منتديات ليلاس - استفتاء للموسم الجاي

بسم الله الرحمن الرحيم

طبعــا ً الموسم اللي فات قلنا الاهلي 100% هياخد الدوري..

لكن الوضع هيختلف شويه السنه دي أكيد..

أولا ً : بعد ما دعم النادي الاسماعيلي صفوفه بلعيبه ع مستوي عالي زي رامي و احمد صلاح حسني.. دا غير اللعيبه الاساسين..

ثانيا ً حدوته نادي الزمــالك : اشتري خالد سعد و محمود فتح الله و كمان رجع بشير التابعي دا غير تألق شيكابلا الموسم الجاي - لاحظ انه مش هيلعب تصفيات الامم الافريقيه بسبب ايقافه و الزمالك هيلعب بيه اساسي في وقت راحه اللعيبه !!!- و كمان الزمالك اعلن تعاقده رسميا ً مع احمد فتحي ؟! - من موقع مصراوي -

ثالثا ً : الأنديه القادمه من الخلف !! حرس الحدود و غزل المحله و انبي عمل صفقات لا بأس بيها الحقيقه و النادي القادم من الدرجه الاولي بكل سقله و اللي اشتر لعيب برازيلي و ناوي يخلص ع مركز محترم و هو نادي الأتصالات..

رابعا ً : الأهـلي نفسه..

الأهلي نفسه هتبقي حكايته حكايه و ربنا يستر ..فمهما حصل اللعيبه دول بني آدميين.. تخيل ناس مخلصه بطوله الانديه الافريقيه و تخش ع الدوري و بعديها - إن شاء الله بمده- تروح اليابان و ابطال افريقيا هيلعبوا مع منتخباتهم في غانا لسه..

اللياقه هتقل و دا شيء اكيد ناهيك علي ان اغلب البدلاء - لا مؤاخذه - كواحيل:flowers2: يعني مش هيعرفوا يسدوا مكان ابو تريكه و لا حتي بركات او متعب و كدا..

حاجه اخيره... فين صفقات الاهلي ؟ انا مسمعتش غير عن اينو و حسني عبد ربه - ربنا يسهل - و الشيء الاغبي ان ناس في الاداره قالوا انهم هيعملوا مبادره و يهدوا عبد ربه للاسماعيلي !!!!:ekS05142:

الأهلي هيفضل طول عمره اهلي و انا مش متوقع خير الدوري الجاي و خصوصا ً انكم لو لاحظتم هتلاقي ان مستوي الاهلي بيقل من دوري لدوري..