منتديات ليلاس - لاانا اتبع المقفي .. ولااحب فرقاااااك!!!

السلام عليكم ورحمة الله وبركاته

ويسعـد أوقاآت الجميـع ..

.
.

يكبر قسـى جـرح السنيـن .. ويعنـي
رجل الحزيـن اللـي علـى حـد الإدراك

هذا أنـا .. يـوم أخلـف الوقـت ظنـي
الحـزن حزنـي .. والسوايـا سوايـاك

بكيـت .. وأبكيـت العيـون .. وبكـنـي
تعال .. شفنـي كـل مـا حـان ذكـراك

كـم واحـدٍ جانـي بـعـدك وسألـنـي
شخبار من ((حبيت وأقفـى وخـلاك؟؟))

وأصـد .. والحـزن الخفـي ممتحـنـي
وأن قلت: منهو .؟ .. قيل: ماهوب يخفاك

قيل: العوض .. قلت: العوض ما شحنـي
والله لا هـــــذا .. ولا ذا .. ولا ذاك

يـا مـا بعضهـم مرنـي مـا فتـنـي
يا جعـل ماهـم بالعـوض فـي محيـاك

الله لا يجبـر عـزا .. مــن عذلـنـي
ما جاه ما جاني .. ولا جـاه مـا جـاك

واللي عـذل ويقـول (لـو و لـو أنـي)
((جعل يعشـق لـه واحـدٍ كنـه إيـاك))

مـا فيـه شـيٍ فـي حياتـي غبـنـي
الا نهار أقفيـت .. وأنـا أسمـع إبكـاك

الله مــن جــرحٍ قـديـمٍ .. مكـنـي
أمداك نزفـه لكـن .. ادواه مـا أمـداك

علـيّ كـم جـار الـزمـان وطعـنـي
أسمع صـدى صـوت المعاليـق تنخـاك

وين أنت .؟ ياللي كـل مـا غبـت كنـي
واقف علـى بـاب الأمـل .. وأتحـراك

ليتك تعرف تخون .. وأقـول: ((خنـي))
علـى الأقـل القـى سبـب .. وأتنسـاك

وليت الزمـن فمحبتـك .. مـا خذلنـي
وليت الهجر من طيب خاطرك .. ورضـاك

لـو أن قربـك والوصـل .. بالتمـنـي
ما غبت عـن عينـي كثـر مـا اتمنـاك

خايـف يطـول البعـد ((وتسـج منـي))
((وياخذ مكانك)) شخص .. ماهوب يسواك

وش عاد أسوي يومـك أقفيـت عنـي .؟
لا أنا أتبع المقفـي .. ولا أحـب فرقـاك

وسلامتكم

منقووووووووووول