الفشخره في المهــــــــــــــــــــر؟؟
 

للاسف الفهم الخاطئ للمهر هوي الي بيخلي الناس اتطالب بمهور مرتفعة
ومن الواضح انو هالفهم الخاطئ مر على البنت الي تم ذكرها بالقصة السابقة
في ناس ابتعتقد انو قيمة الفتاة بتكون بالمهر المقدم الها
متى كان المهر كبير دل هالشي انها بنت بيوت وبنت اصول !!!
ليش هيي سلعة !!
ولا بتزيد ارباحها مع ارتفاع الاسهم بالبورصة !!
انا اكيد مع تقديم تسهيلات بالمهر
كتير بيزوجوا بناتهم على فتح القرآن الكريم
لانهم شاريين رجال
وقد قال الرسول صلى الله عليه وآله وسلم :
"إن من يمن المرأة تيسير خطبتها وتيسير صداقها وتيسير رحمها "

بالنسبة الي بصراحة ما بدي شي
واصلا اخر همي موضوع المهر ومقدارو
ولله الحمد اهلي زوجوا اخواتي كلن على مهر بسيط
والوالد كان يسال بس عن اخلاق الشخص ـ اذا كان شايفو بيخاف ربنا
بالتالي رايح يحفظ بنتو ويصونها
بس شو الفايدي ايقدم مال قارون وهوي من جواتو ملعون

تسلم اديكي عزيزتي على الطرح المميز ،،،

خيرك لغيري والعناوالشقالي موضوع رائع والاروع من هيك انو الموضوع طرح من قبل فتاه وليس شاب

في الواقع انقلب الميزان واصبحنا في العصور الجااهليه ونسينا ان افضل البنات اقلهن مهرا واكثرهن دينا على العموم للاسف الشديد الاباء اصبح يرسخ في دهن بناتهم عن المهور ولازم يكون المهر غالي لحتى ما يفرط فيك بسهوله والي بيجي بساهل بيروح بساهل الخ من الكلام الفاضي الي الاباء وبالاخص المهات اللوتي عبئن روس بناتهم بالكلام الفاضي ولذلك للاسف الشديد انظر نسبة العزوبه والعنوسه عند الشباب والبنات في تزايد وارتفاع كل سنه اكثر من السنه الي قبله وياريت توقف على العنوسه اشوه انتشر الفاحشه من وراء هذا الامر لاسف ان كان عبر الانتر نت او على الواقع وما خفيه كان اعظم مرات والله العظيم اني بحس حالي مو في بلد عربي ولا اسلامي ولا حتى اوربي اصبحنا نتتفوق في الفاحشه عن دول الغرب للاسف الشديد والله يهدي الاباء والامهات والبنات ويصلح حالهم انشاء الله

والف شكر على الموضوع الرائع