(( ودي أبـكـــي ))

ودي أبكي لين ما يبقى دموع

ودي أشكي لين ما يبقى كلام

من جروح صارت بقلبي تلوع

ومن هموم أحرمت عيني المنام

أنطفت في دنيتي كل الشموع

والهنا ما يوم في دنياي دام

غربتي طالت متى وقت الرجوع

كل عام أمني أحلامي بعام

أن شكيت الحال محد لي سموع

و ان شكيت الناس زادوني هموم

طال صبري والزمن عيا يطوع

و الرجا باللي عيونه ما تنام

(( ما فكرت فيــك ))

عمري ما فكرت فيك

و ما خطر في البال حبك

لين قلبي قال أبيك

و قالت عيوني أحبك

صرت عندي أغلى شئى

و أغلى من نفسي علي

مالك بقلبي شريك

بعد ما فكرت فيك

كنت أشوفك من قريب

مع جميع الناس عادي

ما تخيلتك حبيب

رايح بقلبي وغادي

قمت أفز لشوفتك

و أتحرى جيتك

أنتظر حبي الجديد

بعد ما فكرت فيك

لا تعجب من غلاي

مثلك إحساسي تعجب

و أنت في يدك هواي

مهتني ولا معذب

يا عساني ما أنحرم

إنت يا أغلى إسم

لا أهجر الدنيا و أجيكا

بعد ما فكرت فيك