منتديات ليلاس - دو يو سبيك انكلش ؟؟؟؟؟؟؟؟؟؟؟؟؟؟

السلام عليكم ورحمة الله وبركاته

هي القصة من قصص الدهانة الاذكياء

من زمان كان في دهان وقع عقد عمل ليدهن عمارة بامريكا
المهم هاد سافر و استلم العمل وهوعم يدهن وقعت الفرشاية منو
فمر واحد اميركي قام قلو الدهان يا معلمممممم دخيل عينك هالفرشاية من عندك بدنا نخلص شغل
قام اطلع عليه الأميركي وطبعا ما فهم شي قام مشي
كمان شوي مر واحد اميركي فقلو الدهان يا معلممم دخيل عينك الفرشاية من عندك بدنا نخلص شغل دخيل عينك
كمان الأميركي ما فهم عليه شي واطلع بالدهان ومشي
فعرف الدهان اذا بضل من هون لبكرا ما راح يفمو عليه شي ...شو بدو يعمل ؟؟؟؟؟
وخطرت براسو فكرة
فمر واحد اميركي نادالو الدهان يا معلممممممم رفع الأميركي راسو قلو الدهان
(((((( دو يو سبيك انكلش ))))))))
جاوبو الإميركي يس
قلو الدهان اي لكن دخيل عينك الفرشاية من عندك

###########
هاذي قصة الاب الحكيم مع اولاده

آل كان في شيخ كبير على فراش الموت وحب أنو يعطي ولادو التلاتة نصيحة قبل ما يموت
فجمعهم و طلب منهم يجيبوا حزمة عصي من الخيزران وطلب من كل واحد ياخد عصاية وحدة ويكسرها
آم كل واحد من ولادو التلاتة كسرها بالفعل فقال لولادو : شفتو شلون اذا كنتو مفترقين شلون كل واحد سهل أنو ينكسر
وبعدين طلب منهم أنو يحاولو يكسروا الحزمة كلها
اخذ الولد الصغير الحزمة وحاول يكسرها بس ما قدر
أخد الولد التاني الحزمة وحاول يكسرها بس كمان ما قدر
أخد الولد الكبير الحزمة ( وكان قوي شوي ) وحاول يكسر الحزمة
اول مرة ما قدر وحاول تاني مرة آم فعلاً كسرها
آم سكت الأب شوي وبعدين قال لأبنو الكبير :

الله يلعن ساعتك شو بدي أحكي انا هلأ