|
اقتباس:
ياملايييين المراحب يا eyes2 سلم الله قلبك على هذا الهطول الراااائع بحق كويس انك انتبهتي لفاطمة وحياتها محد تطرق لها الا يمكن وحده بس مو مثلك فعلاً فاطمة نموذج نادر للصبر والبحث عن السعاده في القلوب اليتيمه والعطشا تابعي ماذا سيحدث لفاطمه تحديداً خالد احال حبه في قلب سارة الى كره وخوف بسبب دناءته وسيره في الطريق الموبوء ايضاً تابعي نوف وماذا سيجني عليها التغيير المفاجيء حديثك عن عماد وشادن اوقفني كثيراً كثيرا حقا يا eyes2 اعجزتني عن الرد وافحمتني لكن ترقبي القادم لعله يكون مجيباً لتساؤلاتك وتوقعاتك الجده من الآن يساورها الشك لكن هل ستتدقق ام تتجاهل تابعي وكلي امتنان eyes2 حضورك هذه المره مختلف جداً ورائع جداً ومميز لأبعد الحدود تبارك الله ماشاء الله لاحرمني الله هذا التواجد وكتب لك اجر الدعوه ولكِ مثلها ان شاء الله ممتنه جداً لحضوركِ يانقية |
السلام عليكم
< رجعت اهنيك على البارت الروعه وصراحه احداث حلوه لكن للحين ضايعين^_^ عماد ما ندري وش فيه وليه من الاصل ما كان يبغي يتزوج؟؟!! هل مرضه يعيقه الزواج او ما يبغى احد يتبهذل معاه؟؟<<جاري الانتظار نشوف بالاجزاء الجايه نوف المسيكينه "ضايعه بالطوشه وناويه تتكشخ على بلوشي" معليش خليها تحط حرتها بالشعر والملابس^_^ اتمنى يكون في احداث اكثر بين شادن وعماد وتكفين نزلي البارت قريب ما نقدر نستحمل لين الخميس v_v تحياتي وتسلم يدك رين |
اقدار انا شاكه ان عماد بيموت في النهاية بعدين بتكتشف شادن ان اهي حامل منه وتربيه تربية ابوه بس والي يسلمج لا تخلينه يموت لان اذا مات باموت معاه
|
تسلمين على قلمك المبدع
وأنا كنت متابعة من الأول ولكن بصمت! وأحساسي أن عماد عنده ورم أو مرض ويتوقع أنه ماراح يعيش وعشان كذا مايبي زوجة وأطفال وسفرته راح يكون فيها شيء. تقبلي مرموري |
اقدار
متاسفه انا قريت الجزء من اول ما نزلتيه بس رديت عليه متاخر اعذرينى اعتقد انك زهقتى منى علشان كل مارد عليكى اقول ان البارت رائع ورهيب و لو لقيت لفظ اقوى من رائع ورهيب كنت قولته فهد فى البارت ده حزين مهموم نجحتى انك توصليننا معنى الحزن فى سطور لأن الحزن عمره ماكان اصطناع .. الحزن احساس ووجع .. وصورة تجسدها الملامح والعيون ..! وفهد كله على بعضه كتلة حزن نظراته البائسة واليائسة شاردة الذكرى مارحمته والواقع قسى عليه .. (((((((نزلت من عينه دمعه حارة على خده اللي يلطمه هوا الصحراء البارد . وش الطريقه اللي بتوصلني لك يالغالي وشلون الحقك واجلس معك لو اذبح نفسي رحت للنار وانت طريقك الجنان ادري انك في الجنه لأني اعرف كل دروبك صالح ودروبك صالحة وماتعرف طريق الرذيلة .. وش اسوي عشان اجيك علمني )))) كمان بينتى صفه من صفات فهد بعيدا عن مرحه الزايد واستهتاره (( فهد من النوع اللي يداري ومايسمح انه يبين ضعفه لاحد مهما كان ومن من كان . . دايماً يطلع بصورة الرجل القوي واللي مايهاب المواقف ولايبين انه يتأثر بها بسهوله ..)) شادن... صعبانه عليه عايشه حياه مزدوجه بينها وبين نفسهاحزينه ومهمومه ولازم تظهر بمظهر الزوجه السعيده قدام جدتها وعمتها وده قمه القسوه والظلم. الا انها انسانه قويه وذكيه وعماد نفسه اشاد بقوتها وذكائها. من الواضح ان عماد مش مريض ولا بالعجز ولا بالعقم ياريت تبداى تكشفى عن مرضه لينا وياريت يكون مرض له علاج و واضح كمان انه منجذب لشادن لو عمل ايه بس ياعينى مسبب لها القهر وخصوصا لما قالها بلاش تدخل حجرته وتلعب فى خصوصياته وصف اللى حست بيه كان رهيب (((((وفي غرفتها وقفت دقايق متجمده ماتبي تبكي لااااا واصلاً ليه تبكي هو ماقال شي يبكي او حتى يزعل هو قال اللي يبيه منها بس جرحها ..! اضاف لجروحه اللي قبل جرح جديد .. خصوصياته ممنوع الاقتراب منها .. يعني مالك دخل فيني .. ولاتتجاوزين حدودك .. ولاتنسين وش انتي في حياتي .. )))) نوف... شخصيه ليست بالشريره بطبعها ممكن نقول غيوره وحقوده بس ايه اللى يخليها متعلقه بعماد بالدرجه ديه وبتحبه ؟؟ وياترى اذا كانت بتحبه حبها هيعميها و يخليها تتصرف اى تصرف غير مسئول؟؟؟ وخصوصا انها ناويه على نيه............................ شهد ... بونبونايه فى القصه زى العسل. الجده من اول الروايه وهى طيبه بس حازمه وحكيمه ليهم حق عماد وشادن يحبوها ويخافوا عليها _اكتر حاجه بحبها فى كتاباتك عموما هى وصفك مش للمشاعر بس ده كمان وصفك للاماكن بتخلى قرائك يحسوا وهما بيقروا روايتك انهم عايشين فى المكان ده ما شاء الله عليكى (((وبيت ثاني شكله مهجور او مافيه سكان وعوامل التعرية والزمن واضحة عليه .. اطرافه مهدومه وألوانه العادية باليه .. وشبابيكه وأبوابه الحديد اكل عليها الدهر وشرب بالصدأ والألوان القاتمه . بعض البيوت الصغيرة والشعبية الحركة فيها بدت من بدري وبعضها ابوابها مغلقه على اهلها ولااحد يدري عنهم . شافت وحده شكلها حرمة كبيرة طالعه بجلالها من بيتها ومتوجهه لبيت جارتها .. ووحده ثانية لابسه عبايتها ومحتشمه وفي يدها سلة قهوة وكيس شفاف باين ان فيه حافظة اكل .. اجمل شي بالقرية الناس على سجيتهم والتواصل عندهم امر مفروض وواجب .. مافيه مؤثرات تقنية تغير منهم ولافيه عيون تغرز بلحوم النساء مثل ماتشوف في المدن .. ومافيه انتقادات لاذعه لام فلان وام فلان واخت فلان . كانت منغمسه في المناظر الطبيعيه اللي جذبتها . بعض الاطفال اللي يلاحقون وايت الموية اللي جاي يعبي احد الخزانات لاحد البيوت . ياااه يافرحة الطفل ياسرع ماتجي بأتفه الأشياء الحياة في القرية ممتعه .. رغم هدوءها الا ان الحركة فيها مستمرة الفجر الناس تسعى لارزاقها والظهر فيه حياة والعصر تبدأ الزيارات والمغرب كلن يروح يشوف حلاله ( مواشيه ) والليل سكون وهدوء وراحة حياتهم على الفطرة .. النهار معاشاً والليل سباتا ..!!)))) وفى حاجه كمان انى ابتديت اعرف العادات والتقاليد للمجتمع السعودى -واللى كنت جاهله بيها- عن طريق روايتك وروايات الاعضاء فى المنتدى الله يوفقك وتمتعينا بكتابتك اللى انا من اشد المعجبيين بيييييييها شفتى كنت هنسى الف الف مبروك على الاشراف سلالالالالالالالالالالالالالالالالالالالالالالالالالالالام |
السلام عليكم
بارت حلـــــــــــــــــــــو ربي يعطيك الصحة و بجديات انتي متميزة و قصتك متميزة و من المفروض تتحصلي على قصة العام و كل الاعوام المتميزة و انشاء الله من حسن الى احسن يا ربي :welcome3: و انا في انتظار البارت القادم و انشاء الله يكون قريب يعني مثلا بكرة او حتى اليوم خخخخخخخ :53::ma1: |
يا الله شلون بتدري اتأثرت بيها
انا من مصر يا اقدار ...تدرى ما حسيت بالغربية وما حسيت انك بتتكلمي في السعودية إلا بعد ما قلتي جدة يا الله هوجتي الشجون يا غالية ولي تعليق تلاحظون ان البيئة تغلب على كتاباتك يعني واضح انك متربية دينيا وا ملتزمة دام اله عليك التزامك وزادك تقى ورزقك الزوج الصالح مدونتي http://drmanosy.blogspot.com/ |
اقـــــــــــــــــدار
اقتباس:
اقتباس:
لاااااا عااااد في هااااااذي ماااا اوعدتس... وانا اشوف ان حركات المسلسلات اللي تسويهاااا تفيدنااا وتفيد ابطالنااا...اصلااا حنا لولا الله ثم حركات المسلسلات كااان مااا وصلنا للي وصلنا له.. الله لاا يحرمنا منها ولااا من حركاتهاااا.. هههههه...على فكره تراني اموووت في ام ناااصر وشلووون ما احبها وهي السبب بعد الله في وجود فهد وهذاا لانها جابت ابوووه..هههههه شفتي اللفه الطووووووووووووويله... اقتباس:
لو تبطلين الكتابه جيت لبيتكم في جدة سباااحه من الشرقيه .. واوريتس الشغل... هذا اللي ناقص بعد تبطلين كتابه وانحرم من شوفت فهودي.. زي ما قال الزهر حارمتني شوفة ابو خالد... الوليد..أهي أهي أهي... اقتباس:
وانا بعد جعلي اشوفتس دووووم الدوووم رايقه ولا يجيتس الكسل اللي انتي خابرته وتنزلين لنا الاجزاء اللي توسع الصدر..خخخخخخ... >>>يعني مصلحتي تحكم في الآخر... تحياتي لتس يا احلى مرااااقب.. صراحه ياا اقداار البدله الزرقاااء عجيبه عليتس... خخخخ |
اقتباس:
|
هلا والله باقدار
بارت ولا اروع وتوافق التفكير بين شادن وعماد معطي القصة طابع مميز مثل المثل الي يقول (( وافق شنن طبقة )) بس يا حرام ساره الي عايشة بكذبة مختلقتنها مثل جحا يكذب الكذبة ويصدقها <<ههههههههههه ننتظر البارت الجاي وياريت يا اقدار تكون فية محدات بين الاثنين |
اقتباس:
جليع هلا بك يالغلا هلا بك عدد زغاريد الافراح هلابك ملايين ولا تكفي والله فهد جعلك ماتكونين مكانه ولاتفقدين غاليه يالغاليه نوف صحيح ان حالها يكسر الخاطر بس عمر الحقد ماكان وسيلة .. ممكن يكون ردة فعل طبيعيه لما بعد الغيرة والقهر الله يهديها وعساك كاتجربين الحب من طرف واحد قولي آمين الجده نموذج حقيقي لآباءنا وأجدادنا اللي يحاولون يتمسكون بدينهم بعيد عن مغريات الدنيا ليتنا ننهج نهجهم ونتسمك بآصالتنا وتقاليدنا وديننا الأهم عماد تصدقين انتي اكثر وحده اختلقت كل هالاعذار لعماد .. ياجعلك سالمة بس .. شادن الله عليك ياجليع تعبير جداً راقي عنها وانا يعجبني في القاريء اللي يستشف من الأحداث بعض العبارات الرائعه والتعابير المميزة مثلك الحركات الحلوة ابشري بها في القادم ان شاء الله تشوفين اللي يسرك سلمتي لي على الحضور المميز والكلمات الرقيقه الله لايحرمني هالحضور ويارب ترضيك بقية الملامح وتتابعيني وانتي رايقه ومستانسة |
اقتباس:
روعة الكون هلا بك يالغاليه الرائع هالحضور الطيب لامثالك .. كلكم عاجبتكم الحركات بين عماد وشادن كنت والله اتمنى تكون الحركات مجرد بهارات للقصة وتهتمون لمضمون الرواية وماتحمل من رسائل احاول بثها .. لكن الحمد لله انكم راضين هذا الأهم عماد وتوقعك عنه معقول تابعي يالغاليه عسى تنال رضاك البقية ان شاء الله مااتأخر عليك سلمتي لي بهالحضور الطيب ياعساني مااخلا |
اقتباس:
ام المهند دائما حضوركِ راقي كأنتِ غربة المشاعر التي قصدتها انا هي فعلاً كما ذكرتيها لكني اضيف ايضاً غربة مشاعر سارة تجاه خالد وغربة مشاعر فهد الحزينه وغربة مشاعر نوف لرجل متزوج بأخرى وبأجمل وغربة مشاعر فاطمة زميلة سارة لأطفال ليسوا من دمها وهي تغدق عليهم مشاعر الأمومه .. عماد .. سفره مجرد محاولة للهروب من شادن وسترين القادم كيف يكون هروبه اكثر اما نوف فالحب يعمي قلبها وعيناها وتفكيرها عن الحقائق ومايجب وما لايجب تابعي بقية الأحداث وانا ممتنه لكِ كثيراً سلمتي وعافاك الله من كل الشرور ياام المهند اعلمي اني انتظر حضورك وردك بشوووق لاحرمني الله منك ومن حضورك |
اقتباس:
hena يامية الف هلا ومراحب الروعه حضورك يالغاليه فعلاً عماد عمله بوجهين مثل ماوصفتيه بس لو فكر زي ماتقولين كان ماصار حنون وطلع اناني لأنه عاش على حساب نفسه هو مريض ومايبغى يعلق البنت فيه وخاصة انه شايف مصيرها مع غيرها تابعي ممكن يتغير وممكن يستمر على جفاءه لها شادن لسسسسه بدري عليها مومعقول من اسبوع اسبوعين تعرف كل شي عنه وهو من النوع اللي جداً متحفظ على اسراره .. تابعي تصرفاتها القدامه معاه لعلها تنال اعجابك ام ناصر هههههههههههههه لاحقه ان شاء الله على خير لاتستعجلين على العجز يالغلا وعيشي شبابك ياجعل عمرك طويل فهد تابعي بقية احداثه لعلها تعجبك في القادم سلمتي لي على الحضور الف شكر يالغلا الله لايخليني منك ومن تواجدك وتعليقك الحلو .. لا خلا ولاعدم |
اقتباس:
ياربي تحيي الغالية جداً على قلبي حبيبتي .. نفحة عطر اول شي سلمك الله على الحضر المميز كالعاده والتعليق الرائع كالعاده ايضاً ثاني شي لمن اشوفكم تقتبسون من كلامي بجد بجد افرح احس ماكتبت عبث وان كلامي اثر فيكم لدرجة انكم تقتبسونه اسعدك الله يانفحة العزيزة على ردك اللي شرح صدري واسعدني ان شاء الله تروحين لديرتكم وانتي سالمة ومتعافية بس اصبري لين اخلص الرواية مو تروحين وتنقطعين عني ترى مااسامحك ولااسامح نفسي اللي شوقتك لها الدرج وورقة شهد بتعرفين اسرارها قريب عاد الاخراج لابد منه لازم نعيشكم تشويق قصد عماد بكلامه .. ان شادن بدت تغير حياته بدءاً من الغرفة وشكلها واللي الله يستر منه يقصد يمكن مشاعره يمكن طريقة عيشتهم يمكن اسلوب حياته وطريقتها بتعرفين وش يقصد بالضبط في الأجزاء القادمه تدرين احس فيك من شادن كثير وانتي توصينها وتحرصينها على القوة والمواجهه اجل لاتخلي مغز ابره فيك حسبي الله على ابليسك وش هالقسوة ماتراعون ظروف الرجال انتم خخخخخخخخخخ نوف ومغامراتها ... تابعيها عساني مااخلا منك سارة تابعوها هي ايضاً ماادري والله يعجبكم الجاي عنها ولا لا فاطمه فعلاً نموذج رائع وليت كل من حرمها الله نعمة الاطفال تحذو حذوها ومعاك حق فعلاً ماتقدر تجيبهم وتربيهم واذا كبروا تخليهم عاج تدريت عن ام ناصر حرمة محترمه وسنعه زوجتهم وجمعتهم ببعض ثم انسحبت بس ماعليك اذا حات اللوازم تلاقينها حاضرة ان شاء الله تخرجون بمتابعتكم للملامح بأكثر من فائدة وعساني اوصل اهدافي اللي قصدتها من قصتي بكل وضوح الف شكر يانفحة وجودك معاي والله انه يسعدني وانتي بالذات جزء مهم في استمرار اقدار عساني بس اكون عند حسن ظنك ومااخيبك واكون جديرة بمتابعتك ممتنة وسعيده بهذا الحضور |
اقتباس:
حياك الله اختي بحر الغموض عليكم السلام ورحمة الله وبركاته ههههههههههههه ياعمري انتي علقي على الأحداث وقولي كل اللي براسك مرة وحده ومايجيك شي وعلى مسؤوليتي واخوي سعود غرضه ان الردود تكون محصورة في التعليق على الروايه لأن مثلك يعرف تحويل الرواية لسوالف واحاديث جانبية يفقد الرزاية جمالها ويتعب الكاتب في تتبع الردود والقاريء في وجود الأجزاء بسهولة اتمنى انك تتفهمين وانك تعذرين سعود .. لأنه بالنهاية شخص مسؤول وواجبه تنفيذ القوانين ..! ترى انتظر عودتك بتعليق شافي للأحداث ويارب تكونين راضية عن الملامح وكاتبتها وتاخذين كلامي برحابة صدر |
اقتباس:
يااااه ياملاك بأي الحروف آتي كي اضاهيك بهذا الجمال وبأي العبارات ارد عليك افحمتني وارهقتي الحروف المتلاطمة بذاتي خجلة من وجودك وحروفك وهطولك ... ردك هنا اوقفني لساعات ..! صدقيني احترت كثيراً حاولت ان ارد عليك بأبيات شعريه فرأيتك اسمى من أي حروف ابجدية سواء للنثر او الشعر وحاولت ان اكتفي بالشكر فكان الشكر نقطة في بحر امتناني وفرحي بك ..! بالله عليك اسديني أي الطرق توصلك عميق حبي .. وعظيم امتناني .. ومقدار فرحي بكِ ومن ثم اعجابي بحروفك التي اعلم جيداً انك تعتبي في انتقاءها .. اللهم اجعلني ممن يستحقون كل هذا بنظر هذه الحبيبة الغالية .. وارض عنها ياالله ثم ارضها عني وعن ملامحي العتيقة للحزن .. اغرقتي هذا المتصح في بذخ الجمال وأناقة الحروف ياملاكي الطيبة النقية .. وأفضتِ عليه من سمو نفسك فأصبح بكِ سامي وارتقى بوجودك .. اسعد الله قلبك ياملاك وهنيئا لأقدار وملامحها بأنك من قراءها .. حقاً انتي فخرٌ لي .. لاحرمني الله هذا الوجود المختلف والمميز والرائع بكِ وبروعة حروفك وردك القيم ممتنة بلا حدود واشكرك مدد بلا عدد وتقبلي فائق محبتي واحترامي |
اقتباس:
ياملايين المراحب عليكم السلام ورحمة الله هلا بك يازهرة صاحبة الكلام الجميل والردود التي تترك في نفسي دائما اثراً جميل سلم الله قلبك على هذا الحضور واسعدك الرحمن لكلماتك الطيبة التي اتمنى ان اكون بها جديرة و استحقها الحمد لله ان ظروفك عدت .. وشفناك وانتي سالمة .. ياحياك الله ومنورة يالغلا .. كلامك عن عماد كله صحيح وتوقعك يحتمل الصحة والخطأ .. فقط تابعي وكلي امتنان .. شادن فعلاً تعاني وهي من النوع الكتوم راقبي افعالها وتابعيها وعسى ان تنال اعجابك شهد انتظروا يمكن هي اللي تقول لكم ويمكن شادن تفضح سرها ويمكن عماد نفسه فقط تااابعوا وكلي امتنان فهد اكيد حياته راح تتغير لكن الى أي مدى سينعكس على شخصيته هذا التغيير ايضاً تابعي ياقلبي سارة هههههههههههههه يجوز ويجوز تكون لغيره ويجوز فهد يكون لغيرها انتي بس انتظري الاحداث الجاية واتمنى انها تتنال اعجابك خالد مثل ماقلتي .. ام نايف .. عانت الأمرين فقد الزوج الحبيب ثم التورط بزوج نقيض ابو نايف تماما واخ يتولى مسؤوليتها ويهددها بأطفالها وصدقيني الكلام سهل جدا انا من النوع اللي اسمع د . ميسرة واعشق محاضراته وبرامجه ونصايحه لكن سالفة ام نايف ماينفع معاها خذ عيالي وسوي اللي تبغى لأنها تعرف اخوها ممكن يتمادى ويتحدى ويوديهم لاهلهم وطبعا ماراح يرعاهم هو او يراعيهم عشان كذا سايرته وجارته .. ام ناصر مثال لامهاتنا وجداتنا وزمننا الصادق الجميل الله يطول بعمر جدتك ويخليها لكم بصحة وعافيه انا ايضا مثلك الحب قبل الزواج لااراه الا اهداراً للمشاعر .. الزواج هو من يصقل الحب ويوجهه الوجهه الصحيحه جعل الله حياتك حب وسعاده ان شاء الله تشوفين اللي يسرك واتمنى انك راضيه عن البقية يالغلا سلمتي يازهرة الايام .. حضورك ممتع ومميز وكلامك عسل على قلبي وتعليقك بالفعل في محله لاحرمني الله منك ومن هالحضور الطيب ممتنة ياغاليه وشاكرة جدا |
اقتباس:
هلا بك اختي عطر الليل حياك الله التميز بكم انتم يالغاليه وبوجودكم سلمتي على الحضور والكلام الطيب ياعساني مااخلا دمتي بود |
اقتباس:
حياك الله بليلاس اولاً ثم الملامح ثانياًً ملايين المراحب والله شرف لي تسجيلك عشاني .. الله يبارك فيك ويسعد قلبك ويعافيك من كل سوء ومكروه .. عسى البقية تعجبك واشوفك هنا معلقه على الشخصيات والأحداث وناقدة هادفه والأهم راااضية ممتنة لهذا الحضور الطيب مودتي |
اقتباس:
ملايين المراحب ياام كايد الغاليه حياك الله واسعد قلبك عماد بعذره يالغاليه وبتعذرينه بعدين .. ان شاء الله تشوفين اللي يسرك في الأحداث القادمه وعسى هالرضا يدوم ماراح اطول بإذن الله المهم لاتملون ولا تيأسون مودتي وامتناني |
اقتباس:
هلا اختي بندقه حياك الله يالغاليه سلمك الله من كل شر وبارك فيك وساعد قلبك ان شاء الله بتعرفين كل شي قريب ماارح اطول بإذن الله سلمتي على الحضور يالغلا مودتي وشكري وامتناني |
السلام عليكم أخيرا حسيت على دمي وحاعلق عالقصة احم ( ماا اعرف اعلق بس معليه استحمليني) أقدار وصفك مررررررررررررررررررررررة رائع للأحاسيس (حسيت بيه) شادن : خطيييييييرة دي البنت أهم شي عندها انو محد يشوفها ضعيفة عماد: اممممم شخصيتو حلوة بس قاهرني تعاملو مع شادن , أقدار زودي شوية اعراض مرضو عشان اتحمس زيادة واشخصو ( مو حضرتي ذات الرداء الأبيض :ekS05142: فهد: الله يكون في عونو مررررررة صعبة انك تفقد أعز اصحابك فجاة وبدون مقدمات . نوف: تنرحم بس مشكلتها انها عيشت نفسها في وهم والمفروض تحاول تخرج نفسها منو مو تتعمق فيه بزيادة وبلاش تتحرش بشادن لانو راح تجي لى راسها هيه بعدين وتنحدف في قرية بعيدة من تحت راس عماد نايف: ونعم الاخ بس فينو مختفي؟؟؟ أم ناصر: هههههههههه رهيبة دي العجوزة عاملة اكشنات وحركات الله يسعدك ويعطيك العافية سلام |
هلااااا والله قدورة ..لي كم مرة ادخل واصادفك موجودة... الله يعينك يارب اكيد مشغوووووولة بالردود.. بس ماعليه هاذي دليل انك ناجحة ولك جمهور يحبك :friends:....ويااااااويلك ان تأخرتي عليه ياكلك بقشورك:ekS05142:...الله يسعدك يارب... انا اللي بجد فرحاااانة اني اول وحدة علقت على روايتك (مهلا ياقدر) وكملت معك فالثانية لانه بجد اسلوبك مميز مو اي كلام..مشا الله عليك..والزين يفرض نفسه زي مايقولو..:55: انا فعلا متحمسة لشادن مرررة لانها تقاوم كل من يحاول يستغلها.. عجبتني لما وقفت فوجه خالها ورفضت ولده..وكمان ذحين لما تحاول تجيب راس عماد وتبين له ان لها شخصية <<الله يقويها :YkE04454: وهالعماد ذا...صح هو مريض وظروفه صعبة...بس لما يعاملها بالجفاف ذا ابطل اتعاطف معه حتى لو قصده مصلحتها...نفس الخصلة ف زوجي.. اذا القسوة فيها مصلحتك مستعد يعاملك بقسوة...اهم شي مصلحتي...هالصفة ترررررررفع ضغطي عشان كذا انا ضد عماد اليييين يتعدل:yjg04972: بس اصبري لين اخلص الرواية مو تروحين وتنقطعين عني الله يسلمك يارب والله مو بيدي ..انتي عارفة الاجازة تبدا بكرة واكيد بنفلت عالديرة... وللاسف هناك مافي نت:frown:... اعذريني ان نزلتي بارت واتأخرت عليك بالتعليق..بس ان شا الله ان جاتني فرصة ادخل فيها اكيد بدخل.....وياليت ماتنزلي شي فالاجازة<< عشان الأعضاء ياكلوك وياكلوني :IuL04800:.. ..... اشوفك على خير ان شا الله ..وكل عيد وانتي طيبة يارب:flowers2: |
اقتباس:
حياك الله ياحلوة الحلوين اسمك مرة كيوت وروعه واحسه لايق عليك .. تسلمين على الحضور الحلو مثلك يالغلا عماد ... ممكن توقعاتك عنه صحيحه .. تابعي واكتشفي وياجعلني مااخلا فهد وسارة تابعي ماتبقى لهم من احداث يمكن يكون لهم نصيب ويمكن مايلتقون ابداً البارت الجاي .. انتظروا على هاليومين بس وان شاء الله تشوفون اللي يسركم ويرضيكم .. الف شكر على الحضور لاخلا ولاعدم |
اقتباس:
الله يعافيك ياخلود حياك الله يالغاليه الرائع وجودكم ومروركم لاخلا ولاعدم |
السلام عليكم..اقدار اخبارج اقداااااار حلمت في قصتج امس واليوم يوم قمت الصباح قلت خلني ادخل واكتب شنو حلمت ..حلمت ان الجزء الجديد اسمه (وصيه)عاد يوم قمت من النوم كان اقول لاااااااراح الرجال وكتب وصيته وبيموت ولا بلغ احد بوصيته الزبده انه بيموت طيب بعدين يوم قمت افكر قلت وييييييه لا يكون الجده هي الي بتموت وقامت الافكار توديني وتجيبني وبس بس حبيت ابلغج بالحلم حقي وتقبلي مروري وتكفين بلغينا متى راح تنزلين الجزء الجديد طيب وشكرا..فمان الله
|
اقتباس:
عليكم السلام ورحمة الله وبركاته حياك الله اختي رين وسلمك ربي على الاطراء والكلام الحلو عماد زي ماقلتي احد فيه شي يعيقه وتوقعاتك معقوله ممكن هذا وممكن هذا .. تابعي بالأجزاء القادمه وعساك راضيه نوف .. من قالك ماراح تطلع بنتيجه ماتدرين يمكن تفوز باللي تبيه انتي بس تابعي وشوفي وش يصير عليها ياقلبي والله نفسي انزل لكم كل يوم جزء بس وش اسوي انا كسوله والردود تاخذ من وقتي حيز كبير اتمنى ان تتسع صدوركم اذا تأخرت ولو انك لو لاحظتي اني منضبطة في مواعيدي معاكم كل اسبوع جزء .. لكن تمونون لو تطالبوني باللي تبون ممتنة لحضورك يارين الغاليه وسعيده جداً بعودتك |
اقتباس:
حياك الله اختي آه يازمن ليه هالتشاؤم والنظرة السوداوية :YkE04454: توقعاتك جداً قوية بس تابعي هل صحيحه او العكس .. ان شاء الله تشوفين اللي يسرك يالغاليه ممتنة لحضورك وشاكرة جداً |
اقتباس:
هلا بك سمسومة ياملايين المراحب .. وحياك الله .. الحمد لله ان نطق صمتك ..! توقعك عن عماد جداً قوي .. بس سفرته من الحين اقول لكم مجرد هروب بعيدن هو رايح لجده محل عمله مو سفر لبعيد .. سلمتي على الحضور ويعافيك ربي ممتنة بلا حدود |
مرحبااااا اقدااار واحلى اقدااار بعد .. اذا شفتي كلامي هذااااا اكيد بتدرين ان مشكلتي انحلت...
تحياتي لتس.. |
السلام عليكم
اول شي حبيت ابارك لك على التميز.....مع انها جات متاخره ثانيا مستفربه من تصرفات عماد مع شدن احسه متناقض اوقات مايبي قربها واوقات يستغل الظروف عشان يحتك فيها واتوقع سفرته لجده على شان ينقل شدن وتكون بعيده عنه ماتوقع عنده سرطان او ورم لاانه راح يبين عليه اعراض اكثر من كذا وتقبلي مروري |
اقدار
ياحلوه ترى نبغى عيديه عيديه= جزئيه و ثلاثهو اربعه <<طماعه^_^ بس جد كل يوم ازر هالصفحهيمكن بالغالط تنزلين بارت<<تضحك وكل عام وانتي بخير مقدما تحياتي رين |
اضم صوتي لرين اسلام نبي عيديه ومو اي عيديه عيديه بحجم الكبش ها وش رايك
وكل عام وانتم بخير |
قدوووره << امحق من دلع هع
يسلموووو ياقلبي عيووونج الحلوه :( :( :( اقدااااار ياقلبوووو طولتي عليناااا بليز نبي اكثر من بارت بمناسبة العيد |
اقتباس:
يامرحبا تراحيب المطر ياwaxengir هلا بك ملايين والله تحرجني دوماً ردودك واطراءك يلحفني الخجل فأعجز عن الرد عليك بما تستحقين .. حياك الله بأي وقت ومتى ماحبيتي يالغاليه بجد ممتنة لكل حرف كتبتيه او قتبستيه هنا .. والحمد لله ان نال الوصف على اعجابك وعقبال ماتنال بقية الأحداث رضاك توقعك عن عماد قوي جداً ومتفاءل كثير اتمنى فقط انك تتابعين وتكتشفين بنفسك نوف .. اعماها الحب وتتصرف بدافع غيرتها فقط .. كلامك عنها يحسسني بأنك متعقله ماشاء الله عليك تابعي مغامرات نوف وكلي امتنان شهد فعلاً هي فاكهة الرواية .. والجدة ركن من اركان الأسرة ان لم تكن العمود .. احنا عرفنا عاداتكم من خلال اعلامكم الهادف .. ودققي على الهادف .. ومع هذا مايجسد الواقع المصري الأصيل الا نادراً .. وانتم عرفتوا عاداتنا عن طريق الروايات في النت اتمنى ان تعجبك عادتنا وتجدين فيها الآصالة والتقاليد الشرعيه اللي تتوافق معاكم كمجتمع مسلم وعربي سلمتي ياwaxengir على هذا الحضور الرااائع بكل مافيه سواء صاحبته ولا كلامه وتعقيبه وتعليقه ربي يسعدك ويهنيك ويوفقك ويبارك فيك .. مودتي وامتناني |
اقتباس:
ياهلا وغلا يالغاليه ام المهند انتم والله اللي وجوهكم خير عليّ .. ان شاء الله تعجبكم الأحداث القادمة وتشوفون اللي يسركم ممتنة لهذا الحضور الرقيق |
اقتباس:
عليكم السلام ورحمة الله ياهلا والله وغلا الله يحلي ايامك ويسعد قلبك على هالحضور والكلام اللي اسعدني والتميز ماكان الا فيكم وبحضوركم وتواجدكم يالغاليه ابشري البارت بيكون بكرة ولا بعده ولا يهمك :YkE04454: ممتنة لهذا الحضور عسى الله لايخليني |
اقتباس:
هلا بك يالغاليه عسى غربتك هينه وبلا هموم الوطن ادري في الشوق له .. اشتاق لهواءه وريحته وترابه اذا سافرت لو اسبوع .. عساك ترجعين للوطن وانتي محققه امنياتك ورافعه راس اهلك ووطنك اتمنى اني احافظ على تقاليدي وعادتي من خلال كتابتي .. ولا الدين اعترف اني مو كاملة وينقصني الكثير . لكن مااقول الا الله يهديني واياك وجميع المسلمين .. سلمتي ثم سلمتي على هالحضور .. بجد فرحت بكلامك .. وحزنت اني هيضت المشاعر لكن اتمنى انك تجدين في الملامح شي من ملامح جدة والوطن الغالي وتروق لك ممتنة لك ولحضورك |
اقتباس:
ريما ياعمري تفاولي خير وان شاء الله مايصير الا اللي يسرك ارجع واقول وانا صااادقه الموت والحياة مو بيدي ها تطمنتي :YkE04454: يسعدك ربي ويهنيك على تواصلك يالغاليه |
اقتباس:
هلا بك ياام كايد الروعه هو حضورك يالغلا توافق افكار عماد وشادن لوين بيوصلهم تابعي واكتشفي .. قصدك نوف اللي عايشة بكذبتها البنت تحب .. والحب يعمي واذا كان طرف من واحد يعمي الله يكفينا وياك شره .. ان شاء الله تشوفين اللي يسرك يالغلا سلمتي على الحضور وعساك للعافية |
اقتباس:
عليكم السلام ورحمة الله وبركاته هلا بك يالشيخه حياك الله ان شاء الله تشوفين اللي يسرك يالغلا شاكرة لك الطله الحلوة سلمتي يالغلا |
اقتباس:
عليكم السلام ورحمة الله وبركاته حياك الله يالغاليه هلا بك ملايين والله حضورك وتعليقك يالغاليه يفي ويكفي ياعساني مااخلا الحمد لله ان الوصف لامسك ووصل لك ياربي تعجبك كل الأحداث بتفاصيلها .. شادن تعجبك بنت قوية وماينخاف عليها عماد . ههههههههههههه شكلك دكتورة وبتحرقين عليّ الأحداث من بدري .. ان شاء الله الأجزاء الجاية بتكشف لك بعض الاعراض فهد .. فعلاً والله صعبه عليه .. الله يعينه ولا تفقدين غالي يالغاليه .. نوف .. الحب من طرف واحد يؤذي المشاعر كثير .. والحب عموما يعمي البصر والبصيرة عن الصواب .. تابعي بقية مغامراتها وكلي امتنان نايف .. جاي دوره ولايهمك .. ام ناصر .. ههههههههههههههههههه والله انتي الرهيبة بحضورك وخفة دمك يسعدك ربي ياذات الرداء ممتنة لحضورك كثير وشااااكرة جداً لاخلا ولاعدم ياربي |
اقتباس:
هلا يانفحه الغاليه والله الفخر لي بمعرفتك ووجودك معاي سواء بروايتي الاولى ولا الثانية عسى ربي يسعدك ويهنيك شادن تعجبك ماعليها خوف يالغاليه قوية وبتشوفين دورها في الأجزاء القادمه تدرين .. احياناً يعجبني الرجل اللي يحكم عقله قبل قلبه وعواطفه واحياناً اقول الشخص هذا جداااار يعني ماعنده احاسيس ومشاعر عاد زوج اختي نفس الطينه ومااقول لاختي الا الجدار جا معاكم الجدار دخل الجدار رجع :YkE04454: وهي ردها جدار في عينك ان شاء الله :YkE04454: المشكله انه مايقول لها كلمة حلوة الا من وين لوين .. تمر عليها السنين ماغازلها .. ولا اهداها ومع هذا واثقه من حبه لها .. وتدافع عنه :YkE04454: تروحين وترجعين بالسلامه والله لولا الحاح بعض حبايبي كان ماانزل الجزء الا بعد العيد عشان اشوفكم على طول .. :YkE04454: بس ماعليه ان شاء الله اشوف ردك على الجزء قبل الجزء اللي بعده وكل سنه وانتي طيبة وعيدك مبارك ان شاء الله . |
اقتباس:
الحمد لله على السلامه :YkE04454: مودتي |
اقتباس:
عليكم السلام ورحمة الله حياك الله ميامي وياهلا بك الله يبارك فيك يالغلا عماد اذا مايبي قربها فهو بعذره وبتعرفين ليه بعدين .. والظروف .. قصدك عشان عند جدته ..؟ طيب عشان جدته تحس الوضع بينهم طبيعي عسى الصورة وصلت :YkE04454: توقعاتك معقوله تابعي بقية الاحداث واتمنى ان تكتشفين صحة توقعاتك من عدمها سلمتي على الحضور يالغلا مودتي وامتناني |
البارت يوم السبت بإذن الله بالكثير بالكثير
اتمنى تتسع صدورك لي ولاتاخذون بخاطركم وتنتظروني بحماس مثل ماعودتوني |
السلام عليكم..اوكي خلاص ننتظرج ومو احنا الي ناخذبخاطرنا عليج نلقاج على خير <<عورت راسج من كثر الحنه..يالله مع السلامه
|
اقتباس:
اهم شي ماننحرم من طلتج وانتضرج على احررررررررررررررررررررر من الجمر وسلمتي لنا |
اقتباس:
بنتظار يوم السبت بكل لهفة وشوق وخاطرك عندنا بالدنيا يا أعذب أقدار دخلت حياتنا |
نتظر البارت الجديد على احر من الجمر
وتسلم الايادي |
هلاااااااااا شلووووووووووووووونك اخبارك قدوووووووووووووووووووووره ماادري تتذكريني او لا برواية مهلا ياقدر انصدمت يوم لقيت ان لك رواية ثانيه
الصراحه مااقدر اقول الا وااااااااااااااااااااااااااااااااااااااااااااو روعه تجنن والله القصه خطيره ياشيخه ماشاء الله على عماد جنتل مان والله اما شادن والله هلأسم يجنن اول مره اشوف اسم كذا والله شكله اسم على مسمى الله يعينك ياشادن على عماد ويعينك على نووووويف الخبله انتظر البارت على احر من الفحم اختك |
اقتباس:
وانتي يااا اقدااار مو تتطلبين .. انتي تاااامرين امر ياااعيووني... وبنوسع صدوورناا وقلوووبنااا وخواااطرنااا لتس.. كم اقدار عندنااا .. هي وحده بس... الله لاايحرمنااا منتس... والحماااس لااا توصين.. الا ننتظر بحمااس وشووق ووله... ومشكوووره ياقلبي على كل مساعده قدمتيهااا لي.. الله يعافيتس ويوسع لتس دنيااا واخره... تحيااتي لتس... اقداار على فكره تيته تسأل عنتس؟؟؟ |
السلام عليكم اقدار حياتي خذي وقتك ولو احنة نشتاقلج بس ننتظرك دائما ونعذرك مهما غبتي عنا وشكرا لك لانك من النوع المهتم بقراءه وتعتذرين لهم عند تاخرك وهذا شيء نعتز به وبك يا احلى اقدار واحلى قدر هو الذي جمعنا بك وشكرا
|
السلام عليكم
وينك أقدار طوووووووووووووووووووووولتي علينا ننتظرك |
السلام عليكم ورحمة الله وبركاتالغالية احنا بالانتظار
وانشاء الله تتصلح الاحوال بين عماد وشادن ( عصافير الغرام) متحمسةمررررررررررررة ... أحب القصص اللي كذا تبدأ بكره والاول ما يطيق الثاني ثم تنقلب الموازيين خخخخ |
مـــــــــبـــــــــــد عـــــــــــــــــــــه تسلمين على البارت الروعه عماد ياليت بالبارت الجاي نعرف سره وأتوقع مريض نوف الله يرزقها واحد غير عماد وتنسى عماد معه فهد وينه ماله حس بعد سعود وتقبلي فائق تحياتي أختك سعوديه وكلي عز |
الله يسلمك السبت يعني السبت مانقدر غير نستنى وفي بالنا وش هو سر عماد
انا اقول معه سرطان او ضعف ماقدرت اتوصل الالكذا لكن نستنا ونشوف يالله فمان الله |
:7_5_129::7_5_125v::7_5_126::7_5_120::7_2_118::7_5_136::53:: band1:
سويت كل هذا .. وانا انطر البارت لما ينزل .. ترى عندنا السبت .. والحين العصر .. ولحد الان اختي اقدار مانزلت البارت .. ياناس .. ارحمو حالي .. ترى هاي كله موزين لي .. ولصحتي .. العجــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــوز |
اقدار ماراح تتأخر ان شاء الله بس هي تحب تنزل البارت في حدود الساعه 2 الليل
يعني يا حبايبي روحو سو اشغالكم وارتاحو وان شاء الله لارجعتو تحصلونه ولا يمكن مشغوله الله يهديكم وقت العيد يمكن تجهز لها للعيد ولا هي استحاله يكون البارت جاهز وماتنزله على العموم عماد انا صرت افكر فيه كثير هو شادن ولا شهوده وش اللي في الورقه اموووت واعرف <<<< ترى الكلام من بعد ماقريت البارت مره ثالثه ههههههههههه نوف وش بتسوي وهـ بس من نوف |
الغااايب عذره معه.. واقدااار ماعمرهااا قصرت معنااا... وهي قوووووول وفعل... وهي قالت السبت والسبت توه ماااخلص... تهبطووو الله يهبطكن...
شوووفوووني واخذوووني قدووووه... الله يحفظني...هدوووووء... بس عااااد مدري وش بيصير لي بعدين... اخاااف انقلب واصييير عظه وعبره..خخخخخخ |
اقتباس:
سلمك الله اختي عذابه هلا بك من ضمن المتابعين الله لايخليني |
اقتباس:
هلا بك الذيبه حياك الله يالغلا انا بخير .. انتي كيفك عساك بخير وعافيه من ربي كل اللي كانوا معاي في مهلاً ياقدر مكانهم القلب والعين يالغلا وانتي منهم ياعساني اشوفك دوم معاي والأهم راضيه .. يسعدك ربي على كلامك الحلو زين ان عماد عجبك غيرك يدعي عليه وغيرك يحب فهد اكثر منه :YkE04454: شادن اسم منتشر عندنا وياكثرهم زميلاتي اسمؤهم شادن هو فعلاً رائع ويعجبني انا كمان ان شاء الله تشوفين اللي يسرك والبارت اليوم بإذن الله راح تشوفونه سلمتي على الحضور ياجعلني مااخلا |
اقتباس:
عليكم السلام ورحمة الله وبركاته حياك الله اختي الفنودية ان شاء الله تشوفين اللي يسرك اليوم ويارب تعجبك الأحداث واشوف تعليقك وانتي راضيه ورايقه تسلمين على الحضور |
اقتباس:
سعودية وكلي عز ياهلا والله غلا حياك الله يابعد عمري وانضمامك لنا في ليلاس اسعدني كثير ويشرفنا .. وتواجدك هنا وهناك صدقيني كثير يسعدني ويفرحني عماد بتعرفون عنه وش فيه بس لاتتعجلون تحلوا بالصبر ياقلبي نوف تابعي احداثها اليوم وش تسوي ... فهد .. كان له جزء خاص يمكن ماشفتيه .. حياك الله ياسعوديه ومنورة يالغلا الله لايخليني من هالحضور وعساك سالمة لاختك |
اقتباس:
حياك الله ام ساري وشموخ ياعسى ربي يخليهم لك وتقرين عينك فيهم .. ان شاء الله اليوم بتشوفون البارت .. سر عماد ... ممممممممممممممممممم <<< بتتكفخ اليوم لامحاله .. قريب تعرفونه ومن الحين اعلمك مو سرطان عسى الله يكفينا وياك شره ومرضه . :YkE04454: المهم يابعدي حياك الله واتمنى اني اشوفك المره الجاية تعلقين على الأحداث كلها وانتي راضيه ممتنة لتواجدك |
اقتباس:
ههههههههههههههههههههههههههههههه فتاة الماء اسمحي لي ابدل لك اليوزر على ذوقي اسعدها يارب ابشري انا عند وعدي ومثل ماقالت زارا السبت لسه ماانتهى اليوم بتشوفون البارت بإذن الله عساكم بس تكونون راضين تسلمين على التواجد واتمنى اشوفك المرة الجاية بتعليق ونقد وتحليل اعمق .. ممتنة وشاكرة |
زارا عذبة الحضور والمنطق .. انجل 911 ظماي انت ارادة الحياة الشيخه جوري حمرا ميامي رين وكل حبايبي اللي متحمسين للبارت الجاي الله يخليكم لي ولايحرمني من حضوركم وسؤالكم واعذاركم وقلوبكم الطيبة انا عند وعدي بإذن الله راح انزل لكم الجزء بعد شوي يعني ساعة ساعتين بالكثير ويارب مااكون زعلتكم ولا خذلتكم ويارب تعجبكم الاحداث بس ابي صبركم عليّ .. ممتنة وشاكرة لكم |
مرحباااااا اقدار روايتك جوناااان
وبعد اذنك انا نقلتها لمنتداي تقبلي مروري |
فصلٌ عاشر صراعُ واقع اسبوع من البحث المضني والمتعب والمنهك على ابوفهد وفواز وعماد وبندر اخو فهد والنتيجة بلاجدوى وكلٍ يرجع خالي الوفاض .. . دخل لبيته بعد صلاة العشاء .. كان الهدوء هو اللي يعم المكان .. مر على غرفة جدته وشافها فارغه الا من آثارها وريحتها .. طلع فوق ومر على غرفة شادن . كان متردد يدخل يدور عليها ويشوفها ولا يرجع ..! له الحين اكثر من اسبوع ماشافها الا مرة وحده بعد ماجا من جده وكانت مجرد لمحه وهي تدخل غرفتها وماانتبهت له . " لها حق تطلع مع جدتي وتروح للمكان اللي تبي .. اصلاً وش انا في حياتها اللي انتظر منها استئذان ولا انتظار .. " زفر وهو يتذكر انه اخذ في جده خمسه ايام ثم ر جع في الليل وصبح اليوم الثاني وهو رايح يدور على فهد في البر مع بندر وخاله فواز .. ضاقت عليه الدنيا وهذا حاله ووضعه مع هالبنت اللي مالها ذنب الا انها ربطت مصيرها فيه .. بس سرعان ماتنهد بارتياح يجهل سببه وغمض عيونه باطمئنان وهو يسمع صوت حركة في الغرفه تدل على وجودها فيها ... ماتردد لحظة وحده انه يمد يده ويفتح الباب اللي بينه وبينها .. كانت مسنده بظهرها على السرير وممدده رجولها وتقرأ في مجله .. اول ماشافته فزت من مكانها ووقفت .. طالعها وهي لابسة جلابية لونها كحلي ناعمه وعادية .. ولامة شعرها بشباصة ووجهها خالي من أي اضافات للزينه .. هي كذا مغرية وجذابة بدون رتوش او اضافات .. والكحلي عليها مبرز لونها الفاتح ومعطيها انوثة اكثر .. كان نفسه يضمها على صدره بس تذكر العواقب اللي كان يحسب لها الف حساب وهوَّن . دخل يدينه في جيوبه وكأنه يتفقد شي قال بحيرة : السلام عليكم صوته الرجولي الحاد والهادي بنفس الوقت اخترق اذانيها ووصل لعمق تفكيرها وعقلها ويمكن شلّه لثواني قليله .. تجاهلت كل احاسيها المرتبكه ناحيته وردت وهي تتأمل ملامحه التعبانه والمنهكة وتلف المجلة بيدينها بتوتر .. : عليكم السلام . فتح فمه من طريقة تدقيقها بوجهه قال : جدتي وينها ..؟ بلعت ريقها وهي جاية تمشي خوفها عليه يقدمها لناحيته وخجلها منه وتوقعها لردة فعله تعثر خطوتها .. قالت بارتباك وهي تحاول تستعد لمواجهته لوحده : جدتي عند عمي ناصر .. اش فيك ..؟ طالع في ملابسه المغبره وجسمه قال : ها .. ايه .. يبي لي ادخل اتروش والبس لي شي نظيف . عطاها ظهره وهو يقول : دخنا في البر ثلاث ايام ورجعنا بدون فايده . لحقته تمشي وراه قالت بعفويه : لا لا مو عن الملابس .. عماد انت تعبان ..؟ انت مرة تعبان صح ..؟ شوف وجهك .. وجهك يقول انك تعبان ومااكلت شي .. بلعت ريقها وقطعت كلامها وهو يلف يطالعها قريب منها كثير .. عيونه بالرغم انها تعبانه الا ان فيها شي مايقدر يقول وماتدري وش هو بالضبط ... قالت بصوت مختنق ووجه مخطوف ومختلف كلية عن اللي قبل : حتى عيونك صفرا وو .. تعبانه . كان يطالع في وجهها المتوهج ويدينها اللي ماتركت المجله وتبرم فيها كأنها تعبر عن اللي في داخلها ويعصرها .. قالت : بنزل اسوي لك شي تاكله .. صحيح تذكرت .. ملابسك عندي في غرفتي . عقد حواجبه قال : وش يجيبها في غرفتك .... قاطعته بسرعه وهي تقول : جبتها من غرفة الشغالة .. انت مقفل غرفتك وماابغاها تبات عند الشغاله . دخل غرفته بسرعه قال بصوت مرتفع وكأنه يدور على شي يزعله منها ويبني الحاجز اكثر قال : هاتيها كلها عندي الحين .. ولاتعيدينها .... قطع كلامه وهو يشوفها ترجع بسرعه من دون ماتنتظر بقية كلامه .. انطلقت لغرفتها بسرعه وبعصبية طلعت كل ثيابه من الدولاب وملابسه الداخلية وجات لغرفته نزلتها على سريره وطلعت وهي تقول بحزم اقرب للعصبية وعدم الرضا : بسوي لك شي تاكله على بال ماتتحمم وتلبس . مارد عليها لأن ماعنده كلام يقوله ولا فيه كلام ينقال لها .. تنهد بقوة وجلس على السرير ياكثر ماهو مثقل بالهموم همه هو اللي قد الجبال ومحد يقدر يشيله بصمت غير اعتى الرجال واصلدهم . وهمها هي اللي يحسسه بالذنب وتأنيب الضمير ليل ونهار .. وهم فهد اللي مايندرى وين ارضه من سماه . من وين تلاقيها ياعماد ولا من وين اخذ منشفته وروبه ودخل للحمام .. ليت الانسان اذا غسل جسمه غسل همه معه .. ليت الهموم تنجلي بالما والصابون كان يغسلها ليل ونهار حتى ينام لو ليلة وحده بدون هموم . طلع واخذ له حبة من حبوبه اللي تركها واشغله موضوع فهد عنها اكثر من اسبوع .. لبس ملابسه ونزل تحت لأن ريحة الاكل وصلته فوق وهيجت جوع معدته اكثر . لمحها وهي في المطبخ ويازين شوفتها وياصعبها بنفس الوقت .. وين يروح منها وهو اذا شافها ولا قرب منها حس انه على هاوية الخطر . .. وهي في المطبخ .. قررت تسوي له بيتزا .. كوجبة خفيفة ومشبعه بوقت واحد .. خلصتها بوقت قياسي جداً .. وقطعتها لقطع متوسطة ورصتها في صينية من الصين المزخرف .. كانت تحس وهي تشتغل بلا مبالاة غريبة .. تحس تصرفاتها غبية ومع هذا تستمر فيها ببرود .. وكأنها استسلمت لوضعها وبدت تتخلى عن كل احساسيها وتعيش .. المهم انها تعيش وبسلام وسلامه . دخل عليها عماد وهي ترص بيالات الشاهي في الصينية .. تنحنح قال : ماكان تكلفتي . رفعت حاجبها وهي ترجع كم جلابيتها الواسع واللي يضايقها اذا بغت تشتغل .. قالت : روح اجلس في الصاله وانا اجيب لك الاكل . مد يده واخذ قطعة بيتزا .. قالت : ترى ماحطيت فلفل عشانك . وكأن ربي يجيب له الفرص حتى يكلمها بجفاء ويبتعد عنها وتبعد عنه اقل شي بالتفكير وعدم الانجذاب .. عقد حواجبه وهو يطالعها قال : احد قايل لتس اني مااحب الفلفل ..؟ لفت واعطته ظهرها وراحت تغسل يدينها من المغسله وردت : مو لازم احد يقول .. اللي عنده قولون المفروض ماياكل فلفل و لا بهارات . شال صينية البيتزا في يد وصينية الشاهي بيده الثانية قال : اذا بغيتي تسوين شي مرة ثانية لاتفكرين فيني .. طلعت من المطبخ بسرعه وهي تتأفف .. وقطع كلامه وهو يشوفها تشمي بسرعه وصوت الأوووف اللي تحاول كبته وطلعه القهر واصله بوجع واوجعه اكثر .. توجهت للدرج وطلعت وتفكيرها مشغول ومزحوم بالأفكار .. ماابغى اسمعه اكثر ولا ابغاه يقول مالك دخل فيني .. وصلت غرفتها وسكرت الباب عليها بقوة ورمت نفسها على سريرها حطت يدينها على وجهها وهي تتنهد بقوة .. " خلاص ياربي ماعاد اقدر اتحمل والله ماعاد فيني .. " اشوا انها بكرة بترجع للدوام وبتنشغل عنه وعن التفكير فيه ومشاكله .. كشرت وهي تتذكر ان بكرة يوم جديد ومختلف حياتها دايما فيها ثنائيات للمشاكل اول خالها وصالح ثم نوف ومشكلة زواجها ثم لازالت نوف وحياتها مع عماد .. يعني تصارع في المدرسة وتصارع في البيت والضحية احاسيسها ومشاعرها ونفسيتها ويمكن هدر كرامتها جاي في الطريق .. زفرت بآهه مخنوقة ووراها كم هائل من الآهات المكبوته مشتهية تبكي حتى ترتاح . البكا عندها سلاح وعلاج من صغرها .. والدموع تريحها كثير وتكفيها الشكوى والفضفضة دايماً .. حطت يدها على جبينها وهي تفكر في بكرة كيف بتواجه عماد بعد تصرفها معاه . قلبها وعقلها يقولون حلال فيه ويستاهل وهذا حقه اللي يستحقه بعد كلامه لها وتجاهله وغيابه عن بيته .. والمنطق والعقل والمفروض يقولون لها لا .. كان خليتيه يتكلم ولاتجاهلتيه كان سمعتيه يقول اللي عنده ورديتي برد محترم ولا أي رد المهم ماتطنشين .. هذا مهما كان زوجك .. ورجل .. رجل ياشادن ..! واجب تسمعينه وتقدرينه .. لأن التطنيش يعتبر اهانه .. مو كذا كان نايف دايما يقوله لك ..؟ انا رجال وكلمتي تنسمع ..!! وياويلك لو اعطيتيني قفاك وانا اتكلم . !! نزلت منها دمعه حارة لمجرد ذكر نايف وسيرته العطرة ياقلبي يانايف ليت عماد يشيل نص قلبك ليت كلمة عماد عليّْ مثل كلمتك كان اتحمله واتقبله واعيش معاه للأبد وانا راضية .. ضمت مخدتها وهي ترحب بالسيرة اللي هيضت شجونها وبتتكفل بسكب الدموع وهلّها .. بكت بحرقه ووجع وصوتها يعلو بنحيب ... كأنها كانت تبحث عن شي غير عماد يفتح المجال لسيل الدموع . راحت تجيب القديم والجديد امها .. اشتاقت لريحتها ودفى حضنها اشتاقت لنايف وحضنه لها بكل حنان الأبوة والأخوة .. اشتاقت لغرفتها بكل ذكرياتها ماعدا صالح وسيرته .. اشتاقت لسارة .. زاد نحيبها وهي تتذكر سارة ياكثر ماهي مشتاقة لها .. مرت عليها ساعه وهي تبكي .. محتاجه احد يحضنها ويقول ليه تبكين فضفضي وقولي وافتحي لي قلبك بس من ..؟ من وين تجيب من يخفف عنها ..؟ سمعت صوت دقات خفيفه عند الباب وصوت شهد تناديها .. : شادن عماد يقول تعالي تحت جدتي جات . تغطت شادن بلحافها قبل شهد تدخل وسوت نفسها نايمه . نادتها شهد وهي تفتح الباب وتقرب من السرير .. قالت : شادن قووومي انا جيت عندكم عشان ابغى اسألك انتي وعماد سؤال مهم . شااااادن . : شااادن قومي .. صحيح انتي وعماد اذا جاكم ولد بتسمونه مشعل ..؟ انقلبت شادن على الجهه الثانية قالت بصوت باكي تحاول تطلعه عادي : شهد حبيبتي انا ابغى انام اخرجي واقفلي الباب وراك . انسحبت شهد بخيبة واحباط وطلعت برا الغرفه وراحت لعماد تحت بوجه بائس وحزين . جات جلست بجنبه طالعت في عماد قالت : جدتي راحت تنام . رد عليها وهو مركز على التلفزيون قال : ايه دخلت تنام .. وش قالت لك شادن ..؟ : تقول ابغى انام . مسح على راسها قال : يالله اجل انتي بعد قومي روحي لبيتكم عشان تنامين بكرة وراك مدرسة . : امي تقول بكرة شادن بترجع للمدرسه . : اووووه اشوا انك ذكرتيني يالله يالله امشي بوصلك لبيتكم . حتى انا ابي انام بدري عشان اصحى بدري . مشى وهي تمشي معاه ويدها الصغيره متمسكه يده . وهم في الطريق لبيت اهلها قالت : عماد ليش شادن تبكي ..؟ عقد حواجبه قال : تبكي ..؟ : ممممم ايووه انا شفت عيونها حمرا وخشمها احمر عرفت انها تبكي وعندها مناديل كثييييييرة على الكومدينو .. صح هي تبكي .. عماد انت ضربتها ولا خاصمتها . تنهد بعمق قال : ماضربتها ولا خاصمتها بس يمكن مزكمة ولايمكن اشتاقت لامها . : طيب ليش ماتوديها لامها مسكينه ماعندها ام .. وماعندها اخو وابوها مات .. صحيح ابوها خالي خالد اللي مات .. زي امك .... امي علمتني . ابتسم على براءة شهد وتفكيرها الطفولي قال وهو يتذكر شي غاب عنه وكأنه يكلم نفسه بصوت عالي : صدقتي ياشهد شادن يتيمه . يتيمه وماعندها ام ولا اخو . انتي ذكية ياشهد ماشاء الله عليك . يالله ادخلي لبيتكم واقفلي الباب زين . دخلت شهد لبيتهم وهي تجري وهو سرح بعقله لبعيد وكمل بصوت مسموع : وماعندها زوج بعد ياشهد . وحيده وماعندها احد . حس انه مخنوق .. دخل البيت وطلع فوق لغرفتها .. دق الباب مرتين مافتحت وحاول يفتحه بس حصله مقفول . . رجع لغرفته .. ياليته يقدر يبكي مثلها .. كان يخفف لو شي بسيط من اللي بداخله بس دموعه قتلها من سنين .. من يوم ماعرف بمرضه وهو حاكم عليها بالاعدام . حتى التوجد على الحياه وعلى الفرح الحقه البكا والتشكي . دفنهم وحرم حياتهم ونبش قبورهم في حياته .. الدنيا تبي مواجهه وقوة .. والحياة رغم صعوبتها الا انه لابد يكون قد الحمل ويعيشها ويتعايش معها . تمدد على سريره واخذ دفتره الاسود الكبير اللي يكتب فيه متى مااشتهى وقعد يخط بعض الحروف المعبرة .. *** يوم الجمعه .. اذن المغرب وهي تمشي في سور البيت .. كانت تدعي ربها من صلاة العصر لأن فاطمة نصحتها بتكثيف الدعاء من بعد صلاة الجمعه لأذان المغرب .. قد تصادف ساعة استجابة فلا يرفض لها الله دعوة او طلب .. كانت موجهه بيدينها وبقلبها للسماء وتلهج بدعوات وأمنيات ورجاء وماحست في الدنيا الا بعد ماصرخ مشاري وهو يدور في البيت .. : ياسارة .. ياسااارونه ... ياسوسو .. ولما ماردت عليه نادى بصوت اعلى : ياااااااااسويرة .. وصلت عنده قالت : خير يامشمش اش عندك سمعت الجيران صوتك وانت تنادي عليّ . من زين الاسم اللي تناديني فيه . جاها يمشي والضحكه تهلل وجه قال : ههههههههههههههههه وش احلى من سويرة . .. المهم عندي لك اخبار حلوة ان شاء الله انها تعجبك . : خير ان شاء الله ..؟ : ابشرك الله اظهر الحق ياسارة .. خالد ظهر على حقيقته وبالجرم المشهود .. وماباقي الا نرفع عليه قضية طلاق وهذي مضمونه مية بالمية بإذن الله . كانت ملامحها تعبر عن عدم فهمها وعدم رغبتها في الفهم .. ماتبي تنصدم فيه اكثر من كذا .. قالت : مشاري لاتقول لي شي مو لازم اعرف شي عنه . مسك يدها ولف يده من ورى كتفها قال : الا ياسارة لازم تعرفين وتفهمين كل شي .. لاتكونين سلبيه والسكوت عمره ماكان حل لمشكلتك ... واجهيها وناقشيها وربي بيساعدك ان شاء الله .. ماشاف منها رد وكمل : تعالي ادخلي وراح اقول لك على كل شي . بلعت ريقها وسلمت امرها لله واستسلمت لاخوها ومشت معاه من دون ماتتكلم .. وصلوا للصاله وجلست على اقرب كنبه وابوها قدامها يكلم امها بحديث جانبي وموطي صوته .. شافها ابوها وفتح لها يدينه قال : وين اختفيتي ساعه ندور عليك .. تعالي هنا في حضن ابوك . ليش حبيبة ابوها تجلس بعيد عنه ..؟ جلست بجنب ابوها وهي تنقل نظرها بين وجه امها المتجهم والمصدوم وبين وجه مشاري اللي يتهلل والدنيا مو سايعته من الفرح . قال ابوها : الحمد لله ان ربي فرج لنا من اوسع ابوابه من هالابتلاء ياسارة . طالعت في ابوها بخوف وكأنها في مواجهه لأصعب موقف تمر به في حياتها .. مست شفايفها تجبرها على الابتسامه قالت : الحمد لله . قال مشاري : يبه تقول لها وشلون ربي فكنا منه ولا اقول انا . انسحبت امهم واعطتهم ظهرها وهي تقول بقرف : بالله كرموا مجلسنا من هالسيرة . لحقت امها بنظراتها وعرفت ان الموضوع فيه يمس الشرف ولا يمت للطهر بصلة . تكلم ابوها على طول : خالد مسكته الهيئة البارحه في الرياض وهو متلبس . رد مشاري : اللهم لاشماته .. تدرين اش قضيته ..؟ هزت راسها بلا وهي مابين تبي تعرف وماتبي .. كمل مشاري بعد ماشاف ابوه مستحي منها او متردد يجيب هالموضوع قدام بنته قال : لواط والعياذ بالله .. وسكر ورقص ومجون وخلوة غير شرعيه في الاستراحه اللي قبضت الهيئة عليه فيها .. ماتحرك منها ساكن وكأن الله ثبتها بيقينها وقوة ايمانها .. ردة فعلها على عكس ماتوقعوا .. يمكن عشرة فاطمة بثتها قوة الايمان والقناعه والصبر ويمكن الايام اللي راحت تخيلت كل شي عنه ومااستغربت هالكلام .. وقفت وقالت : الحمد لله اللي فرج لي منه .. الحمد لله ياربي .. باست راس ابوها وكملت : يبه من بكرة طالبوا بطلاقي واذا تبغوني اسوي لكم توكيل سويت .. قاطعها مشاري قال : بتروحين معانا للشيخ وهو راح يطلق منه غصب . وبهالمناسبة .. قاطعه ابوه : اجل مناسباتك لبعدين ولاتفرح على خالد يامشاري ادع له بالهداية والصلاح لاتبتلى . : الله يهديه ومن هم على شاكلته . انا فرحان يايبه لأن جزء من الوباء المتحرك بين الناس انسجن وافتكوا عيال خلق الله من اذاه . طلعت لغرفتها فوق وهي تسمع ابوها ينصح مشاري من رفقة السوء ويقول له على اسباب الشذوذ يمكن من البيئة او التربية او انه مريض نفسي او ان الشيطان عرف يدخل له من مدخل لأن ايمانه ضعيف ودينه مختل .. هي من النوع اللي ماتقدر تعيش بهمومها لوحدها وبُعْد شادن خلاها تلجأ لفاطمة بلسم جروحها وماخابت يوم خلتها مكان شادن وصارت لها الصاحبه الصالحه والرفيقه اللي تحثها للخير والصلاح .. دقت عليها وسردت لها اللي صار بالحرف .. باركت لها فاطمه ظهور الحق قبل ماتتورط معاه وان حبسه ورحم عيال الناس من شره وغثاه .. ونصحتها بالصبر والصلاة والتفاؤل وحب الحياة لأن فيها اجمل من خالد وذكرياته وهمومه .. *** صحت من بدري ولبست تنورة جينز وبلوزة لونها سماوي بكم طويل وزارير من قدام وتحتها بدي ابيض يغطي اعلى صدرها .. نزلت تحت وشافت جدتها وتوجهت لها على طول .. قالت وهي تبتسم : صباح الخير ياوجه الخير .. ردت جدتها وهي تقصر على صوت الراديو قالت : صباح النور والسرور يالغاليه .. تعالي افطري معي . : سامحيني ياجدتي مانزلت بدري افطرك انشغلت بلبسي عشان مايفوتني الوقت .. لكن من بكره ان شاء الله بحط المنبه على سته بالضبط اسوي فطورك وارجع البس .. : لا وانا جدتتس ماعليتس مني ولاتقومين بدري عشاني .. يسد انتس تسوين فطوري من اسبوعين وانتي توتس عروس .. غيرتس يشيلن نوم للظهر وانتي تقومين من صباح الله علشاني .. سلمت على راسها قالت : مو اقوم عشان الغاليه ؟ .. مو انا اخدم جدتي الغالية وام ابوي الغالي الله يرحمه ؟ .. قولي بس آمين ان الله يقدرني وارضيك عني . : الله يرضى عليتس ويسهل امورتس ويستر عليتس ويرحم اللي جابتس . : طيب جدتي بمشي للمدرسة انا الحين .. وبمر على عمتي فوزية آخذ شهد بطريقي . : هالحين ورى ماتخلين عماد يوديتس بدال ماتمشين مع هالتربان وانتي مغطيتن وجهتس حتى عيونتس مغطيتها . لبست عبايتها وهي تقول: حرام اصحيه عشان خمس دقايق .. بعدين انا عادي متعودة على الغطى .. والمشي صحه ياجدتي .. بس الله يستر انا خوافه خاصة بجنب بيت ام جواهر كل مانمر من عند بيتها انا وشهد زمان تفتح شباكها تراقبنا ولا تنادينا والناس تسمع صوتها . اخذت شنطتها .. واعطت جدتها ظهرها وهي تقول : دعواتك ياجدتي . وقفت بمكانها وتسمرت لمن جاها صوت عماد من وراها وهو ينزل الدرج قال : لاتروحين اصبري انا اللي اوصلك . طالعته وهو لابس ثوبه الابيض ويقفل ازاريره وبدون شماغ وعيونه شبه مغمضه قالت : مايحتاج .. قاطعها بصوت كله نوم : الحقيني بس . ركب السيارة وشغلها وسند راسه على المرتبه ينتظرها .. وهي وقفت على البوابه محتارة ومستحيه .. تركب معاه ولا تقول له ينزل وهي تروح مشي ..؟ واذا راحت معاه فين تركب .؟ " ياربي شو هالاحراج .. " تقدمت لمن شافته رفع راسه وطالعها وهي بمكانها وفتحت الباب اللي ورى .. التفت عليها يحسب انها بتحط شنطتها بس تفاجأ انها ركبت وجلست ورى .. قال بلهجة امر : انزلي اركبي قدام . : عادي كذا مرتاحه ...! : انزلي اركبي قدام لاتفضحينا بخلق الله .. تذكرت لو احد شافها انها بتصير نكتة الموسم .. نزلت وركبت قدام وهي تلوذ بالباب من قربه .. وهو حرك سيارته قال : لاتفكرين تروحين مشي بعد اليوم . ردت بصوت هادي وهي تطالع بالبيوت اللي تمر السيارة بجنبها : اليوم انت فيه .. بس بكرة مو اكيد اش اسوي ؟ .. اقعد ؟. التفت عليها قال : شادن .. التفتت عليه من دون ماتتكلم قال : انا مسؤول عنك هنا .. سكت ثواني وكمل .. عموماً السواق بيجي اليوم ان شاء الله . حست انه غير الكلام اللي كان بيقوله .. وفضلت انها تسكت .رغم انها دايماً تتمنى لو يكلمها حتى تعرفه اكثر .. هو بالنسبة لها لغز كبير وصعب تحله اذا هو ساكت ومايتجاوب معاها الا لاتسوين لاتتدخلين فيني . وقف قدام المدرسة واخذت شنطتها ونزلت قال : اليوم راح اجي على 12 ونص آخذك . : بس انا مااطلع الا وحده اليوم السبت وفيه حصص نشاط . : اها حسبتك تطلعين مع شهد ... اجل اجيك وحده ان شاء الله . نزلت وسكرت الباب ودخلت المدرسة اول و حده قابلتها الخاله مزون اللي استقبلتها ووقفت بمشقه وسلمت عليها وباركت لها .. توجهت للإدارة وهي تاخذ نفس عميق وتهدي نفسها استعداداً لأي تلطيش من نوف ولا كلمة ترفع لها ضغطها خاصة انها مو مستعده تسمع منها او من غيرها أي كلمة تنرفز .. دخلت الادارة وهي تقرا المعوذات وآية الكرسي علّها تهديها وتسكن نفسها .. آخر شي توقعته انها تشوف المديرة غير .. كانت صدمه جمدت شادن في مكانها لثواني وهي فاتحه فمها وعيونها .. هذي نوف ولا مغيرين المديرة بوحدها تشبه لها الشعر اللي كانت لامته كعكه ولافته بمنديل ولا ماسكته بربطه عادية .. الحين مفتوح وقصير لحد الكتف ولونه هاي لايت طالع حلو على ان نوف سمرا .. وملونة شفايفها بأحمر صارخ .. حاطه مكياج ثقيل .. والحواجب مشقرتها ومغيرة من شكلها نهائي . اما عيونها كانت مكحلتها باسود من داخل وراسمتها من برا .. وقفت لها نوف وجات تسلم عليها .. لا لا هذي مو معقوله تكون نوف ..!! وتقوم تسلم .. ؟ سبحان المغير .. !! حتى ملابسها غيرتها .. !! كانت لابسة تنورة لونها زيتي وبلوزة تفاحي ومقلمة بفوشي .. بعد التنورة السودا والكم بلوزة عادية .. تكلمت وتأكدت شادن انها نوف بعد ماكانت بتجزم انها وحده ثانيه .. : هلا ابلا شادن وشلونتس . ابتسمت شادن ورفعت حاجبها قالت : الحمد لله بخير . نعيماً . طالعت بشكل شادن اللي ماتغير عن قبل زواجها وابتسمت بانتصار قالت : الله ينعم عليتس .. تفضلي . : ها ..؟ لا لا مشكورة بروح اشوف البنات يمديهم وصلوا . طلعت لغرفة المدرسات اللي دوبهم وصلوا .. واستقبلتها خلود بالاحضان .. وبعد التباريك والسؤال عن الاخبار توجهوا للطابور اللي ابتدا .. قربت منها خلود قالت : شادن شفتي نوف اش عاملة . : ايوه ماشاء الله عليها طالعه حلوة بس خلود تكفين لانتكلم فيها مو ناقصة ذنوب على الصباح .. ردت خلود وهي تضحك : خليني اقول لك عن اسئلتها لنوير عنك . : لاوالله فكينا من سيرتها مانبي ناكل لحمها .. سبحانك اللهم وبحمدك اشهد الا اله الا انت استغفرك اللهم وأتوب اليك . كررت خلود نفس الدعاء واصغوا اسماعهم للإذاعة الصباحية .. وخلود تضحك وتقول : شكلي بتطوع على يدك ياشدون . ردت شادن وهي تبادلها الضحك : خليني اتطوع انا اول .. الله يهدينا بس .. خلاص اسكتي بدأ القرآن . *** رجع للبيت وهو ساكت وتفكيره يجيبه ويوديه .. ماقدر يكلمها .. موقفه وحياته اصعب من كل الكلام .. قالت جدته اللي تشرب من قهوتها الشعير : اشوا انك وديتها . جلس بجنب جدته وصب له فنجال قال : جدتي ماابيها تطلع تمشي بين البيوت نبهي عليها ماودي ازعلها ولا اضغط عليها .. كلها يومين ويجي السواق الجديد .. تروحون وتجون معه ماابي ولا وحده منكم تطلع تمشى بين البيوت . : انت لو علمتها باللي تبيه ماتخالفه .. حتى يوم راحت معي للدكتورة قالت اخاف ان عماد يزعل ان طلعت امشي . طالع بجدته شوي ... وانكسر بداخله شي .. ليه تفرض نفسها عليه .. وليه تفرض احترامها على الكل .. بدءاً به هو وجدته وانتهاءً بحريم الحارة اللي يشكرون فيها وتعلمه فوزية عن كلامهم ... قال : الشهادة لله هي سنعه وماشفت منها الزلة من يوم جاتني . : وانا اشهد وانا امك . بس تراك مقصر معها .. مااشوفك تداريها ولاتقعد معها .. وقف وقاطعها قال : الله يرضى لي عليتس انتي تبين اللي اعيده ازيده .. ماقلت لتس على الظروف اللي صارت لنا بعد سالفة فهد .. ان شاء الله اعوضها الايام الجاية . هزت راسها بعدم اقتناع قالت : الله يوفقكم ويرزقكم . كان بيطلع بعدين رجع لها قال : تروحين معي للمزرعه ؟ اليوم نبي ننقل اشجار الحنا من مزرعتنا الاولى تعالي اشيري عليّ بالمكان اللي يصلح لها . : والجوافه ماتبينا نجيبها ؟ : لا الجوافه بتحشر الاشجار فكينا منها ومن ريحتها . : هاناد الشغاله خلها تجيب لك فطور وخلنا نمشي قبل ماتحتر الشمس . : امشي بس ... مابي فطور الحين . بقولها تجهز القهوة ناخذها معنا والتمر قدامنا بالمزرعه . مر على الشغاله قال لها تجهز له القهوة وتحطها بسله ومعاها فناجيلها .. وطلع بجدته للمزرعه بعد عشر دقايق .. في السيارة .. كانت جدته تسولف وهو يفكر وشلون يتركها لوحدها ويروح للمزرعه الصغيرة اللي في آخر القرية .. قال لجدته : تراني ابي امر على فوزية وآخذها معنا . : وشو له تقومها من نومها مايمديها رقدت الا بعد الفجر . : خليها تقوم مع المسلمين .. ابيها تقعد معتس في المزرعه وانا ابي اروح للمزرعه الثانية اجيب الاشجار .. : ها سو اللي تبيه ويجوز لك .! وقف عند بيت فوزية ودق عليها الباب .. وفتحت لهم الشغاله .. دخل وقال لها تنادي المدام بسرعه .. وبعد دقايق قليله جات فوزية لابسه روب طويل وعيونها كلها نوم يادوب تفتح قالت : عماد خير امي فيها شي .؟ : لا ابد محد فيه شي بس قومي اغسلي وجهتس والبسي وتعالي مع جدتي للمزرعه . : لاحوووول وش هالصبح ... قاطعها : ماعندي وقت عجلي وراي مية شغله . : زين ..وعبدالعزيز ..؟ : امر عليه الظهر اخليه يجي عندنا . بس عجلي خمس دقايق وانتي جاهزة . : طيب .. رجع لسيارته وبعد وقت قصير كانوا كلهم في المزرعه .. فوزية معصبة وزعلانه من ازعاجهم لها.. وام ناصر تبارك المزرعه اللي انعشها جوها ونشطها ... نزلت شغالة فوزية فصولي اللي قعد يلعب وجابت لهم القهوة .. اخذ عماد فنجال وقام للعمال اللي متفق معاهم يجون من بدري يحفرون الأرض للأشجار اللي بينقلها من المزرعه الثانية لهذي .. مرت ساعتين ماحس فيها غير العمال وعماد اللي رجع لجدته وفوزية ورمى نفسه على الأرض بتعب ووهن .. قال : يوووه من التعب انكسر ظهري .. انتبه لفيصل ولد فوزية جاي يمشي ناحيته قال : وخري ولدك يافوزية عني لايطيح علي . قالت فوزية اللي صحصحت وبدت تسولف بنشاط : حلال فيك وش اللي منكد عليك من الصبح ونكدت علينا معك . رفع لها راسه قال: الحين ابي اعرف شي واحد ليه انتي مو مثل باقي الحريم .. ؟ : قصدك على شادن . : شادن وغيرها ..! : يعني عشان الست شادن تصحى بدري تحسب كل الحريم يقومون مثلها . قالت ام ناصر : شادن الله يستر عليها مامثلها . جلس عماد قال : يالله بروح للعمال اقف معهم يمديهم خلصوا حفر . وقف عماد وراح لعماله وكملن فوزية وامها سوالفهن لحد مااذن الظهر . . بعد صلاة الظهر خلصوا العمال شغلهم وطلعوا .. دخل عليهم عبدالعزيز قال وهو يتأمل المزرعه الكبيرة باعجاب : الغدا اليوم في المزرعه ياابو مشعل . جاه عماد يمشي وهو ماسك اسفل ثوبه .. مسح حبات العرق اللي انتثرت على جبينه قال : تم ياابو فيصل .! جلسوا يتقهوون ويسولفون والوقت يمشي محد حس فيه .. طالع عماد بساعته ووقف على طول قال : انا بروح اجيب اهلي من المدرسه واجيب لكم غداكم . رد عبدالعزيز وهو يشيل فيصل ويحطه بحضنه قال : جيب لنا شهد معك لاتنساها . : افا عليك انسى بنتي ..؟ عطاه عماد ظهره وقام عبدالعزيز لفوزية وام ناصر كمل جلسته معاهن افضل من الجلسه لوحده . *** لابسه عبايتها وواقفه عند الباب تنتظره .. قالت نوير : من بيوصلك لبيتك ياشادن .؟ : زوجي بيجي ياخذني . : وشهد ؟ طالعت بشهد اللي ماسكه شنطتها وتدور وتلعب عند البوابه قالت : اكيد شهودة معانا . : اقول شادن انتم مارحتوا ولا سافرتوا رغم ان زوجك مثل ماسمعت بطران . ؟ : لا لسه تعرفين الوقت مرة ضيق وانا مو مرة حريصه على السفر بعدين جدتي فرحانه ومستانسة واحنا عندها خليها لين تشبع منا بعدين نسافر على كيفنا . قالت خلود لنوير وهي تضحك : اكيد الرادار حقك قال لك على اخبارهم ويدري انهم ماطلعوا ولا راحوا ولا جو . ضحكت نوير قالت : هههههههههههههههههههه حرام عليك مو لهالدرجه بس تعرفين عيال الحارة يلعبون وسامر يحب عماد وكل ماشافه قال لي بس له كم يوم مايشوفه قلت يمكن راحت شادن معاه . جات الخاله مزون ( الفراشه ) قالت لشادن اللي تضحك من نوير وخلوود : ابلا شادن ابوعلي يقول زوجك برا اطلعي له . : حاضر ياخاله انا خارجه . يلا بنات سلام واشوفكم بكرة ان شاء الله . ردوا : مع السلامه الله معاك . طلعت شادن هي وشهد وركبت السيارة وشهد ركبت ورى بعد ماسلمت على عماد . قالت شادن اول ماسكرت الباب : السلام عليكم . : عليكم السلام . ساد الصمت دقايق قليله قال عماد : شهودة تبين تروحين تتغدينفي اللمزرعه ؟ : ايه ايه تكفى عماد تبغى نروح وخل شادن تروح معانا . : طيب بنزلك في المزرعه يالله . توجه للمزرعه ونزل شهد قالت : شادن انزلي معاي . قال عماد : روحي ادخلي امك وفصولي قدامك يالله بسرعه . وقف لحد مادخلت وشاف ابوها يفتح يدينه لها وهي تجري عشان يحضنها . رجع بالسيارة للبيت قال : بدلي ملابسك وقولي للشغاله تسوي الغدا بوديه لجدتي وفوزية ورجالها في المزرعه . : حاضر . : ترى بتروحين معانا . قالت بتردد : بس زوج عمتي معاكم . ! حس بترددها وحياها وكأنها بتجبر نفسها على الروحه حتى ماتعارضه قال : ماراح نجلس عندكم .. تعالي عشان جدتي . هزت راسها وسكتت ماردت عليه .. نزلت للبيت ومرت على الشغاله في المطبخ .. فتحت الفريزر وطلعت لحم يكفيهم .. وراحت تنزل عبايتها في الصاله جا عماد يمشي ناحيتها قال : امشي وانا ارجع بعد شوي آخذ الغدا . : لا انا بسوي الغدا .. وبعد ساعه تعال . سكت ولا رد عليها .. وتوجه لاقرب كنبة طويلة وتمدد عليها وحط يده على راسه .. قال : اذا خلصتي صحيني .. نزلت عبايتها ورجعت للمطبخ .. قالت الشغاله المتفانية بشغلها ومتحمسه في تقطيع السلطة : مدام لاتحطي زيت كتيير .. عشان مستر عماد . طالعتها شادن باستغراب قالت : ليش ..؟ : انا يسوي اكل زيت كتير مستر مافي اكل .. يسوي بدون زيت ياكل . قالت باقتناع وهي تكلم نفسها : الله يعين اللي عنده قولون . قطعت اللحم وعزلت الشحم عنه نهائي .. وسمعت كلام الشغاله وتركت الزيت .. اضطرت انها تحط البصل مع الطماطم والثوم وتحركها مع بعض .. طبعاً فادتها خبرة امها في الطبخ لمن كانت تطبخ لابوها مريض القلب قبل وفاته .. اخيراً خلصت الرز البرياني والشغاله غلفت السلطه وحطت الملح في السله مع الكاسات واللبن والمويه والملاعق .. وحظرت الصحون واطباق السلطه .. فتحت غطا قدر المرقوق حق جدتها واللي بدون ملح .. وشافته ماباقي عليه شي وانه جاهز طفت عنه ورفعته على جنب .. وأخذت معاها سفرتين كبار وطلعت بتقول لعماد ان الغدا خلص .. شافته نايم وغاط في نومه . كسر خاطرها وشكله تعبان ونايم بعمق .. قالت بهمس : عماد . مارد عليها .. قالت بنفسها " الحين لايكون نومه ثقيل ويبغى لي ساعه عشان يصحى " نادته مرة ثانيه وبنفس الهمس : عماد . ونفس الحكاية لارد . : عماد اصحى الغدا جاهز . رفع يده عن جبينه وفتح عيونه ببطء من دون مايطالعها كأنه مو داري عن نفسه .. التعب واضح عليه .. لدرجة انه مايدري وش قالت ولا وين هو .. قالت بنفس الهمس : عماد الغدا جاهز . كأنه بدا يستوعب قال : ها .. همممم .. يالله طيب .. اذا خلصتوا قولي لي . : خلاص جاهزين . ماسمعها لأنه غمض عيونه وراح في النوم من جديد . رفعت صوتها اكثر من قبل قالت : عماد .. عماد ترى الغدا بيبرد وانت نايم . فتح عيونه وجلس ثواني ماتكلم .. رفع نظره لها قال وهو يوقف : يالله .. البسي على بال مااحطه بالسيارة وقولي للشغاله تمشي .. فوزية تقول لازم تجي . : اوكي .. انا حضرته كله ماعليه الا تشيله . رجعت للشغاله قالت لها : روحي ودي السله للسيارة وارجعي خذي القدر الصغير واللبن . راحت الشغاله تودي الاغراض وجا عماد اخذ القدر الكبير اللي طبخت الغدا فيه . لبست شادن عبايتها وتغطت وركبت معاه .. *** " كثر الله خيرك ياابو مشعل .. سلم الله يدين من طبخ اشهد انها راعية بيت " قالها عبدالعزيز وهو يشرب كاسة اللبن بعد مارفع يده من الصحن . قال عماد وهو يبتسم : ياجعله هنا وعافيه .. ذكرتني بكلام جدتي الله يطول بعمرها .. : ياخي خلوا فوزية عندكم اسبوع تعلمها الطبخ والسنع . : لا تكفى اخاف انها تخرب حرمتي . : ههههههههههههههههههههههههههههههه لاتظلمها انا يوم اخذتها وهي مااسنع منها بس خربتها ودلعتها .. والحين ماتعرف تسوي حتى الشاهي . : اجل البلا منك وانا ظالم خالتي . : ايه لحد يتكلم لها تراها مسكينه . : هههههههههههههههه عز الله مامسكين الا انت . اقول تبينا نقعد ولا نمشي . : لاوالله خلنا نمشي انا بعد هالغدا يبي لي قيلولة . وقف عماد واخذ الصحن رجعه ونادى الشغاله تجي تاخذ السفرة وباقي الاغراض .. جا عند جدته وهو يشوف المرقوق عندها قال : افا مسوين لتس مرقوق وحنا لا ؟ قالت ام ناصر : عندك القدر اكل على كيفك منه ..! فتح عماد القدر وضحكت فوزية عليه وشادن تبتسم بحيا ومنزله راسها للأرض قال وهو مكشر ومتقرف : اخخخخخ هذا بدون ملح .. الله يعينتس ياجدتي على هالعيشه . طالعت ام ناصر في شادن قالت : عندي الملح اللي ليا لمست عيشتنا تباركت وزينها ربي . استحت شادن اكثر وتوردت خدودها وهي تناظر بالارض وتعدل طرحتها على راسها زين .. قال عماد وهو يبتعد عن المواجهه والاحراج وانتقادات فوزية اللي تدقق بكل شي بعفوية : فوزية روحي لعبدالعزيز يبيتس . وقفت فوزية قالت : يارب عساه يقول بنمشي عشان ارجع انام . : ايه يبي يمشي .. التفت لشادن قال : اذا انتي بعد تعبانه وتبين ترجعين امشي . ردت بهدوء وثقل : شوف جدتي اكيد انها تبي ترتاح من الصباح وهي هنا . انا عادي مو تعبانه . قالت ام ناصر وهي تمد يدها عليه : خل شادن تشوف المزرعه .. من اليوم منحرجة من ابو فيصل ماتقدر تمشي فيها .. قومني انا برجع مع فوزية ورجلها . حس ان جدته تبي تقربهم من بعض اكثر قال : نبي نجي ان شاء الله مرة ثانية وتشوفها براحتها . قاطعته : اليوم خلها تشوفها مايصير تطلع منها ماشافت الاشجار اللي غرسناها . لامفر منها ومن تحكمها وسلطتها . مد يده عليها وساعدها على الوقوف باستسلام .. قال لفوزية اللي جات تاخذ بقية اغراضها : ساعدي الشغالات في الاغراض وترى جدتي بتروح معكم . غمزت له فوزية قالت : ياعيني بتستفردون ببعض في الجو الحلو . مارد عليها ومشى مع جدته لحد ماوصلت سيارة عبدالعزيز . جلست شادن مكانها وصرخت بداخلها لا .. ماتبي تجلس معاه هنا ..! ياليتها ماتكلمت ولا قالت لجدتها انها نفسها تتمشى في المزرعه . الحين وشلون تطلع من هالورطه .. تقول .. "اروح مع عبدالعزيز" وتحرج نفسها ولا احسن لها تسكت وتستسلم وتسلم امرها لربها .. قالت فوزية وهي تشوف نظراتها الشاردة : ياعيني على الحب .. قلت لكم روحوا شهر عسل بس انتم تفكيركم ماادري كيف .. ابتسمت لها شادن قالت : خذي فصولي بس ترى الشمس قربت منه .. اخذت ولدها النايم ومشت فوزية وهي تتبعها بنظراتها لين اختفت .. رجع لها عماد بعد ماخلا المكان بدقايق قليلة .. وهي مثنية ركبها ومحوطتها بيدينها وتتأمل خضرة المكان الأرض المزروعه والأشجار الكبيرة اللي تحوط سور المزرعه .. وريحة الطين المبلول بفعل الموية اللي تصب في الأحواض وتسقي الأرض .. وبعض الشتلات وبعض الأشجار المغروسه في انحاء المزرعه .. تأملها وهي لافه طرحتها على راسها ولابسه عبايتها ومو مبين منها الا وجهها بإشراقته ويدينها الناعمه .. جا وجلس قريب منها وعدلت جلستها قال : ترى مافيه احد خذي راحتك . ضمت عبايتها عليها قالت : عادي مرتاحه كذا . طالع فيها وهي تناظر في الارض وشكلها مو راضي عن وجودها معاه .. او انها محرجه من جدتها اللي تفرضها عليه اكثر . حست انه يطالعها وغمضت بعيونها وفتحت قالت : بنطول هنا .؟ قال بصوت واطي وهو يقرب منها ويمسك يدها : انتي تبين تمشين ..؟ سحبت يدها بتوتر قالت : ايوه خلنا نمشي ماله داعي نجلس . سحبها من يدها ووقفها معاه قال : الا له داعي مو تبين تشوفين المزرعه ..؟ : لا خلاص عادي .. بعدين .. مو لازم اصلاً .. ابتسم لكلامها ورفضها وردة فعلها الغاضبة حس انها متوترة من طريقة مشيتها وتعقيدة حواجبها . ومسكها لعبايتها بيدها اليسار بقوة . حاول يهديها بالكلام والسوالف وهو يترك يدها . قال : شوفي .. هذي الأحواض سويناها عشان النخل .. كل نخله لها حوض . قال وهو يأشر على شجرة كبيرة : تدرين هذي شجرة ايش ..؟ هزت راسها قالت بملل : طبعاً ادري .. عنب .! ابتسم ابتسامه واسعه قال : اكيد عرفتيها من اوراقها ياحبكم يالبنات لورق العنب ... زيييين وهذي تعرفينها ..؟ هزت راسها بنفس الملل وحواجبها عاقدتها زي ماهي : لا اش هذا ..؟ : هذا ياطويلة العمر السدر اكيد قد سمعتي فيه .. اللي ورد ذكره في القرآن (وأصحاب اليمين ماأصحاب اليمين ، في سدر مخضود ، وطلح منضود ، وظل ممدود ) بس ترى سدر الجنه بدون شوك مو مثل هذا .. عاد السدر والحنا هذولا اشجار جدتي المفضلة .. فكت عقدة حواجبها قالت باهتمام عفوي : الحنا اعرفه بس السدر اول مرة اشوفه . لف لجهه ثانية من المزرعه وهي تمشي بتعثر لأن عباية الراس حقتها طويلة خاصة وهي مخليتها على كتفها قال : نزلي العباية وامشي براحتك . ترى كذا بتطيحين . رفعت عبايتها من تحت وطالعتها انعدمت بالطين قالت : لا عادي اقدر امشي . مسك يدها وضم عليها قال : هذي هي السدر .. عاد الخوخ والتين يبي لها وقت عشان تكبر وتثمر توها شتلات . شوفيها هنا . وهذيك زرعنا فيها ريحان وورد .حط يده الثانيه على كفها اللي ماسكها وكمل : لأن مافيه اجمل من الورد . سحبت يدها منه وهو يضم عليها اكثر وبلعت ريقها قالت : نرجع للبيت . تجاهل حركتها وماحب يحرجها معاه قال : اصبري خلينا اوريك البير اللي تروي المزرعه .. قرب من البير وفتح باب السور الصغير اللي سواه عليها عشان شهد وفيصل اذا راحوا للمزرعه مايقربون منها .. قال بدون تفكير : ولا ماودك تشوفين حلالك . قالت بلهجة بارده خالية من أي تعبير غير الاحباط والخيبة : هذا حلالك انت مو حلالي . لف عليها وحط وجهه بوجهها قال : حلال زوجك حلالك ياشادن .. وكل اللي املكه راح اكتب لك فيه جزء كبير . كلامه خنقها .. خنقها لدرجة ان دموعها تفجرت .. نزلت نظرها للأرض ورموشها مبلله بالدموع قالت : انا مالي فيك شي لا حلال ولا املاك . انا مجرد اسم في حياتك وراح ينتهي قريب لاتحاول تربطني بشي لك .. شبكت يدينها في بعض ورفعت له نظرها وكملت بتوتر : ولا نسيت كلامك ..؟ مسح دموعها بأطراف اصابعه قال : لا مانسيت كلامي .. ؟ بس الدموع ليش .. غمض عيونه وتنهد وهو يبعد نظره عنها في انحاء المزرعه .. وكمل : انتي زعلانه من كلامي البارح ... رفعت يدها كأنها تقول اسكت ونزلت من عينها دمعه حارة قالت : انا فاهمه كل اللي تبغاه مني .. مالي دخل فيك ولاني مسؤوله عنك والمفروض مااسأل فيك لأني بالأساس مالي علاقة فيك . طالعت فيه وعيونها غرقانه دموع وهو مسمِّر نظراته فيها قالت : ليه تحب تجرحني ياعماد . انا مااهتميت فيك لأنك .. لأنك .. غمضت عيونها بقوة وهي مكشرة وكأنها تبي تطلِّع الكلمة بالغصب كملت بتردد: لأنك زوو زووجي .. انا هنا انسانه وحتى لو كنت عدوي مو ولد عمتي وحبيب جدتي راح اهتم فيك . حطت يدينها على عيونها بقهر لأنها تبكي قدامه وتستدر عطفه وحنانه .. كان يبي يضمها بس صعب .. صعب يكسر ويجبر ويرجع يكسر .. صعب يأملها ثم يخيبها . كان يطالع فيها بدون كلام . عيونه قالت اشياء واشياء بس كيف تقدر تفهمها وهي ماعندها قدرة على ترجمة كلام العيون .. مسحت دموعها وهي تطالع بنظرته المكسورة فيها .. قالت : يالله نمشي ..؟ هز راسه بإيجاب والخيبة والاحباط ماليه وجهه وعيونه . مشت قدامه وهي تحاول تتوشح القوة وتتظاهر بها من جديد بعد ماانكسرت قدامه .. رافعه راسها فوق وكأنها تبي توجه انفها للسما وتاخذ اكبر قدر ممكن من الأوكسجين حتى يوسع شعبها الهوائية المكتنزة بالضيق والقهر والملل والمشاعر المتضادة والمتناقضة والمتضاربه . متلخبطه .. وعايشة في دوامه . خايفه من قربه ومن بعده . صابرة وتمني نفسها بقدرتها على التحمل . بنفس الوقت منهارة من الداخل وماعاد فيها تستمر . اسبوعين ياعروس .. لسه بدري . باقي سنه ويمكن اكثر .. سبقته للسيارة وهو يقفل بوابة المزرعه زين ومرعلى الحارس برا وكلمه ووصاه . تأملت ملامحه اللي تحمل معاني غامضة . تبي تعرف وش ورى هالغموض وش سر هاالحنان الممزوج بالجفا والقسوة بالطيبة .. تبي تفهمه بس وشلون وهو باني حصون وجسور منيعه بينه وبينها . ركبوا السيارة ورجعوا للبيت والصمت كان سيد ومتسيد للجو .. هو في عالمه وحياته اللي بدت خيوطها تتشابك .. وهي بمستقبلها اللي يشوحه السواد والكآبة .. اول ماوصلوا نزلت من غير ما تنتظره ودخلت البيت .. لازم تبعد عنه اكثر واكثر .. لأنها اضعف منها انها تكمل التمثيليه بقربه .. دخلت غرفتها وسكرت عليها .. رمت عبايتها وطرحتها ودخلت تتوضأ وتصلي العصر .. ودها تطرد الافكار من راسها وتنشغل عنها بأي شكل .. اما هو ..! جلس في سيارته دقايق .. نزل نظارته الشمسية وحطها في علبتها ودخلها بدرج السيارة .. وين ينزل ووين يروح ومن يقابل ان جلس مع جدته قالت شادن وان طلع فوق لقى شادن وكل زاوية وكل مكان فيه اثر من شادن .. نزل وهو يجر الخطى .. متى بس السايق يجي حتى يروح ويبعد عن هالمكان . دخل البيت وتوجه لغرفة جدته مثل عادته يبي يتطمن عليها انها بخير خاصة انها اليوم تعبت في المزرعه .. *** اكثر شي قهرها لمن سمعتها تقول زوجي بيوديني حست انها ودها تدخل وتمسكها بشعرها وتشوه لها وجهها .. تذكرت باس عماد وزعله لو سوت لحرمته شي .. واضطرت انها ترجع لغرفة المدرسات مهمومه وموجوعه ..! دخلت غرفتها وفتحت الشباك اللي ناحية بيتهم . تبي تشوفه .. لو لمحه تشفي بها ولهها عليه وتطفي بها شوقها .. فتحت عيونها على وسع .. ماكفى اللي صار اليوم واللي سمعته .. احترقت واشتعل قلبها واضلاعها ووصلت النار لجسدها وعيونها ... الا هالمنظر ماتبي شوفه ولا تبي تتخيله .. شافتها وهي تركب بجنبه وهو يرتب الأغراض بالسيارة وماانتبهت للشغاله اللي ركبت قبل شادن .. دمعت عيونها وتنفسها يزيد وضربات قلبها تقوى .. ماتتحمل هالمنظر ابد .. صكت شباكها الحديدي بقووة وراحت لمرايتها .. مشطت شعرها وهي تشهق .. حركته يمين ويسار اليوم سشورته ساعه كامله وفعلاً جاب نتيجه ... وماخسرت ابداً .. سمعت صوت امها تسأل العنود عنها واخذت لها منديل مسحت به عيونها واخذت نفس عميق حتى ماتفتح لها امها محضر تحقيق واسأله مالها اول ولا تالي عشان البكا ليش ووش سببه ولا تشك ان فيها نفسيه ثم تعيد سيرة الشيخ مسفر ..؟ دخلت امها وطالعت بشعرها اللي نوف تحاول تخفيه عنها مراعاة لمشاعرها وهي اللي تحرم القص وتندم وتتحسف اذا وحده من بناتها جابت سيرة القص .. قالت بلوم وحسافه : قصيتي شعرتس يانوف اللي تعبت عليه سنين وانا احنيه واحط عليه الزيوت اللي اشتريها بأغلى الاسعار . : يمه وش رايتس بالله مو ازين الحين .. ؟ : لاوالله يابنيتي ماتذكريني غير بالعجوز الشايبه . حركت نوف شعرها وهي تحاول تقنع امها فيه قالت : يمه ازينه ولا شعر العله مرة عماد الأسود القاتم اللي يجيب المرض . : شعر شادن خلق ربي لها ماصبغته بهالابيض والاصفر اللي انتي حايستن به عمرتس ... لا اله الا الله .. نسيتيني وش ابي اقولتس . : تذكري يمه . : ايه ايه ذكرت .. ابوتس يقول حمود واهله بيجون عندنا الليله . : وش يبون ؟ : تعرفين شوي وش يبون بس الله الله بالشغل السنع .. سوي مثل شادن يوم جيتهم مسويتن كيكة مع القهوة كنها من السوق .. : يافقع مرارتي من هالشادن وراي وراي في المدرسه قدامي وفي البيت سيرتها وحتى الشباك الشباك افتحه الاقيها تطلع لي . : لاتتعرضين لها وعامليها زين ولا ترى رجلها مهب ساكت لتس . : يوووووووه طيب خلااااااص مانيب متكلمة لها ولا متعرضه لها وابخليها على كيفها بس فكوني من سيرتها . هزت امها راسها بحسرة وقامت طلعت من عندها .. والثانية رجعت لها ذكرى الموقف اللي قبل شوي .. والصورة المؤلمة بالنسبة لها .. وسرحت بخيالها معاهم .. تتخيل ضحكهم ومزحهم وغزل عماد لها ودلعها عليه ..! " ياعالم عماد لي انا .. من حقي انا .. انا اللي حبيته وتمنيت له الخير .. وانا اللي فرحت لنجاحه وتميزه .. وبكيت اذا تأخر وغاب .. انا اللي اهتميت فيه وانا بعيده .. وتمنيت اني قريبة منه اداريه واهتم فيه واحرص على راحته .." لمت شعرها والعبره خانقتها وراحت تشوف اختها نورة وصلت من مدرستها البعيد ولا لا ..! *** قلبها ناغزها على شادن .. ومو متطمنه عليها تحس ان بنتها فيها شي صحيح ان خلود اليوم اتصلت عليها وطمنتها .. بس قلب الام ما يكذب .. ياترى وش فيها بالضبط . كانت ام نايف واقفه في المطبخ تسوي العشا وهاجسها شادن .. هالايام صايرة تفكر فيها بعمق وماتروح من بالها ابداً دخل عليها نايف وسلم على راسها قال بمرح : تطمني شروطي مو صعبة ابي لي وحده مزيونه وبنت ناس وتحبك وتدور رضاك بس .. ضحكت امه منه وهي تدعي له : ياربي اشوفك عريس قريب واقرّ عيوني في عيالك . كشر بوجهه قال : المشكلة ماابيك تصيرين عجوز ويقولون لك ياجدتي . : ههههههههههههههههه لا ماعليك انا راضية . ها كلمت عماد تدري عن فهد ..؟ : دقيت عليه بس شكله في الديرة ماعنده شبكه . : الله يستر .. بتروح لهم . ؟ : بنتظر لنهاية الاسبوع اذا محد طمني مشيت لهم . تجمع الدمع في عيون امه قالت : ياليتك تروح عشان تطمني على اختك .... قاطعها نايف وهو يلف يده على اكتافها قال : بلاش الدموع الله يخليك .. اذا تبين تروحين لها من الحين امشي ولا بكرة الصباح نمشي لها اذا كل هذا قلق على شادن . مسحت دمعتها اللي نزلت على خدها قالت : انا مو قلقانه بس قلبي ناغزني عليها . ضحك نايف قال : كيف احل هاللغز ..؟ نغزة القلب معناتها قلق .. يمه مافيها الا العافية تطمني جدتي تحبها وعماد انا اضمنه لك .. يايمه عماد رجال وسمعته عند عماني وعيال عمي ناصر وكل اللي يعرفونه يقولون مايغلط على احد ومحترم والزله ماتطلع منه . : هذا اللي مطمني .. حتى هو الله يهديه اذا جا لجده مايتصل ولولا انك تتصل عليه مافكر يطمنا عليها . : تدرين انه يجي عشان موضوع فهد اللي مربكهم غيره توه عريس ويمكن مستحي . هزت راسها وهي تحاول تقتنع بس قلبها مو راضي قالت : الله يستر عليهم ويوفقهم . اخذ نايف حبة جزرة من الثلاجه وغسلها وقعد ياكلها وهو يقول : ها يمه نمشي بكرة لبنتك . : لا وش اللي نمشي بكرة ..؟ مستحية من الناس بنتي ماكملت شهر وانا محضرة عندها . استنى اذا مر عليها شهر ونص على الاقل ان مازارتنا رحنا لها . طلع من المطبخ وهو يقول : على كيفك بس أي وقت تبينها لايردك شي ماعندي اغلى من عزيزة اوديها للمكان اللي تبغاه وفي الوقت اللي تبغاه . لهج قلبها ولسانها بدعواتها الصادقه ويارب تخليه لي وتحميه من كل سوء وتكتب له الخير بحياته . غصت بكلامها وهي تقول وتسعد شادن وتطمن قلبي عليها . *** ثلاثه ايام من الشقاء والتفكير المضني والدموع الغزيرة على حالها وحظها .. نايمه على جنبها وهي تتخيل ردة فعل الناس عن الخبر .. وتتخيل وقع الخبر على صديقاتها .. خالتها وبناتها .. عمانها اللي يحبونها ويدللونها .. على فيصل ولد عمها اللي يحبها من صغره ويعتبرها اخته حتى يوم كبرت وصارت تغطي عنه كان يرسل لها كلام مع ابوها ولا مشاري يقول تراني ارفع راسي فيها .. ضمت الخدادية على معدتها اللي تعصرها خوف ورهبة .. تبي تنهي الموضوع بسرعه وتفتك منه .. تبي تعيشه ولاتعيش انتظاره وقلقه . اليوم ماداومت .. كله عشان موضوع الطلاق وروحتها للمحكمه .. ياترى بتاخذ كم يوم ..؟ يوم ..؟ اثنين ..؟ اسبوع ..؟ شهر ..؟ ولا اكثر ؟؟ دخل عليها مشاري وهو يزبط شماغه ويصفر قال : للحين نايمه ..؟ يالله يالله قومي البسي على بال ماافطر ترى وراي مشوار للطايف . رفعت راسها له قالت : مشاري اش رايك اروح اعمل لك توكيل وخلاص . : والله اللي يريحك .. بس الموضوع اسهل مما تتخيلين . كلها مشوار للمحكمه وينتهي . حست ببطنها يألمها اكثر ونفسها ترجع كل مافي معدتها رغم انها فارغه .. قامت توضأت وصلت الاستخارة للمرة السادسه وبطمأنية وصتها عليها فاطمه دعت دعاؤها من اعماق قلبها ( اللهم اني استخيرك بعلمك وأستقدرك بقدرتك واسألك من فضلك العظيم فإنك تقدر ولا اقدر وتعلم ولا اعلم وانت علاَم الغيوب . اللهم انت كنت تعلم ان ( طلاقي من زوجي خالد ) خيرٌ لي في ديني ودنياي ومعاشي وعاقبة امري فاقدره لي ويسره لي .. وان كان هذا الامر شرٌ لي في ديني ومعاشي وعاقبة امري فاصرفهُ عني واصرفني عنه واقدر لي الخير حيث كان ثم رضني به .. ) كررت ثم رضني به اكثر من عشر مرات وهي تبكي .. قالت الدعاء في ركوعها وسجودها ومابين السجدتين وبعد التحيات .. اخيراً سلمت على يمينها ويسارها وقامت لبست عبايتها وطلعت لمشاري اللي ماوقف اتصال عليها . : شوفي كم اتصال بالله . ردت عليه بصوت باكي .. : شفت 27 مكالمه . اول ماسمعها سكت وهو مقدر حالها وشعورها بس اللي ماقدر يفهمه انها هي اللي الحت انهم ينهون الموضوع ومع هذا تبكي وتنوح .. حرك السيارة قال : سارة بسألك سؤال . ردت بسرعه ماتوقعها واجابة فاجأته ..: ادري وش بتقول .. انا ماني زعلانه عليه .. بس الناس والمجتمع ونظرتهم لي هذا اللي مخوفني . : وانتي يهمونك الناس اكثر من مصلحتك ياسارة .. والله وانا اخوك محد بداري عنك اذا اخذتي الرجال هذا وشفتي معه المر .. لاتفكرين الا بنفسك وان ربي يحبك ويحبنا لما كشفه على حقيقته قبل نتورط معاه اكثر . هزت راسها باقتناع وارتياح من كلمة اخوها اللي بثتها القوة بعد كلام فاطمه لها امس في الليل .. وصلوا المحكمة وانهوا الاجراءات بهدوء وتيسير من الله وطمنها الشيخ بأن الله لايكتب للطيب الا طيبه ولا للخبيث الا خبيثه مثله .. وانها هي بنت ناس وطيبه ولاكتبها ربي لواحد مثل هالخبيث . دعا لها بالتوفيق ولخالد بالهداية وطمنهم ان قضيتهم كسبانه بإذن الله .. رجعت وهي تحمد الله انه يسر لها امورها واقنعها ورضاها وماخيبها .. *** ثلاثه ايام مرت على عماد من بعد غداهم في المزرعه وهو يطلع العصر ومايرجع الا آخر الليل يدور على فهد مع خاله فواز ولا مع بندر .. تأكدوا انه ماسافر ولا خرج برا السعودية وبلغتهم الشرطه انه مو موجود لابالمستشفيات الحكومية الكبيرة ولا بأي سجن .. وماصار قدامهم حل الا انهم يدورونه في البر .. وهذا حاله له ثلاثه ايام يفرون البر ويدورونه ويرجعون بلاجودى او نتيجه ومجرد مايدخل بيته يحط راسه وينام ..! مع صلاة العصر .. دق الجرس وهو ينزل من الدرج .. التفت على جلسة جدته وشادن .. والقى السلام وردوه عليه .. قالت له ام ناصر وهو يتوجه للباب : اليوم تبي تروح مع فواز ؟ رد بصوت عالي : لا ماني رايح . رغم انها تبيه يروح يدور على حفيدها اللي غيابه همها وهم كل عايلتها الا انها حست بالارتياح انه بيجلس في بيته .. خاصة ان وضعهم ابداً مو عاجبها والكلام بينهم معدوم الا السلام وسؤال عابر ..! قالت ام ناصر : قوميني يابنيتي دخليني لغرفتي بصلي العصر . ساعدت جدتها على الوقوف ودخلتها وطلعت فوق .. من اول ماجات من المدرسه وهي بجلابيتها الثقيله والواسعه ومحتاجه شور يجدد لها نشاطها .. اعتادت عدم النوم في النهار .. وصارت تنام من الساعه 10 وتصحى سته . دخلت غرفتها واخذت لها شور ولبست لها جلابية عادية .. لايمكن تلبس شي حلو وعماد موجود .. ماراح تتزين له ولا تلبس له .. هذا قرارها من بداية زواجها .. الجو ممل في البيت ولولا وجود جدتها كان تفجرت من الملل والزهق لوحدها حتى فوزية ماعاد تقدر تجيهم ايام الاسبوع لأن شهد تنام بدري وصعب تتركها لوحدها .. وعماد حتى لو كان موجود وجوده مثل عدمه بالنسبه لها .. تمشت في الغرف اللي فوق ودخلت غرفتها القديمه قبل ماتتزوج عماد وتاخذ الغرفة الأكبر والأفخم .. راحت للمرايه وطالعت بشكلها .. بنت عادية ماكأنها متزوجه ... ماتختلف كثير عنها قبل ماتتزوج بس نحفت شوية وصارت تجمع شعرها وتمسكه بشباصه وماتحط ميك اب ابداً الا اذا جا عندهم احد او راحت للمدرسة .. عكس زمان لمن كانت باستمرار تهتم بشكلها وأناقتها وتعتني بشعرها تفتحه ولا ترفعه ولا تحطه على جنب .. والميك اب ماكان يفارقها الا عند النوم .. القلوس والروج تحسها جزء من حياة المرأة .. والكحل غالباً مايفارقها .. فتحت الستارة حقت غرفتها اللي تطل على البوابه وهي تحاول تبعد عن المراية حتى ماتفكر بالأسباب اللي خلتها بهذا الشكل .. طالعت بعماد اللي واقف مع الهندي ويملي عليه اوامره ويأشر على السيارة حقته .. وكأنه متعود على انه يأمر ولا يؤمر .. نزل نظارته الشمسية اللي اعتادت عيونه عليها اذا طلع في النهار دور في درج السيارة ورقه طلعها بعد ثواني . رجع نظارته على عيونه وهي تتأمله .. هيبته بشكله وجسمه وحركته وكلامه ونظراته . لفت انتباهها نور اشتغل في وحده من غرف بيت ام نوف وضح لها مع الشباك اللي يطل على بيتهم .. حمدت ربها وشكرته على النعمه لمن دققت في بيت اهل نوف .. بيت قديم من برا مافيه أي لون والاسمنت زي ماهو .. شبابيكه حديد ، وابوابه حديد ملونه بلون اخضر مبهت من الشمس .. فتحت عيونها لمن شافت البنت توقف على الشباك بكل جرأة .. لاااا معقولة ؟ نوف ! حطت يدها على فمها وهي تشهق بقوة وتفتح فمها وعيونها .. طالعت في نوف وهي تفتح شعرها وعماد معطيها ظهره ويكلم السواق .. راقبت تصرفات نوف وهي تراقب عماد وماتشيل نظراتها عنه .. حطت يدها على صدرها وزفرت بـ : ياويلي .. معقووووولة ..؟؟؟ تأملتها اكثر وقالت : الحين بس عرفت ..! اجل عماد السبب يانوف ..؟ عماد هو اللي مخليك ماتطيقني شوفي ولاصوتي .. طالعت فيها وهي متسمرة على شباكها وعماد ماانتبه لها او بالأحرى مااهتم لها ... حست بشعور مختلف مو طبيعي ... حقدت على نوف اكثر واكثر .. رددت بصوت عالي وبغضب عارم : اللئيمة تبي عماد يشوفها بشكلها الجديد ..؟ تبي تلفت انتباهه حتى وهو متزوج ... متزوج ؟ هههههههههههههههههههه صدق اني غبيه ..! اجل عماد متزوج ..! عماد جايبني ضيفه شرف في بيته توفر على نفسها مشوار جده اللي يهد الحيل وتفكه من سيرة تزوج تزوج ..! سكرت الستارة ورجعت للصالة وجلست على الكرسي الهزاز اللي قدام التلفزيون في الصاله اللي فوق .. ! تنرفزت وصدعت وتحس دمها يجري بقوة هائله من العصبية الزايده .. معقولة نوف تاخذ عماد .. ومعقولة تكون هي سر غموضه ورفضه للزواج . طيب لو كان يبيها كان خطبها ...وش يرده ..؟ لا لا لو يبيها ولا يفكر فيها ماراح وهددها بالنقل لو تعرضت لي .. حست بشي مو طبيعي بداخلها .. فكرها مشوش.. وفكرة ان عماد يتزوج زواج حقيقي بوحده غيرها تحرقها .. تشعل قلبها ومشاعرها .. وقفت بسرعه وراحت لغرفتها .. قالت : مو انا اللي نوف واشكالها تاخذ زوجي مني ومو انا اللي افرط في زوجي واخليه يحب وحده غيري .. اذا عماد اعجب ولا حب بنت ولا سمح لأي وحده تدخل حياته .. فالمفروض تكون انا ..! وراح اجيبك ياعماد وبطريقتي من غير ماتهيني ولا تمس كرامتي ..! فتحت دولاب ملابسها وفتشت في ملابسها بارتباك .. الجلابيات اكثر شي في الدولاب .. كانت تفتش بسرعه وارتباك وكأنها تبي تلحق الوقت وتسبقه . . تنانير تنانير .. بناطيل .. اطقم .. فساتين ناعمه سبورت وفساتين سهرة ... بلايز اشكال وانواع وألوان .. بديهات .. قررت انها ماتتكلف في لبسها وتوفر الملابس الحلوة لبعدين .. وتبدا حبه حبه وبالتدريج ..! طلعت لها برمودا جينز وبلوزة لونها اصفر ناعمه وقصيرة واكمامها قصيرة مرة ... صحيح انها تغامر بلبسها هذا قدام عماد وجدتها بس مافيه مفر .. لازم تغامر وتسوي المستحيل حتى تظفر بزوجها وتشغله عن نوف وغير نوف .. بسرعه لبست وفتحت شعرها الأسود اللي انسدل بنعومه على اكتافها وحطت ميك اب ناعم وختمت بقلوس لحمي .. لبست صندل ناعم لونه اصفر .. وحطت من عطرها القوي اللي سارة دايما تقول انها تدوخ عليه ..! نزلت مع الدرج بنعومه متعمده خاصة بعد ماسمعت صوت عماد وهو ينادي الشغاله تجيب له مويه .. راحت للمطبخ وحطت في الصينيه اربع كاسات ومعاها المويه وجات تمشي للصاله .. نزلت المويه على الطاوله .. ومارفعت نظرها له لأنها ماتبي تواجه ردة فعله .. مستحيه وخجلانه وخايفه ومرتبكه من داخلها .. بس تتظاهر بإن وضعها عادي جداً واللي تسويه شي طبيعي .. كان يطالع بالأرض ويفكر وين يحط السايق مع الحارس حق المزرعه ولا يحطه بالغرفه اللي برا عند البوابه .. بس كيف يخليه قريب من بيته وهو اغلب ايامه في جده .. خاصة انه من بكرة بيودي شادن وشهد للمدرسة .. وراح يصير مكانه في اغلب الأمور بالذات في تلبية طلبات البيت .. وو..... انشل تفكيره وهو يشوف الحرمه اللي واقفه قدامه وسيقانها بيضا وأنيقه وصندلها اللي تزينه الاكسسوارات والخيوط الرفيعه والناعمه مغري .. رفع راسه يحسبها الشغاله وكان ناوي يثور عليها ويوريها اللي عمرها ماشافته .. بس جمد بمكانه وانشل كله هالمرة .. هذي شادن ..؟ وش غير حالها .. لها فترة مايشوفها الا بالجلابيات وشكلها مهمل وعابسة ومكشرة وفجأة تطلع بكل هذا .. الحين هذي اللي قبل شوي جالسه مع جدتي ومكشرة ..؟ رفع راسه لوجهها وهرب بنظراته عنها .. حاول يبين انه مو مهتم ولا انتبه قال بصوت مختلف ومرتبك : مافيه قهوة ؟ ابتسمت بدلع وخجل قالت : الحين اجيبها .. لاا هذي مو صاحيه تبتسم ..؟ صبت له مويه واخذها من دون مايطالعها وشرب الكاسة كلها دفعه وحده وريحة عطرها تخترقه بجنون وتلزق بخياشيمه وتشبثت في خلايا دماغه .. نزلها على الطاوله وهو يلعن ابليس وتمنى انه راح مع فواز ولا مشى لجده بدل مايقابلها .. راحت للمطبخ وجهزت القهوة وطلعت حلا من اللي سوته البارحه .. رتبته في صحونه بالصينيه وطلعت له تمشي بهدوء ونعومه .. كل خطوة كان قلبها يرجف بقوة ويعلن زلازله وبراكينه من جرأتها اللي مااعتدتها بس هذي حرب ولابد تنتصر فيها .. وصلت عنده ونزلت القهوة على الطاولة ورفعت صينية المويه وحطتها على طاوله ثانية .. صبت له فنجال ونزلته قدامه وهو مو مسوي نفسه مركز بالتلفزيون وكل ماحس انها اعطته ظهرها ولا ماتطالع فيه التفت عليها وصد بسرعه .. مايدري ليه يطالعها .. يمكن حب استطلاع ولا اعجاب ..! شرب من فنجاله ونزله وشافها قامت راحت لغرفة جدتها .. وضم وجهه بيدينه .. هذي لوين بتوصله .. ؟ دخلت عند جدتها قالت : جدتي صاحيه .. ردت جدتها المنسدحه بجنب سجادتها ومتوسده ذراعها .. : ايه يابنيتي صاحيه ومنيب مجنونه . : ههههههههههههههههههههههههههه ادري انك صاحيه ومو مجنونه انا اقصد انتي نايمه ولا لا . : منيب نايمه .. منسدحه واسبح واستغفر . شغلت شادن النور وقربت منها .. قالت : جدتي تحسين بشي . : لاوالله مابي غير العافيه ولا احس غير بفضل ربي علي . تغيرت لهجة الجده من الامتنان والشكر للحده والاستنكار .. : اعوذ بالله من ابليس .. هذا وشو اللي انتي لابسته .؟ قربت شادن منها قالت بصوت واطي : جدتي تكفين لاتقولين لي شي . هذا لبس البنات هالايام .. وانتي ماترضين اني اقل عنهن بشي خاصه قدام زوجي . : يابنيتي وش زين الجلابيه عليتس .. : الجلابية البسها اذا زارونا جاراتنا ولا جونا عماني .. اما زوجي تعرفين ياجدتي انه قد سافر وشاف البنات ماابغاه يقول ليتني اخذت وحده تلبس وتتزين مثل اللي كنت اشوفهن وحارم نفسي منهن .. تكفين جدتي لاتقولين شي قدام عماد ولاتزعلين مني . هزت ام ناصر راسها قالت : جيلن مدري وش لونه مير الله يهديه .. منيب قايلتن لتس شي والبسي على كيفتس اذا عماد يبي هالخماليق منيب متكلمه . :هههههههههههههههههههههههههه ياعمري ياجدتي عسى الله يخليك لي ولا يحرمني منك .. يالله اعطيني يدك وقومي معاي ترى القهوة عند عماد في الصالة واذا ماتقدرين بخليه يجي عندك واجيب القهوة . حست ام ناصر باطمئنان لحال بنت ولدها اللي كانت تشوفها ساكته ومهمومه وشايلة همها .. قالت : لااله الا الله .. توكلت على الله .. لا تخلين عماد يقوم عشاني خليه يرتاح . قامت بمساعدة شادن وطلعت معاها للصاله .. قالت وهي قريبه من عماد بصوت واطي تحاول تخفيه عنه لكنه خذلها وسمعه : دوري راحته وانا جدتس .. رجلتس رجالن يشقى ويشتغل من يوم يصبح لين يمسي . لاتضغطين عليه ولاتقابلينه بوجهن عابس . : ابشري ياجدتي اللي تامريني فيه وتبينه يصير . : الله يرضى عليتس ويرحم والديتس ويرزقتس بالذريه الصالحه . التفت عماد على جدته وشادن معاها وهذا لبسها صدق شي غريب .. اجل هذي ام ناصر اللي لو شافت فوزية لابسه تنورة قامت تهاوشها .. الحين تضحك مع شادن وتسولف وهي لابسة هالملابس . صدق حريم مالهن امان وكلمة مهيب وحده .. قال : هلا والله حيا الله ام ناصر مريت عليتس وشفتس نايمه . : منيب نايمه ياوليدي وشفتك يوم جيت بس مابغيت اقطع تسبيحي .. الا اللي دق الباب منهو . : هذا السواق من بكرة بيوديكم ويجيبكم ويخدمكم في غيابي .. جدتي مثل ماقلت لتس لااشوف وحدة منكم طالعه تمشي على رجولها بين البيوت .. : وين تبي تسكنه ..؟ : والله ياجدة محتار وين احطه اسكنه مع حارس المزرعه ولا في غرفته هنا .. قالت شادن : شو حنستفيد اذا سكنته عند الحارس .. سكنه هنا ومفتاح البوابه يصير معانا حتى الشغاله ماتمسكه . طالع بشادن وارتبك قال حتى مايواجهها بأي نقاش ويضطر انه يطالعها اكثر من كذا : خلاص شورك وهداية الله يابنت خالد . صبت له فنجال قهوة قالت : ماعجبك الحلا ليه مااكلت ..؟ "هذي وش سالفتها اليوم" قاله بقلبه ورد عليها : الا زين بس انا لو آخذ عندك اسبوع بزيد عشرة كيلو . قالت ام ناصر : ليتك تسمن .. انت رجالن تشقى وتسافر .. خل مرتك تطبخ لك وتوكلك ابرك لك من هالعيشه اللي تاكلها بالمطاعم . قالت شادن : مافيه مطاعم هنا ؟ رد عليها بفتور : لا مافيه شي هنا . فهمت مغزاه من كلمته ومقصده .. يعني مافيه شي تتأملين منه خير .. اولهم انا .. ماعليه ياعماد .. نتحمل وش ورانا .. حبت تعانده وابتسمت قالت : اصب لك قهوة ولا اجيب لك الشاهي ؟ عقد حواجبه وهو يحسها بدت تلعب لعبة اكبر منها ومنه قال : لا لا خلاص بيأذن المغرب وابي اقوم اصلي . صبت شادن لجدتها فنجال وصبت لها .. واخذت فنجاله صبت له قالت بابتسامه ساحره باطنها ممزوجة بتحدي وعناد وظاهرها عفوي وتلقائي .. : ياشيخ تقهوى .. لسه بدري على الأذان . دق الجرس ولاشعورياً قال : شادن قومي ادخلي يمكن احد من خوالي لايشوفك وهذي ملابسك .. بسرعه . فزت شادن وطلعت لغرفتها فوق وراحت الشغاله تفتح .. معقوله يكون يغار .. طالعت في شكلها قالت بصوت عالي : مالت .. مافكر فيك ولادرى عنك عشان يغار .. كل الموضوع انه مستحي يقولون هذي ملابس زوجته وهذا شكلها وهم اللي يحرمون ملابسي هذي . وقفت عند المرايه وزادت مكياجها وكحلها . وكثفت القلوس اللحمي على شفايفها وبخت من عطرها اكثر .. سمعته يناديها من تحت بصوت عالي : ياشادن .. انزلي ماعندنا الا شهد . نزلت وشافت شهد اللي تعلقت فيها على طول وهي تقول : شادن انتي مرة حلوة حتى عماد حلو . قالت ام ناصر : ياشادن يابنيتي والله مااقدر ارفع نظري عليتس وانتي بهالخماليق .. ابتسم عماد من كلام جدته ورفع نظره لشادن يبي يشوف ردة فعلها وشافها وهي تكلم جدتها بنظراتها وتلومها قال وهو يعدل جلسته : انا قايل لها ياجدتي بس شكلها تحب العناد وماتسمع الكلام . ضمتها شهد قالت : عماااد شادن احلى بنت وملابسها احلى من ملابس كل البنات واحلى من ملابسك انت . رفعت شادن نظرها له قالت وهي تبتسم وتحاول تغير الموضوع : الا صحيح عماد بغيت منك خدمه اذا بتروح لجده قريب . حط عيونه في الجريده وفتح صفحه ثانيه قال : اكتبي لي كل الاغراض اللي تبينها في ورقة . لفت رجل على رجل قالت : لا لا ابغاك تمر على اهلي وتعطي نايف فلوس من عندي ابغاه يقدم على شغاله لامي . قالت ام ناصر بردة فعل سريعه : بيض الله وجهتس يابنيتي .. لاتدفعين ولاريال رجلتس يجيب لامتس شغاله وشغالتين دام ربي منعم عليه وفلوستس احفظيها . ردت شادن : لا لا محد يدفع فلوس الشغاله غيري .. يكفي انه مو مقصر معاي . طالعها عماد وقفل الجريده قال بقهر مكبوت : قومي بس جيبي لي شاهي واتركي الكلام الفاضي عنك . وقفت وهي تحس بنشوة الانتصار وراحت للمطبخ .. تلعب لعبة اكبر منها هي تدري بس هاللعبة لذيذه وهي تتلاعب باعصابه خاصة بعد سالفة نوف .. ممتعه لدرجة انها تتأرجح مابين الفرح القهر .. التناقض بداخلها واللي زاد اليوم عن جده غير لها الجو الممل والكئيب في البيت شوي .. خلاها تغامر وتعيش تجارب بدال الاكتئاب اللي هي فيه من اسبوعين التفتت على الباب وهو واقف وراها قال للشغاله : لسلي اطلعي برا . طالعت في لسلي بنظرات استجداء انها تجلس بس عماد امر وهي تنفذ .. رد الباب قال : ايييييه ياست شادن وش ناوية عليه . ؟ لمست مقبض الابريق اللي تغلي الموية فيه ورفعتها بسرعه لأنها حارَّة .. وحطت اصبعها عند فمها ونفخت على مكان لمستها للابريق .. قال وهو يقرب منها : مارديتي عليّ . امتزج اللون الاحمر بالاصفر في بشرة وجهها قالت : مو ناويه الا على كل خير . : وشو الخير اللي تقصدينه بالضبط . ؟ ابتسمت له وهي تبلع ريقها بالقوة قالت : تحقيق ياعماد ..؟ : لاوالله مو قصدي احقق بس ابي افهم انتي وش تبين بالضبط . ؟ اخذت الوقاية بيدها وقعدت تحركها وتثنيها قالت بضيق مصطنع ومزجته بدلع : الحين انا سويت لك شي ؟ .. غلطت ..؟ تماديت بشي ..؟ سويت شي يضايقك . ؟ قرب منها ومسك يدها وسحبها كلها لصدره قال وانفاسه الحارة تلفح وجهها : والحركات هذي وش اسميها ..؟ ماعندها رد ولا كلام وهو يضمها اكثر ويدينه تحوط ظهرها بقوة قالت بصعوبه : لاتسميها شي ولو سمحت بعد عني .. همس لها : ابعد ها ..؟ انا اللي ابعد ياشادن وانتي ..؟ : خلاص والله خلاص بس بعد عني . شاف صوتها تغير وخاف انها تبكي .. وهي تحاول تدفه عنها قال : انتي مو فاهمه شي لاتحاولين تغامرين بشي منتي قده . فكها من يدينه وانهارت على الكرسي وحطت يدينها على وجهها قالت : عماد اطلع من المطبخ .. تنهد بصوت عالي قال : انا بكرة بروح لجده وراح اقدم لامك على شغاله لكن اقسم بالله لو سمعتك تدقين بالكلام زي قبل شوي لتشوفين شي مايسرك ياشادن . طلع وتركها تتخبط اكثر من اول .. هذا اللي جابته لنفسها .. يالله هذي اولى الخطوات . وقفت وعدلت بلوزتها وهي تتمتم بـ : ماعليه ياشادن خليك اقوى واصبر وتحملي يابنت .. زوجك يكون لك بأي طريقة ولا يكون لنوف وامثالها . *** الساعه .. 2 ونص فجراً دق الجرس وهم نايمين كلٌ في غرفته .. قعدت ام ناصر على صوت الجرس اللي يرن في كل انحاء البيت .. وخانتها قوتها لاتقوم وتشوف من اللي يدورهم نص الليل . قامت شادن بسرعه تجري وتتخبط .. من اللي جايهم ..؟ فوزية وزوجها ..؟ ولا احد من عمانها ..؟ ولا جيران ..؟ ولا من بالضبط ..؟ لبست روبها وهي تجري مع الدرج . ووصلت الباب .. قالت وهي تتنفس بسرعه : من ..؟ من عندالباب .. وصلها صوت غريب لأول مرة تسمعه .. : هذا بيت عماد بن مشعل . : ايوه من انت ..؟ : انا من طرف فهد بن ناصر .. خليه يجيني الحين ... الموضوع ضروري . رجعت شادن وسمعت صوت جدتها ووجهت خطاها لها .. سألت ام ناصر بلهفة وخوف : من عند الباب ..؟ : واحد من طرف فهد . : ماسألتيه فهد بخير ولا لا . : لا ماقدرت اسأله بس يقول خلي عماد يجي .. بروح اصحي له عماد راحت شادن تجري ودقت الباب على عماد .. مرة مرتين وفتحت الباب ودخلت .. شافته رامي نفسه على السرير باهمال وحاط المخده على وجهه واللحاف تحت رجوله وهو نايم بعمق .. قالت : عماد .. عماد قووم .. فيه رجال يبغاك برا . عماااااد .. عمااااد . رفع المخده عن وجهه وفتح عيونه بتعب قال : وش تبين ..؟ اخذت نفس عميق وهي تشوفه يصحى ويسهل لها المهمه قالت : فيه واحد يبغاك برا يقول انه من طرف فهد ولد عمي ناصر . فز بسرعه وهو يقول : كم الساعه الحين ..؟ : 2 ونص تقريباً . اخذ قميصه ولبسه على فنيلته البيضا وبنطلونه ونزل بسرعه . خطواته تتسابق وقلبه يلهج بـ : يارب استر يارب عساه خبر خير عن فهد . جلست شادن مع جدتها تنتظر الخبر اللي يوصل اما خير واما شر جدتها تذكر الله وتدعي وهي تمشي رايحه جاية في الغرفه . وقفت وهي تشوف عماد يدخل قال : ابشركم ان فهد بخير بس انا لازم امشي له الحين . قالت ام ناصر بلهفه : هو وين اراضيه ..؟ : للحين مدري بس بروح مع الرجال اجيبه .. انا بمر على خالي ناصر واطمنه وانتم . التفت على شادن قال : لااوصيك على جدتي .. مممم الحقيني فوق . طلع فوق ولحقته .. شافته يدخل غرفته وتبعته ووقفت على الباب بعد مادخل للحمام .. خرج وهو متوضي ومبدل ملابسه .. لبس ثوبه قدامها قال : خذي هذي اللي في محفظتي الحين الفين ريال .. انا مضطر اغيب كم يوم فهد محتاجني وماادري متى ارجع . الله الله بجدتي والسواق هنا اذا بغيتي تروحين لأي مكان تراك مسموحه واذا بغيتي شي ارسليه لا تترددين . مسك يدها قال : شادن انتي هنا مكاني ماابيكم تحتاجون لاحد ولا لشي .. وعندك عبدالعزيز اذا احتجتي فلوس كلمي فوزية وهو ماراح يقصر و اذا رجعت اتفاهم معه . طالعت فيه قالت : عماد فهد فيه شي ..؟ : بعدين بتعرفون كل شي .. اخذ شماغه في يده وفتح درج الكومودينو واخذ كيس الأدوية طلع منه علبتين دواء وفتش في الكيس المليان علب فارغه .. ومده عليها قال : امسكي هذا حطيه في الزباله .. ولا اقولك خليه هنا .. رماه في سله صغيره بجنب الباب .. بوسط نظراتها مابين ادويته اللي في يده وشكله اللي يفكر بقلق ومحتار .. طلع بسرعه وهو يتفقد جوالاته ومفاتيحه ومحفظته .. وشماغه على كتفه .. قالت بصوت عالي شوي وصله وهو ينزل مع الدرج : عماد . وقف مكانه قال : هلا تبين شي ..؟ طالعت فيه قالت : توكل على الله واستعن بالله ان شاء الله مافيه شي يخوف . هز راسه وتمتم بتوكلت على الله واستعنت بالله واعتصمت بالله ولاحول ولاقوة الا بالله العلي العظيم .. . مر على جدته سلم عليها ومشى في طريقه .. التفتت للغرفه المفتوحه وراها .. تدخلها ولا ترجع .. اسرارها تغريها وخوفها من عماد يردها مابين تغامر وتتراجع .. اخيراً قررت تدخلها بعد ماسمعت صوت البوابه الخارجية قفلت وسيارة عماد تحركت . ........ للحكاية بقية اتمنى لكم متابعه شيقة وخالية من الملل .. |
احلى بااااااارت
كنت انتظر الحمد لله أول من رد بااااااااااااااااااي بروح استمتع بالبارت |
راح اقراء البارت وراجعه لك بالتعليق يا اقدار الحلوة
جد قد الكلمة وكلمتك سيف |
شادن عليها حركات
بس ايش حلوووووووووووووووووه أحسن خليها تستفزه وتاخذ حقها منه تسلمين يا أقدر بس لا تطولييييين علينا كنت تقولين في المقدمة أن القصة جاهزة أو شبة مكتملة |
:dancingmonkeyff8::dancingmonkeyff8::dancingmonkeyff8::danci ngmonkeyff8::dancingmonkeyff8::dancingmonkeyff8::dancingmonk eyff8::dancingmonkeyff8::dancingmonkeyff8:
واوووووووووووووووووووووووووووووووووووووووووووووووووووووووووو ووووووووووووووووووووووووووووووو اول مرة اقر قصة تبرد الخاطر تسلمين اقدار ع القصة |
يالله يادوب سويت نسخ ولصق باخذ الجوال واقراه وشوف ويش سار ابهم ولي عوده بأذن الله
الى اللقاء |
السلام عليكم ,والله العظيم عماد وشادن الاثنين مظلومين واحد مبتلي بالمرض والاخر مبتلى بالقهر بس عفية عليج من خلبتي شادن تتجرا مثل هذه الجراءة الا شنو الفايدة وهناك صخرة اسمها عماد وصخرة اخرى اسمها مرضه الي اعتقد القلب اعتقد ولو الي عند القلب ميجهد نفسه مثل عماد عموما ننتظر ونشوف ماذا تخبء لنا الاقدار مع اقدار حلو مو ,اقدار ترة نوف صارت غثة اي شنو ماكو غيرها حب من طرف واحد اي شنو هالزكة بالرجال اي والله عيب كرهتهااااااااااااااااا,ياعين على الجدة اي مو كلت هتلر الطيبة وانت ماقبلتي وانا لازلت مصرة على هتلر الطيبة ,ام نايف صدك قلب الام دليلها والله يعينها اذا حست شادن مو سعيدة .عمادددددددددددد اي شدعوة والله اذا مريض بالقلب يعني الحياة تتوقف بصراحة اني اشك ان عنده قلب على الي يسوي بشادن ,لقد ختمت البارت باخبار جيدة عن فهد وهذا افرحنا كثيرااااااااااا وخاصة زارا اني متاكدة هسة طير من الفرح , عزيزتي اقدار سلمت لنا كاتبة متالقة بكل جزء تكتبيه تبهرينا وسلمت لنا كاتبة محافضة على وعدها لقرائها ,وانا اعدك ان اكون من القراء الصبورين ولن استعجلك لاني اريدك ان تاخذي وقتك حتى تبدعين وتاتي لنا محملا بالابداع وشكرا لك ولقلمك المبدع
|
لا انا ما اقدر عليك يا اقدار البارت رووعه
اقول اقدار كل بارت تقول لنا في البارت اللي قدم راح تعرفون وش فيه ياناس قلبي بيحترق ابي اعرف وش فيه عماد وه بس منك يا نويف يا اللي ماتستحين ولا تخيلين يا قليله السمت يا ويلي منك واقسم با الله لو انا مكان شادن اجيك في المدرسه واعلمك من هي شادن يامال الضعافه وه ياقلبي والله انها في قلبي عليك يا نويف وعماد نوكومت مع ان عندي تعليق موصفحه عليه صفحات خلاص شادن انا لي عماد ههههههههه وشهوده يالبى قلبها ونايف وامه ياحبي له ها الولد والله انه بار في امه كلللللللللللللللللللللللللللللللللللللللللللوش ياسوير واخيراً تطلقتي من شين الحلايا خويلد ههههههههههههههههه حرام عليك اقدار والله كلامي مو مرتب والسبه البارت احسه لخبطني انت مره تخلينا هااادين ومره منفعلين ومره مخدرين انتي مو بس كاتبه مميزه انت التمييز ياخونه منك فيك كل الصفات الحلوه والمميزه فيك جاذبيه يا جذابه خلاص اسمك الجديد جذابه والله لو تكتبين بارت قصير حلو يطلع منك اخم شي تحركين فينا شي يا عاصفه يابركان ياهدوء قبل العاصفه يسلمك ربي ويخليك لنا يا احلى جذابه |
بارت حلووو عجبني كثير
بس انا احس عماد قاسي مررررره على شادن مسكينة واشكرك على البارت الرائع تحياتي لك |
انا الحين في غرفة جدتي وعندناا عشااء والناااس لزقه عيوووا يروحووون وانااا خلااااص مليت من المجاملااات وخليت العاالم برااا وجيت غرفة جدتي لانهاا المكاان الوحيد اللي هادي في البيت الحين لان كل البيت حالياا محتل... وساعه على ماظبط معي الاتصاااال ولمااا ضبط دخلت جدتي وطردتني من غرفتهاااا وهي تقوول مره روح يااحبيبتي ومره تقوول فاارقي خليني ارقد .. واناا اقوول من عيوني ياا حبيبة قلبي وان شااء الله الله يخليتس لي.. ولمااا اقتنعت بقعدتي معها بالغرفه جابت لي الطااامه وهي تقووول سكري نور الماااخوذ يعني اللاب توب.. طيب انا اذا سكرته كيـــــــف اقرأ الجزء اللي ساااعه وانااا قاعده افكر فيــــــــــــه؟؟؟؟ واااخرتهاااا عقب كل هل العذاااب ياااا اقدااار.. ترجعين تسوين لي اخرااااااج ليـش حراااااااام عليتس؟؟؟ لااااا وعند من؟؟ عند حبيب قلبي فهووودي... يعني مااا كفاااني الاكشن اللي شفته طووول اليوم من هالمحتلين ومن جدتي وجايتني تزيدين همي؟؟؟ ليــــــــش يااااا مراااقبتناااا العزيزه... يعني بترااقبين ردت فعلنا يقولون من زمان( من راااقب النااس مااات هماااا.) وانااا اقووول بتموتيني ياااقدااار وانااا في عز عز عز شبااابي....
انتي ماتفهمين اللي اقووله من اول بلاااااش شغل الاخراااج والله تعبتيني.. ياااااويلي ويلااااه عليك يااافهودي وش صاير لك... بسم الله عليك يااا قلب قلبي... بعد هااا الموشح كـــــلـــه احب اقوول... يااا اقدااار يااامبدعه ياااافناانه.. انتي من الكااتبات اللي يخلوني اقوووول كل اللي احس فيه على طووول.. وبدوون أي ترتيب بالافكاار يعني من قلبي ليدي على اللاب تووب.. اقدااار اكيد مليتي من كثر المدح لااكن وقسم بالله ان كل كلمه انا اقولها صادقه فيهااا... عندتس شي القاه قليل في القصص اللي اقراهاا.. الابدااع والسرد والوصف والاحدااث والترابط بين الاحدااث والقووه في الاسلوب كلهااا عنوان لاقداار واقداار عنوان لهااا.. اهنيتس ياقلبي على هالفن اللي انتي تكتبينه.. والله يحفظتس ويسلم يديتس عن الناار.. نجي عاااد للجمااعه .. عماااد : يااشيخ انت متى بتخلي قلبك يوجهك .. انت تبي البنت والبنت هذاهي مستميته في الحرب عشانك. ياخي عطهاا فرصهاا وعط نفسك فرصه تستمتعون بحياتكم وعطناا بعد حناا فرصه نستمتع معكم >>> صدق ملاقيف..خخخخ اليوم عمااد مدري وشلون اصفه بس صرااحه اعجبني مررره وخصوصااا لماا شاف شادن ولبسهااا يجنن وشكله كني اشوفه قداامي ..ولماا تبعهاا للمطبخ وحركاته اللي تجنن لهاا مع انه بتهديد لاكن بعد تهبببببل..وبعد اليوم لما كان بالمزرعه وهو ماسك يد شادن ويوريهاا الاشجاار وخصوصااا لما وراها شجرة العنب وقال ياحبكم يالبنات لورق العنب وقسم بالله اني انجنيت عليه واشتهيت ورق العنب..يمي يمي... لاا تلوميني يا اقداار صح عندنا عزيمه بس والله عقلي مهوب يمهااا.. عقلي هنااا عند فهد وعماد وشادن.. والاا لما وداهاا للمدرسه ولماا رجع يجيبهاا... وش اقووول اليووم ربعنااا كلهم يجننون.. بس يااعمااد تكفى انتبه على فهد وطمني عليه ولااا تسوي فيني زي اقداااار.. يعني يجيك خبر على طوووول تبلغني زيــن يااا ابو مشعل.. خخخخخ شاااادن : والله نعم والف نعم ببنت خااالد كذااا المره العاقل.. خليه يلف على روحه ومااا يدري وين يررروح تعجبيني وانتي قويه ياحلوتس يااشادن لماا قلتي : اقتباس:
ام نااصر :: يااحلوو ام نااصر ويااحلو جدتي هاللي راقده قدامي يشبهن بعض يجنن.. الله لاا يحرمنا منهن.. اليوم ام نااصر رهيبه بس لما شافت شادن بملابسها وقالت: اقتباس:
والا لماا شافت شادن تنزل من الدرج بملابسها ذيك وقالت : ياشادن يابنيتي والله مااقدر ارفع نظري عليتس وانتي بهالخماليق وقسم بالله انهاا رهيبه الله يخليهاا لعماد ولشادن ولناا ياارب... نوف : اليوم نوف عااد جابت العيد قبل العيد ...خخخخ... وش هالخبال ياانوف؟؟؟؟؟ وش اللي مسويته بعمرتس؟؟ هذاهو ماادرى عنتس انتي وجهتس... عيب يابنت عيب .. اجل وش خليتي لطالباتس؟؟؟ بس اناا اشكر نوووف على خبالها لانه لولا الله ثم هالخبال كاان ماتحركت شادن وخافت على عماادووو...من هالحريم.. والله مااالومتس يااشادن ومااراح تلقين احد يحس باحسااستس زيي.. انا والله اللي مجربه الحريم وشفاحتهن.. انتبهي ياشادن على ابوكم شوفي هالعلل وش يسون عشان يااخذن فهد مني.. بس عااد اختس صااحيه لهن ولكيدهن قليلات الحياااء..خخخخ>>> وهـ الله يخليه لي بس.. بس نووف صراحه تعدت كل الخطوط الحمراااء.. وحتى عذر انها تحب ماعاد يمشي .. كل شي عاد الا الحيااء والدين عيب ياانوف اعقلي.. واكيد ان حمود او مدري من اللي جاينهم يبون يخطبون نوف لولدهم... اقداار خلي حمود هذا مدري وش اسمه واحد حبوب ويعوض نووف عن حب عماااد تراها ضعيفه .. وتبي الحياة.. شهد : ياااحبي لهاا هالبنت الله يخليهااا لوالديهااا.. تدرين اقداار مدري ليش ومن وين جاني هالاحساس واتوقع انتس بتموتين ضحك علي لو قلته لتس... بس انا اتوقع ان شهد يمكن تكون بنت لعمااد وشلوون وكيف مدري؟؟؟ فــــهـــــد : وينك ياابعد قلبي؟؟ وش فيك وش صار لك؟؟؟ انا متاكده ان فهد فيه شي(ن) كايد .. يانهيااار يااا ... لاااا مهوب ابو ناصر اللي يسوي كذااا... بس من طلعت عمااد وشكله وردة فعله حسيت ان فهد في مصيبه .. بس وشي مدري؟؟؟ اقدااار تكفين للمره الالف اقوول فهد وعمااد لاا يصير فيهم شي... مهوب تكفين الااا غصب عنتس ياااويلتس يااا اقدااار يااا سوااااد ليليتس ان جااء أي واحد منهم شي.. ساره : واخيرااا ربي بيريحهااا من هالشاااذ وترتاح منه.. بس ليش جبتي طاري فيصل ولد عمهااا لاا يكوون تبين تزوجين ساره له.. لااا تفكرين يااا اقداار بهالشي... سااره لفهد ســــــــامعه... ولااا نرضى باي حل ثاااني.. أيـــه على فكره يااقداار تذكرين سالفة الموت والحياة انها موبيدتس.. انا اتوقع ان ام شادن تمووت ويمكن نايف.. مدري ليه حسيت كذاا؟؟؟ واخيرااا انتي عارفه وش ابقوول عن الجزء ... الجزء وراعيته وابطاااله ماااعليهم كلااام.. تحياتي لتس.. يااويلي جدتي قامت ..مع السلااامه... |
الله يعطيك العافية بارت مرررررررررررة روعة
وأكيد شادن راح تكشف سر عماد وبعد كذا أكيد ترحمه وتهتم فية أكثر من أول ولاتحاسبة على الجفاء والصدود. وأن شاء الله يكون بارت العيدية طويييييييييييييييييييييييييييييييييييييييييييييييييل. ودمتي بود أختك سمسومة. |
السلام عليكم ورحمة اللة
اختي اقدار كيف الحال انا متابعة لك من خلف الكواليس قصــــــــــة غايــــــــــة في الابداع والروعة اهنيــــــك من اعماق قلبي على كتاباتك المتميزة واسلوب السرد الرائع انا حبيت مهلا ياقدر وفرحت من قلبي يوم عرفت انك نزلتي قصة ثانية وهي لاتقل ابداع عن الاولى اتمنى ان النهاية ماتكون حزينة وتكون حلوة مثل مهلا ياقدر ومشكووووووووووورة على البارت تقبلي مروري اختـــــــك ريـمـيـة |
بارت روعه تسلمين
وش نقول احداث عماد وشادن روعه وفعلا مواقف كثيره من توصيله لها اول يوم دوام او المزرعه او لعبة شادن بعدين لفت انتباهي كثير وكم مره تكرر شادن تشوف بعيونه تحاول تفهمه تمنت لوتدري بايش يفكر يعني الاخت تبغى تعرف بايش يفكر "يعني الحب بالطريق يا حلاوه ^_^ " والا يمكن بدأ ولو مو فعليا وبعدين تاكد الخبر من يوم شافت نوف وانقهرت منها نوف الـــ مدري وش اسميها حسود حقود قليلة ادب وخاينه لهلها والله ودي اضربها<<تحمست ايوه وبعد مرض عماد امممممممممم صراحه شكيت بشي ايدز ولو ان عماد شخصيه رزينه يعني ممكن بسبب نقل دم او شي لكن يبقى بس احتمال ايوه بعد الي جو يزورون اهل نوف اكيد بيخطبونها^_^ <<طبعا مجرد توقعات شفيه فهد ايش مشكلته؟؟ اتوقع صارت مشكله بسبب الاسلحه الي معاه مدري للحين ما عندي فكره غيرها بارت روعه والله يعنيننا على انتظار البارت الي بعده V_V تسلمين يعطيك العافيه وسلمت يدينك تحياتي رين |
أختي الحبيبة والغالية أقدار لقد سطرت مشاعري على البارت الجديد في المنتدى الآخر ولكن لم أستطع إلا أن أقف هنا وفي هذا المنتدى الرائع أن أهنيك وابارك لك هذا النجاح الساحق لما سطرتيه لنا في هذا البارت الرائع [/QUOTE] |
اليوم أبدعتي أقدار ............شادن وبدت تحسبها صح ..............والصخر عماد بدا يحس فيها بس انقهرت لما خلص البارت وما بدت شادن اللقافه على عماد غاليتي ما قصرتي ونستنا أبداعك في البارت القادم |
مبدعتنا اقدار بارت مسكت سراحتا لامجاملة ......... وصراع الواقع لازال مستمر بين ابطالنا الذي كلما ارادوا نسيانه اوبإعتباره احلام مزعجه وتنتهي . يجدونه حقيقة لامفر منه حب عماد وشوقه لرؤية شادن . وطلاق ساره ونظرة المجتمع لها الجاهلون لقصة طلاقها .........وغيرة شادن ونسيان شرط زواجها من عماد . اقدار كل ماكتبة جزء وأنا معه في كل مشاعره واحداثه إلا هذا السر الي في مرض عماد ماني عرفه أطلعه اخر تخمين عندي القلب ومعه حاله نفسيه من موت أمه بهذا المرض وخاله , ودمتي بكل الود والمحبه غالية اقدار ( كل عام وأنت لطاعة الله اقرب وعساكم من عواده السالمين )
|
سلام ع الحلوين والله زعلت ع الي في المنتدى اللي يقولون عماد صخر ماعنده احساس ؟؟
بالعكس مالحظتو في البارات كمية الاحاسيس الي طلعت منه بس الي مخليه يكبت التعبير عن رغبته بشادن هو هذا السر ؟ اللي للحين ماعرفناه الله يفرجها عليه!! بس وش ايدز لا ماصدق عاد اقدار كل شي ولاايدز حرام ماله علاج يمكن ؟؟ ضعف؟؟ طيب له علا ج ؟؟؟ اجل ايش ؟؟؟ عاد نبي شي له علاج عشان يكملون حياتهم؟؟ بس شادن الصراحه ــــ كذا ـــ عجبتني لمن دافعت عن ملكها الاوهو عماد جدتها يازينها بس لوكملت معها في مجاراتها بس شنقول هذا طبعهم الله يعطيهم العافيه ساره الله يوفقك بابن الحلال بس ياترى كيف بيكون التواصل معها اهي وشادن؟؟ عشان تاخذ بندر؟؟ نوره لو من شادن اخلي عماد ينقلها المريخ بس ان شاء الله قريب بتزوج من قريبها بس ماادري سوت الكيكه هالعله !!ماادري ماحبيتها! شهد بدري على مشعل !!! بس صراحه اقدار اشكرك ع البارت كان جد حلو وطويل على قد انتظارنا وعساك ع القوه |
أقـــــــــــــــــــــــــــــــــــــــــــــــــــدااااار
صــــــــــــراحـــــــــــــــة مـــــــــاتـــــــــوقــــــــعــــــة الــــــــقــــــصـــــة كـــــــــــذا يــــــــــوم صـــــــــديـــــــــقاتي يـــــــــــمــــدحـــــنها قـــــلت اكـــــيــد يـــبــالــغـــن بــــــــــــس طــــــــلـــعـــن عـــلـــى حـــــــــق وكـــــلامــــهــــــــن قـــلــيـــل عـــــــــــــلـــــــــــيــــــهــــــــا قـــــصــــــة رائــــــــــعــــة وطــــــــــــريـــــــــــقـــــــــــة ســـــــرد قـــــــــمــــــة فــــي الابــــــــداع تــــــــــــــــســــــلـــــــــــمــــــــي اقــــــــــــــــدااااار والـــلـــه لا يــــــحـــرمــــــنى مــــــن ابـــــــــــــداعــــــــــــــك |
بقيتتتتتتتتتتتتتتتتتتتتتتتتتتتتتى خبيثه قدوووووووووووره ايه نهايه البارت ديه حررررررررررررررررام عليكى اللى بتعمليه فينا مالناش دعوه عايزين البارت الجديد:52::52:
ياترى فهد ايه اللى حصله ؟؟؟؟ وبعدين شادن هتعرف وتعرفنا اخيرا سر عماد ولا هتاخريها كمان المهم قدورررره انك مبدعه بالفطره البارت هايييييييييييييييييييل :flowers2: عماد ده عنده اراده فولالالالالالالاذيه بيبعدها عنه بس مش قادر لانه شايف انها انسانه كويسه مهتميه بيه مش لاقى اى حاجه يلومها عليها ,لسه مرضه مسيطر عليه كان نفسى اعرف ايه حكايته فى البارت ده علشان اقدر حالته شادن فى البارت ده كل تصرفاتها عجبانى حتى لما طلعت وما رديتش عليه فى نظرى خلاص كانت جابت اخرها منه عجبنى اكتر تحولها لواحده جديده على عماد والاكتر اصرارها على فك لغز عماد نوف تعاطفت معاها بس حاسه انها ما تقدرش تاذى شادن وعماد او بمعنى اوضح انا مش لاقيه ليها مدخل تدخلهم من خلاله وتحاول تدبر مكائد ليهم وكمان مش لايق عليها الشر زى ما قلنا مجرد غيوره . عماد حزننى وشادن فاجاتنى عدم وجود فهد قلقنى عليه الجده اضحكتنى وصفك للمزرعه والشجر كان اكتر من رائع المره ديه مش هااقتبس كلام لان اذا اقبست هااقتبس البارت كله :congrats::congrats::congrats: المزيد من التوفيق يامشرفتنا المبدعه ذات القلم الذى يخترق قلوبنا بلا رحمه ممكن اساللك سؤال بعيدا عن القصه كلمه جورى يعنى ورده؟؟؟؟؟؟؟؟؟صح؟؟ |
اقدار البارت جنان روعة صراحة وانتي معروف ببداعكعشان كذا مافي عجب في الامر
شادن ياقلبي والله حرام عليه عماد يحن اشوي بس وشادن قوي وان انشاء الله راح تقدر عليه وبعدين احسن شي الغيره الي اشتغالات عندها احسن عماد يستهال وبعدين ترى معروف ان كيدهن عظيم بس طبعن شادن تفكر تسحر زوجها بسحر الحلل وانا احس انها تنسب لي هذا الشي وبقوها وان انشاءالله يطيح في يدها الدفتر الاسود حق عماد عشان تقدر توصل القلبه بسرعة ولو انها راح تنهم وبعدين شكلها جد فيها القلب كل الامور تاكد بس العمار بيد الله هذا مايعني انها مايمارس حياتها ويعيشها ابسلم ناس واجد مافيها شي وتموت وناس مريضها وتعيش للمية سنه بس اكيد الحال في يد شادن خليها تعرف السر عشان تحلها وعماد شكلها فهد سوى له حجه وقضيان حاجه بس ان شاء الله مايكون في فهد شي عظيم ويرجع سالم ساره ياقلبي عليها اخير صار الفرج بس ان انشاء الله الله يعوضها بالحسن وراح يكون قريب ويمكن>>>على يد شان>>>يالعن ابو اثقها ونوف ياربي اقدار تكفين لادافعين عنها لاني اكرها لان البنت المحترم حتى لو بنت احلام مجرد مايتزوج الشخص ينمحي من بالها وحتى لو منمحها تحول بس اهيا الوضع عاجبها يارب ياخذها ولد عمها ويفكن منهاورتح عماد مستحيل يالتفت لها خل يطلع القمر الي عنده عشان يطالع غيره اهو حارم نفسها من حلال يروح الغيره ليه؟يارب وشكرن اقدر على الابداع بس تكفين ودققيقي في تكفين لاطولين علينا >>>ترى تهز الرجال تحياااااااااتي مذهلة |
الصراحة البارت رهيييييييييييب
تسلمي يا أقدار ولا تطولين علينا يالغاليه |
وااااااااااووووووو بارت روعة شكرا حبيبتي اقدار و الله كنت انتظره و جاء على الجرح مرسي يا اختي العزيزة
|
اااااااااقدددددددددددددددددددار كلمة مبدعه اقل مايقال عنك كل كلمه من كلمات القصه تنبض بالابداع كلامي ليس مجامله فلكلمات تعجز عن وصفك ووصف القصه ووصف هذا البارت انكي مميزه وقد اكتسحتي ساحة القصص بكل قوه واصرار واخلاق فعتليت العرش والقمه في قلوبنا قبل ان تعتلي القصص القمه فامست قصصك مميزه ولها طابع مختلف تدخل المتعه والسرور في القلوب ولكنها تحمل الكثير من القيم والعبر والاخلاق قصص تحمل بين طياتها الجم الكثير من المعاني والعبر التي تفيد الانسان في حياته
اما ابطالنا لهذا البارت شاااااااااااااااااااادن كفو يامره هذولا النسوان ولا بلاااااااا طلعتي بنت من ضهر رجال ادخلي الحرب انشاء الله تسوين حرب البسوس مايهم بس الله الله بتفتيح العقل ولاتياسين ترى الريايل يبيلهم صبر (بينتي يا شادن في البارت ان الانسان لازم مايستسلم ولايياس ويصبر ويحكم عقله في كل تصرفاته واذا له حق لازم يسعى له بكل جد وقوه ومن له حيله فليحتال ومراح اقول تمي على هذا المنوال لتصلي الى قلبه لانك باين انك وصلتي وتربعتي خلاص بس تمي عشان تتمي اذوبي الصخر عماد ويطلع من الحصن المنيع الي محيط به حاله ) عمااااااد ياعيني عليه هالانسان كببببير بعقله وحكمته واحسسسه يعيش بحالة صراع داااااخلي بين انه شايف ملاك جدامه قاعد يكتسح حياته وخصوصيته بكل قوه واصرار وبين رفضه لهشي لمانع مرضه الي مايعرف الا الانسه انتي اقدار ((فاقدار ان ادري ان الانسان لم يحتفظ بسر كبير مثل هذا يكون تعبان وانا عشان احبك باقولج نصيحه شاركي هسر معانا ترى المشاركه زينه وتخفف عن الواحد وحنا بنكون لج خير سند يالغاليه فهلمي لنا بسر مرضه)) نرجع لعماد اقول ياريال ترى الصبر له حدود قول لشادن عن الي فيك وخلصنا يااخي واذا ماتبي على الاقل عطها وجه زي العالم والناس بس تكفى عطها ربع الحنان الي تعطيها لعجوزنا وشهوده وحركة المطبخ تجنن بس كلام المطبخ يغث مو حلو صج انك ذكي وتفهمها عطاير بس ياليتك جاريتها في لعبه كان بصير علوم بس انت ماتبي لانك تخاف تضعف ونوف يااااااااااااااانوفوا اعقلي يابنت وربي ان حركاااااتج حركااااااات بززززززززززران اكبري يابنت تراج مربيت اجيال والضاهر ان انتج الي يبيلج اعادة تربيه ب احترمي شيبت ابوج قبل لاتحترمي حالج وحفضي ماي وجهج وبلاش تترززين على الشبابيك عيب لاتسوين فيها حركااااات روميو وجوليت كانت توقفله في الشباك ترى شفتي شو صار لهم بس الي يشفعلج عندي انج خليتي شادن تشن الحرب شكله هبالج برد عليج هههههههه وبتاخذين حمود ربي يوفقج معاه ترى ولد ناس ويباج ساااااااااااااااااااااره مممممممممممممممممممممممبروك عيد عيد عالمي يوم بطلقونج عن الحثاله خالد جد ربي يمهل ولايهمل فضحه عشان كان يعمل شي يهتز له عرش ربي عساه بهلحال ورده بس بعد الله يهديه ب اقدار ترى حد جريمته هو القتل فبليز خليهم يطبقون الحدود عليه وفاطمه يعيني عليها صج صاحبه ربي يكثر من امثالهااااااا اقدار تكفين حلي مشكلتها وخليها تجيب عيال تستاهل فبفضل الله ثم الطب الي تقدم اكيد لها حل وعلاج وفهد :ربي يحفضه من كل شر ومكروه ويرجعه لوسط اهله ساااااااااالم غانم مايشكي من شي وريح عماد ويطمن قلب اميمته وزززززززززززززززارا عليه وسلمتي لنا قدوره وهالله هالله بالعيديه تراج كريمه وحنا نستاهل وكل عام وانتي بخير وزار وذيبه شرقاويه وخطوات ورده واه يازمن وجممممممممممممممميع اعضاء المنتدى ورواد قصص من وحي الاعضاء وربي اعيده على الامه الاسلاميه بالخير والسلوان ويحمي حجيج بيت الله |
http://www.roro44.com/smilies/txtsmall/013.gif
بصراحة يا اقدار جزء يعجز لسانى عن وصفة كلمة رائع قليلة عليه شادن في الاول زعلت منها لانها استسلمت للواقعhttp://www.roro44.com/smilies/smiliestxt/008.gif بعدين لما الغيرة اشتغلت عندها واعلنت الحرب الانثوية على عماد وانشاء الله تنتصرعليه ولما عماد احبطها لما كانت بتعمله البيتزا اتقهرت منه ولو انا مكانها كنت خدت البيتزا وكلتها كلها وسبته جعان ويعض اصابع ايده ندم على البيتزا اللى طيرها http://www.roro44.com/smilies/crazy/011.gif اما عماد فهو شخصيه محيره هو حنون وشهم وكل اللى بيعمله مع شادن هو من وجهة نظره شهامه لانه بيحاول يحميها من المجهول او المصير اللى ينتظرها لو تم الزواج فعلا ولكن ماهو المجهول ؟ بس شادن هتدخل الى قلبه برقتها وادبها وجمالها ودلعهاhttp://www.roro44.com/smilies/girlsonly/004.gif والجدة شكلها شاكه في حاجة بس مش عايزة تتدخل بينهم وطبعا هيه نفسها تفرح باولاد عماد وشادن واحنا معاها طبعا وبما ان العيد على الابواب http://www.lakii.com/vb/smile/10-56.gif اولا بقولك كل سنه وانت طيبه وعساكم من عواده ثانيا انا عايزه العيديه بارت طويل http://abeermahmoud07.jeeran.com/834...beerMahmou.gif |
اقدار
تسلمين خيتووو بارت روووعه ربي يعطيج العافيه بالنسبه للتوقعات .. امممم اتوقع ان شادن تشك بالحبوب اللي ياخذها ووليد ويمكن تاخذ وحده من العلب اللي قطهم وتروح تسأل عنها وبهالطريقه بتعرف شنو المرض اللي عنده .. وليد يحب شادن .. ونوف بتاخذ ولد عمها حمود فهد اتوقع ان هالرجال لقاه طايح بالبر وساعده وعلم اهله .. متى البارت الجاي ؟؟؟ :) |
السلام
اول حبيت اشكرك على البارات الي مره مخليني في جو حماس . يالله على شادن مرررررررررررره جريئه وتعدة الخط الاحمر بس يله عساه يثمر ويحس عماد على دمه . نوفوه وادي امسكها وقطع شعرها شعره شعره صج وجهه مقسول بمرق يعني مالتفت لك وهو عازب بيلتفت لك وعنده شادن ققليلة الحيا . وساره الله يصبرها ويرزقها بالي احسن منه . فهد وين راح الله يرجعه بالسلامه لاهله. يله سلام وتقبلي مروري. |
يسلموا على البارت والله بردتي خاطري بعماد بس اشك ان فيه مرض قلب والله يستر اما شادن عليها حركات روووووووعة وياحبي لشهودة هاذي اللي شكلها تبي تجمعهم مع بعض على فهد اكيد صاير عليه حادث
|
الاحداث بدت تحلو ياييييييييييييييييييييييييييييييييييييييييي
البارت روعة يا قلبي كملي زاحنا من وراء شادن وأفكارها انا قايلة من زمان هالبنت عجييييييييييييييييييبة |
اقتباس:
حياك الله الجنان حضورك وتواجدك روايتي طالما نقلتيها ماعاد بقول شي انا بصراحه كنت ناوية انها ماتنزل الا في ليلاس والم وبعد ماتنتهي لكم حق النقل وبشرط ان تنسب لي ليتك تقولين لي بأي منتدى كتبتيها .. في الخاص . سلمتي لي وعساك موفقه |
اقتباس:
هلا بك ياخلود يسعدك ربي على الحضور الأول وحياك الله يالغاليه زين ان حركات شادن اعجبتك .. عقبال بقية احداثها ماراح اطول ان شاء الله فعلاً القصه شبه مكتمله بس ماراح انزلها مرة وحده انتظري كل اسبوع جزء ان شاء الله ممتنة لحضورك ياعسى ربي يسعدك لاخلا ولاعدم |
اقتباس:
هلا بك يانجلا زين ان الاحداث اعجبتك سلمتي على الحضور |
يعطيك العافيه يا حلووووه صراحه بارت ولا اروع !عجبتني شخصية شادن انها ما تتنازل عن عماد بسهوله واتمنى انه يطلع بفايده! مشكوره حبيبتي وننتظر البارت على احر من الجمر
|
اقتباس:
عليكم السلام ورحمة الله وبركاته حياك الله اختي اراده ههههههههههههههههههههههههههههههههه اراده ياقلبي ماعليك يمكن شادن تحول الصخرة لاحاسيس ومشاعر من يدري نوف فعلا زودتها وتجاوزت الخطوط الحمرا تابعي بقية مغامراتها تابعي يالغلا وبتعرفين شو مرض عماد بالضبط تابعي اخبار فهد ترى للحين ماقلت هو بخير ولا لا واذا على كلام عماد يمكن غرضه يطمن جدته وشادن زارا غمضي .. :YkE04454: سلمتي ياارادة عسى الله لايخليني منك ومن حضورك ومتابعتك فخر وشرف لي يالغلا .. عساني بس اكون عند حسن ظنك .. ممتنة لحضورك وشاكرة جدا |
يسلمووو و تسلمـ الايادي
و لكـ خالص شكري و تقديري ^_^ |
ياااااااااااااااااااااااااااااااااى اقدار بارت هايل
و اعتبره بداية شغل الاكشن ... ياقلبى عماد يجنن و شادن خطيرة حركتها الجريئة الخجولة.. و ام ناصر حبيبتى أموت فيها ياناس ولا الجملة دى "ليت الانسان اذا غسل جسمه غسل همه معه" حسيتها طالعة من قلب قلب عماد يارب اللى جاى يكون احلى و يحصل التقارب اللى بتمناه بين عماد و شادن |
اقتباس:
هلا والله وغلا بظماي انت ياحياك الله يالغاليه يسعدك ربي ويهنيك على كلامك اللي يشرح الصدر ياعمري انا ماقلت في الجزء الجاي لاحظي قلت الأحداث القادمه .. يعني مو شرط في اقرب جزء :YkE04454: << مكفخه مكفخه :YkE04454: اجل كل ذا حقد على نوف .. :YkE04454: فعلا نوف تجاوزت الخطوط الحمراء بس قولي الله يهديها تابعي بقية تصرفاتها .. ههههههههههههه زين ان عماد للحين عاجبك حتى بعد صده لشادن .. بعد قلبي ياظماي والله انتم اللي تدخلون السعاده لقلبي وتفرحوني بكلامكم وحضوركم الله يوفقك ويخليك ويهنيك بجد رفعتي من معنوياتي ياعساني مااخلا ولا افقدك يالغلا مودتي وشكري بلا حدود |
اقتباس:
هلا بك ياجوري الغاليه حياك الله الله يحلي ايامك العفو ياقلبي وان شاء الله المرات الجاية تشوفين عماد احسن وتورق لك تصرفاته ممتنه لحضورك |
أشكرك على الاحداث الرئعه واجمل الاحاسيس بين الابطال اشكرك على كل كلمه خطتها اناملك يامبدعه دمتي بالف خير*
|
هلا قدوره
البارت خطير .. وردت فعل شادن طبيعيه . اي مره مهما كان شعورها لرجلها .. مستحيل ان تتنازل عنه لغيرها لا اعتقد ما فعلته انه جراءه بل هو عين اعقل.. والحين نجي للراس الكبيره .. عماد .. شنو هاي .. هو لو مرضه مرض عادي وممكن يموت .. اي انه مرض غير معدي .. ليش خايف .. ومبتعد .. يعني لو يحاول يستانس في ايامه الي جايه . مو احسن له .. ومربي يزقه بعيل يعو عليه .. ويورثه هالحلال الي يتعب عليه .. بصراحه انا عندي شك في ان مرضه يكون معدي .. اي واحد من الامراض الجنسيه قد يكون ايدز او او الزهايمر .. او اي مرض اخر معدي .. ويخاف ينقله لزوجته ..ممكن انتقل له بعد نقل دم .. او كان يوم شبابه ولد شقي (( امحق شقي )) .... لانه مو عاجز .. لو كان عاجز عن الزواج.. لم يكن سيتأثر من حركات شادن .. ممكن يعصب ..وممكن يتضايق .. لكن واضح من بارتج انه تأثر .. وانها تأثر عليه .. لكنه لايستطيع .. او لايريد ان يقرب لهاحتى لايؤذيها.. القرار لديك .. وانت ستخبرينا متى .. وكيف .. وماذا ومن ماماذا هو يشكو... لكن صج تصرفاته تقهر .. |
ايـــــــــــــــــــــــــه اقداااار نسيت اكتب عن دفتر عماااد الاسووود... ياااااحللااااااات انه يطيح بيدي واعرف كل المستخبي كاااااان ياااسلاااام... امنية العيد هذي..خخخخخ
شوفي امس انااا كنت مستعجله وماااقدرت اكتب كل اللي ابيه بالرد>>> ايه هين.. هذاا وانتي ياللي ماتستحين كاتبه صفحه بروحتس اللي يشوفهااا يقول نزل جزء جديد..خخخخخ... الله يحفظني على ماقالت تيته...قريت الجزء مره ثانيه لان زي مانتي عارفه كان بيتنا محتل وماازال الاحتلااال قائم بس على خفيف..خخخخخ اتوقع او اتمنى ان شادن لمااا تتلقف وتدخل الغرفه اول ماتشوف الدفتر ان طاااح بيدهااا بتعرف الاولي والتااالي.. ياااويلي عليك ياااعماادووو تكتب مذكراات يااا الرومانسي..بس اكيد هالمذكرات يااحرام اكيد بدااها من لمااا بدت معاناته مع المرض.. اللي انا وانتي عاارفينه..خخخخ>>> اقدار اعديتيني وصرت زيتس اسوي اخراااج..خخخ... بس تدرين وش خوفي الاكبر؟؟؟ انها تسوي نفسهااا اخلاااق وماتفتش الغرفه.. ذيك الساااعه يااا اقدااار بتكوون شااادن اضحيتناااا... لاكون ذابحتهااا وموزعه لحمهااا على كل الاعضااء اللي يقرون القصه..خخخخ.... والله شكل هذا اللي بيصير ..صح اقداار؟؟ قصدي تسوي فيهااا اخلاق و ادب ومابي افتش في خصوصيات الرجاال... ياااويلي ياقدار لو سوتها بالحاله هذي بتكونين قضيتي على اخر واقرب موعد لكشف الحقيقه... بس هي اعجبتني مره لما قالت بتجيب لامها شغاله واعجبني عماد اكثر لانه هو اللي بيجيبهااا... مشااري : رهيـــــب هالاخووو ورااائع ويجنن.. الله يوفقه يارب.. بس ياااخوفي من هالعله الخايس انه يسوي له شي.. هو من اول وهو متحلف في مشاري.. شلون الحين وهو السبب باللي صار له.. بس الحين انا اللي فهمته انهم قبضوا على خالد بالجرم المشهوود واثبتو عليه القضيه.. طيب وش حكم الشرع فيه؟؟؟ اتمنى انه الرجم او القصاص او الرمي من اعلى جبل.. هذي الاحكام الخاصه باللي يسوون زيه.. اعجبني مررره المشهد اللي فيه عمااد يوصل شهد للمدرسه وهي تقول شادن ابوها ميت وماعندهااا ام ولاا اخووو... ولماا انزلت قال وماعندهااا زوج بعد .. حسيت انه مثل الغرقان اللي مايعرف يسبح ولاا عنده احد ينقذه ويحس نفسه خلااااص بيمووت>>> يااعيني على الحكم اقداار اسمح لتس تستخدمين عبارتي هذي في قصتس..خخخخ.. وش بعد؟؟ وش بعد؟؟؟ ايه اعجبني مرره موقف شادن اول ماداومت ورفضت انهاا تتكلم بنوف وقالت كفارة المجلس.. تهبل.. الله يوفقتس ياااشادن ويقويتس على عماادووو... ساره : حلو انها لقت لهاا من يسمع كلامها وتفضفض له من بعد شاادن وفاطمة نعم الصديقه والاخت.. الله يوفقهاا ويرزقهااا العيال وطيب الفاال... صرااحه كل البارت يجنن احس ان ودي اتكلم فيه سطر سطر.. ومع ذلك مقدر اوفيه حقه.. صراحه ياا اقدااار مافيتس حيله.. واخيراا اقول فهودي لااا تقربين منه باي شرررر... اقداار والله ازعل عليتس... خليني اشوفه الجزء الجاي وهو بخير.. ويسأل عني.. ماالي شغل خليه يسأل عني يعني يسأل عني.. شلوون؟؟ هذا عاد شغلتس...خخخخ وكـــــــــــــ عام وانتي بخير ـــــــل فهودي كل عام وانت بالف صحه وسلاامه.. وعيدك مبارك .. ومن العايدين والفايزين والطيبين والبطوله لنااا.. >>> حشى قاعده في ملعب..خخخخ |
اقتباس:
ريما ياملكة الملامح .. الله يشرح صدرك ويسعدك بحياتك مثل ماشرحتي صدري والله لمن قريت ردك اني جالسه اضحك بهستيريا عليك اسلوب مو طبيعي بجد عسى ربي يخلي لكم جدتك ويطول بعمرها وهي مستصحه ومتعافيه قولي آآمين .. وطلبتك سلمي على راسها عني .. .. جد جد ماادري وشلون ارد عليك .. كلامك هبل فيني خلاني اندم اني ماعلمتكم عن فهد .. عاد فهد مايبي احد يعرف عن وضعه شي .. وش اسوي ياريما هو يبي كذا .. :YkE04454: يابعد قلبي انتي ياريما احرجتيني واسعدتيني وفرحتيني والأهم ان الجزء هذا ماخسرت فيه وهذي ردت فعلك .. يشهد الله انك من ضمن اللي اترقب ردة فعلهم بحماس وشوق ويدي على قلبي اخاف اني اخذلهم .. عماد ههههههههههههههههههههههههه زين انه للحين عاجبك يارب عساه دوم .. اهم شي البطل لابد الكل يرضى عليه ان شاء الله بقية مواقفه تعجبك ولو اني اشك :YkE04454: طيب هو قال انه مافيه شي .. يعني طمنك خلاص : :YkE04454: شادن ههههههههههههههههههه يازين كلامك ياريما ويازين نصايحك ويازينك كلك على بعضك عسى ربي يهنيك تابعي وش تسوي بالغرفه وتابعي بقية خططها .. ماقلت لك ان جدتك الله يخليها لكم تذكرني بام ناصر ياحبي للعجايز بركة بيوتنا :) عاد ام ناصر حلاة روايتي بصراحه احبها واحب اسلوبها وآصالتها وكل شي فيها .. الله يستر عليها بس :smile: نوف فعلاً تجاوزت الخطوط الحمرا تابعي بقية مغامراتها وانتظري وش بيصير عليها شهد تدرين يوم شفت توقعك وش صار لي :eek: زي هذا بغت تطلع عيوني من مكانها انتي مو صاحية واعتقد لو تكتبين روايه خيالك الواسع مدري فين بيودينا .. عن جد ريما انا اتوقع لك مستقبل باهر في مجال الرواية لاتساع خيالك وقدرتك على الوصف والتعبير باسلوب فظيييع ماشاء الله تبارك الله عسى الله يحميك الاغلبية مطمن ان فهد بخير الا انتي وش سالفتك انتي :EWx04511: يعني الا تخربين علينا اركدي يابنت الحلال وبعدين توقعاتك خليها بيني وبينك :YkE04454: لاطبعا ياقلبي امزح واكتبي كل مابدا لك وخطر لك على بال .. وانتي فعلاً ذكية وخطيرة ومو صاااحيه بتوقعاتك :) مو صاحيه تراها مدح مو ذم ..:smile: سارة راح تفتك من خالد لكن تابعي وش اللي راح تواجهه اتمنى تروق لكم احداثها اما هل بتكون لفهد ولا لا تابعي البقية ايضاً نايف وامه توقعك جداً جداً يروع مو بس خطير :EWx04511: <<< مانوت على احد .. :tongue: عموماً انا اجيب سيرة الموت والحياة لأن فيه يمكن الجزء القادم او اللي بعده فيه موت بس لمن انتم عاد فكروا وتوقعوا .. :smile: والله ياريما اني جلست كم ساعه افكر وشلون ارد عليك بجد تحرجيني بكلامك وتعليقك واسلوبك وتعمقك في الاحداث لكن مااقول الا الله يقدرني وارضيك عني وعن احداث الرواية .. ويارب يارب يسعدك ويهنيك ويخلي لك جدتك اللي هي صديقتي وحبيبة قلبي مودتي بلاحدود |
اقتباس:
هلا بك اختي سمسومه حياك الله الله يعافي قلبك ويسعد روحك يالغلا توقعاتك معقولة جدا تابعي وان شاء الله تشوفين اللي يسرك .. سلمتي يالغاليه على الحضور الحلو لاخلا ولا عدم |
اقتباس:
عليكم السلام ورحمة الله وبركاته حياك الله اختي ريميه سلمتي على كلامك الطيب مثل صاحبته الحمد لله انها اعجبتك وماخيبت امالك وانتظارك ان شاء الله بقية الاحداث تعجبك واشوفك هنا وانتي راضية وبإذن الله تعجبكم النهاية وتروق لكم فقط تابعوني وشجعوني عساني مااخلا ولا اعدم هالحضور . |
اقتباس:
حياك الله اختي رين هلا بك والله سلمتي على الكلام الحلو عماد وشادن تابعي بقية احداثهم وشادن يمكن لمن تبغى تقرا اللي في عيونه حب استطلاع لأنها تحس فيها كلام نوف فعلاً اللي تتصرف مثلها تعتبر خاينة لربها ثم لاهلها مرض عماد بتعرفون وش هو بالضبط قريباً ان شاء الله فهد ممممممممممممم كمان بتعرفين وش فيه قريب فقط تابعي وكلي امتنان ياعساني مااخلا من هالحضور وعساك سالمه لاختك مودتي |
اقتباس:
هلا بك ياعطر المكان وفوح عبيره المكان هنا بك ازدان ياعذبتي العزيزة اهلاً بك ومرحبا ملااااين حياك الباري وبياك انا بكم ارتقي ونجاحي هو انتم عساني ماافقد هذا التواجد والحضور الرائع الذي احبه كثيراً ممتنة لكِ كثيرا وعاجزةٌ عن شكرك لاحرمني الله منك ومن وجودك معي يارقيقة |
اقتباس:
هلا بك reem99sh حياك الله وبياك سلمتي ياقلبي على كلامك هههههههههههههههههههههههه ماعليك اللقافه جاية بالطريق بس من مين ...؟ ترقبي انتي :YkE04454: الله يسعدك يالغلا على الحضور عساني مااخلا |
اقتباس:
ياهلا براقية الحضور الغاليه جداً على قلبي ام المهند سلمتي ياعمري على الكلام اللي يشجع ويبث الثقه في النفس .. كلامك مابعده كلام وتعليقك المختصر يكفي ويفي مرض عماد راح ينكشف لكم قريب الله يكفينا وياك شر الامراض ويعافي مرضى المسلمين اجمعين .. كل عام وانتي ترفلين بالصحة والعافية وطيب الخاطر وسعادة القلب وجعلك الرحمن قريبة منه تقية مؤمنة صالحة .. وعيدك مبارك ان شاء الله |
اقتباس:
عليكم السلام ورحمة الله وبركاته حياك الله اختي ام ساري فعلا انا معك عماد مو صخر ولا هو جامد وكل مرة يتأثر من اول ماشافها تقريباً مو ايدز ياعالم قلتها اربعين الف مرة بس شكلكم ماتنتبهون للردود تطمني ياقلبي مو ايدز ولا سرطان ولا من اللي ذكرتيهم شادن تحركت فيها الغيرة وتصرفت البنت الجده هذي اللي انجبلت عليه وعاشت صعب تغيرينها بين يوم وليلة سارة تابعوا بقية احداثها اتمنى انها تروق لكم بس بندر وش جابها له اول وحده تتوقع ان سارة تاخذ بندر رهيبة انتي ياام ساري :YkE04454: نورة .. قصدك نوف طبعا شهد بدري على مشعل ...؟؟؟؟؟؟ ههههههههههههههههههههههههههههههههههههههههه هههههههههههههههههههههههههههههههههه ياربي يسعدك بس ياام ساري مشعل منين جبتيه وهو ماجا للحين :YkE04454::YkE04454::YkE04454: تسلمين يالغلا عساني مااخلا من هالحضور والحمد لله انه نال رضاك الجزء وعقبال الباقي يعجبك يارب مودتي |
السلام عليكم..اخبارج اختي ان شاءالله بخير..البارت حده خطير الحمدالله وعماد مادري متى بلين راسه وليه خايف من قرب شادن او تقربها له الله يلين راسه بس وفهد الحمدالله ان شالله مايكون فيه شي ونتطمن اكثر عليه في البارت الجاي وبس ..فمان الله وكل عام وانتي بخير وعيد مبارك ان شالله
|
هلا والله اقدار اخبارك
بارت حلو ومشوق كثير وفي مواقف اعجبتني فيها تحدي بين شادن وعماد اثبت لي ان شادن لها تاثير على عماد وانه يحبها بس هالمرض الي ما نعرفه هو الي مبعدهم واتوقع انه ضعف بس اكيد راح تعرف لما تفتش في غرفته وراح تعذره وتحبه وتتمسك فيه اكثر واعجبنتني غيرتها واهتمامها في شكلها ولبسها الي فتن عماد بحق حتى صار يغار عليها ياليت تستمر في هالشي وتكون ستايل تبهر فيه عماد وتخلية يوطي راسه عن هالغرور والجفاء الي يعامل فيها شادن<<بس ترى شخصيته حلوة وفيها رزانه ما فيها طيش تعجبني وشادن لها شخصية حادة وهادئه في الوقت نفسة تقدر تتعايش مع عماد والي اعجبني كثير في البارت هو اصرار شادن على كسب عماد بين من هذا حبها لعماد وتصرف عماد في المزرعه بين تعلقه في شادن من تصرفاته العفويه معها وكلامه الحلو انه هذا حلالها يعني هو كله لها دليل وبرهان على المحبة عارفه اني طولت بالتعليق بس القصة والاحداث كل مالها تحلو وتشوق يا ليت ما تتاخرين علينا ترى اسبوع كثير عشان غلاتي يكون في الاسبوع بارتين عشاني يا اقدار الحين اجازة<<<شو عندها الاخت الواثقة ننتظرك على احر من الجمر |
السلام عليكم
حبيبتي اقدار امتى تنزلين لنا التكملة ياريت اتنزليها عشان اجازة العيد و الله قصتك روعة و لو القى اكملها توا وبارك الله فيك على مجهودك لانك مميزة و قصتك مميزة زيك |
http://www.3tt3.net/smile/smile_files/d7fd97ed22.gif على هالباااااارت الرووووووووووووووووووووووووعه عمــاد واضح انه حصونه المنيعه الي حاطها حوالين قلبه بدت تنهار بدون ارادته وهالشي الي مخليه عايش بحاله من الخوف من الحب وخاصه مع قرب شادن منه هالشي يخليه يصر انه يعاملها بجفا وقسوه عشان ما تنكشف مشاعره وعشان ما يعطي فرصه لمشاعره انها تعلن خضوعها لشادن وبالرغم من انه عماديعامل الكل بحب وأهتمام ابتداء من شهد والإنتهاء بجدته الا انه هالشي يوقف لما يتعامل مع شادن رغم احساسه بالشوق والوله لما يشوفها المسافه بينـي وبينك طويلـه .. والعشــم فينـي كبيـر .. بس مابيدينــي حيله !؟ لاني اللي نســاك ،، ولاني قــادر أجي لك الصبـر فيني قضــا والشـــوق أكبــر وسيله .. والعشــم فيني كبيـــر وآآآآآهـ .. مابيدينــي حيلــه .. شادن ما زالت صامده رغم جرح عماد المستمر لها لكن رغم هالشي كالعاده شادن تستمد من ضعفها قوتها الي تواجه فيها المواقف العصيبه والحين ما عندها أصعب من مواجهة عماد وجفاه وخاصة بعد الموقف الأخير وصدمتها بكلامه الا انه مطلوب منها بنفس الوقت انها تمثل دور الزوجه السعيده رغم الألم الي تحسه ونوف وغيرتها والي مطلوب انها تتجاهلها وتمثل انها ما تهمها يمكن غياب عماد يكون الفرصه الي تخلي شادن تعرف نوعية المرض الي يعاني منه عماد والي واضح انه مو القولون كافي صدمات بحياتي جاي تصدمني بعد والله هالدنيا غريبه وش بقى فيها بعد مابقى غير الجراح وقلبي اللي ماستراح عادي متعود حبيبي حظي ياما طاح غلطتي الطيبه ذبحتني شوفها ودتني وين اتضايق حيل منك وأضحك وقلبي حزين... ساره يا قلبي عليها ما تنلام على الي تحس فيه من خوف وتوتر من نظرة المجتمع لها واحساسها بالوحده من بعد شادن الي كانت دايما تساندها وتوقف معاها الحمدالله انه خالد طاح في شر اعماله وسهل طلاق ساره منه الي أتمنى انها تدفن اي ذكرى لخالد وتعتبره مرحله مرت وعدت من حياتها نسيتك قالها قلب يعاني لحظه السكرات .!. وعلى نعش الهوى كلمه نسيتك من شراييني .!. خلاص مرحومي شيعته صدمني واندفن بسكات .!. فهد صحيح عماد طمن اهله عليه بس أتمنى بالفعل يكون بخير خاصة من بعد حالة الحزن والفقدان والوحده الي عايشها من بعد سعوووود الجده رغم انه شادن وعماد يمثلون دور الزوجين بجداره يدامها الا انه احساسها ما يخيب انه في شي بينهم وتعتقد انها مثل ما زوجتهم بتخليهم يقربون من بعض لكن يمكن هالمره ما تصيب لأنه المسافه بينهم بعيده تدرين خايفه يصير باليده شي وبالتالي ينتهي هالزواج من قبل لا يبتدي ننتظر البااااااارت الياااي بكل شوووووووق |
اقــــــــــــــــــــدار
اقتباس:
اقتباس:
اقتباس:
اقتباس:
اقتباس:
اقتباس:
في اللحظه هذي ذكرت بحر الغموض الله يعافي اخووهاا.. كانت حاطه لتس موقف عجـيــــــــــــــب.. بس راااح ادراااج الريااح... قسم بالله كان موقف يموت ضحك بالنسبه لي على الاقل... على ان كان فيه معجبين فيه كثير...ههههههه.. اقتباس:
اقتباس:
تحياتي لك يااا ابدااع وفن وهندسه..خخخ كــــــــــ عام وانتي بخير ــــــــــــــل |
كل عام وانتي بخير يا الغاليه اقدار
وبارت راائع جدااا وننتظرك |
زين الحمد لله اني جيت اخر صفحة وشفتها مكتملة ولالا
انقرصت في قلوب تخاف الحب مابي انقرص في هاذي مع ان عنوان القصة يشد مابالش في داخلها اقدار عزيزتي كمليها ودي اقراها يعطيش العافية |
اقتباس:
حياك الله ياهناء يسعدك ربي انتي وصديقاتك كلامك بجد احرجني وفرحني ياعساني مااخلا ويارب ترضين عني وعن بقية الأحداث الف شكر يالغاليه على حضورك |
السلام عليكم
الى قراء قصتنا الرائـــــــعـــــــة كـــــــــــــــــل عـــــــــــــــام وانـتــــــــــــــم بـخـــــــــــــــــــــير |
اقتباس:
هههههههههههههههههههههههههههههه ياهلا ياهلا ياهلا بالمعصبة والزعلانه waxengir انا خبيثة الله يسامحك :YkE04454: فهد تابعي في الجزء القادم بتكتشفون وش فيه ووينه ..! شوفي تكتشف شادن ولا ماتكتشف وتعرف البارت الجاي او اللي بعده .. هذي بتكتشفونها انتم اذا شفتوا الأحداث القادمه طيب انا تقريباً قلت اغلب اعراض مرضه في الأحداث لو انتبهتي بس شكلك مااخذتي بالك منها شادن قوية وتعجبك .. تابعي احداثها وانا كلي امتنان نوف المحرك الوحيد لاثارة الشر بداخلها هي الغيرة فعلاً ولا هي اساساً من بيئة طيبة والخير مزروع فيها بس الغيرة تعمي حبيبة قلبي والله كلامك بجد يعنيني كثير وافتخر ان قارئة رائعه مثلك تتابع روايتي ربي يسعدك ويهنيك وان شاء الله تروق لك بقية الأحداث سلمتي وعافاك الرحمن من الشرور اجابة لسؤالك ياعسل الجوري نوع من الورود وهو الورد الأحمر بتاع الناس اللي بتحب :YkE04454: اتمنى اني وصلتك للإجابة واي سؤال تبغين اجابته ومعرفته تعالي بس واسألي وانا وكل المتواجدين نفيدك بإذن الله لأن المنتدى مافتح الا للفاءدة اولاً ثم المتعه ... مودتي بلاحدود |
عيوني قدرو المشرفة الكيوت جدا علشان العيد نزلي بس جزين
شوفي الطمع شوفي بصراحة قدور ما توقعت الاحداث يهذا الشكل و عماد بدى يضعف و اتوقع في الاخير راح يصارح شادن بحبه و مرضه الي اتمنى ما يكون خطييييييييييييير و يسلمووووووووووووووووووا يالغلا |
اقتباس:
هلا بك يامذهلة حياك الله يالغاليه سلمتي على كلامك الحلو .. عماد معذور يالغاليه تابعي وبتعذرينه عاد غيرة شادن اشتغلت وشفتي وش سوت :YkE04454: الدفتر الاسود .. تابعي ايضا وش بيصير عليه وفعلا الاعمار بيد الله بس مصيرك بتعرفين ليه عماد مايبي يعيش حياته طبيعي زي باقي الازواج نوف .. بعد تصرفها هذا ماادافع عنها هي مسكينه لأنها تحب من طرف واحد بس البنت اذا خانت ربها واهلها طاحت من عيون الناس اولهم انا :YkE04454: الله يستر علينا وعلى بنات المسلمين ويهدي نوف وامثالها فهد وسارة تابي احداثهم وانا كلي امتنان سلمتي يامذهله عسى ربي يسعد قلبك ويهنيك ممتنة لحضورك |
اقتباس:
هلا بك اماراتيه حياك الله الله يسلم قلبك ويسعدك .. الرهيب حضورك وتواصلك يالغلا لاخلا ولا عدم ان شاء الله |
السلام عليكم ورحمة الله وبركاته
الله يسعدك اقدااار احلى يا كشخة ياقدورة مشرفة الله يوفقك والله انك تستاهلين الخير الله يكتب لك التوفيق والسعادة مررة فرحانة اني ارد بعد اول رد على القصة هنا وباتابعك بعون الله هنا وهناك ان شاءالله اختك اصالة-نادرة |
اقتباس:
حياك الله ..sanouu يسعدك ربي يالغاليه العفو ياقلبي والحمد لله انه ماخيب املك وانتظارك عقبال ماتعجبك بقية احداثنا سلمتي ولاهنتي على هالحضور |
اقدار حبيبتي :flowers2: لا تطوليين علينا
قبل نروح للعيد نبغى جزئيين واحد علشان العيد والثاني........................... علشان العيد بعد... :rdd12zp1: :29ps: |
كل عام وانتم بخير
|
السلام عليكم و رحمة الله، :55::55::55::55::55:عيد مبارك سعيد و كل عام و الأمة المسلمة كلها بألف خير، أختي أقدار أنا قرأت منذ مدة قصتك الأولى مهلا يا القدر،، و لا أظن أنك تنتظرين مني أن أخبرك كم هي جميلة و منسقة، لأنها لو لم تنل إعجابي لما و جدتني الآن أتابع قصة أخرى من صنع أناملك المبدعة، أنا لم أتم قراءة كل الأجزاء لكن ما قرأته يكفي لأقول لك،، ســلــمــت يـداك |
بصرلحة روووووووووووووووووعة قدووووووورة
تحول شادن المية وثمانين درجة جاب خبر عماد جعلك على قوة شدون والله الله بالحركات واللبس السنع ترى حصون الرجال تدك بها سلمت قدووورة بارت ولا أروع |
ها قد عدت مرة أخرى لأعلق على قصتك أقداااار هل تعلمين أن اسمك كان سيكون العنوان المناسب للقصة أقداااار تصويرك لحياة كل فرد من أفراد القصة، وصف دقيق يجعل القارء يحس بالشخصية كأنه يتقمصها و يمثلها، لن أدقق مثلك عزيزتي في وصف كل الشخصيات لكني سأركز على الشخصيات الرئيسية نوعا ما الجدة،، لولا و جودها لما كانت هناك فصة أساسا،،الله يطول عمرها لكي لا تنتهي القصة بسرعة، شادن،، قدرها جعلها تعاني في حياتها و مهنتها و قدرها جعلها تجد أهلها،، وهو نفس القدر الذي جعلها تدخل معاناة جديدة،،معاناة زواجها بشخص غامض،،وبدل أن ترفضه كما رفضها،،تجد نفسها تقع في حبه،، عماد،، قدره ان يكون مريضا،، قدره ان قلبه طيب ولا يقدر على غضب جدته،، و هو نفس القدر الذي احضر له شادن لكي تداوي جروحه و تمسح عن وجهه ملامح الحزن،،لأن الحب أحيانا يكون أقوى من الطب،،لا اعرف ما طبيعة مرضه، و حتى لو كان سيموت فقدره ان يعيش بجانب امرأة تسعده و تحبه،آمل ان لا يستمر في رفضها نوف،، قدرها ان تحب شخصا مشاعره من الاساس معدمة،، حتى قبل ان يتزوج شادن،، لكن المسلم يرضى بقدره،، لقد تعاطفت معها و حزنت لها،، لكن تصرفاتها غير الرزينة و حقدها يجعلان منها شخصية غير مرغوب فيها،، اقدار لا تجعلي منها شريرة القصة،،كم اتمنى ان تصنعي لها خصيصا شخصا يحبها،،لأنها تحب و من يعرف قلبه ان يحب لايمكن ان يكون شريرا،، اقدار سأكتفي بهذا القدر مع العلم ان كل الشخصيات في محلها و قصتك متقنة لدرجة كبيرة تقبلي مروري ومتابعتي .. |
ووووووووووووواااااااااااااو الحان الشوق اولا اسمك راااااائع ثانيا تعليقك على الوايه اقل مايقال عنه انه ررررررررررررررررررررروعهتحليل بمنهى الروعه
فاهلان بك في منتدنا الغالي وهللتي مرحبا على الملامح الي اصبحت لي ليس فقط قصه اقراها وانما جزء مني وسلمتي |
اقتباس:
سلمتي ياقلبي على حضورك وكلامك وتعليقك الرائع ياعسى عيدك مبارك وكل عام وقلبك يغمره الفرح وانتي بسعاده وخير |
اقتباس:
ام عمرو ياهلا ياهلا ياهلا تصدقين انك وحشتيني مرة مرة مرة حسيتني فقدتك اما انك ماعلقتي على الجزء اللي قبل ولا اني اشتقت لك لأني طولت هالمرة عموماً حياك الله عزيزتي واسعد الرحمن قلبك على هذا الحضور ههههههههههههههههههههههههههههههههههههههههههه ضحكتيني والله بكلامك اتخيل شكلها وهي تاكل البيتزا وسايبته .. خخخخخخخخ عماد تابعي بقية حكايته الجده راح يكون لها دور ومهم كمان في حياتهم تابعيه واتمنى انها ماتخذلكم وكل عام وانتي بسعادة وخير من ربي يالغاليه ومن العايدين الفايزين السالمين حضور جميل لقارئة اجمل اسعد الله قلبك والبسك ثياب الصحة والعافيه ممتنة جدا ياام عمرو |
اقتباس:
هلا بك اختي حلوة الحلوين حياك الله سلم الله قلبك وعافاك يالغلا توقعاتك معقولة بس وش جاب وليد لشادن الله يسامح اللي بكل مكان مالها سيرة الا وليدها :YkE04454: ادري ان قصدك عماد يحب شادن ممكن ياقلبي كل شي جايز فقط تابعي وكلي امتنان وشكر سلمتي وعساك لاختك سالمة |
اقتباس:
عليكم السلام ورحمة الله هلا والله وغلا فيك ياميامي الله يسعدك ياقلبي انتم اللي مشكورين على هالتشجيع والحماس والحضور ياعساني مااخلا شادن اطمنك ماتعدت الخط الاحمر مجرد حركات عادية :YkE04454: نوف فعلاً تجاوزت المحظور لكن الله يهديها وامثالها تابعي وش بيصير على فهد وكلي امتنان سلمتي على الحضور وشكراً من الاعماق ياميامي |
اقتباس:
هلا بك نفرتيتي .. حياك الله يالغلا الله يسلم قلبك توقعك معقول لكن تابعي واكتشفي يالغلا سلمتي لي على الحضور الله لايخليني منك ممتنة وشاكرة |
اقتباس:
ياهلا بك يالفنودية حياك الله يالغلا يسلمك ربي على كلامك وحضورك وياجعلني مااخلا عساك سالمة لاختك |
اقتباس:
fofof2008 هلا بك يالغلا حياك الله الله يعافيك ويسعد قلبك الروعه طلتك وحضورك ومتابعتك يالغاليه ياعساني ماخلا تابعي بقية احداثنا لعلها تروق لك شكراً بلا حدود |
اقتباس:
هلا بك رنين واو على اسمك مرة معبر ويجنن الله يسلم قلبك ويسعد ايامك لا خلا ولا عدم |
اقتباس:
هلا وغلا .. حياك الله يسعدك ربي على الحضور وتابعي بقية الأحداث عساها تعجبك . ممتنة جداً لحضورك لا خلا ولا عدم يارب |
اقتباس:
ياحياك الله اخوي سعود هلا بك والله الرائع هو حضورك يالطيب ياعساني ماافقده الله يسلم قلبك وعمرك ان شاء الله تشوف اللي يسرك بالقادم وترضى عنه .. ممتنة لحضورك |
اقتباس:
هلا وغلا باختي الغاليه ست الحريم حياك الله وبياك ها بشري عسى صحتك احسن .. ياجعلك ماتشوفين الشر .. سلمتي على الحضور الله لايخليني منك مودتي |
صدفه ومن بين الناس علقني من يوم شفته وعيني جات في عينه
حسيت شي في عيونه حيل يجذبني لما ابتسم بانت بوجهي تلاوينه الله وأكبر علييييييييييييييييييك ياشادن والله انك شقرديه ايش سويتي بالرجال عفستي دنيته والله انك خطيرررررررررررررررررره مية ميه عمااااد لااااااااا اشهد انك رحت فيها والله وجابت راسك البنت هذا وهي لابسه شي ساتر شوي الله يعينك لالبست فستان ههههههههههههه والله كسر خاطري عجوزتنا حبيبتنا هههههههههههههه نقعت ضحك لما قالت لشادن وش هالمخاليق فهد الله يرجعه بالسلامه يارب نووووف مستانسه بالهاي لايت هههههههههههه الله يعين قلبها مشكوره بارت حلوووووو مرررره وانتي احلى منه قدورررره اختك |
قدوره قلبي مالنا عيدي دسمه >>>تتشرط بعد
اقدار طلب صغير والله الجزء الجاي حنيني قلب عماد اكثر على الشدون وخلي في اكشن من الالبس وحركة وخلي شادن تطلع اشوي من خجلها محتاج لي هشي لانها عماد حجر ترى بالموت يالين>>>محلل شخصيها بس اكيد ننتظر ابدعك وثقين من حلوة ابداعك تحيااااااااااااااااتي مذهلة>>>ترى حراكات الاخراج لك انتي بس محد منا يقدر يجي يمك ويم اباعك |
كل عـــــام وانتي بخير كـــــل عــــام وأنتي الى الله أقــــرب في البداية اسمحيلي ماراد على الاجزاء بسبب الاعمال والحمد لله ارتحنا عماد ذا الرجال ياشيخة يعجبني يلفة الغموض ودك انك تشوفين ردود افعالة من المواقف رجال صاحب موقف ونخوة وشهامة بس اللي مايعجبني فية انسان جدي زيادة عن اللزوم غير صريح ماعندة للمزح طريق حياتة حاكم عليها شغل × شغل اتوقع مع الايام ومع التعود لوجود شادن والاعجاب بها وبالشخصيتها ماراح ابد يتركها ودام بدأ بإعجاب بعد الاعجاب يبدأ الحب صح نسيت بعض الاعراض اللي وصفتيها في عماد في البداية توقعت انة مصاب بالقلب بس بعدين رجحت انة الوباء الكبدي بس حسب معلوماتي اي شخص مصاب بالوباء الكبدي اذا تزوج فالشخص الذي تزوج وهو ليس مصاب ياخذ لقاح مضاد ضد المرض شادن ماشاء الله عليها قوية وصبورة تقدر تتحكم باعصابها ومتحملة جفى عماد وتجاهلة لها بس خلك ياشادن قوية وماعليك منة ولو انا منك ياشادن وشفت نويف تطل من الدريشة اقرب شي تمسكه يدي الفها بة الحرمة اللي ماتغار من زوجها هذي الله يرحمها في قبرها اتوقع العلامات الاستفهام اللي فوق راسنا راح تطلعها شادن بداية من علبة الادوية الى الدفتر الاسود الى الدرج اللي مقفل بالمفتاح سارة ياعمري عليها الله يقوي ايمانها صعب الانسان لما يتعلق في شخص ويحلم معة ويرسم حياتة معة وستقبلة فنهاية ياليتة تركها وراح بدون ماتدري عنة على الاقل صورتة بعينها تبقى زينة والا وهو يمسك على اعظم جريمة يهتز عرش الرحمن لها الحمد لله افتكت منة فهد ياحبيلة ذا الانسان بس سبحانة يغير ولا يتغير من بعد وفاة سعود حياتة بتنقلب 180 درجة ان شاء الله يكتبلة نصيب مع سارة نوف جعلها اللي مانيب قايلة خلاص دام الرجال تزوج وش تبيبة وبعدين دامها تحبة تتركة وتتمنالة السعادة وش تبي قاطة مع شادن جعلها الضارب << الا تبي تبين اللهجة ام ناصر ياربي على ذي العجيز سلفيني اياها يوم انا متأكدة هي اللي بتقرب عماد من شادن مثل ماجدتي قرب اخوي من بنت عمي حركات ذا العجز والله اني اجلس اتسمع لها وهي تكلم اخوي عن بنت عمي وهي تمتدح فيها وتبعدني عنهم علا قولها اني توني مافقشت من البيضة يالله ياقلبي نستناك الله الله كثري من حركات عماد لشادن وريحي قليبنا خل نعرف وش ذا المرض والاسرار اللي عندة |
هاااااااااااااااااااااااااااااااااااااي قدوره
<- - - -هذا المستخدم ناشب في حلقك في كل زمان ومكان كنت ماره من جنبكم قلت لالالالا والله مااتعدى قدوره حبيبتي وانا ماسلمت عليها >>>>بلاك لصقه هههههه حبيت اهنيك ف العيد ولو انها متاخره كل عام وانتي بخير ياوجه الخير اشتقناااااااااااااااااااااااااااااااااااااااااااااالك موووووووووووووووت فديتك تحياتي الريم اللعوووب |
اقتباس:
حياك الله عيوز ولو اني مااحب اناديك بعيوز لكن اسمحي لي راح الغي كلمة النار بالمرة .. مو لايقه عليك ابداً سلمتي ياقلبي على الحضور فعلاً شادن فقط غامرت بشيء مو معتاده عليه .. مممممم عماد تابعي بقية حكايته اتمنى ان تعذريه حين يفصح عن سره بنفسه . مرض عماد من من اللي قلتيه وسبق وقلت للبنات انه مو ايدز ولا سرطان .. فقط تابعي وبتعرفين وش فيه بالضبط ان شاء الله ترضين بعدين عنه يسعدك ربي على التعليق والكلام ويارب اشوفك راضيه عن بقية الحكاية ودي وامتناني |
اقتباس:
ههههههههههههههههههههههههههههه ويلوموني فيك ياريما .. مااقول الا الله يسعدك ويهنيك ويجعل حياتك تفاؤل وفرح ومرح .. كل عام وانتي بألف خير وصحة وعافية واسعد الناس يارب .. |
اقتباس:
عليكم السلام ورحمة الله وبركاته هلا وغلا بشيختنا .. حياك الله يالغاليه عماد بعذره ياقلبي لكن انتظري بقية الاجزاء يمكن يلين راسه ويمكن يستمر ويعاند فهد ايضاً راح تشوفين وش فيه بالأجزاء القادمه .. فقط تابعي وانا ممتنه .. كل عام وانتي اطيب وافضل واسعد وكل عام وانتي الخير وبكِ الخير وانتي بخير سلمتي واسعدك الرحمن |
اقتباس:
بلا عنوان مشرفتنا وحبيبتنا والانسانه اللي لايمكن انساها ابداً هلا والله وملايين المراحب حياك الله يابعد عمري والحمد لله على سلامتك اتمنى ان روايتي تعجبك وتكون افضل من الأولى بنظرك <<< جاري الانتظار بلهفه :YkE04454: سعدت والله بحضورك ياعساني مااخلا |
اقتباس:
حياك الله حبيبة قلبي ام كايد هلا بك والله اخباري تسرك ان شاء الله عسى علومك زينه وانتي بخير الحلو والجميل هو حضوركم اللي اسعدني بجد خلاص هانت ياقلبي بتعرفون بعض الأشياء عن عماد في الجزء القادم واعدكم بالمواجهات اللي تحبونها :YkE04454: يابعد عمري انتي تستاهلون والله من يلبي لكم طلباتكم لكن شوفة عينك يالغلا انا منزلة الرواية في منتدى ثاني والردود تاخذ من وقتي كثير اتمنى اني مااخذلك بالأجزاء القادمة وعساك دوم راضية عني وعن ملامحي كل عام وانتي طيبه ياطيبه |
اقتباس:
sanouu عليكم السلام هلا بك يالغلا ان شاء الله مااتأخر يسعدك ربي على كلامك اللي اسعدني التميز بكم انتم يالغلا سلمتي على حضورك وعساني مااخلا |
اقتباس:
كويت انجل ياملايين المراحب والهلا والغلا ويامرحبا تراحيب المطر والسيل . حياك الله ياعمري حضورك هنا مترف الجمال يبثني انا خاصة شعورٌ يصعب عليّ وصفه انما سمته الاطمئنان والرضا والارتياح انتي هنا نبض الملامح ياكويت وهي بك ترتدي ثياب الزهو والفخر والله فعلاً عماد يجمد كل المشاعر امام شادن تابعي وراقبي الى متى سيستمر شادن وصفتها بالحرف بأبياتك المختارة اما سارة فلن تتوقف عند خالد ستمضي في طريقها تابعي ماذا سيحل بها في الجزء القادم فهد تابعي ماذا حدث له في القادم الجده ام ناصر .. سيكون لها تصرف تابعي فقط وانا كلي امتنان انا والله ياملاك من تنتظر وجودك بكل لهفه وحب كل عام وانتي بخير .. واسمحي لي ان اقتبست بعض ابياتك في اجزاءي القادمه الله لايخلني من هالاسم وصاحبته |
اقتباس:
هلا بك اختي نسائم حياك الله كل عام وانتي بعفيه وصحه الرائع تواجدك يالغلا سلمتي على الحضور |
اقتباس:
حياك كيتوس هلا بك يالغلا ان شاء الله تكتمل على خير وتقرأينها وتعجبك وأشوف ردك وتعليقك سلمتي عاى الحضور |
اقتباس:
هلا والله حبيبتي بندقه حياك الله ياشين الطمع يابندقه خاصه هالايام :YkE04454: انتظروا لين اكمل اسبوع ثم اطمعوا بكيفكم :YkE04454: تابعي الأحداث القادمه وراح تعجبك بإذن الله لاخلا ولا عدم |
اقتباس:
فلتحتفل ياليلاس ولتقيم الأفراح والليالي الملاح احتفاءً بأصالتي النادرة .. قد قدمت والخير معها والفرح يسبقها .. ! والله انه لفخر وشرفٌ اكتنفهما ويكتنفاني بكِ انتي .... عليكم السلام ورحمة الله وبركاته هلا وغلا فيك ياعمري حياك الله شفتي عاد .. مشرفه مرة وحده :YkE04454: هنا بيتي الأصلي واعتبريه مكانك وبيتك .. جزاك الله خير على الدعوة الطيبة ولكِ مثلها ان شاء الله .. حياك الله هنا وهناك والصدر والعين اوسع لك من الفضا يالغاليه <<< بجد فرحانه انك عندنا عاد انصحك بروايات هنا مرة هادية ورائعه ومميزة كمان لاتفوتك :YkE04454: ودي الذي لاينتهي |
تهنئاتي بالعيد لكي قدوره
هآنا أعوود من جديد
لأكون ضمن ركاب القطار قطار الإبداع الذي تقوده أقدار بكل إتقان هآنا أعود وقلمي محمل بالإعتذار لأني لم أفي بوعدي أن أكون أول الحضور لكني كلي ثقه أن قلب أقدار يتسع للجميع لن أستطيع التعليق على الأجزاء الماضيه لكن بإذن الله سأظل متابعه في الأجزاء القادمه |
آآآآه ....... أحبها . . . . اشم فيها رائحة اغلى الذكريات . . . . . هل عرفتموها؟؟؟؟؟؟؟؟؟؟؟؟؟؟؟؟ . . . . انها غاليتى ام ناصر اقدار ياويلك لو موتيها ( خافى منى ) ههههههة ممكن تخليها تتعب شوية.. و الكل يقلق على صحتها ووسط الزحمة دى متلاقيش شادن إللى يواسيها إلا عماد وهوة رغم قوته مايحسش بالامان إلا لما يشعر إنه طمن قلب ملهوف و خايف ( شادن طبعا ) يعنى بالعربى اللى مش فصيح ( يشدوا من أزر بعض ) وبعد كل دة تقوم أم ناصر بالسلامة و تعيش لحد ماتشوف أحفاد أحفادها تحياتى وما تتأخريش علينا ......... ممكن |
[QUOTE=اقدار;1132630]
كل عام وانتي بخير :flowers2::flowers2::flowers2::flowers2::flowers2: http://www.openiu.com/upload/071220/...a5dbc9a14e.jpg وانتي بخير يا قلبي وعساج من العايدين الفايزين واسمحي لي ان اقتبست بعض ابياتك في اجزاءي القادمه أفااااا عليج مسموحه يالغلا أنا كلي لج وهالشي يزيدني فخر وشرف كافي ردودج على تعليقي الي بقمة الذوق الله لايخلني من هالاسم وصاحبته ولا منج يااا رب وننتظرج بكل شووووووووووق [/QUOTE |
عندي احساس ان مرض عماد الكبد الوبائي .بس الله يخليس يا اقدار خليه اخف نوع من المرض بليززززوقوللي متى بضبط راح ينزل ابي اليوم وتاريخ وساعة
|
اقتباس:
عليكم السلام ورحمة الله وبركاته الحان الشوق المبدعه والمتأقلة من فصلين فقط .. كل يومٍ وانتي ترفلين بالصحة والعافية والشعور بالرضا كما انا الآن بحضورك .. اهلاً بك ومااسعدني بك حين قادتك مهلاً ياقدر الى ملامحي حضورك بحد ذاته وسامٌ اتقلده يانقيه ممتنة والله لهذا الحضور بكلامه واطراؤه سلم قلبك وعافاك الله من الشرور وأبعدها عنكِ دوماً وابدا |
اقتباس:
ياهلا وغلا بكاتبتنا المتألقة اسومه حبيبة قلبي حياك الله ياعمري عساك سالمة على الحضور والكلام الحلو ياجعلني مااخلا لاتخافين على شدون تعجبك ... تابعي القادم فقط واتمنى رضاك عنه سلمتي لي يالغلا الله لايحرمني هالطله |
أقدار .. كل عام وانتي بخير .. عيدج مبارك .. يارب تعيدينه كل سنه وانتي بصحة وسلامة .. أنا كل ما أبي أر د عليج أنشغل لأن امي الحبيبة بالحج وانا صرت المسؤولة فانشغلت<< تبي توهمج انها راعية بيت ! لوول الجزء روعة .. حصون عماد بدت تنهار .. وقوة شادن انتصرت على ضعفها .. اتمنى تنزلين الجزء الحين لأن اليوم فجر اليمعة مثل ما عوديتنا .. بروح جم دقيقة وراجعة لج ياسكر مخلوط |
اقتباس:
اهلاً بعودتك اللذيذة ياالحان الشوق في اي مكان اقرأكِ اراك مختلفة .. تحملين حرفاٌ لذيذاً لطيبه .. لاذعاً لقوته .. اسمي قد يناسب اغلب القصص يارقيقه .. قد فكرت به ملياً لكني آثرت الابتعاد عنه كون الأولى بها قدر واسمي قدر والثانية فالأفضل ان اجعل القدر بالمعنى وابحث عن عنوان اكثر لفتاً للأنظار ومعبراً اكثر ... اتمنى انني قد وفقت باختياره اتمنى حقاً ان يصل الوصف للقاريء كما هو .. الجده هي ركيزة القصة فعلاً واساسها شادن .. القدر من سيرها .. كما قلتي . تابعي الى اين سيصل بها .. ايضا عماد كتب عليه القدر ان يعيش يائساً اتعتقدين بأن هناك لمحة امل تابعي وانا ممتنة نوف هي ليست شريرة ياالحان هي فقط متدهوة المشاعر والشعور والتصرفات لن اخلق من نوف شريرة كما فعلت مع فاطمه غريمة ديمه في مهند ان ذكرتِتها نوف هنا نموذج حي لبعض الفتيات لكنها تخطت الحد بتصرفها ذاك ولامها الكثير ومعهم حق تابعي بقية حكايتها علَّها تروق لك اسبغتي عليّ من الاطراء ياالحان مايجعلني ارتدي وشاح فخرٍ وعزة اتمنى الا اخذلكم في الفصول القادمه اسعد الله قلبك وباركك الرحمن حروفك الندية اسعدتني واحرجتني كثيرا ممتنةٌ جدا .. |
اقتباس:
انجل ياقمر حياك الله فعلاً الحان الشوق مكسب حقيقي لقسمنا سواء باسمها او تحليلها واسلوبها اتمنى انكم تدعمونها معنوياً في روايتها بالتشجيع فهي بعون الله مبدعه ومتألقه .. والملامح وصفحاتها لك وحلالك حضورك الرقيق وترحيبك بألحان اسعدني |
اقتباس:
حيا الله اللي هيضتها المواقف وقامت تغني هلا بك يالذيبة الشرقاوية الغاليه شفتي كيد الحريم وش يسوي بالرجال :YkE04454: الله يجعل الضحكه ماتفارقك يالغاليه ويجعلك دوم مستانسة وراضيه عن الملامح سلمتي على الحضور يالغاليه عساني مااخلا دمتي بود |
اقتباس:
هلا بك مذهله ان شاء الله تشوفين اللي يسرك ويسعدك في القادم وابشروا بالبارت الدسم اللي يشفي صدوركم ممتنة لتواصلك |
اقتباس:
ان شاء الله تشوفين اللي يسرك واتمنى اني مااخذلك واعتقد انكم راح تستانسون لأن الجزء الجاي فيه مواجهات كثيرة بين عماد وشادن ممتنة جداً لحضورك وكلامك وخفة دمك اللي اسعدتني والله لأن اعصابي قبل شوي كانت فايرة حبتين لكن دخلت هنا وشفت ردك وروقت على الآخر الله يسعدك ويهنيك وبفرح قلبك دوم وابد |
اقتباس:
كل عام وانتي الخير والخير في طريقك ياكل الغلا وكل عام وانتي للسعادة تمضين وهي تلتقيك وتحيط حياتك كل عام وانتي الى الله اقرب احرجتيني والله يالريم بحضورك وكلامك وتواجدك معاي هنا وهناك ياعساني مااخلا وياجعلك دوم راضية عن الملامح ولا اخذلك فيها |
اقتباس:
همسة امل ماان رأيت اسمك حتى فز قلبي فرحاً ونشوة .. وكان عيدي عيدين بكِ .. الحمد لله على سلامتك ثم حياك الله وبياك واسعد قلبك وكل عام وانتي بخير وعافيه والى الله اقرب ومنه افضل ادرك تماماً انك لاتغيبين الا لظروف عساها خيراً ..! قلبي وعيناي لكِ انتي خاصة حاضنين ومرحبين .. كلي امل والله ان تكوني من ضمن المتابعين واتمنى ان تنال بقية الملامح اعجابك ورضاك همستي التي لن انسى فضلها عليّ حين شاركتني الرأي بأ؛داث الملامح اتذكرين ياقريبة كيف شجعتني ان استمر في كتابتها ان نسيتي فأنا لن انسى فضلكِ ذاك الآن الملامح منتشرة والى الآن الحمد لله تتمتع بنجاح ومتابعه حماك الله ياهمستي وأبقاك وأسعدك ولاحرمني حضورك متشوقة جداً لرأيك لبقية الأجزاء التي لم تريها .. ومتشوقه لحضورك واسمك هنا بعد كل جزء ودي الذي لن ينضب ابداً |
اقتباس:
hena ياهلا والله وغلا تصدقين آخر شي توقعته انك تقصدين ام ناصر هههههههههههههههههههههههههههههه ياسلااام على افكارك مرة تجنن يسعدك ربي ياالغاليه ان شاء الله مايصير الا اللي تتمنينه واتمنى ماتزعلكم بعض الأحداث اللي فيها موت ممتنة لحضورك |
[QUOTE=Q8- Angel;1132917]
اقتباس:
ياكل الخير كل عام وانتي بخير كل عام وانتي انقى وأجمل وأطيب وكل عام وانتي ترفلين بثوب السعادة وتتوسدين الفرح ويلحفك .. كل عام وانتي الى القرب وبه اقوى ومنه افضل اي الحروف التي تفيك ياكويت شيئاً مما في قلبي تخذلني الأبجدية والله فاعذري حروفي المتلاشية امام زخم المحبة لك في قلبي سعدت والله بتهنئتك وحضورك وردك وموافقتك مااقول الا ياعساني مااخلا وياعساني ارضيك ياكويت واكون عند حسن ظنك ومااخذلك |
اقتباس:
هلا بك نجوله حياك الله توقعك قوي وتابعي اذا هو ولا لا ان شاء الله تشوفين اللي يسرك يانجوله العسل سلمتي على المتابعه والحضور |
اقتباس:
هلا وغلا فيك ياجليع حياك الله وبياك واسعد قلبك كل عام وانتي بصحه وعافيه ومن العايدين الله يتقبل حج امك ويجعله مبروراً وسعيها مشكور .. ويرجعها لك سالمة غانمه وهي متعافيه اعانك الله يالغاليه معذووورة ومسموحه تابعيني يالغلا ان شاء الله الجزء تشوفونه بكرة السبت بإذن الله زي الاسبوع اللي راح واتمنى مااخذلكم فيه ممتنة لحضورك ياطيبة عساك دوم راضيه ومتواجده |
السلام عليكم
اختي اقدار اسمحيلي ابدي اعجابي باسلوبك الامثر من رائع واسمحيلي احجز مقعد في روايتك الروعة ادري اني متأخرة :flowers2: |
كلماتك دوما في الصميم تخجلين من يرد عليك
اقتباس:
حسستيني إني مسويه شي كبير وهو ما يستاهل أنتي يا أقدار أختي تعرفين وش معنى أختي ومابين الأخوات شكر وما شجعتس على مواصلة كتابتها إلا إني كنت واثقه تمام الثقه إنها تستاهل النشر والمتابعه ما اقدر أعبر لتس عن فرحتي يوم قلتيلي إنك بديتي بنشرها حسيت كأنه مولود طلع للدنيا جابته أخت عزيزه على قلبي<<<<< وأنتي تعرفين عاد عيال الخوات شلون نحبهم:friends: وبحاول قد ما أقدر أتابعتس أول بأول وإذا تأخرت أعرفي إنه مو تجاهل بل ظروف عابره محبتي لكي غاليتي همس |
صباح الخير
اقدار اشكرج على روايتك الرائعة واتمنى تنزلين بارت عن قريب لان يوم الثلاثاء راح تبدأ الامتحانات وودي اعرف شنو بيصير لان من جد شاغلتني الرواية والله والله من حبي للرواية اني لما اروح بيت اهلي يوم زيارتي اشوف هناك زوجه اخوي وانا من اول ما قريت الرواية وانا انقل لها الاحداث بالتفصيل لان هي ما تشبك على النت فصارت كل ما تشوفني تسال شنو صار عاد انا نذالة مني ما قلت لها عن البارت الاخير كل ما تقول في بارت اقولها لا ما فيه تقول مو معقوله حتى اهي متعلقه بالقصه مثلي تدرين اقدار انا مو مرة بدوية يعني احنا شوي فري بس والله والله من بديت اقرى روايتك صرت اتكلم سعودي حتى زوجي يقول علامك كل يوم لك لهجه استقري على شي ودومي عليه ومن ذاك اليوم وانا اتكلم سعودي واذا على ام ناصر تراها عطر الرواية ونوف ياجعلها الماحي ياكرهي لها وشادن الله ياساعدها على الوليد اتمنى ما اكون ازعجتك بردي بس هذا اللي بالقلب ودمتي بود دمتم بحفظ الرحمن اختك ندى الزهر |
قدوووره
ههههههههههههه شوفي حتى ندى الزهر تقول وليد تلاقين كل اللي يقرون روايتج .. يقرون رواية خذني بقايا جروح ههههههههههههههههههههههههههههههه يعني مو وليدي انا بس عيدج مبارك يالغاليه وبانتظار احلى بارت من احلى اقدار فالعالمين |
السلام عليكم
امس بديت فيها وبقالي بس بارتين ما شاء الله عليك اسلوبك جنـــــــــــــــــــــــــــــــــــــــــــــــان جذبني للرواية من اول بارت قريته بصراحة انا شاكة انج ساحرة خليتيني ليل نهار افكر بشادن وعماد وشهد وفوزية .........................الخ تقبلي مروري |
فصلٌ حادي عشر ~ ياقدر مااقوى عليك ~ طلع النور بالتدريج وبدا الكون يوضح لهم بعد ساعتين ونص من يوم مامشوا من البيت . جالسين في سيارتهم ويمشون بهدوء ورى سيارة الرجال اللي جاب لهم خبر فهد .. زفر بندر بأووف دلاله على ملله .. قال وهو متكي على الباب وحاط جاكيته الصوف على اكتافه لأن الو صار بارد : ماقال لك متى نوصل . رد عماد وهو يعلي النور لأنه انحرف بالجيب ورى السيارة لمنعطف يدخل لقرية وضحت لهم بيوتها . : الظاهر انا وصلنا . عدل بندر جلسته وهو يتأمل المكان اللي لأول مرة يشوفه قال : ماقالك من متى وهو عنده . رد عماد عليه بهدوء وملل : كل اللي قاله لي علمتك فيه . تنهد بندر بأسى أسف وملل قال : مدري لوين بيوصلنا فهد معه . : قول الله يستر عليه بس . : الله يستر ويطمنا عليه وقف الرجال قدام بيت شعبي مايفرق عن بعض بيوت ديرتهم قال : انزلوا حياكم الله . نزل عماد وهو متلثم بشماغه وبندر يلف الجاكيت عليه بقوة .. قال عماد : فهد موجود هنا . هز الرجال راسه قال : اسمع وانا اخوك .. ترى الرجال حاله ابد مايسر وانا والله سويت اللي اقدر عليه وعملت جهدي بس اني ماقدرت اوديه المستشفيات البعيده . قال عماد : بيض الله وجهك كل علومك غانمه عسى الله يقدرنا ونرد لك جمايلك . دخلوا مع الرجال للمجلس المنزوي في ركن البيت وشافوا اللي ماسرهم ابد . كان مسجى على فراش وعليه بطانيتين وفروة .. وهو يئن بصوت واطي . قال الرجال : هذا حاله من ثلاث ايام وقبلها ماكان يتكلم .. والكحه ماتخليه لاياكل ولا ينام . انفجع بندر من شكل اخوه .. يشبهه ولا هو ..؟ قرب منه وحط يده على راسه يجس حرارته كانت مرتفعه وكأن تحت جبينه نار مشتعله وحرارتها تعكسها جبهته . قال عماد بهلع : يالله يابندر خلنا نشيله للسيارة .. تكلم الرجال : اصبروا يالربع تقهووا وتغدوا وعينوا من الله خير ... قاطعه عماد : خوينا لازمه مستشفى ان الله اشاء واراد جيناك بوقتٍ ازين من هذا ياابو .. تكلم الرجال : ابو .. وهمس وهو يطالع في فهد .. : ابو سعود . انتفض فهد اللي سمعه وصدر منه انين قطعته كحه قوية خلت بندر وعماد يطالعون في بعض بهلع وخوف وقلق .. حط يده على صدره وهو يتنفس بصعوبه .. ساعدوه عماد وبندر على الوقوف وساندوه لحد ماركب السيارة .. قال عماد : بندر اخذ سيارة عبدالرحمن وارجع لاهلك علم خالي اني بودي فهد لجده واذا يبي يجي هاته لشقتي خذ مفتاحها . مد عليه المفتاح وشغل سيارته ومشى والصمت كان رفيقهم مايقطعه الا كحة فهد الجافه القوية ولا انينه الخافت .. *** وقفت على الباب اكثر من عشر دقايق وهي تتأمل المكان .. السرير مقلوب وكأنه متهاوش مع مفرشه ومخداته ولحافه . التسريحه بأغراضها مكركبة وتحس ان يدها تحثها على الشغل بس لاا هالمرة لا .. لايمكن تترك له مجال يهينها زي هذيك المرة .. تقدمت بحذر وهي تتخيل انه راح يدخل عليها بأي لحظة .. فتحت ادراج التسريحه .. خاوية الا من بعض الأدوات كـ مقص اظافر .. مقص صغير عادي .. شفرات للحلاقه .. ملمع احذية ومحافظ قديمه ومداليات مفاتيح مكسورة ومستهلكه .. وورقة مطبقة ومرمية باهمال .. مدت يدها عليها وبجرأة فتحتها وهي تلوم نفسها ليه تتطفل وتدبر العذر بسرعه انه زوجي وحلاله حلالي . انفرطت ضحك وهي تتأمل الكلمات المكتوبة في الورقه بخط شهد .. عماد بخط كبير في الوسط .. وحاطه اسم شادن على اليمين واسم شهد على اليسار واسم شريفه ( امه) فوق .. واسم مشعل تحت .. ومحوطه حرف الشين من كل اسم وساحبته بسهم لاسم عماد وكاتبه تحت بخط كبير عماد يحب حرف الشين .. شافت عماد كاتب على الطرف وكأنه يثبت صحة كلامها ( باقي الشيخه حصة ياشهد ) ضحكت من جديد على ذكاء شهد واحراج عماد وانها لازقه فيه وداخله من ضمن المقربين له غصب لو بتشابه الحروف . طبقت الورقه مثل ماكانت ورجعت الورقه مكانها . ووقفت تتأمل الغرفه من جديد .. كل شي يوحي فيها بالجمود مثله تماماً تشبهه في سكوتها وبرودتها وجمودها راحت للدولاب حق ملابسه . فتحته بحذر وكل دقه ولا حركه تحس قلبها بينخلع من مكانه خايفه ان عماد يدخل عليها ثم بأي وجه تقابله وبأي حجه تعتذر ريحة عطر العود المعتق اللي هاجمتها رجعت لها حركته في المطبخ وضمته لها رجعت جلست على السرير لأن ذكراها تهزها وتفقدها توازنها سواء العقلي او الجسدي . قعدت تتأمل الدولاب من بعيد وشافت الدرج المقفول وفزت له بسرعه .. بس خيبها واحبط كل محاولاتها انه كان مقفول . . هالآدمي ليه غامض .. وعنده اسرار كثيرة .. ومتخذ جميع احتياطاته .. اخذت علب الدوا اللي في السلة وكأنها تبحث عن خيط يدلها على شي عن عماد أي شي .. المهم انها تدخل لعالمه وتفتح شي من مكنوناته . اخذت تبعثر العلب الفارغه وكلها خاوية من أي ورقة تحوي معلومات طبية للدواء من خواص تركيب ، مفعول الدواء ، لأعراض جانبية وأسباب .. لفت نظرها ان الاسماء على العلب متشابهه interferon و Lamuvidine متكررة .. وتقريباً هم الاسمين اللي على العلب قلبتها في يدها يمين ويسار ومافهمت من المصطلحات الطبية عليها من برا أي شيء .. اخذت من كل نوع علبه وقامت لغرفتها يمكن تفك شفرتها .. ولا احد يساعدها على فكها مع الوقت .. بعد مايأست من انها تلاقي مدخل تدخل عن طريقه لهالآدمي الجامد والمتمثل في رجل هو زوجها سواء رضى ام ابى ..! *** في اكثر الأماكن اللي ارتبط فيها بالشقاء والعذاب اكثر الأمكان اللي زارها يتخبط بين اليأس والأمل المكان اللي زرع بداخله حقيقه مرة هي انه شخص مريض موبوء .. هالمكان بثه خبر زلزل حياته وغيّر مسار مستقبله .. وقف قدام الغرفه اللي فهد فيها .. طلع له الدكتور وسأله على طول : ها بشرني يادكتور . رد الدكتور السعودي وهو يهز راسه بأسف : الحاله متقدمه لابد ننقله للعناية المشدده .. كانت نظرات عماد متسمرة في الدكتور من غير مايتكلم وكمل الثاني : وين كنتوا عنه .. الرجال له مده ورئته ملتهبه . هذي نتيجة الاهمال يااخ عماد . تذكر عماد كلام الرجال اللي جاه يعلمه عنه يبيهم يجون ياخذونه لايموت في بيته .. ولدكم فهد بن ناصر في محنه تعالوا اخذوه من بيتي سأله عماد : وينه ..؟ ليه ماجبته معك ؟ : الرجال مايتحمل السفر ولا العنا .. طريح فراش . : وش اللي صار عليه ومن وين عرفته و قاطعه الرجال : ولدكم لقيته طايح على وجهه في البر وفاقد الوعي .. اخذته احسبه ميت ويوم شفت تنفسه ضعيف وديته لبيتي لحفته ودفيته وشربته حليب دافي .. واشوا دفى جسده ورجعت الحياه لكن السعله اللي فيه خلت حاله يضعف ويتردى واليوم الرجال مريض ومااضن انه يبي يعيش .. كانت عيونه تقدح شرر وخوف وهلع على فهد الأخ الولد .. رد عليه وهو في حالة مايحسد عليها : هو اللي ارسلك لي . : ايه حاولت اسأله عن اسمه واهله ماقدر يقول الا اسمه واسمك عماد بن مشعل في ديرة الاجواد .. وعيال الخير دلوني عليك . وانا ياخوك مااقدر انتظر للصبح الرجال يبي يدرك ( يموت ) وماودي اتحمل مسؤوليته .. تفهم عماد وضعه وقدر له معروفه وطلب منه ينتظره لين يبلغ اهله واهل فهد .. رجع لارض الواقع الحالي وهو يطالع في الممرضين يدفون سريره والكمام على انفه .. والأسلاك الطبية اللي تقيس النبض او توصل المحاليل الطبية لجسده تحيطه .. لحيته طالعه بشكل عشوائي .. وشعره نازل على اكتافه مبعثر .. متمرد ومتبهذل . مثل حال فهد .. جسمه نحل ولونه صار اسمر .. دق جواله وهو يتبع فهد بقلبه وعيونه ودعواته وأسفه .. وطالع في الشاشه وشاف اسم بندر ورد على طول .. : هلا يابندر . : هلا بك ياابو مشعل ها بشر عسى فهد طيب . : ان شاء الله انه طيب انت وينك ..؟ : جايك انا والوالد لجده خلاص وصلنا بس دلنا على المستشفى . : انا في السعودي الالماني اذا وصلته دق عليّ . : زين يالله .. مع السلامه . قفل من بندر والهم جاثم على قلبه وكاسي وجهه . وشلون يقول لخاله اللي ماذاق طعم الكرى من ليلة غياب فهد . زفر ودق على نايف يبلغه بحكم انه ولد عمه ولابد يعرف كل اللي يصير لهم .. مامضى الا ساعه وكان نايف واقف مع عماد والقهر باين عليه .. نايف يحب فهد بجنون رغم انه ماعرفه الا بوقت قصير بس كان كفيل انه يحبه ويوده لأن فهد من النوع اللي شخصيته تفرض وجودها ومحبتها بقلب أي شخص يعرفه .. *** انتفضت من كلام ابوها مستحيل يصير اللي يقوله .. او انها توافق على هالكلام قال ابوها بتودد وضعف الزمن باين في لهجته : يانوف يابنيتي والله انه اليوم اللي انتظره لي سنين .. حمود ولد عمتس وحسبة ولدي وابيه ياخذتس ولاياخذتس غيره . وانتي تعديتي السن اللي يعرسن فيه البنات .. ماعاد فيه خطاب وانا ابوتس . كانت دموعها سيل على وجهها وهي تصد عن ابوها مو متقبله كلامه وماعندها ادنى استعداد انها تسمعه ولا تركز فيه انا آخذ حمود .. بعد الصقر اللي احلم فيه آخذ الغراب والله مايصير ولايقوله ربي لو اجلس طول عمري احلم في عماد .. حطت اصابعها في اذانيها وابوها يترجاها تفهمه وتتفهمه .. قالت بغصة ورجفه واعتراض واصرار : يبه والله لو تقطعني قطعه قطعه مااخذته .. لاتغصبني ثم اذبح عمري . غمض ابوها بعيون المقهور رجلٌ مسن وأب وعيشته بنته بين نارين نار غصيبتها وتنفيذ اللي تقوله ونار عنوستها وجلوسها في بيته واعاقة خواتها من الزواج ان ماتزوجت .. عقد حواجبه قال : انا عطيت كلمتي لاخوي .. اذا تبين تكسرين كلمتي .. قاطعته : يبه تكفى طلبتك انا كبيرة والشور لي .. تكفى لاتغصني طلبتك يبه انهارت من البكا اكثر ومالت عليه وباست يدينه الثنتين : يبه تكفى طلبتك يبه الا الغصيبه لاتغصبني .. زوجه نوره .. هي دايم تمدحه يمكن يناسبها .. انا حمود مايناسبني . مسح على راسها بشفقه ووجع قال : يجيب الله خير يجيب الله خير . طلع من الغرفه ورمت نفسها على فراشها تنتفض وتبكي بهلع . ياويلي لو آخذ غيره ياويلي لو ربي يكتبني لغيره كان انتحر وافتك من الدنيا اللي عماد مهوب فيها . دخلت عليها امها والشرر يقدح من عيونها . : نوف ليه ماتوافقين على حمود .. حمود وش يعيبه يوم ماتبينه ..؟ ثنت ركبها ودست وجهها بين يدنها وهي تحط جبينها على ركبتها وتبكي بحرارة : يمه ماابيه وبس ولاتسأليني لأن ماعندي شي اقوله عنه . : فضحتينا بالناس .. الناس ماعاد لها هرجة غير بنتنا اللي عنست وعيت عن العرس . : يمممه .. يممه تكفين خليني لحالي .. حمود ان اخذته ذبحت نفسي . وقفت العنود على الباب قالت : يمه خليها هذي ماتستاهل حمود .. ياليت حمود ولد عمي ياخذ نورة مهيب عصبية وتهاوش مثل العله هذي . وقفت نوف بسرعه وكأنها تبي احد يعترضها غير امها وابوها وتفش اللي فيها فيه .. وصلت العنود اللي حاولت تلوذ بامها وكانت نوف اسرع .. مسكتها بشعرها وسحبتها .. كانت تضرب فيها بهستيريا وانفعال عصبي ونفسي .. والام مابين البنتين وتصرخ باعلى صوتها : فكي اختس يالمجنونه .. فكيها ذبحتيها .. اخيراً فكتها من بين يدين نوف .. والثانية تلهث قهر وتعب واحباط والدنيا في عينها ضيقه وظالمه وقاسيه ومجحفه . وصلت نورة على اصواتهم وصراخهم قالت : يمه وش فيه .. طالعت في العنود اللي تبكي بصوت عالي ووجها في خدوش بسبب اظافر نوف .. قالت : هذا فعل من .. العنود متهاوشة مع من ..؟ بكت العنود اكثر وامها تحضنها وتحسب الله على ابليس قالت : نوف ضربتني .. الله يجعلها ماتاخذ حمود .. الله ياخذها ويجعل ابوي يوديها لمسفر .. آآآآه .. هذي مجنونة قطعت شعري ووجهي .. طالعت نورة في نوف اللي تشهق بصمت وتمسح عيونها بمنديل وهي خايفه من العواقب لو ابوها درى عن ضربها للعنود حبيبته .. رمتها نورة بنظرة لوم وعتب ومغزاها وش نهاية هالرفض يانوف . قالت نوف بضجر : ها وش عندتس انتي بعد ..؟ زمت نورة شفايفها قالت : ماعندي شي بس حكمي عقلتس قبل يفوتتس الفوت ثم ماعاد ينفع الصوت . طلعت نورة ولحقتها امها وهي لازالت تتحسب وتلحقها بدعوات لبناتها بالهداية والصلاح والستر .. *** يوم ثاني وفي مدرسة الاجواد .. وقفت في الشمس اللي تبثها شيء من الدفء خاصة ان الجو بارد في الصباح وجو الأجواد يشبه جو الطايف بحكم انها الأقرب ومرتفعه عن سطح الأرض مثل سطح منطقة الطايف . ضمت جسمها بيدينها وهي تنتظر الحصة تنهتي حتى تطلع من فصلها .. طالعت في نوف اللي جالسة في غرفة الاداره مقابله لها وملتهية ببعض الأوراق والدفاتر اللي تدقق فيها .. اليوم تكرهها اكثر من قبل تحقد عليها وتشوفها انسانه وضيعه وشلون مدرسة ومربية جيل تصرفاتها رعناء .. وشلون تنشيء بنات يخافون الله ويحافظون على قيمهم ومبادئهم ويكونون قد ثقة اهلهم وهي ماربت نفسها ولا احترمتها .. " الله يشفيها ويهديها " قالتها بقلبها وهي تلتفت للطالبات اللي اصواتهم علت على غير العادة وكأن فيه موضوع اثارهم .. : خير اش صاير اصواتكم طلعت ..؟ ردت وحده من الطالبات : ابله شنطة مستورة فيها عقرب صغيرة .. تكلمت ثانية : شكلها جاية(ن) تدور الدفا في الشنطه .. وثالثه : اشوا انها ماقرصتها فكها ربي . كانت جامده مابين الطالبات اللي الوضع عندهم عادي الا مزنة الطالبة الخجولة واللي عمرها ماتجاوز 11 سنه قعدت ترتجف بهلع .. قالت شادن بخوف وهي تحاول تتشجع : مستورة لاتفتحين شنطتك طلعيها برا اذا تقدرين . مزنه ليه خايفه ماراح تنط عليك . حطت اصابعها اللي ترتجف في فمها وتكلمت سارة بنت عمها واللي قاعده بجنبها : ابلا اخوها الصغير مات من قرصة العقرب وجاتها عقده . كشرت شادن بخوف .. ياربي استر .. الله يلوم من يلومك يامزنه والله يذكرك بالخير ياناديه اثري خوفك منها ماكان من فراغ .. انتبهت لوحده من البنات وهي تقول : ابلا عادي نطلع الكتب وننفض الشنطه واذا طاحت ذبحناها . بلعت شادن ريقها وهي تتخيلها تطلع وتهجم عليها ولا على وحده من البنات قالت : لا لا انتم مسؤوليتي وانا خايفه عليكم .. طلعي شنطتك برا يامستوره حطيها عند البوابه . ضحكت وحده من البنات باستهزاء ورجعت ضحكتها بسرعه وهي تشوف شادن ترفع حاجبها مستنكرة ضحكتها بوضع مثل هذا .. قالت مستورة : ابلا انا شفتها صغييييرة اقدر اذبحها . : لا لا انا قلت طلعيها اسمعي الكلام ولاتجادلين يامستورة . : طيب ودفاتري ..وشلون اكتب فيها ..؟ : بعدين تكتبين الملخص اذا خرجت العقرب من شنطتك .. اخذت مستورة شنطتها وطلعتها برا الفصل ورجعت جلست وشادن عاضة على اسنانها ليه هي اكثر وحده خايفه .. ليه ماتقدر تتأقلم على الحياة هنا بسهولة الناس تمر بجنبهم الحشرات عادي وهي ترتجف لين تحسها ابعدت والبنات هنا شوفة العقرب شي طبيعي ومتعود ين عليه وهي كادت تختفي من الخوف بصمت . انقذها صوت الصفارة واعلن انتهاء الحصة وبداية حصة ثانية .. طلعت بسرعه وتركت وراها اسئلة كثيرة في افواه الطالبات حول خوفها وقلقها وعدم مواجهتها لعقرب وصغيرة ... *** بعد ثلاثه ايام كانت حافلة بالقلق والانتظار والترقب عماد جالس عند الدكتور ويكلمه بالتفصيل الممل عن حالة فهد . وناصر وبندر ونايف واقفين امام غرفة العناية المركزة ويراقبون حالته وهو يكح ولا يتحرك .. قال ابو فهد .. : انا بدخل عنده اشوفه صحى . رد بندر وهو عاقد حواجبه دلاله على الأسى على اخوه : انتظر لين الدكتور يسمح لنا . دخل الممرض ودخل معه ناصر وعيونه مركزها على ولده البكر اللي يصارع الوجع والحزن .. قرب منه وحط يده اليمين على جبينه وفتح فهد عيونه ببطء وغمض بارتياح .. المهم ان ابوه وامه تطمنوا عليه والباقي يهون ,, نفث ابوه عليه بآية الكرسي والمعوذات ومسح على صدره وهو يكرر (اللهم رب الناس اشفه انت الشافي شفاءٌ لايغادره سقما اعيذك بكلمات الله التامات من شر ماخلق .. اعيذك بكلمات الله التامة من كل شيطان وهامه ومن كل عينٍ لامه .. باسم الله ارقيك من كل شئ يؤذيك ، من شر كل نفس أو عين حاسد الله يشفيك ) نزلت دمعه من عين ابو فهد امام مرأى بندر ونايف اللي ابعدوا على طول عن الغرفه ومسحها بطرف شماغه وهو يهمس له : سامحني يابوك .. الظاهر ماجنى عليك غير كلامي لك . ارتجف صوته وكمل : الله يشفيك ويردك عليّ . تحرك فهد من مكانه .. الا دمعة ابوه ..! الا ضعفه وانكساره ..! الا انه يعتذر منه ..! بغى يتكلم واخذ نفس وكح بصعوبه واضطر انه يسكت قال الممرض السعودي : لوسمحت ياعم تفضل برا ولدك تعبان ومحتاج للراحه ووجودك عنده يتعبه . هز ناصر راسه وسلم على جبين فهد .. ونزلت دمعه من عين فهد وصلت لرقبته وهو مغمض كأنه مايبي يواجه الدنيا وهذا واقعه وحاله .. مسحها ابوه بقهر .. يحس ان ولده يتألم صدره منغرس فيه المرض والالتهاب الحاد .. ووجع فراق سعود .. طلع من عنده وهو يشوف الممرض يحقن فهد بمنوم ومسكن والثاني يستسلم للنوم بوجع .. وقف عماد قريب من خاله ومسكه بيده .. : تطمن ياخالي .. الدكتور يقول حالته تحسنت .. تنهد ناصر بحسافه على حال فهد قال : ماالظاهر انها تحسنت ياعماد .. الرجال ماقدر يتكلم . : هذا طبيعي من البرد اللي تعرض له وقلة الأكل والحمى اكيد انه راح يتعب بس الأشعه تقول ان ماعنده الا التهاب وان شاء الله كلها اسبوع ويطلع . طالع ناصر في ساعته قال : تروح معي لبيت نايف ..؟ فك عماد شماغه ولف جناحه بخبرة قال : لا الله يخليك لي وراي مية شغله .. ودي اكثف الشغل هاليومين قبل الشهر الفضيل .. : الله يعينك ياولدي .. يالله اجل نتواجه على خير . : على خير ياخال .. الله معك . طلعوا من المستشفى .. عماد راح لشغله وخاله وبندر راحوا مع نايف لبيته .. *** اسبوع ثاني وفهد يصارع آلام الصدر .. مابين وجع الدنيا بدون سعود ووجع رئته اللي يصعب التنفس مع التهابها خاله وبندر رجعوا بعد ماطمنهم الدكتور ان فهد بدا يتحسن عن اول كان جالس في شقته يشرب قهوة تركيه ويراجع بعض المعاملات والمستندات المهمه .. ارضية الصاله مغطيتها الجرايد والكتب والأوراق والملفات .. دق الجرس فجأة وهو في قمة تركيزه . رمى القلم من يده ولام الحارس اللي ماعمره دق الا وهو مركز بشي مهم . فتح وتفاجأ في بندر اللي سلم ودخل وشهق على طول قال : اعوذ بالله انا وين انا داخل .. رد عماد وهو يرفع بعض الجرايد المنتشرة في المكان قال : ادخل للمجلس على بال ماارتب المكان رمى بندر شماغه وقعد يرتب معاه بهمّه قال عماد : مريت فهد ..؟ : لا توني وصلت .. نزلت ابوي عند نايف . : ليه ماجبته عندي ..؟ : ياخي نسيت نايف انت .. اعوذ بالله انسان لحوح اول مادرى ان ابوي معي ويحلف اني مااتعداه المهم خذ .. مد على عماد ورقه قال : هذي من اهلك يقولون طلبات رمضان . ابلشني ابوي يقول وصلها له قبل يرجع . اخذها عماد ودخلها في جيب تي شيرته قال : وشلون جدتي ..؟ : طيبة بس ازعجتني تقول خله يرجع . : قلت لها اني مااقدر ارجع واترك فهد . : قلت لها بس تقول دام انه تطمن عليه خله يرجع وحاله حالكم . : الحين من يفكني من تحقيقها ولومها .. الله بس يعين . : هههههههههههههههههه امش على هواها وترضى عنك . رجع بندر للباب قال عماد : وين بتروح اجلس خلنا نتقهوى . : لا نايف ينتظرني بالقهوة .. متى تبي تمشي انت للديرة . : ماادري والله ماقررت للحين بس يمكن بكرة . : زين يالله سلام عليكم سكر بندر الباب وطلع عماد الورقة وانذهل 47 غرض وكل غرض بجنبه 2 كرتون ولا 3 .. هذي صاحية .. !! وين احط هالاغراض ؟ تأمل الورقة المزخرفه والخط الأنيق وابتسم ورجع يقراها طلب طلب .. اغلب المواد الغذائية اللي كاتبتها منزوع الدسم ولا قليل الدسم .. معقول تكون عشاني ولا عشان جدتي .. ! رجع يكمل وهو يشوف اشياء قد سمع فيها وبعضها اول مرة يسمع فيها .. حس باطمئنان وهو يتذكر انها هناك .. مكانه .. والأهم ان جدته ماصار يحاتيها مثل اول .. متطمن انها في البيت وتراعيها وتجلس معها وتداريها . قرب الورقه من فمه وانفه وهو يفكر من يجيب له الاغراض خاصه ان ماله خلق يطلع . ووراه مية شغله ومعاملات لابد يراجعها ويوقع عليها .. وضروري يرجع للشركه بعد ساعه يقابل فايز ويكمل معاه الشغل .. اخترقه ريحة عطرها اللي لزق في الورقه من يدينها ولمساتها وآثارها .. ورجع نظره للورقه الأنيقه .. ارتعش جسمه وحس بقشعريره وهو يشوف مكتوب في آخر الطلبات بخط صغير وكأنه خجلان ويبي يداري نفسه بين الحروف .. ( تأخرت علينا كثير .. ان شاء الله انك بخير ) قراها اكثر من عشر مرات .. هذي وش بتسوي فيني ناوية لها على نية بس الله يستر منها ..! لبس ملابسه وخرج من الشقه وهو يكلم فايز مدير الشركه ويحمله المسؤوليه في غيابه . *** له اسبوع ونص غايب ماهمها غيابه كثر ماهمها زعل جدتها .. تذكرت الورقه اللي كتبتها له ووش بتكون ردة فعله اذا شاف كثرة الأغراض ولا الكلمه اللي كتبتها له عورها بطنها وهي تتخيله يقراها . وقامت من فوق الكرسي حق التسريحه .. حاولت تنشغل بأي شي غير التفكير فيه .. بدلت ملابسها ولبست بيجامه الوانها مابين الموف والزهري .. بأكمام طويلة وبنطلون واسع وطويل .. اخذت شباصتها في يدها وطلعت من غرفتها . تعودت ماتنام الا عندها مويه .. والمطبخ اللي فوق فارغ حتى ثلاجته وجودها زي عدمه .. نزلت مع الدرج وسمعت الباب ينفتح فزت بمكانها خوف ورعب وطاحت الشباصه من يدها واحدثت صوت وهي تتدحرج مع الدرج درجه درجه .. خاصة ان البيت خالي من الأصوات وجدتها والشغاله نايمين .. طالع فيها وفي يده اكياس كثيرة وعند الباب كراتين وكأنه جايب بقالة كاملة . عضت على شفتها السفلى منحرجه من نفسها اكثر مما هي منحرجه منه .. كل هذي طلبات ..؟ صدق اني هبله .. تذكرت كلام جدتها عن حياتهم في رمضان وطقوسهم والتمست لنفسها العذر .. متردد وش يقول وهو يشوفها تطالع بالأغراض وتاكل بشفتها بحرج .. قال : جبنا لتس طلباتس ياطويلة العمر .. اللي تقدرينه شيليه واللي ماتقدرينه خليه للشغاله ولا بكره اشيله انا . نزلت بحرج قالت وهي ترسم على ملامحها ابتسامه بالغصب : الحمد لله على سلامتك . وماعليه خلّ الناس اذا افطروا عندنا يقولون احلى فطور فطور عماد اهله . مد عليها الجريده وشماغه وعقاله في يده قال وهو يتحاشى النظر فيها ويتجاهل جملتها الثانية : الله يسلمتس .. خذي حطي هذي في الصالة اقراها شوي ولا بكرة .. وسوي لي شاهي وثقليه . اخذتها من يده ولمست اطراف اصابعها اصابعه .. وخرت يدها بسرعه وطاحت الجريده من يدها .. قالت : اووه سوري ... اخذتها بسرعه وكملت بارتباك : أ أ طيب .. تعشيت ..؟ اجمل لحظات يستمتع فيها لمن يشوفها ترتبك خجل اوتعلو جبينها وخدودها حمرة خجل .. ابتسم نصف ابتسامه قال : لا ماتعشيت .. وش بتعشيني ..؟ بلعت ريقها وحست الدم يعلو لوجهها اكثر قالت : ها ..؟ اللي تبغاه .. بحط لك من عشانا .. مسوين صينية خضار بالدجاج . ولا ماتعجبك ..؟ حس انها مرتبكه وماتدري وش تقول قال بهدوء : زين جهزي لي أي شي وجيبيه لغرفتي فوق . مالي خلق انتظر تحت . عدت من عنده وراحت للمطبخ .. وهو دخل غرفة جدته طل عليها وخرج توجه للدرج ومنه لغرفته .. رمت الجريده على الطاوله وسوت له شاهي وسخنت له العشا وقعدت تحضر وهي منقهره من طريقته وكلامه لها .. حتى سلام ماسلم زي الخلق والناس ولا كيفك ماقالها ولا سأل عن جدتي . وكل كلامه يامسخرة وياجد في جد . انسان جامد وماعنده احساس .. خرجت الصينيه البايروكس من الميكرويف وهي تتمتم بـ ماعليه ياشادن تحملي وش وراك . . وبالصبر بتنالين اللي تبينه . طلعت فوق وهي تشيل الصينيه الكبيرة اللي رتبت فيها العشا والشاهي .. كان لابس قميص اسود بكم طويل ويمشط شعره قدام التسريحه .. شافها في المرايه ورمى الفرشه من يده قال : كان رتبتي غرفتي يوم ماقفلتها . رمته بنظره وهي تحط الصينيه على الارض قالت : ماابغى اتدخل في خصوصياتك . ابتسم غصب عنه وهي تعقد حواجبها وتتكلم بضيق .. قال : زين ياللي ماتبين تتدخلين فيني وش اللي تأخرت عليكم .. ها . اجلسي تعشي معي تراني مااحب آكل لوحدي .. انحرجت من كلامه وطريقته واهتمامه وتجاهله .. اليوم هذا مو صاحي .. قالت : لا شكراً تعشيت.. اذا خلصت اكل خرج الصينيه برا وانا اجي ارجعها .. اعطته ظهرها بتخرج قال : تعالي تعالي ماتبين تعرفين علوم امتس ونايف . رجعت بسرعه قالت بلهفه : الا والله ابغى اعرف .. مريت امي ..؟ اش اخبارها وكيف نايف ..؟ قال وهو ياكل ويرشف من بيالة الشاهي : قدمت لامتس على شغاله وقلت لنايف ان انتي اللي دفعتي الفلوس .. عضت على شفتها السفى برقة قالت : كم دفعت ؟. : مالك شغل . : الا لي شغل وراح ارجع لك فلوسك ان شاء الله بس اروح جده عشان اسحب راتبي . رفع نظره لها يبي يشوف ردة فعلها قال : انتي وش دخلتس .. انا رجال ابي اقدم لعمتي خدمه . وبنطرة مليانه اسئلة تبيه يفسر ويترجم ويوضح قالت : عمتك ؟. بلع لقمته وهو يطالع في الأكل قدامه ويواري نظره عن نظراتها المستغربه قال : ايه عمتي ولا عندتس شك ..؟ نظراتها ماقدر يفسرها .. هل هي عتب ..؟ ولا لوم ..؟ ولا ليه تستخف فيني بكلامك هذا ..؟ قالت وهي عاقده حواجبها من تناقضه وحركاته السخيفه بنظرها : المهم هي كيفها وكيف صحتها .. : طيبة وتسلم عليك ونايف بعد يسلم عليك . همست وهي مخنوقه : الله يسلمهم . نفسها تسأله كيف جاهم ومتى ووش قالت له امها بالتفصيل الممل وكل كلام نايف بس ماتبي تحرج نفسها معاه وتدري انه ماراح يبرد لها قلبها . فترت ملامحه وهو يشوف لونها بهت والذكريات والحنين خنقتها وقربت العَبْرَة .. قال بهدوء : اذا بين تروحين لهم بوديك أي وقت ماعندي أي اشكال لوتبين بكرة . هزت راسها قالت : لا مشكور .. صعب اروح ايام الدراسه وبكرة السبت . طلعت من عنده ودخلت غرفتها .. حاولت انها تتماسك وتصبر بس كانت الدموع اقوى من صبرها وتفجرت حنين وشوق سالت أسى وقهر على فراقهم وبعدهم اشتاقت لامها وتحس انها ماشافتها سنين .. واشتاقت لضحكة نايف من زمااان عنها . ضمت مخدتها وهي مغمضة بقوة .. ورموشها مبللة بالدمع .. فتح عليها الباب ودخل قال : كنت عارف انك تبكين .. والله لودريت ماجبت لك سيرتهم ..! سحبت لها منديل وابتسمت وهي تمسح عيونها وخشمها قالت : عادي انا اصلاً بكاية ... خلصت عشا ..؟ وقفت وهو يطالعها بدون مايتكلم الحمرة اللي اكتست جفونها وخدودها وخشمها واذانيها مشكله منها فتنة . مهما كان هو رجل وعنده احساس او انها بأنوثتها ووجودها احيت احساسه بعد ماقتله .. مشاعره اليوم اقوى منه وشادن سطوتها عليه مو مخليته يتحكم لابكلام ولا بشعور .. مسك يدها وهي جمدت بمكانها كانت تحس انه متغير من اول مادخل .. بس تغييره لحظي او لوقت .. وبسرعه يرجع زي اول يعني مو مقتنع انه يتغير . غمضت عيونها وهو يقرب يدها لشفايفه ويطبع عليها قبله لأول مرة . رجعت خصلة تمردت على جبنها ورى اذنها قالت : بروح اشيل الصينيه وارتب لك غرفتك كلها غبار . حس عماد بارتعاشة يدها وضم عليها بقوة قال بحنان مايدري ليه سيطر عليه : بكرة الصباح بوديك لاهلك . اختلف صوتها وهي تشوفه يطالع فيها بتأمل لأول مرة .. ومن هالقرب ..! وبكل هالأحاسيس .. ارتباك وخوف وخجل كلها امتزجت وشكلت منها كتله حمرا ومتجمده .. ماقدرت تنطق الا : بكرة صعب . رفع راسها اللي منزلته للأرض وتهمس له قال : ارفعي راسك ياشادن طالعيني وانتي تكلميني .. رفعت عيونها لوجهه بحرج .. وذاب كل الجليد .. .. انا انسان وقربك ايقض الوجدان .. ينام بداخلي احساس .. وتصحى بقلبي الاحزان .. ولو تدري .. هنا بصدري ..! سكاكين الوجع والآه وتسكن فيني المأساة تعالي وارتمي فيها عسى قربك يشافيها المسي جرحي خفا واغمري بردي دفا .. تعالي وايقظي فرحي . وادملي جرحي .. تعالي واضحكي فيني والعبي فيني واسكني فيني انا انسان وقربك ايقظ الوجدان . (اقدار ) امتدت يده لها وضمها على صدره .. وهي مابين حلم دافي وحقيقه حالمة .. تصدق ولا تكذب رغم الرهبه والخوف الا ان الاطمئنان كان مخليها تستلم له بكل هواده وهدوء .. نست خوفها من مصيرها اللي حكم به عماد عليها .. واطمئنت لبداية نجاح خطواتها بقربه منها .. مرت دقايق قليله وهو حاضنها وهي مغمضه وترسم بقية الحلم ضحكته كلامه معاها بانطلاق فرحته بشوفتها ولهفته قبوله وتقبله لها بكل مكان وبكل وقت . وكأن الحلم مستكثر عليها .. لمن وخرها عن صدره وهو يطالع بالارض ويتحاشى وجهها .. صعب يمني نفسه بالحياه وهو ميت .. صعب انه يغير القدر ولا انه يحلم ويكسر في شادن الآمال بعد سنوات قصيرة .. رحمه ربي بعلب الأدوية اللي اخذتها من غرفته وكأنها المنقذ الوحيد بعد الله وتكون وسيله كي يخرج من اللحظات العصيبه بنظره . . احكم قبضة يده على يدها قال بصوت باهت وهادي ومعاتب وحاني بنفس الوقت : هذي وش تبين فيها ليه جايبتها لغرفتك ..؟ رفعت وجهها اللي كانت منزلته للأرض بخجل وطاحت عينها على الأدوية .. من وين تجيب الكلام ..؟ وين العذر ..؟ دخلت غرفتك وفتشتها ..؟ ولا حاولت ادور على خيط يدخلني لأسرارك ويكشف لي غموضك ..؟ ارحمني يارب . اخذت نفس عميق قال بجرأة انطلقت من شفاهه من دون مايحسب لها او يفكر في عواقبها وكأنه تسوقه على الكلام او بمعنى اصح تجبره على الفضفضه : تبين تعرفين هذي ليه ..؟ هزت راسها بلا قالت : ها .. ؟ عماد ماقصدي شي بس امي عندها القولون .. حط وجهه قدام وجها ولفحتها انفاسه وهو يقول بهمس : وانا ماعندي قولون ياشادن .. فهمتي .. ماعندي قولون . انتفضت بمكانها .. وعلا صدرها وهبط وكأن قلبها بيخرج من مكانه خشية الصدمة والخوف من اللي بيقوله .. تهاوت على السرير جالسه وانفلتت يدها من يده .. قالت بشفايف ترتجف وصوت مخنوق وهي تحط يدها على فمها بأسى : عمااد . قاطعها بضحكه خافته لأول مرة تسمعها وهو يشوف الهلع باين على وجهها وتترجمه رعشة يدينها وشفايفها .. جلس قدامها على ركبه قال : لاتخافين هذي فيتامينات .. انا مافيني الا العافيه . هزت راسها بلا واصرار انه يكذب . مسك ذقنها من تحت وشد عليه بسبابته وابهامه زي مايسوي مع شهد دايماً اذا عاتبها ولا زعلت منه وجا يراضيها قال بهمس : ليه ماتبين تصدقين . حطت يدينها على وجهها وضمت عليه بقوة وهي مغمضه .. ماعندها كلام ولا تقدر عليه .. الأحاسيس بداخلها كثيرة بس كيف تظهرها وهي بموقف مثل هذا .. والصوت يخذلها والكلام يخونها .. وقف وهو يطالع في الباب .. لابد يبعد عنها .. يهرب لأقصى مكان حتى ماتكشفه ويفضح امره قدامها وبين اياديها .. مسح على راسها وطبع على جبينها قبله اجبرته على فعلها وطلع .. تركها مابين ندب وقهر تصدق عيونها والواقع ولا تصدق كلامه .. مو قولون ..؟ ومستحيل تكون فيتامينات .. معقول ما فيه شي .. اجل ليه حياتهم كذا ..؟ بس وشلون تعرف ..؟ هو هرب منها خلاص .. وماتدري له رجعه ولا راح يحرِّمها للأبد ..! ابتسمت وهي تتذكر يدينه اللي حوطتها بقوة وهو يضمها . نفسها تروح له وترمي نفسها في حضنه مرة ثانيه وتعيش نفس الاحساس .. تلخبطت مشاعرها مابين ارتياح وطمأنينة وخوف من باكر .. تذكرت الصينيه واكيد انها عنده او برا غرفته .. وقفت وشافته يشيلها بنفسه قال بلهجة جافه : ارجعي نامي انا اللي ارجعها . ردت باصرار وهي تتسلح بالقوة واللامبالاة من تغيراته المفاجئة : اصلاً انا لازم انزل عشان ادخل الاغراض اللي جبتها .. : خليها بكرة ترجعها الشغاله .. ردت بابتسامه اغتصبتها من بين افكارها الموجوعه : فيه اشياء مايصير تبقى برا بحطها في الثلاجه .. : زين اجل خذي مني دام انك رايحه رايحه بغيت اخدمك وانزلها . بلعت ريقها وقالت : تسلم ماتقصر . تنهد من العمق بدون كلام .. واخذت الصينيه منه ورجع لغرفته سكر الباب بينه وبينها .. وهي راحت في طريقها .. وطريقها الليلة مابين الحلم والألم واليأس وبوادر امل تشوح لها من بعيد وبكرة يثبت لها ياتستقبلها ياتودعها .. *** وهل الشهر الفضيل القرية الصغيرة تحولت الى جماعات نص بيوتها تخلو من قبل المغرب والنص الثاني تستقبل مافيه بيت يفطورن اهله لوحدهم وهذي حلاة رمضان فيها اذن العصر وشادن في المطبخ تشتغل بهمه مع الشغاله .. اليوم الفطور عند ام ناصر وعيالها وبناتها مجتمعين عندها .. ماناقصهم الا نورة اللي عايشه في الرياض وماتجي الا في المناسبات والاجازات .. واحمد اللي متوظف في السفارة السعودية في عمان .. دخلت فوزية ومعاها صينيتين حلا وبيتزا قالت شادن وهي تحرك قدر الشوربه الكبير : عمتي دايماً اول يوم تتجمعون عند جدتي . ردت فوزية وهي تدخل الصواني بالفرن : ايوه بس دايما حريم اخواني وبنات ناصر يتجمعون من بدري ويساعدون الشغاله .. اليوم ماجوا شكلهم معتمدين عليك ولا مستحين منك . : يارب تساعدني .. ياليت امي عندي هي اللي اتكل عليها بعد الله في مواقف مثل هذي . قربت فوزية من القدر وشمت الريحه وغمضت قالت : قدها يابنت خالد .. ريحة طبخك لوحدها تشبع .. ضحكت شادن قالت : بعدي بعدي لاتفطرك الريحه . : هههههههههههههه شكلي شبعت . دخلت شهد تجري قالت : شادن عماد يقول خليها تسوي لي عصير مثل اللي سوته على السحور وتبرده . قالت : عماد فين عند جدتي ..؟ قالت شهد : ايوه بسس ... امممم ... شادن لاتزعلين مني .. زمت شادن شفايفها قالت : علمتيه ها ..؟ ضحكت شهد ببراءة قالت : وعماد ضحك كثير .. طالعتهم فوزية مستغربه قالت : وش صاير ..؟ تتكلمون الغاز اليوم .. شهد وش قلتي لعماد . طالعت شهد في شادن اللي تعض على شفايفها مقهورة قالت : شادن اقول لماما .. ماما ماتضحك زي عماد صح ياماما . ردت فوزية بضيق : ايه صح بس قولي . حطت سبابتها قدام امها وفتحت عيونها ورفعت حواجبها قالت : وعد ماتضحكين . : وعد يالله قولي . فتحت شادن الثلاجه وطلعت الفاكهه تبي تسوي لعماد عصير وهي ساكته وتتمنى لو تشوفه يضحك كثير .. ماتتخيله يضحك الا ابتسامه وآخر مرة ضحك لمن قال مافيني شي حست ان ضحكته بوجع . قالت شهد : البنات في المدرسة يقولون شادن خافت من العقرب اللي دخلت في شنطة مستورة وطلعتها برا عند بوابه المدرسة . وخالة مزون طلعت كتب مستورة وضربتها ضربتها ضربتها الييييين ماتت . قالت فوزية باستغراب : طلعتي شنطة البنت برا وخليتيها . تكلمت شادن بعصبيه : اجل اخليها تلدغ البنات ولا اش اسوي .. تعالي شهد من اللي قالت لك ان الخالة هي اللي موتتها ..؟ : العنود علمتني تقول الخالة علمت نوف .. شهقت شادن قالت : الحين بتسوي لي سالفه .. استغفر الله اللهم اني صايمه . دخل عماد وهو يضحك ويعض على شفته اللي تحت حتى يوقف ضحك قال : ذكريني آخذك للمزرعه واعلمتس وشلون تذبحين العقارب . وبردة فعل سريعه قالت : بسم الله عليّ مالقيت تعلمني الا ذبح العقارب . قالت فوزية : ماادري كيف بيطلعون عيالك ياعماد اذا امهم تخاف من الحشرات .. تدري انها تخاف من شي اسمه جراده .. كانت جملتها الأولى كفيله انها تجمد كل حركاته وضحكته ونظرته .. بهت لون شادن وطاحت من يدها تفاحه كانت تقشرها .. دق الجرس وانسحب عماد بدون مايرد او يعلق او حتى ينتظر أي تعقيب .. بعد دقايق كانت منال وحنان بنات ناصر معاهم في المطبخ ... وامهم حلفت عليها شادن ماتدخل المطبخ وتروح تجلس مع جدتها لحد مايأذن المغرب .. وصلت حليمه زوجة فواز وراحت تكمل الجلسه مع ام ناصر وام فهد بأمر من شادن ورجاء .. *** بعد اسبوع اول من شهر الخير .. كان جالس في المستشفى مع نايف اللي ماتركه ولا يوم ويفطر معاه الايام اللي راحت كلها .. قال فهد بصوت هادي ويده على صدره : نايف تراني ماني راجع للديرة الايام هذي وانا كتب لي الدكتور على خروج . فهم نايف مصقد فهد وتهلل وجهه لأن ولد عمه يطلب منه انه يجي عنده ويحسسه بقربه منه وحاجته له .. قال : الله يحييك في بيتك وبيت اخوك يافهد .. حط يده على يد نايف قال : بيض الله وجهك يابو خالد اشهد بالله انك رجال وماقصرت معي .. ويعلم الله ان معزتك من معزة بندر وخالد . دخل عماد عليهم وهو يبتسم وقطع كلامهم وهو يقول : فاتني فطورعمتي .. عز الله اني جاي مستعجل عشان الحقه . ضحك نايف وهو يوقف ويسلم على عماد قال : مافاتك الا الشر ياابو مشعل .. فهد مااكل الا شي خفيف وامي الله يخليها لي حاسبة حساب مرضى الجناح كلهم . ضحك عماد وسلم على فهد وشده بيده قال : يالله قوم خل عنك الدلع .. ترى الدكتور كتب لك خروج .. تبينا نمشي للديرة ولا نجلس الليله في شقتي وبكرة نمشي . طالعوا فهد ونايف في بعض قال عماد : وش السالفه ..؟ رد نايف : فهد بيطلع عندي كم يوم .. فهم عماد ان فهد مايقدر يرجع للديرة وجرحه للحين مااندمل والذكريات بتنزفه ويحتاج فترة نقاهه بعيد عنها .. قال باقتناع : على خير ان شاء الله .. بس امك وخواتك ابلشونا كل شوي بندر جاي يقول باخذهم اوديهم له وانا اقول اصبر فهد يجي بنفسه ويطمنهم . رد فهد بهدوء : خل بندر يجيبهم يوم واحد ويرجعهم . فك عماد شماغه ونسفه من جديد قال : زين يالله توكلوا على الله .. انا دفعت الفواتير وماعليك يافهد الا توقع على خروجك وتروح مع ولد عمك . قال نايف : وانت بتروح معاي للبيت والليلة بتتسحر عندي . : لا والله اعذرني انا جاي لفهد ووراي اشغال في الديرة لكن مثل ماوصيتك لاتنسى الشغاله تراها توصل بعد اسبوعين .. رد نايف : ان شاء الله ماانسى .. ترى امي تسلم عليك وتقول اشكره واعطه الفلوس حقتها بس انت الله يهديك ياابو مشعل .. قاطعه عماد قال : وليش تعطيني انا الفلوس ؟.. اذا بتعطون عطوا بنتكم هي اللي جابتها بفلوسها .. سلم لي بالله على عمتي وانا بإذن الله راح امرها قريب .. : يوصل ان شاء الله . قاله نايف وهو يجمع اغراض فهد اللي دخل يبدل ملابس المستشفى بملابس جديده جابها نايف له . طلع عماد متوجه للشركه قبل يمشي للديرة .. وخرج فهد مع نايف بعده بمده قصيرة .. الدنيا جديده عليه ..! وهو جديد عليها ..! عمره ماكان ضعيف بالشكل هذا ..! ووحيد بالشكل هذا ..! ويائس وحزين بالشكل هذا ..! تذكر ان آخر عهد له بالضحكه مع سعود ..! وان الفرح مات مع سعود ..! وان الطريق كئيب بدون سعود..! وحزين مثله الليلة . حط يده على صدره حتى لايفر قلبه من الحزن والوجع ..! وضم عليه يبي يهدي روعه بفقد سعود اللي كل يوم يثبت له ويتأكد منه . وكمل طريقه الجديد .. بثوبه الجديد وروحه الجديده وأحاسيسه المبعثرة والغريبة .. *** نزلت من فوق بعد ماصلت المغرب وبدلت ملابسها .. وعيونها كلها نوم ..! الدوام في رمضان متعب .. والمشوار يهد الحيل .. صحيح انها تطلع بعد ماتصلي الفجر مو نص الليل زي اول بس برضو كونها ماتقدر تشرب مويه وهي عطشانه اسمه هلاك .. قال مشاري وهو يشوف عيونها تحيطها هالات سودا : سارة اذا الدوام بيسوي فيك كذا بلاش منه مو محتاجه الوظيفه انتي . قالت : اسكت بس يامشاري اليوم حسبتني اموت من العطش بس الحمد لله ان المغرب اذن علينا في الطريق وشربت قارورة كاملة قبل ماآكل شي . تكلمت امها وهي تمد عليها كوب العصير : سارة يمه مهما كان اصبري واتبعي السنه كلي لك لو حبة تمرة بعدين اشربي مويه . رشفت من عصيرها قالت : يمه اقول لك حسبتني اموت من العطش ... سكتت وهي تشوف مشاري يأشر لابوه والثاني يتمتم له قالت بعفوية : اش عندكم . ترى مافيه الا انا وامي .. اذا عندكم اسرار لاتقولونها لبعض قدامنا وتقهرونا . قالت امها : بتروحين تصلين التراويح معاي في المسجد ولا بتصلينها هنا . تثاوبت وهي تتمطط قالت : يمه مافيني اروح للمسجد .. بصليها هنا وانام . قال مشاري : هذي سنَّه اذا قدرتي تصلينها بتؤجرين واذا ماقدرتي ماراح يحاسبك ربي . ردت ام مشاري بعصبيه : وانت ماعندك غير هالكلام .. ماتقدر تقول صليها واستفيدي من الشهر هذا لايضيع عليك بالنوم .. ضحك مشاري من ردة فعل امه قال : والله اني كنت حاس انك بتقولين هالكلام .. انا مقتنع بكلامك وشوفيني ماقد تركت التراويح من فضل ربي بس اذا هي ماتقدر و تعبانه تروح ترتاح وتنام والدين يسر .. قالت سارة : لا تقعد تضيع السالفه اش عندك انت وابوي .. طالعت في ابوها اللي مو معاهم قالت : ابوي شكله مو عاجبني .. فيه شي ..؟ رد ابوها : مافيه الا كل خير امور تخص الشغل شاغلتني .. انتي بس روحي نامي لك ساعتين واصحي اسهري معانا . : لا ان رحت انام بركه اذا صحيت الفجر .. قال مشاري وهو يقوم يبي يتوضأ لصلاة العشا : بكرة خميس روحي حطي راسك وطلعي نوم الاسبوع كله . عاد نوم سارة اللي اعرفه لو البيت ينفجر ماصحت . قامت وهي تقول : اذا قدرت اصحى بتسحر معاكم واذا ماقدرت يمه لاتنسين تصحيني اشرب مويه اهم شي .. اخاف اموت من العطش بعد اللي مر عليّ اليوم . طلعت فوق قال ابوها : الحين وشلون اقول لها على طلاقها . ردت ام مشاري بهدوء : انا لومكانك قلت لها .. سارة تغيرت وكبرت عن اول ياابو مشاري . وبتفرح بفراق خالد الله يهديه . : الله يرزقها باللي يسعدها .. اللي مريحني ان ماعليها عدة . : لاتنسى تروح تلغي طلب نقلها للرياض . : كلمت عماد رجال شادن بنت خالد والغاه .. ووعدني انه ينقلها عندنا في جده . : صدق .. الله يبشرك بالخير ويجزاه خير .. ليه ماقلت لها وفرحتها . : اصبري لين نخلص من موضوعها ثم نبشرها باللي يسرها .. صبت له كاسة عصير وهي تقول : ترى العشا اذن قوم توضأ على بال ماالبس عشان توديني بطريقك . شرب ابو مشاري كاسة العصير دفعه وحده ووقف قال : يالله .. انا متوضي بس ابي اغسل فمي عن العصير ازهمي مشاري لا يتأخر .. رد مشاري : انا ماشي يبه ووراي مشوار لنايف .. ولد عمه عنده ومعشيه .. الحقنا هناك لاتنسى تراه يقول خله يجي معاك ودق عليك جوالك مقفل . : روح تعشى انت وانا بعدين امر اسلم عليه وسلم لي عليهم واعتذر عني . طلع مشاري من البيت ونيته وخطوته لبيت الله يطلب رضاه وعفوه .. *** رمضان في القرية بالذات تواصل واتصال .. الأهل بيوتهم وحده وجمعاتهم مستمرة ويومية .. ايامه تجمعهم على طاعة ربي وصلة رحمه .. بعد اسبوع من ايامه الفضيله عايشة احلى ايامها من يوم جات للديرة .. او لقرية الاجواد .. من بدايته وهي منطلقه بين بيوت عمانها وماترجع الا الساعه عشرة او اذا الفطور عندها يجونها بنات عمها ناصر ومايطلعون الا متأخرين وتدخل تنام على طول . حتى السحور ماتصحى عليه الا قبل الاذان على طول وتاكل شي خفيف وتصلي وتكمل نومها .. ماعاد عماد يشغل تفكيرها مثل اول او انها تعودت على بعده وتحاشيها وصارت هي تتجنب احراجه .. المهم انه مايشوفها الا بكامل اناقتها وابتسامتها على وجهها .. وتلبي له كل اللي يامر به وتحاول تظهر قدام عمانها واهلهم انها الزوجة المحبة والمتفانية لارضاء زوجها .. اما عماد فكان يقضي اغلب وقته مابين المزرعه وخواله . وجدته يتسحر معاها بدري وينام .. ماعاد يشوفها الا لمحات وهي داخله ولا طالعه .. رغم انه مرتاح لبعدها عنه وبعده عنه الا انه يسرق النظره لها ، والكلمه منها.. اليوم الفطور عند بيت خاله ناصر .. ومن يوم رجع من المزرعه ماشافها .. نزل بعد مابدل ملابسه وراح لبيت خاله من بدري حتى يطمنه على فهد ويجلس معاه لين يأذن المغرب .. . استقبله خالد ولد خاله ناصر ودخل معاه للمجلس .. كانت جالسة بضيق وضيقه ومسنده بظهرها على المسنده وراها هي كانت تشك في وضعهم لكن من يوم دخل رمضان وشافتهم مايكلمون بعض وانه يحاول يتهرب منها ويبعد وهي تبعد وتدور اللي يشغلها ويجمعها بالناس حتى ماتقابله وتضايقه .. تأكدت شكوكها وصارت تراقب وتشوف .. قالت ام ناصر بكلمة قصيرة وصوت واطي ماوصل الا لعماد اللي جلس بجنبها : شفت مرتك من يوم جيت ..؟ طالع في جدته قال : لاوالله جيت مالقيت احد في البيت . : شفتها نايمه ..؟ : ها .. صاير شي ..؟ رددت كلمته بينه وبينها باستهزاء قالت : صاير شي ..؟ مرتك في بيتها مريضه . وماظهرت من حجرتها ..! عقد حواجبه قال : مريضه ..؟ : قوم روح لها وهرجها وشوفها محتاجة شي .. تبي شي .. خاف ربي في المسيكينه اللي من يوم اخذتها وهي صابرتن عليك وعلى اهمالك وغيابك . اخذ شماغه وطلع قال ناصر : انتي علامتس عليه الله يخليتس لي . : خله يروح يشوف مرته ويهتم فيها مثل مايهتم بعيال الناس . سكت ناصر وهو يشوف خالد ولده يدخل ويقول : يبه بندر يقول بودي امي والبنات لفهد في جده . رد ناصر وهو يهز راسه : انا قايل له . خل امك تروح تطمن عليه وترتاح مالها جدوى الا دمعتها عليه . تنهدت ام ناصر الأم الثكلى واللي تعرف فقد الضنى ومجربته : الله يطمن قليبها على ضناها وتقر عينها فيه . *** دخل البيت وطلع فوق على طول .. شافها متكومه على نفسها في سريرها ومتغطيه باللحاف مو باين منها شي .. وبجنبها كوب كبير فيه شاهي او عصير لونه بني فاتح .. مد يده ولمسه وحسه دافي ومشروب منه النص تقريباً .. ريحته موغريبه .. بس ماتذكرها .. قرب منها وجلس على طرف السرير قال : شادن . رفعت اللحاف عن وجهها بعد ماحست فيه وسمعت صوته .. قالت وهي معقده حواجبها : هلا . سندت بظهرها على مخدتها ورجعت شعرها المتبعثر على وجهها ورى .. قال : سلامات وش فيك .. ؟ وجهها احمر وعيونها ذبلانه وحمرا وباين عليها التعب قالت : الله يسلمك . : وش تحسين فيه ..؟ : ها .. ولا شي .. عادي .. بطني . كانت مرتبكه ومستحيه وخجلانه قال : قومي بوديك للطبيبة تعطيك شي .. هذا وشو اللي هنا .. ؟ افطرتي ..؟ لهالدرجة تعبانه . ؟ نزلت نظرها للأرض قالت بخجل : قرفه . كشر قال : يالله امشي بوديك للمستوصف يعطونك شي احسن من الخرابيط اللي تشربينها . : لا مو لازم . خلاص انا الحين احسن . : احسن وهذا شكلك يالله بس لاتعاندين قومي . رفعت نظرها قالت : والله مو لازم طبيبة انا اعرف نفسي شويه وراح اصير كويسه . وبعفويه قال : طيب الألم من وين بالضبط . فتحت فمها قالت : بطني .. خلاص الحين مافيني شي .. انت روح افطر ترى المغرب حيأذن . صك اسنانه قال بقلة صبر وخوف : وريني الألم من وين ..؟ ثنت رجولها ولفت يدينها عليها والمغص يزيد عليها قالت : بطني وظهري .. خلاص اخذت بندول وشربت قرفه الحين يخف . : ومن قال لك ان القرفه والخرابيط تخفف لك الألم .. غمضت عيونها وهي ماعاد فيها تتحمل الألم ولا سخافته قالت : انا اعرف نفسي . وقف قال بحزم : انا بطلع اخليك تبدلين ملابسك .. خمس دقايق والاقيك جاهزة . ردت بسرعه قالت : لااا . ماني رايحه ولوسمحت روح افطر واتركني . انا مو ناقصتك . رجع لها قال : شادن .. انا ماابي اضغط عليك ولا اجبرك بس كونك تتألمين قدامي وتتعبين لدرجة انك تفطرين هذا مايرضيني ولا راح اسكت .. حطت يدينها على وجهها قالت : انا معذورة ماعليّ صيام خلاص ارتحت .. عرفت ليه انا تعبانه . فتح فمه مايدري وش قصدها ..! وفجأة كأنه انضرب على راسه . انا وش يدريني عن الحريم واسرارهن .. لأول مرة يكون بموقف محرج مثل هذا .. قال بارتباك : وافرضي .. وش هاالألم . عقدت حواجبها قالت : عادي انا متعودة . وقف قال باهتمام : طيب وش اللي يصلح لك غير القرفه . : خلاص شويه وحصير كويسه . انت بس اطفي النور وروح افطر . : لا ماني رايح برسل الشغاله تجيب لنا فطور هنا . : لاا انا ماراح افطر بنام الحين .. هز راسه وخرج وهي حاولت تغفو لين تعدي ساعات الألم اللي تمر عليها كل شهر وتعتبر من اسوأ واصعب الأوقات بحياتها .. لامت نفسها على كلامها وصراحتها بس ماقدامها حل وهي تعبانه وقرفانه من الألم الا انها تفتك منه وتقول له .. شدت اللحاف على جسمها وتمنت لو انها راحت وغيرت جو وسمعت كلام جدتها .. هذا اللي استفادته احرجته واحرجت نفسها معاه .. *** طلع لبيت خاله وافطر هناك وسط اسألة جدته وخاله عن شادن وهو رد عليهم بأن معدتها تعبانه وتركها ترتاح .. بعد صلاة العشا والتراويح .. مارجع معاهم لبيت ناصر مثل عادته وآثر انه يرجع لبيته ويشوفها ويتطمن عليها .. دخل عليها وهي على وضعها وشكلها نايمه وغاطه في نومها .. فتح النور وماتحركت وجلس على طرف سريرها قال : شادن . فتحت عيونها بهدوء وهي تحس براحه في جسمها بعد عاصفة الألم اللي اجتاحتها اليوم .. قامت وجلست قالت : عماد ..؟ من متى وانت هنا ..؟ : توني دخلت .. ها وشلونك الحين ..؟ : خلاص ماعاد فيني شي . رجعت شعرها ورى ولمته بالشباصة اللي بجنبها على الكومودينو قالت : افطرت ..؟ : ايه افطرت وقلت للشغاله تجيب لك فطور . : مو مشتهية شي الحين بقوم آخذ لي شور . ابتسم على مصطلحاتها الغريبه عندهم في الديرة وبين اهله .. هي متمسكه بكلامها ومافكرت تغير منها كلمه وحده او انها تقلدهم .. وقف وتوجه للباب وهو يقول : قومي اجل اخذي لتس شور وانزلي تحت جدتي بتجي خليها تشوفتس طيبة ترها قلقت عليتس واقلقتني معها . خرج من دون ماترد وقامت اخذت لها شور ولبست تنورة جينز ازرق وبلوزة قطنية ودافيه بكم طويل لونها بيج .. فتحت شعرها وتزينت بمكياج خفيف وتعطرت ونزلت لجدتها اللي اول ماوصلت ارسلت لها الشغاله تسألها اذا هي بخير ولا لا .. انتبه لها وهي تنزل مع الدرج قبل لايدخل لغرفة جدته قال وعلى جبينه ابتسامة رضا واطمئنان : لاااا اشوا الحمد لله .. من يقول ان هذي اللي اليوم تلوى من الوجع . ابتسمت بخجل قالت : الحمد لله ماعاد فيني شي . دخل لغرفة جدته وهي جالسه على سجادتها وتصلي قال : خلصتي ياام ناصر ولانطلع ونخليتس تكملين . طالعتهم ام ناصر وهي تتمتم بسبحان الله والحمد لله ولااله الا الله والله اكبر ولاحول ولا قوة الا بالله .. قالت : خلصت عسى الله لايفرقكم ويمد بعمري لين اشوف عيالكم . قالت شادن بجرأة وهي تبتسم لجدتها : آميين يارب ويخليك لنا وتشوفين عيال عيالنا وانتي طيبه ومتعافيه . مارفع نظره لها واكتفى بالسمع وبداخله ملايين الأسئله وكلها لها معنى ( لوين بتوصل بس ) قالت ام ناصر وصوتها يتهدج : انا مايفرحني غير اذا شفتكم مع بعض . وكأن كل الكلام موجه له وهو ساكت ماتكلم .. اخيراً قال وهو يتعمد يغير الموضوع : قومي ياشادن خلي الشغاله تجيب لك شي تاكلينه . وقفت قالت : بجيب لنا كلنا ... قطعت كلامها وهي تشوف شهد وفوزية داخلين الغرفه قالت : هلا والله حياك الله ياام فيصل . راحت شهد تجري لعماد وسلمت عليه قالت : اشتقت لك كثيييييييييير . طالعتها شادن وتذكرت الورقه وضحكت قالت : وانا طيب مااشتقتي لي ياشهوده .. رجعت لشادن وضمتها قالت : الا اشتقت لك بس عماد احبه كثييير واشتاق له كثيير ... عشششششاااااان .. وطالعت فيه وضحكت . قالت شادن بضحكه : عشان ايش كملي .. طالعها عماد وهو يبتسم قال : هالبنت موب صاحيه هرجها اكبر منها الله يصلحها . قالت فوزية بعد ماسلمت على امها : الله يهديك ياعماد دلعتها عليّ الحين حياتها كلها اسرار وتخبي عني اشياء واذا قلت علميني قالت اشوف عماد اول شي يبغاني اعلم ولا لا . قال عماد : لا البنت الشاطرة تسمع كلام امها وماتخبي عنها شي . قالت شهد ببراءه : يعني اعلمهم على كلامك . ضحك عماد بصوت واضح لهم وهادي بنفس الوقت قال : هذي والله البلشة .. الحين انتي ماترتاحين وعندتس سالفه . قالت شادن اللي كانت واقفه على الباب : ها تبغون تجلسون هنا ولا تروحون للصاله احسن . قالت فوزية : شادن اليوم فيك شي يقولون انك تعبانه . رد عماد : لااله الا الله مسرع الخبر ينتشر . : وش خبره لايكون ... قاطعتها شادن : لا لا مافيني شي تعب بسيط وراح . فهمت فوزية عليها قالت : اها .. وبس وفواز جايني يقول تعبانه وعماد ماافطر شايل همها . والله اني حسبت ان فيك شي بس الحمد لله . جات شهد اللي كانت تفكر بكلام عماد لها وشاغل تفكيرها .. عند شادن قالت وهي تمط كلامها : شااااادن ... شففففتتتتتيييي عمااااااد يقوووووول .. وكملت بسرعه : اذا جا عنده بنت بيسميها شذا واذا ولد مشعل . قال عماد وهو يرجع لها ويشيلها ويحطها بطنها على راسه ويحركها .. وهي تضحك بهستيريا من الحركه : ابلشتني ياناس .. كل ماتشوف وجهي تقول اذا جالك بنت تسميها باسم فيه حرف شين واذا ولد مشعل ولا مشاري عشان حرف الشين .. وش اسوي بها .. ها ارميتس مع الشباك .. وش رايتس . كانت تضحك وتحرك اصبعها قدام وجهه بلا .. قالت ام ناصر : ياعساني اشوف مشعل ومشاري وخواتهم مالين عليّ البيت . نزل شهد ومر من عند شادن اللي واقفه عند الباب وهي مبسوطه من كلامهم وتضحك قال لها بهمس : هذا اللي استفدناه . اتسعت ابتسامتها وراحت للمطبخ تحضر له عشا وقهوة لعمتها وجدتها .. *** في جده .. وفي بيت نايف تحديداً .. وصل بندر بأهله .. الشوق مضني و الوله جبار .. ولهفة الأم على الضنى تكوي الفؤاد وتنهكه .. اول ماشافت وجهه الذبلان نزلت من عيونها دموع حارقه . ضمته وهو سلم عليها وباس راسها ويدينها وهو يقول : الله يخليتس لي مافيني الا العافيه .. لفت يدها من ورى رقبته وضمته وشمت ريحته وهي تقول : نطف قلبي عليك .. ابطيت علي وانا امك . باس يدها وتنفس عبقها بقوة لعلها تبريء شي من اللي في صدره .. قال : ابشرتس انا بخير بس لاتدمع عينتس عساني ماابكيتس . تعالي اجلسي هنا .. التفت فهد لمنال وحنان اللي دخلوا بحذر وكل وحده متغطيه ومتخذه احتياطاتها تحسباً لدخول نايف وسلم عليهن .. وجلس في صدر المجلس وبندر وخالد حوله وامه بجنبه ومنال وحنان اخذوا زواية بعيد عنه شوي .. قال فهد : ترى نايف طلع مهوب جاي لين يدق عليّ . نزلوا البنات الغطا من عليهم واخذت امه راحتها في جلستها بدون عبايه .. وبدا سيل الأسئله لفهد عن صحته والكل يتحاشى سيرة الاسباب والفقيد . وهو يجاوبهم ويطمنهم بهدوء .. نزلت دمعة منال الحساسه وهي تشوف فهد مو فهد نحفان كثير وشعره الطويل قصه وصار مثل عماد وبندر وخالد .. عيونه ذبلانه وفيها حزن وصوته متغير من اثر المرض .. وكلامه جدي والضحكه ماعانقت محياه ولا شفاهه .. قال لها وهو يرسم على وجهه شبح ابتسامه مخيفه : قومي تعالي عندي وشو له الدموع ..؟ نزلت دموعها اكثر ومسحتها وهي تجلس قريب منه قالت : خفنا عليك . غمض عيونه وتنحنح بصوت عالي حتى يبعد البحة من صوته قال : تعالي هنا ياحنان .. وش سويتوا في الدراسه عطلتوا ولا لا .. قالت منال : لا باقي لنا اسبوع ونعطل . دق جوال فهد وشافه رقم مشاري اللي صار يقضي اغلب وقته مع فهد ونايف .. رد على طول بــ : ياهلا والله حيا الله مشاري . : هلا بك ياابو ناصر .. ها كيفك اليوم . : بخير عساك بخير .. وين انت ..؟ : قريب من البيت خلاص وقفت سيارتي . اشر فهد للبنات وامه يقومون وهو يقول : حياك الله ادخل اذا الباب مفتوح ولا افتحه لك . : لا مفتوح يالله سلام . : سلام ورحمة الله . وقفت امه مع البنات ودخلوا لداخل البيت .. ودخل مشاري اللي عرفه فهد على اخوانه بندر وخالد وجلس يسولف معاهم كأنه يعرفهم من سنين . *** في مجلس الحريم لبيت ام نايف .. قالت ام فهد لبناتها : قومن ساعدن خالتسن ام نايف سون معها مثل ماتسوي شادن معي . قالت حنان اللي سندت بظهرها على الكنبة : يمه انا والله مااقدر السيارة كسرتني .. ردت امها : هذي نتيجة الصيام بلاسحور .. ماعاد تتحملين شي . قومي يامنال اخدمي خالتس . وقفت منال وراحت لام نايف في المطبخ وهي تبتسم بخجل قالت : خالتي عطيني عنك انا اسوي القهوة . ردت ام نايف النشيطه والمعروفه بمهارتها في المطبخ وشغل البيت عموماً : لا حبيبتي روحي ارتاحي انتي جاية من مكان بعيد واكيد تعبانه .. وانا اصلاً ماعندي شغل . : لاوالله مافيني تعب الحمد لله .. بعدين خليني اتسلى معتس . توجهت للمجلى وقعدت تغسل البيالات والصواني وهي تسولف لام نايف عن شادن وتكلمها عنها والثانية غمرها الفرح بسيرة فلذة الكبد وقطعة القلب وتطمن قلبها عليها وعلى اخبارها خاصة ان منال معجبة في شادن وطريقة اهتمامها بجدتها وشغلها اللي الكل يمدحه .. دخل نايف للبيت ونادى ياولد .. بالرغم ان الكلمة غريبه عليه الا انه اقتبسها من عيال عمه ومن عماد اذا دخلوا بيوتهم وعندهم ضيوف .. وقفت منال ورى الباب قالت : خالتي اطلعي له لايدخل . طلعت ام نايف قالت : بنت عمك عندي في المطبخ لاتدخل . ضحك لامه باستهبال قال بهمس : أي وحده فيهم ..؟ ردت امه بحده : مالك شغل روح للمجلس واذا بغيت شي ناد عليّ . كمل ضحكه وبنفس الهمس : بالله مزيونه ولا مثل وجه عمي ناصر . : ولد قليل ادب انت .. البنت لاتسمعك . بعدين وش فيه وجه عمك ..؟ : ابد سمح وطيب وشوفته تجيب العافيه .. بس ثلاثة ارباعه لحية وحواجب .. لكن شوفي اذا هي تشبه فهد اكيد انها مزيونه .. : يالله يالله على المجلس وبلاش تتكلم عن بنات الناس . ضحك نايف بصوت اعلى غصبٍ عنه قال : لنا الله ياام نايف .. الحين ماتبيني اسأل عن زوجة المستقبل لكن بكرة تعالي وقولي عساني اشوف عيالك وعيال عيالك . خبطته على كتفه وهي تضحك قالت : بكرة شغلي معاك .. يالله روح البنت بتموت من الخرعه من صوتك . راح يمشي ورجع لها قال : والله ..؟ بتموت من الخرعه ..؟ اجل اكيد انها نعومه .. وطالما انها نعومه اكيد انها مزيونه . صح كلامي ولا لا . هزت امه راسها وهي تضحك من تصرفات الاستهبال اللي احياناً يتصنعها واحياناً تصدر منه بعفوية .. دخل قسم الرجال والتفتت امه على باب قسم الحريم وهو ينفتح ودخلت منه ام مشاري اللي تعتبر البيت بيتها وبيت اختها ومعاها سارة وشغالتهم .. استقبلتهم ام نايف وهي ترحب وتهلي ودخلتهم لمجلس الحريم .. رجعت لمنال في المطبخ قالت : منوله حبيبتي خلاص اتركي الشغل هذي شغالة جيراننا جات تساعدني .. روحي سلمي على جارتنا وبنتها صاحبة شادن .. اخذت منال منديل ومسحت به يدينها وهي تقول بفرح : سااارة . طالعتها ام نايف قالت : ايوه سارة اكيد من كثر سوالف شادن عنها صرتوا تعرفونها . ضحكت منال وقالت : هههههههههههههه صرنا نشتغل ونفطر ونسهر على سيرة سارة وسوالفها هي وشادن . : اجل روحي شوفيها واجلسي معاها حتى تطمنين شادن عنها . : زين . طلعت منال وراحت لمجلس الحريم .. سلمت عليهم بخجل وشافت حنان اختها تسولف مع سارة ومنطلقه معاها كأنها تعرفها من سنين .. قالت حنان : سارونه هذي منال اختي اكبر مني بسنتين . سلمت سارة على منال قالت : ياعمري كلمتني شادن عنكم بس ماكانت تعرفكم كثير . ابتسمت منال قالت : حتى حنا ماعرفناها الا بعد ماتزوجت وخاصة في رمضان صرنا نشوفها يومياً . تعشوا وكملوا السهرة بود وسوالف وضحك واستغربوا البنات ان سارة ماتشبه لشادن في شي الا اللهجة والمصطلحات .. وام فهد حست ان الجو مناسبها بين ام نايف وجارتها اللي تشبهها كثير تمنت لو تجمعهم الدنيا مرة ثانية بليلة مثل هذي .. فيها الرضا والاطمئنان والضحكه والكلمة الطيبه والاجتماع على الخير والمحبة . *** فتحت شباك غرفتها وشافته واقف مع السايق ويكلمه .. قالت بصوت عالي .. : العنوود .. العنووود .. التفت السايق الهندي على الشباك اللي صدر منه الصوت كردة فعل طبيعيه قال عماد بلهجة حاده وضيق وهو يسحبه بيده بقوة : لاتطالع وراك .. امش داخل الله يلعن ابليس هالحريم . وصلت العنود لنوف بملل قالت : ها وش عندتس ..؟ ذبحتيني كل شوي وانتي واقفه على الشباك ويالعنود يالعنود تراني داخل البيت مهب برا . ردت نوف بعصبيه وهي تشوف عماد يدخل لغرفة الهندي اللي شافها : اقلبي وجهتس ماعاد ابيتس . : انا قايلتن لابوي لازم نوديتس مسفر عشان يظهر جنونتس عني . لاحت في راس نوف فكرة مجنونة قالت : عنود تبين تشترين فستان ابيض ونفاش مثل فستان البنت اللي شفتيها في التلفزيون . قلبت العنود نظرها فوق ولوت فمها قالت : ومن بيشتريه لي ياحظي .. امي بتجيب لي فستان من سوق الخميس . عضت نوف على اسنانها قالت : وانا وش معقدني غير سوق الخميس واحلامتس انتي ونورة اللي ماتتعداه . انا اشتري لتس لو باربعمية ريال . فتحت العنود عيونها بفرح قالت : وش تبيني اسوي لتس .. ابتسمت نوف لاختها اللي فهمتها قالت : انا ابعطيتس ورقة .. تعطينها عماد وقولي له هذي من عند شادن . قالت العنود ببراءة : وشادن ليش ماتعطيه اياها بنفسها موب رجلها ..؟ : الا يالخبله بس هي كاتبة له كلام وطلبات تقول استحي منه واخاف يهاوشني .. خلوه يشوفوها وهو بعيد عني ازين . حكت العنود راسها وهي مو متقبله كلام نوف ولا دخل راسها قالت نوف : تدرين ان شادن تحبتس وتموت عليتس وتقول ليت العنود تعطيها عماد لأني احبها . ضحكت العنود وبفرح وحيا قالت : صدق .. ابلا شادن تحبني .. حتى انا احبها واشوفها ازين وحده بالمدرسه . غمضت نوف عيونها وفتحتها قالت : زين روحي وبعد ربع ساعه تعالي بدورها مدري وين حطيتها . : زين دوريها قبل لاارقد تراني نعسانه . طلعت العنود واخذت نوف ورقة من دفتر العنود وبدت تكتب رسالتها بكل تركيز وحذر *** بعد اسبوع من رجعة اهله اللي مشوا اليوم الثاني .. آخر يوم بالدوامات ويوم الأربعاء تحديداً .. قرر انه يرجع للديرة .. يبي يواجه الديرة مثل ماواجه البر بس هالمرة مع الناس واهله مو وحيد ولحاله .. الذكرى تؤرقه لدرجة انه خايف ووجل من المواجهه اكيد انه راح يشوفه بكل شي .. وقف نايف عنده وهو يزبط شماغه عند المرايه قال : فهد انا عندي سيارتين .. خذ الجديده وسيارتي القديمه تعبرني . رجع للمكتبة حقت التلفزيون واخذ محفظته ومسبحته ودخل قميصه اللي يلبسه في البيت في شنطته الصغيره .. قال : والله يانايف مستحي منك .. قاطعه نايف : فهد والله اني لازعل منك وش هالكلام . .. امسك يارجال المفتاح احسن لك من الاستئجار ومشاكله . : اجل قبل العيد ان شاء الله بجي لجده وارجعها لك وارجع مع ابو مشعل ان جا لجده .. : متى مابغيت تعال ولا تتعنى عشان ترجعها ابداً .. اخذ فهد المفتاح من نايف وطلع بعد ماصلى الظهر حتى يلحق الفطور مع اهله ويفرح ابوه بجيته وهم مجتمعين .. ودع نايف وشكره وطلع متوكل على ربه ومسمي بذكره .. *** اليوم هو آخر ايام الشقا .. قبل الأجازة والفرح .. ولأن الوطن اغلى من الضنى استمروا في الكفاح .. لأن الوطن اغلى من العمر لابد من جهاد كل الظروف .. لجل الوطن نقدم الروح بلا ثمن مشوار الشقا .. وبعد المسافه موجله .. لآخر الدنيا صبر .. وشمس .. وسهر والنوم جافاه الكرى .. صوم وظما .. والكل يحسب كل دقة وثانية . متى الوصول .. كل الأماني ضايعه وكل احلام البنات والأمهات والطيبات تنتحر ..! على طريق الهاوية .. وفي اماكن نائية .. من اجل الوطن ..! وتعليم ابناء الوطن وتنشئة جيل مستقر وبناء مستقبل اسر وارواحهم تضمها كفوف القدر .. نايمه في جيمس ابو سعد .. تعبانه ومنهكه من كثرة التفكير بعد طلاقها اللي وصلها خبره بعد ثلاثه ايام وبعد محاولات جاهده من ابوها وامها ومشاري انهم يهيأونها نفسياً له .. انسدل الستار على ذكر خالد وسارة .. وسارة وخالد .. وصار كل واحد مفرد واسمه بعيد عن اسم الثاني مثل ماقدر الله وبعدهم عن بعض .. مال راسها على الشباك الساخن بفعل شمس الظهر الحارة .. قالت لها فاطمه بهمس : سارة .. سارة حبيبتي عدلي راسك لايجيك شد عضلي بعدين في رقبتك .. وماكان من سارة الا .. لاحياة لمن تنادي .. قالت اميرة وهي تعدل ظهرها وتسنده على المرتبة من جديد .. : الله يذكر شادن بالخير كانت تقول نوم سارة موت .. تنهدت سامية المدرسة العروس اللي تزوجت قبل رمضان باسبوع .. وتعينت في السبيل وكان التعيين سبب تنغيص شهر عسلها وحياتها .. قالت : اخيرا بتفرج علينا ونعيش زي الناس واسافر واقضي شهر عسل من جديد . ضحكت اميرة قالت : الله يهنيك ياقلبي عاد انا مشتاقه لعيالي احسني ماشفتهم في رمضان اخرج وهم نايمين واذا رجعت دخلت المطبخ ثلاث ساعات وهم ينامون بدري . ماشاركتهم فاطمه الملتهيه بالتسبيح والتهليل كعادتها .. قالت سامية وهي تطل على سارة من ورى اميرة وفاطمه : فاطمة صحيها ترى البنت بتنكسر رقبتها . قالت فاطمة : سارة قومي عدلي نومتك .. مدت يدها وعدلت لها راسها لكن سارة تحركت ورجعته زي اول وهي معقده حواجبها دلالة على انزعاجها وعدم رضاها .. قالت اميرة وهي تضحك : ياثقل نوم البنت .. كل هذا وماصحت . ردت ساميه : تذكرني بزوجي اذا ابغى اصحية ساعه عشان يحس فيني والمنبه مايأثر فيه لو يشتغل ساعتين .. بدت اميرة سالفه جديده عن زوج اختها ومعاناتها معاه اذا تبغى تصحيه وانها دايماً تتأخر على دوامها بسبب ثقل نومه .. نسوا سارة مع سوالف اميرة وراسها المايل على الشباك بطريقه متعبه .. العم ابو سعد سارح في طريقه يتأمله متر متر .. كعادته يوميا سواء هو رايح للقرية ولا راجع منها لأن الأنفس اللي معاه هو المسؤول الأول عنها .. اليوم يحاول يضبط تركيزه على قد مايقدر رغم انه البارحه تعبان وسهران طول الليل في المستشفى مع بنته احلام اللي طلقها زوجها في شهرها السادس وحالتها النفسيه السيئة ادت لولادتها مبكرة .. اليوم تأخر على البنات بس الحمد لله ان مديرة مدرسة السبيل تراعي ظروف البعد وماحاسبتهم رغم انهم مادخلوا المدرسة الا الساعه 10 ونص .. اخذته الأفكار لبنته وحالتها ومستقبل ولدها اللي محد يدري يكمل حياته ولا يكون شفيع لها ويرحمه ربي من اليتم والشحططه مع زوج ام ولا زوجة اب … احكم النوم سلطانه .. وسرقه على حين غفلة منه .. واستسلم وبدون مقاومه .. لأن التعب اخذ منه والإرهاق نال منه .. مالت السيارة على اليسار في الطريق المزدوج الواسع .. ماانتبه لنفسه الا بعد فوات الاوان .. حاول يتفادى الونيت اللي محمل شعير وبرسيم ومتجه لقرية السبيل .. بس القدر كان اسرع والسيارة اقوى والصدمه اكبر واكبر للي في جيمس العم ابو سعد .. انقلابات عدة وصراخ وصوت فاطمة يعلو بالشهادة وذكر الله وساميه تصرخ بهلع واميرة سكتت من هول الصدمه وكثرة الأرتطامات وهي تنتظر النهاية وش بتكون .. وسارة اللي فزت من نومها على كابوس مخيف .. أصواتهم علت ثم علت ثم خفتت ثم سكتت واختفت .. متابعه شيقه ارجوها لكم |
ااااااااااااااااه اخخخخخخيرا يااااااقدار بقره البارت ولي عوده لتعليق تسلمممممين يالغلا
|
اقدار بلييييز ساعديني كل ماكتبت راح اللي اكتبه ادراج الرياح وانت سمحتيلي اكتب اللي ابي وانا اكتب وغيري يلغيه ترى جاني احباط ارجو النظر بالامر ياقدار
|
اقدار ... لما .. ربي يستر عليهم ..
القصه روعه.. والبارت اكثر من رائع تسلم يدج |
اقرأ ولي عوده بأذن الله..اناا متاكده انه خيااالي من قبل مااا اقراااه
|
اقداار ياويلي وش سويتي بفهد.. توني ماكملت القرايه وصلت انهم بيحطونه بالعنايه... بس جيت عشان اقولتس اذاا صار شي لفهد لاااكون موتتس...
اكمل ولي تفاهم معتس ... ياااااااااا اللــــــــــــــــــــــه انك تعاافي فهودي... حسبي الله.. |
كل عام وانت خير..
أقدار ........ تصدقين تركت البارت وقعدت أبحث علاج عماد لأي مرض ....... لكن ليه حرام عليك .... اخترت المرض هذا ونبغى نعرف كيف انصاب عماد فيه .... بسوي سيرج عن أعراضه وهل في علاج له ... شوفي ترى انت حددت في العنوان ((ملامح الحزن العتيق )) واركز على كلمة ملامح .. الله يخليك نهاية حزينة ما نبغى .. بالنسبة لعلاقة عما د بشادن ... حلو التطورات وهذا شيء طبيعي بين اثنين عايشين ما بعض كل واحد يحترم الثاني .. وان شاء الله تتيسر أمورهم . فهد ... اممم أنا كنت بزوجه لسارة .. لييييييييييييييه سوتي حادث لهم ... لا وحادث مع وانيت ... كل شخص فيهم لها أثر في القصة العروس والأم والمسؤول عن العيلة ... ألخ ... وجعتي قلبي عليهم ... شوفي صرفة وخليهم بس كسور بدون موت يكفي حزن ... تكفين .. ومشكورة على أحلى بارت |
السلام
يالله البارت مرررررررررره رهيب وبعد طويل بس جدا تحطمة اتوقعة شادن بتعرف المرض من الادويه بس خساره ماستفدنه شي بس يله على الاقل تلحلح عماد اشوي وقرب منها نوف شنو تبيني اسوي فيها والله الذبح حلال فيها لهادرجة توصل فيها الموصيل تراسل عماد والله ودي اذبحها اه ه ه يل القهر بس البارات مره يحزن نهايته ياربي انشاله مايصيبه شي اتوقع ان فهد يساعدهم وفي النهايه بيتزوج ساره تقبلي مروري |
الجزء هذا الجوعان لازم يشبع عقبه بصراحه جزء دسم ورائع وانا اليوم مانيب عالارض خلاص عقب المواقف الرومانسيه اللي سواها عماد بحروووه غرقت ببحر الحب ماتلقيني بصراحه قاعده اصيح واضحك ماقدر اعلق على باقي القصه لاني لازلت غرقانه اعيد على المقاطع الحلوة وادعي انتس ترحمين حالي وحال عماد وشادن وتزيدين الجرعات اللي توسع الصدر وربي يوفقك ويسعدك ومشكوره على الكلام اللطيف اللي ارسلتيه والله يسلمك وابشري مالتس الا طيبة الخاطر وارجو اني ماطلعت عن الرد خارج القصه وكل عام وانت بخير
|
السلام عليكم عزيزتي اقدار اشيد اولا بالقصة الرائعة وثانيا بالجزء الممتع ربما من خلاله استطعت ان اخمن ما به عماد "لا ينجب" تخمين لا ادري صحته ابدعتي عزيزتي سلمت يداكـِ بانتظاركـ ذكريات |
روعة بحقك شوي على الأبداع الخطير عماد مع احاسيسه......شادن ومواقفها........فهد وضعف و الحزن ........وشهد فعلا شهد القصة مشكورة أقدار وربي يعطيك أللللللللللللللف عافية |
اقدار انا مااحب سيرة الموت بس نحاسه بزارووه موتي فهيدان مع انه حبيب ومايستاهل بس تكفين لاتقربين عماد و هذا انا ادور على ادويته بالنت عشان اعرف المرض واجيب علاجه تكفين لايجيه شي قسم بالله ان قلبي يتقطع عليه اذا ضاق صدره لمايرددون عيالك وعيالك وشوفي ودي اكتب اكثر بس اخاف تقولون خارج مضمون القصه
|
اقدار ليتس تشوفين حالي دورت بالنت ولقيت البلى والجلى وتراني الحين منهاره بذمتس ماتموتينه وتخلينه يطيب خلي احد يتبرع له موتي فهد واخذي تسبده لعماد خوذي تسبوداللي ماتو مع ابو سعد بس اشوفه واسمع حسه طيب
|
| الساعة الآن 02:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية