منتديات ليلاس - بـــنــي تــمــيـــم

إهداء

الى جميع الاعضاء اللي من تميم

قالوا تميمي قلـت والله ونعميـن
اكبر فخر لاقالـوا انـك تميمـي

كنا ولازلنـا ملـوك و سلاطيـن
سادات حكام العرب مـن قديمـي

انشـد وتلقانـا بكـل الميـاديـن
في كـل وادي للمعالـي نهيمـي

ان جيتنا بالدين حنـا هـل الديـن
نمشي على شرع الله المستقيمـي

وان جيتنا بالحلم حنـا الحليميـن
الاحنف المشهور نعـم الزعيمـي

وان جيتنا بالشعر خذها دواويـن
جرير عمـي والفـرزدق نديمـي

وان جيتنا بالبـاس حنـا القوييـن
هاماتنـا ماتنحنـي للخصيـمـي

انشد عن القعقاع سقـم المعاديـن
يوم اللقا خلا الفـوارس حطيمـي

وان جيت بالغيرة ترانا الغيوريـن
حريمنـا مامثلهـن بالحريـمـي

وان جيت بعلوم الرجال الكريمين
علم بنا اللي بالمراجـل غشيمـي

وان جيت بالتاريخ والماضي الزين
تاريخنـا فـوق الثريـا مقيمـي

فينا الحضاره والبـداوه بوجهيـن
نلبس ثيـاب المجـد والله كريـم

بغـداد نادتنـا وجيـنـا ملبـيـن
سل المريكي عن رياض التميمـي

وعزام دمه فـي قرايـا فلسطين
على اليهـودي باسنـا مستديمـي

للشاعر الكبير

ناصر القزلان التميمي