السلام عليكم جميعا ورحمة الله وبركاته

خواتي الحبيبات اليوم رايحين نــشــوف عــمــل صينيه من القش ونستعملها لتقديم القهوه لأعز احبابنا( آبائنا وامهاتنا , ازواجنا ................. )

نبدا شغلها
المواد المطلوبه: قش, خشبة mdf بالقياس اللي بتحبيه اوقياس 35x20 ومتلها زجاجه نفس الشكل سماكة 3 مل , مكبس تنجيد, قطاعه , منظر لوضعه تحت الزجاجه (او نشارة خشب او ورد مجفف اوخيش ملون اللي بتلاقيه عندك ) حبل ملون ومدهب , خرز من شيت المكرميه او ممكن شيت عدادات الاطفال .

يقطع القش طول 40 سم حيكون 33 زوج من العيدان


طبعا تــنــقـــع العيدان لمدة 10 دقايق (ما تكتروا وقت بعدين بيتغير لون القش وبيصير غامق مو حلو) هلأ بنجيب الخشبه ومكبس التنجيد وعودين منقوعين وبنقيس 8 سم على العودين وبنركزه عالخشبه وبنكبس بالمكبس




هيك بنستمر وبنعمل فرق بين كل عود والتاني حوالي 2او 3 سم ( العود مو واحد 2 ما تنسوا )

وبنراعي العدد يكون فردي انا اخد معي 33 جوز عيدان وكل جوز بقول عنه عود





هلا بنعمل جدلة القاعده( من الجهه القصيره) بناخد العود وبنبعد عن اللي جنبه وبنخله للداخل




هاي آخر مرحله بهاد الدور


وهلأ بنجيب المنظر اللي بدنا اياه انقصها ونلزقها بواسطة فرد السليكون على الخشبه مباشره



هيك لزقناها كلها داير مندار القشات عالخشبه






وهلا بنجيب عود واحد طويل وبنبدا النسج متل الطاقيه اذا متزكرين مره من الخلف ومره من الامام




انهينا الدور الاول بالنسيج ومتل ما انتوا ملاحظين لانه العدد فردي بيبقى الشغل مره من قدام ومره من الخلف





بنحط الزجاجه هلاء وبنشتغل دورين او 3 علشان نحط خرز وهيدول يا حزركم ليش؟







للايدتين اللي حنحمل منها الصينيه




حطي وحده بالنص طويله وحبه قصيره من كل جهه علشان التقويسه بالشغل






هلا اشتغلنا 3 دوار وراعينا يكون النهايه من نفس نقطة البدايه علشان كله يكون قد بعض بالنبدا بعمل جدلة الخاتمه وهون انا بجد مو عارفه كيف حفسر
انتبهوا معي الله يخليكم






كل زوج من العيدان قلنا عنه عود مو؟ فهلا بناخد عود وبنلفه بعد اللي جنبه من جوا لبره






هيك للآخر

هاد آخر واحد بندخله من القوس شيت اول واحد لفيناه




علشان نحصل على جدله متل جدولة الشعر او ضفيرة الشعر شوفي وين حندخل العود بدنا ندخله لجواة الصينيه

من القوسه وفوق العود الثنائي



هاد آخر واحد بندخله





اذا بدك بس هاي الجدله بتقصي الزوايد واذا بدك تمتنيها للجدله وتقويها بتابعي الخطوات معي

هلأ من الداخل الشغل
بناخد عود وبنرفعه وبناخد اللي بعده وبنحطه وبنحطه فوق منه واللي صار تحت بيصير فوق اللي بعده ونخليه تحت وبنقطع العود يعني بنقصره بشكل معقول عشان ما يفلت







لاحظتوا كيف؟

بنضل نضفر او نجدل هو بالزبط زي تجديلة الشعر تخيليها بتعمليها بكل سهوله

وبالآخر بندخل العود من القوسه الاولى وبندخلها لتحت وبنقص




هيك خلصت معنا الصينيه بيبقى نحط الحبل المدهب ونلزقه بالسليكون





وبيبقى الفرنشه يعني تلميع القش واكسابه صلابه اكتر وحمايه من التكسر








شو رأيكم ؟

يلا اعملوا متلها وفرحوا اهاليكم
الى لقاء بعمل آخر

مــنــقــول للأمـــانــــه....................

المشاركة الأصلية كتبت بواسطة Lonely Angel (المشاركة 1100184) الف شكر .......بس شكلها صعب