الـحياة :: بيـــن الانطــــواء والاجتـــماع
 

انا اتوقع ان الانطواء مرض نفسي ينتج من اساءة معاملة الانسان في مرحلة الطفوله او موقف محرج او عصبي مثل وفاة احد الاشخاص القريبين منه جدا او الخجل او يكون فيه مرض او عيب خلقي يسبب له انعدام في الثقه فلا يحب يختلط مع الناس ..
بس مو شرط ان المنطوي على نفسه يكون معقد بالعكس ممكن انه يكون شخص مرح جدا وبسيط بس خجله او خوفه من الطرف الثاني ان يتقبله يمنعه من التواصل..
في بعض الاوقات يحب الانسان انه يكون لفتره لحاله مايحتاج اي احد الا نفسه منها يجدد تواصله مع خواطره او يفكر باخطاءه ومشاكله وكيف يحلها او انه يفكر في امر يستدعي انه يركز عليه ولا يتطلب اي تدخل من شخص ثاني ممكن انه يمارس هوايته مثل القراءه او الرسم او اي هوايه ثانيه انا عن نفسي احب اني اقعد لحالي كثير ..
اما بالنسبه لكرهنا للأنطوائين انا ما اشوف اي داعي لهالمشاعر بالعكس المفروض نقدر ونحترم خصوصياته خصوصا اذا هو انسان لا يتدخل ولايحب المشاكل ايش المشكله اذا في واحد يحب يكون مع نفسه سؤالك هنا غريب ؟؟؟
اذا كان الشخص انطوائي لفتره طويييله اتوقع صعب يتخلص من انطوائيته وصعب انه يتداخل مع الناس لأن الناس يتغيرون على طول وهو بينصدم مع هالواقع وبيرجع لقوقعته وبتكون اشد واتوقع انا الناس راح يستغربون من تواصله المفاجئ ويمكن يبدؤن يشكون فيه ويبتعدون عنه لعدم ارتياحهم له ومثل ماقلت راح ينصدم هو...
اعذريني على اطالتي وهذا رأيي ولي رجعه ان شاء الله ثانيه .. تسلمين اختي على هالنقاش الجاد .. وكل عام وانتي بخير