|
إستثمار....اخوه
راهنت في بورصة الاخوه... وخليتك كل مالي ...وخليت ببالي انك جنب المال عني ماتخلى.. وعن عزوتي واخوتي مايوم اتبرى.. مافكرت بيوم ان المال هو اللى بيجمعنا وبيفرقنا... وتحت جناحه هو يلمنا.. من سمعني قال انسى اخوتنا ...كيف انسى اخوتنا وهي احلى احلامي وكل اعمالي.. قلي ياخوي كيف انسى..؟؟؟ كيف انسى يوم ميلادك وش كبر هالدنيا بعيني..وبين عيال حارتنا ياسعدي يوم اضمك لصدري..واحط يدك على يدي..وعلى وحدتي اضحك لوحدي شوفوني قهرت وحدتي وصارلي خوي في دنيتي.. كيف بنسى تربيتنا وسوى كبرنا..وسوى رحنا لمدرستنا..والكل يناظر ايدينا..اللى مايفرقها غير عصى مدرسنا.. كيف انسى؟؟ يوم يلتم عليك عيال صفنا..وبسرقه الطبشور يتهمنا..وبالفقر يعيرونا..يوم تخبي تقطيع ثيابك ودموعك تسبق كلامك...اناظرك وامسح دموعك ...ومن الصف اعطيك انتقامك..ولاحد استرجى يهزل..لاني بالدم اسقى من يمسك.. كيف انسى؟؟؟ مرور الايام وكبرنا..ورجانا في اهلنا..لكن صعبت ايامنا..وامنا كل يوم تبكي فقرنا..وتشكى دشر ابونا..وبقصص حريمه وخمره تطرب مسامعنا.. فدعيت ربي يبعدنا عن دنياه والحرام ويسلمنا.. لكن امنا اخذلتنا ولزوج ثاني اتركتنا.. فمسكتك ورحلنا عن كل الناس واولهم امنا اللى بين الناس غلطتها تسمينا.. وصرنا انا وياك بهالدنيا ظهر لبعضنا...نفصخ ملابسنا ونكسى عرى بعضنا.. كيف انسى ؟؟؟ ان في اخوتنا انكتب الشعر عنا..والناس من كثر حبنا ماصدقونا..وقالوا يوم بالفلوس تشبعون بالسنه تتقابلون..وماصدقتهم ياخوي...وعنهم قلت تكذبون وعنا ياويلكم لو تحكون وفي دوامة الدنيا انعصرنا..وبالفقر انوسمنا..ومن شانك عن دراستي تخليت..ولدراستك شقيت..رغم دموعك ورجاويك..ولتضحيتي بينت لي رفضك..وانك تفديني بنفسك..وانا مازلت انتظر وعدك كيف انسى؟؟؟ استحمالي غربتك وبعدك..ورجوعي لوحدتي اللى الحين اضحكت مني..لاني بدون مكالمتك وسماع صوتك النوم يجفاني.. وهذى انت اليوم ياخوي..رتبتك فوق المراتب..وبين الناس انت الراكب..والكل لطاعتك خادم لكن وين انا بين هالقووووووووووووم ياجاحد هذى انا بين جدران اربعه..الامراض بداخلي متربعه..تحت فرشه مقطعه... عيني لدرب موحشه..انتظر بس طله..ولو لقمه مرتبه..او حتى كلمه طيبه ياخوووووووووووي ياعزوتي .....ياكل مالي... اعتذر ممن لم يفهم بعض كلماتي |
اقتباس:
وهذا حال الدنيا .. قصة مكررة بين الأخوات .. يخرج أخ عاق آبق ، ويتخلى عن اخوته وربنا يعطيه المال ، والجاه ، و لا يتذكر كيف كانوا معه حتى أصبح فى هالحال !! شكرا لك " سراب " الجميلة ... وأهلا بك ، وبأى طرح .. ليس مهما اللغة العربية لا .. ليس مهما .. المهم مانطرح ... !!! تأثرت كثيرا من موقف هذا الأخ الجاحد ، ولو إنه أمامى جريت خلفه بشومة !!! تحياتى ربيع عقب الباب |
اقتباس:
يرتجف بع ان كشف سترة ..وظهرة لاعدائه ...........واااااااااااااااااااااااااااااو يا سراب تجنن الله يسلم هاليدين اللي كتبتها .......تقبلي مروري:flowers2: |
ماهذا سراب والله حزنت من خاطرتك
الله يكون في عونك ودمتي بحب نهى المحبه |
كلام رائع
الله يعطيك العافية |
| الساعة الآن 10:19 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية