منتديات ليلاس - ياقمر قلي عسى قولك يريحني وانام

http://www.m5zn.com/uploads/e1d0a21994.bmp

ياقمر قلي عسى قولـك يريحنـي وأنـام
كيف حال اللي عشقته كيف حاله ياقمـر

ياقمر قلي عسى حاله على أحسن مايرام
ياقمر وشلون ابشكي دام في قلبي ظفـر

ياقمر والله مدري كيـف أعبـر بالكـلام
ياقمر شفت المنايا في عيونـه والنحـر

كل ما قلت أعشقك قال الحكي ماهو غرام
أثبت إني في خفوقك ساكن و وسط البصر

له رموشً تطعن الخفاق طعنات الحسـام
من سبب نزفي على خده غدا خده حمـر

ذقت باسبابه همومً تطحن جبـالً عظـام
كيف في قلبً شكا من حالته ما قد صبـر

إن لقيته شفت كيف العالم يعيش بسـلام
وإن فقدته شفت كيف العالم يعيش بخطر

إن تبسم زانـت أيامـي بـذاك الإبتسـام
وإن زعل تعمى عيوني كن ما فيها نظـر

أتعب أبيات القصيد إليا نظمتـه بانتظـام
كيف يوفي حق شخصً ما يشابه للبشـر

أعتذر له ... لاوصفته ما أوصل للتمـام
كل ما حطيت وصفً لو علا .. عنه قصر

أعجز أبياتي وأنا شعري إذا حان القيـام
أشهد إنه مثل سيفً لا بغـا يبتـر بتـر

ذاك منهو حط في قلبي من العلة سهـام
لينت قلبي يدينه بس قلبـه مـن حجـر

في عيونه اجتمع ياناس بالنـور الظـلام
اجتماعً منه قلبي انشطـر ثـم انشطـر

راح عني لين قلبي صار في حالة هيـام
صرت أشوفه بالهبايب والسحايب والمطر

وأتخيل صورته في كل يوم وكـل عـام
كيف أبنسى واحدً في داخل القلب استقـر

استقر لين إن قلبي من غلاه أصبح حطام
ثم عافه وانتقل يبحث عن القلب الخضـر

ياقمر قله سلامً وأتبعـه بأحلـى سـلام
بأعشقه طول الحياة وبأعشقه طول الدهر

للشاعر المبدع سلطان السليمي

.........تحيا1111تي................