها وما تكلمت بس مشت مع البنات داخل القاعه العنود ومشاعل تعرفوا على التوم عدل بالحفله وفي اثناء الحفلة اللي يقدم الدي جي اسمه ناصر : مساء الفل على الموجودين واحلى تحيه لاميره الحفل مشاعل وكل عام وانتي بخير حبيت ابلغج ان لج هديه عندنا لكن من منو او شنو هي انتظري الساعه 11 ونص راح تعرفين من منو و شنو هي الجازي : ياي لج هديه من ورانا مشاعل : واو هديه بس من منو يا ترا العنود : يمكن عزوز مشاعل : يمكن ليش لا غاليه : مشاعل متأكده من عزوز اخوج وتغمز لها مشاعل : اذا مو منه اكيد من بابا او ماما او احد غالي علي غاليه : غالي هاه ههههههههههههه العنود : شفتي اختي عندها غوالي ههههههههههههههه مشاعل : لا تعكرون مزاجي بالسوالف هاذي انا راعيه السوالف هاذي انا تربيه عزيز غاليه : كفو كفو الساعه 11 الجازي شغلت الكاميرا وعطتها لورا عشان تصور مشاعل بالفتره هاذي مشاعل : ياي ابي اعرف شنو الهديه ومن منو العنود : لا تستعجلين على رزقج مشاعل : مافيني صبر مقدم الحفل ناصر : الحين الساعه 11 وعشر دقايق واكيد الانسه مشاعل تبي تعرف شنو الهديه ومن ومنو مشاعل : أي اكيد ناصر : ادري وعارف انج تنتظرين الساعه 11 ونص بفارغ الصبر الحين اخر اغنيه قبل الهديه واصحابها مشاعل : لا في بعد اغنيه قبل لا يقول غاليه : عشان التشويق مشاعل : ماعاد عندي صبر عاليه : طيب قوموا نرقص الاغنيه هاذي عشان يروح الوقت مشاعل : فكرتج حلوة وراحوا يرقصون مع بعض ومع صديقاتهم وبنات عماتهم وبنات خالاتهم وصديقاتهم وعند بدر في نفس غرفته على نفس الاب توب مالقى رد منها من المغرب وما شبكت غلا دنياي فتح موضوع جديد وكتب بعنوان * المفارق * >> من قصائدي الصدر ضايق وفكري واصل حده عانيت من كثر ما فارقت خلاني أكابر بدمعي وسط العين منحده ودي ولكن دموعي دوم تعصاني نوبه تلاقي دموع العين منهده لا ضاع قلبي مابين آهاتي وأحزاني ونوبه حبست دموع العين ولا بده لاصار همي مابين أغراب وعدواني مليت كثر المفارق لعنبو جده أعالج الجرح الأول يلحقه ثاني عزي لقلبي ياوين بيلقى سنده لاطاح لابه سنيد ولابه أحضاني يالله يالمرتجى ياكافلن عبده ترحم خفوقي وتغفر زلة لساني يالله إن طحت أنا من قوة الشده أنت السنيد القوي عظيم الشاني &*&* اهلكني كثر التفكير *&*& ( هاذي من قصائد اغلى صديقاتي واشكرها عليها ) فهد : ياربي ارسل لعاليه الرساله او لا لا عيب شنو تقول عني بعدين تقول اخوي صاير مراهق احسن شي اروح لابوي اقوله ابي اتزوج راح لغرفه ابوه وطق الباب ابوه بصوت جهوري : تعال يا فهد فهد : السلام عليكم مشعل : وعليكم السلام فهد : ابتسم شدراك اني فهد يبه مشعل : من طقه الباب فهد : شلون مشعل : البنات يدخلون ما يطقون الباب او اذا طقوه تسمع اصواتهم من تدخل قبل الثانيه اما بدر يطق الباب ثلاث طقات ورا بعض وما يطق غيرها اما انت تطق الباب اربع طقات كل طقتين مع بعض بسرعه فهد : اها عشان جذي عرفتني مشعل : اكيد اجل شلون ماعرفكم وانتوا عيالي فهد : الله يخليك لنا مشعل : ولا يحرمني منك انت العود واول فرحتي غهد : يبه راضي عني مشعل : أي اللي شفته منك اليوم خلاني اعرف انك تغيرت فهد : الله يدومك ذخر يارب مشعل : وترا تصرفك مع عاليه وزوجها عجبني اليوم خلاني اتأكد انك تغيرت فهد : وصلك خبر مشعل : أي عادل يقول والله انه تغير حيل ولا كنه فهد اللي قبل كم اسبوع فهد: اهم شي رضاك علي يبه مشعل : الله يرضا عليك يا بو مشعل فهد : على طاري ابو مشعل ابيك تخطب لي يبه مشعل : هاذي الساعه المباركه في بالك بنت او تبي ام بدر تدور لك مره فهد : لا البنت جاهزه لكن في شي مشعل : شنو يا ولدي قول اللي عندك فهد : يبه البنت مو من اهلنا مشعل : اجل .؟ فهد : اخت واحد من اخوياي مشعل : الله يقدم اللي فيه الخير بنت منو فهد : بنت فارس الفارس مشعل : صاحب مؤسسه الفارس فهد : أي نعم يبه قالها وهو خايف من ردة فعل ابوه من العايله لانهم حضر مشعل : بس هذول حضر واعتقد ان بنتهم مو متغطيه ولهم عادات غير عن عاداتنا فهد : اذا على العادات تتغير مع الايام لا عاشت معاي واذا على الغطا مو مشكله البنت اللي انا ابيها الحين صغيره لا تزوجتها انا اخليها تتغطا بس مو بالقوة مشعل يشوف بعين فهد لمعه فرح وخوف وتردد مشعل : طيب اذا تزوجتها وقالت ما تتغطا شنو ردة فعلك فهد : يبه كل شي بالطيب حلو انا اكلمها وارغبها فيه وما اعتقد انها بترفض مشعل : جم عمرها ؟ فهد : اليوم كملت 16 مشعل : اليوم شكلك تعرف متى انولدت ؟ انت عاشق فهد ابتسم : لا يبه بس هم يحتفلون بعيد الميلاد واليوم ميلادها مشعل : طيب الله يقدم الي فيه الخير انت صل استخاره والله يسر الامر ان كان فيه لكم خير ويرده عنك ان كان فيه مضره لكم فهد : يبه يعني اكلم خويي نروح لهم بعد اسبوع مشعل : كلمه باجر قوله الاسبوع الجاي بزورهم في بيتهم فهد : الله يخليك لي يا يبه مشعل : رح جب خواتك ما جنهم طولوا فهد : ان شاء الله بس خلهم يستانسون شوي مشعل : خير ان شاء الله طلع من غرفه ابوه وهو طاير من الفرحه لقى في وجهه ام بدر تبي تدخل الغرفه فهد : يمه ام بدر : هلا يا وليدي فهد : ماباركتي لي ام بدر : مبروك بس شنو ؟. فهد : ابي اخطب ام بدر : الف الف مبروك الله يبارك لك يا وليدي والله انك فرحتني فهد : الله يدوم الفرح عليج وباس راسها ام بدر : الله يرزقك بالذريه الصالحه يا وليدي فهد من قلب : امييييييييييييين ام بدر :هههههههههه متوله على العيال فهد : أي والله اتمنى يكون عندي ولد يركض يقول بابا تعال شوف جده ما تعطيني حلاو ام بدر : هههههههه الله يقطع ابليسك عليك سوالف فهد : يجي يركض عندج يقول : جده جده شوفي بابا يطقني بالعصا عشان اطلع بالشارع واجي انا معصب معاي العصا مشيعل وينك وهو ورا ظهرك يقول : انا مو هني ام بدر ميته ضحك على سوالفه باس راسها وايدها : تصبحين على خير يا جده عيالي ام بدر : وانت من اهله يا احلى ابو فهد : يا حلو هالكلمه بس قولي ان شاء الله البنت توافق ام بدر : من هي اللي ما توافق وانت شيخ الشباب فهد : يلا بالاذن ام بدر : فهد : مو كأن البنات تأخروا فهد : حفله بنات خليهم يستانسون ام بدر : الله يخليك لهم فهد : يلا بالاذن يمه في قاعه الاحتفالات مقدم الحفل ناصر : صارت الساعه 11 ونص وانا وعدتج الساعه 11 ونص في مفاجأه لج انستي مشاعل ركزي على شاشه العرض الموجوده عندكم وكل الحضور لفوا على شاشه العرض ينتظرون المفاجأة انطفت الاضواء والليزر على مشاعل العنود في وسط شاشه العرض : كل عام وانتي بالف خير يا اغلى اخت بالدنيا وبعدها الكاميرا على مشعل : كل عام واحنا بخير يا احلى توم بالدنيا واللي كان يصور لف على فارس : كل عام وانتي بخير يا دلوعتي الحلوة ولف الكاميرا على ام مشعل : كل عام وانتي سالمه ياروح امج ولف عزيز الكاميرا على نفسه : وما بقا الا انا وانا اقولج كل عام وانتي بالف خير يا احلى شعله بالدنيا الكاميرا رجعت على العنود ومشعل اللي قاعدين يم بعض العنود : شوفي شعولتي انا جمعت كل صوره لج في البيت وكل مقطع فيديو مصورينه لج وفي مقاطع ما تدرين عنها صورناها لج انا وعزيز ومشعل عشان تشوفين شلون انتي اغلى وحده بالبيت هذا لف عزيز الكاميرا على نفسه : طبعا كله من اشرافي انا هاه لا تنسين او يكونن في خاطرج ان لاروسا هي اللي مسويه الفكره هي مجرد مشاكره بالافكار بدت الصور تنعرض على الشاشه ومشاعل تضحك على الصور اللي مصورينها لها وهي ما تدري شلون كانت عفويه ومقالب كانت تموت من الضحك ومقاطع الفيديو لها هي والعايله كلها مشاعل في مقاطع دمعتها نزلت لما شافتها وفي مقاطع كانت تضحك بعد ساعه الا ربع الجازي تكلم لورا : طفي التسجيل ووديه لناصر برا لورا : حاضر مقدم الحفل ناصر : انسه مشاعل والحين دور الشي الاكثر متعه وهي مقاطع لج احدث المقاطع لج لما شافت المقاطع ماتت من الضحك على نفسها وشلون لما تشوف مقطع يضحك تموت من الضحك وتكلم التوم بعد ما خلصت الماقطع والصور مقدم الحفل ناصر : الحين اخر فلاش او مقطع راح تشوفونه وهو الختام الفلاش لعزيز : شعله حياتي اتمنى تكون اعجبتج الهديه وصدقيني انتي اغلى شعله بالعالم وبعده تكلم مشعل : هاه سميتي اعجبتج الفلاشات ترا انا اللي تعبت عليها وبعدهم العنود : انا ما عندي الا كلمه وحده واهي احبج يا اغلى اخت وبعدهم فارس : الله يفرحج دوم يا دلوعتي وبالاخير امها : شعولتي احبج والجازي اخر شي : ترا انا احبج اكثر وحده فيهم وانا اللي سويت الفلاشات وتعبت عليهم لا تنسين هديتي هاه الحساب بعد الحفله مشاعل راحت لعنود وضمتها وهي تبكي : العنود انتي احلى اخت في العالم وضمت الجازي بعدها : وانتي بعد اختي الجازي تضحك : لو قلتي غير الكلام هذا جان ذبحتج ههههههههههههه غاليه : الله يحفظها يارب عاليه : حبوبه غاليه : اما عزيز ياي والله عجيب احسه يشبه بدر بالحنان عاليه : الله يخليهم لبعض وصل حقعاليه مسج * خلصتوا او تبون تقعدون بعد * ارسلت لفهد *اذا تبي تجي تعال لكن احنا لين الحين نرقص * وصلها مسج منه * اوكي خلكم مستانسين متى ما خلصتوا دقوا علي * عاليه *مشكور * وبعد الحفله والعشا والضحك رجعوا عاليه وغاليه البيت وهم طول الطريج يسولفون لفهد عن العرض ويتكلمون عن المقاطع اللي ضحكتهم اكثر شي وعن حب عزيز لاخته وعن حب اهلها ودلعهم لها ما دروا انه مستمتع بسماع اخبارها منهم وعرف منهم انها ما تعرف الغلط ولو انها مو متغطيه وانها محترمه لدرجه كبيره واحلى ما فيها عفويتها الكبيره فهد بقلبه الله يكتب اللي فيه الخير يا مشاعل مشاعل ما نامت لين الفجر وهي تضحك مع العنود و الجازي ولما طلعوا الساعه 3 الفجر من قاعه الاحتفال اخذهم عزيز مع مشعل على البحر كملوا السهره على البحر وضحك وسوالف لين طلعت الشمس وراحوا البيت كلهم اخذوا دوش وناموا لين الظهر وقاموا عشان الغدا نهاية البارت قراءة ممتعه &*&*&*&*&*&*& شنو توقعاتكم راح يصيرمع العنود وعلي وفهد ومشاعل وعزيز والجازي وغاليه منو راح تاخذ عقله وقلبه ومحمد وغاليه وبدر والمجهوله ودمتم بحفظ الرحمن محبتكم نور الدنيا |
ندووووووووووووووووووووووووووووووووو كيفك وحشتيني حمد لله على السلامة بارت جنااااااااااااااااااااااااااااااااااااان :55::55::55::55::55::55: اى وصف او تعليق راح يخرب جماله :lol: بسسسسسسس حركتااااااااااااات يافهود :lol: برافواااااااا :rfb04470::rfb04470::rfb04470: الرجال طاح ومااحد سمى عليه ههههههههههه مالقى غير الدلوعة مشاعل :lol: ولا عزوز خخخخخخخ غالية ولا الجازي ههههههههههههههه الله يعينه :lol: وبعدين ليش ابو رجا يتعامل مع غالية بالطريقة ذي ؟؟؟؟؟؟؟؟ لا ومعطيها كف :rfb04470: أحيك رجااااااااال الصراحة <مالت عليك> :party0033: وبدر والقوقعة اللي عايش فيها :lol: ههههههههههههههه اما عادل وعالية :friends: يسلمواااااااااااااااااااااااااااااااااااااا :55::55::55::55::55::55: تحياتي :flowers2::flowers2::flowers2::flowers2::flowers2: |
باااااااااااااااااارت روعة .. صراحة فهود تغير للأفضل والشكر لعزيز .. محمد ابو رجا .. مليغ شنو تطق البنت بالسوق ؟ وغالية ليش تسكت له آه لو انا بدالها لأعرفه قدره (( خصوصا اني مريت بالهموقف لوووول )) مشكلة اختلاف الفكر انا شخصيا عانيت منها .. واذا كل واحد متمسك بفكره الاجتماع بيت واحد صعب .. عزوز .. والله ورطة الجازي ولا غالية ؟ ساعات النصيب والقدر هو اللي يحدد لا مو ساعات الا دايما .. شعووووله .. هابي بيرث دي دير .. وناسة لما تكونين دلوعة الكل .. وحبيبة لشخص .. عادل وعالية .. الحلو فيكم تزعلون بس ترضون بسرعة .. مشكووورة ندى الزهر على البارت الحلو .. بس عفية يا اختج لا تطولين ترى جذي مو حلو ... اختج : كويتية ونص ( جليع سابقا) خخخخ اخيرا اخترت اسم عدل .. |
الحمد لله على سالمتج
و تسلم ايدج عالبارت الي يهبل مثلج ما تدرين شكثر فرحت فيه فهد الحمد لله انه تغير وان شاء الله يتم جذي على طول ما اعتقد انه رح يتفق مع مشاعل وحياتهم بتصير كلها هواش غير جذي اهي ليلحين صغيرة محمد(بو رجا) يموت بغالية بس يحب يعاندها وتصرفاتها تقهره يغار عليها واااايد وما يبيها تكلم احد غيره الله يعينج يا غالية شكله ناوي عليج عالية وعادل الله لا يفرقهم بس ليلحين ماني مرتاحة لعادل احس بسوي شي بس شنو اهو مادري عزيز حب غالية و حب الجازي بس منو الي بياخذها؟؟ هاذا اذا كان بياخذ وحدة منهم اتوقع الجازي لان غالية محيرة للزفت ابو رجا و ما اعتقد ان فهد رح يرضى يزوجه ياها حتى لو صديقه الا اذا قاله تزوجني غالية ازوجك مشاعل<<ما اعتقد ان في احد يسوي جذي مشاعل ما اعتقد توافق على فهد لان عاداتهم غير وحتى لو وافقت عليه ما رح يتفقون الله يستر الجازي خخخخخخخخ موقف لا تحسد عليه بس هل راح تكون آخر مواقفها مع عزيز ولا في بعد؟؟ الله يستر عنود الحمد لله على سلامتج و ديري بالج على روحج بدر واااااااااااااااااااااااااااااااااي اموت واعرف منو هاذي الي تعرف عنه كل شي آخر شي سوري عالتاخير وترا القصيدة واااايد حلوة بس ما عرفت اهي لج ولا لصديقتج؟؟ سؤال:انتي شخصية من الشخصيات؟؟ تقبلي مروري |
اقتباس:
هلا وغلا با ام الحلا كله كيف حالج تشتاق لك العافيه وحتى انا اشتقت لك فهد توقع غير المتوقع منه يمكن يقلب باي وقت ويمكن يبقى مثل ما هو ويمكن ييكون احسن من جذي وعزوز يمكن القدر يفتح له اوسع ابواب السعاده ويمكن يلعب معاه لعبه الحرمان بدر (( انتظري من هي اللي غيرته وشغله باله )) هل هي تستحق ما يفعله بدر من اجلها او ما تستحق ؟؟ ابو رجا انتظري المفاجآت اللي ممكن تكون منه عادل وعاليه هل تستمر حياتهم بحب وغيرة ام ستواجهم ضغوط اكثر من كذا اشكرك على مرورك العاطر ودمتي بحفظ الرحمن |
اقتباس:
هلا وغلا بالغلا كيف حالج كويتيه ( هذا النك احلى الا بغيت اسالك شنو معنى جليع ) ابو رجا :: لا تعليق عليه انتظري فقط عزوز القدر يمكن يكون في صفه وينصفه ويمكن يبعد عنه كل امل للفرح كويتيه يسعدني مرورك والله يفرحني وجودج بصفحتي ودمتي بحفظ الرحمن اختك ندى الزهر |
اقتباس:
اشكرك على مرورك ودمتي بحفظ الرحمن اختك ندى الزهر |
اقتباس:
هلا يا قلبي .. تمام والله انتي شلونج ؟ طبعا احلى بس لا تنسين النص لووول نكي القديم الله يحفظج اهو بدلية كلمة عليج قالها شخص لوووول وخلدتها عشان ما انساها عن طريق تسجيل البدلية نك نيم .. لووول ما كنت متوقعة اتعلق بالمنتدى .. فغيرته .. لا بليز عزوز خليه شوي يفرح .. لا تزعلينه .. اوكي ابو رجا مو مشكله اخسفي فيه .. بس عزوز ما يستاهل .. حبي انتي اللي فرضتي علينا وجودنا بصفحتج من روعة القصة .. بس هاااا لا تتأخرين علينا .. دمتي . . |
اقتباس:
احلى دبل ولاكم لاحلى كويتيه ونص والله ردج اخجلني واضاع مني الكلمات وعزوز اناقلت يمكن ويمكن يفتح القدر اوسع ابواب السعاده اما ابو رجا المفاجات كلها عنده :) واذا على التاخير والله ما كان بيدي ياقمر ودمتي بحفظ الرحمن ندى الزهر |
اقتباس:
بنوته اهلا ... اهلا والله يسلمج على الرد الحلو اللي مثلج وجودك نور الصفحه والمواقف الجايه اكثر في البارتات الجايه والشخصيات لها مواقف يمكن تكون حلوة او لا ماهي الا ثمره تعبي واجني ثمره تعبي من ردودكم ودمتي بحفظ الرحمن |
البارت اكثر من رائع فهد اعجبتني تصرفاته محمد مره مو عاجبني والله يوفقك وتقبلي مروري
|
اقتباس:
اشكرك ولد حايل واتمنى تحوز الروايه على اعجابك ودمت بحفظ الرحمن ندى الزهر |
السلام عليكم ورحمه الله وبركاته كيف حالكم البارت جاهز ان شاء الله شوي وانزله دمتم بحفظ الرحمن ندى الزهر |
سلاااااااااام ندووووووووش بنت ديرتي الصراحة الرواية عجييييييييبة و أكثر شي حبيته عزيز و بدر العنود : شخصية حبوبة وحساسة و أتوقع إن لها مستقبل مع علي عالية : ما أقدر أحكم بللي راح يصير لها مع عادل غالية : يمكن تبدي تحب أبو رجا و خصوصا إن إعترفلها بحبه أبو رجا : الصراحة عجيييب ياربي هذا ما يعرف شي إسمه ذوق و أدب و السوق له إحترامه >> سؤال أبو رجا هذا موجود بالصج ؟! بدر : الله يعينه . يمكن البنت إللي تكلمه إهي وحدة من أهله و تحبه من زمان فهد : دوووووم مع خواتك صير جذي عبدالعزيز : أزززززززوق ياربي عليه الله يحفظه و يعطيه إللي يبيه >> أهو ماراح ياخذ لا إلجازي و لا غالية لأن راح ياخذني أنا هيهيهيهي عندي كم سؤال إذا ممكن تجاوبينهم إنتي قلتي إن الشخصيات موجودة بالواقع ، السؤال هل أسامي الشخصيات و أعمارهم و عوايلهم صجيه ؟ و القصة واقعية ١٠٠٪ ولا فيها شوي من الخيال ؟ سوري إذا أزعجك السؤال تقدرين تقولين فضول أو لقافة أنا كنت برسلة على الخاص بس مشاركاتي ما تسمح إذا قدرتي تردين علي ردي و إذا لأ فو الله عادي عندي مشكوووووووورة و ماقصرتي على القصة و سوري مرة ثانية الله يوفقك لما يحبه و يرضاه دمتي بحفظ الله و رعايته أختج : الدلال :) :55: :55: :55: |
البارت العاشر فهد بالسياره مستمتع يسمع عن اخبارها وعن دلعها وعن دلع اهلها لها لأنها الجعده فهد : الله يجعلج من نصيبي مشاعل والله اييسر لي الخطبه عالية : شفتي شلون كل البنات يسألون شعرج وصلات او طبيعي غالية : والله خفت على عمري منهم كل وحده تسأل اقولها تركيب فهد : ليش مالهم شعور يوم انهبلوا على شعوركم غالية : والله يافهد اطول شعر غيرنا اخت صاحبك الكبيره وصديقتها لحد ظهرها بس والباقي كلهم قاصينه عالموضه فهد : لاتقصونه عشان ترقصون بعرسي عاليه : تبي تتزوج ؟؟ فهد: ليه ما اتزوج وش ناقصني ؟! غاليه : مو ناقصك شي الا انت شيخ الشباب الله يتم لك بخير ويسعدك بس ماقلت لي منو سعيده الحظ ؟ فهد : مشاعل الفارس الي رحتوا حفلتها غاليه لفت على عاليه بعد ما عاليه شهقت فهد خاف عليها : فيج شي عاليه : لأ بس مستغربه فهد : الله يهديج لا تشهقين مره ثانيه جذي عاليه : بس مشاعل حضريه فهد : وشنو يعني مو اوادم عاليه : مو قصدي بس ابي افهم شلون راح تعيش بينا واحنا ناس مو مدلعين ومانعرف الدلع فهد : ادعي توافق .. الله يقدم الي فيه الخير عاليه : امين ووصلوا البيت عاليه بس ادخلت البيت راحت لغرفتها ركض لأن عادل دق عليها غاليه حطت راسها على الطوفه وغمضت عيونها حست بدوخه قويه نزلت للأرض لأنها فقدت توازنها وما عادت قادره حست انها بدت تفقد وعيها ومافيها تتكلم اخر كلمه تذكرها : ياربي رحمتك يارحيم @@@ عند عاليه وعادل عادل : هلا وغلا بأحلى بنت بالديره عاليه : هلا بك شلونك عدولي عادل : انا بخير ومشتاق لج موت عالية : وانا بعد عادل : انتي شنو عاليه : انا مثلك عادل : انا شنو فيني عالية : مافيك شي كنك البخت عادل : قوليها ليش مستحيه عاليه : عادي عادل : ابي اسمعها منج قوليها عاليه بحيا واضح : مشتاقه لك حبيبي عادل : فديت الي تستحي انا عالية : عدولي شلون عمي وعمتي عادل : بخير الحمد لله عالية : يا جعله يارب @@@ عند فهد الي بالسياره لحظه نزول البنات قال بخاطره ليت ما اكون تسرعت خل اروح اقول لعاليه تسوي لي عشا نزل دخل الدوانيه مادخل مع باب الحريم كان قريب منها لكن ...؟ شاف محمد و سلطان فهد : السلام عليكم محمد وسلطان : وعليكم السلام يا هلا فهد : شباب تبون تتعشون معاي من المطعم او البيت محمد : اكيد المطعم من راح يسوي عشا البيت الكل نايم فهد : البنات سهرانات محمد : اجل طبخ البيت احسن انا ما احب المطاعم سلطان : انا اي شي عادي فهد : اروح اقولهم يسوون العشا وارجع محمد : اذنك معاك في جناح التوم واقف عند الباب طق الباب جاه صوت عاليه : تعالي حجيه فهد : انا فهد عاليه : حياك يالغالي فهد وهو يفتح الباب : الله يحيج فاضية علويه عاليه : امرني انا اكلم عادل فهد : تكلمين عادل عاليه : اي فهد : اجل اخليج عاليه : تامرني على شي فهد : لا سلامتج بس وين غلاوي عاليه : الله يسلمك غلاوي ما ادري عنها ماصعدت يمكن بالمطبخ فهد : اخليج انا وطلع منها وراح المطبخ ما لقاها صعد غرفة غاليه دورها مالقاها بكل مكان دور عليها استغرب وين ممكن تكون موجوده طلع موبايله ودق عليها وهو يدور بالبيت يبي يعرف وينها فكر يدورها بالحوش وهو عند باب صاله النساء سمع رنه موبايلها وركض لها فهد عطاها كفوف خفيفه على خدها : غلا تسمعيني غلا ردي علي رفع صوته : محمد محمد يا محمد بأعلى صوته عاليه بدر من الشباك المطل على الحوش طلع مشعل : اشفيه شصاير فهد : غلا ما ادري شنو فيها طايحه ما ادري شنو فيها مشعل : خلها ورح شغل سيارتك انا اجيبها فهد : يبه لا تعب عمرك خل بدر ينزل مشعل : انا شنو اقولك اخلص يلا رح شغل سيارتك وابتعد عن الشباك وفهد طلع يشغل السياره محمد طلع بالشارع محمد واقف عند السياره : اشفيك فهد فهد : ولا شي بس غلا طاحت ما ادري شنو فيها محمد : توديها الطبيب فهد : اي محمد : من راح يشيلها فهد : ابوي محمد : انزل جيبها وانا اسوق روح فهد : قلتها ونزل وكان ابوه توه طالع مع الباب وطفلته بين يديه وغترته على كتفه وطاقيته وعقاله على راسه وكان مسرع في مشيته ورجع فهد للسيارة وفتح الباب لابوه وغاليه في السيارة بعد دقايق من تحريك السيارة من امام منزلهم غاليه على فخوذ ابوها رفع نقابها عن وجهها لانه حس فيها اختنقت من صوت نسمها وقال بصوت عالي : افتح الشبابيك كلها محمد بصمت نفذ طلب خاله غاليه في عز اختناقها قالت : يارب يا منجي نبيك وهو في بطن الحوت نجني لا اله الا انت سبحانك اني كنت من الظالمين قالتها بصوت خفيف لكن لقرب ابوها منها سمعها هزها بخفه : غلا غلا تسمعيني مشعل قال في قلبه : يارب ناجتك وهي في غايبه عن الوعي يارب تحميها يارب نجيها يارب احفظها ودمعة عينه على بنته وهو ما يدري شنو فيها كل اللي يعرفه انه غايبه عن الوعي حط يده على جبينها الحار وحرارته العالية حط يده على جبينها الحار بدأ يقرى عليها المعوذات واية الكرسي وينفث قرا عليها اكثر من ثلاث مرات مشعل : فهد قبل شوي كانت حاره كان عليها حراره فهد : لأ بس قبل تنزل من السياره كانت دايخه مشعل ضم غاليه لصدره حيل ياقلب ابوج الله يحميج واول ماوقفت السياره امام باب قسم الحوادث نزل فهد بسرعه وقالهم يجون ياخذونها من السياره جو الممرضتين ومعاهم كرسي ولما فتحوا الباب الممرضه الأولى لزميلتها : جيبي سرير ماينفع كرسي مغمى عليها وبعد عشر دقايق في غرفه الدكتور الدكتور : حرارتها مرتفعه جم يوم صارلها تعبانه فهد : قبل نص ساعه ماكان فيها شي الدكتور : شكلها كانت في تجمع او عند احد فهد متنرفز : اي الدكتور : متأكد ماكان فيها شي قبل ساعه فهد : اي الدكتور : تبي كلمه حق اكلمك بصراحه فهد : ياليت الدكتور : احس فيك متنرفز من كلامي عن زوجتك لكن ياولدي انا ماسألتك عشان شكلها لا والله انا رجل عندي بنات اكبر منها لكن انا سألتك لأن انا رجل دين اعرف مثل ما انت تعرف ان العين حق وخصوصا ان درجه حرارتها مرتفعه جدا وبفتره قصيره جدا كما ان ضغط الدم عندها في هبوط مستمر فهد : اولا هي اختي وما هي متزوجه ثانيا شنو نقدر نسوي الدكتور : السواة سوات ربك احنا راح نعطيها خافض حراره لأن ارتفاع الحراره العالي له مضاعفات ويمكن يدخلها غيبوبه فهد : سوو الي عليكم الله يعطيك العافيه الدكتور : كمل اوراقها عشان ترقد عندنا جم يوم الى ان نتأكد من صحتها فهد : توكل على الله واخذ فهد الأوراق وطلع عند ابوه شافه حاط راسه بين كفوفه فهد قعد يمه : يبه مشعل لف عليه بعد ما رفع راسه من بين كفوفه مشعل : شصار شنو فيها فهد : حرارتها مرتفعه راح تنام عندهم مشعل : ما قال لك السبب فهد : والله الدكتور فيه خير ويقول يمكن انها عين لان انا قلت له انها قبل ساعه ماكان فيها شي مشعل : أي والله ان كلامه عين العقل بس رح كمل اوراقها و انا اروح لها اشوفها فهد : ابشر بروح اكمل اوراقها عند شباك الكاتب فهد ينتظر اوراقه وقف رجلان احدهما مصاب مجلس على كرسي شاب في مقتبل العمر والآخر في اواخر العشرينات عزيز : شنو تحس فيه الحين مشعل : احس بعوار فضيع الله يسامحه عزيز : الله يسامحه انا بعرف منو معطيه الليسن انا اخذت رقم لوحته وشغله عندي فهد انتبه ان الصوت صوت عزيز كانوا واقفين وراه و بعد ماسمع صوته لف عليه فهد : عزيز عسى ماشر شصاير عزيز : فهد ياهلا والله ماشر بعد ماطلعنا من عندك رحنا المطعم ناكل وجبات وبعد ماطلعنا جا واحد طاير وصدم مشعل كان مسرع وشكله ما انتبه لمشعل فهد : ماتشوف شر مشعل مشعل وعزيز : الشر ما يجيك شعندك هني عسى ماشر فهد : ماشر بس اختي تعبت شوي وجبتها ومقررين يرقدونها عندهم عزيز يبي يعرف غاليه او عاليه : زوجها وينه فهد : مو متزوجه عزيز : أي انا حسبالي متزوجين خواتك فهد : لا وحده متزوجه والثانيه مو متزوجه عزيز : اها الموظف : اخوي لو سمحت اوراقك خلصت فهد : الله يعطيك العافيه الموظف : الله يعافيك عزيز : انا ادخل مشعل الدكتور واجيك فهد : مو مشكله انا بروح ودق علي اذا خلصت عزيز : مو مشكله وراح فهد لابوه : يبه مشعل : سم فهد : حطوها بالعمومي بجناح 16 مشعل : عمومي لا روح شوف خل يحطونها بغرفه خصوصي فهد : ابشر الحين اروح وعند نفس الموظف : لاهنت يالغالي ابيك تغير الغرفه نبي لها غرفه خاصه الموظف : لو كان موجود ابشر بس اذا مافيه ما اقدر افيدك بشي فهد : حاول الموظف : ابشر رفع السماعه وكلم واحد وفهد سمع تلاطيش حجي ان الغرفه 4 بجناح 15 اذا كان يبيها او لا وبعد ربع ساعه الموظف : اخوي فهد : سم الموظف : مالقيت لك يالغالي فهد : اها اوكي مو مشكله اخذ اوراقه ودق على عزيز : عزيز تعرف احد بالمستشفى عزيز : أي ليش فهد : الموظف يقول مافي غرفه وانا سامعه يكلم بالتليفون يساله اذا كان يبي الغرفه او لا عزيز : اها طيب الحين اجيك بس يجبسون رجل مشعل واجيك على طول الحين اكلم واحد هني عزيز : الو صباح الخير الطرف الثاني : يا هلا يابو فارس صباح النور امرني عزيز : انا عندك بالمستشفى وابي غرفه خصوصي الحين لو من تحت الارض الطرف الثاني : ابشر يابو فارس عطني وقت اتأكد من الغرف اللي عندي وارد لك خبر عزيز : انا قلت لك نص ساعه وبعدها راح يصير شي ما يعجبكم الطرف الثاني : ابشر ابشر الحين ارد لكم خبر الغرفه باسم منو ؟؟ منو المريض عزيز :غاليه مشعل الطرف الثاني : ابشر مع السلامه طال عمرك عزيز : مع السلامه وبعد ما خلص مشعل راحوا لعند فهد : ها ما جا لك الرجال فهد : أي رجال عزيز : هذا الاثول ما يفهم انا قلت له يدور غرفه الحين دق على الرجال : انت وينك الطرف الثاني لقيت غرفه يابو فارس لكن دورتك ما لقيتك عزيز : انا بالحوادث قايل لك لا تطول ما تفهم الطرف الثاني :سامحني يابو فارس عزيز : خلصني نقعتنا وبعد ما وثل الرجال لهم : اوراقك يابو فارس عزيز : الاوراق مو لي الاوراق لصديقي الرجال : كل اللي من طرفك تهمنا راحتهم فهد : هاذي الاوراق لكن ليش قبل شوي يقول مافي غرف الرجال : ما قلت لنا انك من طرف العم ابو فارس فهد : ولازم الواسطه عشان احصل غرفه عزيز قاطعهم : فهد خله عنك وطالع الرجال : رح خلص الاوراق انا انطرك هني الرجال : ابشر طال عمرك فهد : شلون قدرت عليهم عزيز : هني مايمشي شغلهم الا بالواسطات واذا ما دست على راس كبيرهم الصغير ما يحترمك فهد : هذا كبيرهم عزيز : لا هذا واحد من الصغار لكن في لهم اوامر ان طلباتي عندهم اوامر فهد :ايي فهد : عزيز عزيز : هلا فهد:امش نروح لابوي عزيز : الوالد هني فهد : أي جا وياي عزيز : ليش اتعبه فهد : هو اصر انه يجي عزيز : عيل يلا نروح له مايصير يبقى بروحه ولما وصلوا لعند مشعل فهد : يبه مشعل : سم فهد : هذا خويي عزيز الفارس اللي حكيت لك عنه وهذا اخوه سميّك مشعل : حيا الله عزيز عزيز : الله يسلمك يا عمي وسلموا على بعض وبعد ما قعدوا جاء الرجال : طال عمرك الغرفه جاهزه عزيز : اوكي البنت بالملاحظه عطهم الوراق خلهم يطلعونها الجناح الرجال :ابشر يا طويل العمر عزيز : بس قبل تأكدت من نظافه الغرفه شيك عليها بنفسك الرجال : ابشر الحين اشيك عليك بو فهد :يا وليدي عزيز عزيز : سم يا عمي ابو فهد : سم الله عدوك ياليت تقولهم اني انا اللي راح ارافق معاها فهد : ليش يبه الحين انا اجيب امي مشعل : لا تجيبها ولا شي فهد : خلاص اجيب عاليه مشعل : انا شنو قلت عزيز : ياعمي ابشر انا اكلمهم بس ليش اتعب عمرك مشعل : انا اللي برافق معاها عزيز : الحين اكلمهم لك وما يصير خاطرك الا طيب مشعل : الله يسلمك يا وليدي **** عند الشباك واقف معطي ظهره الشباك ويطالع فيها مركز عليها النظر يارب تقوم بالسلامه قالها بصوت اشبه بالتنهيده اقترب من سريرها ومافي بالغرفه غيرهم الفجر بعد الصلاه قرب منها حط يده اليمنى على جبينها وتلى المعوذات ونفث عليها وقرأ اية الكرسي ونفث عليها وقرأ بعض الأدعية ورفع يمناه عن جبينها واقترب منها وطبع بوسه على جبينها مشى خطوتين وجلس على الكرسي ورجع راسه للخلف وسكر عيونه عنده بنفس الوقت يطبع بخفه على لوحه المفاتيح @@ لعبه الأيام @@ من ماذا انتي خلقتي لكي من الأوجه الكثير من انتي وكيف عرفتي من اكون ومن ارسلك لي لماذا يعود لي الماضي بأحداثه ويلون حاضري باللون الرمادي هجرت الحب وايامه ولن اغامر ولن اشرب كأس العشق ولن اسبح في محيط الغيره الذي يسحبني الى قاعه ليدمرني بالشك كما في اوراقي المطويه من سنوات أرجو منك اجابتي بكل صراحه مالي بالدنيا مكان وارسلها لها على الرسائل الخاصه وحط الاب توب على الطاوله ونزل المطبخ يسوي كوب شاي عشان يصحصح مثل كل يوم بعد ما عبى غلايه الماي وقعد على الكرسي ينتظر الماي يسخن يسمع صوت خافت ما يدري الصوت وين ما عطاه اهتمام بس الصوت جذبه صوت احد يبكي ويكتم بكاه قام وحاول يركز على الصوت ويمشي بإتجاهه انتبه عليها جالسه في ممر الي يطلع على المطبخ الخارجي بخطوات سريعة جدا قال لها بعد ما ضمها : اشفيج وش جابج هني عاليه ضمت بدر بأقوى ماعندها : ما اقدر والله حاولت بس مو بيدي وربي يابدر بدر خايف عليها مسح راسها يهديها : اشفيج حبيبتي عاليه : ما اقدر ادخل جناحنا بدونها اخاف وربي بدر بقل صبر : انتي منو وشنو صاير عاليه :انا عاليه والله يابدر اني حاولت ادش جناحنا بس ما قدرت بدر : ليش عاليه : بدون غاليه ما اقدر خايفه وابوي ما خلانا نروح معاه بدر : ليش شنو صار وغاليه وين عاليه : غاليه طاحت بالليل عند باب جناحنا واخذوها للمستشفى ورقدوها هناك وابوي ما رضا اي احد يطلع من البيت حتى فهد خلاه يرجع البيت وهو بس إلي جلس معها بدر : ليش ما قعدتوني عاليه: صوت عليك فهد وانا صوت عليك لكن انت ما سمعت يمكن بدر : كنت نايم ماسمعت احد فيكم عاليه : الله يخليك بشوفها بدر : انزين انتي تعالي معاي وقف وخلاها توقف معاه ومشى وهي ضامته تقول : بدوري راح تخليني اشوفها صح بدر : ان شاء الله بس انتي اسمعي الكلام ونامي واذا قمتي الظهر اوديج عاليه : ان شاء الله بس مابي انام بغرفتي بدر : من قال انتي راح تنامين عندي على سريري عشان اول ماتقومين اوديج انا شابك عالنت انظرج تقعدين عاليه : طيب وبعد ما نامت بفراشه غطاها نزل المطبخ يسوي شاي لأنه نسى يسوي قبل شوي وانشغل مع عاليه وهو بالمطبخ جته عاليه تركض وهي تبكي : بدر .. بدر .. بدر فز لها بسرعه : انا بالمطبخ وضمته : بدر ليه تخليني بدر : ماطولت انا بس اسوي شاي وارجع فوق عاليه : انا شفتها تركض بعيد عني انا اناديها وهي تقول لي تعالي معاي بدر يمسح على راسها : تعوذي من الشيطان ياعالية أنتي عاقلة انطري معاي شوي هني بسويلي شاي هذا الماي سخن بس دقايق اخذ كوب الشاي بيمناه وبيده اليسرى عكازه وعاله ماسكه يده اليسرى وراح غرفته وغطاها وهي بالسرير قالت : بدر تكفى لاتروح مكان بدر : ان شاء الله ماراح اطلع الا اذا قمتي وراح عالكرسي واخذ الاب توب من الطاوله وحط الكوشيه ( خداديه ) على فخوذه وحط الاب فوقها لما سوى تحديث للصفحه لقى من غلا دنياي أتسأل من انا ؟ انا من أُرسلت لأرسم سعادتك بريشه أيامي من بين اسطر خواطرك أجد نفسي أجد أني اجلس بين ثنايا كتاباتك انا من عشقتك حتى الثمالة انا احبك منذ أن قرأت أحرف كتبت لها أشعر بالغيرة منها انا من تراك بين الحين والآخر واروي عيني التي لا يشبعها النظر إليك بدر زماني تالله إني أعشقك واعشق مشيتك واعشق نظرتك حين تنظر الي بتساؤل واعشق رائحة عطرك التي تضع منه بخات عديدة وهو نفسه عطرك من سنتان لم تغيره ولن تغيره لأنه يعجبك واستأنس بالأبخرة الساخنة المتصاعدة من كوبك الذي طبع عليه أول حرف من اسمي و التي اعتدت على ان يكون بين يدك كل يوم في مثل هذا الوقت بدر سماي يفرحني اني اخذ قليل من اهتمامك اشعر بك وانت لاتعرف ما الشعور الذي يحتويك سأسهل عليك الطريق خلق الحب بداخلك لي وحدي ولن اسمح لك بوضع خواطر او ابيات تحمل مشاعر ليست موجهه لي (( والله راح ازعل منك اذا لقيت موضوع لها لو كلمه انت لي يا بدري الغالي افهم انت لي وانا لك وحدك و ياليت الأيام تجمعنا تحت سقف واحد أنا قريبه منك حيل .. صدقني لو وعدتني انك تستر علي انا بنفسي راح اقولك انا منو ؟ بس الي ابيك تثق فيه هو ان انا ما اقدمت على هالخطوة الجريئه الا بعد ما عرفت احساسي لك بدري ما ابيك تزعل مني لأن الحين ما اقدر اقولك انا منو ؟. بس اتأكد من شي واحد بعدها ربك يحلها )) إليك اشواقي وحبي غلا دنياي قرا الرساله اكثر من مره يستوعب الي يقراه من هي الي تعرف عنه كل شي وتعرف حتى كوبه الي مايشرب الا فيه لأن طابع عليه حرف B اول حرف من اسمه طالع بالكوب وقال اول الخيوط الي عطتني اياها انها تصير لي واول حرف من اسمها شنو اسمها اتوقع بدور لا يمكن بدريه او يمكن بدره لا لا يمكن بسمه لا براءة لا يمكن بيبي او بشرى يارب إذا كان في خير سهله لنا ويا رب اذا فيه مضره لنا ابعدنا عن بعض بموضوع جديد عنوانه " الضياع " بمتاهات افكاري يتخبط شعوري هل هو فقط اعجاب ام هو مجرد سراب يعود الي بأدق أحداثه الماضي ماذا حدث بحاضري كنت راضي هنا التقينا في هذا المكان فقط تغير علينا الزمان و ها هي تعود لي بحله جديدة بعد فراق دام سنين عديدة نفسها هي ونفس مشاعرها ونفس مشاعري وحبي لها يا دنيا هل هي هذه ام هي منها نسخه صورتها في عقلي إلى الآن راسخة فوق هام السحب أطير ما عرفته ليس الكثير لكن انه إليها بداية طريقي لم اصدق ما اقرأه هل هو حقيقي * مالي بالدنيا مكان * على البحر بنفس الوقت عند عزيز واهله بنص السوالف عزيز : العنود ترا في مشوار لازم تروحونه انتي وشعوله اليوم العنود : وين عزيز : شفتي غاليه اخت رفيجي فهد العنود : أي اشفيها عزيز : بالمستشفى العنود : لاحول ولاقوه الا بالله شلون ومتى وشنو فيها عزيز : يقول تعبت والدكتور كاتب لها راحه عندهم بالمستشفى العنود : أي راحه بالمستشفى اصلا هو سبب الامراض عزيز : المهم مو تنسون مشاعل تطلع العنود : اكيد عطوها عين العنود : تصدقين والله يمكن مشاعل : مو يمكن الا اكيد لان البنات امس كل شوي يسالونها شعرها وين مركبته العنود : أي والله الناس ماتعطي خير عزيز بفضول : عين على شنو العنود :والله كل شي فيها حلو وخصوصا شعرها ما شفت البنات شلون اكلوها بالاسئله عزيز : ليش شعرها اطول من شعرك العنود :هههههه شعري ولا شي بالنسبه لشعرها عزيز شعرها لوين العنود توقف وتاشر على تحت ركبتها : لين هني واطول يمكن عزيز : يلا عاد عن الجذب العنود : أي وربي ما اجذب شعرها ما شاء الله ياخذ العقل عزيز : ما شاء الله عليهم مشاعل : أي والله كامله والكامل وجهه زين وادب واخلاق عزيز راح بفكره للي بجناح 15 مرقده عزيز في وسط افكاره معقوله يصكونها عين عشان شعرها صج الناس ماتعطي خير *** الصبح الساعه ٩ جالس على النت دخلت امه : صباح الخير بدر :يا هلا بام بدر صباح النور شلونج ام بدر : الحمدلله على كل حال فاضي بدر : اذا ما اكون فاضي عشانج اكون فاضي لمنو ام بدر : قوم ودني لبنتي بدر : اول نكلم ابوي نشوفه يرضى ام بدر : ليش مايرضى كافي امس حرق قلبي عليها بدر : يمه انتي تعرفين ابوي كلمته وحده ام بدر : كلمته وحده ويحرق قلبي على ضناي بدر : زعلانة منه ام بدر : اي والله حزت بخاطري بدر : طيب البسي الحين اكلمه ونطلع واول ماطلعت امه راح عند سريره طالع بوجه عالية باس جبينها وقال : بسم الله وبصوت اعلى شوي عاليه يلا نبي نروح الطبيب عاليه : هممممم بدر هز كتفها بخفه : علويه نبي نروح الطبيب يلا قومي عاليه قامت بسرعه : طيب طيب الحين البس بس لاتروح وتخليني بدر : انا قعدتج عشان تروحين معانا وهي تقوم من السرير عالية : الحين البس وارجع لك بدر : طيب انا ناطرج وبعد ما طلعت عالية من غرفته دق على ابوه بدر : السلام عليكم مشعل : وعليكم السلام بدر : شلونك يبه مشعل : الحمدلله على كل حال بدر : يبه امي تبي تجي عند غاليه مشعل : اي ما يخالف خل امك تجيب لي قهوه بدر : ابشر يبه عاليه تبي تشوف اختها عادي اجيبها مشعل : اي عادي من قال ممنوع بدر : لا بس امي تقول انك منعتهم يروحون بالليل مشعل : طيب طيب اخلص جيبوا لي قهوه راسي يوجعني بدر : ابشر يبه مسافه الطريج وسكر ونزل تحت لقى امه وعاليه جاهزين و ناطرينه ام بدر : كلمت ابوك بدر : ايه يقول جيبوا قهوه ام بدر : جاهزه القهوه وحطيت له قرص وحليب بدر : مجهزه اغراض حبيب القلب ام بدر بحرج : استح ياولد بدر : زين يلا تأخرنا لحظه وصول بدر وامه وعاليه ام بدر تمشي بخطوات سريعه وبدر يمشي يم عاليه ولما وصلوا دقو على مشعل قالهم رقم الغرفه ام بدر مشت بسرعه للغرفه اما عاليه وقفت عند الباب بدر : علوية تحسين بشي عاليه : لا بس خايفه بدر : من شنو ؟ عاليه : احس فيها تعبانة اشوفها جدام عيني نايمه احس بالمها يا بدر والله احس بالمها بدر : تعوذي من الشيطان وسمي بالله وادخلي عاليه : اعوذ بالله من الشيطان الرجيم بسم الله الرحمن الرحيم فتح الباب بدر وعاليه كانت على يساره عاليه شافت غاليه نايمه على السرير وما تتحرك والاجهزة موصله لها التنفس .. القلب .. وعلى جبينها كماده باردة واختها ساكنه بلا حراك وقفت عند الباب لاهي دخلت ولا هي طلعت بدر بصوت واطي :يا تدشين يا تطلعين عاليه : اطلع وروحي هني اطلع ونصفي الثاني هني نزلت دمعتها بدون صوت على منظر اختها مشعل شاف بنته شلون ساكته راح لها وضمها حيل لصدره : تعوذي من الشيطان يا عاليه هي بخير لكن نايمه عاليه : انا احس بالمها يبه احس فيها مشعل عوره قلبه على بناته : تعوذي من الشيطان علويتي عاليه : أعوذ بالله منك يا الشيطان أعوذ بالله منك يا الشيطان مشعل مشى عاليه وقعدها على الكرسي اللي جنب كرسيه مشعل : ام بدر صبي قهوه ام بدر وهي تمد الفنجال : سم مشعل اخذ الفنجال : سم الله عدوج دق موبايل عاليه شافت الشاشه قالت لبدر : رد عليه ما اقدر بدر اخذ الموبايل وطلع برا الغرفه بدر : الو عادل بخوف : بدر وين عاليه بدر : موجوده عادل : ليش موبايلها معاك بدر : هي عند غاليه عادل : غاليه وين وليش شنو يمنعها انها ترد بدر : عادل غاليه طاحت امس مريضه وعاليه الحين عندها وتعرف عاليه ما تتحمل رقيقه عادل : انا من امس ادق عليها قلت يمكن نايمه بدر : لا ما قدرت تدخل الغرفه لان غاليه مو موجوده فيها عادل : انتوا بمستشفى (,,,,,) بدر : ايه عادل : انا جاي بالطريج بدر :حياك الله عادل : مع السلامه بدر : مع السلامه وسكر ودخل الغرفه وقالهم ان عادل جاي بالطريج ام بدر تفتح حافظه الطعام اللي فيها القرص تمد حافظه الطعام لبو فهد : سم مشعل : بس ماني مشتهي ام بدر : اكل شي .ن. يفيدك مشعل خزها وقال بنبره حاده قلت شيليها الا اذا عيالج يبون خليه عشانهم بدر : يبه الله يحفظك لي اكل شي انت على عشاك مشعل : ماني جاهل تحايلوني قلت شيليه من جدامي ام بدر : شصاير لك مشعل اكل مشعل : انتي تبين تعانديني بدر قم خذ امك البيت ام بدر : مب رايحه ليش تبي تحرق قلبي على ضناي مثل امس مشعل ساكت ام بدر : يابو فهد ياجعلك ذخر اشفيك مشعل ساكت بدر : يبه انا وعاليه برا نشوف عادل شكله وصل مشعل ساكت ام بدر : الله معاك اول ماتسكر الباب ام بدر : اشفيك حبيبي مشعل ساكت ام بدر قامت وقعدت جنبه ام بدر : مشعل رد علي كلمني مشعل : اخذي اكلج وارجعي البيت ام بدر : انا بقعد عندك لو مايزعجك وجودي مشعل ساكت ام بدر : يابو فهد أحيان الكلام هو العلاج ترا حتى انا مشتاقه لها مثلك بس مانقدر نقول غير الله يرحمها مشعل في لمعه بعينه ولازال ساكت أنا مقدره وضعك ولو ما أعرفك كان صار شي ثاني بس انا ادري شلون كنت تحبها ومن حبك لها حبيتني بس لاتحسب اني ما اغار الغيره تاكل قلبي بس ما اقدر اسوي شي كنت اتمنى اكون انا هي واخذ من حبك لها شوي وادري ان بناتي يشبهونها حيل ونسخه منها مشعل ساكت بس نزل راسه ام بدر : انت تونس شي مشعل : الدعوة مو شوق لأم فهد الدعوة ضناي جدامي ما ادري شنو فيها الدكتور قالي ارتفاع حرارتها المفاجئ يمكن يدخلها غيبوبة وهم الحين مو عارفين هي بغيبوبه او هو مجرد اغماء راح ينطرون لين باجر ويقررون اذا هي بغيبوبه او لأ وانتي تقولين شوق وما شوق بنتج ماعاد تروح عرس او حفله ان قامت بالسلامه ام بدر الجمها اللي سمعته مشعل : وتلوموني اني ساكت الجمني الي الجمج الحين والدكتور فيه خير ملتحي وفي وجهه سمات الصالحين قال ان الي عرفه انها كانت بحفله وقال يمكن انها عين لان الزمن هذا الناس ما تعطي خير وارتفاع حرارتها السريع والعالي راح يأثر عليها ام بدر : الله يستر عليها الله يقومها بالسلامه مشعل : ابعدي الاكل عني ولا اسمع انج علمتي احد لو منو ما كان ام بدر هزت راسها بدون لاتتكلم *** عزيز الساعه 10 قاعد بالصالة دشت عليه ام مشعل : السلام عليكم عزيز : وعليكم السلام هلا وغلا باحلى ام بالدنيا ام مشعل : الله يحرسك يارب هلا فيك عزيز : يمه ام مشعل : هلا يمه عزيز : يزعجك لو اتزوج وحده مو من اهلي ام مشعل : الف مبروك يا يمه الله يسعدك يارب بس منو هي وما يزعجني انها مو من الاهل عزيز : اخت صاحبي فهد ام مشعل : اللي يات للمستشفى عند العنود هي وتومها عزيز : عليج نور أي هي ام مشعل : وحده منهم متزوجه والثانيه لا ما شاء الله عليهم ادب واخلاق وزين وانا شفت صورها بالحفله عليها زين يا ما شاء الله عزيز بقلبه وانا شنو ماخذ عقلي غير عيونها وشعرها عزيز : يعني رايج اتوكل على الله واتقدم لها ام مشعل : أي بس يمكن ما يزوجونك عزيز : ليش ام مشعل بعقلانيه : هم بدو واحنا حضر وفي اختلاف كبير بيننا و بينهم في كل شي هم لهم اطباعهم واحنا لنا اطباعنا بس والله شكلها محترمه ومؤدبه بس ... عزيز بسرعه : شنو ؟؟ ام مشعل : مو كأنها صغيره عزيز : البنت ما يهم عمرها المهم ادبها واحترامها لزوجها وللي اكبر منها ام مشعل : عيل توكل على الله وسو اللي انت تبيه واشاور ابوك اول عزيز : اكيد باذن الله بس البنت الحين بالمستشفى ام مشعل : افا ليه عزيز : امس بعد الحفله طاحت على اهلها يمكن عين لان العنود تقول الكل كان يسال عن شعرها ام مشعل: أي والله شعرها اييب العافيه اهي واختها والله ما تستاهل لازم نروح لها عزيز : ان شاء الله متى تبون اوديكم ام مشعل : تبي نروح لها الحين عزيز : لا البنات سهرانات ومابي اخرب نومتهم وخصوصا انهم ما ناموا الا الصبح ام مشعل :وانت ليش ماطولت بنومتك مثلهم عزيز :عارفتني انا ما اعرف انام الصبح ام مشعل :بس لازم ترتاح عزيز : برتاح القايله مو الحين ام مشعل : على راحتك عيل نروح للناس العصر عزيز : باذن الله ام مشعل : عيل اخليك عزيز : وين تو الناس خلك عندي ام مشعل: بروح عند اهلي صارلي جم يوم ما رحت لهم عزيز : سلمي على جدتي صار لي يمكن اسبوع ما رحت لها ام مشعل : فيك الخير عن اذنك عزيز : اذنك معاك يالغاليه بحفظ الرحمن بعد ما طلعت ام مشعل شكل غاليه مزيونه لانها دشت مزاج امي وامي مو أي وحده تعجبها يارب يوافقون خل ادق على فهد اشوفه وينه ابلغه ان اهلي راح اييونهم العصر بعد ثالث رنه جاه صوت فهد النايم : هممممممممم عزيز : صباح الخير فهد : يــا هــلا صباح النور عزيز :نايم يلا قوم فهد : مانمت الا قبل شوي عزيز : صج والله فهد :والله رديت البيت الساعه 6 ومانمت بسرعه عزيز : اوكي انا سهران لين الحين ما نمت وما راح انام فهد : عزوز رح ارتاح عزيز : ما اعرف انام الصبح نومي الظهر والليل بس فهد : الله يعينك على عمرك طيب خلني ارتاح عزيز : تعال عندي وجيب ابو رجا معاك وبدر اخوك معاك فهد : ليش شعندك عزيز : ما عندي شي ابي اريقكم فهد : عزيز عزيز : يب فهد : خلني انام اجيك العصر عزيز : ايي على طاري العصر ترا اهلي راح يزورون اختك في السمتشفى فهد فرحان : لا يتعبون حالهم عزيز : أي تعب هذا واجبنا فهد :حياكم الله عزيز : يلا قوم تعال ولا تبي انا اجيك فهد بسرعه : انت تعال عزيز : اخاف اجي وانت نايم فهد :لا حياك الله تعال عزيز : الله يحيك يلا مع السلامه وسكر وراح غير ملابسه وطلع لبيت فهد وباله مشغول في غاليه يتخيل شلون شكلها وشلون شعرها صاير وشلون راح يعيشون افكار كثيرة اخذته لعالم وردي بعد ساعه كان فهد ومحمد وعزيز وسلطان بالدوانية ومن بين السوالف دق موبايل عزيز ورد عليه عزيز : هلا وغلا صح النوم مشاعل : هلا بك عزيز عزيز : متى قعدتي حبيبتي مشاعل : قبل شوي وسالت عن ماما قالوا لي طلعت وانت طلعت بعدها قلت يمكن رايحه معاك لان دقيت عليها موبايلها مغلق ممكن تعطيني اكلمها عزيز : أي حبيبتي شعوله طلعت راحت بيت خوالج وهي مو وياي انا عند رفيجي شاعل : اها انا في بالي انها راحت معاك عزيز : لامو وياي راحت بيت خوالج طيب شعوله عنود قعدت مشاعل : لا نايمه تقول تعبانه وما لها خلق احد عزيز : خلوها نايمه لحد يقعدها لين تقوم من نفسها ما ابيها تتعب اهي بروحها تعبانه من قبل الحفله شلون بعد سهرة امس مشاعل : ما راح اقعدها بس تعال اخذني عزيز : وين اخذج يا بنوتي الحلوة مشاعل : ما ادري زهقانه وماكو احد قاعد عزيز : تبين اقطج بيت خوالج مشاعل : لا مالي خلق اروح بيت ابي اطلع مكان مفتوح عزيز : اوكي ركبي السيارة ودقي علي ابي اكلم السايق مشاعل : وين تبيه يوديني عزيز :مو شغلج انتي ماعليج الا انج تركبين السيارة مشاعل : مابي اروح مكان بروحي ابي اتكلم مع البشر مو جذي اطلع بروحي عزيز : تبين تمرين احد تاخذينه معاج من رفيجاتج مشاعل : كلهم مليغلات وما عندهم سالفه عزيز : يوه منج شنو تبين خلصي ابي اسكر مشاعل : ابيك انت عزيز : تبيني انا مشاعل : أي ابيك انت مابي اطلع بروحي عزيز : انا عند ربعي مشاعل : ربعك اهم مني عزيز : اوكي نطريني لين الغدا ايي اغديج برا اوكي بيبي مشاعل : شنو اسوي من الحين لين ما تيي انت عزيز : شبكي نت ليش شاري لج ذاك اليوم لاب توب يديد مشاعل: النت ملل وين تبي اروح ترا انتحر تعال اخذني اطلع معاي السوق عزيز : تبين اطلع معاج السوق مالي خلق مشاعل : أي عزيز : اختاري مكان ثاني اوديج له الحين بس راح اييب رفيجي معاي وانتي راح تروحين السوق تشترين اللي تبينه وانا وفهد ننطرج مشاعل : اوكي يكون طار الملل مني عزيز : يلا لبسي ودقي علي اذا خلصتي اكون عند الباب مشاعل: اوكي وسكر الموبايل ولف على فهد : تروح معاي فهد وهو طاير من الفرحه : وين عزيز : اودي بنتي السوق تقول زهقانه فهد : يلا مشينا عزيز : فمان الله يا شباب وطلع من الدوانيه مع فهد وركب فهد بسيارة عزيز وراح لبيتهم ولما وصلوا دق عزيز على مشاعل عشان تطلع : وطلعت كانت لابسه تنورة قصيرة لونها ابيض وبدي لونه تفاحي وامبطله شعرها وحاطه سكارف على شعرها لونه تفاحي وماكنت حاطه مكياج شكلها رايق سلمت على عزيز وقالت لفهد : شلونك فهد فهد : بخير الله يسلمك شلون غلاوي يقولون طاحة امس فهد : أي والله تعبت شوي كان يتكلم وهو ميت من الفرحه مشاعل : الله يقومها بالسلامة احنا ان شاء الله العصر نزورها فهد : حياج الله مشاعل : شكرا عزيز : يلا شعوله تبين تروحين بسيارتي او تروحين بسيارتج مع السايق مشاعل بدلعها المعتاد : لو ابي اروح مع السايق ما قلت لك ابيك عزيز : اوكي ركبي السيارة مشاعل : عزوزي انت كنت مشغول لما انا دقيت عليك عزيز : لا واذا كنت مشغول افضي نفسي عشانج مشاعل : ثانكس يالغالي وسكتوا وشغل عزيز عبادي اغنيه ابسألك فهد دخل جو مع الاغنية بسرعه مشاعل سكتت شوي بعدين قالت مشاعل : عزيز عزيز قصر عالصوت : هلا مشاعل : اغانيك تنوم شغل شي حلو عزيز : شنو تبين ؟؟ مشاعل : حط عالمارينا اف ام اغانيهم حلوة عزيز اوكي بعد الاغنية مشاعل : اوكي فهد كان مروق عالاخير قال فنفسه حبيبتي معاي شنو ابي من الدنيا بعد عزيز بعد ما خلصت الاغنيه وشغل مارينا : اوكي شعولتي مشاعل : ويع شالاغنيه هاذي عزيز : انتي مو عاجبج شي مشاعل : عاد مو جذي عزيز : انتي قلتي اغانيهم حلوة مشاعل : عزيز طف الراديو انا بشغل لكم اغنيه تسمعونها اخذتها من النت عزيز : لاتقولين عود مشاعل : اكيد بدون مناقشه عزيز : انا ماقلت لج ان فهد يدق عود مشاعل بفرح : والله عزيز : اسئليه مشاعل : فهد تدق عود فهد : اي مشاعل بفرح اكبر : عزيز ممكن تقوله يسمعني عزيز : استأذني منه كاهو جدامج مشاعل : فهد تعزف جدامي في اغنيه اموت عليها ابي اسجلها بالعود وانا اركب عليها الصوت بس ابي العزف منك ممكن فهد : شنو الأغنيه مشاعل : يعني موافق فهد : اي موافق بس بعد شهر مشاعل بحزن : اوف شهر والله بعيد ليش بعد شهر بالذات فهد : بعد شهر ويمكن اقل لكن اوعدج اعزف لج الي تبينه مشاعل : اوكي ناطرتك بعد شهر ويارب يكون اقل عزيز : عاد شعوله مافيها صبر هذا ويهي اذا ماخلتك تسجلها قبل الشهر عاد كله كوم والعود كوم ثاني فهد : مو مشكله انا اذا تمت الشغله قبل شهر مايكون خاطرها الا طيب واصلا اذا تمت او لأ راح اسجلها لها لأني وعدتها عزيز كأنه فهم تلميح فهد : الله يكتب الي فيه الخير فهد : امين مشاعل : عزوز خلاص مابي السوق شرايك نروح نخلي فهد يعزف لنا ابي اسمع عزفه عزيز : ياليتني ما علمتج الحين تأذين الريال مشاعل ببراءة : لا والله اقعد عاجله وما أذيه ولا ازعجه فهد عارف ان كلامها عفوي : مو مشكله خلنا نروح البحر بس اول ادق على بدر يجيب لنا العود مشاعل بكل براءة : ياي وناسه فهد دق على بدر وقاله يبي اغراض من البيت يجيبها له بالبحر قال بدر انه مايقدر يخلي ابوه فهد تفهم الوضع وقال لعزيز انهم يوصلون البحر وفهد ياخذ سياره عزيز يجيب العود و يرجع لهم البحر وفعلا قطهم في البحر و راح اخذ العود ورجع لهم عالبحر عزيز قاعد بين فهد و مشاعل فهد : شنو تبون تسمعون عزيز : ها شعوله شنو تبين تسمعين مشاعل : ابي اغنيه خالد عبد الرحمن خبروه عزيز : بشرط فهد ومشاعل : شنو عزيز : تغنين انتي معاه وانا بصورج بروحج مشاعل بعفويه : لا صورني مع فهد عشان اواري رفيجاتي ان العزف كان معاي مو تركيب مثل كل مره عزيز : عادي اصورك معاها يا فهد فهد : اي مو مشكله بس لا تعطيه أحد اخاف أصير مشهور بعدين شنو يفكني من المعجبات عزيز : اخاف اصور محمد عبدو وانا ما ادري فهد : لا عاد اذا ابو نوره بالسالفه انا اسكت مشاعل بعجله : يلا غني لي فهد بدأ يعزف ومشاعل تغني معاه وهو يغني معاها وعزيز يصورهم بعد ماخلص عزف مشاعل : مشكور فهد فهد : العفو ماسوينا شي مشاعل : اخيرا حققت امنيتي فهد : ان شاء الله عن قريب تتحقق كل امانيج عزيز فهم تلميح فهد له وقال بضحك : قولي ان شاء الله تتحقق امانيج واماني فهد معاج مشاعل مو فاهمه شنو قصدهم : امين يارب يحقق اماني فهد وامانيي وامانيك ياعزوز فهد عرف ان عزيز فهم عليه : امين مشاعل : عزوزي عزيز : هلا مشاعل : تودوني ابي اشتري شبس وعصير عزيز : اذا ماوديتج اودي منو مشاعل : ثانكس سينور عزيز : مشينا فهد : يلا تقطني البيت عزيز : ليش فهد : ما ودي اضايق الشيخه مشاعل عزيز : تضايقها ؟ لا غلطان هي مستانسه على الطلعه معاك انت طحت على الجرح اهي من زمان تبي اعلمها عالعود فهد : لا تعلمها عزيز : ابشر مشاعل : ليش مايعلمني فهد : اسئليني نفس السؤال بعد شهر اقدر اجاوبج مشاعل بغباء : انت شسالفتك كل ما كلمتك قلت بعد شهر فهد : هم ما اقدر اقولج الا بعد شهر بعد ماتتحقق امنتي مشاعل : يارب تتحقق امنيتك بسرعه عشان اعرف اجوبه اسئلتي فهد وعزيز : امين وراحوا الجمعية اشتروا حق مشاعل إلي تبيه وفهد لاحظ طريقه تحركاتها وذرابتها شلون تاخذ الأشياء وتقرا تاريخ الإنتهاء واذا شي ما تعرفه تقرا مكوناته حب طريقه مشيتها وشلون تتحرك يحس انها عالفطره مو تتصنع الدلع مشاعل في سلتها ٢ جالكسي و ٢ ليز ملح و ٢ عصير برتقال وفي سله عزيز ٢ سنيكرز و ٢ كولا و فهد يتفرج على طريقه مشاعل في الكلام مع عزيز وعزيز منتبه ان فهد سرحان وتأكد ان فهد معجب بمشاعل فهد : مشاعل ليش تاخذين ٢ من كل شي تشترينه مشاعل : هههه اشتري حق اختي ورفيجتها ولا انا لين الحين ما اشتريت الي ابيه فهد : اها يعني مو لج مشاعل : انا اكل جالكسي ويع انا ما احبه فهد : شنو تحبين ؟. مشاعل : انا اكل فيريرو روشيه واصلا انا ما احب اكل كاكاوات وايد فهد : شنو تحبين مشاعل : انا احب التمر تدري انا وبابا الوحيدين الي نحب التمر عزوز ياكله بس ما يحبه مثلي عزيز عارف فهد شنو يبي يوصل له: مشاعل شنو مواصفات فارس احلامج عزيز سأل هذا السؤال لأنه عارف اجابتها الي دوختهم فيها مشاعل : مواصفاته الله يسلمك لازم يكون كبرك او اكبر مابي ياهل لازم يكون ناضج فكريا ودايم ينصحني مابي ياهل انا اعلمه او يكون دلوع امه ولازم يكون طيب مثلك وانا احب يكون عازف عود عشان يغني لي اذا زعلت ولازم يكون مو متين لازم يكون رياضي ولازم وهذا اهم شرط يكون بدوي او عالأقل يحب البداوة مثل بابا ومثلي والاهم من هذا كله لازم يكون يصلي بالمسجد كل فروضه وما يترك ولافرض بالصلاة عزيز : زين انتي ليش تحبين البداوة مشاعل : رفيجتي وضحه تصارفاتها خلتني اتمنى اكون بدويه مع ان مو قاصرني شي وكل شي ابي انت تييبه لي بس اتمنى اجمع مصروفي مثلها عشان اشتري الي ابيه تدري اهي لما كانت تبي تشتري هديه حق امها جمعت مصروفها عشان تشتريها من فلوسها مع انها لو تبي فلوس ابوها يعطيها أهي عندها ناقه لها وناقتها شاريها لها ابوها هديه نجاحها بتفوق واسم ناقتها الرمانه وناقتها الحين عندها حوار دايم تصور معاهم تذكر لما راويتك صورتي وانا يم الناقه وولدها هاذي ناقتها لما كنت رايحه البر عندهم ياي هذاك كان احلى يوم بحياتي اتمنى ينعاد بس حسافه كل شي حلو ما ينعاد بس تروح ايامه وماترجع فهد : انتي تحبين النياق مشاعل : اموت عليها واحب الصقور بعد خالي سالم عنده صقور وعنده جلاب حراسه للفيلا حقته وحق الشايله ويحب يروح المقناص في جم مره اخذني معاه فهد : يعني انتي تحبين الرجال البدوي مشاعل : اي احب لما يقول رجاجيل واستانس اذا وضوحه قالت انتي جيتي او جبت لج و اهي دايم تقول لبيه وحيا الله هالخشه هههه عزيز : شعوله خلصتي اغراضج ابي احاسب ابطلع من الجمعيه مشاعل : انا راح احاسب لكم على حسابي عزيز : اوكي هاذي اغراضي حسابي لي مشاعل : اوكي وفهد شنو اشتريت فهد : مشكوره خيرج سابق مشاعل : اي ادري انتو شنو تحبون انت بدوي مثل وضحه وراحت عنهم وهم وراها فهد يطالع عزيز وعزيز ابتسم له عزيز : مفاجأه مشاعل اشترت سانكست برتقال و ٢ كاكاو كت كات مشاعل : تحبه صح فهد : اي ههههه مشاعل تطالع عزيز : شفت شلون ؟. انا اعرف شنو يحبون البدو علمتني وضوحه فهد :مشكورة مشاعل: العفو وقفت جدام الكاشير وطلعت بوكها واخذت بطاقه البنك ودفعت لهم فهد طالع فيها مستغرب شلون صغيرة وعندها حساب مشاعل حاسبت وقالت للهندي يحط اغراض كل واحد بكيس وعطت فهد اغراضه وعطت عزيز اغراضه ومشت يم عزيز ومسكت يده فهد مشى يم عزيز وهو يحس بسعاده غريبه دخلت قلبه ما يدري شنو مصدرها او ليش يحس جذي يحس هاذي اللي ممكن تملي عليه حياته بدلعها و جمالها الطفولي وحتى لما تتكلم يحس ان في شي يتحرك داخله بالسيارة الصمت كان سيد المواقف مشاعل : عزيز وفهد ممكن اقول شغله عزيز : تفضلي مشاعل : مشكورين فهد : على شنو مشاعل : لاني طلعت معاكم غيرت جو لو قعدت بالبيت يمكن اموت فهد بسرعه : سم الله عليج لا تقولين جذي اذا ما طلعنا معاك منو يطلع معاك مشاعل: مشكور فهد : العفو عزيز : ها شعوله تروحين بيتنا او بيت خوالك مشاعل : لا بيتنا لان بروح انزل الفيديو اللي صورتني مع فهد فيه عشان انزله بالبومي عشان ادزه لرفيجاتي بطاقه يديده اقهرهم فيها ومشكور فهاد على العزف كان مررررررره حلو فهد ضحك : بس بدو الكويت ما يقولون مره يقولون واجد مشاعل : كان واجد حلو لا مرة حلو احلى واذرب صح فهاد فهد : اللي يريحج مشاعل : عزوز قول اذرب او لا عزيز : أي عدل يالدلوعه ودق موبايل فهد بالوقت هذا وكانت مشاعل تسولف مع عزيز فهد : مشاعل لحظه ابي ارد على موبايلي مشاعل :اوكي رد عزيز :مشاعل سكتي اوكي مشاعل :ليش فهد تنرفز منها بس ما تكلم عزيز : اوكي مشاعل سكتي الريال يبي يرد مشاعل زعلت وما تكلمت فهد : سم يبه :......... فهد : ابشر الحين جايك بالدرب :.......... فهد :ابشر الحين ادق عليها :............. فهد : في حفظ الرحمن وسكر ودق على رقم هو حافظه : الو : ........... فهد : زين انج انتي اللي رديتي على موبايلج :.................. فهد : دقي على بدر يبيج :............ فهد : مو صاير الا الخير بس امي تبي تكلمج :............. فهد : يابنت الناس دقي عليها تبي تكلمج وابوي بخير مافيه شي :........... فهد : انا برا الحين رايح لابوي :......... فهد : طيب مع السلامه وسكر ولف على عزيز : بتعبك معاي قطني على المستشفى عزيز : اوكي بس انزل الدلوعه البيت فهد : اوكي فهد : مشاعل مشاعل وهي زعلانه : هلا فهد : لا تزعلين مشاعل تبي تبكي : انا ما قلت شي هاوشتوني انت وعزوز فهد : ما هاوشناك مشاعل ما قدرت تمسك نفسها :لا والله ومنو اللي هاوشني مو انت وعزوز عزوز: مشعوله ماله داعي تبكين مشاعل : ما بكيت وانا زعلانه عليك عزوز وراح اعلم بابا يزعل عليك فهد : طيب تبين اعزف لك عشان ترضين مشاعل تفكر : هاه فهد يعيد الكلام عالبطيئ : تبين اعزف لك عشان ترضين مشاعل :ليش لا فهد : خلاص وعد اعزف لك مرة ثانيه الاسبوع الجاي مشاعل : اوكي فهد : مسحي دموعك وماله داعي تزعلين مشاعل : طيب وهي تمسح دموعها فهد : عزيز يغمز له : عرفت لها ههههههههههههههه مشاعل : شنو قلت عزيز : سر لرفيجي انتي شكو فهد :هههههههههههههههه مشاعل : فهاد علمني شنو قالك فهد : سر مايصير تعرفينه مشاعل : واي منكم انتوا الاثنين ما تعلموني فهد :تبين اعلمج مشاعل : أي فهد : بعد شهر باذن الله راح اقولك مشاعل : انت لين الحين متعلق على هالشهر ان شاء الله يخلص الشهر بسرعه عشان تعلمني فهد : ان شاء الله عزيز : يلا نزلي البيت شنو توقعاتكم راح يصير مع غاليه وفهد & مشاعل علي & العنود عزيز & الجازي & غاليه بدر& مجهولة الهوية ودمتم بحفظ الرحمن محبتكم ندى الزهر |
اقتباس:
هلا وغلا ببنت الديره شلونج دلوله توقعاتج يمكن تصيب يمكن تخيب وانا سبق وقلت كل شخصيه منهم موجوده على ارضي يمكن اغير من ملامحهم لكن بنفس الاطباع ونفس الأحداث جرت على ارضي ويمكن تلقين في خيال في مواقف لكن مو كلها وابو رجا موجود لكن باسم اخر :) وعزيز خطابه كثيرين :) اولهم كويتيه ونص :D ودمتي بحفظ الرحمن ندى الزهر |
وااااااااااااااااااو البارت حده رووووووووووعة غالية العين حق ما تستاهل المسكينة >> شنو كانت ردت فعل محمد لمن عرف عن غالية مشاعل هيهيهيهيهي و الله عفوية هالبنت و الأزوق شلون تتكلم عن رفيجتها وضحة و النياق و طبعا الأخ فهد أسهمه مرتفعه و متشقق من الوناسه>> تصدقين عندي فضول عن حياة البدو أحس حياتهم حلوة و بسيطة عزيز الصراحة وااايد فري يعني أنا أعرف ناس فري بس مو لي هالدرجة إن عادي يطلع إخته مع صاحبه بس أهم شي الأخلا ق و هذي حياتهم أتوقع إن يطلب إيد غالية بس إهي مخطوبة حق أبو رجا فينكسر قلبة و تتبخر أحلامه الوردية و بعدين ياخذ إلجازي >> و أنا أقول كذا أحسن عشان إلجازي ما تبقى بروحها تسلم يدك على ما خطت و دمتي بحفظ الله و رعايته تحياتي الدلال :) |
الروايه مرررررررررررررره رووووووعه اتاثرت فيى عاليه وغاليه والتؤم لانهم يحسون في بعضهم بدر ولد حبوب اعجبتني شخصيته وهو من الشخصيات الهادئه واروووع شي تقرب فهد من مشاعل وخوف عزيز على غاليه وتقبلي مروري وشكرا
|
يا هلا ومرحبا .. استهلت وامطرت .. اول شي مشتاقة لج واااااايد .. والله ذاك اليوم ييتي على بالي .. البارت روعـــــــ ^_^ــــــــــــــه.. غالية .. سلامات يالغالية ما تشوفين شر .. والله صج الناس ما تعطي خير .. والله يعينها يارب .. عزيز .. احب شخصيته لكن دلعه لخواته احس مبالغ فيه .. يمكن سهل حضريه تتزوج بدوي لكن حضري يتزوج بدوية موو دايم تصير .. ان شاء الله يوافقون عليه .. فهد .. غريبه تحب وحده بالهسن وحضرية.. لكن ساعات احنا البشر نحب كل شي مختلف عنا .. مشعل أبو فهد .. بالنسبة لي دايما اعرفه متأخر والسبب انج تسمينه باسمه .. احسبه واحد صغير بس بعدين استوعب انه الابو فياليت دايما تسمينه بابوفهد .. بس شنو اللي تقصده ام غالية وعالية ان بناتها يشبهون اللي راحت ؟؟ منو هي ؟ وشلون بناتها ويشبهون وحده ثانية ؟ مشعل الفارس .. سلامات ياالحبيب وما تشوف شر .. وابي اعلق على سالفة الغرفة .. اي والله انج صاجة كل شي بالواسطة حتى ولو متوفر الشي.. بلد سايب .. اي .. وهم ابو رجا .. صج ماله دور حيل هالبارت .. بس والله باط جبدي .. جذي من الله .. لا وهم عشان اسلوبه البايخ بالتعامل مع البنات وخصوصا غالية للحين ببالي الطراق اللي عطاها اياه وي محتره حدي .. |
البارت حلـــــــــــــــــــــــــــــو
ولا اقولج احلا من الحـلا نفسه تسلم ايدج عليه اول شي سووووووووووووووووووووووووووري عالتأخير كل مرة اقول بسيفه واقراه ويصير شي يخليني اطلع قبل لا اسيفه الحمد لله اليوم سيفته وما صار شي خخخخخ المهم غالية اسم الله عليج يا قلبي سلا مات وما تشوفين شر يعله بعدوينج والي حسدوج وان شاء تقومين بالسلامة عزيز يحليله يعني ثبت على غالية بس ما اعتقد فهد يرضى لان اوكي عزيز صديقه بس بورجا ولد عمتته وغالية محيرة له الا لو عزيز خير فهد انه ياخذ غالية او مافي مشاعل بس ما اعتقد عزيز يسوي جذي عالية حرااااااااااام كسرت خاطري لا تخافين ان شاء الله غالية رح تقوم بالسلامة انتي بس ادعيلها فهد امممممممممممممم مادري يا ان حياتهم رح تكون كلها مشاكل لان فهد عصبي ومشاعل دلوووعة او ان فهد رح يدلع مشاعل ويخلي عصبيته لانه لما بجت راضاها بس هل رح يسوي جذي بعدين او رح يمل الله يستر مشاعل حلوة شخصيتها تصدقين حتى انا احب البدو مع ان ولا وحدة من صديقاتي بدوية بس مادري من كثر ما اقرى عنهم وجذي حبيتهم*_^ ولو كان بزواجها من فهد خير لها مادري عليها الله يرزقفها فيه ويوفقهم ولو لا الله يبعده عنها ويوفقهم بعد بدر شكلها وحدة تسيرلهم او شافته من قبل لان مو معقولة تعرف كل شي عنه حتى كوبه وتعرف بعد انه كان يحب وحدة وخانته او خدعته واهي ما تحبه او يمكن لما درت عن اعاقته خلته مادري الحين اهو شرح يسوي رح يوافق ياخذ وحدة ما يعرفها ؟! ما اعتقد وحتى لو وافق اهله ما اعتقد رح يوافقون الله يستر بو رجا"محمد" شنو موقفه لو درا ان عزيز يبي غالية ما اعتقد رح يسكت ورح يقلب الدنيا عليهم الله يستر منه وسووووووووووووري مرة ثانية عالتأخير تقبلي مروري |
اقتباس:
يا مرحبا دلوله هلا وغلا بالنسبه لسؤالج عن اسامي ابطال الروايه ترا الاسامي كلها مو حقيقيه ولكن الاحداث كلها صارت عندي وانا ذكرت جم مرة ان الاحداث واقعيه ولكن الخيال بالاحداث بنسبه قليله وبالنسبه لعزيز : بالنسبه له مشاعل صغيره وما يعتبر ان لما بنوته الصغيره تركب مع صديقه فيها شي وبالنسبه لركوبها بالسيارة مع فهد وعزيز هذا شي صار جدام عيني وانا شايفته من ناس اعرفها وسبق ذكرت ان الاحداث صارت على ارض الواقع |
اقتباس:
اشكرك على مرورك ومتابعتك للروايه ودمت بحفظ الرحمن |
اقتباس:
واشكرج حبيبتي كويتيه ونص على متابعتج للروايه ودمتي بحفظ الرحمن تحياتي لكِ |
اقتباس:
اشكرك غاليتي على متابعتك للروايه واتمنى تعجبج باجي بارتات الرواية تحياتي لكِ |
سلاااااام ندووووش و بنات ديرتي و كل المتابعات بس حبيت أقول شي واحد إن بدر إللي تحبه يمكن تكون إخت أبو رجا على ما أعتقد |
اقتباس:
اهلين غاليتي دلوله توقعج قوي ما اقول الا انتظري بس حقيقه المجهوله اللي تحب بدر ماراح تبين في البارت الجاي احتمال كبير في البارت اللي بعده وتحياتي لج ودمتي بحفظ الرحمن |
هلا وغلا ببنات الكويت .. حبي.. بالنسبة للدلع .. انا ما انكره بالعكس موجود وبمكن انا اكثر وحده اعرفه عدل .. لكن لووول انا متعجبه من عزوز يترك ربعه عشان اخته لووول الله يكثر من أمثاله .. بالنسبة للمجهولة وتوقع الاخت الدلال Q8 ما اذكر متى يبتوا طاري اخت ابو رجا ( حبيب قلبي اللي احبه موت :@ معصي ) ذكروني فيها متى يبتوا طاريها بأي بااارت ؟ ومشكووووورة قلبوااا .. GOOD LUCK FOR ALL IN EXAMINATION |
اقتباس:
حبيبة قلبي كويتيه توقع دلوله قوي .. انا ما يبت طاري خواته الا لما كان توه واصل من السفر وسألوا اهل فهد متي اييون خواته وابوه ولما يدته سالته ليش ما يبت خواتك معاك .. بس وراح اقولج ان توقعها قوي لكن مو شرط تكون هي :) كويتيه حبيبتي اشكرك مرة ثانيه واذا عندج اي سؤال انا بالخدمه :) |
مرحبا ندو كيفك أعتذر عن تأخري بالرد على البارت :lol: الصراحة البارت الأخير امممممممممم يعنى نقول عنه أنه رووووووووووووووووووووووووووووووووووووووووووووووووعة :55::55::55::55::55::55: يسلمواااااااااااا :flowers2: الأيادي عليه :dancingmonkeyff8: وتطوراته خطيييييييررررررررره أجل فهود طاح ولا أحد سمى عليه خخخخخخخخ :lol::lol::lol: لا وعزوز كمان خخخخ :lol::lol: ماأخس من قديد الا عسفان خخخخخخخخ :lol::lol::lol: حتى في الحب سوا والله حركاااااااااااااااات :dancingmonkeyff8: اخص اخص :party0033: على الناس الوحشة حرام عليكم غالية يعنى ايه شعرها طويل لا حول ولا قوة الا بالله :f63: الله يشفيها ويقومها بالسلامة يارب :f63: عالية وعادل الله لا يفرقكم ابو رجا أكيد الان حالته حالة بدر والبنت الغامضة من هي ياترى وماذا سفعل عند معرفتك ؟؟؟؟؟؟ مشاعل خخخ كده ايش سويتي في الرجال علقتيه لا لا لا وكله كوم والعزف والجو الرومانسي بحضور أخوكي كوم تاني لا لا وعجبتيه وقت الحساب قيد الرجال طايح من زمان لسه يستنى موقف يشجعه على الذوبان خخخخخخ :lol::lol: مشعل 1000 لابأس عليك ان شاء الله محمد غالية عزوز ماهي البداية حتى نصل للنهاية ؟؟؟؟؟؟ ايش راح يصير لها العلاقة اللي من جانب واحد لكل الأطراف ندو أنا ابغى عزوز يأخذ الجازية :friends: وعلي ياخذ العنود :friends: لا تخربطينا اوكي ننتظر القادم بكل لهفة وشوق حتى ينجلى الغموض :lol: تحياتي لك :flowers2::flowers2: |
اقتباس:
اهلين يا حلوة كيفك انتي انا بخير الحمد لله ان شاء الله يكون البارت اعجبج واكون قد الكلام اللي تقولونه لي واذا ايام اتأخر عليكم صدقوني مو بيدي اشكرج على ردج الحلو مثلج ودمتي بحفظ الرحمن |
ان شاء الله البارت اليوم .. باذن الله تقريبا الساعه 11 او 12 ويمكن قبل جذي اتمنى ان البارت يعجبكم اولا يمكن يكون فيه نصيب من توقعاتكم بالجزء هذا فهد .. يتعب .. بس من شنو ؟؟ علي خبييييث اقل ما يقال عنه بالبارت الجاي العنود يتلبسها الخوف من علي بعد ما يصير اللي راح يصير .. وسرقتها لاهم ما تملك الجازي .. الجازي لا جديد عندها الا .........؟ اتهامها للعنود بدر على حاله مع المجهوله .... ,, اختفائها المفاجئ يسبب القلق له غاليه وعاليه ..؟؟ ابو فهد وحبه لبناته وكلمته اللي اعطاها لمحمد ( ابو رجا ) هل راح يجبر غاليه ام يكسر كلمته اللي سبق واعطاها للمحمد اذا صحت غاليه عادل ورومنسيته مع عاليه .. انتظروني ندى الزهر (( ندوووو )) |
سلاااااااام ندووووووووووش أخبارك يا حلوة ؟ إن شاء الله بخير حدك حمستيني على البارت ألحين قمت أفكر بللي راح يصير و إن شاء الله بكون قبل ال ١١ عشان ألحق عليه أول ما ينزل و أكيد البارت راح يعجبنا و الله يستر من هالعلي تحياتي لك : الدلال :) |
أخبار روووووووووووووووعة وتوقعات رهييييييييييييبة من الان راح نفكر ونلف وندور الى ان يصل البارت بسسسسسسسسسس العنود والجازي حرااااااااااااام لا يصير بينهم شئ والله يستر من عليان ذا ننتظرك بكل شوق |
البارت جاهز بس ناقصه التنسيق وينزل عالنت يعني ربع ساعه بالكثير ويكون بين اياديكم واتمنى انه يعجبكم واشكر الدلال والحلو الاذع على وجودهم هني :flowers2::flowers2: ادعو لي بامتحاناتي ودمتم بحفظ الرحمن ندوووو |
بعد صلاة الظهر أبو فهد جالس مكانه ورافع يده ويدعي انها تصحى من الي هي فيه و انها تقوم بالسلامة ونذر انه يصوم أسبوعين كاملين وهو في مكة هو ويا غاليه وانه يذبح 15 ذبيحة ويعزم أهله وربعه وكل من يعرفه من قريب وبعيد أبو فهد ،،، يارب سألتك رحمتك وهي في عز حاجتها لك وهي ما تدري عن الي حولها وأنا أسالك الخير في مسألة شفائها اللهم أحيها دام الحياة خير لها وتوفها دام الوفاة خير لها يا علام الغيوب انك تعلم إني عبدك الفقير محتاج لعفوك ومحتاج لرحمتك يا رحيم اللهم ارحمنا برحمتك شافه إمام المسجد سلم عليه وسأله عن حاله وأحواله وأخبار أهله أبو فهد : والله الكل بخير الحمد لله بس يا أبو عبدالله أبي أنشدك عن شي اذا كنت مو مشغول أبو عبدالله : ابد ماني مشغول أبو فهد : بغيت أسألك عن العين أبو عبدالله : ليش شنو صاير أبو فهد : والله بنتي كانت بحلفه وبناتي فيهم من الجمال الكثير كانت أمس في حفله واليوم بغيبوبة بالمستشفى ما يدرون شنو فيها بوعبدالله : لا حول ولا قوة الا بالله .. لا حول ولا قوة الا بالله أبو فهد : أي والله .. من العين أبي اعرف شنو أسوي يا شيخي أبو عبدالله : عليك بالرقية الشرعية وماي زمزم تراه لما شرب له وادعوا لها تراها محتاجه دعائكم ذكرني أعطيك الرقية الشرعية عندي منها كثير بسيارة عادل عادل : علوية تكفين بس والله قطعتي قلبي عالية : ليش محد فاهمني ليش ؟. أقولكم انا أحس بألمها أهي تعبانه عادل : حبيبتي ليش ما تدعين لها ليش تبجين دموعج ما تفيدها بشي عاليه وقفت بكى وحطت رأسها بين كفوفها عادل : حبيبتي في شي يعورك عاليه وهي على نفس وضعها : ولا شي بس راسي راح ينفجر من الصداع عادل : تبين أدخلك ع الدكتور حبيبتي عالية : ما يحتاج حبيبي الصداع عشان ما نمت عدل عادل : أنتي أكلتي عالية : مالي نفس عادل : شنو هالحجي و ليش مالك نفس ؟. عالية : ومن له نفس يأكل عادل شغل سيارته عالية : وين رايح ؟. عادل : قريب عاليه : ما قلت لأهلي عادل : انا اهلك عاليه : أنت زوجي وحبيبي بس لازم أقولهم عادل دق على بدر : يأبو مشعل ترى حرمتي معاي :............ عادل : ما راح انطول :......... عادل : اوكي باي عالية : طيب وين راح توديني عادل : عازمك ع الغدا عالية : لا اتعب عمرك حبيبي عادل : اوكي بس اقعدي معاي عالية : بس ما تطلب لي عادل : حاضر على أمرج ما راح اطلب لج وراحوا المطعم وطلب عادل له و ما طلب لعالية عالية في بالها راح يطلب لها من باب المجاملة بس ظنها خاب ما حبت تقول اشتهيت آكل قالت انطره وإذا رجعت البيت آكل مو لازم الحين وصل الطلب وعادل ما يطالعها اخذ السكينة وقطع قطعه الستيك قطع صغيره وبالشوكة واخذ أول قطعه ستيك عادل : افتحي فمك عالية ابتسمت : عافيه على قلبك أكل حبيبي عادل : شلون تظنين إني اقدر آكل بدونج أنتي فاتح الشهية حقي يلا أكلي اذا تحبيني عالية وهي تأكل قطعه الستيك : مشكور عادل : يلا بعد هاذي واخذ قطعه ثانيه يلا عالية : حبيبي عادل : هششششش أكلي لاحقين ع الكلام عاليه : زين عطني انا أكل بنفسي عادل : لأ انا أبي أوكلك عشان اضمن انك تأكلين بعدين ليش مستحية ما في بالكبينة غيري وغيرك عاليه : إحراج انا أكل بنفسي عادل : هشش علوية رجاءا اسكتي لا تجادلين قلت لك ماكو كلام ع الأكل عالية تأكل بهدوء وهو لقمه ورا لقمه بعد فتره قصيرة عالية : بس خلاص الحمد لله عادل : شنو خلاص ؟. أكلي أكلي عالية : الحمد لله عادل : أكلي هاللقمة عشاني عالية وهي تأكلها : عشانك عادل : طيب و هذه عشان خاطري عالية تأكلها : عشان خاطرك عادل : عشان خاطر عيوني عاليه : لين متى عادل : ما راح أخليج لين تخلصين الصحن كله عالية : ما اقدر والله عادل : حاولي عاليه : زين أنت أكل عادل : اذا أكلتي أنتي انا أكل بعدج اطلب صحن ثاني لي عاليه : طيب اطلب عادل : ماراح أخليج الا لما تخلصينه عالية : بس شبعت عادل : علوية شنو شبعتي ما أكلتي شي عالية : حبيبي والله شبعت عادل : ترى حلفتي والي يحلف انا أصدقه عالية : والله شبعت عادل : عافيه يا قلبي عالية : الله يعافيك عادل أكل الي ما كلته عاليه عالية : ليش تأكل سوري عادل : كيفي سور حبيبتي وانا حر عالية ابتسمت بحرج @*@*@ عند شخص فقدنا أخبار قلبه وأحوال حبه علي على سريره ويسمع للتسجيل الي أخذه من موبايلها من كثر ما سمعه حفظ كل كلمه فيه وصار يردد معاها و بعد ما سمعه سكر التسجيل وفتح صورها يتأمل فيها إنسانة رقيقه حساسة دلوعة متربية تحب راحة غيرها وسعادة الي حولها تهمها حتى لو على حساب صحتها علي لازم أتحرك لازم أخطبها لازم أخاف احد يتقدم لها وتتزوجه لا ماراح تتزوج غيري آمين يارب اذا في لنا خير سهله لنا وإذا فيه شر أبعدنا عنه دق على عمه الكبير : السلام عليكم والرحمة راشد : وعليكم السلام والرحمة والإكرام علي : شلونك يا عمي راشد : بخير ربي يحفظك أنت شخبارك علي : بخير دام ربي عليك صحتك راشد : علي شنو عندك تكلم يا ولدي محتاج شي .. تبي شي .. علي : الله يحفظك يا عمي أنت تعرف انك في مقام الوالد راشد : يعلم الله انك واحد من عيالي يا علي علي بحيرة وارتباك : مثل ما أنت عارف انا صار عمري فوق ٣٦ وأبي استقر بحياتي راشد : ألف مبروك يا ولدي تبي تتزوج علي براحه : أي والله يا عمي وأبيك تجي معاي تخطب لي راشد : الله يفرحك مثل ما فرحتني حدد وقت نروح لهم بس ما قلت بنت منو ؟؟ علي : بنت فارس الفارس راشد : الله يقدم الي فيه الخير علي : آمين يعني أدق ع الناس أقولهم إننا راح نجي نخطب باجر بعد صلاة العصر راشد : سوو الي يريحك يا يبه بس بلغني متى نروح معاك علي بفرح : ابشر يا عمي وسكر من عمه وهو طاير من الفرح دق على الجازي : قوة جو جو الجازي : يا هلا بابا علي : أنتي وين الجازي : بغرفتي ليش تبي شي ؟ علي : في لج أحلى خبر تعالي غرفتي بسرعه الجازي : اوكي و دقايق و الجازي كانت عند علي الجازي : ها خير بابا علي : تعالي قعدي عندي وبعد ما قعدت عنده ع السرير علي : منو أكثر وحده تحبينها بالعالم الجازي : أكثر وحده ماما علي : بعد ماما الجازي : لاروسا علي : عليج نور وصلتي خير ما ودج تعيشين معاها في بيت واحد الجازي بفرح بس مستحية : ودي ليش لأ علي : انا بخطبها باجر شرايج الجازي بفرح وراحة : وانا بغيت أموت من الحيا حسبالي احد خاطبني طلعت أنت تبي تتزوج الله يوفقك بابا وناسه يعني انا و لاروسا فبيت واحد راح نعيش علي : قولي الله يقدم الي فيه الخير الجازي : الله يوفقكم علي : روحي لبسي عشان اطلعج أبي امشيج الجازي : شكلك مستانس علي : أخيرا راح يصير عندي عيال الجازي : وناسه بصير عمه هههههههه وطلعوا تمشوا واستانسوا @*@*@ في غرفه غاليه أمها عند رأسها تقرا عليها من ايآت الشفاء من الرقية الشرعية الي عطاها أبو عبدالله إمام المسجد لأبو فهد وأبو فهد على الكرسي غافي لأنه تعبان وبدر على الكرسي الثاني ساكت يكتب في موبايله بالملاحظات خاطرته الي طرت على باله الحين عشان أول ما يرجع البيت ينزلها بالنت بدر في نفسه : ماراح أقولها عن أختي انها مريضه اذا عرفت معناها راح تزورنها وانا راح أسأل أمي عن الي يزورنها شنو أسوي الحين قال لأمه : أحس إني مختنق بطلع من المستشفى ام بدر : إي حبيبي روح ارتاح طلع بدر من الغرفة وهو ضايق صدره راح البيت شاف لاب توبه فتحه فتح المنتدى كان يظن انه راح يلقى منها رساله أو موضوع إهداء له بس خاب ظنه لما ما لقى شي وما لقاها شابكه بدر بنفسه : معقولة ما شبكت اليوم عشان الرسالة الي دزتها عسى المانع خير @*@*@ بسيارة علي بسرداب المجمع علي : ها تبين مكان ثاني قبل لا نروح أي مطعم نأكل أي شي الجازي : كيفك علي : خلاص نروح المطعم نأكل أي شي خفيف ونروح البيت الجازي : توكل على الله علي : دقي على لاروسا اخذي رقم أبوها أو رقم عزيز الجازي : اوكي بسوي فيها مقلب وفي مكالمتها العنود :شنو تبين برقم أبوي الجازي : أبيه بموضوع العنود : شنو الموضوع الجازي بصراخ : أنتي شكو .. مو شغلج تقتلين القتيل وتمشين بجنازته العنود : اشفيج اليازي انا ما سويت شي الجازي : لما نكلم عمي اهو راح يتصرف معاج آخر شي أتوقعه انج تكونين حراميه العنود : حراميه ؟. أنتي ينيتي الجازي : أي حراميه أخذتي مني أغلى شي بحياتي عشت معاج أخت بالأخير تبوقيني العنود بحكمه : اليازي يمكن في لبس بالموضوع انا متأكدة انج أختي وما قصدج الكلام الي قلتيه بس انا راح اعطيج رقم بابا بس أتمنى الي بينا ما يتبخر بلحظه غضب و لحظه تهور منج بسبب تافه انا واثقه من عمري أن عمري ما غلطت بحقج و انج كنتي أغلى صديقه عرفتها بس يا مس بلو رقم بابا ******* دقي عليه و أشرحي موضوعج بس أتمنى تعيدين حساباتج قبل لا تدقين لأن مابي اخسرج و ما تهون عشرتج علي فمان الله وحفظه يالي كنتي أغلى صديقاتي وسكرت الخط وأغلقت جهازها و هي مختنقة مو عارفه شنو صار أو شنو الي سمعته حاولت ما تبكي لكن بكت كانت لابسه تنوره لونها رمادي وقميص رسمي ابيض وعليه جاكت رمادي وشنطتها لونها ابيض والكعب ( مكرم السامع ) نفس الشكل تبي تطلع للمستشفى حاولت تتماسك قد ما تقدر ونزلت تحت لقت أمها ومشاعل جاهزين ينطرونها مشاعل : تأخرنا لاروسا ام مشعل : ماما لاروسا فيج شي تعبانه ؟. العنود : لا .. يلا نمشي تأخرنا محد لاحظ انها كانت تبكي لأنها لابسه نظاره شمسيه سوده حجمها كبير مغطية تقريبا نص وجهها من ديور وطلعوا بالسيارة مع عزيز أول ما وصل لأنه حرص انه هو الي يوديهم بالمستشفى عزيز لاحظ أن العنود ما قطت نظارتها مع أن ما في شمس بالمستشفى ولاحظ انها متضايقة عزيز اقترب منها : لاروسا تحسين بشي فيج شي العنود تحاول تكون طبيعيه :سلامتك ما فيني شي وصلوا الغرفة الي موجودة فيها غالية عزيز : لي كلام ثاني معاج بعد ما تطلعين العنود : إن شاء الله ودخلوا البنات وأمهم عند أهل فهد بعد السلام و السؤال عن الحال كان الحوارات كلها بين ام بدر وأم مشعل وأم بدر تمدح في فهد وكل شوي تجيب طاريه وانه شيخ الشباب وأم مشعل كانت تمدح في عزيز وطيبته وحنانه وشهامته ووسامته و كل وحدة تعرف إن الثانية تلمح لشي غالية على نفس وضعها وعالية قاعدة بالكرسي إلي يم السرير وتسولف مع مشاعل أما العنود استأذنت منهم انها تعبانه شوي و تبي تروح السيارة عاليه : تو الناس يا قمر العنود ابتسمت : والله شوي دايخه انا بطلع وماما و شعوله راح يقعدون هني عاليه : ما نبي نضغط عليج ولو إن ما ودنا تروحين العنود : تسلمين مره ثانية إن شاء الله طلعت من الغرفة ولقت عزيز واقف مع فهد وعيال عمته وضحه وأبوه بالطريج عزيز شافها طلعت تأكد إن فيها شي ومتضايقة استأذن منهم ولحقها عزيز وقفها وقف قبالها : اشفيج العنود تتكلم وخانقتها العبرة : متضايقة موت أبي اطلع من هني عزيز مشى معاها وهو خايف عليها : في احد ضايقج .. احد قالج شي ؟؟ العنود تهز رأسها بالنفي : متضايقة من نفسي عزيز سكت وأول ما وصلوا السيارة واركبوا عزيز : اشفيج لاروسا العنود : أنت شرايك بأخلاقي عزيز : شالحجي هذا العنود : ممكن يجي يوم تشك في أخلاقي عزيز : شصاير معاج منو متكلم عليج العنود : شخص عمرك ما تتوقع يقول عني جذي عزيز : منو العنود بدت تبكي : مس بلو عزيز عصب : شقالت عنج العنود بدت تنهار : انا حراميه يا عزيز تقول انا سرقت منها أغلى شي بحياتها عزيز : شلون تقول عنج جذي .. لا ما أتوقع .. يمكن في خربطه بالموضوع العنود : حتى انا قلت جذي عزيز : زين هي ما قالت شنو الي أنسرق منها العنود : لأ ما قالت بس قالت تبي رقم بابا عزيز دق على أبوه عزيز : السلام عليكم يبه ...... : ......... عزيز : يبه بغيت أسألك جاك اتصال اليوم ...... : ........ عزيز : أي هو شنو يبي ...... : ........ عزيز : اهاااا انا معاي العنود ..... : ......... عزيز : إن شاء الله ..... : ......... عزيز : مع السلامة وسكر ولف على العنود : والله و كبرتي يا دلوعتي العنود : شنو قال لك بابا عزيز : ما قال الا كل خير مسحي دموعج مالها داعي العنود وهي مو فاهمه شي : شسالفه عزيز : شوفي لاروسا أنتي كبرتي وهذا قرارج أنتي ومحد راح يجبرك على شي قولي رأيك الي أنتي مقتنعة فيه بس فكري بالعقل وخلي العواطف على صوب صلي استخاره وبعدين قولي اذا موافقة أو لأ في واحد تقدم لج العنود ذابت من الحيا نزلت رأسها وما تكلمت عزيز : فكري عدل عنوده هذا مستقبلك وأيا كان قرارك محد راح يناقشك فيه الريال طيب و دكتور جراح و ما عليه كلام وشاريك بس عمره كبير شوي وأنتي تحبين أهله العنود : منو ؟؟ عزيز : علي اخو رفيجتج اليازي العنود راحت بأفكارها بعيد عنده هو ومواقفه معاها عزيز : مابيج تتكلمين الحين فكري عدل اهو باجر ياي اهو وعمامه عشان تكون الخطبة رسمي عشان جذي اليازي أخذت رقم أبوي العنود : ليش تقول إني حرامية عزيز : و هي ما كذبت أنتي راح تتزوجين أخوها وتأخذينه منها عشان جذي قالت لج هالحجي العنود : انا خايفه عزوز عزيز : من شنو ؟؟ العنود : ما ادري خايفه من كل شي عزيز : تعوذي من إبليس وصلي ركعتين ودعي ربج يكتب الي فيه الخير دق موبايل عزيز : هلا يالغاليه ...... : ........... عزيز : اوكي هذا انا يايكم انا بسيارتي مع السلامة عزيز : يلا ركبي مكانج أمج وصلت أهي و شعوله و أول ما ركبت ام مشعل : لاروسا حبيبتي فيج شي العنود : لأ ماما ما فيني شي ام مشعل : عيل ليش طلعتي من عندهم امبجر عزيز : انا كنت أبيها بموضوع يخصني ام مشعل : والله ما ادري عنكم عزيز اكتفى بابتسامه و العنود ساكتة @*@*@ عاليه من طلعوا أهل عزيز وهي بس تمدح في مشاعل وإنها حبوبه وشنو كانوا يسولفون عاليه تكلم فهد بصوت واطي : طلعت تحبك فهد بنفس النبرة : شدراج عاليه : هي ما قالت بس بين عليها فهد شده الموضوع كان يتكلم بسرعه : شلون عاليه : تعرف أمي لازم تلمع لك عندهم طول ما هم هني ما سكتت والبنت تنزل رأسها اذا قالت أمي اسمك وسألتها شنو الي تحبه في الرجال الي راح يتزوجها يعني مواصفات زوج المستقبل قالت ( تقلد طريقه كلامها ) : احب الريال الي يصلي بالمسيد وأحب الريال الكبير بالعمر وأحب الريال الحازم بس مو وايد يعني يكون حكيم .. تصدق قالت شي غريب فهد : شنو ؟؟ عاليه : قالت انها تحب البدو فهد : ايي ادري عاليه : تدري ؟؟ فهد : هاه أي تحبهم لان رفيجتها بدويه عاليه : وأنت شدراك ؟؟ فهد : هاه أي أخوها قال لي عاليه : أخوها قال لك .. أي خير إن شاء الله فهد : سكري الموضوع .. عاليه : الله يوفقك معاها شكلها حبيبه فهد : أي والله انها حبيبه &*&*&*& عند علي والجازي أول ما سكرت العنود الخط بوجهها علي : ليش سويتي جذي الجازي : ما كنت متوقعه انها تسكره وتغلق الجهاز علي : لا والله حلفي تقولين عنها حراميه وتبينها تسمعج الجازي : الحين شنو أسوي علي : بدق على أبوها اكلمه الجازي : الله يستر ما يصير فيها شي ودق علي على أبو عبد العزيز وقاله انه يبي يخطب العنود وانه باجر يبي يجي هو وأعمامه عشان تكون الخطبة رسمي وانه يشرفه يكون نسيبهم وفارس ما قصر رحب فيه وأعلن الموافقة المبدئية وبعدها دق على عمه راشد وبلغه انه حدد موعد مع أهل البنت بعد صلاة العصر باجر مر اليوم ولا شيء يذكر نفس الوجوه و نفس الضروف في اليوم الي بعده فهد قاعد بروحه بغرفته يدندن ع العود يتذكر إن مشاعل تحب عزفه على العود كان يعزف أغنية الليل والغربة للمطرب يوسف شافي *** وعند عزيز قاعد في غرفه العنود : لاروسا أمس أمبين على غالية كانت تعبانه وايد أو لا العنود : لا إله الا الله والله يا عزوز كأنها ملاك الي ما يعرف شنو صاير لها يقول عنها نايمه تصدق شكلها عجيب .. فيها شيء غريب يخليك أتطالعها غصب عنك عزيز : تدرين إني أبخطبها العنود : الله يوفقك عزيز : ويوفقج عزيز : خايفه العنود : أي والله ما ادري قراري صح أو لأ عزيز : أنتي صليتي استخارة العنود : أي الحمد لله عزيز : خلاص وكلي أمرج لله فالخيرة فيما اختاره الرحمن العنود : الله كريم شوي انطق الباب ودخلت مشاعل : قوة عزيز : يا هلا بدلوعتي العنود : قوتين مشاعل : عزوزي عزيز : هلا حبيبتي مشاعل تقعد بحضن عزيز وتقول : أبي أتزوجه عزيز يضحك : منو ؟ مشاعل : الي تقدم حق العنود شكلها ما تبي واهو تنطبق عليه إحدى مواصفات زوج المستقبل كبير بالعمر عزيز : وعد راح ازوجج واحد كل مواصفات زوج المستقبل تنطبق عليه مشاعل مستانسه : يعني راح أتزوج الي أتمنى عزيز : وشنو ناقصج ما تتزوجين الي تبينه مشاعل : منو هو ؟؟ عزيز : ما راح اقولج .. مشاعل : بليز بعرف منو هو .. عزيز : بعد شهر اقولج مشاعل : لااااا صرت مثل رفيجك شنو اهو موصيك تمللني عزيز : زين انا عندي سؤال ؟؟ مشاعل : تفضل عزيز : لو زوج المستقبل طلب منج طلبات تنفذينها أو لأ مشاعل : أكيد أنفذها بس شنو الطلبات ؟؟ مثلا شنو ؟؟ عزيز : مثلا قالج لبسي حجاب مشاعل : ليش يقول لي شكلي مو حلو عزيز : ليش والناس ما تلبس الحجاب الا اذا كانت جياكر مشاعل : لا والله مو سالفة جياكر يا كثر المزايين اللي متغطيين عندك أمثله عن مزايين لابسين الحجابات التوم خوات فهد وعندك وضحه رفيجتي ما تشوف منها اظفر لكن مزيووووونه وعندك الجازي عزيز : زين منو الأحلى بينهم مشاعل : بالزين التوم عليهم عيون لا إله الا الله وأحلى البنات تصدق فيهم شبه من فهد عزيز : بشنو ؟؟ مشاعل تفكر : لهم نفس الإبتسامه ونفس الشفايف عزيز بقلبه وتلوموني اذا حبيتها عزيز : يلا انا بطلع تبون شي البنات : لا سلامتك عزيز ابعد مشاعل عنه وقام مشاعل : عزيز عزيز : هلا مشاعل : وين تبي تروح ؟ عزيز : بدق على صاحبي وبمر المؤسسة بعدين اطلع مشاعل : صاحبك منو ؟ عزيز عارف انها تسأل عن فهد : فهد مشاعل استانست : عيل أخذني معاك عزيز : لا خلك هني مشاعل : بليز عزيز : ليش تبين تيين معاي مشاعل : أغير جو عزيز : طلعي مع لاروسا أو رفيجاتج مشاعل : انا أبيك أنت عزيز : أنتي راح تأخريني انا داق ع الريال والحين ياي بالطريج مشاعل : لأ ما راح أطول بس البس الجينز والبدي الأحمر وارجع عزيز : جينز لأ مشاعل : ليش لأ من متى تتحكم بلبسي عزيز : أنتي مو تبين تروحين معانا مشاعل : يب عزيز : فهد معاي أو لأ مشاعل : يب عزيز : فهد بدوي أو فري مشاعل : بدوي عزيز : والبدو يطلعون فنكي مشاعل : نب عزيز : فهد بدوي وما يحب يشوفج باللبس هذا مشاعل : اها اوكي بروح اللبس تنوره عندي أهدتني إياها وضحه تحت الركبة والبدي كم طويل عزيز : بسرعه مو أتطولين مشاعل واهي تركض : اوكي ودق موبايل عزيز : هلا فهد ..... : .......... عزيز : كاني طالع لك .. باي بالسيارة لحظه ركوب عزيز : لا تحرك فهد : ليش عزيز : دلوعتي مصره تطلع معانا فهد : من هي ؟ عزيز : شعلتي فهد استانس : ايي حياها الله عزيز شاف الفرحة بعيون فهد : الله يحيك بالغالي وشوي دق موبايل عزيز : هلا ..... : .... عزيز : انا بالسيارة ..... : ..... عزيز : سيارة فهد باي وطلعت مشاعل لابسه تنوره بيج تحت الركبة وقميص فوشي و عليه جاكت نفس موديل التنوره شعرها رافعته كله مو حاطه ميك أب أول ما ركبت شعوله السيارة مشاعل : صباح الخير فهد : صباح النور يا هلا مشاعل مشاعل : هلا فيك شلونك فهد و شلون غالية فهد انا بخير الحمد لله أما أختي على وضعها مشاعل : الله يقومها بالسلامة فهد : تسلمين مشاعل : الله يسلمك وسكتوا عزيز : فهود شغل الراديو فهد : ابشر عزيز : أبشرت بالجنة فهد وهو يشغل الراديو : أجمعين مشاعل : عزيز ممكن طلب عزيز : هلا مشاعل : أبي اشغل أغنية بموبايلي عزيز : استأذني من فهد هو صاحب السيارة مشاعل : ممكن فهد اشغل أغنية فهد : أي ممكن مشاعل شغلت أغنيه الأماكن على عود كان شاب صوته عذب يغنيها بعد الأغنية قال فهد لعزيز فهد : وين تبي تروح عزيز : المؤسسة فهد : ومشاعل راح تنزل عزيز : أي هي دايم تجي عندي تقعد بالمكتب فهد مو مقتنع : اها اوكي مشاعل : فهاد فهد : هلا مشاعل : غن لنا فهد : هههه من حلات صوتي عشان اغني مشاعل : لا والله حلو أنت ما سمعته بعد ما صفيت الصوت فهد : صفيتي الصوت مشاعل : اي انا عندي برامج تعدل الصوت وتصفي الوشوشة الي تكون مع الصوت فهد : يعني رتوش مشاعل : اي تقريبا فهد : عندج التسجيل مشاعل : اي لحظه اشغله و دقايق وشغلت التسجيل وكان الصوت واضح وحلو و خصوصا صوت العود فهد : والله صوتي صاير حلو مشاعل : أنت صوتك حلو بس عشان التسجيل ما يكون واضح الصوت يكون معاه وشوشه فهد : اها .. طلعتي خبيرة عزيز : اي بهاذي انا اشهد لها فهد : ليش ؟؟ عزيز : مره مسحت صور وتسجيلات من موبايلي عطيتها الميمري و رجعتهم لي فهد : عاد من الي علمها عزيز : انا كنت ادخلها دورات تأخذها لما تكون شهر كامل ما عندها شي العصر تروح للأكاديمية فهد : اكاديميه عزيز : اي معهد خاص فهد : اها عزيز : واهي شاطره تستوعب بسرعه فهد : انا اشهد انها شاطره اذا هاذي علومها مشاعل : عزيز عزيز : هلا مشاعل : ما راح نسافر عزيز : لأ انا عندي شغل بعدين لا تنسين لاروسا مشاعل : اها يعني لاروسا السبب عزيز : لا تقولين جذي عنها مشاعل : اوكي اوكي بعد ما وصلوا المؤسسة بالمكتب مشاعل : أبي كوفي عزيز : و أنت فهد فهد : انا قهوة عزيز : مبهره ولا نفس شعلتي فهد : أكيد مبهره وطلب لهم وطبعا مشاعل قاعدة على مكتب عزيز ع النت وعزيز وفهد قاعدين قبالها على الكنبات الجلد فهد سرحان بمشاعل وشلون إن عزيز يحبها ومدلعها حيل لدرجه انها تقعد على مكتبه وتتأمر على السكرتيرة مشاعل رفعت السماعة : اي وحده تجي بسرعه و دقايق جات السكرتيرة لورا : يس آنسة مشاعل مشاعل : ليش شايلين البراويز الي كنت حاطتها هني و منو الي مغير شكل الأغراض الي ع المكتب لورا : انا آنسة مشاعل مشاعل بنرفزه : ومن عطاج أوامر تشيلينها لورا : ما حدا مشاعل عصبت : مدام إن ما حدا عطاج الأوامر ليش اللقافه لورا : أسفه استازه مشاعل مشاعل : وين حطيتي هم لورا : موجودة عندي بالدرج مشاعل : لج ربع ساعه وألقى كل شي مكانه لورا : ع أمرك هلأ برتب المكتب متل ما كان فهد يكلم عزيز : والله كلمتها مسموعة عزيز : أكيد كلمتها مسموعة بنت فارس الفارس شلون ما تنسمع كلمتها فهد : والله ينخاف منها عزيز : هههههه لا تسمع الكلام فهد : يعني مطيعة عزيز : انا طبع خواتي ما يجوون بالعناد بالتفاهم كل شي يصير هذول تربيتي انا فهد : والنعم والله عزيز : ما عليك زود مشاعل دقي على طارق خليه ايي بسرعه مشاعل رفعت السماعة : صباح الخير طارق .... : .... مشاعل : تعال المكتب .... : .... مشاعل : باي فهد مستغرب انها تعرف كل شي يعني يدل على انها دايم عنده بالمؤسسة مشاعل : عزيز عزيز : هلا مشاعل : انا بطلع افتر برا عزيز : اوكي مشاعل : اذا طلعتوا انا برا دقوا علي عزيز : اوكي وطلعت فهد : ليش تخليها تطلع بروحها ؟ عزيز : ليش ؟ فهد : تخليها تتمشى بروحها بين الموضفين عزيز : اشفيها هي متعودة على جذي انطق الباب ودخل طارق سلم على عزيز وفهد وقعد معاهم وعطا عزيز البريد والأوراق الي تحتاج للتوقيع وفهد يغلي من الغيظ وده يطلع لها يشوفها شنو تسوي الحين ولع زقاره و كان يدخنها بقهر يسحب النفس طويل ويحبسه بصدره بعدين يطلعه من خشمه عزيز ابتسم لأنه تأكد إن فهد يغار عليها وان وعده الي وعده لمشاعل راح ينفذه عزيز : فهد فهد : نعم عزيز : اطلع لها ليش معصب فهد مستغرب : اطلع لمنو ؟ عزيز : أشوفك معصب فهد : لا مو معصب عادي عزيز : وين عادي و أنت لعنت خير الزقاره فهد : أنا بطلع برا عزيز : بطريجك قول لمشاعل يلا لأن بنروح على ما تجي أنت ومشاعل أكون خلصت شغلي فهد وهو يقوم : طيب وطلع شافها تهاوش لورا مشاعل : شلون كسرتيه لورا : أسفه استازه مشاعل ماكان أصدي مشاعل : شلون ما كان قصدج فهد وقف يم مشاعل يبي يعرف شسالفه : اشفيج شعوله مشاعل زعلانة : كسرت برواز انا تعبانه عليه فهد : أنتي مسويته مشاعل : اي البرواز هذا اشتغلت علي أسبوع عشان أعطيه عزيز فهد : أسبوع مشاعل : اي كان طقم براويز حق المكتب فهد : انا اشتري لج غيره مشاعل : لورا اخصمي على نفسج يومين وجيبي القرار عشان يتوقع فهد : يا بنت الحلال سامحيها مشاعل : لأ ما راح أسامحها هي شلون تتدخل بأشياء ما تخصها انا أحط شي ع المكتب هي تشيله يلا كتبي القرار فهد : عشاني سامحيها اعزف لج الي تبينه بس سامحيها مشاعل : تعزف لي ؟ فهد : اي بس شرط تسامحينها مشاعل تطالع لورا : سامحتج عشان خاطر فهاد لكن اذا كررتيها حسابج راح يكون عسير معاي فهد : الله يسلمج يلا مشينا مشاعل : وين ؟! فهد : نرجع البيت مشاعل : لااااا تو الناس فهد : لا مو تو الناس من متى إحنا هني مشاعل : نطلع من هني بس مو ع البيت فهد : وين تبين ؟ مشاعل : اي مكان فهد : قولي لعزيز مشاعل : يلا نروح نقوله فهد : يلا مشينا و دخلوا المكتب عزيز : تبون نمشي انا خلصت شغلي فهد : توكل على الله مشاعل : عزيز شفت سكرتيرك الخبله شنو سوت عزيز : شنو ؟؟ مشاعل : كسرت طقم البراويز الي انا سويته لك عزيز : لا والله افا ليش شايلته أصلا من قالها تبلش فيه مشاعل : قلت لها بس سامحتها خلاص عزيز : ما هاوشتيها غريبة مشاعل : لا ماله داعي فهد قال لي اذا سامحتها راح يعزف لي الأغنية الي أبيها عزيز : اها السالفة فيها فهد فهد : لا والله بس كسرت خاطري السكرتيرة مشاعل طلعت قشرة السكرتيرة شوي وتبكي من الخوف تتأسف لها ومشاعل مساكه خط مشاعل : يعني شنو ماسكه خط ؟؟ عزيز : اشرح لها يا فهد فهد : يعني هي تتأسف منك و أنتي مو معطيتها مجال مشاعل : اها عزيز : يلا مودموزيل شوشو ومسيو فهد كملوا شرح برا انا باطلع فهد : مشينا وطلعوا للسيارة مشاعل : وين تبون تروحون ؟؟ عزيز : البيت .. مشاعل : لأأأأأأأ عزيز : وين تبين تروحين مشاعل : كيفك عزيز : وين تبين تروحين مشاعل : ما ادري مو مشتهيه مكان معين عزيز : فهد شرايك وين نوديها فهد : البيت مشاعل : أبيك عون صرت فرعون الحين أقوله مابي البيت تقوله ودها البيت فهد : وين تبين طيب ؟ مشاعل : مو من كثر الأماكن السياحية بالكويت يا ع الواجهة البحرية أو مطاعم ومجمعات عزيز : وين تبين حيرتيني مشاعل : لو انتو بروحكم وين تبون تروحون عزيز نروح الديوانية أو المقهى مشاعل : صج شباب يعني ما يصير تروحون مكان حلو فهد : نروح البحر مشاعل : طيب روحوا البحر فهد : أمرج آنسة مشاعل مشاعل : صج العود وياك أو لأ عزيز : اي عاد عن العود لا تسألين ما يطلعه من دبة السيارة ( الشنطه ) مشاعل : ياي عيل راح تعزف لي الي وعدتني فيه فهد بضحك : انا وعدتج ؟ بشنو ؟ متى ؟ مشاعل بصدمه : شنو ،؟ قبل شوي فهد يبي ينفجر من الضحك عليها : انا متى وعدتج ما اذكر مشاعل : قبل شوي .. لما كنت اهاوش لورا فهد : ليش أنتي هاوشتي لورا .. أصلا انا ما اعرف لورا منو ؟. مشاعل بدلعها وصوتها الي بدا يضعف : عزيز قوله انا شنو قلت مساع ؟ عزيز : أنا شكو .. متى هو وعدج انا وين كنت والله انا ما سمعته بإذني مشاعل شكت بعمرها : انا ما يتهيأ لي إن أنا هاوشت لورا لأنها كسرت البراويز الي انا سويتها حق عزوزي فهد : لا ترى إحنا نضحك معاج وانا عند وعدي مب فهد الي يوعد ويخلف مشاعل : هههههه والله تعرف تمثل انا صدقت وربي شكيت بنفسي فهد يضحك لضحكه مشاعل عزيز كان في وادي ثاني ما يدري عن هوا دارهم فهد انتبه إن عزيز سرحان وصلوا البحر ونزلوا .. ع البحر والجو الرائع و الصوت العذب و دندنة العود وأفكار تحوم في سماه وشكل عيونها وريحه الدهن عود لف على فهد يحاول يركز بعيونه وعلى شفايفه وعلى طريقة كلامه وابتسامته يحس إحساس حلو وهو يطالع فيه خاطره يشوفها ويتكلم معاها ويضحكها عشان يشوف ضحكتها وده يمسك يدها يشم ريحه دهن العود الي دايم تحط منه يحس انه منجذب لها بشكل مو طبيعي فهد طاير من الفرحة وصار يتمنى تقعد مشاعل معاه دايم دق موبايل مشاعل وكانت وضحه وراحت مشاعل بعيد عنهم شوي وقعدت تسولف مع وضحه لما أخلصت مشاعل كلام مع وضحه رجعت الي فهد وعزيز مشاعل : فهد ممكن أسألك سؤال ؟. فهد : أي تفضلي مشاعل : كنت اسولف عنك لما دقت على وضحه وسألتني أنت شتصير لي لأن هي تدري إن إخواني بس عزيز ومشعل قلت لها انك صديق عزوز و قالت لي ليش تركبين معاه قلت لها عادي صديق اخوي مثل اخوي يضايقك إني اركب مع عزوزي وأنت وياه ؟.؟. فهد : مالج شغل فيها .. أنتي مقتنعة إن الي تسوينه صح أو غلط مشاعل : انا مقتنعة انه عادي اركب معاك لأنك رفيج عزيز فهد : خلاص مالج شغل بأحد .. أنتي لج شغل بنفسك وبس .. مشاعل : اوكي خلاص مالي شغل بأحد و رجعوا للسوالف مره ثانيه عزيز إلى الآن مو معاهم في دنياه الوردية &*&*&*&**&&** في المستشفى عند غاليه الكل رجع البيت يرتاح الا عاليه عاليه قاعدة عندها القايلة بعد ما راحوا أمها وأبوها وصاها أبو فهد انها تقرا عليها من ورقه الرقية الشرعية إلى أن ترجع أمها العصر تكمل قراءة على غاليه يدها على جبين توأمها وفي يدها اليسار ماسكه ورقه الرقية الشرعية وهي مندمجة بالقراءة سمعت صوت تأوهات من أختها عاليه اقتربت من إذنها : غلا تسمعيني غاليه تتأوه وعيونها مغمضتها عاليه : غلاوي تسمعيني حبيبتي انا عاليه ردي علي غاليه حاولت تفتح عيونها ببطء و من التعب بسرعه سكرتها تحس بألم تحس بصداع عاليه كانت منزله رأسها عند إذن أختها عشان جذي ما شافت غاليه لما فتحت عينها غاليه : هممممممم عاليه : الغلا حبيبتي اذا تحبيني افتحي عينج انا محتاجه لج ابيج لا تخليني غاليه : ابـ ـ ـ ـي مــ ـ ـ ـأي بصوت مو مسموع عاليه بسرعه أرفعت رأسها وقربت إذنها من فم أختها تبي تعرف شنو قالت عاليه : شنو ؟؟ غاليه : أبي ماي عطشانة عاليه بسرعه قامت من مكانها وجابت لها ماي وحطت الماي على الطاولة اللي بجانب السرير وحاولت تساعد غاليه تقعد بس غاليه كانت ما تقدر انها تتحكم بجسمها لأنها تحس بثقل فضيع عاليه قربت كوب الماي من فم غاليه وغالية إلى الآن نايمه شربت شوي وبعدت رأسها عاليه رجعت الكوب على الطاولة عاليه ضمت غاليه : انا احبج الحمد لله على سلامتج غاليه بتعب : شنو صار عاليه : ولا شي بس أنتي تعبتي شوي وجبناك هني غاليه : وين أمي ؟.؟ عاليه : قبل شوي رجعت البيت عشان جدتي هي وأبوي غاليه : غمضت عيونها : تعبانه عاليه طلعت بسرعه عند الممرضات : بليز احد يجي نادوا الدكتور أختي صحت بسرعه الممرضة : أنتي أي غرفه عاليه : غرفه 4 الممرضة : طيب روحي لها بس اخلص اللي بيدي أجي لك عاليه : أنتي شنو اقولج أختي كانت بغيبوبة تقولين بس اخلص اللي بيدي الممرضة : ليش حسبالك بس أختك المريضة هني عندي شغل أهم من أختك عاليه : أنتي ما تفهمين صح ودقت على فهد وهو مع عزيز ومشاعل بالمطعم يتغدون الساعة 1 ونص عاليه : الو فهد : هلا عاليه : السلام عليكم فهد : وعليكم السلام عاليه : أنت وين .؟؟؟ فهد : ليش شنو صاير ؟؟ عاليه : انا بالمستشفى عند غاليه و غاليه صحت و أقول للممرضة نادي الدكتور تقول روحي غرفتكم متى ما خلصت اللي بيدي اجيكم فهد : متى صحت عاليه : قبل شوي وتقول انها تعبانه فهد : زين اخذي اسم الممرضة بنت الــ$$$ وانا اجيك الحين عاليه : راح أتطول غاليه قالت انها تعبانه فهد : لا لا ما راح أطول نص ساعه و أكون موجود عاليه : طيب مع السلامة فهد : في حفظ الرحمن وسكر المكالمة منها وهو يتحلطم عزيز : خير فهد شنو صاير؟؟ اسمع إن اهلك في مشكله فهد : أختي صحت والثانية راحت تقول للممرضة تنادي الدكتور والممرضة تقول متى ما فضيت وخلصت شغلي اجيكم عزيز : لا والله .. ما شاء الله عليها .. نشتغل عندها وإحنا ما ندري فهد : ما ادري عنها عزيز رفع موبايله : اوريك فيهم الحين العن لك خيرهم دق على رقم مدير المستشفى عزيز : السلام عليكم المدير : وعليكم السلام عزيز : معاك عزيز فارس الفارس المدير : يا هلا أستاذ عزيز أي خدمه عزيز : يرضيك اللي يصير داخل المستشفى عندك المدير : خير يا بو فارس عزيز : الحين لما انا أعطي أمر حق أي احد عندك شنو المفروض عليه المدير : ينفذونه .. ليش في شي مضايقك عندنا عزيز : الحين نسايبي عندكم بالمستشفى ليش قله الأدب من الممرضات وعدم الاحترام ما عطوك خبر أمس إني موجود عندك بالمستشفى المدير : افا من هاذي الممرضة اللي قله أدبها على نسايبك عزيز : ممرضه عندكم في جناح 15 المدير : زين نسايبك أي غرفه عزيز : غرفه 4 انا راح أتغاضى عن اللي صار بشرط الممرضة الموجودة تأخذ عقابها لان انا ما اشتغل عندها تناديها أختي تقولها أنطري اخلص شغلي بعدين اجيك .. وين قاعدين المدير : مالك الا اللي يرضيك الحين أتصرف معاهم عزيز : يعطيك العافية هاذي الي عرفته عنكم الطاعة والسمع المدير : ابشر .. ابشر .. مالك الي اللي يرضيك عزيز : يالله ربع ساعه وألقى احسن الدكاترة اللي عندك يباشرون الحالة .اي وعلى فكره أبي ممرضه تبقى طول الفترة بالغرفة عندهم يعني تشوف طلبات المريضة المدير : حاضر على أمرك .. أي طلبات ثانيه عزيز : انا ما اطلب .. انا آمر عليك عدل .؟؟ المدير : أي عدل يا طويل العمر عزيز : أي .. امشوا سيده .. ما يحوشكم شي و إلا ... راح يصير شي ما يرضيك وأنت أدرى المدير : حاضر أي أوامر ثانيه عزيز : نفذ اللي عطيتك إياه وبعدها لك عندي أوامر ثانيه المدير : حاضر عزيز : فمان الله المدير : فمان الكريم وسكر ورفع نظره لفهد ابتسم : كمل أكلك وأنت متطمن كل شي مشى مثل ما أنت تبي وأحسن بعد فهد باستغراب شديد : أبي افهم شلون قدرت عليهم عزيز : قلت لك اذا قدرت على رأس كبيرهم الصغير يحترمك فهد : اللي أنت كلمته منو شكله واحد من الصغار عزيز : أي واحد من الصغار مدير المستشفى اللي اهلك فيه فهد : المدير صغير اجل منو الكبير ؟؟ عزيز :هههههه الكبير ..... فهد : اوف لا تضحك ؟؟ شلون قدرت عليه ؟ عزيز : أكل وأنت متطمن ومالك شغل بالباجي أعلمك بعدين لما أكون معاك فهد ابتسم : والله انه ينخاف منك عزيز ابتسم مشاعل : والله انا اللي ضايعه بالطوشه بينكم مو فاهمه شي لكن اللي فهمته إن غاليه صحت ألف الحمد لله على سلامتها وخطاها السوو فهد : خطاج اللاش الله يسلمج وكمل أكله وهو مرتاح *** عند عاليه في الغرفة جاتها الممرضة بسرعه ومعاها الدكتور عاليه : تو الناس ؟ خلصتي شغلج يا ملاك الرحمة الممرضة : انا أسفه ما كان قصدي عاليه : وين اصرف اسفك الدكتور : حصل خير يا انسه ممكن اكشف على المريضة عاليه : أي ممكن بس الممرضة هاذي تطلع برا وتجي أي ممرضه بدالها الدكتور : بس هي مقيده على جدول الأعمال اليوم على غرفه 4 عاليه : مقيده ولا مو مقيده تطلع الحين وتجي أي ممرضه بدالها الممرضة تطالع الدكتور الدكتور قالها : روحي ونادي أي ممرضه مكانج أنتي تعرفين شنو اللي قاله المدير الممرضة : حاضر دكتور وطلعت وهي تتحلطم والدكتور أجرى لها بعض الفحوص الروتينية انطق الباب ودخلت الممرضة الثانية : السلام عليكم الكل : وعليكم السلام الممرضة : انا اليوم وكل يوم ممرضتكم وراح أبقى هني عندكم بالغرفة عاليه : تبقين هني يعني شنو الممرضة بابتسامه : أي انا جتني أوامر ما اطع من الغرفة الا بأمر منكم يعني أي شي تبونه انا موجودة عاليه باستغراب : اها اوكي مشكورة الممرضة : لا شكر على واجب وكملت الممرضة الفحوص وسحب الدم والتحاليل الازمه وقبل لا يطلع الدكتور : أي شي تحتاجه الانسه غاليه انا موجود في غرفه الدكاترة في الجناح عاليه : مشكور دكتور وطلع الدكتور والممرضة راحت ودت التحاليل بغرفه الممرضات عشان تودها البورتر للمختبر ورجعت الغرفة عند عاليه وغالية بعد ما كلمت عاليه أمها وأبوها وبشرتهم إن غاليه صحت دقت على فهد والممرضة موجودة عالية : سلام فهد : وعليكم السلام عاليه : ممكن سؤال فهد : قبل سؤالج شصار معاكم جاكم الدكتور عالية : أنت شنو سويت لهم ؟؟ فهد : ليش شنو صار عاليه : أشوفهم يمشون مثل الساعة فهد : الممرضة موجودة عندج عالية : شدراك انها موجودة فهد : دريت .. المهم أنهم تسنعوا عالية : اي يمشون مثل الساعة الدكتور جا وفحصها والممرضة الي قبل شوي طردتها وجات ممرضه غيرها فهد : اي شي يصير بلغيني أنتي بلغتي أبوي عالية : اي بلغته فهد : تبون شي .. محتاجه شي عالية : لأ .. سلامتك فهد : الله يسلمك مع السلامة عالية : مع السلامة .. وسكرت و طالعت الممرضة وابتسمت الممرضة : كانت الأمور تنحل من غير مشاكل عاليه :شنو قصدك الممرضة : أنتي فاهمه علي يعني ما كان لازم إن الممرضة ينخصم عليها أسبوعين عشان شي تافه عاليه : ومن الي خصم عليها الممرضة : مدير المستشفى عالية : منو قالها تقل أدبها علي وتتكلم كأننا نشتغل عندها الممرضة : اي هي غلطت بس هذا ما يعطيكم الحق انكم تخصمون عليها أسبوعين حرام هي وافده يعني شلون راح تعيش نفسها هالشهر مع ربع راتب وأنتي تعرفين جم معاشات الوافدات ما تكفيهم شلون اذا أنخصم عليها والله منهارة برا لما رحت أودي التحاليل كانت تبكي عالية تفكر وأرسلت مسج لفهد * أنت شنو سويت بالممرضة حرام .. * فهد كان يتغدا ضحك ولف على عزيز : شنو سوو بالممرضة عزيز : ليش فهد : ما ادري تقول أختي حرام شسويت فيها ما ادري شنو صار عزيز مسك موبايله وأرسل مسج للمدير * شنو سويت بالممرضة الي قلت لك عليها * وصل له مسج * خصمت عليها أسبوعين و حطيتها مناوبة ليليه شهر * عزيز : فهد أنخصم عليها أسبوعين وانحطت مناوبة ليليه شهر فهد : أوف أسبوعين .. حرام عزيز : لا ما عليك انا أدبرها بس خلها تتأدب فهد : شكلها مو كويتيه عشان جذي كاسره خاطر أختي عزيز : ولا يهمك وخلصوا أكل وراحوا قطوا مشاعل البيت وراحوا المستشفى عزيز : أي شي تحتاجه بلغني أو اي شي مو عاجبك عطني خبر فهد : لا ما يحتاج ما قصرت والله تعبناك معانا عزيز : تعبكم راحة جم فهد عندنا بعدين ما سوينا شي هذا حقك علي فهد : ما تقصر يا بو فارس عزيز : رح شف اهلك وإذا خلصت انا هني بالانتظار تصدق اليوم خطبه دلوعتي يوه شهالنسوه فهد باستعجال : هاه عزيز : اي عشان جذي بدق على واحد من الربع يجي يقطني البيت فهد وهو متضايق : لا .. لا تدق على صاحبك الحين أجي أقطك انا بس أشوف أهلي وارجع لك عزيز : لا ما يحتاج الحين اي احد يجيني فهد : لا تدق على احد عزيز : اوكي انا ناطرك دخل فهد على غاليه وسلم عليها وتحمد لها بالسلامة وهو متضايق قعد شوي بعدين قال : اذا احتجتي اي شي دقي علي عاليه : إن شاء الله وطلع ورجّع عزيز بيتهم فهد راح بيتهم وطلع غرفته و أنسدح على سريره ويفكر فيها الساعة ٣ ونص عند العنود الجازي : خايفه العنود : أكيد وربي ميتة خوف الجازي : ترى اخوي ما يأكل العنود : يوه منج لا تصيرين مليغه الجازي : الشرهة علي جايتج قبل الناس ليش داقه علي تعالي .. و تعالي .. محتاجه لج تعالي لي العنود : خلاص ردي بيتكم مابيج ابيج تساعديني وترتيني الجازي : ابتسمي اشفيج مكشرة شكلج يلوع الجبد لو يشوفج اخوي ينحاش العنود : مس غلو روحي بيتكم الجازي : انا غلو اوكي مشكورة لاروسا سينوره العنود : اي احسن روحي بيتكم عيل انا حراميه الجازي : اي حراميه سرقتي قلب اخوي الي ما كان فيه احد غيري من ٢٣ سنه العنود : اوكي .. خلي قلب اخوج لج الجازي : اوكي باي العنود : باي وطلعت الجازي للصالة وقعدت مع مشاعل على الاب توب الجازي : انا أبي افهم الحين شلون تركبين الفيديو علميني مشاعل : شوفي هاذي الأشياء يبي لها شرح مطول تبين اشرح لج انا مستعدة الجازي : انا عندي أكثر من فيديو و أبي اقطع فقرات منها واركب مكانها فيديو ثاني مشاعل : قعدت تشرح للجازي وهي مندمجة معاها دخلت عليهم العنود و قعدت يم الجازي العنود : مس بلو الجازي : خير العنود : خير بويهج زعلانة مني الجازي : لا .. ليش أزعل انا صج زودتها يايه قبل الناس العنود : مس بلو لا تصيرين جذي والله أنا احبج الجازي بكذب : انا دزيت مسج حق خطيبج الحين يخلي السايق اييني وألف مبروك و إن شاء الله تتوفقون العنود استحت من كلمة خطيبج : اليازي انا احبج وأسفه ما كان قصدي إني اجرحج بس أنتي توتريني الجازي : خلاص اوكي ما راح اوترج راح اقعد فبيتنا احسن العنود : أهون عليج تخليني في مثل هذا اليوم الجازي : لا ما يهون علي .. بس هم ما يهون عليج أتهزأ العنود : قلت لج أسفه الجازي : اوكي خلاص ما صار شي العنود واهي تضم الجازي : احبج و ربي احبج الجازي : حتى انا يالخايسه العنود : عيل ليش تسوين كل هذا الجازي : اتغلا عليج أبي اعرف غلاتي عندج العنود : أنتي كل الغلا الجازي وهي تبتعد عند العنود : اوكي روحي لبسي شي زين عشان بعد الخطبة يمكن اخوي ياخدج برا تتعشون العنود : اطلع معاه .. لاااااااا تتغشمرين صح الجازي : كيفج انا مالي شغل المهم بلغتج @*@*@ عند علي الساعة ٣ ونص طاير من الفرحة دق على عزيز : السلام عليكم عزيز : وعليكم السلام يا هلا علي : شلونك يأبو فارس عزيز : بخير الله يسلمك علي : انا علي عزيز : حياك ربي يالنسيب علي : والله أنا داق عليك أبي أسألك شنو ردكم وإذا انتوا موافقين يا ليت الملجه ( عقد القران ) اليوم عزيز : إحنا بإذن الله موافقين بس سالفة الملجه أبلغك بعد ربع ساعه اكلم الوالد وأدق عليك علي : انا في انتظارك وسكر عزيز ودق على أبوه وقاله أبوه انه موافق تكون الملجه اليوم بس يسأل العنود اذا موافقة سكر من أبوه ودق على العنود وقال لها تكون بروحها وسألها اذا موافقة تكون الملجه اليوم العنود خافت العنود : عزيز انا خايفه عزيز : توكلي على الله الريال فيه خير ويستاهلج العنود : أنت رأيك جذي عزيز : اي انا رأيي تتوكلين على الله وتوافقين العنود : خلاص اوكي شورك وهداية الله عزيز : بس أكيد مدام انه طلب الملجه اليوم روحي كشخي يمكن يبي يعشيج برا العنود : تو مس بلو قالت نفس الحجي عزيز : مدام أخته قالت جذي معناه راح يشوفج العنود استحت : اوكي تبي شي عزيز : لا سلامتج حبيبتي العنود : الله يسلمك حبيبي وسكرت من عزيز وقلبها بالأرض رجعت للبنات وعزيز دق على علي وبلغه أنهم موافقين وعلي قاله على ٤ ونص يكون موجود بإذن الله مع الملاج ( الشيخ الي يعقد القران ) وعلي اتصل على عمامه وبلغهم إن الملجه اليوم والكل فرح له لأنه حبيب الكل والعنود دقت على الصالون وطلبت منهم إن 4 عاملات يجوون لها البيت واتفقت تكون جاهزة الساعة 6 بعد الملجه الساعة ٦ ونص بالدوانيه عزيز : ألف مبروك يالنسيب علي : الله يبارك بحياتك عقبالك عزيز : دير بالك عليها علي : أحطها بعيوني فارس : الله يبارك لكم ويرزقكم بالذرية الصالحة علي : الله يسلمك يا عمي راشد عم علي : ألف مبروك يا ولدي والله يرزقكم بالذرية الصالحة علي : الله يبارك فيك يا عمي عزيز : عاد الحين صار عندي اخو ثاني اي شي تحتاجه ما يردك الا لسانك علي : الله يسلمك ما تقصر مشعل كاشخ بالدشداشه و الشماغ الأحمر وابتسامته الجذابة : ألف مبروك يالغالي حط بالك عليها علي : الله يسلمك ويبارك فيك عقبالك يا أبو فارس وبعد العشا وفرحه الي دخلت قلوب الكثيرين منهم علي : يا بو فارس ممكن اخذ زوجتي واطلع أبي أعشيها برا عزيز : مو مشكله بس بعطي الوالد خبر علي : مو مشكله وعزيز بلغ أبوه أن علي يبي يأخذ العنود يطلع معاها فارس وافق عزيز دق على العنود : ألف مبروك حبيبتي الله يوفقج العنود بحياء : الله يبارك فيك حبيبي عزيز : حبيبتي اخذي شنطتج و موبايلج ابيج برا بسرعه العنود : ليش ؟، عزيز : زوجج عازمج عالعشا يبيج بكلمه رأس العنود : أروح معاه بروحي عزيز : لا شرايج أروح معاج العنود : فكره ليش لا عزيز : شرايج نأخذ العايله معانا .. يعني أمج و ابوج و اخوانج العنود أنتي عاقله ما عندج هالسوالف يلا طلعي برا ريلج ناطرج العنود : عزيز أنا خايفه عزيز : تخافين من شنو .. علي صار زوجج خلاص المفروض ما تخافين هو صحيح زوج على جناح السرعة يعني أسرع زواج بالعالم بس لو إحنا ما نعرفهم كان ما زوجناهم يعني من يصدق أمس طلبج مننا على التليفون واليوم يايب الملاج العنود : عزيز لا تقول جذي عزيز : اوكي بس يلا طلعي ريلج ناطر ما يصير ينطر زيادة بعدين يقول هاذي ما تحترمني العنود : اوكي الحين اخذ أغراضي واطلع عزيز : اوكي اذا بغيتي تطلعين دقي علي العنود : اوكي حبيبي وسكر منها وقال لعلي إن زوجته الحين تطلع له برا العنود وقفت عند الباب ودقت على عزيز : انا عند الباب عزيز : طلعي انا برا مع ريلج العنود : اوكي طلعت وهي تحس انها أول مرة تشوف علي و حست بخوف فضيع منه العنود وقفت بجانب عزيز : السلام عليكم قالتها بصوت واطي علي بصوت عالي : وعليكم السلام مبروك يالغاليه العنود بنفس الصوت : الله يبارك فيك عزيز : لا شرايكم تكملون سوالف ع الباب .. يلا علي اخذ زوجتك علي : يلا يالعنود .. مشينا العنود راحت معاه وهي خايفه منه ما تدري ليش بالسيارة : العنود العنود : هلا بصوت بالكاد يسمع علي : تدرين إن اليوم أحلى يوم بحياتي العنود منزله رأسها علي : لا تنزلين راسج أنت زوجة علي المفروض راسج دوم عالي العنود ترفع رأسها تطالع من الدريشه علي : شلونج حبيبتي العنود طالعت فيه وبسرعة طالعت مرة ثانيه بيدها اللي بحضنها علي : أي حبيبتي ليش تطالعيني جذي ما تدرين إني احبج وعاشقج وأموت عليج وما قدرت أتحمل أكثر من جذي انا من زمان احبج وأنتي ما تحسين العنود منحرجة بس تحس بفرح من كلام علي بعد ربع ساعة من كلام علي المعسول وقف عند باب الفندق ونزل من السيارة والعامل فتح الباب لـ العنود العنود في بالها راح يتعشون بالمطعم ويرجعون للبيت لكن شكت لما علي وقف عند الاستقبال واخذ من الموظفة مفتاح ومشى والعنود بجانبه العنود : دكتور علي ممكن سؤال علي وقف ولف عليها : أولا انا عندج مو دكتور انا حبيبج علي ثانيا آمري يا روحي العنود : وين راح نروح ؟؟ علي : راح نروح غرفتنا العنود : غرفتنا ؟؟ علي : أي غرفتي انا وياج انا حاجز هني الليلة العنود وقفت مكانه : ممكن ارجع البيت علي : العنود ممكن تمشين لان الناس تطالع فينا العنود بخوف : انا أبي ارجع البيت الحين علي : اوكي نتفاهم فوق امشي بسرعه العنود : ما راح اطلع معاك فوق علي : انا زوجج .. من شنو خايفه العنود : عزيز ما قال لي انك راح تيبني للفندق عزوز قال راح نتعشى ونرد بس علي : وشنو لو جبتج الفندق أنتي زوجتي وحلالي العنود : دكتور علي ممكن أدق على اخوي علي : لأ .. العنود لو سمحتي امشي الناس قاعدة تتفرج علينا العنود : لأ فوق لأ علي : اوكي على راحتج إحنا نتعشى بالسويت ونرجع البيت العنود : بس عشا علي : أي بس عشا .. انا حجزته عشان ناخذ راحتنا العنود : اوكي اللي تآمر فيه علي : ما يأمر عليج ظالم وصعدوا الجناح علي دخل قبلها دشي بريلج اليمين يا عروسه العنود : بسم الله الرحمن الرحيم بصوت واطي جدا علي أول ما دخلت العنود رفع الكرت من الباب وحطه في جيب دشداشته العنود قعدت باالصاله على كرسي لثلاث أشخاص علي جا وقعد بجانبها علي : حبيتي تدرين إني أموت فيج العنود تطالع بيدها ودقات قلبها أسرع من دق الطبول علي : ليش خايفه مني انا زوجج العنود : ممكن ارجع البيت علي : لأ مو ممكن أنتي معاي وما تبيني معقولة كل هذا تكرهيني العنود : مو أكرهك لكن أبي ارجع بيتنا علي : أنتي حلالي علي اخذ يدها وطبع عليها بوسه العنود غمضت عينها علي : تدرين العنود : هلا علي : انا حالف اذا تسكر علينا باب اعضج العنود لفت على علي سرعه علي : أي .. لا تطالعيني جذي انا قلت لج انا احبج من أول ليش مو مصدقتني وقرب منها وطبع بوسه على خدها العنود قلبها طاح بين رجولها العنود : دكتور علي الله يخليك وخر عني علي : اشفيج العنود العنود : ولا شي بس انا أبي أروح الحمام ( كرمكم الله ) علي ابتعد عنها : اوكي مو تطولين انا ناطرج ودخلت الحمام ( كرمكم الله ) وقفلت الباب على نفسها وطالعت نفسها بالمرايه خدودها حمرة حطت يدها على خدها حار ويدها باردة ابتسمت بعدين فكرت شنو اللي مخطط له علي .. انا خايفه يكون يبي مني شي صج كلامه يبي يعشيني ونرجع البيت أو يبي مني شي ثاني .. يا ربي ساعدني مالي غيرك انطق الباب عليها : حبيبتي اطلعي بسرعه تأخرتي ابيج بسرعه يلا لا تتأخرين العنود : اوكي يايه .. مسكت المفتاح : يا رب .. وأول ما بطلت الباب تفاجأت باللي شافته حاولت بسرعه تسكر الباب بس علي كان أسرع منها ***** فهد إلى الآن بغرفته من اللحظة اللي رجع عزيز بيتهم فهد ماسك العود و يدندن وهو بالحالة بالغرفة يغني أغنيه المزهرية للفنان الكبير عبادي الجوهر لا أنتي وردة .. ولا قلبي مزهرية من خزف .. صدفة وحده جمعتنا .. شوفي وشلون الصدف.. التقينا فمدينه .. وفرقتنا ألف مينا .. اغفري للريح والموج والسفينة كانت الرحلة حزينة للأسف !! كنت احلم لما ناديتك بسافر مع عيونك في شعاع الفجر باكر والله اعلم أني صادق كنت احلم أني عاشق لا أخاف ولا أضيع ولا أفارق ويش أقول غير إني أسف ويش أقول انا خانتني العواصف والفصول التقينا فمدينه وفرقتنا ألف مينا اغفري للريح والموج والسفينة كانت الرحلة حزينة للأسف !! آه يا تعب المسافر .. في أراضي الجرح .. في دمع المحاجر .. ما لهذا الحزن آخر أو لهذا الجرح آخر ياااا شمس الأخيرة .. يف اللحظة الأخيرة .. انا لي كلمه أخيرة .. اغفري لي ابتسامي قبل جرحي وحاولي تنسي كلامي قبل صمتي ولو رضيتي يا اعز الناس أنتي لا أنتي وردة ولا قلبي مزهرية من خرف صدفة وحدة جمعتنا شوفي وشلون الصدف التقينا فمدينه وفرقتنا ألف مينا اغفري للريح للموج والسفينة للأسف !! &*&*&*&* توقعاتكم مشاعل & فهد العنود & علي الجازي .. عزيز & غاليه & محمد بدر & غلا دنياي ادعوا لي با متحاناتي ودمتم بحفظ الرحمن محبتكم ندى الزهر |
واااااااااااااااااااااااااااااااااو ندووووووووووووو بارت روووووووووووووووووووووعة ياوييييييييييييييييلي شو ذاااااااااااااااااااااااااااا خطيييييييييييييييييييير وحمااااااااااااااااااااااااااااااااااااااااااس بالبداية خفت تكوني فرقتي بينهم بس الحمدلله طلع مقلب آآآآآآآآآآه ياقلبي علي ايش فيك انهبلت كذا خطوبة وملكة لا لا لا والأخ اخذها فندق يالهووووووووووووووووي عزيز وغالية ايش راح يصير ؟؟؟؟؟؟؟؟؟ غلو الحمدلله على سلامتك علو وعدول اموت على الرومنسية ياناس فهد ومشاعل آآآآآآآآآآآآآه وللقصة بقية حركااااااااات وصرنا نسمع الكلام خخخخخ يسلمواااااااااااااااااااااااااااا على الجزء الرااااااااااااااااااائع والله يوفقك وينجحك و مشكوووووووووووووووووورة ياعسسسسسسسسسسل :flowers2: تحياتي لك :flowers2::flowers2::flowers2::flowers2: |
للمعلومية ذا أسرع رد في التاريخ اتحدى احد سواها
وسووري على أختصاري في التعليق |
سلااااااااااام ندوووووش البارت رووووووووووووووووعة قليل بحقة تسلمين يا قلبي على هالبارت و أدري أخذنا من وقتك و إنتي عندك إختبارات الله يوفقك و تيبين درجات تبيض الوجه فهد الصراحة طحت و محد سما عليك يا أخي و الله مشاعل عرفتلك و إن شاء الله تجتمعون و إنت شكلك عبالك إن الملكة ملكة مشاعل عشان كذا سمعت الأغنية و لا أنا غلطانة المهم إفرح يا عم شعولة ليلحين موجودة ما راحت >> ترى صرت أحبك لأنك تغيرت للأحسن عسى دوم مو يوم بس طبعا ما تجي صوب عزيز و بدر مشاعل يحليلك ما تدرين شسويتي بفهد المسكين الريال خلاص خليتيه يصير عاشق و أشوه إنك هونتي بقرارك بخصوص السكرتيرة لأن حرام تعاملينها كذا إهي صحيح غلطت بس مو إنك تخصمين عليها يومين ، هذا رزقها و الصراحة أشوه إن فهد حل الموقف و أهم شي إن أهما ليلحين ما سكين عليك < بعد شهر أقولك > كسرتي خاطري ذلوك بهالشهر و عساه إيي و أهم شي أخوك عزيز و أسإلته العجيبة حقك عن زوج المستقبل و إنتي ماشي عليك الدور عالية و عادل يحليلك يا عدول و الله و عرفت حق عالية زين سويت فيها >> ترى كبرت بعيني و إنتي يا علوية يا حليلك مستحية منه بس أهو أشطر منك و عرف شلون إخليك تاكلين إلجازي الصراحة مقلبك حده خطيييييير و إنتي إنساااااانة رووووووعة الصراحة تمنيتك حق عزيز بس النصيب ما يندرى وين يصيب صح إنتي ليلحين ما عرفت شعورك ناحيته بس مع الأيام إبين غالية الحمدلله على السلامة وايد ناس كانت تحاتيك و قلوبها مشغولة فيك >> إحم إحم طبعا هذا الأخ عزيز ما يندرى بتكونين من نصيبه و لا لأ ؟ بدر حدي متشوقة أعرف معاك من إللي تكلمك بالمنتدى و أتمنى تطلع إنسانة جديرة فيك مع إني ما أحب سوالف التعرف بالمنتديات و النت لأنها غلط بس إنت حالة خاصة يمكن البنت < من صوب أبو رجا مثل ما قلت قبل > و يمكن راح نعرفهم بالبارت الياي أو في وحدة أنا حاطتها إحتمال ثاني، و يمكن البنت إللي كنت تحبها إهي إخت بورجا هيهيهيه >> ترى مشتغلة تحقيق للأخ عزيز شقول شخلي عنك أدري إنك تحب غالية و هي تستاهل بس ما يندرى شالمكتوب و أشكره حبك وااااااضح لها من إهتمامك و أهم شي التهزيييئه المحترمة لمدير المستشفى الله يعافي فيتامين واااااااااااااو >> و بما إنك من إللي عندهم فيتامين واااااو فشرايك تستخدمه حقى و توظفني بشركة سنعة بدال هالبطالة و العطالة إللي قاعدة فيها ما أطلب أكثر من مديرة هيهيهيهيهيهيههيهي إيي صح ما قصرت بأسإلتك حق شعولة لا و هي على نياتها تجاوبك يا بخت فهد فيك عساه يفيدك بسالفة غالية و يقدر يساعدك المهم ألحين بقول كلام جدي إنت و أبوك ليه كذا خليتو الملكة مع الخطبة هذى بنتكم و إنتو أكيد حريصين عليها صح إن على ريال كبير و إنتو تعرفونهم عدل بس هذا مو معناته إن توافقون على الملكة على الأقل الخطبة بس، بعدين عقب شهر أو شهرين تخلون الملكه لأن هالشي أهو إللي ساري بمجتمعنا و أهو إللي لازم يصير و أتمنى ما تندمون على هالتسرع أبو رجا ما توقعت أقول هالشي بس بقوله بسرعة قبل لا أتحسف ترى فقدتك بالبارت :uJl04657: وينك يا أخ ما بينت و لا عرفت ردت فعلك على إللي صار بغالية >> ما يندرى عنك أتمنى أسمع أخبارك قريب هيهيهيههيهي أحس لوعت كبدك من القرقه و التعديل فيني قهر سوري حبيبتي و الله يوقفك بالإمتحانات و مو تنسين بشريني تقبلي تحياتي لك : الدلال :) Good Luck :Pp |
ندووووووووووووووووي
خفي علينا شوي ما نقدر على كل هالابداع احنا وطبعا البارت وكالعادة يهبل مثلج تسلم ايدج عليه علي الف الف الف مبروك امبييييييه توقعته دكتور وثقل مو اول ما يشوفها يخق خخخخخ مسكين شكله حبس بقلبه وااااااايد وكله طلعه دفعة وحدة خخخخخ اما عن الي فاجأ العنود امممممم اعتقد انه مسويلها مفاجأة والشي الثاني غبي فاحتفظ فيه لنفسي<<عشتو خخخخ العنود خخخخخخخخخخ كل هذا خوف الريال ما ياكل ترا اعتقد ان يبيلها فترة علما تتعود خصوصا انها من قبل خايفة غير جذي صار كل شي بسرعة الله يستر فهد لا حالتك خطيرة كل هذا حب خخخخخ بس صج صدمة لو درا انها خطبة العنود مو مشاعل خخخخخخخ عالية الحمد لله على سلامتج يا قلبي وثاني مرة اذا بتروحين حفلة اقري على روحج اذا انتي ما تبين روحج في ناس يبونها اولهم محمد و عزيز عزيز الحمد لله على سلامة حبيبة القلب يلا دامها صحت روح اخطبها قبل لا ياخذها ولد عمتها الجازي خخخخخخخخخخخخخخخ خووووووش مقلب بتعلم منها خخخخ والله يوفقج بامتحاناتج تقبلي مروري:flowers2: |
لالالالالالالالالالالالالالالالا حرام عليك وقفتى فى اللحظة الحاسمة يا ترى على ناوى على أيه ربنا يستر الاحداث مثيرة جدا وغالية هيخذها محمد ولا عزيز والله أحترت بس أتمنى عزيز أتمنى تقبلينى متابعة دايمة معك وششششششششششكرا على القصة الرائعة صديقتك أميرة الندى :flowers2::flowers2::flowers2: :liilas::liilas::liilas: |
اقتباس:
اشكرك حبيبتي على متابعتك للروايه واتمنى تكون الروايه قد لاقت اعجابج وحازت على رضاج انتظري البارت الجاي لان في اشياء كثييييييييييرة راح تتغير واشياء راح تكون حلوووووة باختصار البارت فرح مع شوي حزن مع شوي دموع انتظريني ندووو |
اقتباس:
دلوله اهلا فيج حبيبتي ردج حلوو وما قصرتي ويا زينها من قرقه :) تعبانج بالرد شكرا لج لمتابعتج للروايه واتمنى تكون حازت على رضاج والقبول منج البارت الجاي يمكن يكون فيه اشيء حلوة تفرحون منها وصدقيني خبر طازج لج قبل الكل في خبر حلو راح يتم زواج فهد ومشاعل لكن شلون وشنو راح يصير وعزيز شنو راح يسوي مع مشاعل تابعي البارت يمكن يكون في اخبار حلوة اكثر من الدموع والاكراه على فعل شي ما لكن البارت الجاي الفرح يغلب الحزن اشكرك غاليتي الدلال وسامحونا على القصور اختج ندووو |
اقتباس:
هلا وغلا ببنت الديره حياج ربي يالغاليه تصدقيني لو اقولج في ردود انا انتظر اشوفها واشوف اذا كانت اعجبتهم الاحداث الي فيها واذا كنت وصلت المعلومات بشكل سليم او لا وردج واحد منهم افرح اذا كان البارت عاجبكم لان انا لا ارتقي الا بكم ومرورج زي العسل :) وتقبلي تحياتي واحترامي ندوو |
اقتباس:
هلا وغلا اميرة تسلمين على مرورج العاطر واتمنى تكون الراويه عاجبتج تقبلي احترامي ندووو |
يعطيكي العافيه وتلسم ايديك البارت اكثر من رائع ليت الناس مثل طيبت عزيز وحنيته على خواته.
مشاعل وهي فهد يستاهلون كل خير عزيز انشالله تقوم له حبيبت القلب موضوع بدر مره محيرني عادل وغاليه الله يهنيهم مع بعضهم واخر شي ليش خافت العنود من علي |
اقتباس:
الله يعافيك اخوي اسفه على تاخري بالرد عليك لكن لضروف ما قدرت ارد عليك وماشفت ردك الا الحين اشكرك على مرورك العاطر واتمنى تكون الاحداث نالت اعجابك ودمت بحفظ الرحمن تحياتي ندى الزهر |
السلام عليكم ورحمة الله وبركاته اعتذر منكم واتمنى القى منكم العذر والله ما ادري شنو اقول لكم لكن والله مو بيدي غيابي الواحد ظروفه اقوى منه وصدقوني لو تعرفون ظروفي اكيد راح تعذروني بس في نهايه الروايه راح تعرفون ليش انا ما كنت اقدر اشبك كل يوم او اني ما اقدر انزل بارتي في موعده لان الوقت عالنت موبيدي السموحه منكم ووعد في اليومين الجايين في بارتين مرة وحده يمكن اليوم فيه بارت لكن الاكيد باجر والي بعده في بارت ودمتم بحفظ الرحمن اختكم انوار المطيري |
... البارت الثاني عشر ...
.. البارت الثاني عشر .. في وسط أنغام عوده دق موبايله : هلا عزيز عزيز : السلام ليه ما جيت تسلم على نسيبي الجديد فهد: ليش في لك نسيت قديم عزيز : افا يا بو مشعل أنا ما أرد في كلمه عطيتها أنا وين ألقى نسب يشرفني مثلك فهد يحس براحه : الله يسلمك ويحفظك أنت وين عزيز : أنا بالبيت تو المعرس أخذ عروسته يعشيها فهد : ما أمداه اليوم خطب عزيز : قصدك اليوم ملج فهد : لأ .. لأ .،. تضحك أنت عزيز: أي والله .. أسرع زواج بالعالم فهد : أي والله .. أنت وينك ، تبي اجيك أو تجيني عزيز : انا اجيك أنت بالبيت فهد : أي أنا بالبيت حياك عزيز : الله يحيك انهوا المكالمة عزيز ركب سيارته و أخذ مشعل معاه و هو كاشخ بالدشداشه و الشماغ و فهد أرتاح وهو يفكر فيها إنها له بإذن الله أول ما وصل عزيز الديوانية دخل الديوانية على طول مشعل وقفه : عزوز تدخل بيتهم بدون لا تطق الباب عزيز : ليش أنا وين داخل أنا داخل الديوانية مو داخل البيت مشعل : و إذا الديوانية ما تدق على رفيجك عزيز : أنت ادخل الحين و بس أطلع نتكلم و دخل لقى بوجهه محمد وأخوه سلطان عزيز : السلام عليكم ورحمة الله وبركاته الموجودين : وعليكم السلام ورحمة الله و بركاته مشعل : مساء الخير محمد وسلطان : مساك الله بالنور والسرور عزيز : محمد وسلطان هذا اخوي مشعل ولف على مشعل هذا محمد وهذا سلطان عيال عمه فهد من السعودية مشعل : تشرفت بمعرفتكم سلطان ومحمد : زدتنا شرف دخل عليهم فهد : حيا الله الشباب حيا الله مشعل شلونك مشعل : بخير أنت شلونك فهد : بخير كشخه يا بو فارس مشعل ابتسم : أول مرة البس الدشداشة سلطان : تمزح مشعل : أي و الله سلطان : اجل دايم تلبس بدلات مشعل : لابسها قبل بس متى ما أذكر عزيز : بو فارس كشخه لو يقعد بالمكسر مشعل ابتسم منحرج فهد : مشعل رياضي عشان جذي ما يلبسها دايم لأنه أغلب وقته يا بالمدرسة يا بالنادي سلطان : تحب تلعب كورة مشعل : أي و أنت سلطان : أنا استانس اذا لعبتها بس من فترة ما لعبت ما عندي وقت والحين يوم إني جيت الكويت ما عاد طلعت من البيت مشعل : عيل تطلع معاي عادي أو لأ سلطان : وين ؟ مشعل : نتمشى أو نروح النادي تتعرف على أصدقائي سلطان : مو مشكلة مشعل : متى تبي نطلع سلطان : والله كيفك مشعل : عيل يلا قوموا أنا عازمكم على عشا محمد : لا تكلف على عمرك الحين يطيح الأكل مشعل طالع عزيز عزيز عرف انه ما فهم كتب له مسج قصده ينجبون العشا مشعل ابتسم له : أنا عازمكم يلا فهد : ما يصير يا مشعل أول مرة تدش دوانيتنا وما تتعشى عندنا مشعل : خلو الرسميات وخلكم كووووول فهد : والله ما أردك قوموا شباب محنا رادين الشيخ مشعل الفارس عزيز : مشعل أنت معزم ما بإذنك ماي مشعل : امبلا معزم بعدين وين نبي نروح كله مطعم بس عشان سلطان ومحمد سعوديين بنروح مطعم كله أكلات كويته حتى المشروبات كل شي كويتي قديم حتى ستايل المطعم يعني تدخله كأنك داخل بيوت أول فهد : قصدك اي مطعم مشعل : مطعم فريج صويلح فهد : أيي عرفته قد إني سمعت عنه بس ما رحت له مالي واهي ع المطاعم هالمطعم ينفع حق أبو رجا لأنه ما يأكل الا أكل بيت مشعل : عيل اليوم راح يتعشى على ذوقي عزيز : عاد ذوق مشعل ما عليه كلام فهد : طالع لأخوه عزيز : تسلم وقاموا مع مشعل وراحوا بسيارة عزيز عزيز يسوق وفهد يمه وسلطان ومحمد ورا وبينهم مشعل أول ما وصلوا كلهم لابسين دشاديش وغتر وشكلهم مميز لأن أكثر الموجودين لابسين بدلات وهم عالطاوله عزيز يمه فهد وجدامهم محمد ويسولفون بصوت واطي وجدامهم بالطاولة الثانية مشعل و سلطان عشان يأخذون راحتهم بالسوالف و يتعرفون على بعض أكثر السوالف عند عزيز والي معاه المؤسسات والشركات والأسهم والعقارات يتعرف عزيز على محمد أكثر أما السوالف عند مشعل و سلطان سلطان : أنا عمري ١8 وأنت مشعل : العمر كله .. انا عمري ١٦ سلطان : العمر كله أنت شكلك رياضي مشعل : أي انا أحب الرياضة أصلا شي حلو و مفيد انا مسجل بنادي كره قدم ونادي سباحه ونادي boxing سلطان : والله شيء طيب مشعل : وأنت شنو روتينك وين تقضي وقتك شنو نشاطاتك سلطان : انا مو من النوع المنظم أنا من النوع الفوضوي يعني إذا بغيت العب كورة اتصل على اخوياي وانظم فريقين ونبدأ نلعب أما أكون بفريق دائم والتزم معاهم بمباريات لأ انا أحب أكون حر متى ما بغيت العب البس ترنق الرياضة واطلع لخوياي مشعل : يعني مو مشترك بفريق أو نادي سلطان : لأ مشعل : زين شلون تقضي وقتك إذا كنت فاضي سلطان : ما غير على التلفزيون مشعل : ما تستخدم النت سلطان : لا ما استخدمه انا ما أحبه ما استفيد منه بشي مشعل : بالعكس النت شي حلو تقدر تلف العالم كله وأنت بمكانك سلطان : انا أهلي كلهم يستخدمون النت حتى البنات يعرفون له الا انا لأن ما أطيقه مشعل ابتسم : كل واحد وميوله سلطان : أجل أنت ما غير مجعي ع النت مشعل ابتسم بحرج : سلطان شنو يعني مجعي سلطان : مجعي يعني قاعد أو مجابل مشعل : اها دق موبايل مشعل ابتسم واستأذن من سلطان ورد على زميله بالمدرسة وبما أن مشعل يدرس في مدرسه انجليزية ما تدرس ولا ماده بالعربي الا اللغة العربية فطبيعة كلامه راح تكون سلسة ومخارج حروف اللغة الإنجليزية عنده سليمة والي يسمعه وهو ما يشوفه يظن انه أمريكي لأن كلامه كله بالأمريكي العامي مو بالبريطاني مشعل تكلم مع صاحبه عن البحث الي طالبته منهم مدرستهم بعد ما أنهى المكالمة سلطان : ما شاء الله عليك تتكلم انجليزي عدل مشعل : اي لأن انا ادرس بمدرسه انجليزية على فكره أنا ما أتكلم عربي الا بالبيت أو أحيانا اذا رايح مكان لأن إحنا كلنا دارسين بمدارس أجنبية بس أختي الكبيرة برغبتها درست بالحكومة أما تومي معاي بمدرستي سلطان : أنت عندك توم مشعل : اي توم بنت اسمها مشاعل سلطان : أنت تدرس بمدرسة مختلطة يعني فيها بنات مشعل : أي سلطان يغمز له : أكيد فيها بنات مزايين مشعل : عمري ما نظرت هالنظره لزميلاتي كلهم مثل خوات لي وإذا في بيننا صداقه تكون بحدود الأدب بعدين الأكثرية أجانب يعني عاداتهم غير عنا ودينهم غير عن ديننا ما تفيدني صداقتهم الا بحدود الدراسة والواجبات سلطان : اها فهد قعد عالطاوله الي فيها سلطان ومشعل فهد : ها شتسوون سلطان : نسولف فهد : عن شنو سلطان : عن أنفسنا عشان نتعرف على بعض فهد : طيب تعالوا قعدوا معانا مشعل : نو بليز انتوا سوالفكم ما تعجبنا إحنا كووول فهد : لا صج تعالوا عندنا عزيز يبيك مشعل : عزيز يبيني فهد : أي يبيك مشعل : عن إذنكم انا بروح له وقف مشعل عند كرسي عزيز : يب حبيبي عزيز : آهلين مشعل اندمجت بسوالفك مشعل : نب كننا نسولف عادي عزيز : اوكي عطيتهم الأوردر ؟ مشعل ابتسم : نب عزيز : نسيت صح .. يلا حبيبي روح اطلب على ذوقك وادفع الحساب مشعل يطالع بمحمد : محمد أنت تأكل أكلات بحريه محمد : ايوه عادي .. مشعل : انا رايح عن إذنكم .. محمد بعد ما راح مشعل : بو فارس أنت تخليه هو الي يدفع ليش تكلف عليه يمكن فلوسه ما تكفيه لمصروف باجي الشهر عزيز : أي أخليه يدفع لأن اهو الي عزمكم صح ! فلازم يكون قد كلامه عشان يكون ريال محمد : بس جذي طار مصروفه على هالعشا وفهد كان توه قاعد على طاولتهم هو وسلطان فهد : شسالفه عزيز : محمد يقول ليش تخلي مشعل يدفع حساب العشا وانا أقنعه إن مشعل لازم اذا قال كلمه يكون قدها واهو الي عزم فأهو الي يدفع فهد : محمد لا تستغرب عزيز هو الي مربي إخوانه مع انه صغير لكن ونعم التربية وهو الي حط هالأسس عشان يعتمدون على أنفسهم وصل مشعل و جلس بجانب عزيز عزيز : شنو طلبت لي مشعل : مطبق زبيدي وفهد ومحمد مربين وسلطان مثلي محمر وللكل سلطات وشوربة عدس وتعرفوا على بعض أكثر وكان مشعل هو ملك السهرة فهد في خاطره لما كان مشعل يسولف والله كأني قاعد جدام شعولتي نفس الكلام نفس الشكل ما يحتاج اذا اشتقت لها أدق على عزوز يجيب لي مشعل معاه مشعل كان يتكلم عن نفسه وعن مشاريعه الصغيرة وهي برعاية عزيز مثلا تأجير محلات في احد المجمعات المعروفة وانه يحضر بضاعة من أي دوله أجنبيه تكون قليله الوجود بالكويت مو شرط انه يكون الوكيل الحصري لها لكن تكون مو متواجدة بكثرة عشان يكون في إقبال عليها مشعل : أو حتى مو شرط تكون مو متواجدة بكثرة عادي لو كانت موجودة وبكثرة لكن عليها إقبال مثل كافيه أو مقهى بس بستايل جديد يكون نصفه غربي ونصفه يكون ستايل بدوي والعمالة الموجودة فيه يكون قسم الستايل الغربي يكون زيهم الموحد يكون غربي كاب وبطلون و قميص أما القسم البدوي العمالة الموجودة فيه يلبسون دشاديش وغتر مثل الي شفتهم بالمطعم هني انا سبق وناقشته مع عزيز وجم موظف عنده وابدوا إعجابهم بالفكرة وعزيز وعدني بأنه الممول لمشروعي والمشروع شراكه بيني وبين اخوي عبد العزيز انا بجهدي وبالإشراف وهو الرأس المال لمشروعي محمد : طيب اذا فتحت لك كافيه أو مطعم هل راح تسوي قسم للنساء خاص فيهم يعني هاذي فكرة الحين سووها بالسعودية كافيه كامل للنساء من العمالة إلى الإدارة ليش ما تسوي نفس الشيء هني يكون ستايله زي ما قلت نصفه غربي ونصفه عربي لكن بعماله نسائية ويكون متوفر فيه كل شي من النت ومن المقهى وتقدر انك تخلي قسم خاص للمدخنات وتقدر انك تسوي داخله كوافيره وتقدر انك تسوي مسبح ومعهد رياضي وصدقني الفكرة بالكويت راح يكون عليها إقبال ولو كان منتجع كامل يكون اكبر واشمل وأحسن يعني يكون فيه غرف فندقيه للإيجار للسواح لأنها فكره غريبة بالكويت وراح يكون عليها إقبال كبير لان ما لها سابقه هني مشعل : فكره حلوة وخصوصا انها مو موجودة بالكويت ولا أنت شرايك عبد العزيز عزيز : فكره حلوة ومدام إن الفكرة كانت من بو رجا فأنا يسعدني انه يكون شريك معانا انا ومشعل محمد ابتسم : ايش انا أصير شريكم وليه عزيز : الفكرة كانت منك محمد : لا في فرق الفكرة مشعل انا فقط أجريت تعديل بسيط عليها عزيز : لا غلطان لو تذكر مشعل كانت فكرته كافيه شباب بس أنت حولت الفكرة من كافيه لمشروع كبير مثل المنتجع انا يسعدني انك تكون شريكنا انا ادعم العمالة الوطنية وأحب يكونون الشباب بتفكير سليم وإنهم يفكرون وين يحطون فلوسهم و لشنو يخططون وأنت إنسان أبدعت في فكرة ومن حقك يكون لك نصيب من الشراكة وانا مستعد أي شاب يحب انه يدخل معاي شريك الموضوع كله تشغيل العمالة الوطنية و تحريك الاقتصاد يعني لك حق مثل ما مشعل له حق ومثل حق أي احد يكون له حق عندي أنت شرايك يأبو مشعل فهد : انا اشتغل لكم مدير الحسابات وقسم المالية تحت أيدي عشان أبوق متى ما أبي هههههههههه هههههههه وما تسمع غير ضحكاتهم المرتفعة عزيز : أنت صاحب الشركة مو رئيس قسم المالية فهد : أنت من صجك انا ويني و وين السالفة هاذي كلها انا يالله ببزاريني اللي ما خذين كل وقتي عزيز : شلك بهمهم ياخي أنت اشغل معاي ومالك الا طيبه الخاطر فهد : لا يبه انا طلعوني من مشاريعكم عزيز : زين انا عندي فكره فهد : تفضل عزيز : تكون الشراكة بينا كلنا يعني انا وأنت ومحمد وسلطان ومشعل يعني كل واحد يحط اللي يقدر اذا ما كان عنده رأس مال يمسك شغله بالشركة مثلا محمد وسلطان ومشعل يمسكون إدارة التطوير وأنت يا فهد تمسك المالية وانا الممول الرسمي بالمشروع وإذا عندك أي احد تبي تشغله بالمشروع وعنده كفاءة ويستاهل يتوظف بس عطوني أوراقه والموضوع سهل ما يبي له تفكير وايد سلطان : ممكن أقول شغله عزيز : أكيد تفضل سلطان : زين محمد ومشعل فكروا وأنتجوا الفكرة المبدعة الي قبل شوي وفهد عنده كفاءة انا وش دخلني انا لين الحين ما خلصت دراسة ولا عندي رأس مال يعني من الصوبين مالي شغل بالمشروع الي انتوا تتكلمون عنه ليش جبتوا طاريي مشعل : لان انا ابيك تكون معاي بعد اذنك عزيز عزيز : بدون لا تقول مدام انك من طرف فهد يهمني أمرك وإذا على الدراسة كملها انتساب سلطان ابتسم : لا انا أبعدوني عن مشروعكم عزيز : أنت شنو تخصصك بالجامعة سلطان : ادرس محاماة سنة اولى عزيز : شي حلو كملها عندنا هني بالكويت واشتغل معانا مشعل : أنت لين الحين تشاوره هو راح يكون معاي بدون إذن منه ولف يطالع سلطان ابتسم : خلك كول أشفيك وصل العشا قال فهد : أكلوا الحين واجلوا كل المواضيع عن الشغل مشعل : محد راح يتهرب فيكم فكرة عزيز حلوة وخصوصا إحنا الحين مقبلين على العطلة الكبيرة يعني أوقات فراغ وايد وبدل ما نقضيها بأشياء مو مفيدة خلونا نقضيها بشيء نستفيد منه يعني الحين لو سوينا المنتجع النسائي اللي نبي نسويه هني ليش ما يكون له فرع مثله رجالي بكل معنى للرجولة نفيد اللي نبي مثلا بالفرع النسائي قسمنا إلى قسم للمدخنات وقسم للكبار السن وقسم للصبايا وقسم للبنات الصغار نسوي نفس الشيء عند الرجال منها نفيد الشياب والشباب ورجال الأعمال والمراهقين والأطفال سلطان : عشان تضم اكبر فئة للمجتمع خلوا قسم للملتزمين والملتزمات يعني هم أهم يبون يرفهون عن نفسهم عزيز : شفت شلون إن أنت مبدع لو بس تفكرون شوي كل واحد يعطي فكرة من عنده وانا ما أبيكم تستعجلون الوقت كله عندكم والوقت الي راح يأخذه المشروع عشان يتم مو مشكله عادي لو يأخذ جم سنه وتكونون أكثر تمكن انا مو مستفيد من المشروع بشيء انتم المستفيدين يعني فكر بأفكار تضيف للمشروع فكره ترفع من جمال وكفؤ المشروع انتوا سويتوا ثلاث أقسام لين الحين لملتزمين وللنساء وللرجال وكل قسم فيهم يتفرع لأقسام عديدة اذا أي احد عنده فكرة لو انها صغيرة يطرحها واصلا في اجتماع ثاني غير هذا يحدد أكثر المشروع والى الآن فكرتكم حلوة جدا وإذا استمريتم على جذي راح تطلعون بشيء خيالي فهد : طيب اجلوا السوالف لمرة ثانيه الحين ممكن تسولفون باي شي ثاني مشعل : على أمرك يا أستاذ فهد فهد : الا صج أنت شلون دراستك مشعل : الحمد لله دايم انا A فهد : دوم وشد حيلك مشعل : وياك يارب وكملوا سوالفهم كل واحد يحاول يعرف اللي جدامه أكثر وعند باب بيت فهد فهد : يلا انزلوا عزيز : أي انا راح انزل بس ما ادري يمكن مشعل يبي يرد البيت فهد : لا مشعل تو الناس مشعل : لا ودي أرد البيت أنام سلطان : تو الناس الساعة الى الآن ما وصلت 12 مشعل : أصلا انا تأخرت على النوم المفروض انا بالبيت من 11 سلطان : لا من صجك أنت ؟؟ انا اذا نمت الساعة 11 يقولون أكيد انك مريض مشعل : لا انا لأني أقوم من الفير فأحب اخذ كفايتي من النوم لان اذا ما نمت عدل طول اليوم يكون مالي خلق سلطان : اكسر القاعدة اليوم عزيز مبتسم يشوف أخوه فهد يهمس لعزيز : عاجبك عزيز بنفس الهمس : أشوف شلون ربيته فهد : الله يحفظه عزيز : آمين عزيز لمشعل : اسهر بس اليوم مشعل : من صجك وشنو يقومني من الصبح عشان الركض عزيز : ولا يهمك انا أقومك مشعل : اوكي بس أخر مرة اسهر عزيز : اوكي مشعل : لين متى راح نقعد عزيز : ما ادري انا متعود اسهر مع فهد و نطول مشعل : اوكي ودخلوا الديوانية وسهروا ومشعل استانس على السهرة ** علي والعنود بالفندق ** طلب منها تهدأ بعد ما حاول انه يصد تسكيرة الباب لما شافته وخافت من شكله مع إن شكله عادي بس كان يبي يبدل دشداشته ويلبس جينز زيتي و بدي بيج فكان لابس بس الجينز و يبي يلبس بدي وهي بطلت الباب باللحظة هاذي علي : نونه اشفيج العنود بخوف : أبي ارجع البيت مابي عشا علي : نونه اشفيج خايفه مني انا علي العنود ساكتة بس بدت دمعتها تنزل خايفه منه ومن مسكته لها لأن كان واقف جدامها وحاط أيده اليسار ورا كتفها اليمين وحاط أيده اليمين على وجهها علي : لا .. لا .. ليش الدموع حبيبتي العنود نزلت رأسها تحت ولفت على اليسار وغمضت عينها لما علي رفع رأسها علي : نونه عفيه لا تبجين و طلعها برا لأن كانوا بالحمام كرمكم الله وقف بالصالة علي : ليش تبجين أبي سبب العنود ساكتة وحاولت تسحب نفسها من حضنه لأنه كان حاضنها بقوة علي ضمها أكثر : بجيتي ذاك اليوم لأن كنت ريال غريب أما الحين انا ريلج ولا تقولين لأ لأن العقد تحت بالسيارة العنود سكتت لأنها عرفت انه ما راح يهدها فقالت اذا سكت راح يوخر ( يبتعد ) علي : ألف مبروك يا عروستي الحلوة والدلوعة وبعد الخوافة العنود ما ردت عليه علي كان ضامها وحاط أيدينه الاثنتين علي ظهرها وهو لين الحين مو لابس البدي لما ما ردت عليه قرب من إذنها وهمس : وأنا ما في مبروك لي ما سمع رد غير دقات قلبها الي تسارعت وهو على قربه منها همس بصوت أخف من الي قبل علي : أنا علي يا العنود انا الي احبج ليش خايفه مني ونزل يده على آخر ظهرها ويمسح بيده الثانية على شعرها علي : تدرين انج عذبتيني واني اعشقج العنود كانت متصنمه من الخوف ولما حست انه بدا يتمادى بحركاته من خوفها وهو ضامها ويدينها يمها ومن خوفها ضمت كفوفها لكن نست انه ضامها وإنها لما تضم أيدينها راح تكون أيدينها بين جسمها وجسم علي الزمن غلط وحركتها غلط حركت أشياء في نفس علي وكان يحاول يضغط على نفسه علي بنفسه ليش تحطيني بالموقف هذا ليش العنود لما عرفت إن مكان أيدها غلط بسرعه حطتها ورا ظهرها كأنها تقول ما كان قصدي علي بيده اليسار الي كانت آخر ظهر العنود مسك أيدينها علي همس بإذنها : ممكن اسألج سؤال العنود هزت رأسها بالموافقة علي بعدها عنه وطالع بعيونها الي لين الحين بالأرض علي : لاروسا طالعيني بشوف عيونج العنود وعينها على صدره : أنا خايفه علي : مني العنود بدت تتكلم معاه بس عشان تخلص نفسه من حضنه : لأ علي : أنا ادري انج ما تعرفيني وان كل شي صار بسرعه بس انا مو قادر أتحمل أكثر تعالي ابيج تسوين لي شي انا أحبه العنود خافت بس ما تكلمت علي قعدها على القنفه ( الكنب ) وجلس عند ركبتها علي : لاروسا غني لي العنود باستغراب : انا علي : أي ابيج تغنين لي العنود : بس انا ما اغني صوتي مو حلو علي : اذا صوتج مو حلو صوت منو الحلو العنود : انا صوتي حلو .. لا غلطان هههههههههه علي : زين أنتي غني أبي اسمعه واحكم بعدين العنود : انا اغني .. لا مستحيل هههههههه علي : عشان خاطري العنود : والله صوتي مو حلو أشفيك أكيد مس بلو مجذبه عليك علي : انا سامعج مو الجازي الي قالت لي العنود : متى انا غنيت عمري ما غنيت علي : شفتي لما دزيتي مسج بالغلط حق اخوج والجازي يابت لي موبايلج العنود : أي علي : ادري إن الكلام الي بقوله راح يزعلج لكن والله مو بيدي العنود : اوكي علي : انا فتشت بموبايلج وأخذت لج جم صورة و فتحت الأصوات ولقيت لج صوت وأنتي تغنين وأخذته ولما كنتي مريضه عندنا قبل حفلة اختج بيوم كنتي نايمه بالصالة وانا دخلت حسبالي انج مو موجودة وصورتج جم صوره وهم اللي صبروني لين اليوم العنود منصدمه من اللي قاله صج حست بشي حلو إن في واحد يحبها كل هالمده بس اللي سمعته صدمها لان مافي ولا تسجيل لها وهي تغني العنود : ممكن توريني الصور وتسمعني التسجيل علي وهو يروح يجيب موبايله على الطاولة اللي يم الباب وقعد يمها : هاذي الصور اللي أخذتها وهاذي الي صورتج إياها العنود : هههههههههه شكلي يضحك علي : شكلك ملاك وهذا التسجيل شغله العنود سحبت الموبايل من أيده وطفت التسجيل علي : انا آسف العنود : هذا مو صوتي علي بصدمه :هاه عيل صوت منو العنود : هذا صوت أختي انا سبق وقلت عمري ما غنيت شعوله أهي الي دايم تغني وأسجل لها لان استانس اذا سمعت صوتها علي سكت ونزل رأسه : ترى ما كان قصدي العنود : لا تزعل مني علي : أنتي الي لا تزعلين مني العنود : لا على شنو أزعل بالعكس عادي علي : وانا طول هالمده أتسمع فيه على بالي صوتج طيب الحين راح تغنين لي العنود : لااااااااااااا علي :والله راح تغنين سحب موبايله الي بيدها العنود : اذا غنيت راح تكرهني علي : يوه لا تزعليني غني لي العنود تتنحنح : راح اغني مقطع صغير بس علي: اللي هو المهم تغنين العنود غنت مقطع من أغنية عبدالله الرويشد تصور وكان صوتها هادي لكن مو بروعه صوت مشاعل علي : عيديها العنود : لا عاد بس والله ما أعيدها علي : ليش تحفلين العنود : لان مابي اغني مرة ثانية علي رفع الموبايل وقال لها اضحكي ترى الأغنية مصورة العنود متعودة على تصوير أهلها وخصوصا المقالب بس أكثر موقف أحرجها هذا لأنها ما عمرها غنت ولما غنت كان صوت وصورة العنود : هههههههههه حرام عليك وربي صوتي مو شي علي : انا الي أقرر العنود أنتي ما تدرين عن شي سكر التسجيل ولف عليها بكل جسمه العنود لفت عليه وعيونها على أيده علي : العنود انا بخاطري أتكلم عن أشياء وايد وما راح ألقى احد يسمعني العنود بابتسامه : وانا وين رحت علي : الله يخليج لي انا تعبت من المسؤوليات انا كنت اكتم أشياء بخاطري كثيرة عشان ما اعصي ربي مع إن المغريات كثيرة انا من حبيتج قررت تكونين زوجتي وكنت اعشقج من زمان بس ما كنت ادري كنت احسبه طيش أو لان انا ما اعرف بنات أو لان ما عندي علاقات اعتبر الشعور اللي انا أحس فيه شعور مراهقين كنت اقنع نفسي انها مو مشاعر حقيقية بس لما ياتني اليازي بموبايلج قالت لي انه موبايلج وانه واحد تحرش فيج حسيت بشي غريب وحسيت إني ودي اذبح الريال لما قال شوف شدازه أول بعدين قول بناتنا متربين العنود : كان مسج لعزيز اخوي علي : ادري قريته بس تبين الصج أنتي تغازلين اخوج ليش اتدزين له مسجات جذي ترى حتى انا أول ما قريتها ما فكرت ولا واحد بالميه انه ممكن يكون اخوج لما افتريت بالمسجات المرسلة عرفت انه عزيز العنود : طريقه كلامي مع اخوي غلط علي : لا مو غلط بس ما يصير تكلمين اخوج جذي اوكي اهو اخوج لكن ما ابيج تكلمينه جذي يبه بالعربي الفصيح انا أغار عليج وما ابيج تقولين أي كلمه حلوة لأي احد غيري العنود استحت ونزلت رأسها علي : العنود لا تصيرين جذي رفعي راسج أبي اشوفج العنود : ما مليت من متى وانا مجابلتك علي : ولا راح أمل أنتي حياتي العنود : علي بسك من هالحجي علي : أي حجي .. يا حلو اسمي منك له رنه ثانيه من صوتج تو ادري إن اسمي حلو العنود : ما راح أتكلم علي : ليش العنود بعفويه :أنت تحرجني علي : أنتي تستحين انا ما احرجج العنود ابتسمت علي : لاروسا العنود : هلا انطق الباب قبل لا يتكلم علي : أكيد العشا نكمل سوالفنا بعد العشا *** فهد بالمستشفى عند غالية الموجود عندهم أبو فهد أم بدر أمي موضي بدر عاليه ولمياء بنت نورة أمي موضي : يا بو فهد يا وليدي منتم أمطلعين بنيتي البيت خلاص ما بها الا العافية غالية واضح عليها التعب : أي والله يبه طلعني من هني خلاص أنا زينه ما فيني شي الحمد لله ابو فهد : متى ما قال الدكتور طلعناج نبي نتطمن عليج بعدين أول ما تطلعين من هني انا ناذر نذر ولازم اقضيه امي موضي : وشو نذرك ابو فهد : إني أسافر للعمرة أسبوعين وأصومها هناك انا وبنتي والي يبي يخاويني حياه ربي وبعد ما نرجع انا ناذر على ذبايح وعزيمة امي موضي : أجل انا خويتكم ابو فهد : حياج ربي ولف على ام بدر : ام بدر تخاوينا ام بدر : الرأي رأيك يا بو فهد ابو فهد : اجل أنتي بعد خويتنا بدر : يمه موضي تبين اردج البيت حاس انج تعبتي من الكرسي امي موضي : والله إن رجيلاتي توجعني بس ماني بمخليتن بنتي غاليه كانت مغمضه عينها أفتحتها بوهن : يمه موضي روحي ارتاحي أنا ما فيني إلا العافية امي موضي : ابعدوا الكرسي بقعد عالأرض ام بدر نهضت بسرعه تهيئ المكان لعمتها امي موضي : الله يعطيج العافية يا ام بدر ام بدر :الله يعافيج حق وواجب ابو فهد : فهد فهد : سم يبه ابو فهد : أنت كلمت صاحبك عشان نزورهم فهد : لا يبه ابو فهد : كلمه عشان نزورهم باجر وبلغه انها خطبه رسمي فهد : ابشر يبه امي موضي : وش خطبته فهد : خطبتي يمه امي موضي : وانا أخر من يعلم فهد : افا يمه انا قايل لج ذاك اليوم امي موضي : أيي تو ذكرت والله مدري اشعلامي صايره أنسى بديت أخرف ابو فهد : اسم الله عليج يا الغالية فهد : غزال يا يمه غزال عندي لج عريس تبين العرس يمه امي موضي بضحك : أبي لي واحدن غني وصغير حروة عمرك فهد مات من الضحك : تبين العرس هاه امي موضي : ليش بس أنت الي تبي تعرس ضحكوا كل الي بالغرفة غاليه : يمه أبي ماي ام بدر وهي تنهضها عشان تشربها الماي لاحظت شي بس ما تكلمت غالية وهي تنهض حالها : يمه لفي لي شعري اجدليه والله مضايقني ام بدر : طيب أول اشربي الماي بعدين اجدله ام بدر قعدت ورا غالية عشان تجدل لها شعرها بعد ما غالية شربت الماي أول ما مسكت شعر غالية حست بشي غريب السرير كان متروس شعر ماتكلمت لكن وهي تجدله شعرها يطيح بكثرة على غير عاده امي موضي : ليه متلبد ( مشربك .. أو معقد ) غالية بعفويه : يمكن لأن خليته مفتوح كل هالمده أمي موضي : مب من فلتج له لا هذا من العين غالية : والي يسلمج يمه اي عين على شنو لا جمال ولا جسم ولا منطق ولا فهم امي موضي : لا تقولين جذي الا من العين أنتي حسبالج العين خفيفه اذكر واحد من جماعتنا عنده بنته صغيره بس كلامها كلام عجوز دخل عليها في يوم لقاها تضحك قال : اهب عليتس ما اشوفتس غير تضحكين والله انها ماتت من حمى جاتها نفس اليوم الي كلمها ابوها ( هاذي القصه حدثت مع اقربائي ) أبو فهد : عواض ابو خليل والله انه مو قاصد هاذي بنيته لكن هو لا جلس في مجلس قالهم ياخذون من شنقه ( شربه او سوره ) وخصوصا اذا كان في واحد اعجبه منطوقه ( حكيه او كلامه ) امي موضي : انا عارفه انه مب قاصد لكن العين حق غالية بسرعه لأمها: اي عورتيني يمه ام بدر : ما سويته الى الحين افكك العقد غالية : خلاص خليه خليه انا اسويه مو الحين بعدين ام بدر بخوف على بنتها : يايمه خليني اسويه لج غالية بضعف : انتي عورتيني وقطعتي شعري امي موضي : يمه غالية خليها تسويه لج احسن بعدين يتلبد ( يتعقد ) أكثر غالية بدت تبكي : أنا اسويه امي تقطعه لي وتعورني ابو فهد يصرخ على ام بدر : ابعدي عنها لا تسوين شعرها امي موضي : اشفيك يامشعل خلها تسوي شعر بنتها ابو فهد : مب لازم عورتها خلوها على راحتها غالية تبكي : يبه خلاص خلها تسويه ابو فهد : كيفج غالية حاولت تمسك نفسها ما تبكي من العوار ( الالم ) تعابير الوجه غالبا تظهر ما يشعره الإنسان من غير ما يحس انه مكشر او معقد حواجبه كانت مغمضه عيونها ودموعها تنزل من غير ما تحس ابو فهد : ام بدر ابعدي عنها ام بدر : أشفيك يا بو فهد خلني أسوي شعر بنتي ابو فهد طالعها بنظره قوية : انا قلتها وما راح اكررها ام بدر : راح اوخر عنها ( ابعد عنها ) بس ما يصير جذي بعدين ما راح يتفكك امي موضي : ماهي سالفه يا مشعل ابو فهد : يا يمه الله يخليج لي لحد يضايق بنتي محد له شغل فيها امي موضي معصبه على ولدها و دلعه الزايد : وش ضايقناها فيه بدر قوم ودني بيت ابو سليمان ابو فهد : يمه ليش تروحين بيت بو سليمان امي موضي وبدر يساعدها تقوم : ما ودي أضايق احد هناك احسن لي ابو فهد وقف عند امه : افا يمه زعلتي علي امي موضي : مب زعلانة بعدها قالت : خلاص انا رايحه في حفظ الرحمن وهي تمشي ابو فهد يمسك ذراعها ويساعدها تمشي : يا يمه والله مو قصدي اني اقول جذي لكن بنتي متضايقه من شعرها وما ودها احد يلمسه وانا ما ودي اضايقها أمي موضي : ماهي متضايقه خلاص اصلا انا ضايقتني الجلسه بالمستشفى وانا بزور ولدي ولهت على سليمان وعياله ابو فهد : يعني بس بتزورينه منتي ممرحه ( نايمه ) عندهم امي موضي : والله على حسب ان كان ودي امرح عندهم ما اظن احد عنده مانع ابو فهد : لا والله محد عنده مانع بس انا ما ودي تمرحين ( تنامين ) في بيت غير بيتي امي موضي : يصير خير وصل امه السياره ورجع داخل المستشفى عند غالية غالية اول مادخل ابو فهد : يبه .. امي موضي زعلانه ابو فهد : لا بس تعبت من القعده هني و تبي ترتاح وبعد شهرين في يوم بالنسبة له هو أحلى الأيام وأحلى لحظات عمره عزيز : دير بالك عليها فهد لا توصي حريص بعيوني فهد وعزيز عند باب القاعه الي راح يدش فهد على عروسته ويلتقيها لاول مرة بعد عقد قرانهم بعرس فهد الي تم في شهرين وبموافقه مشاعل وفرحتها ان عزيز راح يحقق امنيتها انها تتزوج الي كانت تتمنى كانت تظن ان الدنيا اماني الواحد ينول الي يبيه بسهوله كان في بالها ان الزواج وناسه ولعب ما كانت تعرف انه مسؤليه امام الله ثم الناس ما كانت تعرف ان في ام واب للزوج لازم انها تخدمهم وتكون لهم بنت رابعه كانت تظن ان الزواج حياة ورديه ملؤها الاماني والاحلام في تلك الليله التي بالنسبه له اجمل ليالي عمره كانت هي اجمل النساء وكانت انثى بكل ما تحمله الكلمه من معنى مع ذاك الفستان الابيض فستان ابيض هي امنية كل فتاة هي اجمل من حضر واجمل من عرف واجمل من وجد في دنياه فهد يمشي على موسيقى المطربة ميس وبجانبه ابو فهد و ابو عزيز على يساره وعزيز ومشعل واراهم يمشون اول ما وصل الكوشه وقفت مشاعل فهد طبع بوسه على جبهتها ووقف يمها وسلم عليها ابو فهد وابوها واخوانها عزيز واقف يم فهد فهد بصوت منخفض : متى اطلع عزيز : تو الناس فهد : طلعني يا معود بس لا تقول لحد اني انا الي قلت لك بس تخلص هالاغنيه على طول طلعنا عزيز : فهد تو الناس خلكم معانا فهد : باجر باجر اقعد معاكم مو لازم اليوم عزيز : غمز له : اثقل اثقل فهد : ماني ثقلان طلعني عزيز : خل اهلي يسلمون عليها بعدين تطلعون فهد : الله يصبرني عزيز : امين ابتعد عزيز عن فهد وراح عند ابوه من جهة مشاعل بعد التهاني وخروج عزيز ومشعل وابوهم قطوا اهل فهد ملافعهم ونقاباتهم وراحوا يسلمون على فهد وابوه ويرقصون جدام فهد فرحا فيه لانه اول معرس من عايله ابو فهد ام بدر في غرفه اهل المعرس في نفس الفندق على الكنب بيدها ورقه كلينكس تبكي لكن لماذا ؟ تبكي فرحا في ابن لم تنجبه تبكي حزنا عليه بان امه لم تراه في هذا اليوم امنيه كل ام ان ترى ابنها في مثل هذه الليله يده بيد عروسه تبكي فرح لانه عرف انها مو موجوده معاهم في نفس القاعه وارسل عاليه تدورها لانه يبي يسلم عليها لانها امه عاليه : يمه فهد يبيج يقول وين امي نادوها ليه ما تبي تبارك لي ام بدر : الحين اجي وصلت عند فهد والعبره خانقتها تتذكر كلام ام فهد قبل لا تتزوج ابو فهد كانت تقول انها راح تخطب له احلى البنات وانها راح تزوجه وحده مثله مزيونه وانها راح تهاوش عياله اذا ازعجوها وانها ما راح تخليه يسكن برا تتذكر كل سوالفها مع بنت عمها واختها وشريكتها الي عمرها ما راح تكن لها غير الحب فهد بعد ما باس راسها : افا يمه وينج ما شفتج ام بدر منزله راسها تداري دمعتها : الف مبروك يا ولدي فهد : الله يبارك فيج يا اغلى ام بالدنيا يمه ليه تبجين ام بدر : دموع الفرح يا يمه فهد : والله لو بيدي لا امنع كل شي ينزل دمعتج يالغاليه ام بدر : الله يتمم عليك ويرزقك بالذريه الصالحه فهد : امين ضمها على صدره : يمه الله يحفظج لي لا تبجين والله ان قلبي يعورني من اشوف دمعتج احسها سكاكين بقلبي ابو فهد اقترب منهم : ام بدر ام بدر بعد ما ابعدت عن ولدها فهد : سم يا بو فهد فهد قبل لا يتكلم ابوه : ها يا الوالد كأنك غرت من ضمتي لها ابو فهد : اقول اقضب ارضك ازين لك ولف على ام بدر وقال : لا تبجين امسحي دموعج لا تنكدين على الولد ام بدر : ابشر : الف مبروك يا بو فهد والله يرزقهم بالذريه الصالحه ابو فهد : امين والله يبارك فيج فهد وعزيز والعنود وامها ومشاعل بالجناح الي حاجزينه للمعاريس العنود بعد ما تطمنت على اختها هي وامها طلعت بعد ما باركت لهم عزيز : مشاعل ديري بالج عليه مشاعل : ان شاء الله فهد : يلا عزيز فارج عزيز : هين هين الحين اخذ اختي واروح بيتنا فهد : ايي خير حبيبي يلا روح بيتكم بس بدون الغاليه هاذي ملكي انا الحين محد له كلمه غيري عليها عزيز : الله يوفقكم ويرزقكم بالذريه الصالحه فهد : امين عقبالك فهد حس ان عزيز يبي يكلم اخته قبل لا يطلع استاذن منهم وطلع برا غرفة النوم الي هم موجودين فيها و راح للصاله عزيز عند مشاعل : شعوله مشاعل : هلا حبيبي عزيز : اخر كلامي لج انا خلاص الحين مو بحياتح يعني انتي بحياه ثانيه مع ناس ثانيه وحياه غير الي كنتي عايشه فيها انسي الي انتي كنتي عايشه فيه وابدئي حياتج من جديد فهد مو نفس عزيز انا اخوج الي يغليج لكن فهد زوجج الي يحبج وانا ما زوجتج الا انا واثق منه وعارف انا منو مزوجج تكفين شوفي انا عمري ما قلت تكفين لاي انسان بقولها اول مرة لج انتي تكفين لا تفشليني عندهم ابي لا قالوا بنت فارس ابيهم يقولون ونعم المره ابيهم يفتخرون فيج ابيهم يقولون صج ناسبنا فهد انسان طيب لكن اعرفي شلون تكسبينه فهد مو نفس عزيز فهد مو غني فلوس لكن غني نفس وعمرج لا تحاولين انج تقارنين حياتج قبل بحياتج مع فهد وعمرج لا تقولين ابوي وعزيز كانوا يسوون لي انسي كل شي قبل لان الفرق معروف وواضح لكن حاولي انج تكونين سعيده مع الناس الي انتي راح تكونين معاهم وصدقيني السعاده مو بالفلوس السعاده لما تكونين مع ناس يحبونج وتحبينهم في بدايه حياتج راح تواجهين صعوبات ويمكن انها تكون قاسيه وصعبه ويمكن ما تعودتي عليها لكن دايم كوني مثل ما عرفتج وربيتج انا عزيز الي رباج على الطيب ورباج على عزة النفس لا تكونين مغرورة ولا تكونين ذليله نفس كوني متواضعه عزيزة نفس احشمي نفسج عن كل دنيّه وعزي نفسج يعزونج وخالتج وعمج هم الحين امج وابوج تصيرين خدامه لهم بدون كلمه لا او اوف وصدقيني ما يصير لج طيب لو ادري انهم متضايقين منج او حتى انج ضايقتي فهد لا تقولين انت عزيز وراح تدافع عني لانج اختي لا والله لو انتي غلطانة صدقيني راح تشوفين شي عمرج ما شفتيه مني انا موجود متى ما كنتي تبيني دقي علي واجيج لكن اعرفي اني ماراح افيدج بشي غير النصيحة تبين شي اطلبيه من زوجج لانه اهو المسؤؤل عنج من اليوم ورايح صدقيني لو تطلبين عيوني راح اعطيج اياها ولا تظنين اني راح ابخل عليكم بيوم لا والله لكن ما ابي يقولون انا ما عرفت اربي ابيهم يعرفون ان البنت الترفه الي عمرها ما عرفت شي غير انها تعطي اوامر انها عند وعدها لاخوها بانها تبيض ويهه جدام الناس وانها تقدر تشيل مسؤليه بيت كامل مو بس زوج وبيت لأ بيت وزوج واهل زوج وبيت كبير بكل من فيه كان كبير او صغير كوني اختهم أي شي يبونه منج لا تقولين لا دايم خلي على لسانج حاضر ونعم وان شاء الله وصدقيني لو كسبتي قلوبهم راح تكونين سعيده وراح تكونين ملكه مشاعل : عزيز عزيز : ياروحه مشاعل : انا احبك عزيز : وانا احبج لانج اختي الغاليه الي انا دلعتها وراح تبقين دلوعتي طول العمر مشاعل : عزيز انت تظن اني راح افشل بحياتي مع فهد عزيز : باذن الله لا .. لاني انا اعرف تربيتي لكم شلون على دخلة فهد الي كان يسمع صوت عزيز الي يحاول يخفضه قد ما يقدر لان فهد معاهم بنفس السويت فهد فرح لانه عرف منو ناسب ومو تزوج فهد : ونعم التربيه يابو فارس عزيز : الله يسلمك يالنسيب انا استاذن والله يبارك لكم ويسخركم لبعض ويرزقكم بالذريه الصالحه فهد : امين وعقبالك عزيز : انا استاذن منكم وسامحونا على القصور ودير بالك على الغاليه تراها ماي العين فهد : بعيوني يا النسيب طلع عزيز وفهد حط بشته الاسود على كرسي التواليت الي جدام مشاعل فهد : مبروك مشاعل : الله يبارك فيك العنود و مشعل و فارس أول ماوصلوا البيت بعد العرس مشعل : اخيرا شفت شعوله فرحانه ابو عزيز : افا ليش اهي عمرها ما فرحت مشعل : لا قصدي من قلبها احس انها من الفرحه ودها تروح بيتهم من اول ما ملجوا ابو عزيز : الله يوفقهم ويبلغني فرحتكم وعيالكم العنود : الله يعطيك طول العمر ويخليك لنا ذخر يارب مشعل : امين .. يلا تصبحون على خير انا رايح انام تأخرت على موعد نومي ابو عزيز : وانت من اهله الله يحفضك ياوليدي العنود : توصي على شي يبه ابو عزيز : سلامتج العنود : يبه انا احبك ابو عزيز : وانا بعد احبج يبه عنوده دقي على عزيز خليه يجي او يكلمني العنود : ان شاء الله انا بروح ارتاح بغرفتها دقت على عزيز العنود : قوة عزيز : قوتين العنود : وينك عزيز : ليش تبين شي حبيبتي العنود : بابا يبيك يقول ياتكلمه او تروح عنده عزيز : ان شاء الحين ادق عليه العنود : اوكي باي عزيز عندي خط ثاني عزيز : منو علي العنود : اي عزيز : سلمي عليه باي العنود ردت على علي بدون لاتسكر مكالمة عزيز ( علقته ) علي : هلا وغلا بأميرتي العنود : هلا فيك علي : شلونج حبيبتي العنود : زينه وانت علي : تعبان موت العنود : اسم الله عليك اشفيك حبيبي علي : اي والله جسمي متكسر الي يشوفني يقول شايل جبل وماشي 2000 كيلو ركض العنود : من شنو يالغالي علي : صارلي 3 ايام مو متمدد متواصل على كرسي العنود : تتغشمر صح ليش تجذب علي لما اسألك ارتحت تقول اي علي : مابيج تحاتيني حبيبتي العنود : احاتيك انت من صجك ولا تضحك حسبالك مستانسه ليش تسوي جذي بنفسك علي : كانت عندي جراحه والله صعبه يومين وانا ادرس الحاله واليوم الثالث الجراحه وتوني طلعت من غرفه العمليات ماصار لي ساعه وودي انااااااااااااااااام العنود : انت وينك الحين ياروحي علي : على فراشي بغرفتي العنود : نوم العوافي علي : انتي عافيتي صوتج وشكلج يجيبون العافيه العنود : يوز علي علي : ماقلت شي غلط العنود : أوكي روح نام ارتاح علي : تطرديني العنود قاطعته : لأ بس عشان ترتاح علي : وأنا قلت راحتي معاج العنود : حسافة ماحضرت عرس شعوله علي : مو بيدي العنود : ادري بس أنا اقول لو انك حضرته كان شفتني علي : سكري بدق فيديو كول العنود : أوكي علي : باي يا روحي العنود : باي حبيبي الإتصال الثاني ( فيديو كول ) علي : ما شاء الله تبارك الرحمن ملاك يا روحي العنود : شكرا اخنقتها العبره وسكتت علي : اشفيج حبيبتي العنود : ولا شي علي : تكلمي اشفيج العنود : انت شفت نفسك بالمنضره ( المراية ) شكلك حيل تعبان تحت عيونك اسود واضح وويهك اصفر علي : شسوي كله عشان العملية الي اليوم العنود : عشان عمليه تسوي بنفسك علي : اي واكثر هاذي ارواح ناس في يدي امانة وراح يسالني عنها ربي يوم الحساب العنود : الله يعطيك على قد نيتك علي : امين امواه ياملاكي العنود سكرت الخط بويه علي علي بفراشه ضحك ودق مره ثانية ماردت دز لها مسج * ليش سكرتيه * العنود دزت له * لا والله ! سو حالك بريئ * علي دز لها * أوكي براحتج بس انا ماسويت شي غلط انتي زوجتي ولا حتى بوسه الزوج صارت حرام .. ترا انا زوجج وأكبر غلط تسكرينه بويهي .. لا تكررينها ولا بيصير شي يزعلنا انا وانتي .. تصبحين على خير يا زوجتي * العنود دزت له * أنا اسفه وربي ماقصدي بس استحيت منك والله استحيت بليز لاتنام وانت زعلان علي * علي دق عليها بس قبل لاترد رسم على ملامحه الجديه العنود : الو بصوت باكي وضعيف علي حن عليها على طول : الحين ليش تبجين العنود : ماكان قصدي علي : مو مشكله خلاص انسي لكن لاتفكرين تكررينها العنود : ان شاء الله علي : اخذتي ابرتج العنود : لأ بعد شوي اخذها علي : متى بعد شوي العنود : 2 ونص علي : ليش العنود : اليوم الصبح نسيت ابرتي ما أخذتها الا 2 ونص علي : عيل لا تاخذينها الحين طوفي ابره الليل واخذيها باجر الصبح عشان ما تتخربط اوقات الأبره لأن اذا اخذتيها الحين لازم تصير ابرتج مثل هالوقت أما اذا طوفتيها ماراح تضرج مره لأن راح اقعدج الساعه 7 تاخذينها العنود : لاتعب حالك انت ارتاح علي : لازم اقوم امبجر لأن عندي شغل العنود : أوكي انت ارتاح الحين علي : يلا تصبحين على خير العنود : وانت من اهله واثنينهم حطوا راسهم وناموا عزيز وقت ما علقته العنود عزيز ضحك وقال بنفسه : الله يخليكم لبعض ودق على ابوه : هلا فارس بو عبدالعزيز : هلا بولدي عزيز : هلا يبه امرني فارس : مايامر عليك ظالم انت وينك الحين عزيز : راجع البيت فارس : ناطرك عزيز : خير يبه فيك شي تحس بشي فارس : سلامتك بس في موضوع ابيك فيه عزيز : يبه شفيه فيك شي فارس : سلامتك اذا جيت اقولك عزيز : ابشر انا بالطريج وصل عزيز عند ابوه وتكلموا عن شغل يخص الشركه وفي نصف السوالف قال فارس : متى ناوي تخطب البنت عزيز : متى ماقلت انت رحنا خطبناها فارس : كلم جدك وخوالك باجر واخذ موعد من بو فهد عشان نخطب بنتهم عزيز : ان شاء الله أول مايرجعون المعاريس فارس : على خير ان شاء الله عزيز : ماتبي تنام يبه فارس : شوي واروح الغرفه عزيز : يبه راضي عني فارس : الله يرضى عليك دنيا و آخره قلبي راضي عنك طول ما انت مع ربك وتصلي عزيز : بإذن الله ما اتركها توصي على شي فارس : سلامتك عزيز : تصبح على خير فارس : وانت من اهله فهد ما حب يزيد ولا كلمه على الي سمعهم من عزيز لانه قال اغلب الكلام الي كان يبي يقوله وحب انه بس يقول جم شغله تأكيد فهد : مشاعل مشاعل : هلا فهد : انا ماراح اوصي وقول انا وانا .. لا .. ما راح اقول غير كلمه وحده مشاعل : الي تقوله ترجيه ( حلق ) باذني فهد : تسلمين .. ربي ثم صلاتج ثم امي وابوي وجدتي في اولوياتج ثم انا ثم بيتج وطبعا أي شي تحتاجينه لو يكون بطل ماي تجين تقولين لي انا لان انا المسؤول عنج من اليوم ورايح مشاعل : ابشر فهد : شوفي لو سمعت بيوم انج اخذتي أي مبلغ من اهلج مهما كان راح ازعل عليك وصدقيني انتي ما عرفتيني عدل انا عند شي اقوله ما احب احد يثنيه لي انا موجود لو تطلبين من الدينار للمليون يمكن يكون في اختلاف بحياتج قبل والحين لكن باذن الله احاول قد ما اقدر اني ما اخليج تحسين بفرق وانا مو غني فلوس لكن انا كرامتي فوق كل شي مشاعل : حاضر والله يخليك لي وصل العشا وتعشوا وسهروا وبعدها ناموا الساعه 5 الفجر بعد الصلاه مشاعل حاولت انها تنام لكن ما قدرت لانها في مكان جديد وفهد كان طول الوقت ضامها ما يخليها تتحرك وهي تتقلب كثير في نومها بعد ما حست ان فهد نام سحبت نفسها من حضنه وطلعت للصاله واخذت روبها معاها وتمددت على الكنب العريضه و الطويله وتغطت بروبها ونامت بسرعه لانها تعبانه حاولت تنقلب حست بشي ثقيل بطلت عيونها شافت البطانيه الي كانت على السرير عليها سحبتها تتغطى عدل حست بجسم اقترب لها وضمها وتجمدت في مكانها لما سمعته يقول : ليش ما تبين تنامين بحضني لا يكون في بالج راح اخليج تنامين بروحج مشاعل : لا بس انا خفت اضايقك انا اتقلب وانا نايمه وما حبيت اخرب نومك فهد : تخربين نومي لما اقوم ما القاج بحضني والقاج متمددة على الكنب بروحج بدون غطا ولا شي لا يكون في بالج اني ما حسيت فيج لما تسحبتي من حضني واخذتي روبج وطلعتي بس نطرت شوي وطلعت وراج الا انتي بسابع نومه ومن التعب ما حسيتي فيني لما جيت وضميتج ونمت عندج هني مشاعل : طيب روح نام على سريرك اريح لك اهني النومه مو مريحه لك فهد : انا لو انام على حصير بس تكونين انتي بحضني احسها احلى نومه بالعالم مشاعل ابتسمت منحرجه منه : طيب روح ارتاح انت ما نمت عدل فهد : اذا تروحين معاي اروح واذا لا ما راح اتحرك مشاعل : الي تامر فيه لو تبي عيوني ما اغليتها عليك فهد ضمها حيل : صدقيني انتي الي كنت ادور عليها وانا عارف منو اخترت من بين كل البنات مشاعل : ان شاء الله اكون عند حسن ضنك فهد طبع بوسه على خدها وقال : يلا مشينا لفراشنا مشاعل : حاضر وناموا وكل واحد في قلبه فرحه لانه لقى نصفه الثاني الي كان يدور عليه في قاعه الاجتماع والاستاذ عبدالعزيز يتكلم ويشرح للموظفين طارق اعتذر منه لان نسى يسكر موبايله رفع يشوف منو الي يتصل طالع شاشه الموبايل وطالع بعزيز طارق : ابو فارس عزيز : نعم طارق : هاذي مدام مشاعل تدق عزيز : رد طارق : الو فهد : السلام عليكم شلونك طارق طارق : وعليكم السلام منو معاي لو سمحت فهد : اذا عزيز عندك عطني اياه طارق : ثواني بس منو اقوله فهد : قوله فهد اخذ عزيز الموبايل بعد ما عرف ان فهد هو الي داق من موبايل مشاعل فهد : صباح الخير عزيز : صباح النور هلا فهد فهد : وين موبايلك عزيز : مسكر عندي اجتماع فهد : طيب احنا مو تواعدنا تمرنا الساعه 9 عزيز : اوف اوف السموحه والله اني نسيت يالغالي فهد : مو مشكله بس انا ابي جوازها مو مشكله على الي يقطنا المطار لان بدر موجود عزيز : لا معقوله اتعب بدر وانا موجود الحين بس مسافه الطريج واكون عندكم لا تنسى لازم تسلم على اهلك واهلي قبل لا تسافرون فهد : أي اكيد باذن الله احنا تو الناس على طيارتنا الحين 10 واحنا طيارتنا الساعه 1 الظهر فهد : طيب ارحم حالك كل يوم اجتماع شرايك تسافر معانا عزيز : أي ابشر الحين اجهز شنطتي هههههههههه وسكر عزيز الخط بعد ما اتفق انه يكون عندهم بعد نص ساعه اختصر الباجي من الاجتماع واجل الباجي والمواعيد الثانيه لمواعيد ثانيه وكان عندهم الساعه 11 الا ربع اول ما وصل مشاعل لابسه تنوره مو طويله وبعد مو قصيره توصل لين نص ساقها لونها تفاحي فاتح وقميص زهري وعليه جاكت مثل التنورة عزيز : الف الف مبروك يا معاريس فهد : الله يبارك فيك عزيز : يلا مشينا فهد : يلا مشاعل مشاعل : حاضر مشاعل وفهد بالمطار بعد ما خلاهم عزيز شنو راح يصير بالمطار الي يخلي مشاعل تهون عن السفر ؟؟ وشنو مشاعل راح تسوي مع اهل فهد لما يرجعون البيت ؟؟ وشلون راح تكون اول مقابله بين مشاعل وامي موضي وهي ما تدري ان مشاعل سفور ؟؟ وشنو رده فعل فهد من مشاعل ؟؟ كله بالبارت الثالث عشر انتظروني باجر باذن الواحد الاحد ولمياء بنت نورة راح يكون لها النصيب الاكبر بالبارت الجاي هي وعاليه والحادث .. في حفظ الرحمن وسامحونا عالقصور اختكم انوار المطيري |
روووووووووووووووووووووووووووووووووووووووووووووووووووعة يسلموا الأيادي ندو حمد الله على السلامة أشتقت لك كثير الله يسعدك البارت رااااااااائع وطويييييييييل < خخخخخخخ العنود & علي الله يوفقهم موقفهم خطيررررررررررررررررررر فهد & مشاعل وأخيرااااااا مبروك مبروك عزيز - محمد & غالية ؟؟؟؟؟ البنت مخطوبة ايش راح يصير ؟؟؟؟؟؟ ياخوفي عزيز يزعل وينقهر !!!! وين مس بلو مالها حس ؟؟؟؟؟ سلطان ومشعل حلووووو الصداقة وأفكارهم رووعة ممكن أدخل معاهم بالمشروع < خخخخ غالية ياقلبي عليك الله يشفيك وحسبي الله على اللي كان السبب < ما يعرفون يذكرون الله وعالية وعادل مرررررره مختفين ؟؟؟؟؟؟ أسئلتك الصراحة تخوف وتشوق في نفس الوقت ماراح أقول غير الله يستر من الجاى وونتظرك غاليتي |
متوقفة منذ 2008
ننتظر الكاتبة للتوضيح |
أحب فيك الوقت لا غابو الناس
واحب فيك الناس لاصرت موجود واحب فيك الليل لا صار هوجاس واحب باكر دامني فيك موعود !! كيف اتنفس وانت ماغيرك انفاس قيدتني وحريتي صارت قيود كيف اجتمع فيك كل مافي من احساس كيف اختصرت الكون بعيونك السود !! وش سهرك فيني وانا وكلي نعاس وش طولك فيني وانا كلي حدود اعشق مطير فيك وارفع به الراس وان كنت ناقص قلتي نقصي زود !! ماهو بكيفي والظما مايكسره كاس بشرب ظماك ويرتوي يابس العود دام رجاي فيك مايعرف الياس ليه انتظر موتي وانا فيك مولود !! |
| الساعة الآن 07:30 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية