منتديات ليلاس - بهاي عيوني شفتج لا تنكرين

موال عراقي عجبني وحبيت انقله لكم وانشاءالله يعجبكم
الشاب يعاتب البنت :
بهاي عيوني شفتج لا تنكرين و هذا الوجه ما يخفى عليا
مو انا اللي شفتج لا تقولين اميزج لو ان كتني بين ميه
صحيح وياج جايز تغلط العين بس القلب شافج قال هيا
و اقولج وين شفتج اذا تريدين بمكان الكنا نقعد بي سويا
و اقولج حتى كنتي انتي شتلبسين من شفته عليج شصار بيه
يبا نفس الثوب هذا القبل شهرين جبته بعيد ميلادج هديه
و هذي الساعه بيدج ما تذكرين جبتها بسبب تاخيرج عليا
المحابس و التراجي و كحلة العين نسيتي انا جايبهن بيديا
شياش العطر كانت وحده و اثنين و سويتج صدق اجمل بنيه
جبتلج كلشي حتى انتي تتحلين تتحلين بيهن مو اليا
حصة غيري صاير تعب السنين و انا بس المشترى صاير عليا

رد البنت عليه :
صحيح انا الشفتها و انتا مو غلطان بنفس الثوب هذا الجبته ليا
و صحيح انا كنت ويا شخص ثاني ما انكر اقولك انا هيه
و صحيح كل اللي قلته صحيح انتا جبتهن كلها ليه
هداياك اللي قولي شقد تساوي شتوازي شبابي اي هديه
انا نطيتك عمر سلمته بيدك بساعه و محبس انته تمن عليا
و انا ما شفت منك اي نتيجه و صار سنين اريدك تحس بيا
شفت العمر يجري و كلشي ماكو قلت الحق لنفسي انا شبيه
من اظل وياك يتركني قطاري باخر لحظه صرت انا ذكيه
جبتلج ما جبتلج هذا همك لكن تربتبط ما الك نيه
و الشخص هذا الكان وياي اعتبره انا اجمل هديه
من اول يوم عرفته حسيته صادق اجانا لبيتنه و يطلب اديه
و قارنتك انتا وياه مرات شفت القلب يمك لكن الحب حبيبي بهالزمن عشره بالميه
و التسعين انا بحاجه الهن زواج و استقرار و احلام ورديه
لذلك قررت اختار غيرك مو حقك تجي و تلوم بيه
و اذا انا قبلت قبل بهداياك اسمحلي ارجع هالهديه
ترى بخاتم الخطبه تزهي ايديا انا بخاتم الخطبه تزهي ايديا