|
@@ خيانة المتنبي *@@
********************** ********************** بوقت من البطا وبليل تتراقص شياطينه بعد شفت الضيا ينزع من ثياب المسا..ثلثين تحايلت المنام إلي مثل بيتك تمرينه وانا إلي من تفارقنا وانا ما غمضت لي عين غريبه!! كل حلم يمر برقادي تزورينه والاغرب كيف أحلم الحلم وارجع واحلمه بعدين؟! قبل يومين شفتك بالمنام وقمت من حينه ونمت أمس ورجع نفس المنام إلي قبل يومين انا إلي قبل اسافر شلت قلبي من شراينه تركته في ايدك مثل الامانه واحفظيها زين ترى حفظ الأمانه دين..مجبوره تردينه أجل مافيه احد قد قالك حفظ الأمانه دين !! مرد المقفي بيلفي ..ويستوفي وتوفينه بعد ليله , ثلاثه , أربعه , عشرة , شهر , شهرين إذا انتي ما انتي بقد الكلام إلي تقولينه حرام أستأمنك حاجه..وإذا جيت أطلبك تنسين تخونين وتبين أرضى!. واحد يرضى تخونينه انا لاجيت أخونك مع حبيبه ثانيه ترضين..؟ من اول ما رجعت من السفر ماشفت لك بينه وانا إلي كنت احسبك قبل ادوس ارض المطار تجين تكونين انتي اول شخص عيني تحتضن عينه وكنت اتخيلك من زود فرحة رجعتي تبكين واشوف بدمعتك حكيك واعرفه قبل تحكينه واجيب أحلى من إلي بتحكينه واتركك تحكين تقولين الوطن نور واقول بنور مضوينه تقولي لي غديت أحلى واقول عيونك الحلوين كلام(ن) نام بشفاهج وخفتي لا تصحينه ذخرتيه لغرام إلي ينام ويتركك تصحين تغانمتي غيابي لين رجحتي موازينه تعلم من ايدك لمس الكفوف وعلمك تجفين وليتك لاقية به شي..فيني ما تلاقينه مهو بغرور لكن خابرك مالك أمل تلقين تغافلج بغلا والا الحلا ما هوب من زينه تزينه الصور..بس الصحيح ابن الحلال زوين وانا ماني بناقص عنه يوم انك تبدينه نصيبي هو نصيبي لو يسددها من الصوبين قنوع بمظهري..والسم مايذبح ثعابينه على قول المثل: ماني حلو لكني ماني شين إذا اهداك الزهر مره فأنا أهديتج بساتينه وإذا ألهاك بفرح ليله فأنا تهت لبكاك سنين وإذا استضعفتك أملاكه وشتتك ملاينه انا حتى فتاته الخبزه أقسمها معك نصين طموحي, بس أجي واظفر بشي(ن) تستحقينه تدينته , تسلفته , سرقته , مو مهم منين كأني من كثر مارضى بكل إلي اتمنينه لو أنك تطلبين الله يعنيني بقول: آمين أنا ما ألعب على الحبلين وقت الطيش وسنينه تبيني الحين يوم إني كبرت ألعب على الحبلين.؟ ترى عن البدو بالذات عيب إلي تسوينه حلاتك لا عشقتيني..تعشقيني ليوم الدين غرام(ن) نسكن ضلوعه حشيمه من مجانينه جفا يجمع معزتنا ولا عشق(ن) يذل اثنين كثار إلي تحدوني وقالولي تحبينه أمانه..لا تخليني صغير بعينهم..تكفين لأني كل ماقالو: تخون..أقول: مسكينه عليك الله وامانه علميهم من هو المسكين انا خايف (ليا طاح الجمل تكثر سكاكينه) وانا ماعادت ضلوعي تحمل طعنة السكين مثل ماقالو: المكتوب واضح من عناوينه لو أرحل منك للغربه بسافر من ظلامك وين؟ كفايه..كل حلم يمر برقادي تزورينه كفايه..من تفارقنا وانا ما غمضت لي عين قبل يومين شفتك بالمنام وقمت من حينه ونمت أمس , ورجع نفس المنام إلي قبل يومين |
اقتباس:
هالقصيده ذي عذاااااااااب المحبين,,روووووووووووووووووووعه يسلم ذوقك ع الاختيار الذوق... يعطيك العافيه... |
اقتباس:
وكانت اكثرها لشاعر (حامد زيد) وانا مسميه (متنبي الخليج) طبعا ً اللقب هذا من عندي لأني معجب بقصائده .......والا هو ما يستاهل هههههههههه |
كثار إلي تحدوني وقالولي تحبينه
أمانه..لا تخليني صغير بعينهم..تكفين لأني كل ماقالو: تخون..أقول: مسكينه عليك الله وامانه علميهم من هو المسكين انا خايف (ليا طاح الجمل تكثر سكاكينه) وانا ماعادت ضلوعي تحمل طعنة السكين الله هالابيات جدااااااااااااا رائعة وماجد ليش ما بيستاهل يكون متنبي الخليج هههههههههه انت ابتمدح فيه وبتذم فيه بنفس الوقت هههههه |
انا اكرهه لأنه يمدح نفسه شايف نفسه انه من اعز الناس ومن الرجال البواسل والي يعرف حامد زيد ....يدري انه مجرد شخص اقل من عادي ما عنده لا تاريخ ولا مواقف تشهد له بهذا المدح على العموم كل الشعراء مدحوا انفسهم باقوى الأبيات حتى ابو الطيب المتنبي صور نفسه انه من خبراء الحروب ومن من صال وجال في المعارك وهو ما عنده ما عند جدتي هههههههههه |
ياعيني على التواضع ههههههههههههههههههههههههههههههه |
اقتباس:
والله يابيان ما ادري عن نسب المتنبي واكيد ...مافي احد ينافس المتنبي في الشعر ولكن لو لاحظتي في بعض قصائد المتنبي ...وصف نفسه بفارس الحروب وانه من من يعمل له الف حساب في المعارك مع العلم حسب بعض مصادر التاريخ ان المتنبي لم يشارك في اي معركه هذا والله اعلم ******************************************************* للمعلومية: لو لاحظتي في التاريخ والحاضر فطاحلة الشعر الذين كانو يتباهون بقصائدهم والناس تتغنى بكلماتهم تجدين انهم اضعف الناس وكأن قوتهم انما وجدت في اللسنتهم فقط |
اقتباس:
فاذا لم يكن لديه قوة الساعد فلديه قوة وفصاحة البلاغة ولنا في حسان ابن ثابت اكبر مثال فهو لم يكن يشارك المسليمن في القتال الانه كان خواف ولكن كان لشعره الاثر البالغ والكبير في نفوس قريش . اذ ان القتال دائما ما يبدء بالشعر ويكون لديه الاكثر الكبير في النفوس خصوصا من أناس كان الشعر صنعتهم وهذا يدخل فيما يعرف بالحرب النفسية وهي اخطر واشد من الحرب المسلحة . |
اقتباس:
شكرا ً اخ علاء اكملت ما كان ناقصا ً يسلموووووووووووووووو |
جزاك الله خير
|
يابيان مثل ما قال الأخ ابو علاء اللسان له دور كبير في الحرب النفسية وفي تشجيع المقاتلين وقد حذر الرسول صلى الله عليه وسلم من اللسان واوصى المسلمين بحفظ اللسنتهم لكن ما كنت اقصد ان فطاحلة الشعر معضمهم لم يكن لهم تاريخ في القتال ومع ذاللك تجدينهم يمدحون انفسهم ويمدحون خيولهم كما ذكر لنا الأخ ابوعلاء عن حسان بن ثابت (شاعر الرسول) فقد كان المنبر الأعلامي للمسلمين امام الكفار وفي الحروب كانوا يضعونه مراقب على نساء المسلمين في حالة ان تعرضوا لأي مكروه فقط ولا اريد الخوظ في تاريخ حسان بن ثابت خوفا من التجريح في شاعر الرسول صلى الله عليه وسلم اما المتنبي فلم يذكر له اي مواقف في الحروب على حد علمي ومع ذالك كان يقول صحبـت في الفلوات الوحش منفردا ****حتى تعجـــب مني القور و الأكــم ويقول ايضا : الخيل والليل والبيــداء تعرفنــــي **** والسيف والرمح والقرطاس و القلم وعندما تقولين انه كان يطمع في الولايه ...فهذه عادة الشعار تجدين ان الشاعر لديه الكلمات التي تشعرين ان لديه الثقة الزائدة بالنفس وهذا صحيح .....وهذا بسبب الغرور الذي يتمكن من الشاعر من شدة اعجاب الناس به فلا عجب ان يطلب اي شيء بكل جرأه ومع ذالك تجدين ان الحكماء والرؤساء يعرفون هذه النقطة عند الشعار وكفار قريش عندما ارادو ان يبعدوا الناس عن الرسول صلى الله عليه وسلم اتهموه انه شاعر ....لما عرف عن الشعار من كذب ودجل وسحر الكلمات على العموم مثل ما ذكرتي .....تاريخ المتنبي مثير للجدل ولكن ما يهمني في المتنبي هي القصائد فقط ولو كان الليل والبيداء تعرفه ....لكان اهتمامنا بتاريخه افضل من قصائده وشكرااااااااااااا |
اقتباس:
ما ني فاهم هذه النقطة ؟؟؟؟؟؟؟؟؟ مقتل المتنبي لم يكن بسبب هجاءه للأخشيدي.....بل كان بسبب ابيات هجا بها على أم أحد الرجال في عصره والله ماني متذكر اسمه وانشاءالله اقدر اجيب القصيده والحكايه اما من ناحية كفائته في الفروسية ....فلا يوجد اي دليل على ذالك وصراحه ما عندي اي دليل سوى اني حضرت احدى المحاضرات لأحد الأساتذه كان يتكلم عن دور البلاغه في التأثير على الناس ومن ضمن نقاط المحاظره ذكر الأستاذ بعض الفساد عند بعض الشعراء وذكر ايضا ً ان المتنبي اوهم الناس انه فارس الفرسان وكان مجمل المحاضره عدم الثقة في الشعراء ولما نقارن هذا الكلام بالعصر الحالي نجد ان هذا الكلام صحيح 100% مثلا عندنا في الخليج .......شعراء من اصول تافهه وضعت نفسها وكأنهم من نسل الرسول عليه الصلاة والسلام ورفعت مقامات اهل المال إلى مقامات مقدسة وشكراااااااا |
بيان .......الكلام الي تقولينه عن المتنبي مجرد توقعات من صفات الشاعر ان سحر كلماته يجعلك تصدقينها بكل ثقه النقاش بيننا تحول الى راي شخصي انا لا اصدق الشعراء ....وانتي مقتنعه بان الشاعر يظهر مافي نفسه نرجع الى الأصل في الموضوع وهو مدح المتنبي لنفسه ومدح النفس عند العرب منبوذ لا يوجد اي دليل ان المتنبي يعرفه اليل والسيف والرمح وتعرفه البيداء والتطاول على كافور الأخشيدي بالشعر..... هذا من عيوب المتنبي وليست دليل على فروسيه يعني قلة ادب عند الرجال ************************************ اقتباس:
|
اقتباس:
القصة تقول ان المتنبي كان محشور يعني ياقاتل يامقتول حتى القط إذا حشرته راح يتحول الى نمر اقتباس:
احمد شوقي لم يمدح نفسه ولم يقول انه فارس الفرسان وكذالك بدر السياب هذا النوع من القصائد هو من محاسن الشعر وهو كالتعليم بطريقة الأستمتاع ************************************************************ **** على العموم اتمنى ان لا يتعدى اعجابك بالشعر القصيده فانا اعتبر الشعراء سلاح ذو حدين مثل ما قال الأخ علاء الشعراء لهم تأثير كبير على النفس البشريه قد ينفعون المجتمع بالتشجيع وقد يضرون المجتمع بجره إلى عالم الخيال والهيام |
بيان ....لا تتعبي نفسك انا ما راح اقتنع ان المتنبي لديه من الفروسيه ما يستحق المدح انا في نظري اي واحد يمدح نفسه بالشئ الكثير فهو كاذب وتعلمنا ان الفرسان تحكي عنهم افعالهم مثل القعقاع وعامر بن الطفيل وغيرهم اما من ينشر للناس عن فروسيته فهو مجرد غرور المتنبي حبينا قصائدة فقط ولا اعلم ما هي المصلحه التي ترجى من إخفاء فروسية المتنبي ؟؟؟؟ ولكن الحقيقه انه مجرد شاعر |
| الساعة الآن 12:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية