|
اقتباس:
حبيبة قلبي ياام عمرو .. كويس ان شادن اعجبتكم وكويس ان عماد التمستوا له العذر لأن فيه ناس كثير يلومونه توقعك عنه ممممممممممممم تابعي وشوفي بنفسك :YkE04454: فعلاً انا معاك وضد اي احد يقول عنها هتلر انسانه تخاف ربها ومصليه صوامه وتحب الخير مو هتلر :YkE04454: ياعمري انتي ماراح اطول بإذن الله بس تحملوني اذا تأخرت يوم يومين .. تسلمين لي على حضورك ومعذورة يالغاليه اذا خربطتي بالاسماء عادي وتحصل كثير الله يحفظ لك ولادك وتقر عينك فيهم |
اقتباس:
هلا وغلا مذهلة الخليج ياربي تحييها وتسعدها .. سلمتي يالغلا على هالحضور الغالي والرائع .. وكلامك بجد افتخر فيه .. ماراح اتأخر بإذن الله ... ووالله انك تستاهلين يالغلا .. عساك سالمة وعسى ربي يسعدك ويهنيك وتكونين راضية عني وعن بقية الملامح .. |
اقتباس:
الله يوفقك ويكتب لك النجاح واهم شي تطلعين بعد هالكرف بنتيجه .. اتمنى من كل قلبي تحضرين وبجعبتك الكثير من النقد الهادف .. كلي امتنان لحضورك ووجودك هنا |
اقتباس:
والإبداع متأصلٌ هنا بكم سلمتي ام المهند على هذا الحضور الراقي |
تسلمين يا قلبي على هالبااااااااارت الراااااااائع والمحمس ترا من بداية الباارت وانا متحمسه ابي اعرف شنو راح يسوي عماد وشلون راح يكون فعل اليده وبالفعل انصدمت اليده برفض شادن وأثر عليها هالشي وسبب لها ارتفاع الضغط الي استغلته افضل استغلال في انه شادن تخضع لقرار الجده وبالمثل عماد شادن الكلام الي قاله عماد ما راح تنساه لأنه جرحها برفضه لها كأنثى وهذا اصعب احساس ممكن تحس فيه اي انثى لكن موافقه شادن المشروطه بأنه ينتهي الزواج بالطلاق بعد فتره اعتقد انه عماد ما راح يلتزم فيه بعد فتره من الزواج الا انه شادن راح تصر عليه حتى لو تكونت عندها مشاعر تجاه عماد الي يعجبني بشادن انها تستمد قوتها من ضعفها يعني بالرغم من انها تكون منهاره من الداخل الا انها تظهر جرأه وشجاعه عجيبه عماد وسبب رفضه للزواج محير وغريب ممكن يكون مرتبط بزوجه برا او مر بتجربةحب فاشله كرهته بالزواج في تناقض عجيب في شخصية عماد رغم حنانه وحبه الطاغي ليدته الا انه بنفس الوقت قاسي وجاف وهذا كان واضح بكلامه مع شادن ساره والتعامل مع واقع مؤلم حبيت لجؤها للجانب الديني والروحي الي راح يقويها ويساعدها على انها تتجاوز ازمتها فهد يا حلوه بالنسبه لي ملح القصه ابي اعرف اكثر عن شخصية فهد ننتظر الباااارت الياااااي بكل شووووووق |
اقتباس:
الف هلا وغلا الأ<مل هو هذا الحضور المثري والمميز .. سلمتي يالغلا على التعليق الراااائع جدا ... كلام في محله ودلالة واضحه ان خلفه ذات وعي وعقل كبير .. كل شخصية علقتي عليها بواقعية وعقلانية ماشاء الله تبارك الله غلبتيني .. ربي يسعدك يالغاليه واتمنى من كل قلبي تروق لك بقية الحكاية وتنال اعجابك ورضاك |
:YkE04454:
اقتباس:
حبيبة قلبي والله ياملاك الكويت والله لوتدرين اشكثر انتظر ردك بحماس وشوق يمكن تكونين اول شخص يرد بجد وجودك هنا يسعدني ويدفعني للأمام كون قارئة مثلك تكون برواية لي الله بس لايخليني منك ويسعدك ويهنيك ويرضيك عني وعن بقية الملامح |
اقتباس:
ههههههههه تسلمين يا قلبي عاادي لا تخذين ببالكـ انا مقدرهـ الله يعينكـ و الله كان نفسي اكتب رد طووووويل بس مرهـ زحمة >> في راسي كلام كثير بس مو مركزة يالله باذن الله في البارت الجديد وموفقهـ يارب :flowers2: |
اقتباس:
دموع حبيبة قلبي اذا مارديت عليك فأنا والله آآآسفه بجد مااردي وش اللي صار لي يمكن من كثرة الردود صرت اخبط مابين ليلاس والم وضعتوا بالطوشه انتي وحبيبة قلبي ندووش تسلمين ياعمري على الرد وعماد بعذره راح تعرفينه قريب والجده ياحبي لعجايزنا بس :YkE04454: الله يخليهم لنا تابعي يالغلا واتمنى ماتاخذين بخاطرك علي لأني والله ماتجاوزتك عمداً انما سهوا ونسياناً سلمتي لي يالغلا واتمنى اشوفك في الأجزاء القادمة وانتي راضيه |
اقتباس:
الله بس لايخليني من هالضحكة وهالحضور والقلب الطيب |
:besm8dg4: :Welcome2:....عمااادوووووو...........ياااشرييييييير....حرام عليك ..وش هالقسوة اللي فيك....فهمنا ماتبي الزواج بس مو تعل البنية كل شوية ما ابيك ما ابيك... ترااااك بتطيح بتطيح بس صبر.. :YkE04454:..... كيوبيد جاي بالطريق:iU804754: اما.... شدونة.......عفففففيا عليها:peace:...عجبتني لما قالت بكل ثقة (اللي تبيه جدتي بيصير) ولا همها رضي والا لا...:xx504868: سارة... حطي عقلك براسك....مطلقة ولا تعيشين مع واحد زي ذا .... حتى لو حبيتيه من الطفولة.. عيبه ذا ما ينقبل اببببببد.... نوف :V5N05075:.... والله انها تحزن.... حلمها اللي عاشت عليه سنين تحطم فالاخير...بس ياخوفي تنقلب لوحش مايرحم...مع اني ما اتوقع تزودها مرررة ... يمكن تحاول تنتقم بس تتراجع فالاخير لان فداخلها مافي شر... نايف... كفو والله :55:.. هذا الاخو السنع...رغم صغر سنه الا انه سند لاخته ويبغى فرحتها كاملة زي كل البنات حتى لو ابوها مو موجود.... وانا ترا من ذحين خطبته لسارة... يعني لا اشوف وحدة توطوط حوله ... العجوز ...(على قولة فهد)....:7_5_136:....خليك كذا دايما...استعملي ككككككل الاسلحة.. ضغظ سكر زهايمر روماتيزم...اللي عندك المهم تخلين هالعمادو يطب ولاحدش يسمي عليه... اقدااااااار وش فيك مشفوحة على المطر تقال وحدة توحم... رحمي حالك وارحمينا... ماشا الله ذولي المطر عندهم مايخلص ابد ( ذا وجهي ان امطرت عليهم بعد كذا:ekS05142:....انا سري باتع ترا) اكيد البارت الجاي بيكون مليان اكشن وحركاااات :IuL04800:حلوة... فالله يخليك لاتطولين .. واذ عندك اختبار والا محاضرة طنشيها<<< وحدة ماتستحي . ....... الله يعطيك العافية ويوفقك لطاعته يارب ..:flowers2:........... |
اقتباس:
نفحه ياهلا ياهلا ياهلا حيا الله الغاليه عساك سالمة على هالحضور :YkE04454::YkE04454: والله تعليقك روعه وعماد ماقال للبنت هالكلام الا انه يبي ينبهها من الحياة معاه بعدين زين ان شادن اعجبتك .. شكلك قوية زيها <<< احساس ..:YkE04454: نايف ياقلبي اصغر من سارة وشلون ياخذها .. الا اذا تبون تزوجونها لواحد اصغر منها فهذا شي ثاني كل شي معقول وقضية الزوجة الأكبر م الزوج قضية بحد ذاتها تحتاج نقاش .. :YkE04454: الجده .. ماعليك قوية واسلحتها موفرها للوقت المناسب .. :YkE04454: المطر .. هههههههههههههههههههههههههههههههه يقطع ابليسك موتيني ضحك بكلامك:ekS05142: ياعمري هذا موسم الامطار وانا اللي اعرفه في الطايف بالذات المطر يجي سنويا احيانا يستمر من اسبوعين لثلاثه .. والاحداث اللي ذكرتها لوتلاحظين كلها خلال اسبوعين ونص بالكثير .. يعني موسم مطر يابنت الحلال ووسعي صدرك وبلاش احراج :YkE04454: سلمتي لي يارب وعسى هالمزاج دايما رايق وعاااااال :flowers2: |
اقتباس:
نفحه ياهلا ياهلا ياهلا حيا الله الغاليه عساك سالمة على هالحضور :YkE04454::YkE04454: والله تعليقك روعه وعماد ماقال للبنت هالكلام الا انه يبي ينبهها من الحياة معاه بعدين زين ان شادن اعجبتك .. شكلك قوية زيها <<< احساس ..:YkE04454: نايف ياقلبي اصغر من سارة وشلون ياخذها .. الا اذا تبون تزوجونها لواحد اصغر منها فهذا شي ثاني كل شي معقول وقضية الزوجة الأكبر م الزوج قضية بحد ذاتها تحتاج نقاش .. :YkE04454: الجده .. ماعليك قوية واسلحتها موفرها للوقت المناسب .. :YkE04454: المطر .. هههههههههههههههههههههههههههههههه يقطع ابليسك موتيني ضحك بكلامك:ekS05142: ياعمري هذا موسم الامطار وانا اللي اعرفه في الطايف بالذات المطر يجي سنويا احيانا يستمر من اسبوعين لثلاثه .. والاحداث اللي ذكرتها لوتلاحظين كلها خلال اسبوعين ونص بالكثير .. يعني موسم مطر يابنت الحلال ووسعي صدرك وبلاش احراج :YkE04454: سلمتي لي يارب وعسى هالمزاج دايما رايق وعاااااال :flowers2: |
أختي الحبيبة أقدار لقد قرأت الجزء الأول من الرواية وقد أعجبني وسلمت يداك على الأسلوب الراقي والجميل في صياغة القصة وأنا سأكملها ويسعدني ويشرفني أن أشاركك بالرأي والتوقعات مع تمنياتي لك بالنجاح والتوفيق اللهم آمين أختك عذبة التجريح |
اقتباس:
عذبة التجريح ... كنت اردد اسمك بلا ملل وبإعجاب .. اهنئكِ على الاختيار الذي ينم عن ذوق رفيع ..! ثم .. اسعد الله قلبك على هذا الكلام الذي يمنحني شعوراً بالفخر والزهو .. انا من يطاله الشرف بوجودك بالرأي والتعليق والتحليل والنقد الهادف .. سلمتي ياغاليه وبانتظار رأيك بشووق وكلي امل ان تكوني راضيه عن الملامح .. ودي وامتناني |
الســــــــ عليكم ــــــــلام
اقــــــــــــدار ايش اقول ايش اخلي تسلمين على الجزئين الاكثر من رائع اندمجت بشكل مو طبيعي احداث جد روعه روعه ولعيونك ياقلبي باعلق عليهم كم اقدار عندنا ؟؟؟ عماد وما ادرارك ما عماد ردت فعله غير متوقعه و مالها داعي طيب ايش ذنبها البنت ليش يجرحها ؟؟؟ قهرني ( على قولة اختي لو انه قدامي اقتله من غير تردد ) ولا بعد يهدد !!! شادن ياعمري عليها الى متى وهي تعاني .. كل ماقلت هانت جد علم جديد .. بس عجبتني لما قالت .. اللي تبيه جدتي يصير .. ولا عليها منه كذا البنات ولا بلاش خليها قويه لاخر الدرب شهد على انها صغيره بس خطــــــــــيره ساره الله يكتب لها اللي فيه الخير .. احس انه اكبر غلط تحبين شخص مو زي توقعك بس حاجه طيبه تداركت نفسها وفاقت نوف الله يعينها كسرت خاطري بعدين تراجعت قلت ممكن تضر شادن بعدين فــهــد لا تعليق الجده الله يطول بعمرها لاخر القصه نـــــايـــف آآآآآآه هذا الاخو يازيه يابلا ( عاد انا مسكينه ماعندي الا صغير ) ويعطيك العافيه وننتظر الجاي على نااار الله يحييك ويبقيك لعين ترجيك عساني ماخيبت هقوتك فيني دمتي سالمه |
اقتباس:
عليكم السلام ورحمة الله .. ياهلا وغلا بeyes2 ... حبيبة قلبي والله جد احرجتيني بكلامك واطراءك .. لكن مااقول الا الله يسعدك ويخليك ولايحرمني هالحضور المثري عاد تصدقين كنت داخله لمن شفت ردك قلت البنت كاتبة نقد وملاحظات بس تفاجأت ان الملامح اعجبتك واثنيتي عليها .. الحمد لله رب العالمين انها نالت الرضا وعقبال ماتحبين بقية الأحداث وترضين عنها .. على هونك على عماد :YkE04454: يابنت الحلال الرجال بعذره .. :YkE04454: ومتأكده بتعذرينه بعدين .. شادن شخصيتها القوية اكتسبتها من الظلم والضعف والخوف من صالح وخالها .. سارة لجأت للرحمن الرحيم .. ان شاء الله مايخيبها ..! الله يخلي لك اخوك ويكبره على الطاعه ورضا والديه .. ويصلحه وعساه يملا عينك ويعينك ويكون السند لك بالدنيا ومواجهة الحياة .. حبيبة قلبي ياeyes2 جد حضورك اسعدني الله لايخليني منه وعساك موفقه ابد ماخيبتي هقوتي الا كان حضورك اجمل مما تخيلت .. الله لايحرمني منه .. :flowers2: |
أختي الحبيبة اقدار أهنيك على هذه الرواية الرائعة وبالحقيقة وصلت الآن إلى الجزء الخامس من الرواية ولا أجد السيطرة على نفسي بالتوقف عن قرأة بقية الرواية وكل شيء يشدني لمعرفة بقية القصة الرائعة التي خطتها أناملك الذهبية فحقاً يالغالية أنت مبدعة ماشاء الله وتبارك الله وأتمنى لك المزيد من التقدم والنجاح والله يوفقك ويفتحلك أبواب السعادة اللهم آمين واللحين بتركك علشان أكمل بقية الرواية قبل مايأذن الفجر عندنا بالكويت ولك خالص محبتي وتقديري يالغلا أختك عذبة التجريح |
فصلٌ سابع ... ! وانكتب في العمر كذبة .. في مجلس نايف .. يهز رجله بطريقه غريبة .. الكل يسولف وهو في عالمه .. خواله فواز وناصر مندمجين بالسوالف مع ابومشاري اللي اعجبته الجلسه معاهم وراقت له .. التفت لفهد وتأمله وهو يسولف ويضحك مع نايف ومشاري كأنه يعرفهم من سنين ويوصف لهم مغامراته البريه ورحلاته ويعددها وهم منسجمين وكأن اللي قدامهم رجل من عالم غريب .. رشف فهد من فنجاله وهو يعدل جلسته ويقول : انا لو على كيفي ولو الشايب مايزعل مني كان ماعشت الا بالبر . حياة ثانية بعيد عن الازعاج والرجة .. وازين شي اذا جا الليل شبيت النار وقابلتها وغنيت بعالي صوتك . . سأله نايف باهتمام : اقول فهد كيف دخلتوا صيدكم اللي جبتوه من السودان للسعودية ..؟ : يارجال الواسطه اذا اشتغلت مش حالك .. تأمله عماد بصمت وجمود .. مرحه وضحكه وسوالفه .. حياته بر وطيور وغزلان وحباري .. ومصطلحاته مختلفه تماماً عن كلامهم واسلوبهم .. وصوته يلجلج في المجلس بقوة .. يناسبها اكثر .. رجال وشجاع وفيه نخوة وكريم .. مو ناقصه الا انه يتعدل في وظيفته ويصير يليق ببنت عمه .. اكيد بيسعدها .. هي جميلة وعاقلة ومتعلمه ... وراح يحبها ويهنيها .. ليت في يده شي ويقلب الموازين رأساً على عقب ويصير فهد مكانه .. تأمل مشاري ونايف وهم مبهورين من معرفته باسماء الطيور والحبارى والارانب وحرفنته في صيد الضبان والجرابيع والارانب . انتبه له فهد وهو شارد وبذهنه افكار مجنونة لو تتحقق كان يرتاح ويفتك .. بس اذا خطرت جدته عليه هون وتراجع عنها . قال فهد وهو يحاول ينبه عماد ويطلعه من افكاره اللي مايعرف منها أي شي الا انه مو راضي عن الزواج .. : ترى ابو مشعل محد ينافسه في الصيد . وانا معه ولا شي . ومتعتي اذا شفته والبندق ( البندقيه ) في يده . عاد ابو مشعل مايخطي ابد اذا نشن صاب الهدف . فهم عماد قصد فهد وحاول يبتسم قال وهو يعدل جلسته : تسلم ياابوناصر ماعليك زود . استأذن نايف لمن دق جواله ورجع لهم بعد دقايق قليلة مع المأذون .. وابتدأت اجراءت الزواج الغريب .. العريس رافض ومجبر .. والعروس خاضعه .. رافضة وراضيه في آن واحد .. متحديه كل رغباتها واحلامها .. وقدامها هدف وحيد هو رضا الجدة المكسورة .. وفرحها ..! تكلم الشيخ الجالس بين عماد وناصر : نبي توقيع البنت . قال ناصر اللي تولى ولاية الزوجة .. : نايف وانا عمك روح ود الدفتر لاختك خلها توقع . لبى نايف طلب عمه واخذ الدفتر وتوجه لداخل البيت ..! جات تمشي ببرود .. وعلى شفتها ابتسامة سخرية من القدر اللي مو راضي يتصافى معاها .. قال نايف بدون ماينتبه لرجفة اخته او ارتباكها : وقعي هنا .. بسرعه شادن الرجال بيمشي .. حاولت تشد على القلم وتمسكه بين اصابعها بقوة .. بس خانتها قوتها وفلت من يدها وطاح .. اخذه بسرعه ومده عليها .. قالت بارتباك : فين .. هنا ..؟ كانت تحاول تاخذ كميات كبيرة من الاوكسجين وهي تتكلم . : ايووووه هنا .. ضحك نايف وهو يشوف توقيعها قال : الحمد لله هذا توقيع .. شخابيط . رفعت نظرها لنايف وهي تحاول تخفي الدمعه .. سلم نايف على راسها قال بفرح باين بلهجته وعيونه وصوته . : مبرووووك مبرووووك ياشادن الله يسعدك ان شاء الله والله ان عماد رجال يستاهلك .. صحيح اكبر منك بعشر سنين بس احسن هذا الفرق المناسب بين الزوجين . عشر ولاعشرين يانايف ماتفرق لأن اللي قدامك توثقه بالاوراق مو زواج ولا هو ارتباط حقيقي الدعوة كلها عقد مؤقت وراح ينتهي ..! هزت راسها وانسحب ماانتبه لكم الوجع اللي باعماقها وانعكس على وجهها الشاحب .. وقعت على موتها بيدها ، على عذابها ، على مشيها برجولها لحياة عماد اللي راح يسكر بابها في وجهها .. جات امها من وراها .. حضنتها وهي تبكي مشاعرها نقيض مشاعر بنتها كانت تبكي فرح .. نشوة انتصار .. تحقيق حلم وسعادة .. وفرج من عند ربي . خلاص انتهى صالح ومحمد ماعاد له سلطة عليها بوجود نايف وعمانه واهله ... وشادن بتصير زوجة وام .. بتشوفها في بيتها وبتشوف عيالها الحلم اللي تقاسمته هي وخالد الله يرحمه بدا يتحقق .. قالت من بين دموع السعاده : مبروح ياحبيبة امها .. مبروك ياعمري .. الله يسعدك ويوفقك ويرزقك . ياربي اشكثر انا فرحانه الليلة . ابتسمت لها من خلف ثورة الحزن اللي بداخلها وهمست شفايفها : الله يبارك فيك ليه هالدموع يمه ؟ : دموع الفرح والفرج . حطت راسها على صدر امها والثانية ضمتها لها اكثر ومسدت شعرها بدلال .. محتارة تفرح مع امها ولاتندب حظها .. متخبطة ماتدري اللي قررته عين الصواب ولا هو صلب الخطأ .. هي واهمه ولا عايشة واقع ..! بتتزوج واحد مايبيها .. ومو مقتنع فيها .. وهي اللي اجبرته على الزواج منها ..! حست بقبضة قلبها وغصة بحلقها وغمضت عيونها بقوة .. وين تهرب من واقعها اللي هي صنعته بقرار جدتها وخوفها عليها ..! لها الله .. هو اللي يقدر المكتوب وهو اللي يقرر المصير ، ويهون الصعاب .. بيده الفرج وعليه الاتكال ..! باست راس امها ويدها قالت : قولي الحمد لله على فضله . يمه لاتبكين ترى خلاص احسني راح ابكي . ونقلبها الليلة دموع ونكد . مسحت امها دموعها بقفا يدها قالت : لا ان شاء الله ماعاد فيه نكد .. تعالي لسارة تنتظرك . هزت راسها وطلعت تجر خطاها بثقل .. احساس غريب وشعور اغرب .. الحين ارتبطت بعماد رسمي وصار زوجها وهي زوجته وغصباً عنهم ..! وقفها صوت نايف .. : شادن لحظة انتظري . : هلا فيه شي كمان .. : تعالي للمقلط عماد بيشوفك . : شو ؟ : اللي سمعتيه . لاتتأخرين انا استناك بعد عشر دقايق ناديني ولا انا اجيك . قاطعته قالت : لا يانايف انا آسفه مستحيييل اخليه يشوفني . استغربت امها طريقتها ورفضها الغير مبرر خاصة انهم متعودين على النظرة وهذا تقليد من تقاليدهم وتقريباً كل صاحباتها وجارتها لهم نفس الطقوس .. قالت : شادن اش هالكلام .؟ طالعت في نايف بخوف : تكفى نايف لاتضغط علي ماابغى يعني ماابغى . : زين اش اقول للرجال . : قول ماتبغى .. ماتجهزت .. قول ماتوقعت انك تطلب تشوفها .. قول نامت قول أي شي ..! : اوووووف بتورطيني مع الرجال انتي . هزت شادن اكتافها قالت : يعني انت اللي طلبت انه يشوفني . : انا عرضت عليه قال اللي تشوفه . : اها . طيب قول له ماجهزت وماتقدر تجي صدقني يانايف مو من طبعهم ولايحبون واكيد انك احرجته . مشى من عندها قال : خلاص خلاص انا اتصرف . رجعت وهي تضحك على سخافة الموقف .. وتتخيل نفسها انها مكملة التمثيليه وداخله على عماد عشان يشوفها ..! رجعت لغرفتها .. وسارة اللي تنتظرها وهي تسترجع طقوس ملكتها المختلفه جذرياً عن ملكة شادن الليلة . هناك الفرح باين على كل شي حتى على التحف والورود اللي تزين بيتهم .. وهنا لمحة حزن شادن طاغيه على كل الاشياء .. هناك مكياج وفساتين سهرة وبخور وزغاريد وطرب ورقص ونظرة شرعيه وقلبها ينبض بقوة وخوف وفرح وشوق .. وهنا النقيض .. سكوت .. وهدوء .. كآبة تحوم حول شادن مجهولة السبب .. وكأن الوضع مجرد تأدية مهمه بعقود رسمية وينتهي الموضوع ..! *** دخل نايف المجلس وجلس بجنب عمه فواز اللي صار كأنه واحد من اصحابه يمونون على بعض ، يسولفون بكل شي ، بدون حواجز او قيود او رسميات .. قال فواز : وش فيك ..؟ اختك ماجات .! : مارضت ياعمي . : ازين . استغرب نايف ردة فعل عمه قال : ليه ؟ : ياخي عماد متحجر في موضوع العادات والتقاليد وانت احرجته يوم قلت اذا بتشوف شادن وماقدر يقول لك لا ويحرجك .. بس ازين انها جات من شادن . : المشكله ايش اقول لعماد وانا رايح من عنده اقول بخليها تجي ؟ : لاتقول له شي خله انا اقول له اصلاً هو ماكان حاط في راسه انه يبي يشوفها . راح فواز عند الباب والتفت لعماد وهو يسولف مع ابو مشاري اللي تعرف عليه وعرف انه مثله رجل اعمال وله باع واسع في السوق والاقتصاد .. يسولف معاه عن الشغل والثاني يسأله وهو يرد على اسئلته بثقة ووعي لكل اللي يقوله ابو مشاري . نادى فواز بصوت يسمعه كل اللي في المجلس : ابو مشعل تعال شوي الله لايهينك . طلع مع باب المجلس للصاله حقت الرجال ولحقه عماد قال : وش فيه ؟ : مافيه شي بس البنت عيت تجي . : الله يهداك .. هذا اللي قومتني من عند الرجال عشانه ..؟ : مايهمك ..؟ : لاوالله مايهمني !! اخوها هو الح علي اشوفها ولا انت عارف رايي زين . : المهم نايف منحرج منك يقول وش اقول له . : لايقول شي وماصار شي ابرك من ساعه يوم عيت تجي . : الحين انت وش سالفتك اذا ماتبي البنت وشو له تخطبها ؟ . : ماقلت ماابيها بس بعض الامور ماتجوز لي وانت خابر ..! : وش سالفة المؤخر اللي انت نشبت لهم فيه . : حق من حقوقها مايكفي انهم ماشرطوا علينا شي . : هذا كرم منهم ومحبه وثقة فيك . : وعشان كذا زدت المؤخر على خمسين المهر . : وتحط مية الف . ابتسم عماد قال : ازين عشان ليا مليت وبغيت اطلق اتذكر ان فيها فلوس تعرف تفكيري مادي ... ادخل ادخل عند الرجال ينتظرونا . هز فواز راسه مو عاجبه الوضع ولا تصرفات عماد ولا كلامه .. ولحقه .. دخلوا للمجلس ومر عماد من عند نايف قال : ماصار شي يابو خالد . : والله ياعماد اني بغيتها تجي بس هي ماجهزت ولا ... قاطعه : عادي يابن الحلال تعال بس وسع صدرك ولاتشيل هم .. المهم انا بطلع عندي شغله ضرورية اذا وصل العشا دق علي ..! كشر نايف قال : ماتنتظر الشغله لبكرة ..! : لاوالله مستعجل ومضطر اروح اكملها الحين وماني متأخر ان شاء الله ..! طلع وهو مخنووق يبي يبعد عن هالمكان .. طالع في بيتهم وغمض بقوة .. كيف تجرأ ووقع على تعاسة بنت بكامل جمالها وانوثتها وهدم احلامها وأمانيها . ياليته قدر يتكلم .. ياليته صرح لجدته وقال لها على كل شي .. حتى ماتجبره على سالفة الزواج والعرس ..! بس لو قال لها يمكن يخسر جدته ويفقدها بلحظة .. او يعيشها هي الثانية بأسى وقهر .. ! ركب سيارته وحركها .. يبي يبعد من هنا .. يروح لأبعد مكان .. ينسى ولا يهونها عليه حتى يقدر يكمل باقي المسرحيه اذا رجع وسمع مبروك ولا خطوبة وزواج زواج ..! هذا آخر شي يفكر فيه .. وأول شي استبعده من حياته من ست سنوات ..! ترك عذبه بنت بنت خالة امه اللي مسمينها له من صغره .. وطلب من اهلها يزوجونها اللي يناسبها .. مثل ماترك امها خاله خالد .. وزعل ابوه بسببها وطرده من الديرة وحرمه شوفة اهله وامه واخوانه .. سبحان الله يالدنيا ..! ابو شادن جنى على ام عذبه .. وقهرها باول عمرها .. وشادن جنت على عذبه يوم وافقت عليه .! نفس السيناريو تنعاد .. مشي بسيارته ولف شوارع جده . اخيراً وصل البحر .. هذا المكان تحديداً هو اكثر مكان يحتوي همه ووجعه .. عمره ماشكا همه غير لربه .. لكن اذا شاف البحر يضعف ويحس انه يبي يتكلم ويفضفض .. هنا بس يتكلم بحرية وصدق .. مايهمه يتكلم مع البحر ولا مع نفسه .. المهم انه يفضفض هنا ويتكلم بصوت عالي بدون رقيب من بني البشر .. ساعه كانت جديره بأنها تخفف بعض التوتر اللي فيه .. وتهون قضيته اللي حاول يقنع نفسه فيها وعذره الوحيد انه نبه شادن وحذرها من العيشه معه وهي اختارت تعيش معه من اجل سعادة جدتها ورضاها حتى لو على حساب كرامتها وسعادتها هي ..! دق تلفونه وهو واقف متكي بيده على ركبته .. ورجله على صخرة كبيرة .. وفكره لبعيد وهو يسترد كل الاحداث الماضية .. طلعه وشاف على الشاشه اسم فهد وفتح الخط على طول رد بدون نفس : هلا يافهد . : هلابك يالمعرس .... ياخي ودي اطير لعجوزك ثم ابشرها وآخذ البشارة لولا اني اخاف انها تطق من الفرحة وتموت ثم من يفكني منك والله لتذبحني ذبح الشاة .. تكلم عماد بجدية والهم دلاله على لهجته : الله يصلحك بس متى تبي تعقل ..؟ ضحك فهد باستهبال قال : ياخي وش فيك ..؟ وش هالمزاج حتى والليلة ملكتك ماتحمل شي .. المهم ياطويل العمر العشا خلص .. عجل علينا . زفر عماد بآهه وصلت لفهد واضطر فهد انه يقفل احتراما لعماد اللي يمثل له الأخ الأكبر ويدري انه مجبر على امر كارهه .. رجع لبيت نايف وهو عابس ومكشر .. قرب من البيت ووقف واخذ له قارورة مويه ونزل غسل وجهه وشرب منها لعلها تغير من ملامحه المتجهمه شي .. وتبل له عروقه اللي جفت ونشفت ..! دخل سيارته ورتب شكله من جديد .. لبس شماغه اللي نزله اول ماطلع من عندهم بسبب الخنقة وضيقة الخاطر اللي صابته بعد الملكه ... ودخل للبيت بعد مااستقبله نايف واعتذر منه ..! *** مروا عليها الخميس والجمعه زي الكابوس الفظيع وتتمنى بلحظة انها تصحى منه .. واحد يقول لها ان اللي سمعته كذب . جات عندها اختها نورة .. قالت بحنان : نوف قومي اذا انتي مريضة روحي مع ابوي للمستوصف خليهم يعطونتس علاج . مارد عليها الا شهقاتها من تحت البطانية ونشيجها المستمر من يومين . وقفت نورة بيأس وخوف على اختها وراحت لامها اللي قاعدة في الحوش مستمتعه بالجو البارد والهوا النظيف .. جلست نورة بجنبها قالت : يمه نوف حالتها ماتسر شكلها مريضة وماتبي تعلمنا . ردت العنود اللي تلعب في التراب والحصى الصغير وتشكل منه اشكال هندسية قالت : من يوم الربوع وهي تبكي واذا قلت علامتس ياتضربني ولا تهاوشني . ارتسمت ملامح القلق على وجه الام اللي ماطلعت من الدنيا الا بثلاث بنات .. قالت : ياويلي على بنيتي لايكون تحس بشي ولاتبي تعلمنا . اتجهت لها وقلبها يبتهل لله انها مافيها الا العافية ولا شي عابر ويروح .. : نوف يمه .. علامتس تحسين بشي ..؟ علميني يابنيتي . ردت نوف وهي تضم البطانية على وجهها : خلوني يمه خلوووني .. ماابي اتكلم مع احد .. ولااحد يكلمني . جات العنود طايرة مثل البرق وداهمت الغرفة بالخبر المفجع لنوف قالت والفرح غامرها : يمه يمه ابوي يقول عماد جارنا اعرس . تهلل وجه ام نوف للخبر السار عماد الرجل اللي عمره تجاوز الثلاثين يعتبر اكبر عازب في القرية اخيراً تزوج ..! هذا بحد ذاته خبر يخليها تنسى حالة بنتها لثواني لكن نوف ماسمحت انهارت وهي تبكي بصوت عالي وتصرخ .. وتتأوه . ضمتها امها على صدرها ومسكت يدينها وهي تقول : نوف تعوذي من ابليس .. اذكري ربتس .. نادت بصوت عالي : يانورة يانورة ... روحي ياعنود نادي اختس . راحت العنود في وسط دهشتها ونادت نورة اللي عرفت سر اختها بمجرد ماسمعت الخبر .. قالت : هلا يمه وش فيها نوف . : مدري الظاهر ان عندها نفسيه .. اعوذ بالله من ابليس . بكت نوف الحلم اللي تحول لكابوس .. بكت الأمل اللي انهار بلحظة .. خلاص اخذته .. اخذت عمري .. اخذت الهواء اللي اتنفسه .. اخذت الروح اللي تدب بين اضلاعي .. اخذت نوف من هالدنيا .. وتركتها اسم جسد بلا روح .. رمت نفسها على فراشها وتغطت ببطانيتها .. وقفت الام المفجوعه قالت : بروح انادي ابوها يجي يوديها للشيخ مسفر . اقري على اختتس يانورة .. اقري المعوذات واية لكرسي وانا ابي ادور ابوها . مسكتها نورة بيدها قالت : يمه انتظري انا عرفت وش في نوف خليها بس . : وش فيها .. علميني ..؟ : الموجهات جوها الاسبوع اللي راح وهاوشوها ويمكن تنقل وهي خايفة على ابوي ينصدم . صفقت امها بيدينها قالت : ياويلي على بنيتي وليش يهاوشونها .. ردت نورة وهي تحاول تحبك الكذبة حتى تنقذ اختها من براثن يدين مسفر اللي ماتجيه حرمه ويقرا عليها الا ويلقنها ضرب مبرح بالسوط مدعي ان فيها مس من الجن وماراح يطلع الا بالضرب .. قالت : يمه نوف مقصرة بشغلها والموجهات مايبون وحدة تلعب يبون وحده تجتهد وتقدر المسؤولية . : طيب وراها تصيح . ردت العنود ببراءة طفولة ولؤم خلقته فيها نوف بقسوة معاملتها لها : انا اعلمتس يايمه انقهرت يوم عرفت ان عماد اخذ ابلا شادن خافت انها تصير المديرة وهي تقعد .. بنتس حسوووود . وتحسسسد ابلا شادن . سحبتها نورة مع يدها وهي تشوفها تحط يدها على جرح اختها الموجوعه قالت : اطلعي برا انتي ولسانتس هذا اللي يبي له قص . فرت العنود تجري وهي تقول : والله لاعلم ابوي خلوه يوديها مسفر عشان يسنعها ويظهر جنونتها عني . طلعت الام بعد ماوصت نورة انها تنتبه لاختها وتهديها وأكدت عليها مايوصل الخبر لابوها اللي ماصدق انها تتعين قريب منه وتفكه من مشاوير المدارس البعيده ..!!! *** اسبوعين مرت على الملكه .. وآخر عهد له بنايف واهله من ليلة الملكة .. ماحاول يكلم احد ولايدق على احد .. نزل عماد من فوق مستعجل .. ومر من عند جدته اللي تستمع لفتاوى اذاعة القرآن الكريم بانصات وإصغاء مهتم .. سلم على راسها وشماغه في يده قالت : وين تبي وراك مستعجل ؟ رد بسرعه وهو ياخذ له حبة تمرة ويصب له فنجال قهوة رشفه وهو واقف : مستعجل وراي شغل نسيت احط المنبه ونمت عنه . : شغل وين .؟ : وين يعني ؟ في جده .. يالله يالغالية مع السلامه وادعي ان ربي يوفقني في هالصفقه . : الله يوفقك من وين ماتلقي بوجهك والله يسهل دروبك وييسرها ويستر عليك . ركب سيارته .. العصر على وشك يأذن وهو يعتبر متأخر .. الليلة عنده اجتماع بوفد ياباني حتى يوقع معاه عقود .. شد من همة سيارته وزاد سرعتها لأقصى حد بعد ماتوكل على الله وردد دعاء السفر .. وفي الطريق الاسود الطويل .. ماشي بأقصى سرعه .. لابد يوصل قبل الموعد بساعتين على الأقل .. انتبه للرجال اللي يأشر للمارة يبي المساعده .. هالسيارة مو غريبة عليه .. كل يوم يشوفها في القرية .. وقف بجنبها مضطر ومن باب النخوة والشهامه .. سلم على ابو بدر سواق مدرسات الاجواد .. رجع وجاب له مويه عبا السيارة ... وعمل له اشتراك .. واشتغلت السيارة .. وقبل مايمشي ابو بدر .. قال : بالله ياابو بدر ازهم لي شادن اذا هي معك شوفها تحتاج شي ..؟ تبي ترجع لجدتها ولا تبي تكمل معك . طالعه ابو بدر بنظرات فيها غرابه وشك .. واستدرك عماد كلامه قال : هي خطيبتي وبنت خالي . ابتسم ابو بدر وهز راسه وهو واثق من كلام الرجال اللي يدل على انه محل ثقة .. رجع للسيارة ووقف عند الباب قال : ابلا شادن هذا خطيبك يقول تحتاجين شي ؟ . همست شادن اللي تعودت انها تكلم ابو بدر باحترام وحياء اذا جا ياخذها او اعتذرت منه اذا بغت تغيب قالت : لا مشكوور . رجع له وبلغه كلامها .. وشكره ابو بدر واثنى عليه .. ركب عماد سيارته ومشى بعد ماقال له اذا احتاج شي يدق عليه لأن المناطق اللي قدامه فيها شبكه جوال .. كمل طريقه وهو يحاول انه يحصر تفكيره في لقاءه بالوفد باسترجاعه للشروط والبنود اللي متفق عليها .. ولايحيد عنها يمين او شمال .. *** وصلت للبيت .. محتاره من هالانسان تناقض غريب وعجيب .. معقوله اللي يحمل كل هالصفات يكون بهالقسوة .. اكيد الرجال يعاني وعنده مشكله . ولا مارفض الزواج بإلحاح وقال لها هالكلام والمعروف عنه الطيبه والحنية ..! نزلت عبايتها وهي تتذكر كلام خلود عن عماد واعجابها فيه وانبهارها بشكله " يابختك ياشادن ماشاء الله ماشاء الله لايجيك مني عين ولاحسد ".. "عن جد وااااو جنتل مان " " ياعيني ياعيني كل هذا عشان الحبايب " غمزاتها المتكررة لها وهي تقول " تبغى شي ناقصها شي تكمل ولا ترجع .. كل هذا حب " " خلاص قررت اتزوج واحد من الاجواد اذا هم زي عماد " " شوفي شوفي ياسهام كيف مايطالع ناحيتنا يبغى يثبت لها انو مايطالع في الحريم ولا يهمه غيرها " بدلت ملابسها ولبست بيجامه قطنية وراحت تصلي العشا لأنهم وصلوا متأخرين على غير عادتهم بسبب تعطل السيارة .. كملت صلاتها وسمعت صوت تعرفه زين بدا يلجلج في البيت .. يهدد ويتوعد مثل عادته .. : نايف هذا مو رجال .. وشغلكم كلكم عندي انتي وولدك وبنتك .. اجل يخلي صالح يطلقك وبدون ماتعطونه حتى ريال واحد .. ويزوج اخته لمدري من . اخذت نفس عميق وهي محتاره وش تسوي .. تطلع وتواجهه وتوقف بوجهه .. ولا تجلس بمكانها لحد مايهدى ويرجع .. سمعت امها تقول نايف مو هنا الحين اذا جا تفاهم معاه . آخر شي وصلها كلام خالها اللي هز امها وبكت بخوف وهلع منه : اوريكم انا اذا ماخليت بنتك تتطلق وولدك يدخل السجن ماني محمد وشغلك عندي ياعزيزة تعرفين تتحديني هاه .! كانت بتطلع لخالها تقول أي شي .. المهم ماتترك امها تواجهه لوحدها .. بس قبل اخذت جوالها ودقت على نايف .. : نايف تعال خالك عندنا ويهدد ويتوعد وامي منهارة خايفة علينا منه وتترجاه انه يهدي حاله تحسب انه بيسوي لنا شي . تأفف نايف قال : وانا اقول ليه ادق على جوالها ماترد ..اسمعي ..! انا في ابحر الحين واذا رجعت ماراح اوصل قبل ساعه ساعه ونص على الاقل .. : طيب والحل .. ترى صوته وصل جيرانا وامي مافيها تتحمل . من خوفها علينا مصدقة تهديده ووعيده . تنهد نايف بملل من تصرفات خاله اللي ماتنتهي قال : خلاص خلاص .. انا اتصرف . قفل منها بسرعه ورجع يدق عليها قال : عماد بيجيكم ويتصرف معاه هو قريب من حينا .. قولي لامي لاتخاف ولاتفكر بكلامه . قالت بخوف : عماد اش دخله لا يانايف لاتدخله بمشاكلنا . : عماد صار واحد منا .. بعدين موخالك يهدد ويتوعد خليه يلاقي اللي يوقف بوجهه وخليه يعرف انتي متزوجه من . يالله يالله مع السلامه عماد يدق عليّ . وصلها خالها وهو يمشي بسرعه قال : اسمعي يابنت خالد انتي لنادر ونادر لك رضيتي ولا مارضيتي .. والزفت هذا اللي مدري من فين جبتوه بيطلقك من بكرة وغصباً عنه . حطت رجل على رجل قالت : على العموم هو جاي الحين اذا فيك خير ياخالي كلمه بنفسك والحين وقدامنا . طالعتها امها اللي جات تجري وراه وهي تحاول تهديه .. هو يعرف نقطة ضعفها وهي ماتقدر تصير قوية قدام تهديداته لها بعيالها .. تخاف عليهم حتى من الفال الشين .. قالت : شادن اش تقولي انتي .. عماد جاي . يافشيلتنا منه . وقفت قالت : يافشيلتنا منه عشان عندنا خال مثل هذا ..؟ خليه يايمه يأدب اخوك مثل ماأدب الزفت اللي قبله . تكلم محمد وهدد ووتوعد وحلف يمين انه ماراح يسكت لو على قطع رقبته عن هالمهزلة اللي صارت بقفاه وفي غيابه .. وقف كلامه لمن سمع الجرس قالت امها : روحي افتحي لخطيبك . جمدت بمكانها وارتجفت اوصالها تمنت لو انها ماقالت لنايف شي وتحملت خالها لحد ماينتهي كلامه ويطلع مثل عادته .. قالت : يمه افتحي له انتي . تحرك محمد من مكانه وراح يفتح الباب وهو في اوج غضبه .. فتح بقوة وشاف عماد واقف في وجهه .. شتان مابين شكله وشكل نادر .. سلم عماد ورد محمد بعصبيه وهو يتأفف وينفث قال : انت خطيب شادن . تكلم عماد بثقة وهدوء : زوجها وانت الصادق . تجاهل محمد الكلمه قال : زين انك جيت .. تعال ا بيك بكلمة . رد عماد : لحظة لحظة . . البيت بيتك يوم تعزم فيه وتامر وتنهى ..؟ : اجل بيتك انت . : والله بيت خالي وعياله وبيت حرمتي .. ويالله لوسمحت . كان الصوت واصل لشادن وامها .. حاول محمد يثور بس وقفه عماد لمن قال : تراني ساكت عنك ماابي اجيب لخال حرمتي الفضايح ولاابي ادخله السجن .. واذا انت ناسي المية الف حقت صالح وش مصدرها وانك متستر عليها تراني مانسيتها وغيرها وغيرها ياابو نادر .. وقف محمد بمكانه وضاع منه الكلام في هول الصدمة .. وش دراه عن مصدر الفلوس .. ووش دراه اني ادري بمصدرها .. ووش دراه عن صالح وتستري عليه .. كمل عماد : امسك الباب وتوكل على الله ولوسمعت انك قربت من البيت هذا لاتلوم الا نفسك وولدك بدال ماتبلا به بنات خلق الله وتزوجه روح عالجه عن الادمان ازين له . ماعاد له وجه يرد ولا يتكلم حاول يقول كذاب بس خاف من تهديده والسجن .. السجن كابوس يلاحقه من يوم عرف صالح واخذ منه الفلوس اللي للحين يسحب رقبته فيها صالح وين ماحب وبغى .. فتح الباب وطلع بصمت ورجع عماد وطلع بيلحق على الموعد اللي جا من الديرة عشانه .. الحكاية انتهت .. وفصل من فصول حياة ام نايف اسدل عليها الستار مثل فصل صالح اللي انتهى .. ومثل فصل سجن نايف اللي طوي قيده .. ومثل فصل خوفها على مستقبل شادن اللي تبدد .. حضنت بنتها في غمرة فرح .. هذولا اهلك ياشادن طلعوا احسن من اهلي .. اهلك اللي حفظوكم وحافظوا عليكم .. ضمت بنتها على صدرها وهي تقول : يستاهل انك تحطينه في عيونك ياشادن .. اسعديه مثل مااسعدني ياعمري .. فاهمه ياشادن حاولي تسعدينه وتسمعين كلامه وترضينه . الله يوفقك معه ويخليه لك يابنتي . هزت شادن راسها وهي مقتنعه بكلام امها .. صح يمه يستاهل اني اسعده اليوم انقذنا بمساعدته لابو بدر .. والحين فكنا من كابوس خالي .. بس يايمه اذا مايبغاني اسعده وش العمل .. قطع عليهم صوت التلفون اللي رن افكارهم .. وراحت شادن ترد عليه : الو .. : ها ياشادن وشلون امي . كان نايف وشكله خايف عليها قالت : خلاص مبسوطه وفرحانه ماقصر عماد اعطى خالك درس بينسيه طريق بيتنا . : والله ههههههههههههههههه اوكي انا جاي بالطريق دقايق واكون عندكم عشان تعطوني التفاصيل . عماد مارضى يقول لي على اللي صار بينهم . : طيب لاتسرع .. : ان شاء الله .. يالله سلام . : سلام . قفلت من اخوها وهي مستغربه من هالانسان .. للحين ماعرفته زين .. بس كل اللي عرفته انه رجل بمعنى الكلمه .. صدقت جدتها يوم قالت انه قد الصعاب ولايهاب .. وان احتاجته ماخيبها .. هزت راسها ونفضته تبي تصحى من افكارها اللي سرقتها له ليه تفكر فيه .. اصلاً هذا رجل غريب عنها .. ومالها أي علاقه فيه الا ورقة عقد ولمدة معينه .. حاولت تشيل صوته وصورته من راسها .. وهي تقنع نفسها من الآن انه انسان غريب ومالها علاقة فيه حتى لو ان اسمه زوجها .. لأن زوجها عند الناس فقط . واللي سواه اليوم معاها لأن نايف ولد خاله .. وممكن جداً يسويه مع أي شخص مكان نايف .. ! او يسويه لهم حتى لو ماارتبط فيها .. يعني هي مالها أي علاقة بموقفه . *** دخل على جدته وعمته في الصالة .. وهو ينادي بصوته العالي : ياولد ياهييييه يااهل البيت .. رحبت فيه جدته وفوزية كالعادة لامته على صوته العالي : يااخي انت ماتعرف تدخل على الناس بهدوء .. الحين فصولي بيصحى من صوتك . سلم على راس جدته وسلم على عمته قال : خليه يتعود على اصوات الرجال ويتمرجل موب يتعود على اصوات الحريم . شاف كورة شهد بجنب الباب وتوجه لفوزية قال : استعدي فوزية ابي اشوت عليتس . حطت فوزية يدينها على وجهها قالت بصوت عالي : يامجنون فكني منك .. الكورة هذي قوية لاتشوت عليّ . ضحك فهد على شكلها قال : احلفي انتس لتقنعين منالوه تفكني من السوق وتروح مع بندر .. يالله عجلي ولا على وجهتس . : خلاص يامجنون والله لاقنعها واقول اتركي فهد مهبول محد يروح معه . شات الكورة وراه قال : ايه اشوا خليتس سنعه موب تقولين لهم اتركوا بندر واكرفوا فهد تحسبين علومتس ماتجيني . بعد ماتطمنت فوزية انه شات الكورة برا قالت : وليه ان شاء الله ماتودي خواتك .. تبي كل شي على بندر ..؟ رد فهد بسرعه قال : انا مااطيق شيل الحرمة معي مهب الفّ بها الاسواق خمس ست ساعات .. عاد ياويل من راحت معه منال للسوق . استغلت ام ناصر الفرصه وبدت معاه لوم وعتاب واستنكار ورجاء انه يعين ابوه ولايقهره ويمسك وظيفته ويعتمد على نفسه .. مناها فهد بأبشري ومالتس الا من يرضيتس وخلاص انا بديت اعقل وامل من البر .. وهو ابعد مايكون عن الوفاء بكلامه ولا الحقيقه .. مجرد كلام حتى يخفف من حدة كلام جدته وزعلها ..! اخذ شماغه في يده قال : انا بصراحه ابي انحاش من جدتي ادري انها في النهاية تبي تقول اعرس واخاف تسوي بي سواة عماد مير يالله مع السلامه .. ضحكت فوزية منه ومن حركاته وكلامه وهو يعطيهم ظهره متوجه للباب .. : طيب اقعد تقهو معنا . : ماابي قهوة العيال ينتظروني نبي نروح نكشت . هزت ام ناصر راسها قالت بيأس : لاحول ولاقوة الا بالله . مافيه فايده هالولد . قالت فوزية : يايمه شوي شوي على فهد ماتشوفينه الا وتعطينه ذيك المحاضرة .. تراه موفاسد ولامدخن .. عيبه انه انسان يحب البر والتمشيات بحدود الحلال . امها بحده : حدود ا لحلال بطاعة ابوه ورضا امه واعتماده على عمره مهوب اذا احتاج فلوس جا يطلب ابوه واخوه .. حتى اخوه اللي اصغر منه ماسكـ (ن) وظيفته ومعتمد(ن) على نفسه .! عرفت فوزية انها ماراح تغلب امها فاضطرت انها تنهي الحوار وتنادي الشغاله تشيل القهوة والشاهي من الصاله ..! وهي قامت ترتب اغراضها حتى ترجع لبيتها اللي بدت تأثثه بمعية زوجها .. *** : قومي روحي معاي للسوق مافيه وقت ياشادن ..! : يايمه تكفين والله مااقدر خليها ليوم الخميس . : ياشادن ياعمري ماباقي وقت الخميس تروحين تجيبين شوية اغراض والخميس اللي بعده زواجك .. قامت عشان امها وجلست على السرير فترة مو طويلة .. كيف تروح تتسوق وهي مالها نفس .. مافيه دافع او حماس .. تذكرت الفرح بعيون امها وجدتها واخوها وعمانها ومططت يدينها بقوة ووقفت ..! توضأت وصلت المغرب ولبست وطلعت مع امها ونايف للسوق .. ساعه ، ساعتين ، ثلاث ، اربع .. اخيراً طلعوا بأكثر من عشرة اكياس وهذا يعتبر ولا شي مع الاغراض الباقيه ولسه مااشترتها .. نزلت اليوم الثاني والثالث وماترجع للبيت الا وهي منهكه .. تحط راسها وتنام وتصحى زي المفجوعه على صوت المنبه .. تلبس بسرعه وتروح مع ابو بدر اللي يخاصم لأنها تتأخر عن وقتها اللي تطلع فيه .. دخلت المدرسة اللي نوف محولتها لجحيم بالنسبة لشادن تحاسبها على الرايحه والجاية .. وتدقق على كل تحاضيرها وحاطه راسها براسها وتعاملها غير عن كل المعلمات .. بعد الحصة الرابعه جات نوف لغرفة المدرسات قالت : لو سمحتي ياشادن تعالي للادارة . قفلت دفتر خلود حق التحضير اللي كانت تتصفحه وقالت ببرود : حاضر .. اجي وراك الحين . راحت نوف بعد ماارسلت عليها نظرة حاقدة وواعدة باللي مايسر .. التفتت شادن على خلود اللي عدلت نظارتها على عيونها وقالت : الله يعينك عليها هذي اش حكايتها معاك . هزت شادن اكتافها بمعنى مو فاهمه شي .. وقامت لحقتها .. جلست نوف على كرسيها قالت : اقعدي . جلست شادن مقابل لها قالت : خير ان شاء الله . : خير .. اليوم مريت على فصلتس وجمعت دفاترالبنات بصراحه عليتس ملاحظات ياشادن . : ملاحظات شو . ؟ : ماصححتي الدفاتر من زمان . : كلهم درسين اللي ماصححتها .! : لا لا موب درسين ..! والدليل شوفي .. طلعت دفتر وفيه اكثر من سته دروس ماتصححت قالت : وش هذا .؟ حطت شادن رجل على رجل وصدت بوجهها عن نوف قالت بثقه : هذا دفتر هيا اللي متزوجه لها اسبوعين ماداومت الا اليوم ومادخلت عندهم لسه . تلون وجه نوف بالوان مختلفه قالت : والبنات الباقيات فيه دروس ماتصححت . : درسين يانوف .. واعتقد هذا مو شي تحاسبيني عليه وتعامليني بالطريقه هذي عشانه . : انا هنا انفذ القانون وو : لو سمحتي لاتحاولين تدورين علي شي ترى هذا مو في صالحك وترى اللي نقلني للمدرسة هذي يقدر ينقل غيري وله سلطه يقدر ينقل ويشيل من منصب لمنصب على كيفه . وقفت وقالت وهي تحط يدها على الطاولة وتميل ناحية نوف : انا هنا نقلت بكيفي عشان اجي عند اهلي واقدر انقل لمدرستي القديمه واقدر اصير مكانك اليوم قبل بكرة واعتقد انتي فاهمه هالشي زين .. طلعت وتركتها في حاله من الاستغراب والذهول والصدمه وخيبة الامل والاحباط المرير الموجع .. اجل عماد هو اللي نقلها عشان تجي عنده .. وهو اللي يبي يصير زوجها بعد كم يوم .. نزلت راسها على مكتبها ووجهها ماتدري أي لون كساه .. ماتبي تبكي .. تخاف احد يشوفها ويفضحها .. يكفي ان نوير بدت تشك فيها ويمكن عرفت سبب حقدها على شادن .. تذكرت يوم جات يوم السبت والكل يبارك لشادن وهي تقول الله يبارك فيكم .. جاتها نوير تمشي وهي توزع الشكولاته قالت : تفضلي يانوف بمناسبة ملكة شادن وعماد . وقفت زي المنهبله .. رغم ان كان عندها علم الا ان الخبر حتى لو تكرر .. يمثل لها صاعقه ، زلزال ، بركان وانفجر في وجهها .. اختنقت لدرجة انها مادرت بنفسها الا ونوير تعطيها مويه وتسمي عليها وترش على وجهها شوية موية . : بسم الله عليك يانوف وش صار لك ؟ فتحت عيونها وجمدت بمكانها .. قالت : مدري من الصبح تعبانه والبارح مانمت زين .. اخذت شنطتها ولبست عبايتها وكلفت نوير تقوم بمهامها في الادارة وطلعت للبيت .. قفلت على نفسها واطلقت العنان لقلبها وعيونها وصراخها تكتمه وهي داخل بطانيتها لحد ماتعبت من البكا وتعب منها .. رفعت راسها من على مكتبها على صوت سهام : ابلا نوف لو سمحتي . : هلا سهام . : انا وشادن بكرة مو جايين . قالت بصوت مخنوق : ليه ؟ : انا خطوبتي بكرة وتعرفين شادن تجهز وزواجها ماباقي عليه شي . قاطعتها بلهجة حادة : سهام لوسمحتي تكلمي عن نفسك ومالك دخل بغيرك . : طيب بس حبيت اقول لك ان مناوبتي انا وشادن بيوم واحد بعد ماغيرتيها .. : انتي اذنك معاك ولاتجين الا السبت . خلاص تفضلي . : مشكوورة . طلعت سهام وعلى راسها مية علامة تعجب وعلامات استفهام كبيرة .. ياترى ليه يانوف كارهه شادن من اول مادخلت هل لأنها حلوة ولا لأنها المفروض تصير مثلك وماتزود عليك بشي خاصة ان اهلها ينتمون للقرية هذي ولا ايش السر بالضبط . ؟ دخلت غرفة المدرسات قالت : شادن نوف هذي ماادري اش فيها عليك مارضت تخليني اتكلم عنك تقول مالك دخل بغيرك وعطتني اجازة ليوم السبت . : باخذ اجازة غصب عنها ولا ماراح تشوفونها في المدرسة . : الله الله الله .. اجل عندك سلطه وتاركتنا نتشحطط بالطريق من جده للاجواد ولا المسكينات اللي يجون من الطايف ومكه .. اش رايك تنقلينا مرة وحده .. . : لا الا انتوا ماراح انقلكم .. ماابغاكم تفارقوني ..! قالت سهام باحباط : مالت علينا ..! : ههههههههههههههههه : عاد من جد شدون بتاخذين اجازة غصب عن هالعصبيه ..! : عندي خطيبي ياماما يقدر ينقل المدرسه كلها مو نوف . قالت خلود : تكفين اسكتي لاتذكريني .. كل ماتذكرته حسدتك عليه .. بجد ياشادن انتي محظوظة .. قالت كلمتها ونوف واقفه على الباب واكيد سمعتها .. وقفت خلود قالت باحراج : تعالي يانوف تقهوي معانا . : لا لا مابي اذا تبين تاخذين اجازة ياشادن لاتجين بكرة . قالت شادن : لا ماابي بكرة ابي الاسبوع الجاي كله .. والاسبوع اللي بعده زواجي الله يحييك عليه تراه هنا في الديرة مو في جده . طالعتها بنظرة حاقدة وحاسدة في نفس الوقت قالت : مبروك مقدما ومدري احضر ولا لا .. طلعت والبنات مستغربين من قوة شادن وكيف تجرأت لأول مرة ووقفت في وجه نوف .. قالت شادن وهي تتذكر كلام عمتها فوزية عن عماد انه مايرضى احد يتكلم على احد من اهله اواقاربه مهما كان .. وان هذاك اليوم هدد ان تعرضت نوف لشادن لينقلها من المدرسه كلها : عرفت نقطة ضعفها .. واناكنت اقول ماابغى اجرحها ولا اتكلم عليها بس مانفع . وهذي هي الطريقه الوحيده اللي توقفها عند حدها . ضحكت نوير اللي دخلت وشادن تتكلم قالت : يابنت ياقوية ليه ماطلعتي هالعضلات من زمان . : هههههههههههههههههههههههه خلاص كل يوم تعالي وراي اذا انتي خايفه وادافع عنك بعضلاتي . : الحين اجي وراك بعد نوير تعالي معاي لنوف مااقدر اروح لها لوحدي . ضحكت شادن من نوير وطريقتها وكيف تقلد صوتها وحركاتها نوير بالنسبة لها فاكهة المدرسة وضحكتها .. وهي البرد والسلام بنار نوف ومضايقتها لها ..! جلسوا بوسط ضحكاتهم وتعليقهم بعيد عن نظرات نوف اللي تمزج الحقد بالانكسار ..! وشادن تحاول جاهدة انها تأجل التفكير لوقته .. والضيق والزعل لحينه ..! *** قبل موعد الزواج بيومين سهرانه هي وسارة .. قالت سارة : ياربي اليوم بغى يصير علينا حادث .. يااختي ابوسعد صاير ينام الايام هذي . قالت شادن بفزع : الله يستر سارة لاتسكتون كلموه اذا مايقدر يوصلكم خلاص دوروا غيره . ردت سارة : اميرة كلمته تقول اذا ماوراك عيال ترانا عندنا اهل وعيال يبونا . : الله يستر ذكرتيني بهذاك اليوم لمن وقفت سياراتنا لولا الله ارسل علينا عماد كان ماادري اش كان حيصير لنا . : صحيح هو اش يبغى من نايف . ردت شادن بلا مبالاة : يقول كنت ابغى اتطمن على شادن وصلت ولا لا . : الله الله الله .. هذا اللي تقولي عنه مجبور على الزواج .. اشوف الاخ بدا يهتم . : والله ماادري عنه .. بس هو الأكيد انه مغصوب لأنه كان شايل فكرة الزواج من راسه .. ياشيخه خذي رتبي اغراضي معاي بدال ماتسولفين بدون فايده . حاولت انها تقطع السيرة وتنهي الحوار عن عماد خوفاً انها تفتح باب وتكشف المستور لسارة وهي قد اخذت عهد على نفسها محد يعرف بالموضوع اللي بينها وبين عماد من ناحيتها .. بدت سارة ترتب الملابس وتطبق معاها احياناً تمتدح واحيانا تذم .. قالت : الحين ابغى اعرف فيه وحده تشتري جلابيات بهالكمية خذي ثنتين ثلاث معقول لكن كل هذولا الحمد لله بس . ردت شادن باقتناع : الناس هناك يحبون الملابس هذي خاصة جدتي . بعدين الجلابيات ياماما تصلح بأي مكان وأي زمان وهذي كلها موديلات جديده . قلبتها سارة بين يدينها قالت : فين البناطيل فين الاطقم فين القمصان اهم شي . فتحت شادن شباصتها ونزل شعرها الاسود على اكتافها قالت : عندك كم بنطلون وكم طقم الكيس الثاني وانا اصلاً باقي لي اشياء بسيطه بروح اشتريها انا وامي نايف مره يحرجني . اخذت سارة شنطة المكياج وقعدت تتفحصها بحكم خبرتها ومعرفتها بأدق ادواته وألوانه لأنه هوايتها المفضلة واللي تمارسها يومياً بإتقان وخبرة ..! مرت عليهم الليلة وانكتبت في ذاكرة تاريخهم .. مثل باقي سهراتهن المميزة يتخللها المرح والود والضحك والذكريات الجميلة بحياتهن ..! *** صباح يوم الزواج ..! دخل مع العمال اللي وصلوا الأثاث .. اليوم زواجه والأثاث توه وصل .. شال مع العامل المرتبة وسلمها لعامل ثاني .. جا يمشي لخالته فوزية اللي طلعت من غرفة امها وبتروح مع زوجها لجده لازم تروح لمشغل لأن هذا مو أي زواج .. هذا زواج عماد اللي تنتظره من سنين .. قالت : اخيراً وصلت الغرفة . راح يغسل يدينه عن الغبار .. قال : وصلت . : تبي مساعده قبل اروح . : لا مشكورة تسهلي انتي .. مافيه شي تساعديني عليه . بعدين انتي ماكأن عندتس بيت وتو ساكنته من اسبوع ليه كل شوي اشوفتس ترززين هنا . : ياربي من هالالخلاق .. انا مريت اشوف امي تبي شي ولا لا .. والشرهه مو عليك علي انا اللي عرضت خدماتي .. يالله مع السلامه .. اخذت فيصل وشهد تبي تطلع .. واستوقفها قال : تعالي تعالي . وقفت بزعل وهي تضرب برجلها على الارض قالت : نعم باقي شي ماقلته .. ابتسم واخذ شهد حضنها وباسها على راسها قال : والله اعصابتس ماعاد تحمل شي .. يابنت الحلال لاتزعلين تعبان وقرفان ووراي مية شغله . قالت فوزية بضحكة : الله يعينك ياشادن ... ياسيدي عاذرتك اصلاً انا اقدر ازعل منك ..؟ بعدين اليوم عريس لازم نتحملك . قالت شهد بفرح : عماد فستاني لونه ابيض زي فستان العروس . رد على شهد : والله .. عاد الليلة انتي العروس ابيتس ترقصين لين تشبعين .. : طيب تخلي شادن ترقص ولا عيب .. التفت على فوزية قال وعلى وجهه ابتسامه واسعه : يالله تسهلي رجلتس ينتظرتس برا .. طلعت فوزية وهي تضحك من احراج شهد له .. وتقول :الله يبيض وجهها اللي خلتك تضحك على الصبح . توجه لغرفة جدته اللي ماتوسعها الدنيا من الفرحه وهي كل شوي تدعي ان الله يتمم على خير ويسهل امور ولدها ويرزقه التوفيق وراحة البال والضنا الصالح . دخل غرفتها وسلم على راسها وجلس بجنبها وريحة البخور تفوح في غرفتها والفرح يتهلل في وجهها.. قالت : ياجعله مبارك وانا امك . عز الله اني اتحرى لليوم هذا من سنين وماقطع قلبي غير اني ماشفت عيالك بس ربك كريم وماخيبني . : الله لايكدر عليتس يالغاليه .. رمى نفسه على الأرض وتمدد وحط شماغه على وجهه قال : آآآآه يالتعب والله ياظهري يافيه وجع وتعب . : علامك ياوليدي عسى ماشر . : ماشر ياجده بس التعب اللي هد حيلي وكسر عظامي من صلاة الفجر وانا صاحي والبارح مانمت الا الساعه ثلاث . : ها قوم روح ارقد لك ساعتين وريح عمرك ياوليدي . : وين انا وين النوم وراي مية شغله . : ابوك يبي يجي ولا لا . قام جلس ومسك شماغه وقال من دون مايطالع بوجه جدته : مدري عنه . : انت علمته ؟ : ايه وقبل يومين مريته أأكد عليه وقال انه يبي يجي . : الله يكتب اللي فيه خير . ان جا ولا ماجا مثله مثله انت رجال الله لايحدك على احد وخوالك صافين معك وهم اهلك واخوانك . : عارف ياجدتي الله يهديه بس مايعترف بي غير اذا بغى فلوس ولا انا ماعلي منه ادور رضاه عشان رضا ربي . : الله يكملك بعقله ويستر عليك وانا امك . : اوووه نسيت اقول لعبدالعزيز يستقبل خالتي نورة ويفكني من مشوار جده . : انا علمت فوزية وقالت انها بتكلمها ويجيبونها . تنهد بارتياح قال : اشوا الله يجزاتس خير . وقف وراح يشوف الشغالات وش سون في الغرفة الجديدة بعد ماقال لهم ينظفونها ويرتبونها ويحطون مفارشها … المفروض انه بهاليوم يكون اسعد رجل لأنه يوم العمر ونقلة كبيرة في حياته من العزوبية والتشتت لحياة الاستقرار والزوجية .. بس هو عكس الناس .. انسان غريب وطبعه مختلف جداً ومزاجه غييير عن الناس يعتبر ان الزواج محطه ينطلق منها لعالم ثاني ويدينه مقيده بسلاسل .. رجوله محدده بخطوات عدة .. مسؤولية الزوجة والاطفال عامل مهم في عرقلة اموره سواء اللي تخص شغله ولا هواياته ورغباته في الانطلاق في الحياة والأهم السفر والشهادة اللي يحلم يجيبها من امريكا ... هذا كان تفكيره وفكرته عن الزواج امام الناس فقط والعذر منهم اذا جابوا له سيرة الزواج .. اما الحقيقه فهي توقد بصدر عماد .. منغصة حياته وميقظة نومه ومزعزعه استقراره النفسي .. ومايعلمها غير الله وعماد .. دخل الغرفه وشافها انيقه ومرتبه وماينقصها شي . هز راسه قال " تستاهلها راعيتها وتليق بها " طلع بسرعه وراح لغرفته . فتح دولاب ملابسه وطلع له ثياب جديدة ودخل ياخذ له شور .. بعد نص ساعه كان في سيارته متوجه لخاله ناصر .. وقف قدام البيت ونزل من سيارته ودق باب بيته طلع له فهد وسلم عليه قال : هلا والله بالمعرس وشلونك اليوم عساك طيب ؟ : بخير الله يعافيك .. انت وش اخبارك .؟ : الحمد لله على ماتحب .. تفضل اقلط . : لا لا مشغول بس ابي خالي الله يعافيك خله يطلع لي . انت مارحت عند خالي فواز للحين . . : خلها على الله بس جايك من البر مواصل وعلى طول رحت لعمي فواز توني جاي من عنده ارسلني اجيب له قهوة وفطور . طالعه عماد بنظرات متجهمه .. : تروح للبر وانت عارف ان ورانا شغل من بدري . : وش اسوي ياخوك البارحة عيني جفاها النوم ومالقيت نفسي الا بوسط البر وبندقي في يدي وشاب النار واغني .. ابتسم عماد على سخافته واستهتاره قال : اشهد انك مريض . : اقول بس لاتنسى وقفتي معك تراني موااااصل وتعبان ومع هذا اكرف معك . رد عماد بامتنان : الله يقدرني وارد لك وقفتك معي يافهد . : ودي اقول آمين واحطك بمكاني اليوم لين تصهرك الشمس . بس اخاف ليا قلته اعرس .. : ووراك ماتعرس انت وش يردك . : ياخي فكني بالله من هالطاري .. : اجل ناد لي خالي بسرعه . رجع فهد ينادي ابوه وركب عماد سيارته ينتظر خاله اللي طلع له بعد خمس دقايق لابس ثوبه وشماغه وعقاله ونزل له عماد سلم على راسه قال ناصر : هلا والله بولدي عماد خير وانا خالك . : خير ياخال ابيك تجي معي لمحل الرجال تشرف عليه وتشوف وش ناقصه مالي غناة عنك طال عمرك . : ابشر وانا خالك ان ماخدمتك ووقفت معك اخدم من واقف مع من ؟ .. حط يده على كتفه وكمل : انت وفهد مابينكم فرق عندي عسى الله يبارك لك ويوفقك ويرزقك بالضنا الصالح . : الله يسلمك ياخالي يالله اركب خلنا نخلص امورنا من بدري . ركب ناصر مع عماد وراحوا للمكان اللي قرروا يحطون الرجال فيه وهو عبارة عن ساحة كبيرة وبانين عليها مخيم ومسوين لها اضاءات عاليه وكثيرة . وصلوا المكان المحدد وشافه ناصر قال : خل هنا محل الطباخين .. وهنا تسوى القهوة . هز عماد راسه باقتناع قال : شورك وهداية الله . : وش باقي لك من شغل . : باقي لي اشغال مهب شغل .. وانا والله ماعاد اشوف من التعب من صلاة الفجر وانا على عظمين . : الله يعينك وانا خالك هذا العرس وهمه بكرة ترتاح وتجني تعبك بزوجة صالحه وعيالٍ بارين ان الله اشاء . : الله يعين .. الا صحيح ياخالي فيه تجار عازمهم وخوياي جايين عشاني ابي لهم مكان مخصص وزين . : ضيوفك هذولا لاتحطهم هنا.. حطهم بمجلسك بيذبحهم الحر ياولدي . : ومن يقابل الناس اللي هنا ؟ : اللي هنا حنا معهم انا وفواز وابوك وعمانك وضيوفك قابلهم انت وفهد هناك . : لاياخالي ابيك تستقبل ضيوفي معي .. خل فهد وخالي فواز .. : ابشر وانا خالك .. اجل ناد بندر خله يروح للمجلس يشوف وش يحتاج . وبنظرة امتنان ارسلها له عماد قال : زيييين زين .. توكلنا على الله مر العصر كله ووصلت فوزية مع اختها نورة اللي استقبلتها في المطار هي وبناتها التوأم ريماس وايناس 17 سنه .. وعبدالله 13 سنه .. قابلتهم ام ناصر ورحبت فيهم وهي اسعد الناس بهاليوم .. لمة حبايب ، وشوفة غالين ، والأهم ان هاليوم اهم يوم بحياتها لأنه زواج الغالي . ...! دخلت نورة بغرفتها اللي تحت بجنب غرفة امها والبنات جلسوا عند جدتهم اللي يموتون عليها وعلى تعليقها عليهم وعلى قصات شعورهم الكاريه .. ولبسهم اللي دايماً طقم مو كافي اشكالهم نسختين من بعض ..! بعد شوي جات نورة تسولف عند امها وهي مسوية مكياجها مع فوزية في مشغل بجده ومو راضيه عنه .. قالت امها : الحين اللي انتي حاطته على عيونتس ورى ماتغسلينه وتحطين شوية كحل وش زين سواده في عينتس ابرك لتس من هالبلاوي اللي ملطختن وجهتس . : يايمه الله يخليك لي الحين كل الناس تحط المكياج هذا . : والله ماشفت احد يحطه غير انتي واختس مير الله يهديتسن . التفتت نورة لبنتها قالت : ريماس قومي هاتي شنطة المكياج . : حاضر ماما . قالت ايناس : جدتي كيف مكياجي حلو ولا لا .؟ : لاوالله وانا جدتس شين ومحدن يعرفتس . : عاد نبي نشوف العروس حلوة زي عماد ولا لا ؟ قالت ام ناصر وهي تبتسم لمن تذكرت بنت ولدها : شادن الله يستر عليها مكملها الرحمن . زين وعقل وسنع . قالت ريماس اللي دخلت والشنطه في يدها قالت : طبعا طبعاً هذي زوجة عماد مو احنا اللي كل ماتشوفينا تهاوشينا . قالت امها بصوت عالي : بنت تأدبي وكلمي جدتك بأدب . ردت ام ناصر : يحييتس الله وتشوفين شادن يابنت نوره . قالت فوزية اللي جالسه تأكل فيصل وهي مرتاحه نفسيا وراضيه عن لبسها ومكياجها : ماشاء الله عليها شادن قمر واخلاق وادب .. قالت نورة وهي تعدل رسمة عينها : الله يحميها .. حمستوني اكثر لشوفتها .. ردت ام ناصر : اذكرن الله وادعوا لهم ان ربي يجمع بينهم بخير ذكرن الله البنات وهن يشوفن لهفة امهن وفرحتها اللي تتمنى مايكدرها شي . *** تبكي وجع .. من حقها تبكيه .. حلمها وأملها .. وفرحة قلبها .. اليوم عرسه .. وبيزفونه لها .. ويزفونها له .. حست بحركه في غرفتها وغمضت عيونها وهي تغطي وجهها بالبطانيه اللي صارت تشاركها اغلب يومها وتحاول ماتحسس اللي دخل عليها انها صاحيه او انها تبكي ..! تخيلته وهو يكلمها ويضحك لها ويمسك يدها ويغازلها .. شهقت لاارادياً وغصباً عنها .. : نوف قومي ادري انتس صاحية .. نورة اختها هي اللي فاهمتها بس ماتقدر جرحها وحزنها .. ردت بوجع : وش تبين مني .. اطلعي فكيني منتس ومن نصايحتس ولومتس لي . : قومي معي مانيب ناصحتتس ولا لايمتتس .. انا ابروح اسوي شاهي والحقيني . دخلت العنود قالت : الله لو شفتوا الحاجات اللي جابها عماد في بيته .. اشرت نورة للعنود انها تسكت لاتزيد وجع اختها وجع .. وسكتت العنود تنفيذ لرغبة اختها وامرها وهي ماتدري وش السبب .. رجعت لنفس المكان اللي جات منه .. تبي تتفرج على بيت جيرانهم والاحداث اللي تصير عندهم .. قالت نورة لنوف اللي تشهق بقوة وتبكي بانهيار : يوووه يانوف .. اللي يشوفتس يقول هذا قد عطاها وجه ولا قد تأملت منه خير . احرمتيني من الروحة للعرس كله عشان اقعد معتس . : كنت احلم وليتني قعدت احلم طول عمري . ياويلي يانورة اخذها وتركني . : قومي قومي مالتس الا حمود ولد عمتس غازي .. حتى لو عماد ماتزوج يبي ياخذتس حمود غصبن عنتس ولا نسيتي كلام ابوي . جلست نوف واخذت منديل مسحت به وجهها قالت : اناماابي اتزوج وسيرة حمود العله لااحد يجيبها لي . : انتي الحين قومي تعوذي من ابليس وخلينا نتقهوى تراني ميته على الشاهي ماذقته لي يومين . بعدين لو امي جات وشافت حالتس والله ماتخليتس لين تعرف وش بلاتس . ولا والله لتوديتس مسفر ويسوي بتس سواة جارتنا ام فارس .. خافت نوف من طاري مسفر وضربه وصراخه ومن فكرة ان الناس تقول عنها مجنونة ولا ممسوسه .. قامت راحت للحمام اللي يشتركون فيه اهل البيت كلهم ويبعد عن غرفتها .. غسلت ورجعت لنورة اللي حطت الشاهي في الصالة اللي تطل على الحوش ومعاه مضير ( لبن مجفف يسمى الاقط والمضير عند البدو واهل القرى ) حاولت انها تتماسك وتتقبل الواقع حتى لو مارضته ولا اعجبها .. وجلست تستمع لسوالف اختها نورة اللي تحاول تنسيها وتغير لها مودها بأحداث المدرسة والطالبات واختباراتها ..! *** في مكان ثاني بعيد عن الصخب والشغل والتعب والناس اللي بدت تدخل وتتجمع في مكان الحفلة . . . كانت جالسه في غرفتها .. جهزت وزبطت مكياجها وتسريحتها في المشغل .. وصورتها المصورة في البيت اكثر من خمسين صورة .. بعدها قعدت سارة معاها تحط لها رتوش خفيفه لمعه على شفايفها .. اضاءة اكثر تحت الحواجب .. مسكرة اكثف .. بلاشر على خدودها : خلاص ياسارة بتطلعيني مهرج بعد شوي . : استني عشان اذا وصلتي مايكون مكياجك ساح ولا انعدم . خليني احط لك مثبت . : انا ابي اعرف ليه امي اصرت ان اسوي كل هالمكياج . : اقل شي اذا مو عشان زوجك يشوفك بهالشكل عشان الناس لمن تجي تشوف انك عروس ولا أي عروس بسم الله عليك قممممر .. دق جوالها وشافت على الشاشة اسم نايف .. قالت : هذا نايف اكيد بيقول مشينا .. تجمعت الدموع في عيون سارة وهي تحاول تخبيها بابتسامه باهته قالت : بفقدك يابنت . حضنتها والثانية حبست دموعها حتى ماتنزل وتعدم المكياج .. شهقت سارة وهي تبتسم وتحاول تغير الجو : الاسابيع اللي غبتي فيها عني حسيتها سنة .. ماقدرت اصبر .. كملت وهي تمسح دموعها وخشمها وشهقت وقالت : الحين يادوب اشوفك كل كم شهر وزيارة . ضحكت شادن وهي تقاوم البكا ودموعها بدت تخونها وتنزل غصباً عنها قالت : يادبه ماني مقاطعتك كل شوي تلاقيني هنا بعدين انا مصيري راح استقر في جده بإذن الله . ابتسمت سارة وهي تحاول تتماسك قدام شادن حتى ماتنهار قالت : يالله روحي خربتي مكياجك وان شاء الله نتقابل قريب وعلى خير . سلمت عليها وضمتها قالت : بشتاق لك ياسارونه .. انتبهي على نفسك ولاتفكرين بخالد والله مايستاهلك . هزت سارة راسها بوجع وابتسمت من بين دموعها قالت : مبروك ياعمري والله يوفقك ويسخر لك عماد ويحببه فيك . : مع السلامه . لبست عبايتها ولفت طرحتها على راسها ووجها وطلعت من غرفتها لامها اللي واقفه مع نايف برا وتعطيه بقية اغراض شادن .. طلعت سارة قبلهم وهي منهارة من تحت الغطا وركبت مع سواقهم ورجعت لبيتهم .. ركبت شادن مع امها واخوها .. العصر اذن من زمان ونايف لازم يوصل قبل الساعه سبعه حتى يوقف مع عمانه في زواج اخته . بعد اربع ساعات بالضبط وصل نايف وفي سرعه خياليه .. نزلت من السيارة اللي وقفت عند بيتها واستقبلتها عمتها فوزية .. هالمرة دخلت البيت غير عن كل مرة .. قلبها يدق ومن داخلها رفض وعدم تقبل لكل اللي يصير .. بس من الظاهر مقنعه كل اللي حولها ان وضعها طبيعي وانها عرووس وبمعنى الكلمه .. جات نورة تمشي وزغاريدها تسبقها : ياهلا والله حيا الله شادن وام شادن . سلمت ام نايف على نورة .. بعد ماعرفت عليها فوزية . وسلمت على شادن بتودد وهي تبارك وتهني بالزواج ..! : يابعد قلبي مو مصدقه اني شفتك ياشدون .. باقي نايف مشى ولا للحين . : نزل اغراضي ومشى . : بكرة اشوفه ان شاء الله . يالله ياعمري ادخلي هذي غرفتك زبطي شكلك قبل يدخل عريسك . حست بألم في معدتها وراسها وجسمها كله .. وشو ..؟ عريسي ..؟ ياحليييييلكم بس . نزلت راسها بالأرض وراحت تمشي لغرفتها اللي تفاجأت فيها وسمعت امها تذكر الله وتقول : ماشاء الله تبارك الله صدق اللي اختارها عنده ذوق وباين انه متكلف فيها . ماردت شادن عليها ووقفت عند المراية تزبط مكياجها وشكلها اللي ماتدري عنه من حوالي اربع ساعات حتى في السيارة طول الطريق مافيه نور .. اشوا ان المكياج ثابت ولا تأثر بالمسافه وطول الطريق وجو السيارة . جابت لها فوزية القهوة والشاهي ومعاها الحلا والمعجنات واستأذنت عشان شادن تاخذ راحتها مع امها .. بس شادن اصرت على امها انها تروح للزواج وتنبسط ولاتفكر فيها . جلست لوحدها وكل شوي تطل عليها نورة ولا فوزية .. جاتها زميلتها نوير وسلمت عليها وباركت لها وراحت من عندها حتى ماتحرجها اذا جاها احد من اهلها . وقفت على المراية مرة ثانيه وهي لوحدها بالغرفه .. طالعت بفستانها الابيض الفخم وطرحتها اللي تكلفت فيها عشان امها وعشااان الصور اللي اخذتها للذكرى ..! طلعت البودرة المضغوطة وزادت مكياجها شويه .. وجلست على الكنبة اللي في بداية الغرفة تحسباً لأي حرمة تدخل عليها .. دق الباب عليها دقتين ودخلوا بنتين شبه بعض عرفت شادن انهم ريماس وايناس من كلام عمتها فوزية عنهم .. قالت ايناس : وااااو اثري جدتي صادقه تهبلييييين . : ههههههههه ياقلبي انتوا اللي تهبلون .. شو هالجمال والشياكه . ؟ قالت ريماس : لاتسمعك جدتي تقول ماعندها ذوق .. : صحيح جدتي فين ؟ : هناك بالزواج .. ماتقدر تطلع مع الدرج .. : لا لازم اشوفها واسلم عليها حتى لو انزل لها . تدخلت ايناس : عادي تطلع لك مع المصعد بلاش الدرج . اجل عماد مسويه ليه مو عشانها . قالت شادن بحماس : صحيح والله .. ياليت تقولون لها تجيني لازم اشوفها . هزت راسها ايناس قالت : ياشادن احسن لك ماتشوفك بعد كلامها عن المكياج اليوم . ضحكت شادن بتوتر من كلام ايناس قالت : ههههههه اجل ماراح يعجبها شكلي . خبطت ريماس كتف ايناس قالت : خليها تشوفها ياهبله والله لتعجبها حتى لو كانت قردة طالما هي زوجة عمااد الغاالي . التفتت لشادن قالت : بس بصراحه انتي قمر مو قردة ومكياجك يجنن .. بس بيعجب جدتي عشانك زوجة عماد ولا هي اصلاً المكياج الثقيل مايعجبها اعطتنا موشح نصايح وهواش عشان نغسله . شبكت اصابعها اللي ترتعش من الارتباك وضحكت مجامله : هههههههه الله يخليها لنا بس .. تعرفون حرمه كبيرة ماتعجبها الا العادات القديمه . سمعوا صوت ام شادن اللي دخلت وابتسمت لهم وهم ردوا لها الابتسامه لأنهم سلموا عليها عند الحريم وطلعوا بعد ماباركوا لشادن واستأذنوا . قالت ام شادن : سمعت ان العريس بيدخل وجيت اشوفك اذا تبيني اجيب لك عشا . : لا لا مالي نفس آكل بس جدتي ماشفتها ؟ : هو ارسل فوزية يقول خلوها تطلع معاي . تذكرت شادن ان عماد يسوي كل شي عشان جدته وان كل هالعمايل والهيلمه عشان يرضي جدته فقط .. قالت : اهم شي اشوف جدتي واسلم عليها .. حتى لو انزل لها تحت . : لا لا تقول فوزية انها راح تطلع بالمصعد .. شدون هدي حالك ليه متنرفزة ياقلبي .. ؟ : ها ..؟ لا يمه لامتنرفزة ولا شي .. بس تعرفين احسني متوترة شوي . : ياعمر امك انتي .. عادي خذي نفس وتعوذي من الشيطان واقري المعوذات وآية الكرسي تهدي نفسك . هزت راسها بمعنى حاضر . ومسكت يدها امها بقوة وضمت عليها ... لعل وعسى انها تبثها الطمأنينة وراحة البال والهدوء ... حضنتها امها على صدرها .. بداخلها براكين نفسها تفجرها هنا على هالمكان بالذات لأنه الأأمن والأسلم لها وحتى ماتصير لها اضرار وعواقب وخيمه .. حاولت تتماسك لكن خانتها دمعه مسحتها بيدها بسرعه وهي تبعد عن صدر امها .. قالت امها وهي تمسح دمعتها بطرف اصبعها : مايصير نقلبها بكا ! كل وحده نزلت دمعتها لسبب مختلف .. اللي نزلت فرح واللي نزلت شقا .. يمه لو تدرين اني ضايعه .. الليلة ودعت اجمل احلامي .. واستقبلت كابوس عمري .. حزينه بنتك بليلة الفرحة ..! ابتسمت وهي تحاول تمسح اثار الدموع قالت لامها اللي تدقق بعيونها ووجهها وهي تحاول تبعد الخوف عنها وتطمنها : احسني توترت . ابتسمت امها براحة وطمأنينة وحضنتها قالت : عادي ياعمري كل بنت في ليلة مثل هذي تتوتر وترتبك . بس انتي اعتبري الموضوع طبيعي وترى عماد مو غريب عنك ولد خالتك وقريب منك بيكون حريص عليك اكثر من غيره . *** عند الرجال .. لابس البشت الاسود والغترة البيضا وكأنه من الشخصيات الهامه .. كل شي فيه يوحي بالفخامه والرقي .. اسلوبه وتعامله مع الناس والضيوف راقي ويحسس الناس بهيبته وقوة شخصيته ... شكله انيق لأبعد الحدود ، شنبه الكثيف شوي واللي مرتبه بعناية .. عيونه الواسعه وحواجبه المرسومه وهي طويله تدل على ان صاحبها قوي باس وحجته قوية وواثق من نفسه مثل مايقولون علماء الفراسة وعلم النفس ... طوله وجسمه المتناسق معطيه طله غير عن كل الحاضرين .. وعريس وكل العيون عليه .. كان جالس بصدر المجلس وحوله اصحابه وبعض التجار اللي جو من جده ومكة والطايف مخصوص عشانه .. باركوا له بعد العشا وطلعوا وكلاً سرى لبيته .. بعد ماودع ضيوفه رجع لمكان الرجال من اهل الحي والديرة .. وسلم عليهم ورحب فيهم وقال للطباخين يحطون العشا .. توافدوا عليه الناس يباركون له وهنوه بالليلة السعيدة وتمنوا ان زواجه مبارك وان ربي يرزقه بالذرية الصالحه .. جلس نص ساعه ثم قام وقف واعتذر من الحضور ومشى على الساعه 11 تقريباً .. ركب مع نايف اللي اصر انه يوصله بنفسه لبيته اللي مايبعد عن مكان الحفل الا ثلاث دقايق او اربع بالكثير .. وقبل ماينزل من السيارة استوقفه نايف : اقول ياابو مشعل . : سم . : سم الله عدوك .. بغيت اقول لك شادن امانتك لاتجرحها تراها حساسه .. ولاتقهرها ولاتخليها تطول عن امي . اختي من النوع اللي يكبت ولا يبوح باللي في قلبه . . : افا عليك ياابو خالد اختك تراها بنت خالي ولاتوصيني وانا اخوك ما راح يجيها غير اللي يسرها ويسرك . : هذا العشم وانا اخوك بس هي كلمتين وحبيتها اقولها لك . : الله يسلمك يانايف وتأكد ان اختك في الحفظ والصون . : اجل الف مبروك وبالرفاة والبنين . ابتسم عماد لنايف وتمتم بالله يبارك فيك وعقبالك .. ونزل .. مهمة اثقلت كاهله من شهر ومن يوم الملكه تحديداً .. اخيراً راح ينجزها على خير مايرام ويدخل الفرح لقلب الغالية ويسعدها .. ولو لمجرد فترة معينه .. *** الحريم في بيت عبدالعزيز لأن الحوش حق بيته كبير .. حطوا فيه مخيم كبير وفرش وسماعات كبيرة للطقاقات اللي حجزتهن ام فهد زوجة ناصر وجابتهن من الطايف كهدية من عندها في زواج عماد .. اما القهوجيات اللي يضيفون الضيوف جابتهن فوزية وتكفلت بالضيافه كلها من قهوة وشاهي وبيتفور ومعجنات للمويه والعصير والملبس .. دق عبدالله ولد نورة الباب ونادى خالته فوزية اللي جاته بسرعه .. قال : عماد يقول خلوا جدتي تجي ماني داخل الا وهي معي . رجعت فوزية بسرعه قالت لامها في اذنها : عماد يقول تجي ماني داخل الا وهي معي . فزت ام ناصر وهي تحاول تقوم وساعدتها بنتها لحد ماوقفت قالت بهمه : لبسيني عباتي وعطيني عصاي . : لاتروحين مشي اصبري ارسل لفواز يوصلتس . : مانيب منتظرةٍ فواز خليني امشي . جات نورة اللي عرفت السالفه وسمعت كلام امها قالت : يمه الله يهديك عماد للحين ماوصل اصبري لين ازهم فواز ولا عبدالعزيز يجي يوديك .. نادى عبدالله امه قال : بندرعند الباب يبي جدتي تمشي معه . مشت ام ناصر والتفتت على بناتها قالت : امشوا معي . اخذت كل وحده عبايتها وطلعن معاها بعد ما رجعوا ريماس وايناس مايروحون معاهم .. دقيقه وحده وهم في بيتهم لأن المسافه بين بيت فوزية وبيت عماد قصيرة جداً .. زغردن نورة وفوزية اول ماشافن ولد اختهن واقف بالبشت وسلمن عليه وهو يقول : قصرن اصواتكن وشوله كل هذا . قالت نورة وهي تسلم عليه : خلنا نفرح بك ياقلبي . : افرحن ماقلت شي بس من دون هالصوت اللي وصل للرجال . سلم على جدته اللي توها وصلت وهي ترد العبرة وتحاول تضحك .. قالت : ياالله لك الحمد ولك الشكر انك مديت بعمري وشفته معرس .. نزلت من عيونها دمعتين غصب ماقدرت تردها وتمنعها .. حط يده على اكتافها وسحبها لصدره قال : الله يخليتس لي هذا بدل ماتفرحين لي وترقصين تقومين تصيحين . : لو في شدة وانا امك رقصت بس العَجَز شين . : الله يطول بعمرتس منتيب عجوز .. العجايز شوفيهن وراتس اللي كل وحدة خابصتن وجهها بالاحمر والاخضر . خبطته نورة قالت : بتغير رايك اذا شفت شادن ومكياجها . طالعها من دون مايتكلم وسوى بشته زين .. وبقلبه " متى بتخلص هالتمثيليه وارتاح " ضحكت ام ناصر قالت : يالله ياوليدي ادخل على مرتك الله يوفقك .. :عطيني يدتس نبي نطلع بالمصعد اريح لتس . مشت معاه ودخلت المصعد اللي مايفتحه الا في حال رغبة جدته في الطلوع فوق .. وهي تهلل وتكبر .. وبناتها معاها يضحكن من عماد اللي حتى ليلة زواجه مايعرف يضحك اوحتى يبتسم.. فتح المصعد وام ناصر لازالت تهلل وتكبر وتستغفر .. زغردن نورة وفوزية وعماد ماسك يد جدته .. وقف ونادى فوزية قال : فوزية خذي جدتي خليها تسلم على شادن قبل ادخل . . دخلت ام ناصر مع فوزية ووقفت نورة مع عماد وهو بان عليه الارتباك ... طالع بنورة قال : خالتي الدور اللي فوق لاحد يقربه و..... قاطعته خالته : افا عليك ياعماد خذ راحتك بس ومحد مقرب منكم تطمن ياحبيب خالته . : الله مير يسلمتس ويخليتس لي . *** طلعت امها من عندها لمن عرفت انهم وصلوا ونزلت مع الدرج .. حتى تخليهم على راحتهم مع بنتهم .. وبنفس الوقت استحت من عماد اللي للحين ماعرفته ولاكلمته .. دخلت عليها جدتها .. وفزت شادن من مكانها وسلمت عليها وباست راسها ويدها وهي مستحيه وراسها بالارض .. انهالت جدتها بالمديح بعد ماباركت لها وهنتها وتمنت لها السعاده والذريه الصالحه .. قالت فوزية : الحين وش رايك بمكياج شادن . قالت الجده وهي تحاول ترفع من معنويات شادن المستحيه : ابد هذا المكياج السنع وهذا الزين اللي مسويه ربي ماشاء الله تبارك الرحمن . ضحكت فوزية من جدتها قالت : ههههههههههههههه من يشهد للعروس .؟ طالعتها امها بنظره امر يعني يالله واشرت لها .. اخذت يد امها اللي قد جلست بجنب شادن ووقفتها وطلعت .. قالت ام ناصر لعماد اللي يناظر بساعته : ادخل على مرتك وانا امك الله يجمع بينكم في خير ويكتب لكم التوفيق من عنده ويرزقكم الذرية الصالحة . التفتت لبناتها بلهجة آمرة : يالله يابنات مشينا لضيوفنا . نزلوا مع المصعد وراحوا مع بندر ولد ناصر اللي جابهم وينتظرهم برا عشان يرجعهم ... للحكاية بقية ... اتمنى لكم متابعة بدون ملل .. |
:Supercool:تسلمين ياقدوره على البارت الاكثر من حلو واعذريني مارديت بسرعة لان أـنت عطلان مجرد صلح طيران البارت وارد عليكي ياحبوبة نجي لاحداث القصة<< صراحة القى فيها التشويق والاثارة شخصية شادن عاجبتني حييييييل الحنان اللموجود فيها ويحس فيه الي حولها وخاصة في موقفها مع جدتها يوم طاحت عليها والتضحية الي سوتها علشان تسعد جدتها وتز وج عماد وعارفه انه مايبها والي زاد الطين بله جايها بقوات عين اني مافكر فيس وانس ترفضين <اااااااه منك ياعماد > تعجبني شجاعتها وخاصة في المواقف الصعبة واعجبني جملة قالتها شادن القوة نستمده من مواقف الضعف << افكر في هالجملة عاجبتني فيها معنى حلو >>:55:اما نايف الاخ الحنون على رغم صغر سنه الانه رجال بمعنى الكلمة انت كذا:friends:الله يخليك لامك ولاختك ام سار ه زين بدت تصحى وتبين له الحقيقة امافهد تعجبني :welcomepirate2: راح انتظر وش تخبي لنا كاتبتنا المبدعة على فكره ماتقصرين ياعمري مشكوووووره انك تنزلين البارت بسرعة وماتطولين يابيلك تبردين قلبي:lWR04888:
|
بصرااااحة
بارت خطييييييييير بكيت من الفرحة حاسة بشعور الاهل وفرحتهم وبكيت على شادن اللي اللي .....ايش اقول بس اكيد دوام الحال من المحال وراح يكون لها عماد مع رفضه وراح مايخيب ظنوننا فيه لانه رجل بمعنى الكلمة وان جرح شادن قبل كذا بس الظفر مايطلع من اللحم وراح تشوف شادن اللي يسرها اكيد اكيد ماادري انا قاعدة اقنع نفسي والا اقنع شادن وعماد انسجمت بقوووة:Taj52: |
مبدعتنا اقدار دائما في كل فصل من فصول ملامح تتعثر الكلمات عن التعبير . ننتظر بكل صبر اللقاء بين العرسان .فاللقاء أحلى ومفاجئ مع اقدار
|
1 مرفق
hr]hv اقدار اقدار اقدار جزء جمممممممممميل جدا بل رائع
فيه كمية كبيرة من الاحاسيس والمشاعر صورتى الجزء بطريقة اقل ما يقال عنها انة ابداع فنان شادن ربنا يعينها على الحياة مع عماد لانه اكيد هيكون بارد معها وده اصعب شئ على المراة لانها كتلة من الاحاسيس كما قال عنا الرسول اصلى الله علية وسلم "رفقا بالقوارير" اماعادل الله يعينه على نفسة وسرة نفسي اعرفه متى ستريحينا يا اقدار ؟ ومتطوليش علينا |
أبدعتي يامبدعة
بس عماد أتوقع إنه ماراح يدخل على شادن ولاراح يشوفها ليلة زواجهم وهذا راح يكسر ويحطم شي داخل نفس شادن فصعب على المراءة أن تكون مرفوضة من قبل زوجها وهذا راح يعيش شدان بحزن دايم اتوقع من عماد إنه راح يدور نقل لشادن لجدة وينقلها ويطلقها لأنه عندي إحساس إنه يعلني من مرض ما يمنعه من الزواج والفرحة الله يعين شادن على ما سوف يقابلها من آلام لم يعجبني أبد تهديد شادن لنوف |
أختي الحبيبة أقدار أولاً أهنيك على هذه الرواية الرائعة والتي فرغت الآن من قرأت أجزاءها السبع وحقيقةً كل جزء أحلى وأجمل من السابق فهذا إن دل على شيء فإنما يدل على روعة القصة ورعة صياغتها وجمال الحوار السلس التي تحتويه القصة الجميلة فهنيئاً لك يالغالية على نجاحك الباهر بهذه الرواية الرائعة وهنيئاً لنا بقرأة الرواية والأستمتاع بجميع أحداثها فأما بخصوص توقعاتي يالغلا فهي عماد وشادن والزواج المفروض والمرفوض من قبل الطرفين ولكن عماد يجهل ماسيأتيه من قبل شادن فهو يحسبها ضعيفة ولا يعلم بقوة شخصيتها وسترضخه وتقلب له كيانه بمحبتها وبقوة شخصيتها وأتوقع لفهد وسارة مستقبل لأنهم شخصياتهم متقاربه وسوف يحصل بينهم بعض الآكشن والعلاقات وربما الزواج وبالنسبة لنايف لربما سيقع بغرام إحدى بنات عمته نورة إيناس أو ريماس وبالنسبة لنوف أعتقد بأنها سوف تجبر على الزواج من أبن عمها حمود وهذا هو توقعاتي للقصة ولكن تبقى الحقيقة بيد البطلة أقدار كاتبة الرواية فأتمنى لك كل التوفيق والنجاح إن شاء الله أختك عذبة التجريح |
تسلمي على البارت ..
عماد .......... بالود لو توضحين سبب عزوفه عن الزواج .... السبب ما لأعتقد حبه لعذبة بدليل أيد تزويجها لغيره .. ياخوفي يكون مريض ( بأي من الأمراض كالعجز ، أو القلب أو العقم ......... ألخ ) ، وان كنت غير متيقنة بهذا السبب ..... وضحي لنا الأسباب بسرعة حيرتينا .. شادن ... الله يصبرها ... موقف صعب أن تعرف أن الشخص مايبغاك ومع ذلك مجبر عليه ... والأصعب لشادن أن تجد عماد شخص يعتمد عليه ممدوح من الكل ، وهذا مطلب كل فتاة في زوجها ، يمكن لو كان فرد عادي له عيوبه الواضحة ،، يمكن كان وضعها أسهل ... مشكورة أقدار ...ننتظرك .... |
.......... بسم الله..... صحيح السبب مايعرفه الا الله..ثم عماد...بس كمان قدورة الحلوة تدري عنه :3EO05175: .... كل بارت اقول هانت خلاص المرة ذي بنعرف ليش كاره الزواج بس وييييين نعرف وانتي تدينا رؤوس اقلام :YkE04454:.... اللي فهمته ان عذبة كانت محيرة له بس هو مايبيها ولا يحبها فقال لاهلها يجوزوها...طيب... باقي منيرة ذي وش قصتها معه كمان.....بس توها خطرت على بالي فكرة .. يمكن الرجال متعقد من موتة امه وهو صغير فمايقدر يقرب من احد ويحبه ثم يروح منه زي امه..والدليل جدته اللي ربته يخاف عليها من الهوا الطاير....<<< ياويلك يطلع كلامي خطا وتفشليني :ekS05142: فههههههههد.:yellow:.......ماتطيق تشيل حرمة معك هاه...خلاص بطلنا منك... صح مشاوير السوق مع الحريم عذاب بس ماحدنا للمر الا اللي امر منه..لو نقدر نسوق كان ارتحنا << من المؤيدات لسواقة الحريم ...........اصلن دامك تاخذ مصروفك من ابوك خلاص عفناك....إلين تتعدل على قولة جدتك... شادن...صح هي تعذب ذحين بسبة الزواج المفروض عليها..بس ماعليه.. الراحة قريبة ان شا الله..... والاكشنات الحلوة كمان :hR604426:<< تزوجت وفصخت الحيا نايف.... صح اصغر من سارة بس اعتقد مو بشي كثير.. واكيد اذ كان سن الزوجة اكبر من الزوج يسبب حزازيات خاصة عندنا يالعرب...بس ماعليه..انتي خليه محجوز وبعدين يصير خير لاتخربينها علينا... للان نوف زي ماتوقعتها...مقهورة على حلمها وتحاول تؤذي شادن بس مو بشكل قوي...بس بعدين الله اعلم...وعجبتني شادن لما وقفتها عند حدها وهي تتفشخر بالعمادو حقها بس زودتها لما تكلمت فيه عند البنات...هي فالاساس ماتحبه لسه عجل ليش طايرة فيه..حسيتها هنا مصلحجية.. يمكن اكون فاهمة غلط :confused: نجي ذحييين للمطر...:ekS05142: ياعمري ماعليك مني انا اللي مشفوحة.. خبرك اهل المدينة مايشمون ريحة المطر الا فالسنة مرة....وعلى قولتك الحين موسم امطار خلينا نعيش جوه بدري ....بس حقين الطايف ما ارتاح إلييين اشوفلهم حل....يا يدونا شوي يا نعطيهم عين ونخلص... الله يسلم قلبك يارب.. اذكر اوووووول اني كنت قوية بس ذحين الدنيا كسرت راسي:YkE04454:...صرت مطيعة وش زيني....بس بو طبيع مايجوز عن طبعه..تلقين لي طفرات احيانا.. اخيرا ...اضم صوتي لاختي(سامحيني من العجلة ماحفظت اسمها) اللي قالت تبي البارت الجاي فيلم هندي رومانسي.....هالله الله ما اوصيك عاد.....وياليت تفضحين سر عماد بالمرة :YkE04454: << طلباتها ماتخلص.. ..... الله يسعدك ويسدد خطاك ......:0041: |
تسلمين يا قلبي ابااااااااااااااااااارت رائع جداااااا :flowers2::flowers2::flowers2: وصف رائع لكل ما يحس فيه عماد وشادن من مشاعر متضاربه خلتني خايفه على الظلم الي بتعاني منه شادن بحياتها مع عماد ومن الكلام الي ممكن يجرحها وخايفه على عماد منه وعليه منه انه ممكن يخسر شادن بسبب طريقة معاملته لها وعليه من انه يدخل بدوامة الحب الي رافضه ومو متقبله وشلون بيتصرف وقتها حيرتيني بسبب غمووض عماد خاصه الي يقوووله للناس كتبرير لرفضه للزواج يختلف عن الشي الي داخله ويعاني منه بصمت وواضح انه شي لو درت فيه اليده فإنه راح يصدمها وصدمتها معناته خسارته لها وهذا الي الشي الي ما يبيه عماد وهو خسارتها اتصدقين حسيت بفرحة اليده حسيت وكأنها كانت تحلم بحلم ما توقعت بيوم يتحقق ويوم تحقق حست بالفرحه من كل قلبها خاصه انها أجمعت أعز اثنين على قلبها لكن معقوله يجي يوم تندم فيه اليده على كل محاولاتها لتحقيق هالحلم الله يعين ساره على فرااق شادن خاصه انه شادن بالنسبه لها أكثر من اخت خاصة بوقت الأزمات كل وحده فيهم تتساند الثانيه ايناس وريماس عجبني التناسق بأسمائهم وهالبنات عسل والله اهما وفهد يسوون جو خاص للقصه بخاطري فهد يتزوج بشوف شلون راح تكون حالته بس شي اكيد افضل من حالة عماد تعجبني روح المرح الي بشخصيته معطيه شخصيته طابع خاص نوف اول مره تكسر خاطري رغم تصرفاتها الكريهه مع شادن الا انه صعب على الواحد انه يحلم ومع الوقت يبتدي يصدق هالحلم وكأنه واقع لا محاله ولكن بالنهايه يكتشف انه مجرد فقاعه عاش فيها بوهم اهوا اصنعه بنفسه وهذي حالة نوف الله يصبرها ويعوضه أاقول يا قلبي تسلمين على كلامج الحلو لي عن جد أسعدني والي فرحني زود انه زار غارت من كلامج لي يالله يا زارا ما غرنا من انج مكوشه على كل الأبطال فأنتي اخذي الأبطال وخلينا الكتاااب ولا شرااايج<بتتكفخ:lWR04888:> ننتظر البااااااااااارت اليااااااااي بكل شووووووووووووق |
السلام عليكم ورحمة الله وبركاته أختي أقدار أنا من المتابعين بصمت لكتاباتك أو بمعنى أصح لإبداعاتك {مهلاً ياقدر و ملامح الحزن العتيق} إنك فعلاً مبدعة ولك أسلوب قلّما نجده في روايات النت أهنئك على هذا الإبداع وأتمنى لك التوفيق. وأعذريني فلست ممن يجيدون إنتقاء الكلام أو التفنن في التعبير ولكني لم أستطع أن لا أوصل لكِ شكري وإعجابي:flowers2: أختك "as2006sa". |
["]coooooooooooooooooooooooooooooooool[/]
البارت بلا مناقشه رااااااااااااااااااااائع وابدددددداع وممتتتتتتتتتتتتتتتع ومشوووووق كان الحوار الباطني للشخصيات ممتع ومعبر وكاشف بشكل كبير عن مختلج هذه الشخصيات من عواطف ومشاعر واضطرابات وعماد ربي اخليه يكشف لنا في كل بارت ويثبت الى اي درجه هو شهم ورجال بمعنى الكلمه شادن حبيبتي اكسرت خاطري احسها صارت جسد بلا روح وانا احلامها كلها تحطمت مرررررررره صعبه انها تقدم على زواج وحياه جديده وهي متوقعه ومكتوب نهايتها من الحين الله بس يعينها على هزواج وعلى عماااااااااااااااد شكلها حياتهم راح تكون معقده وصعبه وعماد شكله بحطمها زياده من اول ليله جد الله يعينها في شي غريب عماد لمه حطوا الغرفه قال تليق وتستاهل راعيتها ولمى تمنى شادن لفهد وهو يمدحها الصراحه يخلي الواحد يشك في هسر شكله كتير خططططططططططططططططططير وانه خايف على شادن ومصلحتها منه الله يستر بس منالسر هذا وشكرا ياصاحبة الانامل الذهبيه سلمتي لنا |
اوووووووووووووووف منتس... قسم بالله انتس تقهرين... انا من كم يووووم وانا اردد خلي عنا شغل الاخرااااج ياست هاااانم...
والله العظيم قهرتيني .. ياويلتس من الله.. ليش عند اللحظات الحاسمه تنهين الجزء... لاااا وتقولين اتمنى لكم متابعه غير ممله.. مرره ثانيه قولي اتمنى لكم متابعه غير قاااهره او غير جالطه...>>بسم الله عليـــــنا.. الجزء صراحه رهيب وواقعي مررره.. كني اشوفهم وهم يحظرون للزواج...ماشاء الله عليك ابدعتي بالوصف ياقلبي... عماد : انا الحين متاكده انه يعاني من عقم او عجز... وصراحه يوم زواجه كان رهيــــــــــــب... يجنن.. واعجبني لما برد كبدي بخال شادن.. لما هزئه وطرده من البيت.. الله ميــر يسلمه ويعافيه ويشفيه من العقم اللي فيه ويملأ الارض بزارين...خخخخخ تدرين فيه لحظه حسيت انه يحب شادن لما شاف الغرفه بعد مارتبوها وقال انها تليق بصاحبتها,,ليـــــــش يقول كذاا؟؟؟؟ انا اقول ان الرجال مرتاح لها ولشخصيتها .. ويمكن يحبها.. بس السر اللي دوخنا هو اللي خلااااه يحاول انه يتجاهل مشاعره تجاها... بس تدرين اقدار عاد خلاص لاااازم تفكينا من هالعقده اللي مشغلتنا من الجزء الاول... الى السابع..فكي لنا هذي العقده... وخلينا نلهى بوحده جديده وننشغل فيها..خخخخخ>> ناس تحب العنا...خخخ شادن : الله يوفقها ولااا تطلع بجرووووح عميقه ومالها علاج بهالزواج.. انا متاكده ان عماد ماراح يذلها بقسوه او معامله عنيفه بس تجاهله لها بيكووون اكبر ذل لها.. وموقف شادن مع نوف ماحبيته ابد.. حسيتها فيه مغروره بعماد.. وصرت اقول هذا وهي تدري ان زواجهم على ورق وتسوي كذا اجل لو كان حقيقه وبرضا الطرفين وش سوووت؟؟؟ يمكن هذي الطريقه اللي تشوف ان نوف تستاهلها بس انا استغرب هي كيف ما اسالت نفسها الى الان ليش طريقة نوف وقسوتها زادت معها بعد خطبة عماد لها... بس يمكن قسوتها هذي بتصير معها دايم ومع الجميع بسبب الوضع اللي بيكون بينها وبين عمااد... وبانتقالها للاجواد انتهت مرحله من حياتها ...فيها فرح وحزن.. وبتبدأ حياة جديده... احس بيكون فيها حزن اكبر.. فهد : ملح القصه هالعربجي.. ياليت جدته تستلمه مثل عماد ولا تخليه الا وهي فاره راسه فر.. وتزوجه... قال ايش.. مارقدت ومادريت الا البندق بيدي وانا في وسط البر شاب النار واغني... الرجال هذاااا يبيله تعب كبير... بس هذا مايمنع انه يهبل...خخخخ بس ودي اعرف كيف بيشوف ساره؟؟؟ يمكن عن طريق اخوووها مشااري؟؟؟ لان الرجال شكله فلهااا مررره مرررره مع فهد يوم الملكه... شفتي يعني ساااره لفهد مهوب تحوصين منا مناك.. ودبسينها بواحد ثاني.. حنا قلنا ساره لفهد يعني فهد لساره..خخخخ نايف : نعم الاخ بس والله بغى يجيب العيد لما قال لعماد اذا يبي يشوف اخته.. بس اشوى ان الرفض جا من شادن.. دام الاخ ولا على باله.. لااا وبعد ينقد على هالحركات... نايف احسه بياخذ وحده من التوأم بنات عمته نوره.. كنت بقول ياخذهن كلهن بس عاااد .. مايجوووز حراااااام...خخخخخ نوف : وقسم بالله انها قطعت قلبي بصياحها... لدرجة اني انا.. انــــــا زارا .. جتني الصيحه عليها.. قطعت قلبي والله..والا اختها العنود لو انها عندي كان على راسها بالعصا.. ياهي دبلت كبدي ولسانها يبيله قص.. اما اختها نوره اعجبتني بوقفتها مع اختها.. مهما كان هي اختها ولاااازم تساعدها انها تطلع من حالة الياس اللي هي فيها..توتس يانوف ماشفتي شي.. اجل وش بتسوين اذا شفتيه يوصلها للمدرسه كل يوووم.. ياقهرتس قهرااااه>>> والله اني اعرف اريح النفوس التعبانه...خخخخ والله نوف حالتها صعبه ذكرتني ببنت جيرانا واول حب في حياتها.. وكان عمرها 9 سنين.. لما حبت الهندي اللي كان يبني غرفه لاخوها في بيتهم.. والخبلا تحبه عشااان عيونه خضر.. ولما خلصت الغرفه بغت تمووووت علينا من الصياح.. لانه خلاااص بيروح والحبيبه ماعاد هيب شايفته مررره ثانيه ..وحنا ماندري وش فيها.. واهلها يحسبون انها تبي غرفه زي حقت اخوها .. يقولون اكيد غايره...خخخخ.. والله عليهم افكااار.. المهم البنت ماعلمتني عن اول حب في حياتها الا من سنتين.. عاااد انا نصحتها هذيك النصيحه وقلت لها.. لااااااا عااااااد تحبين ابو عيون خضر حبي اللي لون عيونه زرق زي لوون الهلااال...ههههههه مشكووووره على البارت ياقلبي ولا تطولين علينا .. نبي نشووووف وش صار داخل الغرفه ترى مهوووب زين نطول واقفين براااا...خخخخ |
السلام عليكم تسلمين البارت فوق الرئع قمة في وصف الاحسايس الانسانية المخلوطة بين الحزن والفرح ولكن ماذا نقول انها اقدار التي تكتبب ووتتحول الكتابة الى ابداع ’,كنت رائعة في اظهار شخصية شادن القوية اثناء مواجهة الخال ونوف برغم كل الام الذي يعتصر قلبها فالرض قاس جدا , بالنسبة لنوف احس ان ردة فعلها مبالغ فيها اي شدعوة اي كل ابن الجار وخاصة ان هناك من يريدها من اقاربها اتنى عليك ان تخفي عليها وتجعليها تتقبل الواع , اعجبني وصفك للجدة اثناء نهوضها للذهاب الى عماد حتى اني احسست اني احد الذين يساعدونها على النهوض , ناتي على عماد فكيييييييييهااااااااااااا مو شطح الخيال وازدادت الحيرة وكانك تكلمت ولم تتكلمي,اقدار حياتي لقد اطلقنا العنان لافكارنا واصبح انتظار البارت القادم صعب جدا جدا جدااااااا جداااااااااااااااا جداااااااااااا جدااااااااا فنتمنى عليكي ان تستعجلي في انزاله اذا كنا نستعجلك فهذا من زود الميانة وندري احنة عزيزين عليك نحن بانتظارك يامبدعة
|
اقتباس:
هلا وغلا قمر وبس .. حياك الباري ياعمري ومعذوووورة والزم ماعلينا راحتك والأهم انا شفناك الحين وانتي راضيه عن الأحداث والاسلوب .. بعد عمري والله ... زين ان شخصية شادن اعجبتك .. وعقبال ماترضين عن عماد :YkE04454: سارة ربي ساعدها لأنها لجأت له وماخيبها .. اما نايف .. ماتوقعت ابداً انكم تعجبون فيه بجد ..! حسبته راح يمر عليكم مرور كرام بس بكل رد اتفاجأ ان القراء يمدحون ومافيه رد الا اسم نايف فيه زين الحمد لله .. << تحب ابطالها وتستانس اذا احد اعجب فيهم :YkE04454: فهد .. له نصيب الأسد من الاحداث تابعي واتمنى يزيد اعجابك فيه .. مشكووووورة يااحلى قمر .. عساك سالمة على هالتعليق والكلام اللي يشرح الصدر ويبهج .. ممتنه وسعيده بوجودك يالغلا .. دمتي بعافيه وصحة وراحة بال .. |
اقتباس:
ياهلا وغلا في بنت العرب حياك الله يالغلا ياعسى دمعتك ماتنزل على فراق غالي او من سوء يالغلا .. قولي آمين . اتمنى ان عماد مايخيب ظنك فيه .. هذا اللي اقدر اقوله .. لكن تابعي ولي الشرف وبتعرفين كل بقية الحكاية .. سلمتي لي يالغالية على حضورك |
اقتباس:
وأمام حضورٍ كحضور ام المهند التحف رداء الخجل والفرح في آنٍ واحد .. سلم الله قلبك وباركك الرحمن على تلك الكلمات اللطيفة التي انسابت الى قلبي بالفرح والبهجة ..! اللقاء سيكون بكم اجمل ..! اثق بهذا .. نلتقي على خير وكلي أمل ان يستمر الرضا عن بقية الأحداث لروحك جنائن ياسمين .. |
اقتباس:
ارفقي على عمرك يالغلا وانتبهي لأظافرك مانبي خساير جمالية :YkE04454::YkE04454: ياهلا ومية مسهلا .. الله يحلي ايامك ويسعد لي قلبك .. تدرين ضحكت من سالفة هندي ورومنسي .. اجل بعد كل اللي صار تبين حركات هنود من اولها .. :YkE04454: تابعي يالغلا ويارب تنال الأحداث اعجابك .. سلم الله قلبك وعافاك من الشرور مودتي واحترامي |
اقتباس:
ام عمرو العزيزة .. هلا وغلا ومية مرحبا .. حبيبة قلبي والله عساك سالمة على هالكلام الحلو مثلك بجد احرجتيني لكن الحمد لله اني ماخيبت ظنك في هالبارت واستمتعتي يالغاليه .. اقتباس:
شكل اسم عماد مو عاجبك او ان اسم عادل يعني لك شي مهم ;) ربي يسعدك يالغلا خذي راحتك وسمي على كيفك المهم انك مستمتعه ومتابعه الله لايحرمني منك ومن تواجدك معاي :flowers2: مودتي واحترامي |
السلام عليكم
حبيبتى أقدار أولا مبروك قصتك الأولى مهلا ياقدر أكثر من راااااائعة نيجى لدرتك الثانية ملامح الحزن العتيق ياريت شادن تقدر تمسح هذه الملامح المرسومة بقلب عماد و روحه وتفك رموز الحزن عقدة عقدة المشوااار طويل بس ياريت يكون فى إستجابة من عماد شوقتينا لسر عماد .. و أستبعد العقم أم ناصر تجنن .. وهية نفحة إيمان و عطر فى القصة ..ياريت متموتش فى أحداث القصة و أخيرا أقدار ... أسلوبك ممتع رائع هاادئ مثييييير.. بحب أختم بالقراءة ليكى قبل النوم مستنينك |
اقتباس:
ياهلا وغلا بك ياانا .. الابداع بتواجدكم يالغلا وبهالردود الطيبة .. مممممممم والله توقعاتك خطيرة ... :EWx04511: تابعي بس وتحققي من صحتها او عدمه .. :smile: تهديد شادن ليه مااعجبك ..؟ :smile: يعني انتي شايفه ان نوف تجرح وتهين وتفرق في المعاملة وعند كل زله تسوي منها مشكله وتمسكها عليها .. :confused: والله ياقلبي انا اكره الانسان اللي في يده انه يقدر يصير قوي وهو يبقى بموقف الضعيف ومايستخدم قوته حتى مايجرح او يزعل الطرف الثاني وهو ماكل هوا بالتجريح والاهانه . :rolleyes: هي سكتت سكتت الين ماعاد ينفع مع نوف قالت مافيها الا اني اوقفها عند حدها .. :smile: حبيت اوصل لك رأيي .. ويمكن الحق معاكِ انتي ... ورأيك على راسي يالغلا .. :flowers2: تظل وجهات نظر وآراء .. وتظلين غالية بهالحضور الجميل والرأي الصريح .. شكراً من الأعماق ياانا على متابعتك وحضورك عساني مااخلا منه يارب .. وعساك تكونين راضيه عن بقية الأحداث :c8T05285: |
اقتباس:
ياعذبة التجريح وعذبة الاطراء وعذبة الحضور . فقط ../ كيف لي ان اسديك شيئاً مما تستحقين . .. ؟ اخجلتني والله بعذوبة الحضور وجماله الباذخ .. انا من يهنيء نفسه بكِ وبكل من خط تعليقاً ورداً واعجاباً هنا ..! فأنا بكم وسأكون بكم انتم .. ..! عماد .. كان الوضع عليه صعب جداً لكنه استسهله من ناحية شادن لأنها هي من فرضه ويعتقد بأنها ستتقبل الحياة معه كما قرر ويريد .. للتفاصيل بقية ..! تابعيها وكلي امتنان .. :smile: فهد وسارة كل منهما سيخوض قضية ... :smile: فقط .. تابعي ..! نايف .. مممممممم .. انتظروا رايه هو ايضاً في الزواج .. :smile: نوف وابن عمها حمود ... توقعك واقعي جداً وحريٌ به ان يكون ... :smile: تابعي فقط .. الأحداث هي من ستبرهن صدق توقعاتك من عدمها .. :flowers2: وتبقى الحقيقة هي ان وجودك هنا كان كافياً لأن يزيد من ثقتي ويحملني مسؤوليةٌ اكبر .. :c8T05285: لازلت اردد اسمك دون هواده :c8T05285: ممتع نطقه ومعناه .. وممتع ماكُتِبَ باسمه من حديث عذب .. اسأل الله ان يسبغ عليك من نعمه مالايعد ولايحصى وان يهبك السعادة في الدارين وانتي ترفلين بصحة عافية .. ممتنة لهذا الحضور الراقي .. |
اقتباس:
الله يسلم قلبك ياElectron لاتستعجلون ياعمري .. بتعرفووون ان شاء الله قريب .. شادن فعلاً موقفها صعب .. وانا معاك لو عماد فيه عيوب كان ماتفكر انها تهتم فيه او تنتظر منه اهتمام تابعي البقية وانا كلي امتنان عساك سالمة يالغلا ويارب ترضين عن بقية الملامح |
اقتباس:
حبيبة قلبي والله ياضماي انت تعالي متى مابغيتي وحبيتي والمكان لك يرحب وبكِ ينور |
اقتباس:
ياهلا وغلا بأهل المدينة حبايبنا .. ياعمري يانفحة بتعرفووون قريب ان شاء الله .. ياويلي صدق .. ماعاش من يفشلك يالغلا .. لكن اصبري للأحداث شوفيها هي اللي تثبت كلامك ولا تنفيه .. اجل انتيمن مؤيدات سواقة الحريم .. :YkE04454: ياحبي لك بس .. محد يلومك والله .. خاصة اذا فيه رجال رايهم مثل راي فهد .. لكن الله يخلي السواقين وعسانا مانحتد على امثال فهد :YkE04454: ههههههههههههههههههههههههههه ياربي يسعدك بزواجك ولاتشوفين فيه شي ينكد عليك قولي آمين .. شادن ممكن ترتاح بالنهاية بعلاقتها مع عماد وممكن تنهي علاقتها فيه وترتاح .. :YkE04454: يقالي جبت شي جديد .. :YkE04454: شوفي ياقلبي موقف شادن .. مو قصدها ان هذا زوجي وشوفوه .. بس اكيد وحده بمكانها تفتخر قدام البنات في عماد تعرفين عقول حريم :YkE04454: غير كذا هي استغلت قرابتها لعماد واقرب تقول زوجي ولا تقول ولد عمتي .. اكيد بتقول زوجي او خطيبي مثل ماسأل عنها بحكم انها خطيبته وهو مايبيها في حياته .. المهم ان شادن ماقدامها حل توقف نوف فيه الا انها تهدد بعماد وانه يقدر ينقلها ويحطها مكانها .. :YkE04454: تكفين الا الطايف عاد لاتقربين منه لابعين ولا حسد .. ادعوا ربي انه يرزقكم بعيد عن الطايف واهله .. << ياحبي له هو وجوه .. عاد ترانا مثلكم جده ماتعرف المطر واذا جا حاس الدنيا .. لكن الله يرزقنا واياكم برضاه ورحمته .. احسن انك تصيرين هادية ووش زينك والطفرات هذي مجرد تهديد شكلها .. يسعدك ربي يانفوحه الغالية .. انتي تمونين والافلام الهندية ممممممممم خلوها لبعدين وش معجلكم .. :YkE04454: ان شاء الله الأجزاء الجاية تنال رضاك وتكون قد هالحضور والرد المميز . مودتي واحترامي |
اقتباس:
ظماي انت اذا كان ودتس اوقع لتس على اوتغراااف راسليني على صندوق بريد..والا على هوت ميل... والا ان بغيتي بعد عن طريق الحمام الزاجل اربطي الاوتغراف برجل الحمامه زيييين عشان مايطيح منها وهي تطير جايتني فيه....تراني اقبل الاوتغرافات تجيني باي طريقه عااادي عندي لاني متواضعه... وادري ان الغروووور مقبرة الفنان...ههههههههه نجي عاااد للجد...والله انتس اخجلتي تواضعي ياظماي.. وتراني مااا احب احد يمدحني ... والله صدق... شفتي كل الهذره اللي فوق تراها من الحياء.. اذا استحيت يطلع معي اشياااء مدري من وين اجيبها.. لكن يسعدني انتس تشوفيني خفيفة دم وتستمتعين بردودي.. مع اني اذا شفت طوووول ردوودي وقصر ردوود الاعضاء الثانين احس ان الناس بيملون من ردي وماراح يقرونه.. ومشكووووره ياقلبي على هالمدح اللي اتمنى اني استاهله.. والله يحبتس ياقلبي... وبالنسبه لاقدااار.. انا والله بعد احبها ومن قبل ما اقرا لها من خلال ردودنا على قصة الوليد... الله يذكره ويذكر كاتبتة قصته بالخير... والله يجمعنا على مايحب رب العالمين ويرضى.. تحياتي لتس ياغاليه... |
اقتباس:
سلمتي يالغالية وعساك بتوفيق من الله وسعادة وراحة بال .. |
اقتباس:
عليكم السلام ورحمة الله وبركاته .. ياهلا وغلا بأختي الغالية .. as2006sa شرفٌ لي ان تنال مهلاً ياقدر والملامح العتيقة للحزن رضاك وحضورك .. ان كنتي لاتجيدين فن الكلام وعبارات الثناء فقد وصلني منك اطراء جعلني ارفرف عالياً في سماء الفخر والزهو .. حقاً ممتنة لهذا الهطول الذي غمري بالسعادة كلي رجاءٌ ان تنال بقية حكاية الملامح رضاك .. وأمنيتي من العلي القدير ان يمن عليك بالسعادة والرضا منه وأن يسبغ عليك من نعمه وعطاءاته ابداً ودائماً .. مودتي وامتناني :flowers2: |
اقتباس:
angel911 ياهلا وغلا تسلمين لي ياقلبي على حضورك المميز والرائع الحمد لله الحمد لله ان هالجزء نال اعجابكم .. الحياة بين عماد وشادن اكيد راح يكون فيها مواقف مابين الأكشن والتراجيدي ويمكن الكوميدي :YkE04454: عماد لمن قال هالكلام لأنه واثق ان شادن تستاهل الغرفه وانها جديرة بواحد احسن منه ..! سره بتعرفووونه قريب ان شاء الله تابعوني بس وانا كلي امتنان عساني مااخلا ياملوكه الغالية .. وعساك سالمة لاختك ... |
شكرا لك الجزء اكثر من رائع
وبصراحة خليتي الحماس يزيد عماد انشاء الله يحن على شدون اول ميشوفه بي فستان الفراح حرام يكسر قلبه وبعدين اتوقع انه عقيم لانه على حسب الكلم انه ماكن يبغي يعذب عذبه ولا حتى شدون بس ان نشاء الله لا عاجز ولا عقيم انشاء الله سبب ثاني ويعطي شدون ولو اشوي من حقوقه ولو انه هالبنت تكسر الخاطر بس نشاء الله عماد يعوضه الله كريم وكل شي منك حلو وننتظر منك المزيد تحياااااااااااتي مذهلة |
اقتباس:
واحس الملامح بدونك ماتسوى ولايهونون بقية حبايبي اللي يتابعون ويردون وعلى قولة ظماي انت لام الله من لامني في محبتك :c8T05285: |
يسلمو ايديكي حبيبتي على قصصك الرائعة وخصوصا قصتك مهلا يا قدر اللي اقل ما يقال عنها انها رائعة لاني توني مخلصه من قرائتها ومن كثر ما اعجبتني واثرت في دورت على قصتك التانية ملامح الحزن العتيق وبدأت في قرائتها بس للاسف زعلت كثير لمن عرفت انها مش كاملةبس يا الله مو مشكلة الله يعيني على الصبر لحد ما تكمليها وانشاء الله احداثها الباقية تكون مليئة بالاحاسيس والمشاعر الفياضة زي رائعتك الاولى مهلا يا قدر وربي يعطيكي العافية
|
اقتباس:
عليكم السلام ورحمة الله وبركاته ياهلا وغلا بإرادوة الحياة عساك سالمة على هالحضور والاطراء اللي احرجني بالفعل مااقول الا الله يسعدك ويخليك .. نوف ردة فعلها عادية في ظل حبها الكبير لعماد .. بنت معاه احلامها وكبرت وكبرت معاها .. امنياتها وخيالاتها ومستقبل كلها مع عماد .. تخيلي فجأة تصحو من الحلم على واقع آخر ومرير بالنسبة لها .. اكيد راح تنهار .. اما عن عماد .. فأحسن شغلوا افكاركم اكثر وحزروا اكثر ماراح تخسرون شي :YkE04454: حبيبتي خلاص هانت .. انا مرتبة افكاري مااقدر اغير في الأحداث شيء .. يعني اكيد راح تعرفون فقط اصبروا عليّ وان شاء الله مايصير خاطرك انتي والمتابعين الا طيب .. سلمتي على الحضور يالغلا لاخلا ولاعدم ان شاء الله |
اقتباس:
اسوم الغاليه ياهلا والله بكاتبتنا الجديدة لا ياعمري ريحي عمرك ماتحتاج الشغله .. والا الاظافر ومقومات جمال المرأة انتبهوا مايهون عليّ :YkE04454: الاسرار بتنفك ان شاء الله قريباً المهم لاتزعلون او تاخذون بخاطركم اذا حرقصتكم شويه .. :YkE04454: حبيبة قلبي حضورك هو الرائع وروحك الجميلة رائعه ويسعدك ويهنيك ويكتب لك الخير ربي .. لاخليت من هالحضور :flowers2: |
اقتباس:
الحمد لله انها اعجبتك .. :smile: الصبر ياعمري .. ان شاء الله ماراح اطول .. :smile: ويارب يكون الجزء على قدر انتظارك .. :flowers2: |
اقتباس:
محد يلومني في زارا والله :c8T05285: ظماي يالغلا خذي راحتك وسلامة عقلك .. اجل خليه اذا نزل البارت الجاي يمكن يشتغل :YkE04454: << ماودها تفرض عليك شي وانتي مكسلة والزم ماعلينا راحتك يالغلا .. :smile: ولو تعليقك يهبل بس مسموحه يالغاليه خذي راحتك ومتى ماحبيتي ترجعين الصدر اوسع لك من المكان:flowers2::flowers2: هلا بك باي وقت :c8T05285: |
السلام عليكم
هلا بحبيبتي أقدار وآسفة عالإنقطاع الجهاز كان خربان تطور كبير وتسريع في الأحداث بس كنت أتمنى أنه تكون بينهم اكشن وحركات في بعد الملكة بس يالله خليها بعد الزواج أنا أحس أيام الملكة أحلى كثير بين المخطوبين وشادن المسكينة حزنتني تتزوج واحد ما يبيها وهي مو ناقصها شي أما عماد قهرني كثير ما حبيته أما الجدة هتلر ما أقول (ياريت الكبار ما يدخلوا ويزوجوا على كيفهم كانت الدنا بخير) منتظرين الجزء الجاي يا ريت ما تتأخري علينا |
هلا يا قلبي صرااااحة قصة مشووووقة ...
بس اللي محيرني رفض عماااد ؟ وليش ما رضى يسوون تحاليل ؟ اكيد في شي بس لا قولين عقم او عجز ترى حرام ما يستاهل معقولة يعاني من مرض امه ؟ مرض القلب؟ |
غاليتي اقدااااااااااااادر
انا اول مره قرات مهلا ياقدر كانت بعد ما اكملتها والصراحه ماكنت قادره اشيل عيني من الروايه لانها بجد كانت رائعه وسويتلها دعايه عند بنت عمي ومارديت على الروايه الا بعد ماخلصت من قرائتها ونسيت التعليق الي كتبته لان بس كان تعبير عن اعجاب بروايه رائعه ومذهله وكاتبه اروع من انتصفها الكلمات والحروف ولكن الان بعد ان شاركت معك في وليدتك الثانيه منذ البدء الحمدالله ورايت كم انتي كاتبه رائعه وانكي لاتهملين راي متابعين روايتك مهما كان بسيط او طويل مدح كان او نقد رجعت الى ردي الاول في مهلاياقدر وانصدمت بانك رددتي على تعليقي بل على تعليق كل من دخل الى روايتك واسدى تعليقه فاذهلني اهتمامك بمتابعبنك فكلمة حق لم استطع ان احتفظ بها لنفسي انك بحق انسانه رائعه قبل ان تكوني كاااااااااتبه مبدعه ومذهله كلامي هذا ليس بمدح او مجامله انما حقيقه فاخلاقك متجليه فكتاباتك وبيان مدى اطلاعك على دينك وفي تصرفاتك مع الاعضاء فسلمتي لنا ياغاليه وربي يحفظك لاهلك ويرزقك كلخير والى الامام دوما اعرف ان ردي ليس له علاقه بروايه ولكنه كلام لم استطع حبسه في داخلي اخت احبتك في الله |
اقتباس:
عليكم السلام ورحمة الله وبركاته ياهلا وغلا hena حياك الله يالغلا الله يبارك فيك ويسعدك تابعي يالغلا ان شاء الله يصير كل اللي تتمنيه والأهم تنال الأحداث القادمه اعجابك .. ام ناصر حلا الرواية تابعي ماادري يطول عمرها ولا ينقصف كل شي بيد الله :YkE04454: بعد عمري انتي يارب يسعدك على هالكلام والحضور الرائع سلمتي لي وعساني ماافقدك من شر ومكروه يارب |
اقتباس:
تسلمي لي حبيبة قلبي على هالاطراء .. توقعاتك .. ممممممم مااقدر اقول الا تابعي ياعساني مااخلا وياعسى تعجبك الأحداث القادمه وتنال رضاك مودتي وامتناني |
اقتباس:
ملايين الهلا والغلا يازهرة الأقصى يسلم ربي قلبك يالغلا . . الحمد لله ان مهلاً ياقدر اعجبتك وقادتك للملامح عسى ان تنال هي ايضاً رضاك واعجابك .. اتمنى انك تتابعين معاي الأجزاء القادم وتقولين رأيك ونقدك بكل صدق وحيادية .. وسلمتي لي على هالحضور اللي شرفني واسعدني مودتي وامتناني |
اقتباس:
ياهلا والله بالغاليه ام عمر والله اني ضحكت من كلامك كثييير عسى الله يوسع صدرك بالعافيه ويسعدك :YkE04454::YkE04454: متأكده مايعني لك اسم عماد :9jP05261: <<< تبي تشككها بنفسها :Uf704404: صحيح وش الفرفر هذا .. ولا اقول لك قولي لزارا اتحداك تعرفينه مو طلبت منك تتكلمي مثل ام ناصر :YkE04454: |
اقتباس:
عليكم السلام ياهلا وغلا .. بعد عمري ياصمت الشوق المهم انك جيتي وانك بخير الحمد لله على السلامه .. وبعذرك يالغلا الملكه عند عماد مافيها نظرة حتى يصير بعد كذا لقاءات وأكشن :YkE04454: احسك مكتئبة من الاحداث :redface: عماد ماحبيتيه والجدة تقولين عنها هالكلام .. :V5N05075: يمكن تحبين عماد مع الوقت ويمكن تشكرين الجده على تدخلها اتمنى تتابعين الاحداث القادمه وتقولين رايك بكل صراحه .. ويسعدك ربي يالغلا على هالحضور ممتنه وشاااكرة |
اقتباس:
جليع اول شي وش معنى اسمك ياكثر ماحيرني معناه ياليت تقولين لي عليه زيادة ثقافه :YkE04454: ثانياً ملايين الهلا والمراحب وحياك الله يالغاليه .. ثالثاً .. عساك شالمة على هالحضور .. والكلام الحلو .. توقعاتك جايزة ووارده مااقدر اقول الا تابعي وفالك طيب ان شاء الله عسى البقية تعجبك .. |
اقتباس:
sanouu هلا وغلا اختي العفو يالغلا .. الله يعافيك ويكتب لك الخير وسلمتي على هالحضور عسى البقية بس تعجبك وتنال رضاك شاكرة وممتنه :flowers2: |
اقتباس:
من اين آتي بحروف تثني على كل هذا ياangel911 صدمت من هذه الحروف ومن الصدق الذي تخللها ومن الاعجاب الذي لااعلم هل استحقه ام لا حقاً لقد اصبت بحالة ارتباك ففقدت زمام الكلام الذي تستحقيه انتم تستحقون اكثر من الرد والتعقيب على ردودكم لأنكم اصل نجاح اقدار .. ولولا الله ثم انتم لما نجحت مهلاً ياقدر ولالما استمرت الملامح بهذا النجاح الحمد لله اني وضعني بطريقكم ووضعكم بطريقي .. هذا كل مااستطيع قوله الآن في غمرة الخجل الذي الحفتني به كلماتك اسعد الله قلبك يارقيقه ووهبك من نعمه مالايعد او يحصى شكراً بحجم الأرض وقد لايفيك ممتنة والله لتلك الكلمات التي تغلغلت لقلبي بسلام .. احبك الله الذي احببتني فيه ورزقني واياك ومن حضر هنا رضاه وطاعته .. وجمعنا في الفردوس الأعلى .. |
اقتباس:
عليكم السلام ياهلا والله بأحلى شمس حياك الله في ليلاس ومنورة يالغلا بعد عمري والله .. ماتغلين الا من يغليك .. وجودك هنا وفي الم ورسايلك الرقيقه تعني لي الكثير انتظري علي فقط لبكرة او بعده وابشري باللي يسرك ماراح اطول اكثر من كذا بإذن الله بالرغم اني قلت لك عذري بس انتي شكلك متحمسة :redface: مااقول الا ياعساني مااخيب ظنك وعسى البارت القادم يكون قد حماسك يااارب .. :smile: شكراً بلا عدد على هالملاحقة والتواجد اللي والله انه على قلبي عسل :flowers2: |
السلام عليكم ورحمة الله وبركاته
اول شي ماقدر اوصف لك مدى اعجابي بطريقة كتابتك والله لو اقول مبدعه قليل في حقك لانك كل مره تنزلين بارت نقول راح يوضح غموض عماد بس كل مره تزيدينه غموض وتخلينه نتوقع اشياء غير معقوله مثلا لما كلم نايف عن التحاليلل توقعت انه فيه مرض خطير مو حاب احد يعرف عنه ثانيا نزلي بارت بسسسسسسسسسسسرعة لاني ودي اشوف ايش اكون موقفه مع شدن مع اني اتوقع انا ماراح يدخل لها الغرفه وبينام في اي مكان في الدور الثاني ولا يمكن يدخل ولايعطيها وجه على طول يتروش وينام ولا اقول مادري اصبر وشوف |
اقتباس:
الله يسعدك ياwaxengirl الحمد لله انها نالت اعجابك وان شاء الله الباقي يعجبك اكثر واكثر .. مهلاً ياقدر هي بوابتي لكم وبوابتكم للملامح اتمنى ان تروق لكم لكم بقية الأحداث وان اراك هنا بالرأي والنقد والملاحظات ..! سلمتي لي يالغلا لاخلا ولاعدم ان شاء الله |
اقتباس:
خخخخخخخخخخخخخخخخخخخ اما جليع افكار ... قصدي عليج افكار :YkE04454: انا اتحدى اي شخص قرى اسمك عرف معناه قبل لاتقولينه :YkE04454: بس الحين صرنا على بينه وهدى لمن نقول جليع .. :YkE04454: تابعي الجزء اليوم عساه ينال اعجابك ورضاك مودتي |
اهلين قدورة ياقلبي هالبارت حيل اثر فيني >> كل بارت نفس الكلام
شادن : استسلام تام .. لازم تأدي الدور على اكمل وجه ! عماد : رجولته تحتم عليه ان هو المسؤول عن زوجته مهما كان ! ما اعتقد انه راح يقصر عليها الا بالمشاعر فقط ..زي كثير من الازواج .. يجهلوا ان المشاعر والاحساس أهم بكثير عند المرأة عن باقي الامور! عزيزتي اقدار صورتي لنا الزواج في القريه بشكل مقنع واقعي عشان كذا كنت وحدة من المعازيم:YkE04454: آسفة يا قلبي انا قريت البارت من أول نزوله كالعادة بس نفسيتي ما كانت تسمح اني اكون أول المعلقين عليه .. واعتذر عن تعليقي هذا لانه ما يوفي بكمية الابداع اللي كان في القصة .. اتمنى لك التوفيق ومزيد من الابداع .. أختي الغاليه انا معجبة فعلاً بشخصيتك .. " تحية بحجم السماء " |
اقتباس:
عليكم السلام ورحمة الله وبركاته هلا وغلا بميامي الغاليه .. الله يسعدك على كلامك اللي شرح صدري واسعدني .. توقعاتك معقولة جداً فقط تابعي بارت اليوم ر اح تنكشف لك الأسرار وويتغير اشياء كثيرة يارب ينال اعجابكم ورضاكم ..! سلمتي على حضورك وكلامك ياعساني مااخلا منك |
اقتباس:
بعد عمري يالولو كاتي حياك الله .. تدرين اني فقدتك بس ماحبيت اعلن حتى مااحرجك .. :YkE04454: خفت البارت مااعجبك ولاحبيتي تعلقين ... بس الحمد لله توقعاتي مو في محلها .. :smile: اول شي الحمد لله على السلامه وياعساك انتي ونفسيتك ماتشوفون شر :flowers2: ثانياً تسلمين ياعمري يكفي الكلام اللي قلتيه .. يوفي ويكفي ووصلني لأنه من انسانه صادقه وتمتلك اسلوب مميز في التعليق والنقد ..! :c8T05285: الله يسعد قلبك ويريح بالك ويشرح صدرك ولايكدر عليك ابداً .. سلمتي لاختك وتابعي بارت اليوم عساه يعجبك مودتي |
فصلٌ ثامن نكهة وجع .. دخل الغرفة وريحة عطره تسبقه .. رجولته طاغية بمشيته وحركته وشكله وصوته .. قال بثبات وركود وثقه : السلام عليكم . ردت بصوت واطي اقرب للهمس : عليكم السلام .. تأملها بفستانها الابيض الناعم .. مكياجها اللي مبرز جمالها اكثر .. يدينها اللي مشبكتها ببعض ونقشة الحنا الهادية اللي تمتد على كفها محولتها لفتنه تسر الناظرين .. كل هالآية له هو .. كل هالأنوثه والجمال والسحر اللي قدامه اسمها زوجته وحلاله . حاول يغض الطرف بس عجز .. استغل الفرصة انها ماتدري عن نظرته وحركته وزاد تأمله لها .. كل هالجمال بيندفن بيده في عالمه الكئيب .. حظك ياشادن وهذا اللي سعيتي له .. حس انه طول وهوساكت واستدرك نفسه قال : وشلونتس ياشادن ؟ ماطالعته وكانت موجهه نظرها للأرض مستحيه لوجودها مع رجال غريب وفي نفس الوقت متضايقه من تمثيليته السخيفه اللي جارته فيها .. قالت : بخير . نزل بشته وحطه على السرير وجلس على طرف السرير وقابل لها وهي جالسه على الكنبة ... طول وهو يطالعها من غير مايتكلم ومن غير ماتتحرك او حتى ترفع نظرها .. وكأنه يستغل الفرصة في ليلة خجلها وحياها ويملا عينه منها ويشبع نظره ..! مايدري كيف يبدا الكلام بس ضروري يبدا .. اخيراً تكلم : ليش كل هالتكلفه ..؟ رفعت نظرها له .. وعرفت انه يقصد فستانها ومكياجها .. كانت عيونها اكثر شي تهزه .. شافها قبل كذا وحس انها تجذبه غصب لدرجة انه مايتذكر في وجهها غير عيونها .. لكن الليلة غير .. الليلة مثل البحر الهايج اللي يجرف كل شي قدامه ..! وهو اللي في الواجهه ..! بس مع هذا ماله الا الشوف والنظر ... وان تأمل يعتبر واجد عليه .!!! قالت وهي ترفع حاجبها وتبتسم بسخريه : اجاريك في التمثيليه . ومثل مالبست انت البشت لبست انا الفستان . حط يدينه ورى وتكى عليها وقعد يمس ظهره .. قال : زين انك عارفة الوضع .. مايحتاج اتعب نفسي بالاعتذار والشرح . قالت بسرعه قبل لايقوم ويطلع ويقهرها وحبت انها هي اللي تبدا : ممكن تطلع ..؟ ناظرها وكشر قال بلهجة حادة : وشو ؟ بلعت ريقها لأن صوته خوفها قالت : ببدل واتحمم وانام .. تحرك بسرعه ووقف وهز راسه .. فهم قصدها وغرضها من كلامها .. هذي نقطه تحسب لشادن .. بنت حريصة وذكيه وقوية .. قال وهويفتح زراير ثوبه ويعطيها ظهره : هذي تراها غرفتك وانا غرفتي زي ماهي .. تبين شي قبل اطلع بروح انام حيلي منهد . هزت راسها بلا وهي مخنوقه .. لأنها لوتكلمت راح تنفجر من البكا ..!! طلع من عندها وسكر الباب وراه .. وقامت وقفت ومشت بالغرفه وهي تتأفف .. هالمرة ماقدرت تتحكم في دموعها .. تركت لها المجال انا تسيل براحتها بدون ماتردها او تمنعها بكت من قلب .. بكت اول ليلة بزواجها .. بكت زواجها وطريقته اللي مافرقت عن طريقة زواج امها وجدتها الا بالمكياج الثقيل والفستان الابيض الفخم .. بكت ابوها لو كان حي يمدي عماد فكر يحطها بالموقف هذا ولا كان حسب له الف حساب وشالها على كفوف الراحه ... رمت نفسها على سريرها وغطت ووجهها على المخده .. طلعت اللي كانت مخبيته عن امها ونايف وسارة واللي كانت موفرته ليله فيها يمكن ويمكن .. بس للأسف طلعت اسوأ مما توقعت .. بكت حياتها .. وبكت ماضيها ومستقبلها وصدقها اللي شوهته بيد عماد .. بعد تنهيدات كانت كاتمتها داخل اعماق قلبها مع شلالات الدموع اللي سكبتها شمت ريحة العود اللي هاجمت انفها توها انتبهت لها .. طالعت للبشت المرمي على السرير اخذته ورمته على الأرض وهي تتذكر المسرحيه السخيفه اللي مثلها بإتقان وأجبرها انها تجاريه بهالفستان الاسود بنظرها والابيض بنظر اللي شافوه .. رمت الطرحه بعد مافكتها بقوة وهي تحس انها خانقتها وكاتمه على نفسها رغم انها على شعرها وبعيده عن فمها وأنفها و صدرها .. " آآآآهـ " اطلقتها من عمق اعماقها وحطت يدينها الصغيره على وجهها وانخرطت في نوبه معبرة ... بكت ليلة فرحها .. بكت اهلها .. بكت الفرح والسعادة ورثتها بمناحتها ودموعها .. بكت الحياة الزوجية واسم زوجة .. بكت الحظ .. والقدر والقسمة والنصيب اللي خابوا معاها وماصابوا ابداً .. انتبهت للباب اللي انفتح عليها .. ورفعت راسها وشافته بطوله الفارع كان لابس قميص مغربي لونه بني واسع بقبعه طويلة من ورى وكم طويل وزراير كثير قدام .. وقف بمكانه منصدم بالرغم انه مو متفاجيء .. لأن المفروض ليلتها اسمها فرح .. وهو احالها لتعاسة ونكد .. بس الصدمه ان هذا شكلها وهذا حالها .. حالتها الجمته وجمدته .. فزت بسرعه وصدت عنه واعطته ظهرها وهي تجلس على طرف السرير البعيد عن الباب .. حتى مايشوف شكلها اللي اكيد يخرع بفعل الكحل والمكياج السايحين على بعض .. ويلاحظ عيونها الحمرا ووجهها المتورم .. وحتى ماينتبه لحالها ويشفق عليها لأن آخر شي تبيه من عماد الشفقه ولا الرحمه .. جا قدامها ويدينها على عيونها وهي تنتحب .. قرب منها وجلس على ركبه على الارض ومسك يدها قال : ليه كذا ؟ شهقت وهي تحاول تتماسك قالت من دون ماتطالعه وبصوت يرتجف : لوسمحت بعدين تدق الباب علي اذا فكرت تدخل . : الحين جاوبيني ليه حالك كذا ؟ : مالك شغل فيني . اخذت منديل من اللي على الكومدينو بجنبها ومسحت وجهها بس وش تمسح ووش تخلي .. تنهد بوجع قال : على راحتك .. بس لاتنسين اني نبهتك من البداية وحذرتك وانتي اللي اصريتي وركبتي راسك .. ولا ماكنتي مصدقتني وماتوقعتي اني جاد بكلامي لك .؟ : اصلاً ماابكي عشانك ولا فكرت فيك .. اللي مزعلني شي ثاني بعيد عنك . : اللي هو ..؟ : مالك شغل فيه .. ورجاءً لاتتدخل فيني . ولاتسألني عن شي يخصني .. ترك يدها بعد ماحاولت تسحبها كذا مرة .. وقف واخذ بشته المرمي على الأرض .. قال : زين انا هنا بغرفتي اللي بجنبك .. اذا بغيتي شي دقي عليّ باب غرفتي .. ولاتنزلين الا اذا قلت لك . فاهمه ..؟ ماانتظر منها جواب وطلع وسكر الباب وراه .. قامت بسرعه وقفلت بالمفتاح بعصبيه .. ورجعت تكمل نوبتها وهي تبدل فستانها وتدخل الحمام تتحمم .. فتحت الموية عليها واختلطت بدموعها .. حست بالبرودة في جسمها وتمنت لو توصل لقلبها وتطفي شي من ناره وحرقته ... طلعت بعد ساعه بالضبط وهي تشهق وتمسح سيل الدموع اللي ماتوقف ولا له نيه يتوقف . راحت حطت راسها على السرير بعد ماجففت شعرها ولبست بيجامه قطنيه وناعمه .. وبعد كلل وجهاد مع النوم قدرت تغلب النوم وتغفو لها كم دقيقه من كل ساعه ... المهم اسم انها نامت .. ** في غرفته علق بشته في دولابه وتمدد على سريره وحط يدينه ورى راسه .. " هذا اول الغيث ياعمااد " الليلة لمن شاف دموعها انكسر بداخله شي ..! حس بظلمها صدق .. حس انه قسى على بنت خاله وحبيبة جدته .. بس وش يسوي .. هو ماسعى لها وهي اللي سعت لحالها هذا . نصيبها حطها في هالوضع وهالموضع .. " يالله ارحمني برحمتك " قالها بصوت عالي وغمض عيونه وهو في دوامه وش يسوي ووش الحل .. لايمكن يقدر يعيش زوج ويمارس حياته بشكل طبيعي . الظروف تجبره ياعالم وماهو بيده .. احتار يجبر نفسه ويتورط ولا يعودها الايام الأولى تتعب فيها وبعدين تتعود بدل مايعيشها بسعاده اول ايامهم ثم يجني عليها بعد كذا .. التعب نال منه اليوم كثير .. جسمه كأنه متكسر .. وراسه ماعاد قادر على التفكير والتخيل حس برعشة في سائر جسمه ووقف وراح يتخبط بمشيته للحمام وقف على المغسلة دقايق ورجع كل اللي في جوفه ,, غسل وجهه ومسح على شعره ورجع لسريره .. محتاج يرتاح اسبوع كامل على الاقل بعد تعب اليوم .. رحمه النوم لمن داهمه وعقله بعز التفكير والأفكار والتعب المنهك..! *** بعد ماقرأت رسالته اللي وصلتها على رقمها الجديد وهي مو في طبيعتها .. بدأ العد التنازلي لحسم امرها اما ان تكون لخالد واما الا تكون وكلا الأمرين للحين يمثلون لها غصة .. صحيح ان خالد ماعاد يعنيها مثل اول بس كلمة مطلقه وبعدها عن خالد اللي رسمت كل احلامها معاه شي صعب .. ضمت على الجوال بيدها بقوة وهي محتارة في تناقضات خوفها من خالد .. تبيه ولاتبيه .. !! تخاف قربه وتخاف بعده .. !! هو بالنسبة لها صدمة وبنفس الوقت فراقه يعتبر صدمة .. !! ماانتبهت لابوها اللي وقف على راسها وناداها اكثر من مرة وهي ولا هي حوله .. لاحظ ابوها وجهها الشاحب وملامح الحزن ترتسم عليه .. قرب منها قال : اش فيها سارونة زعلانه .. اكيد تفكر بشي مزعلها ..!! فزت بمكانها وحطت يدها على صدرها وشهقت بخوف وفجعه قالت : يبه انت هنا ماشفتك ..!! : من زمان اناديك وانتي بعالم ثاني .. خير وش مضايقك . ؟ فرقعت اصابعها بتوتر قالت وهي تناظر بالسقف والجدران وكأنها تبي تهرب من نظرات ابوها : يبه مو مو مووووضووعي اش صار عليه . جلس على يسارها وضم على يد بنته بيده اليسار ولف يده اليمين على اكتافها قال بحنية ومودة وهو يطمنها : لاتحسبيني غافل عن موضوعك .. خالد راح يطلق وغصب عن عينه لأنه عفن وريحته طلعت .. عقدت حواجبها قالت باستغراب : عفن ..؟ ريحته طلعت ..؟ : الوسخ دايم يعفن يابنتي وخالد وسخ عفن وريحته طلعت ..! حست ان الجملة وافيه وكافيه انها تصور لها خالد .. ابتسمت لابوها بتودد قالت وهي متردده : يبه ابغى ارتاح انا خلاص صليت الاستخارة واحسني ابغى اتطلق منه ... وجهت نظراتها للأرض قالت بخجل : تراه من كم يوم يدق على جوالي ماادري من فين جاب رقمي الجديد . واليوم ارسل لي رساله .. شوفها يبه . دخل مشاري على جملتها الأخيرة وهي تمد الجوال على ابوها قال : الوسخ اكيد جابه من الاتصالات لكن اتركيه كلها ايام وماراح تسمعين صوته بالمرة . اشر له ابوه يعني اسكت وسكت مشاري وهو يوقف ورى ابوه ويقرا الرساله .. قال : يخسي ماعنده فلوس لالمهر ولا لبيت ولا لزواج هذا يبي يستفزك عشان تردين عليه ويحاول يقنعك ماتسمعين كلامنا .. لكن هانت وانا اخوك ماباقي الا كم يوم وماتسمعين سيرته . طالعه ابوه بنظرة لوم قال مشاري وهو يغير الموضوع : الا وش اخبارك ياسويرة من بعد شويدن .. من بعد ماتركتك . طالعته سارة وسكتت .. ماردت عليه زي كل مرة اذا قال سويرة ولا شويدن .. لأن بالها مشغول برسالة خالد اللي مضمونها " انه راح يرسل لها المهر في ايام قليلة ويبي رقم حسابها .. " . حس مشاري ان اخته مهمومه ولاهي رايقه .. وان وجهها يقول كلام ماله أي تفسير غير الخوف قال وهو مصر على انه يغير جوها ومودها ويروقها بطريقته : بالله طالعوا في كرشي تستاهل انا نأجل الزواج عشانها .. ريهام مطفشتني كل يوم تضيف لي شرط جديد . ضحك ابوه بمحاولة انه يراوغ ويبعد سارة عن التفكير بخالد قال : هذا شرط جديد غير شرط الدخان ؟. عقد مشاري حواجبه وهو يمسح على كرشه اللي بارزة شي قليل من تحت التي شيرت قال : تقول كرشك تنزلها ولا مافيه زواج .. شكلها بتسوي فيني مثل ابو علي بطاش ماطاش .. غصب عن سارة ضحكت وهي تدري ان مشاري وابوها يحاولون جاهدين انهم يغيرون لها جوها .. مافيه حل الا انها تسايرهم تجاريهم في محاولاتهم حتى ماتشيلهم همها الكبير .. قالت : اسعدها ياربي هالريهام محد ماخذ لي حقي منك غيرها .. يالله يالله من بكرة على النادي الصحي . وقف مشاري وطالع في ابوه قال : يالظالمة تتشمتين فيني كله عشان قلت سويرة . ردت بمرح وهي تتصنع الزعل : وشويدن كمان ..! : اووه صح نسينا شويدن والله الظاهر لو تدري اني اقول لها شويدن لتقتلني .. : طيب يااخ مشمش متى بتسجل في النادي .. : هههههههههههههههههههههههههههه مشمش عاد . . اسكتي لاتسمعك ريهام ثم تقول .. كمل مشاري وهو يقلد صوت ريهام الهادي وطريقتها البطيئة بالكلام : مانتزوج لين تتخلص من الكنية هذي للأبد وتمر بتجربة سنة كاملة من غير ماتسمعها ... كان الضحك هو الرد الطبيعي لكلام مشاري وقدرته على تقليد ريهام اللي صارت تمثل له المستقبل المشرق والمبشر بالسعادة ..! قدر انه يقلب جو سارة لمرح وهو يتكلم عن ريهام ونصايحها له وطلباتها اللي ماتخلص . لاتدخن .. لاتسهر .. لاتسرع .. لاتاكل كبسة حتى ماتطلع لك كرش .. لاتجلس كثير حتى ماتتخن .. اعمل رياضه .. ابغى جسمك رياضي واهم شي ماعندك كرش .. ارتاح ابوها انه يشوفها نست او تناست وتغيرت لمحة الحزن اللي على جبينها لابتسامه واسعه مايدري وش كثر اللي وراها من الهم .. وحمد ربه بصمت انه ستر ولاخلى مشاري يفصح عن الكمين اللي مخططينه لخالد حتى يطيح في شر اعماله بعد مارفض انه يطلق سارة .. *** في ليلة تاريخيه في عمر ام ناصر .. لأول مرة تسهر من سنين لهالوقت ... ماباقي عن الفجر الا ساعتين وهي جالسة مع ام نايف تحت .. وفي غرفتها تحديداً .. يسولفون في الجديد والقديم .. وفتحت ام ناصر ملفات قديمه تجهلها ام نايف .. تطرقوا تقريباً لكل شي الا لسيرة صالح اللي تكرهها ام نايف وتعتبرها نقطه سوداء في حياتها .. كلمتها عن خالد وكلامه عنها وحبه وشوقه لها وانه كان في آخر عمره ينوي يرجع لها بس المرض حال بينه وبينها .. وكأنها تقول سامحيه واعذريه .. تلذذت ام نا صر بسيرة الحبيب المفقود ..! رغم ان حزنها عليه يوغل بصدرها مثل الخناجر الا ان سيرته مثل البلسم ..! رغم ان الكلام عنه يقرح الجفون ويقطع الوتين الا انها بحاجه لمن يشفي روحها بطاريه واسمه ..! كلمتها عن عيالها ... شادن ونايف .. طفولتهم ، مراهقتهم ، كيف ربتهم على القوة والتحمل والصبر والنضج من بدري ..! وكيف زرعت فيهم الصبر والمواجهه التي تفتقدها هي ..! الحديث ذو شجون وذو شجن ..! ماكانت تبي تغلق الحوار وتنهيه ... ورغم انها تعبانه في زواج الغالي .. الاانها تحس بنشاط بتحقيق الأمنية اللي من سنين تنتظرها .. لولا ان عزيزة تعبانه ولا كان جلست معاها لين تطلع الشمس لكن الرحمة واجبه ..! حست انها تعبانه وجالسة معاها مجامله وضاغطة على نفسها يوم تشوفها مستانسه .. حلفت ام ناصر عليها لتقوم تنام وتريح جسدها لأنها تدري ان هم ام العروس اكبر من هم العروس .. وانها تعبت اليوم ولازم ترتاح .. استاذنت ام نايف منها وقامت ودخلت تنام مع نورة وبناتها اللي سبقوها لأنهم هلكانين سفر وتعب في جدة ثم في الزواج ونفدت طاقتهم ... صلت ام ناصر ركعتين لله ثم تمددت وهي شاكرة ربها على فضله عليها وعلى عيالها .. هي اكثر شخص مبسوط اليوم وتنتظر بكرة على جمر وهي تشوفهم مجتمعين مع بعض وحال عماد مستقر وبنت خالد عندها في بيتها وقدام نظرها .. غفت عينها وقلبها يلهج بذكر الله ولسانها يهلل ويستغفر ويسبح .. *** صباحية العرسان ..!! صحى لصلاة الفجر اللي وقت المنبه على موعدها .. صلى في المسجد ورجع للبيت .. النوم اللي نامه كفاية انه يريح جسده نوعاً ما .. اما الفكر والقلب فما يريحه نوم سنين .. مر على جدته وهي تسبح وتهلل وجالسة على سجادتها وعدى من عندها وطلع فوق .. مايبي يشغل راسه بأسئلة جدته ونصايحها اللي ماتخلص .. المهم انه تطمن عليها وهذا يكفي .. دخل غرفته وتململ .. والنوم ماهو حوله .. مايدري وش يسوي .. اليوم بدأت القيود حوله .. كل يوم متعود اذا حس ب الملل يطلع للمزرعه .. يركب سيارته ويمشي لشغله .. ينزل تحت لجدته ويقضي وقت الصباح معاها على صوت راديوها ومع القهوة والتمر .. بس اليوم كل شي محسوب عليه خاصة وهو عريس ووسط اهله . فكر لو اخذها معاه وطلعوا عن الناس حتى يسلم من شر الانتقادات .. بس وش يقول لها ولا وين يروح فيها ..! اخذ القرآن وجلس يقرأ لعل الله يهدي انفعالاته المكبوته بداخله وخوفه انه يتهور ولا ينفضح امره ..! مر عليه من الوقت اكثر من ساعه مادرى عنها وهو في غمرة الخشوع بذكر الله .. انتبه لصوت الدق الخفيف على باب الغرفة اللي بجنبه وفز من مكانه .. زفر بأوووف معبرة اعتراضاً على هالغثيث اللي دق الباب وهو محرص وموصي محد يقرب من الدور اللي فوق .. يحس نفسه بالمكان الخطأ ووضعه ابداً مايصير ..! حط يده على راسه وهو يفكر .. اخيراً قرر انه يحسم الموضوع درءاً للاحراج واتقاءً للاستفهامات والتعجب والاستغراب والملاحظات اللي راح تواجهه ان اكتشف امره ..! *** صحت من شبه نوم ممل على دقات خفيفة على الباب اختفت بسرعه .. مدت يدها على الساعه المحطوطة بجنبها على الكومودينو .. شافتها الساعه 8 صباحاً واكيد هذا عماد يبغاها تنزل تحت ..! فزت بسرعه وهي تلوم نفسها كيف نامت لهالوقت وماصلت الفجر .. توضأت وصلت وحاولت جاهده انها تحصر تفكيرها مابين الفاتحه والتسبيح والتشهد لكن الشيطان احيانا يغلب المؤمن .. سلمت على يمينها ويسارها وهي تستغفر ربها انها ماقدرت تركز في صلاتها وعذرها هالحال اللي هي فيه .. هي حسبت حساب أي شي ممكن .. بس ماتوقعت انها تنقهر بالشكل هذا .. اسوأ شي على المرأة انها تخدش في انوثتها .. وانها تصير عروس بدون فرحة ..! تأففت وهي تغسل وتبدل ملابسها بسرعه ماتبي تفكر اكثر من كذا .. خلاص اللي كانت متوقعته حصل .. وهذا قدرها الى اجلٍ مسمى ... لأن هالوضع ماراح يطول . عزمت امرها وقررت انها تواجه اللي خططت له مع عماد .. زوجة قدام الناس وعلى الورق .. لبست تنورة لونها بيج وسكري وقماشها من الدانتيل الناعم والمطرز .. وعليها بدي بيج ومشكوك ومطرز بذهبي .. وعليه شال مثلث وعريض من الصوف المشغول باليد وبتفنن .. لونه سكري بشك وتطريز ذهبي وشكله بسيط وناعم .. لفته علي صدرها ويدينها ومسكته ببروش ذهبي وكبير ..! سوت ميك اب يليق بعروس وكحلت عيونها الواسعه وختمت بروج زهري لامع بين شفايفها الناعمه وأبرز جمالها .. فتحت شعرها الأسود اللي مايتجاوز اكتافها ومقصوص بشكل مدرج ..! اخيراً بخت عليها من عطرها الثقيل واخذت جلالها بيدها وطلعت من غرفتها .. الجو هادي .. احتارت تنزل وتكسر اوامره ولاتنتظره .. فكرت انها تمرعليه تشوفه بغرفته ولا لا .. بس ماعندها الجرأة انها تقرب من باب غرفته .. اضطرت انها ترجع وتجلس في الصالة .. لأنها ماتبي تلفت الانظار لها وتبدأ الملاحظات عليها من بدري ..! وأكثر شي خوفها ان احد يسأله وينه وماتدري وش تجاوب لأنها ماتدري .. ! جلست على الكنبة وسندت براسها عليها .. عمرها مااستصغرت نفسها مثل الايام هذي .. تحس انها انسانه مو طبيعيه وهي تحاول تعيش وهم وخيال .. تتظاهر بالسعاده والفرح وانها عروس وهي مجرد بنت تعيسه تشيل من الهم الكثير .. وتنتظر من الشقا الكثير .. متخبطه مابين الوهم والحقيقة .. احيانا تحس انها ملكت الدنيا وزوجها عماد اللي كل بنت تحلم بمواصفاته .. واحيانا تحس ان الدنيا جنت عليها يوم رمتها في طريق عماد اللي قسى عليها ..! غاصت بأفكارها اللي اعتادتها وتعودت عليها .. ونست نفسها للحظات ماانتبهت الا على وقع خطواته وهو جاي يمشي عندها ..! ** عايش واقعه ومقدر حجم الورطة اللي هو فيها بس لأنه تعود على المواجهه وحل أي قضية تقابله تقبل الوضع وقرر يكمل الطريق اللي ابتداه .. الخطوة اللي يستصعبها ويحسب لها حساب من زمان هو كيف يقابلها ولا يجلس معاها عند اهله ولا كيف يتعامل معاها .. يتجاهلها ولا يكلمها كأي زوج يكلم زوجته . لبس ثوبه وبسرعه ووهو يتمنى لأول مرة ان خالته نورة مو فيه وانها رجعت للرياض .. وان فوزية للحين نايمه في بيتها ولايشوفها اقل شي الاسبوع هذا .. طلع من غرفته وهو مدخل يده في عقاله اللي لف عليه الشماغ وبراسه ملايين الافكار المتزاحمه ايهم افضل ويناسب .. آخر شي تمنى يشوفه في هالصباح هو وجهها الفاتن بنظره والأنوثة الطاغية قدامه .. وقف بمكانه ودقق النظر فيها قبل لاتنتبه له .. كانت مغمضه عيونها ومرجعه راسها لورى وضامه على الخدادية بيدنها لصدرها .. التهى بقفل زراير ثوبه ومشى ناحيتها وهو يتلاشى انه يناظر فيها .. اصطدمت نظراته بكل مكان في الصاله الا وجهها .. قال : السلام عليكم . ارتبكت بمكانها قالت وهي منزلة نظرها للأرض : عليكم السلام . : من متى وانتي هنا ؟. امتقع وجهها بحمرة خجل بالرغم ان سؤاله عادي قالت : مالي الا دقايق . كانت عيونه تدور ملاذ غيرها وبعيد عنها .. مايبي يشوفها ولايعرف شكلها اكثر .. صد وهو يلبس شماغه ويثبت اطرافه تحت فكه ويحط العقال عليه بتوازي وبخبرة .. قال : ترانا بنمشي انا وياك بعد شوي بنطلع لجده او لمكة لأي مكان بعيد عن الناس . وقفت واخذت نفس عميق وهي تتخيل نفسها معاه لوحدها .. هنا بالرغم انها راح تنحرج من الناس الا انه ارحم لها من الجلسة لوحدها معاه ومشاعره متجمده واحساسه معدوم ناحيتها وهو رافضها ورافض وجودها بحياته .. قالت : لا مو لازم نروح مكان . التفت عليها ورفع حاجبه قال : انا مااخذت رايك بس حبيت ابلغك . رفعت له نظرها قالت : وانا مو على كيفك . وماابغى اروح معاك . فتح عيونه بقوة وعقد حواجبه وهو يناظرها تكلمه بالاسلوب هذا .. نظرته كانت حاده وتخوف لدرجة انا تراجعت عن هجومها وسلبيتها قالت : انا هنا مرتاحه مع الناس لو نروح مع بعض ماراح نرتاح صدقني . هز راسه باقتناع بصحة كلامه وكأنها ذكرته شي غايب عنه .. اذا كانت هنا مع جدته وفوزية راح تغير جو وتنشغل فيهم وماتحس بالملل .. لكن لو راحت معاه راح تمل وتتعب نفسيتها ويتحمل مسؤوليتها ويحتك فيها اكثر ..! لو بس خالاته مو فيه كان زانت اموره وهانت .. وافتك من وجع الراس ... نزل مع الدرج من دون مايتكلم .. وهي لحقته ببرود وخيبة واحباط .. حاولت جاهدة انها ماتبكي او تضعف وانها تتسلح بالقوة في المواجهة .. سمعت صوته وهو ينادي عشان بنات نورة ياخذون حذرهم .. شافته يروح لغرفة جدته وتوجهت على طول لغرفة امها والشوق يسبقها وحضنها غايتها .. شافتها جالسة ترتب اغراضها وهي لابسه عبايتها . سلمت عليها والثانية اخذتها بالاحضان وباركت لها . : هابشريني كيف عماد معاك . ابتسمت لامها وهي مسنده براسها على صدرها قالت : الحمد لله يمه . ابتسمت امها قالت : البارحه في الزواج الكل يمدحه .. والله اني ارتحت كثير لمن سمعت كلام الناس عنه .. الله يوفقكم ياعمري . يالله اطلعي سلمي على جدتك هي اللي تنتظرك على جمر . قالت بخجل : يمه مستحيه تعالي معاي . : لاياقلبي انا خلاص الحين ماشية . فتحت عيونها قالت : يمه الحين .؟ لاالله يخليك لاتروحون اليوم . قالت امها بجدية : ضروري نشمي ياعمري وبناخذ عمتك نورة فهد ولد عمك مارضى يوديها وقلنا ناخذها طالما الطريق واحد . : يمه اجلسي بس اليوم . ردت امها باعتراض : لاوالله مستحيه من الرجال اجلس في بيته وهو عريس كيف بياخذ راحته .. بعدين اذا ربي اعطانا عمر بتشوفيني كثير واشوفك ان شاء الله . وانا الحمد لله برجع لبيتي وانا متطمنة عليك . زفرت بآهة محبطة قالت : الله يعين . راحت لغرفة جدتها وهي واثقة ان عماد لسه فيها .. مشت وهي تعد خطواتها وتحسبها زي ماراح تحسب لكل كلمه وكل عذر تقدمه بعدين لأي ملاحظة منهم .. لأن التدقيق راح يبدأ والملاحظات بتشتغل بدءاً من الجدة وانتهاءً بشهد .. دخلت مع امها لغرفة جدتها وشافته جالس بجنبها وعلى وجهه ابتسامه ساحرة .. تفاجأ اول ماشاف امها وانتبهت جدته اللي قالت على طول : هذي ام نايف مهيب غريبه . فز من مكانه وقف وسلم عليها بحرارة .. سألها عن صحتها ورحب فيها وهلاّ بوسط ذهول شادن واستغرابها .. شكلها وهي فاتحه عيونها ورافعه حاجبها وهي تطالع فيه ومتسمرة بمكانها .. خلاه يلتفت عليها ويصد بسرعه كأنه خايف احد يكتشف جريمته .. قال لها وهو يبتسم : شادن سلمي على جدتي بدال ماتبحقلين فينا .. تراها ابلشتني وهي تسألني عنتس ..! تحركت شادن من مكانها وراحت تسلم على جدتها اللي تبارك وتهني بصوت يتخلله الفرح وباينة عليها السعاده بلمتهم وقربهم .. قالت ام ناصر بتودد : تعالي اجلسي عندي .. جلست بجنب جدتها .. وعماد رجع جلس بجنب جدته من الجهه الثانية .. كانت متوقعة ان الموقف محرج بس مو عارفة انه لهذي الدرجه ..! قال عماد بصوته الواثق والجهوري : اجلسي ياعمتي القهوة بتجي الحين . ردت ام نايف بخجل وحيا : بروح اصحي نايف بنمشي من بدري قبل الظهر . طلعت ام نايف وشادن لازالت بذهولها .. عمتي ..؟ ليه خير ان شاء الله .. لايكون صدَّق المسرحية واني زوجته وامي عمته ..! انتبهت لجدتها اللي تبارك لهم واعتلت خدودها حمرة خجل ممزوجة بقهر من عماد وهو يرد باسلوب ممثل ومحترف وكأن الوضع طبيعي جداً .. اما هي سكتت واكتفت بنظرة للأرض دلالة على احراجها وخجلها وحيرتها وقهرها ..! اصغت سمعها لعماد وكلامه مع جدته ..! اسئلته لها تبعث في قلبها الاطمئنان للحياة معاه .. لأن مافيه انسان بهالحنان ممكن يقسى او يظلم .. : ها بشريني عنتس اليوم .. عسى ماتحسين بشي ..؟ علميني امس تعبتي .. ؟ متى نمتي ..؟ حط يده على ركبتها وهو يقول : رجولتس وشلونها عسى ماوقفتي عليها واجد ..؟ وريني عيونتس .. شكلتس سهرانه . اخذتي حبوب الضغط ولانسيتيها ..؟ كان يسأل بلهفه وهي تجاوبه بإجابات مطمئنة وتكررها ..! مافيني غير العافية من ربي .. نمت وعينت من الله خير . انت لاتشغل عمرك بي .. انا بخير وعافية ليا شفتك مرتاح مع مرتك ومستانس .. قرب منها وسلم على راسها وهمس لها وهو يبتسم ابتسامه خبيثة بنظر شادن اللي غاصت في افكارها : ان شاء الله راضية عني ؟ . هزت ام ناصر راسها قالت بصوت مسموع : الله يرضى عليك دنيا وآخره . وياجعل عيني ماتدمع عليك . رد بحب وهمس : الله يخليتس لي بس . دخلت نورة وهي تشيل سلة شكولاته كبيرة قالت : صباحية مباركة ان شاء الله .. قالوا لي ان العرسان صحوا ..! رد عليها عماد : الله يبارك فيتس وش هذا ..؟ جايبته انتي ..؟ قالت نورة : ايوه جايبتها مخصوص لكم . تراني دقيت عليكم قبل ساعة بشوف اذا انتم صاحين اجيب لكم فطوركم فوق لأن ام نايف تقول شادن ماتعشت وانت ادري عنك ماتاكل الدسم والعشا البارحه اكيد مايصلح لك . اخذ حبة شكولاته ومدها على شادن من ورى جدته وخلال ثواني ترددت تاخذها اخيراً مدت يدها واخذتها .. قال عماد وهو ياخذ حبة ثانية ويفتحها : اجل اللي يدق انتي بغيت العن خيّر الشغاله حسبتها طالعه فوق . ابتسمت خالته قالت : لا لا انا اللي دقيت بس ماطولت ثانيتين ونزلت . شكلكم كنتوا نايمين : الا انتي متى بتروحين ..؟ ردت خالته وهي ترجع السلة فوق الطاولة : الحين بنمشي مع نايف .. ياخي فهد عجزت معه . : عاد انتي مالقيتي غير فهد يوديتس ..؟ : وش اسوي مضطرة فواز يقول انه مشغول وبندر مرتبط بموعد في مكة ولا ابشرك فهد جاب لي عذر مسكت يقول ماني رايح مستحي من بناتك وانه اذا شال الحرمة يكتئب ويحس بدوخة ويخاف انه يصدم فينا . ضحك عماد بصوت مسموع من اساليب فهد الملتوية اذا حب يتملص من أي مشوار .. قال : بس هو قال لكم مستحي ويكتئب ويدوخ خلاااص اجل .. اغسلي يدتس منه . انتبهت نورة لامها اللي كانت ماسكة يد شادن وتتأمل نقشة الحنا الخفيفه على كفها الناعم .. قالت نورة : ماشاء الله عليك ياشادن وش هالزين . التفت عماد عليها وهي تبتسم وترد على عمتها : تسلمين الزين عندك ماشاء الله عليك . صد عماد وحاول يلتهي بغلاف حبة الشكولاته وهو يطبقه لطبقات صغيرة وكأنه بعيد عنهم وهو مصغي لكل حرف قالته . طالعته ام ناصر بفطنه .. ماغابت عنها نظرته لها وصده السريع .. قالت بلهجة حادة وهي تهمس له : انت ورى ماتاخذ مرتك وتروحون تمشون ازين لكم من ازعاج الناس . حس بلهجة جدته ان فيها امر او شي مايعجبها ووقف على طول قال : والله انا قلت لها وهي عيت هذي هي قولي لها .. يالله نايف في المجلس ابي اروح له .. ارسلوا علينا القهوة والفطور قبل يمشي . تركهم وطلع من دون ماينتظر ردهم او حتى ردة فعلهم ...! كانت ساكته .. مصغية لكل حرف يقوله وكل فعل يفتعله . تصرفاته عادية بس تثير بداخلها اشياء تجهلها .. نظرته الخاطفة لها هزتها واربكتها .. " معقول صدقت انه زوجي واهتم حتى بضحكته وطريقة كلامه اذا هذا اول يوم وهو يجبرني اسمعه واطالعه اجل وشلون الايام الجاية .. يارب ساعدني .. " وقفت بتهرب من الكلام فيه وعنه خاصة وهي تسمع جدتها وعمتها يجمعونهم بالدعوات والمباركه والتهنئة ... قالت ام ناصر وهي تمسك طرف تنورة شادن .. : وين بتروحين ..؟ ردت شادن بابتسامة خجولة : بقول للشغاله تجهز الفطور والقهوة للعيال . سحبتها جدتها بشويش قالت : انتي ماتقومين ولاتسوين شي .. ومدام انتس عروس ماتدخلين المطبخ وحالتس حال فوزية اللي ماطبته الا بعد شهرين من عرسها . ضحكت شادن بحيا وقالت : هههههههه انا راضيه ياجدتي وماعليه اذا دخلت المطبخ مو منقص مني شي . بعدين ماارح اسوي شي بس بقول للشغاله تحضر القهوة والفطور وارجع . قالت نورة : والله ماتروحين اجلسي بس ولااسمع انتس دخلتي المطبخ قبل شهر .. بعدين ليه ماتبين تروحين تتمشين مع زوجك .. اطلعوا سافروا شهر عسل خليه يغير جو ترى الشغل اهلكه والضغط النفسي قبل زواجه ذبحه . ارتبكت شادن قالت : ماعليه انا قلت له بنجلس عند جدتي حبيبة قلبي الوقت معاها يسوى كل التمشيات والسفر .. قالت ام ناصر بحكمه : يابنيتي اطلعوا تمشوا ولاتفكرون غير بانفسكم .. انا قاعدة في بيتي معينة من الله خير وانتم روحوا استانسوا . سكت وماحبت تعلق على هالموضوع .. واضطرت انها تجلس بمكانها وتكمل سوالفها مع جدتها اللي ماكفت عن مدحها والدعوات لهم .. اما نورة تكفلت بتبليغ الشغاله وجابت فطور لشادن اللي فتك الجوع بمعدتها لأن آخر عهد لها بالأكل امس قبل ماتروح للصالون ..! *** في بيت ناصر ( ابوفهد ) جالس مع ابوه من بدري وحاط التكاية تحت كتفه ومغطي وجهه بشماغه .. قال ابوه بعصبيه : انت هذي شغلتك .. نوم وبر لاشغل ولامشغله ولامرجلة . زفر بآهه تدل على الطفش قال : يالله صباح خير .. الحين مقومني من عز نومي عشان هالكلمتين .. الله يطول لي بعمرك كان خليتها لين اشبع نوم وش يبي يضرك . : لاحول ولا قوة الا بالله . الله يصلحك ويهديك . رجال اللي في سنك عيالهم في المدرسة وانت حتى الرد على اللي اكبر منك ماتعرفه . دخل فواز وهو يسمع صوت اخوه واصل برا المجلس قال : يالله صبحهم بالخير .. شاف فهد بوضعيته اللي تدل على لامبالاته قال : اها قولوا لي ان فهد موجود وعذرك معك ياابو فهد . رد ناصر بقلة صبر : حي الله ابوناصر .. الله يصبحك بالرضا . تعال شوف لي صرفه بالرجال هذا ماذابحني غيره . رفع فهد شماغه وقام سلم على راس ابوه قال : الله يطول لي بعمرك .. ماصار مشوار ذا اللي يخليك تقول هالكلام .. مالك الا من يرضيك ومن يودي اختك بس والله يالبستين المتشابهه اللي معها يروعون . ضحك فواز من فهد وهو يدري انه يقصد بناتها التوأم قال محد قالك تشوفهن ولاتكلمهن ودهم وانت ساكت .. دخل عليهم بندر وهو يشيل القهوة قال : خلاص لاتودي احد لا بستين ولا ارنبين هذا نايف بياخذهم في طريقه . تنهد فهد براحه قال : جزاه الله خير . وينه عني من صلاة الفجر . يالله يبه هذا ولد اخوك تزهل لهم .. انا برجع انام وراي مشوار ضروري . رد ناصر بعصبيه وصوت عالي : وش مشواره ..؟ : اعلمكم ليا قمت . رد ابوه بعصبيه : لاتروح لأي مكان اليوم انا بسوي لعماد عشا وبيجينا ناس . مسك فهد راسه قال : تكفى يايبه طلبتك مهب اليوم . : وش عندك علمني ..؟ : متفق مع خوياي نطلع اليوم وبناخذ اسبوع كامل .. وسعود مبلشني له كم يوم ووعدته . رد ابوه بعصبيه : سعود هذا ماتمل منه ولايمل منك لاصقين في بعض من عشرين سنه وليا تقابلتوا كنكم اول مرة تشوفون بعض من سنين . اتركه يوم واحد عشان عشانا وضيوفنا .. : والله مااقدر يايبه .. انا وعدته وحلفت له اني لاطلع عشانه . قاطعه فواز : اصلاً انت من متى تحضر عزايمنا ولاتدري عنا . ماضيعك الا الدوجه في البران . زفر بأوووف مكبووته وطلع من المجلس ... راح لغرفته ورمى نفسه على فراشه وكمل نومه وبراسه لايمكن يأجل روحة البر ووعده لاصحابه لو يجتمعون العالم كلهم في بيت ابوه .. مو يكفي انه جلس الخميس عشان عرس عماد .!!! هذا هو فهد لامبالاته في كل شي .. استهتاره صار طبع وعاده .. حياته فكاهه مزح .. خفة دم .. وبمعنى اصح وناسة .. وشعاره في الحياة عيش يومك سعيد وابعد عن الهم . *** كانت تمسح دموعها وهي تسلم على امها ونايف وعمتها نورة .. قالت : ياليتني دريت انكم بتمشون اليوم وصاحين من بدري كان نزلت لكم وجلست معاكم . قالت امها بلهجة حادة وهادية بنفس الوقت اقرب للهمس : لاتنزلين الا مع زوجك او تقولين له انك بتنزلين . بلعت شادن غصتها وسكتت .. واكتسى وجهها حمرة حست بحرارتها .. خايفه من امها تكشفها .. ولا تغلط وتجيب الطامة وينكشف امرها .. هزت راسها قالت لنايف : نايف ياقلبي انتبه على الطريق لاتسرع .. وانتبه على امي .. وزوروني مو تقطعون .. تعرفون دوامات مو على كيفي اقدر اجي . رد نايف بحنان : ابشري يالغاليه ماطلبتي شي بس انتبهي لنفسك وحاولي تجين مع عماد لونص يوم .. منها تغيرين جو ومنها نشوفك . ابتسمت له قالت : ان شاء الله . ودعوها وطلعوا تركوها في همها تصارعه ويصارعه .. تواجهه لوحدها وتداري وتخاف ويمكن تضعف وهذا اللي يخوفها .. الضعف اللي كرهته في امها .. وخلاها تستسلم لاخوها وصالح اللي ماجنت من وراهم الا المآسي .. رجعت جلست مع جدتها والثانية تسولف لها عن العرس ومن جا ومن ماجا .. التفتوا على فوزية اللي دخلت ومعاها ترمس قهوة ودته للمطبخ ورجعت لهم في الصالة قالت : صباح الخير . قالت امها بلوم : يابنيتي سلمي ترانا مسلمين . ردت فوزية بعصبيه تحاول تخفيها : لاحووول ياام ناصر انتي مايعجبتس فيني شي ..ولا يهمتس .. السلام عليكم ورحمة الله وبركاته . ردوا : عليكم السلام ورحمة الله . باست راس امها وسلمت على شادن . قالت بهمس : مبروك ياعروس وصباحية مباركه . : الله يبارك فيك .. شو..؟ صاحيه بدري مو من عوايدك ! : والله قمت غصب .. بالرغم اني البارح سهرانه لكن حبيت اجي ابارك لك واعلمك ان ناصر مسوي لكم عزيمة كبيرة يعني شدي حيلك اغلب الحريم اللي بيجون عشان يشوفونك . دخلت شهد تجري وفيصل يمشي وراها مع الشغاله . قالت شهد بفرح : هييييي شادن هنا ماراحت .. جات تسلم على شادن وحضنتها شادن وجلستها بحضنها .. قالت : خلاص بكرة تروحين معاي للمدرسه ؟ . : مممممم استني علي كم يوم بعدين نروح مع بعض كل يوم . : كل يوم كل يوم ولا بس اسبوع وترجعين لامك . قالت فوزية : شهودة ماما روحي عند لسلي خليها تسوي لك فطور .. طنشتها شهد وهي تسمع صوت عماد يناديها وتجري له .. : ياهلا ياهلا .. حيا الله شهد بنت عبدالعزيز .. : عماد انت زي امس ماتغيرت . : هههههههههههه تبيني اتغير اجل . : شوف شادن تغيرت صارت تحط حنا وشكلها مررررررة حلو . وكملت بحماس .. البارح شفتها كانت احلى احلى احلى وحده في العالم مو بس الديرة .. لوت فمها قالت باحباط : وفستانها طلع احلى من فستاني . ضحك عماد من حركتها قال : انتي مرة ماعاد عندتس ثقة بنفستس . : يعني ايش ثقة بنفسي . : يعني تبين تصيرين عروس اذا كبرتي ؟. : ايوه وابغى اصير حلوة زي شادن . شالها عماد وهو يبتسم قال : طيب علميني انتي رقصتي ولا لا .. قعدت شهد تسولف عليه وتشتكي له من بنات نورة وخالها ناصر اللي ماسمحوا للصغار يرقصون الا على آخر شي وهو يتحسب الله على ابليسهم ليش يزعلون شهد الغاليه .. قربت فوزية من شادن اللي منزلة راسها للارض وتسمع كل الحوار بين عماد وشهد قالت : شادن قولي لي كيف امورك مع عماد . ابتسمت شادن وهزت راسها : الحمد لله تمام . : الله يعينك الآدمي هذا فمه مايعرف الابتسامه الا مع شهد ودايماً جدي . : ههههههههههه اول مرة تسبين فيه . : لا والله مو قصدي اسب بس البارحه تكلم علي انا ونورة يقول عجايز ومصبغات وجيههن .. كأنه هو خالنا مو احنا خالاته . : هههههههههههه لايكون زعلكم . : لا عاد هذا عماد الغالي محد يزعل منه . انتبهوا لعماد اللي نزل شهد وطلع فوق .. قالت ام ناصر لشادن بحنية : يابنيتي قومي لرجلتس طلع فوق الحقيه . طالعت في الدرج قالت : ها ..؟ يمكن بياخذ شي ويطلع . قالت فوزية : ياربي على الحيا اللي ماله داعي .. غمزت لها وكملت : قومي الحقيه تلاقينك مشتاقة له . وقفت شادن وطالعت بفوزية اللي ضحكت لها بخبث واضطرت انها تنصاع لأمر جدتها وطلعت فوق .. مرت من عند غرفته وهو فاتح بابها لمحته وهو حاط راسه بين يدينه ويفكر .. حست بقلبها يعورها .. ليه متناقض معاها .. وليه بداخلها تناقضات تجاهه .. ثقلت خطوتها .. وحست انها تدفها غصب ناحية غرفتها لحد ماوصلتها تدفع نص عمرها وتعرف وش سالفته بس .. بدلت ملابسها .. لبست بيجامه قطنية بعد ماقفلت باب غرفتها ونظفت مكياجها .. وحطت راسها بانتظار النوم حتى تصحى وهي مستعده نفسياً وجسدياً للعزيمة في بيت عمها ناصر . *** صحى فهد العصر ومر المطبخ واخذ معاه لوازم الكشتة الليلة .. ملح ، سكر ، شاهي بن وهيل وموية ورز وبصل وطماطم وسكين وملاعق وكل مستلزمات الطبخ لأن اللي في شنطة البر حقته نفدت على آخر طلعة ..!!! نادته امه : فهد يمه لاتروح وابوك موب راضي . رد عليها وهو يشتغل بسرعه ويطالع بساعته : يمه تعرفين ابوي مهوب راضي عني دايم .. خليني اروح الحين وليا رجعت يحلها ربي ومالتس الا من يراضيه ويطيب خاطره . عصبت امه وعلا صوتها عن قبل : ابوك مايبيك تراضيه بالكلام .. يبي يشوف منك فعايل رجال . قاطعها : ابشري ابشري باللي تبين بس مهوب اليوم .. الاسبوع الجاي ليا جيت ان شاء الله . : الاسبوع الجاااي ..؟ : ايه يمه يالله سعود مبلشني له اسبوع كل يوم يبيني اخاويه يقول خرمان ( مدمن ) على البر .. : وسعود هذا مانوى يتعدل .. : هههههههههههه سعود مثلي مايتعدل لين اتعدل انا . : الله يصلحك انت وياه . : آمين .. يالله مع السلامه وادعي لولدتس البكر لاتنسينه تراه يحتاج دعواتس الطيبه . عطاها ظهره وراح بسرعه للسيارة اللي تدق له بوري برا .. حط الاغراض في سيارة خوية صلاح ورجع يجري ياخذ البندق ( البندقيه ) وركب بسرعه .. قال صلاح : ابوك وش قال ..؟ : مهب قايل شي متعود عليّ . مشى صلاح ومر على سعود وعبدالرحمن اصحابهم .. كان سعود هو اساس الوناسه بمعية فهد .. متفقين على روح النكته والمرح .. واللامبالاة والعيش على هامش الواقع . ماياخذون من الواقع الا اللي يعجبهم ولا يتقيدون الا باللي يريحهم ويسعدهم وباقي قوانين الحياة تاركينها لاصحابها الأكثر جدية .. مر عليهم ساعه ونص في المشوار ووصلوا اخيراً لمكان اختاروه بمعرفتهم وخبرتهم في البر واماكن الصيد .. نزل فهد وسحب سعود بيده قال : قوم امش معي وخل النوم لاهله . رد سعود بكسل وهو قد غفت عينه : ياخي والله مانمت زين البارح .. اختي الصغيرة سخنت ووديتها للمستوصف ومانمت الا الفجر . رد صلاح : لاوالله فيك الخير ياسعود غريبه منك نفعه ..!! قال سعود وهو واقف خارج السيارة ويتمطط بكسل : عاد هذي ريوم ملح بيتنا وحبيبة قلب سعود لازم اهتم فيها . الله يخليها لي بس . اخذ فهد البندق قال : خلنا ندور لنا عشا من بدري .. تراني على فطوري ماتغديت . كل واحد اخذ سلاحه وطلع يدور على صيد كالعاده .. اللي مشى لوحده ..! واللي مشى بمعية صاحبه .. آخر شي رجعوا بأرانب وضبان وبحرفنة متخصصين طبخوا العشا من بدري حتى يتفرغون للسهر .. هذا هو جو فهد وربعه !!! فضاء واسع .. ونار .. ورفقة خيّرين .. واهم شيء الهدوء والسوالف اللي مايتخللها الا المرح والنكته والاخبار اللي تسر .. تكى صلاح على التكاية ورفع رجله على الثانية قال : سعود بالله تشوف البندق حقتي ياخي ماتصيب زين .. مدري وش سالفتها شكل يبي لها وزن . قال سعود : اصبر لين اصلي العشا ثم اسوي لك اللي تبي . قام وتوضأ وصلى قدامهم بروية لأنه آخر واحد وصل بصيده .. وفاتته صلاة الجماعه مع اصحابه . بعد ماكمل صلاته اخذ البندق وهو المحترف بالأسلحة من بين اصحابة وعاينها وتفحصها اخيراً قال : يااخي هذي مصدية يبي لها تنظيف وتزييت بعدين اوزنها لك . رد فهد : سعود انتبه لايكون فيها رصاصة . : لامااعتقد . بدا سعود ينظفها بخبرة وفهد يغني بصوته العالي .. البارحة يوم الخلايق نياما بيحت من كثر البكا سر مكنون .. ساد الصمت عليهم صلاح وعبدالرحمن انسجموا مع فهد ،، وسعود انشغل بمهنته المحببه واللي اعتاد عليها من صغره وصار فيها خبير ومحد ينافسه .. دوى الانفجار بينهم وأخرس هدوء الصحراء اللي كان صوت فهد يتخلله .. ايقظ كائناتها الشرسة والأليفة .. ووقف كل القلوب .. اللي خايف على نفسه .. واللي مستغرب . . واللي منفجع .. الطيور طارت من اعشاشها وهامت في السماء المظلمة .. والحيوانات اللي يزأر واللي يعوي واللي يدور خويه ويتفقده .. مو غريب عليهم الصوت بقدر ماهو بغيض وكريه على الحيوانات بالذات .. اما البشر اللي جالسين حول الصوت .. رغم انهم اعتادوا هالصوت الا انه الآن كله هلع وخوف .. مرت لحظات طويلة وكل واحد يتفحص نفسه وجسمه هو بخير ولا صابه شي .. في غمرة الخوف على انفسهم وسلامة ارواحهم نسوا للحظات قليلة من الضحية ..! طالعوا في بعض برعب .. تجمدت النظرات واهتزت القلوب .. فز فهد من مكانه .. وهو يصرخ بعالي صوته .. : شغل السيارة ياصلاح .. شغلها بسرعه ... ساعدني ياعبدالرحمن خلنا نشيله .. رد عبدالرحمن وعظامه ماتشيله من هول الصدمة : شوف الرجال حي ولاميت . صرخ فهد اقوى : حي ان شاء الله بس انت شيله معي .. مد عبدالرحمن يدينه على رجول سعود وهو مسجى في حضن فهد اللي يحاول يرفعه بهدوء حتى مايتعور وينزف اكثر .. قال فهد بصوت يرتجف وصدره يعلو ويهبط من الخوف والصدمه : انتبه لاتعوره ياعبدالرحمن .. شوف الرصاصه بصدره شيله زين تكفى . تراخت يدين عبدالرحمن ودموعه بدت تنزل .. : مات يافهد . دمعت عيون فهد وهو يحاول يكذب اللي يشوفه وصرخ في خويه : اقول لك مامات .. سعود انت حي .. سعود تماسك وانا اخوك بنوديك للمستشفى .. سعود انت تسمعني صح . صرخ بصوته كله .. : عجل ياصلااااااااااح . دخل يده اليمين من تحت راسه والثانية من تحت رجوله ورفعه من على الارض بعد مايأس من عبدالرحمن اللي اطلق العنان لحزنه ودموعه . رفعه في السيارة وحط يده على صدر سعود قال : يالله ياصلاح على اقرب ديرة فيها مستشفى .. رفع عبدالرحمن الاسلحة بسرعه ورماها في الشنظة ومشوا بأقصى سرعه . كان صلاح يرتجف والصدمه جمدت كل شي فيه الا رجله اللي يدوس بها اكثر على البنزين ويدينه اللي يلف بها الطارة عند أي منحنى او وجهة للطريق المؤدي للمستشفى ..!! مسح فهد على وجه سعود وعلى عيونه المقفلة . ماقدر يحط يده على وريده ويجس نبضه حتى ماينصدم وحتى يعيش على الأمل .. همس له : سعود .. ترى ماباقي شي ونوصل .. تشجع وانا اخوك . .قو قلبك وتحمل .. بكى عبدالرحمن بصوت عالي وهو يسمع فهد يكلم خويه وصاحبه ورفيق عمره واقرب الناس له . والثاني قد سلم الروح من بدري وبقى في حضنه جثة هامدة .. ماقدر يتخيل ان فيه شي اسمه فهد بن ناصر بدون سعود . رفع فهد راسه بوجه شاحب وعيون فيها دموع جامده قال : انت وش فيك ياعبدالرحمن الرجال حي .. لاتفاول عليه . هز عبدالرحمن راسه ونزلت دمعه حارة على خد صلاح اللي كانت براكين الندم والقهر على رفيقه موقده بصدره .. هو السبب .. لو ماقال له يوزن السلاح ماكان صار اللي صار لوتأكد ان في البندق رصاصه كان يمديه جالس معاهم .. وصل المستشفى وراح صلاح يجري وهو يصرخ طواريء طواريء جلس فهد خالي اليدين .. وخالي التفكير .. بعد دقايق قليلة ماارهقت الدكاترة ولاتعبتهم .. تهاوى على الأرض وصلاح يجهش بالبكا .. : عظم الله اجرك يافهد .. راح سعود .. انا اللي ذبحته يافهد .. انا اللي ذبحته . طلع عبدالرحمن يجري وركب السيارة .. مسك صلاح يد فهد اللي من قوة الصدمة ماقدر حتى يرفع نظره من على الارض . سحبه لحد ماوقف قال : خلنا نروح لبيوتنا ونبلغ اهله .. ترى الشرطه تبي تحقق معنا . مشى مع صلاح اللي سنده لحد ماركب السيارة وهو في ذهول ومصاب مابين يصدق ويستنكر كل اللي يصير .. *** كانت فوزية عندها من المغرب .. وهي كل شوي تقول قيسي الفستان الفلاني بشوف احسنه ولا هذا .. اخيراً رست هي وياها على فستان حرير وناعم لونه تركواز سادة وصدره مشكوك ببساطه ونعومه .. قالت فوزية : زين اخيراً رسينا على الفستان .. خلاص انا بطلع اخلي عماد يجي يلبس وياخذ راحته . فتحت فمها بدون تفكير كانت بتتكلم بعدين تراجعت .. اخذت نفس عميق قالت وهي تحاول تدور على شي تقوله : عمتي استني شوي لو عماد لبس راح يستعجلنا وانا لسه ماسويت مكياجي . : لا ماعليك اذا استعجلنا بقول له نروح مشي احسن الجو يفتح النفس وبيت ناصر قريب من بيتكم . : اوكي ..اللي تشوفينه .. بس اش رايك افتح شعري ولا المه بشباصة . : شادن ابيك الليلة تطلعين عرووس فاهمه ولا لا .. سوي كل شي تشوفينه يطلعك احلى . ضحكت شادن قالت : ياربي نفسي ادري ليه انتي متحمسه هالقد . : فيه ناس بتشوفينهم شوي .. وجايين عشان يشوفونك . قالت كلمتها وطلعت وهي تسمع صوت عماد يسولف مع شهد ويسألها عن امها .. طالع عماد فيها قال : خلصتوا ولا لا ..؟ قالت فوزية : انا والله مالبست للحين وزوجتك توها بدت .. بس عادي اذا بتروح احنا عادي نروح مشي . : مشي لا .. ماتروحون . : عماد الله يهديك والله مالبست شادن .. الا اذا بتنتظر عاد هذا شي ثاني لاتنسى ان عذبة وامها بيجون مانبيهم يشوفون زوجة عماد عادية . : اقول فكيني بس من سوالف الحريم .. وروحي يالله البسي عجلي عليّ الله يسامح خالي مالها داعي هالعزيمة اللي ابلشنا فيها . : زين انا بلبس اذا بتاخذ شادن روحوا لاتنتظروني واذا بتخليها تروح مشي مر عليّ وقول لي عشان اروح انا وياها . نزل شهد وباسها على خدها قال : زين .. يالله ياشهد روحي البسي مع امتس . نزلت فوزية وشهد معاها .. وهو توجه لغرفته .. تحمم ولبس وملابسه .. اول يوم مر عليه ثقيل وطويل ... حسب كل الدقايق اللي مرت فيه ببطء .. لبس ثوبه وشماغه وبخ من عطره الرجالي القوي .. طلع من غرفته وتوجه لها بخطى ثقيله . . دق بابها اللي اوصدته بالقفل بعد ماطلعت عمتها وصله صوتها وهي تقول : مين ..؟ قال : يالله خلصتي ولا امشي . قربت من الباب قالت بصوت اقرب للهمس : روح لاتنتظرني انا بروح مع عمتي مشي . قال : زين انا بروح اصلي المغرب ان رجعت ماخلصتي مشيت وتعالي مشي مع فوزية . واذا خلصتي قبل بوديكم . حست انه راح ماانتظر منها جواب .. واخذت نفس عميق وهي تردد بنفسها " ارحمني يارب .. " كملت مكياجها وبيدينها رعشة خفيفه تسري فيها .. اخيراً انجزته على خير .. اخذت عبايتها ونزلت تنتظر عمتها .. .. بعد ماوصلت فوزية وشهد وفيصل لمحت شادن تمشي في الصاله ورجعت لعماد اللي شافته واقف عند البوابه .. قالت : عماد تعال بالله ادخل ابيك . رد عليها بشك وقلق : وش تبين ..؟ : ابيك تشوف شي هنا الله يخليك تجي بسرعه . كانت واقفه عند مكتبة التلفزيون ترجع المجلة اللي كانت تقرا فيها وهي تنتظر عمتها .. دخل عماد الصالة وكان آخر شي يتمناه ان شادن تكون قدامه في وجود فوزية . قالت فوزية : وش رايك بالله في فستانها على شعرها الاسود ومكياجها .. ترى اللي نصحها تلبسه انا مو تقول لك اختيارها هي . امتقع وجه شادن وهو يتأملها .. وطاحت المجله من يدها .. اخذتها وهي تطالع بالارض ماتدري كم مر عليها من الوقت بس كان طويل ..! قال عماد وهو يبتسم لفوزية : الله يهديتس يافوزية جايبتني من برا عشان تحرجين البنت .. شوفي وش سويتي فيها .. يالله يالله عجلوا بنمشي . اجل جدتي ماخلصت للحين . انحرف من مكانه وتوجه لغرفة جدته بصمت ..! ضحكت فوزية وهي تشوف شادن تحط يدها اليمين على خصرها وفاتحها عيونها وعاضة على شفتها السفلى كأنها تقول ليه كذا وهي ماتقدر تتكلم من الاحراج ..؟ اخيراً قالت فوزية : حتى هو والله انحرج .. محد يلومكم مالكم الا يوم واحد متزوجين ماعليك بكرة تتعودون .. بس عاد الرجال هذا اعتقد مافيه امل يصير رومنسي .. طول وقته جاد .. الحمد لله ان عزيز مو كذا . لبست شادن عبايتها قالت : يالله يالله امشي بس الله يسامحك وترتيني واربكتيني .. شوفي يدي كيف ترتجف . ضحكت فوزية اكثر وهي تمشي رايحه للبوابة وامها تمشي قبلهم مع عماد اللي ماسكها بيدها ويسندها ..! *** وقفت في غرفتها وهي متوترة .. وجوالها على اذنها قالت : مشاري اقول لك عند الشباك انا خايفه يسوي زي هذاك اليوم لمن حاول فيني اروح معاه .. قال مشاري وهو يحاول يطمنها : والله مايقدر يسوي لك شي ياسارة .. وياليته يفكر يسوي شي عشان تجي على راسه هالمرة . زفرت بأوووف دلاله على مللها من اخوها المتجمد قالت : مشاري انت اش فيك اش غيرك ماكنت كذا . قلب مشاري الملف اللي قدامه قال : لأني واثق ان هالجبان مايقدر يسوي لك شي ولاماتثقين في كلام اخوك . : يامشاري ... قاطعها : سارة والله اني مشغول الين راسي بعدين انا اكلمك .. المهم انتي لاتطلعين ولاتروحين أي مكان لين اجيك . : من عقلك اخرج وهذا متسمر لي عند الباب . ترى ماراح اداوم بكرة اذا بيجلس كذا . : اوووه سارة تراك مدلعه .. اشغلتيني قلت لك مايقدر يسوي لك شي لأنه مراقب . شهقت قالت : مراااااقب ..؟ : ايه مراقب من الهيئة .. ابوي قال له يطلقك وعند قال اطلق وتعطوني مية الف ريال . واضطر انه يبلغ الهيئة يراقبونه حتى ينال جزاه ويطلقك بسهوله . وصلها كلام مشاري زي السكاكين اللي تنزع قلبها من مكانه بشراسة وقسوة ..!! ياااكبر خيبتها فيه .. هذا آخر شي توقعته وآخر شي ظنته من خالد .. غير اللي سمعته يصير طماع وجشع ..! يبيعها بمية الف ..! رمت الجوال بعد ماقفلته من دون ماترد على مشاري اللي توقع ردة فعلها واعتبرها جداً طبيعيه ..! حست ان الدم يمشي بعروقها بسرعه قصوى .. يمكن هذا ردة فعل طبيعيه لمشاعرها .. واحاسيسها اللي انصدمت فيه مثلها بالضبط .. شدت شعرها بقوة وهي ترجعه ورى .. " يعني ابوي كان مخبي عليّ ان الهيئة تراقبه .. خايف اني اقول له ويخرب مخططه .. ياالله ياابوي لهالدرجة تحسبني سخيفه ماتدري ان خالد لقني درس عمري ..! وان سارة هذيك المسكينه اللي تجري ورى مشاعرها انتهت للأبد وبدت سارة اللي تفكر بعقلها وتقرر بعقلها وتحس بعقلها قبل قلبها ..! داهمتها الذكريات والاحلام القديمه ونفضتها من راسها بقوة وتجلد ومقاومه .. توضات وصلت لها ركعتين شكر لله انه اطلعهم على حقيقة خالد قبل ماتتورط فيه .. وانها تقدر تواجه القادم بقوة ومن غير ندم عليه او دمعه عشانه ..! *** في بيت ناصر .. كانت جالسه في مجلس الحريم اللي اكتظ بحريم القرية ..! تحس نفسها غريبة بينهم .. ماتعرف الا جدتها وعمتها وحريم عمانها ..! قالت لمنال اللي جات وجلست بجنبها : منال طالعي في اللي وراك ولابسه جلابيه خضرا اش فيها عليّ بتاكلني بعيونها . قربت منال اللي تدرس بثالث ثانوي قالت وهي تلم شعرها الطويل وتحاول تجمعه بيدينها الصغيره على كثافة شعرها الغجري الكثير .. : هذي عذبة بنت عم عماد . فتحت فمها شادن وهي تتذكر كلمة نوير عن عذبة . قالت : شكلها كانت حاطه عينها على عماد . ضحكت منال قالت : لا مسمينها له من صغره بس يوم كبر قال زوجوها انا ماابيها ولاابي غيرها .. بس خذلها واخذ القمر . ضحكت شادن لمنال قال : ياعمري تسلمين انتي والله القمر ماشاء الله عليك .. اثري جدتي محد يلومها وهي تقول لاتقصين شعرك . سكتتها منال وهي تكشر وتقول : لاوالله ياشادن الا قصيه وارتاحي ماتدرين وش كثر اعاني من شعري اذا جيت امشطه والمه .. قطعت عليهم فوزية كلامهم وهي تجلس بجنب شادن قالت : شفتي عذبة ..؟ : ايوه شفتها ليه ماقلتي لي عنها . : ماله داعي خاصه انها مالها علاقة في عماد الا انها بنت عمه .. ترى امها سبب مشاكل ابوي وابوك الله يرحمه . فتحت شادن فمها مستغربه قالت فوزية وهي تكمل : ابوي كان يبيه ياخذ امها بس خالد عند قال ماابيها .. وزعل ابوي عليه وطرده من الديرة وسمعنا انه تزوج امتس .. اشرت فوزية على الحريم اللي دخلوا وحددت وحده وهي تأشر عليها .. قالت : اصبري اصبري هذي منيرة اللي امي بغت تزوجها عماد وبالقوة اقنعها انه مايبيها . طالعت شادن في البنت اللي دخلت لابسه تنورة سوداء وبلوزة لونها رمادي واسود ومطرزة .. باين عليها عاقلة وهادية وملامحها دقيقه وناعمه كانت تدور بين الوجوه بعيونها لحد مااستقرت على شادن وابتسمت لها من بعيد وكأنها تعرفها .. قالت منال : منيرة ملكتها قبل شهرين على ولد خالها مدرس في السبيل .. شوفيها جات تراها مررررة عسل . وصلتهم منيرة وابتسامتها ماتغيرت .. قامت شادن وسلمت عليها ورحبت فيها وجلست معاهم .. قضت ليله جميلة مع الحريم بصحبة منال بنت عمها وعمتها فوزية ومنيرة اللي جلست معاهم دقايق وقامت خلت لهم الجو حتى ماتحرجهم .! *** بعد العشا في قسم الرجال .. وقف صلاح على باب بيت ابوناصر .. ودق الباب .. طلع له بندر اول ماشافه تفاجأ من وجهه الشاحب وعيونه الحمرا وآثار البكا باينه ليه . . سلم عليه وسأله عن فهد على طول . اشر صلاح على السيارة ونزلت من عينه دمعه اثارت رعب بندر على اخوه وراح يشوفه .. كان المنظر مؤلم للغاية فهد مسند راسه على المرتبه وحاط شماغه على وجهه وثوبه مليان دم .. ومايتكلم . وقف بندر في مكانه متجمد .. هذا شكل فهد اخوه .. واكيد انه هو بس وش اللي صاير .. قرب منه وهزه .. : فهد وش صاير لكم . اول ماسمعه فهد اهتز وبدت دموعه تخونه . ماقدر يقول لهم ان سعود راح . رفيق طفولته وعمره . سعود اللي كبر هو وياه واقتسموا الايام بأغلب ساعاتها .. اقتسموا الضحكه والفرح والحزن والبر والسهر والكشتات والأماني والأحلام والقرارات .. سعود اللي بصم على كل لحظات فهد ببصمة يوثقها تاريخ عمر فهد الماضي .. المااااضي قبل ساعات قليله ..! سعود اللي اشترك العمر معاه راح .. انتهى وتركه .. مات وخلاه ..! طالع بندر في صلاح قال : علمني وش صاير ياصلاح ذابحين احد انتم ..؟ رد صلاح ودموعه تسيل على وجهه : سعود يطلبك الحل . صُعق بندر لهول الخبر .. سعود .. وفهد من يعزيه .. وشلون نعزيه في سعود ياكبر مصيبتك وانا اخوك .. رجع وهو يجري لأن المصاب على اخوه جلل ومايقدر يواسيه فيه لوحده . وفقد سعود العزيز عليهم يهون مع فقد فهد لسعود وحياته بدونه . وقف في المجلس وطاحت عينه على عماد اللي يسولف مع فواز راح له يمشي بوجه مليان تعابير خوف وحزن وقلق على اخوه اللي ينتحب .. قال : ابومشعل تعال ابيك برا ضروري . عرف عماد من وجه بندر ان فيه شي خطير وكايد .. وقف معاه ولحقه برا المجلس . مسكه بندر بيده قال : فهد في سيارة صلاح برا .. ووو : وش فيه فهد .؟ : سعود خويه مات .. : لااله الا الله .. لاحول ولاقوة الا بالله .. وشلون مات . : ماادري عن شي بس تعال خلنا ندخل فهد حاله مايسر . : زين امش امش . طلع عماد وسلم على صلاح اللي حزنه اكبر واعظم ومصابه مصابين .. فقد الخوي والصاحب واحساسه بالذنب اللي راح يرافقه طول عمره . سلم عماد عليه وعزاه وانحرف لفهد اللي مارفع شماغه عن وجهه . فتح عماد باب السيارة وناداه . : فهد انزل معي ادخل للبيت . مارد عليهم وكأنه مايبغى يسمع او يشوف اويصحى على الحقيقه المرة . اخذه عماد بيده وسحبه لحد ماطلع .. قال لبندر ..: ادخل من قسم الحريم نبي ندخله للبيت مانبي خالي يشوفه بهالحال . وقف صلاح قال : ياابومشعل . فهد لازم يبدل ملابسه ويمشي معي للشرطة الشغله فيها تحقيق ويمكن تطول . هز عماد راسه قال : زين بخليه يبدل ملابسه واجيبه انا بنفسي اسبقنا ياصلاح وحنا وراك . الا وشلون مات المرحوم . تجمع الدمع بعيون صلاح قال وهويحاول يتجلد ويطلع صوته : قعد ينظف البندق وكان فيها رصاصة مادرينا عنها . فهم عماد السالفه قال : انا لله وانا اليه راجعون . دخل مع فهد وبندر سبقهم يشوف الطريق حتى يدخلون الحريم وهم يعدون لغرفة فهد . توجهوا لدورة المياه ا للي بجنب غرفة فهد وبندر .. غسل فهد وجهه وعيونه حمرا وعماد يردد عليه الكلام اللي يقال عند المصايب والشدايد .. الصبر وانا اخوك هذا اجله مكتوب له ومقدر اذكر الله بدال ماتحزن ادع له بدال الدموع تجلد بالصبر في المحن .. وبندر يردد : قول لاحول ولاقوة الا بالله تراها تهون المصيبه وتخفف الحزن . هو كان طيب وخير ويصلي .. ماعليه خوف وهذا اجله . كانت الكلمات تمره وكأنها ترتطم في جدار وترجع من دون ماتأثر فيه . فقد سعود مصيبة . وشلون يعيش من دونه .. هذا اللي كان يدور في خلده وذهنه ..! رجع عماد مع بندر اللي سوى له طريق وقال لاخته تنادي له فوزية . عماد يبي يكلمها . جات فوزية قال عماد : بندر بيوصلكم انتي وجدتي وشادن للبيت . انا عندي مشوار ضروري مايحتمل التأجيل ولا دقيقه . وخذي .. مد عليها مفتاح غرفته قال : هذا اعطيه شادن خليها ترسل علي الحبوب حقتي مع بندر تلاقيها قارورة بيضا كبيرة في الدرج . قالت فوزية : وش حبوبه ..؟ حط يده على اعلى بطنه من الجهه اليمنى وهو مكشر بوجهه وشكله يتألم قال : علاج القولون اكلت من العشا وشكله تعبني .. بالله لاتطولون علي ماني ناقص التعب بهالوقت . رجعت فوزية تبلغ امها وشادن كلام عماد وبعد دقايق قليله كانوا في بيتهم . دخلت شادن الغرفه حقته وهي تحس بامتعاض وخوف وقلق .. كون انه يكلفها بمهمه مثل هذي تخربطها وتقلب لها كيانها وتفكيرها .. ! حاولت تحصر تفكيرها في دوا القولون .. دورت عليها وطلعت اكياس ادوية كثيرة .. دورت على ادوية القولون اللي امها تعاني منه وهي من اكثر الناس اللي يستهلكون ادويته ..! ولاعلبه من العلب الغريبة تشبه أي علبة كانت عند امها .. اخذت القارورة البيضاء الكبيرة اللي وصفتها لها فوزية ونزلت تجري .. اعطتها لشهد توديها لبندر اللي يدق بوري بسرعه وكأنه يبغاها تطير مو تمشي ..! اخيراً اخذها ورجع لعماد اللي اخذ فهد لقسم الشرطة حتى يستوفون التحقيق ويبلغون اهل سعود في مصابهم ..! *** للحكاية بقية .. اتمنى الاتبخلوا عليّ بآرائكم وان تعذروني ان لم تكن الأحداث على قدر انتظاركم وحماسكم |
مبدعتنا اقدار تسلم أنامل صنعت الابداع بارت حزين الأانه لايخلوا من الامل بعده . بطلوع فجر جديد لملا مح أبطالنا . بداية فهد ونهاية سر عماد ........وحب شادن ومع ذلك نحن نتوقع للاحداث.وعند اقدار الخبر اليقين ..........) واصلي ونحن في انتظارك وفقك الله لطاعته إنه جواد كريم .
|
ليييييه خليتيه يموت ياريت كانت اصابة وبس
ماقدرت اقرأ من الدموع اصعب شيء فقدان عزيز فجأة اتوقع ان فهد راح يتعدل ويتحسن حاله واخاف ان اللي جاه بسبب زعل ابوه عليه الله يهديه الا رضى الولدين اما شادن زعلت عليها مع اننا توقعنا اللي صار بس اكيد راح تعرف ايش فيه عماد لما دخلت غرفته يمكن تلاقي دواء او ايش شيء يحل اللغز والاهل فرحانين وهي تكتوي بنار الحزن آآآآآآه عليك ياشادن ليلة العمر ما يعوضها شيء قضتها حزن وقهر مع انها عارفة ان هذا اللي راح يصير بس الانسان المؤمن دايم عنده امل وان شاء الله عماد ما يخيبها مشكورة اختي على البارت الخطير وننتظرك بشوق تمنياتي لك بالتوفيق ياعزيزتي |
شكرا حبيبتي اقدار على البارت و الله يهبل
الله يبارك فيك و يعطيك الصحة انك تكملي هالقصة الروعة و انا من المخلصين لك و المتتبعين و ربي يوفقك و يهنيك :flowers2: |
يااااااااااااااااااااااااااااااااااااااااارب
انالله اوانا اليه لراجعون صح الموت حق وكلنا تحت لتراب بالاخير بس جد كانت صدمه على الرغم من ان سعود شخصيه اول مره تنذكر في الاحداث الا انه موته فجعني وعور قلبي وتجمعت الدموع في عيني وعورني قلبي اكثر على فهد ربي يعينه صعبه انك تفقد انسان كان يمثلك الصديق والاخو ورفيق الدرب وتوام روحك موقف مابغي اتخيله وادعي ربي مايحطنيه فيه ولا احدغيري صعيه انك بين يوم وليله تلاقي حالك فقدت انسان كان معاك خطوه بخطوه ويفهمك من غير ماتتكلم ويكون لك صديق بحق في هالايام الي نادر ماتلاقي الصديق الحق ومالي الا اقول عليك بالصبر وسلوان يافهد واعتقد ان هذا بتكون الصدمه الي بتخلي فهد يتغير عمااااااااااااااااااااااااااااااااااااااااااااااد قدوره من اول مارجع الي في جوفه في ليلت العرس وانا قلبي قاضبني لايكون بس........وفي الاخير يطلب دواااااااااااااااااااه ومايطلع مال قالون وكلامه انه مايبي يسعدها في البدايه بعدين تعيش في تعاسه تكففففففففففففففففففين اقداااااار لايكون مريض ربي يكفينه شره وطاريه بذاك المرض والمشكله كلامه وتصرفاته السابقه اذا ربطناها كانه عارف نهايته اقدار عادي سوبه نفس ماقالت خويتي زارا بس طلابتج لاذبحينه وتسسسسسسسسسسسسسلللللللمين يالغلا على الباااااارت حححححححححلوه وروعه حتى وهو في حزن ابدددددددددددددداع |
السلام عليكم اختي
عماد و شادن :الواقع المعاش ,يختلف تماما عن اي تصور رسموه لحياتهم ,ظهرت شادن ضعيفة و مكسورة الفرحة اما عماد فمرتبك و الحزن هو الذي جمعهما رغم اختلاف السبب لازلنا ننتظر لمعرفة ما وراء رفض عماد للزواج. فهد : اتوقع وفاة صديقه سيكون لها الاثر في تغيير مسار حياة في القصة ولامبالته سارة : و اخيرا احيطت علما بحقيقة زوجها كان الله في عونها فمجتمعنا يرفض المطلقة و يعاملها بقساوة مهما كانت اسباب الطلاق . الجدة : هي السعيدة في هذا الجزء اخيرا تحقق حلمها عزيزتي لا نمل ابدا من قراءة فصول قصتك , ننتظر بشوق لقراءة المزيد وفقك الله و اسعد ايامك تحياتي |
أختي الحبيبة أقدار ابدعتي بهذا البارت بالوصف المعبر والجميل للأجواء الحزينة والخلجات التي عصفت بين شادن وعماد في يوم عرسهم وكم أحببت هذه الشخصية الطيبة والأصيلة شادن ولا أنكر بأنني أحببت أيضاً شخصية عماد بكل معاني الرجولة والرحمة التي يحملها في قلبه والنبل النادر ، وأهم شي محاربته لنفسه حتى يكبحها أمام شـــــادن وأما الأبداع الآ خر والذي رافقتنا به وعيشتينا بأجوائه من الحزن والبكاء على الرحلة السعيدة لأصحاب النكتة،، وبلحظة انقلبت إلى تعيسة وموحشة ، وكيف للناس أن يتناسوا واجباتهم نحو آبأهم وطاعتهم... مخلفين كل ذلك للجري وراء متعتهم وحتى لو كانت الصحبة الصالحة...... فإنها لاتنفع دون رضى الوالدين والبر بهم وبموت سعود..... يقفل فصل من السعادة والمرح على حياة فهد وتوقعي يالغالية بالأحداث القادمة فهي تغير في شخصية فهد 180 درجة بعد فقد أعز اصحابه وسيبر بوالديه أكثر، ولكن سيكون صعب المراس وصاحب تكشيرة كأبن عمه عماد وأما بخصوص عماد،، فلا أظن أن الدواء المستخدم هو للقولون بل لشيء آخر والله يستر وأتوقع... بالمواجهات التي ستكثر بين الزوجين عماد وشادن وتكثر الآكشنات مابينهما.... حتى يضعف عماد ولا يقوى على صد شادن هذا تحليلي وتوقعي يالغالية والحقيقة أنتظرها من أناملك وعقلك المبدع وانا بفارغ الصبر والشوق إنما أختي الحبيبة وأقولها بكل صراحة عندما أمدح إنسان فهو يستحق المدح وأنا بطبعي أحب لغيري ما أحبه لنفسي وهذا من أعماق قلبي اسعدك الله ورعاك وكتب لك النجاح والفلاح بالدنيا والآخرة اللهم آمين أختك عذبة التجريح |
السلام عليكم اقدار اقدار اقدار ابداع تاءلق وتشيوق البارت اكثر من رائع عالى الرغم من خاتمته المحزنة ولكن هذه الحياة لابد من فراق اذا بالقصة واذا بالحقيقة اقدار الله ايخليج لاتعقدينة وتخلينة انحسب على مستقبل شادن مع عماد بصراحة البنت تكسر الخاطر حياتها كلها عذاب حتى بالفرح يوجد حزن كثير الله يعينها ,بدات حالة عماد تتضح لنا ونترقبها بخوف شديد اللع يعين,لاتتاخيري علينا نحن ننتظر مهما طال الغياب
|
[هئ هئ هئ هئ هئهئ هئ
صعبت علي كل من شادن وعماد شادن انكسرت في احلى يوم في عمرها ,يوم البنت بتحلم بية طول عمرها تحطمت احلامها على شاطئ عماد:Taj52: اما عماد اعتقد ان ممكن يكون عندة سرطان او مرض خبيث مثلا "ايدز" ممكن يكون عمل حادثة وهو يدرس برة وعملولة نقل دم عشان كدة مكانش راضى يجوز "يارب تطلع ظنوني غلط " وصعب على فهد لان خسر صديق عمرة وانا حاسة بية لان اخوية فقد صديق عمره ملاحظة:52_asmilies-com: جزء حزين حزين حزين حزين حزبن حزين حزين عيزين الجزء الجديد يكون فيه شوية فرح اناكنت حمدت ربنا انك انت يا اقدار اللى نبهتينى للخطا في الاسم لان لو وقعت في ايد زارا كانت مش هتعتقنى وكنت مفكراكى طيبة طلعتى شريرة :mad:هههههههههههههههههه ومتتاخريش علينا في ابداعك] والفرفر هو المسدس باللهجة الصعيدية] |
بجد رووووعة
بس كاسره خاطري شادن تعذبت كثير تكفين خفي اشوي عنها وخلي عماد يكون اكثر لين معها يسلمووو ياقلبووو على احلى بارت |
تسلمين اقدر البارت مره روعة
بس انصدمن شادن صراحة اكسرة خاطري على تصرف عماد لها يوم الزوج اكثر مايجرح الوحدة طعنه بنوثته بس الله معها اتوقع راح تقدر على عماد وراح تكون محل ثقة له وبيعترف لها عن كل شي قريب وراح تكون مكان ثقة لها وبعدين شادن قويها وذكيه وبعد متشوف الادويه بتعرف كيف تتصرف مع عماد وكيف الطريقة معه ساره يقلبي هالبنت بس حمد الله انا راح يطلقة قصب عنه وصلا انا وثقة انا نهايته الفهد ان انشاء الله فهد يمكن كان من مصلحاته وحكمة من رب العالمين ليه >>>>>ومندري شنو حكمة اقدار هنا وطبعا مننسى ان حنا دئما ننتظر ابداعك الى مافيه بارت الى وتفجائين ببدعاك وتعلقين بالقصة اكثر ترى ماعاد فيني صبر ابي اعرف بعدشنو بيصر نتمنها مطولين وحنا طمعين ونشاء الله نكون نستاهل اختك مذهلة |
"
صبااااااح الورد واخيراً .... بعد طول انتظااااااااااااااااااااااااااااااااااااااار نزل البارت البارت رااااااااااااااااااااااااااااااااااااااااااااااااا ااااااااااااااااااااااااااااائع الغلا ابدعتي .... ::قهد :: حدث قاسي جداً ... واعتقد هذا السبب اللي بيكررهه في روحة البر وبتكون نقطة تحول لمنهج حياته ::عماد & شادن :: زوجان على ورق ... الى متى ....؟ لاأعتقد أنه سيكون هناك انفصال ..... الدواء اللي طالبه شكله للسبب اللي مانعه من ممارسة حياته الزوجية .... هل بتعرف شادن وش اللي يعاني منه عماد ؟ وكيف بتعرف ؟ :: سارة :: الله يعينها حالتها ماتسر .. :: مشاري :: يعجبني حبه لأخته أقدار .... ماراح لأقولك نزلي بارت نبي تكمله اللحين بس على الأقل حددي موعد للبارت لأني فعلاً توترت وانا كل شوي أدخل أشوف نزلتي البارت ولا لا ... وتعرفين الوالدة غسلت شراعي ولقيت ابسبتس هوشه من اللي قلبك يحبها ...هههههههههههههههههههههههههههههه وشماته من أخواني الله يهديهم .... شفتي وش سويتي فيني .... بس ولا يهم ياقلبي لأني لعبت على الوادة بكلمتين " مثل فهد " الغلا بنتظار البارت بكل شوق لكل حرف فيه .... ودعتك الله .... |
اولا:
الســــــ عليكم ـــــــلام ثانيا : كيف حالك ؟؟؟ ثالثا : سلمتي وسلمت اناملك على الجزئين التي كما عودتنا الاكثر من رائع رابعا : احداث كثيره ابتدأت .. وستبدأ .. وآخرى انتهت .. والاهم السر بدأ بالانكشاف بصراحه تامه " اعجز عن التعليق على مجريات الامور فأعذريني " ولكن لا أعجز عن ابداء رايي في وصفك للأحداث .. غايه في الروعه والدقه .. احسسني وكأني معهم .. عيشتني اجواء مختلفه من المشاعر والاحاسيس بهـــــذا الجزئين بفضل لاالله ثــــــم ابــــــــــــــداعـــك سلمتي وابداعك لنـــــا من كل شــــر واخيرا : ننتظر ابداعـك القادم بفارغ الصبر |
تسلمين يا قلبي على هالباااااااااارت الحلووووووووووووووووووووووووووووووووووووو الي حسيت انه عماد على الرغم من قوته الظاهره الا انه الخوف بدا يسري بنفسه خوف من انه حصونه المنيعه تتساقط وحده ورا الثانيه أمام شادن وتعلن استسلامها خاصة مع ارتباكه من قربها أو اي نظره يوجهها لها أما شادن رغم انكسارها في ليلة زواجها الا اتها ما زالت رغم الضغط النفسي الي تعاني منه وخاصة مع عماد تحاول انها تجيد دور الزوجه الراضيه والقانعه بحياتها أتوقع انه شادن راح تحاول تعرف سبب الأدويه الي ياخذها عماد وتعرف نوعية مرض عماد الي واضح انها مو القولون بحكم معرفتها بالأدويه بسبب معاناة امها معهالمرض وهالشي راح يكون له دور بتغيير مجريات الأحداث احزني موت سعود الأخ الروحي لفهد على كثر ما فرحت بمعرفة طبيعة العلاقه القويه بينهم على كثر ما حزنت على موته الي أتوقع راح يكون له تأثير كبير في تغيير حياة فهد وأسلوب حياته ساره واتخاذها القرار الصح في الطلاق من خالد بعد ما إعرفت حجم دناءته ومساومته لأهلها ننتظر الباارت اليااي بكل شوووووووق |
اقدااااار الف تحية لتس.. بسم الله عليتس.. الله يحفظتس.. عيني عليتس بارده.. اعوذ عليتس بكلمات الله التامه.. ابداااااع يا اقداااار ابداع مااله مثيل.. وقسم بالله اني صادقه.. وان كل مقطع وكل مشهد فيه واقعيه ماتتخيلينها .. الجزء هذا بالذات انا ما قريته انا شفته...
نجي عااد لربعنا...تدرين والله فعلا احس انهم صارو جزء مني... عماد : ياترى وش سرك ياعماااد... الرجل من لما قام يرجع من اول ليلة زواج....قلت انه حامل..هههههه... لاصراحه تدودهت مدري وش السالفه.. الرجال فيه مرض.. لاكن مستحيل انه يكوون القولون.. يمكن يكون الكبد ... مدري والله.. بس الرجال اعتقد انه مافيه عجز ولا عقم فيه مرض عضوي.. لاني فهمت من كلامه مع نفسه انه لو كانت علاقته طبيعيه مع شادن بعدين بتنصدم ..ونا اتوقع ان الاطباء قايلين له ان له سنوات معدوده.. وبعدين يموووت بسم الله عليه..ياحلو حركاته وهو عند جدته في الصباحيه ... من لما قام يسألها عن حالها مرورا بتمرير قطعة الشوكلاته من ورا جدته لشادن.. انتهاء بانشغاله بتغليفة الشكولاته اللي قام يصفطها حتى صارت صغنونه..عمااد اليوووم مسيطر على الجو بشكل غريب... ولو ان شادن تلزق فيه شوي والله ماياخذبيدها دقيقتين.. بس عاد وش نسوي في هذيك اللي تستحي..خخخخخ شادن : ليلة زواج فاقت كل توقعاتها وطبعا بالنسبه لها كانت من سئ الى اسوأ.. صدمه صراحه وفي ليلة العمر على ماقالوا وتواجه بها البرود.. بس اعجبتني لما قالت له يطلع عشان تبدل.. صح بيدي لا بيد عمرو..تجي مني ولامنه ويهيني اكثر... مدري وش اقول عن شادن بس صراحه لما قامت تصيح ليلة زواجها من بعد طلعت عماد.. حسيت ان هاللحظه هذي امر لحظه في حياتها.. والله يعينك ياشادن على الليالي المقبلات.. فهد : يااااااااااااا بعد قلبي.. يابو دم خفيف.. والله دموعك مهيب سهله ولااا رخيصه عندي ياااا غالي... في بدايه الجزء كنت كل موقف فيه فهد او يتكلم عن فهد اموووووت ضحك.. زي موقف عمته نوره لما قالت:و اقتباس:
اقتباس:
بكيت مع فهد صديقه سعود على الرغم من ان اسم سعود وحضوره ماشفناه الا اليوم.. لاكن حزنت عليه وبكيت عليه عشان فهود.. والله ان عيونه مهيب حلوه وهي كلها دموووع.. ياقلبي عليك يافهد.. بس هذي الدنيا.. والا لما كان يقنع نفسه بان سعود مامات ويهاوش ربعه لايصيحوون.. يالله صعب صعب الواحد يفقد غالي فمابالك ان هالغالي يكون توأم الروح..الله يعينك يافهد ويصبر قلبك.. والا لما قام يفكر كيف يعيش بدون سعود.. صراحه يااقدااار ابدعتي ابدعتي ابدعتي.. بالنسبه لي انا في الجزء هذا تفوقتي على نفسك.. وان شاء الله الباقي احسن واجمل.. مدري وش اقول لاكن وضع فهد كلــــــــــه هزني مررررررررره ... وضع ما ادري وش اقول عنه الا فعلا انه واقعي وكثــــــــير زي فهد اذا مات صذيقه المقرب ماعاد يلقى مثله ويكونون الناس كلهم سوى عنده ماعند صديق مقرب وكانه بعدم مصادقته لاحد بقوة يكوون وفي لصاحبه اللي مات وكانه يبي يوصله انه ماااا فيه مثلك في هالكووون ابد... فهد اتوقع وفاة سعوود بتهزه من جوا وبتغير نظرته للحياة كلهاااا.. ويمكن يترك استهتارة ولا مبالاته.. بس ياااااا خوفي يصير زي عماااد لاضحك ولا سعة صدر...بس ياخوفي ان الشرطه تبهذل فهد وربعه ويمررون عليهم عيشتهم.. وخوفي الاكبر صراحه انهم يتهمون فهد انه ذابح سعووود... اقدااار نهاية سعود وانه صلى قبل لايموووت تحسب لك ياقلبي..وفعلا كل واحد يتمنى الخاتمه الحسنه.. الله يحسن خاتمتنا>>> جتكم العجوووز..خخخ بس والله اني صادقه محد يدري متى يومه؟؟؟ ام ناصر : طووول الجزء وهي فرحااانه.. وفعلا ياااغافلين لكم الله..خخخخخ... مسكينه.. ودي اتكلم بكل شخصيه بس تعبت من الكتابه.. بس فيه توقع لي.. وهو ان نايف بما انه مهوب ماخذ وحده من البسس..هههه.. اتوقع ياخذ منال بنت عمه .. احسها تناسبه.. ولااااا تقولين لااااا...خخخخخ.. مشكوووره على هالتحفه اللي انتي كاتبتها.. والله يسلم هاليدين اللي ابدعت عن النار.. تحياتي لك... |
تسلم الأيادي ياقمر
عماد اكثر قراءك أتفقوا على أنه يعاني من مرض عضوي قد يكون السبب في وفاته عن قريب لذلك فهو لايريد من شادن أن تعاني من بعده شادن مسكينة قطعتي قلبي على حالها في ليلة زفافها فكم من الصعب على العروس أن تكون مرفوضوة من عريسها عندي إحساس إن عماد راح يصوي فهد يتزوجها بعد موته وقد تكون سعادتها التي لم تأتي بعد مع فهد فهد حادثة موت صديقه ستقلبه 180 درجه وتجعل منه إنسان آخر قد يكره البر بسبته الجده ياعيني عليها الله يطول بعمرها |
اقــــــــــــدار كنت باقول شي في ردي بس نسيت... وقلت عااد اكتبه الحين منها ذكرته ومنها تزيد مشاركاتي..هههههههه
حبيت اقولك.. يعجبني مره مرره انتس تحطين عناوين للاجزاااء... روعه صراحه هالحركه.. ومرات تخلينا من العنوان نتوقع الحدث الاهم بالجزء... الله يعطيك العافيه.. تحياتي لك ياغاليه:Thanx:.. |
إبداع يا أقدار
صراحة قمة الإبداع ياترى البارت الجاي راح يكون حزين تكفين قدورة طلبتك لا تكون القصة نهايتها تعيسة أو حزينة كافي إن العلم الواقعي اللي حولنا مانسمع عن قصص نهايتها سعيدة الله يخليكي خلي النهاية سعيدة أقل شيء نقدر نتحكم بأحلامنا ونحلم أحلام سعيدة وتكون النهاية سعيدة قدورة لا تكتبين عن الحزن في قصتك الله يخليكي مانبغا دموع قصتك أكبر عامل جذب فيها هو عماد وشادن ركزي عليهم :friends: خلينا نشزف مين يقدر يسيطر على تفكير الثاني أسرع:YkE04454: تسلمين يابعدعمري وتسلم الأنامل الذهبية |
:flowers2::flowers2::flowers2:
البارت رائع بدايه من عنوانه ( نكهه وجع ) عنوان البارت كان مطابق تماما للاحداث اللى فيه لان الوجع والالام اللى مر بيها عماد وشادن وفهد وصلاح وساره كان هو اللى طاغى على الاحداث وخصوصا فهد وشادن فى البارت 1-فيه تغير فى شخصيه عماد اولا هو مش قاسى هوحنون ومش كده وبس ده حزين على انه كان سبب فى تعاسه شادن بالرغم من محاولات اقناع نفسه ان هى اللى اختارت كده. ومن الواضح ايضا انه بدا يعترف بوجودها واثبتت له شادن فى بعض المواقف انها ليست بالشخصيه الضعيفه المستسلمه التى كان يظنها بل انها شخصيه قويه قادره انها تواجهه واعتقد ان هناك المزيد من المواجهات بينهم خصوصا ان الاثنين يتمتعون بقوه الشخصيه 2- من ابرز ملامح البارت انك اظهرت معاناه والم شادن بطريقه رووووووووووووعه و خصوصا عندما تحاول ان تبدو قويه امام عماد وما ان تخلو بنفسها حتى ينهار حصن القوه التى تدعيه 3- مااجمل ان نجد صداقه حقيقيه بين اثنين تصل لحد الاخوه بس حرام عليكى نهيتيى حاجه حلوه بين فهد وسعود من قبل ما تبتدى ولكن الواقع يقول عندما يتعرض الانسان لصدمه قويه - ولا اعتقد ان هناك اقوى من موت من نحب -فانه يتغير 360 درجه ولكن هل للافضل ام للاسوا ؟؟ ابكيتينى وانتى بتوصفى احاسيس فهد و هو بينكر موت سعود وبيتمسك بامل انه لسه عايش برغم تاكيد عبد الرحمن له انه مات وكمان لما كان بيبكى على سعود يبكى على صاحب عمره خليله وبالاخص لما قولتى ازاى هيتخيل حياته من غيره ؟؟وازاى هيقدر يستمر فيها (((((ماقدر يتخيل ان فيه شي اسمه فهد بن ناصر بدون سعود ))))))) ولما كان عماد بيكلمه وهو فى دنيا تانيه(((((كانت الكلمات تمره وكأنها ترتطم في جدار وترجع من دون ماتأثر فيه فقد سعود مصيبة . وشلون يعيش من دونه .. هذا اللي كان يدور في خلده وذهنه ..! .)))))))))))) و صلاح ولومه لنفسه على انه السبب بموت وفقدان اخوه سعود. بصراحه كنتى روعه بوصفك لللالام والاحزان ونكهات الوجع على حد تعبيرك فى البارت ده واظن ان الجزء ده من البارت كان رهييب (((اول ماسمعه فهد اهتز وبدت دموعه تخونه . ماقدر يقول لهم ان سعود راح . رفيق طفولته وعمره . سعود اللي كبر هو وياه واقتسموا الايام بأغلب ساعاتها .. اقتسموا الضحكه والفرح والحزن والبر والسهر والكشتات والأماني والأحلام والقرارات .. سعود اللي بصم على كل لحظات فهد ببصمة يوثقها تاريخ عمر فهد الماضي .. المااااضي قبل ساعات قليله ..! سعود اللي اشترك العمر معاه راح .. انتهى وتركه .. مات وخلاه ..!))))) (((((بكى عبدالرحمن بصوت عالي وهو يسمع فهد يكلم خويه وصاحبه ورفيق عمره واقرب الناس له . والثاني قد سلم الروح من بدري وبقى في حضنه جثة هامدة .. ماقدر يتخيل ان فيه شي اسمه فهد بن ناصر بدون سعود . رفع فهد راسه بوجه شاحب وعيون فيها دموع جامده قال : انت وش فيك ياعبدالرحمن الرجال حي .. لاتفاول عليه . هز عبدالرحمن راسه ونزلت دمعه حارة على خد صلاح اللي كانت براكين الندم والقهر على رفيقه موقده بصدره .. هو السبب .. لو ماقال له يوزن السلاح ماكان صار اللي صار لوتأكد ان في البندق رصاصه كان يمديه جالس معاهم .. وصل المستشفى وراح صلاح يجري وهو يصرخ طواريء طواريء جلس فهد خالي اليدين .. وخالي التفكير .. بعد دقايق قليلة ماارهقت الدكاترة ولاتعبتهم .. تهاوى على الأرض وصلاح يجهش بالبكا .. : عظم الله اجرك يافهد .. راح سعود .. انا اللي ذبحته يافهد .. انا اللي ذبحته ))))) عارفه انى كررتها كتير بس بجد البارت رائع يااقدار بس بليز بلاش تخلينا نبكى تانى خصوصا انى خايفه ان يكون مرض عماد مميت وهو خايف يسعد شادن وبعد كده يتعسها بموته وفى النهايه ياريت مااكونش طولت عليكى وما تطوليش علينا عايزين نعرف ايه اللى ممكن يحصل بعد كده سلام |
’,يعطيك العافيـه اقداار,’
,,بـس عمـاد يقـهر ودي اذبحـه<<مادرى عنـك ’’وفـهد رحمــتـه .مسكـين متأثر بوفات صديقه انا اقول طلعت البر هاذي وراهـا بــلـى ’’شــادن ياعمري عليـها الشقا ملاحقهـا..يازوج امها يازوجـها ياخالهـا ولانــوف والحين طلعت عـذبه الله يستر منـهـا والجـده ..حبيتـها مرره ومحليـه القصـه زياده ..وشهووده بعد خطـيـرهـ وساره احس خالد مو مخليها في حالهـا ناوي لها مصيـبـه.. :::ســـــــريــــــــبــــــــه:: |
عزيزتي اقدار الله ايخليج اذا كان في نيتك عماد ايموت ابد لسويه والله حرام ولو الطيبين ما الهم نصيب في هذه الدنيا بس عفية لتسويها ولو تدرين اليوم يلة انتبهت على العنوان ملامح الحزن العتيق ارجو ان يكون العتيق يعني عن حزن كان في الماضي والحاضر نرجو ان لايكون محزن,بصراحة دائما تترد كلمات الواقع مو مثل القصص دائما نهايات سعيدة منو كال الواقع نهايات كلها حزينة الحياة اذانظرنا لها نظرة متفائلة فهي سعيدة والمتشائم دائما حزين ,فمثلا في قصتك نوف المتشائمة ولي قومت الدنيا على عماد وهو حب من طرف واحد وسارة صديقة شادن التي احبت زوجها بدات تتاقلم مع الوضع وتنسى ذلك الحب لانه حب مدمر هتاين الشخصتين هما الحياة من منظورين ,عزيزتي اقدار لا اريد ان اتدخل في قراراتك ولكن تريثي قبل ان تكون النهاية حزينة وشكرا
|
السلام عليكم
عماد : مع كل جزء يزيد الغموض لة مرة وصلت انة فية عجز وذالحين مرض عضوي وبعدين لية يبي يشد من البداية في المعاملة معها لية مايبيها تتعود علية بعدين وش اللي جنتة على نفسها ؟؟؟؟؟؟؟ اهو من المعاملة والا من السر اللي مخبية ؟؟؟؟؟؟؟؟ شادن عروس مع وقف التنفيذ اكرة ماعلى المرة ان زوجها يهتم ويراعي الكل الا هي ( الله يعينها ويعطيها صبر ) فهد الله يعينة صعب انك تفقد صديق عزيز عليك واخو دنيا الله يصبرة ويعظم اجرة يالله راح ننتظرك في الجزء الجديد |
السلام عليكم..انا ماقريت القصه من البدايه قلت يالله خلها تمشي شوي بالاجزاء عاد اول امس كنت توني راجعه من الكليه وكنت حدي طفشانه كان ادخل المنتدى اشيك وقلت حق نفسي يالله بس خلني اقرا القصه ..اقداااااااار شنو هذا شي مو طبيعي القصه تهبل حدها فضيعه مشالله عليك جبتي الاشياء الي فعلا تصير بواقعنا انا مااقدر اكتب اكثر من كذا القصه عاجبتي بكل مافيها وانا بصراحه كل دقيقه وشيكت على المنتدى اشوف اذا نزل جزء جديدبس يالله ننتظر والله صج صج القصه حلوه والله مو مجامله والله يوفقج يااااااااااارب ويوفق الجميع ..مع السلامه
|
صباح الخير يا قدوره
وينك ترى احترقت وانما انتظر البارت جد والله قصة ولا اروع كل يوم ادخل المنتدى مرتين وادورها في المنتديات ولقيتها في منتدى اسمه الم الامارات قلت يمكن منزله هناك بارت زياده <<<خخخخخ مستعجلة الاخت طلبتك لا تطولين ننتظرك جد قصصك واسلوبك له جاذبيه غريبه بس انا ادعي من الله ان عماد ما يكون فيه مرض كايد ويهدم حياة شادن من غير ذنب له ولا لها الله يستر ويجيب العواقب سليمه ننتظر الجاي بدون ملل بل بشوق للاحداث الحماسيةالي جاية واتمنى ما تكون القصة قصيره |
مساء الخير على الجميع ...شخباركم http://www.alamuae.com/up/Folder-011...81697040a9.gif
عماد يعجبني مرة احب القصص اللي فيها اكشنات وصعوبات من اول الحياة ههههههههههه احسها بعدين تصير ممتعة بس يا ويلك يا سواد ليلك وهذا انا احذرك من التهور يا قدورة واناملك تتجاوز حدها وتكتبين اللي ما يسر عنه البارت الجاي _ حليله ما يستاهل ) :Taj52: وشادن بعد لازم تفكر زين كيف تكسبه وتوريه انها قادرة عليه وعلى عشرة مثله ( انثى ) وفهد مسكين الله يكون بعونه الموقف صعب عليه بس احسه بيتغير وايد بعد موتةربيعه .. الجدة عسسسسسسسسسسسسسسسسل كثري من شخصياتها خخخخ http://www.alamuae.com/up/Folder-011...a42c5a67f4.gif خالد خليه يموت ويفك البنت من شره مشاري تعجبني حميته لاخته (فنان والله) والباقيين ما عليهم كلام انتي بس اهتمي بمحور القصة ودفتها ( عصافيرنا عماد وشادن ) اخيرا البارت ننتظره لا تطولين ياالغلا |
:dancingmonkeyff8:الحمددددددلله عالسلامة....يا انا اكلت لي فجعة معتبرة البارحة..ادور القسم يمين يسار مافيش احد.... كيف بتابع القصة :52:؟؟؟؟ ... رحت ل الم الامارات بس بصراحة ما حسيت بالراحة زي هنا... قلت اليوم بجرب علا وعسى... والحمدلله زال الخطر:f63:... نجي ذحين للقصة....بصراحة اقدار هالمرة ضيقتي الخاطر:asd:....طيب خليه متزوج وحدة ثانية او يحب وحده وماكانت من نصيبه او يخاف يفقد حبيبه زي امه او ..او.. اي شي بس مو مريض واحتمااال يموت...هاذا بطل القصة كيف بتموتينه:8Pp04714:..... صح لسة ما مات بس نحذرك من ذحين :ekS05142: كفايه فهد هالمسكين....ما في شي يكسر الواحد قد انه يفقد عزيز عليه وهو لسه فعز شبابه...تغير الدنيا فوجهه 180 درجة..لولا الايمان بالله كان الواحد منا لحق خويه.... شادن الله يعينك على بلواك..بس ماعليه ..على قد المر بيجي الحلو ان شا لله.... هاذا ان عاش البطل ...صح اقدار؟:YkE04454: سارة ... اقطعي عرق وسيحي دمه ..هالادمي ماينفعك خلاااااص.... منيرة...اعجبتني روحها السمحة مع شادن....ماقالت بحقد عليها لانه تركها واخذ شادن....بالعكس جاتها والبسمة قدامها....يمكن لان الله عوضها بغيره. جدتي ..الله يرحمها....بجد كأني اتخيلها مكانها من كثر مافي تشابه بينهم... حرصها على عيال عيالها خلاها تتحكم فيهم... بس هاذا هم العجايز:Uf704404:.... بس وجودهم فالبيت يخلي له ثقل ورزة وامان غريب...محد يقدر يسوي زيه.. .....:flowers2::flowers2: .. نستناك فالبارت الجاي... الله يرعاك لاهلك يارب..:flowers2::flowers2: |
http://www.alamuae.com/up/Folder-008...39_8765432.gif http://www.3z.cc/sml/3/47.gifأقـــــــــــــــدارhttp://www.3z.cc/sml/3/47.gif كمـ اسعدتنا بما خطه قلمكـ المميز من احداث و مواقف شيقة و بــكــل الحــب وإلاحــتــرام وشــوق كنا ننتظر ونــنــتــظــر الإبــداع مــع نــســمــات الــلــيــل وســكــونــه لــتــصــل هــمــســات قــلــمــكـ إلــى قــلــوبــنــا وعــقــولــنــا و نــنــتــظــر بــوح قــلــمــكـ المبدع http://www.3z.cc/sml/3/47.gif وبهذا استحقيتي كل الشكر و تقدير وتميز و تثبيت http://www.3z.cc/sml/3/47.gif و الف الف الف الف الف مبــــــــــــــــــرووكـ http://www.3z.cc/sml/3/47.gif و دوومـ مبدعه و متميزهـ باذن الله العالي القدير لاعدمناكـ يارب ^_^ http://www.alamuae.com/up/Folder-008...5_87654932.gif |
كل اللي باركوا التميز كان بودي والله الرد على تهانـيـكـم ومباركتكم فرداً فردا .. لكن كثرة الردود على احداث الرواية تضيق وقتي .. بارك الله فيكم وكتب لكم حياة هانئة وسعيدة ماكنت مميزة الا بكم انتم حبايبي اعضاء ليلاس .. :c8T05285: وبوجودي هنا في منتدى ليلاس ( المنتدى الأحب الى قلبي ) كل الود والأمنيات الجميلة لمن مر على الملامح وهنأ .. لمن بارك وتمنى لي التوفيق لمن ادلى بشهادة هي بالتأكيد وسام فخرٌ لي وللإدارة على راس الغالية جداً بحر الندى .. :c8T05285: عسى ان اكون جديرة بهذا التشريف .. وان اكون عند حسن ظنونكم بي ممتنة للجميع محبتي ومودتي لكم :c8T05285: |
اقتباس:
حياك الله اختي ام المهند .. سلم الله قلبك وعمرك . تعليقك المختصر الجميل يغني عن الاسهاب فعلاً حزن وامل بإذن الله شكلك خلاص عرفتي سر عماد :YkE04454: تابعي بقية الاحداث يالغلا ياعساني ماافقدك اسعدك ربي وكتب لك من عنده توافيق ممتنة لهذا الحضور |
اقتباس:
حياك الرحمن وعسى دمعتك ماتنزل على غالي .. شوفي ياقلبي انا والله اني اقوى منكم اكره سيرة الموت والحزن والدموع .. بس وش نسوي هذي الدنيا وهذا واقعنا وتراني رأفت فيكم .. لأني ماعرفتكم على سعود ولاكتبت عنه شي الا انه صديق فهد .. يعني المفروض تشكروني اني ماعلقتكم فيه وخليته يموت .. موشرط اللي صار لسعود بسبب عدم رضا ابوه هذا قدر ومكتوب واجل سعود حتى لو فهد كان شايل اهله على كفوف الراحه لكن اللي حبيت اوصله ان ممكن الشخص المستهتر وكل حياته لامبالاه يمر بظرف قد تكون سبب صحوته او ضياعه .. شادن انكسرت فرحتها وتحولت لدموع وحزن الأيام بتكشف لها ولكم كل الحقائق فقط تابعوا وانا ممتنه سلمتي يابنت على التواجد والرد الرائع والحضور الجميل ياعساني ماافقدك ولا اخلا منك |
اقتباس:
هلا وغلا اختي sanouu العفو ياقلبي .. وعساك سالمة على هالكلام .. الحمد لله ان البارت نال اعجابك وماخيبت املك وانتظارك .. اتمنى اكون انا والملامح على قدر اخلاص ومتابعتك وتكونين راضية عن بقية الأحداث سلمتي يالغلا لاعدمتك |
مراحب أقدار أولا مبروك التميز و فعلا تستهلي يالغالية ثانيا شوي كلمة مذهل على البارت بصراحة شي خطير قدرتي عزيزتي توصلي احاسيس فهد بطريقة أستطعت أن تمس قلوبنا......... وفعلا حزن فقد صديق الطفولة يعتبر فوق الوصف عماد وسر المرض كنت متوقعه عقدة من الصغر بس مرض ما كنت مفكرها ...........أهم شي يتشاف عشان خاطر المسكينة شادن عموما مشكورة يالغالية |
اقتباس:
angel911 ياعمري انتي حسيتك مرة مرة متأثرة هذي الدنيا ياقلبي ماتخلي احد على حاله . ومثل ماتجمع تفرق .. فهد بتتغير حياته اكيد بس تابعي الى اي اتجاه راح تتغير .. ههههههههههههههههههههههههههههه ياحبيبة قلبي مالك الا اللي يسرك ان شاء الله حتى لو فيه حزن فأنا اكتب واقع حتى لو فيه مرض فالمرض موجود بالناس حتى لو عماد مات فهذا شي طبيعي لأن الناس الطيبة تموت المهم انتي تابعي واتمنى ترضين عن البقية .. سلمتي لاختك وياجعلني مااخلا منك ومن هالتواجد اللي يسعدني مودتي |
اقتباس:
عليكم السلام ورحمة الله ملايين الهلا والغلا ياclassicoofou عماد وشادن .. حياتهمها تحتاج لشيءٌ الانتظار والتروي .. عماد رافض وشادن مجروحه .. والأسباب ستتضح بإذن الله في القريب .. فهد مثل ماذكرت قبل .. اكيد راح يتغير .. ..! سارة .. فعلاً كما ذكرتي .. هي اصبحت تخشى كلمة مطلقة لكنها تفضلها على العيش مع خالد الذي هدم كل احلامها بهِ ..! الجده .. حققت الحلم لكن هل سترى النتائج ويكتمل الفرح ... تابعي يالغاليه وسترين ..!!! انتي مبدعه بالوصف ماشاء الله كل كلمة قلتيها كانت وافيه وكافية .. فقط اقول تابعي وانا كلي فخر وسعادة بهكذا حضور ..! سلمتي لي ..! دمتي بود |
اقتباس:
عذبة الحضور وحلوة اللسان والقول ..! اهلاً بك عدد كل حرفٍ كُتِبَ هنا في الملامح سواءٌ بيدي ام بيد المحبين للملامح ..! حضوركِ يغرقني بالفرح والخجل ويهيم بي في العلياء فخراً ..! انا ايضاً احب شخصيتي عماد وشادن اكثر من البقية .. يبدو اننا متفقتان وهذا شرفٌ آخر الحقه بشرف حضوركِ هنا ..!! توقعاتك لفهد واقعية .. لكني لن اوضح لكِ مدى صحتها من عدمه .. فقط تابعي يارقيقة .. اما توقعك لعماد والدواء .. ممممم ايضاً سأقول تابعي حتى لاأحرق الأحداث فيخف بذلك حماس المتابعين اسعدك الله قلبك ياعذبة ورزقك رضاه في الدارين وكتب لكِ بكل خطوة توفيقاً ونجاح حضورٍ كهذا يستحق ان احتفي به والله .. الم اقل لكِ بأن اسمكِ شهي في فمي اردده بلذة . . .. بخصوص تهنئتك انساب والله حديثك العذب الرقيق الى داخل قلبي كماءٍ رقراق على عشب اخضر .. الكلام امامك ياعذبة يضيع احمد الله كثيراً ان منَّ عليَّ بكِ .. وبمن قرأ لي وشحعني فكان هو اساس تميز الملامح ..! جنائن ياسمين وكادي لهذا الحضور المميز اختك |
اقتباس:
عليكم السلام ورحمة الله وبركاته ارادة هلا بك يالغاليه على قولتك يالغلا .. الحياة مثل مافيها فرح وضحك فيها حزن ودموع ..!! اتمنى اني مااخيبك ياارادة ... تابعيني وفالك طيب .. سلمتي لي على الحضور يالغلا |
اقتباس:
ام عمرو .. حياك الله يالغاليه وعسى دمعتك ماتنزل على غالي شادن بعذرها .. وفعلاً انكسرت فرحتها بأحلى يوم بالنسبة للبنت ..! عماد .. ممممممممممم تابعي وبتعرفين اش فيه بالضبط وانا ممتنه وشاكرة لك يالغلا فهد .. الفراق له وجع والحزن لابد منه في موقف مثل هذا .. عسى ايامك كلها افراح وماللحزن عندك محل .. هههههههههههههههههههههه الحين طلعت شريرة عشان كنت انبهك :YkE04454: اجل انتبهي لاتوقعي في يد زارا تراها قوية وتطخ بالفرفر :YkE04454: يسعدك ربي ياام عمرو .. حضورك بجد يسعدني وكلامك عسل ياعسل والصعايده ناس كلهم شهامه وجدعنه .. :YkE04454: مودتي وامتناني |
اقتباس:
هلا بك جوري حياك الله يالغلا الروعه هالطلة الحلوة .. :YkE04454: ان شاء الله مايصير خاطرك الا طيب تسلمين ياجوري على الحضور الطيب لاخلا ولاعدم يالغاليه |
اقتباس:
هلا بك مذهلة حياك الله يالغاليه .. سلمتي على الحضور والكلام الحلو .. اكيد خدش انوثة المرأة شي محزن .. وخاصة في ليلة الفرح .. اتمنى تكون توقعاتك لسارة مصيبه . .. تابعي وتأكدي عساني مااخلا .. يابعد قلبي يامذهله عساك سالمة على كلامك واطراءك ويارب يارب تكون الأحداث القادمه على قدر انتظاركم شكري بلاحدوود |
اقتباس:
صباح الرضا ومساء العوافي لأحلى شموسة الحمد لله انه نال اعجابك بعد كل هالانتظار يالغاليه .. بجد يااحلى شمس رسايلك ووجودك معاي هنا وفي المنتدى الثاني يعني لي الكثير ويحملني مسؤولية اكبر .. فهد تغير صحيح بس هو للأحسن ام للأسوأ ..؟؟ تابعي وان شاءالله تعجبك بقية الاحداث ..!!! تابعوا وبتعرفون عماد اكثر افكاره سبب عزوفه عن الزواج هل هو فعلاً مريض ..؟ ووش مرضه اذا هو فعلاً كذلك.. المهم لاتيأسون ولاتملون هذا رجاي ومنوتي ..!! سارة وتغيرات كثيرة في حياتها ومشاري الأخ الثقه هذا اللي اقدر اقوله عنه .. تابعوا احداثهم ولي كل الفخر والشرف .. ياعمري يااحلى شمس .. شوفي انا اقدر اقول لكم خلاص يوم كذا من كل اسبوع بتلاقون البارت بس بصراحه اخاف اخلف وعدي وانا اكره شي عندي بالدنيا اني اوعد واخلف .لأني مااضمن وضعي وظروفي . هذا اولاً .. ثانياً : ماتدرين يمكن تلاقيني رايقه وانزل الجزء بعد ثلاثه ايام من الجزء اللي قبله .واخربطكم ... يعني سالفة وعد بيوم محدد اعذروني جعلني مااخلا .. مشكورة ياقلبي على حضورك الرائع وكلامك المشجع .. ووجودك معاي .. سامحيني يالغلا اذا تسببت لك بهواش وطق .. ماتستاهلين والله .. عاد اختك عجازة وزولة مثلم اقلت لكم .. تحملوني .. :YkE04454: واذا على امك .. سلمي على راسها عني .. وقولي لها تجي تقرأ معانا .. يمكن تجوز لها الحياة في القرية .. ربي يسعدك ولايحرمني منك |
لي عودة للردود على بقية حبايبي
مودتي للجميع |
الله يعطيك العافية على القصة الحلوة بس والله حرام قعدت اصيح علشان سعود وفهد حرام تفرقين بينهم بالموت بس ها لا تخربين بين عماد وشادن
وتسلم الانامل الحلوة اللي تسعد قلبي و تعيشني بعالم الاحلام وتقبلي مروري اختك نفرتيتي 2007 |
[QUOTE=اقدار;1099508]
خخخخخخخخخخخخخخخخخخخ اما جليع افكار ... قصدي عليج افكار :YkE04454: انا اتحدى اي شخص قرى اسمك عرف معناه قبل لاتقولينه :YkE04454: بس الحين صرنا على بينه وهدى لمن نقول جليع .. :YkE04454: تابعي الجزء اليوم عساه ينال اعجابك ورضاك مودتي [/Q لووووووووووووووووووووووووووووووووووووووووولز يا حليلج والله .. تصدقين اكتشفت اني احبج جذي لله في الله :friends: حبيبتي بقولج شي .. اليومين اللي طافوا قريت فيهم مهلا يا قدر .. ياربي تجننننننننننننننننننننننننننننننننننننننن شقول شخلي .. اروح انام افكر فيهم .. اقووم واروح اقرى البارتات اللي بقوا لي لما خلصتها بس فعلا روعة .. ويدل على انج مبدعة .. سلمت اناملك الذهبية ... ارجع لمللامح الحزن العتيق .. واااااي على عماد عليه حركات لابس لبس مغربي واااو كاني اشوفه جدام عيني .. وشادن ووواااي مسكينه احنا البنات نحب ازواجنا حتى قبل لا نعرف اطباعههم وااا عليه علينا ... <<< ترى انا مو متزوجة لوووول بس حاطة نفسي معاهم وفهد فعلا مسكين واااي عسى ربي ما ياخذ منكم صديق مثل ما اخذ مني ومن فهد :( وعماد اتوقع خلاص بان من الحبوب انه مريض بالقلب .. يا قلبي ان شاء الله المرض مو وراثي ..!! شهالغباء اللي فيني يعني ماخذه من امه شلون مو وراثي << ما عليش ساعات امنياتي صعبة .. حبيبتي تدرين اني احب السعودية بس الحين حبيتها اكثر .. وتدرين اني صرت هندية لاني تكلمت وايد لووووولز باي حبيبتي وننتظر البارت على احر من الجمر .. |
اقتباس:
|
اقتباس:
حبيبة قلبي والغالية جداً كويت انجل مرحبا ملايين ولايكفون والله الله يسلم قلبك ويسعدك على التواصل والتعليق اللي بصمة التميز دايماً عنوانه لأنه لك انتي ..! عجبني كلامك عن عماد وانتي تقولين تتساقط حصونه المنيعه واحد ورى الثاني بجد جملة معبرة ماشاء الله عليك متميزة في انتقاء التعبيرات المناسبة .. شادن توقعك عنها قوي .. هي من يوم الصباحية وهي تتظاهر بأنها زوجة عادية ..! بس هل بتستمر ولا تتغير ولا ... تابعي واكتشفي ..! ادوية عماد ..! يمكن شادن تكتشفها ويمكن تكون الأدوية شي طبيعي في حياة اغلب الناس وماتلفت نظرها حتى تحاول البحث والاكتشاف ..!! سعود .. صديق العمر وصدمة فهد اللي راح تغير مسار حياته .. تابعي وفالك طيب يالغلا ..!!! سارة تجردت من المشاعر وتسلحت بالعقل بقرارها وحكمها .. ايضاً تابعي ماذا سيحل بسارة وكلي امل ان تنال الأحداث الباقية اعجابك ليت الشكر يفيك ياملاك الغلا .. كان اشكرك من هنا للأبد ..! حضورك معي محل امتناني ووجودك هنا محل فخري والله واعتز كثيراً ان مثلك يقرأ لي جمعني الله واياك ومن يحضر هنا في ظله يوم لاظل الا ظله .. ورزقنا واياك الأجر والثواب وحسن الطاعه والعمل الصالح |
اقتباس:
انتي اللي مشكورة على الحضور المختلف بكل شي تعليق متعمق وكلام متعقل وتوقعات مجنونة .. وثناء واطراء وصلني للنجوم بصراحه .. الله يهنيك بحياتك ياريما ويحقق لك جميع امنياتك ويوفقك بكل خطواتك .. |
اقتباس:
هلا بك ياانا ..! منورة يالغلا يمكن اللي اتفقوا عليه القراء صح ويمكن يكون مجرد توقعات :YkE04454: بصراحة تفاجأت بتوقعك كثييير ماراح اقول لك هو صح ولا مو صح تابعي واكتشفي .. فهد اكيد راح يتغير تابعي وانا ممتنه لهذا التواصل الجميل ياعساني مااخلا دمتي بود |
اقتباس:
ريوما ياقلبي حياك الله بأي وقت وأي مكان ..! تسلمين لي يالغاليه على هالاطراء .. والحمد لله ان العناوين نالت اعجابك ... هذا بحد ذاته يسعدني ويفرحني .. عساك سالمة لاختك وعافاك ربي من الشرور وهـ بس ياحبي لك يازارا انتي وكلامك :c8T05285::c8T05285: |
اقتباس:
هلا وغلا بالأميرة .. الله لايجيب الحزن يالغلا ان شاء الله ان شاء الله ماتشوفين الا اللي يسرك انا بصراحه مااقدر اوعدك بشي بس اتمنى ان الحزن يكون مجرد ملامح في حياة ابطالنا حتى ماتزعلون وتتكدر خواطركم شكلك حساسه ورومنسية كثيير وذكرتيني برسالة وحده من الأخوات كلامها كثيير يشبه كلامك .. لدرجة اني شكيت انها انتي .. عموماً يالغلا .. اتمنى تكونين راضية عن البقيه وياجعلني ما افقد هالتواصل الجميل سلمتي لاختك |
اقتباس:
waxengir ياهلا وغلا ومية مرحبا فيك .. بعد عمري والله تعليقك جداً رائع عماد كما ذكرتي تماماً الشعور بالألم والاحساس بظلم الآخرين بغير عنوة وقصد مؤذٍ جدا .. فهد وسعود .. علاقة واقعية جداً وفراقهم واقعي جداً وهذي هي الحياة ..! الحمد لله ان الاحساس وصل لك وتخيلتي الصورة هذا بحد ذاته يفرحني .. واني اقدر أأثر في القاريء نقطة اعتبرها تضاف لجماليات الرواية .. الحمد لله ملايين المرات يالغاليه انك اعجبتي بالبارت وأحساسيه رغم انها تعسية وحزينه .. وسلمتي لي على الحضور والاختيار لبعض الفقرات التي اعجبتك .. اعتبرك من ضمن القارئات الجيدات المنتمون للملامح عساني ماافقد هالتواجد والحضور دمتي لاختك |
يا هلا والله قدوره تعرفين انا اعرف وقت اللي تدخلين فيه النت
من 2 وطالع انا اكون موجوده معك نفس توقيتي بس حبيت اسم عليك تراي رديت عليك في منتدى الم مافيني انسخ كسوله |
اقتباس:
هلا وغلا بك ياسريبه .. الله يعافي قلبك يالغاليه .. وزين انك حضرتي ورديتي ياعساني مااخلا .. عماد ليه تذبحينه .. مو يمكن تعذرينه بعدين ..؟ فهد محد يلومه يالغلا عساك ماتفقدين غالي .. ابشرك عذبة ذي ماراح تسوي لشادن شي .. وان شاء الله ربي يسهل امروها <<< تطمنكم .. :YkE04454: زين الجده وشهد اعجبوك عقبال البقية يارب سارة .. ممممم تابعي احداثها ولي الشرف يالغلا سلمتي على هالحضور ياسريبه ... ودي وامتناني |
اقتباس:
هلا وغلا بأم المهند تم يالغلا ومالك الا من يرضيك .. لاايدز ولاسرطان .. آمري بعد .. :smile: بس لاتقولون وشو .. انتظروا للأحداث تعرفون وش فيه بالضبط وهل هو فعلاً مريض ..؟؟؟ ;) ابشري ماراح اطول ان شاء الله بس خليني اخلص من الردود .. الله لايحرمني منك ومن حضورك اللي بجد بجد يسعدني .. لاخلا ولاعدم |
اقتباس:
ارادة ياقلبي الله لايجيب الحزن ان شاء الله ماتشوفين الا اللي يسرك مااقدر اقول غير كذا وترى الدنيا مثل مافيها فرح فيها حزن ومثل مافيها ولادة ولقاء فيها موت وفراق يعني اذا شفتوا ملامح حزن كثيرة في الرواية لاتزعلون بليز هذي الدنيا وانا اكتب واقع وللمرة الثانية اقول ان شاء الله ماتشوفين الا اللي يسرك دمتي بود |
اقتباس:
عليكم السلام ورحمة الله هلا بك دموع يالغلا ياقلبي اللي جنته على نفسها بنظر عماد هي موافقتها ليه وكلامها له في المستشفى لمن قالت نتزوج عشان جدتي ولازم توافق :YkE04454: عماد للحين ماشفتوا معاملته لها .. تابعوا وكلي امتنان فهد الله يجبر مصيبته ومصيبة من فقد غالي بعد عمري انتي يادموع يارب يكون الجزء القادم على قدر انتظارك مودتي وامتناني |
اقتباس:
عليكم السلام ورحمة الله وبركاته حياك الله يالغاليه زين انك دخلتي اتشرف والله بوجودك يالغلا يسعدك ربي وان شاء الله تقرين مهلا ياقدر وتعجبك عاد اغلب اللي يتابعوم ملامح قرأوا مهلاً ياقدر .. :YkE04454: منورة والله يالشيخه ووجودك والله اسعدني ياعساني مااخلا |
لي عودة أخرى بإذن الله للرد على حبايبي الباقين
والبارت انتظروا عليه يومين فقط .. واللي يقولون طولتي تراني يوم السبت نزلته يعني لسه ماجاله خمسه ايام .. ومع هذا ماراح اطول عليكم يالغاااالين |
السلام عليكم..افا بس شلون ماقريتها الا قريتها مشالله كثير حلوه بس هذي اعجبتني اكثرمو انقص من حق الاولى بس هذي مادري حسيتها احلا ويمكن بعد مهلا ياقدر قريتها قبل ماكنت ارد بس كنت مسجله اشوف القصه على قولتهم من وراء الكواليس اما هذي لاني متواصله معاج فيها موفقه يارب..مع السلامه
|
[CENTER]السلام عليكم [/CENTER]
اقدار كلمة مبــــببببببــــــــــــــــــدددددعة قليلة في حقك، و انا اول مرة اشارك في ارد على قصة بنسبة لعماد شخصة مرة عجبتني و اموت و اعرف سرة و اعتقد المرض لي عندة ميمنعة من الزواج و لكنة لايرد ان يعذب انسانة مع و اعتقد يكون عندة فشل كلي يمكن ؟؟؟؟ شادن اتوقع انة الا اكيد حبتة و راح يجر لها هذا الحب مزيد من العذاب و الالم مع اكتشافها مرض عماد بليس يا اقدار لاطولين علين في البارت :Thanx: |
السلام عليكم ورحمة الله وبركاته
اليوم حسمت امري وتمردت على ترددي وخوفي من الكتابه((((((((((عينك عينك لاطشه اول سطر من الكاتبه)))))بعد ان كنت اكتفي بالقراءة كاتبتنا الرائعه أقداراتمنى ان تقبلي انضمامي لكم وان احجز لي مكان مع المتابعين لقصتك الرائعه ماشاء الله عليكي قصة رائعه فيها وصف دقيق لحياة الابطال وكأني اشاهدهم على التلفاز حتى انني رأيت نفسي في بعض المشاهد التي ذكرتيها في قصتك وهذا ماجعلني اسجل في المنتدى لقد قرات رائعتك الاولى وكانت اكثرمن رائعه فلا شك عندي ان ابنتك الثانيه ستكون مثلها بل اروع انشاء الله .............ابدعتي وسلمت يداك والى الامام وتحياتي الى كل متابعينك صمت الشوق وزارا الرهيبه ذات اللهجه الاصيله وراح أكون منافسه لك عالابطال ومشرفتنا الجميله والنشيطه بحر الندى وجوريه حمراء وزهرة الايام والى جميع المتابعين ارجو ان تقبلوني متابعه معكم وتقبلو مروري...........بحر الغموض |
سلام عليكم قدورتتتتتتتتتتتتتتتتتتي شخبارج
ادري انا تاخرررررررررررررررررررررت ومبركتلج ب شاسوي تعرفين قلق وهم الدراسه فمقدر ادخل النت واااااااايد بس جد فرحت لج من قلبي لان وضع الشخص والقصه المناسبه في المكان المناسب فالف الف مبروك عسى انشااااااااااااااااااااء الله نشوف لك كتب منشور في المكاتب وطبعا انا اول وحده اتوقعين لها على اكتابها والتوقيع خططططططططططططططططير ماك الغلاف يا احلى كاتبه وسلمتي لنا |
ام كايد
ياكل الغلا ماراح اطول وابشروا باللي تبون بكرة انتظروا مني بارت عساه بس يعجبكم ولاتحاولون تدورون في اي منتدى تكملة الأحداث لأني ماابدي على ليلاس احد واذا نزلت جزء في الم انزله على طول في ليلاس .. سانووو يااهلين والله اجل تبيني انزلها مرة وحده :YkE04454: شكلك طماعه بزووود :tongue: لكن تستاهلين من ينزل لك بارت طويل ان شاء الله .. انتظروا عليّ بس بكرة بالكثير يالغاليه رين اسلام منووورة يالغلا انتظري التكملة يالغاليه وانا بنتظر التعليق على احر من الجمر :tongue: |
اقتباس:
ياهلا وغلا بالفنودية حياك الله يالغلا هههههههههههههههههههههههههه وش اسوي اذا الاحداث كذا ويمكن ماتعجبك بعضها .. شادن تعجبك .. فهد تابعي وش يصير عليه .. يابعد عمري ابشري بتشوفين اكشنات واحداث بين عماد وشادن ولايهمك يالغلا سلمتي لي على هالحضور ياعساني مااخلا مودتي وامتناني |
اقتباس:
ياهلا وغلا باهل المدينة الطيبين وحبايب قلبي الغالين :smile: حيا الله نفحة عطر العزيزة .. ابشرك ليلاس بخير والحمد لله .. وان شاء الله آخر الهفوات او الكبوات :smile: انا قلت عنك قوية يانفحه ماقلت قاسية .. :IuL04800: على طول فكرتي بموته لااله الا الله .. اصبري ياقلبي لاتستعجلين الاحداث ان كان ربي كاتب له عمر بتشوفونه حي يرزق في النهاية واذا مو كاتب له عاد وش اسوي ها وش رايك فيني طمنتك :YkE04454: <<< تحس انك بتكفخينها :YkE04454::YkE04454::YkE04454: فهد على قولتك فقد العزيز كسر .. وفهد انكسر بفقد سعود .. الله يجعلك ماتفقدين غالي يانفحه قولي آمين .. يمكن صح ياقلبي كل اللي قلتيه عن شادن .. تابعي انتي واكتشفي وش بيصير لشادن .. منيرة ..! والله اعجبني كلامك عنها تدرين ممكن في مجتمعنا شريرات وحريم ينتقمون بس القصص شوهت صور كثيرة البطله لازم يصير لها عدوة وتغار وشريرة وانا اعترف اني كتبت في مهلاً ياقدر عن هالصورة وندمت عليها .. بس هنا منيرة وعذبة شخصيات ثانوية مرت مرور كرام مثل ايو وحده يخطبونها الاهل لولدهم ومايصير نصيب .. موشرط كل شخصية لازم يكون دورها قوي انا والله احترت من وحده من الأخوات تقول لي مومعقول يكون ذكر الشخصية الفلانية ولا ورود الحدث الفلاني عبث اكيد بترجعين له ويكون له اساسي وانا جداً احترم رايها بس برضوا انا اكتب واقع واحداث بعضها امر عليها وتروح وبعضها اكثف ذكرها وتكون هي الرئيسية الله يرحم جدتك ويسعدك انتي ويرزقك بعيال بارين واحفاد تقرين عينك فيهم قريبا :YkE04454: دققي على قريباً :YkE04454: سلمتي لي يانفحه بجد ردودك دايما متعقله وتدل على انك واعيه وفاهمه وماتتهورين ولو انك قوية بس مايمنع انك عاقلة مودتي وامتناني لك ياغاليه |
اقتباس:
بحر الندى الغاااالية جداً وحبيبة قلبي اسعدني والله وجودك هنا في الملامح ثم شرفٌ لي ان انال التميز في ليلاس الغالي انا مميزةٌ بليلاس وأعضاؤه والملامح ترتقي بكم انتم ادارة ليلاس ومتابعيها شكراً لحروفك الرقيقه التي نثرتِها هنا وشكراً لاختياركم لي انا وملامحي العتيقة للحزن عسى ان اكون بعيونكم دائماً مميزة وعسى ان انال الرضا بكل حرفٍ اضعه هنا في ليلاس مودتي وامتناني لحضورك يابحر الطيبة والندى |
اقتباس:
reem99sh الله يبارك فيك ويسعدك حبيبة قلبي والله المذهل هو هالتواجد والحضور الطيب لامثالك ياعساني مااخلا الحزن محد يقدر يوصفه لأن الحزن مختلف باختلاف الحدث وفقد فهد لسعود الأخ الروحي له اكيد حادثة هائلة ومحزنه الحمد لله اني وصلت لكم الاحساس هذا اعتبره نقطة تحسب لي عمااد ممم تابعي واكتشفي وش يصير عليه عساك سالمة لاختك وياجعلني ماافقدك مودتي وامتناني |
اقتباس:
واذا على الابطال هذا الميدان يااا حميدااان...خخخخخ طبي وتخيري.. انا انصحتس بابو سعد سواق النقل اللي كان يودي شادن للمدرسه.. ترى اضمن لتس انتس ماراح تلقين عليه اي منااافسه...ههههههههههههه والا اذا اخترتي واحد له جماهير والله لا يسودن عيشتس قليلات الحياا....هههههه بس طبعااا فهد خاااارج القائمه.. يوووووه ذكرت انه ضايق صدره على سعووود... يااااجعل العدوان فدوتن له... وهــ بس..يهبل.. |
اقتباس:
ياهلا وغلا بنفرتيتي الله يعافي قلبك ويسعدك على هالحضور الجميل ياجعل دمعتك ماتنزل على غالي .. بعد عمري انتي يسعدك ربي ويخليك ياعسى واقعك اجمل من الأحلام وحياتك ورديه وحالمة عساك سالمة يالغلا |
اقتباس:
ياهلا بكاتبتنا الرائعه اسومه حياك الله يالغلا وعسى جهازك يتصلح ويتسنع ونشوف لك بارت جديد يشبع فضولنا شوفي انا ماني شرهانة عليتس خاصة ان جهازتس خربان ومعذوره وحالتس حالة لكن ياقلبي يابعد عمري متى تركتكم اسبوع وطنشتكم :confused: ترى آخر بارت نزل يوم السبت اللي راح وماجا دوره للحين وانتي كاتبة الرد يمكن بعد بثلاثه ايام :IuL04800: اذا ماقريتيه ارجعي اقريه وكلي امتنان يالغاليه :smile: وماعلى جهازك شر سلمتي لي على التواجد رغم ظروفك ياعساني مااخلا |
اقتباس:
حياك الله ياظماي عرفتك يالغلا اجل انتي مريفه :IuL04800: وانا اقول البنات وشفيهم على الاسماء القديمه اثريه انتي يابعد عمري ردك هنا ولا هناك كله واحد المهم اشوفك بالملامح ووجودك الحين يسعدني ياعساني مااخلا |
قصة بدايتها قوية وباين انه فيها احداث كثيرة وجديدة وخصوصا انها ورتنا حياة جديدة وهي حياة المدرسات ومعاناتهم
يسلمو حبيبتي على القصة وفي انتظار بارت جديد مشوق مثل الاول واحلى |
[QUOTE=جليع;1106340]
اقتباس:
يابعد عمري ياجليع احبك الله الذي احببتني فيه وجمعني واياك ومن يتواجد هنا في ظله .. حبيبة قلبي الحمد لله ان مهلاً ياقدر اعجبتك ونالت رضاك ويارب تعجبك الملامح اكثر يعني انت يمن معجبات عماد .. :YkE04454: زين كثروا معجباته اول البنات كلهم راحوا لفهد بس شكل بيصير فيه مساواة بين ابطالنا الله يرحم صديقتك ويعوضك خير ويجعل مثواها جنان الخلد .. عليك بالدعاء لها والصدقات عنها تؤجري ايضاً .. عماد ومرضه ولا سره تاااابعي يالغلا وانا ممتنه بعد قلبي كلامك عسل على قلبي والله ياجعلني بس مااخلا منك ومن هالحضور الطيب دمتي لاختك وآسفة ياقلبي اني تجاوزتك ماقصدت والله بس اني تخربطت من كثرة الردود ادري قلبك كبير وماتزعلين |
[QUOTE=اقدار;1107941]
اقتباس:
مشكوووووووووووووووووووووووووووووووووووورة يا قلبي والى اللقاء في الجزء القادم :) |
اقتباس:
الحمد لله ان ملامح اعجبتك يالغلا وعقبال بقية الأجزاء ماتنال اعجابك ياعساني بس مااخلا من هالحضور والتواجد |
اقتباس:
هلا بك يالغالية ياعساك ماتشوفين شر والله اني فقدتك بس قلت بعذرها الف سلامه عليك وان شاء الله ربي يعافيك واشوفك متواجده بكل جزء وانتي متعافيه وراضية ومستانسة مشكووورة على التواصل ياست الحريم والحضور اللي يسعدني |
اقتباس:
عليكم السلام ورحمة الله وبركاته ياهلا وغلا بك يالغد حياك الله من ضمن متابعين الملامح .. تسلمين لي يالغاليه على الاطراء والحضور اللي اسعدني توقعك عن عماد معقول بس مااقدر اقول صح ولا مو صح انتي بس تابعي وانا كلي امتنان وفخر شادن .. يمكن تحبه ويمكن تكرهه تابعوا فقط ماراح اطول يالغاليه بكرة بإذن الله بتشوفين بارت جديد .. المهم تكونين انتي ومتابعين ملامح الحزن راضين .. سلمتي لي يالغاليه لاخلا ولا عدم |
اقتباس:
ياهلا اختي آه يازمن سلمتي لي يالغاليه على هالتواجد والاطراء يسعدك ربي ويهنيك ومسكووورة على حضورك .. لاعدمتك ان شاء الله |
اقتباس:
عليكم السلام ورحمة الله وبركاته هههههههههههههههههههههههههههه ياهلا بك والله يالغاليه يابحر الغموض الحمد لله انك حسمتي امرك وتمردي على ترددك وخوفك ياحياك الله والقصة وكاتبتها وقراءها يتشرفون بانضمامك .. يسعدك ربي على كلامك احرجني وافرحني .. عسى الله يسلم قلبك ويارب يارب تكونين راضية عن الباقي ولااخذلك .. انا كمان ارسل لهم تحياتي وهم نخبة من اجمل القراء على راسهم حبيبة قلبي زارا اللي رحبت فيك بطريقتها المعهودة وخفة دمها الف شكر على الحضور الجميل ولاعدمتك يالغلا |
اقتباس:
جليع :eek: تدرين وش احلى شي يوم قريت ردك هذا :confused: اني لمن قريته قدني ريت عليك :YkE04454: انتي متهورة يابنت الحلال عموما ياقلبي انا ماتجاهلتك والدليل ردي عليك وانا ماادري عن كلامك هذا عسى خاطرك مافيه شي :smile: مودتي |
اقتباس:
هلا بك طيوفه ياهلا والله وغلا حياك الله .. صحيح اني كتبت عن المدرسات بس احسني ماكتبت عن معاناتهم للحين شي من بعد ماشفت بعض تفاعل الأعضاء تمنيت اني اسهبت فيها .. لكن قدر الله وماشاء فعل سلمتي لي على مرورك يالغاليه وان شاء الله تعجبك بقية الأحداث وتنال رضاك |
كل اللي يسألوني عن الجزء القادم
غداً بإذن الله بمثل هالوقت بتلاقون الجزء ان ربي يسر وماصار ظرف ولاعارض راح اكون عند وعدي بإذن السميع العليم .. واتمنى محد ياخذ على خاطره خاصة الناس اللي تراسلني وتترجاني والله مو بيدي واني مشغوله الين راسي بس المعذرة .. |
:55:ابداااااااااااااااااااع ساحر والله العظيم سحر شي غير طبيعي
والله العظيم لما قريت كذا جزءكلها وراء بعض حسيت اني اشوف المشاهد وقلت في بالي ماشاء الله عليها ساحره اعيش القصه وكأني معهم ولاارجع للواقع الا اذا خلص الجزء ولما قريت الردود وشفت رد زارا فرحت ان احساسنا واحد ولا عجب لانها توأم روحي :friends: عمادياحبيله يالله ترزقني بواحد مثله :f63:شخصيه رهيبه احس انو مريض بالقلب لانه ماياكل دسم و عمه ابو شادن كان مصاب بالقلب عسى الله يعافيه تكفين خليه يطيب لا يموت:asd: شادن ياقلبي عليها مايمديها تستانس الا الدنيا مكشره بوجهها وهذا اللي محلي القصه وراح تحلواكثر لما يحصل بينها وبين عماد تاتشات رومانسيه :c8T05285:واكشن وهذا ملح وبهارات القصه فهد ياحبيله خفيف دم والله يصبره على فرقى صديقه احس انه بياخذ ساره بنت ابو مشاري نوره وما ادراك مانوره:AaZ04485:؟؟؟؟؟؟؟؟ ام ناصر صراحه شي عجوز بس فله توسع الصدر :Supercool: نايف راح يحب وحده من البساس:i25Cat: نوف:RMD04635: ياعمري عليها الله يعينها والله اني احس باحساسها الله يصبرها بس الله يحمي شادن منها :f63:شكلها بتحاول تسوي شي لشادن ياسحر يامصيبه سوداء عشان تفرق بينهم 00واعذريني طولت بردي بس هذي بعضا من توقعاتي ونحن بانتظار البقيه :23_28_116: |
اقتباس:
لوووووووووووووووووول وانا على بالي رديتي لأنج شفتي اني زعلانه لوووول يالله القلوووب عند بعضهاا من ناحية اني متهورة .. ما قلتي شي غلط :) خلاص طلعتي براءة لوووولز لا ما بخاطري شي الله يسعد خاطرج وين ما كنتي .. |
فصلٌ تاسع غربة مشاعر في قسم الشرطه في الطايف .. تحقيق واسئلة وتقارير طبية .. كان جالس قدام الضابط اللي جزم انه حزين ولايمكن يكون له يد بوفاة سعود . لأن الحزن عمره ماكان اصطناع .. الحزن احساس ووجع .. وصورة تجسدها الملامح والعيون ..! وفهد كله على بعضه كتلة حزن نظراته البائسة واليائسة شاردة الذكرى مارحمته والواقع قسى عليه .. رفع نظره للضابط قال وهو مخنوق : الله يرحم ابوك عجلوا بدفنه لايطول . اخذ نفس عميق ورفع وجهه لفوق يدور الاوكسجين ويحاول يمنع الدمعه لاتنزل قدام الرجال وكمل : اكرام الميت دفنه . هز راسه الضابط اللي صار عنده خبره بمعرفة الجاني من المجني عليه مثل فهد وضعفه وكسره يوم القدر اخذ منه رفيق دربه . اشر للعسكري يستدعي عبدالرحمن حتى يقفل المحضر ويبت في الامر ..! دخل عبدالرحمن وكمل التحقيق وأقواله مااختلفت عن اقوال صلاح وفهد .. وقع الضابط على خروجهم وبراءتهم وان وفاة سعود ليست جنائية وليست محاولة انتحار انما خطأ في استخدام السلاح .. الجو كان كئيب .. والحياة اضيق من ثقب ابرة .. مايبي يرجع للديرة .. كانت عيونه تدور عبدالرحمن وماشافه مع صلاح اللي يكلم عماد وبندر عن الحادثة بالتفصيل .. . قرب منه بندر وهو يشوفه كأنه يبي شي وموقادر يتكلم قال : خلنا نرجع للديرة يافهد اكيد اليوم بيصلون على سعود . لازم تصلي عليه وانا اخوك وتوقف مع اهله في عزاه . انتفض بقوة وصار صدره يعلو ويهبط بسرعه .. الموقف صعب .. صعب جداً لدرجة انه مايقدر يتخيله . اصلاً كيف يقدر يروح لأي مشوار ولايقضي أي لزوم بدون سعود . كيف يحضر عزا ولايروح يعزي ناس بدونه ..! ولايشوف ابوه واخوانه وهو مو معاهم .. بلع ريقه بصعوبه واوداجه تنتفخ من الحزن العارم .. ومن الوجع اللي بداخله واللي مايقدر يعبر عنه قدام الناس . قال وعيونه حمرا وهو يرمش بسرعه ويحاول انه يضم على دمعته . : ابي مفتاح ونيت عبدالرحمن وخلوه يرجع مع صلاح . مسكه بندر بيده قال : وين بتروح . مايقدر يقاوم او حتى انه يرد ويجادل . كمل بندر : وين تبي يافهد انا اوصلك المكان اللي تبيه حالتك وانا اخوك ماتسمح لك تسوق السيارة . التفت فهد لعبدالرحمن اللي جا يمشي قال بصوت تعبان ومكلوم وموجوع . : طلبتك ياعبدالرحمن ابي مفتاح سيارتك ولاحد يجي معي . فز عماد وتحرك وهو يشوف حزن فهد .. صورته وهو مكسور تؤلم عماد بشدة .. فهد من النوع اللي يداري ومايسمح انه يبين ضعفه لاحد مهما كان ومن من كان .. دايماً يطلع بصورة الرجل القوي واللي مايهاب المواقف ولايبين انه يتأثر بها بسهوله .. طلع عماد مفتاحين من مجموعة مفاتيحه وحطهم في يد فهد وضم عليها قال : انا واثق انك رجال وقد الصعاب .. تحمل وانا اخوك ولاتخلي الحزن يقضي عليك .. هذا مفتاح سيارتي والثاني مفتاح شقتي .. اجلس فيها على كيفك . رجع مفاتيح عماد ليده قال : سيارتك ماتفيدني ياابو مشعل .. ابي سيارة عبدالرحمن الونيت . مد عبدالرحمن مجموعة مفاتيحه لفهد والثاني سحب مفتاح الونيت قال وهو يداري الدمعه وبصوت مخنوق وموجوع : سامحني اذا تأخرت عليك وان ماجيت حقكم اخذوه من ابو مشعل . طالعوا كلهم في بعض وقبل لايعترضون ولايتكلمون اعطاهم ظهره وتوجه لبوابة المركز من غير مايسمع او يتكلم . يبي يختلي بنفسه . يبي يروح لوحده يستوعب ان سعود انتهى وماعاد له وجود من غير محد يقنعه او يأثر عليه .. قال صلاح اللي يحس بحزن فهد وغلاه لسعود وانه لايمكن يقدر يكمل حياته بدونه : لاتخلونه يروح يمكن يسوي بعمره شي . رد عماد لأنه واثق ان محد يقدر يثني فهد عن دروبه اذا اصر عليها قال : فهد رجال ماعليه خوف .. امشوا بس خلونا نرجع لاهلنا اقلقناهم علينا . التفت على صلاح وكمل .. استعجلوا عشان نصلي على الرجال وندفنه مع اهله . انسحبوا صلاح وعبدالرحمن وراحوا مع بعض .. وتوجه بندر مع عماد لسيارته قال بندر بلهجة اعتذار من عماد : اعذرني ياابو مشعل المفروض آخذ ابوي ولا عمي فواز انت توك معرس و.. قاطعه عماد : امش بس يارجال خل عنك سوالف الاعتذارات هذي . الا زين يوم قلت ولا قلت لغيري .. المهم انت البارح قلت لهم نبي نتأخر ولايقلقون مثل ماوصيتك ولا لا . : ايه علمت عمتي فوزية . : اجل يالله توكلنا على الله ... *** وبمكان ثاني .. بوسط الحر والعرق .. كانت نايمه بملل وقرف .. خاصة انها مانامت الا الفجر والكهرباء في القرية تنطفي من الساعه سبعه الين اذان العصر . وهي متعوده على صوت المكيف وبرودته .. فتحت عيونها بطفش ومدت يدها على الساعه اللي بجنبها .. شافتها اربع وربع العصر . جلست وهي تتأمل الساعه .. الوقت يمر عليها هنا ببطء فظيع .. صعب على الانسان يعيش وحيد بعالمه .. وهي من يوم عرفت عماد وهي وحيده .. ماتقدر تتكلم لاحد عن اللي بداخلها ويصارعها وتصارعه من شهرين . محد يدري عن همها . .. ولاحد يدري عن افكارها.. ولااحد يعرف مخططاتها اللي هي ناوية عليها .. نفضت غطاها الخفيف من عليها وتمططت وهي تفكر بجدولها في الساعات الجاية .. صعب تجلس مع عماد لوحده .. وصعب تطلع بصورتها الطبيعيه لحياتهم قدام جدتها او عمتها اذا جات .. لابد انها ترتدي ثوب السعادة وشكل العروس والزوووجه قبل كل شي .. دخلت للحمام واخذت لها شور بارد انعشها وجدد نشاطها .. وطلعت صلت العصر ولبست جلابية ناعمه وانيقه .. لونها اصفر ومشكوكه بالبنفسجي على ياقاتها العريضه وأكمامها الفرنسية الواسعه ومن عند الصدر الين الأسفل بخطوط طويلة ومتعرجه .. لمت بعض من خصل شعرها بشباصة وتركت الباقي منسدل بطريقه مهمله .. وتركت وجهها بدون أي رتوش للمكياج .. اصوات الناس وحركتهم ودبهم في الحياة والأطفال اللي يلعبون وقت العصريه خارج بيوتهم واصلتها في غرفتها .. مرت الشباك وهي تتخيل عماد لو دخل غرفته وش بتكون ردة فعله بعد اللي سوته. متحمسه تعرفها حتى لو كانت ماتعجبها .. المهم بتعرف كيف يفكر ووشلون يتصرف . اوبالأحرى كأنها تبحث عن شخصيته الحقيقية من بين ردات افعاله لأي تصرف منها . فتحت الستارة الثقيله والمطرزة وقعدت تطل على اهل القرية .. بيت نوف في وجهها وقبالها . وبيت ثاني شكله مهجور او مافيه سكان وعوامل التعرية والزمن واضحة عليه .. اطرافه مهدومه وألوانه العادية باليه .. وشبابيكه وأبوابه الحديد اكل عليها الدهر وشرب بالصدأ والألوان القاتمه . بعض البيوت الصغيرة والشعبية الحركة فيها بدت من بدري وبعضها ابوابها مغلقه على اهلها ولااحد يدري عنهم . شافت وحده شكلها حرمة كبيرة طالعه بجلالها من بيتها ومتوجهه لبيت جارتها .. ووحده ثانية لابسه عبايتها ومحتشمه وفي يدها سلة قهوة وكيس شفاف باين ان فيه حافظة اكل .. اجمل شي بالقرية الناس على سجيتهم والتواصل عندهم امر مفروض وواجب .. مافيه مؤثرات تقنية تغير منهم ولافيه عيون تغرز بلحوم النساء مثل ماتشوف في المدن .. ومافيه انتقادات لاذعه لام فلان وام فلان واخت فلان . كانت منغمسه في المناظر الطبيعيه اللي جذبتها . بعض الاطفال اللي يلاحقون وايت الموية اللي جاي يعبي احد الخزانات لاحد البيوت . ياااه يافرحة الطفل ياسرع ماتجي بأتفه الأشياء الحياة في القرية ممتعه .. رغم هدوءها الا ان الحركة فيها مستمرة الفجر الناس تسعى لارزاقها والظهر فيه حياة والعصر تبدأ الزيارات والمغرب كلن يروح يشوف حلاله ( مواشيه ) والليل سكون وهدوء وراحة حياتهم على الفطرة .. النهار معاشاً والليل سباتا ..!! تحركت من مكانها وفزت وهي تسمع طرقات خفيفه على بابها . قفلت الستارة وراحت تفتح . *** دخل البيت وسلم على جدته وطلع لأنه مجهد بما فيه الكفاية من امس ماارتاح من فهد اللي تعبهم في الليل والصباح . بعدين الصلاة على سعود الله يرحمه ثم وقفته مع اهله بالعزا .. رجع بعد صلاة العصر بفترة يدور السرير والراحة . هو مايتحمل الاجهاد ، ولا يحب الكسل . نشيط من يوم يومه وعملي جداً .. وصحته آخر مايفكر فيها اذا فيه لزوم ويحتاج وقفة رجال مثل حدث امس واليوم . دخل غرفته وتسمر بمكانه دقايق طويلة . المفاجأة كانت جديرة بأنه يجمد بمكانه .. الغرفة غرفته بدلالة طريقها وبابها ومفتاحها . بس داخلها غير ومختلفه كلية وجذرياً . التسريحه والكومدينو والدولاب يعجون بالنظافه وفيها لمعة ماشافها من بعد مااشتراها جديدة ..! السرير انيق لابعد الحدود مفرشه السماوي الثقيل والنظيف مغير من شكله ويحمسه انه يرمي جسده عليه من غير تفكير . توجه ناحية الدولاب بسرعه وفتحه وشافه مرتب واغلب ملابسه خارجه .. والملابس النظيفه هي المرتبه ومصفوفة بعناية وشطارة .. معناتها فتحت الدولاب .. التفت على الدرج اللي يحمل الكثير من الأسرار .. الدرج اللي لو احد اطلع عليه وشاف مكنونه كان انفضح امره وسره اللي يداريه من سنين . قرب منه بقلب خايف ويد مرتبك وكل خلاياه وجوارحه ينطقون يارب استر .. يارب استر . حاول يسحب الدرج ولقاه مثل ماتركه .. مقفول ومحد فتحه . تهاوت يده واخذ نفس عميق بعد انقطاعه للحظات كانت جداً حرجة بنظره . طلع مفتاحه الصغير اللي مايفارق مدالية مفاتيحه وفتحه بهدوء وتوتر .. تهلل وجهه وهو يشوفه مثل ماهو ماتغير فيه أي شي . قفله وباطمئنان .. وفتح ازارير ثوبه اللي فوق وكأنه يبي يوسع على نفسه .. هالبنت بدت تقتحمه . بدت تحط رجولها بثقة وتحدي في حياته . بدت تغير من حياته ابتداءً بغرفته وانتهاءً باللي الله يستر منه .. طلع من غرفته وتوجه لغرفتها .. مايدري كيف يواجهها يشكرها ولايوبخها يوقفها عند حدودها ويحذرها من تجاوزها ولا يخليها على راحتها وتكفيها معاملته لها . دق عليها دقتين خفيفه بتردد واصرار بنفس الوقت .. وانفتح له الباب بهدوء ونظراتها الباردة والخاليه من أي تعبير وراه . شافته واقف في وجهها بثوبه الابيض وبدون شماغ وعطره تهاجمها بقوة . رجعت خطوتها لورا رغم عنها لأنه سادّ المكان بيدنه اللي فاردها على اطراف الباب وبهيبته ونظراته فيها . قالت وهي تبلع ريقها وتحاول تسيطر على نفسها وتبين انها عادية وباردة ولاتتأثر بوجوده ..! : عليكم السلام .. فيه شي ..؟ كان يطالعها بنظرات غريبة لوم .. عتاب .. قهر .. اعجاب .. ندم على وجودها . اخذ نفس عميق وهو يتلاشى عن عيونها والنظر فيها قال : السلام عليكم . وبنفس البرود ردت عليه : عليكم السلام . : انتي اللي رتبتي غرفتي ..؟ هزت راسها وهي تحاول ترفع نظرها وتشوف ردة فعله وتعبيرات وجهه قالت : ايوه . مااهتز منه شي لأنه كان واثق انها هي .. يعرف ترتيب الشغاله اللي اعتاد عليه .. أي كلام . .. قال وهو يحاول يطلع بصورة هادية عكس البراكين اللي ثايرة بداخله : ليه تتعبين نفسك .. دخل اصابعه في شعره وهو يرفع نظره فوقها وحواليها ويبعده عنها وكمل : بعدين غرفتي مالك فيها لزوم اهتمي بامورك انتي وكثر الله خيرك . بلعت ريقها قالت : كنت فاضية البارحه وطفشانه قلت ادور لي شغله وشفت غرفتك مو نظيفه ... قاطعها : زيييييين الله يجزاتس خير وماقصرتي .. بس رجاءً ياشادن لاتدخلينها مرة ثانية ولاتقربين من خصوصياتي الا اذا قلت لتس انا .. اعتقد كلامي مفهوم و مايحتاج أأكد عليه واعيده . ماردت عليه .. ولارفعت نظرها عنه .. تحس انها راح تنفجر مابين ثانية وثانية لو تأخر اكثر من كذا .. شاف وجهها وهو يتغير للون الاحمر وجفونها بدت تحمّر . وهي مسلطه عليه اقوى سلاح واجهه بحياته . نظراتها وفيها مليون سؤال وعتب واستغراب .. ومع هذا جامده ومتجمده بسكاناتها وحركاتها وكلامها . مانبست ببنت شفة بس عيونها قالت اشياء كثيرة قدر يفهم منها العتب واللوم .. اضطر انه ينسحب بهدوء من قبل لايشوف تبعات الزلزال اللي هز به قلبها من جديد . رجع لغرفته ودخل الحمام اخذ له شور دافي يحسسه بالدفء في صقيع حياته وبرودتها وخلوها من أي احساس .. جفف شعره ، ولبس ملابسه ورمى نفسه على السرير . غطى وجهه باللحاف وهو يجاهد التعب والتعب يجاهده . وفي غمرة كل هذا هاجمه النوم واخذه لعالمه بعيد عن الصراعات الجسدية والنفسية اللي يواجهها في صحوته ..!!! وفي غرفتها وقفت دقايق متجمده ماتبي تبكي لااااا واصلاً ليه تبكي هو ماقال شي يبكي او حتى يزعل هو قال اللي يبيه منها بس جرحها ..! اضاف لجروحه اللي قبل جرح جديد .. خصوصياته ممنوع الاقتراب منها .. يعني مالك دخل فيني .. ولاتتجاوزين حدودك .. ولاتنسين وش انتي في حياتي .. مسدت وجهها اللي اندفاع الدم له سبب له حراره جستها بأصابعها البارده .. وقفت على المراية وشافت الحمرة اللي تكتسيه وبطرف جفنها دمعه محبوسه ... اخذت لها منديل ودخلت طرفه في عينها وغمضت ليه ماتبي تشوف الدمعه حتى لو كانت وهم .. غمضت عيونها وفتحتها بقوة .. " ياربي منك ياشادن ليه كل هالتعقيد ولا التفكير اللي ماله داعي لساتك في اول المشوار وباقي مواجهات كثيرة استعدي لها نفسياً وفكرياً وجهزي الكلام المناسب لأي موقف تتوقعينه " قالته في نفسها بمحاولة منها انها تقنع نفسها بأن اللي يصير شي طبيعي وكانت حاسبة حسابه . اخذت نفس عميق ورفعت راسها فوق قالت " وين كلامي البارحه وقرارات التحدي والمواجهه .. خليك قوية ياشادن خلييك قوية لاتضعفين من اول المشوار " نزلت لجدتها بتجلس معاها قبل لايأذن المغرب لأنه مجرد مايأذن خلاص مافيه امل تجلس معاها.. هي تبدأ صلاتها فرض وسنن وتسبيح وتهليل لين يأذن العشا وتبدأ صلاته مثل المغرب ثم تروح لفراشها تدور النوم والراحة . *** يوم الاحد في مدرسة الاجواد واقفه في الطابور قالت : نوير هذي وش سالفتها مافكرت تجيب الاجازة حقتها . : اكيد بتجيبها .. بعدين هي ماعليها شي حتى لو جابتها بعد ماترجع ..! : لا لا حبيبتي .. تجيبها اليوم ولا بكرة لاتنسين انها ساكنه بجنب المدرسة ..! بعدين المفروض ماتاخذ اجازة لين اوافق واشوف اذا فيه احد يمسك مكانها ولا لا . : الله عليك يانوف .. الحين تبينها تداوم وهي عروس .. قاطعتها بعصبيه وعلا صوتها على نوير بضيقة خلق : انا الحين مايهمني عروس ولا موب عروس تجيب اجازتها وفي اللي مايحفظها ولو تموت ماتاخذ اكثر من اسبوع ..! قصرت نوير صوتها وهي تطالع في البنات اللي سمعوها قالت : يانوف لاتحطين راسك براس زوجة عماد تراه هو اللي نقل شادن عنده يقدر ينقلك من المدرسة وبكرة ترجعين مدرِّسة وفي مدرسة بعيد .. نصيحه مني بعدي عن شادن .. بعدين وش عليها منك اذا راحت للديوان ووافقوا انتي مالك شغل . كشرت ورفعت راسها فوق قالت وهي تحاول تسكت نوير : طيب .. خلاص انا مالي شغل .. بس انتي وصلي لها كلامي هذا ان ماجابت اجازتها رفعت انها غايبة بدون عذر او استئذان . وصلت خلود من غرفة المدرسات وفي يدها ورقة قالت : صباح الخير يانوف . معصبة ومالها خلق احد بس لازم ترد : صباح النور . قالت خلود بصوت نايم وهي ترجع خصلة من شعرها ورى اذنها : ترى اجازة شادن معاي امس اخوها اعطاها اخوي عشان اوصلها لك . ردت باستنكار وهجوم وصوت عالي وصل للطالبات : ياسلاااااااام .. وحضرتها ليه ماتجيبه بنفسها ولا على راسها ريشه . طالعوا خلود ونوير في بعض باستغراب قالت خلود : ولو يانوف احنا صاحبات وزميلات ونخدم بعضنا . والبنت عروس كيف تبغينها تيجي . : هالكلام مو عندي قوليه لأي مديرة غيري . انا قلت لنوير كلامي وانتهيت . مشت من عندهم ونوير تضحك من ردة الفعل اللي اقل مايقال عنها عنيفه . قالت لها خلود باستغراب : تضحكين ؟ : شر البلية مايضحك . : شادن هنا ولا سافرت . : مااعتقد انها سافرت لأن سامر امس يقول انه شاف عماد داخل لبيته ولا طلع منه . : ههههههههههههههههههههه ولدك هذا رادار يراقب كل اللي في الحي . : هههههههههههههههه حرام عليك من كبر الحي كله عشرين بيت وبجنب بعض . حكت خلود ذقنها بطرف اصبعها وبحيرة قالت : طيب تعالي .. كيف اشوف شادن ولا اكلمها ؟. : خليك انتي ... انا ارسل سامر عليهم يقول لها كلام نوف خلي زوجها يدري ويربي نوف بطريقته هذي لازم احد يوقفها عند حدها . اعوذ بالله عدائية مو طبيعيه . خلص الطابور والمدرسات راحن لغرفتهن اللي عندها حصة اولى جهزت كتبها وأدواتها وطلعت والباقيات قلبوها سوالف وقهوة مع الصباح .. مر اليوم روتيني على الجميع ماعدا دلال وسهام ونوير اللي توزعوا حصص شادن وانضغط جدولهم اكثر من اول ..! *** في مدرسة ثانية .. في حي السبيل تحديداً جالسة على الكرسي اللي مقربته من باب الفصل المفتوح حتى يدخل عليها الهوا وتحس بالانتعاش بدال الحر اللي يضيق الخلق داخل الفصل . لافة رجل على رجل وحاطه الدفتر على فخذها وتدقق في اجابة الطالبة على اسئلة الواجب .. قفلت الدفتر وهي تسترجع الأحداث الأخيرة .. آخر شي تتوقعه ان خالد لمن كان ينتظرها ويكلمها ويطلب مقابلتها هدفه الحقد والانتقام . نفسها تدري وش سوى مشاري بعد ماكلمته وبثته خوفها وقلقها من خالد . من بعد ماكلمت مشاري ماعادت شافته عند بيتهم . . وكل اللي قاله لها انها خلاص ماراح تشوفه .. اكيد اجازته انتهت ورجع للرياض . سبحان الله بعد ماكان خالد هو سعادتها اصبح اساس خوفها ومصدره .. تحس انه دنيء اذا تذكرت عدنان . وتحس انه جشع اذا تذكرت شرطه في طلاقها وتحس انه حقود اذا تذكرت كلامه عن مشاري وهو يقول ابي اقهره اذا طلعتي معاي ولا كلمتك وهو عندك . رصت الدفاتر على بعض قالت : غزيل تعالي وزعي الدفاتر على زميلاتك . فزت البنت بفرح وهي تتباهى قدام الطالبات بأن المدرسة خصتها من بين زميلاتها بتوزيع الدفاتر .. وقفت ونبهت عليهم محد يطلع او يتحرك لحد ماتنتهي الحصة وراحت لفاطمه .. من بعد نقل شادن صارت فاطمه قريبه منها تبثها القوة بقوة ايمانها وتبثها العزيمة بصبرها وتبثها القناعه والرضا باحتسابها للأجر . وقفت على باب صف سادس وسمعت صوت فاطمه ينساب بروحانية لعمقها والطالبات في حالة انسجام وهي توصف لهم المرأة المسلمة كيف يجب ان تكون . حجابها ، تقواها ، هدوءها ، حشمتها ، احلامها واللي المفروض ماتشطح لبعيد وانها تكون واقعيه وماتتجاوز مجتمعها والاطار الاسلامي مهما تطورت الحياة ومهما طلعنا او سمعنا او شفنا . كانت تتكلم للبنات باسلوب سلس مراعية فيه تفكير بنات القرية .. ومعيشتهن وواقعهن . ومراعية سن بعض البنات اللي تجاوز 14 و15 .. التفتت على فاطمة على سارة واشرت لها سارة بأصبعها يعني تابعي . كملت فاطمة وهي تبتسم بمحبة لصاحبتها وزميلتها لحد ماسمعت صوت الصفارة يعلن نهاية حصتها .. اخذت دفترها ووسائلها وخرجت من الفصل . سلمت على سارة قالت : ليه وجهك اصفر ياسارونه عسى ماشر . ابتسمت لها سارة وهي ممتنة لسؤال فاطمة اللي صارت تكرره شبه يومي قالت : كل يوم تقولين وجهي اصفر اش اللي تغير ..؟ ردت لها فاطمة الابتسامه قالت : بس اليوم بزياادة وكأنك ليمونه معصورة . حاولت سارة تضحك من ورى افكارها وهمومها .. قالت : انتي تدرين بكل اللي يصير لي . : ادري ياقلبي وانا قلت لك .. لاتخافين منه .. النوعيه هذولا جبناء وشرهم يرجع لهم .. وربي دايماً مع الأتقياء ينصرهم اذا نصروا دينه .. اما اللي يهينون قوانينه واحكامه فما لهم نصرة وجزاؤهم شر في الدنيا والآخرة ..!! رجعت سارة شعرها اللي بدت الصبغه الشقرا تنجلي عن نصه وتحيله لأسود . قالت : مدري يافاطمة احسني خايفه على مشاري اخوي . : يابنت الحلال وسعي صدرك ماصاير له الا العافيه وتشوفين اذا ماذكرتك بعدين ان كتب لنا ربي عمر . هزت سارة راسها قالت : ماقلتي لي اليوم بتروحين للدار . دخلوا الغرفة واتجهت فاطمه لمكتبها تحط اغراضها فيه قالت : ايوه ان شاء الله . اش رايك ترافقيني صدقيني ياسارة بتعيشين احساس بحياتك ماعشتيه . نزلت سارة اغراضها على مكتبها وهي واقفه قالت بحيرة : نفسي والله اروح بس المشكله يافطوم اني مانمت للحين واعرف نفسي اذا رجعت للبيت بحط راسي وانام وانتي تعرفين نومي مايحتاج اقول لك عليه . ضحكت فاطمه اللي حرمها ربي من الأمومه ومااهملتها بداخلها .. كرستها ومارستها مع اطفال دار الأيتام .. صارت الأم لبعض الأطفال وتبنت لها طفلين بنت وولد .. ولولا ان زوجها منعها ماتجيبهم للبيت ولا يمديها اخذتهم وعاشت امهم وعاشوا عيالها . دايماً سارة تنسجم مع فاطمه اللي حولت حياتها من اليأس لأمل وقناعه وصبر ومن الحزن لبحث عن منافذ السعاده والفرح بشتى الطرق في حدود الحلال وكل مايرضي ربها .. كل ماجلست معاها حست ان ماعندها مشاكل .. وان الحياة قدامها والا مايفرجها ربي عليها لأن المصاعب ماتنفرج الا بالصبر والتوكل على الله . *** صحى على صوت المنبه اللي اقلق نومه . ومد يده طفاه وارتعب لمن تذكر انه نايم من العصر .. تعوذ من ابليس وقام يتوضأ ويصلي الفروض اللي فاتته . مغرب وعشا . لبس ثوبه وشماغه وطلع من غرفته على نية انه يروح للمسجد .. التفت لغرفتها مفتوحه ونورها شغال .. مر من عندها بس كانت الغرفه فارغه الا من ريحة عطوراتها المجنونة وآثارها الأنثوية .. طلع بسرعه وفي توقعه انها في الحمام او المطبخ ونزل تحت . وبعد الصلاة رجع وتوجه لغرفة جدته كالعاده .. شافها قاعده قدام جدتها بقميص ابيض قطني واكمامه قصيره ومنقط بأحمر .. وعلى صدره رسمه ميكي . وتسولف عليها وتضحك . اول ماشافته فزت من مكانها وسحبت جلالها حطته على اكتافها وصدرها وكأنها بتغطي جسمها عنه اكثر او ان لبس قميص حتى وان كان ساتر محرم قدامه .. ام ناصر مااستغربت لأن هذي عادتها وعادة حريم جيلها اللي يستحون من رجالهم وبركة ان طلعوا وجيههم .. بس هو طالعها باستغراب ومتفاجيء .. صدق انها خبله .. لايكون تبي تستحي مني . سلم عليهم وجلس بجنب جدته اللي بادلته اسئلته بأسئلة عن حاله واذا نام زين ولا لا وتبي قهوة ولا فطور . حست ان جلستها بينهم غلط وفكرت تبدأ لعبتها وخطتها المجنونه .. قالت وهي توقف : عماد تحب الزنجبيل احطه على الحليب . رفع حاجبه وهو يطالعها بذهول قال : ها ..؟ لا لا .. لاتسوين شي انتي اقعدي فيه شغاله تخدمتس . طالعت في جدتها قالت : لا عادي بسوي لكم فطور .. ترى الزنجبيل كويس للقولون . حتى الحلبة كويسة بس ريحتها مو حلوة . كانت تحاول تتكلم بشجاعه وإقدام على الخطوة اللي كانت تحسب لها الف حساب . اما هو كان عاقد حواجبه بحيرة وذهول واستغراب .. معقول هذي اللي تركها امس كتلة قهر وحزن . ابتسم وهو يفهم قصدها وغرضها .. وللمرة الثانية يقر ويعترف انها ذكية وقوية .. جازت له تصرفاتها ومد يده بسرعه ومسك يدها بخبث . قال : تعالي تعالي اجلسي اتركي عنتس التطبب فيني بلا زنجبيل بلا حلبة . آخر شي توقعته منه هالحركه .. حاولت تسحب يدها منه بس خذلتها قوتها اللي فقدتها .. قالت بصوت مختلف عن صوتها تماماً : خلاص بجيب الفطور . ضحك بصوت واطي على شكلها اللي صار كتلة الوان .. وقعد يحرك اصبع يده الثانية على كف يدها وعلى نقشة الحنا اللي بدت تمسح بحركه اثارت انفعالاتها وغضبها وهي تحاول تتماسك على قد ماتقدر . قال لجدته اللي نسبت ارتباك شادن واختلاف لهجتها ولونها لحيا العروس وخجلها : يكفي نومتي اللي نمتها البارح لي سنين مانمت مثلها لااله الا الله من صلاة العصر للفجر .. وكل هذا بسببها الله يجزاها خير . ضحك وقرب من جدته ويد شادن في يده .. قال بخبث وهو يسمعها : انتي ليش ماغصبتيني على العرس من زمان يوم تشوفيني مااعرف مصلحتي . اخذت ام ناصر عصاها وخطبته على كتفه وهي تقول : انت بغيت تقطع تسبدي وانا اجاهدك على العرس خل ماغصبتيني .. احمد ربك يوم جاب شادن في طريقك . باءت كل محاولات سحب يدها منه بالفشل .. اخيراً قالت بخبث وهي تعدل جلالها على كتوفها وتلمه .. : عماد الله يخليك بروح اسوي لك الفطور حتى تدعي لي كمان . فك يدها وعلى وجهه ابتسامه .. هالبنت تفهمه ويفهمها بسهوله .. يحس انه يلعب معاها وتلعب معاه .. قال يقلدها : كمان .. اجل روحي عشان ادعي لتس كمان . وقفت وطلعت من عندهم بسرعه .. وبقلبها تتحسب الله على ابليسه .. ليش يحطها في الموقف هذا . مرت من عند المرايه وهالها شكلها .. وجهها صاير قطعة حمرا .. كل هذا منك ياعماد حسبي الله على ابليسك . صدق انقلب السحر على الساحر .. كنت بصير معاه نذلة وطلع انذل مني . فتحت الموية وغسلت وجهها اكثر من مرة وراحت للمطبخ سوت لهم فطور وبراد حليب وحطته في الصاله ونادتهم عليه . طلع عماد وهو ماسك يد جدته ويساندها ويهمس لها ويضحك وهي تبادله الضحك بفرح واطمئنان . قالت شادن وهي تلم جلالها عليها زين : يالله عن اذنكم بطلع انام .. انا للحين مواصلة مانمت . رفع راسه لها وسكت ماعلق .. اما ام ناصر فكان ردها بحكمه وتأنيب ولوم : لااله الا الله .. انتم وراكم تعاقبون ليا قام واحد دخل الثاني ورقد . اقعدي افطري مع رجلتس ثم روحي ارقدي . ردت شادن وهي معقده حواجبها قالت : جدتي انا اكلت قبل الفجر مرة مومشتهية شي .. وحاسة فيني نوم .. اذا تبغيني اجلس جلست عشانك . قال عماد بهدوء : لا اذا ماتبين تاكلين روحي نامي . التفت على جدته قال : خليها على راحتها لاتغصبينها على شي . سكتت ام ناصر والوضع مو عاجبها والشك بدا يساورها .. وانسحبت شادن بسرعه وطلعت لغرفتها قبل لاتنطق جدتها بشي ماتحب سماعه .. نزلت جلالها وطبقته وهي تطالع بيدها ومكان مسكته لها وتحس بحرارة تسري فيها من جديد لمجرد تذكرها الحركه . رمت نفسها على سريرها ياترى لمتى بتستمر اللعبة اللي توها ابتدت .. وياترى بتقدر تكملها ولا بتخذلها قوتها وعزيمتها .. دخلت تحت اللحاف بتستغل الوقت وتنام قبل ماتنطفي الكهرباء ثم تسوي زي امس ولا تنام الا بعد جهد ..! *** بعد العصر ..! دخلت شهد تجري وجهها عليه علامات الفرح وعيونها تنضخ سعاده قالت بسرعه وهي تلف ورقة صغيره في يدها وتحاول تحميها وتتمسك فيها : شادن فين عماد بسرعه بسرعه قولي لي فين . قالت شادن وهي تنزل مع الدرج : وش تبغين فيه . : اكتشفت حاجه مهمه . بس خليه يجي واقوله عليها . قالت شادن : مايصير انا اعرفها ..؟ : اذا جا عماد اقول لكم مع بعض . خلاص هو صار زوجك يعني لازم اقول لكم مع بعض . هزت شادن راسها وهي تضحك على حركاتها قالت : تعالي اول شي سلمي علي وعلى جدتي بعدين اذا عماد جا تقولين لنا اللي عندك . جات شهد تمشي وسلمت على شادن ومسكتها بيدها راحت عند جدتها الجالسة لوحدها في الصاله .. : وين امك ..؟ : بتروح ليت جدي بعد شوي . : تعالي سلمي على جدتي ليه ماتجونا ..؟ : ماما تقول عيب مستحين من عماد وشادن . راحت شهد وسلمت على جدتها وجلست عندها . قالت ام ناصر لشادن : ماشفتي عماد .. طلع من عندي ماادري وين راح ..؟ : ماادري والله توني صاحيه ماشفته . كملت كلمتها وهو ينزل من فوق .. اول ماشافته فتحت عيونها و مسكت بطنها .. هذا كان في غرفته وانا اللي قلت لجدتي ماادري وينه . طالعت ام ناصر في الدرج وفيها قالت : هذا عماد فوق اللي ماتدرين وينه فيه . ارسلت له نظرات استنجاد وطلب اغاثه .. قال وهو يحط شماغه بجنبه على التكاية ويفتح يدينه لشهد اللي جات تجري تضمه . : انا كنت في غرفتي ادور لي على اوراق واكمل شغلي ماحبيت ازعجها وهي نايمه . الوضع ا بداً مو عاجبها .. وطريقتهم مع بعض تشككها بأن فيهم شي بس ماحبت تتدخل لأن اول شي مالهم الاثلاثه ايام وثانياً بتخليهم على كيفهم ولاتحشر عمرها معهم . قالت شهد : عماد شوف الورقه . اخذ عماد الورقه وفتحها وطالع في شهد وضحك منها .. وطبق الورقه وحطها في جيبه . قالت : هاتها بوريها شادن . رد عليها وهو يحرك جبينه على جبينها قال : لا لا لا خلاص هذي صارت لي انا . رفعت راسها وطالعت فيه وأشرت باصبعها السبابه قالت : عماد هذا سر بيني وبينك .. ماتعلم فيه الا .. بدت تعد على اصابعها . : شادن وجدتي وامي وفصولي اذا كبر وفهم الكلام .. بسسسسس قال وهو يضحك : لا السر سر اذا علمت فيه معناتها موب سر . زمت شفايفها بخيبة وهي تطالع بشادن اللي تبتسم من حركاتها البريئة والجذابه قالت : خلاص ياشادن للأسسف . وشدت عليها .. مانقدر نعلمك لأنك لوعرفتي مايصير سر وتدري فيه نوف .. قلبت عيونها وكلمت بملل .. وتبهذلني وتطفشني في المدرسة . قالت شادن بدون تفكير : ليه تطفشك وتبهذلك . ردت شهد ببراءة وشكلها متضايقه قالت : اووه شافت الورقه في يدي وانا اوريها العنود اختها وبغت تشققها بس انا بكيت بعدين رمتها عليّ . قال عماد وهو يلمها لصدره : افا وانتي تبكين عشان ورقة ماتقدرين تكتبين غيرها . : لا ياعماد مااقدر لأني قعدت افكر وافكر وافكر لين سويتها واكتشفت ال... قاطعها قال : أ أ أ أ اسكتي لاحد يدري عنها . حطت اصبعها على فمها وهي ترد الضحكة قالت : يوه يوه بغيت اقول السر . اجمل شي في حياة عماد هي شهد .. هي اللي توسع صدره وتضحكه وتعيشه عالم ثاني هي اللي يمارس معاها الأبوة ويقدر يستغني عن الأطفال والأسرة اذا شهد بحياته . قالت ام ناصر بجديه لشادن : على طاري نوف ياشادن ماتدرين علامها ماجات للعرس . هزت شادن اكتافها قالت : اكيد ماراح تجي لأنها ماتحبني . شرب عماد من فنجاله قال : قولي لها ترى حولنا كم قرية يبون مدرسات ابتدائي ان كان ودها بالنقل تتعرض لك . بلعت شادن ريقها واخذت فنجالها بتشرب منه بس طلع فاضي مافيه شي .. مثلت ان فيه شي وحطته عند شفايفها وسوت انها تشرب منه وهي في قمة ارتباكها منه .. نزلته وحركته بيدها ماتدري وش تقول ولا وش ترد عليه وفضلت السكوت اللي خيم على المكان . مر عليهم الوقت طويل .. الصمت اللي تتخله همسات ام ناصر اللي اعتادت على صمت عماد وسكوته والتمست العذر لسكوت شادن بالحيا والخجل .. قالت لعماد : عماد ياوليدي ازهم لي الخدامه خلها توديني غرفتي ابي اسبح واستغفر لين يحين وقت الصلاه . وقف وهو يقول : وشو له ازهم لتس الشغاله وانا موجود . عطيني يدتس بس . مشى معاها لين دخلت غرفتها .. طلع من عندها ونادى شهد بيوصلها لامها وخرج مع الباب من دون مايكلم شادن .. اخذت صينية القهوة حطتها عند التلفزيون وقعدت تنتقل من قناة لقناة بكل برود ولامبالاة . وكأنها تعود نفسها على روتين الحياة الجاية في هالبيت . *** بعد المغرب كانت جالسة في الصالة تتابع مسلسل على الام بس سي .. وعماد لسه مارجع من المسجد .. دق الجرس وراحت الشغالة تشوف .. وبعد دقيقه تقريباً رجعت لها قالت : مدام فيه ولد برا اسمه سامر يبغى يكلم انتي . : سامر ..؟ اوووه سامر ولد نوير .. راحت عند الباب وقابلت سامر سلمت عليه قالت : ها ياسامر بغيتني ؟ : امي تسلم عليك تقول نوف زعلانه ومارضت تاخذ العذر تقول لازم انتي تجين للمدرسة ولا تعتبرك غايبه . : سلم لي على امك قول خلاص بكرة تمركم بالمدرسة . دخل عماد على كلمة شادن قال : هذا من ؟ : هذا ولد زميلتي في المدرسة . : وش يبي ؟ : المديرة مارضت تاخذ العذر وتقول انها بتغيبني . : وانتي وش بتسوين .؟ : بروح بكرة اوديها العذر . : لا لاتروحين والعذر ماراح يتقدم لها الا بعد اجازتك .. خليها عليّ . طلع من عندها واخذت شادن يد سامر ودخلته للبيت اعطته شكولاته وحطت لنوير صحن من البيتيفور اللي معبي الثلاجه .. قالت : قول لامك شادن تقول عماد بيحل الموضوع ولاتشيل همي . طلع سامر من عندها ورجعت جلست على التلفزيون تقلب في قنواته .. البيت ممل لولا وجود جدتها ولا عماد وجوده زي قلته بالنسبه لها . راحت لجدتها بغرفتها قالت جدتها : رجلك مارجع من المسجد ؟. : الا رجع بس سمع ولد زميلتي وهو يقول ان نوف مو راضية تاخذ اجازتي ورجع ماادري فين راح . : نوف بنت لافي ؟ قالت : ايوه هي .. ياجدتي من يوم ماجيت للمدرسة وهي ماتطيقني . . حتى اول يوم استقبلتنا بوجه مكشر وخلقها شين بالمرة . : حسبي الله على الظالم .. وانا اللي احسبها بنت حلال وعاقله وتقدر الجيرة . : هي بصراحه اخلاقها عادية مع كل المدرسات بس انا ماتطيقني . دخل عماد قال : هذاك اول ماتطيقك لكن من بكرة بتجي تبوس يدينك . عدلت شادن جلستها من دون ماتتكلم .. قالت جدتها اللي انقذتها : وش سويت لها ؟ "ايه صح وش سويت لها ياعماد " قالته بقلبها ومن غير صوتها . قال : ابد رحت لابوها وعلمته بالعلم اللي ماغيره وانا واثق انها بتغير تعاملها مع شادن ميه وثمانين درجه . ابتسمت شادن بداخلها .. وحمدت ربها ان عماد حنون وصار لها سند وعلى قولة نايف رجال وينشد الظهر فيه .. كبَّرت ام ناصر تصلي السنه وطلع عماد للصاله ولحقته شادن .. فتح التلفزيون على برنامج عن الأسهم في قناة اوروبيه .. ركز معاه وقعد يسجل بعض الأرقام على طرف الجريدة .. خلص البرنامج وحط على قناة ثانيه وطالع بالساعه ونزل الريموت .. جابت صينية شاهي وحطتها على الطاولة .. صبت له كاسة نزلتها على الطاولة الصغيرة اللي قدامه.. عدت لعشرة واخذت نفس عميق وهي تأهب نفسها لردة فعله وللي بتقوله .. قالت بهدوء من دون ماتطالعه: عماد مشكور على اللي تسويه عشاني ..! اخذ الريموت وقصر قال : ايش ؟ حست ان صوتها خانها ومارضى يطلع زي ماهو قالت بصوت واطي : مشكووور على كل اللي سويته معاي . : ماسويت معاك شي الا اذا قصدك تستهزئين هذا .. قاطعته : لا مااقصد استهزء .. بجد مشكور على كل اللي سويته معانا نايف وطلاق امي وانا ونوف .. رفع حواجبه قال : اها .. العفو ماسويت الا الواجب اللي تحتمه علي علاقتي فيكم ولانسيتي انكم عيال خالي . ردت بخيبة امل وبرود : مانسيت . اخذ الريموت وفتح الصوت وقعد يتابع وهي اخذت لها مجله من فوق الطاوله اللي قدامها وقعدت تقرا فيها لعلها تنشغل عنه وعن مراقبته او التفكير فيه . *** في وحشة الصحراء الواااسعه بوحوشها واشجارها العارية وحشراتها وزواحفها السامه .. في ظلمة منتصف الليل .. وقدام خيمته الصغيرة اللي لقاها في سيارة عبدالرحمن من ضمن مستلزمات البر اللي ماتفارق سيارة خويه . لابس فروته ( الفروة لبس شتوي يشبه البالطو او الجاكيت الطويل لكنها اوسع ومن داخل فرو ومن الخارج قماش قطني او صوف ناعم ) قاعد قدام النار اللي شبها عشان يدفى ومتلثم بشماغه بدون عقال .. الزاد ماذاقه من يوم اللي صار .. وآخر عهد له بالأكل كان مع سعود .. مايقطع سكون الصحراء الا اصوات بعض الحيوانات ا للي تسعى في الليل وتدور على ارزاقها .. وصوت طقطقة الجمر والنار تنهش في الحطب بشراسه وتحرقه . مرة كان هو وسعود بذات المكان وقدام منظر مثل هذا بس ماكانت اجواءهم صامته مثل الليلة .. اما واحد يغني والثاني يصفق ولا يطبل على أي صحن او قدر او أي شي يحدث صوت وجلجله وتمسه يده .. ولا واحد يسولف والثاني يسمع بإصغاء واهتمام حتى لو كان الحديث تافه ولايحتاج كل هالتركيز .. المهم ان اللي يقوله فهد واللي يسمع له سعود او العكس . نزلت من عينه دمعه حارة على خده اللي يلطمه هوا الصحراء البارد . وش الطريقه اللي بتوصلني لك يالغالي وشلون الحقك واجلس معك لو اذبح نفسي رحت للنار وانت طريقك الجنان ادري انك في الجنه لأني اعرف كل دروبك صالح ودروبك صالحة وماتعرف طريق الرذيلة .. وش اسوي عشان اجيك علمني . .. . عمر الولاء والحب والاخلاص ماكان بهالشكل الا اذا الطرف الثاني يستحق .. وفهد مااخلص لسعود الا لأن لسعود مع فهد تشهد له مواقفه ومحبته ووفاه . كان يخلص له في حضوره وفي غيابه . كان سعود بالنسبة لفهد اغلى من الاهل .. يلبيه اكثر مما يلبي امه وابوه ويحاول يرضيه على قد مايقدر والثاني بالمثل . فك شماغه وهو يشوف خيط الفجر بدا يظهر .. وقام اخذ له قارورة موية من القوارير اللي جابها معه وهو جاي للبر احتياط لايموت من العطش ... فتحها وتوضأ وصلى صلى ودعى لسعود صلى السنه ثم الفرض صلى استغفار عن حزنه اللي مايقدر يتحكم فيه وصلى يرجو من ربي رحمته وصلى لأنه مايرتاح الا اذا لجأ لله وكأنه يبتعد عن الواقع بقرب الله حتى يرتاح ويحس بالطمأنينة . يبي يلوذ بالله عن التفكير والحزن والذكرى .. طلعت الشمس وهو يركع ويسجد ويبتهل ويدعي ويغرق في دموعه رجاء وحزن .. ندب وندم وجع وراحة .. حس ان عظامه ماعادت تشيله من التعب وسلم على يمينه ويساره وتمدد على جنبه فوق التراب الناعم والبارد جداً .. ماعاد يحس بالوقت ولايدري عن شي حوله الا انه ينام ويصلي ويجلس قدام النار ويتذكر وتوجد ويتوجع .. ..! *** مر عليهم اسبوع والوضع زي ماهو ... صحت من النوم على صوت فوزية وهي تدق الباب بطريقه غريبة .. قامت من سريرها وتوجهت للباب بتفتح لها بعد ماقفلت روبها عليها زين .. شافت فوزية ورجعت لداخل الغرفه قالت : اووه عمتي فجعتيني فيه شي ؟ : ابغى اعرف انتم عرسان ولا وشو .؟ مسكت بطنها شادن .. خلاص يعني انفضح امرهم ..؟ وحاولت تدور على اعذار سريعه .. بس وين العذر وهو اصلاً مافيه عذر .. هذي اكيد شافت عماد بغرفته وجات بتحقق قالت شادن بحذر وتوجس وخوف : اش فيه ؟ : زوجك ياحلوة راح يداوم وانتي عادي ماكأنك عروس وانكم المفروض مسافرين ولا اقل شي طالعين لجده ولا قاعدين مع بعض اربع وعشرين ساعه . جلست شادن على السرير متهالكة وعظامها باردة .. : عمتي الله يهديك فجعتيني . : شادن ياعمري انتي تحسبيني بكلامي هذا ماابي مصلحتك ..؟ : الا ياعمتي ادري باللي في قلبك . : عماد من النوع اللي مايتغير بسهولة لازم تحاولين تغيرينه .. هو يحسب الناس مثله ماتفكر الا بالعمل والمستقبل وكيف يبني نفسه ومايحتاج لاحد وان الدنيا شغل وسعي ورى الرزق وبس ... حسسيه انك مسؤولة منه وعنه وانه مو مثل اول يروح ويجي على كيفه . وحسسيه بعد انك عروس لازم تعيشين شهر العسل زي مايعيشونه باقي البنات : عمتي لوسمحتي انا وولد اختك متفاهمين على كل شي .. انتي بس لاتكلمينه ولا تتدخلين تكفين .. عماد انسان مشغول وعنده اشياء اهم مني ومن شهر العسل اللي تقولين عليه . عقدت حواجبها فوزية قالت : ضاحك عليك بهالكم كلمه .؟ ابتسمت شادن وهزت اكتافها بدلع مزيف : انا راضيه ماعليكم مني .! اخذت المخدة ورمتها عليها قالت : قلعتك بغيت انصحك وانتي ماتبين .. طالعت بالغرفة قالت : قاهرني عبدالعزيز قلت له ابي مثل هذي يوم شفتها بالسوق بس عيا يقول غاليه . : ليه كم سعرها . : اتوقع انها بحدود 30 الف . فتحت شادن فمها قالت : والله حسبتها ماتتعدى 15 بالكثير . : عاد عماد مايجيب الا الغالي .. اولهم شادن . ضحكت شادن بتمثيل مبالغ فيه ونزلت نظرها للأرض قالت : يووه عمتي بلاش احراج . : طيب يالله انزلي معاناا مسوية لكم حلا تعالي ذوقيه قبل ماتكسر امي مجاديفي . : ههههههههههههههههه اوووه حلا مرة وحدة لا ماشاء الله تطورات ... : اقول انزلي بس ..! دخلت اصابعه مع شعرها ونثرتها على اكتافها قالت وهي تتمطط : اوكي بتحمم والبس وانزل لك . : يالله استناك . نزلت فوزية ونزلت شادن الروب اللي لابسته على بيجامتها القطنية .. ودخلت اخذت لها شور سريع ولبست جلابية ناعمه ونزلت تحت .. كانت جدتها منسدحه على جنبها وعمتها فوزية جالسه عند راسها وتسولف عليها قالت فوزية : لوسمعتيه يايمه وهو يقول الوح عماد .. ويأشر على بيتكم وكأنه يعرف مكانه . ردت ام ناصر على فوزية وهي تضحك : الله يخليه لك ويستر عليه وعساني اشوفه مثل ولدي عماد . ضحكت فوزية وهي تقول : ياربي عساني اشوف فيصل ولدي مثل عماد عاد حلمي ان فيصل يطلع نسخه من ولد خالته .. شكلي ابي اجيبه عندك يمه تربينه . ولا اخليه يكبر على يد عماد . قالت ام ناصر : اذكري الله على ولد اختس قولي الله لايضره . : بسم الله عليه وماشاء الله تبارك الرحمن وعسى الله لايضره ويستر عليه .. تعالي تعالي ياشادن امي اذا فتحت معها سيرة عماد ماخلصنا .. ضحكت شادن وهي تجلس بجنب جدتها وتميل عليها تسلم على راسها قالت : وشلونك اليوم ياجدتي نزلت الظهر ولقيتك نايمه ... مو من عوايدك عسى ماشر . : ابد يابنيتي راسي صكني واخذت من حبوبي وهي الله يقطعها تهمد عظامي وتخمدني حين آكل منها . : سلامتك ياجدتي .. ليه ماخليتي عماد يوديك المستشفى ؟ خبطتها فوزية قالت : بسم الله عليك عماد طالع الفجر وين يوديها . تداركت نفسها وهي خايفه من فوزية انها تكشف المستور او حتى يداخلها الشك . قالت : يووووه نسيت .. جدتي قومي بنوديك تقيسين الضغط الله يخليك . رفعت نظرها وطالعت فيها قالت : يابنيتي مابي الا العافيه فكيني من المستشفيات والدكاترة .. طالعت شادن بعيون جدتها شافت في عينها اليمين نقطه حمرا وشهقت بشويش .. هي تدري ان الضغط اذا ارتفع ممكن يسبب جلطة او عمى .. بخوف حاولت تخفيه حتى مايثير شكوك فوزية وجدتها ويقلقهم قالت: جدتي اذا لي خاطر عندك تخلينا نروح للمستشفى منها نتطمن ومنها نغير جو . طالعت فوزية في شادن باهتمام قالت : شادن امي مافيها شي صداع بسيط وبيروح . : طيب الحين تحسين بصداع . : خف ماعاد احس بشي . قامت شادن راحت لغرفة جدتها ورجعت وفي يدها قارورة حبوب صغيرة قالت : هذي اللي اخذتي منها .؟ : ايه هذي اخذت ثنتين واشوا خف عني . قربت شادن وجلست قريب منها ومدت يدها لراسها ودلكته لها بحركه خفيفه قالت بحنان تغلغل لعمق الجده .. : ابغى اشوف غلاتي عندك اذا لي خاطر ومعزة تروحين للمستوصف عشان اتطمن ويهدا قلبي واذا ماتحبيني ولا لي خاطر عندك لاتطمنيني عليك ولا تفكرين فيني . : يابنت الحلال لاتغصبيني وانا مابي الا العافيه . قالت فوزية : شادن لاتصيرين لحوحه خلاص امي ماتبي ولاتحب احد يغصبها . : عمتي لوسمحتي لاتتدخلين بيني وبين جدتي . : لاحوووول قبل شوي لااتدخل بينك وبين عماد والحين لااتدخل بينك وبين امي شكل ماعاد لي لازمة بحياتك ...؟ : ههههههههههههه لاتزعلين ياعمتي بس انا قلقانه على جدتي وابي اتطمن عليها . وانتي المفروض تحاولين فيها معاي تقومين تقولين خليها براحتها . قالت ام ناصر : وانتي وش مدخلتس بينها وبين رجلها انا ماقلت لتس لاتكلمين لها ... جلست ام ناصر وكملت : ها بقوم عشانتس ياشادن .. قومي يافوزية عطيني عبايتي . قالت فوزية : بتروحون مع من ؟ ردت ام ناصر : نبي نمشي على رجولنا ..! طالعت شادن بفوزية قالت : المستوصف بعيد ولا نقدر نروح له مشي ؟. قالت فوزية : امي تمشي مسافات طويله ماعليك بس انتي تقدرين تمشين في وسط البيوت كذا .؟ : ماادري ايوه اقدر طالما بنروح مع جدتي .! : وعماد .؟ قالت ام ناصر : عماد مهب قايلن شي قومي عطيني العباة . راحت فوزية وجابت عباية امها ولبستها ام ناصر على بال ماتروح شادن تجيب عبايتها وتلبس .. طلعت مع جدتها وهي ماسكه يدها والشغاله من الجهه الثانية اللي اخذتها شادن احتياط وام ناصر ساكته ماتتكلم .. قعدت تتفرج على البيوت والناس وتنقل نظرها بينها .. الوقت على آخر العصر وبعض الناس مسوين قدام بيوتهم جلسات طالعين فيها مع حريمهم وعيالهم وعندهم قهوة وشاهي .. شافت فيه حرمه في يدها قدر وتمشي رايحه من بيتها لابسه برقع وعليها جلالها قالت بحب استطلاع ورغبه في معرفة اسرار ا لقرية وطريقة حياتهم : جدتي هذي وين رايحه .؟ ردت ام ناصر بصوت اضعف من قبل : هذي وضحى ام فالح رايحه لغنمها ..! : ليه ماتلبس عبايه وهي طالعه ؟ : يابنيتي هذي حرمتن كبيرة من بيطالع فيها .. ثم هي متسترة ثوبها وسيع وضافي وجلالها عليها وبرقعها ساترها .. والناس هنا متعوده . : صادقه ياجدتي بس هذا انتي حرمه كبيرة وتلبسين عبايه . : انا شب في عماد يقول لاتطلعين الا بعباية وانا والله ماحب اعصاه ولا اسوي شين مايرضيه .. عماد يابنيتي رجالن حكيم وحازم ومايحب احد يكسر كلمته ولا يعارضه . وانا ادور رضاه عسى الله يرضى عليه .. .. اول مرة تكلمها جدتها عنه بالشكل هذا .. " ياالله ياكبر الحب اللي تحبه اياه جدتي " ابتسمت لأن صورة عماد في نظر الكل كبيرة والكل يحسب لها الف حساب من فصولي ولد فوزية واخته شهد لخالها ناصر وجدتها .. اخذت نفس عميق وقالت في نفسها " كبيرة ولا صغيرة ياشادن .. عماد مجرد مرور كرام في حياتك ونقطه ماادري كيف بتكون سودا ولا بيضا في تاريخك .. " بلعت غصتها يوم سمعت الشغاله تقول : ماما انتي تعبان .؟ : لا لا مانيب تعبانه . قالت شادن وهي كل شوي تحس ان جدتها يختلف صوتها ويفتر عن اول : جدتي تحسين بشي .؟ : المشي اتعبني بس عجلي خلينا ندخل ونرتاح . : خلاص قربنا هذا المستوصف .. اخيراً دخلوا مع باب المستوصف الصغير بحجمه والقليل بعدد الكادر الطبي اللي فيه .. سحبت لها شادن اول كرسي شافته .. وجلست ام ناصر عليه بدون تردد .. قالت للشغاله اجلسي معاها وراحت للشباك اللي مخصص للنساء وفيه الملفات لجميع المتابعين في المستوصف . : حصة ال.. بعد دقيقه جابت المسؤولة الملف واخذته شادن ودخلت على الطبيبة اللي ماعندها احد الا حرمه كبيرة سلمت عليهم وعلى ام ناصر خاصة بحرارة .. وطلعت وتركتهم يدخلون لغرفة الدكتورة .. توجهت لغرفة الفحص ولمكتب الممرضة اللي تقيس الضغط الحرارة .. بعد مافحصتها الممرضه اعطت الدكتورة ورقة الفحص اللي دونت فيها معلومات عن ضغط ام ناصر وحرارتها قالت الدكتورة وهي تتأمل الأرقام في الورقة : فيه حد زعلك ياخالتي ..؟ قالت ام ناصر باندفاع ودفاع : لاااا ابد محدن زعلني ولاضيق خاطري . زمت الدكتورة شفايفها قالت : هوا الضغط مرتفع شويه .. بس حنديك ابرة وهي حتنزل لك ضغطك وتبئي تنتبهي على صحتك ابعدي عن الملح والدهون خالص وعن أي انفعال ... هزت ام ناصر راسها وقامت مع الممرضه اللي طلبت منهم يجون للغرفه الثانيه .. اخذت الابرة ورجعت شادن للدكتورة .. قالت : دكتورة ايش العلامه اللي بعين جدتي والضغط كيف ..؟ مرتفع شويه فعلاً ولا كثير .. : هو بصراحه يابنتي الضغط مرتفع عند والدتك كتير وكويس انها قات للمستوصف في الوأت المناسب .. النئطه الحمرا اللي في عين الست الوالده هي دلاله على ان الصداع كان شديد وضغطها مرتفع كتيير ابل ماتاخد الدوا ... انا اديتها ابرة لأنها محتاجتها .. وياليت تنتبهوا لصحتها وضغطها وتبعدوها عن الملح والدهون والانفعال .. وقفت شادن وبقلبها حسرة على صحة جدتها .. بنفس الوقت حمدت ربها انها جابتها والحت عليها في الوقت المناسب . رجعت لجدتها قالت : ارتاحي ياجدتي لاتمشين الحين .. بنجلس شوي ثم نمشي . : خلينا نمشي قبل لايذن المغرب وتفوتنا الصلاة .. سمعت شادن صوت عمااد اللي يسأل الممرضة في الغرفه ويقول : حصة ال.. قامت شادن واول ماشافته قالت : عماد كويس انك جيت عشان نرجع معاك ..؟ كانت نظراته تدور على جدته وراها وهو يقول بلهفه : جدتي فيها شي ؟ : لا الحمد لله مافيها الا العافية بس كان ضغطها مرتفع شوي .. تعال شوفها هي هنا . لف معاها وشافها جالسه على الكرسي قال : عسى ماشر يالغاليه . : هلا وغلا من اللي روعك وعلمك اني هنا ؟ . : وش تحسين به علميني ..! : مابي غير العافيه .. مرتك ابلشتني يوم اونست راسي وغصبتني اجي للدكتورة .. طالع بشادن اللي واقفه قريب من جدتها قال : وش قالت الدكتورة . : ارتفاع بضغط الدم واخذت ابره والحين الحمد لله مافيها شي . وقف قال بصوت هادي وهو مكشر وباين على ملامحه القلق : ابرة ؟ مشى من عندهم وكل خطوة اسرع من الثانية لحد مادخل على الدكتورة قال : بعد اذنك يادكتورة حبيت اسأل عن حالة جدتي بالتفصيل .. جدتي حصه ال.. دخلت عندك قبل شوي وقلتي ان عندها ضغط .. شرحت له الدكتورة حالة جدته بالتفصيل وان لولا جيتها في الوقت المناسب ولا كان صار لها مضاعفات .. وقف عماد وهز راسه قال : طيب مشكورة يادكتورة .. طلع لجدته اللي تغير حالها وحست بارتياح بعد الابرة المسكنة قال : يالله امشوا للسيارة . اخذ جدته بيدها ومشاها لحد ماطلعوا برا المستوصف وركبها معاه قدام وركبت شادن ورى مع الشغاله .. وصلوا بعد دقايق قليله للبيت قال : ها يالغاليه وشلون راستس ..؟ : هجد عني ياربي لك الحمد وماعاد فيني غير العافية . : زين انه هجد عنتس بكرة ابي آخذتس لجده واسوي لتس فحوصات . : والله مايقوله الله .. انا مالي ثلاث شهور رايحتن معك وقايلين لي مابي غير العافيه . : الله يخليتس لي قبل ثلاثه شهور مافيتس ضغط ولا قد عرفتيه والحين مرتين يرتفع عليتس والله اعلم لو انه اكثر انتي ماتعلميني بشي اعرفتس . : لاوالله وانا جدتك مااونست شي الا تدري به .. دخلها غرفته لأنها تبغى تصلي وطلعت شادن لغرفتها عشان تنزل عبايتها وتصلي المغرب اللي توه اذن .. طلعت من الحمام وهي متوضيه وتتذكر حال جدتها والحاحها عليها ولو لاقدر الله انها ماراحت ... رفعت نظرها وتفاجأت ان عماد واقف على الباب اللي نست تقفله وراها .. اخذت منديل وجففت وجهها ويدينها وهو ساكت قالت : بغيت شي ؟ دخل وسكر الباب وراه قال : هالمرة انا اللي ابي اشكرك ..! بدا قلبها يرجف ودمها يجري بسرعه هائلة .. بلعت ريقها اكثر من ثلاث مرات قالت وهي تطالع في الباب اللي سكره : ت ت تشكرني على شو ؟ : على اللي سويتيه مع جدتي . : ماسويت مع جدتي شي يحتاج الشكر بعدين .. انا .. انا .. : انتي وشو ؟ . حست انها تتخدر وماعادت تسمع هذا كيف يكلمها صدق هيبته وشخصيته قوية لدرجه انها نست كلامها وخافت منه ... بلعت ريقها قالت : خلاص خلاص . بتروح تصلي صح ؟ : ايه بروح اصلي بس انزلي عند جدتي .. حاولي ماتخلينها لحالها . رجع وفتح الباب وطلع لغرفته توضا وبدل ملابسه وطلع للمسجد .. صلت بهدوء وسكينه محاولة وجاهدة انها تضبط نفسها في صلاتها ولا يشغلها الشيطان بكلام عماد وربكته لها .. كملت التشهد ودعت ربها بأدعية كثيرة واختتمتها بربي الهمني الصبر والسكينه .. اللهم لاتكلني الى نفسي طرفة عين .. كررتها ثلاث مرات وهي تتضرع بصدق واخلاص وتقرب من الله لعله يعينها على حياتها ويسهل لها صعابها .. *** في غرفتها مسكرة باب غرفتها ومطفيه النور ومتغطيه ببطانيتها دقت عليها امها ونادتها للمرة الرابعه : نوف قومي العشا بيذن وانتي ماصليتي المغرب .. ماتقدر تقوم وتخليهم يشوفون وجهها المتورم من البكا .. اليوم شافته وهو يوقف سيارته عند بيته ونزل لابس ثوب ابيض وشماغ احمر ولابس نظارات شمسية وشكله كل يوم يسحرها اكثر من قبل .. " ياحظك ياشادن بعماد .. ياحظك وانتي تملين عينك منه وتكلمينه وتاكلين وتشربين معه .. ياحظك يوم ملكتي عماد وصار لك لحااااالك . ياحظك يوم انه يدافع عنك ويخاف عليك .." " اكرهها يوم عن يوم واحقد عليها اكثر من قبل .. ماعمري خليت الحقد يدخل لقلبي الا يوم دريت ان فيه وحده تقرب لعماد وتبي تجي تسكن عندهم وانه هو اللي نقلها وجابها لمه .. حبي لعماد من سنين من يوم جااول مرة من امريكا .. يوم ابوي عزمه وتقهوى عندنا مع خاله ناصر .. ماانسى ذاك اليوم يوم طلعت للحوش وشفته طالع مع خاله من المجلس انا ماقدرت ارفع نظري عنه وهو صد بسرعه وطلع مع الباب .. يمكن ماحس فيني لكن انا تعلقت به ياربي والله مهوب بيدي غصبن عني حبيته وتعلقت به ".. بكت بصوت عالي لمن تذكرت كلام ابوها لها (عماد جاي يهدد ان تعرضتي لمرته لينقلتس لمدرستن ثانيه .. انتي وش فيتس على الحرمه ورى ماتعاملينها زين وتفكينا من الشقا ان نقلتس .. تراه رجالن واصل يانوف وكلامه مايكرره اعرفه ومايرحم اللي يخطي على احدن من اهله .. ربي راحمتس يوم تعينتي في مدرستنا اللي بجنب بيتنا وان نقلتي تعنيتي وعنيتينا معتس ) صرخت بصوت واطي مايسمعه غيرها : لمتى يانوف ؟ لمتى بتبكين عليه ..؟ عماد صار لشادن ولا يدري عنتس وشادن ازين منتس افهمي افهمممي . رمت بطانيتها وقامت من فراشها وراحت تتوضأ وتصلي .. نادت العنود اختها تجيب لها حبة بندول وكاس مويه .. راسها بينفجر وماتقدر تتنفس من الصداع .. جابت لها العنود كاس الموية ورمت عليها علبة البندول وهي اخذت منها حبتين وشربت عليها اكثر من نص الكاس مرة وحده .. فتحت شعرها الطويل والمعجد ودخلت اصابعها معاه .. خطرت على بالها فكرة قالت : انا لازم اروح للسوق اما للطايف ولا لمكه ولا حتى لجده .. لازم اغير شكلي واتغير .. شادن موب احسن مني . يعني علشانها صابغتن شعرها اسود وقاصته لرقبتها وتحط مكياج خلاص ازين منا ..؟ ان ماخليت عماد يندم انه ماطالع وفكر فيني مااكون نوف بنت لافي . ... خلصت صلاتها وجلست على سجادتها .. وفي قلبها لازم ابوها يوديها جده حتى تغير شكلها وتصبغ شعرها وتقصه مثل باقي البنات اللي معاها في المدرسة واولهن شادن .. بس من يقنع ابوها .. وكيف بيخليها تحط فلوسها بشين مايسوى في نظره .. مافيه حل الا انها تخلي العنود تقنعه هو يحبها ويسمع كلامها اكثر منها هي وامها .. وقفت وراحت للعنود اختها .. نادتها قالت : العنود قلبي تبين خمسين ريال . فتحت العنود عيونها وهبدت على صدرها بيدها قالت : اي والله ابيها بس من بيعطيني خمسين ابوي يعيي يقول عشرة واجد عليتس . : انا اعطيتس .. ولو تبين ميه عطيتس . صرت العنود عيونها بشك قالت : صدق ولا تلعبين عليّ . : لاصدق ياقلبي . طالعتها العنود باستغراب .. وشلون نوف تقول لها قلبي وهي متعطيها ولاكلمه حلوة قالت : تعطيني خمسين ولا مية ريال عشان وشو .؟ : ممممم ابيتس تروحين لابوي تقولين له نروح معه للطايف ولا لجده : بكرة ابوي يبي يروح للطايف سمعته يعلم حمود ولد عمي غازي .. : قولي والله . : والله : اجل لوطلبتيه وخلانا نروح للطايف معه لتس المية ريال واشتري لتس ملابس واوديتس الكوفيرة تقص لتس شعرتس مثل شهد . فزت العنود بنت التسع سنوات تجري لابوها وسلمت على خشمه وجبهته قالت : تكفففففى يايبه طلبتك .! : وش تبين اطلبي وانا ابوتس . : ابروح معك للطايف انا ونوف . : وشو ؟ الطايف وش تبين فيه . : يايبه ابي اشتري لي ملابس جديده وابي ازين شعري مثل شهد . قاطعها قال :روحي وانا ابوتس لسوق الخميس واشتري منه انتي ونوف اللي تبون وشعرتس تزينه لتس امتس بالحنا والسدر ... الطايف بعيد وانا عندي شغل . : تكفى يبه طلبتك .. والله لوشفت ثياب شهد كلها من جده وتعايرني بها كل يوم . : انا ابو نوف تعايرتس بنت عبدالعزيز . تمسكنت العنود وهي تقول : ايه يايبه حتى نوف كل المدرسات يلبسن ازين منها وهي ماتلبس الا من سوق الخميس وكل لبسها خايس والبنات يقولن لبس المديرة اشين لبس .. تصنعت العنود البكا بخبث ومثلت انها تبكي قالت : تكفى يايبه نوف مسكينه وانا ابي اسوي مثل شهد واصير ازين منها .. رد ابوها بحنية لأن راس ماله هالبنات وجرحهن جرحه قال : لاتضيقين خلقتس وانا ابوتس بكرة تروحين معي واشتري لتس اللي تبين . : لايبه خل نوف تروح معنا تكفى يبه وحطنا بالسوق وارجع اخذنا مثل مبطي يوم نزلتنا انا وامي عند العطار وتقضينا ورجعت اخذتنا . : يالله علمي نوف تجهز معتس بكرة نروح احطتسن بالسوق واقضي شغلي وارجع اخذتسن . انطلقت العنود تبشر نوف بموافقة ابوها وطارت الثانية من الفرح .. من بكرة لازم تصير غير .. تنافس شادن وسهام وخلود .. تخيلت التنانير اللي بتشتريها والبلايز .. وكيف بتقص شعرها وكيف تصبغه .. تبي تشتري ملابس بيضا وحمرا وخضرا وصفرا وتبي تصبغ شعرها اشقر .. ماتبيه اسود مثل شادن لأن الاشقر ازين ..! يعني بكرة بتحقق جزء من احلامها ..! وبتبدا حياة جديدة وأحلام جديدة ومختلفه وان كانت مصبها عماد ولاغير عماد .. *** بعد يومين من تعب جدتها .. كملت صلاتها ونزلت للصالة وجلست مع جدتها اللي تسمع برنامج نورٌ على الدرب .. احترمت جدتها وماتكلمت حتى ماتقطع عليها الفايده من البرنامج وحتى تستفيد هي بدورها من الفتاوي .. دخل ورمى شماغه على الكنبة قال بصوت عالي وملامحه تدل على انه تعبان او متضايق : لسلي . جات الشغاله تمشي ومافاته حركة شادن واعتراضها بنظراتها له لمن نادى الشغاله بس تجاهلها ... : يس مستر ..! : فيه غدا ..؟ ولا اي شي ينوكل ..؟ قصرت ام ناصر على صوت الراديو قالت : ماتغديت ؟ : لاوالله على فطوري . وقفت شادن قال وهو يأشر لها تجلس : اقعدي لاتسوين شي خلي الشغاله تجيب لي شي خفيف . قالت جدته : روحي ياشادن سوي له عيشة سنعه لاتتكلينه على عيشة الشغاله هالحين تجيب له عيش وجبن . راحت شادن للمطبخ من دون ماتتكلم وفتحت الفريزر امس عماد معبيها .. فيها لحم ودجاج وسمك .. احتارت وش تسوي .. هالوقت خلاص عشا .. ولو سوت عشا راح تتأخر عليه .. احسن شي تسوي له خفايف يسد جوعه وتسوي عشا معتبر ... طلعت لحمة مفرومه وحطتها بالميكرويف تذوب الثلج وطلعت دقيق وبسرعه عجنت عجينة فطاير وحطتها في المايكرويف لمدة خمس ثواني حتى تخمر بسرعه بعد ماطلعت اللحمه ... بسرعه حطتها مع البصل والثوم والطماطم اللي جهزته الشغاله .. اضافت البقدونس والشبت على آخر شي وقلبته مع بعض بسرعه وختمت بالملح والبهارات . بعد ماطلعت جزء قليل عشان تخليه لجدتها قبل تضيف الملح ... حشت الفطاير باللحمة ولفتها..وحشت جزء ثاني بجبنه ونعناع .. حشت فطاير لجدتها من اللحمه اللي بدون ملح .. ودخلتها بالفرن وهي تحسب الدقايق وخايفه انها تأخرت كثير .. طلعت الفطاير من الفرن وهي ساخنه وريحتها تشهي وحطتها بصحن بيضاوي بشكل مرتب وسوت معاها شاهي وراحت للصاله .. نزلتها عند عماد اللي كان منسدح على الكنبه بعيد شوي عن جلسة جدته .. قام جلس وهو يطالع بالفطاير اللي شكلها يفتح النفس قال : رحتي تسوين .. ؟ حطت الشاهي عنده وصبت له كاسه قالت من غير ماتطالعه : ان شاء الله تعجبك . اخذت صحن جدتها وودته عندها قالت : هذي مخصوصه لك بدون ملح ياجدتي .. حتى الدقيق خففت ملحه عشانك .. اخذت ام ناصر حبة واكلت منها شويه قالت بصوت عالي يسمعه عماد : الله يسلم اليدين اللي سوت هالشغل اشهد ان عزيزة ربت وعلمت . : الله يسلمك ياجدتي الغاليه ويخليك لنا .. يووه ذكرتيني بامي اشتقت لها . جا عماد يمشي بصحن الفطاير في يد والصينيه حقت الشاهي في يده الثانيه .. قال : اذا تبين تكلمينها وديتك اليومين الجاية ذكريني لا انسى . قالت شادن بتردد وهو تشوفه يكشر ويغمض بعيونه قالت : عماد فيك شي ..؟ طالع بجدته قال : انا شبعت من هالفطاير مااظن اقدر آكل بعده شي . ناظرته ام ناصر وطريقته مع شادن مو عاجبتها بس اللي مريحها ان شادن عاقله وتدور رضاه وراحته ولاتبين انها تتضايق من طبعه . ترك حبتين من الصحن وقام وقف .. قال : بكرة عندي قومة من الفجر ووراي شغل مايتأجل ابد .. ادعي لي يالغاليه ان ربي يسهل لي . : الله يسهل لك دربك ويفرجها عليك كل ماضاقت .. الشغل محد يقوم به عنك وانت معرس ..؟ حط يده على جنبه واخذ نفس عميق قال : ياجدتي شغل بكرة بالذات مايتأجل ولااقدر اثق في احد واسلمه اياه .. المهم ان تأخرت عليكم لاتقلقون مانيب راجع الا بعد مااخلصه . : الله يوفقك واحرص على عمرك وانا امك ... طلع قالت ام ناصر لشادن بلهجة آمرة وحادة : الحقي رجلتس .. وقفت شادن وطلعت فوق لغرفتها .. مرت من عند غرفته وشافت بابها مفتوح وسمعته يناديها .. وقفت بمكانها تروح له ولا ماتروح .. تسوي نفسها ماسمعته ولا تسوي الواجب عليها وتشوف وش يبغى .. تربيتها واخلاقها ماتسمح لها تطنشه .. توجهت له بكل ثقه وثبات قالت : نعم . : اسمعي هذي فلوس خذيها اذا احتجتوا شي . واذا صار لجدتي شي الله لايقدر لاتروحين مشي الا اذا كنتي مضطره .. خلي فوزية توديها مع زوجها انا وصيت عبدالعزيز مايغادر بيته وانا مو فيه .. لااوصيك على جدتي .. وان شاء الله متى ماجيت بجيب واحد من سواقين الشركه يخدمكم في غيابي .. هزت راسها قالت : طيب متى بترجع .؟ قال بصوت تعبان وهو يحس بدوار وغثيان وجسمه يرتعش : ليش تسألين ؟ ناظرت بوجهه اصفر وعيونه ذبلانه قالت : عماد فيك شي ...؟ تعبان انت ..؟ مد عليها الفلوس واخذتها منه قال : لا بس اطلعيييي .. رجع بسرعه لدورة المياة ورجع كل اللي في معدته .. سمعته يرجع بقوة وكأنه يتألم .. لحقته ووقفت على باب الحمام قالت : عماد .. قاطعها وهو ينشف وجهه بالمنشفه قال : مافيني شي انا اصلاً احس اني تعبان من الصبح .. ويمكن لأني اكلت ومعدتي فاضيه من الصبح . اطلعي بس وسكري الباب ..! تمدد على سريره قال بلهجة جافه : طفي النور لو سمحتي ولاتقولين لاحد ان فيني شي ماابيهم يقلقون عليّ . : طيب اجيب لك شي .. عسل ، ليمون .. قاطعها : يووووه انتي ماتسمعين قلت طفي النور واطلعي . بسرعه طفت النور وسكرت الباب وطلعت . . ماراح تبكي ولا زعل ولا تتأثر بكلامه .. هي بكت ليلة زواجها وخلصت كل البكا .. ماراح تبكي بعد هذاك اليوم .. وراح تتقبل الوضع وتتحمله وتتعايش معاه مهما كان ... عماد مرحلة وبتعدي لازم تصير فيها قويه ولا تخليها تهزها وتأثر فيها .. راحت للصاله اللي فوق وشغلت التلفزيون جلست عليه حوالي ثلاث ساعات متواصله مادرت بنفسها .. طالعت بالساعه حوالي عشر وربع .. ونزلت عند جدتها بتشوفها وتطمن عليها .. لقت جدتها في غرفتها ومتمدده وتهمس بسبحان الله والحمد لله قالت : جدتي اجيب لك عشاك . : لايابنيتي اكلت من عشاتس اللي جبتيه لي ماابي شي .. روحي بس تعشي وارقدي . يابنيتي المرة السنعه ترقد ليا رقد رجلها وتقوم ليا قام . هزت راسها وابتسمت قالت : حاضر ياجدتي بحاول اعدل نومي ولا يهمك . رجعت فوق .. ومشت بهدوء لغرفته .. الواجب يحتم عليها تتطمن عليه .. مهما كان هذا زوجها وولد عمتها يعني لازم تهتم فيه .. او حتى تشوف اذا هو محتاج شي . فتحت الباب بهدوء .. هالها منظره وهو غاط بنومه .. نايم على جنبه الأيمن ومايل على وجهه .. تأملته لثواني قليله .. تحرك ونام على ظهر وحط المخده على وجهه .. تسحبت على طول من الغرفه وراحت لغرفتها .. بدلت ملابسها بقميص قطني عادي بأكمام قصيرة وتمددت على سريرها احسن لها تنام في الليل منها تعدل نومها ومنها تنام في الجو البارد والتكييف شغال .. غمضت عيونها وهي وتنتظر النوم يهاجمها ولا تهاجمه المهم يوصل لها وتوصله وينقذها من التفكير فيه اللي صار ملازمها اغلب وقتها .. ** للفصول بقية .. اتمنى لكم قراءة ممتعة ومتابعة شيقة .. ! |
مرااااااااااااحب أقدار ربي يعطيك ألللللللللللللف عافية على البارت ردات فعل عماد على تصرفات شادن مرة ترفع الضغط بس في نفس الوقت احساسه بشادن وكيف بدت تسلل لقلبه حلو كثير مشكورة عزيزتي |
رووووووعه
تسلم ايدك يسلم فكرك تسلمين كلك |
روعة اقدر الجزء يجنان والحداث روعة
مدري ليه شكل مشكلة المرض اشوي صعبه إلى في عماد لانه مسكين كسر خاطري وهو تعبان بس لا انشاء الله مرضة مو كايد>>>>يعني افهميه نحبه مانبي له المضره وبعدين متى بيحن على شادن مسكينه والله اكسرة خاطري على الاقل يتقبل منه ولو مهم يكون يخي رفع ضغطي احد عنده كل هالحلا ويعفه ماحد يعرف النعمة بس عجبتني حركته يوم يحرجه ويمسك يده بس تصدقين اقدار محداً بيسنعهم غير ام ناصر ونوف حرام عليه شادن شنو ذنبها بس اهيا من حرقة قالبها تفتكر شادن السباب الله يعينها على مابلها لانه بلا ياكفي الشر وشكلها نوي على شين مدري شنو هو الله يستر وننتظر منك المزيد قلبي تحيااااااااتي اختك مذهلة |
بارت روعه
حلوه حركه عماد وهو يمسك يدها افا اقدار بس حطيتي موقف واحد لنا اقول شكل عماد معه الكلى يمكن من مسك جنبه المهم عماد بين انه مو هين تعالي ولا يمكن عماد عايش على كليه وحده شوفي الافكار من وطلعت خخخخخخخخ طيب شادن لا تستسلمين حاولي معه هو يحاول يمنع نفسه بس انتي سوي اللي يملي عليك ظميرك يا قلبي الف لاباس عليك يا جده توني اعرف ان اللي تكون في عينه نقطه حمرا الضغط يكون مرتفع معلومه مفيده يا قلبي ماتشوفين شريا جده ولا نوف مدري وش بتهبب فيها خبله بتخلي ولد عمها يخطبها لاشافها تتعدل وتتكشخ ولا عماد ولا راح يلتفت لها مادام معه القمر ماله ومال النجوم بارت روعه يا قلبي بس احسن مافي البارت ماسويتي اخراج على قولة زارا يعطيك الف عافيه وعساك على القوه يا قلبي |
اقدااااااااااار شكلي شكلي حبيــــــــت عمــــااااد.. اقدار تهقين عادي احب اثنين بقصه وحده...ههههههه
عماااد ياااويلي من حركاته... شي خطير صراحه... عمااد : ياااربي الله يعينك على اللي فيك.. وخصوصا ان اللي فيك مايعرفه الا انا واقدااار...خخخخخ.>>لزووم الاكشن.. تجنن ياعمادوو.. وواااي عليك لما مسكت يد شادن وصرت تلمس بيدك الثانيه نقش الحنااا... والا لما قلت لجدتك بالصوت الواطي.. انتي ليش ماغصبتيني على العرس من زمان يومتس تشوفيني ما عرف مصلحتي... والا لما رحت للمستوصف وتدور جدتك من وراء شااادن.. والا لما قلت لشهد: أأأأ اسكتي لحد يدري عنها..تهبل يارجااال .بس تدري انا فهد مالي غناة عنه.. وهو حبي الاول والاخير.. وانت ياعمادووو روح بدربك والله يسهل عليك.. عندك حرمه.. وتحبك بنت الجيران.. ويحبنك هاللي يقرن القصه.. حراام اجي انا بعد وانا ادري ان الفوووز لي ولو جيت ماااراح تطالع فيهن...خخخخخخخ>>> الله يحفظني ترى معرووف عني الثقه الشديده بالنفس.... عماد نصيحه لك خل قلبك مرااااات يوجهك وعط عقلك اجااازه.. وخلنا ياخي نستانس بمواقف ناعمه.. ترى غثيتنا عاد.. و الله يعافيك ويشفيك ويخليك لجدتك حصه ال.... ولزوجتك شادن.. ولنوف ام الدرايش.. ولزميلاتي اللي يتابعون القصه... يـــله قولن آآآآآآميــــن... شادن :: ااااخ عليتس ياقويه.. استمري ياشادن يمكن تقدرين تهدمين اسوار القلعه.. الحين انا متاكده ان شادن ماراح تخليه بروحه ويمكن اول شي بتسويه انها تحاول تستكشف الدرج المقفول وش فيه؟؟؟ ويمكن تاخذ الادويه وتسوي عليها بحث بالنت او تعطيها احد ويجيب لها العلم الاكيد..بس بعد لاتخلينا من حركات القوه يااا شديده...هههههه نوف : انا اعتقد ان نوووف بدت تلعب بالنار.. ويمكن عشان يشوفها عمااد تتخلى عن حياها.. بس الغبيه قاعده تردد ان شادن احلى منها ...طيب كيف تبي تنافسها...ان شاء الله ماترجع للاجواد الا وهي متزوجه ولد عمها.. يااا نوف اهجدي واعقلي لا تضحكين الناس عليك وعلى ابوتس.. بس والله اني راحمتها وتكسر الخاطر .. والعنود اختها داااهيه هالصغيره مهيب سهله.. ينخاف منها..تدرين اقدار يمكن نوف تستغل العنود باشياء تضر شادن.. الى الان مدري مثل ايش بس اتوقع ان العنود بيكون لها دور سيء في حياة شادن..وبعدين البنت بسهوله الواحد يشري ذمتها.. والله ان جدتي صادقه مااعاد فيه صغير...هههههه ام ناصر : هل ارتفاع الضغط بيفيدنا في قصتنا وانها بتستغله في انها تقرب بين عماد وشادن.. اتمنى وانا اتوقع انها فعلا بتصير تضرب على الوتر الحساس..عند عماد وتجيب كل خرابيط العجز من ابي اشوف عيالك قبل لا موت.. ريح بالي وانا جدتك..وهكذاااا... هذي العجيز مهيب سهله ويطلع منها حركات مسلسلات..ههههه نجي عاااد للشيخ فهووودي.: ياااا بعد قلبي الله يعينك ياقلبي والله قطعت قلبي بالبر بروحك ولاا عندك احد ..وبعدين وين اهله كيف تاركين الولد بروحه لاا سألوا عنه ولا شافوا وينه.. والله قلوبهم ميته.. والله اني بغيت امووت من رحمتي له لما صار يتذكر كل مواقفه مع سعود وكيف اهميته له.. والا لما قال لو انتحر انا في النا وسعود بالجنه.. صراحه يقطع القلب.. بس اشوى انهم ما اتهموه في موت سعوود مرات الشرطه يجيلها حركااات نص كم.. الله يجعل كلامنا خفيف عليهم..هههههه مشكوووره اقدرا انتس نزلتي الجزء الحين وماخليتيه لبكره.. اهم شي تطمنت على فهد وحبيت عمااادوبعد اهم شي انتس ماجبتي نهايه تجلط.. وعلى فكره شفتي النقطه الحمراء اللي في عين الجده تراها معلومه صحيحيه لاني اشوفها تطلع لي بعد كل بارت نهايته تجلط..ههههههههه... تحياتي لك على هالجزء الرهيــــــب.. .. |
اقدار يالغاليه > من قلبي الله يشهد :flowers2: تعرفي انا قبل ما اقرى اي بارت نزلتيه .. اشترط الهدوووء التام .. ولو جاء احد كلمني وانا منسجمة مع البارت يا ويله :o9Y04826: لي جو خاااص لما اقرى القصص المميزة واذا احد اشغلني ارجع اقرى الحوار مرة وثنتين وثلاث :YkE04454: > لا زم اقره بتركيز تام وانتي يا قلبي مميزة ما احب اعيد الكلام عشان ما تحسين اني اجامل بس القوي يفرض نفسه ..! فهد .. الله يعينه على ما بلاه والله مصيبته قوية .. اصعب شي موت الفجأه .. صدمة ! ويحس الواحد انه بحلم " استغفر الله" ماتت صديقتي وجميع افراد اسرتها في حادث يوم زواج بنت عمي في نفس هذا الوقت من العام الماضي " الله يرحمها "..!! شادن .. انا اشهد انها حرمتن سنعة .. يشابهونها قليل في ذا الزمن > وأولهم انا :YkE04454: عماد .. احس انه بدا يتقبل فكرة وجودها وقريباً لن يستغني عنها :friends: الجده .. والله هالعجيّز ماهي بهينه احساسها قوي ! فوزية .. ما تركد ببيتها ذكرتني بإختي الله يصلحها ودايم تأكل على وجهها وما تتوب :ekS05142:> تصدقين عاد يوم اللي تغيب نفقدها نوف .. حزنتني وربي الله يرزقها بالزوج الصالح وتفك عماد " تحية بحجم السمـــاء .. غاليتي " |
شو البارت الحلو تسلم يدينك ياحبوبه :Supercool:عايشتين جو القرية البسيطة بس ضاق خاطري على شادن بسبب تصرفات عماد الله يهديه بس شكله يعاني مرض الله يكفينا شره <<تكفين قدوره لاتأذين عماد>> امانوف ناووووويه على نيه قشره تخطط لشيئ ضد شادن ,اما فهد الله يصبره ويعوضه ويقويه شكل هناك نقله لحالة فهد ن انسان مرح ومتفائل ودمه خفيف الي محبط مكتئب ........ والجدة الوضع الصحي يخوف والقلق الي تحس به الجدة على وضع شادددددن ؟؟؟؟؟؟؟؟؟؟مشكوووووووره ياقدوره ونستناك ياكتبتنا الغاليه سي يوووووو:075:
|
اقدار سلمتي والله يحفظك ومن تقدم رائع لتقدم اروع
ليه ليه ياسعود حذفت افكاري والله انها حلوة الله يسامحك سببت لي إحباط نفسي عاطفي والله ياأقدار اني كنت كاتبه كلام حلو بس صودر مع سبق الاصرار والترصد |
شادن تحاول تقنع نفسها إن عماد راح يكونمرحلة بحياتها وتعدي بس هل ما أعتقد إن قلبها راح يطاوعها على ذلك وراح تتعلق به زيادة
عماد وس سر مرضه اللي يخليه يرجع كل ما يأكل معقولة يكون عنده سرطان بالأمعاء أو المعدة قدورة لاتموتينه خليه يطيب ويتعالج فهد الله يفك ضيقته ويرحمه مما هو فيه نوف تفكيرها سطحي جدا الله يعينها على نفسها الجدة اللله يطول بعمرها |
السلام عليكم
ما شاء الله .. القصه جدا جدا جدا رائعه .. راقيه و اسلوبها حلو قريتها كله في يوم واحد -حتى و نحن طالعين نقضي مشاوير طبعت جزئين و قعدت اقراهم في السياره-.. و الحمدلله نزل الجزء التاسع اليوم الثاني .. الحين عاد بتريا من اسبوع لاسبوع على العموم الله يعطيج العافيه يا الغلا .. و الحين بقعد اقرأ قصتج الاولى تسلمين |
هههههههههههههههههههههههههههههههههههههههههههههههههههههههههههه ههههههههههههههههههههههههههههههههه زارا والله ان ردج عسل يامس واثقه دخيلج كثري من هالردود واااااااااااامين ربي يحفظ عماد من كل شر وبعدج عنه وخلليلج فهيدان انا بعد مسكين كثر خاطري بس لاتضنين ضن سوء كسر خاطري عشان اعرف غلاته عندج يا اكشخ زارا
اما الان نجي لتفلسف البارت الصراحه glorious as same as his writer عماااااااااااااااااااااد حلووووووووووووووو يابو حركااااااااااات حركة اليد على الرغم من بساطتها بس بنسيه لعماد مستر جاد كل الوقت خطيرررررررررررره ولاجدام لعجيز بعد طلع الاخو مهو بسهل اشوه طلع عنده شوية رشات رومنتك احس وقتها وجه شاادن شب. ااااااااااااااااااااااااااااااااااااااااااااااااه ياعماد شكلوه سر تعبك كبير عشان يمنعك من اي حياه عاديه لان من حركااتك شكله ان عندك استعداد وقابليه انك تعيش هالحياه بس في شي كبير يمنعك واقف عتبه في طريقك ربي يعينك جد كسر خاطري لم كان تعبان وصفك للموقف عيشنه فيه كن نشوفه وياربي عليه لم يتعامل مع شهد كل حركه تكون حنننننننننننان واقول قدوره ترى حنا ياخيتو عندنا فضول اكثر من شادن فانا ابي اعرف شو عطته شهوده العسل اوشكلج امخزنته الى حركه رومنس ثانيه .احس ان مشواره مو شغل اشم ريحة مستشفى وعند اقدار الخيراليقين. شادن ياعيني عليه الاحت قويه وينشد الضهر فيهااااااااا وطالعه علي ذكيه وشهتني فطايرها شيف رمزي وعلى الرغم من تطنيش عماد لها وكلامه الي يجرح الا انها حنونه وخافت عليه لم حسته تعبان شكله هلعايله الحنان في كرومسوماتها وجيناتها والله يعينها على مس انويف شكلها مخزنه لها خطط جهنميه ربي يكفي شادن شرها تمنيت ان يكون رغبتها في التجدد لنفسها وعشان تبدى حياة جديده مو عشان خطط شريه وسويره في البارت تطمنت عليها خلاص وايقنت ان خلود خلاص انمحه من حياته ياجعله الماحي وانه كان نقطه سسسسسسسسسسوده في صفحات حياتها والحمدالله طوتها بس انشاء الله عسى بس ماتهب ريح وترجعها مره ثانيه وفاطمه عجبني تدينها ومعرفتها بربها وايمانها القوي وصبر من انها تنحرم من اجمل شي للمراه هو الامومه بس انها محتسبه وراضيه مو ساخطه عربها ربي ينولها مرادها فهيدان: لاتعليق اخاف زارا تاكلنا اوتزعل وانا مافيني على زعل زارا واقدار داخله على الله ثم عليج تكفين كثري من الحركات الرومنتك ترها تونس وزيد جرائتها حبتين بس مو ازيد ووووووووتسللللللللللللللمين ياغلا كل مره تمتعينه اكثر من سابقاتها مبدعه اقدار سؤال فضولي كم كنتي تاخذين في التعبير شكله فل مارك لان معلمتك ان كانت ماتحطها لج فلازم تفنش او سولها اعادة تصنيع وبرمجه وسلمتي لنا |
السلااااااام عليكم مساااااااااااااااء الوردد للورد مرحبااااااااااااااااا قدوره البارت روعـــــــــــــــــــــــــــــــــــــــــــــــ ـــــــــــــه :: فهد :: روعه وصفك لحالة فهد وحزنه على رفيق دربه سعود عيشتني حزنه اقتباس:
وعجبتني هالجملة لأنها بجد تعني و شكثر ذاالاثنين فيهم من الخير والايمان الراسخ في ارواحهم متى بتنتهي رحلة فهد مع الحزن ويرجع لرشده ؟ [ طبعاً مستحيل ينسى رفيقة لكن بيتعايش مع الواقع ] ::توقع: من محبة فهد لسعود بياخذ أخت سعود الغالية "ريما" لأنها تربية سعود ومن ريحته ؟ :: عماد & شادن :: شدون : حلوة الحركة ( ترتيب غرفته ) ... وردة فعله كانت متوقعه قدرتها على التحكم بحزنها وقهرها منه وذكائها في التعامل معه قدام جدته وأهله بصورة عامه بتخليه يعجب فيها أكثر وممكن تكون دافع له بأنه يبحث من جديد لشفاء له وتكون عنده رغبه كبيرة للحياة وتساعده على التشافي من علته [ في قاموس حياتي أنا شموسه الحلوة مافي داء ماله دواء الا الموت وهذا من ايماني بحديث رسولنا الكريم عليه الصلاة والسلام ] عماد : استانست على حركته لما مسك يدها واحرجها قدام جدته ... وكلامه لجدته طالع من قلبه مش تمثيل هالشخص بكل مافيه تعجبني شخصيته واهتمامه بكل اللي حواليه راااااااااااااااااااائع لكن ليه دايم صحته اخر اهتماماته .... هل اهتمام شادن فيه اللي بدا من هالبارت بيساعد على تغير حالته الصحية عماد يحاول ان شادن ماتتملك من قلبه وروحه لأنه من عادته التخطيط وهو حاط بباله ان حياتهم ماراح تستمر فامايبي يعلق نفسه بها ويحاول يحارب المشاعر اللي قاعده تتغلغل لروحة من دون شعور منه ونفس الشيء بالنسبة لشادن لكن شادن اســــــــــــــــــــــــــــــــــــــــــــــــ ــــرع بواااااااااااااااااجد لأن مافيه احد ممكن يشوف او يسمع بفعايل عماد ومايحبه :: نوف :: ماتكسر خاطري مش من حقها عشانها حبته انها تحارب شادن لأن عماد عمره ماكان لها الا في أحلامها وهي الغلطانه انها عاشت في الحلم مش الواقع فأذا بتلوم تلوم نفسها لأنها كذبت على نفسها بانها راح تكون لعماد زوجه وصدقة كذبتها الغلا ابدعتي قدوره لي ...أمنيـــــــــــــــــــــــــــــــــــــــــــ ـــــــــــــــــــــــــــــــــــــــــــــــه ان االبارت لجاي مايتأخر لأني كلي شوق لمزيد من حروفك المتألقة ودعتك الله |
عذرا .......... الرد خارج عن موضوع القصة
ارجو الألتزام بقوانين القسم سعود |
عذرا ..........
ارجو الألتزام بقوانين القسم سعود |
السلام عليكمتسلمين اقدار على هذا الجزء الممتلاء بالمشاعر العميق وخلجات النفس البشرية اقدار الله ايخليج لتموتين الجدة جديات مالي خلك للحزن كلش كافي على متت قهر على سعود وفهد ابي حيل ابجي اقدار اترجاج اتفكين لغز عماد في الجزء الجاي اخر توقعاتي بيه سرطان بالمعدة عفية اقدار كولي لا ,اي شدعوة عليه نوف اي كافي هي لزكة ازوج الرجال خليه اتفضه سيرة والله كرهتهه بهذا الجزؤ واخيرا نحن بانتظارك دائما
|
روووووووعة
بارت رهيب تسلمين لنا والاخوات قبلي ما قصرن في التعليق على القصة فصفصوها فصفصة ما شاء الله عليهم ويعجبني فيك اكثر تركيزك على الناحية الدينية في القصة من جد شيء يشرح الصدر لما يقرااحد عن الصبر والتحلي بالخلق والتزام الاداب والحمد لله مجتمعنا مليء بنماذج مؤمنة تؤثر فيمن حولها وذلك من خلال حرص الجدة على التسبيح والرباط من صلاة المغرب للعشاء وتوجه فهد لله بالدعاء والصلاة حتى يقوي ايمانه بقضاء الله وقدره وغيرها من المواقف الاخرى عساك ماتنحرمين اجرها واجر من عمل بها وفي حفظ الله |
السلام عليكم..الجزء حلو كثييييييير كثير عجبني بس على نهاية الجزء يوم عماد تعب اتوقع ان فيه القولون لان اعراضه كذا انا اعرف وحده فيها القولون اذا كلت شي دسم او غصب او اذا كانت جوعانه يصير فيها كذا بس هو كل فطاير يمكن ماتحملته معدته والله مايندرى عنه وشفيه هالرجال ماغير توقعات عليه بس ان شالله مافيه الا العافيه ومافي شي (مهوب زييييييين)وشادن فديتها الله يجبر بخاطرها يارب الاجزاء الي جايه وننتظرج ياقدار الجزء الجاي
|
عزيزتي ,, اقـــــــــدار ,, سلمت يداك لمــا كتبت
جزء رائـــــــــــــــــــــــــــــــع ,, فهد ,, حاله الحزن ,, والبكاء على فقد اعــــز الناس له شي طبيعي كردة فعل,, والشي الجميل محاولته في تثبيت نفسه وارضاءها بالواقع المرير الذي تعيشه لكي لاينهار ,,فاطمه ,, شي نادر في هذا الوقت في اكساب الغير الصبر والايمان و القوه التي فقدها وتحويلها الياس الى امل وتذكير بوجود الله شخصيه رائعه ,, ساره ,, اكتشافها لشخصية خالد قلب الحب الى خوف وبقربها من الصديقه فاطمه اعانها كثير بالتماسك والصبر وعدم الخوف من القادم والرضاء بالقضــــاء ,, نوف ,, الشيء الوحيد الذي قد تستفيد منه بحقدها وكرهها من شادن اصرارها لتغيير من مظهرها ولو انه ليس مهم بقدر تغييرها لذاتهاوتفكيرها ,, شــــادن &عمـــــــاد ,, محاولات شادن في اكتشاف ردات فعل عماد ممكن توقعها في شي لغير صالحها ومن الممكن ايضا ان توقع عماد ,, مفاجأته في تنظيف الغرفه غير متوقعه خصوصا في تحذيراته المسبقه لها ,, ولكن قد يحسب لها لان ,, من وجهت نظري ,, بتصرفاتها المقصوده و الغـــــــــير مقصوده هي تداهـــــم حياة عماد بالبطء ,, ردت فـعـل عماد للمفاجــأه بتفقــده اركـان الغـرفـه و كأنـــه لم يـــرها مسبقا و الـــــــــــــــــــــــــــــــدرج الذي يحمل الكثــــــــــــــــــــيـــــــر من الاســــــرار و السر الذي اتعبنا في معرفته ,,, شكر عماد لشادن واتباعهـا بجــــرح جديدلها قاسي ,,,ومحاولات شادن بعدم البكاء لايهام نفسها بأن كل جرح وكل صد لها في حيات عماد شيء عادي وبسيط يمحى مع الوقت مستحــــيل لان مهما حاولت لابد ان يؤثر ويبقى له اثر ,,, اقرار عماد بقوة شادن وذكائها ,,, وفهم كلاهما للاخـــر :: اعجبني :: موقف عماد بسحبه ليدشادن وانفعالها و محاولت سحبها في نظري اذا تكررت مواقف من هذا النوع قد تولد بين الطرفين شي من المشاعر او القرب ولكن يبقى السؤال هل سنرى مثل هذه المواقف في الاجزاء القادمه ؟؟؟؟ حالة عماد الصحيه تثيرفي النفس الخوف وتوصياته لشادن تثيرالقلق نأمل كل خير ،، الجده ,, يخالجني احساس انها لن تهدء حتى تعلم بوضع ابنيها عذرا على الاطاله اسعدك الله وانار لك دربك واعانك على طاعته في انتظار ابداعك القادم عزيزتي |
هلا وغلا بصاحبة الملامح .. :ekS05142:هلا وغلا بكاتبتنا المبدعه .. نورتي عالمنا بحضورج .. بارت روعة .. يينن .. فهد .. يا رب تعطيه الصبر .. تجسيدج لواقعه مو مبالغ فيه بل كان واقعي جدا .. لان الإنسان لما يفقد غالي .. يفقد الاهتمام بكل شي وأولهم نفسه .. لا يهمه أكل ولا شرب ولا وين ينام .. يتوسد الأرض ويتلحف بالسماء.. نوف.. أشفق عليها .. يالله ما أكبر كسرة القلب .. ما ينجبر كسره .. إلا بحالات نادرة جدا .. وحقدها يمكن ما تملك تسوي شي الا انها تحقد .. وسيلتها الوحيدة لتعزية نفسها.. الجدة .. الله يطول بعمرها .. فعلا وجودها بركة الرواية .. صلاتها تسبيحها تهليلها .. تذكرنا لعل الذكرى تنفع المؤمنين .. عماد .. مو بيده يكون قاسي .. الزمن فرض عليه جذي .. مرضه .. فقد امه .. وجود ابوه بحياته للحظات وبس للمصلحة هذا كله يخليه يصر انه يكون قاسي بالرغم طبعه مو جذي .. شادن .. احب البنت الذكية .. لكن احب بالبنت اكثر قوتها .. مو لازم تكسب قلب عماد .. لكن لازم توصله مسج اني انا هنا .. مو اي قطعة اثاث تضفي على الديكور لمسة جمالية .. الحركات الحلوة .. فعلا حركات حلوة .. تضفي على القصة جو جميل .. اتمنى انج تكثرين منها |
اقتباس:
المواقف الي بين شادن وعماد مررة رهيبه هي الي محليها القصه وتجعل فيها حركات واأثاره حاولي تكثرين منها بحيث يصير كل واحد منهم ما يقدر يستغني عن الثاني ويعاني من هذا الشئ وعماد اتوقع يوم قال انه عنده شغل مهم هذا الشغل شكله يخص مرضه وشكل مرضه من النوع الي له علاج بس هو يأس أرجوا تنزيل بارت بسررررررعه ما عاد اصبر ابغي كل يووم اشوف جزء بصراحه مبدعه أختي تقلبي مروري |
بالفعل غربة مشاعر. عمادو حب شادن وبدا ت تتضارب االمشاعر بين التصديق او حجبها وراء قناع القسوه . واعتقد إن عماد مسافر للعلاج ,ويمكن يموت لأني متاكدة أن شادن هي بطلة ملامح الاساسيه . وحتى لو مات كل ذكرياته شهامه وفزعات لاجل راحت جدته الغاليه .ونوف تستحي على وجهه شوي من متى عندنا المرأة تسوي المستحيل علشا ن ترجع رجال مادرى عن هواء دارها .ماتدري إن بعض الرجال تطيح من عينه اللي زي كذا.نحن في انتظار فجر جديد مشرق الملامح ..................بارك الله في وقتك وفي عملك .
|
وااااااااااااااااااااااااااااااااااااااو روعة أقدار
عماد : رجل باخلاقه من حقه يفرح هو دة العدل..... وموقفه المتباعد من شادن يحزن ...هوة عملة بوجهين ظاهرها القسوة و باطنها الحنية.. طب ليه ميفكرش بطريقة تانية.. يعنى طالما النهاية الللى متوقعها الفراق و الالم ليه متكونش الذكريات الحلوة هية اللى تربطهم ببعض ياريت يا اقدار تخليه يراجع قراره بالنسبة لشادن شادن : ذكائها حتى الان لم يساعدها باكتشاف مرض عماد .. معذورة .. بس اكيد حاجة يسيطة تحصل تخليها تجمع الاحجية الناقصة حبيبتى ام ناصر : شوقتنى ابقى عجوزة زيها ..... هية الرباط الخفى اللى هيجمع شادن و عماد فهد : افتقدنا خفة دمه بس معذور مستنيينك بشووووووق |
:022iz: ياهلا وغلا باهل المدينة الطيبين وحبايب قلبي الغالين :smile: الله لايخليني من قلبك الطيب ذا يارب :c8T05285: ها وش رايك فيني طمنتك :YkE04454: <<< تحس انك بتكفخينها :YkE04454::YkE04454::YkE04454: هو انا ودي بس وين اصيدك:ekS05142:....كل ماحاولت اجيك من جهة لفيتي من الثانية... ماعليه مصيرك يا (سر) تبان وتنكشف...:7_5_129: الله يرحم جدتك ويسعدك انتي ويرزقك بعيال بارين واحفاد تقرين عينك فيهم قريبا :YkE04454: دققي على قريباً :YkE04454: آآآآآآآآآآآآآآآآآآآآمين يارب..صح هم رجة وحوسة بس مو مشكلة ساعتها اقطهم على اهلي<<<نذالة :YkE04454: ..... عقبال ما اشوفك انتي عروسة ياااااارب.. .......ذحين نجي للبارت الجديد.... والحياة اضيق من ثقب ابرة .. التعبير ذا مررة عجبني .. بين حالة فهد وان الدنيا صاكة فوجهه عالاخر... حتى لما انعزل عن الناس فالبر ..حسيت ان ذا في صالحه عشان يخرج كل احزانه ويغسل قلبه.. صح ماراح يرجع زي اول..بس بيقدر يتقبل موته مع الوقت...هاذا اذ مازادت العزلة عن حدها.. انتفض بقوة وصار صدره يعلو ويهبط بسرعه .. وكأنه توه اللي استوعب موت سعود..زي اللي يصحى من حلم.. اصوات الناس وحركتهم ودبهم في الحياة والأطفال اللي يلعبون وقت العصريه خارج بيوتهم واصلتها في غرفتها .. آآآآآآه..شوقتيني للديرة ووقت العصر فيها...سكينة وسلام ماتلقينها فالمدن ابد.. الدرج اللي لو احد اطلع عليه وشاف مكنونه كان انفضح امره وسره اللي يداريه من سنين . ابببببببببد ما توبين عن حركاتك...احنا ناقصين... وش سالفة هالدرج بعد؟..والا ورقة شهد ذي كمان... هالمرة الاخراج جا فنص البارت مو على اخره<<اعلم زارا عليك:biggrin: بدت تغير من حياته ابتداءً بغرفته وانتهاءً باللي الله يستر منه .. احححححمم..وش قصدك هنا ..مافهمت:cgE05050:؟ اهتمي بامورك انتي وكثر الله خيرك . اخخخخخخخ..متى تطيح على راسك بس وافرح فيك متى..هاذا جزاة البنية متعبة حالها وانت ولا حولك احد... بس جرحها ..! هنا مربط الفرس..الكلام هو يشوفه عادي ومن حقه يقول اللي يبغى..بس صعبة تقول لزوجتك بالذات لاتقربي من اشيائي ومالك شغل فيا...الله يعينك ياشادن ضغغغغط يقهر مو بس يصيح :busted_red: .....بس عفيا عليها جارته فلعبته عند الجدة ولا استحت..ايوه كذا لاتخلين فيه مغز ابرة الييين يعرف ان الله حق:YkE04454: نوف...دخلت مرحلة الخطر..ياخوفي من الجاي تزيد اكثر.. سارة...انا ذحين تطمنت عليها..بس مو مطمنة لك قدورة:ekS05142:..يمكن تهف راسك فكرة كذا والا كذا..الله اعلم. فاطمة...عجبني فيها انه مااستسلمت وتبنت اطفال لها..بس كيف تجيبوهم عندها؟..اذا كبرو ماتقدر لا هي ولا زوجها يكشفو عليهم...وصعبة تتركهم بعد ماربتهم من الصغر. بتخليهم على كيفهم ولاتحشر عمرها معهم . يعني ذحين الله يهداك يا جدة جوزتيهم بالقوة وماحبكت عليك الحكمة الا هنا..تدخلي ونص خلي هالعماد تنبط كبدته.. بس اول مرة ادري عن حكاية النقطة الحمرا ذي..مع ان العايلة كلها بضغوطها عندنا..هاذي فايدة ثانيه من قصتك قدورة:flowers2: ......الحمدلله خلصت بربرتي....سامحوني عالإطالة.... |
السلام عليكم
والله انا ياقدار ودي ارد بس جاني احباط كل ماكتبت رد جا سعود الله يهديه ومسحه مع ان ردودي توسع الصدر>>>>>>اموت عالثقه وبالتالي اصبت باحباط نفسي عاطفي عموما نحن بانتظار ك وانتظار.....حبيب الالب عماد سعود تكفى وترى تكفى تهز الرجاجيل لاتمسح تعليقاتي والله انه ضايق صدري من البارح بسبة مسحك لتعليقاتي حتى اني تطاقيت مع مدرستي وصبيت عليها جام غضبي وكله منك >>>>مسكينه تنرحم |
يا هلا وغلا يا قلبي يعطيج العااافيه على هالباااارت الرووووووووووووووووووووووووووووووعه غربة مشاعر يمر فيها كل من عماد وشادن وفهد وساره وان كانت الغربه لكل منهم لها معنى خاااص فيه فهد وغربة المشاعر بعد وفاة سعود صديق العمر وإحساسه بالغربه من بعده وشلون راح يعيش حياته الي كان سعود فيها ركن أساسي إحساس قاتل بالوحده والألم والخوف اتمنى تكون رحلته فيها مجال لتصفية الذهن والعوده من الغربه على ذاك الجدار اللي على حد البيوت وقفت وهاجس الذكرى نفض غباره.. وفي ذاك المكان ثبت إن الآدمي من طين تخيل يوم لمسته تنهد من شقا ناره.. سألني وقال أنا أذكر تجوني اثنين بكيت وقلت صدقني رحل وانقطعت أخباره عماد والسكون الي يسبق العاصفه الي اتوقعها راح تعصف بقلبه وتزلزل كيانه طول السنين الي طافت كان عنده كنترول على حياته ولكن دخول شادن فيها راح يخليه يفقد هالسيطره ويحس بإحساس رافض تواجده بالحياة الي راسمها لذاته وعشان جذي يقسى عليها عشان يبعدها عن عالمه رغم احساسه بالندم على كلامه الجارح لها أحيان .. نندم .. من گلامٍ .. نقولهـ .. ! وأحيان .. نندم .. ( ليهـ .. نسگت .. عن القول ) ! اللهـ يعين الحرف .. لحظة .. هطولهـ .. ! أنا .. أشهد .. أنهـ .. يگشف .. عقول .. وعقول !!! البارحهـ .. والليل يرخي .. سدولهـ .. ! من ضيقتي .. ناديت : .. يارب .... لآ .. حول !! أما شادن رغم قسوة عماد عليها الا انها تحاول ما تنكسر يدامه وتبين قوتها رغم الألم الي تعودت تتعايش معاه بحياتها من موت ابوها الى زواج أمها من صالح ووفاة إختها فـي حياتي علمتني دنيتـي كيف انا ابقـى اصيـل! وعلمتني كيف احفظ عـزتي وارفع براسي مثل هام النخيل كان قصدك يالعنيد دمعتـــي؟؟؟ لو يسيل الدم والله ماتســـيل سااره وألمها بالرغم من اتخاذها القرا رالصح بطلاقها من خالد بس يبقى جرح الألم ينزف أشوفـك : [ جـرح ] .. وأتعبني الغيـاب .. وطاري الفرقـا ..! واناظر سكتـك ودي | أعـوّد | لك .. ولا أقـدر ..!! وأحسبها : إذا إني ابتعـدت .. / بعـزتي / بـ أرقـا ..! وإذا إني جيت من عيني بطيح \\ بوسطهـا بـ ( أصغـر ) ,,! وأقـرر : | أنثبـر | من زود جـرحي ( في الضياع ابقـا ) ..! أدوس القلـب ~ وأتحطـم ~ أما نوف الي رغم انه أحلامها بعماد تهشمت على أرض الواقع الا انها محمله شادن الذنب وبتحاول انها تجرحها بأي طريقه رغم تهديد عماد الغير مباشر لها الا انه حقدها على شادن راح يخليها تتهور بسلوكها بدون شعور ننتظر الباااارت اليااااي بكل شوووووووووق |
سلام معطر مبخر بماء الورد مرشرش للغالية ...........
اقداااار وانا عن نفسي راح اسميك ابدااااااااااااااع...................... من زمان وانا نفسي اعلق على قصتك الرائعه ..........بس كان عندى ظروووف يادوب احمل القصة على الجهاز واخرج....... المهم انا عندى توقعات خطيررررة واخص من توقعات زارا بس ماراح اقولها اخاف تتحقق وانا ماودي/ عماد...........شخصيته رهيبة يعني اللي فهمته انو هو اللى بني نفسة بنفسة وابوة شكله اتخلى عنه واهتم بحياتة ولاعاد سال في ضناه عماد......والسر اللى مبخبيه عن الناس مووجود في الدرج يعني السالفة مهي سالفة ادوية وعلاج والسالفة عمرها سته سنين يعني ايام ما كان مسافر برا يدرس في امريكا شادن:.......مسكينة والله اني رحمتها يعني شئ صعب انها تحس مهي مرغوب فيها من قبل زوجها ولشئ الاصعب انها كتومة ولا فيه احد تفضفضله وهي مو من النوع اللي تفضفض بالرسم او الكتابة او الاشعار يعني حتكتم في قلبها ودى تفضفض على الورق ويجي عماد يقراها ويحس على دمهشهد:......ياربي على العسل بس تراني فضوليه بما ان شادن سكتت انا بتليقف واسأل اش كان مكتوب في الورقة اللى اعطتها عماد وقالها سررررررررررر فهد.........انسان عايش يومة انسان ما يفكر في بكرة انسان فقد نصفة الثاني صديقة سعود راح يعيش فترة تايه ويحس بالوحدة لكن اتوقع راح يرجع يشتغل ويكره البر لان البر عندة يعني سعودسارة.......ياربي عليها صديقة ولا احلى تعرفين اقدار احس انها لايقة لفهد باي طريقة زوجيهمخالد........انسان نذل واطي واكيد راح يلقى عقوبته في الدنيا قبل الاخرة ام شادن.......انسانه ضعيفة شخصية لابعد الحدود وحبها لعيالها كمان اعطها ضعف بدل مايكسبها قوة تصدقي مرة سمعت الدكتور ميسرة طاهر يتكلم عن قصة زي قصة ام شادن تعرفي ايش قالها قال الانسان نفسه يقدر يخلي اي احد يضغط عليه بنفسة اذا بينت له نقطة ضعفك ولازم تخلي نقطتك ضعفك قدام عدوك نقطة قوتك يعني قالو نبغى العيال نقول بقوة شخصية خذهم اصلا انا ابغى اعيش حياتي والله انو يرميهم عليك عناد...وانتي المستفيده يعني الامنوف...........يمكن انا الوحيدة اللى احسها مسكينة لانها عاشت [COLOR="DimGray"]حياتها تحلم وهي في قرارة نفسها عارفة انو هذا الشئ مستحيل وبنت اوهام واهام وصحت على سررراب ام ناصر......المراءة القروية البسيطة القويه المحبة ذكرتيني بجدتي بس الصراحة خايفة يصير فيها شئ وتتدهور علاقة شادن وعماد بعيد الشر وانا من النوع اللي يحب الحب يجئ بعد الزوووج لانو هو الاقوى والادوووم ما اوصيك ابدااع قصدي اقداااار كثري من الاكشن بينهم خاصة ان عماد من النوع المسيطر وهي بنوتة ما تعودتت على السيطرة عارفة اني طولت عليك بس منك السموحة وتقبلي تحياتي وودي:flowers2:[/COLOR] |
تسلمين على هالبارت الحلو مثلك
بس عماد رفع الضغط عندي بدل جدته جد معاملته جافه مع شادن مع انه باين عليه يحبها وعاجبته موت ولما يشوفها تسحره بشكلها واسلوبها عشان كذا يتصرف بحمقيه ولا مبالاه ننتظر مواقف اكثر في البارت الجاي عسى ما تطولين علينا يالغلا |
اقتباس:
بحر الغموض حياك الله يالغاليه سلمتي على الاطراء اللي اعطاني دفعه للأمام ورفع من معنوياتي كثير اجل توافقت توقعاتك مع زارا يابختك والله .. ان شاء الله ربي يرزقك بواحد احسن من عماد ومستصح وحبوب ويضحك ويسولف مو جدي بكل امور حياته .. راح تشوفين اكشن كثير في الأيام الجاية فقط تابعي .. فهد وسارة يمكن يجمعهم النصيب ويكن مايلتقون في القصة بالمرة ... تابعي احداث سارة القادمه عسى بس ماتزعلين باللي راح يصير لها نورة .. وش فيك عليها وليه وماادراك مانورة بنت حلال واجودية احسك مخربطه باحد ثاني ولا تتوقعين منها شي مو كويس نوف صحيح تحقد على شادن وتغار منها بس ماتوصل للسحر ترى القصص مشوهه بناتنا ماعندنا السوالف هذي الا بنسب ضئيلة جداً وانا بصراحه اجسد واقع بأحداث خيالية يعني ماراح اطامر واكتب سحر ودس ومصايب لا لا تابعوا بس نوف وش راح تسوي في القادم اتمنى بقية الاحداث تعجبكم وانتم رايقين وراضين عن الملامح وبقية الفصول .. |
اقتباس:
رين حياك الله يالغلا اتمنى تعجبك وترجعين بتعليق مقنع |
اقتباس:
هلا بك يالغلا الله يعافي قلبك ويسعدك دنيا وآخرة عماد بعذره يالغلا .. اكيد راح يحس فيها شادن تمتلك اغلب مواصفات الأنثى الجميلة اتمنى لك متابعه شيقة لبقية الأحداث القادمه وتكونين راضية هذا اهم شي |
اقتباس:
الروعه وجودك وانضمامك لنا يالغاليه الله يسلم قلبك ويسعدك في الدارين لاخلا ولا عدم |
اقتباس:
مذهلة الخليج حياك الله يالغاليه سلمتي لي على الاطراء عسى الله مايخليني هههههههههههههههههههه ان شاء الله مرضه مو كايد اوووهوووو لسه بدري على الحنان يالغلا مطول شكله :YkE04454: انتي بس تابعي وكلي امتنان تابعي ايضاً نوف وأحداثها اتمنى ان تروق لك او تتابعين بمتعه والف الف شكر على حضورك وتعليقك ياعساني مااخلا .. |
اقتباس:
ظماي انت ملايين المراحب يالغاليه ياحياك الباري الجاي بتشوفون اللي يسركم من المواقف ان شاء الله عماد مممممممم تابعي وتعرفين وش فيه بالضبط ليه مو مصدقينه ان عنده قولون شادن تابعي تصرفاتها القدامه وياخوفي لو ماتعجبكم الضغط ياقلبي مشكلة العصر وهو من الأمراض القاتلة بصمت الله يكفينا وياك شر الامراض طبعاً اذا شفتي احد مصدع وعيونه حرما اعرفي ان عنده ضغط اما في الراس او في العين وعلى طول على المستشفى تابعي بقية مغامرات نوف عشان تفوز بعماد ممتنه لك يالغاليه الله لايخليني من تواجدك بكل الأمكنه عساك موفقه يارب |
اقتباس:
انتي اللي مشكورة على حضورك المبهج واللي بجد يحسسني بقيمة اللي كتبته .. غير انه يسعدني ويخليني اضحك بصوت عالي على تعليقك واسلوبك ودفاعك وهجومك .. :YkE04454: عساك ماتشوفين لانقط بيضا ولاحمرا في عيونك واذا بعد كل نهاية بارت بيرتفع ضغطك بنبطل نكتب الزم ماعلينا صحتك ياعساك دوم بعافية وصحة .. والف الف الف شكر ياريما الغاليه على ردودك المختلفة والمميزة .. ياجعلني دوم اشوفك رايقة ومستانسة وراضية عن الملامح |
اقتباس:
بعد عمري يالولو كاتي يشهد الله القلوب عند بعضها وانتي من الناس اللي اكن لهم موده واحترام فرضتيه انتي اسعد الرحمن قلبك على كلامك اللي دايما يثلج صدري الموت بحد ذاته صدمه عساك ماتفقدين غالي ورحم الله صديقتك واهلها وجعل مثواهم جنان الخلد عليك بالدعاء لها والصدقة عنها تؤجري يالغاليه .. اجل انتي تضحين من اجل غيرك .. قوية يابنت انا من اول قلت انك عاقلة وراكزة .. يعني ماخابت نظرتي فيك .. ماشاء الله عليك فعلاً نوعية شادن قليلة بهالزمن لوغيرها يمديها في بيت اهلها من ثاني يوم هذا ان وافقت على كلام عماد في البداية . عماد .. تابعي بقية الفصول وشوفي مدى صحة توقعك او عكسه يازين العجايز في بيوتنا هم بركة البيت واساسه الصح .. فوزية . ضحكتيني والله عنها .. حتى اختي اذا جات تطفشنا بعيالها ونطفشها لكن اذا تأخرت تعالي شوفي التلفونات ونعاهدها انا مانزعل من عيالها ونراعيهم ولانخاصمهم عاد عيالها اعوذ بالله مجانين ويقلبون البيت لساحات معارك من زود الشقاوة . نوف .. تابعي بقية مغامرتها لأجل الفوز بعماد تسلمين لي يالولو الله يسعدك على هالحضور بجد بجد افرح لمن اشوفك تعلقين على الاحداث بعقلانية |
اقتباس:
قمر وبس ياملايين المراحب حياك الله يالغاليه الله يسلم لي قلبك زين ان وصف القرية وصل لك وعشتي جوها .. عماد تابعي وش يصير عليه ووش علته بالضبط كمان تابعي مغامرات نوف ووشوفي وش توصل له . فهد كان الله في عونه وعساك ماتفقدين غالي يالغاليه .. الجده ان شاء الله ربي يطول في عمرها .. العفو ياقلبي انتي المشكورة على هذا الحضور ياعساني مااخلا وعساك سالمة لاختك |
اقتباس:
الله يسلمك يابحر الغموض الروعه حضورك لكن انتبهي ياخيتي من الكروت الصفرا حقت سعود شكل ضغطه ارتفع من الردود الخارجه عن موضوع القصة :YkE04454: سلمتي على الحضور والمرور وياجعلني ماافقدك من شر او مكروه او حضر :YkE04454:.. |
اقتباس:
حياك الله اختي انا هلا بك ملايين تابعي شادن وقلبها وافكارها بتستمر مع عماد ولا بتشطح لغيره مرض عماد قلت قبل لاهو سرطان ولا ايدز تابعوا واكتشفوا وش هو بالضبط .. نوف فعلاً سخيفه بتصرفاتها بس عذرها الحب المجنون حتى وان كان من طرف واحد . . آمين الله يطول بعمرها ويسعدها . الف شكر على الحضور الراقي ياانا ياعساني مااخلا |
اقتباس:
عليكم السلام ورحمة الله وبركاته الرائع حضورك وانضمامك لمتابعينها يالغاليه سلمتي والف الف شكر على الاطراء .. الله يعافيك واتمنى ان كل كتاباتي تعجبك وتنال رضاك ممتنة وشاكرة جداً |
اقتباس:
ياهلا ومسهلا يالله ان تحييها عماد يعجبك ماعليك انتظري للأحداث القادمه وبتعجبك حركاته اكثر بس الحين هو مايبيها تتعلق فيه وتحبه وهم منفصلين لامحاله برأيه .. اللي اعطته اياه شهد بتعرفينه قريب ان شاء الله انتي بس تابعي وكلي امتنان شادن هههههههههههههههههههه ضحكتني كلامك عن الحنان الحنان ياقلبي موجود بكل انثى بس درجاته تختلف وشادن يمكن ورثت درجته الكبيرة من جدتها ليه لا نوف يمكن يكون في صالحها التغيير تابعي واكتشفي سارة تابعيها كمان في الاحداث القادمه وشوفي وش بيصير عليها وصحبتها لفاطمة ممكن تكون في صالحها وممكن العكس فقط تابعي وكلي امتنان فهد .. ههههههههههههههههه ايه من خاف سلم يابعد عمري ياانجل ان شاء الله تشوفين كل اللي يسرك وبإذن الله يعجبك القادم ياعساني مااخلا منك ومن هالحضورالحلو |
اقتباس:
عليكم السلام ورحمة الله وبركاته حياك الله اختي احلى شمس وملايين المراحب باهل قطر الغالين يابعد عمري الروعه هو حضورك ووجودك معاي بكل مكان ياعساني مااخلا الحمد لله اني قدرت اوصل لك مدى حزن فهد هذي اعتبرها نقطة ايجابية تحسب لي ريم .. اخت سعود صغيره سعود يعتبرها بنته ماراح يفكر فيها فهد كزوجه اللهم صلي وسلم على رسولنا وعلى آله وصحبه اجمعين .. فعلاً لكل داء دواء بعض الأمراض عرفت ادويتها بعضها للحين يمكن كلامه لجدته حقيقي ويمكن عشان يستفز شادن ويريح جدته ويطمنها .. عجبني تعليقك الاخير عن عماد فقط تابعي واكتشفي مدى صحة كلامك نوف انا معاك بكلامك عنها لكن الحب احيانا يعمي البصر والبصيرة تابعي بقية مغامرتها يمكن تروق لك سلمتي لي يااحلى شمس بجد امتن لهكذا حضور وتعليق ومتابعه وياجعلك دايماً راضية عن اقدار وملامحها لاخلا ولاعدم يالغاليه |
اقتباس:
حياك الله يالغاليه الله يسلم قلبك ويعافيك الجده الله يطول بعمرها عاد لو بيدي محد يموت من الابطال يااراده لكن الموت بيد الله <<< بتنذبح ههههههههه شوفي ياارادة انا ماشيه على خط سير معين في الرواية عشان كذا ياقلبي مااقدر اقدم احداث على احداث ولا اقدر اغير أي شيء منها عشان طلباتكم ولا انتم والله انكم غالين ولو بكيفي كان اخلي لكم تختارون الأحداث اللي تناسبكم فــ اعذريني يالغلا وياليت ماتزعلين من صراحتي .. وسرطان مافيه وايدز ماعنده من زمان وانا اقول نوف تابعوا بقية احداثها يمكن تحبينها ويمكن يزيد كرهك لها الف شكر يالغلا على حضورك وردك وتوقعاتك ياعساني مااخلا دمتي وسلمتي |
اقتباس:
بنت العرب هلا بك حبيبة قلب الروعه والرهيب هو هالحضور الحلو .. الناحية الدينية هي ركيزتنا في حياتنا وواقعنا واساسنا اللي تربينا عليه وانا اكتب واقع والحمد لله اني اكتب عن مجتمع مسلم وعربي ومحاااافظ سواء على دينه او عاداته وتقاليده .. ان شاء الله اقدر اوصل شي يمس شغاف القلوب ويلامس مشاعركم ..والأجر لمن كتب ون قرأ ان شاء الله .. وفعلاً الجده نموذج لأغلب الناس في مجتمعنا الحمد لله وفهد ولجوءه لله في عز محنته نهج ينتهجه المسلم الذي يدرك مدى قوة الله واعانته للمسلم الذي يؤي اليه آآمين الله يعطينا ويعطيك اجر مانكتب ونقرأ ولا يؤاخذنا بما نقول سلمتي يالغاليه بجد يابنت العرب حضورك مميز بكلماتك الطيبة رفعتي من معنوياتي وحثيتيني على المزيد من التذكير عساك مأجورة ودي وامتناني |
اقتباس:
عليكم السلام ورحمة الله وبركاته ملا يين الهلا بالشيخة الغاليه .. فعلاً هذي اعراض القولون بس ممكن تصير لمرض ثاني وممكن هو القولون اللي عند عماد شادن تابعيها يمكن ينجبر خاطرها ويمكن ينكسر اكثر .. عساني مااخلا ياالشيخه على هالحضور شاكرة وممتنه |
| الساعة الآن 12:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية