منتديات ليلاس - اللعنه على الرحيل...

انا كنت مسافرة كم يوم وعلشان كدة مكونتش بدخل على المنتدى واول ما وصلت فتحت المنتدى على قسم الخواطر بس صدقنى لو اقولك ان قريت خاطرتك قبل الخاطرة اللى كتبها بلاك روز ليه ولعمرو وحسيت بحزن كبير جدا لان الاحزان دايما بتضيع فرحتنا بالحب وبالسعادة وباى احساس رائع وجميل طبعا خاطرتك رائعة وكلماتك اروع ودايما الحزن بيرسم الكلمات باحساس قوى
بيخرج من اعماقنا بصدق وانا من الناس المؤمنة ان احساس الحزن هو اصدق احساس على وجه الكرة الارضية لانه غير قابل للزيف والوهم
انا بس عايزة اقولك كلمة والدى واعز صديقة عندى الله يرحمها قالوهالى كتير
وانا كتبتها فى شعر اسمه حبيبى دائما
من بعد كل غروب فيه شروق
لا الغروب دايما بيعبر عن الموت ولا الشروق دايما بيكون حياة
واوقات كتير لما بتتسد فى وشك الدنيا وتلاقى طريقك عتمة وظلام تلاقى طاقة نور اتفتحلك من حيث لا تدرى زى ما بيقولوا
وعارف اوقات لما تخسر كتير فى حياتك وتلاقى اللى انت كنت بتحلم بيه
تلاقيه احلى بكتير من اللى فاتك بس كل ده بيتلخص فى كلمة واحدة انا كنت عايشة بيها بقالى كتير قوى عايشة بيها والحمد لله جابت نتيجة
الامل
الامل اقوى من الحب واقوى من الحياة
وزى ما قال عمر الشريف لفاتن حمامة فى النهر الخالد
على رواية الاطلال
ان الامل اوقات بيبقى ابعد من مدى الحياة