|
الصراحة راحة
ياجماعة فيه ناس أستغرب أمرهم ... يقولون رائيهم بكل صراحة في أمور كثيرة ويعتبروا هذا من الصراحة ومن النزاهه ومن البعد عن المجاملة والتملق ...مثلا :
إيش رايكم في إللي يبدي رائية في ملابسك بدون لا تاخذ رائية ويذم طريقة لبسك والمشكلة إنه ماسار هناك أساس معين يعتمد عليه في اللبس هذه ياجماعة صراحة ولا نصيحة ولاوقاحة ؟. وإيش رائيك في إللي يبدي رائية في تصرفات أو عادات وتقاليد عائلتك من باب الإستهجان وحتى لو كانت مش عادات محرمة بل عادات متوارثة؟ طيب فيه ناس قاعدين يشوفون صور عروس ويعني هم مايجاملون راحوا ينتقدون المكياج والفستان والكوشة طيب هذه أمور ماأنزل بها الله من سلطان ولا هي محك لشئ لاو العرس خلص ماعاد فيه مجال لإصلاح شئ وش رائكم ؟ إللي أبي أوصلة إنه في ناس مايفرقون بين الصراحة والوقاحة .. ومايعرفون الوقت المناسب إللي يطرحون فيه أرائهم ... ولا يدرون إن الكلمة الطيبة صدقة ... بس ممكن الواحد يأتي بالنصيحة كما جاء بها سيد الخلق (ص) بالحسنى بدون جرح مشاعر ... ولو أحد أخذ رأيهم يجيبونه بطريقة لطيفة مافيها صدمة لأحد ...تدرون فيه ناس طيبين بس الناس قامت تجنبهم بسبب تماديهم في الصراحة . . |
السلام عليكم
هذه ليست بصراحة .. هذه انتقادية الصراحة ليست بالضرورة جارحة .. وهي تعطى فقط عند الطلب |
فعلا هذا نقد .. لانه قاعد يعلق على اللبس او العادات
اما الصراحه تختلف في بعض الشي تحياتي |
سلا يا اختي ..هذي وقاحة واضحة وليست صراحة وانا اظن ان امثال هؤلاء يعرفون ذلك جيدا لكن مثل ما بيقولا بالمصري يستعبط وينشر سمه وسؤ خلقه باسم الصراحة .كما انني لااعتبره نقدا لأن اساس النقد انو يكون بناء مش وقاحة وعنجلية ....وكلمتي
الأخيرة اللهم ابعد عنا هذه الأشكال.................. مشكورة اختي على اثارتك للموضوع. |
ام علي شكلك كاينه بحفلة عرس امس :ekS05142::YkE04454::ekS05142:
يوجد فرق بين الصراحة والوقاحة .. وايضا الوقحين ما بيحكوا الصراحة .. لكن ينتقدوا بلسان سليط .. و على فكرة .. الصراحة تسبب كثير من المشاكل .. والشخص الصريح غير محبوب من الناس .. تحيّتي وتقديري . |
اهلين يا ام علي .... كيفك حبيبتي اخبارك ؟؟
حبيبتي بعض الصراحة وقاحة ...لما تكون مو مبنية على اساس ....يعني يكون سببها الرئيسي مضايقة الغير وانتقادهم لمجرد الانتقاد ...لكن لو لاحظنا اكثر من ينتقد لا يرضى بانتقاده ..العلة في ماذا؟؟ واضحة جدا لانه يتعامل بغيرة وانانية شديده تسلمي يا ام علاوي على مواضيعك الحلوة |
هلا فيك أم علي الصراحة البناءة تحتاج إلى أسلوب وإلا فالسكوت أو المجامله أبلغ من وجهة نظري أما الوقاحة والتدخل وفرض الآراء باسم الصراحة فمرفوضة وصاحبها بالنسبة لإبداء الرأي بملابسي أو شخصيتي إن كان بدعوى المصلحة فأرحب بها لأطور من ذاتي بشرط أن يكون أسلوب المصارحة راقي وليس جارح فاضح أما التطاول والتوقح بدعوى المصارحة فلا أقبلها حتى وإن كانت صحيحة شرايكم باللغة العربية ؟؟؟؟؟؟؟؟؟؟ لي مستقبل ؟؟؟؟؟؟؟؟؟؟ |
في عدة مصطلحات لها عدة معاني
في شي اسمو النقد البناء انو انقد لصلح حدى طلب رايي او بحس انو ممكن لو ابديت رايي راح يكون الوضع افضل ومو لاي حدى لا للاشخاص القريبين علي واللي راح يسمعوا وفي شي اسمو نقد هدام يعني شي صار و خلص لشو اعمل لاصحابوا احباط بالعكس بعض المجامله مطلوبه خصوصا اذا شفتهم مبسوطين بشغلهم تسلمي على الطرح الراائع ام علي الله يعطيكي العافيه |
اقتباس:
ماهو هذا المطلوب ..بس فيه ناس الله يهديهم ملاقيف شوي ودائما يتباهون بصراحتهم . |
اقتباس:
هلا شهووده ... فعلا هناك فرق بينها ... بس لما تقولي إن هذا نقد يردوا ويقولوا ليش ماتتحملي الصراحة . |
اقتباس:
ياهلا بالعمايرة... هييييه ويني وين الأعراس ... بس أول ماأرجع لبلادي ماراح أفوت ولا عرس بس كلامك صحيح الإنسان الصريح غيرمحبوب وهذا إللي لاحظته .. بس هالكلام ماينطبق على كبار السن لأنهم دائما يتميزون بصراحتهم اللاذعه الله يعطيهم الصحة . |
اقتباس:
هلا بالمرآة... صح لسانة المثل المصري جاب الجواب وإختصر ... وفعلا كلنا مانحب نحتك بالناس إللي شافين نفسهم صريحين حتى مايكون هناك سؤ تفاهم ينزل من مستوى الشخص . |
اقتباس:
تدرين فعلا كلامك صحيح إنه فيه ناس يبدون رائهم بس على شان يضايقون الناس ... وبعد مثل ماقلتي دائما الإنسان الكثير النقد مايحب حتى إن احد ينبه لمجرد التنبيه وياكثرهم وتجدينهم منبوذين بشكل غير مباشر .. |
[B][SIZE="4"][COLOR="purple"][B][SIZE="4"][COLOR="Purple"][QUOTE=إلياذة الواقع;1116419]
هلا فيك أم علي الصراحة البناءة تحتاج إلى أسلوب وإلا فالسكوت أو المجامله أبلغ من وجهة نظري أما الوقاحة والتدخل وفرض الآراء باسم الصراحة فمرفوضة وصاحبها بالنسبة لإبداء الرأي بملابسي أو شخصيتي إن كان بدعوى المصلحة فأرحب بها لأطور من ذاتي بشرط أن يكون أسلوب المصارحة راقي وليس جارح فاضح أما التطاول والتوقح بدعوى المصارحة فلا أقبلها حتى وإن كانت صحيحة ياهلا والله بالإلياذة ... إش إش إش على اللغة العربية تدرين رسبت في مقرر النحو في الجامعة ثلاث مرات هاهاهاها لا ونجحني الدكتور يوم ماش فيني فايدة .. إي والله يازين السكوت فيه ناس قلما يبدون رائهم وإن تكلموا إختصروا وتجدينهم بعيدين عن إبداء الرأي ولكنهم خفيفين على القب. |
اقتباس:
أهلين بفلة ... شكرا على الرأي الحلو .. وهو هذا المفروض إن الواحد يكون صريح مع أهله إللي يفهموا عليه ... ولا راح يزعلوا من صراحته ... والمجاملة إللي مافيها غش من باب الكلمة الطيبة . |
بالفعل فيه فرق كبييييييييييييررررررررر بين الصراحة والوقاحة
فيه ناس لماتقولين لهم ليش انتم صريحين مره ماعندكم مجاملات يقولوا وليش نجامل ونكذب؟؟؟!!!!(هذولي ماعندهم أسلوب نهااااااااااائيا) يعني المجاملة صارت كذب طيب وش الحل؟؟!!! مثلا وحده سألتك رايك ففستانها وأنتي معيبة عليه شي مثلا كان قصير قولي لها صراحة فستانك حلو ماشاء الله وروعة بس انه قصير شوي (لاتقولين قصير قولي قصير شوي ) لأن الوقع يكون أخف ولازم تكونون لحالكم مثال ثاني: وحده سألتك عن قصة شعرها وهي مو مناسبة لها قولي لها هي حلوة بس مخلية وجهك نحيف او لو انك قاصة هذيك القصة كان احلى اذا تبون امثلة ثانية ماعندي مانع هههههههههههههههههههههههههههههههههه |
ياسلام على مواضيعك يام علي
انا بسجل اعجابي بمواضيعك الرائعه اولا الموضوع رايح وجاي على الاسلوب بمعني ممكن واحد يقول اللي يحبه من دون مااحد يزعل باسلوب واختيار كلمات مناسبه اما اللي عارف ان الناس دايما يزعلوا من اسلوبه فيريح نفسه من الصراحه لانها تضر اكثر من نفعتها ويسلمو يالغلا على طرحك الرائع |
اقتباس:
يعني برأيك ما في صراحة و انتقاد الا بالتسريحة والفساتين والمكياج هههههههههه:ekS05142::ekS05142: انا طبعا امزح فقط ههههه في مثال اقرب .. وهو المواضيع في هذا المنتدى .. يعني عضو حاط موضوع .. يمكن يكون موضوع مش قوي او يكون بمستوى مقبول .. فممكن نجامله .. ونحكيله : موضوعك جميل ومفيد .. لكن فيه نقطة صغيرة .. كذا كذا .. وهيك بنكون صريحين نوعا ما .. وبنريح ضميرنا .. وعلى قولة احدى المغنّيات الشابّات : الصراحة راحة يا بويا و انته ما بتعرفش :ekS05142: تحيّتي وتقديري . |
[B]
اقتباس:
هلا بفقدت قلبي ياسلااااااااااام على الأمثلة .... بصراحة قربتي الفكرة بشكل كبير ... لا والمشكلة إذا جاتك وحدة ماعندها ذوق أصلا وتنتقد الناس على كل شئ ...ولا عليك من العمايرة غيران لأن الأمثلة كلها للبنات يعني مافيها سيارات وحركات شباب هاهاهاها. |
اقتباس:
هلا والله بشئ من الماضي مشكورة حبيبتي على اللفته الجميلة والله أنا محرجه تدرين إن الصريح الوقح مايعرف حاله ولا راح يتوقف إلين يسكته واحد مثله صريح ووقح . |
هذي وقاحه مثل ماوصفتيها ولازم ينوضع للانسان الوقح حد باسلوب قوي وحرج علشان يبطل يعطي رايه بدون محد يطلبه
|
عزيزتي هذي وقاحة مطلقة .. ايش السخافة هذي ، فستانك مو حلو !!
مين حضرتك حتى تعلق هالتعليق ..؟ مثل هذي الأشكال خطأ تسكتين لهم وتخلينهم يظنون إنهم على صواب .. راح يتضايقون .. لكن تلزمك بعض القسوة أحياناً حتى توصلين الدروس للبعض .. عموماً لاتهتمين لحكيهم البايخ أنت حلوة وكل شيء فيك حلو .. (: |
اقتباس:
ياهلا بثلوج الصحاري شكرا لهذه المجاملة وهو فعلا كلامك صحيح ... انا بصراحة ولله الحمد قلما تهمني التعليقات الموجهه لي لأن عندي ثقة في نفسي .. بس هذه ملاحظاتي على تعامل الناس فيما بينهم ويحاولون يخربون صفاء الجو ويعكرون مزاج بعضهم بالتفاهات . |
| الساعة الآن 03:16 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية