منتديات ليلاس - ** الله كريم **

البارحة مابين وشلون يمديك
في يوم واحد ياحبيبي تغيرت

الليل خلاني وخلا طواريك
تلعب بقلبي كل ماداخلي اثرت

سويت شين حدني غصب ما اجيك
ولا قبل لا سير الليل سيرت

هدمت كل اللي بنيت بتجافيك
هدمت لا والله بالعون دمرت

خليتني وماقلت لي شلون اخليك
ليتك بحالي قبل مارحت ناظرت

الله كريم يصبر اشواق مغليك
لا قام ينثرني غلاك وتناثرت

والله يسامح قلبي اللي مواليك
اخذت كل اللي تبي منه وانكرت

منهار جيت العام تسبق خطاويك
واليوم ماكنك قبل جيت وانهرت

في ذمتك لامن تذكرت ماضيك
من يطري في بالك اليا من تذكرت

من كثر مافكرت وشلون اراضيك
وياك في نفسي ولا يوم فكرت

على كثر ماكنت متمسكن فيك
وعلى كثر ما احتجتني وماتعذرت

جيتك وعندي حاجةٍ بين آيآديك
والمشكلة تقدر عليها وقصرت

صدقني انهـا غلطتي يوم اداريك
ولا أنت لولا غلطتي كـان ماصرت

كبرتك بعين البعيد وحواليك
ابيك تكبر والمصيبه تكبرت

حاولت اغير فيك من كثر مغليك
قدرت لكنك عليه تغيرت