|
يوميات شاب في الجامعه
مرحبا أعضائنا و قرائنا الكرام
حبيت أكتب بعض اليوميات القديمه و قد تكون من جنح الخيال يعني من تأليفي الشخصي و قد لا تكون حقيقيه و قد تكون حدثت المهم اللي اتمناه انكم تستمتعون و انتم تقرونها و اعتبروها قصه من قصص الخيال لذلك لما تنتقدونها لا تشدون عليها خليكم حنينين عليها اقصد على اليوميات و راح يكون اغلبها باللهجه العاميه السعوديه الرياضيه بعد تفضلوا :flowers2: (حيرة ) بعد ما طلعت شهادة الثانويه العامه على قد ما فرحت على قد ما احترت الجميع ينصحوني بالعسكريه وظيفه مضمونه و راتب مغري المهم ما حبيتها و لا دخلت مزاجي امي تقول لي استخير و ابوي يقول اللي يريحك و انا حيران المهم قدمت أوراقي على الجامعه قسم الفيزياء لكن رفضوا امتلت المقاعد رحت للكيمياء قالوا سجل فيه أمكانيه و سجلنا والعسكريه ما جت على بالي أبداااا رحت للبيت و سلمت على اهل البيت و طلعت فوق لغرفتي و تمددت على السرير و افكر بالكيمياء تذكرت مواقف صارت لي مع مدرس الكيمياء كان مدرس مستجد يعني طازة و انا بثالث ثانوي يعني شايف نفسي ههههههههههههههههههههه صارت مواقف بيني و بين المدرس الطازة بصراحه الحق معي و ماراح اذكر هالمواقف مزاااااااااااااااااااااج المهم جلست افكر لو تخرجت و صرت مدرس مثله و بنفس المدرسه كيف راح يتعامل معي يا سلاام كان وناسه يا حلو احلام اليقظه حسيت بالباب بيطيح من الضرب عليه و نطيت و فتحت الا اختنا المصون سعووووووووود تعال تحت جا خالي وقلت وش يبي قالت نعمممممممممممم قلت قولي نايم عطتني قفاها و قالت بروح اقول له انك ما تبي تشوفه و راحت تركض طارت عيوني و امسكها مع شوشتها تعالي ويييييييييييييييين الله يريحنا منك يا بنت الذين هين أوريك ابنزل يا لدبه قالت طيب اترك شعري حسته حوس رديت : و احوس مريرك بعد المشكله محسوبه علي اخت نزلت و انا ما بردت قلبي فيها الجبانه هلا بالخال و الله ان قلبي حاس وهات يا تبويس مع خده وراسه وبعد السلام و السؤال عن الصحه سألني عن العسكريه خبرته اني ما حبيتها و لا قدمت الرجال كني قايل له ذبحت ابوك عصّب و قال انت ما تتحمل العسكريه و الرجال شاط قلت له : يا خال ادخل اللي احبه مو اللي تحبه انت طارت عيونه و امي تقول سعووود و بعدين رديت العفو يا خال بس هذا هو الواقع ادخل اللي يعجبني هدا شوي و انضبط و قال على راحتك بس العسكريه فيها و فيها الخ تكلمت امي بموضوع ثاني و راحت السالفه و جلست افكر و هم يسولفون هل اختياري صح و هم خطأ او العكس هو الصحيح ما حسيت الا وخالي يقوم ويقول فمان الله نطيت كني مقروص و قلت خال وين الغدا عندنا الحين يجي الوالد رد لا ان شاء الله اذا تخرجت من الجامعه و حطيت لنا ذبيحه تغديت معكم رديت على راحتك يا خال و الجامعه رايح لها الله لا يعوق بشر و تخصصي كيمياء فتح خالي عيونه على الاخر و ما رد و طلع عااااااد استلمتني الوالده بست راسها و قلت لا يضيق صدرك ترا كبرت يمه و اقدر اختار طريق مستقبلي قالت الله يوفقك قلت لها هذا اللي ابيه دعوة من دعواتك الحلوة *********** وش رايكم اكمل و لا تكفي هذي و بدون مجاملة :YkE04454: |
ههههههههههههههههههههههههه لاا كمل ..
يومياااات خطييييييرة بصراااحة .. في كرااسي الإنتظاار |
سعود
ما شاء الله عليكـ اسلوبكـ حلو وممتع موفق يارب و ننتظر المزيد من يومياااتكـ الممتعهـ بتووفيق ^_^ |
جمييييييييييل قوى سعود ، بس انا زعلانة منك فى حاجة عشانك ما بقتش تقرا قصتى وتقولى رايك فى الاجزاء اللى بنزلها
|
اقتباس:
الله يجبر بخاطرك ههههههههههههههههه |
| الساعة الآن 11:55 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية