|
(( ليت الليالي )) إن رحت عني راحت الروح مني و ان جيتني رديت بالجسم روحي شوفك يشيل الهم والحزن عني وفرقاك يا مملوح يدمي جروحي ألحاظ عينك في هواك اذ بحني كلام صدق ولا كلام المزوحي نيران حبك في الضمير اشعلني ما تنطفي باسباب كل الجروحي وقت القمر كل النجوم اطمسني تضاعفت ما تنظر بالوضوحي دونك خيولي في الطريق اعثرني ردت بخسر و زاد بالخسر نوحي ارماح فرسانك صحيح اطعنني و انا قتيلك يا لحبيب الشحوحي ليت الليالي في هواك اجمعني بيني وبينك يا الغزال السروحي خذني حبيبي في الهوى بالتاني والطف بحالي يالمحب الذبوحي شوف الليالي في ودادك قصني واسخيت قلب لك غريم نصوحي |
(( أحبـــك )) ارحلي دامك بغيتي ترحلين واتركيني في همومي والقهر واتركيني لليالي والسـنين اللي مثلي كم تعود للسهـر واسمعيني كان ودك تسمعين كلمتين بخاطري قبل السفر حبك بقلبي ترى لو تصدقين باقي وياي مع طول العمر ودعي يا عين بالك تدمعين ما يفيد الدمع في يوم القدر الليالي تقول والقلب الحزين ما نبي الا ذكرياتك والصور |
(( يا غالي الأثمان )) يا غالي الاثمان غلوك بالحيل من يوم سمو بك جميل المحيا شخص تمنيته على العدل والميل والــــــــــحمدلله يوم خلى تهيا اشبهه باللى عسيف من الخيل تلعب و انا حبل الرسن فى يديا اورق غرامة مثل غرس على سيل مشــهات قلبى يوم جانى شهيا اعن له عنة هل الكيف للهيل ما ذاق راعى الكيف ذقته هنيا حبه سرابى سرية الغيم بالليل نســــــيم ليله قال للشوق هيا |
(( لا هنـــت )) لا هنت يا راس الرجاجيل لا هنت لا هان لا راس فى ثرى العود مدفون والله ما حطك بالقبر لكن آمنت باللى جعل دفن المسلمين مسنون منزلك ياعز الشرف لو تمكنت فوق النجوم اللى تعلت على الكون سكنت دار المجد يا شيخ واسكنت شعبك معك فى منزل العز ممنون صنت العهد يا وافى العهد ما خنت علمتهم وشلون الاشراف يوفون كم ظالم عاداك واعفيت واحسنت واخلفت ظن جموع ناس يظنون شلت الأمانه حافظ ما تهاونت شفنا بك رجال على النفس يقوون |
(( يا زمان العجايب )) يا زمان العجايب وش بعد ما ظهر كل ما قلت هانت جد علم جديد ان حكينا ندمنا و ان سكتنا قهر بين قلب عطيب وبين راس عنيد لو تفيد المدامع كان اسيل نهر مير كثر التوجد والدمع ما يفيد اصبر ايام واشهرواتصبر دهر و ان حصلى مناتى جيت لونى بعيد ارجي الله و اراقب كل طلع شهر يجلى الهم عنى او عسى ما يزيد يا غزال فضوح الزين عنه اشتهر فى عيونى ملاك و وسط قلبى وحيد مخطى اللى يشبه وجنتك بالزهر الزهر ما له رماح تصيب وتصيد لو جحدت المحبه سقم حالى جهر مير كل قلب ياصل اللى يريد |
| الساعة الآن 01:26 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية