مين أحسن رسام فى روايات مصرية للجيب
مين أحسن رسام فى روايات مصرية للجيب -اسماعيل دياب #رحمة اللة#- باسم صلاح الدين-احمد شوقى
|
في رأيي الفنان اسماعيل دياب (رحمه الله)كان الأفضل يالدات في رسوم ملف المستقبل.
|
أكيد أنا بضم صوتي مع ahmedmounir
لأنه عنجد الفنان إسماعيل دياب رحمة الله يمتلك موهبة بالرسم والخيال |
يا جدعان مش عشان الراجل مات يبقى هو أحسن رسام أحسن رسام فى رويات مصرية للجيب و هو أحمد شوقى بلا أدنى تردد و لو مش مصدقنى قارنو بين الأعداد القديمة و الجديدة.
|
الأستاذ إسماعيل دياب -رحمه الله - وعموماً المسألة نسبية ..
|
مفيش اي مقارنه
ده انا كرهت اغلفة المؤسسه اللي اصبحت رديئة جدا بعد وفاة المرحوم اسماعيل دياب يارب يمشي احمد شوقي ده ...مش رسام خالص مش عارف يرسم ولا صورة لادهم وشوهه تماما وخلاني اكره صوره الجديده ويفتقر للخيال تماما وده شوه ماوراء الطبيعه وملف المستقبل ورجل المستحيل وكوكتيل 2000 |
يا جماعة أحمد شوقى جعل لرفعت إسماعيل الأصلع منذ أول السلسلة بشعر كثيف وكأنه ركب شعر مستعار أو عمل عملية زرع شعر كما أن غلاف قصة كائنات العدد الخاص لملف المستقبل ليس له علاقة بالقصة أساسا
الله يرحمه اسماعيل دياب فهو كان عنصر الجذب الأولى لقراءة القصص |
العدد 158 في رجل المستحيل مين رسمه دا أحسن رسام في الأحياء لانه رجع لمستوى الاستاذ اسماعيل دياب يرحمه الله
|
استاذ اسماعيل دياب - رحمة الله عليه - بلا منافس
|
السلام عليكم ورحمة الله وبركاته أضم صوتى لكل من قال أن الفنان المبدع إسماعيل دياب _رحمه الله _ هو أفضل رسام لسلاسل روايات مصرية للجيب عامة أولا لأنه ببساطة كان فنانا موهوبا بمعنى الكلمة وذلك بإعتراف كتاب السلاسل كلهم ثانيا لأن السلاسل قد ولدت على يديه وهو من إبتكر شكل أبطال القصص حتى إرتبطت صورة كلا منهم بأذهاننا ولكن ذلك لا يمنع أن يكون أ/أحمد شوقى من أن يكون ثانى أفضل رسام فى المؤسسة بعده وإذا لم يصدقنى أحد فليتأمل غلاف عدد أسطورة أرض الظلام الرائع والحق أحق أن يتبع..... هذا هو رأيى الخاص.... أرجو ألا أكون قد أطلت ... وألا يكون أحد قد غضب منى.... أخوكم ... إسلام |
اولا انا مش مصدق ان في حد وصلت بيه الجراءه انه يقول ان احمد شوقي احسن رسام في المؤسسه
يا راجل دي الاغلفه ملهاش علاقه اساسا بالمحتوي خاصه في ملف المستقبل شوف كائنات و الجيل الثالث و اسطورة الطوطم يا راجل الاغلفه ملهاش اي علاقه اساسا الله يرحم اسماعيل دياب اللي كان بيحسسك بالروايه من الغلاف ولا احسن ناقد |
بسم الله الرحمن الرحيم يا أخ dodiii من تقصد بالضبط ؟؟؟؟....أرجو أن توضح.... ثانيا أنا عن نفسى (إذا كنت تقصدنى فقد إعتقدت ذلك) لم أقل أن أ/أحمد شوقى هو أفضل رسام بل قلت ثانى أفضل رسام فى المؤسسة بعد الفنان الراحل إسماعيل دياب _رحمه الله_ ولاأقول غير ذلك وأظن أن ذلك واضح تماما فى ردى على الموضوع وأرجو ألا يكون قد حدث سوء فهم لا سمح الله |
الساعة الآن 08:50 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية