منتديات ليلاس - **قلب المخلصـــــــــه**

إن جيت ابيهم...اغلقوا دوني الباب..
ولو طاحت دموع الوله..مابكوني..
ناسٍ ابد...مااعدهم عني اغراب..
كنت اتولم.. يمهم واتركوني...
في ضيقتي..والقلب بالحيل منصاب..
جيت اتلّمس..قربهم وخذلوني..
والله...لو مااعدهم كل الاحباب...
ولو غيرهم يسكن بغية عيوني..
مااشره عليهم..لو قضى العمر بغياب..
ولاتحرك من غلاهم شجوني...
اعدهم عن الملا..ستر وحجاب..
وابني لهم..قصر الغلا وهدموني..):
اول..ليا من جيت بألفين ترحاب..
فأجمل ..محطات الاماني لقوني..
واليوم..صاروا من ورى ظهري احزاب..
احزابهم..هي ليش بعد قتلوني...
ياويل قلبي مابقى فيني عتاب..
ماباقي الادمعتين بعيوني...!
"اخاف لأذرفها..وانا حولي اجناب..
تفرحهم..دموعي..وهدة متوني"..
الموت..يوم الصد جاني بلا اسباب..
كذا بليا اسباب..راحوا بدوني..
"اخترت خوتهم..على كل الاجناب..
وذكرتهم..بالخير يوم(ن)..نسوني..
واستسهلوا..بعدي..وباعوه بأكذاب..
احلف لهم..بالله..ماصدقوني...
ومن يوم ضاقت وامتلا صدري عتاب..
وابطت..تنازف في خفوقي طعوني..
شعلت..انا وطعوني براس مرقاب..
وبكيتهم..في صمت لين وحشوني..
ياكثر..وحشتهم على خافقٍ ذاب..
وياكثر مافي هالغلا..كرّهوني..
وياكثر غيبتهم..على قلب مرتاب..
وياكثر ماضاقت..بعد ماجفوني..
إن جيت اصد..وكل ظرفٍ له انياب..
وإن جيت ألد الهم...ملتني غبوني..
هم علموني..ويش هو حرق الاعصاب..
وفأصعب مواقف رحلتي ..همْلوني...
وعلى رغم كل المواجع..فلا خاب..
ظني بهم..لو بالمفارق..نووني..
ولافيني الاشي..واحد وينعاب..
إنصافي لناس..جفوا وظلموني..
ويوم لحقوا..قلب الكرامه بمخلاب..
تهدمت..كل القصور بجفوني..
ومدام قلب المخلصه..صار كذاب..
وشهو له...ارجع دامهم كذبوني..