همسات للحبيبة
 

يا حلوة اللي الهوا قبالك مرق
وغمزك بعينو ساعتها قلبي اشتلق
الياسمين داب من رقة القد الحلو
ومن طلتك زاغت عيون الحبق

الورد استحى من لون خدك هالحلو
وايدين الزهر تلعب بشعرك وتجدلو
البنفسج تحير من توشوش الوردات
والعصافير العاشجر صاروا عليكِ يسالوا

احترق قلب الفل من مشية الحلوين
وانحسد من عطر عينيك زهر الرياحين
وقفي بقا ... حرام تحرقي قلوب الزهور
هيدا الربيع جايي يزورك تخمين؟؟

بتتذكري كيف كنا نلعب بالهوى
ونقطف العنقود قبل مايكون استوى
كنا صغار نسرح بدنية الاحلام
وعدرب العين ياقلبي تنيننا نمشي سوا

كنا كتير نشتاق لطلوع القمر
والنسمات بالليل يقعدوا بعب الشجر
نتوشوش بالهدا ليسمع القنديل
ونخاف للنسمات تحكي للبشر

مرت الايام وخلص المشوار
حاجي ياقلبي بالهوى محتار
لا تقطع الامل من نص الطريق
ولا تقول الزمام عالحبايب جار

قومي تنمشي عدرب الجمال
ونطلع لفوق عا روس الجبال
ونحاكي السما ونقول حملنا يا هوا
عدنية عاطفة وحب وخيال

قومي تنطلع بين هالغيمات
ونحكي للدني حكايات
ونوصل عدنية ما فيها حدا
ونقول من هوني بتبدى الحياة.

تسلم ابو يوسف على همساتك تحياتى لك

مشكر اخ زهير لمرورك الكريم

مشكورة روحي تحبك على المرور اللطيف وعلى التشجيع