منتديات ليلاس - قصيده للبنات المستعجلات على العرس

بصراحه انا كنت مطفوووقه على العرس تعرفون بعض البنات مايقدر يكتم مشاعره ههههههههههه
بس بعدين يوم شفت المتزوجات ضعيفات يكرفن كرف الحمير قلت يابنت عيشي شبابك لاحقه على التعب واذا فاتنا القطار دقيتها زواج عرفي هههههههههههههههههههه

لاتحسبين العرس توفـي وكتكـــــات .... ولا تحسبينــــه توكـــس والا بونتـــي

ولا تحسبين العرس كيكة وطرطـــات .... وصلــة قطعتيهـا ووصلـــــــة بلعتـي

ولاتحسبين العرس تصفيق واصوات .... وانت على صــوت الغطاريف همتي

ولاتحسبين العرس كوشـــــة ولمبـات.... وانت كمــا الطـاووس فيهـا جلستـي

ولاتحسبين العرس احــلام في الشات .... يـــــامــــــا بنيتيـهـا ويـامـا هدمـتـي

ولا تحسبين العـــرس روحة وجيـات .... هيــــا اقضبي بيتك عسـى مانهبلتـي

ليلــة سعيدة وانت احلــى الجميـلات .... تشخص عيون الـنتاس اذا حضرتـي

(واللاينر)حطيـــــه بـــــــلا زيـــــــادات .... لا يخــــــــرب المكيـاج اذا دمعـتـي

(والمسكرة)تحـــتاج لطف ومـــدارات .... حتـــــــى يبـــان الزيـن اذا رمشتـي

(والاسبريه )رشيــــه حتى البصيـلات .... يمســـك شعرك زين لو كـان زدتـي

وترى (المـحدد) فن يحتـاج رسمـات .... يبـان رسمــــــــه زيـن اذا ابتسمتـي

العــــرس يابنيـــــة ماهـو شعــــارات .... تفنــى مراسيمــــه وتبقيـن انـتـــــي

ويبقى شريك العمر راعي الطويلات .... هـــــذا هو العـرس حقيقـه عرفتـي؟

اول نصيحــــة لك حفـــــظ الصلـــوات .... صلي العشــــا والفجر في كل وقـتِ

وفي ليلــــة العرس الموفـق بالـذات .... ادعــي الكـريـــــــم إذا سجـــــدتــــي

والتعري لاترضين عــند الكوفيـرات .... ولبسـك يملـــــى العيــــن اذا لبستـي

واللــــي على زوجك تحرضك مرات .... ارجــــوك شـــــوتيهـا شوتـت بلنتـي

والصبر في العشــرة حتى على فتات .... يامـــاحـــــلا فعلتـك يومـك صبرتـي

واذا حفظت الســـر مــــــع المـدارات .... زوجــــك ترى في عيونـــه كبرتـــي

والســوق يعني هاه وقت الضرورات .... والاتـرى زوجــــك يـدور لمفتــــــي

زيدي الغطايـــة وكثري في العبايـات .... والله يرضــــــى عنـك اذا ستـرتــــي

اوصيك بالكبســـــــة وكثـر اليدامـات .... حتـــى لوانــــــك مـن سببهـا متنتـي

وخلي الرجيم اللي فشلتي فيه مرات .... سويــــه مــــــــرة واحـدة لا ولـدتـي

سلامتـــــــــــــــــكم...
منقول..