|
@@* إهـــــداء إلى خواطري *@@
**************************** **************************** يمرّني كل عام يوم ميلادي يوم أعرفه ويوم انسى مواعيده يمرّني وانتبه للغايب البادي واهوجس بحال غيري من مواليده أرتاع وارتاح له .. يفرق وهو عادي ينقص من العمر عام في ضحى عيده أناغم الحرف ذا باكي وذا شادي وارسل مع كل دمعه وجد تغريده ياوابل الغيث كان الحظ به جاد ِ يزهر حياتي نداه وتزدهر بيده ياركب الايام معك العمر ينقاد ِ كم ليلتن وسّدتني فيك تنهيده ويارحلة العمر في صحوات ورقاد ِ ويارعشة الجفن في غفوه وتسهيده في لحظة العمر تسري فزّة فوادي لحظه وفزّه وباقي العمر ترديده الّلحظه الماضيه ما عاد تنعاد ِ والقادم من العمر باالغيب تفنيده ثلاثة ايّام للرجّال يا هادي يومين دنياه ويوم البعث تخليده وسلامتكم ********************* |
الله على القصيدة الحلوة بس أعترف من كاتبها؟؟
الظاهر يوم ميلادك امس وتذكر الأيام الماضية وتقول الله يالدنيا شيبت ماعليك العمر قدامك ياشيخ هونها وتهون ومصير اللي راح يتحسف |
ابشرك ميلادي قبل اسبوعين ......والله ما احد دق له خبر حتى محاكيك بس يعتبر قفزة الى عالم ثاني وعمر جديد لأنه بداية العقد الثالث والي راح والله عليه كل الحسايف ....يبي له ديوان ماهو قصيده لكن الله يستر عليك ويحفظك وشكراااا على التعقيب خلها في القلب تحرق ما بقى ......عادتي ما اشكي على غيري عناي |
هههههههههههههه ماجد اثر ميلادك حول ميلادي
اخاف نعرف بعض وانا ماادري؟؟ ياابن الحلال وسع صدرك وفلها |
لا تحاولين...... مافي امل الموضوع خرج من ايدي
ههههههههههههههه العمر كله يا شاعرتنا .........اهم شي الواحد بصحة وعافية والباقي يهون يسلموووووووو |
| الساعة الآن 07:03 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية