السلام عليكم ورحمة الله وبركاته

أستاذ سعود وجهة نظرك أحترمها بس بدي أعرف رأيك بدقة يعني أنا معاك إنه حب النت والمسنجر والهاتف عادة مسخرة وشيطان يضحك على بني آدم بس فيه حب بريء

يعني مو ممكن مثلاً يحبها من دون ما يكلمها كلام مسخرة يعني من خلال شخصيتها في المنتدى ردودها مشاركاتها أو على الأقل يعجب فيها من طريقة تفكيرها وإلي غالباً تبان في كتابتها أو أسلوبها في المحاورة؟؟؟
و أخيراً ما أعطيتنا وجهة نظرك في لو كان الشخص تعرفوا أو يقربلك يعني من الآخر تقدر لو عجبك بكل سهولة تتقدم وتخطب ولا مسخرة ولا قلة حيا.

و آسف وانو إذا أتعديت على موضوعك وسرت آخذ وأعطي

وبصراحة وانو من بعد ما رد أستاذ سعود حسيت في لخبطة أو سوء تفاهم في الموضوع يعني لقيت نفسي مشوش بين الرأيين رأيي ورأي الأستاذ سعود بس في نقطة مهمة مو واضحة في الحوار وهي بصراحة ممكن تعمل إختلاف جوهري في وجهات النظر وهي:
هل الحب في سؤالك هو الحب البريء الطاهر يعني غالباً كل الأعضاء بيصير فيه إحتكاك بينهم فبسهولة وبدون مسخرة وقلة حيا ومن الطبيعي راح يكون فيه إعجاب ولو كانت فيه قرابة أو معرفة بسهولة راح يكون فيه حب وبسهولة ومن دون مسخرة وقلة حيا ممكن تصير خطوبة وزواج دون أي مسخرة
أو ممكن ولد بيتعامل مع بنت في المسنجر أو التلفون في مجال العمل (يعني أبسط مثال المستشفيات وفي كثير شركات دحين يشتغلوا فيها حريم ورجال) أو غيره وما يكون فيه أي قلة أدب أو مسخرة ويعجب بأسلوبها ويحبها ويتزوجها بدون قلة أدب

أو تقصدي حب اليومين دول وإللي كله مسخرة وإشباع للغرائز فحسب

*طبعاً أساس الحب وعندما يذكر الحب هوا الحب البريء الطاهر النقي بس للأسف في اليومين دول صار الواحد أول ما يسمع حب يجي في باله المسخرة وقلة الحيا من إلي بيشوفه قدامه*

طبعاً أنا ردي الأول مبني على أساس الحب الطاهر البريء النقي ولو كان وانو سؤالك غير كدة فأنا أسحب ردي الأول وراح يكون ردي لأ وألف لأ

وآسف على الإطالة وعلى إزعاجكم معايا

وجهة نظرك أحترمها ورأيك في محله

بس بصراحة في نقطة ما فهمتها في كلامك إللي هيا




يعني إنتي بتقولي إذا كان الشخص موثوق فيه محترم اخلاقه اسلوبه الكل يشهد عليه بالطيب واحتمال حدوث الحب .. بين كلا من الطرفين
يعني لو كان الشخص سواء الولد أو البنت على حسب كلامك شخص موثوق فيه ومحترم اخلاقه أسلوبه الكل يشهد عليه بالطيب ما أعتقد راح يكون فيه أية إشكال بين الأهل والأصداقاء

وشي ثاني يعني بالله تتصوري إنه لو اثنين حبو بعض وبدهم يتزوجوا بعض راح يخسروا ثقة أهلم وأصدقائهم والله ما ني فاهم وجهة نظرك يعني المفروض الأهل والأصدقاء يفرحوا بشي زي كدة إنه إثنين من حبايبهم يحبوا بعض وراح يتزوجوا من بعض والعلاقة بين الأهل أوالأصداقاء راح تزيد أكتر من أول

ما أدري ماني مستوعب هادي النقطة ياريت تشرحي وجهة نظرك

وأخوكي الله يوفقه يا رب ويرزقه بنت الحلال

وآسف إني طولت عليكي