|
أفضل ثلاث اغانى قمت بكتابتها
*********************** أغنية / ضمينـــــى ــــــــــــــــــــــــــــــــــ ضمينى لحضنك أنا خايف كل كلام مابين الشفايف يطلع كدب ويخدع قلب عشق وحب بيكى الحياه حاسس انى معاكى بكون انسان مالك كل الكون عايش حبى علشان جنبى انسان بحلم ابقى معاه لو ناويه انك تخدعينى ارجوكى حبيبتى تصارحينى مش بعد ماأحبك تسيبينى لا والله دا يبقى حرام أنا عاشق كل اللى فيكى همسك لمسك من ايديكى بسم شفايفك لون عينيكى وأهو هو دا الغرام دا أنا لما بشوفك بتمنى أقضى العمر دا كله معاكى وانا وياكى بعيش فى الجنه بس بخاف ييجى يوم ماألقاكى دأنا لو مره أوصفلك حبى مش هيكفى كل الكلام لو ناويه انك تخدعينى ارجوكى حبيبتى تصارحينى مش بعد ماأحبك تسيبينى لا والله دا يبقى حرام أنا عاشق كل اللى فيكى همسك لمسك من ايديكى بسم شفايفك لون عينيكى وأهو هو دا الغرام قدام الناس تجرحينى والفرحه تكون ليه ملياكى بينى وبينك بتحبينى أنا محتار فعلا فى هواكى داأنا لو أشوفك مره تعدى بتمنى لو حتى سلام لو ناويه انك تخدعينى ارجوكى حبيبتى تصارحينى مش بعد ماأحبك تسيبينى لا والله دا يبقى حرام أنا عاشق كل اللى فيكى همسك لمسك من ايديكى بسم شفايفك لون عينيكى وأهو هو دا الغرام أغنية / حاســـــــك ــــــــــــــــــــــــــــــــ حاسك برغم ان قلبك بعيد عايش فى حيره وبعدك وحيد كل يوم جروح جوه قلبى تزيد ومش قادر أعيش بعديك دمع عينى جوه عينى تاه كتير وبات كل معنى حب جوه قلبى ضاع ومات سبتنى غلرقان لوحدى فى بحر ذكريات ارجعلى انا عمرى ليك ولسه فاكر ياحبيبى يوم فراقك ليا قد ايه اتجرحت وقد ايه بكت عينيا قد ايه الدنيا ضاقت فجأه حبيبى بيا كل يوم فى بعادك عنى عايش وسط نار حزن غيابك عنى قاتلنى والبال بقى محتار نفسى الاقيك تانى جاى ليا نفسى ايديك تحضن ايديا شايفك وحاسس بصورتك قصادى قلبى يقوم ليك حبيبى وينادى لوتجينى ثانيه بس برضه قلبى راضى واحشنى كل اللى فيك لسه اسمى جنب اسمك مرسوم عالشجر لسه فاكر لما كنت معاك عند القمر ضعت من ايديا لما فرقنا القدر وزاد احساسى بيك ولسه فاكر ياحبيبى يوم فراقك ليا قد ايه اتجرحت وقد ايه بكت عينيا قد ايه الدنيا ضاقت فجأه حبيبى بيا كل يوم فى بعادك عنى عايش وسط نار حزن غيابك عنى قاتلنى والبال بقى محتار نفسى الاقيك تانى جاى ليا نفسى ايديك تحضن ايديا أغنية / معنى الغرام ــــــــــــــــــــــــــــــــــ بقى دا اللى انا من كام سنه عرفته ايه معنى الغرام سابنى سنين وحدى هناوقال مفيش بينا كلام رجعتله وقلتله ارجع بلاش حيره وفراق كات غلطتى امنتله وفارقنى من غير السلام ارجع وبلاش فراق انا عايشه فى اشتياق دا انا وانت للعشاق كنا دايما ملوك تبعد وترحل ليه والحب عايشيين بيه والقلب انت اللى فيه وعيونى بيحبوك عاشقه حبيب فاكراه حبيب وهو كان بياع قلوب فاكراه طبيب جرحى يطيب لما بكون وياه وادوب سمعتنى خدعتنى ودعتنى فى لحظة ألم وياريتنى كنت نسيت هواك بدل مااتوه وسط الدروب ارجع وبلاش فراق انا عايشه فى اشتياق دا انا وانت للعشاق كنا دايما ملوك تبعد وترحل ليه والحب عايشيين بيه والقلب انت اللى فيه وعيونى بيحبوك يارب اكسب |
مـــاشـــــــاء الله عــــزيـــزتــــــــى .. فكــــرة كتيييييير روووووعـــــــة
وحمــاسيــــــــة .. تسلمــى كتيـــر على ذوقــك الرااقــــى الراااائــــــــع .. وفكــرك المبـــدع لا عدمنــــــاكــــــى ^___* .. وانــ شـــــــــاء الله تنجـــــح وتجـد كلـ القبولــــ ^___* وســــلامتك ... |
وإن شاء الله تتكلل بالنجاح
اقتباس:
بسم الله الرحمن الرحيم الحمد لله إن الفكرة تم تقبلها وإستحسانها من قبلك. وإن شاء الله تتكلل بالنجاح دمتي لحن على أوتار ليلاس:ta063SongCreator: |
بالتوفيق
السلام عليكم و رحمة الله وبركاته اهلاً وسهلاً بك استاذ عبدالله،شرفت كلماتك الجميلة المشاركة. وإن اخترنا سوف نختار جزء بسيط من كلماتك لأن ما شاء الله كل كلمات أغنية اطول من التانية. بالنسبة لي أعجبتني كلمات الأغنية الثانية ،لكن ننتظر مشاركات المزيد من الأعضاء لأختيار الأجدر. تمنياتي لك بالتوفيق لحن على أوتار ليلاس:ta063SongCreator: |
السلام عليكم و رحمة الله وبركاته أخي العزيز الرومانسي الحزين تقديرًا لمجهودك بالكتابة فأعلمك بأن وقع الأختيار على أغنية معنى الغرام لتكون أول أغنية تلحن و تغنى من قبل الأعضاء . تمنياتي لك بالتوفيق لحن على أوتار ليلاس:ta063SongCreator: |
| الساعة الآن 03:06 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية