منتديات ليلاس - في غيبتك ضايق ولاني بمسرور...

قصيدة للمبدع : سالم محمد اليامي

أع ــجبتني كثيــراً .... أتمنى بأن تنال استحسانكم

:

الغصـه اللـي ناشبـه داخـل الـزور
لـو عـاش راسـي للأبـد مانثـرهـا

وماحلهـا ساحـر وكاهـن ودكـتـور
ويبطـون ماجابـوا مصـادر خبـرهـا

ياليتهـا غصـة قصـايـد وحنـجـور
كان اقلب الساحه علـى اللـي نحرهـا

واصاقـع براسيـن تركـي ومسـتـور
كـذا طناخـة راس يـقـدح شـررهـا

وادوس روس العور وادعس على الصور
واحتدهـا فـي زاويــه واحشـرهـا

واهجي وراعين الشعـر دون محظـور
والعـن ثـواهـا كلـهـا واحتقـرهـا

واطلع وانـا خلفـي قبايـل وجمهـور
ماتنحصر لـو حاولـوا فـي حصرهـا

لكنهـا غصـة أحاسـيـس وشـعـور
هليتهـا والـلـي نشـرهـا نشـرهـا

احـس فـي صـدري ثمانيـن دافـور
بانـت علـى وجهـي معالـم خطرهـا

فكري مشتـت والصـدر صايـر يفـور
والعين تشكـي مـن سبايـب سهرهـا

ومن طب في بحر الهوى عاش معـذور
واحلا سنيـن العمـر يقطـف زهرهـا

مـن وقتهـا وانـا مهـوي ومطـيـور
مقلـع سمـا والكبـد بيـده مـزرهـا

يامضيعه مـن سـوق توفـي وغنـدور
طلـي علـى نفـسِ خذاهـا فحـرهـا

وروفي بحال اللي مـن الوقـت مدمـور
حظه ردي واغلـب حظوظـه خسرهـا

في غيبتـك ضايـق ولانـي بمسـرور
ونفسـي ورب البيـت زايـد كـدرهـا

من ضيقتي أضرب بخمسي على الـزور
واصيح صيحـة مـن يمنـه خسرهـا

والحب عايـش طـول الايـام معمـور
ماهزتـه عـوج السنـيـن وقهـرهـا

يقولـه اللـي بالهـوى شيـد قصـور
لجـل اللـذي كلتـا عيونـي سحرهـا

ماهـي بهامـوره ولا بنـت هـامـور
بنـت الشيـوخ اللـي تزايـد فخرهـا

واللي أبوهـا بيـن ذا النـاس مذكـور
يوم ان بعـض الانـاس محـدٍ ذكرهـا

حوريـةٍ ماهـي مثـل باقـي الـحـور
قلبـي وعمـري والقصايـد مهـرهـا

مكانهـا فـي داخـل القلـب محـفـور
عـمـار يــادارٍ وليـفـي عمـرهـا

ماهـو بحـب ايـام وليـال وشـهـور
يبقـى اليـن الرجـل يفنـى أثـرهـا

وتبقين فـوق النـاس يامطلـع النـور
ياجمـل جميـلات البـنـات وثمـرهـا

ويبقى معك قلبي على طـول محصـور
فديـت مـن تـل العـروق وحصرهـا

والكلمه اللـي وصلهـا العلـم والـدور
وصـدري حظنهـا والفـؤاد احتكرهـا

مسحـورةٍ فـي دم رجـال مسـحـور
ليـن القبـور يطيـح فيهـا ذمـرهـا