منتديات ليلاس - البـــــــــــــــــــــــعد....!!!

الليل طرّف والسهر بين الاحداق
والحلم ليل البارحه من ضوى به
ليل السهر يامعذبي تو مافاق
من سكرته,من غغفلته,من عذابه
مادام حتى احلامنا البيض تنعاق
عنا وش اللي عاد باقي نهابه
لم الورق لاينكشف سر الاوراق
ماتشبع الاوراق جوع الكتابه
ولاتبرد الونه لهب حر الاشواق
لاونّ مجروح النوى زاد مابه
ولاينفع الولهان ترديد مشتاق
ان ماشرب صافي الزلال وروابه
عذر الندم مايشرح الصدر لاضاق
كم يجرح العزف الحزين الربابه
لاجرها المحزون من حر ماذاق
تصرم قلوب وتفتق هضابه
واناادري انك مرهف احساس واخلاق
مر الهــــــــوى قلبك وهجيت بابه
واللي قريته كفنه وسط الاعمااااااااق
خل السؤال يموت موت الاجابه
يااطهر وصال نهايته كانت فرااااااااق
طهر الوصال اللي بداه انتهى به
الصبر مر وبعض الاحيان ينذاق
وكم علقم كان الشفا من شرابه
اصبر وخل الحل بيدين خلاّق
الله كريم ولايخيب الرجاء به
البعد موجع والسفر هم وارهاق
واللي يحبك درب وصلك مشى به
الله وامانه كل ماناض براق
ضميت طيفك والخفوق احتفى به
وسقت المشاعر والغلا جاك منساق
مثل القراح العذب مثل السحابه
لاارخت ذوايبها لوت كل الاعناق
يخيلها شوق وشموخ ومهابه
لولا اختلاف اذواق واذواق واذواق
ماشفتك اجمل من جرحني عتابه
ياأعذب وارق من الندى عند الاشراق
والطف من النسناس لاسرج ركابه
تدري وش اللي محرقٍ قلبي احراق

انك بعيد وحزن الايام غــــــــــــابه

وسلامتــــــــــــــــــــــــــــــــــــــــــكم