منتديات ليلاس - مقالب شباب

المقلب الأول :
في مجموعة من الشباب عزاب في مسكن واحد لظروف العمل وكان
واحد منهم ينام مبكر وهم يبونه يسهر معهم .. فـ مره وهو نايم وحاط
يده على خده ..حطوا صمغ قوي على طرف يده من جهة الخد..بعد
ماقام ماقدر يفك يده راح للمستشفى وعملوا له عمليتين الاول لفك
اليد والثاينه للتجميل

المقلب الثاني :
شباب رايحين رحلة للطايف (منطقه بالسعوديه) وشوف الخير والرزق
والامطار عندهم .. مره جابو برشومي (صبار شوكي)طازج من المزرعه
بقشره .. ومعاهم واحد مايعرف البرشومي .. الانذال سوو فيه مقلب
مستغلين طيبة قلبه..سألهم كيف اقشره ؟؟!! قالوا
قشره بيدك .. المسكين طار الشوك بيده ووجهه وجلس يصرخ من
الالم قالوله اصحابه المخلصين: افرك خشتك بالقشر عشان
يروح الالم...مادرى الا والام يزيد وانتفخت خشته..واخيرا كسر
خاطرهم..وحطوله ثلج يبرد علييه..لكن بصرراحه كان مقلب الييييم جدا

المقلب الثالث :
مقلب ما حلو مرررره
في شله راحوا للبر .. ويبون يمزحون مع واحد منهم .. حفروا حفرة
بالليل وخلوا واحد منهم فيها بحيث مايطلع الا راسه وباقي الجسم
تحت الارض وحطوا فوق راسه قدر وبعدين ارسلوا اللي يبون يمزحون
معه للقدر عشاان يجيبه..المسكين مادرى ويش يحتريه رفع القدر ما
درى الا راس صديقه... ثم طاح مغمى عليه الربع خافوا وطاروا بيه
للمستشفى...ويوم وصلوا هناك تذكروا انهم نسيوا خويهم (المدفون)
يوم راحوا لقوا القدر على راسه ورفعوا القدر لقوه ميت مختنقا..
ورجعوا للمستشفى الا وعلمتهم بوفاة خويهم الثاني
(اللي لعبوا فيه المقلب) <== راحوا ضحيــــــــه

المقلب الرابع :
مجموعه شباب طالعين للبر معهم واحد (خواااااااف ) يبون ربعه
يصلحون فيه مقلب يوم جاء وقت النوم حطوا في فراشه عقرب
محنط... يوم جا ينام قرصه واحد من الشباب في رجله وصرخ
الخواف :ااااااااه وش ذا ؟؟؟ قالوا خوياه...ياويلك يافلان عقرب يبي
يموتك ..وصدق المسكين وقال:ااااااااه السم بدأيسري بجسمي..قالوا
يالله للمستشفى قبل لا تموت...وهو يصرخ اااااااااه ااااااااه السم وصل
نص سااااقي ( كذاااااب )
يوم وصلو نص الطريق قال:اااااااااه السم وصل نص بطني
(كذووووووووووب) وهم يقولون له تصبر تصبر ويوم وصلوا الشله
للمستشفى وهوا يصيح يا شباااب حللوني انا بـأموت اشهد ان لا اله
الا الله وان محمد رسول الله .. وفي هذي اللحظة ماقدروا الشباب
يكتموون ضحكاتهم وهم يقولون له :قم يانصااااااب مافيك الا العافيه
__________________