|
آسفه من القلب
الحقيقه انا حبيت بس اشكر البنات اللي يتعبون مع الروايات ويمتعونا باحلى اللحظات واحنا بكل سهولة ندخل ونقرا القصص -وبالنسبه لوضعي-ادخل واطلع بدون احم ولا دستور قصدي بدون شكر او تعليق والصراحه اني انخجلت من حالي وبغيت ابين اسفي وشعوري بالامتنان العميق لكل اللي يتعبون ويسهرون عشان متعة الاخرين ترى مهما كان الصمت فالتقدير للجميع موجود وانتو اللي بمجهودكم تخلون لحظات راحتنا اجمل واروع بالقصص -اللي ماينشبع منها- وشكرا من القلب
|
يسلموو ياحبيتي
كلامك جمييل جدااا واحساسك راقي وكلامك صحيح طبعا , هالمنتدى مايقوم الا فينا , لازم نكون يداا بيد موو نقرأ ونرحل , لازم نقدم له مثل مايقدم لنا على الاقل شكر الاخوات الي يتعبون وينزلون لنا الروايات لوو مافي ردود ولاتشجيع ولاموضوع جديد المنتدى هاذا رااح يقفل طبعاا وانا عايشت هالاوضااع الاعضااء مايردون او مافي عضوات ينزلوا روايات و يعلقوا على الروايات (طبعا بأدب) تحسي ان المنتدى مييت ومافيه روح , لو غابوا البنات المعدودات الي يشاركوا فيه ناااااام المنتدى لازم نشارك فيه ونعطيه مثل مااعطانا لانه منتدى عظيم ومانبيه يندثر او يموت :welcome_pills1::welcome_pills1::welcome_pills1: |
اقتباس:
هلا فيك اخت ريمية بيننا وموقفك رائع جداا اي وحدة مكانك بيكون لها نفس الشعور الجميل والشكر اقل شي نقدمه للاعضاء اللي بيتعبون كثير وقبلها لادارتنا العزيزة وماحد بيحس بهذا التعب الا لما يجرب يصور وينزل رواية وحة فقط بيعرف قد ايش فريق الروايات يبذل جهد كبير عشان يسعد الاعضاء ويرد لو جزء بسيط من جميل منتدانا الغالي لك مني احلى تحية:flowers2: |
تسلمين والله صدقتي خيتو
لازم نشارك ونشجع كل عضوه تعبت عشانا لو فكرنا شوي ..... بس شوي في نسخ رواية الي اعداد الصفحة فوق المية وتكون الحجم والصيغه المطلوبه ... بعدين ترفع الرواية على موقع لرفع الصور وتنزله في المنتدى ..هذا ياخذ وقت وجهد وتعب... ومتأكده انه اييب وجع الراس لانه يباله تركيز ... بنحس شوي بالتعب الي يتعبنه البنات فلازم نقول لكل كل وحده نزلت رواية كل وحده اعادة تنزيل رواية كل وحده حولت رواية الى كتاب كل وحده نزلت موضوع لنقاش والتواصل بين الاعضاء كل وحده نزلت موضوع شرح برامج او شرح تنزيل رواية كل وحده نزلت موضوع تسهل على الاعضاء البحث عن الشي الي يبونه لو كان مجهود فردي او جماعي لازم نقوله شكرا مع ان شكرا شي تافه بنسبه لمجهودهن وتعبهن وقول لكل عضوه مشتركه ولا تشارك شاركي وقولي شكرا لان البنات تعبن ويستحقن هذي الكلمه منكن تسلمين |
الف شكر لكل من ساهم في انجاح قسم الروايات
وعلى فكره انا عندي في مكتبتي حاولي 500 روايه طبعا عبير واحلام وودي انزل ع المنتدى بس مااعرف وانا جدا مشغووله بس اللي تبي تاخذ من عندي الروايات وتنزلهم انا حاضره وماعندي مانع بس ياريت تكون في قطر او الامارات ( دبي - الشارجه ) وشكرا موصول لصاحبة الموضوع وتقبول تحياتي |
| الساعة الآن 10:50 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية