|
إلغاء مباراة المصري والزمالك بسبب هتافات الجماهير
http://images.filbalad.com/filgoal/N...dium/32952.jpg ألغى الحكم أحمد عودة مباراة المصري والزمالك في الدوري الممتاز يوم السبت بسبب الهتافات العدائية من جماهير بورسعيد اعتراضا على عدم احتساب ركلة جزاء لفريقها. وأوقف عودة اللقاء في الدقيقة 81 ولوحة النتيجة تشير إلى تقدم الزمالك بهدف نظيف بعد تزايد السباب من جماهير المصري عندما سقط وجيه عبد العظيم داخل المنطقة وإشارة الحكم باستمرار اللعب. وأمهل الحكم مسؤولي المصري فرصة لتهدئة الجماهير ثم أطلق صافرته بعد نحو عشر دقائق عندما استمرت هتافات أصحاب الأرض. وخرج الحكم في حراسة أعداد كبيرة من رجال الشرطة وسط صيحات غضب من جماهير بورسعيد التي لم ترض عن قرارات الحكم طوال اللقاء. وتقرر لجنة المسابقات في اجتماعها المقبل نتيجة المباراة والتي ستكون في صالح الزمالك، وفقا للوائح. ولم يفز الزمالك على المصري في بورسعيد منذ فبراير 2003 وانتهت أربع مواجهات بينهما بعد هذا التاريخ بفوز المصري في مناسبتين والتعادل في مثلهما. هدف شريف http://images.filbalad.com/filgoal/N...ium/360178.jpg تقدم الزمالك مبكرا في الدقيقة السابعة بضربة رأس من المهاجم الصاعد شريف أشرف، الذي أحرز أول أهدافه بالقميص الأبيض منذ انتقاله من ناشئي الأهلي في الصيف الماضي. ظهر تفوق الزمالك في الشوط الأول وسدد جمال حمزة على مرمى المصري قبل أن يحول محمود فتح الله ركنية برأسه بجوار القائم. طالب المصري بركلة جزاء في الشوط الأول عندما اصطدمت تسديدة قوية ببشير التابعي ولكن الإعادة التلفزيونية أثبتت أن مدافع الزمالك أخرج الكرة بصدره. وهتفت الجماهير كثيرا ضد الحكم الذي اضطر لإيقاف المباراة قبل استئنافها بعد هدوء أنصار المصري. اتسم اللقاء بالعنف من الجانبين وتحسن أداء المصري بعد الاستراحة وكاد أن يسجل هدف التعادل في الدقيقة 51 عندما انفرد نبيل الميساوي بمحمد عبد المنصف ولكن الحارس الدولي المصري خرج من مرماه وأنقذ الكرة. واصل المصري سيطرته على منتصف الملعب إلا أن التوتر سيطر على اللاعبين مع مرور الوقت وجاءت القشة التي قصمت ظهر البعير عندما سقط عبد العظيم في المنطقة بعد كرة مشتركة مع مدافع المصري السابق عمرو الصفتي. وأدت اعتراضات لاعبي المصري وجماهيرهم على تلك اللعبة قاسية جدا للدرجة التي اضطر الحكم معها إنهاء اللقاء. |
بأمانة ماتش من أسوأ المتشات من حيث الجماهير
ظهرت بمظهر سئ للغاية اتمني ميتكررش تاني في الملاعب المصرية وبعيدا عن اللي حصل الهدف بتاع اشرف شاكر جميل جدا اتمني تستمر الصحوة اللي في نادي الزمالك ويرجع زي زمان فن وهندسة تسلم يا هاني علي الموضوع |
اقتباس:
نورتني يا باشا فعلا هدف شريف اشرف حلو بس جماهير المصري بوظت الماتش مع انهم كانو بيهتفوا علي كورتين مش ضربات جزاء اساسا اسعدني تواجدك دمت بود و اكثر |
كان الماتش ماشى حلو واللعيبة فى الفريقين بيأدوا اللى عليهم بجدية
وأول مرة الموسم ده أشوف الزماالك بالروح دى وهدف شريف أشرف كان خير دليل على الروح دى لكن فعلا الجماهير كانت أسوأ مافى الماتش وكان إنفعالهم غير مبرر وبدون أى سبب وعلى ما إعتقدوا أنها ضربات جزاء لكن مكانتش كده خالص وكل اللى فيها إن كان فيه حد بيحرضهم لعمل شغب وتبويظ الماتش مش عارف ليه مع إن لعبيتهم كانوا بيحاولوا وبيعملوا كل اللى فى مقدورهم وفعلا كان ممكن يتحققلهم التعادل فى فرص كثيرة ونفسى بقى تختفى الحكاية دى من كل الجماهير فى مصر زى ما جماهير الأهلى والزمالك بيحترموا لعبيتهم وأنديتهم والحكام وطبعا كلنا كنا بنتفرج على الماتش أهو تسلية قبل ماتش الأهلى والحمد لله كان ماتش الأهلى تكتيكيا عالى جدا من الأهلى وحماسى جدا جدا من لعيبة النجم والحمد لله كانت الغلبة للخبرة والحكمة تسلم يا أخ honey على الموضوع |
اقتباس:
فعلا الجماهير كانت شايطة ( من شاط يشيط شياط ) و هتفت ع الحكم مع الشك ف ضربتين الجزاء مع ان اللاعب كان المفورض ياخد كارت عشان التمثيل جمهور المصري و جمهور الاسماعيلي من الجماهير ال متعصبة لفرقها لكن الحق حق دمت بود و خير مودتي |
رغم النهاية السيئة اللى انتهت بيها المباراة الا ان الزمالك حقق فيها مكاسب جيدة
اولا: كسب فيها مهاجم جيد جدا وهو شريف أشرف ثانيا : كسب فيها الثقة اللى كانت غايبة عن الفريق من مدة طويلة ثالثا : كسب فيها جماهيره اللى رجعت تشجعه وبحرارة اما بالنسبة لقرارات الحكم فمن وجهة نظرى انها كانت عادلة جدا ومتوازنة بس جماهير المصرى زى ماقلت ياهانى كانت شايطة لوحدها شكرا هانى على الموضوع |
اقتباس:
اقتباس:
صباح الخير يا هوب زمالكاوية زملكاوية يعني ههههههههههه هو فعلا الماتش كان عودة للزمالك و المصري جمهوره زودها شوية بس ربنا يوفق كل الاندية و عايز دوري جامد هنا مش دوري البطل الواحد دمتي متواجدة تقبلي ودي و اكثر |
ياااااااا ريتني معهم يا ريتني
كنت تكتكلهم تكتيكة غير مباشرة ههههههه يعني كانوا لازم يقفلو باب الاستاد من الخارج وبعد كده يهجموا على الملعب ويمسكوا الحكم من زمارة رقبتو بس للاسف فاتتهم هههههههههه على العموم الجايات اكتر من الرايحات خخخخخ الف شكر الك هاني على الاخبار الرومانسية هههههه |
مين القمر اللي ف توقيعك دا يا قمر
و ان شاء الله هجيب الشباب كلهم و نيجي نشجعك ف الماتش بتاعك بس بشرط تنسي الزمالك دا هههههههههههه اضاء وجودك متصفحي دمتي بود و زيادة |
شكرا اخى هانى على موضوعك الرائع ده
واحب اقولك يا اخى العزيز ان الدورى السنة دى حيكون من اصعب السنوات اللى فاتت بالنسبة للاندية الكبيرة مثل الاهلى والزمالك والاسماعيلى والمصرى لان صراحة الاندية كلها صراحة جهزت اسلحتها كويس اوى وعمرت الاسلحة بالذخائر القوية علشان كده حيكون من اصعب دورى على الاطلاق وهذا شئ جميل وانا نفسى سعيد به جدا ان يكون فى منافسة قوية واندية جديدة تخش المنافسية مثل طلائع الجيش وبتروجيت وانبى والحرس السنة اللى فادت واللى قبلها لكن السنة دى شكل جديد خالص ويكفى ان طلائع الجيش متربع حتى الان على العرش البطولة والاندية الاخرى تنتظر له مباراة لكى يقع بها ويعتلون القمة مثل الاهلى لكن حتى الان ماشى كالقطار لن يوقفه احد واتمنى ان يستمر هذا حتى نهاية المحطة حتى يحلو الدورى ويبقى فى شوية تغيير لا اهلى ولا زمالك عايزين يبقى فى منافسة حلوة وشريفة ونظيفة اتمنى هذا مع العلم يا اخى بانى زملكاوى جدا جدا بس اتمنى الزمالك يخرج من هذه الكبوة اللى فيها بقاله اكثر من ثلاث سنوات واتمنى التوفيق لطلائع الجيش واستمراره فى المقدمة وملاحقة الزمالك به والاهلى والاسماعيلي لكي يحلو الدورى واسف للاطالة اخى العزيز وشكرا للموضوع اخوك هانى الفرنساوى |
اقتباس:
اخي الكريم هاني ( بصرة ) اوافقك الرأي ان الدوري السنادي طعم تاني و ان شاء الله يكون الدوري اقوي من اي سته فاتت و تكون المنافسة حتي اخر مبارة اسعدني وجودك كن بالقرب دائما |
| الساعة الآن 08:40 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية