منتديات ليلاس - السهرات الحمراء تهدد مستقبل رونالدينيو في كتالونيا

مع احترامى لجميع الاخوة

انا معاكم ان ابو تريكة رجل خلوق ومحترم جدا جدا ولا يختلف عنه اثنين

بس من ناحية المهارة مفيش برضه اثنين يختلفوا على رونالدينيو اللى بثمنه يساوى نادى الاهلى والزمالك معا بكل انشطتهم وهو لوحده فريق

وبرضه منساش النجم الارجنتينى وخليفة ماردونا المتألق ميسى ده برضه يا جماعة مشكلة مشكلة

ويا ريت لو يقدر النادى الزمالك يفور اللعيبة كلها بتاعته ويجيب رونالدينيو لوحده ههههههههههههه

يقوم بالفريق كله بس ده طبعا حلم وعمر ما الزمالك او الاهلى او اى فريق مصرى او عربي يقدر على ثمن رونالدينيو احنا اخيرنا وده عيب فينا نشوف اللاعيب اللى يدخل فينا جوان ونروح على طول نجرى عليه زى خالد سعد مثلا دخل فينا جون وصنع جون روحنا رايحين نتعاقد معاه على طول وعمل ايه لما جابو الزمالك وشه كان نحس اول ماتش اتغلبنا من الاسماعيلى ووش الضيف بعده

لكن يا جماعة شفتم ايتو ورفاقائه عملو ايه لما كانو بيلعبو امام الاهلى
اول ما نزل رونالدينيو ورفقائه تلاعبو بالاهلى ومكنوش عارفين يعملوا ايه غير الكبارى اللى اكلها عصام الحضرى الله يكون فى عونه ونحمد ربنا انهم ملعبوش من اول الماتش كانت حتبقى فضيحة مجلجلة بجلاجل هههههههههههههههههههه

ارجو عدم الزعل من اى شخص اهلاوى انا بهزر
وسلامى وتقديرى لكل اهلاوى وتمنياتى لهم بالفوز بالبطولة الافريقية والذهاب لليابان المرة القادمة والصين البعد القادمة