|
قلوب تخاف الحب (( قصة للكبار ))
السلام عليكم ورحمة الله وبركاته أعرفكم في البداية على نفسي أختكـــــــــــــــــــــــــــم صوت و صدى وعشان أكون صادقه معكم أنا مجرد صدى لصوت صوت ما هو عادي ... صوت اثر فيني مثل ما اثر في غيري صـــوت لــــــروح ... ما اقدر أقول عنها ألا أنها اقرب لي من روحي صوت لخيال ... فك كل القيود والسلاسل لي تلجم خيالي صــوت لغـــرور .... علم غــروري معنـــى الكبــرياء صوت لمشاعر ... أحملت قلبي مع نسائم المساء صوت يشرفني أني أكون له صدى صدى صارخ .... لصوت ضائع صدى مجرد صدى لكل عضو مر بعينه على ما سلف ليس مهماً أن تحاول إيجاد السمات المشتركة في كل ما يلي بين الصوت والصدى لأنه في حقيقة الأمر لا يتعدى الصدى كونه ارتداد للصوت انتظروني مع الجزء الاول من (( قلــــــــوب تخـــــــاف الحــــــــــب )) تحياتي الفصل الأول + الثاني + الثالث http://www.liilas.com/vb3/showthread.php?t=46742 الفصل الرابع + لخامس + السادس http://www.liilas.com/vb3/showthread.php?t=46742&page=2 الفصل السابع http://www.liilas.com/vb3/showthread.php?t=46742&page=3 الفصل الثامن http://www.liilas.com/vb3/showthread.php?t=46742&page=4 الفصل التاسع http://www.liilas.com/vb3/showthread.php?t=46742&page=6 الفصل العاشر http://www.liilas.com/vb3/showthread...=46742&page=12 الفصل الحادي عشر http://www.liilas.com/vb3/showthread...=46742&page=16 الفصل الثاني عشر http://www.liilas.com/vb3/showthread...=46742&page=24 الفصل الثالث عشر http://www.liilas.com/vb3/showthread...=46742&page=29 الفصل الرابع عشر http://www.liilas.com/vb3/showthread...=46742&page=34 الفصل الخامس عشر http://www.liilas.com/vb3/showthread...=46742&page=38 الفصل السادس عشر http://www.liilas.com/vb3/showthread...=46742&page=40 الفصل السابع عشر http://www.liilas.com/vb3/showthread...=46742&page=41 الفصل الثامن عشر http://www.liilas.com/vb3/showthread...=46742&page=44 الفصل التاسع عشر http://www.liilas.com/vb3/showthread...=46742&page=47 الفصل العشرون http://www.liilas.com/vb3/showthread...=46742&page=50 الفصل الواحد و العشرون http://www.liilas.com/vb3/showthread...=46742&page=52 |
قلــــــــوب تخـــــــاف الحــــــــــب الفصــــــــــــــــــــل الأول : نجله وهي تلبس عباتها رايحه لباب الصالة تفتحه التفتت على بنتها ميثاء وقالت : بنتي استعجلي اختس .... عمس محمد بيمر يعيد علينا توه داق تلفون ذا الحين ولا هي بعدله ما تطلع تسلم عليه .. ميثاء اللي توها طالعه من المطبخ ردت على أمها وهي تحط كوب الحليب من يدها وتقوم : اخبرها زابره وخالصة بس ما ادري ليه ما بعد اطلعت من دارها .. قالت ميثاء آخر كلمة وهي تدخل الممر حق الغرف .... ردت عليها نجله بسرعة وهي تشوف سيارة محمد حماها توقف في الحوش : ادعيها بسرعة عمس قده في الحوش .... ميثاء أول ما أفتحت الباب حق غرفة صافيه لقتها تحاكي خويتها في جوالها .... أدخلت وسكرت الباب بسرعة وهي تأشر لصافيه عشان تسكر ..... أشرت لها صافيه بيدها وهي تقفل المكالمة مع خويتها اللي داقه تعايد عليها ليه تبيها تسكر ؟؟؟؟ ردت عليها ميثاء بصوت واطي وهي تقرب منها : عمي جاء .... صافيه وهي تحط الجوال على السرير بعد ما سكرت قالت بكل استنكار : عمي عبدالله ؟؟؟؟؟؟؟؟؟؟؟ ردت عليها ميثاء بكل جديه : أيه هو خلا مجلسه وكل الرجاجيل اللي فيه صباح العيد وجاء عشان يعايدس .... وابتسمت ميثاء باستهزاء وهي تكمل وتقول ...وأنتي من تكونين عشان تطمعين في شرف زيارة عمي عبدالله لس ؟؟؟؟؟؟ لا ويوم العيد الصباح .. والله انس مأخذه في نفسس الم ... قومي .. قومي ... عمي محمد جاي يعايد علينا ..والله يستر وش اللي وراء ذا ألجيه .. قالت صافيه بسرعة وهي تشوف ميثاء بنظرة خوف : حد معه ؟؟؟؟؟؟؟ ابتسمت ميثاء بحنان وهي تشوف أختها الصغيرة كيف كانت خايفة و قالت : لا تخافين المعرس ما جاء معه و حتى لو جاء أنتي ما هب مسلمه عليه .... أقطعتها صافيه بسرعة وهي تقول بغرور وتعالي يداعبهم الخوف : هذا اللي قاصر .... اسلم عليه ... لو تنطبق السماء على الأرض ما طلعت اسلم عليه ... أنا كل ما تذكرته ... تسود الدنيا في عيني ... تبيني اسلم عليـــــ.... أقطعتها ميثاء بصوت هادي لكن حازم : صفوي .... خلي في بالس أن اللي تتحاكين عنه رجلس وولد عمس وعيب عليس تتحاكين عنه كذا .... نزلت صافيه رأسها تشوف الجوال وهي تقول بكل انكسار : ادري ... ادري انه رجلي ولد عمي ... بس والله يا ميثوه ما اقدر ... ما اقدر أتخيل مجرد تخيل انه يكون رجلي كيف تبيني أتقبل انه صار رجلي ..... نزلت ميثاء عينها تشوف يد صافيه وهي تجر الجوال ورجعت تشوفها وهي تقول باستفسار : صفوي أنتي إلى ذا الحين تفكرين في عليان ؟؟؟؟؟؟؟؟؟؟؟؟؟؟؟؟؟؟ وكملت ميثاء باستهجان بعد ما شافت نظرة صافيه اللي أرفعت رأسها بها وقالت : إلى ذا الحين ؟؟؟؟ حتى بعد كل اللي عرفتيه عنه ؟؟؟؟؟؟؟؟؟؟ و بعد ما قال للكل انه ما يبيس وما يبي يأخذس ؟؟؟؟؟ ردت صافيه بسرعة عليها تدافع عنه : أكيد بيقول كذا ... لان عمي عبدالله هو اللي غير رأيه .... كاسر خاطره ولد أخوه اللي ما توفق في زواجه الأولي وبداه على أولده .... قرصت ميثاء عيونها في أختها وهي تقول : صفوي عن الخبالة .... لا عمي عبدالله ولا عشرة مثل عمي عبدالله يقدرون يغصبون عليان على شيء هو ما يبيه ..وأصلاً كيف عمي عبدالله بيغصبه وهو اللي ما يسواه احد عنده و يدور خاطره وين ما يكون .... يمكن فيصل الله يرحمه هو الوحيد اللي كان له عند عليان خاطر لكن بعد ما كان يقدر يغصبه على شيء .. هذا قدرة ... ولا يقدر على القدرة غير رب العالمين .... وبعدين أبيس تذكرين شيء مهم .... ســــــــــــــــــــارة حماتس و اللي سواه فيها .... أبلعت صافيه ريقها بغصة جرحت روحها .... وهي تقول : ومن قال أني نسيتها ؟؟؟؟ ميثوه ... افهميني ... الله يخليس ... أنا صدق أني ما أحب علي خاصة بعد كل اللي عرفته عنه ... لكن بعد أنا ما اكرهه .... يمكن عشان كذا اعذره في كل اللي سواه معي .... ما هب عشانه ....لا .. بس لأني ادري انه ماهب صاير احن علينا من أعمامنا .... ميثوه أنتي ما تدرين وش اللي أنا أحس به .... صافية قالت آخر كلمة وهي تضغط بقوة على صدرها وتكمل : ما هي سهله ... أن الوحدة ما يكون لها أي شور ولا قرار في حياتها .... في الوقت اللي كل الناس لهم ذا الحق ...قالوا صافيه لعلي قلنا إنشاء الله ... قالوا علي ما يبي يعرس بعد ما خلصت الجامعة ... قلنا إنشاء الله .... قالوا علي ما يبي يأخذ صافيه خير شر .. قلنا إنشاء الله .... قالوا احمد ما توفق في عرسه الأولي جوزوه صافيه .... وبعد قلتوا إنشاء الله .... وغصب على خشم اللي جابوني قلت معكم إنشاء الله .... ليه ؟؟؟؟ ليه يا أختي يسوون فينا كذا ؟؟؟؟؟؟ في شرع من ذا ألحكي يصير أن وحده يملكونها وهي ما هي براضية ؟؟؟؟؟ رب العالمين ما يظلم عباده ... ليه العباد يظلمون ؟؟؟؟؟ اظلمونا .... اظلمونا حتى ما راعوا أن حنا بنات أخوهم اليتامى ..... و دنقت صافيه رأسها تشوف الجوال مره ثانية بنظرة زايغه تحاول تخفي بها دمعتها وهي تسمع ميثاء اللي أمسكت كتفها تقول بصوت حزين ومخنوق : حبيبتي والله ادري أن كل ألحكي اللي تقولينه معاس حق فيه وصدقيني أنا أكثر وحده حاسة فيس .... بس حنا وش بيدنا وحنا بلا رجال يوقف في وجيهم .... وأمي .... مسكينة من يلمحون لها مجرد تلميح أنهم بيأخذونا عنها ... قالت لهم على طول تم في كل اللي تبون ... وشدت ميثاء قبضة يدها على كتف صافيه وهي تقول : قسم بالله أني يوم ملكتس ما تمنيت ألا أني أكون في القبر مكان فيصل وهو اللي يكون واقف معكم في وجيهم .... وأول ما أرفعت صافيه رأسها تشوف أختها وهي تقول بهمس : بسم الله عليس ... أرجعت ميثاء تكمل حكيها وقالت : لا تظنين أن اللي صار راضن لي لكن وش اقدر أسوي ؟؟؟؟ كل اللي بقدر عليه أني احزن ... وفي ويش بينفعني الحزن ؟؟؟؟ صفوي ليه يا قلبي ما تحاولين انس تشوفين الموضوع بطريقة ثانية غير النظرة السوده ذي ؟؟؟؟؟ ليه ما تقولين أن الله راد لس الخير من وراء ذا العرس ... ابتسمت ميثاء وكملت وهي تشوف نظرت التساؤل في عين أختها : أيه خير .... وكل الخير إنشاء الله ... شوفي حنا صحيح ما نعرف عن احمد شيء ... بس ليه ما يكون مثل فيصل الله يرحمه أو أحسن منه ... ويكون الله رايد انه يعوضس به عن كل اللي شفتيه مثل ما عوضني بفيصل رحمة الله عليه .....ردت عليها صافيه تقطعها وهي تقول : ما به حد في ذا العايلة كلها مثل فيصل الله يرحمه ... ولا واحد فيهم يقدر يوصل مراجله و لا مواصيله .... فيصل سوى اللي ما يقدر أي رجال فيهم يسويه .... من فيهم يقدر يوقف في وجه عمي عبدالله و عمتس نورة مثل ما هو وقف ... يوم اعرفوا انس ما تجيبين أعيال ؟؟؟؟؟؟ ما طاوعهم وطلقس أو أعرس عليس ... من فيهم بيتجراء انه يسوي مثل فيصل يوم رجعس المدرسة أول ما اعرستوا على طول .... وخلاس تكملين ثالث إعدادي والثانوية والجامعة ودور لس الوظيفية اللي خاطرس فيها وعينس وأنتي عمي عبدالله مطلعس من المدرسة قبل العرس بأسبوع .... من فيهم يقدر يعطينا الإحساس بالأمان مثل فيصل .... 18 سنه عيشس فيهم فيصل في عز ودلال وأمان وعيشنا معاس .... لا... لا يا ميثاء ... ما فيهم اللي يقدر على هذا ....قالت صافية آخر جملة وهي تهز رأسها وتبتسم بمرارة ...... ميثاء كانت مبحلقة في صافية ولا هي قادرة ترد عليها بحرف .... وحمدت ربها أن أمهم أقطعتهم يوم أدخلت تستعجلهم وهي تشوف صافيه تطلع ورى أمها على طول .... ميثاء ما تدري هي وش كثر تمت تشوف الباب بعد ما اطلعت صافيه .... لكن كل اللي تعرفه أنها محتاجه له ... مشتاقة له ... لكل شيء فيه ابتسامته ... نظرته ... حنانه ... عطفه ... مشتاقة لكل شيء فيه ... كل شيء .. سكرت عيونها بقوة أول ما حست بالدموع بدت تتجمع فيهم .... لفت رأسها وهي مغمضة عينها جهة جوالها اللي كانت تتحاكا فيه صافية على السرير وهي تمد يدها له .... وأول ما أمسكته و أرفعته بيدها قدام وجها .... أفتحت عينها على صورة فيصل اللي مخليتها خلفية لجوالها و شافتها بكل شوق من خلال دموعها اللي تحرق خدها وهي تقول في همس قبل لا ترد على أمها اللي تصوت عليها عشان تسلم على عمها : عيدك مبارك .......لبيــــــــــــــــــــــــه يمه ....................... فهد توتر أول ما وقف بسيارته في بيت عمه سالم وشاف سيارة عمه محمد واقفة قدام البيت .... لف بسرعة على أمرته ندى وقال : الله يستر .... هذي سيارة عمي محمد ما ادري وش يبي من ذا الفقراء مصبحهم من صبح .... ندى وهي تشوف السيارة قالت تهدي رجلها : فهد أنت نسيت انه عمهم ... وأنهم الحين صاروا انساب .... واليوم العيد لازم بيهم يعايد عليهم ....فهد قال وهو يلف على البيت يشوفه : لا ما نسيت انه عمهم وأنهم صاروا انسب .... بس ما نسيت بعد انه نسب بالقوة ... الله يجيرنا من ذا الزيارة .... قال فهد آخر جملة بخوف قبل لا يلف على ندى وهو يقول : المهم ... مثل ما وصيتس لا تنسين ... أبيس تشوفين أذا ناقص عليهم شيء ولا محتاجين شيء ... ردت عليه ندى وهي تهز رأسها : إنشاء الله .... مع أني عمري ما شفت عليهم قاصر في شيء و كل ما سألت ميثاء تقول أنهم مب محتاجين شيء لان أبوي عبدالله يمير بيتهم كل شهر مع ميرت بيتنا .... قطعها فهد وهو يقول : ندى الله يهديس أنتي تدرين أن بيت عمي سالم الله يرحمه عزيزين نفس ... ولا هم من العرب اللي يتطلبون و لا يتشكون ... عشان كذا أنا أبيس أنتي تشوفين بنفسس أذا في شيء قاصر... أقطعته ندى وهي تقول باحتجاج : فهد حرام عليك والله استحيت كل ما أزورهم ادخل احوس في مطبخهم ... الناس انقدوا علي ... يقولون ذي ما شافت خير من تيي سيده المطبخ .. اسمحلي بس ما اقدر كل زيارة أسوي جذيه ...ابتسم فهد بحنان لندى ابتسامته اللي تحبها وهو يمسك يدها اللي لامه به ولدها في حضنها وقال : آفااااااااااااااا يا نوني ولا عشان خاطر فهودي حبيبس ؟؟؟؟؟ ويوم ما شاف منها استجابة كمل حكيه وقال : زين عشان خاطر فيصل الله يرحمه .... ولا فيصل بعد ما له خاطر عندس ؟؟؟؟؟؟؟؟؟؟ تنهدت ندى بقوة بعد ما أسمعت طاري فيصل ... وقالت بحزن : الله يرحمه .... عشان خاطر فيصل بس .. بدخل احوس في المطبخ ... وجرت يدها من يد فهد عشان تفتح الباب وتنزل بس فهد جر يدها مره ثانية وهو يقول بعياره : يعني أنا ما لي عندس خاطر ؟؟؟؟؟؟ الله يسامحس ... لفت عليه ندى وقالت : آفااااااااا..... ليش مالك عندي خاطر.... ألا لك ونص .... عشان خاطرك بقعد في ثلاجتهم .. شتبي بعد ؟؟؟ و أنزلت ندى وخلت ولدها سالم عند أبوه اللي يضحك عليها عشان تأخذ له طريق يدخل يعايد على مرت عمه .......... محمد قال لنجله وهو ينقل نظره بين صافيه و ميثاء اللي قاعدين جنب أمهم ساكتين قبل لا يرجع يركز نظره على ميثاء : شوفي يا مرت اخوي ... ذا الحين طاف على وفاة فيصل الله يرحمه سنة وشهرين ... عشان كذا أنا أشوف أن حنا نسوي العرس بعد أسبوعين .... وأول ما شاف نظرات الصدمة من نجله وبناتها كمل يبرر حكيه : الصبي مستعجل على العرس والبنت ما ورآها شيء ... وحنا خلاص حجزنا كل شيء ... يعني ما له حاجه كثر ألحكي .... ردت عليه أم ميثاء وقالت : بس أسبوعين يا اخوي ما تكفي عشان البنت تجهز و ترتــــ .....قطعها محمد بسرعة وقال باستهزاء وهو يشوف صافيه اللي صار وجها احمر من الغيض ودموعها تسابق نظرها : ليه ما تكفي هي وش تبي تسوي ؟؟؟ السلام عليكم ورحمة الله وبركاته ..عيدكم مبارك .. ظهور ندى المفاجئ عند باب المجلس كان بالنسبة لصافيه طوق النجاة عشان تقدر تنهي الموقف السخيف والمؤلم اللي هي فيه .... فزت بسرعة لندى تسلم عليها و تسابقها على الباب عشان تطلع منه قبل ندى ما تدخل المجلس وهي تسمع عمها يقول : خلاص يا نجله إنشاء الله العرس بعد أسبوعين والمهر بتجيبه لكم منيرة اليوم .............. ميثاء قالت وهي تدق الباب : صفوي قطعتي قلبي افتحي لي .... ندى اللي دخلت الممر حق الغرف قالت : ميثوه ما أفتحت لج إلى الحين .... قومي ... قومي أنا اعرف شلون أخليها تفتح الباب .... صفوي ... صفوي فهده يقولج أذا تبين تطلقين هو مستعد انه يخليــــــــــــــ ..... وقبل لا تكمل ندى حكيها أفتحت صافيه اللي تبكي الباب وهي تقول بكل لهفه : أيه ... قولي له أبي أتطلق وذا الحين ... ندى اللي دفت صافيه من قدام الباب قالت وهي تدخل و تجر يد ميثاء عشان تدخل معها : قومي اهوه ... ما عندنا بنات يتطلقون .... لفت عليها صافيه وهي معصبه وقالت : أنتي ما تستحين ؟؟؟؟؟ مطوعه وتكذبين ؟؟؟؟؟؟ ابتسمت ندى وهي تقعد على سرير صافيه وقالت : هو من ناحية ما استحي .... ما استحي ... وإذا على أني مطوعه واكذب .... فالله يسامحني إنشاء الله .... المهم تعالي اقعدي خلينا نتفاهم .... ندى قالت آخر جملة وهي تشر بيدها على المكان الخالي بينها وبين ميثاء على السرير .... صافيه قالت بعند : ما أبي اقعد جنبس .... وراحت تقعد على الكرسي حق المكتب .... ندى لفت تشوف ميثاء المحزنة على أختها بنظرة تشجيع قبل ما تقوم وتقعد جنب صافيه على المكتب وهي تقول : ممكن اعرف أنتي ليش زعلانه الحين ؟؟؟؟؟؟؟ صافيه ما ردت على ندى و اكتفت أنها تبكي في صمت وهي مدنقه رأسها ..... ندى أمسحت على شعر صافيه وهي تقول : الله يهديج يا صافيه كل هذا عشان قالوا العرس عقب أسبوعين ؟؟؟؟؟ عيل أنا المفروض أني اذبح عمري اللي عرسي صار في عشر أيام ... هو صح انه كان عرس مطاوعه بس بعد ما فيه عرس وجهاز عروس يصير في عشر أيام .... بس الحمد لله رب العالمين ... الله يسرها .... وبعدين يا حبيبتي الحين كل شيء موجود في السوق وفي يومين ثلاثة بتخلصين إنشاء الله .... أسكتت ندى أول ما رفعت صافيه لها عينها وهي تقول بصوت مخنوق من البكي : ندى أنا ادري أن كل شيء في السوق .... أنا ما ابكي عشان الوقت قصير ولا اقدر اشتري و أجهز ... أنا ابكي لأن الوقت القصير هذا بيطير مثل الهوى وفجأة بلاقي نفسي مأخذه واحد غريب اسمه أحمد كل اللي اعرفه عنه انه ولد عمي ... تملك من قبل على وحده ست شهور وطلقها ... و طول الشهرين اللي طافوا على ملكتنا وأنا أحاول اعرف عنه أو عن شخصيته أي شيء .. أي شيء عن الإنسان اللي أنكتب علي أعيش معه غصب عني .. بس بدون فايده ..... ما عندي من اسأله عنه ... لا أبو و لا أخو .... وأنتي تدرين أن بيت أعمامي ما نشوفهم غير في المناسبات والمرة الوحيدة اللي جاتنا فيها أخته روضوه في عيد الفطر ما أقدرت ميثوه تطلع منها غير بتعليق سخيف ... وكملت صافيه وهي تقلد صوت روضة : الله يساعدس على احمد ... حار... وما عنده شور غير شور رأسه ... جرت ندى من علبة الفاين اللي جنبها حبة فاين ومدتها على صافيه وهي تقول : صافيه ليش ما قلتي لي عشان أقول حق فهد وهو بيقول لج أي شيء تبينه عنه ؟؟؟؟ ولا أنا وفهده مب أخوانج ؟؟؟؟؟ هزت صافيه رأسها وهي تقول بسرعة تقطع ندى : كيف انتووا ما هب أخواني ؟؟؟ والله أنا ما أشوفكم ألا مثل ما أشوف ميثاء وفيصل الله يرحمه .... بس والله استحي أسألكم كذا عيني عينك .... مهما كان ما اقدر ... حتى ميثوه تستحي لا تسألكم .... ابتسمت ندى لصافية بحنان وهي تقول : يا الخبله هذي حياتج و مستقبلج ولازم انج تسألين عنه ... وتحاولين انج تعرفين على الأقل الشيء اللي يطمن قلبج .... وهذا حقج في الشرع ولا فيه استحي و ما استحي ... ما شفتي أنا وش سويت ؟؟؟؟ قالت ندى آخر جملة وهي تهز كتف صافيه بيدها و كملت : طبعاً انتووا تدرون أن فضيلة الشيخ فهد صديق فضيلة الشيخ نواف اخوي ... و فضيلة الشيخ فهد يوم قال حق رفيجه فضيلة الشيخ نواف انه يبي وحده ملتزمة .... الشيخ نواف قال له على طول لا تدور و تتعب نفسك أنا عندي أخت ملتزمة ولا بلاقي أحسن منك لها .... ما اكذب عليكم في البداية كنت خايفة تدرون عشان أنا حضرية وفهد بدوي فأكيد بيكون في اختلاف في الطباع والعادات على الأقل مع أهله طلعنا عن الموضوع ....نرجع لأهلـــــــــــــــــــــــــــه ... الله يسلمج صج أن نواف سوى لي معلقه يمدح فيها فهد .... بس هذا ما يعني أن حنا ما نشوف ولا احد من أهله ... اقصد النسوان ... كنت حابه أتعرف على الناس اللي بقعد معهم في بيت واحد ... يعني حتى بعد ما يو الريايل واخطبوا وحددوا موعد الملجه ما شفنا احد من نسوانهم ... فكرت معقولة ما فيه أم ما تبي تشوف مرت ولدها ... لا ما يصير أكيد السالفة ورآها أن ... قالت لي أمي يمكن بيون يوم الملجه مره وحده .... واقعد لج على نار إلى يوم الملجه ... و اكشخ وتعدل والبس اللي على الحبل كله ... عشان أذا جات أمه تنعجب فيني من أول نظرة .... ومن قالوا لي أن أهل المعرس يو أضربتني نفاظه .... يالله قدرت أوصل الميلس و من وصلت تنحت عند الباب .... يعني أني عروس واستحي .... المهم أول ما دخلت استقبلتني باقات الورد وسلة الكافي اللي جايبينها معهم .... عاد هنيه الحياء راح وياني فضول أشوف أم المعرس و خواته اللي هذا ذوقهم ... أول ما رفعت عيني انصدمت ما فيه ألا مره وحده ... قلت أكيد أمه .... قربت منها .... ومن شفتها عدل لفيت على خالتي اللي كانت مدخلتني وقلت لها : أذا أم المعرس جذيه صغيره وحلوه ما أبيه ... أكيد هو بيطلع أحلى مني مليون مره ... وكملت ندى ترد على نظرة التساؤل اللي في عين صافيه وقالت : لا تستغربين أنا ما شفت فهد ألا يوم العرس الأخ يستحي .... يوم قال له نواف عن النظرة الشرعية ... ما رضا وقال أذا أنا أبي أشوفه هو بيدخل عشان أشوفه بس هو ما راح يرفع عينه لأنه يستحي ... عاد تدرون استحيت من نفسي لا أصر على الموضوع أذا كان الريال مستحي أنا بستقوي ... بعد طلعنا عن الموضوع ... المهم خالتي قالت لي أن أمه ما يات وان هذي مرت أخوه الكبير ... عاد أنا هنا صنفت عدل وراح الدين والالتزام .... لأنه عدم حضور أمه أو خواته حتى بعد الملجه ما له غير معنى واحد عندي ... أنهم ما يبوني ولا هم موافقين علي .... وهذا ما في واحده تقبلها على نفسها مهما كانت ملتزمة ومتدينة ... ما قدرت أسوي شيء الملجه وصارت ..... وأحط حرتي في الفقيرة ميثوه اللي قعدت تتعذر عن عمتها أنها مريضة عشان جذيه ما أقدرت تيي ... عاد أنا ما برد خاطري حجيها عشان جذيه ما خليت سؤال عندي ما سألته .... يطري عليج ميثوه يوم أطيح في بطنج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ميثـــــــــوه ..... انصدمت ندى يوم لفت على ميثاء ولقتها تشوف باب الغرفة وهي مبتسمة ابتسامة جافة و حزينة تبللها بدموعها اللي تسيل على خدها .... لفت تشوف ميثاء وش تشوف عند الباب .... كان سالم ولد ندى واقف قدام الباب وهو يشوف أمه اللي تسولف باندماج .... رجعت ندى تشوف ميثاء بحزن لأنها تعرف هي وش كثر تحب البزران وخاصة سالم ولدها عشان كذا قامت بسرعة من على المكتب وراحت للباب وهي تقول لولدها : سلومي ... تعال ... وشلته وهي تقول له : سلومي وين مينوه .... تلفت سالم في الغرفة بعد ما شدت ندى انتباهه باسم مينوه .... سالم يحب ميثاء كثير وتعلق واجد بها بحكم أنهم كانوا عايشين في بيت واحد وقسم فهد مقابل قسم فيصل .... يعني من كان عمره شهور وهو طول اليوم كان عندها في مخبأه السري بعيد عن أخوه و خواته التوائم .... شافها ... شافها قاعدة على السرير تبتسم له من بين دموعها وهي رافعه له أيديها .... مينــــــــــــــــــا .... قال سلومي كلمته بكل فرحه واندهاش وهو يدف ندى عشان تنزله على الأرض ... اللي أول ما لمسها برجله طار عشان يدفن نفسه في صدر ميثاء اللي غمضت عينها بقوة أول ما لمته بين أيديها وهي تقول : يا قلب وروح مينا .... لفت ندى على صافيه وهي تقول : يعني احترمها يقول مينا .... جات صافيه وقعدت جنبه على الأرض وهي تقول : سلومي قول .... ميثاء .... سالم رفع عينه لصافيه بنظرة استفسار خلتها ترجع تقول وهي تأشر على ميثاء : قول ميثاء ... هذي اسمها ميثــــاء ماهب مينا .... رفع سالم عينه لميثاء وقال : ميضا .... ردت ندى على صافيه وهي تبتسم : ما في فايده في هذا الوالد بيتم الثلاث سنين وهو ما هب متكلم .... وإذا تكلم اللغة رايحه فيها ... وكله يرجع على راسي .... يدته كل ما أسمعته قالت ما تلام يا أولدي قومك الحضر اللي أنت منهم ..... ردت عليها صافيه وهي تبتسم قبل لا ترجع تلف على سلومي وقالت : تستأهلين ..... سلومي حبيبي حر أمك وقول أنا من ؟؟؟؟ أنا وش اسمي ؟؟؟؟؟؟ عطاها سالم نظرة من فوق إلى تحت قبل ما يقول : أنتي آآآآآآآآآآآص ...................... ندى وهي تفتح الثلاجة تحوس فيها قالت لميثاء اللي واقفة تغسل يد سلومي : يحليل صفوي .... أذبحتني من الضحك يوم فشلها سلومي .... حتى ريجي نشف من الضحك .... قالت ندى آخر جملة وهي تسكر الثلاجة بعد ما أخذت علبة لبن مراعي صغيرة .... ميثاء ردت عليها وهي تبتسم : ندوووو ... جزاسس الله ألف خير... يوم انس قدرتي تفرفشينها ... وتخلينها تفتح الباب .... ندي وهي تفتح علبة اللبن قالت : لا شكر على واجب ... ورجعت تكمل بجديه : بس ميثاء انتووا يوم كان موضوع احمد شاغلكم جذيه ليش ما قلتي لي ... وأنا بقول لفهد .... وهو أكيد مب مقصر ... بيقول لكم أي معلومة تبون تعرفونها .... ميثاء قالت وهي تنشف يد سلومي : والله ما ادري وش اقولس استحيت ... ردت عليها ندى بسرعة وقالت : الله يهديج يا ميثوه ذي السوالف ما فيها استحيت ... صفوي تقول استحي اعذرها... لكن أنت ؟؟؟؟ ما علينا من كل ذي ألحجي ... المهم شوفي أنا ما بغيت أتكلم جدام صفوي وهي معصبه ... صج أن ملجتها على احمد صارت بالغصب بس والله فهد وأيد يمدح عليه ويقول انه ريال فيه خير ولا عنده خرابيط وسوالف الشباب... وانه أكيد ما يدري عن صافيه أنها ما تبيه و مغصوبة عليه ولا جان ما تمم الملجه .... ويوم اقترحت عليه انه يعلمه عن صفوي أنها ما تبيه رد و قال لي : شوفي صحيح أن كل السالفة صارت وحنا مسافرين ولا عرفت بها في وقتها ولا كان ما خليت احد يغصبها على شيء ... لكن ذا الحين الملكة تمت وقده رجلها وهي مرته ... ولوهي أختي ما عينت لها أحسن من احمد .... ليه اقطع نصيبها ونصيبه ... ورب العالمين لو هو ماهب رايد لهم من وراء ذا الشيء خير كان ما تممها ذا الملكة ... ردت عليها ميثاء وقالت : صادق سبحان الله ... أن تكرهوا شيء خير يكون ... شوفي ندووو ... صفوي وش اللي مهوجس بها سالفة ملكته اللي قبل وسبب الانفصال ... أذا بتقدرين تجبين جواب ذا السؤال جزاس الله كل خير ... ندى قالت وهي تبتسم : بـــــــــــــــــس ... ما طلبتي شيء ... كم ميضاء عندي ؟؟؟ ألا على الطاري ميضاء وش غداكم ؟؟؟؟ ميثاء قالت وهي تضحك على طريقة ندى في ألحكي والغرض من وراء سؤالها : مكبوس دجاج ... ندى قالت بسرعة تقطعها : ليش دياي ما عندكم لحم ولا سمك ؟؟؟؟ ميثاء اللي كانت تضحك تحولت ضحكتها لابتسامة ناعمة وحزينة وقالت : ندووو حبيبتي ... قولي لفهد لا يحاتينا.... والله ما علينا من الخير قاصر ..حنا ما نبي من الدنيا غير دخلتكم علينا .. ميثاء قالت جملتها الأخيرة وهي تنزل عينها بدمعة خوف تشوف سلومي اللي قاعد على الكرسي يحاول يفتح الكافي الثاني .. ندى اللي كانت منحرجه و زعلانه لان ميثاء كاشفتها من البداية أحزنت بعد ما سمعت حكيها ... وما مداها تتحاكا أو تقول أي شيء بسبب صافيه اللي أدخلت عليهم وهي مرتبكة وتقول : ميثوه الحقي ..... عمتي منيرة جات برى ........ صافية اللي كانت تطل من باب ممر الغرف على الصالة تشوف ندى اللي توها داخله من المجلس قالت بصوت واطي : راحت ؟؟؟؟؟؟؟؟ ندى قالت وهي تلبس عباتها عشان تطلع لفهد اللي رجع لها عشان يوديها بيت أهلها تعايد عليهم وتقيل عندهم قالت : أنتي ما تعلميني ليش منخشه ... سلمتي وطلعتي تركضين جنج مقروصة ... هذا كله حياء ؟؟؟؟ ادخلي قاعدين يتفقون على التفاصيل ... شوفي اللي لج واللي عليج يا الخبله ... ردت عليها صافيه وهي تحاول تخفي خجلها وتوترها : ما أبي ... ما أبي منهم شيء ولا أبي اعرف عنهم شيء ... ردت عليها ندى بصوت واطي وهي تقرب منها عشان تسلم عليها : بجوف هذا الحجي بيتغير أذا سلموج المية ألف اللي في الميلس ولا لا ... يلا مع السلامة ... الله يعني على الشيخ سالم لاصق في ميضاء ... ندى قالت جملتها الأخيرة وهي تلف على باب المجلس وتشوفه .................... ميثاء وهي تنسدح على السرير قالت بقلة صبر وملل : احمدي ربس .. ولا تقعدين تتفسقين ... الرجال ما قصر... قال القاعة والكوشة وتزين الطاولات كله عليه ولا عليس غير انس تختارين وهو بيدفع ... وش تبين بعد ؟؟؟؟ روحي شوفي غيرس من البنات ... يا برحالي ... الوحدة يعطونها ستين ألف ولا ثمانين ويقولون لها عليس الكوشة والطاولات ... وبعضهم حتى القاعة هم اللي يدفعونها ... وش يسوون ؟؟؟ اللي تأخذ سلفيات على راتبها ... واللي تدين بس عشان خرابيط ... صافيه قالت باحتجاج تشرح لميثاء : أني عشان كذا أقولس ليه يقول هو اللي بيدفع ؟؟ يعني هو قال كذا عشان طايحين من عينه ... وعنده أن حنا لا قدامنا ولا ورآنا ... وهو بيتفضل علي ... لا أنا اقدر أدبر نفسي الحمد لله أنا مدرسة واقدر أني أسوي كل اللي خاطري فيه ... ميثاء هزت رأسها بتعب وقالت وهي تجر اللحاف عليها : أنتي وحده ضايع ألحكي معاس ... و أنا وحده سهرانه من البارح ...قومي اطلعي خليني ارقد لي ساعة عشان اعرف أروح ذا الزيارة اللي على ظهري العصر .... صافيه بعد حكي ميثاء أعرفت هي ليه مزاجها متغير ولا لها طولة بال للنقاش معها على غير عادتها .... جرت صافيه طرف للحاف عن وجه ميثاء وقالت بحنان : ميثوه .. أذا ما لس خاطر تروحين بيت عمي عبدالله لا ترو.......... وسكتت صافيه يوم شافت ميثاء تبكي ... ميثاء اللي تفاجأت بصافيه أنها جرت اللحاف عن وجها أمسحت دمعتها بسرعة وهي تلم الملحف لصدرها وتقول : لازم أروح أبارك لهم بالعيد حتى وان كانوا ما يوصلوني ... لازم ... ما هب عشان هم عمي وأمرته ... لا ... عشان هم والدين فيصل الله يرحمه .... احمد اللي كان يحوس في المطبخ الخارجي عند أمه اللي تنكب الغداء قال : زين يمه وبعدين وش قالوا ؟؟؟؟ ردت عليه منيرة بعصبية وهي تدف يده عن القدر : وش قالوا بعد ... ما قالوا شيء ... يحمدون ربهم بنشيل عنهم كل شيء ... رد عليها احمد وهو يرجع يمد يده على القدر : زين والعروس ما قالت شيء ؟؟؟ منيرة قالت وهي تتنهد و تدف يده عن تحرقه بالصالونة اللي تصبها : يا أولدي الله يصلحك وخر لا تحترق ... والعروس ما قالت شيء ... هي أصلاً ما أقعدت معنا سلمت وطلعت بسرعة .. ويوم جيت بطلع نادتها ميثاء عشان تسلم علي ... الله يستر عليهم بنات سالم مستورات ويستحون ... قالت منير جملتها الأخيرة وهي تسكر الحرارة حقت الصالونة ... احمد اللي أعجبه أن العروس تستحي ابتسم وهو يقول : زين يمه هم متى بيجونا يعيدون علينا ؟؟؟؟ ردت عليه منيرة بنظرة استغراب قبل لا تقول : ما هب جاينا ... احمد اختفت ابتسامته وقال : آفاااااااااااااااا ليه ما هب جاين ؟؟؟ لا أنا ما أحب أمرتي ما توصل في أهلي .... منيرة اللي أفهمت ولدها قالت وهي تشر للطباخ يشيل الحرارة : أمرتك و أهلها واصلين في اهلك قبل لا تأخذك ... وبعدين هم يجون عشان أبوك و عشاني ... وأبوك عايدوا عليهم الصباح وأنا وجيتهم وميثاء قالت أنهم كانوا حاسبين بيجونا العصر ... لكن أنت وراك ما تروح توصل في أهل أمرتك ... نجله بعد مرت عمك و حسبت أم عليك ولها الحق ... احمد قال وهو متوتر : والله انس صادقه ... بس والله استحي أروح والبيت ما فيه رجال ... حتى ما هي بعدل ادخل عليهم كذا أول كنت أتواعد مع فيصل الله يرحمه و أروح اسلم على مرت عمي سالم ... بس ذا الحين .... أقطعته منيرة وقالت : الله يرحمهم جميعاً ... ذا الحين يا أولدي أنت رجال البيت ... رجل بنتهم وولد عمهم ... صافيه قالت بعصبية بس بصوت واطي : صار لنا نص ساعة ولا جانا احد ... يا دافع البلا كل ذا رقاد .... في حد يقيل عصرية العيد إلى الساعة خمس ونص ؟؟؟ ميثاء ؟؟؟ ميثاء ... ميثـــــــــــوه ... ميثاء اللي كانت سرحانة تشوف الدرج اللي أركبت عليه 18 سنه كيف تغير شكله في سنه بس وصار ضيق وموحش قالت بعصبية ترد على صافيه اللي دفتها بيدها عشان تنتبه لها : خير؟؟؟ وش عندس ؟؟؟ صافيه قالت : أقولس قومي خلنا نروح عمي وسلمنا عليه ... وأمرته تدري أن حنا نثناها برى ولا جات ... يعني ما تبي تجي ... قومي خلنا نطلع ... ردت عليها ميثاء وقالت بعصبية : ما حنا بطالعين اصبيري ... هي بالعاني متأخرة علينا عشان نضيق ونروح .... وأول ما خلصت ميثاء حكيها أسمعت صوت مها اللي نازله درج وهي تخب وتهلي بها : يا هلا والله ومرحبا بالغالية مرت الغالي ... ومن شافتها ميثاء تغير مزاجها من العصبية إلى الحزن ... مها كانت آخر العنقود في بيت عمها عبدالله وكانت محور اهتمام كل شباب البيت وبالخصوص فيصل واللي نقل هذا الاهتمام بدوره لميثاء ... اللي دمعت عينها أول ما لمت مها اللي كانت تبكي وهي تشد يدها على ميثاء وتضمها ............... مها قالت وهي تترجى علي اللي يمشط شعره : جعلني قبلك ... عشان خاطري ... الله يخليك ... رد عليها علي بكل برود : أنتي ذا الحين ما صجيتينا على بيت عمي سالم ... وش اللي طاري عليس ذا العيد تتوصلين فيهم ؟؟؟؟؟ ردت عليه مها وهي تقول : حرام يعني أني أروح اسلم على بيت عمي سالم و أبارك لهم في العيد مثل ما أروح بيت عمي محمد ؟؟؟؟ رد عليها علي وهو يلبس طاقيته : لا ما هب حرام ... بس اللي عرفته منس أن بنات عمي كانوا عندنا ... يعني اقصري الشر وما لس حاجه تروحين لهم وأنتي تدرين أن أمي ما هي براضية ....أقطعته مها وقالت : أن هذا بلا أبوك يا عقاب ... أمي ... وأول ما بدت مها تبكي أقدرت تلفت انتباه علي اللي كان يشوفها في المنظرة ولف عليها يسمعها وش بتقول وهي تكمل : ليتك شفت أمي وش سوت مع ميثاء ... حرام والله حرام ... ميثوه ما تستأهل كل هذا ... هي وش ذنبها أنها ما تجيب عيال عشان أمي تسوي فيها كذا .... هنا علي فضوله وصل حده وقال : وش سوت أمي ؟؟؟؟ ردت عليه مها وهي تمسح دموعها و تقول : خلتهم ساعة في الصالة بالحالهم هي وأختها ... ولا جاتهم ما كأنهم ضيوف في بيتنا ... ويوم تكرمت وأدخلت عليهم .. جرت في يدها الشيخة سارة .. تستعرض كرشتها قدام ميثوه الفقيرة ... واسمع اعد ألحكي اللي من خاطر الوالدة مصفوط ... قامت تترحم على فيصل انه مات ما شافت عياله ولا نسله ... وتتحسب على من كان السبب ... المسكينة ميثوه طلعت تبكي من البيت .... علي اللي رجع يلف على التواليت ويكمل لبسه قال بكل برود : حقها وما جاها ... من قال لها تجي وهي تدري أن أمي ما تبيها ولا تبي شوفها ؟؟؟؟ كان حبة العافية و أقعدت في بيتهم .... لا تشوفيني كذا وأنا صادق عند ربي ... وأنتي انسي سالفة الروحة بيت عمي سالم ... أمي اللي فيها يكفيها ولا اقدر أزيدها و أقول لها أني بوديس بيت عمي سالم عند ميثوه ... مها اللي كانت تشوفه بحزن قالت : علي لا تقول لها بنروح عشان ميثاء قول أن حنا بنروح عشان نعايد على مرت عمي نجله ... هي بعد لها حق مثل مرت عمي محمد ما لها حق ... علي وهو يشيل جواله من على التواليت قال : مهوي من الآخر ... انسي السالفة بكبرها ... تبين تروحين بيت عمي محمد قومي اركبي ما تبين اقعدي مكانس وهذا للي عندي ... قال علي جملته الأخيرة وهو يمشي طالع للباب ... واللي خلاه يوقف لحظة تجمد فيها هو صوت مها وهي تقول بكل حزن : الله يرحمك يا فيصل ... ليتك تشوف وتدري اهلك وش سوو بالوصية ...................... هذا كان الفصل الاول وبداية القصة يا وجيه الخير ... وذا الحين نبي رايكم الكريم عشان اكمل واكتب باقي القصة اختكم صوت و صدى |
كبدابه حلوه .. بس ليه ماعرفتي عن الشخصيات
ابي اتفاق معاكي متى تنزليها .. وسالفة ماقدرة هالاسبوع انا عني مااحبها .. واذا بتسوينها قولي من البدايه لاني مااحب حرق الاعصاب ومشكوووووووووووووووووره وتسلم يدك |
هلا و الله هلا و غلا بكل الحــــــــــلا هلا بيكـ معنا اختي الغاليه >> صوصو >> ابتدي ادلعكـ ^_^ وهـــــــــذا تسجيل حضور و متابع ـــــــــهـ معاكـ باذن الله يسلمووو وتسلمـ الايادي وربي يسعدكـ و يوفقكـ لاعدمنــــــــاكـ يارب ^_^ |
eyes2 - بحر الندى - sara vip - الماسة الحنونة ... عزيزاتي ... شكري الكبير على مروركم وكلماتكم المشجعه وعلى تحذيركم لي عزيزاتي هل خطر لكم في يوما من الايام بأننا نعيش داخل قصة كبيرة اسمها الحياة ابطالها ... انتي .. وانتي ... وانتي ... وهو ... وهي ... وهم ... ننسج خيوطها بكل لحظات حياتنا ... بكل حزنها ذكرياتها دروسها ألمها وصبرنا عليها وانتظرانا للحظة السعادة النجاح الفرح واعظم اللحظات هي التي يستطيع الانسان ان يشعر بأنسانيته بقدرته على الابداع احساسه بالانجاز في الحياة كل هذا كان وصف بسط الاكثر القصص انتشراً وهي الحياة فلما لا تنسامح مع من هم وسط زخمها الكبير يحاولون بكل جهدهم ان يخلقوا قصة داخل قصة يكفيهم شرف المحاولة واقتطاعهم الوقت والهروب من قصتهم الكيبر للسفر معكم بالخيال في قصة صغيرة سعيدة حتى وان كانت قصتهم الكبيرة مخضبة بالدماء انا عن نفسي ... احترم كل من حاول مجرد محاولة ان ينتشلني من قصتي الكبيرة بكل المها وحزنها ويأخذ بيدي لاطير فوق سحاب الخيال ولو للحظات حتى وان تأخر علي بهذه اللحظات اعذره ... بل واعطيه كل العذر ... فمن يعلم قد يكون في قمة تألمه في هذه اللحظة التي اتذمر فيها من تاخره وأتسأل كيف يستطيع الانسان ان يكتب ويبدع وهو حزين او يدرس او يراعي مريض او .. او ... او ...مشاغل الحياة وهمومها لا تنتهي ... اذاكانا نحن الذين نقراء نمتنع عن القراءة لنفس الاسباب .. فكيف هم الذين مطالبين بجهداً اضافياً للكتابة ؟؟؟ انا لم اقصد مما سبق اي شيء غير رجاءكم اخذ كل ما سبق بعين الاعتبار لي ولكل من يكتب في هذا المنتدى وغيره ... عزيزاتي ... يولد انسان ... ويموت انسان ... وتبقى الكلمات في ذاكرت الزمان ... لتكن كلماتنا وروداً لا تذبل على مر العصور صوت وصدى |
الفصــــــــــــــــــــــــــــــــــــــــــل الثاني : فيصل وهو يسلم على علي اللي موصلهم المطار قال له بكل جديه : علي ما أوصيك ... اقطعه علي وهو يضحك .. وقال : ادري وش بتقول ... اسطلب وغد رجال ... و داوم مع أبوي ... وخل عنك المغازل ... أنا ما ادري أنت ما تصدقني ليه ؟؟؟ دوام و أداوم مع أبوي ... وأنا اللي ماسك الشغل كله على سلامة الشايب ... ومغازل ... مليون مره قلت ما أغازل ... وسكت علي أول ما مسك فيصل طرف كتفه وهو يقول : علي ... ما أوصيك على ميثاء ... إما انك تطلع ولا قوم من قدام الباب ... كان هذا صوت مها اللي كانت حزينة ومعصبة على الموقف كله وهي تمسك طرف باب غرفة علي تبي تطلع ... علي اللي رجعه صوت مها من ذكرياته فتح الباب بقوة وطلع وخلاها في الغرفة ............ احمد اللي كان قاعد في المجلس وهو منحرج من ميثاء قال : الله يهديس يا ميثاء لا تردينها من طريقها ... أنا بروح وان شاء الله بمرها باكر أعايد عليها ... ميثاء اللي كانت تتصل على جوال أمها اللي ما ترد عليه قالت : هي أصلاً قدها في الطريق راجعه ... أن شاء الله ما تشرب قهوتك ألا وهي هنا ... وقامت وهي تعدل عبأته تصب له القهوة أول ما دخلت الخدامة صينية دلال القهوة .... احمد اللي كان منحرج من وجوده في المجلس بالحالة مع ميثاء ومرت عمه ما هي بموجودة اخذ الفنجال على عجل وهو يوقف وقال : مشروبه اقهوتس يا بنت سالم ... بس اسمحي لي ما اقدر أتأخر مواعد رجال ... وحط الفنجال على الطاولة وهو رايح للباب المجلس في تردد ... ما كان يبي يطلع قبل لا يفتح السالفة اللي جاي عشانه في الأساس ... و قبل لا يوصل الباب لف على ميثاء وقال : أقول يا بنت سالم ... ميثاء اللي كانت منحرجه منه أكثر قالت بصوت واطي وخجل : لبيه ... رد عليها احمد وهو مدنق رأسه ... لبيتي في منى أن شاء الله ... قبيله شفت فهد ولد عمي عبدالله في المسجد اللي عند بيتهم ... فهد يقول أن صافيه يهمها تعرف وش سبب انفصالي في زواجي القبلي ... أنا ادري أن ذا الشيء من حقها ... بس يا بنت عمي ما هو بكل ما يصير ينقال ... وحده تملكتها و الله ما كتب لنا نصيب مع بعض ... هي راحت في طريقها وأنا في طريقي ... الله يستر علينا وعليها ... وما يفضح العبد ما ستره ربه .... ميثاء اللي أفهمت هو وش كان يقصد من حكيه أقطعته وقالت : سبحانه ... ماله حاجة تزيد في ألحكي ... و بيض الله جهك يا اخوي ...... احمد اللي ابتسم وهو مدنق بعد ما حس من صوت وطريقة ميثاء في ألحكي أنها أفهمته ... قال : و وجهس ... وإذا ما عليس أمر أبيس تقولين لصافيه شيء ... هي صحيح بنت عمي ولها المعزة والكرامة ... بس اللي خلاني أفكر فيها زوجه لي ... هو الستر والحشمية اللي قدرت أنها تلفت نظري بهم يوم جيتونا في رمضان ... وأظن ذا شيء ما يقلل من قدرها وشانها ... ردت عليه ميثاء وهي تفكر في ندى كيف قدرت أنها تنقل الصورة بالكامل لفهد وكيف وصلها فهد لأحمد ... وقالت : عز الله شأنك يا أخوي.... و بيض الله وجهك ... كفيت ووفيت ... ولا قصرت ... احمد وهو يطلع من جيبه أورقه ويكتب فيها رقمه قال لميثاء : ودامس قلتي يا أخوي ... اجل أنا أبي منس طلب ... أبيكم أذا احتجتوا أي شيء ... أي شيء حتى لو كان استفسار مثل اللي انقله لي فهد تدقون علي على طول بدون ما تخلون السالفة فيها سفارات .... ورحه وردات ... وهذا رقمي .... ومد الورقة على ميثاء اللي أخذتها وهي فاهمة انه يقصد صافية بذا ألحكي بس ما أقدرت تقول غير: أن شاء الله ... ما شاء الله وصلنا الترقيم .... كان هذا صوت علي اللي واقف قدام باب المجلس المفتوح على الآخر وهو يشوفهم بعصبية ............. خالد وهو يلم مها اللي تبكي قال : مهوي ما صار شيء لذا كله ... تبين تروحين بيت عمي سالم ... خلاص ولا يهمس ذا الحين أنا بودي سارة تبات في بيت أهلها عشان تروح مع أمها باكر الموعد من صبح ... اركبي معنا ... نروح بيت عمي سالم نسلم عليهم وتالي نروح بيت عمي محمد ننزل سارة وتسلمين عليهم ... وش تبين بعد ... مها قالت بسرعة لخالد أخوها : لا خالد ما أبي نروح و أمرتك معنا ... الصراحة هي فتانة ولا تحب ميثاء ... بتروح تعلم أمي علينا ... خالد قال بجديه : مهوي عيب عليس تقولين عليها كذا ... وبعدين أمي أكيد أنها بتعرف ... لازم نعلمها قبل لا نروح ... ولا تبين تروحين بدون ما تدري ؟؟؟؟ مها اللي أحزنت قالت : اجل ما به فايده ... أمي بتقول لا ... قطعها خالد وهو يقول : ما عليس أن شاء الله بقدر أقنعها ... مها ردت عليه وهي مدنقه : لا تحاول ... أمي ما به احد يقدر عليها غير علي وهو شل يده من السالفة بكبره ............ ميثاء اللي جمدت في مكانها من سمعت صوت علي على وجه الباب ... ما تدري من وين جاتها القوة أنها ترفع عينها تشوفه خاصة بعد اللي قاله ... ويا ليتها ما رفعت عينها له ... كان واقف ويقرص عينه في احمد .... اللي كان يبادله نفس النظرات وزاد عليها وقال : أنت وش تخربط .؟؟؟؟؟ أقول أحشم نفسك ابرك لك .... علي اللي دخل وقعد على الكرسي بكل برود ولا كأن مسوي شيء .. قال يرد عليه : والله أنا حاشم نفسي قبل لا أشوف وجهك .... اللي ما لقيت غير بيت عمك وتسوده فيه .... احمد اللي كان يتبع علي بنظرات نارية من وجه الباب إلى الكرسي اللي قاعد عليه ما تحمل ألحكي ورد عليه : أعقــــــــــــــــــب ... أنا اسود وجهي في بيت عمي .... وهد على علي رايح له .... ميثاء اللي ما كانت قادرة تستوعب اللي يصير قدامها من تطورات للموقف ... كل اللي أقدرت عليها أنها تمسك يد احمد تحاول تجره عشان ما يتهور وتصير هده بينهم وهي تقول : احمد تكفى ... وارتاحت يوم احمد رجع خطوة وراء وهو يقرص عينه في علي ... فكت يدها على طول عنه ولفت على علي اللي صعقها وهو يقول بكل برود وابتسامة الاستهزاء على ثمه : اللــــــــــــــــــــه يرحمك يا فيصل ... ليت تجي وتشوف وش صار عقبك .... صدمت ميثاء كانت ما تنوصف... ولا حست بنفسها الا بعد دموعها ما بدت تتجمع في نقابها ... احمد اللي حس بكبر ألحكي اللي قاله علي على ميثاء رد بسرعة عليه بحده وقال : الله يرحمه ... فيصل محشوم يوم هو حي وبعد ما مات ... وعيب عليك بس انك تفكر كذا مجرد تفكير ... رد عليه علي وقال : أفكر ؟؟؟؟ ذي ما بها تفكير ... أي واحد بيدخل وبيشوف اللي شفته بيقول أكثر من كذا ... ولا وش حاجتها توقف معك بالحالها ... هاااااااااااا ؟؟؟ ما تسوي كذا غير اللي ما تستحي ...وتد........ ...... اقطعه احمد بعصبيه وصوت عالي وقال : ميثاء أحشم منك ومن طوايفك كلهم ... وأظن أنت دخلت والباب مفتوح ... ماهب مسكر ... وهي واقفة معي بالحالها لان عمتي نجله طالعه ... واصلا أنا كنت طالع ... لأنها ما هي بموجودة ... وبعدين أنا ولد عمها و جاي أعايد عليهم ... ماهب غريب ..علي ابتسم بمكر وقال : هاااااااااا ... زين يوم علمتني ... اجل يوم الدعوة كذا وراكم ما تدعون صافيه اسلم عليها و اعايدها ... أنا بعد ولد عمها ولا ني بغريب .... ولا فيها شيء أذا جات وقعدت معي تسولف وأعطيها رقمي ... هنا احمد ما استحمل أكثر ووصل حده ... لكن اللي جمده مكانه كان الهجوم المفاجئ على علي من ميثاء اللي كانت منصدمة و مرعوبة من علي وتفكيره اللي هي عارفة ومتأكدة انه بينقله للكل ... بس اللي ما أقدرت أنها تسكت عليه يوم شافته قرر يدخل أختها في الصورة ... خافت ... لا ماتت من الخوف أن يكذب على أختها بشيء ويشوه صورتها قدام احمد اللي توه يقول انه ما فكر فيها ألا عشان سترها و حشمتها ... وهذا خلاها تشوف أن أحسن وسيلة للدفاع هي الهجوم... بدون ما تفكر مرتين أرفعت رأسها له وقالت بصوت عالي تدافع عن أختها : صافية مره حشيم والحمد لله اللي الله ما حداها تقعد مع من يسوى وما يسوى عشان تجي تقعد معك .... واحمد ولد عمي ورجل أختي اللي يشرفني أني اقعد معه حتى وان ما كان معنا احد لأنه رجال ماهب ضفعه ... و أنت صحيح انك ولد عمي ... واخو رجلي الله يرحمه ... لكن لا معرفتك ولا مقعاد معك يشرفني ... ولفت على احمد وقالت قبل لا تطلع من المجلس بسرعة صاروخية : مع السلامة يا أبو محمد .... احمد المندهش من ميثاء والحكي اللي قالته لعلي بعد ما سمع باب الصالة اللي سكرته ميثاء بقوة وصوت الباب وهو ينقفل ... ابتسم ابتسامة شماتة وهو يشوف علي اللي كان مبحلق في مكان ميثاء الفاضي وهو متجمد ما يتحرك فيه غير جفن عينه اليسار اللي يرجف ..... وأول ما استوعب اللي صار رفع عينه لأحمد اللي ما تتردد انه يرفع يده للباب ويشر له عليه وهو راسم على وجهه ابتسامة عريضة ...... ميثاء اللي كانت ترجف من أدخلت الصالة سكرت الباب وراها بسرعة وأقفلته بالمفتاح مرتين من الخوف ... ما كانت عارفة هي كيف تجرأت وقالت لعلي هذا ألحكي ... علي ... علي اللي عمر ما احد قدر يدوس على طرفه ... علي اللي حتى عمها عبدالله عمره ما قاله ما يغثه ... تجي هي وتقوله ذا ألحكي ..هذا كله ما كان مخوف ميثاء ... مخوفها أن علي اللي معروف ببروده إذا عصب ما عاد شاف قدامه ... هي صدق صارت مره وحده وشافته كيف عصب بس عمرها ما تمنت أنها تشوفها مره ثانية وتكون عصبيته عليها .. كانت تشوف الباب وهي تتخيل أن علي بيقتحمه في أي لحظه عشان يدبغها ... وزادت رجفتها مع لمست صافيه لكتفها وهي تقول بخوف وصوت هامس : ميثوه .... لفت على صافيه بسرعة و كأنها توها منتبها لوجودها ... كانت تبكي بخوف ونظرتها زايغه ... لمتها ميثاء بكل قوتها لصدرها لأنها تدري أن صافيه أي صراخ أو صوت عالي يأثر فيها من يوم الحادث اللي صار لها و توفى فيه أبوهم ........... علي قال باستفسار وهو يبتسم : أسألك بالله أنت خليت احد في قطر ما وصيته اليوم على أمرتك ؟؟؟؟؟ ابتسم فيصل ابتسامة حزينة وقال : أني عشان كذا أوصيك ... عشان ما يكون باقي احد ... ورجع يتكلم بجدية وهو يكمل وقال : علي جعلك تحيا ... أنت تدري أن ميثاء ما لها لسان ولا ترد على احد في شيء ... وتعرف بعد أن أمي تجور عليها أوقات ... وأمي ما به احد يقدر عليها ألا أنت ... عشان كذا أوصيك ... أبيك تخليها تخف على ميثاء ... ولا تقعد تكدر خاطرها كل ما شافتها ... ولا .... اقطعه علي وهو يشوف أخوه بنظرة حنان وقال : ولا يهمك ... ازهلها ... أخوك ذيب .... بركب للوالدة بريك اتوماتيك .... من تشوف أمرتك تضرب بريك بالحالها .... فيصل ابتسم ابتسامة عريضة على ألحكي اللي قاله علي وهو يقول : كفو ... قول وفعل يا أبو عبدالله ... رد عليه علي وقال وهو يشوف فهد اللي يشر على فيصل من داخل الحاجز عشان يدخل يخلص جوازه : لا تحط في بالك يا رجال المهم تروح وترجع بالسلامة .... انتبه علي على صوت هرن سيارة احمد اللي هو مسكر عليها بسيارته ... شغل على سيارته بسرعة ولف على بيت عمه يشوف الباب حق الصالة وهو يقول : ذي اللي ما لها لسان و ما تعرف ترد على احد ...طلع لها ألسان ... طلع .. أول ما طلع ... طلع علي أنا ... أنـــــــــــــــــــــا ... الله يرحمك يا فيصل .... ورجع يشوف احمد اللي كان باين عليه الشماتة في منظرة السيارة قبل لا يطلع بسرعة من بيت عمه وهو يقول : ما أني على أبوي أن ما أدبتكم كلكم ... صافية أفتحت باب غرفة ميثاء بكل هدوء عشان ما تزعجها .... لقت ميثاء قاعدة على سجادتها تقرا قرآن .... دخلت صافيه وسكرت الباب ورآها .... أقعدت جنب ميثاء على الأرض ... وهي تتأمل الغرفة بصمت ... كان الليت مطفي وضوء الابجورة في طرف الغرفة عاكس عليها حزن عجيب ... برد المكيف يزيد شعور الحزن رهبة .... أوصلت بنظرها إلى ميثاء اللي كانت تشوفها هي بعد بتأمل ... ابتسمت لها صافيه على طول وهي تقول : وش اخبارس ذا الحين ؟؟؟؟ أن شاء الله أحسن ؟؟؟ ردت عليها ميثاء وهي ترد عليها بلمحة ابتسامة حزينة وقالت : بخير يا قلبي ... أمي وش أخبارها إلى ذا الحين ضايقه ؟؟؟؟ صافيه لوت ثمها وقالت : على خفيف ... تدرين أمي وشعارها في الحياة ... ما تبي هدات ولا مشاكل مع احد ... بس أنا اعرف هي وش منه ضايقة صدق ... أمي خايف عليس من عليان وسواد وجهه ... خايفة يطلع عليس حكي وعلوم ... وأعمامي أكيد بيصدقونه .... أقطعتها ميثاء وقالت : الحمد لله أنا ما سويت شيء أخاف منه ولا استحي ... وإذا على عليان فأنا وكلت فيه رب العالمين ... الله فوق الجميع .... وهو اللي يعلم ويشوف الظالم و المظلوم ... خليه عنا كفيله ربه ... المهم أنتي وش حالس ؟؟؟ إلى ذا الحين خايفة ؟؟؟؟ ردت عليها صافية وهي تتسند على طرف السرير وتشوف طرف ثوبها اللي جرته تعدله : لا ... الحمد لله .... بس اللي مخوفني صدق .... احمد .... ورفعت عينها لميثاء وهي تقول : ميثوه صوته عالي ويصرخ ... يعني هو صدق مثل ما قالت أخته ... عصبي .... ردت عليها ميثاء وهي تسكر المصحف وتحطه على السجادة جنبه : شوفي بقولس شيء ... ما به رجال ما هب عصبي ... بس في رجاجيل عصبيتهم ما تطلع ألا في حق وعشان شيء يستأهل .... وصدقيني لو احمد ما عصب في الموقف اللي حطنا عليان فيه كان طاح من عيني .... صافيه ما به أغلا من السمعة والشرف للرجال قبل المره .... وسكتت ميثاء وهي تقوم تحط المصحف على الطاولة وتأخذ الورقة الصغيرة اللي فيها رقم احمد من عليها .... لفت على صافيه وهي تبتسم بتعب وهي تحرك الورقة في يدها وهي تقول : صفوي ... ما تبين تشوفين سلاح الجريمة ؟؟؟؟؟ ندى وهي تشوف فهد يدخل الغرفة لفت تشوف الساعة اللي صارت 3 الفجر قبل ما تقول بصوت واطي عشان ما توعي سلوم : بشر لقيتوه ؟؟؟؟ فهد اللي قعد على طرف السرير قال وهو يتنهد : عيناه .... الأخ راح الشاليه ورقد وسكر جواله ... وخلا القرعة ترعه ... الله نفعنا بخالد جاته فطانه اتصل على الناطور ينشده عن علي أذا شافه وهو اللي قال لانا أن علي من الساعة 11 في الشاليه وانه دخل يرقد وقال له لا توعيني لو وش يصير.... الله يهديه أنا ما ادري متى بينصلح حاله ... يدري أن أمي ما تلاقي عليه ريحة العقل و أبوي ينقلب حاله ومع ذا ما يهمه احد يسوي اللي يبيه بدون تفكير ... ندى وهي تشيل سالم عشان تحطه في غرفته مع أخوه قالت : ادعي له بالهدايا والصالح أن شاء الله ... فهد قال وهو يلف يشوف سالم الراقد في يد ندى : الله يهديه ويصلحه ويجيرنا من روحته الشاليه اللي كل ما راحه جانا بمصيبة ..... ندى قالت لميثاء : ميثوه أنتي ليش خايفة جذي ؟؟؟ السالفة طاف عليها أسبوع ... وهو دام ما قال شيء إلى الحين معناها انه رجع لعقله وشاف انه غلطان ....أقطعتها ميثاء وقالت : أن شاء الله يا رب ... بس أنا ما ادري ليه خايفة ... قلبي يقول لي أن في شيء بيصير وان هذا سكون ما قبل العاصفة ... ردت عليها ندى وهي تتكلم بشك وقالت : والله يا أختي شكل العاصفة بتصير عندنا والله اعلم ... ميثاء قالت بخوف : ليه خير وش اللي جاري ؟؟؟؟ ردت عليها ندى : خير أن شاء الله ... بس ما ادري في تحركات ما هي طبيعية ابد تصير في البيت والكل ملاحظ ... ميثاء قالت باستفسار : حركات مثل ويش يعني ؟؟؟؟؟؟؟ أقولج مثل ايش ... مثل أن عمي وعلي فيه بينهم توتر ملحوظ ... ما يقعدون مع بعض وكل واحد فيهم يتجنب الثاني ... و أول ما أنصلح الحال بينهم انتقل هذا التوتر على طول لعمتي نورة... واللي زاد وغطى اخوج علي واللي سواه ... تقول مهوي أن علي ما يأكل ولا يرقد في البيت وحاط له فراش في الميلس .... ميثاء قالت بتعجب : علــــــــــــــي ؟؟؟؟ علي دلوع عمتي نورة ... شال فراشه وراح المجلس ؟؟؟؟ لااااااااااااااااااااا ... السالفة ذي ما تدخل العقل ... أكيد أن فيه شيء صاير... وشيء كبير بعد ... اللي خلا عمتي نورة ترضى انه يطلع من غرفته اللي بابها مقابل باب غرفتها و يتعزب المجلس ... وهي اللي ما ترقد قبل ما تطل عليه في فراشه .....وقطع على ميثاء حكيها دخول أمها عليها الغرفة وهي تقول برعب : اللي خفت منه صار ................ |
الســـــلام عليكم مساء الخيرات و لليرات لحلاااا قلم باارت رائع فيه الكثير من المواقف الجميلة و الافكار الرائعه ونبدء من اول شيء جذبني العنوان (قلوب تخاف الحب) السؤال لماذا الخوووف ؟ وهل هناكـ من يخاف الحب ؟ لابد من سبب قوي جـــــــــــدا !!!! وقلت لابد من القراءه لكتشاف السبب ومن الخطوط الاولى بدات افهم بعض الامور >> كمـا اعتقد ولكن اهم شيء توقفة عنده موقف علي من ميثا وشيء اللي ناوي يسويهـ امممممم اتواقع انهـ يبي يخطب ميثا عشان ينتقم من تصرفها معاهـ و طبعا هي ما تقدر تقول لا لانه ولد عمها واخو زوجها المرحوم لكن قوتها راح تبين بعد الزواج >> ابيها ترد لها الصاع صاعين و تخليه يلف و يدوور ـههههههههههههـ احب الشر و مواقف الصراعات وخصوصا كاني فهمت ان علي انسان مو سوي يعني راح تتعذب معها ومن سلوكهـ السيء الله يعينها وانا في شوووق كبير لرويت حرب بين طرفين يكرهون بعض و يتحدون بعض واااااااااو احس اني راح اشوف احداث مشوووقه من قلمكـ المبدع ونحن في انتظار ما يجود به قلمكـ يالغالية لا عدمناكـ |
بحر الندى - eyes2 عزيزاتي لكم من الف شكر على مروركم الكريم ويسعدني تفاعلكم مع القصة ... :flowers2: لااعلم اذا كان القادم سوف يعجبكم ام لا ؟؟؟ ولكن اعلم ان حرب ضارية على وشك القيام :liam_shadowboxer_sc الفصــــــــــــــــــــــــــــــــل الثالث : نورة اللي كانت تنطر عبدالله يجي في الصالة وهي على نار أول ما شافته فزت لها على طول وهي تقول : جبته ؟؟؟ رد عليها عبدالله وهو رايح لغرفتهم : لا ما جبته ولا هو بجاي .... نورة اللي اللحقته قالت أول ما دخلت الغرفة ورآه : ليه يوم هو ما هب جاي ؟؟؟؟ اللي يبيه و سويته له و أرضيته ... وش يبي بعد ؟؟؟ ولا هو مستحلي الرقدة في المجلس ؟؟؟ عبدالله اللي كان يفصخ غترته قال وهو يحطها على الكرسي : ومن قالس انه حمسان علي ويبني أرضيه ... هو حمسان عليس أنتي اللي ما طاوعتيه ... ويبي الرضوة منس .... نورة قعدت على طرف السرير وهي تتعبر وقالت : ودي أني أرضيه ... ولا هي بهينة علي أني اغضب خاطره ... غير حتى لساني والله ما هب مطاوعني أوافقه على اللي يبيه ... عبدالله قرب منها وقعد جنبها وقال : شوفي يا أم فيصل .... حنا ما طلعنا من ذا الدنيا غير بذا الثلاث عيال والبنت ... فيصل وربي اختاره ولا على حكم ربي اعتراض ... تبين علي بعد يروح من بين أيدينا وحنا نخايله ... أقطعته نورة اللي تبكي بسرعة وهي تقول : بسم الله عليه من الموت ... جعله يدفني ... قطعها عبدالله وقال : ويدفني أنا بعد ... بس أنتي عندس خبر المره اللي طافت يوم ما طاوعناه وش سوى بنا .... وذك زمان حنا فيه أقوى ... لكن ذا الحين لا أنا ولا أنتي نقدر على اللي بيسويه كان حنا ما طوعناه .... روحي له يا نورة وأرضيه ... خلي الرجاجيل اللي عندهم في المجلس يروحون.... و روحي له ... وقولي لها بنفسس انس موافقته وراضيه عليه ....... خله يسمعها منس ........................................ ميثاء اللي سكرت من ندى بسرعة بعد ما أدخلت أمها عليها قالت : خير يمه وش اللي صاير ؟؟؟؟؟؟ نجله قالت وهي متوترة : عمس عبدالله توه داق علي من شوي يقول انه باكر هو وعمس محمد بيجونا الصباح ... ميثاء تأكدت أن اللي كانت حاسة فيه صار ... علي ما هب هو اللي بيسكت على المهانة ... كيد هو ورا جيت عممها ... بداء الخوف يتحرك فيها بس حاولت تسيطر على نفسها وقالت لامها وهي تبلع ريقها : ما لا حاجة تسوين في نفسس كذا حنا ما سوينا شيء نخاف منه وذي ما هي بأول مره يجونا فيها عممي ... ألا هو ما قالس ليه بيجون ؟؟؟؟؟ ميثاء قالت جملتها الأخيرة بحذر شديد حتى ما تظهر توترها لامها ... ردت عليها نجله بخوف وقالت : لا ما قال بس قلبي ناغزني وخايفة ... خايفة أنهم حطوا في خواطرهم عليس يوم انس طولتي لسانس على علي .... من اللي حطوا في خواطرهم ؟؟؟؟؟ كانت هذي صافية اللي توها مخلصة سبوح وجايتهم ...... علي اللي كان يقرا الملحق الرياضي وهو منسدح على فراشه في غرفة الضيوف الصغيرة في المجلس ..... أول ما انفتح الباب وشاف أمه داخله مات من الفرحة لان وجودها عنده في المجلس ماله غير معنى واحد .... أنها وافقت على اللي هو يبيه .... فز بسرعة يواجها ويدنق على رأسها ويدها وهو يلمها ... نورة بكل جبروتها وقسوتها ما استحملت أنها تشوفه قدامها بكت على طول .... علي من شافها تبكي قال وهو يمشيها عشان تقعد على فراشه : طالبس يا بعد أهلي كلهم ما تبكين ... أنتي تدرين أن دمعتس عندي عزيزة ولا أحب أشوفها ... ردت عليه نورة وهي تقعد وقالت : لوهي عزيزة كان ما تعزبت المجلس يا السود الوجه وخليت البيت قالت نورة آخر جملة وهي تضربه على رجله ضربه خفيفة بيدها .... علي اخذ يدها اللي أضربته بها على طول وباسها وقال : السود الوجه ولا عنه ... مقبولة منس يا النوري ... المهم انس تحبيني وتغليني مثل ما احبس واغليس ... وانس ما يهون عليس تخلين وليدس في خاطره شيء .... قالت نورة لولدها وهي تشوفه بنظرات حزن واستعطاف : يا أولدي أنت تدري أني احبك و أغليك ولو تطلب عيون جاتك ... غير يا أمي أنا ما أبي أول فرحتك وحده معر......... قطعها علي وهو يقول : ادري بتقولين أنها معرسة ... يمه أنا قلت لس يوم جيت اعلمس وبقولس مره ثانية ... يمه أنا أبيها ... داخله مزاجي ولي فيها خاطر.... وأنا أحق أبها... و أوعدس بعد ما أخذها ويطيب خاطري منها شهرين ثلاثة بجيس وبقولس قومي اخطبي لي البنت اللي على مزاجس وكيفس .... وأول ما شاف أمه بترد عليه دنق على رأسها بسرعة وقال : يمه حرام عليكم تخلونها في خاطري وتسوون مثل ما سويتوا فيني من قبل ... نورة أمسكته من كتفه وهي تقول : لا يا أمي ما حنا بمخلينها في خاطرك ... بس بتحلف على المصحف انك بعد ما يطيب خاطرك منها بتأخذ اللي أنا اتنقاها لك ....... علي رد عليها بكل تأكيد : احلــــــــــــــــــــــــــــــف ................. ميثاء وهي تشوف باب غرفتها اللي اطلعت منه صافيه قالت بصوت واطي لندى : ندى جعلني قبلس قولي لي الصدق صفوي راحت ... ندى قالت بجديه : ميثوه أنا ما أحب احلف على كل شيء ... بس أقولج والله العظيم أن فهد قال لي بالحرف الواحد انه ما يعرف أصلاً أذا كان عمي عبدالله معزم أيكم بكره ... ولا يعرف وشي السالفة ... عمي عبدالله ما علم احد ... بس هو قال انه بيحاول بكره يعرف ليش هم يبون يونكم .... ميثاء قالت بخوف : والله أنا ماهب خايفة من شيء ... لان عليان ما يقدر يسوي لي شيء ...أنا مهما صار أرملة أخوه الكبير ... لكن أنا كل خوفي على صفوي واحمد ... خايفة ... أقطعتها ندى وقالت : ما في داعي تخافين عليهم لأنه ما يقدر يسوي لهم شيء... في أسوء الاحتمالات أذا غرته نفسه انه يتبلا عليهم في شيء ... احمد ريل صافية على سنة الله ورسوله ولو يبي يأخذها بيته الحين ما فينا احد يقدر يقول له شيء .... حقه شرعاً ......... الصمت كان رهيب في المجلس وكأنه المقدمة اللي تعلن بداية حكي أبو فيصل اللي كان جلس بكل ثقة وجنبه أخوه أبو احمد وهم يشوفون نجله وبناتها اللي قاعدين جنبها واللي نجح بصمته ونظراته لهم في توتير أعصابهم .... أخيراً قرر انه يتحاكا وقال بكل برود وقوة : شوفي يا مرت اخوي ... أنتي تدرين أن الناس ما تخلي احد بالحالة ... ويتكلمون في كل شيء اللي يشوفونه واللي ما يشوفونه ... عشان كذا أنا ماهب راضي عن ذا الحال .... واللي خلا نجله تتحاكا وترد عليه كان خوفها من اللي بدت تفهمه أكثر من شجاعتها ودفاعها ... قالت : خير يا اخوي ؟؟؟ وش الحال اللي أنت ما هب راضي عنها رد أبو فيصل السريع عليها أفزعها وهو يقول : حال البنات ... ردت نجله بصوت مكسور و خايف : وش فيهم البنات ؟؟؟؟ أبو فيصل قال وهو ينقل نظره بين صافيه و ميثاء : ما فيهم إلا الخير أن شاء الله ... وحنا ما جينا اليوم إلا عشان نتطمن على شوفاتنا وبنات أخونا ... شوفي يا أختي ... صافيه والله يسر لها ... ولا عاد على عرسها شيء ... لكن حنا نبي نتطمن على ميثاء .... ميثاء اللي كانت تشوف عمها باستغراب تكلمت وقالت بلهجة استفسار : وش فيها ميثاء ؟؟؟؟؟؟؟؟؟؟؟؟ رد عليها أبو فيصل وهو يحاول انه يكون مقنع في حكيه و قال : شوفي يا بنتي أنتي بنت اخوي وأرملة ولدي الله يرحمهم ... وأنا ما يرضيني انس تقعدين كذا ... أنا ودي اتطمن عليس ... ودي أن قلبي يرتاح من صوبس ... وأنا ماهب مرتاح ألا أذا شفتس عند رجال يعزس و يحشمس و يصونس عن حكي الناس .... ميثاء اللي استنكرت الفكرة بمجملها أقطعته بسرعة وقالت باستنكار : عمي أنت وش تقول ؟؟؟؟ أنـــــــــــــــــــــا ؟؟؟ أنا تبيني أعرس بعد فيصل ؟؟؟ أنـــــا.... ميثاء قالت آخر كلمة وهي تشر بيدها على نفسها ... رد عليها عمها أبو احمد وهو يقول : أيه أنتي ... وهو ما أخطاء في حقس ... هو يبي يسترس ... والبنت مالها ألا العرس والستر عن حكي الناس والقيل والقال .... ميثاء اللي كانت ترتجف وهي تسمع عمها محمد ما حست بيد صافيه اللي أمسكت يدها .... كانت تشوف عمامها بنظره زايغة وهي تحاول تستوعب ألحكي لي لف رأسها لفاف وخلا الدنيا تدور فيها ... ما تدري هي من وين استجمعت أفكارها وقالت بصوت خانقته العبرة لعمها أبو فيصل : ليه يا أبوي ؟؟؟؟ ليه تبوون تجوزوني ؟؟؟؟ ليه ؟؟؟؟ 18 سنه وأنا في بيتك قد شفتوا علي شيء ؟؟؟ قد سمعتوا علي شيء عشان تجي ذا الحين وتقول حكي الناس ؟؟؟؟؟؟؟ أبو فيصل رد عليها بسرعة وهو يقول : أكرم عليس يا بنتي ... مره حشيم ومستورة ... أقطعته ميثاء وهي منهارة بالبكي وقالت بصوت عالي : اجل ليــــــــــــــــــــــه ؟؟؟؟؟؟؟؟؟؟؟؟؟؟؟؟؟ ليه ؟؟؟؟ قالت ميثاء آخر كلمة وهي تقوم بسرعة وتطلع من المجلس وألحقتها صافيه بسرعة .... نجله اللي كانت تشوف بناتها يطلعون من المجلس لفت على حماها أبو فيصل وقالت : العذر و السموحة منك يا اخوي ... أنا ادري انك تقصد مصلحتها و جزاك الله ألف خير ولا لو هو واحد غيرك كان قال والله ما أرضا تعرس بعد ولدي ... بس بعد هي معذورة ... أنت تدري فيصل كيف كان عزيز عليها ... والمره ما تنسى رجلها لا بعد سنة ولا بعد عشرين سنة خاصة لعاده علومه زينه عندها ... صحيح أن بنتي ما تجيب عيال وزين أذا بتلاقي احد يرضي يأخذها بس صدقني يا اخوي ما هي بسهلة عليها تنسي 18 سنة قضتها معه في عزه وعزك وتأخذ واحد غريب بسرعة كذا .... قطعها أبو فيصل اللي تشجع بعد حكيها وقال : ومن قالس أني بفرط فيها عند غريب ... ميثاء طلعت من بيت أبوها وهي بز ودخلت بيت أبوها الثاني وبيتها وذا الحين بتطلع من بيت أبوها وترجع مره ثانية لبيتها ..................................... محمد وهو يسوق السيارة لف يشوف أخوه عبدالله اللي كان ضايق وقال له : أنتي ذا الحين ليه ضايق ؟؟؟ نجله وقالت لك ماهب صاير ألا الخير بس تبي وقت عشان ميثاء تفكر وتستخير .... ورضت ولا ما رضت بنجوزها علي ... وسع خاطرك ولا تضيق ....اقطعه عبدالله اللي كان كأنه ينطر أي احد يوجه له أي كلمة عشان ينفجر : أني ضايق عشان كذا .... ضايق انه حتى أن ما رضت مجبور جوزها له ....آآآآآآآآآآآآآآه وش أقول بس ؟؟؟؟ خلني بالع عوقي وساكت .... ولا ميثوه ما تهون علي حالها من حال صفوي ... ما يهونون بنات سالم الله يرحمه .... و ميثوه ... ميثوه مرت الغالي الله يرحمه ... عبدالله قال آخر جمله وهو يبلع عبرته لا تظهر قدام آخوه .... رد عليه محمد وقال : الله يرحمهم جميعاً بس حنا وش بيدنا غير اللي سوينا ؟؟؟؟ و ميثاء مره عاقل و حشيم ... ما تدري عن ربك يمكن كاتب صلاح علي في حظها .... اقطعه عبدالله وقال بعصبية : أنت تدري وش هو قايل لامه ؟؟؟ قايل لها انه له خاطر فيها ... والى طاب خاطره منها... شهرين ثلاثة بيأخذ وحده ثانية .... محمد اللي كان حاس بالنار اللي في قلب أخوه قال يهدي الموضوع على أخوه : صل على النبي يا اخوي ... رد عبدالله وقال : عليه الصلاة والسلام وهو يشوف أخوه اللي كمل وقال : أنت كنت خايف على صفوي من علي لا يأخذها ويلعب بها ويجيب منها كم بزر ويحذفها هي وعيالها ... من قال ما أبيها على طول ملكناها احمد ... قلت خايف انه يرجع ويقول أنا أحق بها وهي كانت لي ... عجلنا بموعد العرس ... بس ميثاء أن طال الزمان ولا قصر لا بد ما بيأخذ عليها وحده ثانية ... و أول ما شف محمد كيف عطاه أخوه نظره رد بسرعة وقال : عبدالله أنت نسيت أن ميثاء ما تجيب عيال انكسرت نظرت عبدالله وقال : وعشان ما تجيب عيال نعاقبها بعلي ... يا اخوي ما احد مثلي يدري بعلة أولدي وسواد وجهه ... اقطعه محمد بسرعة وهو يحاول انه ينهي الموضوع : وش بتسوي يعني ؟؟؟ شوف يا اخوي .. ما به احد فينا يقدر على عليان ... عيتوا من قبل على اللي كان يبيها ... وشف وش صار ... وقول الحمدلله أنها جات على حريق رجوله ولا مات ... عشان كذا لا توقف في وجهه ذا المره بعد .... اقصر الشر يا اخوي وريح راسك ............ مها أول ما أدخلت المقعد تفاجأت بس ما هو من المنظر اللي متعودة عليه ... المفاجأة كانت انه رجع ينعاد بعد التوتر اللي كان مسيطر على العلاقات بين أمها وعلي اللي كان لاصق في أمه مثل العادة وهي تحط له الريوق .... قالت مها وهي تقرب من أمها عشان تدنق عليها تصبح بها : الله لا يفرقكم أن شاء الله ... صباح الخير ... ردت عليها أمها وهي تسكر حرارة البلاليط : أن شاء الله ... دنقي على اخوس صبحي به أم فيصل قالت آخر جمله وهي تأشر على علي بيدها ... لفت مها على علي ودنقت عليه تصبح به ... ووقفت وهي مبتسمة تشوفه كيف يشوفها بدلع وهو يتمغط عشان يحط رأسه على رجل أمه ويقول : هلا ... بأحلى مها في قطر ... قعدت مها مقابلة علي قدام الريوق وهي تقول : يا جلعني قبلك يا اخو أحلى مها في قطر ... يا زينك لعاد مزاجك حلو ... رد عليها علي بكل ثقة وهو يشوفها تأكل من البلاليط اللي في صحنه وقال : كيف ما يصير مزاجي حلو وأبوي ذا الحين رايح يخطب لي ... وابتسم أول ما شاف كيف بلقت مها عيونها .... بس مات من الضحك لما شاف سارة اللي داخله مع رجلها خالد كيف وقفت مصدومة في نص المقعد من أسمعته .... واللي زاد الموقف أثارة عند علي هو دخول فهد اللي عمره ما دخل بدون ما يستأذن ويدق باب المقعد بطريقة هجوميه وهو يقول بصوت عالي : علي ... أنت مطرش أبوي يخطب لك ميثاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عدل علي قعدته وقال وهو يقرص عينه في فهد : أيــــــــــــه ... خير وش عندك ؟؟؟ قال علي آخر جملة بنبرة استفزازية ... رد عليه فهد بعصبية : عندي أن البارح محاكيني رجال يخطبها ..... قول له بتأخذ ولد عمها ؟؟؟؟؟ كان هذا صوت أبو فيصل اللي توه داخل عليهم ................... ندى وهي تقعد جنب فهد قالت تهديه : اذكر الله يا فهد ... فهد قال بعصبية : لا اله إلا الله .. قالت له ندى : لا تسوي في نفسك جذيه أن شاء الله بأتسهل ... فهد قال بحرقة وهو يلف يشوف ندى : حرق قلبي ... كنت أحاول اقنع أبوي أن حنا لازم نخيرها في اللي خاطبينها ...وان هذا حقها في الدين ... نط من قريب وقال أني أنا حاط عيني عليها عشان كذا ما أبيه يأخذها .... أنا خاطري اعرف هو كيف يفكر .... ندى قالت : الله يهديه أن شاء الله ... أنت تدري أن هذي طريقته في الكلام ... خاصة انه ما يحب احد يأخذ شيء هو يعتقد انه له ... وأنت جاي في نظره تأخذ اللي له ... قطعها فهد وقال : ميثاء ما هي بله ... ندى ميثاء بشر حالها من حالنا ... قال فهد جملته الأخيرة وهو يدنق رأسه ورجع يرفعه لندى وهو يكمل ويقول: شوفي أنا أول واحد أبي ميثاء تعرس اليوم قبل باكر ... لكن ماهب علي ... صحيح أن علي اخوي الكبير ولو بدور الدنيا كلها ماني بلاقي له أحسن من ميثاء بس ميثاء بعد أختي ولا أرضا لها واحد مثل علي ... ميثاء شافت الشين وفطر العين في ذا البيت وهي ساكتة ما نطقت بحرف .... أنا نفسي أذا فكرت في حالها أقول كيف أصبرت ؟؟؟؟ كيف ؟؟؟ ردت عليه ندى وقالت : ميثاء ما شاء الله عليه عاقل وإذا على أمي نورة فكلنا جانا من الحب جانب ... بس ميثاء كان لها نصيب الأسد ... يعني ...عشان موضوع العيال ... بتسم فهد بمرارة وهو يقول : ليتها جات على العيال ................................ فيصل اللي كان يشوف علي كيف يتبع وحده تمر قدام طاولتهم في المقهى ويكاسرها قال : أنا ما ادري متى بينصلح حالك ؟؟؟؟ عيب عليك ذا اللي تسويه ... اصطلب وغدي رجال ... وخلك من بنات الناس ... رد عليه علي وهو يكاسر البنت إلى آخر لحظة وقال : يا أخي هي اللي تشوفني و تكاسرني ماهب أنا اللي نطيت عليها ... وبعدين أنا واحد خلوي لا ورأي ولا قدامي ... يعني حر أسوي اللي أبي ... رد عليه فيصل وهو يحاول يلفت انتباهه : وأنت وش اللي مجودك ما تعرس ... العروس وتنطرك وكل شيء بارز ... لف عليه علي بعد ما قدر انه يشد انتباهه وقال : شوف بنت عمك ذي أنا ما أبيها ... اذكرها من يوم هي بزر ... كنها هي والطوفة واحد لا تعطي ولا تنطي ... يعني بالعربي بومة ... أنا أبي وحده غير ... أبي وحده تجنني .. تسحرني بحكيها ... رد عليه فيصل وهو يهز رأسه : حرام عليك هذا أختها عندي من كم سنه ... ما شفت منها غير كل اللي يرضيني ... هي صحيح هادية ومطيعة بس ما هي على قولتك بومة ... لا ... والله أنها أذا تحاكت ما ودك تصد عنها ... رد عليه علي ينهي النقاش اللي يدري مدام دخلت فيه ميثاء عند فيصل ماهب خالص وقال : ماهب شرط عشانها أختها تصير نفسها ... يعني مثلنا أنا وأنت ... كل واحد فينا غير ... ودنق يقول بصوت واطي لفيصل : أخذها من أخوك نصيحة ... أصابع يدك ما هي بوحدة ... سبحان الله أنت تأخذ ميثوه ... كان هذا صوت مها اللي رجع علي للواقع ... رفع عينه يشوفها وهي تقول : ماهب مصدقه ... ميثوه بترجع بيتنا ... وموافقة أمي ... صدق ... صدق ... سبحان الله قادر على كل شيء ... وسكتت مها فجأة وهي تتأمل علي ورجعت تقول وهي تبتسم بإثارة : تدري لا أنت ولا هي تليقون على بعض .. بس أحس أنكم بتكونون ثنائي عجيب في ذا العايلة الكريمة .... رد عليها علي وهو يتمقت ويبتسم بخبث : قولي أحلى ثنائي في العالم كله ........................ ميثاء قالت بعصبية : انتووا ليه ماهب راضين تفهموني ؟؟؟؟؟؟؟؟ أنا ما أبي أعرس خير شر ... لا عليان ولا غير عليان .... قالت أمها بسرعة وهي تجود كتفها عشان تهديها : يا بنتي ما هب زين عليس تسوين في نفسس كذا ... سمي بالرحمن وذكري ربس ... دنقت ميثاء رأسها بعد ما حست بحرارة دمعتها على خدها وهي تقول : لا اله إلا الله ... يا رب رحمتك تسبق عذابك ... قالت ميثاء آخر جملة هي تغطي وجها بيدها وتلف على أمها تدفن رأسها في صدر أمها اللي لمتها بسرعة وهي تقرا عليها المعوذات ... لفت صافيه على ندى وقالت بصوت واطي : هذا حالها من البارح كل ما سكتناها عودت تبكي من جديد ... لا تأكل ولا تشرب بس تبكي ... لفت ندى تشف ميثاء اللي تبكي في حضن أمها وقالت بصوت واطي حزين لصافيه : لا حول ولا قوة ألا بالله العظيم ... يا حبيبتي يا ميثوه ... لذا الدرجة كانت تحب فيصل ... وقربت من ميثاء وقالت وهي تمسح على رأسها بأطراف أصابعها : ميثوه لا تسوين في نفسج جذي أذا ما تبين تتزوجين مب لازم ... هذا حقج وأنتي حره ..... ردت عليها صافيه بحرقة وقالت : نضحك على عمارنا أذا قلنا ذا ألحكي ... أعمامي ما به احد عندهم حر ... ألحكي حكيهم و الشور شورهم ... وطبعاً أمر عليان يمشي على الكل والجميع كبيرهم قبل صغيرهم ... أقطعتها ندى بعصبية وهي تقول : أنا خاطري اعرف هو شلون يمشي حجية عليهم ؟؟؟؟؟؟ جنه ماسك عليهم ذله ... ما فيهم واحد يقدر يقوله لا ؟؟؟؟؟؟؟؟؟؟؟؟؟؟؟؟؟؟ لا يعني لا ... ما أنت بمأخذها ...وهذا آخر حكي عندي .... عبدالله قال هذا ألحكي وهو يطلع من المجلس ويروح البيت ... لف علي على فيصل وقال وهو يحاول انه ما يبكي : شفت ... ليه يسوي كذا ؟؟؟ ليه ؟؟؟ حرام عليكم ... البنت بتملك باكر ... بموت ... والله بموت أذا خذاها غيري ... الجوال اللي يرن افزع علي اللي رجع بفكره 17 سنة وراء وهو يشوف السيارة اللي قدامه .... دنق يشوف الجوال وهو في حالة جمود ما يتحرك منه غير جفن عينه اليسار اللي يرجف ... كان المتصل فهد ... أخيراً قرر انه يرد وهو يرفع رأسه يشوف السيارة اللي تدخل المواقف قدامه : خيـــــــــــــــــر ؟؟؟؟؟؟ فهد قال بكل هدوء عشان ما يشتبك مع علي : وعليكم السلام ورحمة الله وبركاته ... الخير بوجهك .. أنت وين ؟؟؟؟؟؟؟ رد عليه علي وهو يشوف الرجال اللي يسوق السيارة بكل حقد : في جهنم وش تبي ؟ فهد قال وهو يتنهد : لا حول ولا قوة إلا بالله ... علي أنا متصل عليك عشان نتفاهم في سالفة خطبتك لميثاء ... علي حرام عليك اللي تسويه المره ما تبي تعرس وأنت أصلا ما تبيها ... علي قطع فهد بسرعة وهو يشوف المره اللي يعرفه من بين ألف مره وهي تنزل من السيارة وعيالها معها وقال بعصبية تغلب عليها الحسرة : من اللي قال أني ما أبيها ؟؟؟؟؟؟؟ مـــــــــــن ؟؟؟ عمري ما نسيتها ولا بنساها ... أنا أحبها ... تفهمون وش يعني أحبهـــــــــــــــــــــــا ؟؟؟؟؟ متى بتحسون فيني ؟؟؟؟ متـــــــــــــــــــــــــى ؟؟؟؟؟؟ فهد اللي كان مصدوم من فكرة أن علي يحب مرت فيصل من زمان ما انتبه أن علي سكر في وجهه ... كان متأثر من درجة الانحطاط اللي وصل لها علي ... يحبها من زمان ... يعني كان يفكر فيها وهي على ذمة فيصل ..... ميثاء قالت بكل استنكار : أنتي وش تقولين ؟؟؟؟؟؟؟؟؟ ردت عليها ندى وهي متضايقة أكثر منها : أقول الكلام اللي قاله لفهد ... أنتي طلبتي فهد يكلمه وامنتيني انقلج رده بالحرف ... وهذا كان رده على فهد ... صافيه قالت بحرقه : صدق انه قليل ذات ومروه .... ال[محذوف][محذوف][محذوف][محذوف]... يفكر في مرت أخوه ... أفيه منه رجال .... الله يعينس يا ميثوه على ما بلاس .... صافيه قالت آخر جملة وهي تلف على أختها اللي كانت مدنقه رأسها تشوف الأرض قدامها بدهشة .... أرفعت ميثاء رأسها فجأة وهي تقول بصوت عالي لامها اللي توها راجعه من الجمعية ما بعد أدخلت من وجه باب الصالة : يمه دقي على عمي عبدالله وعمي محمد قولي لهم يجون باكر بعطيهم ردي ..... والحين ابي ردودكم وتوقعاتكم للجزء القادم صوت وصدى |
السلام عليكم ورحمة الله و بركاته مساء الورد يغلفه عبيرها من حروف هذه الصفحه ....................مشكوره ......................... .....................مشكو ره............ .................مشكوره... ......مشكوره.............. .........مشكوره......مشكوره..... ...............مشكوره..... ..........مشكوره.......... .....مشكوره............. مشكوره..... ...............مشكوره..... ........................مشكوره .........................مشكوره..... .................مشكوره... ......................... ......................... .....مشكوره....... ...................مشكوره. ......................... ......................... ...مشكوره..... ......................مشكوره...................... . ......................... مشكوره....... ......................... مشكوره.................... ....................مشكوره...... ......................... ...مشكوره................. ................مشكوره........ ......................... ......مشكوره.............. ............مشكوره........ ......................... .........مشكوره........... .......مشكوره........... ......................... ............مشكوره....... مشكوره................ ......................... ....................مشكوره ....................... علـــــــــــى البارت الروعـــــــــــــــــــــــه وناتي الان الى مواقف استوقفتني :yellow: اقتباس:
يعني هو على كيفة ياخذ البنت ثم يرميها :52: مسالة عناد وبس :Welcome2: لا حوال ولا قوة الا بالله اقتباس:
اممممممم علي مسبب ارعب لهله ليش؟؟؟:party0033: وش السالفة ؟؟ وش عنده ماسكـ عليهم شيء؟؟؟ وش قصة انتحاره ؟؟ اقتباس:
اممممم وهينا بعد سر جديد :YkE04454: وش اللي بين ميثاء و نورة ؟؟؟ ليش تسوي فيها كذا؟؟؟؟؟ اكيد فيه سر ... اقتباس:
علي جالس يتذكر حادثه قديمة ياترى هل سبق ة لعلي انه حب و فشل بحبه او لقى معارضه من الاهل و قرر ينتحر عشان ينتقم منهم وهذا هو سبب خوفهم منه و انه يسوي شيء اذا عارضو رغبته يمكن ليش لا؟؟ اقتباس:
فهد سمع كلام علي و ظنه عن ميثا لكن انا اقول ان علي كان يتكلم عن الماضي و اختلاطة عليه الامور ويسلمووووووووووووو يالغلا لا عدمناك يارب وننتظر على احر من الجمر ولكـ شكري و تقديري :rdd12tf: :flowers2::flowers2: |
ماشاء الله قصة راااااااااااااااااااااااااائعة
بس أتسآل هل ميثاء أصغر أم أكبر من علي |
يا هلا وغلا تو ما انورت واسفرت واسفهلة وامطرت
بك يا(صوت .. وصدى ) بجد جزء مثير جدا جدا جدا وتسلم يدك .. ويعطيك العافيه يارب ))بس ليه تسوين كذا في ميثاء حرام هي تحب (فيصل ) و اتوقع ان علي بيتزوج ميثاء وبعدين بيحبها ((.. :Thanx: |
[COLOR="Black"]السلام عليكم اختي
قصة تنبض بالالم منذ البداية حرام يزوجون بناتهم من غير شورهم هذا طبعا لاعتقادهم ان البنت غير قادرة على اتخاذ قرارها اتسائل فقط اذن كيف ستربي اجيال المستقبل ميثاء و صفية لاقوا نفس الحال هل بناتهم الاخريات سيتعرضون لنفس الحالة اهنئك اختي قدرت تخلي صوتك صدى لهذا المشهد الصغير من الحياة[/COLOR] |
عزيزاتي ... بحر الندى ... تفكير منطقي وتحليل سلس للاحداث ... استمري عشان نوصل معك للحقائق الخفية والدوافع الدفينه وراء كل اللي يصير مع ابطال قصتنا :9jP05261: ... ana ... الرائع هو حضورك وميثاء اصغر من علي بثلاث سنوات ... يوبه ... الله يعافيك يارب ويخليك ان شاء الله عزيزتي كنت اتمنى ان يكون في ايام محدده للاجزاء بس ما اقدر يا عزيزتي والسبب اني اكتب حسب الوقت المتاح لي وسط مشاغل الحياة ... وتوقعك ممكن وممكن العكس ايضاً ... تابعي الجزء القادم وبتعرفين كل شيء .... ... eyes2 ... الله يسلمك يا عزيزتي ... وانا ما سويت شيء في ميثاء ... الحياة هي اللي تسوي فينا كلنا ... تابعي الجزء الجديد عشان تتأكدي من صحت توقعاتك .... ... classicoofou ... بل انا من يهني نفسه حين يتبين لي اني استطعت ان انقل صورة وصوت بض الالم الخفي لبعض البشر وارجوا ان اتمكن من اظهار المزيد مع الوقت ... فشكري الكبير لمروركم ب قصة الحياة الصغيرة داخل قصة الحياة الكبيرة اختكم صوت وصدى الفصــــــــــــــــــــــــــــــــــــــــــل الرابع : منيرة وهي تشوف محمد يسكر جواله قالت : وافقت ؟؟؟؟ رد عليها محمد وهو يرفع رأسه لها : باكر بترد علينا الخبر .... قطعته سارة وهي تعدل قعدتها وقالت : والله مصدقه عمرها ميثوه .. تحدد مواعيد وتسوي اجتماعات ... تحسب عمرها بنت 14 ما تدري أنها عجوز .... وصلها الرد من سالم اللي كان توه نازل من الدرج قبل لا يرد عليها احد من اللي قاعدين في الصالة وقال : وأنتي وش اللي حارس ؟؟؟ هي صدق كبيرة ... بس دامها اصغر من المعرس يحق لها تدلع ... لا وهذا ماهب أي معرس ... هذا علــــــــــــــــــــــي بن عبدالله .. تعرفين وش يعني علي ... يعني العز والدلال ... أذا كان المعرس بكبره دلوع ما تبينها تدلع ؟؟؟؟؟؟؟؟؟؟؟؟؟؟؟؟؟؟؟؟؟؟ سالم قال آخر جملة وهو يدنق على أبوه ويمسي به ... ردت عليه سارة بغيض وقالت : والله خذانا اللي أحسن من عليان ما سوينا اللي تسويه ؟؟؟؟ ابتسم سالم بخبث وهو يندق على أمه وقال بعد ما مسي بها : والله يا أختي الدنيا ذا الحين ما هي بالشهادات الدنيا ذا الحين باللي تصب الدراهم في جيوبه قال سالم آخر جملة وهو يحرك يده كأنه ينثر دراهم ... سارة قالت بسرعة وهي تبتسم باستهزاء : هاااااااااا ذا الحين فهمت .. عشان كذا أنت صار لك أربع سنين تعيد الثانوية ... سالم قرص عينه فيها لأنها بذا الموضوع بتقوم الشيبان عليه فقال بسرعة : والله أنا ماني أعيدها هواية ... أنا أعيدها عشان أجيب المجموع اللي يدخلني الكلية اللي أبيها ... أقطعته سارة وقالت : واضح انك تعيدها عشان تجيب مجموع عالي والدليل الدراسة اللي مقطع عمرك بها ... أربع وعشرين ساعة في الشارع ... استح على وجهك رجال بلحية وشارب ما أنت بعارف تجيب مجموع و مهوي البزر قدها سنة ثانية في الجامعة ... هنا سارة غلطت غلطة عمرها وضغط على الزر الغلط في سالم ... مهوي اللي ما تم احد ما عايره بها ... استجمع كل حقده وقال : اقطعـــــــــي ... سالم حرك عيونه يمين ويسار يحاول يركز لأنه الصوت اللي طلع ما كان صوته كان صوت أبوه ... استغرب بس فرح أكثر انه دافع عنه بدل لا يهاده ... لف على أبوه بسرعة وقال وهو يرسم على وجهه ملامح الغضب : أنا ماهب راد على قلة أدبها حشيمة لك ... وطلع بسرعة من الصالة قبل لا تنقلب السالفة عليه وهو يبتسم ... عند باب الصالة لاقه احمد اللي توه جاي من المجلس قال له سالم بسرعة وهو يطلع عشان ما يفتح موضوع الدراسة معه : الحق يتحاكون في عرسك ... و ساروه تقول لهم يكنسلونه ....................... عبدالله وهو ينزل من السيارة لف على علي وقال : والله انك مالك حاجة في ألجية معنا .... علي بعد ما نزل بسرعة من السيارة قال وهو يسكر الباب : أنا أذا جيت فأن اللي لي الحاجة ... لكن ذا اللي وراك وش حاجتهم جاين ؟؟؟؟؟ علي قال آخر جملة وهو يشر بيده على احمد اللي جاي مع أبوه في سيارته ..وسيارة فهد اللي دخلت ورآهم ... عبدالله قال وهو يشوف أخوه محمد ينزل من السيارة : مالك حاجة لا أنت ولا هم في ألجية ... وكمل بصوت واطي لمحمد يوم قرب منه : الله يستر ... والله أني خايف يتذابحون ذا الخبول .... محمد مسك كتف أخوه يدفه عشان يمشي قدامه وهو يشوف نجله اللي كانت واقفة قدام باب الصالة تفتح باب المجلس لهم وقال : توكل على الله ما هب صاير غير الزين ...... ميثاء كانت توها فرشه سجادتها بتصلي العشا يوم دخل عليها فيصل اللي راجع من المسجد وهو ضايق ... قامت تتبعه النظر وهو يفصخ غترته بعصبية ويحطها على السرير جنبه ... وأول ما رفع عينه لها قالت لها : خير ؟؟؟ ليه ضايق ؟؟؟؟ رد عليها بضيق وقال : ضايق من اللي أضيق منه كل ما رحت للصلاة في المسجد .... ميثوه جو أعمامي ... كان هذا صوت صافية اللي أدخلت على ميثاء وقطعت عليها شريط ذكرياتها اللي اشتغل وهي تشوف صلاة العشاء من مكة في التلفزيون لفت على صافيه وهي تحس أن تنفسها ضاق فجأة ... أبلعت ريقها قبل لا تقول : بلبس عباتي وبجي ورأس ... صافيه اللي كانت تشوفها بحزن قالت : ميثوه عليان معهم .... وسكتت صافيه بسرعة يوم شافت كيف لفت عليها ميثاء بقوة بنظرة خوف ... لكن أرجعت تكمل عشان تطمنها وقالت : بس فهد واحمد بعد جو ... ثنت ميثاء رأسها ودنقت تشوف الأرض وهي محزنه ... قربت منها صافيه وقالت وهي تحط يدها على كتفها : ميثوه خايفة ؟؟؟ ادخل معاس ؟؟؟؟ ردت عليها ميثاء وقالت وهي ترفع رأسها لها بابتسامة حزينة : لا يا قلبي ماني بخايفة .... اللي معه الله ما يخاف ......................... ميثاء كانت قاعدة جنب أمها وهي تحاول بكل قوتها أنها ترفع عينها في عمها عبدالله اللي قاعد جنبه علي خاصة وهي تسمعه يقول لها : ها يا بنتي وش قلتي ؟؟؟؟؟ أبلعت ميثاء ريقها ورفعت عينها في عمها وهي تحاول أنها ما تشوف علي اللي يشوفها بنظرات مستفزة وقالت بصوت جاهدت انه يكون ثابت وقوي : صل على النبي يا يبه ... وبلعت ريقها للمرة الثانية وهي تسمع اللي في المجلس كيف قالوا في صوت واحد أفزعها : عليه الصلاة والسلام ... كملت وقالت : أنا مره جربت حظي مع ولد عمي الله يرحمه ... رجال أكرمني وعزني وما خلى علي من الخير قاصر ... الله كتب عليه واختاره ...و قدر الله عليه وعلي بالفرقة ... ويشهد علي ربي يا يبه أني مالي خاطر من بعده لا في رجل ولا عرس ... ولو هو الشور بيدي ما قلت على رجال قبول بعد فيصل الله يرحمه ... لكن أنا مره شوري في يد رجاجيل ... وسكتت فجأة بعد ما لمحة بطرف عينها علي كيف يبتسم باستهزاء وهو يفكر كيف أن كل النسوان ما عندهم أي وفاء ... ما يضيعون وقت.. يستغلون أول فرصة لهم عشان ينسون الأول بالثاني ... الله يرحمك يا فيصل ... ابتسامته كانت مقززه بالنسبة لها خاصة بعد ألحكي اللي قالته ندى لها ... حاولت أنها تتمالك أعصابها ورجعت تكمل بسرعة وتقول : وأنت يا يبه تقول أني لازم أعرس ... أنا ماني بمخالفة شورك ... وأول ما شافت كيف عمها عبدالله وعمها محمد ابتسموا كملت بسرعة وقالت : بس علي اسمحلي ... ما اقدر أخذه ... كانت لحظة صمت تخللها التشويق لبعض الحضور في المجلس والبعض الثاني في حالة صدمة والحالة الوحيدة اللي تنوصف بالغضب كانت حالة علي اللي قام يقرص عينه فيها وهو يسمع أبوه يقول : ليه يا بنتي ما تقدرين تأخذينه ؟؟؟؟ قالت ميثاء بصوت يرجف : لأني مسلمة ... قطعها علي بسرعة وقال وأنا وش هو ؟؟؟ كافر ؟؟؟؟؟؟؟؟؟؟؟؟؟؟؟ لأول مره من يوم ما اقعدوا أقدرت ميثاء أنها ترفع عينها في علي وتكاسره وهي تكمل حكيها اللي توجهه لعمها وتقول : يبه أنت رجال مصلي صايم ذكر ربك وتعرف الحق من الباطل ... والرسول عليه الصلاة والسلام قال ((إن بين الرجل وبين الشرك، والكفر، ترك الصلاة )) يبه أنا ما اقدر ولا أرضاها على نفسي من بعد ما كنت مأخذه رجال يصلي كل فرض في المسجد اخذ واحد ما يصلي ألا من جمعة إلى جمعة ... قطعها عمها محمد بسرعة وهو يقول : ميثوه ... وش ذا ألحكي ؟؟؟؟؟؟ رد عليه فهد بسرعة وقال : حقها يا عمي .... عن عبادة بن الصامت رضي الله عنه، قال: أوصانا رسول الله صلى الله عليه وسلم : (( لا تشركوا بالله شيئاً، ولا تتركوا الصلاة عمداً، فمن تركها عمداً متعمداً فقد خرج من الملة )) وكلكم تدرون أن علي ما يصلي غير في المناسبات ... ما يجوز ولا يحق لكم أنكم تجبرونها على الزواج من واحد يعد في الشرع كافر ... ولف فهد على احمد وقال : احمد تحاكى وش بلاك ساكت .... احمد اللي لقاها مناسبة ولا أروع عشان يبرد خاطره في علي ما مداه يفكر مجرد تفكير انه يفتح ثمه بكلمة ألا وعمه عبدالله اللي كان عارف بكل مصايب أولده بس ما توقع القوة ولا الجراءة من ميثاء بهذا الرد الجارح قال في محاولة أخيره : هذا آخر قولس ... ميثاء ردت على عمها وقالت : يبه أنا مالي قول بعد قولكم أنا قلت لكم اللي في خاطري ... وانتووا خيطوا وأنا بلبس ... لكن برجع أذكركم أن رب العالمين قال في كتابه ((فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً)) ... وقال بعد ((فَإِن تَابُواْ وَأَقَامُواْ الصَّلاَةَ وَآتَوُاْ الزَّكَاةَ فَإِخْوَانُكُمْ فِي الدِّينِ)) كان هذا صوت علي اللي ما صدم ميثاء بس ألا صدم كل اللي قاعدين بفكرة أن علي ممكن يكون حافظ آية واحد من القرآن الكل سكت وهو يشوف علي اللي كان يبتسم باستهزاء وهو يقول : يعني يا بنت عمي وأرملة اخوي ... أذا رجعت للصلاة ... وصليت كل فرض بفرضه .. ما لس عذر انس ترفضيني ...صح ؟؟ وكمل وهو يشوف ميثاء كيف رجلها تهتز وهي قاعدة وقال : اجل ابشري بالخير ... متى تبين نجيب الملك ؟؟؟؟؟؟؟؟؟؟؟ ميثاء حست أنها طاحت في المصيدة اللي سوتها لعلي ... كانت تشوفه وهي تقرص عينها فيه بكل حقد بعد ما تجاوزت صدمت أن علي حافظ شيء من القرآن ... خاصة بعد ما رجع يسألها نفس السؤال : وش قلتي متى نجيبه ؟؟؟؟؟؟ ردت عليه ميثاء بسرعة أندمت عليها : بعد شهرين ... قطعاها علي بسرعة تفوق سرعة ردها وقال : وش معنى شهرين ؟؟؟؟؟ قالت له ميثاء : لأنك واحد ما تنضمن إلى وجه الباب ... صل وداوم على الصلاة ستين يوم وبعدين يصير خير ... ارخصوا لي ... ميثاء قالت آخر جملة وهي تقوم توقف عشان تطلع ... قبل لا توصل الباب وقفها صوت علي اللي كان يحاول يتماسك قدام إيهانات ميثاء المتكررة بالجمود في مكانه قال وهو ما يتحرك فيه غير جفن عينه اليسار اللي يرجف : اجل ابرزي بعد ستين يوم .. ملكه وعرس في نفس اليوم .... ميثاء حست أنها بدت تدخن من الغيض ... لفت عليه بدون ما تسوي اعتبار لأي احد من اللي قاعدين وقالت بكل استهزاء : أن شـــــــــــــــــاء الله .... بس لا تنسى الصلاة أبيها كل فرض في المسجد ... وتجيب على كل فرض شاهد ... واهم شيء الصلاة تكون أول صف وراء الإمام على طول ...................... خالد اللي كان يشوف أمه كيف متوترة قال وهو يأخذ كوب العصير من سارة : عسى ما شر يمه ؟؟؟ لفت عليه نورة وقالت : ما شر ... بس الجماعة ابطوا ... ابتسم خالد وقال وهو يغمز لمها اللي كان باين عليها التشويق أكثر من أي احد في البيت : تدرين يمه الجماعة خطاطيب ... لازم يبطون .. يتشاورون ويشوفون وش شروط العروس ... أقطعته سارة وهي تقول : ما عاد ذي بميثوه ... والله هم اللي مسوين لها رأس ... لف عليها خالد بسرعة وهو يقرص عينة فيها وقال : ميثاء رأس غصب عليس ولا عاد اسمعس تقولين ميثوه ... أقطعته أمه وهي تقول : خويلد .... اقصر الهرج ... ترى مالي بارض لمهادكم ... تبون تهادون روحوا دوركم ...مهوي قومي دقي على أبوس شوفيه وينه ؟؟ مها قالت وهي تشوف باب المقعد : ماله حاجة أدق عليه هذا هو جاء ........................... صافية قالت وهي تقعد جنب ميثاء على السرير : أنتي ليه ذا الحين تبكين ؟؟؟؟؟ أنتي ما تقولين انس متأكدة انه ماهب بمصلي ... خلاص اجل ماله حاجة تسوين بنفسس كذا ... أمسحت ميثاء دموعها بطرف أصبعها وهي تلف على صافية وقالت بصوت خنقته العبرة : أنا متأكدة انه ماهب بمصلي ... هو ما صله عشان ربه بيصلي عشان خاطري أنا ... هو حتى لو سوها يوم يومين ماهب بمكمل ... بس أنا ما ادري ليه ضايقة الدنيا علي ... قالت صافيه وهي تمسح على كتف ميثاء بكل حنان : يمكن عشان سالفة العرس أذا اللي بلوس بها ؟؟؟؟ وتمنت صافيه ما أنطقت بذا ألحكي أول ما انهارت ميثاء بالبكي وهي تهز رأسها وتقول : صفوي أنا ما أبي أعرس ... ما أبـــــــــــــــــــــــــــــــي ............. سارة قالت بنفاذ صبر : ما علمونا بشيء ... كل اللي قالوه أن ألملكه والعرس بعد شهرين في نفس اليوم ... ارتحتي ... يلا اخلصي علي وقولي لي وش أطلبت ؟؟؟ روضة قالت وهي تبتسم : قولي والله انس ما تدرين ؟؟؟؟ سارة قالت بسرعة : روضوه وجدري بتتحاكين ولا اسكر في وجهس ؟؟؟ روضة قالت بسرعة : خلاص بقول لس لا تحمقين علي ... يقول لس أن ميثوه خلته مضحكة قدام الكل ... أمي تقول أن احمد من يوم ما جاء إلى ذا الحين هو يضحك في الصالة ... قطعتها سارة وقالت باستغراب : ليه هي وش أطلبت ؟؟؟؟ قالت روضة وهي تحاول أنها ما تضحك : أطلبت انه يصلي وقالت أنها ما هي بماخذته لأنه كافر ... لا وشوفي قوات الوجه بعد كل اللي قالته تتوقعين وش رد عليها ؟؟؟؟ قال لها أصلي وتأخذيني ؟؟ .... عليان السلطة يقول كذا ؟؟؟ والله ما تخيلت أن في يوم من الأيام بيقول لوحده كذا ... أقطعتها سارة وقالت بعصبية : أنا خاطري اعرف هو وش اللي عاجبه فيها ؟؟؟ كبيرة وعاقر وسخيفة وثقيلة دم .... وش اللي فيها ماهب في غيرها ؟؟؟؟؟ وش هو ؟؟؟؟؟؟؟؟؟؟؟؟ ندى قالت بكل اهتمام : ها حبيبتي ... أن شاء الله اليوم أحسن ؟؟؟ ميثاء ردت عليها وهي تتنهد وقالت : الحمدلله على كل حال ... ندى قالت لها : أكيد في حد عندج في المكتب ؟؟؟ ميثاء اللي أرفعت عينها عن الورق اللي قدمها تشوف خويتها اللي جاينها من المكتب الثاني عشان يفطرون عندها وقالت وهي ترسم على ثمها ابتسامة : أيه كثير الحمدلله ... ضحكت ندى وهي تقول : عشان جذيه ما شغلتي التحلطم ... خلاص حبيبتي ... أنا بخليج الحين وأنتي أذا قعدت العصر من النوم كلميني ... ميثاء قالت وهي تشوف الفراشة تدخل المكتب عليهم وأكياس التيك أوي في يدها : على خير أن شاء الله ... مع السلامة ... ردت عليها ندى : الله يسلمج ... وأول ما سكرت ميثاء قالت لها الفراشة : هذا كيس عشان أنتي ... ردت عليها ميثاء وقالت : لا أنا ما طرشت فطور ... أقطعتها الفراشة بسرعة وقالت : لا هذا نفر كلام ميتاء سالم أوفس .... ميثاء لفت على البنت اللي عندها وقالت : بنات احد فيكم موصي على فطور ؟؟؟؟؟ وبعد ما كلهم قالوا لا ... ردت عليها ريم وقالت : اصبري خلني أشوف ... ليله من اللي عطاج هذي الأكياس ؟؟؟؟ دريول من ؟؟؟؟ ليله قالت : ما فيه دريول جيب ... سكرتي كلام هذا ميتاء هزبن جيب .... ليله أسكتت لما حست أن كل اللي في المكتب بتطلع عيونهم وأولهم ميثاء ... وكملت وقالت : هذا سكرتي كلام ..... أقطعتها ريم بسرعة وهي تشوف ميثاء اللي صار وجها اصفر وهي مبحلقة في ليلة من الصدمة ... فكرة أن فيصل هو اللي جايب الفطور خلت شعر جنبها يوقف من الخوف ... كانت تحس أنها ترجف وهي تسمع ريم تقول لليلة : ليلة هزبن من ؟؟؟؟ ميثاء هزبن موت ؟؟؟؟؟ هنا ليلة لفت بنظرة رعب على ميثاء وقالت : أنا ما في معلوم ... هذا سكرتي كلام .... واللي قطع على ليلة حكيها اللي كانت تدافع به عن نفسها كان صوت جوال ميثاء اللي قدامها على المكتب ... فجأة حل صمت عجيب في المكتب وصارت كل الأنظار موجها لجوال ميثاء اللي كان يخدش بصوته صمت الانتظار .... ميثاء اللي كانت مسيطرة عليها فكرة أن فيصل ... حي ... أقدرت بصعوبة تدنق على جوالها اللي قدامها وهي ترجف .... ما تدري هي عينها اللي صغرت ولا الاسم اللي في الشاشة كان اكبر من أنها تستوعبه .... فيصـــــــــــــــــــــــــــــــــــــــــــــــــــــــــ ـــــــــــل... يتصل بك ... كان الاسم كبيــــــــر ... كبير لدرجة أنها ما عاد شافت شيء بعده غير الظلام ................. فهد قال وهو يشوف الورقة اللي في يد علي باستغراب : أنت صادق تبيني أوقع عليها .... رد عليه علي وقال : أيه صادق ... وقع يلا ... فهد قال وهو يبتسم على شكل علي الجاد : زين وين تبيني أوقع ؟؟؟؟ على أي فرض ؟؟؟؟ علي قال باهتمام وهو يشر له على الورقة : وقع جنب فرض المغرب ... الفجر أبوي وقع ...والظهر أمام المسجد .... والعصر خالد ... وذا الحين أنت يلا وقــــ ....... أقطعته أمه وهي تقول بعصبية : سود الله وجهك ووجه ميثوه فوقك اللي عشانها تشهد شهود على صلاتك ؟؟؟ أنت ما تستحي ... قول لها شاهدي ربي ... فضحتونا بين العرب ... نورة قالت جملتها الأخيرة وهي تقوم وتطلع من المقعد ... فهد قال وهو يمد على علي الورقة : سم ... بس أن شاء الله الله يهديك وتستمر على الصلاة .... فهده ما سمع رد علي اللي أخذ الورقة منه وهو يشوف جواله اللي يرن ورد عليه وهو يقول : السلام عليكم ورحمة الله وبركاته ........ ....... : .......................................................... فهــــد : لا حول ولا قوة ألا بالله .... خير أن شاء الله وش فيها ؟؟؟؟؟؟؟؟؟ ...... : ........................................................... فهــــد : وش هــــــــــــــــــــــــــو ؟؟؟؟؟؟؟؟؟ وش اللي فيصل جايب لها فطور ؟؟؟؟؟؟؟؟؟؟؟؟؟؟؟ فيصل مات الله يرحمه .... ....... : ............................................................ ................................. فهــــد قال باستغراب : واتصل عليها بعد ؟؟؟؟؟؟؟؟؟؟؟؟؟؟؟؟؟؟؟؟؟ انتووا صاحين ولا مجنن ؟؟؟ تبون تفهموني أن فيصل اللي مات من أكثر من سنة ... قام من قبره وراح يجيب لأمرته في الشغل فطور واتصل عليها بعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ........ : ............................................................ ........................ فهــــد :أنا ادري أن ميثاء ما تكذب ... بس ذا ألحكي ما يصير .... ...... : ............................................................ ................. فهــــد : ألا مليون المية في احد مسوي فيها مقلب ... ويبي يضحك عليها .... فهد قال آخر جملة وهو يلف بتلقائية على علي لفت نظره انه يبتسم وهو يشوفه ... تم فهد يتأمل علي لحظة قال بعدها : ندي أذا تبين تروحين ابرزي بوديس .. بس سلوم لا تودينه ... يلا في حفظ الله .... فهده وهو يقرص عينه في علي قال : أنت ما تستحي ؟؟؟؟ علي رد عليه بسرعة وقال : وش اللي ما استحي ؟؟؟ أحشم عمرك تراني أخوك الكبير ... رد فهد وقال : اخوي الكبير على عيني وراسي ... بس ذا الفقيرة وش تطلبها ؟؟؟؟ روعتها وصبيت قلبها ... ولا تقول ما هب أنا ... أنت اللي وراء ذا السالفة ولا كان ما قعدت تبسم كذا ....اقطعه علي وقال بكل ثقة : ذا الحين وش أخطيت فيه يوم أني طرشت لها فطور ؟؟؟؟ أفطرت وتذكرتها بفطور ... ما فيها شيء ...اقطعه فهد وهو يقول : ليه يوم تقول فيصل ؟؟؟ ليه ما قلت علي يوم ما فيها شيء؟؟؟؟؟؟؟؟؟ رد عليه علي بسرعة وقال : أنا ما قلت فيصل ... أنا قلت رجلها وهي اللي فهمت غلـــــ.... اقطعه فهد وقال : ما شاء الله ومتى صرت رجلها ؟؟؟؟؟؟؟؟ رد عليه علي بكل ثقة وبرود : صرت من البارح ... البارح هي حطت شرط للزواج وأنا وافقت عليه ... وحددنا موعد العرس... يعني هي ذا الحين في حكم مرتي ... تنهد فهد وهو يقرص عينه في علي ويقول بغيض : استغفر الله العظيم ... طيب ليه تتصل وتقول أنا فيصل .؟؟؟؟؟؟؟؟؟؟؟ ماهب حرام عليك تسوي كذا ؟؟؟ يا أخي راعي حرمة أخوك الميت ... اقطعه علي وقال بجديه : شوف ما به احد يحب ويحشم فيك فيصل مثلي ... أن كان هو حي ولا ميت ... اقطعه فهده وقال : وضح ... والدليل ذا اللي سويته .... تسند علي على التكاية وهو يقول : شوف آخر ألحكي اللي عندي ... صدق أني دقيت عليها عشان أقول لها عن الفطور ... بس أصلاً هي ما ردت علي عشان تدري من أنا .... رد عليه فهد بسرعة وهو يقول : اجل ليه تقول أن فيصل داق عليها ؟؟؟؟؟؟؟؟؟؟ أخذ علي نفس طويل وهو يقوم عشان يطلع وقال بعد ما وصل الباب : يمكن عشان أني داق عليها من رقم فيصل الله يرحمه اللي حولته بسمي بعد ما توفى ................ ميثاء طوت جلالها اللي كانت بتلبسه في يدها ووقفت قدام فيصل وهي تقول : فيصل ما عادي بذي حالة كل فرض بتقعد تحزن عليه ؟؟؟ رجال وش كبره لو هو يبي يصلي كان صلا ....كم مره أوعدك ولا وفى ؟؟؟ يروح معك يوم ويطق باقي الشهر ... رفع فيصل لها نظره وقال : ميثاء أنا محزن لأنه ما كان كذا ... والله ما كان كذا ... ما تذكرين أول ما جيتينا ؟؟؟ ما تذكرين أن هو اللي كان يوعي البيت كله لصلاة الفجر ... ما كان يفوت فرض في المسجد ... هذا اللي أنا متحسف عليه ... علي رجال وفيه خير ...بس وش أقول ؟؟؟؟ ما أقول ألا الله يهديه أن شاء الله .... ردت عليه ميثاء وهي تلف عشان تلبس جلالها وقالت : أن شاء الله ... وكملت في خاطرها ما ادري كيف تقول رجال وفيه خير وأنت تدري بكل بلاويه ؟؟؟؟؟..... نجله قالت وهي تقعد جنب ميثاء على السرير : يا بنتي سمي بالرحمن .... أنتي تدرين انه ماهب صاحي ... ولا به احد يقدر عليه ... ميثاء اللي رجعتها أمها من ذكرياتها ردت عليها وهي تحاول ما تبكي من جديد : الله لا يعطيه عافية ولا يسامحه لا دنيا ولا آخرة على ذا اللي سواه فيني ... أقطعتها نجله وقالت : استغفري يا بنتي ماهب زين عليس تدعين عليه ... الله يخليه لعين ترجاه ... ردت ميثاء على أمها بحرقه : واللي هو سواه فيني زين ؟؟؟؟؟؟؟؟؟ يجيب لي فطور في الشغل ويقول رجلها اللي جايبه زين ؟؟؟؟ يتصل علي من جوال فيصل الله يرحمه ويصب قلبي زين ؟؟؟؟ يفضحني في شغلي زين ؟؟؟؟؟ وش بيقولن عني ؟؟؟ وش أقولهم من اللي مسوي كذا ؟؟؟؟ حماي المجنون ؟؟؟؟ بيقولون ليه يسوي كذا ؟؟؟ وش أقول لهم ؟؟؟؟؟ حسبي الله عليه وهو نعم الوكيل ... أنا اشغل استحيت أروح له اليوم وغبت .... ردت عليها نجله وقالت : والى متى بتغيبين عن شغلس يا بنتي عشان ذا السالفة ؟؟؟؟ ميثاء قالت وهي تهز رأسها : ما ادري أصلاً أنا مالي خلق أروح الشغل ... عندي كم يوم عارضة بغيبهم وبعدين وبشوف وش أسوي ... يمه صفوي راحت المدرسة ؟؟؟؟؟؟؟؟؟؟ قالت نجله وهي تمسك رأسها : يوووووووووه نسيت أقول لها .... البارح دقت روضة بنت عمس تقول أن احمد لقى حجز في قاعتين حق العرس بعد أسبوعين ويبيها تخير اللي تبي ... أقطعتها ميثاء وقالت بحزن : مسكينة صفوي ... كل ما جات تبي تفرح نشبت في حلقها ... حنا بالغصب اجلنا العرس شهر عشان تجهز ... جيت أنا ومشاكلي وطيرت لها منهم أسبوعين ما سوت فيهم شيء .... لكن أن شاء الله اليوم بوديها السوق تجهز ....... صافيه قالت باحتجاج : ميثوه روحتنا اليوم السوق كانت غلط ....كيف نروح السوق وأنا ماهب عرفين وش نشتري ؟؟؟؟ ولا قررننا وش نبي ؟؟؟؟ ردت عليها ميثاء وهي تشوف الكيسين اللي ما طلعوا ألا بهم من طول ألدواره في السوق وقالت : والله انس صادقه ... بس أنتي الله يهديس طول ذا الوقت ما قعدتي تفكرين في اللي تبينه وكتبتيه .... أقطعتها صافيه بسرعة وقالت : ميثوه حتى لو فكرت كل شيء يبي له دواره واختيار بمزاج ... صافيه قالت آخر جملة وهي تدنق رأسها ... عورت قلب ميثاء وحبة تغير الموضوع وقالت وهي تحاول تبتسم : زين صفوي وش اخترتي ؟؟؟ سلوى في الشيرتون ولا الحمراء في الريجنسي ؟؟؟؟؟؟؟ تنهدت صافيه بضيق وقالت : ما ادري ... ما ادري ... ميثوه أنا ضايقة ... ولا لي خاطر في شيء ... ردت عليها ميثاء بسرعة وهي تقطعها وقالت : ليه ضايقة يا قلبي ؟؟؟؟ ولمت ميثاء صافيه بسرعة وهي تشوفها بدت تبكي وقالت : صفوي ليه تبكين ؟؟؟؟؟؟؟؟ صافيه قالت من بين دموعها وهي تتعبر : ما أبي العرس بعد أسبوعين ... أنا ماهب جاهزة ... انتووا ماهب جاهزين ... أقطعتها ميثاء وهي تقول بكل حنان : لا يا قلبي لا تقولين كذا ... أن شاء الله أن حنا بنجهز كل شيء في وقته ... أرفعت صافيه عينها لميثاء وقالت بحزن : ميثوه أنا ما أبي أعرس وافرح وأنتي وأمي ضايقين ..... أنا أبيكم تفرحون معي .... وهذا ماهب صاير ألا أذا عرفنا رأسنا من رجلنا مع عليان .......................................... احمد قال وهو يفرفر في ريموت تلفزيون المجلس : هذا وجهي كان نجحت السنة .... رد عليه سالم وهو يقعد جنبه : انتووا وش قومكم علي ؟؟؟؟ كل واحد يشوفني يقول لي ما أنت بناجح السنة ؟؟؟ لف عليه احمد وهو يقرص عينه فيه وقال : وش قومنا ؟؟؟ قومنا الشين ... ساعة وحده ما تقعد في البيت ... لعنبوا ذا الدراسة اللي تدرسها يا رجال .... رد عليه سالم بسرعة وهو يتعير وقال : أن بعض الظن أثم .... يا أخي مشكلتكم في ذا البيت ظن السوء ... يوم أني ما اقعد في البيت قد احد فيكم نشدني ويني أروح ؟؟؟؟؟ وكمل بسرعة وهو يشوف نظرة احمد الاستهزائية له وقال : مدرسين ... أروح دروس خصوصية .... احمد قال يرد عليه وهو يفتح المسج اللي جايه : والله اللي اخبره أن المدرسين الخصوصيين يجون البيت ماهب حنا اللي نروح لهم .... اقطعه سالم بسرعة وهو يقول : تخبر ... خبرك عتيق ... ذا الحين الحال تغير ... احمد ليه فاتح ثمك وأنت تقرا المسج ؟؟؟؟؟؟؟؟؟؟؟؟؟؟؟ احمد اللي تفاجئ بمسج من رقم غريب مكتوب فيه (( السلام عليكم ... ممكن نجل العرس إلى عطلة الصيف ؟ )) لف على سالم وقال : هاااااااااااااااااااااااااااااااااااااااااا................. ................. صافيه قالت وهي تشوف جوالها اللي في يد ميثاء بخوف : وش تتوقعين رده ؟؟؟؟ تظنين بيوافق يجل العرس ؟؟؟؟؟ ميثاء قالت وهي تسيف رقم احمد في جوال صافيه : الله اعلم ذا الحين بنعرف أذا رد علينا ... صفوي وش اكتب اسم احمد عندس ؟؟؟؟؟؟؟؟؟؟ صافيه قالت بحرج : ما ادري أي شيء ... اكتب احمد ... ردت عليها ميثاء وهي تبتسم وقالت : ما تدرين ؟؟؟ زين اجل أنا بكتب على كيفي ... قطعتها صافيه بسرعة وقالت : وش بتكتبين ؟؟؟؟؟؟؟ قالت ميثاء وهي تمد الجوال على صافيه : شوفي بنفسس .... وضحكت على صافيه وهي تشوف كيف شبت خدوده من الإحراج وهي تشوف الجوال ... صافيه قالت بحرج : ميثوه عيب عليس ... ليه تكتبين كذا؟؟ أنتي ما تستحين ؟؟؟ ... أقطعتها ميثاء وهي تقول : يا وجه الله ذا الحين غديت ما استحي عشان كتبت (( حبيبي )) اجل لو أنا كاتبه مثل ذا اللي يكتبونه الحريم لرجاجيلهم وش بصير.... فاصخه الحياء ؟؟؟؟؟؟؟ قالت صافيه وهي تدنق تشوف رجلها : ذولي ما يستحون ... وأصلاً أنا ما أحب ذا الحركات ... ردت عليها ميثاء وقالت : صفوي لا تغدين خبل ... ما فيها شيء أن المره تحفظ رقم رجلها باسم حبيبي أو روحي أو عمري أو أي اسم من المعاني الحلوة ... يعني تبينين حبس لرجلس بصورة بسيط وناعمة .... أرفعت صافيه عينها فيها بسرعة وهي تقطعها وتقول : يومس تقولين كذا اجل ليه عمرس ما حطيتي لفيصل لقب ؟؟؟؟ من يوم ما جاب لس جوال واسمه فيه فيصل ما تغير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ميثاء اللي صدمها السؤال الغير متوقع من صافيه واللي ما عندها استعداد تجاوب عليه ولا بعد مليون سنة أحمدت ربها واشكرته أن صافيه انشغلت عنها وعن الرد على سؤالها بالجوال اللي رن في يدها فجأة وهي تشوفه بخوف ...................................... وذا الحين التوقعات الله يخليكم لا تحرموني منها صوت وصدى |
الجزء مو حلو ابد
تدرين ليييييييييييييييييييييييييه ؟ لانك وقفتي عند مقطع مو زين توقفين عنده مأدري انتو يا الكتاب متفقين على جركات معينه مثل الي سويتيها في هالجزء!! بس الحين نجي للجد الجزء ماتوقعته كذا بالأثاره والتشويق الله يعطيك العافيه يارب .. ونستنى على نار :Thanx: |
[COLOR="Sienna"]السلااااااامـ علييييكم[/COLOR]
جزء و لا أروع اختي :flowers2: ردة فعل غير متوقعة من ميثاء خصوصا أنها ظهرت ضعيفة في الجزء السابق. [COLOR="DarkRed"]أن شـــــــــــــــــاء الله .... بس لا تنسى الصلاة أبيها كل فرض في المسجد ... وتجيب على كل فرض شاهد ... واهم شيء الصلاة تكون أول صف وراء الإمام على طول.[/COLOR] [SIZE="5[SIZE="4"]"]و الله هذا المفروض يسئل عن العريس قبل الزواج قال رسول الله صلى الله عليه و سلم:" أول ما يحاسب عليه العبد يوم القيامة الصلاة فان صلحت صلح سائر العمل , وان قسدت فسد سائر عمله"[/ SIZE][/SIZE][SIZE="4"]أقطعتها سارة وقالت بعصبية : أنا خاطري اعرف هو وش اللي عاجبه فيها ؟؟؟ كبيرة وعاقر وسخيفة وثقيلة دم .... وش اللي فيها ماهب في غيرها ؟؟؟؟؟ وش هو ؟؟؟؟؟؟؟؟؟؟؟؟ [SIZE="5"]الغيرة ذباحة الله يستر على الإنسان الذي لا يقبل ما أعطاه الله .[/SIZE][/SIZE] أرفعت صافيه عينها فيها بسرعة وهي تقطعها وتقول : يومس تقولين كذا اجل ليه عمرس ما حطيتي لفيصل لقب ؟؟؟؟ من يوم ما جاب لس جوال واسمه فيه فيصل ما تغير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ميثاء اللي صدمها السؤال الغير متوقع من صافيه واللي ما عندها استعداد تجاوب عليه ولا بعد مليون سنة أحمدت ربها واشكرته أن صافيه انشغلت عنها وعن الرد على سؤالها بالجوال اللي رن في يدها فجأة وهي تشوفه بخوف ...................................... [SIZE="4"]طبعا ما راح تجاوبها لأن علاقتها بفيصل كانت اخوية افلاطونية على ما أعتقد صافية هل راح تجاوب على الهاتف ؟؟؟؟؟ مشكورة اختي على الجزء و في انتظار القادم بشوق. وبــالتوفـيق.[/SIZE] |
يسلمووو و تسلمـ الايادي على البارت الجميل ميثا اشرطت شرط ظنت انه تعجيزي عشان ترتاح من علي و طلب ازواج بس هل راح يسكت على و لا راح يعتبره تحدي و ينفذ الطلب >> و يمكن يكون بداية صلاح و هاديه له اقتباس:
اوكي اجل نستعد للعرس بعد شهرين وتاكيد على وجود بذرهـ صالحة بعلي اقتباس:
بس جته صدمة غيرت حياته و خلته انسان غير سوي ممكن العناد و الحدي و طلب الانتقام بزواج من ميثاء يرد له عقله و يغير حاله اممم الله كريم سارهـ حقد وحسد وغيرهـ ليـــــــــــــــــهـ هذا كله؟؟؟ اكيد فيه سر >> و ينظمـ لقائمة الاسرار و الخفاياء ^_^ سالمـ اقتباس:
امممـ ممكن العناد في العائلة و تحدي يخلي سالمـ يخطب مها عشان ينكد عليهاا و يحرمهاا من اكمال الدراسة وسبب ما يبي احد يقارنه بحرمة 7_7 و لكـ خالص شكري و تقديري ^_^ http://www.m5zn.com/uploads/a0991f7f4f.gif |
http://www.liilas.com/upload/getimg.php?image=2879 Ya hala we 3'ala w we 100000000000000000000000 mar7aba fi montadana al3'ali 7abibti :flowers2::YkE04454::flowers2::friends::YkE04454::flowers2: we incha'Allah tertaa7i we tenbasti ma3ana el9issa sid9 raa2i3a we dhaahir annak saa7bit 9alam mach'Allah 3aliik :55::110::23_28_116::55: we ana 9ara2tha fi montada thani liljoz2 essadis mithl جورية حمرا we nestannan fi elbaa9ii bikoll chawwwwww9 http://www.liilas.com/upload/getimg.php?image=3054 |
... eyes2 ... تبين الصدق ما ادري اذا كان كل الكتاب متفقين على ذا الحركة ولا لا ؟؟ بس انا احبها كثير ... ولازم اسوي لكل جزء خاتمة تجذب الاعضاء للجزء القادم .... ... classicoofou ... بحر الندى ... تحليل جميل ومشوق اتمنى انكم تتعمقون فيه مع الاجزاء الجايه لاني استمتع بتحليلاتكم للقصة ... جورية حمرا ... عزيزتي جورية يشرفني متابعتك للقصة في المنتدى السابقة وفي هذا المنتدى واتمنى من كل قلبي انك تكوني اللي في بالي لانك اذا كنتي هي ما بتتخيلي مدى سعادتي لاني شايله همها وودي ارسل لها واعتذر عن تأخيري بس مشاركاتي ما تسمح بأستخدام خاصية الارسال ... عزيزتي انا بقولك الصدق انا بديت في المنتدى الثاني عشان اكون بعيده عن اي ضغط من الاعضاء في اكمال القصة بسرعة وهذا بسبب ظروف حياتي ... يمكن تقولي اذا كانت ما تبي احد يضغط عليها ليه تكتب ؟؟؟ بقولك لان هدفي من الكتابة ماهو الشهرة او التميز انا اكتب عشان افرغ مشاعر واحاسيس نابعه من قلبي على صفحات النت ... مثل اللي يكتب الشعر ... وانشرها لاني احب اشارك الناس معي في هذي المشاعر بطريقتي الخاصة ... وسبب انتقالي لهذا المنتدى هو طلب من انسانة غاليه علي كثير و لو تطلب روحي ارخصت لها ... ولا ما افكر اروح منتديات مشهور .... وان شاء الله ما اتأخر عليكم بالجزء السابع يا الغلا .... ارجوك تسامحيني على القصور اذا كنتي .. (( البسمة )) .... ... brune ... يشرفني متابعتك للقصة واتمنى انها تعجبك اكثر في الجزاء القادمة الفصــــــــــــــــــــــــــــــــــــــــــل الخامس : فيصل قال وهو يقعد جنب علي اللي قاعد يشوف البحر : إلى متى ؟؟؟؟؟؟؟؟؟؟؟؟ علي اللي تم يشوف البحر رد عليه وقال : وش هو اللي إلى متى ؟؟؟؟؟؟؟؟ لف فيصل يشوفه وهو يقول : إلى متى ما أنت بناسيها ؟؟؟؟ خلاص المره أعرست وقد عيالها تارسين البيت ... وش تنطر ما تعرس أنت بعد وتعيش حياتك ؟؟؟؟؟ ابتسم علي باستهزاء ولف على فيصل وهو ينزل نظارته الشمسية على طرف خشمه وقال : انطر أنساها ... ورجع يرفع نظارته ويكمل : ما اقدر اخذ أي وحده ثانية ألا إذا كنت متأكد أني نسيتها ... اقطعه فيصل وهو يقول : كيف تبي تنساها وأنت طول الوقت تفكر فيها صدقني لو شفت لك وحده حلوة وصغيرة بتنساها على طول .... اقطعه علي وهو يقول بحده : افهم من حكيك انك أذا شفت لك وحده حلوة وصغيره بتنسى ميثاء ؟؟؟؟؟؟؟؟؟؟؟؟؟؟؟؟؟؟؟؟ .... ميثاء تستأهل كل خير بس ما يرزي تقلبون البيت فوق تحت عشانها .... هي كانت عايشه في غرفة وحده مع فيصل الله يرحمه 18 سنه ... يعني تحمد ربها أنها بتقعد في غرف علي ... على الأقل علي عنده قعده وغرفة نوم .... علي اللي كان سارح مع الذكريات وهو يشرب بيالة الشاهي لف يشوف سارة اللي تسولف مع أمه بعد ما أقطعت عليه ذكرياته .... ولان صوت سارة عكر مزاجه حب يغثها خاصة بعد ما فهم نغزتها ... رد عليها بسرعة قبل لا تتحاكا أمه وقال : فيصل الله يرحمه غير ... وأنا غير ... وأنا لوما أمي اللي ما اقدر أفارقها لحظة وحده الله يطول لي في عمرها كان حطيت لميثاء فيلا ثلاث ادوار ... تستأهل مرت اخوي الله يرحمه .... بس عشان عيون الغالية أم فيصل ... بأخذ الغرفتين اللي جنبي بعد ... وبسوي لها قسم بالحالها ... وفي نفس الوقت بكون جنب قليبي ... علي قال آخر جمله وهو يدنق على رأس أمه قبل لا يطلع ويخلي سارة تغلي من الغيض في مكانها .......................... صافيه قالت بخوف وهي تشوف شاشة الجوال : ميثوه هو .... اتصال ... وش نسوي ذا الحين ؟؟؟؟ ميثاء اللي ارتاحت أن صافيه انشغلت عنها في الاتصال قالت بكل هدوء : لا يا قلبي قولي وش أسوي ... أنا ما لي خص ... هذا رجلس أنتي ... وأنتي اللي لازم تتفاهمين معه ماهب أنا .... أقطعتها صافيه بتوتر وخوف : ميثوه لا تستنذلين ذا الحين ... الله يخليس ردي أنتي عليه ... ميثاء اللي عدلت قعدتها ردت على صافيه وقالت : أنا ما استنذل بس هذا رجلس وطال الزمن ولا قصر بتتحاكين معه ... وبعدين يا أختي ما عندس فضول تسمعين منطوقه ؟؟؟؟؟ صافيه اللي ارتاحت أن الجوال سكت ردت بقوة : لا ما عندي فضول ... لحقه على المغثه ... بس الله الغني عنس ... سكر بالحالة .... ابتسمت ميثاء وهي تسمع الجوال يرجع يرن وقالت : دام الله الغني عني دبري عمرس بااااااااااااي .... ميثاء قالت آخر جملة وهي تطلع من الغرفة وتسكر الباب ورآها ... صافيه كانت تنقل نظرها بخوف بين الباب والجوال .... وبدون قصد منها أضغطت على زر الاتصال .... واللي خلاها ترد على احمد هو صوته القوي وهو يقول : السلام عليكم .... صافيه ما حست بنفسها ألا وهي تقول بصوت كله خوف وهامس : وعليكم السلام ......احمد اللي ما سمع الصوت عدل قال : من معي ؟؟؟؟؟ صافيه كل اللي أقدرت عليه أبلعت ريقه بدون ما تنطق بحرف .... احمد كل اللي كان جاي في باله أن في حد يكون مسوي فيه مقلب وهو يقول بحده وصوت عالي : مـــــــــــن معــــــــــــــــي ؟؟؟؟؟؟؟؟؟؟؟؟؟ صافيه من الروع صرخت : صافيــــــــــــــــــــــــــــــــــــــــــــــــــــــــ ـــــــه .... احمد قال بتشكيك : صافيه من ؟؟؟؟؟؟؟؟؟؟؟ رد صافيه عليه كان مثل طلاب المدارس شكت اسمها بالكامل : صافيه سالم عبدالله .......... احمد ابتسم وهو يسمعها وش تقول ورد عليها بعد ما تأكد أن ما فيه لعبه : والنعم بصافيه سالم عبدالله ............ ردت عليه صافيه بخجل وصوت واطي : والنعم بحالك ..... بعد هذي الجملة ساد صمت مدة دقيقة كاملة من الطرفين ... واللي كسر هذا الصمت كان احمد اللي قال : أمريني يا صافيه وش بخاطرس ؟؟؟؟؟؟؟؟ صافيه ردت بصوت واطي وقالت : ما يأمر عليك عدوا.... ما جاك المسج ؟؟؟؟؟؟؟؟؟ رد عليها احمد وقال : ألا جاء ... بس صافيه ليه تبين تأجلين العرس إلى عطلة الصيف ؟؟؟؟؟؟ وحنا قدنا مجهزين كل شيء ... تشجعت صافيه وردت عليه بصوت عالي حاولت انه يكون ثابت وهي تقول : شوف يا اخوي ... أنت تدري بالمشاكل اللي ميثاء أختي فيها ... بس اللي ما تدريبه هو حالنا في البيت كلنا ضايقن ولا لنا خاطر لشيء عشانها ... كيف تبينا نفرح ونجهز ونرتب لعرس عروس هذا حال أهلها ؟؟؟؟؟؟؟؟؟؟ عشان كذا أنا أقول أذا ما عليك أمر نأجل إلى عطلة الصيف .... احمد رد عليها وقال : صافيه ... صافيه بتلقائية ردت عليه : لبيـــه ... وكتمت بعدها على طول من الإحراج ... احمد اللي أعجبه ردها عليه قال وهو يبتسم : لبيتي في منى .... أول شيء أبيس تعرفينه عدل هو أني ما أني باخوس ... أنا رجلس ... وإذا جيتي تدعيني قولي ... احمد ... وإذا تبين تدلعيني ما عندي مانع ... وثاني شيء أنتي تأمريني أمر و مالس غير طيبة الخاطر ... في خاطرس شيء ثاني ؟؟؟؟؟؟؟؟؟ احمد سأل سؤاله الأخير وهو ما يدري أن اللي يسألها لو ذبحها ما لقى فيها قطرة دم من الإحراج اللي تحس به وعشان كذا ما أقدرت حتى ترد عليه .... احمد اللي استغرب الصمت قال : صافيه أنتي معي ؟؟؟؟؟؟؟؟ صافيـــــــــه ؟؟؟؟؟؟؟؟؟؟ صافيه بجهد جبار منها قالت بسرعة قبل لا تسكر : مشكور و جزاك الله خير مع السلامة ....... واكتشفت بعد ما سكرت أنها سكرت في وجهه ...هنا عاد صافيه بكت ............. علي قال وهو يدخل المقعد اللي ما فيه غير فيصل بالحالة : وش ذا الحركات ؟؟؟؟ أجبان وزيتون ؟؟؟؟ فيصل قال وهو يبتسم لعلي : حياك ... أنا أصلا كنت انطرك على العشاء ..... علي قال وهو يحط غترته على الأرض جنبه و يقعد مقابل فيصل قال : والله ما اخبر هذا العشاء في بيتنا ... اخبر حنا ضرب عيوش و مكرونيه .... بس خطير ذا الترتيب ... واللي اخطر منه ذا ألجام .... قال علي آخر جملة وهو يذوق طعم ألجام .... فيصل قال وهو يطاوله الخبز .... أعرس وخل أمرتك ترتب لك مثل ذا العشاء .... رفع علي عينه في فيصل وقال : يا دافع البلا.... أمي ما تحن على عرسي كثرك ... خلك من ذا الخرابيط وقولي من وين جايبين ذا ألجام ؟؟؟؟؟؟؟؟؟؟؟ فيصل قال وهو يهز رأسه : ما به فايده فيك .... شارينه من الشركة اللبنانية القطرية .... صوت باب السيارة اللي واقفة جنب علي قدام الشركة اللبنانية القطرية خلته يرجع للواقع .... رفع عينه بسرعة يشوف وجهة المحل القزاز شاف مرت عمه وبناتها الثنتين وهم يتنقون في الخضرة .... لف بسرعة يشوف سيارتهم اللي واقفة بعده بسيارتين ...................... صافيه قالت بصوت واطي وهي تدف يد ميثاء : ميثوه ... ميثوه .... ميثاء ردت عليها وهي واقفة عند قسم الاجبان : زين خلاص قدني بخلص ... أذا أمي أخلصت خليها تروح تحاسب وأنا بجي ذا الحين ... لا بعد أبي من الزيتون الأسود ... ميثاء قالت آخر جملة وهي تشر على الزيتون للبياع .... أرجعت صافيه تدفها بقوة وهي تصر على ضروسها وتقول : ميثوه عليان ... وأول ما لفت عليها ميثاء بسرعة وهي تقول : وش فيه ؟؟؟؟ كملت صافيه بسرعة وقالت : لا تلفين بس تراه واقف مع أمي عند الكاشير ... صافيه أول ما شافت ميثاء لفت بسرعة عليهم تشوفهم أمسكت رأسها بيدها ولفتها بسرعة عليها وهي تقول : أقول لس لا تشوفين ورأس ... ميثوه من دخل وعينه عليس ... يحاكي أمي وهو بياكلس بعينه ... ميثاء اللي توترت صدق قالت : جعل عينه البط قولي يالله ... هذا واحد قليل أدب ولا يعرف عيب ولا حرام ... اسمعي ... اخذي هذي الأغراض معاس وروحي لامي وقولي لها بسرعة تحاسب خلنا نطلع .... وأنا بطلع من الباب الثاني بسرعة وبروح السيارة ما أبي أشوفه ... أبي فرقاه .... أي اصبري ... خذي بوكي يمكن تقصر عليكم الفلوس ... ميثاء قالت آخر جملة وهي تطلع بوكها من شنطة يدها بسرعة ..... ميثاء اللي كانت تطلع من الباب كانت تدري أن علي يشوفها وهي تمشي مستنة للباب وهي تتعمد ما تلف صوبه ... أركبت السيارة بسرعة ... وحتى بعد ما أركبت ما حاولت أنها ترفع عينها تشوفهم من وجهة المحل الزجاج ... كانت خايفة ... خايفة منه ... خايفة من قربه لها ...ليه صارت تخاف من قربه منها ... ليـــــــــــه .... ما تدري ؟؟؟؟ كانت تحس أن قلبها يدق بقوة من الخوف .... وبدون ما تحس طلعت جوالها وهي مغمضة عينها بشده ولا أفتحتها ألا والشاشة ولعه قدامها بصورة الخلفية اللي فيها ... صورة فيصل .... كانت تشوف الصورة وهي تأخذ نفس عميق إلى أن حست أنها هدت شوي ... ورفعت عينها بسرعة لصافيه اللي أفتحت الباب حق السيارة وهي تقول : خلاص أمي ذا الحين بتجي.... خذي بوكس ... ميثاء قالت وهي تمد يدها للبوك : كفتكم الفلوس ؟؟؟؟ صافيه قالت وهي تسكر الباب بعد ما أركبت : ما احتجنا ندفع .... ردت عليها صافيه وقالت : يعني كفت ... والله زين ما اخبر أغراضه رخيصة ... أقطعتها صافيه وهي تقول : علي حلف على أمي ما تدفع ريال .... وسكتت صافيها بعد ما أصرخت عليها ميثاء وهي تقول : وش هووووووووووووووووو ؟؟؟؟؟؟؟؟؟؟؟ علي اللي كان واقف مع الحمالي و الدريول اللي يفتح شنطة السيارة عشان يحط الأغراض فيها كان يسمع صراخ ميثاء اللي ما انتبهت له على خفيف ... بس أول ما بطلت أمها الباب طلع صوتها بصورة عاليه وهي تقول لها : ليه يوم تخلينه يدفع الحساب ؟؟؟؟ ما حنا في حاجته ... واللي خلى ميثاء تقطم مره وحده هو صوت علي اللي طل عليها من الباب وفاجأها وهو يقول بقوة : اقطعــــــي يا مال الطرم ..... ميثاء بحلقت عينها فيه وهي تشوفه كيف دنق يحاكي أمها ولا كأنه سوى أو قال شيء : يمه انزلوا اركبوا معي ... أنا بردكم البيت ... أم ميثاء ما كانت بحاجه ليد ميثاء اللي نغزت في خاصرتها عشان تقول : ما به حاجه يا أولدي بنرد مثل ما جينا لا تتعب عمرك .... قطعها علي وهو يقول : يمه تاير السيارة من قدام فاش ... وأنا ماهب مخليكم ترجعون والتاير فاش ولا هب راضي تقعدون تنطرون في الشارع إلى أن يغيره .............................. ميثاء اللي كانت خانقتها العبرة ومجوده نفسها بالغصب عشان ما تبكي وهي معه في السيارة .... حست أنها بتفرقع وهي تسمعه يقول بعد ما وقف السيارة : اسمحي لي يمه بس عندي شغله ضرورية للوالد ... ما هب باطي بخلصها وبطلع ... ونزل وسكر الباب ... وقبل حتى لا تحاول ميثاء أنها تفتح ثمها رجع فتح الباب من جهة أمها وهو يقول : يمه انزلوا تفرجوا ... ووسعوا خاطركم ... إلى أن اخلص شغلي ... أم ميثاء قالت : يا أولدي ما به حاجه أنت روح الله يحفظك خلص شغلك وحنا بننطرك هنا .... علي قال بإصرار عجيب : ولا لس لوا ... بس أنا أبيكم تنزلون تفرجون وتضيعون وقت عشان ما احاتيكم واستليم أذا ابطيت شوي ... نجله قامت تلفت بين بناتها وبين علي وهي تسمعه يقول : يلا حياكم ... ميثاء من حرما تونس قالت لامها : تبين تنزلين انزلي حنا ماهب نازلين ما لنا حاجه في ذا الأماكن ... رد عليها علي بسرعة وهو يقول ببرود واستهزاء : ليه ؟؟؟؟ و يني جايبس يا مرت اخوي عشان تقولين ما لس حاجه في ذا الأماكن ؟؟؟؟ والله ما اخبر مفروشات تفولي مكان ماهب محترم ... انزلي ... انزلي وعن ألحكي اللي ما له حاجه .... صافيه وهي تشوف أمها اللي أقعدت على الكرسي لأنها ما تقدر تدور قالت لميثاء اللي بالفعل ضايقة وهي تشوف علي من بعيد قاعد عند الإدارة : ميثوه خلينا نروح نشوف غرف النوم ... لفت عليها ميثاء وهي تصر على ضروسها وقالت بغضب : ماني برايحه مالنا حاجه في ذا المكان ... صافيه لفت تشوف أمها أذا كانت أسمعتهم ورجعت تقول لميثاء بصوت واطي : ميثوه أنتي ما قلتي أن حنا لازم نغير غرفتي ونشتري وحده جديدة ... ميثاء اللي حست بتأنيب الضمير تجاه صافيه خاصة وهي تشوف نظرة الاستعطاف في عينها قالت بصوت هادي قد ما تقدر : قلت يا قلبي ... بس عرسس تأجل يعني ماهب لازم نشتري ذا الحين ... صافيه اللي حست بإحراج من رد ميثاء عليها قالت بصوت مكسور : صادقه إلى جاء وقته يصير خير .... صافيه قالت آخر جملة وهي تلف عشان تروح تقعد جنب أمها ... ميثاء اللي تأثرت من رد صافيه أمسكت يدها بسرعة قبل تقعد وهي تقول : لا تقعدين امشي نتمشى .....علي اللي كان يشرب التركش في مكتب الإدارة وهو يشوف ميثاء وصافيه يقعدون جنب أمهم بعد ما خلصوا جولتهم الاستطلاعية لف بسرعة على المصري اللي كان يمشي معهم ويشرح لهم وقال : هااا عرفت وش اختاروا الجماعة ؟؟؟؟؟؟؟ رد عليه المصري وقال وهو يشر على رأسه بيده : عيب كل حقه متسغله هنا .... رد عليه علي وقال : زين اجل يوم هي متسغله هنا نزلها لي على الدفتر عند عصام وأنا بجي بكره أشوف اللي اختاروه ........ طول الطريق للبيت والهدوء مسيطر على ركاب السيارة .... أول ما وصلوا البيت كانت ميثاء اللي قعدت جنب الباب أول وحده أفتحت بابها عشان تنزل ... لكن الباب ما انفتح معها لفت بتلقائية تشوف علي اللي كان يشوفها في المنظرة حقت السيارة وقال : شوي.. شوي على السيارة ... أنتي ما أنتي براكبه عراوي ... ذا بينز .... ميثاء اللي حست أنها بتنفجر من كثر ما انضغطت قالت بعد ما أفتحت الباب وأنزلت بصوت عالي تسمع علي : خير يا طير بينز ... حتى كروه فيها سياير بينز ... وصفقت الباب بقوة خلت علي غصب يلف عليها ............................ ندى قالت باستغراب : ميثوه احلفي انج قلتي له جذيه ؟؟؟؟ ميثاء قالت وهي تشوف صافيه اللي قاعدة تشوف فساتين الأعراس في جهازها الكمبيوتر : والله العظيم قلت لها ... وليه ما أقول له .... فاقع كبدي .... يظن أني صدقته وصدقت خرابيطه .... أقطعتها ندى وهي تضحك وقالت : حرام عليج ليش تظنين فيه بالسوء ؟؟؟ أقطعتها ميثاء وقالت بحرقه : ندوو لا تجننيني ... يعني ذا الحين من بد جمعيات قطر وسوبر ماركاتها ما يجي غير الشركة اللبنانية ؟؟؟؟ وفي الوقت اللي حنا فيه ؟؟؟ واصلاً وجوده فيها ماهب مقنع ... مكان ما فيه غير خضرة واجبان واللحوم هو وش بيشتري منه ؟؟؟؟؟؟؟؟ لا واللي يجلط تاير سيارتنا اللي ما فش غير والفارس المغوار واقف عندنا ؟؟؟؟ أقص أيدي أذا ماهب هو اللي مفششه .... أسكتت ميثاء وهي تسمع ندى تنفجر من الضحك ..... سبــــــــــــــــــــــرايز كان هذا صوت مها اللي أفتحت باب غرفة ميثاء فجأة ..................... ميثاء كانت تلبس جلالها وهي تشوف نفسها بفرحه عارمة في المنظرة لمجرد فكرة أن مرت عمها نورة زايرتهم .... وجودها عندهم ماله غير معنى واحد هو أنها أخيراً قررت تتحرك وتمنع مهزلة هذه الخطبة بطريقتها الخاصة .... اطلعت من الغرفة بسرعة والابتسامة على شفاها .... أول ما أدخلت الصالة راحت سيده لمرت عمها تدنق على رأسها وهي ودها تبوس يدها على ذا القرار المتأخر وقالت : وش حالس يا يمه ؟؟؟ اربس بخير ... نورة اللي كانت تشوف ميثاء وهي تقعد مقابلتها على الكرسي وهي تقرص عينها في قالت : بخير الحمدلله ... ما علي من الله قاصر .... أنتي اللي كيف حالس يا مرت عيالي ؟؟؟؟؟؟؟ ميثاء اللي كانت تبتسم اختفت ابتسامتها ونغزها قلبها من تعليق مرت عمها ... بس بعدين قالت يمكن هذي المقدمة اللي بتبتدي فيها فركشت الموضوع عشان كذا ردت عليها بكل هدوء وقالت : بخير زان حالس ... أم فيصل ما ردت على ميثاء لأنها كانت تطلع ظرف وتمده على نجله وهي تقول : سمي يا نجله هذا مهر بنتس ... ولفت تشوف ميثاء وهي تكمل وتقول : ما باقي على العرس شيء غير شهر ... وأول ما شافت ميثاء تغير شكلها كملت وقالت : خلها تلحق تسوي فستان تشبب فيه أذا أقعدت على الكوشة في الفندق ... نورة قالت آخر كلمة وهي تبتسم براحه يوم شافت دموع ميثاء اللي نازله على خدها بدون ما تحس فيهم ... ميثاء كانت منصدمة ولا هي قادرة تستوعب من حكي مرت عمها شيء .. المهر ... الفستان ... الكوشة ... الفندق ... كانت ذا الكلمات مثل الكور اللي تتضارب في رأسها بقوة .... لما بدت توضح الصورة في خيالها زاد خوفها أكثر وحست أنها وسط فيلم مرعب بكل مقاييس الفرح المرسومة له.... خوفها امتد بخيوط خفيه ما بين قلبها وعقلها من فكرة تجاوزت حدود الواقع ومنطق عندها ... فكرة ترسم صورة ما تقدر حتى على تصورها ... ما تقدر ... ما تقدر تتخيل نفسها بفستان ابيض وقاعدة على كوشة وعلي جنبها ... لا ... لااااا... لاااااااا ما أبيه ... ما أبيه ... ما أبي أعرس ... من قال أني أبي أعرس ... ميثاء كانت ترفض تقبل مرور الفكرة بكل صورها في خيالها وواقعها لما قالت بصوت عالي لام فيصل وبكل قوة : لاااااااااااا ...كل اللي قاعدين لفو على ميثاء وأولهم أم فيصل اللي انصدمت من نظرة ميثاء لها ولأول مره بذا الطريقة الحادة والقوية وهي تسمعها ترد على مها اللي أسألتها بكل براءة : وش هو اللي لا ؟؟؟؟؟؟؟ وتقول : لا ما أبي مهر .. ولا أبي عرس ... ما بعد فيصل الله يرحمه رجال يملي عيني ... وعليان ماهب بماخذته لو يموت ............. علي اللي كان توه طالع من مفروشات تفولي ابتسم وهو يشوف اتصال مها لأنه كان موصيها أول ما يرجعون من بيت عمه تدق عليه وتقوله كل اللي صار ... رد عليها على طول وهو مبتسم بشماتة في ميثاء وقال : هلا والله .. بشري ؟؟؟؟ بس ابتسامته اختفت بسرعة وهو يسمع صوت مها اللي تبكي وهي تقول : وش اللي ابشر بها ؟؟؟ حرام عليكم اللي تسونه ... والله حرام ... قطعها علي بسرعة وهو يقول : مهوي وش اللي صار تحاكي ؟؟؟؟ ردت عليه مها وهي تعبر وقالت : اللي صار ما ينقال ... أمي ضربت ميثوه ... علي قال باستنكار وعصبية مكتومة : ضربتها ؟؟؟ كيف يعني ضربتها ؟؟؟ وليه ضربتها ؟؟؟ ردت عليه مها وقالت بحرقه : ضربتها كف ... وياليتها جات على الضرب بس غير هادتها ودعت عليها قدام أمها وأختها ...وقالت لها أنها تبي تذبحك مثل ما أذبحت فيصل ... قطعها علي وقال بنفاذ صبر: مهوي اخلصي علي واختصري انتووا رايحين تودون المهر وتتفقون على تفاصيل العرس ... ليه ضربتها ؟؟؟؟؟ ردت عليه مها وقالت بكل حذر : ضربتها عشان قالت ما تبي تعرس بعد فيصل الله يرحمه وتأخذ أي رجال و ........................ وخاصة أنت ... ميثاء اللي كانت تبكي بحرقه أدخلت غرفتها بسرعة ... قبل لا تسكر الباب دف فيصل الباب ودخل وشرار يتطاير من عينه ... ميثاء أول مره تشوفه معصب بذا الطريقة ... خافت منه ... لا ارتعبت لما شافته يقرب منها ...أرجعت خطوه ورا ... ومع هذا ما قدرت تتفادى كف فيصل اللي أطبعته أصابع يده على خدها .... ميثاء أول ما حست بيد فيصل تلامس خدها غمضت عينها بقوة .... تحاول تمتص قوة الضربة اللي خلتها هي والأرض واحد ..... أفتحت عينها وهي تحسس بيدها على مكان الكف في خدها .... أرفعت عينها لصافيه وهي تقول : ميثوه ... قومي عمي عبدالله في المجلس يبي يشوفس بسرعة ... |
[CENTER]
الفصــــــــــــــــــــــــــــــــــــــــــل السادس : ميثاء بعد ما سلمت على عمها عبدالله قعدت جنب أمها ... استغربت لما قال عمها لامها : أم ميثاء الله لا يهينس ... ابغي ميثاء في كلمة رأس ... نجله أنحرجت من عبدالله وقالت وهي تقوم : ولا يهينك يا اخوي .... ميثاء وترها طلب عمها انه ينفرد بها ... ما هو هذا طبعه ولا ذا أسلوبه ... هو طول عمرها قوي وفارض سيطرته على الكل ... يقول اللي عنده في الوجه ولا يخاف أو ينحرج من احد ... وش أذا ألحكي اللي بيقوله ولا يبي أمي تسمعه ؟؟؟؟ ميثاء كنت سرحانة في أفكارها وهي تشوف أمها اللي طلعت ترد باب المجلس ورها ... بس أرجعت للواقع بسرعة أول ما حست بعمها عبدالله واقف قدامها... ارتبكت ... خافت ... وأول رد فعل كان لها أرفعت يدها لخدها بسرعة مكان الكف وكأنها تذكره أنها هي المجني عليها .... وأنها ما أغلطت على أمرته في شيء ... لكن خوفها كله تحول إلى صدمة كبيرة لما قعد جنبها وهو يقول : العذر والسموحه منس يا ميثاء ... صدق نورة مالها حق عليس تضربس ... بس هي مرت عمس وأم فيصل الله يرحمه وما تنعد غير أم عليس .... وأمس أذا أغلطت عليس ما تزعلين منها .... كلامي صح ولا به خطاء يا بنتي ؟؟؟؟؟ ميثاء اللي ما تعودت من عمها عبدالله انه يتعذر أو يبرر شيء كانت منصدمة منه ومن طريقته الجديدة معها في ألحكي عشان كذا قالت على طول ترد عليه : ما تقول الخطاء يا يبه ولا بعد قولك قول ... أبو فيصل بعد رد ميثاء الهادي استراح وقرر انه يدخل في السالفة الثانية اللي جاي عشانها وقال : الله يكملس بعقلس يا بنتي ... وذا الحين أبيس تقولين لي الصدق ... أنتي صحيح قلتي ما أنتي بمأخذه علي ؟؟؟؟ ميثاء بعد ما عرفت سبب المعاملة الجديدة معها أبلعت ريقها وقالت بصوت وطي وهي تدنق رأسها في الأرض : قلت .... نتهد عبدالله وهو يقول : ليه يا بنتي ؟؟؟؟ حنا قعدنا في ذا المجلس وتفقنا أن أذا علي صلى وداوم على الصلاة ستين يوم بتأخذينه والعرس والملكة بيكونون في نفس اليوم ... وش اللي غير رايس يا بنتي ؟؟؟؟؟ ميثاء اللي كانت مدنقه رأسها قالت بصوت واطي : أنا ما غيرت رأيي ... لأني ما أبي أعرس أصلاً ... وهذا هو الصدق ... عبدالله اللي يحاول قد ما يقدر انه يكون هادي قال يستفسر منها : اجل ليه قلتي انس وافقتي يوم انس ما تبين العرس ؟؟؟؟ ميثاء اللي بدت دموعها تتجمع في عينها قالت بصوت مبحوح : كنت .... كنت ... وارفعت ميثاء عينها لعمها عبدالله بس بعد ما غطته الدموع وهي تقول بصوت خانقته العبرة : أنا ما أبي أعرس بعد فيصل ... أنا أبي أكون أمرته في الاخره مثل ما كنت إمرته في الدنيا ... وإذا أعرست بعده ... ماهب صايره له وهو لي ... دخيلك يا عمي ... دخيلك ... دخيلك ما أبي أعرس ... ميثاء قالت آخر كلمة وهي تدفن وجها في يد الكنبة اللي قاعدة عليها وتبكي بحرقه ... عبدلله وهو يشوف ميثاء تبكي كانت صورة فيصل في باله... ضاقت عليه الدنيا ... لا باله فيصل اللي ميثاء أرجعت بحكيها تفتح جروح حزنه اللي ما برت عليه ... ولا باله بنت أخوه اليتيمة اللي تبكي قدامه ... ولا باله علي اللي مخليه عافس البيت عليهم ويقول أن هم اللي ما يبونه يتزوج ميثاء وبيبون يخربون عليه زواجه مثل ما خربوا عليه من قبل ... وهددهم انه ذا المره بيطلع من البيت ولا عادهم بشيفينه طول حياتهم ... نورة قالت وهي تبكي : جعلني قبلك انك ترد البيت ... قطعها علي وقال بكل هدوء : هامس ردتي البيت ؟؟؟؟ لو يهمس قربي منس مثل ما يهمني قربي منس كان ما رحتي تضربينها عشان تعي تأخذني ... تحسبيني خبل ما هب داري ليه ضربتيها ... أقطعته نورة وقالت بحرقه : والله ما ضربتها ألا بعد ما قالت ما تبيك ولا تبي تأخذك ... هذا جزاي يوم أني فزعت لك ؟؟؟؟ تطلع عني وتخليني عشان ميثوه ؟؟؟؟؟؟؟ من اللي الله بيسألك عنها ؟؟؟ أمك ولا ميثوه ؟؟؟؟ عود يا أولدي .... عود الله يهديك ... وأنا بجوزك شيخة البنات ... قطعها على وقال بتوتر : يوم أني بغيت شيخة البنات عيتوا عنها وخليتوا قلبي محروق إلى ذا اليوم عليها ... وذا الحين يوم بغيت ميثوه بعد عيتوا عنها بعد عشان تحرقون قلبي مره ثانية ... بس أنا بريحكم مني وبموو.... أقطعته نورة وقالت بسرعة وهي تبكي : وغالتي عندك ما تقول ذا ألحكي ولا تجيب ذا الطاري ... ميثاء أول ما حست بيد فيصل تلامس خدها غمضت عينها بقوة .... تحاول تمتص قوة الضربة اللي خلتها هي والأرض واحد ..... ميثاء ما تدري هي كيف قدرت تفتح عينها بس اللي كانت متأكدة منه أنها لازم تتحرك وبسرعة لان فيصل كان يقترب منها ... شدت نفسها بالقوة وزحفت على ورآها ... أزحفت تبعد عنه ... لكن بدون فايده كل ما زحفت فيصل يقرب أكثر ... ما كانت من الخوف منتبها أنها متسنده على الكبت اللي موقف زحفها ... ولما انتبهت كرمشت نفسها تحاول تتفادى هجومه المتوقع وهي مغطيه وجها بيدها .... ولما حست بفيصل يدنق عليها بدت ترجف .... بس لما قعد فيصل جنبها على الأرض بكل هدوء اختفت الرجفة لكن ما أرفعت رأسها له حتى بعد ما سمعته يناديها : ميثوه ... ميثوه .... ميثاء كانت خايفة ترفع رأسها له أو ترد عليه ... لكن فيصل رجع يناديها مره ثانية وهو يقول بصوت خانقته العبرة خلى ميثاء ترفع له رأسها بسرعة البرق تشوفه : ميثوه ... ليه سويتي كذا ؟؟؟؟؟ ليه ؟؟؟؟ حرام عليس ... حرام ... فيصل قال آخر كلمة وهو يرفع يده بيمسح دمعة قهر في طرف عينه .... ميثاء من شافت ذا المنظر حست أن قلبها بينفجر ومن غير ما تحس بنفسها مدت يدها ليد فيصل تبعدها عن عينه وهي تمسح عينه بيدها الثانية وقالت : سويت كذا عشان خاطرك الغالي يا الغالي .... عشان خاطر الغالي ... عشان خاطر الغالي يا ميثاء اخذي علي ... ميثاء اللي كانت ما أخذتها الذكريات عالم ثاني رجعها للواقع اسم علي اللي ختم به عمها عبدلله جملته .... أرفعت رأسها له تشوفه بسرعة .... وكل اللي كانت تبي تقوله هو ... لا ... لكن أجمدت الكلمة على طرف ألسانها أول ما شافت عمها ... لأول مره في حياتها تشوف ميثاء دموع عمها عبدالله ... حتى يوم مات فيصل ما شافته يبكي قدامها ... كانت فاتحه ثمها وهي تسمعه يقول بعد ما مسح عينه بطرف غترته : يا بنتي أنا شيبة راعي مرض ... ولا عاد فيني حيل على الصعايع والمشاكل ... ولا عاد فيني شدة ادفن ولد ثاني ... عبدالله قال آخر جملة وهو يرجع يمسح دموعه اللي أرجعت تنزل من جديد ما كان مستحمل الضغط النفسي اللي هو فيها من بدو في ذا الخطبة .... ميثاء ما أقدرت تتحمل أرجعت هي بعد تبكي بصمت وهي تسمعه يكمل ويقول : أنا ادري يا بنتي أن علي ما هب الرجال اللي تخلفين به فيصل ... وادري انس ما تبينه ... بس هو يبيس ... ولا يبي غيرس ... ليه أنا ما ادري .... يمكن يبي يناحسنا على السالفة القديمة .... ويمكن في رأسه شيء جديد والله ما ادري ... بس هو رأسه وألف سيف ما غير يبيس ... أخذيه يا بنتي ... أخذيه وأنا اضمن لس انس ما هب بمطوله عنده ... هو مأخذ ذا العرس عند بس ما ادري في من ... شهر شهرين وبيهون منس ... ميثاء اللي كانت عارفة عدل علي معاند من في ذا العرس قالت تحاول تشرح موقفها لعمها : بس أنا يا يبه ما اقدر أخذه ... كيف اخذ واحد عشت معه 18 سنه في بيت واحد وأنا ما أعده ألا اخو ؟؟؟؟؟؟ قطعها عبدالله وقال : بس هو ماهب اخوس هو ولد عمس ... وهذا الشرع والحق يا بنتي ... وإذا على نورة واللي سوته فيس ... يبرد خاطرس فيها أني طلعت من البيت وهي تشقق ثيابها .... علي من درا باللي سوته معاس عفس الدنيا علينا .... جن وحضروا سكونه .... هادنا كلنا وطلع من البيت ... وهددنا أذا ما وفقتي على العرس وآخذتيه ... ما عاد حنا بشايفينه .... دنق عبدالله رأسه وهو يشوف منظر الحادث قدام عينه ... ورجع يرفع رأسه لميثاء وهو يقول بصوت خانقته العبرة : ميثاء أنتي صحيح كنت صغيره بس ما أظن عمرس نسيتي اللي سواه فينا ... وهذيك المره ما هدد ... اجل كيف وهو مهدد ذا المره .... ميثاء كان ودها الأرض تنشق وتبلعها بعد ما استوعبت أن عمها عبدالله بكل قوته وجبروته دنق على رأسها يحبه وهو يقول : داخل على الله ثم عليس أن تأخذينه ........... ميثاء اللي كانت تتبع فيصل مثل ظله كانت واقفة ورآه وهو يقول لأبوه قدام باب غرفة علي : ما ضنتي السيارة بتنسيه اللي يبيها .... رد عليه أبوه بكل ثقة : بتنسيه أبوها اللي جابه ... هو صار له سنه يحن يبي سيارة صغيره مثل أخوياه ... وأنا جبت له رنج جديد بقراطيسه من الوكالة ولا تبيه ينساها ... بتشوف ذا الحين كيف بينساها .... عبدالله قال آخر جملة وهو يفتح باب غرفة علي اللي كان منسدح على السرير وهو مبحلق في السقف في هدوء غريب .... فيصل من شاف هدوئه اللي ما يتناسب مع الحشرة اللي كان مسويها من شوي تروع عليه ... راح له بسرعة وقعد جنبه على السرير... عبدالله اللي دخل هو بعد وراء فيصل تم واقف عند السرير يسمع فيصل اللي يقول لعلي : علي وش فيك ؟؟؟؟؟؟؟ علي ؟؟؟؟ علي ؟؟؟ علي رد عليه بكل برود وبصوت هادي وهو مبحلق في السقف : تملكت .... خلاص .... صارت له .... اقطعه عبدالله بكل قوة وقال : زين اللي راحت في نصيبها ... لأنها مالها نصيب عندنا ... قم ... قم شف وش جبت لك ابرك لك .. عبدالله قال آخر جملة وهو يحرك سويج الرنج لعلي اللي لف يشوف وش جاب له أبوه ... علي اللي كان منسدح قعد على حيله وهو يشوف السويج في يد أبوه بكل جمود ما كان يتحرك فيه غير جفن عينه اليسار اللي يرجف وهو يسمعه يقول : قم شوف جبت لك رنج ما به مثله عند احد من أخوياك ... عشان تعرف اللي يطيع والديه وش يلاقي ..... عبدالله اللي كان ينطر رد فعل علي بتوتر أول ما قام علي واخذ السويج من يده ابتسم ولف يشوفه وهو يطلع ويقول : تعالوا كلكم ... كلكم خلونا نشوف السيارة اللي جابها لي أبوي ... وقف علي عند الباب فجأة ولف ميثاء اللي واقفة على طرف الباب من برى وقال بكل هدوء : ميثوه ... ما تبين تشوفين السيارة الجديدة ؟؟؟؟؟ ميثاء هزت رأسها أشارة نعم وهي تسمع صافيها تسأل باستغراب : ووافقتي ؟؟؟؟؟؟؟؟؟؟؟؟؟ سارة قالت بكل احتقار : صدق ما عندها كرامة ... وافقت عليه حتى بعد ما اضربوها ... قطعها سالم وقال : أبوي يقول أنها وافقت عشان خاطر عمي عبدالله ... بس بشروطها هي ... بس لو أنا منها والله ما ارجع على ذا العرب بعد ما طلعت منهم .... ردت عليه سارة وقالت بكل حقد : انتووا واجد مأخذين فيها الم ... هذي وحده انتهازيه حصل لها أنها تكوش على الرأس الكبيرة حبيب الجماهير وبتعي ... والله اللي ما قالت لا ... ما فيه واحد عاقله تعاف الدراهم ... قطعها سالم بسرعة وقال بمكر : وهو يوقف السيارة في بيت عمه عبدالله عشان ينزل سارة اللي موصلها : اجل أنتي خبل يوم فرطتي في الدراهم ... آسف اقصد علي ؟؟؟؟؟؟ انزلي لا تضيعين وقتي بخرابيطس .... عبدالله قال وهو يشوف علي بتعب : شروطها ... ما تبي عرس ولا طقطقه ... علي قال بكل هدوء وهو يحاول يخفي ابتسامة النصر : ماهب لازم عرس بنسوي عشاء حريم ... غيره وش تبي ؟؟؟؟؟؟ رد عليه أبوه وقال : ولا عشاء حريم .... هي ما تبي شيء ابد .... تقول أذا أنت تبي تسوي عرس رجاجيل أنت بكيفك ... لكن هي ما تبي أي شيء ولا تبي أي احد يجيها .... وقالت بعد ... ما تبي تلبس ثوب عرس .... اقطعه علي اللي اختفت ابتسامته من الأساس وهو يقول باستنكار : وش هو ؟؟؟؟ ليه ما تبي احد يجيها ولا تبي تلبس ثوب عرس ؟؟؟؟ ليه هو بكيفها ؟؟؟؟ ماهب بكيفها ... أصلاً ما به عروس يوم عرسها ما تلبس ثوب عرس ؟؟؟ ردت عليه أمه قبل لا يرد أبوه وقالت : أيه بكيفها ... تدري ليه ؟؟؟؟ لأنها ماهب عروس هذي عجوز ... وحده معرسة من 18 سنة وذا الحين أرملة .... كيف تبيها تلبس ثوب العرس؟؟؟؟ تلبسه البنت اللي توها ما بعد أعرست ... رد عليها علي وقال : وتلبس الثوب العروس اللي رجلها ما بعد أعرس من قبل ولا شاف عروس .... اقطعه أبوه وقال : شف أنت رجال تقول تبيها وتبي تأخذها اقبل شروطها كلها .... رجال ما تبيها قول من ذا الحين ... لكن لا ترد وتقول كله منكم .... وانتووا اللي خربتوا علي .................... ميثاء قالت وهي ترفع رأسها لصافية : وافقت ... ولو أنتي مكاني كان وافقتي ... أقطعتها صافيه وقالت : لا اسمحي لي لو أنا في مكانس كان ما وفقت على عليان لو ويش ... ردت عليها ميثاء بكل هدوء وصوتها خانقته العبرة : آلا بتوافقين ... شوفي عليان أصلاً ما يبيني مره له ... السالفة وما فيها انه يبي يخذ ثأره مني يوم تهاديت معه قدام رجلس ... وعمي عبدالله أكد لي ذا ألحكي ... يعني الدعوة أسبوع أسبوعين أن كثرت شهر وبيقول ما عاد أبيها ... وأنا مليت من كل اللي يصير ... عشان كذا وافقت خلي الشيخ عليان يطحن الحب اللي في رأسه ونخلص من وجهه .... أسكتت شوي ميثاء ورجعت تكمل قبل تحاكا صافية وقالت : ووافقت بعد عشان ما اخلي ذنبه في رقبتي قدام ربي وقدام أمه وأبوه ... عليان مجنون ويقدر ينفذ تهديده لهم ... وإذا نفذه وش بيفكني من أمه غير الموت ... علي أزعجه صوت جواله وهو يرن ... مد يده عشان يأخذه ويسكره ... ما لقاه كان محطوط على التواليت ... سحب الوسادة اللي جنبه وحطها على رأسه عشان عجزان لا يقوم للجوال يسكره ... ارتاح علي يوم وقفت رنة الجوال وأرخى الوسادة على رأسه وهو يعدل الوسادة اللي تحت رأسه رجع الجوال يرن مره ثانية هنا علي ما استحمل نفض الملحف بقوة وقام يسكر الجوال ... أول ما وصله وقفت الرنة ... علي هنا عصب عدل ومسك الجوال عشان يسكره حتى بدون ما يشوف من المتصل ... ويده على زر البور رن الجوال فجأة ... فيصل يتصل بك .... علي أول ما شاف اسم فيصل تروع وصحصح عدل ... رد عليه على طول وهو يلف يشوف الساعة اللي معلقة على الجدار ... شاف الساعة أربع الفجر وهو يقول : هلا فيصل ... فيصل رد عليه بصوت خنقته العبرة وقال : علي ... علي أنا تعبان ... علي لما شاف فيصل سكت فجأة بعد ألحكي اللي قاله قال بخوف وصوت عالي : فيصل وش فيك ؟؟؟؟ فيصل ؟؟؟ فيصل رد على ؟؟؟؟ فيصــــــــــــــــــــــــــــــــل .... علي توعى بنفسه وهو ينادي فيصل بصوت عالي .... تعوذ من الشيطان وهو يحاول انه يرجع يتنفس بهدوء ... لف على الساعة اللي على الجدار لقاها الساعة أربع ألا دقيقتين .... رجع يشوف جواله اللي جنبه على لسرير .... مد يده عليه وجره بكل هدوء ... وفتح أنشاء رسالة جديدة ... وكتب فيه (( موافق على كل شروطس )) ... وبعد ما أرسل الرسالة لميثاء دف الملحف وقام عشان يلحق على صلاة الفجر ........ صافية قالت لندى وهي تشوف سلوم يطلع من باب الغرفة : قولي لها أنتي ... حنا عجزنا معها ... وأمي صار لها يومين ما تتحاكا معها والسبايب ذا السالفة ... وهي ولا هامها شيء ... لفت ندى على ميثاء اللي قاعدة على السرير وحاطه اللابتوب على رجلها وتعابل فيه .... وقالت لها : أنتي ليش معانده بهذي الطريقة في موضوع ما يستأهل ؟؟؟؟ عرسج باقي عليه أسبوع ... ما تبين تلبسين فستان عرس ماهب لازم ... بس على الأقل اشتري لج فستان ناعم وبسيط تلبسينه .... على الأقل جدام عمتج ومرت عمج وبناتها ... وبعدين هالريال اللي بتأخذينه له حق بعد يحس انه معرس وبيدخل على عروس .... سكتت ندى بعد ما أرفعت ميثاء عينها فيها فجأة بنظرة استنكار وقالت لها : هو بالذات ماله عندي حق .... ولو سمحتي سكري ذا الموضوع ... ورجعت ميثاء تشوف جهازها ... ندى ما ردت على ميثاء ... بس لفت على صافيه وقالت لها : صفوي فديتج روحي شوفي سلوم وينه .... صافيه اللي أفهمت أنها تصريفه قالت وهي قايمه بتطلع : أن شاء الله ... وطلعت وسكرت الباب ورآها ... ندى هنا لفت على ميثاء وسحبت الجهاز من بين يدها بقوة وهي تسكره .... ولما حاولت ميثاء تجره ترجعه قرصت ندى عينها فيها وهي تقول بتهديد : ميثوه .... فكيه .... ميثاء فكت الجهاز بتعب وهي تدنق رأسها .... ندى بعد ما حطت الجهاز ورها على السرير لفت تشوف ميثاء وهي تقول : ميثوه ... ليش وافقتي يوم أنتي ماهب قادرة تقبلين فيه زوج لج ؟؟؟؟؟ أرفعت ميثاء رأسها لندى وهي مغمضة عينها ... أول ما أفتحتهم نزلوا دموعها بهدوء ما يوازي الإعصار اللي في داخلها ... وهي تقول لندي بصوت مخنوق من العبرة : بعد كل اللي صار جايه ذا الحين تقولين ليه وافقتي ؟؟؟؟؟؟؟؟ ردت عليها ندى اللي عورها قلبها منظر ميثاء وقالت : ادري ... والله ادري يا حبيبتي ليش وافقتي ... بس بعد اللي أنتي تسوينه ما يصير ... ما باقي على عرسج غير أسبوع وأنتي من الشغل إلى البيت ومن البيت إلى الشغل ... لا طلعتي تجهزين شيء ولا تشترين شيء .... أقطعتها ميثاء وقالت : وش اللي تبون اشتريه ؟؟؟؟ ماهب شاريه شيء ... ثيابي وفي الكبت بحطها في شنطة وبأخذها معي .... ردت عليها ندى وقالت : هذا أنتي قلتيها ... ثيابج وعندج .... ميثوه ... صج أن أنتي ما تدانين علي ولا تبينه بس هذا ما يعني انج تلبسن له ثياب لبستيها لفيصل الله يرحمه ... على الأقل راعي انه أخوه مها اللي كانت تفرفر في ريموت التلفزيون في صالة علي قالت بكل حماس : اللــــــــــــه الصراحة خطير .... الله عوض ميثوه الفقيرة .... علي اللي كان منسدح على الكنبة ويقرا الملحق الرياضي ثنى الجريدة ولف على مها وقال باستغراب : ليه هي كانت تبي هوم ثيتر؟؟؟؟؟؟؟؟؟؟؟؟ لفت عليه مها وقالت بشفقة : هوم ثيتر ؟؟؟؟؟؟؟؟ بعد عيني كان خاطرها في تلفزيون حتى لو ابيض واسود المهم تلفزيون ..... علي هنا طوي الملحق وعدلت قعدته ولف يشوف مها وهو يقول بتعجب ؟؟؟؟؟؟ ليه كان خاطرها في تلفزيون ؟؟؟؟؟؟؟ وش تبي تسوي فيه ؟؟؟؟؟؟؟؟ مها اللي جات توقف قدامه قالت وهي تبتسم على سؤال علي : تبي تصور معه .... علي الله يهديك التلفزيون بعد ليه يبونه ؟؟؟؟ عشان يتفرجون عليه .... المسكينة كانت أذا تبي تشوف شيء ولا مسلسل إما في الصالة ولا عندي ... كان خاطرها تقعد على راحتها تشوف التلفزيون في غرفتها بس ما كانت تقدر .... علي اللي شده الموضوع قال باهتمام : ليه ما كنت تقدر تشوف شيء على راحتها في غرفتها ؟؟؟؟؟؟ ردت عليه مها وهي تقوم عشان تطلع وقالت : عشان فيصل الله يرحمه ما كان يحب التلفزيون ولا كان راضي يجيب لها تلفزيون في غرفتهم ........................... فيصل تم ساكت وهو يشوف ميثاء من فوق إلى تحت بنظرات وترتها دنقت تشوف فستانها ورجعت ترفع عينها له وتسأله : ليه تشوفيني كذا ؟؟؟؟ ماهب حلو ثوبي ؟؟؟؟؟؟؟ رد عليها فيصل بعصبية وقال : أكيد انه ماهب حلو .... ما به مره حشيم تفصخ كذا .... ميثاء قالت تدافع عن نفسها وقالت بسرعة : فيصل والله ثوبي ماهب عاري شوف كل شيء به مسكر ... يده طويلة ... ولا به فتحه مثل ما تبي ... قطعها فيصل وهو معصب وقال وهو يشر على فتحت صدر الفستان : ليه يوم تفتحين جيب ثوبس كذا ؟؟؟؟ طلعي بطنس بعد ... تفصخي مره وحده ....... ندى لما شافت ميثاء أسكتت ودنقت رأسها تفكر تشجعت تكمل وقالت : يعني أنتي تشوفينها عدله انك تنامين قدام ريلج بملابس نوم كنتي لابستها لآخوه ؟؟؟؟؟؟؟؟ ميثاء بعد ما أسمعت جملة ندى أرجعت للواقع وبقوة من ذكرياتها .... أرفعت عينها لندى بنظرة استهجان للفكرة في ذاتها وقالت بصوت مخنوق : أنتي وش تقولين ؟؟؟ وش تخربطين ؟؟؟ وش ثياب النوم اللي تبين البسها قدام عليان ؟؟؟؟؟؟؟؟؟؟؟ ردت عليها ندى بنظرة تحدي وهي تقول : ليش اخربط ؟؟؟؟ عليان هذي بعد أسبوع بيكون ريلج على سنة الله و رسوله واعتقد أن هذا شيء من حقه ... أقطعتها ميثاء وقالت بحده : عمره ما هب صاير له ذا الحق ... تدرين ليه لأني مرت أخوة ... وهذا شيء حرام .... قطعتها ندى وقالت وهي تحاول أنها تمسك أعصابها مع ميثاء اللي تتخبط في ألحكي : ميثوه أنتي مرت أخوه الله يرحمه وبعد أسبوع بتصيرين مرته هو ... هو ما هو أخوه الميت ... يعني حلاله هو ما هو فيصل الله يرحمه .... فيصل كان ماضي راح وانتهى .... ندى أسكتت فجأة لما أصدمتها ميثاء وقالت بكل حده : اطلعي برى ... قومي اطلعي برى ...................... وذا الحين التوقعات الله يخليكم لا تحرموني منها صوت وصدى على فكرة انا من ثلاث ايام عندي مشكلة مع المنتدى ما اقدر انزل فيه شيء ياليت يساعدني احد ... ما اقدر اتحكم لا في الخط ولا في النص ... اليوم اشتغل معي شوي وبعدين رجع يخرب ... [/CENTER |
الله يعطيك العافيه
يارب تسلمين ياقلبي بصراحه عجبني احمد ياالله سرعي في زواجه بصافيه اتوقع بيصيرون جناااان بس ميثاء حرام مسكينه محد راضي يفهمها.!!! وش سالفة ساره ليه هي كذا؟ ماعلمتينا عنها شي ومشكوووووووره على ها الجزء .. :flowers2: :flowers2: :flowers2: :flowers2: |
حياتي صوت وصدى
افرحني جدا وجودك في المنتدى والله العظيم اني من منتدى لمنتدى اسجل عضوية عشان القصة سجلت لحد الحين في ثلاث منتديات ليلاس سارق القلوب واليوم سجلت في عز قطر وانا مو البسمة اللى تظنينها ومع ذلك شعرت بفرحه كبيرة عندما خصصتي لي من وقتك ورديتي اكثر مايعجبني في القصة الاسلوب المتبع وكتبتة لك في منتدى عز قطر ان الاسلوب يذكري باسلوب تحفة فنية رحمها الله حيث انكي لم تتبعي الطريقة المعتادة وهي سرد الشخصيات مما ينزع من القصة عنصر المفاجئة لك منى كل الحب والاستعداد لاكون بسمة اخرى معك بس تكفييييييييييييييييين بسافر الاربعاء نزلي الجزء قبل لاسافر ترى بطق فيني عرق وسؤال اخير اي منتدى من المنتديات اللى سجلت فيها تحبين اتابع معة لاني تمرمطت عشان ذالقصة |
السلام عليكم و رحمة الله هلا هلا بالحامل و المحمول جزئين و لا اروع صافية و احمد الله يكمل عليهم بالخير ان شاء الله سارة يا لحقدها المسموم اقتباس:
هل هو فعلا ما ذكر سالم اقتباس:
علي والله ان مو سهل محاولات لالزام ميثاء على اختيار فرش لغرفة النوم بطريقة غير مباشرة اقتباس:
ميثاء لا اعلم كيف تبادر لذهنها ان مرت عمها نورة ستكون يوما ما حليفها اقتباس:
معجزة تمنع زواجها. بروز احد مظاهر حياتها مع فيصل حرمانها من التلفاز و من الملابس الا ما سترها من راسها حتى اخمس قدمها. اقتباس:
الموت هو الفاعل الحاضر الغائب في هذين الجزئين , الخوف منه هو الذي يدفع العم عبد الله و زوجته لقبول جميع طلباته رغم انفهم. اقتباس:
اقتباس:
نتعرف عليه من بعض ذكريات ميثاء و علي , اعتقد سيجمعهما حبه رغم كل شئ . اقتباس:
اقتباس:
موفقة اختي و خدي راحتك في الكتابة المهم ان لا يقل النص عن سابقيه تميزا. |
يعطييييييييييييك الف عافيه اممممممممم بس معقووله يحب مرت اخووه من يوم هو عاايش صدق شي غررريب والاغرب ميثا تبي تصدق ولا لأ وراح تزوجه بعد ولا لأ.؟؟؟؟؟؟؟بلييييييييييييييييييز لا تطوولين علينا كملي بسرررعه
|
ما شاء الله اسلوبك واااااااااايد روعة .. تعيشين الواحد الاحداث و كأنه قاعد معاهم ، مع انك ما توصفين شكل الاشخاص .. و اسلوبك ذكرني باسلوب كاتبه كنت اقرالها و وقفت -ما ابغي اذكر اسمها- بس الحمدلله انه ظهر شخص يكتب مثلها
هاي اول مره ازور منتديات ليلاس و صديقه لي نعتتني عليها .. بس بعد ما قريت قصتك تندمت اني قريتها الحين يا ريتني صبرت يلين ما خلصت ، الحين بتعذب و انا احاتي الاحداث و التطورات الي بتصير على العموم الله يعطيج العافيه و تكمليلنا القصه بسرعه توقعاتي .. و الله ما ادري اذا خيالي واسع بزياده بس اعتقد ان ميثاء بعدها عذراء و فيصل ما كان يقربها لسبب مرضي او اي شي ثاني و هي كانت ساتره عليه عشان جذه كان يحبها .. و علي بيتعلق فيها ازيد بعد ما يتوضحله ها الشي و بتكبر في عينه .. لانها لو كانت ثيب عاديه بتكون احداث القصه عاديه و مافي اي شي مميز يزينها و شكرا يا الغاليه |
... الاميرة ياقوة ... eyes2 ... تسلمون لي عزيزاتي من كل شر يارب ...جوريه حمرا ... الشرف لي يا عزيزتي ... ويمكن ما تصدقيني لكن اقسم لك اني كنت احاول اكتب القصة عشان البسمة في البداية وبعد ما عرفت بسفرك حاول اعجل عشانك لكن ما كان باليد حيله قدر الله وماشاء فعل ... واذا على المتابعة ياعزيزتي في اي منتدى تحبين ويكفيني اني اعلم شرف متابعتك لي ... ... ana ... راقية بأخلاقها ... شكري الكبير لكم عزيزاتي على متابعتة القصة classicoofou والمهلي يا الغلا ... والله يعطيك العافية على التحليل الرائع ... وشكري العظيم على تقديرك لظروفي .... TOMLEDER.... جرح الياسمين .... الله يسلمك ويعافيكم يارب ... الامريكية ... الرائع هو مرورك يا الغلا ... وليه تقولي انك خيالية ؟؟؟ اروع ما في الواقع هو نسمات الخيال ... تابعي معنا القصة ونشوف الى وين ممكن تكون نسمات الخيال اخذتك ... الفصــــــــــــــــــــــــــــــــــــــــــل السابع : ندى أسكتت فجأة لما أصدمتها ميثاء وقالت بكل حده : اطلعي برى ... قومي اطلعي برى ..... ندى ما كانت منصدمة من حكي ميثاء كثر ما كانت منصدمة من عدم قدرته على تقبل الواقع .... وقفت ندى وهي تشوف ميثاء اللي تقرص عينها فيها وقالت بكل هدوء : أنا ما راح أرد على طردتج لي لأني مقدرة ظروفج .... بس أنا بعد ابيج تقدرين ظروفي وخوفي اللي خلوني أقولج اللي قلته .... ميثوه أنتي وافقتي على زواجج من علي وانتي حاطه في بالج فكرة معينة عن طبيعة العلاقة اللي بتكون بينكم وأنا كل خوفي انج بعد الزواج تنصدمين بالواقع .... الواقع أن علي صار ريلج وبيكون له الحق في أي شيء يطلبه لو فكر يطلبه ..... وعلى فكرة علي مكلم فهد عشان اقولج أنكم يوم العرس بتسافرون أسبوعين جهزي شنطتج بيمر عليج بعد عرس الريايل وبيأخذج .... ندى بعد آخر جملة ما طولت لفت بسرعة ومشت للباب عشان تطلع .... قبل لا توصل الباب وقفها صوت ميثاء وهي تقول بكل ثقة : عمره ماهب مفكر يطلب مني شيء ... لأني أن قعدت على ذمته ساعة ولا سنين فيصل بيتم بينا .... لا تخافين .... ندى اللي كانت تسمعها في صمت بس بدون ما تلف عليها بعد ما سكتت ميثاء كملت طريقها للباب وقالت وهي تطلع قبل لا تسكره : أي وقت تحتاجيني اتصلي علي ............... علي قال وهو يقعد جنب فيصل : يومك تحب البزران كذا وتشفق عليهم ليه ما تعرس ؟؟؟؟ ولا تقول لي عشان خاطر ميثاء .... أنت رجال ومن حقك تعرس وتشوف عيالك .... وما أظن عليك انك لو أعرست مره ثانية انك بتظلمها ولا بتنساها .... فيصل اللي كان مدنق يشوف صورة بزر في المجلة رفع عينه لعلي وقال : ادري أني رجال ومن حقي أعرس وأجيب أعيال .... بس كل ما تذكرت علبة النعال الخضرة اللي خاشتها ميثوه تحت سريرنا عفت الدنيا وما فيها ..... يلا ما تبي تدخل ... مها قالت جملتها وهي تفتح باب غرفتها لعلي اللي كان سرحان في الأبواب اللي في الصالة الفوقية .... علي لف عليها وقال : هااااااااا ... مها ردت عليه بابتسامه وقالت : وش اللي هاااااا ما تبي تدخل تطبع أوراقك ... ولا غيرت رأيك تبي انزل لك الطابعة ؟؟؟؟؟ علي قال بسرعة لمها يرد عليها وهو يشر على الباب اللي جنب الدرج : مهوي هذي دار فيصل الله يرحمه صح ؟؟؟؟؟ مها اللي لفت تشوف الباب اللي اشر عليه علي قالت : صح .... رد عليها علي وقال وهو يمشي رايح للغرفة : تعالي أبي أشوفها .... مها جرت علي من يده وقالت : وين رايح الدار مقفولة .... علي قال بسرعة : وين المفتاح ؟؟؟؟؟؟؟؟ عند أمي ؟؟؟؟؟؟؟ مها قالت بتردد : لا عندي .... علي قال وهو يستعجلها : اجل وش تنطرين ؟؟؟؟ روحي جيبي المفتاح بسرعة .... مها قالت بتردد وخوف : علي ما اقدر .... ما يجوز تدخل دار فيصل .... قطعه علي وقال : ليه ما يجوز ؟؟؟؟؟ فيصل الله يرحمه اخوي ماهب رجال غريب .... وإذا على ميثوه انتووا قلتوا أنها أخذت كل أغراضها معها يعني ما به شيء أذا دخلت الدار..... مها ما لقت قدام إصرار علي ألا أنها تفتح له الباب .... علي أول ما انفتح الباب قدامه تخيل للمحة أن فيصل قدامه داخل الغرفة .... لحمة اختفت بسرعة مع دخوله الغرفة .... الغرفة كانت ضيقة كثير .... والسرير الكبير مضيقها أكثر ... الأثاث كان ذوقه قديم واجد ... حتى الستائر قمة الكآبة ... مخمل اخضر ... ما كان في الغرفة شيء ممكن أن يلفت انتباه علي غير عدم وجود جهاز تلفزيون فيها .... علي كان يحس انه في بقعة من الأرض ما تمت لبيتهم بشيء بكل أثاثه الفخم ..... ما تحمل يقعد فيها أكثر لف عشان يطلع .... قبل لا يطلع التفت على مها وقال لها : مهوي روحي أطبعي لي الأوراق بسرعة وأنا بقفل الباب وبجيب لس المفتاح .... علي اللي كان يشوف مها وهي تطلع من الباب لف يشوف السرير قبل لا يرد الباب وراء مها بهدوء عشان يدنق بسرعة يشوف وش تحت السرير .... كان يحس بتوتر وإثارة عشان يلمح العلبة الخضرة اللي كان يسمع عنها من فيصل وعمره ما عرف وش فيها لكن هذا الإحساس تحول لإحباط يوم ما شاف شيء تحت السرير غير الغبار .............. صافية قالت بضيق : سافــــــــر ؟؟؟؟ ردت عليها ندى وقالت بتوتر : فهد راح العمرة اليوم الصبح .... ما كان متحمل اللي يصير .... كان يبي يوقف في ويه أبوه وعمه وعلي ... بس هي ما ساعدته وارفضت ... موافقتها ربطت يده ... والله انه ما كان يرقد الليل من همها .... ردت عليها صافية تستفسر : ما كان يبيها تعرس ؟؟؟؟؟؟؟؟ قالت ندى تشرح لها : بالعكس كان مصر انه لازم تتزوج مره ثانية بعد فيصل الله يرحمه ... بس هو كل اعتراضه على زواجها من علي ... يقول ميثاء ما تستأهل يأخذها واحد مثل علي .... تنهدت صافيه وهي تقول : والله انه صادق ... الله لا يوفقه عليان لو تدرين وش هو مسوي .... ما خلى باقة ورد وكيك وكافي ما طرشه بيتنا ... ولا خلى إهداء ما كتبه على البطاقات بسم (( زوجك المحب علي )) حبته القرادة قولي يالله ... أقطعتها ندى وقالت بسرعة : استغفري ... ماهب زين عليج تدعين عليه ... اطلبي له الهداية ..... صافية قالت بحرقة : ألا بدعي عليه ... الله يأخذه ويفكنا منه .... يحرها .... يدري أن هي مغصوبة عليه عشان كذا يكتب حكي يحرها .... لو تشوفين حالها والله أنها تقطع قلبس ... تبكي طول اليوم وإذا سألتها وش فيها ؟؟ قالت راسي يعورني .... الله يعين باكر وش بيصير .... والله خايفة يصير فيها شيء .... أقطعتها ندى وقالت : فال الله ولا فالج ... بسم الله عليها .... اسمعي أنا باجر من صبح بوادي عيالي بيت أهلي وبايكم ... هي صدق ما كلمتني بس أنا ادري أنها محتاجه لي .. ألا تعالي هم ما قالوا متى الملجه ؟؟؟؟ ردت عليها صافيه وقالت بحزن : عمي محمد دق على أمي وقال لها أنهم بيجون الساعة تسع الصباح ................. ندى قالت بكل استنكار : وشو ؟؟؟؟ راحت الدواااااااااام ؟؟؟؟؟؟؟؟؟؟؟؟ ردت عليها نجله وهي تشوف الباب بتوتر : راحت يا بنتي ؟؟؟ عجزت معها لكن ما به فايده ... غير ما ردت لي الشور أركبت السيارة وراحت مع الخدامة ... ذا الحين دبروني وش أسوي ؟؟؟؟ وش أسوي أذا جو عمامها ؟؟؟ وش أقول لهم ؟؟؟؟ ردت صافيه بسرعة على أمها وقلت تهديها : يمه .. لا تحاتين ... أنا دقيت عليها وقالت لي أنها راحت عشان عندها تقرير مهم بتسلمه .. وبتقدم أجازة و بترجع ذا الحيـــ...... أقطعتها نجله وهي توقف بسرعة يوم شافت السياير اللي أدخلت الحوش وقالت بكل توتر وخوف وينهااااااااااااا؟؟؟؟؟ لو هي بتعود عودت من زمان .... يا فضح عيني وش بقول ؟؟؟؟؟؟؟؟؟؟؟؟؟؟؟؟؟ علي اللي كان مسيطر عليه شعور غريب خليط من نشوة الانتصار والإثارة والتوتر كان آخر واحد وصل بيت عمه سالم بعد ما جاب الشيخ معه ... لفت نظره أبوه وعمه ومرت عمه اللي واقفين قدام باب الصالة بشكل مريب .... قرب منهم والشيخ معه ... دخل الشيخ في المجلس اللي كان بابه مفتوح بعد ما سلم على اللي واقفين جنب الباب .. علي اللي كان يتبع الشيخ بالنظر وهو يدخل شاف خالد وأحمد وسالم اللي قاعدين في المجلس ... لف على أبوه واللي معه يشوفهم ... قرب منهم ... حس بتوترهم ... قال بسرعة يسألهم وهو يقرص عينه : انتم ليه واقفين كذا ؟؟؟؟؟؟؟؟؟؟؟ وش فيكم ؟؟؟؟؟ وقبل لا يفكر أي احد من اللي واقفين في الرد عليه وصلهم صوت هرن السيارة اللي تبي تدخل البيت وعلي مسكر عليها الطريق بسيارته ...... علي سفه السيارة واللي فيها ولف على أبوه وعمه ينتظر ردهم .... لكن صوت الهرن كان مزعج بصورة كبيرة لدرجة أنا اللي في المجلس طلعوا بسرعة عشان يشفون وش سبب ذا الإزعاج في الوقت اللي قال فيه محمد باستهزاء : افزع سو طريق لسيارة العروس .... جات من الشغل ..... علي بعد هذا الحكي لف بسرعة يشوف اللي كانوا واقفين ورآه يشوفون المنظر وبتحديد احمد اللي ما حاول مجرد محاولة انه يخفي ابتسامة الشماتة ....... علي قدام نظرة الشماتة من احمد ما قدر غير انه يقول وبكل هدوء : تفزع لها عيوني ... علي قال جملته وهو يلف رايح لسيارته بسرعة يقدمها عن الطريق ...... أول ما قدم السيارة نزل منها بسرعة وهو يشوف سيارة بيت عمه اللي دخلت بعد ما تأكد أن كل الرجاجيل ادخلوا المجلس ... وقف قدام باب ميثاء بسرعة وافتحه وهو يقرص عينه فيها و يقول : داشه بزفة يا مرت اخوي .... تبين الكل يدريبس انس ماهب في البيت ؟؟؟؟ انزلي ... انزلي ... دواس ماهب ذا الحين .... يصير خير بعدين بعلمس الأدب ... ميثاء اللي كانت في حالة انهيار من الصباح وما لها قدرة حتى على ألحكي ... أرفعت عينها لعلي وهو يتحاكا تسمعه بس بدون ما تفهم منه حرف ... أول ما سكت لفت وجها على الخدامة اللي أنزلت من الباب الثاني وقالت لها : خلي الباب لا تسكرينه ... وأنزلت ميثاء من الباب الثاني وخلت علي واقف وهو فاتح الباب لها يشوفها تنزل من الباب الثاني وتلف من وراء السيارة عشان تدخل البيت بدون حتى ما تشوفه أو ترد عليه ... ميثاء اللي كانت تحس أنها في عالم ثاني ... ما تدري وش اللي خلاها توقف فجأة وتلف على علي وهي تقول : تعال بسالك ... وين شهودك على الصلاة ؟؟؟؟ اسمع ... فرض واحد ما به عليه شاهد ... ما به ملكه ... واخذ جماعتك اللي في المجلس وتوكل على الله ....ولفت بسرعة وراحت تمشي للبيت ولا كأنها قالت شيء أو سوت شيء ... وخلت علي اللي كان واقف في مكانه بكل هدوء ما يتحرك فيه غير جفن عينه اليسار اللي يرجف يشوفها وهو يقول بصوت هامس : ما أني بعلى أبوي أن ما علمتس الأدب ......... ميثاء قالت بضيق : فيصل الله يهديك ... أن وش يدخلني في علي ؟؟؟ عنده أمه تروح تدور له مره وتخطب له .... قطعها فيصل باستفسار وقال : ميثاء أنتي تقولين كذا عشان ما تبين تدخلين في السالفة ولا عشان عيا من اختس ؟؟؟؟؟؟؟؟؟ تنهدت ميثاء بثقل وقالت : تبي الصدق يا فيصل ؟؟؟ ابرك الساعات يوم عيا من أختي .... صفوي فقيرة ولا بتقدر على علي ومشاكله .... قطعها فيصل مره ثانية وقال : ميثوه حدس عاد ... علي ماهب هو اللي ينقال عنه راعي مشاكل .... ميثاء حطت عينها في عين فيصل وقالت بكل هدوء وصوت واطي : فيصل ... علي أبو المشاكل ... ولا ظنتي في أي بنت بتقول عليه قبلت .... صوت الشيخ افزع ميثاء وهو يقولها من وراء الباب : ارفعي صوتك ليسمع الشهود ... هل تقبلين الزواج ؟؟؟؟؟؟ أبلعت ميثاء ريقها بكل صعوبة عشان تقدر تقول كلمة للمرة الثانية وهي ما تدري كيف قالتها أصلاً في أول مره ... حاولت ... حاولت بس الكلمة عيت تطلع ... حل صمت غريب على الجهتين من الباب لما رجع الشيخ وقال بصوت عالي : هل تقبلين الزواج يا بنتي ؟؟؟؟؟؟؟؟؟؟؟؟؟؟ ولما ما لقى الشيخ رد على سؤاله لف على خالد وقال : هل هي راضية عن هذا الزواج ؟؟؟؟؟ سؤال الشيخ هز ميثاء من داخل بكل قوة ... كان ودها تصرخ بعلو صوتها وتقول : ما أبيه ... مااااااااااااا ااااااااااااابيه .... أبي فرقاااااااااااااااااااه .... بس ما تدري وش اللي تكلم فيها ضعفها ولا قوتها؟؟؟ خوفها ولا صلابتها ؟؟؟ وخلها تقول بصوت عالي : راضية ... راضية وموافقة على الزواج ... لكن بشرط ... الصلاة في المسجد كل فرض ما يخليها............ سالم قال بإعجاب شديد : شف مع أن علي ما يهون علي بس ميثاء اليوم أعجبتني كثير ...سوت اللي ما سواه غيرها ... شرشحته إلى آخر لحظة وقدام الشيخ يوم خلته يراجع أوراق الشهود على صلاته مع الشيخ ... رد عليه احمد وقال باستهزاء : حقه وماء جاه ... خلها تصلبه شوي وتدبه ويعرف أن في الثوب مره ... وأحلى شيء سوته أنها راحت الدوام اليوم ... الصراحة لو ما الحرام والعيب حبيت خشمها على ذا الموقف اللي حطته فيه قدامنا ... حسيته بيموت من الحرة بس ما قدر يسوي شيء ... سالم رد عليه بسرعة وقال : اسكت ... أنا قلت علي بيكوفنها بس ما توقعت رده ... احمد قال وهو يبتسم بشماتة : لا تلومه يا رجال ... يرقع وش يسوي بعد ؟؟؟؟ رد سالم وقال بإعجاب : ما لومه الموقف كان محرج خاصة لواحد مثل علي ... لكن في نفس الوقت حبيت ميثاء وقلت خسارة ليتني أنا اللي بأخذها ... أحسها مره راعيت اكشن ماهب على شكلها الهادي ؟؟؟؟ تدري وش في خاطري ذا الحين ؟؟؟؟ رد عليه احمد باهتمام : ويش ؟؟؟؟؟؟؟؟ سالم قال بصوت كله أثاره : أكون معهم إلى دخل علي على ميثاء .... أبي أشوف أللقاء العظيم كيف بيكون ... مها قالت بصوت واطي : علي ماهب داخل ويقول يبيها تطلع له هو ينطرها في السيارة عشان يرحون المطار بسرعة خليها تطلع عشان تسلم على مرت عمي وبنتها في المجلس قبل لا تروح ... هم بعد ينطرونها .... صافيه شافت باب غرفة ميثاء بنظرة خوف سريعة ورجعت تلف على مها وهي تقول : ادري أنهم ينطرونها.... بس هي ما بعد برزت يبي لها شوي ... ابتسمت مها ببراءة وقالت : يا حبيبتي كنت عارفه أنها تتعدل ومشغولة عشان كذا ما بغيت ادخل عليها وأزعجها ... بس ذا الحين لازم تطلع علي ما يحب ينطر كثير.... مها قالت آخر جملة وهي تلف على باب غرفة ميثاء بسرعة وتفتحه .... راعها المنظر اللي شافته ... ميثاء كانت قاعدة على الأرض جنب شنطة ثيابها .... حاضنه علبة خضره بقوة بين أيديها وهي تبكي بحرقه وندى تحاول تهديها .... أركضت لها مها ولمتها وهي تقول بخوف: ميثوه وش فيس يا بعد عمري ؟؟؟؟؟؟؟ ميثاء اللي كانت تبي في ذا اللحظة أي احد من ريحة فيصل من حست بيد مها تلمها أرفعت صوتها المخنوق بالبكي وهي تقول : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه يا فيصل .... فيصل مات ... مااااااااااااات ... مااااااااااااااااااااااااااااااااااات واندفن الليلة .... مااااااااااااااااااااااااات.......آآآآآآآآآآآآآه يا فيصل .................... علي أول ما شاف اسم فيصل تروع و رد عليه على طول وهو يلف يشوف الساعة اللي معلقة على الجدار ... شاف الساعة أربع الفجر وهو يقول : هلا فيصل ... فيصل رد عليه بصوت خنقته العبرة وقال : علي ... علي أنا تعبان ... علي لما شاف فيصل سكت فجأة بعد ألحكي اللي قاله قال بخوف وصوت عالي : فيصل وش فيك ؟؟؟؟ فيصل ؟؟؟ فيصل رد على ؟؟؟؟ فيصــــــــــــــــــــــــــــــــل ....فيصل قال بصوت باكي : علي أنا تعبان ولا به احد بيريحني غيرك .... اقطعه علي وقال بسرعة : فيصل لا تدخل العمليات اليوم ... اجل العملية وأنا أن شاء الله على أول طيارة بجيك ... فيصل قال بصوت تعبان وحزين : ما هي العملية اللي تعابتني .... علي أنا خايف على ميثوه ... خايف عليها أذا صار فيني شيء تنضام .... علي بعد ما عرف سبب توتر فيصل تنهد بارتياح خفي وقال : أن شاء الله ما هب صاير عليك شيء ولا هي بمنضامه ... الله يهديك يا فيصل .... مقومني من فجر الله عشان تفاول على عمرك وتقول لي أحاتي ميثوه وخايف عليها ... كنك ألا بتروح الحرب ماهب مسوي عملية بواسير... اقطعه فيصل وقال والعبرة خانقته : علي داخل على الله ثم عليك تقول تم .... علي يوم سمع صوت فيصل رجع يبكي قال بسرعة : تم ... كل اللي تبه تم وأنا أخوك .... فيصل بعد ما سمع رد علي قال بارتياح : علي أنت ما تدري وش غلاة ميثوه عندي ؟؟؟ هي كل شيء حلو تمنيته ...عشان كذا أنا خايف عليها ... خايف لو صار فيني شيء تضيمها الدنيا والناس وأولهم أمي ... علي لا تخلي احد يضيمها أو يكدر خاطرها ... علي ميثاء غلاتي ومعزتي وكرامتي ووصاتي لك يا علي أذا صار فيني شيء تعرس وتأخذها .... علي تروع من صوت باب السيارة اللي أفتحته مها فجأة ..... لف عليها بسرعة يشوفها وهي تقول : علي الله يخليك صبر شوي ... بتسلم على مرت عمي محمد وبتطلع .... علي اللي كان يشوف مها لف على بيت عمه يشوف باب المجلس اللي الكل واقف قدامه وميثاء اللي جايه تمشي مع ندى وأمها بعد ما سلمت عليهم .... وخرت مها عن الباب عشان تركب ميثاء اللي ركبت بكل هدوء جنب على اللي نزل يسلم على مرت عمه وهو يحس بنار شابه فيه .... منظر ميثاء اللي ما تغير من آخر مره شافها فيها الصباح أزعجه ... كانت بنفس النقاب والعباية و الشنطة اللي جات بهم من الدوام ما كأنها عروس ولا تغير فيها شيء .... كان متضايق بصورة غريب واعتبر هذا الشيء تحدي منها له .... ركب السيارة وهو يقول في خاطره .... نفذت الوصية يا فيصل وأخذتها ... نفذتها ولا بأخلي الدنيا والناس تضيمها وتكدر خاطرها .... لكن أنا ماهب على أبوي أن ما علمتها الأدب .......................... من طلع علي بالسيارة من بيت عمه والسكون مخيم على السيارة ... ما كان بينه وبين ميثاء أي حكي ... ولا حتى واحد فيهم لف يشوف الثاني .... ميثاء اللي كانت متحاملة على نفسها عشان ما تبكي قدام علي وتبين له ضعفها انهارت فجأة أول ما سمعت أغنية محمد عبده اللي شغلها علي ((تصدق علوم )) .... لفت غصب عليها تشوف علي اللي كان يدندن الأغنية بكل استطراب ودموعها تسيل بكل ضعف ..... حست بوحشه ما تنوصف وقف شعر يدها منها .... انكمشت على نفسها ولصقت في الباب وهي تشد على جوالها اللي في يدها بعد ما غمضت عينها ... يمكن صورة فيصل اللي في الجوال تونس وحشتها ..... ميثاء اللي بكت إلى أن غفت عينها ما توعت ألا على صوت هرن سيارة علي .... تحركت بفزع يوم شافت الظلام يلف السيارة .... أول فكرة جات في بالها أنها تحلم ... والفكرة اللي تلتها بعد ما شافت علي هي انه قرر يذبحها عشان كذا قالت بسرعة وبخوف : وش بتسوي ؟؟؟؟؟؟؟؟؟ لف عليها علي وقال بكل هدوء مشبع بالاستهزاء : وش بسوي ؟؟؟؟ صح النوم ... بدخل السيارة ... ميثاء بعد كلام علي لفت تشوف الباب اللي يفتحه الهندي قدامهم .... كانت لحظات قبل لا تستوعب أنهم في الشاليه .... لفت على علي بسرعة وقالت باستغراب وخوف : أنت ما قلت أن حنا بنسافر ؟؟؟؟؟ ليه جيت هنا وما رحت المطار ؟؟؟؟؟؟؟؟؟؟؟؟ علي اللي كان يشوفها تتحاكا بكل هدوء رد عليها وقال : وأنتي من كل عقلس أتضنين أني بدفع تذاكر واخسر على السفر عشان اقبل وجهس اللي ما حلاه ربي ... الظاهر انس صدقتي عمرس انس عروس .... على قال آخر جملة وهو يدخل السيارة ..... أول ما وقف علي السيارة أنزلت بسرعة منها كانت تبي تبعد عنه بأسرع وقت وبأي طريقة ... بس اللي لفت نظرها الهندي اللي فتح لها الباب وهو يبتسم بخبث وهو اللي ما قد رفع عينه فيها على قد ما شافته في الشاليه... زادت وحشتها من الناس والمكان ... أفزعت أول ما صرخ علي على الهندي وقال : وش تسوي واقف هنا ؟؟؟؟؟؟ انقلع ولا عاد أشوفك تقرب منها ... ذبحتك .... الهندي اللي اختفت ابتسامته وكش بعيد عن ميثاء ارتبك وتلخبط لما صرخ علي مره ثانية وبعصبية اكبر : من قال لك نفتح هذي الغرفة ؟؟؟؟؟؟؟؟؟ ميثاء لفت تشوف الغرفة اللي جنب غرفة الهندي عند الباب واللي معروف عند الكل أنها غرفة خاصة بأغراض علي ولا احد يدخلها وهي تسمع الهندي يقول يبرر موقفه : بابا أنت سوي كلام افتح بيت ... سو ترتيب ... أنا افتح غرفه سوي ترتيب سيم سيم كلش تايم ... علي قال بعصبية وهو رايح للغرفة يسكر بابها : أنا قلت لك البيت يا حمار ما قلت لك الغرفة ... انقلع افتح البيت ودخل الشنط ....على قال آخر جملة وهو يقفل الباب بالمفتاح ويحطه في مخبأه .... الهندي ركض يفتح البيت وهو مرتبك وحاير .... ميثاء اللي كانت واقفة جنب السيارة تشوفه وهو ينزل الشنط لفت على علي اللي قال وهو واقف على باب البيت : وأنت وش عندس واقفة تخايلينه كذا ؟؟؟؟ ادخلي أشوف قدامي ... ميثاء اللي كانت تتمنى أنها تبات في الشارع ولا تقعد دقيقة وحده مع علي في مكان واحد ما لقت قدامها غير أنها تدخل البيت.... أبلعت ريقه بصعوبة وأدخلت البيت وهي تجر رجلها جر ... أول كرسي لاقاها من الباب أقعدت عليه وهي تشوف علي اللي فصخ غترته وحذفها على الكرسي وهو يقول للهندي يرفع الشنط فوق ويحطها قدام الغرف ... أول ما طلع الهندي سكر باب البيت ورآه ... أحقدت عليه ميثاء من كل قلبها ودعت على يده بالكسر وهي تلف بحذر شديد وتشوف على اللي انسدح على الكنبة قدام التلفزيون واخذ الريموت يفرفر فيه ولا كأنه يشوفها .... ميثاء اللي تمت في صمت بلا حركة مدة ساعة كاملة وهي تشوف علي يغفي على الكنبة تنطره يرقد..... أول ما شافت الريموت ابتداء ينثني في يد علي صوب الأرض ... أعرفت انه رقد .... تنهدت بارتياح وقررت أنها تركب لغرفتها اللي دايم تقعد فيها مع فيصل إلى جو كلهم للشاليه وتقفل على عمرها الباب .... مرت من قام علي بكل هدوء تقدر عليه عشان ما يتوعى .... أول ما حطت رجلها على الدرجة وقفها صوت علي اللي قال : وين بتروحين ؟؟؟ أبي عشاء ... ميثاء لفت عليه بخوف وقالت بصوت مهزوز : وأنا ما أبي .... علي قال بكل هدوء : ومن اللي اسألس تبين ولا ما تبين ... أقول لس أنا أبي عشاء يعني روحي اطبخي لي عشاء .. أقطعته ميثاء وقالت باستفسار : وش هووووو؟؟؟ عشاء؟؟؟؟؟ وش العشاء اللي تبي اطبخه الساعة وحده الفجر ؟؟؟؟؟؟؟؟؟ علي اللي كان منسدح على الكنبة ومغمض عينه فتح عينه ورفع رأسه لميثاء يشوفها وهو يقول بكل هدوء : كبســــــــــــــــــــــــة ..... ميثاء اللي كانت تشوفه قرصت عينها فيه وهي تسمعه يقول كبسة وقالت : وتبي الكبسة على خروف ولا حوار؟؟؟؟ وش ذا الكبسة اللي تبيه الفجر ؟؟؟ الاوله ما به أغرض للطباخ والثانية ما اعرف اطبخ ... ولفت عشان تركب الدرج ... ما مداها ترفع رجلها ألا و صوت علي اللي قعد على حيله يوقفها وهو يقول : الاوله لعادني احاكيس ما تلفين وتروحين عني ... توقفين قدامي ألا أن اخلص حكي ... وأول ما شاف ميثاء تلف عليه كمل وقال : وسالفة ما عرف اطبخ ماهب علي .... دوري غيرها ... والثانية أذا ما به أغراض ... شوفي وش الناقص وأنا بروح أجيبه لس ذا الحين .... أقطعته ميثاء بسرعة وقالت : دامك بتروح تجيب أغراض الطباخ ذا الحين ... اجل الله لا يهينك روح واشتر لك كيسة خبز أبناني مع غرشة جبن كرفت و غرشة جام وتعشى ابرك لك من انك تحلم بالكبسة الساعة وحده الفجر ......... ارجوكم توقعاتكم الرائعة لا تحرموني منها |
يامرحبااااااااااااااا مليوووووووون بالجزء واللي كتبته..
اولا انا ماخليت موقع من المواقع اللي فيها القصه الا وزرته وحست فيه على جزء جديد واخيرااا لقيته هنا... واحس ان الاحداث توها تبدا.. وميثا رهييييييييبه في صلابتها خلها عليه ولو ان علاوي يعجبني واحبه بس بعد يبغى شويت تاديب.. واعتقد ان ميثا هي اللي بتادبه وتجيبه على راسه..ورحمتها لما قامت تصيح على فيصل آآآآآآآه حزنتيني.. وعلي مغرووووووووور بس يهبل يعجبني ولو ان مافيه بقولهم شئ زين بس بعد يعجبني..لان واضح انه طيب ويعز فيصل كثير... بس ماحبيت سالفة الغرفه اللي يجهزها الهندي لانها تدل على انه راعي بنات.. سالم يعجبني وحبيته من الاجزاء اللي يمرمط فيها ساروه الكريهه...ومت من الضحك لما قال انه يتمنى يحضر دخلتهم... اما فيصل فاعتقد ان عمليته كانت لانه عــــــــاجز مو بواسير..لان العيب منه مو من ميثا ايه صح بسألك الحوار اللي دار بين ميثا وعلي في الشاليه وهي متغطيه والا كاشفه ما بينتي؟؟؟؟؟ لان ودنا نعرف انطباعه عن شكلها... ايه ذكرت وطلب علي للكبسه يااااااا اهو رايق على الاخر.. بس بعد ردها روعه من بعد الكبسه ياكل خبز وجبن... واخيرا لا تطولين علينا والله الله با البارت الطويل والاكشن... ومشكووره على البارت الحلو.. وتسلم يديس اللي كتبت هالقصه الرهيبه.. |
اولا مشكوره على البارت الصراحه الاكشنات الي صارة ووووووايد فضيعه ومشوقه بس الصراحخه كان مره قصير
الصراحه باين على هصندوق الاخضر فيه انقلاب الاحداث وبايان على علي مب بالانسان الي وايد سيء لانه كان انفذ وصيت اخوه اهو صح الطريقه الي نفذفيها الوصيه فيها نذاله بس انا متوقعه ان ميثاء اهي الي بتعلمه الادب مو العكس وانتضرج يااخت العزيزه والغاليه صوت صدى في بارت يديد بالسلوبح الرائع وحبكتج الممتعه لأحدلث الروايه وشكرا متابعه بصمت |
الله يعطيك العافيه
يارب بصراحه اتوقع ما يعديها لها يمكن يعطيها كلمتين في العظم ولا يصفقها كف وبس وتسلم يدك ولا تطولي علينا بس تكفين طلبتك وقولي تم الجزء الجاي طوليه اذا تقدرين لا حظي ( اذا ) و زوجي أحمد وصافيه احس وراهم أكشن واسمحيلي على كثر الهرج و اذا ماعجبك الحكي ولا كني كتبت شي ومشكوووووووووره |
رهييييييييييييييبه القصه ,, غاليتي صدى
ما ادري ليه احس,, مشكلت ميثاء مو بعلي ولا فيصل نفسه ,,, احسها بالحياه الي كانت عايشتها مع فيصل ,, اكيد فيه شي,, وخايفه علي يعرفه,, حماااااااااااااس ,, عقواًً بس ممكن نعرف المواعيد الي تنزلين فيها البارت ,, والف شكر على مجهووودك . |
عزيزتي أميرة البحر
بالاشاره الى كلامك حاب اوضح لك أن منتدى ليلاس يرحب و يهتم بكل عضو يجد في نفسه موهبة كتابة القصص وكما هو واضح انه يضم أكثر الأعضاء موهبة و ثراء في عالم القصه لذلك ارجو منك أحترام المنتدى الذي أتاح الفرصه لكل صاحب موهبه لعرض موهبته و عدم انتقاصه و مقارنته بالمنتديات الأخرى مع أحترامنا لها وتقبلي فائق احترامي |
اعزائي ادري اني تاخرت عليكم كثير لكن لم يكن في الامكان اسرع مما كان الصراحه في خاطري الرد عليكم واحد واحد ... ما ابي اطول عليكم بالقصة اكثر من كذا .... اخليكم مع الجزء الجديد .... الفصــــــــــــــــــــــــــــــــــــــــــل الثامن : ميثاء كانت تحس أنها بتنفجر وهي تسمع علي يتحاكا ... ما استحملت و أقطعته بسرعة وهي تقول : دامك بتروح تجيب أغراض الطباخ ذا الحين ... اجل الله لا يهينك روح واشتر لك كيسة خبز أبناني مع غرشة جبن كرفت و غرشة جام وتعشى ابرك لك من انك تحلم بالكبسة الساعة وحده الفجر ... قطعها علي وقال : وذا قلت لس انس بتطبخين الكبسة الساعة وحده الفجر غصب عنس ماهب كيفس ؟؟؟؟؟ ردت عليه ميثاء بهدوء يغلفه التحدي وقالت : بقولك تصبح على خير ... ولفت بسرعة تركب الدرج بكل ثقة ولا كأنها تشوف علي اللي اصدمه ردها وخلاه يجمد في مكانه ما يتحرك فيه غير جفن عينه اليسار اللي يرجف ..... لف على التلفزيون وقام يفرفر بعصبية بعد ما اختفت ميثاء من على رأس الدرج وهو يصر على أسنانه ويقول : بنشوف من يضحك في النهاية يا العروس ......... ميثاء أول ما أركبت الدرج أخذت شنتطها ودخلتها غرفتها اللي دايم تقعد فيها مع فيصل .... ارتاحت لما لقت المفتاح في الباب ... أقفلت الباب بسرعة وهي تحس بفرحة الانتصار على علي .... كانت تحس بإرهاق وتعب نفسي أكثر منه جسدي وهي تفصخ النقاب وتتنهد بعمق ... جرت الشيلة ورمتها جنب النقاب على السرير و انسدحت بالعباية وهي تحمد ربها على أن هذي الليلة طافت على خير .......... ندى قالت بتوتر : ما كلمتكم بعد ما راحت ؟؟؟؟؟؟؟؟؟ ردت عليها صافيه بتوتر وخوف : لا والله وهذا اللي مخوفني .... أنا قلت لها من توصلين المطار دقي علي .... أقطعتها ندى في محاولة منها أنها تخفف عنها وقالت : شوفي هي مدام ما اتصلت يعني أن شاء الله خير ... لان عدم اتصالها معناه أن علي ما ضيق عليها في شيء ... وبعدين يمكن وصلوا المطار متأخرين ولا مداهم ... سيده اركبوا الطيارة ... لا تنسين أن ميثاء تأخرت وأيد عليه وحنا نحاول نهديها .... ردت عليها صافيه باستفسار : تظنين ؟؟؟؟ قالت ندى بثقة : ألا متأكدة ... أنتي لا تحاتين وان شاء الله أول ما بتوصل بتتصل عليكم ..ألا تعالي مهوي ما قالت لج وين بيسافرون ؟؟؟؟؟ ردت عليها صافية بحيرة : مهوي ما تدري ... تصدقين ما علم احد وين بيروحون ... وهذا اللي مخوفني ................ ميثاء اللي كانت متوترة بصورة ما خلتها تنام مرتاحة توعت على صوت سيارة تشتغل .... راحت بسرعة تطل من الدريشة تشوف وش السالفة .... شافت سيارة علي تشتغل والباب حق الشاليه مفتوح .... فجأة حست بخوف شديد لما استوعبت الفكرة ... علي بيروح وبيخليها بالحالها هنا .... وزادت وحشتها لما تذكرت شكل الهندي ونظراته يوم يفتح لها باب السيارة أول ما أوصلوا ... تلخبطت ما أعرفت وش تسوي ... واللي خلاها تهدى شوي وتتنفس بارتياح علي اللي سكر السيارة ونزل شايل في يده أكياس ... حطهم على شنطة السيارة وراح للباب يسكره ... أرخت ميثاء الستارة بسرعة لما شافته جاي للبيت خافت يشوفها .... بعد ما ارتاحت أنها ماهب في البيت بالحالها انتبهت للوقت كانت الساعة خمس الفجر ... توضأت وصلت الفجر ... ورجعت تنسدح مره ثانية على السرير تحاول تنام لكن اللي نغص عليها هذي المره هو بطنها اللي يغروج من الجوع ... تقلبت يمين ... يسار ... ما به فايده ... شعور الجوع سيطر عليها خاصة أنها صار لها كم يوم ما تأكل شيء .... بعد ما أسمعت ميثاء صوت باب الغرفة اللي جنب غرفتها يتسكر قررت أنها تنطر شوي قبل ما تنزل تشوف لها شيء في المطبخ لان علي شكله جاب معه أغراض ... ابتسمت ميثاء بتلقائية لما تخيلت أن اللي في الأكياس هو الخبز اللبناني وغراش الجبن والجام ........ نورة قالت بعصبية : هذا أولها ...الله يعين على تاليها مع بنت أنجيله ... ما بعد طاف عليها يوم معه وقلبته علي ولا خلته يدق لي ... قطعها عبدالله وهو يقول بهدوء : يا بنت الحلال ماهب زين عليس ظن السوء ... وبعدين يوم ما دق عليس كان دقيتي أنتي عليه ... أقطعته نورة بسرعة وهي تقول بتوتر : وأنت تحسب أني ما بعد دقيت ؟؟؟ غير تلفونه مسكر ... قطعها عبدالله وقال بسرعة : هاااااااااااااا شفتي ؟؟ مسكر .... أكيد في الطيارة ما بعد انزلوا منها ... نورة قالت بخوف : أي طيارة من الساعة 12 إلى الساعة خمس الفجر ؟؟؟؟ عبدالله قال باستفسار : هو ما قال لس وين بيسافرون ؟؟؟؟ نورة قالت : عي ما علمني ... أنت ما قال لك ؟؟؟ عبدالله قال : هو ما قال لي ... لكن اسمع المصري يوم دخل علينا في المكتب يقولها تذاكر اسبانيا بارزة .... نورة أقطعت عبدالله بخوف وقالت : يا طر جيبي .... اسباااااانيا ؟؟؟؟؟؟؟ في أي بلد ذي ؟؟؟؟؟؟؟؟؟؟؟؟؟ ميثاء كانت قاعدة على السرير بكل هدوء وهي فاتحه عينها بتركيز تشوف فيصل اللي واقف قدامها وهو يقول : أمي و أبوي ... لا تغطين قدامهم ... بس أخواني ما يجوز يشوفون شعرس و وجهس .. لازم تغطين عنهم ... فهمتني ؟؟؟؟ ميثاء أشرت برأسها بسرعة أشارة نعم ... ابتسم فيصل وهو يشوفها وقال : زين اجل أنا بقول لامي تعطيس برقع عشان تلبسينه ... ولا تطلعين من دارس ألا و أنتي لابسته ولابسه جلال يلفس ... سمعتي ؟؟؟؟ ميثاء قالت بكل أدب واحترام : أن شاء الله ... بـــــس ... فيصل يوم شافها مترددة قال : بس ويش ؟؟؟ ردت عليه ميثاء بتوتر : البس برقع بعد في المدرسة ؟؟؟؟؟؟؟؟؟ فيصل هنا ما قدر يستحمل براءة ميثاء ... انفجر بالضحك ... ولما شاف خوفها قال بكل حنان : لا ما تلبسين برقع في المدرسة ... في المدرسة مع خوياتس ما به رجاجيل ... بس أذا جيتي بتطلعين تلبسين عباتس وتغطين لأنس صرتي مره ذا الحين ... ميثاء لما حست أنها أفهمت قالت وهي تبتسم : أن شاء الله ... قعد فيصل جنبها وهو يقول : بس ما اوصيس ... ما تطلعين من دارس ألا وأنتي متغطية ... وخاصة قدام أخواني .... ردت عليه ميثاء بملامح كلها جدية وقالت : أن شاء الله .... ميثاء اللي قالت أن شاء الله بصوت مسموع بدون ما تحس بنفسها حست أن العبرة تخنقها وهي تشوف نفسها في المنظرة حقت التواليت ... أبلعت عبرتها ولفت على شنطتها وطلعت منها جلال ألبسته على النقاب ولفت على المنظرة تشوف نفسها مره ثانية وهي تقول بصوت مخنوق : أن شاء الله ....... أفتحت ميثاء باب غرفتها شوي شوي ... طلت برأسها لقت أبواب الغرف اللي فوق كلها مسكرة .... تنفست بارتياح لان مادام البيت هادي معناها علي رقد .... طلعت من غرفتها بكل هدوء ... نزلت الدرج بهدوء اكبر وهي توقف كل درجه وتشوف رأس الدرج ورآها ... لا يكون واعي و ينطرها تطلع من الغرفة ... عزمتي تسوين الكبسة ؟؟؟؟؟؟؟؟؟ صوت علي اللي جاي من الصالة تحت افزع ميثاء بطريقة خلتها تتجمد مكانها للحظات .... أول ما قدرت تسيطر على نفسها لفت عليه .... كان قاعد على نفس الكنبة اللي رقد عليها في الليل ... بس ذا المره كان شكله متغير ... شعره مبلول شكله توه سابح ... لابس بدلة رياضة ... وحاط الخبز اللبناني و غراش الجبن و ألجام قدامه على الطاولة قدامه و يأكل ..... ميثاء برغم صدمتها من وجود علي في الصالة ألا أنها ما قدرت تقاوم نفسها ما تبتسم على شكل علي والخبز و ألجام والجبن قدامه .... لكن ابتسامتها اختفت أول ما رفع علي عينه لها وقال : جبت كل أغراض الكبسة حطيتها في المطبخ ... تبين فطور ... روحي سوي لعمرس كبسة ... أنا ما عاد أبي الحمدلله تريقت .... علي قال آخر جملة وهو يشر بيده على الطاولة قدامه ... ميثاء اللي كانت قد أنزلت الدرج وقفت تشوفه وهو يشر بيده وقالت ترد عليه بسرعة : ليه قالوا لك عني فيليبينية ... أتريق عيش ؟؟؟؟ لا وكبسة بعد ؟؟؟؟؟ قطعها علي بسرعة وقال : لا محشومة يا مرت اخوي ... بس عاد هذا اللي موجود .... وش نسوي ما به ألا عيش ؟؟؟؟؟ ردت عليه ميثاء بتساؤل وقالت وهي تشر على الطاولة قدامه : وهذا وش هو ؟؟؟؟؟؟؟ علي نزل عينه على الطاولة ورجع يرفع عينه لها بنظرة خبث وقال : لالالالا ... هذا عشاي ولا نسيتي ؟؟؟؟ ولا تفكرين فيه مجرد تفكير ......لأنه أن شاء الله بيكون غداي أذا ما به غداء كبسة .... علي قال آخر جملة وهو يغمز بعينه لميثاء اللي تشوفه وهي تغلي من الغيض عليه وماسكه أعصابها بالقوة وهي تشوفه يلم كيسة الخبز و غراش ألجام والجبن ويحطها في الكيس ... أول ما وقف قال : جوالس على التلفزيون طاح منس البارح في السيارة وأنتي راااااااااااااااااااقدة .... علي اللي حاول يغيض ميثاء ويفقدها أعصابها بكل طريقة يقدر عليها بمزاجه الصباحي المتعكر ... زاد تعكره لما ما شاف منها أي رد فعل على حكيه .. كل اللي الله قدرها عليه لفت تشوف الجوال بكل هدوء ورجعت تشوفه بنظرات احتقار .... علي اللي تقبل نظرتها بكل هدوء ما كان يتحرك فيه غير جفن عينه اليسار اللي يرجف بطريقة ما تعكس البركان اللي داخله .... ما حس بنفسه ألا هو واقف قدامها بخطوة واحده وهو يقول بكل قوة وتحدي وهو ماسك طرف جلالها من صوب الكتف ويهزه : أنتي وش قوات ذا الوجه اللي فيس ؟؟؟؟ على طاري الوجه ... إلى متى بتمين مغطيه وجهس اللي ما حاله ربي عني .... ميثاء اللي شلها الخوف من هجوم علي عليها وصراخه في وجها لأول مره كذا نزلت عينها بسرعة تتجنب النظر في عينه ودنقت رأسها ... كانت لحظة ويمكن اقل من لحظة اللي استغرقتها ميثاء يوم دنقت وغمضت عينها تقطع اتصال نظرتها بعلي ما كانت مصدقه اللي شافته ... نقابها وجلالها في يد علي .... أول ما شافت هذا المنظر أرفعت يدها بحركة لاإرادية لشعرها تمسكه ... حست أنها ماهب قادرة تتنفس عبرتها خانقتها وهي تسمع علي يقول : لا تنسين أني رجلس وأنا اللي حكي يمشيــــــــــــــ ... علي قال جملته وهو يشوف رأس ميثاء اللي مدنقته وهي ماسكه شعرها بيدها ... ميثاء مع صراخ علي مره ثانية عليها نزلت يدها بسرعة لوجها وغطته بيديها الثنتين وركعت على الأرض تحاول تلتمس الأمان منها ... على اللي حس أنها تعانده إلى آخر لحظة ... قعد قدامها على الأرض ومسك يديها يجرهم من على وجها وهو يقول : افتحي ايديس ... أصرخت ميثاء وهي تقاومه : لالالالالالا ... علي قال وهو يبعد يدها اليمين عن وجها : ألا .... وأول ما ابعد اليد اليسار أصرخت ميثاء في وجهه فجأة وقالت : فيصل ما يرضى انكشف عليكم ... علي حس حكيها كان مثل الماس الكهربائي يسري من أصابع رجله إلى شعر رأسه وهو يشوف عيون ميثاء اللي غرقانه في بحر دموعها منظرها ادخل الخوف في قلبه فجأة وحس انه ارتكب جريمة بشعة باللي سواه ... ترك يدها وقام بسرعة من قدامه ... طلع من البيت بكبره وخلى ميثاء في مكانها في حالة انهيار .............................. مها قالت بتوتر : حتى انتووا ما كلموكم ؟؟؟؟؟؟ ردت عليها صافيه وقالت : لا والله وحنا نحاتيهم من ما طلعوا ... ألا ما تدرون وين راحوا ؟؟؟؟ قالت مها بمرح : اوعدناااااااااااااااا يا رب ... أبوي يقول اسبانيا .... قطعتها صافيه بخوف وقالت : زين أكيد يمديهم وصلوا من زمان قد الساعة وحده الظهر ؟؟؟؟ اجل ليه ميثوه مسكره تلفونها ؟؟؟ ردت عليها مها وقالت : والله ما ادري حتى أمي تحتي علي كثير ولا قدرت تقعد عند ساروه في المستشفى .... صدق تعالي ما علمتس ... حماتس ربت جابت بنت .... ردت عليها صافه وقالت : على البركة ما جاكم وتستأهلون سلامتها ... بس البارح هي عندنا ولا كان باين عليها ولادة يعني .... قطعتها مها بسرعة وقالت : صافيه اسمحيلي ادري أنها حماتس بس بقول اللي في قلبي ... يا أختي من اللي في قلبها على ميثوه ألا تجي وتشوفها يوم عرسها مع أنها تعبانه ومن يومين في بيت أهلها ... ابتسمت صافية غصب عنها على طريقة مها في ألحكي وقالت : وأنا بعد ادري أنها مرت اخوس بس عادي اخذي راحتس .... مها قالت بجديه : تعاااااالي ... نسينا شيء ... ترها بنت عمنا .... يعني لازم نتحاكا فيها ... مها قالت آخر جملة وهي تضحك ......... ميثاء أول ما طلع علي من البيت أركبت الدرج تركض بسرعة لغرفتها .... أقفلت الباب بكل قوتها وهي سكرانة من البكي ... جرت نفسها للسرير وقعدت عليه ....أمسكت الوسادة .. حضنتها وهي تبلع عبراتها اللي زادت وهي تسمع في رأسها صوت ندى تقول : (أنتي وافقتي على زواجج من علي وأنتي حاطه في بالج فكرة معينة عن طبيعة العلاقة اللي بتكون بينكم وأنا كل خوفي انج بعد الزواج تنصدمين بالواقع .... الواقع أن علي صار ريلج ) ... وصوت علي اللي كان يرد على حكي ندى ويقول : ( إلى متى بتمين مغطيه وجهس عني ) ....... (الواقع أن علي صار ريلج و له الحق ) ........ ( لا تنسين أني رجلس وأنا اللي حكي يمشي ) .... صوتهم كانت يضرب في رأسها بألم شديد مثل ضرب طبول الحرب اللي تعلن عن الانفجار العظيم لدموعها خاصة بعد ما حست بالمصيبة اللي حطت نفسها فيها ... بكت وبكت .. بكت إلى أن نامت من كثر ما البكي ... ولا قدرت توعى وتفتح عينها ألا بصعوبة كبيرة ... كانت ترمش بعينها تحاول تستوعب المكان والزمان .... ولما استوعبت شافت أن الإضاءة في الغرفة صارت مظلمة شوي .... أرفعت رأسها تشوف الدريشة ... كان في نور .... أرفعت يدها تشوف الساعة ... كانت الساعة أربع العصر ... تضايقت ميثاء كثير أن صلاة الظهر فاتتها ... قامت بصعوبة عشان تتوضأ وتصلي .... وما كان فيها طاقه لأي حركة خاصة بعد ما رجع أحساس الجوع يضربها أول ما فتحت عينها .... الفكرة اللي كانت مسيطرة عليها طول ما هي تصلي أنها أول ما تخلص صلاة تتصل على أمها تجي تأخذها من هنا .... بعد ما خلصت صلاة على طول قامت تدور الجوال في شنطتها تذكرت انه على التلفزيون في الصالة تحت .... بدلت قلابيتها وألبست وحده جديدة وطلعت جلال جديد لان جلالها ونقابها بعد في الصالة تحت .... وقفت قدام الباب وهي تحس بدوخة ... تنهدت بقوة وغطت وجها بالجلال وفتحت باب غرفتها ... الخوف كان مالي قلبها أن يكون علي قاعد في الصالة اللي فوق و ما حست بنفسها ألا وهي على وجها في الأرض .... تعثرت رجلها في شيء عند الباب ... عدلت قعدتها وهي تفرك يدها اللي أوجعتها .... نزلت الجلال تشوف هي في ويش أعثرت .... كانت صينية صغيره ... محطوط فيها دله و بيالة وصحن مغطى بقصدير .... استغربت ميثاء من الصينية واللي فيها .... قربت منها أكثر وما تدري وش اللي دفعها أنها تفتح الصحن ... فضولها ولا جوعها ؟؟؟؟؟ كان فيه 4 سندوتشات جبن و جام .... قررت أنها ما تأكل منه لان أكيد ما به احد حطه هنا غير عليان .... وش يقصد يعني من ذا الحركة ؟؟؟ كسرت خاطره ؟؟؟ ولا شافني ابكي وقال كسرتها ... يهبي ألا هو يكسرني .... أنا عندي كرامه ... الصباح بيخشه عني وذا الحين حاطه لي على الباب كني كلبه على الباب ... يقط عليها الفضلة .... قرار ميثاء وكرامتها تبخر في الهواء لما قربت الصحن منها أكثر تشوفه وهي تفكر وتحلل الموقف ... كانت تشوف الصحن وهي تحس بطعم الجبن وإلجام على الخبز اللبناني في ثمها ... ما قدرت تقاوم الجوع أكثر ... أخذت سندويشه من الصحن بسرعة تأكلها ............. علي اللي كان منسدح على السرير وهو يحس انه ميت من التعب ولا هب قادر يفتح عينه بس كان خايف ينام وتفوته صلاة المغرب ... ما كان يبي يكسر نفسه قدام ميثاء أكثر مما كسر نفسه يوم شرد من قدامها أول ما جابت له طاري فيصل ... ذا الحين وش بتقول عني ؟؟؟؟ خاف ؟؟؟؟؟ تروع ؟؟؟؟ وش بتقول ؟؟؟؟؟؟ وأنت من قالت لك فيصل ما يرضى انكشف عليكم طقيت من قدامها كنك مسوي سواه ... ما كأنها أمرتك ؟؟؟؟ هي صدق مرتي ذا الحين بس ما ادري .... وش اللي ما ادري ؟؟؟؟ أنت مسوي لها سالفة وهي أقصاها ألا ميثوه لا راحت ولا جات مره مثل باقي الحريم .... صحيح هي مره مثل باقي الحريم ... بس كانت مرت فيصل 18 سنة عمري ما شفتها مثل باقي الحريم اللي عرفتهم ... كنت أشوفها مثل مهوي .... صح كل هذا ألحكي صح بس ذا الحين هي أمرتك أنت ... يعني أنت ما سويت شيء غلط يوم شفتها ... ولا في داعي انك تضعف وتكسر نفسك قدامها مره ثانية .... علي انتبه من أفكاره على صوت قرقعه ... وقام بسرعة يشوف وش اللي صار لما ما سمع بعدها صوت .... أول ما طل من الباب شاف ميثاء اللي معطته ظهرها والصينية قدامها .... لما شافها جامدة في مكانها قال بسرعة : وش فيـــــــــــــس ؟؟؟؟؟؟؟؟ صوت علي اللي جاء من وراء ميثاء أفزعها وخلاها تلف عليه بسرعة تشوفه ..... علي أول ما لفت عليه ميثاء وشاف منظرها كيف ماسكه صحن السندويشات في يد واليد الثانية ماسكه بها السندويشه اللي تعضها ... قال بسرعة وهو ينزل عينه على الصحن باستهزاء : يا دافع البلاء .... بطينية .... ولف بسرعة ودخل غرفته وهو معصب على عمره انه ما قدر يحط عينه في عينها .... ميثاء اللي كانت تشوف باب غرفته المفتوح وهي تغلي من الغيض عليه كيف سمح لنفسه يقول عنها بطينية بعد كل اللي سواه ما انتبهت أنها كانت قاعدة قدامه بلا نقاب .... حطت الصحن من يدها وأنزلت بسرعة الصالة تحت تدور على جوالها وهي تحاول أنها ما تبكي ............... علي اللي كان معصب من نفسه قرر انه هو اللي يكسرها ومن لمحها ماره قدام الباب بسرعة رايحه لدرج زاد إصراره وطلع ورآها .... كان يشوف ميثاء اللي واقفة قدام التلفزيون وهي تعابل في جوالها ... حب انه هو اللي يبدأ في الهجوم وقال : وش عندس ؟؟؟ بس اللي ما توقعه أن الهجوم ينقلب عليه بالطريقة اللي صارت لما لفت عليه ميثاء من قريب وهي تبكي وقالت تصرخ في وجهه : الجوال ليه ما يشتغل ؟؟؟؟ أخذت كرته ؟؟؟؟ أكيد أخذته .... رجع كرتي ابرك لك ....علي اللي كان يشوفها بكل هدوء ما كان يتحرك فيه غير جفن عينه اليسار اللي يرجف أول ما خلصت ميثاء حكي لف وراح يقعد على الكرسي ولا كأنه يشوفها ..... كان حاس بشيء غريب ذا المره امنعه انه يوقف قدامها بقوة ... شعور كان خليط من الخوف والشفقة والحساس بالذنب سببته الدموع اللي في عينها ..... لكن هذا الإحساس تلاشى بسرعة أول ما لفت عليه ميثاء وهي تصرخ : طلعه ... عطني إياه ... طلع الكرت خلني أدق على أمي تجي تأخذني ... قطعها علي بكل هدوء وقوة وقال : الاوله ... كرتس ما أخذته ولا لي حاجه فيه ... والثانية ... بدقين على أمس دقي ... لكن أن قلتي لها وين حنا ولا قلتي لها تجي تأخذس ... قصيت لسانس قص فهمتي ولا أعيد ؟؟؟؟؟علي قال آخر جملة وهو يشر بيده على ثمه لميثاء اللي كانت تبكي و هسترت بعد ألحكي اللي قاله وقامت تصرخ : طلع كرتي .... بروح بتنا .... أنت ما تستحي ... أنا إما أبيك ... أنت ما تحشمني وأنا مرت أخوك ... قطعها علي بسرعة وهو يصرخ بصوت أعلى من صوتها وقال : أنتي مرتــــــــــــــــي ... مرتي أنـــــــــــــــــــا ... صرخت علي على ميثاء خلتها تتجمد في مكانها وهي تشوفه يقول لها بصوت واطي : افصخي الجلال .... علي لما شافها تشوفه بنظرات غضب .... صرخ بكل قوته وقال : افصخي الجلاااااااااااااااااااااااال .... ميثاء حست أن صوت علي مثل السوط اللي ضربها على رأسها .... من غير ما تفكر أو تحس بعمرها افصخت الجلال و أحذفته في وجهه ولفت بسرعة تركب الدرج .... أول ما حطت رجلها عليه حست بيد علي اللي مسكت يدها وجرتها بكل قوة .... جرها علي قبل لا تركب الدرج ودفها على الكرسي وهو يقول : انثبري هنا .... وجر جوالها من يدها بالقوة .... ميثاء كانت تبكي بصمت وهي تشوفه يفتح الجوال ويطلع بطاريته ... طلع الكرت من الجوال وحطه قدام وجها وهو يقول : وش هذا ؟؟؟؟؟؟ كرتس ... اكسره ذا الحين عشان تعرفي ربس عدل .... ماهب أنا اللي أسوي كل شيء بالخش أنا ماهب خايف منس ... أذا بغيت اخذ الكرت بأخذه وأنتي تشوفين .... جوالس ما فيه بطارية ... يوم نزلته من السيارة ما كان فيه غير نقطة وحده .... علي قال آخر جملة وهو يحذف الجوال والبطارية والكرت في حضن ميثاء ويروح يقعد على الكنبة .... ميثاء اللي كانت تشوف جوالها في حضنها بصعوبة من بين دموعها ... أرفعت عينها لعلي اللي قال بصوت هادي وهو يمد عليها جواله وقال : كلمي أمس تحاتيس ... خايف أكون كليتس .... ميثاء لو ما كانت تدري أن أمها أكيد تحاتيها كان ما أخذت الجوال من عنده ... أخذته وتوها بتتصل على رقم بيتهم وقفها صوت علي اللي قال : اصبري ... بتحاكين أمس وأنتي تبكين ؟؟؟؟ اهدي شوي وبعدي كلمي ... علي قال جملته الأخيرة وهو يشوف ميثاء ترفع الجوال لأذنها ... وقبل لا يعلق علي على الموضوع قالت ميثاء ترد على أمها : السلام عليكم ..... جوالي ما فيه بطارية ... رقدت أول ما جيت وتوني متوعيه ... ما فيني شيء .... صوتي من النوم .... الحمد لله ... أيه ... هنا جنبي ... يمـــه .... علي اللي كان يسمع المكالمة في صمت وهو يشوف البحر من دريشة الصالة لف بسرعة بعد ما سمع كلمت يمه يشوف ميثاء اللي أرفعت عينها تشوفه وهي تقول : سلمي على صفوي مقدر أطول مع السلامة .... علي اللي كان يشوف ميثاء وهي تحط الجوال على الطاولة قدامها حس بارتياح كبير أنها ما قالت لامها شيء وفي نفس الوقت استغرب تصرفها ... والهدوء اللي نزل عليها على غفلة ... كانت قاعدة بهدوء شديد ومدنقه تشوف جوالها اللي في حضنها ... شعرها القصير كان نزل كله على وجها .... علي ما كان قادر يشوف ملامح وجها عدل عشان يعرف وش فيها ... ولأول مره في حياته يتمنى يدخل مخ إنسان ويعرف هو وش يفكر فيه ..... علي اللي كان مركز في شعر ميثاء فاجأته لما أرفعت رأسها وهي تمسح عيونها بظهر كف يدها مثل البزران .... واللي فاجأه أكثر وجها لما أرفعت رأسها ... شعرها اللي مقصوص كاري كان لف وجها لف .... عيونها الحمرة المنتفخة ... خشمها اللي مغطيه أطرافه حمره غريبة .... الدائرتين الورديتين اللي على خدودها ... شفايفها اللي كأنها مصبوغها باللون الأحمر.... منظر أول مره يشوفه علي في حياته ... على قد ما شاف نسوان وعرف بنات أول مره يشوف هذا المنظر ... بزر .... كانت مجرد طفلة صغيره في عين علي اللي كان يتأملها وهو يحاول يتخيل شكلها كيف بيكون لو حطت في شعرها شرايط ورديه .... ابتسم علي على الصورة اللي ارتسمت في خياله ... بس الصورة اختفت بسرعة مع صوت ميثاء اللي قالت : ما اعتقد في شيء يضحك ... قلت لا تعلمينها شيء ولا علمتها ... أوامر ثانية و لا أروح غرفتي ذا الحين ؟؟؟؟ علي اللي عكرت مزاجه ميثاء وخربت عليه لحظه حلوه أول مره تمر عليه قال بكل تعالي : لا ما في أوامر ذا الحين ... تقدرين تروحين دارس وأنا بروح المسجد .... ميثاء اللي أوقفت عشان تروح أول ما سمعت كلمت المسجد قالت بسرعة : بروح معك .... قرص علي عينه فيها وقال بكل استهزاء : وهذا وش اسميه ؟؟؟؟ حب مفاجئ ولا تطوع زايد ؟؟؟؟؟؟؟؟ ردت عليه ميثاء بنفس الأسلوب بس بصوت واطي عشان تتجنب صراخه عليها وقالت : ولا لك لوا ... خوف مفاجئ ... أنا ما أبي اقعد بالحالي مع الهندي هنا ... على اللي ما يدري له أسعدته فكرت أن ميثاء ما تبي تقعد مع الهندي بالحالها رد عليها وقال : لا ... لا تخافيني ... الهندي عطيتها إيجازه ونزل الدوحة من الفجر ... علي قال آخر جمله وهو يفتح باب الصالة عشان يطلع ... طلع ورجع بسرعة اكبر من اللي طلع بها يطل برأسه وقال لميثاء : ما اوصيس على الكبسة ......................... توقعاتكم الكريمه لا تحرموني منها اختكم صوت وصدى |
wa a5iiiiiiiiiran
ya hala we 3'ala bil7aamel wel ma7mool macha'Allah joz2 raw3a kal3aada atwa99a3 annhom ba3d 7arb albasoos we 7arb daa3es wa al3'abraa2 wa 3'ayriha mina al7oroob Allah laa yeblaana we laa yeblaakom 3ali we maytha bach y7abbo ba3dh we yjiibo awlaad we salaaaaaaam arjoooooooooooooooooooooook laa tet2a5ari 3aliina nestannaak |
وحبيت اعلق , اعتقد ان فيصل عنده مشكله وهو الي ماجيب عيال وان ميثا تحملت علشان ماتهتز صورته عند اهله وهذا لي بيكتشفه علي و يقلب كل الموازين , وعلي بيوقف امه عند حدها وكل من يتعرض لميثاء وتقبلي تحياتي :flowers2:
|
انا متاكدة ان فيصل رجل عاجز
وان ميثا مازالت عذرااااااااااااااااااااااااء عشان هذا السبب اكد فيصل على على انة يتزوجها |
هلابك اختي جوريه ولا يهنون الحاضرين
والله ياختي اني احاول ... بس هذا اللي قدرت عليه ولا اقدر احدد وقت معين عشان انزل فيه الجزء اسمعي انتي مدرسة رتبي لي هذا الجدول دوام ... بيت واسرة ... مسئولية ... واذا لقيتي وقت تقعدين فيه تكتبين .... جاك من عكر مزاجك وطير كل الافكار ... لكن مع هذا بشروا باللي اقدر عليه ان شاء الله |
واااااااااااااااااااااو يا صدى اخيراً
البارت هذا ما شفنا غير ميثا وعلي.. محمد وصافيه وفهد . ,ام ميثا.. وينهم !!! ميثا .. حرام تكسر الخاطر .. صعبه الانسان يعيش مع شخص يكره علي .. عصبي عنيد ..متهور .. لكن ,, الوقت بيثبت له ,, ان ميثا غير الي كان يظنه . صدووووووي ,,, يسلمووو غلاي لا تبطين علينا . |
اقتباس:
بصراحه بديت أقتنع بكلام أختي جورية حمرا :ekS05142: بخصوص ميثا وطبيعة علاقتها بفيصل .... القصة أكثر من رائعه فأرجوك لا تطولين علينا |
صوصو قلبي رووعـــــــــــــهـ البااارت تسلمـ الايادي وانا مثل جوريهـ حمراء مو متوقعه الا متاكدهـ انا ميثاء لازالت عذاراء وانها بكذا ما تمون عاااقر و حلو التحدي و اللخوف و الهجوم و الحرب بين علي و ميثا رووعــــــــه المواقف اللي بينهمـ و ترى بععد انا ابي كبسهـ لا تنسني ههههههههههـ ولكـ مني اجمل تحيهـ و سلامـ و هذه لكـ مني http://www.ftd.com/pics/products/D8-82RB_c.jpg ^_^ لاعدمناكـ ياارب |
وااااااااااااااااااو وااااااااااااااااااااو
ايش القهر هذا يعني لازم تموتينا قهر بصراحه فصل في قمت الروعه دمتي مبدعه حبيبتيي بس تدرو يمكن مووووووو عاجز يمكن عشان كانت صغيره لما كانت زوجتو بلييييييييييييز لاتطولي علينا تحياااااااااااااتي عشووووووووووووووقه |
عن جد ابداع × امتـــــــــاع
بارت ولا اروع ,,, وش الحالات الي تجي لـ ميثاء يقول فيصل من كلامها اكيد فيصل مثل اخوها وعلي عليه تقلبـــــــات ,,, بس عجبني يوم قال روحي افطري كبسه فله الحركه ... يســــــــلمـك ربي وننتــــظــر الجزء التاسع :flowers2: احترامي اخــــوك maybe |
صراحه شي يقهر تابعت القصه في منتدى عز قطر.. وارد هاذيك الردود اللي توسع الخاطر... والتوقعات للقصه... واخرتها..ينحذف الجزء والردود معاه وهاذي ثاني مره تصير..اووووووووف..شئ يقهر...
المهم بعيد الردود هنا.. وبتابع القصه هنا..وبوسع صدري هنا... والحين اقول كيفكم جميعا.. اشوى ان علي ماعصب وقام صطر ميثا وخلا هالليله تعدي على خير.. وميثا..يااااااااو.. يانا رحمتها لما شال النقاب عنها..وقسم بالله مسكينه..و علاقتها مع علي عمرها ماراح تكون طبيعيه.. لسيطرة فيصل على حياتها.. بيكون فيها حواجز كثيرة ولازم كلهم يتعاونون مع بعض عشان تستمر العلاقه بينهم.. واللي واضح طبعا انهم مستحيل يتعاونون لان كل واحد يبغي يكسر راس الثاني.. وعلي بالاخير بيحب ميثا بس امه بتنكد عليه وعلينا.. ايه وين الناس الثانين؟؟؟ وين احمد و صافيه وسالم ومها.. سااااالم احس انه فله.. خليه يقلط عندنا الجزء الجاي..خخخخ واخيرا لا تطولين علينا ترانا ننتظر الجزء الجاي من قبل مانخلص الجزء اللي بين يدينا.. ومشكوووووووووره.. |
اقتباس:
تصدقين عاد اختي جوريه كنك تقرين افكاري ولو دخلتي على عز قطر كان شفتي التوقعات على اصولها.. هذا اذا مالحقت خواتها.. |
هههههههههههههههههههههههههههههههههههههههههه رائع جدا جدا ايش هالحماس مالومكم ابد ابد الروايه اكثر من رائعه يالله تصدقون عاد تذكرني باسلوب تحفه فنيه الله يرحمها ويغمد روحها الجنه ..........
اختي صوت وصدى بانتظارك ارجوك بليز كمليها واحنا راح نرد بالتوقعات ............................ اعتقد ان علي يحب ميثا مررررررررررررررررررررررررررره بس اهيه يبيله وقت عبال ماتتعود انه علي زوجها وفيصل خلاص مات ........... راح ننتظر الكثير من المواقف اللي كلها دموع وشد شعر وسب هههههههههههههههه بين هالاثنين ..................... بانتظارك .................... |
اقتباس:
وعلى الله مايكون مصير ه مثل نسايم حب |
[QUOTE]لاااااا وازيد عليها ان فيصل مات بسبب عمليه يعالج فيها عجزه مو عملية بواسير....
تصدقين عاد اختي جوريه كنك تقرين افكاري ولو دخلتي على عز قطر كان شفتي التوقعات على اصولها.. هذا اذا مالحقت خواتها.. [/QUOTE] شكرا على توافق الافكار تدرين الاشياء اللي تاكد لي علاقة فيصل بميثا وكتبتها في منتدى عز قطر 1- تسجيلها اسم فيصل مجردا من اي لقب في جوالها معقولة كل الحب لفيصل والبكا على ذكراه وبعد 18 سنةزواج والامور اللي قالتها صافية عن فيصل وانةدرس ميثا وقف مع اهلها وخلها توظف وما يحصل لقب بسيط مثل الحبيب القلب الحنون الى اخرة من الالقاب التى تكتبها الزوجة لزوجها في الجوال 2- استغرابها وتفاجأها عندما طلبت منها ندى شراء ملابس جديدة اللا ان كانت ستدرتدى الملابس نفسها التي اردتها امام فيصل كانت ردة فعل غريبه والاغرب الموقف اللى تذكرتةوكانة المرة الوحيدة التى يرى فيها فيصل هذا اللبس عليها ادري طولت |
السلام عليكم..
بما اني قررت اتابع القصه بليلاس واترك منتدى عز قطر.. قررت اني اخذ ردودي معي... واجيبها هنا.. مستخدمه طريقة النسخ والصق...فهذي الردود بعد الجزئين السادس والسابع...الـــــــــــــــجـــــــــــــــــزء الـــــــــــــــــــسادس اسلووووووووب راااااااائع ذكرني باسلوب الرائعه تحفه فنيه الله يرحمهاويغفرلها.. انا قريتها في منتدى ثاني بس كانت للجزء 4ومن رد احد العضوات عرفت ان فيه جزئين ما نزلوا وسويت بحث لما لقيتها هنا وعلى طوووووووووووول سجلت فيه.. اما بالنسبه لتوقعاتي: الزواج صاير صاير الله لايعوق بشر بس بتتخلله مشاكل واعتقد ان ميثاء بتجيب علي على وجهه اتمنى كذا.. وساره الله ياخذها ما احبها اعتقد انها اللي علي يحبها.. واظن واقول اظن ان ميثاء تجيب عيال وان العيب كان في فيصل.. والا وش بخليه يتمسك فيها كذا بالرغم من اصرار اهله على زواجه ثانيه واتوقع ان الكف اللي ضربه فيصل لميثاء لانها قالت لاهله ان العيب فيها مو فيه.. واحب اقول اني حبيت شخصية سالم ياليت تركزين عليها.. ويعجبني لما يمرمط ساروه الكريهه.. وبس هذا اللي عندي الحين واذا ذكرت شيئ ثاني قلت لك>>>وحده قاطه الميانه.خخخخخ وتمنياتي لك بالتوفيق يااااااامبدعه ولا اوصيك بالجزء الجديد استعجلي فيه لان حنا مستعجلين عليه اكثر... الــــــــــــــــــــجزء الــــــــــــــــــســـــــــــــــــابــــــــــع: عموما احب اقول ياصوت و صدى او يامبدعه..الله يعافيس ويسلم يديس... ويعينس علينا وعلى طلباتنا.. ارجع اقول زي ماقلت في الرد المحذوف ان علي يعجبني وهو شخص طيب ومحب لاخوه فيصل..والدليل تنفيذه لوصية اخوه.. وانا اظن ان فيصل مات بسبب عمليه يعالج فيها عجزه مو بواسير ولما وصى علي بهذي الوصيه لانه مايبي احد غريب يكشف هذا العجز حتى بعد وفاته..ولانه متاكد ان علي ماراح يكشف سره لاحد. بس ما اعجبتني الغرفه اللي يجهزها الهندي لعلي لانه يبين انه راعي بنات... ميثا اعجبتني صلابتها في يوم زواجها ابتداءا بدوامها وانتهاء بتحديها لعلي ورفضها تسوي له العشاء ... والمسكين بعد احلامه بالكبسه بتصفى على خبز و جبن.. وانا متاكده انه ماراح يعديها لها على خير.. وارجع اقول ساااااالم ابو دم خفيف..يعجبني ياليت تركزين عليه بشكل اكبر في الاجزاء الجايه..وصراحه امنيته بحظور الدخله اعجبتني مرررررررررره.. بس ابي اعرف ليه العداء والكره بين احمد وعلي؟؟؟ وش السر فيه؟؟؟؟ وانا حاسه ان العداء مايتعلق بصافيه.. ايه وبعد ابي اعرف الحوار اللي دار بين ميثا وعلي بعد زواجهم كان وهي كاشفه والا متغطيه؟؟؟ مابينتي هالشئ.. وطبعا فيه ردود غيرت موقفي منها بعد ماوضحت الصوره شوي... مثل تصوري ان علي يحب ساره.. بس الردود زي ماهي ماعيرت فيها شي.. وسلامتكم |
مشكوره صوت وصدى علىالجزززززززززززززززززء بس والله قصير
بس الصراحه ممممممممممممممششششششششششوق وايد فيه سسبنس واثاره واكشنات وانا وافق الصراحه توقعات جوريه حمراء لان نفس تفكيري وتوقعاتي انالعيب في فيصل مو في ميثه بس لانها بنت اصول حافظةعلى سر زوجها اتوقع علشان ميثاءوعلي يتفقون بتقوم حرب عالميه ثالثه ههههههههههههههههههه وصندوق الاخضر يمكن اتوقع فيه ملابس لبيبي وبس وايد طولت انتضرج على اااااااااااحر من الجمر |
يااااااااااااااااااااااااااااااااااااااااااااااااااااااااااا هو
ايش هذي الحركات يااااشيخ روووووووعه جناااااااان فديتك يادبه اقول وش رايك تنزل بين كل يومين او ثلاث ايام بارت تكفيييين بلييييييييييييييييييييييييييييييييز لاتطولين علينا بالبارت الجديد انا متوقعه ان ميثووه 99% انها عذراااء واتوقع بعد مايكتشف علي هالشي راح يحبها اكثر واكثر لااطول عليكم بااايو اختكم |
يمكن فيصل يكون عاجز في وايد امراض تسبب العجز الجنسي عشان جذي اهي عذرا
وبعد عشان كرامة فيصل قالت انها ما تييب عيال لمن يسالونها ليش اهي ما يابت عيال |
الســـــــــلامـ عليكمـ معليش يالغواللي نصبر شوي صدى اكيد ما نستكمـ واول ما يجهز البارت بتنزلهـ على طووال وباذن الله ما تتاخر بس هي مشغولهـ شوي تدرون الحياة مو مجرد قصه وبس اكيد هي عندهـ مشاغل و ظروف ولا تنسون ان ادراسه على الابواب يعني موكد هي مشغووولهـ بهشيء فممكن ننتظر بهدوء و لا نضغطـ على الكـــــــاتبهـ ولكم شكري وتقديري ^_^ |
Brune – جورية حمرا – يوبه – زارا – ليالي – السراب – الاميرة ياقوت – عاشقة متهورة – ana - lyly – anime girl – النظرة الخجولة – pinky – angel911 – جرح الياسمين – اديبة – eyes2 – انثى الجليد – امير الوقت – الذيبة الشرقاوية – rayan90 – الأمريكية – عاشقة الغرور – سكر سكاكر – انا والشوق ... شكري الكبير على توقعاتكم الشيقة واللي أرجوكم ما تحرموني منها في كل جزء ... وامتناني لكم على تقديركم لظروفي الخاصة وصبركم علي .... غاليتي بحر الندى ... لا تتخيلين مقدار فرحتي بوجودك معي ... عزيزتي لا تحرميني من وجودك المفرح لقلبي ... دمتي لي بحنانك المقطع النظير ... الفصــــــــــــــــــــــــــــــــــــــــــل التاسع : نجله قالت بتوتر : والله ما ادري .... صوتها تعبانه ولا هي ببخير ... ردت عليها صافيه باستفسار : هي وش قالت لس ؟؟؟ قالت انه مهادها ولا مضيق عليها ؟؟؟ نجله قالت وهي تهز رأسها : لا يا بنتي .. هي تقول أنها بخير ويوم نشدتها عن علي قالت انه قاعد جنبها ... وهذا اللي مروعني اخف أنها ما تحاكت يومه جنبها .... ردت صافيه على أمها تطمنها : لا تحاتينها يمه ... ميثوه ما شاء الله عليها قوية .... وتعرف توقف كل واحد عند حده حتى لو كان عليان الصديع ... المهم يمه ترى سارة ربت وجابت بنت ... ردت عليها نجله بضيق : الحمدلله تستأهل السلامة ... تشجعت صافيه وقالت اقتراحها : زين يمه ترى باكر آخر يوم لها في المستشفى وش رايس نروح لها الصباح عشان نفتك من الروحة لبيتهم .... أقطعتها نجله بتوتر : وشغلس ؟؟؟ ماهب رايحه المدرسة ؟؟؟؟ ردت صافية بسرعة توضح لامها : يمه الله يهديس ... وش فيس ؟؟؟ باكر السبت ولا فيه دوامات ... أقطعتها أمها بتوتر وقالت : والله انس وحده فاضيه يا صفوي ... أنا قلبي محترق على ميثوه وأنتي بتسيرين ... صافية قالت بسرعة : يمه ميثوه ما عليها شر وأنا ذا الحين بكتب لها مسج وبقولها تدق علينا ذا الحين ... أقطعتها أمها وقالت : جوالها مسكر ... تقول ما فيه بتري ... صافيه صرخت بتوتر : يوووووووووووووووه ... ردت عليها نجله بسرعة وقالت : وجدري وش فيس ؟؟؟؟ روعتيني ؟؟؟ صافيه قالت بضيق : نسيت أحط لها واير الجرج في الشنطة .................. ميثاء بعد ما صلت المغرب أتعبت وهي تدور واير الجرج في شنطتها لكن بدون فايده ... ما لقته ... فكرت أنها تروح غرفة علي وتشوف أذا في واير جرج لكن أبعدت هذي الفكرة بسرعة من بالها وهي تشوف باب غرفته المفتوح ... نزلت عينها للصينية اللي ما زالت على الأرض جنب باب غرفتها ... دنقت وشلتها وأنزلت بها للمطبخ تحت .... أول ما أدخلت المطبخ حطت الصينية على الطاولة ولفت تشوف المطبخ بنظرة سريعة .... ما تدري وش اللي خلاها تركز على الثلاجة ؟؟؟ كبر حجم الثلاجة ولا جوعها ؟؟؟؟ قربت منها وافتحتها .... كل اللي في الثلاجة كان عبارة عن أكياس متراكمة فوق بعض .... تنهدت ميثاء بتعب وبدت تفتحهم كيس كيس وتشوف وش في كل كيس .... أول كيس كان كله بصل .... طلعته ميثاء من الثلاجة وحطته على جنب ... دنقت عشان تطلع الأكياس كلها من الثلاجة وترتبهم ... شكلس يقول العشاء كبسة ... كان هذا صوت علي اللي واقف على باب المطبخ يبتسم باستهزاء واللي من أسمعته ميثاء تروعت ورفعت رأسها له بسرعة تشوفه .... علي قال وهو يمد يده لها بكل هدوء : الإجلال ..... يوم شاف نظرة ميثاء له رجع يقول : بتفصخينه بكرامتس ولا افصخس أيه بطريقتي ؟؟؟؟؟؟؟؟؟؟؟؟؟؟؟ ميثاء اللي كانت مقرصه عينها فيه بعد ما أسمعت كلامه تذكرت وش صار طول اليوم بينها وبينه ... حست أن العبرة خنقتها وعيونها بدت تتجمع فيها الدموع ... نزلت عينها بسرعة للأكياس اللي على الأرض ... افصخت الإجلال بهدوء وحطته في يد علي الممدودة ... ودنقت بسرعة على الأرض تسوي نفسها ترتب الأغراض ..... علي من حطت ميثاء في يده الجلال وهو يحس بنشوة انتصار عظيمة ... كان يحس بانكسارها وهو يشوفها كيف ترتب الأغراض بعصبية تتناسب مع عصبية شعرها اللي يتطاير بقوة حول وجها وكأنه أمواج البحر في عز العاصفة .... كان يعرف أنها تبكي من غير حتى ما يشوف عيونها اللي ما أرفعتها فيه ... عرف من خشمها اللي رجعت تغطي أطرافه الحمرة الغريبة .... من الدائرتين الورديتين اللي تخضبت بهم خدودها ... من شفايفها اللي كانت محمرة .... ابتسم علي وهو يفكر صدق أنها بزر حتى ريحتها حلوة ... حلوة ؟؟؟؟؟ علي اللي استغرب هو كيف عرف ريحتها انتبه لنفسه انه كان يشم الجلال اللي في أيديه ... ارتبك و طلع بسرعة من المطبخ قبل لا تشوفه ميثاء اللي كانت تحس بضيقة الدنيا كلها في قلبها ... ما تدري وش اللي جاب ندى على بالها وتمنت من كل قلبها أنها تتصل عليها وتحاكيها ... بس تذكرت أن الجوال مفضية بطاريته .... تنهدت بحزن وهي ترفع عينها للطاولة اللي عليها الصينية والدلة .... علي أول ما قعد على الكنبة في الصالة حط جلال ميثاء على يمينه ولف جهة اليسار عشان ما يشوفه ... كان ناقد على عمره انه شم ريحة الإجلال ... ليه ناقد على عمره ما يدري ؟؟؟ تنهد بضيق وهو يحرك الوسائد اللي على الكنبة ... زادت ضيقته يوم لقى تحتها جلال ميثاء ونقابها اللي جرهم من عليها الصباح ... كان ينقل نظره بين الجلال والنقاب وبين باب المطبخ ... فجأة سيطرت عليه رغبة شديدة انه يعرف وش ريحة هذا الجلال ؟؟؟؟؟؟؟؟ رفع رأسه بحذر يشوف باب المطبخ وأول ما تأكد أن ميثاء ما هي بواقفة قدام الباب دنق بسرعة على الجلال ... غمض عينه بتشويق كأنه بيكتشف الكنز الكبير... اخذ نفس عميق ... فتح عينه وهو يبتسم بفرحة ... حلوة ... كانت ريحته بعد حلوة ... بس ابتسامته اختفت بسرعة أول ما سمع صوت ميثاء اللي واقفة على باب المطبخ تقول : تشرب شاهي ؟؟؟؟؟؟ أول مره يحس انه حرامي ... بسرعة رفع رأسه عن الجلال وقال يرد عليها وهو يحط كل الوسائد على الجلال والنقاب يخفيهم : اشرب .... علي حاول يرجع لهدوئه وهو يشوف ميثاء تحط صينية على الطاولة وتصب له بيالة شاهي وتحطها على الطاولة قدامه .... اخذ الابيالة وهو يشوفها تصب لها هي بعد وتقعد على الكرسي بكل هدوء .... سند يده على الوسايد المتراكمة جنبه وقعد يشرب الشاهي وهو يراقب ميثاء اللي أرفعت رأسها فجأة له بطريقة خلت شعرها يرقص على خدها وقالت تسأله : عندك واير جرج ؟؟؟؟؟؟؟؟ علي اللي ما يدري عينه ليه تتعلق بحركة شعرها رد بسرعة يجاوبها وقال : عندي بس ما عندي وصله ... جهازس بوصلة وأنا جهازي بدون وصلة ... ميثاء تهدت بضيق لان خطة الشاهي ما جات بفايدة ... كملت شاهيها وهي تفكر وش بتآكل عشان تسد جوعها .... صدمها سؤال علي اللي قال فجأة : أنتي ليه شعرس كذا ؟؟؟؟؟؟؟؟؟؟؟ ميثاء بحركة لا إرادية أمسكت شعرها وهي تقول : وش فيه ؟؟؟؟؟؟؟؟ رد عليها علي وقال وهو يشر على ميثاء : ليه شعرس قصير كذا ؟؟؟؟؟؟؟؟؟؟؟؟؟؟؟ ميثاء وهي تسمع سؤال علي كان ودها تقوم تخنقه على تفاهة السؤال بس أمسكت نفسها وردت عليه بكل هدوء وهي تقوم وتوقف : رقدت وقمت لقيته كذا ...عندك سؤال ثاني ولا أروح المطبخ ؟؟؟؟؟؟؟؟ علي اللي أول مره يحس صدق انه كان تافه .. وحده شعرها قصير أكيد قاصته ...وقف و قال بهدوء مفتعل : ما عندي سؤال عندي أمر ... لا تحطين في الكبسة فلفل ما أحب الحار ... عندس أي طلب قبل لا أروح أصلي العشاء لأنه بيأذن ذا الحين ؟؟؟؟؟؟؟؟؟ ميثاء اللي غاضتها كلمة أمر قالت ترد عليه بنفس طريقته في ألحكي : سلامتك ما عندي طلب ... عندي أمر ... أذا طلعت سكر الباب وراك ... ميثاء قالت آخر جملة وهي تلف وتروح المطبخ وخلت علي واقف ورآها يشوفها بكل هدوء ما يتحرك فيه غير جفن عينه اليسار اللي يرجف ............. صافيه قالت : أن شاء الله باكر الصباح بنروح لها .... ردت عليها مها بأثره : الساعة كم بتروحون ؟؟؟ قالت صافيه بتفكير : والله ما ادري بس يمكن على الساعة تسع ... ليه تسالين ؟؟؟؟ مها قالت بسرعة ترد عليها : شوفي يا طويلة العمر أنا ما رحت مع أمي الصباح لها ... وكنت حاطه في بالي أذا طلعت وراحت بيتهم بروح لها مع أمي ... بس ذا الحين دامكم بتروح لها باكر بروح عشان أشوفكم ... تدرين صافيه ... أنا أحبكم كثير ... ردت عليها صافية وقالت بحنان : يا حبيبتي وحنا بعد نحبس كثير ... قطعتها مها وقالت بمرح : ادري .... صافيه الواحد يعرف من اللي يحبه ومن اللي ما يحبه ... ردت عليها صافيه بخجل وقالت : صادقه يا قلبي القلوب شواهد ... تعالي مها ... انتووا كلمكم علي ؟؟؟؟؟؟؟؟ ردت مها وقالت : كلم أمي و أبوي بس ... ليه ميثاء ما كلمتكم ؟؟؟؟ ردت عليها صافيه بتوتر وقالت : ألا كلمتنا بس من جوال علي جوالها ما فيه بطارية ... وشوفي الحظ نسيت أحط لها واير الجرج ... مها اللي أفهمت مقصد صافيه من ذا ألحكي قالت تطمنها : صافيه ميثاء ما عليها شر مع علي ... ادري أن علي الكل ما اخذ عنه فكرة ما هي بزينة بس والله ترى هو طيب كثير........ علي أول ما فتح باب الصالة شاف ميثاء قاعدة علي الكنبة تشوف التلفزيون وعلى الطاولة قدامها صينية فيها صحن عيش شلاني ما باقي منه ألا شوي ... وصحن صغير فيه طماط مقطع .... أول ما استوعب علي أن العشاء شلاني ماهب كبسة وان ميثاء تعشت ولا انطرته عصب وسكر الباب بقوة خلت ميثاء تلتفت عليه تشوفه ... واللي حرق أعصابه أنها أرجعت تشوف التلفزيون ولا كان شيء صار ... قرب منها علي وقال : تعشيتي ؟؟؟؟؟؟؟ ميثاء ما ردت عليه ولا لفت تشوفه اكتفت أنها تهز رأسها أشارة نعم ... على قال وهو يقعد جنبها بالعاني : زين قومي انكبي لي عشاء ... ميثاء حطت الريموت بكل هدوء وراحت المطبخ بس عشان تقوم من جنبه بسرعة ... علي اخذ الريموت وقام يفرفر وهو يقرب صحن الطماط ويأكل اللي فيه ... فجأة شاف قدامه صينية فيها الخبز اللبناني وغراش الجبن والجام .... رفع عينه لميثاء يشوفها بنظرة تساؤل واستفسار ... ميثاء ردت على نظرته بسرعة وقالت : أنا ما قلت بسوي كبسه وأنت ما قلت انك تبي عيش شلاني وعشان كذا أنا سويت عيش على قدي .. ولأن الجبن والجام أكلتك المفضلة جبتها لك عشا ... تصبح على خير ... ميثاء قالت جملتها الأخيرة وهي تلف عشان تركب الدرج بس اللي وقفها كانت صرخت علي عيلها : ميثووووووووووووووووه ... لفت ميثاء بسرعة عليه تشوفه وهي تحاول تخفي خوفها من صراخ علي اللي كان يشوفها بكل هدوء ما يتحرك فيه غير جفن عينه اليسار اللي يرجف وهو يقول : شوفي بقولس كلامي مره وحده ولا ني بعايدة عليس ... أنا بقعد هنا انطر العشاء وأنتي بتدخلين المطبخ ذا الحين تسوين لي كبسة ... وخلني اشوفس تطلعين من الطبخ قبل لا تخلص الكبسة ... فركت خشتس في القاع ... نقلعي المطبخ ... علي اللي كان يتكلم بهدوء لما ما شاف من ميثاء اللي منتصنمه قدامه أي رد فعل صرخ بصوت عالي وقال : نقلعــــــــــــــــــــــــــــــــــــــــــــــــــــــــ ـــــــــــــــــــــــــي ... ميثاء بعد ما سمعت صرخت علي ما حست بنفسها ألا وهي في المطبخ .... كيف دخلته ولا كيف وصلته ما تدري ؟؟؟ كل اللي تعرفه أن الخوف سيطر عليها بعد صراخ علي اللي بعد ما قدر انه يسيطر على أعصابه ... تمدد على الكنبة وحط رأسه على كومة الوسايد ... وتم يفرفر في القنوات ينطر الكبسة تخلص ....... ميثاء بعد ما قصرت على الضو تحت القدر عشان العيش يسكر .... وقفت قدام باب المطبخ تطل على علي ... الساعة عشر وربع تأخرت على صلاة العشاء و خايفة تطلع من المطبخ ينفذ تهديده ... لفت تشوف القدر على الضو ورجعت تطل على علي اللي ماهب مبين من الكنبة ... استغربت ميثاء من شيء التلفزيون كان على قناة mbc3 وتوم أند جيري شغال .... والغريب أكثر بالنسبة لها أن إرسال المحطة انقطع وعلي ما غيرها ... معقولة يكون راح فوق وأنا ما انتبهت ؟؟؟؟؟ ليه لا ؟؟؟ أكيد راح فوق ... ولا من متى هو يشوف رسوم ؟؟؟؟ تشجعت ميثاء وطلعت من المطبخ ... مشت شوي شوي إلى أن قربت من الكنبة ... شافت علي راقد بعمق والريموت في يده .... ميثاء كان عندها أحساس انه يتريقد ... وأنها أول ما بتقرب من الدرج بيجرها من شعرها ... بس كانت بعد خايفة تفوتها الصلاة ... تشجعت وركبت الدرج وهي تشوفه لا يقوم لها ... صلت ميثاء العشا ونزلت بسرعة ... شافت علي اللي كان منهار من التعب على رقدته ما تحرك ... راحت سيده للمطبخ .... نظفت المطبخ ورتبته إلى أن استوت الكبسة ... وقررت أنها توعي علي وتزعجه في نومه عشان تنتقم من اللي سواه فيها ... راحت له ووقفت جنبه ... كان راقد وهو حاضن الريموت ... منظر عجيب ... ميثاء ابتسمت وهي تشوفه ... تمنت لو جوالها يشتغل كان صورت علي اللي راسم نفسه على الناس وهو حاضن الريموت بذا الطريقة ووزعته بلوتوث .... جات بتوعيه وبعدين ترددت ... فكرت لو وعته يمكن يقعد يصارخ عليها ويسوي لها مشاكل وهي تعبانه تبي ترقد ... عشان كذا قررت ميثاء أنها تحط له الكبسة في حرارة وتخليها على الطاولة قدامه في الصالة وقت ما يقوم يأكلها ...... بعد ما حطت له ميثاء الكبسة على الطاولة جنبه راحت غرفتها على طول وسكرت على نفسها بالمفتاح ... كانت تعبانه وودها أنها تنام لكن ما أقدرت وهي كلها ريحة طباخ .... دخلت تسبح بسرعة وبعدها نامت وهي تحس براحة غريبة تجهل مصدرها...... علي اللي كان يمشي وهو ضايق من كل شيء ... فجأة لقى نفسه قدام البحر ... قرب منه أكثر وقعد على الرمل يشوفه ... كان يشوف البحر بحنين وكأنه ما شافه من زمان ... بتسم للبحر وهو يغمض عينه ويستنشق هواه بكل قوه قدر عليها صدره يحاول يشبع كل خلية في جسمه من ريحة البحر اللي اشتاق لها .... بس للآسف ريحة البحر تغيرت ... استغرب علي من ذا الشيء .... كيف تتغير ريحة البحر ؟؟؟؟ صارت ... صارت ريحة حلوى ... لا مستحيل البحر يصير حلوى .... لا .. لالا .. لاااااااااااااااااااا ... فز علي بسرعة وفتح عينه .... ما كان فيه بحر ولا شيء .... كان في الصالة ... فتح عينه بتركيز أكثر .... شاف الوسايد طايحه جنب الكنبة على الأرض ... عرف ليه رقبته تعوره ... مد يده عشان يأخذ وحده ويحطها تحت رأسه .... ويوم رفع رأسه عشان الوسادة اكتشف ليه هو كان يشم ريحة حلوى ؟؟؟؟ كان نايم على جلال ميثاء اللي مخشوش تحت الوسايد .... رفع علي الجلال وحط الوسادة من تحته ورجع يرقد عليه ... كانت ريحة الحلوى اللي في جلالها عاجبته ... غريبة ذا المره ؟؟؟ كل الحريم اللي عرفتهم يحطون العود ودهن العود ولا عطورات قوية تجذب وهذي حاطه عطر بالحلوى في جلالها ؟؟؟؟؟؟؟؟؟؟ جلالها ... جلال ميثوه ... تذكر علي الكبسة مع الجلال ... رفع عينه يشوف المطبخ ... كان ليته مطفي ولا فيه احد .... يعني سوت اللي في رأسها ولا طبخت الكبسة .... قام علي بسرعة وعدل قعدته بس انتبه للحرارة وهو يقوم ... قربها وفتحها .... ابتسم علي برضا وهو يحس أن ريحة الكبسة تدغدغ كل مشاعره .... قرب جواله يشوف كم الساعة ... كانت الساعة أربع الفجر .... رفع عينه لدرج بسرعة يشوفه وهو يفكر .... صدق تخطط ما هي بهينة ذا الميثوه ... ما وعتني تبي الصلاة تفوتني في المسجد عشان تطلب الطلاق .... لكن الحمدلله أني توعيت بالحالي ولا كان صار اللي تخطط له .... قام علي بسرعة عشان يتوضأ ويبدل ثيابه اللي رقد بهم ويروح للمسجد ... وهو قايم لف يشوف حرارة الكبسة بحسرة الجوعان وقال : راجعلس يا حبي .............. ميثاء توعت على صوت باب غرفتها اللي يدقه علي بقوة وهو يقول : صلاااااااااااااة .... ما كانت تدري عن أي صلاة يتكلم علي بس ردت عليه بصوت عالي وقالت : زيــــــــــــــن .... لفت ميثاء على ساعتها تشوفها .... كانت الساعة خمس وثلث ... استوعبت ميثاء أنها صلاة الفجر .... قامت بسرعة تلحق على الصلاة .... بعد ما صلت ميثاء حاولت ترجع ترقد بس بدون فايده تحس أنها أشبعت نوم .... قررت أنها تنزل تحت وتسوي لها فطور وحليب كرك ... بدلت بيجامتها ... ولبست قلابية خضراء ... طلعت جلال اصفر عشان تلبسه معها ... بس غيرت رأيها بعد ما تذكرت اجلاتها اللي ما تدري وينهم إلى ذا الحين .... وقفت قدام المنظرة تشوف نفسها ... رتبت شعرها بيدها ... ما عجبها ... مشطته بالمشط ... بعد ما عجبها ... أرجعت تحركه بيدها ... وش سالفة ذا الشعر اليوم ؟؟؟ كل يوم ولا أحركه يضبط بالحالة ؟؟؟؟ ليه اليوم لا ؟؟؟ حتى وجهي اليوم غير ؟؟؟ يا ربي وش السالفة ؟؟؟ يمكن من المنظرة ؟؟؟؟ تنهدت ميثاء بضيق وهي تمسح خدها بطرف أصابعها ... يا الله .. صحيح العمر يركض والكبر يبان بسرعة ... أرجعت تتنهد بضيق أكثر ... وقررت تحط غلوز كتغير لنفسيتها ... أفتحت شنطة يدها اللي على التواليت تدور فيها الغلوز .... فرحتها كانت ما تنوصف يوم لقت جنب الغلوز وصلة واير الجرج حقت الجوال .... الحمدلله يعني ذا الحين اقدر اشحن جوالي ... بس الواير عنده ؟؟؟؟ اطلبه منه ؟؟؟ لا يا الغبية ... هو أصلاً ما يبيس تتحاكين مع احد ... وإذا عرف أن الوصلة عندس ماهب بمعطيس الواير .... أول ما يروح يصلي الظهر في المسجد اشحني جوالس وهو ما يدري ... ميثاء اللي حست أنها انتصرت على علي بشيء ابتسمت لنفسها برضا وهي تحط الغلوز ..... نزلت ميثاء الصالة تحت ... وقفت على آخر درجة وهي تشوف حرارة الكبسة اللي على الطاولة والصحن جنبها و قوطي البيبسي ...هزت ميثاء رأسها باستياء وهي تقول : والله أنت اللي بطيني صدق ما تنسى عمرك بالعيشة ... قربت ميثاء عشان تشيل الأكل وتنظف المكان ... توها مدنقه على الطاولة بتشبل الحرارة انفتح باب الصالة فجأة .... عدلت ميثاء وقفتها بسرعة وهي تشوف علي اللي واقف على وجه الباب يشوفها بكل هدوء ما يتحرك فيه غير جفن عينه اليسار اللي يرجف .... ميثاء حست برهبة من نظرته ... بس اللي خلى الخوف يسيطر عليها هي النظرة الغريبة اللي كان يشوفها بها علي اللي انفجر مره وحده بالضحك وهو يسكر باب الصالة ... ميثاء توترت وهي تشوفه يضحك و يشوفها ردت عليه بسرعة وهي تقول : ممكن اعرف وش اللي يضحك لذا الدرجة ؟؟؟؟ علي رد عليها وهو يضحك بكل وقاحة : أنتـــــــــــــــي .... ميثاء هنا احمقت عدل عليه وقالت بحده : ووش هو اللي يضحك فيني ؟؟؟؟؟ علي قال باستهزاء بعد ما سكت من الضحك : ليه ما شفتي عمرس في المنظرة ؟؟؟؟ أقطعته ميثاء بسرعة وقالت : لو سمحت ماله حاجة ذا الأسلوب ... وش اللي يضحك في شكلي ؟؟؟ علي ما رد عليها وراح يمشي للدرج وهي تتبعه النظر ... وقف عند الدرج ولف عليها وقال وهو يبتسم : اللي يضحك فيس انس صايره مس قرين اليوم .... ويوم شاف ميثاء ما استوعبت قال بضحك : m & m .... ولف يركب الدرج و ميثاء تشوفه وهي شوي وتبكي ............... خالد اللي كان واقف عند الباب لف على سارة بعد ما فتحه وقال وهو معصب : الحشيمة ما هي بلس ... الحشيمة لأمس وأخوس اللي واقفين ولا كان علمتس الأدب يا قليلة الحياء.... وطلع خالد بسرعة وسكر الباب ورآه بقوة ... سارة اللي كانت تشوف الباب مكان خالد بخوف لأول مره تحسه من مجرد حكي قاله خالد تفاجأت لما حست بيد سالم اللي جر بها شعرها وهو يصر على ضروسه ويقول : جلعس السلال اللي يقطع قلبس يا قليلة الأدب .... هذا حكي تقولينه للرجال ؟؟؟؟؟؟ لا حشمتيه ولا حشمتينا... أقطعته سارة تدافع عن نفسها بخوف وهي تحاول تخلص شعرها من يده : أنا ما قلت شيء غلط ... بنتي ومن حقي اسميها اللي أبي ... قطعها سالم وهو يقول بحده : أوص ولا كلمة ... صوتس هذا ما أبي اسمعه ... يومس تدرين اسم أمه نورة وانه أكيد بيسمي على أمه كان ما أخذتيه ؟؟؟ منيرة اللي كانت تحاول تفكك بينهم قالت : سالم جعلني قبلك تخليها حرام عليك نفاس تسوي بها كذا ... قطعها سالم وهو يقول : وهي ماهب حرام عليها ألحكي اللي قالته لرجلها ؟؟؟؟؟سالم اللي كان يشوف أمه لف يشوف سارة وقال : والله لو انس مرتي وقلتي عن اسم أمي مخنز أني أقص لسانس عشان تبطين ما نطقتي اسم أمي المخنز ... سالم قال أخر جملة وهو يفك شعرها ويبتعد عنها ... تنهد سالم بضيق وهو يشوف سارة تبكي وهي لامه على أمها وقال : أنا خاطري اعرف شيء واحد ... أنتي وش اللي مقوي راسس على ذا الرجال ؟؟؟؟ حاشمس وعازس ... وأنتي منتي بوجه حشيمة ... مستقويه عليه ليه ؟؟؟ وش اللي في راسس ؟؟؟ رجع سالم يتنهد وقال : شوفي ساروه ما به احد يعرف اللي في راسس مثلي عشان كذا أقولس أعقلي وحبي النعمة .... واحمدي ربس أن ماهب أبوي ولا احمد اللي حاضرين اللي صار كان عرفتي شغلس عدل .... أنا ذا الحين بروح أشوف خالد وين وبجيبه ... وأبيس تدنقين على راسسه وتعذرين منه من يدخل من وجه الباب سمعتي ؟؟؟؟ سمعتــــــي ؟؟؟؟ سارة اللي كانت تبكي وهي تشوف سالم بخوف قالت بسرعة : سمعت ..... سالم قبل لا يوصل الباب لف على سارة وقال بتهديد : يمين بالله يا ساروه أن ما سويتي اللي قلت لس أني أدق على أبوي واحمد وأعلمهم انس قلتي لأحمد ... ما هب قاصرني غير اسمي بنتي على اسم أمك المخنز ....... سالم أول ما طلع من غرفة سارة في المستشفى اتصل على خالد يشوفه وين .... عرف انه تحت عشان يكمل إجراءات شهادة الميلاد ... نزل له بسرعة تحت عشان يكلمه ويتعذر منه ................... مها قالت بتوتر : صافية بتتأخرون بعد ؟؟؟؟ ردت عليها صافية وقالت : عشر دقايق وبنوصل أن شاء الله .... مها قالت بضيق : بعد بنطر عشر دقايق ؟؟؟؟ واجد ... أقطعتها صافيه وقالت : أنتي وش اللي جايبس بدري كذا وحنا متفقين تسع نطلع من البيت ؟؟؟؟ ردت عليها مها وقالت : أبوي الله يسلمس هو اللي جابني من صبح ونزلني وقال ارجعي مع خالد ... تعرفين أمي ماهب طالعه من البيت يمكن يدق عليها علي ولا يلقاها ما كن فيه اختراع اسمه جوال ... ردت عليها صافيه بتوتر بعد ما تذكرت ميثاء اللي مع علي وقالت : زين اجل أنطري الله يعينس ... أقطعتها مها وقالت بضيق : أنا ما عندي مشكله بنطركم هنا لأني ما أبي ادخل عليهم بالحالي ... بس في واحد هنا ضيق على أمي اللي جابتني ... رايح جاي قدامي صار له عشرين مره ... ردت عليها صافيه وقالت بخوف : مهوي اسمعي ... لا تقعدين تحت بالحالس اركبي الطابق الخامس و انطرينا عند اللفت ...وحنا بنجيس هناك ... مها اللي كانت تشوف الرجال رايح جاي قدامها قالت لصافية : خلاص أنا ذا الحين بروح فوق يلا مع السلامة .... قامت مها من الكرسي اللي عند الباب وراحت عشان تركب اللفت ... ارتبكت مها لما انتبهت أن الرجال لحقها عند المصاعد .... شافت ثلاث حريم ورجال واقفين ينطرون اللفت قربت منه عشان تركب معهم ... وانصدمت من جرئت الرجال انه ركب معهم بس استقوت بالحريم والرجال اللي معهم عليه ... وهي تقول لوحده من الحريم أنها تبي الدور الخامس .... رن جوالها ... ما أمداها تطلعه من الشنطة ألا والحريم انزلوا من اللفت ... مها كانت تشوفهم بحسره وهم ينزلون في الثالث ... وقرارها السريع كان أنها تنزل ورآهم على طول ... وقفت وراء رجالهم بسرعة تنطره يطوف عشان تطلع ما كانت تبي تمر من جنب اللي لحقها .... وقرارها الشجاع طيره الخوف في الهوا وهي تشوف باب اللفت يسكر والرجال بعده واقف ما نزل مع حريمه .... كشت بسرعة ورجعت على ورآها .... واللي فجعها أن الرجال اللي لحقها رفع جواله يسوي نفسه يتصل وقام يقول رقمه بصوت عالي .... تبطل باب اللفت فجأة على الدور الخامس كان رحمة لها ... بس رحمة ما تمت لان الرجال اللي كان واقف ومعطيها ظهره لف عليهم بنظرة احتقار وقال : صدق قلة أدب ... ترقمون بعض بكل قوات عين ولا كأن في واحد واقف بينكم ؟؟؟؟؟؟؟؟؟؟؟ علي اللي كان مسدح على السرير كان يبتسم بمرح وهو يتذكر شكل ميثاء أول ما دخل ... كيف كانت مدنقه على الطاولة وعدلت وقفتها بسرعة يوم شافته ... وكيف كان شعرها يرقص حول وجها ... عيونها كانت تلمع بجاذبيه .... الحمرة الخفيفة اللي مخضبه خدودها .... الشفايف اللي على غير العادة اليوم لونهم وردي .... و القلابية الخضرة .... صدق انس مس قرين يا ميثوه .... غريبة ذا المره ؟؟؟ ما تحط مكياج ولا تلبس ثياب حلوه ومع هذا كل ما فيها مغري ... الفكرة اللي توصل لها علي أن ميثاء مغرية خلته يضحك بصوت عالي وهو يعدل الوسادة تحت رأسه ولما نام عدل عليها قال : صدق أني من زمان ما شفت نسوان اللي قمت أشوف ميثوه مغرية ......... ميثاء اللي بكت من حرتها يوم قال لها مس قرين ... قررت أنها ما تنظف شيء ولا تسوي له شيء ... سوت لها كوب حليب كرك وسندويش جبن وجام ... و شلت جلالها ونقابه من على الكنبة وراحت فوق لغرفتها ... أول ما أوصلت لرأس الدرج أسمعت ضحك علي ... كان مسكر ليت غرفته وفاتح الباب على آخره .... ميثاء قالت في خاطرها وهي تمر من قدام باب غرفته ... قليل حي صدق ... وسخيف .... لكن ما عليه أنا ماهب على أبوي أن ما علمتك مس غرين وش تسوي ................. مها اللي نزل عليها كلام الرجال مثل الصاعقة من نزل من اللفت أنزلت بسرعة ورآه وعلى اقرب كرسي انهارت تبكي ... إما الرجال اللي لحقها بعد الفتنه اللي جاته ما فكر انه ينزل من اللفت أصلاً عشان يلحقها .... أرفعت عينها مها لرجال اللي نزل معها واختفى يوم رجع يوقف قدام اللفت .... كان معطيها ظهره ... وهو يحاول ما يلف يشوفها وهي تبكي ... مها أول ما شافته كيف يتلفت عليها بالخش نزلت شيلتها على النقاب عشان ما يشوفها وهي تبكي .... تلفت الرجال يمين ويسار ويوم ما شاف احد واقف عند الفت غيرهم لف يشوف مها وقال لها : ما به حاجة تبكبكين و تسوين نفسس متأثرة .... المره الحشيم ما تركب مع الرجاجيل في الفت بالحالها .... الرجال قال آخر جملة وهو يلف ويدخل في اللفت اللي فتح ... مها اللي حست بالصدمة من قوة وجهه كيف يرجع يقول لها ذا ألحكي بعد الكلام اللي قاله في اللفت ... تمت تشوفه إلى أن فصل باب اللفت اللي سكر بينهم ......... مها قالت وهي تطلع من غرفة سارة توقف نجله وصافية : يمه اصبروا شوي .... لفت عليها نجله بسرعة وقالت : خير يا بنتي ؟؟؟؟ مها قربت منهم وقالت : يمه أذا ما عليس أمر توصلوني البيت ؟؟؟ خالد شكل بيتأخر وأنا ما اللي خاطر أقابل ساروه وهي ماده بوزها شبرين ... قطعتها صافية بسرعة وقالت : مهوي قصري الصوت لا يسمعونس .... مها اللي كانت تحس أنها شوي وتبكي من القهر اللي فيها قالت : خلها تسمع أنا أبي أروح البيت ... لفت مها المعصبة لنجله اللي أمسكت يدها وقالت بصوت هادي : بنتي اوديس من عيوني ... بس دقي على اخوس وعلميه انس بتروحين معنا ... مها اللي ارتاحت من رد نجله قالت : أن شاء الله ذا الحين بدق عليه ... بعد ما دقت مها على خالد وقالت له أنها بتروح مع بيت عمها سالم دخلت تسلم على مرت عمها منيرة وسارة وطلعت بسرعة ... صافيه اللي كانت تنطرها عند الباب قالت لها أول ما طلعت : مهوي خلاص عاد ماله حاجة تعصبين كذا ... وحد وقح وش بتسوين يعني ؟؟؟؟ لا تعكرين دمس كذا ... مها اللي كانت تتحامل على نفسها عشان ما تبكي من الحرة اللي فيها قالت : ما اقدر يا صفوي والله ما اقدر ... حرق دمي ... ماله حق علي يقول لي ذا ألحكي ... وأنا أصلا اطهر منه ومن قبيلته كلها الوقح قليل الأدب ... اجل أنا يقول لي أرقم ؟؟؟؟ أنا أرقم ؟؟؟ اناااااااااااااا ؟؟؟؟؟؟؟ لفت عليها نجله اللي كانت تمشي قدامهم وهي تسمعهم في هدوء وقالت : شوفي يا بنتي الرجاجيل ما لهم غير الظاهر ... وهو شاف شيء صار قدامه عاد أنتي لس يد فيه ما لس يد فيه ما يمشي معهم ... دايم يظنون بالشينة ... عشان كذا اكتمي على ذا السالفة ولا تحاكين بها قدام احد بالخصوص أبوس و أخوانس ... ما لس يا بنتي حاجة في ألحكي والقيل والقال .... مها اللي فهمت المعنى من وراء حكي نجله قالت لها بسرعة : أن شاء الله يمه ............ سالم قال يلطف الجو : أقول يا أبو نورة ترى من ذا الحين البنت محيره ... خالد لف يشوف سالم وقال : أنت أعرس وجيب عيال قبل وبعدين خل ولدك يتفاهم مع سلوم ولد فهد يمكنه ما يرخص لكم ... سالم قال بسرعة يرد عليه : سلوم وش تبي به بيطلع مطوع على أبوه وبيضيق على بنتك ... عليك بولدي بيطلع سنافي على أبوه ... ابتسم خالد وهو يقطع خالد ويقول قصدك أبدوي حكر.... يلا أنا بروح مع السلامة ... خالد قال آخر جملة وهو يمد يده عشان يسلم على سالم اللي مسك يده وهو يقول : لا وين تروح يا رجال تعال خلنا نطلع نسأل النوري من تبي سلوم ولا أولدي .... رد عليه خالد بحزم : اسمحلي يا اخوي بس ما اقدر ... بس ذا الحين ما لي خاطر اركب فوق ... سالم قال بجديه : خالد الله يهديك قلت لك العذر من الله ومنك و لك القدر و الحشيمة يا اخوي .... خالد قال : تسلم يا اخوي بس مالي خاطر أشوفها ذا الحين أخاف اعصب عليها وهي توها مربي وتعبانه ... اقطعه سالم وقال بسرعة : خالد اعذرني يا اخوي بس ما به احد مدلعها ومقوي رأسها غيرك أنت ... يا أخي قلنا أمرتك وتعزها وتغليها بس بعد المره يبي لها شده شوي .... وأنت الله يهديك مرخي لها الحبل على طول ... خالد ابتسم بحزن وقال : صدقني أنا ماهب مرخي لها الحبل ... واشد عليها في شيء كثير ... بس بعد قلبي ما يطاوعني عليها ... ابتسم سالم بشفقه وهو يشف خالد كيف يشر على قلبه في آخر جمله قالها وقال : والله ما به شيء مودي الرجاجيل ورا غير قلبهم .... قطعه خالد وقال : بنشوف أنت وش بيسوي بك قلبك ؟؟؟ سالم قال باستنكار : قلب من اللي تشوفه ؟؟؟ ومن قال لك أني عندي قلب أصلاً؟؟؟؟ خالد قال بضحك : زين اللي علمتني أن ما عندك قلب عشان ردك إلى خطبت مهوي ..................... ميثاء أول ما شافت سيارة علي تطلع من البيت رايح للمسجد بصلي الظهر .... طلعت ركيض لغرفته تدور واير الجرج .... لقته على التواليت ... ركبت الوصلة وحطت جوالها يشحن ... بعد ما ارتاحت نفسياً أن جوالها على الجرج يشحن لفت تستطلع الغرفة .... ما شافت فيها أي شيء مميز ... ما تغير فيها شيء نفس الغرفة اللي تنام فيها مهوي أذا كانوا في الشاليه ... أقعدت على السرير تشوف جوالها ... لفت نظرها سلسلة المفاتيح اللي جنب الجرج .... هي نفسها السلسلة حقت مفاتيح غرفة علي اللي برى ... قربت من السلسلة ... طول عمرهم يسمعون عن غرفة أغراض علي بس عمرهم ما دخلوها ... زين يوم هي غرفة أغراض ليه فتحها الهندي يوم جاو أمس ؟؟؟؟ وليه علي عصب على الهندي يوم فتحها ؟؟؟؟؟ أكيد فيها شيء .... وشيء مهم اللي ما يبي احد يشوفه ..... ميثاء ما تدري ليه سيطرت عليها فكرة أنها لازم تشوف الغرفة وش فيها .... وبقرار متهور أمسكت سلسلة المفاتيح وأنزلت للغرفة اللي تحت بسرعة .... وأول ما أفتحت الباب انصدمت من المنظر ...... توقعاتكم الجميلة ارجوكم لا تحرموني منها وكل عام وانتم بخير وينعاد عليكم رمضان بالخير والبركة ... اعزائي الجز القادم ان شاء الله بيكون عدية العيد السعيد ... ادري بتعصبون علي ... بس يا اعزائي حنا داخلين على شهر فضيل حرام نضيع اي دقيقة فيه في غير طلب الاجر اللي ان شاء الله يكتبه لنا رب العالمين .... واوعدكم بجزء محترم اذا شاء الرحمن اختكم صوت وصدى |
أول شي أحب أقولج
كل عام و انتي بخير الجزء روعة و يجنن يا ربي عليها هذي سارة وايد شايفة حالها أحلى شي سالفة الكبسة و الله يعينك يا ميثه بس صدق شنو كان بالغرفة يمكن شي يخص فيصل ؟ |
لاااااااااااا ليش وقفتي هنااااااا حرام عليس...
علي يجنن.. يهبل... ياويلي عليه وهو يحلم بالبحر ابو ريحه حلوه... ميثا.. شخصيتها قويه... بس احس انها تحاول تظهر نفسها انها قويه وهو احساس ماتحسه... مها.. الله ياخذعمره قليل الادب اللي يلحقها والله اني رحمتها... وان يدي على قلبي اخاف يسوي لها شي.. وانا متاكده ان الرجال اللي هاوشها هو ســــــالــــــم... ساره.. يابغضي لها بغضاه.. تدبل الكبد... وكلام سالم لها فيه غموض.. احس انها كانت تبي علي.. بس ماحصل لها.. سالم.. ياملحه ملحاه.. ابو دم خفيف.. عجبني لما مرمط ساروه... ومصيره لمها غصب عنه... نجي عاد للغرفه واللي فيها... انا اتوقع انها غرفه خاصه لعلي وخوياته.. واللي يخليني اشك بهذا.. نظرة الهندي لميثا اول ماجو الشاليه.. لان علي هزء الهندي تهزيء... بس يمكن انه غيرها ونظفها... لانه توقع مثل هالاستكشاف من ميثا.. ويمكن يكون فيها اشياء خاصه بفيصل...؟؟؟ مدري والله؟؟ تعبت من التفكير بس هذا اللي طلع معي الحين... وانا شخصيا مقدره وضعس وعاذرتس الف مررررره... وكل عام وانتي بالف خير... ونشوفك بأذن الله وقت العيديه... ومشكوووووره على الجزء الرهيـــــــــــب.. |
مشورة الي نزلتي لنا جزء
ولو انه قصير واحنا طماعين علي معرف ليه احسه عكس عن كل ظن الناس به انا قلت ياويل ميثا منه بس شكله هو الي ياويله من ميثوه صراحه مستقويه عليه والى الحين هي المنتصره بكل المواقف ميثاء ماعليها خوف شكلها هي الي بتجيب عليان على وجهه سالم عجبني موقفه مع ساروه وهو اكيد الي تكلم على مها مها تكسر الخاطر قهر لما تحس بالظلم ولا تقدر دافع عن نفسك الغرفه معرف من نظرة الهندي لميثا في البدايه اقول علي متعود يجيب بنات او انها فيها اغراض فيصل كلها احس الاكشن بيبدا لما يرجعون البيت وخصوصاً مع وجود امه وسويره عندي طلب اخير في شي قبل رمضان ولا لا ياليت تقولين لنا ويعطيك الف عافيه على الاحداث المشوقه |
مررررررررررررررررررررررررررراحب مليون ولايسدن
كل عام وانتم بخير ابداع × ابداع × ابداع البارت روووعه بس قصيررررر ميثوه ماشاء الله عليها عندها قوه غير طبيعيه علي بدا يحب ميثاء واحس انه اصلا قاعد يكابر سالم اللي تهاوش معها هي مهوووي الله يعينك يامهوي والله حاسه فيك لان صارت لي مواقف مثلك لان الشباب بايعينها حتى وانتي واقفه جنب ابوك يتحرشون الله يهديهم ساره المفروض انها تكبر عقلها صايره مثل الطفله وحده تقول كذا عن ام زوجها مشكوررره اختك |
يسلموووووووووووووووووو على البارت الرائع
الله يعطيكي العافية واتوقع انو في الغرفة اغراض علي يعني لما كان صايع القصة مررررررررررررره اكشن سكر سكاكر |
السلام عليكم
كيف الحال ؟؟؟ان شاء الله تكوني بااحسن حااااااااااااال.,.,.,., القصة تجنن والبارت خطير.,.,.,.,. صوت بلييييييييييييز طلبتس لا تردييني انا ان شاء الله بتزوج في العيد يعني مااقدر اقراء البارتات تعرفين زواج وبعدين سفر وعفسة تكفين نزلي بارت على الاقل وااااااحد طلبتس لاني معادني متابعه مثل قبل تكفين طلبتس وترى تكفى تهز رجال.,.,.,.,.,.,.,. الله يوفقس لما يحبة ويرضاه.,.,.,.,.,. اختس:::احلى عيون.,.,.,.,. |
السلام عليكم ورحمة الله وبركاته
اختي::صوت وصدى.,.,. وش اخبارس ؟؟ ان اشاء الله بخير؛؛؛؛؛؛؛؛؛؛؛؛ البارت يهوس ويجنن وفضــــــــــــــــــــــــع حرام عليس وقفتي عند موقف خطير كنت ابي اعرف ووش في غرفته؟؟؟ علي::::اموت وعرف وش في الغرفة قعدت افكر وماعرفت وش فيها؟.؟.؟ ميثاء::الظاهر انهم ماخذين السالفة تحدي كل واحد يعاند الثاني.؟,,.,؛؛؛؛ مها:::رحمتها موقف محد يتمنى ينحط فية .,؛؛؛؛؛؛؛؛؛؛؛؛؛؛؛؛؛؛؛؛ انا صراحة مع رأي بنت عمي(( احلى عيون)) ورانا عرسها وعفسه ؛؛؛ وتكفين بس بارت وااااااااااااحد بلي:Taj52:ز؛؛؛؛؛؛؛؛؛؛ اختس:::اميرة البحر.,.,, |
كل عام وانتوا بخير
lyly والمرحب باقي عزيزتي ... والله يا اختي ما كتبت في الجزء العاشر ولا حرف .. تدري استعدادات رمضان وترتيبات .... احلى عيون - اميرة البحر اولاً الف مبروك مقدماً ... ثانياً ذكرتوني الفصل السادس والسابع كتبتهم لكم وانا شاله على راسي مسئولية عرس كاملة من الالف الى الياء ... ومع هذا اذا كانت كلمة تكفى تهز رجال فأنا اخت رجال بحاول ان شاء الله باللي اقدر عليه بس متى تاريخ الزوجك ؟؟ عشان اعرف اذا اقدر اسوي شيء في هذا الموضوع .... جورية انا اللي اكون سعيده اذا طليت وشفتكم |
زواجها في العيد وطالبتك الجزء قبل رمضان
عادي ادري اني ملقوفه بس شسوي مغير اهوجس في القصه نايمه وصاحيه لن اكثرنا مايدخل النت في رمضان علشان انتفرغ للعبادة حاولي اذا تقدرين الله يسعدك واذا لا عادي نصبر الله يعينا ومبارك عليكم الشهر جعلنا الله واياكم من المعتوقين فيه من النار |
هلا والله بصـــــــدوي:flowers2:
:flowers2:مشكوووووووورة ويعطيس العافية والله يبارك فيس ياحيااااتي فديتس بس طلب بلييييييييييز ترضين اسافر شهر العسل وانا افكر في ميوث وعلياااااان وبعدين اخاف انادي رجلي علي وانا مدري ((بعدين يذبحني))):ekS05142:ريحني ببااااااارت يجنن والزواج 14 اكتوبر ان شاء الله انتي اول المعازيم اذا قدرتي تجين العرس؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
salaaaaaaaaaaaam teslam el2ayaadi 7abiibti صوت و صدى awwal chay mabrook 3aliikom achahr alkariim mosabba9an wa koll 3aam wenti wa koll ellilaasiyyat bi2alaf 5ayr 7lowwa hadhi liilaasiyyat :ekS05142: a55555555 macha'Allah 3aliik boorikat yomnaak elpart ibdaa3 fi ibdaa3 emm atwa99a3 anno 3'orfat 3ali malyaana bi 2achyaa2 elbint illi y7abbha we kaan ye7lam yetzawwajha laakin ahlo mana3ooh nestanna 3iidiyyitna :ekS05142: fi Amman Allah :flowers2::flowers2::flowers2: |
في وقتـــه جاء الجزء من التشووويق ,,,,
ميــثاء و علي ماشاء الله فيه تطور بسيط بينهم بس خربها علي يوم قالها مس قرين والله يستر وشالي بالغرفه :yellow: ماشاء الله سالم متيم :flowers2: بـ مهوووي تطوراااات ازدادت بالقصه اكثر تشويق و ابداع يسلمك ربي على الجزء الرائع جـــداً وكل عام وانت بألف خيــــــــر http://www.liilas.com/vb3/images/icons/love.gif |
[QUOTE=صوت و صدى;963651][ قال : صدق أني من زمان ما شفت نسوان اللي قمت أشوف ميثوه مغرية
[/ [/QUOTE قريت الجزء مره ومرتين وثلاث ابي اشوف وش ممكن يكون بالغرفه... وعجزت وانفجر راسي من التفكير لاكن اللي متاكده منه اني اسحب كلامي بان الغرفه فيها اغراض له ولخوياته...شكله مو راعي بنات..وذكرت كلام فيصل له لما كان يوصيه وهو بيسافر وقاله يبعد عن البنات.. وحلف علي لفيصل انه مايعرف بنات...وانا بصراااحه اصدق الشيخ علي...خخخخخخ اذا اللي بالغرفه مو اغراض لفيصل ..فانا متاكده ان اللي فيها شي ماتوصلنا له كلنا... بس وشو؟؟؟؟ فيا صوت وصدى ارحمينا الله يرحمس دنيا وآخره.. ودخلينا للغرفه... ترى عيب في حقس موقفتنا عند الباب من اسبوع.... خخخخخخ والا وش رايس؟؟؟؟ كل عام والجميع بالف خيــــر |
قريت الجزء مره ومرتين وثلاث ابي اشوف وش ممكن يكون بالغرفه... وعجزت وانفجر راسي من التفكير لاكن اللي متاكده منه اني اسحب كلامي بان الغرفه فيها اغراض له ولخوياته...شكله مو راعي بنات..وذكرت كلام فيصل له لما كان يوصيه وهو بيسافر وقاله يبعد عن البنات.. وحلف علي لفيصل انه مايعرف بنات...وانا بصراااحه اصدق الشيخ علي...خخخخخخ
صراحه انا نفسها عجزت اعرف وش داخل الغرفه مرات اقول خمر ومخدرات بعدين اقول لا علي او الشيخ علي مايسويها.,.,.,.,.,.,.,. ************************************** فيا صوت وصدى ارحمينا الله يرحمس دنيا وآخره.. ودخلينا للغرفه... ترى عيب في حقس موقفتنا عند الباب من اسبوع.... خخخخخخ والا وش رايس؟؟؟؟ صادقة عيب انوقف براء الغرفة الناس وش بيقولون اذا شافونا عيـــــــــــــــــــــــــــــــــــــــــــــــــــــــــب .,؛؛؛ *************************************************** ؛؛؛ كل عام و عائلة قصة(قلوب تخاف الحب)بألف صحة وسلامه ان شاء الله ينعاد علينا وعليكم بألخير:f63:؛؛؛؛ |
صدوي انا نقلت قصتك لمنتدى ثاني اذا موافقة قولليلي واذا لا عشان احذفها؛؛؛؛؛؛؛؛؛
|
راااااااااااااااااااائئئئئئئئععععععععععععععععع اااااااااااابببببببببدددداع تشششششششششششششششوويق
مشكوووووووووووره على الجزء التحفه ووووووسويتلينا سسبنس في شي الموجوووووود في الغرفه اللله يستر بس والله هلعلي موهين على العموم مبارك عليكم الشهرالفضيل وانشاء الله يتممه علينا بكل خير وننتضر عيديتنا على احر من الجمر شكراااااااااااااااااااااااااااااااااا |
السلام عليكم
مبروك عليكم الشهر بغيت اقول حق الكل .. احمدوا الله ان الكاتبه تاخذ من وقتها و تكتب لنا .. بالنسبه للبعض شو بتستفيدون لو قعدتوا تقارنون بينها و بين تحفه فنيه و تشككون انها هي .. هي و لا مش هي انتو شكو .. خلاص .. هي الحين متفضله علينا و يزاها الله الف خير مونستنا .. خلوها في حالها و تكتب على راحتها .. الله يهديكم |
هلا الغلا .. امس قريت قصتج من منتدى ثاني وصادني فضول اني اكملها ...
وعملت سيرج لين لقيته هنا ... بصراحه والله ابداع .ابداع.. ننطرج الغلا .. ومبارك عليج الشهر بالنسبه للاخت الي كانت تسأل عن تحفه فنيه .. الله يرحمها .. هي ربي يغفر لها يارب .. الحين عن ربي كريم.. وما اظن بالنسبه للي يشك بموتها ان في وحده تفاول على نفسها بالموت .. وفي الحمدلله كاتبات جدا روعات .. والحمدلله الل عوضنا بوحده مثل صدى يعوضنا فقدان العزيزه تحفه انا هنا مع البنات الي ينطرون البارت .. ننطر على الباب ... بس صج شنو تتوقعون ورى الباب .. تدرون دار في مخي فلم مصري هو مازال يحب ذيك المره من 17 سنه ليكون تارس هالغرفه صورها .. ومسويه مثل المزار لها ... بس الي مخبل مخي هو ذاك الهندي .. مخليني اشك ان علي راعي سوالف بطاليه وبنات وخمور .. وخصوصا انه كان مايصلي فديتها ميثه هي وشعرها جننت بي .. ودخلت الكاريه في خاطري..ماشاء الله عليها ..ز بسصج شكلها بتعقل علي وبتقدر عليه زين ومازين مو بسبتنسيه ذيج البنت .. الابتنسيه عقله ... صدى حبي شنو الي في الصندوق الاخضر .. شنو سالفته ..وانا بعد مع البنات الي قالو ان العيب يمكمن يطلع انه ف يفيصل مو في ميثا.. وهي يحليها اسكتت واستحملت الحرمان علشانه كسر خاطري العم عبدالله .. صج كاسر ظهره هالولد.. صدى ننطرج على احر من الجمر نبي نعرف شنو بيصير مع علي وميثا .. وكيف راح تنقلب لهم الحياه |
انا اتوقع ان الي وراء الباااااب
اشياء طفوووليه او شي لها ذكريات مؤلمه لـ علي مدري احس كذا وبتشفق عليه ميـــــــثاء ... [ يمــــكن ] |
السلام عليكم ورحمة الله وبركاتة
لكل من قال لماذا تسألين عن تحف فنية ؟ وانت شكو؟ أولاَ : هذا لحبي لكاتبة كانت متميزة وحزني الشديد وصدمتي بوفاتها وهل تصدقون أني والله على ما القول شهيد ذرفت الدموع على موتها وكانها اختي التي ولدتها أمي ثانياً:هل كثير على أن اتمنى انها لم تمت وانها عدت الى الحياة بصورة صدى صوت ثالثاً: أنا لم اقلل من قدر صدى صوت بتشبيهها بتحفه فنية وانما شبهتا باسلوب متميز |
السلام عليكم ورحمة الله وبركاته
لكل الاعضاء والمتابعين من وراء الكواليس اسال الله ان يرزقكم حسن قيم اوصيام الشهر الكريم واشكركم على توقعاتكم وردودكم الجميلة والمشجعه عزيزتي هرجوان ... الشرف وكل الشرف لي لما تشبهيني بالكاتبة تحفة فنية رحمها الله ومثل ما اعتبرتيها اختك ارجوا ان تكرميني و تشرفيني ياخوتك ... ومن قال يا عزيزتي ان الامنيات مستكرثره على الانسان ... تمني يا عزيزتي ولا تسمحي لاي انسان انه يتحكم في خيالك ولا امنياتك ... واذا حبيتي تعتبريني تحفة ولا يهمك اعتبريني تحفه مع اني اشوف هذا وسام ما استحقه لانها انسانه بكل ما للكلمة من معنى وذات اسلوب و نهج مميز ما اتوقع اني اقدر اوصل له في يوم من الايام ... الامريكية شكراً يا عزيزتي على تقديرك لوضعي وظروفي لقلبك كل السعادة انا والشوق اقولك سر لازلت ترسم الابتسامة على وجهي بكل براءة الاطفال العزيزات اللي يكتبون بالانغليزي ... سامحوني بس ما اقدر ارد عليكم لاني ما اعرف وش تكتبون << الاعتراف بالحق فضيلة اميرة البحر ... عزيزتي ما عندي اي مانع في النقل بس ياليت تقولي لي وش اسم المنتدى اللي تنقلي له القصة العررررررررررررررررررررررررررررررررررررررررررررروووووووووووو ووووووووووس وكل اللي واقفين معها على الباب بالنسبة للعروس سكري جهازك وتفرغي لتجهيزات العرس الميمون ان شاء الله وقبل لا يسكرون عليك الباب بليلة بنفتح باب غرفة علي ... عشان تكون القصة اخر ذكره حلوة لك في بيت اهلك ان شاء الله ... وعشان خاطر العروس وكل اللي معها من غير عدد اليوم ان شاء الله بنبداء الكتابة في الفصل الجديد وكل عام وانتم بخير |
اقتباس:
انا والله معك يا جوريه ... العرووووووس.. شوفي تاريخ الزواج تاكدي منه.. منا مناك... ترى انا متاكده انه قبل التاريخ اللي ذكرتيه...ياشيخه قدميه وخليه عرس لنا كلنا يابنت الحلال...خخخخخخ صوت وصدى.. صحيح انتي ذكرتينا بتحفه فنيه الله يرحمها... لكن مافيه الا تحفه فنيه وحده.. ومافيه الا صوت وصدى وحده ومافيه الا زارا وحده..>>>> مدري شكلي اسوي دعايه.. بس لويش؟؟؟؟ مدري..خخخخ |
أهلين حبووووبه الصراااحه قريت أول بارتين من قصتج في أحد المنتديات ودورتها ليما وصلت إهنيه قصه أقل ما يقااال عنها روووووووووووووووووووووووووووووووووووووووووووووووووووووووووعه سواء من حيث أسلوب الصياغه أو الحوااااار ذكرني أسلوبج بكاتبه فقدناها الله يرحمها وإهي بعد قطريه الظاهر هالأسلووب الرااائع وطريقة السرد واللهجه الجميله يتميزووون فيه بنات قطر بس ما تدرين إشكثر مشتاقه أقرا قصه بهالأسلووووب علي رغم التناقضااات الي في شخصيته وجبرووته الا إني أحس إنه إنسان قلبه أبيض من داخل والظروووف الي مر فيها وفقدانه لحبيبة خلاه يتعامل مع الناس بهالطريقه الجافهوأتوقع بزواجه من ميثا راح يلقى الند وعلى هالأساس راح يكون فيه أكشن وااايد بحياتهم ميثااءشخصيه رائعه تعجبني قوتها وقدرتها على الرد على كلام علي بدون تردد وأعتقد مع الوقت راح تتقبل علي بس الي خايفه منه هالغرفه والسر الي فيها بس أعتقد إنه فيها أشياء خاصه بعلي الي كان له علاقات سابقه مع بنات وااايد صااافيه الحمدالله إنها تقبلت أحمد والله أحمد خوش ريال وحاسه إنه راح يعامل صفوي بطريقه وااايد زينه يخليها تندم إنها فكرت بيوم ترفضه مها يا حلوها هالبنت فيها براءه عجيبه بس مسكينه طاحت بموقف مالها أي ذنب فيه ساروه يا كرهني لها أحس قلبها أسووود وما تحشم أحد والله ما تستاهل خالد وحبه على العكس تماما من ذوق وطيبة قلب ندى أتمنى يا قلبي إنج تقبليني متابعه لهالقصه الروووووووعه وننتظر البااااارت الياااي بكل شوووووووووق |
انا مستـــــــحيه
dsu]يسعدلــــ صباحكن ـــــــــــــــي:flowers2:
كيفكون كلياتكون <<<<<<<<على بالها لبنانيه خخخخخخ:ekS05142: اشتقت لكم :9jP05261: وصدى حبي انا في الانتظار مع معازيمي:friends: ياويلس مني تذكري انها اخر ليله عند اهلي ابي البارت طويل ويجنن مابي ابكي :EWx04511: وابي ايش ياربي خليني افكر(((عروس ولازم اتدلع)):ekS05142: بــــــــــــــــس خلاص فديتـــــــــــــس انـــــــــــــــ:c8T05285:ــــا :rdd12zp1: تحياتي :احلى عيون ملاحظه:فيه اقتراح ان العرس يتقدم يصير بوسط رمضان:ekS05142: |
اقتباس:
وعليكم السلامـ كأني سامع هالسر من قبل :YkE04454: ان شاء الله واحنا بأنتـــظارك و تنزيل بالجزء :flowers2: قووووواك الله . |
السلاااام علييكم
شحااالكم اخواااني وخواااتي اللي يقرووون احلى قصه في العاالم لللاحلى كاااتبه ؟؟! واخيييرااا انتهييت من الاجزاااء اللي حطييتيهم :) وانا كنت متااابعتج من خلف الكواااليس مااا شااااء الله علييج كلمـــــــــــــــــة ابـــــــــــــــــــــــــــــــــدااااع شوييييه عليييييييييييييج غنااااااااااااتي اخذي راااحتج في البااارت .. وا توقع انج اكييد بتكووون عيديتج في العييد هيه باااااااااااااااااارت يدييييييييييييييد *_^ << أنشـــاء الله توقعي ايكووون في محله والله يعطييج العااافيه يااااارب وعسااااج عالقووووه دووووووووووم والله يحفظ هــ الابداااع الغااااوي شرااااتج اكيييد .. ولااا يحرمنااا منه :) وانتظرج عـــــــــــــــلى أحـــــــــــــــــر من الجمــــــــــــر والسمووووحه ع الاطاااله علييج غلاااي تقبلي مروري .. واتمنــــى انج تقبليني كــ أخــــت تمووووت في ابدااااع اختهاااا :) أختجــــ .. دمعة غلا |
مساء الورد الجوري
كيف حال الجميع ارجوا من الله ان تكون بخير وصحه وعافية من الله وحشتوني كثير اعزائي في البداية ارحب بالاعضاء الجدد الواثقة .. Q8_Angel ... خطوات ورده ... عذراء الثلج ...صدق المشاعر ... BENT EL-Q8 ... دمعة غلا كما اود ان ارحب ترحيب حار جداً بالمتابعين الاشاوس زارا الصراحة يا عزيزتي اثبتي انك متابعه مثابرة ومائزره بطريقة فريدة من خلال تشجيعك للقصة في كل المنتديات .... بس يا ترى هل بالفعل لقيتي كل المنتديات اللي تنزل فيها القصة ؟؟؟؟ ونظرا للمجهود الجبار اللي تبذلينه قررت ان اهديك هديه ... بس ماهب ذا الحين على العيد ان شاء الله .... استودعكم الله على امل اللقاء بكم في القريب العاجل ان شاء الله اختكم صوت وصدى |
سلاااااام
شخبارك ياربي القصه جد خيال في خيال وربي تجنن انا قريتها في المنتدى وعلى طول قمت ابحث عنها لين ما حصلتك هنا ابي اكون مبث مباشر يعني طازه منك على طول اما القصه فيصل الله يرحمه شكلك طيب مره اما علاوي وربي يجنن اما احكد ياسلام هو صافيه ثنائي الحب شكلهم حلو ولا ندى فهد المطاوعه احلى مطاوعه والله فيه ناس مطاوعه حتى الضحك ما يضحكونه ندى غير عنهم وربي حبيتها اللحين النات تزوجو مسكينه نجله تجلس في البيت وحدها ليكون بعد ناوين يزوجونها مسكينه ذا الرياجيل ما ينعرف لهم ومافي قموسهم كلمه لااااااااااا كلا نعم وسم ولبيه الله يستر بس منهم مشكوره يا قلبي على القصه |
مشكوره اختى صدى وصوت على القصه الرائعه
صراحه اثبتي بالبارتات السابقه انك مبدعه بمعنى الكلمه اختك وهج الحب |
اهليــــــــــــــــن واخيرا" رديتي:dancingmonkeyff8: خوفتينا عليك:ekS05142:.,.,.,.,.,.,.
اشتقناااااااااااااااااااااااالك حيل واشتقنا للقصة.:flowers2:,.,. يالله ترى باقي 9 ايام ان شاء الله يارب تكوني كتبتي شئ:YkE04454:.,.,.,.,. اختك: اميرة البحر:flowers2:.,.,.,. |
السلام عليكم
هذي اول مشراكه لي حيب اشكر صوت وصدى على القصه الروعه الله يخليج اختي حطي لنه بارت طويييل |
صدي وصوت حبيبتي عيدك مبارك نبي عيدية سنعة يعني جرئييين على الاقل ( طماعة ) |
يااااااااااااااااااااااااااااااااااااااااااااااااااااااااااا اااااااااااااااا حظي حظاااااااااه... صوت وصدى تبي تعطيني عيديه
مقبوله وربي مقبووووووووله يا مبدعه... وعيدس مبارك.. وكل عام وانتي بخير.. ومن العايدين الفايزين.. وعاد عيدس وعاش حبيبس.. هاه فيه لفظ من المعايدات نسيته والا جبتها كلها...خخخخ اما بالنسبه للمنتديات.. والله مدري دخلتها كلها والا لا.. بس الاكيد ان كل منتدى القى فيه القصه سجلت فيه.. واشارك في الموقع اللي القصه فيه.. حتى لو اقول لاهل المنتدى القصه تهبل..لااااااااااتفوتكم.. ونشوفك بالعيد باذن الله... والله يحفظك... |
اقتباس:
واذا انتي طماعه مره وحده وتبين جزئين... تراني اطمع منس مرتين.. وابي 4 اجزاء...خخخخخ جوريه كل عام وانتي بخير.. حبيبتي لاااااااااا تزعلين ترى كلها مزوح تجي وتروح.. وتفضلي:29ps: |
اختي صوت وصدى وصلني على الخاص مسج من اختي غرشة عطر من منتديات نديم الشوق
تطلب فيها اني ابلغك انها تنقل القصه للمنتدى.. وهي تبغى رايك في نقلها القصه لمنتديات نديم الشوق... وهي سجلت في ليلاس عشان القصه بس طلع عندها مشكله في المنتدى ماقدرت تشارك .. وكنت حابه ارسلك على الخاص.. بس زي مانتي شايفه مشاركاتي ماتسمح ارسل على الخاص لا لس ولا لغيرك.. واتمنى انك تردين على الموضوع هذا عشان اقدر اوصل الرد لاختي غرشة عطر.. تحياتي لك.. |
و الله اني استانست يوم شفتج اونلاين قلت اكيد بتنزلين بارت .. بس اذا بتخلينه عيديه ماعليه ، اهم شي يكون طويييييييييييييييييييييييييل و يعوضنا فترة الانتظار الي انتظرناها
|
هلا وغلا بكل المتابعين اعزائي
وعيدكم مبارك مقدماً زارا شكرا لنقل الرسالة من غرشة عطر وقولي لها شكرا ً لنقلها للقصة ووصلي لها هذي الرسالة قد يقابل الانسان في حياته الكثير من البشر وتختلف شخصياتهم بختلافهم ولكن من الصعب جداً ان يقابل الانسان في حياته انسان قادر على استبصار الاروح ودواخلها واسرارها يشرفني نقلك للقصة عزيزتي غرشة عطر زارا .... شدي حيلك في سالفة المنتديات شوي عشان الهدية في لغز وابيك تكوني مستعده له |
السلام عليكم
واخيرا حنيتي علينا يا صوت وصدى والله لج وحشه والله انه الروايه اكثر من روعه او عساج على القوه ناطرين البارت اليديد اييي تره انا غرت من زارا شمعنه ايها الوحيده اللي بتعطينها عيديه صج انه زارا ماشاءالله عليها شيخه البنات بس يعني احنا مالنا بطيب نصيب تره تزعليني منج يالله حبيبتي ناطرينج يعطيج الف عافيه اووو انا راح ادعيلج باجر بصلاه القيام عسى الله يوفقج ويتقبل من صالح الاعمال ( شرايج بعيديتي ;) |
اقتباس:
ياااااااااااااااااا بنااااااااااااااات الفزعه الفزعه الفزعه... والا تبن توسعن صدروركن على حسااابي.. لو سمحتن كل وحده تعرف منتدى فيه القصه.. تكتب اسمه هنااااااااا.... يله عاد واوعدكن اني اخليكن تقرن العيديه ياحلوات..خخخخخخ |
اقتباس:
هلاااااااااااااااااااااااااا والله :flowers2: حبيبتي تسلمييين غلاااي ع الترحييب اللي استااانست منه واااايد :Thanx: وهذااا احلى تررحييب الصراااحه :friends: والصراااحه تستاااهل غلاااي زارا كل خيير وانااا اشهد انهااا من المتااابعيين الاواائل لقصتج الروووووووووووووعه :friends: وتستااااهليين حبيبتي زارا ع الهديه ومبرووووك عليييج مقدمااا << كنت بباركلج عن طريق الرسااايل بس ما قدرت للانه مشاااركتي قليله :( واتمنى اني اكووون صدييقه لج .. والسموووحه الله وياااج حبيبتي صوووت وصدى اهم شيء انج طمنتينااا علييج وفي انتضااارج غلاااي على احر من الجمر ارجوووو ان تتقبلي مروري اختجـــ .. دمعـــة غلااا |
اختي صوت وصدى.. انا بحثت عن القصه من خلال قوقل.. وبعض المواقع طلعها وبعضها طلعته انا من خلال مشاركتي فيها.. ومن المنتديات اللي تكتبين فيها القصه..
منتدى سارق القلوب : والقصه فيه الى الجزء الثامن..حرام عليس ليش ماحطيتي لهم الجزء التاسع.. والله انهم ينرحمون.. ومنتدى عز قطر : وهذا المنتدى اعتذرتي عن كتابة القصه بسبب الحذف المتكرر للاجزاء ورحتي منه وانا رحت معس.. والمنتديات اللي يتم فيها نقل القصه : منتدى نديم الشوق.. بواسطة غرشة عطر. منتدى سمو الحب.. بواسطة نسايم حب. منتدى جروح الوقت .. بواسطةrey rey وهذي المنتديات اللي لقيت القصه فيها.. واللي يعرف غيرها يبلغنا ولكم الشكر مقدما.. |
صوصو يا قلبي >> كل عام وانتي بخير وكل سنه و كل المتاابعين للقصه بخير وسعادهـ يارب وننتظر العيد على احر من الجمر ^_^ ............ زارا تحمست معاااكـ و لفيت كل المنتدياات اللي اعرفهاا و بعد الغالي جوجل ما قصر و ما لقيت الا اللي ذكرتيهمـ *_* فعساكـ على القو يارب ............. سنيوريتا قطر صفحة 21 ما فيها باارت يا قلبي وحياكـ الله ^_^ ^_^ |
السلام عليكم ورحمه الله وبركااته ,,,:flowers2: ردي هذا اول رد في المنتدى ,,, واصلن ما سجلت فيه الا علشان اتابع قصتك فيه مع انه موجوده في المنتديات الي انا فيها بس فيني طبع لازم اتابع الكاتبه بالمنتدى الي هي فيه ,,, فا ياليت تستقبلوني معكم في منتداااكم:c8T05285: صوت و صدى انا تقريبا معك من زمان ..... واسلوبك روعه ومررره حلو ,,, وطريقه السرد في كتاابه القصصه مرره حلوه ,,<< ما تعرف تعبر ساقطه بالتعبير خخخخخخ:ekS05142: امممممم ماعندي شي اقوله الا انننا نتظرك على احر من الجمر ,,حتى ناخذ العيديه مع زارا والقروب مو بس هم بيتعيدون حتى حنا نبي بعد عييديه مثلهم :brW05215:<<اول يوم ترد تبي عيديه تموووون بقوه |
اختي سنيوريتا قطر مانزل جزء بعد التاسع
|
اقتباس:
ياسنيوريتا قطر القصه وصلت للجزء الخامس عشر ... دوري زيييييييين وبتلقينها... ياسنيوريتا قطر الله يعافيك من امس وانتي صاجتنا الصفحه ماتفتح والصفحه ماتفتح.. وردت عليك اختي بحر الندى وقالت مافيه اي جزء نزل... عاد انتي الله يهديك تطمني واهدي.. لان مافيه اي جزء نزل بعد التاسع ... وماراح ينزل اي جزء الا قبل العيد بيوم والا يومين.. وعلى فكره تراااااه عيديه لي.. واسمحلك تقرينه.. لاني عصبت عليك شوي...سااااااااااامحيني يا اختي عاد.. وكل عام وانتي بخير.. |
اقتباس:
مشكوره ياقلبي ماقصرتي.. تستاهلين تعيدين معنا.. كل عام وانتي بخير.. |
اقتباس:
روعتيني عيوني طلعت :eek: قلت متى نزل 15 جزء ؟؟؟ قلت لا وقاعده اتفلسف على البنت وقولها تسع روعتيني الله يهديس:ekS05142:,.,.,.,.,.,.,.,. |
[QUOTE=زارا;998411]
اقتباس:
ويعااافيج انتي بعد حبيبتي والله تسلمييين ^_^ وانتي ب صحه وسلاامه يااارب .. وعساااج من عواااده :flowers2: والله يعطييج انتي العااافيه ع المجهووود اللي بذلتييه أختجـــ .. |
>< زارا ...
بالعجرا على راسج >< .. طيرتي قلبي .. زين طمنتوني ..عيل بسافر وانا مطمئنة البال ^^ يلا كل عام وانتو بخير ...ويعطيج الف عافيه ياكاتبتنا الرائعه .. ونلتقي بعد العيد باذن اللله باي |
عزيزتي الكاتبة الرائعة أبخسك في مديحي لأن ماقرأتة إلى لآن ولاأروع نحن بنتظارك فلا تطيلي علينا أرجو أن تتقبلي مروري أختك متلف الروح
|
انا توني اتاابعج ياا صدى ,, قصه ولا اروع صراحه
واايد حلوه ابدعتي بكل مافيها توقعاتي للبارت الياي : صافيه : بتاخذ احمد بس احساسي يقولي انه ف الاخير بيطلقها او بيموت نجله : بتموت يوم عرس صافيه او شي جيه او بتتعب عليهم >> هههه ذبحت المره ام احمد : هالام حبيتها متفهمه واايد وحنونه وماعليها من كلام الناس وكلام ام فيصل ما اتأثر فيه مها : فديييتها ’’ بتاخذ سالم اخو ساره ,, واايد طيووبه احبها ام فيصل : شنووو هالشريه ,, احس انه بيصير شي بدلوعها عليان وبتندم وبتحس بتأنيب الظمير وانه هاي انعاد عليها عبدالله : اهو ساس البلا ,, اهو اساس المشكله يااخي البنت ماتبي ولدك لييييش اتكلمها ههه والله انقهرت يوم وافقت ميثه على عليان محمد : هالريال طيب ,, لما تموت نجله اهو بيواسي صافيه وبيخليها عنده وبيكووفن احمد عشانه بغى يطلقها احمد : احسه مادري اشلون ههه احس انه ف نهاية القصه بيطلع انسان خبيث وحقود اهو ورى كل هاي المشاكل ,, بس فووق هاي بيطلع يحب صافيه :$ ( احس احمد وصافيه بيكونون ثنائي حلو ) خالد : بيطلق ساره ,, او بياخذها وبيسنعها واههي بتستعدل بعد تهديد سالم لها ندى وفهد : ( صج امطاوعه :×) بس عسل والله ميثه : بتحااول اتقبل عليان وبتنفذ طلباته ,, ههه كل يوم بتسوي له مجبوس >< لما ادخلت الغرفه ما بتجوف شي غير انه عليان فيها حزت الصلاه وانه يرجع الفيلا لما اتخلص الصلاه يبلفيت انه راح يصلي .. وبتطلب الطلاق ’’ بس بعدين بتهون >> ابرووحي الفت >.< ههههه ننتظر العيديه يااصدى ,, اهي الجزء اليديد |
اقول يا فلفوله يااااااا ليتنا من توقعاتس ساااااااااالمين.. والله توقعاتك تجلط...
بس اخر توقع ان علي في الغرفه هو اللي بغى يجيب اخرتي... ومع ذلك كل شي جايز.. وانا متاكده ان اللي في الغرفه شي ممكن يغير احداث القصه.. بس وشووو العلم عند الله ثم عند صوت و صدى.. |
ردودكم خلتني اتحمس ألف للبارت القادم
ننتظر اخـــــــتـيـ . |
[COLOR="Magenta"]مـــــــــــــراحبــــــــــــــ
عيــــــــــدكم مبارك وعساكم من عواده ومن العايدين الفايزين:flowers2:<<<<كلمة امــــــــي في العيــــد صدصوده الهديه لي ماعلي :busted_red: ترى زعلت انا اعروس:c8T05285: مو زارا :xx504868:<<<<بتذبحني زارا وانا لو اني مو مشغولــــــــــــه بزواجي كان درت في المنتديات تعرفين برامج وعفسه صــــدوووووووووووي ممكن طلب < < < < < ادعي لي الله يوفقني في حياتي الجديده ولا تنسين البـــــــــــــــارت ليلة العيد:hR604426: زارا حبيبتي انا الحين عروس والبارت هديه لي وانتي إن شاء الله اذا اعرستي قصه كامله هديه لس:ekS05142: من صدصوده الحلوه وش تبين بعد <<<<وهقت صدى:ekS05142: صــــــــــــــــــدى كــــــــــــــلس على بعضس ابـــــــــداع><ابـــــــــــــــــداع :rdd12zp1: دمتـــــــــم بحــــــــــب:احلى عيون:Uf704404: |
ابدااااااااااااااااااااااع ماشاء الله
بصراحه هالمنتدى فيه كم قصه قليل عليها رائعه بس خساره ماتكتمل المفروض ان فيه قسم للقصص المكتمله والغير مكتمله شفت هالشيء بمنتدى الم الامارات بصراحه مرتب والكاتبه اللي ماتكتمل قصتها يتم اقفالها لحين عودة الكاتبه تحياتي لكم |
مرحبا بالجميع
وكل عام وانتم بخير أنا سجلت بهالمنتدى عشان القصه الرائعه اللي تنمقها أنامل المبدعه "صوت وصدى" بعد الدعوة الخاصه من العزيزه "زارا"واتمنى اكون عضو فعال معكم صوت وصدى الغرفه حيرتنا وش فيهااا؟؟؟ نحتري العيد عشان نعيد مع ميثا بغرررفة علي. |
مساء الورد الجوري
ارحب ترحيب حار بكل الاعضاء الجدد اللي شرفونا بالمتابعة وقدم اسمى آيات الامتنان لكل الاعضاء الاشاوس على المتابعة الدائمة فلفوله عزيزتي اشكرك على هذي التوقعات بس ورب البيت دار راسي وانا اقراها زارا انا اموت على الالغاز وشكرا على توصيل الرسالة وقولي لغرشة هكذا هي الحياة ... جدران وابواب ... ... لقاء وفراق ... ... صديق وعدو ... ودمعه تذوب في فنجال قهوة اما فيما يخص لغزك فشدي حيالك ما باقي وقت وكل اللي اقدر اساعدك به منتدي .......................................... بواسطة ( صوت وصدى ) وكل عام وانتوا بكل خير |
[QUOTE
]توقعاتي للبارت الياي : صافيه : بتاخذ احمد بس احساسي يقولي انه ف الاخير بيطلقها او بيموت [/QUOTE] من اولها طلاق وموت [QUOTE]نجله : بتموت يوم عرس صافيه او شي جيه او بتتعب عليهم >> هههه ذبحت المره [/ QUOTE] انتي خليتي احد ماذبحتيه المسكينة بناتها متزوجات غصب وبتذبحينها بعد اقتباس:
اقتباس:
احس انكم ظالميين عليان ترا هو طيب والاحداث القدمة بثبت ذلك اقتباس:
اقتباس:
الحلوه فلفولة لاتزعليين بس ماقدرت مااعلق حلوه التوقعات فلم هنديييييييييييي |
الســـــــــــــــــلام....... ومرااااااحب لكل من يقرأ حروفي........
أرسل تحياتي للكاتبه الرائعة التي مازال صدى احرفها الطاهرة يرن في قلوبنا ...... وللغالية زارا ...... اللي لولا الله ثما هي ماكان أنا تركت أحرفي في هذي الصفحه ولاكان ريت هالقصة الأكثر من رائعه بطرحها المتميز وأسلوب السرد اللي يجبر القارئ عالمتابعه ....... أنا بعد قرائتي للقصه أكتشفت مايلي/ 1/صوت وصدى كاتبة من الطراز النادر وانا اعتبرها مكسب حقيقي للفضاء الأدبي لأنها كاتبه وبجدارة........ 2/زارا وجورية حمرا الدينامو الحقيقي للقصة بعد صوت وصدى......... ............................................................ ........................................ زارا ياقلبي شكلك سحبتي كل أعضاء ألم هنا ........ بس وربي وجودك في اي قصه يخلي لها بريق آخر(يعني نكهه ثانية ....شسوي بروح المطبخ بعد شوي) .... عموما مشكورة عالدعوة ياقلبي وجزالك الله الف خير ...... ............................................................ .. صوت وصدى /أعجبتني البيئه المحافظة التي نسجتها للقصة وأشعر بأنك صاحبة قضية لستي من الكتاب اللذين يسوقون للحب بعيدين كل البعد عن الأخلاق والدين والعرف متناسين طبية وواقع مجتمعانتا الخليجية .......... أيتها الكاتبة الرائعة.........سلمت يداك وحرمها الله على النار (آمــــــــــــــــــــــــــــين ) تقبلي مروري/ الفراولــــــــــــــــــــــــــــــــــــة |
اقتباس:
فديييتج كاتبتنا ههههههه بسم الله علييج لا تعوريين راسج ههههه توقعاتي وايد متناقظه بس والله ماقدرت اتوقع عدل ماشاء الله عليج قصتج غير غير عن بعظ القصص ,, ماقدرت اتوقع عدل ’’ تاابعي بهالمستوى :d فديت روحج انا انطر العيديه انا >> الجزء الياي اقتباس:
ههههههههههههههههه متأثره انا بالافلام الهنديه مااعليكم مني هههههه مع التوقعات رديت اقراها مره ثانيه فطست من الظحك على نفسي >< |
اقتباس:
والقصه والله تستاهل اني اجيب حتي اهلي يقرونها..خخخخ... مشكوره ياقلبي على قبول دعودتي... |
اختي الغاليه: صوت وصدى وصلت المسج لاختي غرشة عطر.. وهذا ردها.. استلمي البريد...خخخخ
اذا ماعليك امر ابيك توصلين لصوصو قصدي صوت وصدى غروووش تقول لك لاتنسين تزورينها في مستشفى شهار وتحبك من غير ماتعرفك لان احساسها عمره ماخاب وإن شاء الله راح ازورها قريبا في المنتدى ومشكوره على رايك حبيبتي عارفه اني تعبتك معي ربي يعطيك العافية وجزاك الله الف خير ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــ على فكره شهار مستشفى الامراض النفسيه بالسعوديه...بسم الله علينا... مع تحياتي البوسطقيه... زارا... خخخخخ |
كــــــــــــــــــــــــــــــــل عــــــــــــــــــــــــــــــام و انــــــــــــــــــــتــــــــــــــــــم بــــــــــــخـــــــــيــــــــــــر صووووووووووووووووووووووووووووووووووووووووووووووت وصلت بالعيدية عزيزتي زارا ... هديتك التشجيعية كانت نصف الجزء العاشر بس للآسف ما حصلتي على الهدية الى هذه اللحظة .... ومع هذا راح استمر بتجديد هذي الهدية مع بداية كل جزء الى ان تحصلين عليها ..... عروستنا الحلوة الف الف مبروك مقدماً وكل عام وكلكم بالف مليون خير ما اطول عليكم الفصل الجديد الفصــــــــــــــــــــــــــــــــــــــــــل العاشر : ميثاء اللي ما تدري ليه سيطرت عليها فكرة أنها لازم تشوف الغرفة وش فيها .... بدون تفكير أو تخطيط أمسكت سلسلة المفاتيح وأنزلت للغرفة اللي تحت بسرعة .... وأول ما أفتحت الباب انصدمت من المنظر اللي تشوفه .... الغرفة ما تمت للشاليه بأي صلة ....دخلت وهي تتأمل الغرفة اللي كل شيء فيها احمر في احمر ... الجدران مصبوغة بالأحمر ... الستائر الحمرة الفاخرة .... السرير الكبير وعواميده اللي الشيفون الأحمر نازل منها على الأرض والمخدات اللي بكل درجات اللون الأحمر منثورة على السرير وحواليه فوق الأرضية الرخامية ... الشموع الحمرة اللي في كل مكان في الغرفة ومخليه ريحتها خيال .... الكرسيين اللي من الجلد الأحمر في زاوية الغرفة والنافورة اللي بينهم .... الاستيريون اللي على الأرض جنبهم وشموع فوقه .... ميثاء كانت تحس أنها داخل صورة في مجلة وهي تلف حول نفسها في الغرفة إلى أن وقفت عينها على الكبت اللي جنب الحمام .... تأملت فخامته للحظات قبل ما تقرر أنها تقرب منه وتفتحه .... قربت وحطت يدها على أول باب .... كان فيه فوط و روب حمام على الرف الأول والرف الثاني تيشرتات و شورتات شكلها ثياب علي للبحر ... سكرت الباب الأول وافتحت الباب الثاني العلاق ... ميثاء حست كأن احد عطاها كف حاااااااار على وجها وهي تشوف ثياب حريم معلقه فيه .... كل شيء توقعته ألا أنها تلاقي ثياب حريم في غرفة علي ... كانت تحس بقرف وهي تشوف ذا المنظر البشع ... فجأة حست أن كل اللي حواليها قذر ... لازم تطلع من هنا بسرعة لازم ... وهي تسكر باب الكبت لفت نظرها دفتر تحت الثياب المعلقة .... ترددت في البداية أنها تشوفه لكنها قاومت ترددها بسرعة وجرت الدفتر وافتحته بسرعة .... قرار أندمت عليه ميثاء بأسرع مما تتخيل لما شافت اللي فيه ... كان ملزق فيه صور حريم وكل وحده كاتب جنب صورتها ملاحظاته عليها ... هنا ميثاء ما استحملت أكثر وحست أنها بتزوع من لوعت الكبد والقرف اللي حواليها ... أحذفت الدفتر بكل قوتها في الكبت و طلعت تركض ... قبل توصل باب الفيلا تذكرت باب غرفة علي المفتوح ... أرجعت بسرعة له وأقفلته وأخذت المفاتيح عشان ترجعهم محلهم ... رجعت ميثاء المفاتيح ودخلت غرفتها وأقفلت الباب عليها .... ما كانت تبي تشوف علي أو تسمع حتى صوته ... ميثاء اللي كانت متسنده على الباب ما استحملت أكثر .... انهارت على الأرض .... منظر الكبت المفتوح واللي فيه كان قدام عينها .... غمضت عينها بقوة وسندت رأسها على الباب ... كانت تبي تنسى اللي شافته بس ما أقدرت لأنها صورة انحفرت في مخها ... كانت صورة تخدش كل شيء تعلمته من يوم ما انولدت إلى ذا اليوم ... دينها ... عاداتها ... تقاليدها ... قيمها ... تربيتها ... صحيح انه قليل أدب ومنحط ... أي قليل أدب هذا ما فيه ريحة الأدب ولا يعرفه ... هو ما خاف رب العالمين ؟؟؟ ما خاف الله يعاقبه ؟؟؟ ما خاف الله يبليه ؟؟؟ لا وبكل وقاحة يجيب خوياته لشاليه أهله ... في واحد يسوي كذا؟؟؟ فيه ... ال**** اللي ما يخاف الله ... ال**** والنذل ... المنحط عليان ....عليان ... ميثاء حست أنها بتختنق بعبرتها وفتحت عينها بقوة خلت دموعها تطلق عنان غضبها الجامح لما سيطرت عليها فكرة أن علي جابها لذا المكان بالذات لأنها في نظره ماهب أحسن من اللي جابهم هنا قبلها .................. مها قالت بضيق : صافيه سامحيني ادري أني ضيقت عليس اليوم واجد ... أقطعتها صافيه بسرعة وقالت : مهوي لا تقولين كذا ترى والله بزعل منس ... أنا وميثوه ثنتين ويشهد ربي انس اختنا الثالثة ... وبعدين أنتي ما ضيقتي علي لأني أنا اللي داقه عليس ماهب أنتي ... تعالي أخاف أنا اللي ضيقت عليس باتصالي ؟؟؟؟ ردت مها بسرعة وقالت : بالعكس يا صافيه اتصالس فرحني ... طول يومي وأنا بالحالي ... أمي ما تبي احد يتحاكا معها لان علي ما كلمها اليوم ... أبوي وخالد دايم برى ... ندى والبزران اللي مونسيني من يومين في بيت جدانهم .... وأنا مقابله الطوفه وهي مقابلتني ... على طاري الطوفه تذكرت ساروه ... حسبي الله على اللي كان السبب ضيق علي ما خلاني أشوف وش سالفتها ... ابتسمت صافيه وهي تسمع مها اللي أرجعت لطبيعتها المرحة بسرعة وقالت : تعالي أنتي وش فيس عليها ؟؟؟؟ ليه أحس انس ما تحبينها ؟؟؟؟ ردت عليها مها بحزن وقالت : بتصدقيني لو قلت لس ما ادري ليه صرت معها كذا ؟؟؟؟ يمكن عشان دريت أنها كانت تمثل علي الصداقة ... ويمكن عشان طريقتها وأسلوبها مع خالد ... شوفي على قد ما خالد يعاملها بجفاف وما يعطيها وجه بس أنا ادري انه يموت فيه ولو أنها تنعدل معه شوي كان شفتيه حاطها على رأسه ... لكن المصيبة أنها ما هي بمريحته ولا هي بساعدته .... تدرين من يوم ما اكتشفت أنها تسوي نفسها مرافقتني عشان حاجتها طابت نفسي منها وطاحت من عيني يوم عرفت اللي عشانه رافقتني ... صافيه ...ردت عليها صافيه وقالت : عيون صافيه ... ابتسمت مها وهي تقول : عيونس سالمه يا صفصف ... وربي ما تمنيت خالد يأخذ ألا أنتي ...................... ميثاء اللي كانت دموع عينها تحجب عنها أي صورة غير صورة غرفة علي واللي فيها روعها ضرب علي القوي على الباب وصوته وهو يقول بصراخ : صلااااااااااااااااااااااااااااااااااااه ... قومي ... صوت علي الصارخ والصورة اللي في بالها أدخلت الخوف في قلبها للحظة وشلت تفكيرها .... زحفت بسرعة على الأرض تبعد عن الباب وهي تشوفه بخوف .... كان عندها شعور أن علي بيسوي فيها شيء بعد ما أكشفت سره ... انتظرت بخوف ... وانتظرت لكن انتظارها ما وصلها لشيء ... علي لا عاد طق الباب ولا طلع له صوت أصلاً .... مع سيطرت الهدوء على المكان استوعبت ميثاء أن علي مستحيل يكتشف أنها أدخلت غرفته ألا أذا هي قالت له لأنه كان يصلي في المسجد .... ميثاء بعد ما ريحتها ذا الفكرة أقدرت تفكر وتذكرت أنها ما صلت الظهر وقامت بسرعة للصلاة وهي تدعي ربها أن يكون ذا الهدوء اللي عم هو بسبب نوم علي اللي كان في هذا الوقت يفرفر في قائمة الأسماء في جوال ميثاء اللي نست تأخذه يوم رجعت المفاتيح .... هو صدق تفاجئ يوم شاف الجوال على التواليت واستغرب من موجود الوصلة عند ميثاء ... مد يده وأخذه وهو يبتسم بسخرية وقال : صدق ذا المره ما هي بسهل !!!! سوت سالفة ومشكلة على الجوال و الجرج و الوصلة عنده ؟؟؟؟ نسدح على السرير وهو يفكر وش اللي كانت تقصده ميثاء من وراء كل اللي سوته ؟؟؟؟ تهاد معه ولا تلفت نظره ؟؟؟ ولا تسوي مشكله عشان تطلق ؟؟؟؟ وش اللي في راسس يا ميثوه ؟؟؟؟ الظاهر أني لازم اكسره عشان اعرف وش اللي فيه .... وكانت بداية الحرب عند علي في اكتشاف أسرار الأعداء ... فتح الجوال ... وجهته مشكلة .... الرقم السري ... اخذ علي نفس طويل وهو يقرص عينه في الشاشة ... لف يشوف جواله اللي جنبه على لسرير ... ورجع يشوف جوال ميثاء ... أول فكرة جات في بال علي كانت انه يحط الرقم السري لجوال فيصل الله يرحمه لان جوال ميثاء فيصل هو اللي مطلعه لها وأكيد بيكون حاط نفس الرقم السري اللي حاطه لجواله .... أول ما اشتغل الجوال .... اختفت ابتسامة علي وهو يشوف صورة فيصل خلفية للشاشة وقال وهو يضغط على قائمة الأسماء : والله أن ذا المره داهية حاطه الجوال هنا بالعاني تبيني أشوف اللي فيه .... ما كان في الأسماء أي اسم مميز أو يلفت انتباه علي غير اسم فيصل .... افتحه وبعد ما تأكد انه رقم فيصل اللي أخذه اختار تعديل من الخيارات وغير الاسم .... خلص من الأسماء وفتح الأستوديو ... كل الصور ومقاطع الفيديو اللي فيه كانت لسلوم ولد فهد وإخوانه وصورة وحده لفيصل هي نفسها اللي على الشاشة ... والمحطة الأخيرة لعلي في جوال ميثاء كانت صندوق الرسائل ... كانت كل الرسائل اللي فيه من ندى وصافية وثنتين ما عرفهم ريم وعليا ... علي هنا زادت حيرته في ميثاء... كل اللي في جوالها طبيعي ... طيب وش اللي كانت تقصده من ترك الجوال هنا ؟؟؟؟ وش اللي تبيني أشوفه فيه ؟؟؟؟ وإذا كان فيه شيء صدق وش ممكن يكون وأنا ما انتبهت له ؟؟؟ تمت الأفكار تأخذ علي وتجيبه على أمل انه يوصل لشيء بس بدون فايده ... كان شعور علي عبارة عن لوحة بديعة ... مزيج من الغضب والجوع والحيرة بمسحه من الحزن ... حس انه صدع بسبب هذا الشعور وبسبب بحلقته في جوال ميثاء على الفاضي ... قرر انه ينام وهو يرجع جوال ميثاء على الجرج فوق التواليت شاف الساعة فيه ما كان باقي على صلاة العصر شيء .... كان يحس انه مخنوق عشان كذا توضئ بسرعة وطلع للصلاة في المسجد حتى قبل الأذان... وهو بينزل الدرج لف يشوف باب غرفة ميثاء ... معقول إلى ذا الحين راقدة ؟؟؟؟ أكيد راقدة ولا وش بيقعدها كل ذا الوقت في الغرفة بالحالها ؟؟؟؟ مسويه عمرها شريفة مكة وتتشرط علي الصلاة وهي خامدة طول يومها ولا صلاة ولا عبادة .... راح لباب غرفة ميثاء اللي بعد ما صلت الظهر مر الوقت ولا حست به لأنها أقعدت تقرا قرآن تحول أنها تمسح الصورة والفكرة اللي تكونت في بالها عشان ترتاح وتهدي نفسها روعها صوت الباب اللي رجع علي يضربه بقوة وهو يقول : يا مال المرقد ... ما شبعتي رقاد ؟؟؟؟ طول يومس وأنتي راقدة قومي ... صدقت ميثاء وردت عليه بكل قوة وقالت : ولا لك لو ... ما شبعت قطعها علي وقال : جعلس ترقدين ما تذهبين ... شوفي أنا بروح أصلي العصر وبرجع أبي أشوف الغداء قدامي ... وبزوالس أن رجعت ولا عينت غداء عدل .... ميثاء سكرت مصحف فيصل ورجعته في مكانه اللي يحطه فيه دايم ... راحت لدريشة و أفتحت الستارة تشوف سيارة علي اللي واقفة ... كانت لحظات قبل ما يظهر علي جنبها ... منظر علي وهو يروح يفتح الباب عشان يطلع السيارة دخل في نفس ميثاء شعور غريب من الهدوء والسكينة .... وهي تشوف السيارة تطلع من البيت توصلت لقرار... أذا كان علي يعتبرها ماهب أحسن من اللي جابهم هنا قبلها ... وإذا كان كل قصده انه يكسرها فهي بتختصر الطريق عليه ... بتكسر نفسها قدامه وبتسوي كل اللي يبيه بدون ما تعاند عشان تطلع من هذا المكان ومن حياة علي بكبرها بأقصى سرعة تقدر عليها خاصة بعد ما يحس انه ما به أي متعه أو تحدي في مقابله لها .... وعلى أساس هذا القرار أنزلت ميثاء بسرعة تحت نظفت الصالة على السريع ودخلت المطبخ تشوف وش تقدر تسوي غدا لان يدام ما به .... بحسب اللي متوفر في المطبخ من أغراض ما أقدرت ميثاء تسوي شيء غير كبسة على تونة .......... فيصل قال بملل : أنت ذا الحين ما مللتني ؟؟؟ صار لي ساعة معك ولا به فايده ؟؟؟ يا أخي لذا الدرجة سؤالي صعب ؟؟؟؟؟ علي اللي كان منسدح على السرير قال بكل عياره : أكيد صعب ... يا أخي أنا وش عرفني وش اللي أبي فيها ... أبي فيها كل شيء ... يعني بالعربي أبيها فول أبشن ... اقطعه فيصل بعصبية وقال : عليان حنا بنخطب لك سيارة ولا مره ؟؟؟؟ عدل علي قعدته وقال يهدي فيصل : يا دافع البلا كباريت ... الواحد ما يقدر يضحك معكم ألا و شبيتو؟؟؟؟؟ شوف يا أخي سؤالك صعب بالنسبة لي ...كيف تبي اختار صفة ولا صفتين بس في المره اللي بقابلها طول حياتي ؟؟؟؟ الإنسان بطبعه طماع وأنا اكبر طماع في الرجاجيل وأبي المره اللي بأخذها يكون فيها كل شيء وكل الصفات .... اقطعه فيصل وقال : أذا على الطمع كل إنسان طماع بس لا بد انه يطمع في الشيء اللي ماهب عنده أو يكون محتاجه ويكون مستعد يتنازل عن كل شيء ثاني مقابل انه يلقاه في شريكة حياته ... اقطعه علي وقال بصورة مفاجئة لفيصل : دام هذا قولك وش الشيء اللي في أمرتك و خلاك تستغني عن العيال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فيصل اللي تفاجئ من السؤال تغيرت نظرته بطريقة غامضة وابتسم ابتسامة حزينة وهو يقول : حنــــــــــانها .....علي اللي رجع من المسجد وهو يحس بحزن غريب فسره لنفسه انه بسبب الجوع عشان كذا أول ما رجع راح سيده المطبخ ... كان يشوف ميثاء وهي معطته ظهرها وتنتقل بين المغسلة شوي وبين فرنها شوي وكلمة فيصل ترن في رأسه .... فجأة حس انه صغير ... صغير ...مثل الولد الصغير وان ميثاء كل ما تحركت انبعث منها خيوط من الحنان الغريب .... الحنان اللي هو محتاجه ويبيه .... علي صحصح أنت عمرك ما احتجت لأحد ... وأنت آخر واحد تقول أبي حنان ... أمك و أبوك ماهب بمقصرين ... أنت لك كل شيء ... ويستوي عشانك أي شيء .. وبعدين وش ذا الطفولة المتأخرة ؟؟؟؟ ادري أني ماهب ناقصني شيء .... بس هم حنانهم غير وهي غير... أصلاً هي غير عن كل الحريم اللي عرفتهم في حياتي ... يمكن ما يكون حنانها مثل ما قال فيصل الله يرحمه ... ويمكن ما فيها حنان لأني ما أشوف فيها أي حنان .... بس الأكيد فيها شيء غير ... وش هو ؟؟؟؟ هذا اللي خاطري اعرفه ... وبعرفه لكن بعد ما اكسر رأسها ...علي سيطرت عليه الفكرة الأخيرة لما لفت عليه ميثاء اللي كان يتبعها النظر وشافته بنظرة كلها احتقار وتعالي .... ميثاء صدق قررت شيء لكن الواقع كان شيء ثاني ... في البداية خافت لما حست أن في احد يراقبها من ورآها ...لكن لما لفت وشافت انه علي ما أقدرت تخفي اشمئزازها منه واحتقارها له .... لفت بسرعة تشوف القدر قدامها يوم شافت علي يدخل المطبخ وهو يقول : وش هو الغدا ؟؟؟؟؟ ردت عليه ميثاء بكل هدوء أقدرت عليه : كبسة تونة ... رد عليها علي وقال: من قال لس أني أبي كبسة ؟؟؟؟؟ غمضة ميثاء عينها وأخذت نفس طويل قبل لا تلف على علي وتقول بصوت واطي وهادي : آسفة غلطتي ما سألتك وش تحب تأكل ... بس وش أسوي ولا به ودام ... صرفت نفسي باللي موجود .... على العموم أذا تحب أسوي لك شيء ثاني أنا حاضره أنت بس تأمر .... على اللي يشوف ميثاء بكل هدوء ما يتحرك فيه غير جفن عينه اليسار اللي يرجف كان وده يخنق ميثاء وهو يشوف نظرات الاحتقار اللي تشوفه بها والحكي اللي تقوله .... ما قدر يستحمل يوقف قدامها وهو يحس لأول مره في حياته انه ما يقدر يرد على احد ... طلع بسرعة من المطبخ ............ علي كان ماسك الريموت بعصبية ويفرفر القنوات وهو يغلي من الغيض على ميثاء ... أموت واعرف على ويش هي مستقوية ؟؟؟؟ عينها قويه .... واليوم فيها شيء جديد ... تشوفني من فوق وبتعالي ... اكسر عينها يا علي ... اكسرها .... ما بعد انخلقت المره اللي تشوف عمرها عليك ... انتبه علي من أفكاره على ميثاء اللي تركب الدرج قال بسرعة يوقفها : على وين أن شاء الله ؟؟؟؟؟؟؟؟؟؟ لفت عليه ميثاء وقالت بكل هدوء : بصلي العصر تأخرت على الصلاة ... قطعها علي وقال باستفسار : والغدا ؟؟؟؟ ردت عليه ميثاء وهي تأخذ نفس طويل وقالت : الغدا على الضو عشر دقايق و بيخلص أن شاء الله ... علي اللي كان ناوي على هده قرر انه يجلها إلى بعد ما تصلي وترجع عشان كذا قال بسرعة يقطعها : خلاص .. خلاص ... تقدرين تروحين ذا الحين تصلين ... علي قال جملته الأخيرة وهو يلف يشوف التلفزيون بطريقة يتجاهل فيها ميثاء وكأنها حشرة قدامه وكشها .... ميثاء حست أن الدم بداء يغلي في عروقها من علي وطريقته في ألحكي وبذلت مجهود جبار عشان تسيطر على أعصابها ونفسها وتلف تركب الدرج بدون ما ترد عليه .... أوصلت الغرفة وهي تحس أن رأسها بينفجر من الحرة .... توضأت وصلت العصر وهي تحس بتوتر وضيق من طريقة علي في ألحكي معها ... إحساسها كان يتأكد كل دقيقة تقضيها مع علي .... هو جايبها هنا عشان يبين لها أن مقامها عنده من مقام اللي جابهم هنا قبلها ..... وقفت ميثاء بعد ما صلت قدام المنظرة تتأمل عيونها اللي بدت تتجمع فيهم الدموع وهي تقول : لا تبكين ... لا تبكين ... ما يستأهل ذا ال**** دمعه وحده من عينس .... أنتي بس خلس كذا وهو بيمل من نفسه و بيطلقس بسرعة .... نزلت ميثاء بسرعة بعد ما قدرت تسيطر على نفسها .... مرت من قدام علي ولا كأنه يشوفها كان مبحلق في التلفزيون .... رتبت شوي في المطبخ وأول ما خلص الغدا انكبت لعلي عشان تخلص منه وترجع غرفتها بسرعة ما كانت تبي تقعد معه أو تشوفه .... وقفت ميثاء في نصف الصالة تشوف الكنبة الفاضية .... يمكن منسدح ولا يبين من وراء الكنبة ... قربت أكثر ... المكان فاضي ... وين راح هذا ؟؟؟؟ حطت ميثاء الصينية على الطاولة وراحت تطل من الدريشة حقت الصالة ... السيارة موجودة ... الغرفة اللي برى والباب الكبير مسكرين .... يعني هو هنا ما طلع .... يمكن راح للبحر ... أركبت ميثاء فوق تطل من دريشة الصالة اللي فوق على البحر .... ما به احد على البحر .... وين راح هذا ؟؟؟؟؟ وأنتي وش تبين به ... يروح جهنم الحمرة هو وغرفته الحمرة اسود الوجه .... ما لس فيه دخل ... الغدا وعلى الطاولة أذا يبيه يروح له .... جعله ما يطلع من بطنه .... لفت ميثاء عشان تدخل غرفتها .... بس لفت نظرها باب غرفة علي اللي مفتوح على آخره والليت المطفي ..... معقول يكون هنا ؟؟؟؟ قربت ميثاء من باب الغرفة بهدوء وحذر وطلت من الباب .... أفزعها صوت علي اللي كان نايم على السرير وهو يقول : وش تبين ؟؟؟ تطلين كنس حرامي ؟؟؟؟ .... ميثاء اللي انصدمت من السؤال جاوبت بسرعة تخفي ارتباكها وقالت : الغدا تحت .... قطعها علي وقال : ما أبي غدا ... ميثاء اللي ما أعجبها الرد قالت : واقدر اعرف ليه ما تبي غدا ؟؟؟رد عليها علي وهو يلف ويعطي ميثاء ظهره : لاااااااااااااااا ...ما تقدرين تعرفين .... وطلعي برى خليني ارقد .... ميثاء اللي كانت تقرص عينها فيه قالت بهمس وهي تلمح جوالها اللي نسته على التواليت : رقاد أهل الكهف أن شاء الله .... وبخطوه سريعة جرت الجوال من على التواليت وطلعت بسرعة ..... دخلت غرفتها وهي تشوف جوالها ... معقول ما شافه .؟؟؟؟؟ ما يصير ... أكيد شافه بس ما قدر يفتحه ......................... منيرة قالت وهي تحط نور بنت سارة في يد محمد : بسم الله الرحمن الرحيم .... وسمى محمد وهو يشيلها بحذر ويقربها منه عشان يبوسها ومد يده بالبنت لمنيرة تشيلها بس وقفه احمد يوم قال : وحنا مالنا رب نشيلها شوي ؟؟؟؟ لف عليه أبوه برأسه وقال : تبيه قوم شيلها من قدامي أخاف ألفها عليك تفرط من يدي البنت صغيره واجد ... يالله أنها تنشاف .... قام احمد وقعد قدام أبوه عشان يشيل البنت من يده وهو يقول : ساروه اللي يشوف كرشتس اللي وش كبرها ما يشوف بنتس ... لقمة ما هي ببنت ؟؟؟ ما مداه يشيلها ويبوسها ألا ومنيرة شلتها من عنده وهي تقول : هاتوا البزر لا تلعبون بها .... احمد قال وهو يرجع يقعد جنب أبوه : والله ما يسوى علينا ... ما سوينا بها شيء ... غير حبينها ... بعد لو ما هي بخفسه ما ادري وش سويتوا؟؟؟؟ سارة اللي قاعدة على سريرها قالت بسرعة ترد على احمد : والله يا بنتي أزين بنت في الدنيا وبتبطي ما جبت مثلها ... قطعها احمد وقال : أنتي ليه تزعلين من الصدق ؟؟؟ بنتس شينه ... أقطعته سارة وقالت : خلينا الزين لبنت صفوي الخفسة ... رد عليها احمد وقال يحرها : يا ويلس من ربس صفوي شينه ؟؟؟؟ ردت عليه سارة بحده وقالت : ألا نكره ... رد عليها سالم اللي توه داخل الغرفة وقال : يا أختي العزيزة ليه معصبة كذا ؟؟؟ اخوس ما قال شيء ... أنتي اثبتي أن اتحاد جيناتنا مع جينات بيت عمي عبدالله تعطي إنتاج طيب ... بس أنا متأكد مليون المية أن اتحاد جيناتنا مع جينات بيت عمي سالم تعطي إنتاج فائق الجمال .... سالم قال آخر جملة وهو يلف على احمد اللي قال له : أحسنت ... بيض الله وجهك ... ويرد عليه : ووجهك يا طويل العمر ... ولف بسرعة على أبوه اللي قال : سود الله وجهك يا اسويلم .... سالم رد عليه وهو يدنق عليه ويقعد جنبه وقال : آفااااااااااا ليه يا طويل العمر ؟؟؟؟ رد عليه أبوه وقال : يومك تدري عندي العصر رجال وراك ما جيت المجلس ؟؟؟ سالم قال يدافع عن نفسه : فديت خشمك يا أبو احمد أنا رجال من أصبحت وأنا ادوج في مستشفى الولادة مع بنتك وأمرتك ... دار راسي وكرهت العرس والعيال و السبايب هم ... ولا دخلت البيت ألا قبل صلاة العصر بشوي .... أكلت لي لقمة وصليت العصر وحطيت راسي ساعتين ... رد عليه أبوه وقال باستفسار : ليه أنت اللي تدوج ... خالد ما جاكم ؟؟؟؟؟ سالم قال بسرعة يرد على أبوه وهو يلف على سارة اللي تغير وجها بعد سؤال أبوها عن خالد : ألا جاء ... انتووا دريتوا وش صار اليوم في المستشفى ؟؟؟؟؟ منيرة من غير شعور قالت بسرعة : ما صار شيء .... لف عليها سالم وقال يضيع الموضوع : ألا صار ... بس انتووا ما تدرون ... صار في الممر عند اللفت .... ولف على احمد اللي قال له : أكمل وش صار ؟؟؟؟ سالم قال : واحد تهاد مع أمرته قدام الناس ... قال أبوه يسال : وش قومه عليها ... جعل القوم تأخذه ؟؟؟؟؟؟ قال سالم يدافع عنه : والله ما ينلام ... الله يسلمكم اللي فهمته أن الرجال يبي يسمي بنته على أمه وهي سبت أمه واسمها قدامه .... احمد اللي كان متكي و يعابل في جواله قعد على حيله وقال بعصبيه : وش رد عليها يوم سبت أمه ؟؟؟؟؟ سالم قال : تهاد معها وحلف وطلق أن ما استعدلت أن يعرس على رأسها ... اقطعه احمد وقال : قومه والله ماهب رجال ولا كان فصخ عقاله وقطعه على ظهرها ..... سالم قال وهو يلف على أمه وسارة بنظره خاطفة : هذا رأيك ولا هب كل الرجاجيل واحد ... رد عليه أبوه وقال : ألا كل الرجاجيل واحد ... تسب أمه ويسكت لها ...لا والله ماهب رجال ولا هب كفؤ .... أنت ... أنت لو هي أمرتك اللي سبت أمك كان ما سكت عنها .... خلونا من ذا الخرابيط ... أذان المغرب قوم نلحق على الصلاة في المسجد .... صافيه كانت تجهز لبسها للدوام باكر يوم أسمعت صوت المسج ... أول من جاء في بالها كانت ميثوه ... شبه طارت للجوال اللي على السرير .... أفتحت الرسالة بسرعة ..... ارتبكت يوم شافت أن المرسل (( حبيبي )) .... بعد الشين أنزلت عينها عن الاسم عشان تقرا الرسالة .... (( مساء الورد يا ورده .... حبيت أبشرس أن سارة أختي ربت متى بتشرفين بيتنا بزيارتك عشان نفرش الأرض بالورد يا وردتي )) صافيه ارتبكت وحست أن وجها شب عليها من الحياء .... ما أعرفت وش تسوي ترد على الرسالة ولا تتجاهلها .... بس يوم تذكرت كلام ميثاء ... وتذكرت كيف سكرت الجوال في وجهه آخر مره قررت أنها ترد علي رسالته ... برسالة أكتبت فيها .... (( مساء الخير ... تستأهلون سلامة سارة وبالبركة ما جابت ... حنا زرنا سارة اليوم الصباح في المستشفى ... وجعلك سالم على الاستقبال ... )) ..... صافيه أول ما عطت الرسالة إرسال أندمت على آخر سطر أكتبته .... كانت تشوف الجوال بحسره وهي كل مناها تسترجع الرسالة يوم روعها صوت المسج .... كان من عند احمد ... (( يا خسارة ما لي نصيب أشوفكم بدخل المسجد ذا الحين وبدعي ربي يقرب اليوم اللي بشوفس في على طول ....... يا أجمل ورده جورية .......)) علي قعد على صوت المنبه في الجوال لصلاة المغرب .... كان متضايق ... من ويش ما يدري .... توضأ ونزل بسرعة البيت كان هادي بصورة غريبة .... استغرب من الأكل اللي على الطاولة .... قال يمكن ناكبة لها تبي تتعشى بالحالها .... زادت الضيقة اللي فيه ... راح المسجد يصلي ورجع .... لقى الأكل في مكانه ما تحرك .... استغرب أكثر .... هذي وش فيها ليه ما أكلت أكلها ؟؟؟؟ حركات يا علي حركات ... تبيك تناديها عشان تشوفك بتعالي يعني أنت اللي تركض ورأي وتدور المقعاد معي ... أحقرها يا علي أحقرها ... و جعلها ما تأكل دبت حياتها .... قعد علي في الصالة إلى صلاة العشاء وراح يصلي في المسجد .... استغرب أكثر يوم رجع الشاليه وشاف الأكل في محله ما بعد شلته أو كلته .... هذي وش فيها ؟؟؟؟ لف علي يشوف الدرج وهو يفكر في ميثاء اللي اختفت ... خاف يكون صار فيها شيء ... اركب شوفها ... وش تبي بها خلها ... اركب يا رجال يمكن يكون فيها شيء ولا تعبانه ... ما فيها شيء ... وبعدين وحده قاعدة في دارها وش بيصير فيها ؟؟؟؟ اقل شيء تكون زلقت في الحمام وأغمى عليها ولا تعورت وانكسرت ... معقولة... ليه لا ؟؟؟ وهذا اللي منعها أنها تنزل تأكل الآكل .... ركب علي الدرج بسرعة بعد ما سيطرت عليه هذي الفكرة .... أول ما وصل لغرفة ميثاء فتح بسرعة الباب اللي نست ميثاء تقفله وهي تشوف جوالها ودخل بقوة خلت ميثاء اللي منسدحه على السرير تقوم بسرعة وهي تشوفه بخوف .... علي لما شاف أنها ما فيها شيء حس بحرج وقال يبرر دخلوه المفاجئ : أنتي وبعدين معاس إلى متى وأنتي راقدة ؟؟؟؟؟؟ يلا بسرعة تعالي تحت انطرس لا تتأخرين ... وطلع بنفس السرعة اللي دخل بها وميثاء مبحلقة تشوفه في مكانها .... علي نزل وهو معصب عليها وعلى نفسه ... قعد على الكرسي واخذ الريموت يفرفر بعصبية في القنوات .... ميثاء اللي كانت منصدمة من وموقف علي أنزلت بسرعة ورآه على طول ووقفت على آخر الدرج وهي تشوفه وقالت : نعم تبي شيء مني ؟؟؟؟؟؟؟؟ علي قال بدون ما يلف عليها : وش سويتي لي عشا ؟؟؟؟؟؟؟؟ ميثاء قالت بحذر : ما قلت لي أسوي شيء ... وبعدين أنا سويت لك الغدا وأنت ما كليته .... ميثاء قالت آخر جملة وهي تأشر على صينية الغدا اللي على الطاولة يوم شافت علي لف يشوفها .... علي اللي نزل عينه يشوف الصينية رجع يرفع عينه لها وهو يشر على الصينية ويقول بكل هدوء : وأنتي يومس ما سويتي عشا تناحسيني ولا تعاقبيني عشان ما أكلت الغدا؟؟؟؟؟؟؟؟؟ ردت عليه ميثاء وقالت : لا هذا ولا ذاك ... بس أنا شفتك ما أكلت الغدا قلت يمكن ما يعجبك طباخي ... عشان كذا .... قطعها علي وقال بسرعة وبصوت عالي وهو يقرص عينه فيها : أنتي وش فاكره نفسس ؟؟؟؟ زامه بعمرس علي ... وقعي في الأرض .... وقعي ابرك لس ... ترأس أن رحتي فوق ولا نزلتي تحت ما تسوين عندي شيء ... أقطعته ميثاء اللي ما أقدرت تستحمل أكثر أي كلمة زيادة من علي وقالت بعصبية وصوت عالي : أنت اللي ما تسوى عندي شيء ... أصلا من تكون أنت عشان تسوي أي شيء ؟؟؟؟ أنت مجرد واحد مجنون صديع لا لك دين ولا فيك مروه ... الله ابتلاني فيك آخر عمري وان شاء الله بيخلصني منك ... ولا تظن انك عشان جبتني هنا بنزل لمستوى خوياتك المخنزات اللي مجمع صورهم في الغرفة الحمرة... ولا تفكر في يوم من الأيام أني ممكن أكون صورة في دفترك القذر .... ميثاء قالت آخر جملة وهي تلف بسرعة وتركب الدرج تحاول تخفي دموعها اللي سالت بغزاره على خدها عن علي اللي كان قاعد يشوفها بكل هدوء ما كان يتحرك فيه غير جفن عينه اليسار اللي يرجف .... ميثاء أوصلت لغرفتها وهي سكرانة من البكي دخلت وهي تحس أن شعر رأسها بيطلع من رأسها فيد علي اللي جر شعرها من وراء وهو يقربها منه ويقول بصوت واطي في أذونها : صادقه عمرس ماهب صايره مثل خوياتي ولا بتوصلين لمستواهم تدرين ليه ؟؟؟؟ لأنهم نسووووووووووان ... كلهم أنوثة ... حريييييييييييييم بمعنى الكلمة وأنتي محسوبة على النسوان زيادة عدد ... وكمل كلامه وهو يجر ميثاء أكثر من شعرها يقربها له لما حاولت تبعد عنه وتفك يده وقال : وصحيح أنا مجنون وصديع ... بس ما ادري ليه تنسين دايم أن المجنون الصديع هذا رجلس اللي ما يحب احد يصرخ في وجهه أو يتحداه و يفتش في أغراضه ... عشان كذا أنا قررت اعطيس درس تبطين بعده ما نسيتي أني رجلس ..... علي قال جملته الأخيرة وهو يدف ميثاء بكل قوته داخل الغرفة .................. سارة اللي تطل من باب غرفتها على الصالة قالت تنادي سالم اللي واقف عند باب الصالة من برى : سالم ... سالم تعال شوي ... سالم أول ما سمع سارة لف عليها وقال وهو يشر بيده : وش تبين ؟؟؟؟؟ سارة قالت وهي تشر له بيدها : أبيك بسرعة .... جاها سالم وقال : وش تبين خالد وقف برى بالحالة ... سارة قالت باستفسار : ليه جاي ؟؟؟؟ سالم قال : جايب ذباح وايدام وعيش وخضره ... يكرم أمرته النفاس حتى وهي في بيت أهلها ... وياليتها تستأهل ....سارة قالت بسرعة تقطعه : ما نشد عني ؟؟؟ سالم قال بسرعة يرد عليها : وش يبي بس بعد سواد وجهس اليوم في المستشفى ؟؟؟؟ سارة قالت بسرعة : زين ما سأل عن بنته ؟؟؟ ما يبي يشوفها ؟؟؟؟ سالم قال وهو يبتسم باستهزاء : بنته اللي تبين ينشد عنها ما لها اسم ؟؟؟؟؟ سارة اللي حرق قلبها سالم بطريقته في ألحكي وحست أنها بتبكي ما تدري ليه قالت بصوت متردد وخايف : زين هو صدق قال انه بيعرس علي ؟؟؟؟؟؟؟؟؟؟؟؟؟؟؟ سالم اللي كان يشوفها بنظرة شماتة قال : مااااااااااااااااا ادري ... تبين تعرفين دقي عليه واخذي العلم من رأسه .... سارة اللي تجمعت دموعها في عينها قالت بصوت خانقته العبرة وهي تشوف باب الصالة المفتوح : دقيت عليه ولا رد علي .... سالم اللي يدري أن أحساس الندم ما يطول عند أخته عشان كذا قرر انه يستغل الموقف ويضاعف الإحساس وقال : خبز خبزتيه يا ألرفله أكليه .... سالم قال آخر جملة وهو يلف ويروح لباب الصالة عشان يطلع لخالد اللي واقف مع الهنود برى ....................... فيصل قال بصوت باكي : علي أنا تعبان ولا به احد بيريحني غيرك .... اقطعه علي وقال بسرعة : فيصل لا تدخل العمليات اليوم ... اجل العملية وأنا أن شاء الله على أول طيارة بجيك ... فيصل قال بصوت تعبان وحزين : ما هي العملية اللي تعابتني .... علي أنا خايف على ميثوه ... خايف عليها أذا صار فيني شيء تنضام .... علي بعد ما عرف سبب توتر فيصل تنهد بارتياح خفي وقال : أن شاء الله ما هب صاير عليك شيء ولا هي بمنضامه ... الله يهديك يا فيصل .... مقومني من فجر الله عشان تفاول على عمرك وتقول لي أحاتي ميثوه وخايف عليها ... كنك ألا بتروح الحرب ماهب مسوي عملية بواسير... اقطعه فيصل وقال والعبرة خانقته : علي داخل على الله ثم عليك تقول تم .... علي يوم سمع صوت فيصل رجع يبكي قال بسرعة : تم ... كل اللي تبه تم وأنا أخوك .... فيصل بعد ما سمع رد علي قال بارتياح : علي أنت ما تدري وش غلاة ميثوه عندي ؟؟؟ هي كل شيء حلو تمنيته ...عشان كذا أنا خايف عليها ... خايف لو صار فيني شيء تضيمها الدنيا والناس وأولهم أمي ... علي لا تخلي احد يضيمها أو يكدر خاطرها ... علي ميثاء غلاتي ومعزتي وكرامتي ووصاتي لك يا علي أذا صار فيني شيء تعرس وتأخذها .... علي رد بسرعة يقطع فيصل وقال : فيصل الله يهديك وش ذا ألحكي ... وش اللي اخذ أمرتك ؟؟؟؟ الظاهر أن الجماعة عطوك البنج مبكر عن العملية ... اقطعه فيصل وقال وهو يبكي : علي لا تقاطعني ... علي أنا أحبها ... فيصل قال جملته الأخيرة وانهار في البكي .... علي ما قدر يتحمل صوت فيصل الباكي حس أن العبرة أخنقته وقال يهدي فيصل : الله لا يفرقكم أن شاء الله وترجع لها بالسلامة ... اقطعه فيصل وهو يقول : أحبها ... وأحب تراب الأرض اللي تمشي عليه ... أحب كل شيء فيها ... أحب مبسمها وابتسامتها ... أحب عيونها ونظرتها ... أحب شعرها الطويل ... أحب بشرتها الناعمة ... أحب طولها وعرضها ... أحب صوتها لتحاكت .... أحب حنانها وطيبتها ... أحب اهتمامها وحبها .... أحب كل شيء فيها .. حتى حبة الخال اللي في كف يدها أحبها ... آآآآآآآآآآآآآآآآآآآآآآآآآآآآآآآآآآآآآآه يا علي ادعي ربي قايم وقاعد أن تنجح العملية وارجع بسرعة بس عشان أضمها لصدري ... أضمها لصدري وبين أيدي .... ونعوض كل عمرنا اللي راح .... علي قال بسرعة يرد على فيصل : أن شاء الله بتنجح العملية و بترجع لها بالسلامة ... والله بيعوضكم كل خير أن شاء الله .... فيصل قال يقطع علي : علي أنت تممت لي أن تتزوج ميثاء لو صار لي شيء ... علي قال بسرعة : الله يهديك يا فيصل ما عليك شر أن شاء الله ... قطعه فيصل وقال بحده : أنت تمتت لي ... أرجوك ما ترجع في حكيك .... لا تظن أني فرحان وأنا أقول لك ذا ألحكي .... لا يا علي ... أنا أحبها .... أحبها وأغار عليها من كل البشر ... أغار عليها حتى من أبوي أذا قعدت تضحك معه .... بس أنا بعد خايف عليها ولازم أفكر فيها .... علي أنا صار لي شهور وأنا أفكر من اللي اقدر آمنه على ميثوه لو صار لي شيء ... ما لقيت أحسن منك ... أبيك تهتم فيها ولا تسمح لأحد يكدر خاطرها أو يضايقها ... سو لها أحلى عرس في الدوحة ... وخلها تلبس أزين ثوب عروس .... علي ميثاء أمانه عندك ولا به غيرك يقدر على حمل ذا الأمانة ... ما به غيرك أنت ... أنت الوحيد اللي بتحفظها وبتحفظني .... فيصل قال جملته الأخيرة وهو يرجع يبكي ... علي ما تكلم واحترم صمت فيصل الباكي ... وحس بدمعها حارة تنزل على خده وهو يسمع فيصل يقول بصوت باكي : في آمان الله يا علي واستر على ما واجهت .... رفع علي عينه يشوف باب غرفة ميثاء المسكر وهو يمسح الدمعة اللي أنزلت من عينه حارة .... ماهب قادر اصدق ... ماهب قادر ... مستحيل ... مستحيل ... ليه ؟؟؟ كيف ؟؟؟ معقولة ؟؟؟؟؟ معقولة ؟؟؟؟ والله ماهب معقول .... راسي بينفجر .... راسي .... غمض علي عينه بقوة يحاول يوقف المليون سؤال اللي يتخبطون في رأسه لكنه رجع بسرعة يفتح عينه على صوت منبه الصلاة اللي رن في جواله .... رفع عينه يدور الجوال ... كان مرمي على الكرسي اللي عند باب غرفة ميثاء .... راح للجوال وسكر المنبه .... لف على باب ميثاء المقفول يشوفه ... كان يعرف ومتأكد أن الباب مقفول ومع هذا حرك مسكت الباب في محاولة أمل يائسة .... كيف تبي الباب يكون مفتوح بعد اللي سويته ؟؟؟؟؟؟ كيـــــــــــــــــــــــف ؟؟؟؟؟؟؟؟ كيف وأنت اللي سويته ما يسونه حتى الحيوانات ؟؟؟؟؟؟؟؟؟؟؟؟؟ الله يسامحك يا فيصل ... الله يسامحك ... حملتني أمانه أنا ماهب قدها .... ماهب قدهاااااااااااااااااا .... تنهد علي بضيق وحزن وراح عشان يتوضأ لصلاة الفجرة .... وقف قدام باب غرفته يشوف باب غرفة ميثاء المسكر وهو متردد أذا كان يروح المسجد ويخلي ميثاء بالحالها أو يقعد معها .... قرر انه يروح المسجد لان وجوده ماهب بمقدم شيء ولا بمؤخر طول ما هي رافضة تتحاكا معه ..... علي طول الطريق وهو راجع للبيت من المسجد كان يحس بخوف غريب ... خوف سيطر على كل تفكيره ... ما كان يعرف وش مصدر هذا الخوف ... كل اللي يعرفه انه خوف على ميثاء أو يمكن خوف منها .... دخل البيت يركض ... وركب الدرج يركض ... وقف قدام باب غرفتها بأنفاس مقطوعة من الركض وهو يحس برهبة وخوف ... كان يحس برجفة في أطراف يده وهو يمدها لمسكت الباب عشان يحركه .... ارتاح راحة غريبة يوم عين الباب مقفول وتنفس بارتياح .... بس في نفس الوقت كان يبي يتطمن عليها ولا هو بمرتاح قبل لا يسمع على الأقل صوتها .... طق الباب عليها ... مره ومرتين وثلاث لكن بدون فايده ما به رد .... رجع يطق الباب وهو يناديها ويقول : ميثاء ..... ميثاء افتحي الباب ... ميثاء .... ارجوس افتحي الباب ....أنا ماهب داخل بس أنتي افتحي الباب .... علي توتر زيادة لما ما أفتحت ميثاء الباب أو ردت عليه .... معقول تكون سوت في نفسها شيء.... تسويها هذي مجنونه ... بناء على ذا الفكرة رجع علي يضرب الباب بقوة وهو يصرخ ويقول : ميثوه افتحي الباب قبل اكسره ذا الحين ... افتحيه .... ميثوه .... ترى والله اكسره .... ميثووووووووووه .... سكت علي من صراخه على ميثاء على صوت المسج اللي جاه واللي ما فكر حتى انه يشوف من مرسله واستمر يدق الباب ويصرخ ينادي ويهدد ميثاء .... بس لما جاه مسج ثاني رفع يده اليسار اللي كان ماسك الجوال فيها ولفه عشان يفتح المسج وهو يدق الباب بيده اليمين .... بس أول ما قرأ المسج وقف الدق على طول .... (( ماهب بفاتحه الباب ولا أبي أشوف وجهك المخنز ولا أبي اسمع صوتك البشع طول عمري طلقني يا حيوان )) علي اللي تضايق من الرسالة واللي فيها ما عرف كيف لازم يكون رد فعله ولا كيف يتصرف ... يهادها على ذا ألحكي ... كيف يهادها ؟؟؟ وهي ما تنلام .... يرجع يدق الباب ؟؟؟ ولا يكسر الباب ؟؟؟ ماهب عرف وش يسوي ... قرر انه يعطيها فرصة تهدي يمكن يقدر يتفاهم معها ويفهم منها كل شيء .... دخل غرفته وخلى الباب مفتوح على الآخر وطفئ الليت ... كان يحس بإرهاق شديد ويحس أن رأسه بينفجر .... فتح الدرج اللي جنب السرير يدور له أي شيء يريح رأسه ... لقى بندول نايت ... اخذ له حبتين ... وحط الوسادة على رأسه يحاول انه يخفف من الألم والأفكار اللي بتجننه ............. وقف علي يشوف ميثاء اللي منهارة من البكي وهي منخشه وراء السرير ما كان باين منها غير رأسها اللي يهتز بقوه من البكي ..... تقرب علي منها بكل حذر وهو يقول : أنا .... أنا آسف ... ميثا.... أصرخت ميثاء عليه بكل قوتها وهي تقول : لا تقرب مني ... لا تقرب ... اطلع برررررررررى ... اطلع ... ما أبي أشوف وجهك .... اطلع ... اطلع ... على اللي تم واقف في مكانه قال بكل هدوء : لا أنا ماهب طالع قبل ما افهم ... كيف ؟؟؟ كيف ؟؟؟؟ ميثاء ارجوس أنا لازم اعرف ..من حقي أني اعرف .... أقطعته ميثاء وقالت بصراخ : مالك حق عندي ... مالك حق .... حسبي الله ونعم الوكيل فيك ... حسبي الله ... ميثاء قالت جملتها الخيرة وهي ترجع تنهار بالبكي ...وكملت بصوت متقطع وحسره : كيف بقابل ربي ؟؟؟؟؟ كيف ؟؟؟؟؟؟ علي هنا ما تحمل حكي ميثاء وقال بصوت عالي يدافع عن نفسه بكل ثقة : ميثاء أنا رجلس ... لكن ثقته طارت أدراج الرياح أول ما رفعت ميثاء رأسها له وصرخت في وجهه : أنت وش تقول ؟؟؟؟ ... أنا رجلي فيصل ... فيصل ماهب أنت ... و دنقت رأسها وهي تقول بخوف : وش بقول لفيصل أذا جاء ؟؟؟؟؟ وش بقول ؟؟؟؟؟؟؟؟؟؟؟؟؟؟؟؟؟؟؟؟؟؟ علي ما تحمل فكرت أن فيصل حي بعد كل اللي صار.... قرب من ميثاء بسرعة وهو يصرخ ويقول : فيصل ماااااات ... مااااااااااااااااااااااااااااااات ...ماااااااااااااااااااااااااااااااااااااااااااااااااااااااا اااات .... علي توعى من النوم وهو يصرخ مفزوع وقعد على حيله .... كان يشوف الإضاءة اللي داخله عليه من باب الغرفة المفتوح على آخره وهو يتنفس بسرعة .... قام وفتح الليت حق الغرفة بسرعة .... ورجع يقعد على السرير وهو يفرك رأسه ووجهه بيده ... حلم يا علي حلم .... فيصل الله يرحمه مات من زمان .... أعوذ بالله من الشيطان .... رفع علي عينه للساعة اللي معلقه على الباب ... الساعة كانت عشر وربع الصباح ... تذكر ميثاء .... قام عشان يشوفها .... وقف علي قدام باب غرفته بكل هدوء ما يتحرك منه غير جفن عينه اليسار اللي يرجف وهو يشوف باب غرفة ميثاء مفتوح ..... أول ما استوعب الفكرة ركض لغرفة ميثاء ودف الباب بكل قوته افتحه على الآخر وهو يدخل الغرفة .... وقف في وسط الغرفة وهو يتلفت ويدور حول نفسه .... الغرفة ما فيها أي اثر لميثاء .... فتح باب الحمام ... ما فيه احد ... شنطة ثيابها ماهب موجودة .... علي كان يفتح أبواب الكبت وأدرج التواليت مثل المجنون وكأن ميثاء ممكن تكون منخشه فيهم .... ما لقى في الغرفة كلها اثر لميثاء غير قلابيتها المقطعة في الزبالة حقت الغرفة .... فجأة ضاقت الدنيا في عين علي واسودت .... عفس الدنيا ولا عين لها اثر .... أول فكرة جات على باله أنها تكون طلعت تمشي للخط العمومي ... وبتأخذ سيارة من الشارع .... وذا الفكرة وصلت علي ابعد مراحل الجنون ... طلع بالسيارة بسرعة وهو يتلفت يمين ويسار يدورها .... وصل الخط العمومي ولا لقاها .... كان يحس انه مثل المربط ماهب عارف وش يسوي .... وقف السيارة ونزل منها ... رجع يركب السيارة ... معقولة تكون وصلت الشارع العمومي ولا لحقت عليها ؟؟؟؟؟؟؟؟ لا ما أظن ؟؟؟؟ ولا أظن أنها ممكن تركب مع احد ... ميثوه خوافة ... هي كانت خايفة تقعد مع الهندي بالحالها في البيت كيف بتركب مع واحد غريب .... غرفة الهندي أنا ما دورت فيها ؟؟؟؟؟؟؟؟؟؟؟؟؟ أيه أكيد هي ما طلعت من الشاليه بس منخشه في مكان .... رجع علي الشاليه وأول مكان دخله كان غرفة الهندي ... ما كان فيها احد ... وقف قدام الغرفة الحمرة وحرك مقبض باب الغرفة ... كانت مقفولة .... يعني وين بتكون راحت ؟؟؟؟؟؟؟؟؟؟ رجع علي السيارة وقرر انه يتصل على جوالها .. وهو يمشي في البيت ويشوف من وين بتطلع الرنة عشان يعرف هي وين منخشه .. رن فترة طويلة لكن ما به احد رد عليه .... رجع يتصل للمرة الثانية ولا احد رد عليه ولا به صوت للرنة في البيت ... معقول حاطه الجوال على الصامت ؟؟؟؟؟ ما فقد علي الأمل ورجع يتصل على جوال ميثاء للمر الثالثة ..... بس كانت صدمته كبيرة يوم ردت عليه وقالت : هلو .... علي قال بسرعة : ميثوه اطلعي بسرعة ابرك لس قبل تشوفين شيء ما شفتيه .... أقطعته وقالت : علي ... أنا نجله مرت عمك سالم .... علي أول ما عرف من اللي تكلمه حس كأن احد ضربه كف على وجهه وارتبك وهو يقول : يمه وين ميثوه ؟؟؟؟؟؟؟؟ نجله قالت بحده وهي تبكي : ميثاء في بيت أبوها ... يا ولدي حرام عليكم اللي تسونه فينا .... اتقوا الله فينا ... اتقوا الله في بنات عمكم الأيتام ... اتقوا الله في ميثوه ... يا أولدي ماهب زين عليك اللي تسويه فيها ... قطعها علي وهو يقول : وهي زين تطلع بلا علم رجلها ... أقوم من النوم أدورها .؟؟؟؟؟؟؟ ردت عليه نجله وقالت وهي تحاول تكون قوية وتوقف بكي : شف يا أولدي أنا ما ادري عن حاجة ... البنت دقت علي من صباح تبكي وقالت تعالي أخذيني ... وأنا جيتها ... وهذا هي من يوم دخلت إلى ذا الحين وهي صاكه على عمرها الدار ولا تتحاكا معي ... وش أنت مسوي في بنتي ؟؟؟؟؟؟؟؟؟؟؟؟؟؟ علي ارتبك من سؤال نجله وقال بسرعة يدافع عن نفسه : مآكل نصها ... وش مسوي فيها ؟؟؟؟؟؟؟؟ ما سويت فيها شيء هذا هي عندس كاملة .... لا هي بناقصة يد ولا رجل .... ما فيها غير الشواها وقوات العين ... لكن أنا اللي بعلمها الأدب .... أنا جاي ذا الحين قولي لها تنطرني عند الباب .... وبزوالها أن جيت ولا عينتها جاهزة .....مع السلامة ............................................... ميثاء اللي كانت تبكي من الفجر ولا وقفت كانت تحس أنها ما تقدر تفتح عينها من الم جفونها المنفوخة ومن وجع رأسها .... بعد الشين أقدرت أنها تقوم تتوضأ عشان تصلي صلاة الظهر اللي تأخرت عليها ... وهي تصلي كانت تسمع صوت صافيه العالي جاي من الصالة .... وكانت تنتظر دخولها في أي لحظة عليها .... بس صافيه ما جات والصوت في الصالة ما خف .... أول ما خلصت ميثاء الصلاة ... قربت من باب الغرفة بتلقائية أكثر وأكثر لان الصوت كان يقرب ويوضح أكثر وأكثر ..فتحت الباب شوي وهي تسمع صافية تقول بحده : لازم نسوي شيء ... ما يجوز نخليه يأخذها بالغصب .... ردت عليها نجله بتوتر وقالت : أنا وش أسوي ... علميني أنتي .... وش أسوي بعمري وأنا ما عندي من اشد الظهر به لا اخو ولا رجل ولا ولد ... أن دقيت لأعمامها بيقومون مع عليان و بيقولون أمرته وحقه يأخذها ... وفهد ماهب هنا مسافر .... صافية قالت بسرعة : دقي على احمد ... دقي عليه خله يوقف في وجهه ذا اللي ما يستحي .... نجله قالت بسرعة تقطعها : بالعويذة الله من شرس ... احمد وعلي ماهب صلاح مع بعض ولا نبي يتذابحون عندنا .... صافيه قالت باستسلام وخوف : يعني بتخلينها تروح معه أذا جاء ذا الحين .؟؟؟؟؟؟؟؟؟؟؟؟؟؟؟؟؟ نجله قالت بحسره وهي خانقتها العبرة : لا ماهب بمخليتها تروح معه وهي ما تبي .... لكن البلاء أني ما اعرف هي وش فيها ؟؟؟؟ عشان أرد عليه أذا تحاكا .... صافيه قالت : أكيد انه مسوي بها شيء إما مهادها ولا ضاربها ... هذا واحد ضار ونيته شينه .... ولا وش اللي يخليه يقول بسافر وهو رايح الشاليه غير انه ناوي لها على نية شينه ولا يبي احد يدري ؟؟؟؟؟؟؟؟؟؟ والله انس صادقه يا صفوي ... هذا مصيبة ربي بلانا بها .... آآآآآآآآآآآآآآآآآآه الله يجيرنا من عليان واللي بيسويه أذا جاء ولا عينها عند الباب .... اسمعي يا بنتي أنتي اقفلي باب الصالة عليكم وأنا بروح انطره في المجلس ... ولا تدخلين عليها ولا تعلمينها خليها يمكن أرقدت ...... ميثاء اللي رجعت تبكي من جديد سكرت الباب بسرعة وبهدوء عشان ما ينتبهون لها .... كانت عارفه بمدى خوف أمها وعجزها .... من يوم هي صغيرة وهي اللي كانت تتصرف في كل شيء في البداية كانت تتصرف بمساعدة فيصل لها وشوره بس بعدين صارت هي اللي تمشي حياة أمها وأختها و وتتصدر في كل مشكلة لهم .... كانت هي رجال البيت و المسئولة عنهم كلهم .... بس للآسف هي ذا الحين ما تقدر تكون مسئولة عن أي شيء .... هي محتاجه احد يكون مسئول عنها ويحميها من علي ... الله يرحمك يا فيصل ... الله يرحمك ويرحمني من بعدك .... قعدت ميثاء على السرير وهي تحس بضياع وشتات ... طول عمرها وهي تنتمي لفصيل ... لكن الحين مستحيه حتى لا تجيب طاريه ... كانت تحس أنها خانته خيانة ما تنغفر .... وش اكبر من ذا الخيانة يا ميثوه ؟؟؟؟ ويش ؟؟؟؟؟؟؟؟ بس والله غصب عني .... والله العظيم غصب عني ..... سامحني يا فيصل ....... أرجوك سامحني يا الغالي ............................. علي اللي كان معصب على ميثاء يعد ما مر على مسج وصلي الظهر حس انه ارتاح وهدت أعصابة .... لكن رجعت الأسئلة تحيره من جديد طول الطريق لبيت عمه .... لازم ترجع ميثاء معك ...لازم يا علي .... لازم تعرف منها كل شيء .... وش اللي تبي تعرفه منها ؟؟؟؟؟ كل شيء بان قدامك ... بس ما يصير ... ما يصير ... هي متزوجة فيصل 18 سنة .... مستحيل تكون بعد 18 سنة زوج بنت ... طيب كيف ؟؟؟؟ وشلون ؟؟؟؟ معقول ؟؟؟ مقول أن فيصل يكون ... لالالالالالا مستحيل .... ما اصدق ... لو ألحكي هذا صحيح ... كان الكل عرف من زمان ... من أول سنة تزوجوا فيها من ثاني سنة على الأقل .... ما به وحده بتقعد مع واحد 18 سنة وهو عاجز .... صح ... أيه صح والدليل أنها ما تجيب عيال وبكلام الدكتورة .... اجل كيف ؟؟؟؟ كيف تكون بنت ؟؟؟؟؟ كيــــــــــــــــــــــــف ؟؟؟؟؟؟؟ زين فيصل الله يرحمه ليه كان يبني أنا بالذات اللي أخذها ؟؟؟؟ وليه قال أسوي لها عرس ؟؟؟ وأخليها تلبس ثوب عرس ؟؟؟؟ وليه قال أني أنا اللي بحفظها وبحفظه ؟؟؟؟؟؟؟؟ وليه قال استر ما وجهت ؟؟؟؟ ليه ؟؟؟ ليــــــــــــــــــــه؟؟؟؟؟ كل هذا ألحكي ماله غير معنى واحد .... ميثاء بنت ولا يبي احد يدري بذا الشيء ..... بس والله ماهب مقتنع ولا مصدق .... ما يصير ...ما يجوز .... طول عمرهم وهم عايشين معنا بصورة مثل أي زوجين .... عمري ما سمعت حتى أنهم تهادوا ولا بينهم شيء .... لا أكيد أنا غلطان .... بس كيف أكون غلطان ؟؟؟؟ كيف ؟؟؟؟؟؟ راسي يعورني .... أحسه بينفجر .... ما به ألا هي اللي تقدر تجاوبك على كل أسألتك يا علي .... ميثوه لازم ترجع .... لازم .... انتبه علي على صوت المسج اللي وصل .... افتحه .... (( لا تجي .. حرام عليك تفضحني في الله وخلقه طلقني أرجوك طلقني )) علي كان محتار ولا عرف وش يرد على مسج ميثاء إلى أن وصل باب بيتهم .... قرر انه ما يدخل ووقف برى ... واتصل عليها .... رن ... ورن .. ورن ولا ردت عليه ميثاء .... رجع يتصل مره ثانية ... بعد ما ردت عليه ... كتب لها مسج (( أنا واقف برى ردي علي أحسن لس لا ادخل و ارويس الفضايح عدل وش هي )) نطر شوي ورجع يتصل .... رن أربع مرات وفي المره الخامسة انفتح الخط ... علي قال بسرعة : أنا ماهب راد على طلعتس من الشاليه بلا علمي ذا الحين لكن برد على مسجس السخيف ... وش اللي فضحتس فيه ؟؟؟؟ أذا كنتي تقصدين اللي صار البارح فأنتي أمرتي على سنة الله ورسوله ... وهذا حقي .... مثل ما هو حقي أني اعرف الحقيقة .... ميثاء أنا أبي اعرف حقيقة علاقتس مع فيصل الله يرحمه ... لازم اعرف .... يعني انتووا كان بينكم علاقة زوجيه ؟؟؟؟ أقطعته ميثاء وقالت وهي تبكي : حرام عليك أنت لا عندك احترام لا لحي ولا لميت ... عيب ... حرام ... والله العظيم حرام ... ميثاء قالت آخر جملة وهي تبكي بقوة ..... علي ما قدر يتكلم ولا يفتح ثمه بحرف بعد اللي قالته ميثاء وتم ساكت إلى أن قالت ميثاء برجاء وهي منهارة من البكي : أرجوك طلقني ... طلقني ولا أبي أشوفك ولا اعرف عنك شيء طول ما أنا حيه .... أرجوك .... أذا عندك ذرة رجولة وحده تطلقني ... طلقني ..... علي تم يشوف الشارع قدامه بكل هدوء ما يتحرك منه غير جفن عينه اليسار اللي يرجف بعد ما سكرت ميثاء الخط في وجهه ..................................... ندى قالت وهي ترفع وجه ميثاء بطرف أصابعها : ما عندج نية تقولين لي وش فيج ؟؟؟؟ ميثاء قالت وهي تبعد يد ندى هنا بكل نعومة : ما به شيء عشان قول لس عليه .... تنهدت ندى بحزن وقالت : ميثاء أنتي هني لا تأكلين ولا تشربين ولا تتكلمين مع احد ... كله في ذا الحجرة صاكه على عمرج و مندعسة في هالفراش ... وهو هناك عافس البيت على الكل يطلع يصرخ ويدخل يصرخ ويستجن أذا احد قاله وين مرتك ؟؟؟ وصار لكم يومين وانتووا جذيه وتقولين ما فيه شيء ؟؟؟؟؟ ما يصير يا ميثوه ما يصر ... ميثاء لازم تتكلمين عشان اساعدج أذا اقدر ... ميثاء أنتي غالية علينا كلنا وذا ما كنا غالين عليج وبتتكلمين عشان خاطرنا ... تكلمي عشان خاطر أمج المسكينة اللي حالتها حاله ... لا تدري وش فيج ولا تقدر تساعدج ... ولا تقدر غير على ألبجي ليلها ونهارها .... ميثاء قالت وهي ترجع تنسدح وتجر للحاف عليها بحركة دفاعية : فهد متى بيرجع من العمرة ؟؟؟؟؟؟؟؟؟؟ ندى قالت وهي تنسدح جنب ميثاء بالعاني : أن شاء الله الليلة بيرجع .... ميثاء قالت وهي تشوف رأس ندر اللي منسدحه جنبها : ندى ممكن اطلب منس طلب ؟؟؟؟ ندى قالت وهي تلف رأسها عليها : اطلبي عيوني حاضره لج يا ميضاء ... ميثاء ارتسمت على شفاها ملامح ابتسامة وهي تذكر سلوم وقالت : عيونس سالمة ... أبيس أذا جاء فهد تقولين له يكلم أخوه عشان يطلقني ..ميثاء قالت آخر جملة وهي ترجع تبكي .. ندى قالت بسرعة وهي تشوف ميثاء اللي بدت تبكي : ميثوه حرام عليج ريحيني وتكلمي ... وش سوى فيج علي عشان تطلبين الطلاق بذا السرعة ؟؟؟؟؟؟؟؟؟؟؟؟؟؟؟؟؟ ميثاء قالت وهي تحس أن عبرتها بتخنقها ودموعها تعميها : وش الفايدة ؟؟؟؟ حتى أذا قلت لس ؟؟؟ ماهب فايدتني بشيء ... بتقولين قلت لس ولا سمعتي النصيحة ...... ندى اللي أفهمت قصد ميثاء لمتها بسرعة وهي تقول : يا بعد عمري يا ميثوه ... لا تظنين أني ممكن أقول لج هذا الحجي مهما صار ........................................ فهد قال : أنت وش سالفتك ؟؟؟ من دخلت وأنت تحن على راسي ... لا خليتني اقعد ولا ارتاح ... زين بعد سلمت على أمي ... اقطعه علي وقال بسرعة : فهد فيصل وش كان رايح يعامل عنه ؟؟؟؟؟؟؟؟؟؟؟ فهد اصدمه علي بالسؤال مع انه كان متوقع أن يسأله هذا السؤال في يوم من الأيام ... حس بتوتر ولا عرف وش يقول ... قعد على اقرب كرسي وهو يقول : أنت تدري وش عامل عنه ... علي قال بصوت عالي يقطع فهد : حنا بنلعب مع بعض ؟؟؟؟ فهد اللي حس بضيق قال بسرعة وصوت عالي بعد : دامك تدري ليه تنشدني ؟؟؟؟؟؟؟ علي قال : أنشدك عشان اعرف الصدق .... فهد قال : دامك جيت تسألني معناها انك عرفت الصدق .... علي قال بسرعة وهو مستغرب : يعني أنت كنت تدري من زمان انه عاجز ؟؟؟؟؟؟؟؟؟؟؟؟؟؟؟؟؟؟ من هو اللي عاجز ؟؟؟؟؟؟؟؟؟؟؟؟؟؟ كان هذا عبدالله اللي درى أن فهد رجع من العمرة وان علي برز معه في مجلس الرجاجيل أول ما دخل ... عبدالله بعد ما شاف نظرة الخوف اللي في عيون عياله اللي مبحلقين فيه رجع وقال بصوت حازم : من هو اللي عاجز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكا عام وانتم بخير مره ثانية ولا تنسون توقعاتكم الحلوه لا تحرموني منها اختكم صوت وصدى |
كل عام وأنت بخير ياحلوة وعساك من عواده
والله حرام على علي اللي سواه بميثاء وأتوقع أن عمها عبدالله يخليها ترجع له |
بااااااااااااااارت روعه
الله يعطيك العافيه على البارت ما تصدثين سويت في البيت حاله استنفار ياويل اللي يدخل على الغرفه وانا اجلس طردتهم كلهم ابي اقرى وانا مندمجه ما احب احد يقطع علي بس بااارت مره قوي مشكووووووووووووووره وكل عام واننتي بخير يا قلبي |
صدوووووووووي البارت يجلط ويجنن بس حرام طاح من عيني علي كنت احبة اهى اهى:Taj52:.....
وكل عام وانتي بألف حير:flowers2:.,.,.,,.,.,. وعلى فكرة العروس تسلم عليس ترى الموقع مافتح معها:ekS05142: ونقلت لها البارت بالبريد,.,.,.,.,. زارا فديتس اذا تقدرين تنزلين البارت في جروح لانه مو راضي يسجلني دخول ماادري لية:52: وكل عام وانتي بألف خير:flowers2:.,.,.,.,. |
افااااااااااااااا كذا تسوين فيني.. هذا وانا اقول صديقتي وصديقتي.. ومجمعه خلق الله من كل منتدى عشان هالقصه.. واخرتهاااااااا........كذا... ليــــــــــه؟؟؟؟ انا وش سويت لس؟؟؟؟؟؟؟؟؟؟ يابنت الحلال ماخليت منتدى عرفته والا ماعرفته الا دورت فيه هالقصه... وعلمتس في المنتديات.. اذا فيه غيرهم
انتي علميني... بس تدرين عاااااد.. انا اشوف اني استاهل الجزء كله مو نصه..عشان كذا انا بالنيابه عنس وبالاصاله عن نفسي... اهدي حضرتنا الجزء كله.. مو نصه.. هاه وش قلتي ياحضرتنا... اقول مايرد الكريم الا الئيم وانا مواااااااافقه على الهديه.. الله يغنيني... خخخخخخ عاااااااااااااااد نجي لابطالنا واصحابنا.... علي : افاااااااااااا ياعلي وش اللي سويته؟؟؟؟؟؟ غرفه وحمراء( اللون اعتقد اهداء لجوريه خخخخ) صراحه صدق توقعي الاول بان اللي بالغرفه شي يخص البنات.. بس تفاجأت بالالبوم والتعليقات..وع وع وع.. صدمني وانا فيه معجبه... بس تدرين والله اني رحمته.. مدري ليش؟؟ بس كلام فيصل له عن ميثا بيخليه دايم في باله.. وبيكون رايه من راي فيصل.. ميضاء : يااااااااااااااااويلي عليها والله اني رحمتها رحمه لو توزع على العالم كفتهم و زادت..تراااااني رحوووووووم..خخخخ وميثا ماهيب مستانسه في حياتها لين يطلع فيصل منها .... ونقطة الاخلاص هذي بتخلي علي يغير كل حياته عشان يفوز فيها لنفسه بس... وانا متاكده انها بترجع مع علي.. بس يمكن علي يطلع معها ببيت بروحهم عشان تبتعد عن حياتها السابقه في بيت اهله مع فيصل... فيصل : على اني راحمته الا انه قاهرني على انانيته... وبعد صدق توقعي الثاني عن فيصل.. ويبقى التوقع الثالث.. وهو انه مات بالعمليه اللي كانت لعلاج عجزه مو بسبب البواسير.. احمد... رهيــــــــــــــــــــب ومسجاته لصافيه روعه الله يهنيهم.. بس ودي اعرف ليش مايتواطن هو و علي.. وش السبب؟؟ انا اتوقع ان السبب بنت بس من ماااااادري؟؟؟؟ سالم : يهبل.... متى يظهر دور واضح له بالقصه؟؟؟؟؟؟؟؟؟ الاحداث حلوة والجزء حلو.. وتوقعاتنا الى الحين صح... وكالعاده بعد كل جزء لازم اقووووووووووول لا تطولين علينا بالجزء الجديد ترانا نستناه قبل ماننتهي من اللي بيدينا... وكــــــــــــــــــــــ عام وانتي بخير ـــــــــــل |
السلام عليكم و رحمة الله و بركاته
عيدكم مبارك سعيد و كل عام و انتم بخير و اليكم اهدي تحياتي جزء جميل و قوي بأحداثه و طبعا صدق توقعي بان فيصل كان عاجز ميثاء ردود أفعالها القوية على تصرف علي أبانت سذاجتها كان المفروض تتوقع حدوث الآمر من ألان اعتقد ستبدا أحداث جديدة تكون الفيصل في القصة تصرف خالد مع سارة اتمنى يوقفها عن الاذية و تحترم اهلها و اولهم زوجها احمد و صافية تقدم خجول و جميل ويبقى سالم بتعليقات فاكهة القصة شكرا عزيزتي على الجزء الطويلة و بالتوفيق. |
عيدكم مبارك خليت الاهل مجتمعيين وجيت اقرا القصة في البداية توقعت ان فيصل عاجز لانة مهما بلغ حب الرجل لزوجتة مايستغني عن الابناء سبحان الله عكس المرأة اما توقعي لبارت اليوم فان ميثاة ستكتشف قريبا حملها من على مما يترتب علية عودتها للحياة معة ودمتم |
تسلمين حبوبه وكل عام وإنتي بخير :flowers2::flowers2::flowers2::flowers2: ومشكوووووره على هالعيديه الوووووووووووووووووووووووووووووووووعه التطورات الي صارت بين علي وميثا كانت متوقعه وألحين الله يستر من الياااي بس أتوقع انه ميثا راح ترجع مع علي ويمكن ياخذها علي ويسكنها في بيت بروحها عشان يقدر يتوحد فيها عدل ميثا تسرعها وتهورها وعصبيتها على علي إهيا الي خلت علي يتصرف معاها بهالطريقه كطريقه للعقاااب يا حلو أحمد وصافيه حب بدا ينبني بهدووء من غير أي ضغووط الله يوفقهم مع بعض يا ربي على سلوم إينن ولا حركاته ينن ساروه وخلاها تحس بالندم على الي سوته بخالد عجبني تجاهل خالد لساروه زين ما سوا فيه ننتظر البااااارت اليااااي بكل شووووق |
كل عام و الجميع بخير
وهلا وغلا بصوت وتسلمين على البارت الخطير وانا اتوقع ان وضحى بترجع عشان امها ومب قايله لها شيء , لكن بتشترط على علي مدة للطلاق وانه مايقرب منها , وبتكتشف انها حامل , وعلي من ناحيته بتكبر ميثاء في عينه بس اتوقع مايغير اسلوبه معها لين يتأكدانها معد تحب فيصل , و صوت نحن ننتظر في صمت |
رررررررررررررررررررررررررررررررررررررررررررررررررررررررررروعه
غممممممممممممممممممممممممممممممممممممممموض وتتتتتتتتتتتتتتتتتتتتشششششششششششششششششششويق صج بارت كله اكشناتتتتتتتتتتتتتتتتتتتتتتتتتتتتتتتتتتتتتتت وسسبنس صججججججججججججججججججججج عيديه حدها روعه والان الى التفلسف قليلا عليان طاح من عيني على الغرفه الحمره ولي فيها سوده الله وجه بس لحين عندي احساس انه فيه نقطه بيضه وصافيه فقلبه ليش مادري يمكن من كلام فيصل معااااااه توصيتهعلى ميثاء السالفه اكيدفيها اسرار اكبر واخطرمن كذاااااااا تصرفه مع ميثاء ححححححححده يقهر اما الحقيقه الي اكتشفها فكنت متوقعته ميثاااااااااااااااااااء اكيدبترد حق علي وانا لحين ياصوت وصدى ابي اعرف شنوفي الصندوق الاخضر شكلج يابعد قلبي نستيه وشكرااا على بارت انضرج عللى احرمن الجمرواطمع ان يكون لي من الطيب نصيبفي هددددددددايج |
هلا صدى .. عيدج مبارك .. ولجميع الاعضاء عيدكم مبارك .. وعساكم من عايدين العيد
البارت خطير انا قريته امس وعيوني ياله يله قدرت ابطلها تدرين مواصله ... واليوم هدت الوضاع اشوي قلت ارد عليج بهدوء ميثا... صدمتها في علي .. وردت فعلها .. تدل على انهاغشيمه .. في وايد امور ... كبرت في عيني لما عرفت انها بنت .. رغم اني حطيت مثل كثير من الاعضاء.. انه عاجز .. بس لما صار صج .. شنو هي من الحريم .. تحبه لهذه الدرجه او تحترمه او تخاف منه .. 18 سنه وهم مثل الاخوان .. ولا بعد قايله للناس انها ماتجيب اعيال .. حتى محد يسأل ليش وماليش ... مافهمتها ... بس اتوقع انها ممكن تحمل منه وترجع له .. وصلاحه راح يكون هلى يدها علي ... الغرفه .. اتوقع انها ماضي .. ويارب ينتهي من حياته.. شنو تتوقعون من رجل لا صلاة ولاعباده بس صدكته في اخوه كبيره .. مثلنا فيصل الله يرحمه .. شنو هو من الرجال .. رغم اني احترم مواقفه الكثيره مع هله .. ومه ميثه .. بس اشلون يرضى يحرم مره من حقها الشرعي18 سنه ... ليش ماقال انه هو العاجز ...عن العيال .. حتى على الاقل امه تعاملها زين .. صج انا ني .ز بس الله يرحمه ويغفر له فهد شنو يعرف من اسراار .. وليش يوم عرف سكت ولاتكلم .. حرام الي سواه اخوه في ميثه حرام احمد وصافيه .. حلوه حركت احمد .. وان شاء الله يقربون لبعض اكثر ساره ماعرفت لها هي كانت حاطه العين على علي .. وتزوجت خالد .. ويارب ينكسر راسها .. وينصلح حالها .. ويارب ما يعطيها خالد وجه لين ماينصلح حالها اكثر ننطرج الغلا في البارت الجاي .. ونتمنى ان يكون قريب .. وتوضح فيه احداث كثيره مع حبي العجوز |
الكاتبه المبدعة .......................
ضحكت وبكيت في الأحداث تبارك الرحمن ....... وصفك والحوار يغطي على الخيال .......... وما يترك مجال سد ثغرات علي وجع لي قلبي ........... يحبها والأهل يبدوا فيصل عليه عشان يتزوج اللي يحبها قلبه والست الحوله ميثا ...... ماحد قال لها على الزواج؟؟ تحسب كل الزواجات زي فيصلوووووه حقها ((الله يرحمه )) علي راجل ..... طبيعي ........... يموت على الثراب اللي تدوسه ...... يعني تخرس وتحمد ربها لا تطولي علينا يا مبدعة في التكملة .................. |
وانت بصحـــه وســــلامـــه
الجو بارد ولا بس انا الي احس بحرارة التشووويق والحمــــــــــــاس عيديــــــــــــــــه مافيه اروع منهاااا .. الغرفه بلعناها وكل الي فيها بس الكاتالوج الصور يعني بالمره جايب العيد علااااوي ,, كنا متوقعين هذا الشي بس مو بهذي الطريقة .. يسلمك ربي للبارت الرائع . |
[QUOTE=عيوز النار;1009786]فيصل الله يرحمه .. شنو هو من الرجال .. رغم اني احترم مواقفه الكثيره مع هله .. ومه ميثه .. بس اشلون يرضى يحرم مره من حقها الشرعي18 سنه ... ليش ماقال انه هو العاجز ...عن العيال .. حتى على الاقل امه تعاملها زين .. صج انا ني .ز بس الله يرحمه ويغفر له
فهد شنو يعرف من اسراار .. وليش يوم عرف سكت ولاتكلم .. حرام الي سواه اخوه في ميثه حرام الى الاخت عيون النار اختي وايد ماخذه موقف من فيصل وانه اناني انا متاكده انعنم الريال والحقايق المخفيه بتتوضحلنا في الاجزاء اليايه واكيد في اسباب وايد لحينه مخفيه واهو لومكانكفو جانميثاءماصبرت معاه18سنه وتحملت ضيمعمتها وان الكل يعتقد بانها السبب وفيصل كانباينعليهيعشق التراي الي تمشي عليه وشكرا |
[QUOTE=angel911;1010885]
اقتباس:
|
القصه رووووووووووووووووعه.....:flowers2:
بس والله قهر ليش يصير كذا لميثاء... واتوقع علي يحب ميثاء...... بصراحه انا كنت اتابع القصه في الكواليس.... بس لما نزلتي الجزء هذا ماقدرت الا اشارك واعبر عن راي...القصه كلها تشويق واثارة ....لاتطولين علينا يا صدى بلــــــــــــــــــــيز نزلي الجزء بسرعه .... ودمتي يالغلا...:f63::welcome3: |
كل عام وانتي بخيير ,,,وعييدك مباارك ..:flowers2: يسلم قلبك على ها الباارت الجناان صوت وصدى ... في ها البارت تبين اشيااااء كثييره ,,واهمهاا انه ميثاء صاابره على فييصل كل ها المده مع انه عااجز لكن وش السر الي خلاهااا صاابره ها المده كملهاااا الا اكييد سوى فيصل شي لميثاء خلاها تستر على عجزه كل ها المده ولا تفضح سره حتى بعد مامات حتى لاخوه الي تزوجهااا ,,,وعرفنا انه سبب طلب فيصل من علي انه يتزوجهاا حتى ما ينفضح اذا تزوجهاا غير اخوه ,,,, لكن السؤال فيصل شاايف انه اخوه يساااهل ميثا ولا لا ؟؟؟!!!!! لان اطبااعه وحركااته الاوله مع الحريم والغرفه الحمراء الي اكيد بتكون سبب كبير بالحااجز الي بيين ميثا وعلي وننتظرك مع احدااااث جديده في البارت الجديد :3EO05175: |
مشكورة ربي يعافيك
روووووووووووووووعه احداث شيقة ومتتعة صراحة صدمت 18 زواج وفي الاخير طلع عاجز .. بس مكان فيصل ظلم لمثياء لو كانت هي السبب لعى طول تزوج ما هي بنت عم او خال الاهم يجيه ولد .. واستغربت انه صابر عليها ..لكن .. يدل حب وتعلق ميثاء به وتخليها عن الامومة عشانه ابو عبد الله وش راح يكون ردة فعله اذا عرف او يلفون الموضوع ويصرفونه اتوقع علي بينسب العجز له ولا يفضح اخوه فيصل في انتظارك غاليتي في حفظالرحمن ورعايته |
الســـــــــــــــــــــــــــــــــــــــــــــــــــــلام عليكم كلكم كلكم
اول شي يا هرجواااااااااااااااااااااااااان الاقتراح اللي عرضتيه وايد حلو بس كلام زارا بعد مافيه خلاف عليه يالله والله اني متحمسه وااااااااااااااييييييييييييد على البارتات اللي يايه اعتقد انه ميثا راح ترد حق علي 4 sure بس شلون مادري عليوي راح ييب راسها شلون مادري يمكن تطلع حامل مادري مادري maybe we will @@ and watch يالله يا صدى لا تتأخرين علينا وايد طالبتج لا ترديني ســـــــــــــــــــــــــــــــــــــــــــــــــــــــــــ ــــــلام |
كل عــــــــــ وانتـــــــم بـخيــــــرــــــــــــــام لجميع قراء هذه القصه
وخـــــــــــــــــاصه للكــــاتبه " صـــوت وصــدى " الله يعطـــــــــــــــــــــــــــــــــــــــــيك العافيه يارب جزء خطـــير مره وحـــلــووووو تســــلـــم يـــــدك بس بصراحه اتوقع انو " علي " بيحب " ميثاء " مثل ماتوقعت من قبل واللـــــــــــــــه اعلم ... "احمد " ياحبيله ليت ااااااالعالم مثله و "فهد " ليه يدري ولاااا قال و "صافيه " تحفه مع الحياء حقها و " ميثاء " لاااااااااااااا تعلــــــــــيق ولا تطولي علينا بالجزء الجديد " مشكــــــــــــــــــــــــــــــــــــــــــــــــوره " (( زارا ياحليلك اثرك معي في نفس المنطقه اللي انا فيها ياحبيلك ادري ملقوفه وقاطه وجهي بس حبيت اسلم عليك واعيدك )) |
هلا والله بخطوات وردة
شوفي انا باركه هنا الى أن ترحمنا صوت وصدى وتنزل جزء تصدقين لي اربع ساعات فاتحة الصفحة وكل شوي اسوي تحديث عندي احساس ان في بارت اليوم |
مشكوره أختي على القصه الحلوه
فاجئتينا بأن ميثا إلئى الان بنت مو قادره أستوعب علي وراه سر ياليت نعرفه عندي إقتراح ياليتك توصفين ميثا من ناحيه الشكل وتخلينها ملكه جمال صدقيني الكل بينشد لها وخاصه علي لأنه شكله راعي حريم وأكيد بيلفت نظره الجمال في ميثا أحمد أشهد إنه رجال ننتظرك يالغلى أختك سعوديه وكلي عز :friends: |
مساء الخير
اعزائي كيف حالكم ان شاء الله بخير الصراحة وحشتوني كثير يا المتابعين الاشاوس هلا ومرحبا بالمتابعين الجدد اعزائي المقمين والواقفين والمنتظرين في القصة لاتظنون اني نسيتكم ... العمل قائم على قدم وساق والله يكتب اللي فيه الخير ان شاء الله زاراااااااااااااااااااااااااااااااااااااااااااااااا ارجع واقول لك لا زالتي تملكين حق التميز بالهدية .... ولكن انتي وشطارتك اختكم صوت وصدى |
ربنا يعطيكي الف عافية ع القصة الرائعة
ننتظر التكملة بفارغ الصبر..... ارجوكيلا تتاخرين مع لمل شفت 34 صفحة قلت اكيد القصة كاملة.... لكن خاب ظني وفي هالنقطة المحرجة بالذات |
السلام عليكم ورحمة الله وبركاته
صدى يا عمري جبتي لي الوسوسة ............. صرت دائما أسوي رفرش بالثانية يوميا للقصة . ارحمينا ........... ( ولاحظي جمعت كل الزميلات ) ، وعطينا موعد أسبوعي شهري على راحتك حتى نتابع القصة . وطلبتك طلب وأتمنى ما ترديني ............ نهاية سعيدة لكل الأطراف ، وأكشن غير متوقع للأحداث. وجزء طوييييييييييييييييييييييييييييييييييييييييل تعويض لنا عن الانتظار. ومشكورة حبيبيتي على القصة الرائعة. |
بليز اخت صدى نزلي البارت سريع الله يخليكي بليز يا عمري
|
السلام عليكم والله ماتدرين يا صوت وصدى شكثر فرحت على ردج انج بتنزلين البارت الياي عي قريب
منتظرينج حبي لا تطولين علينا |
مرحبا لكل الأعضاء الحلوين:flowers2:
وأكبر مرحبا للرائعة صوت وصدى:flowers2: أنا سجلت بالمنتدى بس عشان القصه ياربي يا حلوها:3EO05175: علي وما أدراك ما علي صدقوني تراه راح يحب ميثا حب مو طبيعي وهي ان شاء الله راح ترجع معاه غصباً عنها خخخخخخخخ احمد وصافيه بدايه حلوه لعلاقه أحلى:friends: سالم أتوقع انه هو اللي صرخ على مها بالأسنسير واتوقع بعد راح تصير بينهم علاقه حلوه:friends: ساره يعلها ما تربح هالكريهه ان شاء الله خالد يطنشها ويخليها تتأدب عدل امممممممممممم منو ظل بعد خلاص إذا ذكرت شي راح أرجع:YkE04454: صوصو << ما أمداها بسرعه طيحت الكلافه:ekS05142: يالله وأنا أختج نزلي البارت ولا تطولين علينا وخليه هدية الاستقبال منج لي << لووووول وايد مهمه:3EO05175: |
ماشاء الله عليك يا صوت وصدى
|
تفضلوا احلى هوت تشوكلت للي قاعد ينتظر ويايه :friends: http://www.hersheys.com/recipes/lib/...id=3002&size=l |
إختي صوت وصدى تكفين نزلي البارت ترانا على نار تقبلي مروري
|
اقتباس:
جا بوقته ملينا من النطره ونبي شي يسلينا |
هلا والله بكل الموجودين
الحمد الله ارتحت لم شفت رد صوت وصدى كذا يعني مافيه باس وخوذي رحتك بس لاتطولين علينا اختي زارا معنى اسمي بدوي اذا انت بدوية بتعرفينه على فكره معاد يستعمل حديثاً بس سمعته من أمي واعجبني مع انه ماينطبق علي |
اقتباس:
وانتي ياكاتبتنا المبدعه.. عطيني خيط للموقع وانا امشي ورااااااااه... وانا والله ودي اعرف هالموقع وين موجود على خريطة الكره النتيه... مو عشان الهديه بس.... الاعشان بعد اشارك فيه عشان القصه |
السلام عليكم ورحمة الله وبركااته عسااك من عواده انا اول مره ارد ع القصه اصلاا ماسجلت الا عشانهاا والله تعبت وانا افرفر عليهااا ..قريتها بمنتدى وتسمرت قدام جهازي ماحسيت الا بالله اكبر الفجر ابدعتي باسلوبك البسيط وموضوعك الحلوو وعسى هالقصه بميزان حسنااتك يعطيك العافية |
الذين يشاهدون محتوى الموضوع الآن : 4 ( الأعضاء 4 والزوار 0)
الفراولة, htaan, نــــا نـــو, Sleepy Eyes صوت وصدى وينك ياحلوووووووووووووة والله خلاص ماعاد فيني صبر ابغى اعرف وش صار على ميثاء وعلي وصافية واحمد ....... والأهم ردت فعل ام فيصل وابو فيصل لما يعرفوا ان فيصل عاجز وميثاء مهب عقيم ....... بسرررررررررررررررررررعه ياقلبي .............. |
السلام عليكم
القصة تجنن مو بس تجنن الا رهيبة حبيت اكون من متابعينك بالقصة ويالله ننتظر حرب داحس و الغبراء او اسفة حرب ميثاء مع علي تحياتي لك وانتظرك |
http://www.alamuae.com/up/Folder-010..._123456789.gif يسلموو بارتـ جميل واحداثـ تزداد جمال و تشويق فسال الله لك كل التوفيق و ننتظر بكل شوق ما يسطرهـ قلمكـ المميز من مواقف و احداثـ مثيرهـ وموفقهـ ياربـ ^_^ http://www.alamuae.com/up/Folder-010...66633_8888.gif |
اشكرك من كل قلبي على هذه الابداع وننتظـــــــــــــــــــــــــر على ناااااااااااااااااااااااااااااااار
بليزززززززززززززززززززززز كمليها تحياتي العطرها لكي عزيزتي |
مشاءالله عليك ياصوصو مبدعه
وننتظرك على احر من الجمر لاتطولين وخليه بارت طويل |
مرآحبـ صوصو>> يقـآلهـآ تدلعكـ ..>> وجه منزل رآسهـُ
يمهـ القصهـ جونـآن تسلم آنـآملكـ على هيكـ كتـآبهـُ لآ آلهـ الا آللهـُ عجبتني حيل وتعلقت فيهـآ مرهـ .. آنـآ آستحآله آقرى قصهـ مومكتملهـ بس كله من بنـآت خآلآتي نشبو بحلقيُ الا تقرينهـآ >> وجهـ يبكيُ قـآلو آقريهآ ولاتقـآبلنـآ اليومـ الثـآني بنـآقش عن الاحدآث ونتي آنطقيُ >> هذي شغلتهمـ لاقرو قصهـ قلت آوكيه ومعني كنت مسـآفرهـ وقريتهآ آممم ثـآلث آيـآمـ العيد خووش عيديهـ وآرسلهوهـآ لجوآليُ وسهرتـ عليهـآ ومت عليهآ صحت وضحكت بفس الوقتـ >> تنـآقض شيُ آبدعتيُ وآلامـآمـ حوووبيُ . . . . . صوصو بليز ولله آني كل يوم آسـآل هـآ نزلت ولإ لآ..!! كنت مسـآفرهـ ولاقدر آشيكـ بس الحين عدت لدآري سـآلمهـ غـآنمهـُ .. ويلآ لاتـآخرين علينـآ ونبي آحــد آث وآكشنـــآتـ ترضي غرورنـآ ... وجهـ مبتسمـ >> عجزآنهـ تحط رمووز .. لووووووووووووووووووووووووووووووووووول آدري قطيت بدليـآت لين قلت بس ولاتشرهونـ موآصلهـ وفـآصلهـ .. سلآمي للجميع .. نــــــورآهـ |
المشاركة بواسطة دلوعة وبكيفي اقتباس:
الكاتبة ماصار لها اسبوع من نزلت جزء بعدين اللي يكتبون القصص بشر مثلنا عندهم مشاغل وظرووف الواحد لايفكر بنفسة بس وانا اشوف ان كاتبتنا صوت وصدي تواصلها معنا جميل جدا انتي تقصديين اللي يقعدون اشهر وما ينزلون اي جزء حبيت اوضح بس |
مساء الورد
اعزائي كل المتابعين للقصة الاشاوس لكم مني اجمل باقة ورد واجمل الترحيب لكل المتابعين الجدد عزيزتي جورية حمراء شكري الكبير على هذا التوضيح الذي ينم عن التفهم الجميل لطبيعية الظروف البشرية شكراً مره آخره طيب يا اعزائي الحلوين ذا الحين في جزء صغير كثير .... تحبون انزله اليوم ولا تنطرون كم يوم نكبر الجزء ؟؟؟؟ القرار لكم عشان مابه احد يقول الجزء صغير باب الاقتراع مفتوح الى الساعة العاشرة مساء اختكم صووووووووووووووووصووووووووووووووووووو |
اقتباس:
أولا مشكورة عالتوضيح ثانيا البارت الأخير ماشفتة بالعكس كنت استناة من مدة ولو شفتة كان ماعلقت ثالثا أنا ماأطالب الكاتبة بأي شي مع ان القصة عاجبتني واحداثها حلوة بس ماأزعجتها متى ينزل بارت متى ينزل بارت بسررررررررررررعة تأخرتي علينا وغيرة يعني انا مافكرت بنفسي على قولتك وأنا اشكر الكاتبة بصراحة على هالقصة الرووعة وانا تابعت قصص كثيرة بس فية كاتبات يماطلون شهوووور فكرهونا في متابعة القصة اول بأول وخلونا نتابع القصص المكتملة طبعا أنا وضحت عشان اقدم اعتذاري للكاتبة ولأني عارفة ان قصدك التوضيح فقط لاغير |
بناء على نتائج الاقتراع سوف يتم طرح الجزء الان الفصــــــــــــــــــــــــــــــــــــــــــل الحادي عشر : توعت ميثاء من النوم على صوت المنبه لصلاة الفجر .... سكرت المنبه وهي تحس بصداع خفيف لكن الراحة النفسية اللي سيطرت عليها بعد حكيها مع ندى طغت على شعور بالصداع .... ارتاحت ميثاء بصورة كبيرة وخف شعور الذنب والعار اللي كان مرعبها بعد ما تكلمت مع ندي عن كل اللي صار لها باستثناء أهم تفصيل وهو حقيقة العلاقة بينها وبين فيصل .... عشان كذا ندى كانت تحاول توضح لميثاء أن كل اللي تحس به من ضيق له عدة أسباب وشرحتهم لميثاء ... أشرحت لها أنها متضايقة لان علي كان 18 سنه بمثابة أخ وأكيد أن هذا الأخ لما يتحول فجأة لزوج بتتضايق ... وشرحت لها أن حكم القرابة اللي بين فيصل وعلي بتذكرها بفيصل كثير كل ما شافت علي ... وان اللي صار شيء طبيعي يصير لأنهم زوجين .... وأنها لازم ما تضايق من علي وتقارنه بفيصل في كل شيء لان كل رجال يختلف عن الثاني في طريقته وأسلوبه وحياته .... وأنها عشان تعيش حياتها الجديدة لازم تنسى فيصل بسرعة .... ميثاء تنهدت بضيق وهي تقول بصوت هامس : أنسى فيصل ؟؟؟؟ كيف اقدر أنسى فيصل ؟؟؟؟ كيف .؟؟؟؟ كيف بعد ما فضحت سره كيف ؟؟؟؟؟؟؟؟؟؟؟؟؟ نفضت ميثاء الملحف بقوة وقامت عشان الصلاة ..... محمد قال لخالد اللي واقف معه قدام غرفة الطوارئ : هو وش اللي رفع ضغطه ؟؟؟؟؟؟ متهاد مع احد ؟؟؟؟ حداً قايل له شيء ؟؟؟؟؟ وش قومه ؟؟؟؟؟ خالد قال بحيرة : والله يا عمي أنا ما ادري وش اللي صار له ... كل اللي اعرفه انه كان مع علي وفهد في المجلس حق الرجاجيل وطاح عليهم هناك وهم اللي جابوه المستشفى ودقوا علي وهم في الطريق ..... ومن يوم ما جيتهم وهو على ذا الحال مثل ما أنت شايف .... محمد قال وهو يشوف الممر اللي علي وفهد واقفين في آخره وهو يقول بصوت واطي : ما يحتاج دام السالفة فيها علي أكيد أبوك بيرتفع ضغطه غصب ... هو متى رجع من السفر ؟ خالد قال وهو يشوف أخوانه : من يومين .... اقطعه محمد وقال : يومين ؟؟؟؟؟ ليه عود بسرعة ؟؟؟؟ خالد قال : والله ما ندري به ... بس من يوم عود وهو شاب حريقه في الكل والجميع .... ولا يبي احد يكلمه ... تعال يمكن أبوي زعل منه لأنه من عود وهو مخلي أمرته عند أمها ولا هو براضي يجيبها .؟؟؟؟؟ أبوي من عود وهو يقول له وين أمرتك ؟؟؟ روح جيبها وهو معيي .... محمد اللي تنهد بضيق بعد ما سمع حكي خالد قال : أكيد عشان كذا ... حسبي الله على ذا الوالد بيذبح أبوه من القهر والحرة ............ محمد قال آخر جملة وهو يقرص عينه في علي اللي واقف قدامه مع فهد في آخر الممر .... علي كأنه حس وعرف أنهم يتحاكون فيه فجأة لف عليهم لقاهم يشوفونه .... تضايق أكثر .... رفع عينه لفهد اللي واقف قدامه وقال : فهد أرجوك ريحني ورد علي ... صارلي ساعة أحاكيك ولا ترد .... رفع فهد عينه له وقال بضيق : استغفر الله .... علي أنت وش تبي ؟؟؟؟؟ علي قال بسرعة : أبي اعرف الحقيقة كاملة .... فهد تنهد بضيق وقال : شوف أنا بقولك كل اللي اعرفه ولا أبيك تفتح ذا الموضوع معي مره ثانية .... علي قال بسرعة : تم بس أنت تحاكا .... فهد قال وهو يحاول يرتب أفكاره : أنا ما كنت ادري عن شيء ... فيصل الله يرحمه جاني وقال أبيك تسافر معي بروح علاج ... قلت له أن شاء الله ... بس أنا ماهب نافعك في شيء ... أنا ما اعرف انقليزي ... هو قال أصلاً ما يحتاج انقليزي بنروح ألمانيا وهم ما يتحاكون انقليزي ... رحت معه .... يوم كنا نروح المواعيد قبل العملية ما كان يرضى أروح معه الكشف ... وكان يتحاكا مع المترجم انقليزي وأنت تدري أنا ما عرف لا ذا ولا ذا ... وكل ما قلت له بشر ؟؟؟ قال خير أن شاء الله .... سكت فهد ولف يشوف غرفة الطوارئ اللي أبوه مرقد فيها ورجع يشوف علي وقال بضيق وحزن واضح : قبل يوم العملية تغير الرجال علي ... وصار داخل طالع يوصني على أمرته ... وترني وخفت عليه صدق ... بس ما شكيت بشيء وقلت يمكن انه خايف من العملية .... دنق فهد يشوف الأرض وهو يقول : كنت قاعد في غرفة انتظار قريبة من غرفة العمليات وما ادري ليه المترجم جاء وقعد جنبي وتم ساكت يشوفني بخوف .... ما كنت اقدر اسأله لأني لا اعرف انقليزي ولا ألماني .... فجأة طلع الدكتور اللي يسوي العملية ووقف يتكلم مع المترجم ... الرجال انهار قدامي وقعد على الكرسي .... كنت أحس بخوف ولا هب قادر أسوي شيء بس أتلفت بيهم ... سكت فهد شوي ورجع يقول بصوت خانقته العبرة وهو يرفع عينه اللي يحاول يخفي دمعها لعلي وهو يقول : كأن حد ضربني على قلبي يوم سمعت المترجم يقول : لا حول ولا قوة ألا بالله .... البقاء لله اخوي .... كان المترجم عراقي وفيصل الله يرحمه متفق معه انه ما يتكلم معه قدامي غير انقليزي عشان ما افهم وش السالفة ولا اعرف وش العملية .... الرجال ما قصر قعد معي إلى أن ركبت الطيارة وعرفت منه كل شيء .... فيصل ... فيصل كان عاجز ... والعملية اللي سواها كانت عشان ذا الموضوع ... بلع فهد ريقه ورجع يكمل وهو يقول بحزن : تدري كم كانت نسبة نجاح العملية ؟؟؟؟؟؟ 8 % ..... 8% ومع هذا سواها ..... سواها ... الله يرحمه ... الله يرحمك يا فيصل ... الله يرحمك .... علي لف يشوف غرفة الطوارئ وهو يقول بهمس : سبحان الله ... أنا اللي محترق نصف جسمي ما صار فيني شيء ... وهو اللي ما به فيه شيء يطلع عاجز ؟؟؟؟؟؟؟؟؟؟؟؟؟؟؟؟ سبحانك يا رب ..... هي الوالدة موقودة ؟؟؟؟؟ لفوا فهد وعلي على الدكتور اللي واقف قدامهم فجأة يشوفونه بعد اللي قاله .... رد عليه فهد بسرعة وقال : لا الوالدة في البيت بس وش تبي فيها ؟؟؟؟؟؟؟؟ رد عليه الدكتور وقال : هو دلواتي كويس بس مش راضي يريح نفسه مصر انه يشوفها وبينادي عليها وأنا خايف يرقع ضغطوه يرتفع و أحنا مسدانا ننزلوا .... لف فهد على علي وقال بسرعة : قلت لك خلها تجي أنت اللي عيت .... وحلفت ما وحده تجي المستشفى ... زين كذا ؟؟؟؟؟ علي قال بضيق خلاص أنا بروح ذا الحين أجيب أمي و مهوي هي بعد كسرت جوالي وأنت روح لأبوي وقله أني بجيبها خله يرتاح .... دكتور قال وهو يلف عشان يرجع غرفة الطوارئ : ايوه قيبولوه ميتة بسرعة ................................... ميثاء بعد ما صلت الفجر حست براحة اكبر وقررت أنها تطلع من غرفتها .... فكرت تقطع أجازاتها وتداوم بس تراجعت .... أقعدت مع أمها في الصالة يشوفون نقل صلاة الفجر من مكة في التلفزيون ... نجله كانت سعيدة بهذا التغير في ميثاء عشان كذا قررت أنها ما تسألها عن شيء وتعكر مزاجها وتأجل كل شيء لوقت ثاني .... ميثاء لما شافت أن أمها ما أسألتها عن شيء ارتاحت أكثر ... وقامت تسولف مع أمها عن البيت والخدامة واللي سوته والأغراض الناقصة في البيت ولا كأن فيه شيء .... صافية كانت مثل الطفل يوم العيد لما اطلعت عشان تروح الدوام وشافت ميثاء تضحك وتسولف مع أمها في الصالة .... وقالت من فرحتها : يا جعلي ما خلا من ذا الضحكة يا رب ولا يخلي ذا البيت منها .... تدرون أنا ماهب رايحه الدوام أنا بغيب اليوم وبقعد معكم .... ميثاء قالت : ولا يخلا منس يا قلبي ... لا تقعدين تسوين لس سوالف وعلوم قولي أبي أغيب اليوم وبس .... صافيها قالت وهي تدنق على رأس أمها : صباح الخير يمه ... أيه أبي أغيب .... ولفت تدنق على رأس ميثاء بسرعة وهي تكمل وتقول : ليه كم ميضاء عندنا ؟؟؟؟ تستأهلين يا بنت سالم نغيب ونقابلس .... نجله قالت : بنتي عن اللعبة قومي روحي شغلس جعلني قبلس .... ميثاء قالت بسرعة : صادقه أمي قومي روحي دوامس ... و العصر أن شاء الله نطلع كلنا نتمشى .... نجله لفت على ميثاء قالت وهي تبتسم : نتمشى وين نروح ؟؟؟؟؟؟؟؟؟؟ ميثاء قالت بسرعة : أي مكان المهم نطلع ... تدرين بوديكم مكان كله حريم يقعدون يتقهون فيه خوياتي يرحونه .... صافية قالت دام السالفة فيها عزيمة وطلعه اجل أنا بروح الدوام ... مالي ادعي الدريول يجيب السيارة .... يلا يمه انطرس في السيارة .... مع السلامة ميضاء .... ميثاء ردت عليها وهي تصب بيالة حليب وتعطيها صافية : مع السلامة يا قلب ميضاء ... خذي اشربيها في السيارة ..... صافية قالت وهي تأخذ البيالة وتطلع : خذ الله عدوس ... مع السلامة .... نجله قات وهي تلبس عباتها بتطلع عند باب الصالة : بنتي بترقدين ولا بتنطريني ؟؟؟؟ ميثاء قالت وهي تبتسم لامها : جعلني قبلس ماهب راقدة برتب ثيابي اللي في الشنطة إلى أن ترجعين ... أصلا ماهب من بعد المدرسة عشان ارقد ... يمه لا تحاتيني ... روحي الله يحفظس ...... ميثاء بعد ما اطلعت أمها دخلت غرفتها .... وقفت قدام شنطتها اللي صار لها ثلاثة أيام ما فتحتها من يوم ما جات من الشاليه وهي مكانها .... توها مدنقه عليها على الشنطة وقفها صوت المسج في جوالها ..... لفت ميثاء تشوف الجوال وراحت له .... أفتحت الرسالة .... حست بضيق أول ما شافت المرسل علي .... وتضايقت أكثر وهي تقرا الرسالة ..... (( بتصل ردي علي أبيس ضروري )) ما مداها ميثاء تقرا الرسالة ألا والجوال يرن في يدها .... كانت تشوف ... علي يتصل بك ... ولا هي قادرة ترد عليه .... بعد الشين أفتحت الخط وحطت الجوال على أذنها بدون ما تقول شيء .... بس تسمع علي اللي قال بتعب : السلام عليكم ..... وكمل يوم ما سمع رد جاه يتأكد : ميثاء ؟؟؟؟؟؟؟؟ ميثاء قالت بتردد : وعليكم السلام .... وش تبي ؟؟؟؟؟؟؟ علي قال بضيق من طريقة ميثاء في ألحكي : ماهب أنا اللي أبي .... أبوي اللي يبيس .... ميثاء قالت باستغراب : عمي ؟؟؟؟؟ علي قال بسرعة يرد عليها : أيه أبوي .... أبوي تعب البارح علينا ونقلناه المستشفى ... وذا الحين هو يبي يشوفس .... أقطعته ميثاء بهدوء لكن بحزم وقالت : علي أنا ماهب بزر تضحك علي بذا السالفة اللي جايني بها من صباح الله خير .... يا دافع البلاء يا رب ... وصلت فيك انك تفاول على أبوك ؟؟؟؟؟ أرجوك أذا ما عندك شيء ثاني ياليت ننهي المكالمة لأني تعبانه : علي قال يقطعها وهو يصر بضروس : شوفي ميثوه أنا من البارح واقف على رجلي في الطوارئ ... رجلي توجعني ... وراسي بينفجر ... وضايقه الدنيا فيني ... ولا لي خاطر في شيء ... ولا لي مزاج على ألحكي والسوالف .... ولا ما هب واعد أبوي انه ما يدخل البيت ألا أنتي قدامه ... كان لا جيتس ولا وقفت عن بابس .... اخلصي علي واطلعي أنا واقف برى في الحوش ... أبوي ذا الحين بيطلع من الطوارئ وأبيس قدامه في البيت ... سكت علي شوي ويوم ما شاف أي رد فعل من ميثاء رجع يقول : زين يومس ماهب بمصدقتني دقي على خويتس مرت فهد واسأليها ... وإذا علمتس أني صادق اطلعي علي بسرعة أنا انطرس في السيارة مع السلامة ... ميثاء كانت تشوف الفراغ قدامه وهي تسمع علي يسكر الخط .... ماهب عارفه وش تسوي ولا وش تقول .... كذاب يا ميثوه كذاب ... وإذا طلع صادق .؟؟؟؟؟ حتى لو طلع صادق عمي عبدالله وش يبي فيني ؟؟؟؟؟ زين أنتي ليه ما تدقين على ندى وتشوفين أذا كان كاذب ولا صادق .... هو لو كان كاذب ما كان قالس بكل ثقة دقي على مرت فهد ونشديها .... وش أسوي يا رب ؟؟؟؟؟؟؟؟؟؟؟؟؟؟؟؟ منيرة قالت وهي تشوف محمد يدخل عليهم غرفة سارة : بشر كيف حاله ذا الحين ؟؟؟؟؟ محمد قال بتعب : الحمدلله لكن ... صدق أنهم رخصوه من المستشفى .... لكنه تعبان .... سارة قالت : يبه تستأهل سلامته .... محمد لف يشوف سارة كأنه توه يشوفها وقال : الله يسلمس يا بنت ... أنتي كيف حالس ... وبنتس أربها طيبة ؟؟؟؟ سارة قالت : بخير جعلك بخير ... منيرة قالت وهي تصب قهوة لمحمد اللي قاعد جنبها : سم .... وكملت وهي تشوف التعب في وجه محمد : ذا الحين بجيب لك فطور تريق وروح ارتاح .... محمد اشر برأسه علامة لا وهو يقول : ما اقدر قبل بروح اطل على عبدالله في البيت وشوف وش في خاطره ... أنا بس جاي أبدل ثيابي واخذ دواي وبروح له ... واذا شفت وش في خاطره ذيك الساعة يصير خير .... سارة قالت : يبه اصبر شوي بروح معك أشوف عمي ... منيرة قالت بسرعة ترد عليها قبل محمد : أنتي وش اللي يطلعس من البيت وأنتي توس نفاس ... ما لس طلعه ... وبعدين بيجونس ناس يبركون لس وين تروحين عن وجيهم ؟؟؟؟ سارة قالت بسرعة : وش فيها أذا كنت أنفاس عادي ... وبعدين أنا مهب متأخرة بسلم عليه وبرجع واذا احد جاكم قولوا راحت المستشفى عندها موعد .... محمد قال يقطعهم وهو يقوم : أنا ماهب فاضي لخرابيطكم ... أنا بروح ذا الحين واذا بغيتي تجين شوفي واحد من اخوانس يجيبس هم بعد بيبدلون ثيابهم وبيلحقوني .... ميثاء كانت مشتته ولا هي عارفه وش تسوي يوم دخلت عليها نجله وهي تقول : بنتي أنتي بعدس ما لبستي ؟؟؟؟؟؟؟؟؟ رجلس واقف برى ينطرس .... ميثاء لفت بسرعة تشوف أمها وقالت : أنتي شفتيه ؟؟؟؟ ردت عليها نجله وقالت : أيه شفته وبغيته يدخل يتقهوى لكنه عي يقول مستعجل عشان أبوه الله يشفيه أن شاء الله .... ميثاء قالت بسرعة تقطعها : ليه عمي وش فيه ؟؟؟؟ وأنتي من قالس انه فيه شيء ؟؟؟؟ نجله ردت عليها وهي تطاولها عباتها : بنتي استعجلي رجلس برى ... مهوي مطرشه لصافية تعلمها ويوم جيت هنا أخذت العلم من علي ... يقول طاح عليهم البارح وودوه المستشفى ضغطه مرتفع .... وهو اللي مطرش علي عشانه يبيس .... ميثاء قالت وهي تلبس عباتها : الله يشفيه ... بس وش يبي فيني عمي عبدالله ؟؟؟؟؟؟؟؟ نجله قالت : والله يا بنتي ما ادري ... أنتي روحي له وبتعرفين وش يبي ......... يلا يا بنتي استعجلي رجلس ينطر برى ...... ميثاء بعد ما أعرفت أن السالفة صدق قررت أنها تتوكل على رب العالمين وتروح تشوف عمها وش يبي منها رغم أنها كارهه أنها تشوف علي اوتتحاكا معه .... ألبست بسرعة ... وأخذت شنطة يدها وطلعت لامها في الصالة .... وقفت ميثاء قدام باب الصالة وهي تشوف علي اللي كان قاعدة وثاني رأسه على كرسي السيارة .... فجأة رجع به الزمن قبل ثلاثة أيام .... بعدين معاس إلى متى وأنتي راقدة ؟؟؟؟؟؟ يلا بسرعة تعالي تحت انطرس لا تتأخرين ... أنتي تناحسيني ولا تعاقبيني ؟؟؟؟؟؟؟؟؟ أنتي وش فاكره نفسس ؟؟؟؟ أن رحتي فوق ولا نزلتي تحت ما تسوين عندي شيء ... أنتي محسوبة على النسوان زيادة عدد ...... المجنون الصديع هذا رجلس .... تبطين ما نسيتي أني رجلس ..... رجلس يا بنتي ينطرس روحي له .... ميثاء ارتجفت ورجعت على وراء بسرعة وهي تحس بيد أمها اللي أمسكتها ..... نجله اللي حست بخوف بنتها قالت وهي تشوفها بحنان : بنتي أذا شفتي عمس وش يبي وبغيتي تردين دقي علي وبأجي اخذس ..... سمعتي يا بنتي ؟؟؟؟؟؟؟؟ ميثاء اللي حست أنها بتبكي قالت وهي تدنق على أمها : أن شاء الله يمه أن شاء الله ... الله لا يحرمني منس ... مع السلامة ... نجله قالت وهي تفتح الباب أكثر لميثاء : مع السلامة الله يحفظس يا بنتي ...... اطلعت ميثاء وهي تشوف علي اللي عدل جلسته بس بدون ما يلف عليها .... كانت تحس أنها تختنق كل ما تقرب من السيارة أكثر .... وصلت للباب اللي وراء علي و أفتحته .... الباب ما انفتح .... أرجعت تحاول تفتحه بدون فايده الباب ما فتح كان مقفول من داخل ... طقت على الدريشة عشان ينتبه علي ويفتح لها بس على ولا كأنه يسمع شيء .... أفهمت ميثاء الحركة السخيفة .... كان ودها ترجع تدخل البيت وتحره مثل ما حرها بذا الحركة ... بس خافت يسوي لها مشاكل و يهادها قدام أمها اللي تطل عليهم من الدريشة .... تنهدت ميثاء بقوة وهي تلف حول السيارة وتوقف عند الباب اللي جنب علي .... على يوم شافها واقفة عند الباب فتح القفل لها .... أفتحت ميثاء الباب و أركبت السيارة وهي ساكتة .... علي أول ما أركبت ميثاء حرك وطلع على طول ..... ميثاء كانت منقهرة من الحركة اللي سواها فيها عشان كذا قررت أنها تنتقم منه خاصة بعد ما تبينت أن خوفها من شوفت علي مالها أي داعي في مثل هذا الوضع ..... هي تدري من مها أن علي يحب سيارته كثير ولا يحب احد يخرب فيها عشان كذا قربت من الباب و تسندت عليه وهي تحك بطرف نعالها جلدت الباب اللي كان لونها بيج ..... علي اللي من يوم ما شاف ميثاء طالعه عليه من باب الصالة وهي يحس بتوتر وخوف ؟؟؟؟ سالفة أن أبوه مصر على شوفت ميثاء كانت مخوفته .... رغم انه كان يحاول قد ما يقدر انه يكون هادي عشان ما يبان توتره لميثاء ما قدر يستحمل يوم انتبه للحركة اللي تسويها ميثاء وقال بصوت قد ما يقدر خلاه هادي : مشخي جلد السيارة وشوفي وش بسوي فيس ........ ميثاء بعد هذا التهديد الهادي أسحبت رجلها بسرعة عن الباب ..... استمر الصمت في السيارة إلى أن وصولوا وشاف علي سيارات فهد وخالد واقفة في الحوش لف بتوتر على ميثاء وقال : زين كذا ؟؟؟؟؟ بسببس تأخرنا و أبوي وصل قبلنا .... يلا انزل بسرعة ..... نزلت ميثاء بعد ما نجح علي انه ينقل لها توتره .... ميثاء كانت تحس أنها غريبة على ذا البيت اللي عاشت فيه 18 سنة .... كانت تحاول تجاري علي في خطوته السريعة وهي تمشي ورآه ..... أحمدت ربها أن ما به احد في الصالة .... وقفت ميثاء جنب علي لما اشر لها بيده أنها توقف وهو يقرب من غرفة أبوه .... قرب علي من ميثاء وقال بصوت هامس : صوت عمي محمد وولده .... دشي داخل إلى أن اناديس ..... علي قال جملته الأخيرة وهو يأشر على باب غرفته اللي مقابل باب غرفة أبوه .... ميثاء اللي لفت تشوف الباب أرجعت تشوف علي بتتنيح وهي تقول : لا .... علي قال بسرعة وبصوت واطي وهو يقرص عينه في ميثاء: لوه يلويس قولي آمين .... دخلي قبل ارويس شغلس يا قليلة الأدب .... علي يوم شاف أن ميثاء ما تحركت راح لغرفته وفتح بابها عشان تدخل فيها ميثاء اللي ما لقت قدامها غير أنها تدخل بالطيب قلب لا تدخل بالغصب ..... أول ما دخلت وسكر علي ورآها الباب تفاجأت ميثاء بمها اللي من شافتها أركضت لها ولمتها وهي تبكي وتقول : يا بعد عمري يا ميثوه ................ سالم قال وهو يشوف سارة وبنتها اللي في حضنها : أنتي ذا الحين وش اللي موديس بيت عمي ؟؟؟؟؟ سارة قالت بضيق : سالم تراك لوعت كبدي كم مره تسألني ذا السؤال ؟؟؟؟ وكم مره أقول لك بروح عشان أشوف عمي .... قطعها سالم وقال باستهزاء : لا راعيت واجب يا بنت محمد .... بتروحين تشوفين عمس ولا بتروحين تشوفين اللي مسفه لس من ثلاثة أيام ؟؟؟؟؟؟؟؟؟؟؟؟؟؟ سارة قالت بعصيبة : لا بروح أشوف عمي ... وبعدين ريح عمرك أنا أصلاً اللي ما أبي أشوفه ماهب هو .... اللي ما فكر يمر يشوف بنته .... سالم قال بسرعة يقطعها : واضح .. واضح ... والدليل ذا الشنطة اللي وش كبره .... سارة قالت بسرعة ترد عليه بعد ما أعرفت أن سالم كاشف كل خططها : أذا الشنطة في أغراض النوري .... سالم قال بسرعة يقطعها : اللـــــــــــــــــــه .... ذا الحين صار اسمها النوري ؟؟؟؟؟؟ والله أنكم ما تجون ألا بالعين الحمرة ........ حريـــــــــــم ........................ مها قالت : أنا يوم دخل عمي وولده نخشيت هنا لان أذا بطلع الصالة بطلع من قدامهم ... ميثاء قالت تسال مها : مهوي عمي وش صار له ؟؟؟؟ مها قالت بحزن : ولا ما به احد يدري هو كان مع فهد وعلي في المجلس وفجأة ارتفع ضغطه وطاح عليهم ونقلوه المستشفى ... فهد يوم دق يعلم خالد كان قاعد عندنا في الصالة ... اقلنا أنا وأمي لخالد يودينه معه .... بس خالد عيا وقال أن علي حالف ما به وحده منا تجي المستشفى .... بس الحمدلله اللي رده لنا بالسلامة ... ميثاء قالت بسرعة ترد عليها : الحمدلله تستأهلون سلامته .... مها قالت وهي تبتسم بحزن : الله يسلمس يا العروس ..... ميثاء اللي كانت مدنقه لفت تشوف مها بسرعة بعد ذا التعليق .. مها قالت وهي ترفع حاجبها لميثاء : عروس بعد ويش ؟؟؟؟؟ وأحلى عروس بالدنيا كلها .... ميثاء اللي كانت ماهب عارفه وش ترد على مها لأول مره تحس أن علي يلعب في حياتها دور الفارس المغوار اللي ينقذ الموقف لما فتح الباب فجأة ودخل وهو يقول : يلا تعالي .... وسكت بسرعة ..... ميثاء أعرفت انه كان في خاطره حكي بس ما قاله لان مها قاعدة خاصة وهو يشوفها بطريقه غريبة ما كانت تدري وش اللي يدور في مخ علي لما دخل وشافها قاعدة مع مها وهي رافعه نقابها .... شعور غريب سيطر عليه .... حاول يفسره بس ما قدر يلاقي له أي تفسير ... أحساس مهاب بالراحة لمجرد انه شاف وجه ميثاء .... فجأة حس علي انه ما شاف وجه ميثاء من ثلاث سنين ماهب من ثلاث أيام ... استغرب من نفسه وعصب في نفس الوقت .... عشان كذا لما قامت ميثاء بسرعة وهي ساكتة ووقفت قدامه تنطره يلف ويطلع عشان تطلع ورآه ..... رد عليها بعصبية قبل لا يلف ويطلع وقال : نزلي نقابس .... ميثاء وقفت شوي تشوفه قبل لا تنزل نقابها وتطلع ورآه وهي في خاطرها يكون في يدها شيء عشان تحذفه به على رأسه ......................... سارة قالت وهي تشوف علي اللي قاعد جنب أمه في المقعد : بطول ميثاء عند عمي عبدالله ؟؟؟؟؟ نورة اللي كانت شايله بنت سارة في يدها : ولا الله ما ادري وش يبي بها ؟؟؟؟ من يوم ما رجع البيت وهو مطرش عليها ؟؟؟؟؟ ردت عليها سارة وقالت : أيه يمه مشاء الله ميثاء يحبونها كل الرجاجيل في ذا العايلة .... وسكتت سارة بسرعة أول ما شافت علي اللي لف عليها بسرعة بنظرة غضب وقال : قومها يوم هي تستأهل من يحبها .... سارة قالت ترد عليه : ما قلنا شيء .... الله يحبب فيها خلقه أن شاء الله .... المهم سالم مطرش مسج يقول أذا بتتأخر عند عمي بيروح وبيرجع له العصر.. تدري طول اللي ما رقد وتعبان .... علي قال بسرعة يقطعها : والله كلنا ما رقدنا طول الليل .... خله يروح ماهب طالعه ذا الحين ..... علي قال آخر جملة وهو يقوم ويطلع من المقعد .... وقف في نصف الصالة وتم يتلفت .... كان ضايق ويحس انه بينفجر .... قعد على اقرب كرسي في الصالة .... كان بالفعل متوتر من الوقت الطويل اللي قضته ميثاء عند أبوه .... وش بيقول ؟؟؟؟؟ وش يبي فيس يا ميثوه ؟؟؟؟ وش بتقولين أنتي له ؟؟؟؟؟ وش بتقولين وويش بتطلبين منه ؟؟؟؟ أيه .... أكيد بتقولين خلي علي يطلقني ....... أكيد بتعتبرها فرصة عشان تتخلص مني ............ ميثاء كانت تشوف عمها اللي يبكي قدامها ولا هي بعارف وش تقول ولا وش ترد عليه ولا ليه يبكي .... كانت خايفة لا يصير عليه شيء .... قربت منه ودنقت على رأسه وهي تقول : جعلني قبلك ما تبكي يا يبه ..... قطعها عبدالله اللي تعلق بيدها مثل البزر وقال : ليه ما علمتني يا ميثوه ؟؟؟؟؟ ليه ما علمتني ؟؟؟؟ ليه صبرتي 18 سنة ليه ؟؟؟؟ ليه يا بنت ؟؟؟؟ ليـــــــــــه ؟؟؟؟؟ ليه ما علمتني وأنا بطلقس منه ؟؟؟؟ ليه يا ميثوه سكتي ؟؟؟؟ ميثاء اللي انصدمت من حكي عمها ومن نذالت علي اللي ما ستر على أخوه أقطعته بسرعة وقالت : يبه أنا ما ادري أنت عن ويش تتحاكا ؟؟؟؟؟ ولا عندي شيء أعلمك به ..... وكان احد قال لك شيء تراه كذوب .... كذوب يا يبه لا تصدقه .... عبدالله كان يشوف ميثاء بصمت وفجأة رجع يبكي مره ثانية وهو يقول : ميثوه انتي بنت سالم الغالي .... والله ثم والله لو أني داري أن أولدي ماهب رجال أني ما اخليس على ذمته ليلة سوده .... سكت عبدالله لما أقطعته ميثاء اللي ما تحملت ألحكي اللي قاله عمها وقالت وهي تدنق على يده تحبها : داخله عليك بالله ما تقول على فيصل كذا .... فيصل رجال غصب على الكل .... غصب على اللي يرضى واللي ما يرضى رجال وشيخ الرجاجيل بعد ..... يبه جعلني فدى خشمك ما تصدق اللي يكذب عليك ... قطعها عبدالله وهو يقول بصوت خنقته العبرة والحسرة : 18 سنة صابرة على كل شيء .... 18 سنة صابرة على ألحكي والمعاير والعيب في ولدنا ؟؟؟؟؟ 18 سنة ؟؟؟؟ في ذمة من ذا 18 سنة اللي راحت من شبابس ؟؟؟؟ في ذمة من ؟؟؟؟؟ لو انس ما خذه واحد غيره كان ذا الحين عيالس طولس .... لا ويوم ربي راد يكبر حسابي وعقابي رحت اغصبس على عليان بكل بلاويه ..... سكت عبدالله عن ألحكي عشان يسمح لعبرته أنها تفرج عن حزنها .... كان يبكي بقوة وهو يقول : سامحيني يا بنتي ... سامحيني .... سامحيني أخطيت ومنس السماح .... ضريتس في العرس الأول وضريتس في العرس الثاني .... ميثاء اللي كانت تعبانه وتحس أنها بتختنق قالت بسرعة تقطع عمها اللي كان باين على شكله التعب الشديد : من قال يا يبه انك ضرتني ؟؟؟؟ أنت ما ضرتني ... لا في فيصل ولا في علي .... هذا نصيبي يا يبه ... قطعها عبدالله وقال بحده : لا ماهب نصيبس .... هذا ظلمي لس وجوري عليس .... لكن أنا بخليه يطلقس ذا الحين ... ذا الحين .... ميثاء أول ما شافت وجه عمها صار احمر وقام يرجف خافت كثير وقالت بسرعة تحاول تهديه : يبه إنا ما أبي أتطلق .... ما أبي أتطلق من علي .... وأول ما شافت عمها هدى شوي كملت بسرعة وقالت : علي رجلي وأنا أبيه ... قطعها عبدالله وقال بتشكيك : تبين علي ؟؟؟؟؟؟؟؟؟؟؟؟؟؟ ميثاء ردت بسرعة : أيه أبيه ... هو ما غلط علي في شيء عشان أقول ما أبيه .... عبدالله قال : لو هو ما غلط عليس في شيء وأنتي تبينه ليه من رجعتوا من السفر وأنتي قاعدة في بيت أهلس وهو هنا ؟؟؟؟؟؟؟؟؟؟ ليه ما انتووا مع بعض في بيت واحد ؟؟؟؟؟؟؟؟؟؟؟ ميثاء حست أنها حطت نفسها في ورطه مع عمها دنقت تحاول تكسب الوقت عشان تلاقي شيء ترد به على عمها توترت ورفعت رأسها بسرعة لعمها اللي قال : أكيد انه مسوي لس شيء ولا غالط عليس في شيء ؟؟؟؟؟؟؟ ميثاء قالت بسرعة ترد على عمها بأول حجة مرت على بالها : تبي الصدق ؟؟؟ أن اللي كنت معيا ارجع معه .... تدري أنا قضيت مع فصل 18 سنة .... صعب أني أنساهم بسرعة ... وطلبت منه يعطيني وقت عشان اقدر تعود أني ارجع عيش هنا مره ثانية .... قطعها عبدالله وقال بسرعة : تبين بيت ثاني ؟؟؟؟؟ ذا الحين اكتب لس فيلا بسمس وافرشها وقعدي فيها مع رجلس .... ميثاء اللي غلقت الدنيا في عينها كل ما بغت تكحلها عمتها قالت بسرعة ترد على عمها : ولا لك لوا ... أنا ما أبي بيت بالحالي .... ما أبي ... ما أبي شيء .... والله ما أبي شيء .... عبدالله قال برجاء : زين يوم أنتي ما تبين بيت بالحالس متى بتجين عندنا ؟؟؟؟؟ ميثاء قالت تحاول تضيع السالفة : قريب ... قريب أن شاء الله ... بس أنت تقوم لنا بالسلامة وكل شيء ملحوق عليه .... عبدالله قطعها وقال : جعلني قبلس يا ميثوه كان لي عندس خاطر من اليوم ترجعين .... لا من ذا الحين ما أبيس ترجعين .... طالبس طلبه ما تردين ... دخيلس يا ميثوه انس تقولين تم ................................ سالم قال بضيق : يا أخي أنت ذا الحين ما لوعت كبدي ببنتك ؟؟؟؟؟؟ بنتي وبنتي ... كان ما به احد جاه بنت ألانت .... يا أخي أثقل اشوي .... اسمع كلامي ... والله أخليها لك شبيك ليك ساروه أم غشه بين يدك .... خالد قال : ادري انك قاصد خير وتبي مصلحتي .... بس والله حرام عليك انقطع قلبي أبي أشوف النوري .... قطعه سالم وقال : النـــــــــــــــوري ؟؟؟؟؟ ولا أم النوري ؟؟؟؟؟؟؟؟ يا رجال أثقل .... هذي أختي وأنا اعرفها أكثر منك ...... كل ما سفهتها كل ما أركضت وراك .... واكبر دليل أنها تعذرت بعمي وأصرت ولازمت أنها تجي اليوم .... كل هذا عشان تشوفك .... تبيك تضعف أذا شفتها وشفت البنت وترجع تركض ورآها... و تدور رضاها .... سكت سالم وهو يشوف خالد اللي دنق يشوف الأرض بحزن ورجع يقول عشان يفرفش الجو : لا تضيق يا رجال افتح البلوتوث واستقبل بنتك عبر الأثير .... سالم أول ما شاف كيف خالد لف عليه وهو فرحان قال وهو يرسل له صور بنته اللي مصورهم له في الجوال : رجاجيـــــــــــــــل .... ما به فايده ...................... علي كان شوي وبينفجر من التوتر .... بيموت ويعرف وش ألحكي اللي يدور بين ميثاء وأبوه في الغرفة داخل ..... توتر أكثر لما أنزلت ندى من فوق ..... قام بسرعة من الصالة وهو يسمع ندى تقول : السلام عليم ورحمة الله وبركاته .... رد عليها علي اللي وقف على طرف الممر اللي قدام غرفة أبوه وهو يقول : وعليكم السلام ..... ندى قالت قبل تدخل المقعد : تستأهلون سلامة الوالد .... علي رد عليها وهو يلف على باب غرفة أبوه يوم سمع صوته انفتح : الله يسلمس .... ميثاء تروعت من صوت علي القريب ورفعت عينها له بسرعة وهي تقول : يبيك ..... و أفتحت الباب كله له عشان يدخل .... علي دخل ووقف قدام أبوه بكل هدوء ما كان يتحرك منه غير جفن عينه اليسار اللي يرجف .... ورغم كل الهدوء الظاهر على علي ألا انه كان يغلي مثل البركان من الداخل .... كان عنده أحساس أكيد أن أبوه ما دعاه غير عشان يقول له طلق ميثاء .... عبدالله أول ما شاف ميثاء طلعت قال : شوف عليان بنشك آخر مره وقول الصدق .... ألحكي اللي قلت عن أخوك البارح صحيح ؟؟؟؟؟؟؟؟؟؟؟؟ علي استغرب سؤال أبوه اللي ما كان متوقعه وقال بسرعة يرد عليه : صحيح .... اقطعه عبدالله وقال : صدق أن أخوك ماهب رجال ؟؟؟؟؟؟ وان مرت أخوك بنت إلى أن أخذتك ؟؟؟؟؟؟؟؟ علي اللي تضايق من كلمة ماهب رجال اللي ما تليق ولا بأي شكل بفيصل قال بسرعة ينهي الموضوع : صدق .... عبدالله تنهد بضيق وهو يدنق وقال : والله ما ادري من اصدق أنت ولا ميثوه ؟؟؟؟؟؟؟ علي هنا قال بسرعة يقطع أبوه : ليه هي وش قالت ؟؟؟؟؟؟؟؟؟؟؟ عبدالله قال يرد عليه وهو يرفع عينه له : تقول أن فيصل رجال واللي يقول غير كذا كذاب .... قطعه علي بسرعة وقال : يعني أنا الكذوب ؟؟؟؟؟ شوفوا عاد لا تجننوني .... أنا لا هب بزر ولا هب خبل .... واعرف افرق عدل بين المره من البنت .... قطعه عبدالله وقال بتعب : ذا الحين ماله حاجة كل ذا ألحكي .... فيصل الله يرحمه مات .... ويوم هو حي 18 سنة ما عرفنا ولا درينا بشيء .... والسبة بنت عمه اللي ما باعته ولا فضحته .... وحتى بعد ما مات .... عيت تفضحه .... علي ... السالفة ذي ما عاد أبي احد يطريها ولا أبي احد يدري عنها .... المره اللي هي المره أسترت على رجلها 18 سنة ماهب ساترين حنا على ولدنا الباقي من عمرنا ؟؟؟؟؟؟؟؟؟؟؟؟؟؟؟؟؟؟؟؟؟؟ علي قال بسرعة يرد على أبوه : تم ابشر ... ما به احد بيدري بذا السالفة وذا الحين بروح لفهد وبوصيه بنفسي .... علي قال جملته الأخيرة وهو يلف عشان يطلع بس وقف لما ناداه عبدالله وقال : عليان .... لا تظن أني ما ادري عن كل اللي سويته من سواد الوجه .... غير أنا ساكت بالعاني عنك .... لكن يمين بالله يا عليان لو دريت انك رجعت لسواد وجهك ما به احد بيوقف لك غير أنا .... وخل عندك خبر لو ماهب ميثاء تبيك كان طلقتها منك ذا الحين ............................. لا تنسون الردود والتوقعات |
بارت ولا اروع
عليان الحمار مايعرف يستر على اخوه ويخلي الموضوع بينه وبينها ,,, لازم يعلم ابوه بس يمكن خيره ويخلي هالشي ميثه تكبر في عين عمها ولا يخلي زوجته تتطاول عليها بعد اليوم سالم طلع مو هين هالرجال ,, امشي وراه ياخالد والله وراح تركض وراك صج الحريم ماتحب الا الي يطنش لها ميثا والله وكبرتي في عيني ,, صج مره وصابره على قسمتها ,, وصبرت على الاثنين فيصل وعليان ,, حتى ماتزعل اهلها ووين عصافير الحب مالهم مكان ,,, اتمنى ان ميثه ترجع للبيت وتبداء الاكشنات بين علي وميثه من جد وجديد ننطرج الغلا على البارت الخطير ,, بس فديتج ممكن لو تخبرينا ان كان لج وقت معين في انزال البارتات ,, بصراحه تعبت وانا انطر ,, تدرين اخاف يرتفع ضغطي من النطره وانا مره عجوز ما استحمل يختي مع حبي |
واوووووووووووووووووووووووووووووووووووووووووووووووووو باااارت ولا أروووووووووووووووع تسلمين يا قلبي مسكين أبو علي ما تحمل الصدمه بس سبحان الله ربه ضارة نافعه طيحة العم رجعت ميثا حق على وألحين راح تسكن معاه في البيت ويزيد الأكشن بينهم والله سالم هالولد فله عرف شلون يلعب بحسبة سارووه لين تقول انه الله حق وإنشالله تتعلم تغضبط لسانها وتترك ميثا بحالها ما شالله على ميثا لأخر لحظه صاينه سر فيصل ولا تبي تكشف سره حتى لو ماات وهالشي كبر ميثا في عين عمها بس إحراجها من عمها والحاله الي هو فيها ما عطتها الفرصه انها تطلب الطلاق من علي ننتظر الباااارت الياااي بكل شووووووق |
ياويلي يعليك يا ميثاء
يا قلبي عليها الله يعينك على عليان من اللحين بدت الغيره عنده نزلي نقابس اقول ما كن البارت قصير طماعه لا والله يا قلبي اهم شي اني قريت البارت مشكورررررره يا قلبي |
اقتباس:
اخيراااااااااا... مرحبا ملايين فيك وحياك الله.. والله بشتاق لتوصيل الرسايل ... تدرين صرت بوسطقيه على اخر عمري واعجبتني الشغله...خخخ اما بالنسبه للمنتدى مااااااااااااا قصرتي ياقلبي والله يعطيك العافيه.. تدرين اني ادور عليه الى الحين بس النت كان متعطل هاليومين .. والله يجزاك خير فكيتيني من صدعه جديده.. تحياتي لك |
رووووووووووعه وما راح اقول قصير.. الجزء يهبل وفيه تطورات كثيره.. اولها انه ثبت توقعي الثالث بان فيصل مات بسبب العمليه اللي يعالج فيها عجزه.. يعني مااشاء الله على خيالي حيي.. فياصوت وصدى اذا دقرت معس القصه وتبين مساعده تراني برسم الخدمه ياعسل..خخخخ..
ثاني شي اكتشاف العايله ان فيصل عاجز... وسبحان الله هذا صار لصالح ميثا ورفع قدرها عند عمها بس هل مرت عمها درت والا للحين؟؟؟ واذا مادرت كيف بتتصرف معها؟؟؟ هل بتستمر بجرح ميثا.. بس قهرتني ميثا الخبلا لما عيت عن البيت زهقتني مره.. ثالث شي.. ميثا ماتبي علي يطلقها لـــــــــــــــــيــــــــــــــــه؟؟؟ وهي كل اللي سوته عشان يطلقها .. ليش في الاخير تراجعت عن قرارها.؟؟؟ بس الاكيد انها ماراح تطلع من بيت عمها .. والاحين بتحلو القصه اكثر.. واحسن شي عجبني ســـــــــــــــــالم على ان دوره صغير بس روووووعه ابو الخطط هذا..دخل مزاجي مره.. وعلي واحساسه لما شاف ميثا بغرفته وطلبه انها تنزل النقاب.. الرجاااااال غيوووووور الله يعينه.. ويمكن ارجع اعلق ثانيه على الجزء بعد ما امخمخ عليه... على فكره بمساعده من غرشة عطر الله يعافيها اقولك القصه بمنتدى قناص الشرقيه.. يــــــــله عاد الهديه انتظرها الجزء الجديد.. وتراها مشاركه بيني وبين كل من تعب معي ودور على المنتدى اللي مدري وين متخبي.. |
اهلين بصوت وصدى
البارت روعة جداً وماراح اقول اقصير لاني بغيت اموت على ماتنزل كلمة منك التعليق على القصة: ميثا : كذا دائما بنات الاصول ستر وغطاء حتى لويجرحهم هذا الشيْ كثير ماصدف بنات يتحملون علشان أهلهم ولا احد يدري عنهم نقدر انسميهم الجندي المجهول علي: الولد هذا يغث المفروض حتى لو اكتشف ان ميثا بكر مايفضحها ويفضح اخوها قدم احد اذا هو ماستر على اخوه من يستر علية صراحة حركة مو حلو منه توقعاتي :علي بيعشق تراب ميثا وميثا تبادله نفس الشعور |
عليانون موتني قهر كذا يفضح اخوه اللي استامنه على زوجته واجبره ييتزوجها
مثياء.. وفيه لفيصل في حياته وفي مماته ... بس استغرب رفضها الطلاق من علي بعد ما جاتها الفرص هل خوف على صحة عمها او في شي يدور بالها سالم...مالها الا رجالها .. زين تسزي في سويرة جزاها واكثر خالد.. وش رقة القلب اصبر عساها تتربي على يد علي مشكورة ربي يعافيك في انتظارك غاليتي في حفظ الرحمن ورعايته |
السلام عليكم
معقولة في انسانة مثل ميثاء تصبر وتتحمل كلام اهلة انها ماتجيب عيال وعايشة وصابرة 18 سنة وماتكلمت على رجلها انه انسان عاجز هل معقول فية ناس تضحي كذا انا بنت عمي كرهت عيشتها يوم ان ابو زوجها ياخذ سيارة زوجها ويعطلهم عن مشاويرهم ماحب اطول عليس علعموم تسلمين جزء رهيب |
|
غاليتي صوت وصدى ...
كما تري أني جديدة ... وغن كنت من زوار المنتدى سابقاً ... ولكنه سببي الرئيسي هو قصتك التي ابدعت فيها وكسرت تباعد كسلي ... كانت رائعة ... ولم أشأ أن أقرأها نقلاً عنك ... أردت أن أتواصل معك .. فالروح بالقصة نابضة ,, صادقة ,, أفتقدها .. فأتيت مسرعة ... وبحثت قبلاً لاهفة ... فلم تكن عادية .. بل مختلفة ,, أشغلتني .. ذاك العقل المعطل داخلي أشغلته .. وجنون أحرفي يحاول الخروج مرة اخرى بقوة ... فلكِ مني كل الشكر والتقديـر ... قلوب تخاف الحب ... اسمها بداية شدني .. ولكن أعطال أخرتني ... وبعد أن عدت ... صدمت بروعتها .. فقد مر الكثير على رواية شغلتني ... شغلت خصوصيتي .. وساعات نومي البائسة ... فأحداثها متسارعة ,, متفاوتة ,, متصاعدة ,, متزايدة ,, مخيفة .. فمن أعماق الوضوح أدخل بغموض .. وبعد أن يحل الغموض .. اتيه باسئلة لا متناهية ... فمنذ اي عهد قصة لم تراودني الاسئلة .. اعتقدتها صافية هي البطلة .. ولكني ارى ملامح ميثاء تزيد وتتصاعد ... ثم ارى وضوح الحزن فيها .. ثم اغرق ببحور الغموض منها .. ثم تراودني الأسئلة ... فلم كانت كذلك .. !! أهو ألأحق فيها .. ! ما عمرها .. !! ولكني حقيقة لا احتاج اجابات .. !! فهي ذات الاسئلة المتلاشية .. التي تريد فقط ان تبقى اسئلة ولا تخرج إلى ايطار المعرفة ... فإلى اي جنون تأخذني القصة .. !! أتسائل عنه .. أهذا الوفاء كان حقيقياً .. !! من روحك ..؟ أم من روحها .. ؟ لا يهم .. !! المهم أنه وفاء .. حتى ولو تواجد في صفحات قلم ذات اصابع متوسطة ... اعذري قلمي الأن ... فهو على وشك الجفاف .. ولكنه سيعود ليسيل كثيراً ... فتحمليه ... !! تحياتي لكِ ,, لأني أحبك |
تسلمين الف مره على البارت الرائع
من جد لو اني من عليان كان خنقت العقرب رمل ساره من جد نحيسه وسالم ناشاء الله عليها فاهمها عدل ,, اما علي الحين فوق الغليان اظاهر راح ينصهر هههههههههههههه من اخر جمله قالها ابوووه له وميثاء مايحتاج كلام وتعليق خاصه بعد رفضها الطلااااق .. يسلمك ربي والف مبرووك للتميـــــز . |
بارت حلو وميثا ليش رفضت تتطلق من علي أكيد علشان عمها
بس هل علي بيصونها ويحافظ عليها |
صوصو :flowers2::flowers2:
الأولى يعل تسلم هالأصابع اللي كتبت هالإبداع والثانيه متى التكملة وأنا أختج هههههههههه ؟؟ >> بتذبحني :YkE04454: بااااااااااااارت ولا أروع:congrats::congrats: صج انه قصير بس احنا كنا بحاله نبي حتى لو سطر عليان حشى غطى على الحريم بنقل الأخبار وفضح الأسرار الحين مرته حافظه سره 18 سنه وانت تفضحه اول ما تعرف السالفه:52::52: ميثا مادري ليش رفضت الطلاق مع انها تتمناه ؟؟ اتوقع لأنها شافت عمها مريض وما بغت تحره زياده:spG05120: أتوقع عليان بموت من الفرح لما سمع أبوه قاله ان ميثا ما تبي الطلاق:Uf704404::Uf704404: سلمت الأنامل يالغلا وناطرين التكمله:i03Rose_Yellow: |
الــــــــــــــــــــــ 1000 ــــــــــــــــــــــــــف مبــــــــــــــــــــــــــروك
تستاهلين الوسام.. |
تسلم ايدينك الجزاء جداً رائع ولو سمحتي لا تطولين علينا
|
رااااااائع ابداع كالعادة
|
روعـــــــــــــــــــــــــــــــــــــــــــــــــــــــــ ــــــــــــــــــــــــــــــــــة
ماعندي غير هالكلمة مع انها قليــــــــــــــــــــــــــــــــــــــــــــــلة بحقك |
روايه رائعه وجميله وشيقه ...
اشكركـ صوت صدى على الجهود الرائعه ... واتمنى منكـ المزيد والافضل ... ونحن بنتظار الجزاء القدم ماتطولي علينا... |
اقتباس:
صراحه على شكلة كاشف تصرفات ميثا وغريبة انه في هذي الظروف يفكر بالشي البسيط هذا يدل على رومانسيتة ودقة ملاحظة بالاظافة الى اهتمامة في ميضا مع تحياتي اقتباس:
اقتباس:
الظاهر هذا الحنان اللي في ميثا واللى قالة فيصل عنة اقتباس:
عجيبة هذي الانسانة بس فية شخصية اعرفه تتصرف بنفس تصرفات ميثا يعني دائما تبدي الغير على نفسها اقتباس:
خوف على عمك ياميثا واللا رغبة في الانتقام من علي مادرى على كثر اصرارك على الطلاق لما جاك على طبق من فضة رفضتية حيرتيني معاك اقتباس:
دفاعك ياعلى حب لميثا واللا دفاع عن ممتلكاتك او ان كرة لسارة ونغزاتها يمكن موقف قديم معها مادري صدى راح توضح لنا الاسباب اقتباس:
[COLOR="darkslateblue"]طبعا مفاجأة ياعلى كنت تتوقع انها بتطلب الطلاق تفاجأت ان ابوك يقولك تبييك والمسجات اللى كلها طلب طلاق وييييييين راحت يحقلك تستغرب /COLOR] |
ابداااااااااااااااااااااااااااااااااااااااااااع تستاهلين كل خير صوت وصدى لاتطولين علينا
وابي اسأل اذا كان فيه موعد محدد ينزل فيه البارت |
ألف مبروك تستاهلين الوسام لانك بفعل كاتبه متميزه وهذا الوسام يعتبر لنا نحن القراء مو بس لك
ومره ثانيه ألف مبروك |
صدى كتبت لك رد يمكن قد قصه بس طار الله يسامح الي كان السبب في الي جرى ...(( الكمبيوتر ))
مقدر اعيد الي راح بس اتمنى من الله ان ارك على صفحات النت عن قريب.. مع بارت حلو زيك ياعسل مع حبي |
مراحب على متابعين للرائعه ( قلوب تخاف الحب )
القصه من وجهة رأيي مبدعه جدا وحبكتها ممتازه أعجبتني مره روعه يعطيكي العافيه ولا تتأخري علينا بالبارت الجديد لكن الي محيرني ايش الي مخلي ميثووه تصبر 18 سنه ؟؟؟ |
هلا صدى ما قدرت امس انام مت حره من الي انحذف
وان كل يوم يوم اوصل اعيالي للمدرسه .. علشان تعرفون اني عجوز ..امر على محل صدى الصوت .. وكل ما اقرا هاللفته اذكرج واذكر قصتج ... وتدور في بالي افكار ,, واليوم يوم اني رجعت قلت مو مخليه في خاطري بكتب مره ثانيه يمكن ابدع بقصه احلى من الي انحذف علي ... طفل دلوع .. متعود انه يكسر كل شي لين يحصل الي يبيه .. يمكن اول رفض صابه في حياته من امه وابوه الي عمرهم ماقالو له لا .. هو رفض تلك الفتاه الي رغب الزواج بها ... (( ليش .. شنو سببب الرفض بالضبط ..))حب ينتقم منهم انه حرق نفسه بالسياره الهديه (( صدى حبي شنو درجة التشوه الي يعاني منها علي ,,))لقافه !!وثاني تحدي له من البنت الساكته الي تدته جدام غريمه الي خذ بنت عمه منه .. (( مو حبا فيها .. لكنها كانت له.. وعلي حتى لو مايبي الشي بس مايحب حد ياخذ اشياءه))وصارت ميثه هي التحدي الجديد الي لازم يحصل عليه حت يحطمه ويرتاح ... علي طفل .. ماحددتي لنا عمره .. رغم انه شيبه ,, مو صغير انا بقول من 35 الي الاربعين لانه اكبر من ميثه ..بليز تكلمي عنه .. هل هو وسيم .. ام عادي ..انت ماتكملتي عنه ابد .. بسمن وجهة نظر ميثه بعدين اوكي ..علي بيسويها تحديه .. بس في نفس الوقت ... بيحافط عليها هو مايحب احد يلعب باشياءه الا هو ... مثل حبه لسيارته ... هو بيحطمها لكن غيره لا .. وراح يبررر هالشي بطلب من فيصل فيصل .. لن اتحايل عليه بعد اليوم .. بسال يابي اعرفه ...هو كيف قدر يخليها تسكت طول هالسنين .ز وشنو كانت نوع العلاقه بينهم ... فيصل من ذكريات ميثه عنه تشيل له احترام كبير .. ويمكن خوف وهيبه منه ... رغم عجزه .. وهالشي ينقص من رجولته .. يعني بصراحه .ز حتى لو كان ماعليه كلام .. هو لازم يستححي من ميثه اشوي .. لكن هالشي احسه معدوم .. في احدى الذكريات مد يده عليها .. ليش ؟؟وكيف كانت حيالتها معه. وما سبب عجزه .. هل صغر سن ميثه لما تزوجها لعب دور انه قدر يسيطر على مخها وتفكيرها .. وكانت مكافءتها على سكوتها وصبرها عليه انها خلاها تكمل تعليمها . وتشتغل ,, وتصير شي يمكن غيرها من بنات العيله ماقدرو عليه ؟؟كم كان عمره يوم تزوجها .. احسه كان اكبر منها بوايد .. مو اشوي .. وهي تزوجت في عمر كم .. ماحددتي لنا عمرها بالضبط .. رغم اني اتوقع انها مو كبيره واجد يعني حول ال30 او 35 مو اكبر .. بالنسبه لميثه .. صبرت 18 سنه .. وكانت شخصيتها جدام فيصل ضعيفه .. او كان بينهم تحدي كما هو بينها وبين علي ,,, هي حنونه سكتت عنه ,, وتحترمه ,, وتخفف عنه كلما قاسى وعانى لكن .. بسألأ اسأله شخصيه اشوي ... يمكن مو مهمه بالنسبهلل غير ,, بسهي تساعد على رسم صورة ميثه عندنا ... هل هي جميله ,, علي شاف طفله .. يعني بيبي فيس .. بس هل هي جميله او مملوحه .. كان شعرها طويل وبعد مماته قصته كانها تتحدى فيصل .ب هالشي .. يوم هي زوجة علي وفي الشاليه كانت تلبس لبي عجايز حتى مايشوفها حلوه ويمل منها .. هل كانت هكذا امام فيصل .. وهل مازالت هكذا .. يعني ابي اعرف ...بقولج انا اتخيلها ذيج البنت الجميله .. الناعمه .. المحافظه على جسمها وجمالها .. تلبس وتكشخ ,, وعلي لما يعيش معاها اكثر بينصدم بمثه غير عن الي في الشاليه .. تلك الي تعرف تلبس .. وتفر عقل اي رجل ,, بسيمن بسبب غيرة فيصل الزايده عليها .. وخوفه من ان حد يفر مخها عليه خلاها طفله على هيئة عجوز .. على سالفة الفستان الي هاوشها عليه ..اتوقع يوم عرس اختها بتصير شي غير حتى الكل بينصدم منها ... بتصير ميثه واو .. او اتمنى .. اتمنى ان تستمر مع علي .. رغم الاكشنات الحلوه .. بس بعد اتمنى من انها تحمل ,, حتى تعوض الي فات وتجيب اتوام صبيان وبنات.. واتمنى ان تكون هداية علي على يدها مثل ما تعود على الصلاة .. ان شاء الله الحين يوم الك يوومقف معاها راح يترك كل شي نيجي للبارت الاخير.. صدمة علي الكبيره .. وجدا كبيره .. يمكن هو مهيئ نفسه لهوشه جديده بس انها تتم معاه بدون نقاش ,, ولا وهي بعد تبيه ,, بسكيف بيتصرف اترك هالشي لج . ميثه توهقت تبي تكحلها عمتها وبتم في بيت عمها ومع علي .. بسصج اتمنى من ان تشتغل عدل عليه .. ابيها ترجع القويه ... ننطرج الغلا .. ولك حبي وتقديري ,, والف الف مبروك مره ثانيه على الوسام .. تستاهلين اكثر حبوبه.. وبالمناسبه اتمنى منج هديه لنا كلنا بارت طويل ,, بسبليز اقري ردي وردي علي بأي شي وبالنسبهل زارا .. هديتها مافهمتها يعني لها على الخاص قبلنا .,,, او في المنتدى الثاني قبل هالمنتدى ... قول لي حتى نتملحس على زارا تراها والله غاليه علينا ... وانا من قريت اسمها وانا اموت فيها .. يختي اشتغل شغل المصلحه ها يازارا .. زادوو حبايبج مع حبي ,, العجوز |
بصراحة القصة هذا من كنوز القصص النادرة على النت
حبيت ها القصة بشكل جنوني وحبيت الكاتبة الرائعة الف مبررروك يا "صوت وصدى "على التميز والوسام ومن نجاح الى اخر ابسال سؤال يعني القصة باقي لها قد اية وتنتهي يعني في حدود شهر؟ |
Teslam el2ayaadi bism Allah macha'Allah
ibdaa3 fi ibdaa3 boorikat yomnaak we nantadhir elbaa9i bichaw9 |
حبيت أقولك رأييي
أولا فيصل أعتقد انه ظلم ميثوه بصبرها وتحملها تهمة العقم وظلم نفسه وندمان والدليل إحساسه انه حيموت وما نصفها و عندها إحساس الظالم عنده أتحول للحب الكبير ولأنه عارف ان علي يحبها أكثر من حبه لها عشان كده أمنه عليها وحلفه ان ما حد ياخذها غيره ميثوه : ماني لاقيه سبب مقنع بصبرها 18 سنه مش معقول الحب !! وخاصة انها ما اختبرت إحساس الحب الي بين أي زوجين ومش معقول عشرته وطيبته معاها خلتها ما تشوف غيره .. صراحه سامحوني لكن فيصل (( أنـــــــانـــــــــي )) عليان : هادي الشخصيه غريبه يحبها ويبغى يكسر راسها ورغم التشوه الي صابه ــ والي انت ما حددت الأحداث الي حصلت فيه بالتفصيل ــ ما أثر عليه ولا حب ينتقم من أحد بسسبه بصراحه ..... ماني عارفه أحب علي او أكرهه او اتعاطف معه لكن مسألة مواظبته على الصلاة حتغير فيه الكثير من غير ما يحس ميته على أحداث البارت الجديد الي فيه ميضاء عايشه في بيت عبد الله مع عليان خاصة بعد التاتش العظيم الي صار بينهم وطلبها انها ما تطلق ما اتخيل الكف الي حيجي على ( نويره ) أم علي لمن تعرف حقيقة الوضع بين فيصل وميثاء اما صافيه وأحمد فأعتقد انها حتكون النسمه اللطيفه الي تبرد حرارة أحداث القصه بين الزوجين المتحاربين (( علي وميثاء )) تقبلي فائق إعجابي وإحترامي و (( بوساتي )) رجاء لا تتأخري علينا !!!!!!!!!!!!!!!!!! |
الذين يشاهدون محتوى الموضوع الآن : 2 ( الأعضاء 2 والزوار 0)
دانة الكويت, صوت و صدى هلا وغلا بصوصو الغاليه وأخيراً اجتمعنا مع بعض يالله يالغلا وين التكمله << أهم شي لوووووووووول |
[QUOTE] وبالنسبهل زارا .. هديتها مافهمتها يعني لها على الخاص قبلنا .,,, او في المنتدى الثاني قبل هالمنتدى ... قول لي حتى نتملحس على زارا تراها والله غاليه علينا ... وانا من قريت اسمها وانا اموت فيها .. يختي اشتغل شغل المصلحه ها يازارا .. زادوو حبايبج
[QUOTE] عيوز النار.. والله انا بعد مدري وش الهديه بس تدرين اعجبتني مره مرررررره فكرة انها ترسلي على الخاص.. بس بعدين قلت صعبه لان مشاركاتها ماتسمح .. الا اذا بيسون لها في المنتدى.. استثناء لانها كاتبه وخذت الوسام..اما بالنسبه لحبك لي من اول نظره مااااااا لومك تراني حبوبه>>صايره مغروره بعد الشهره...خخخخ عاد بجد الله يحبك ياغاليه.. ومايحتاج تمصلحين ياجدتي.. مو انتي عجوز..خخخ اللي لي تراه لكم في هالمنتدى.. تحياتي لك ياغاليه |
مبروووووووووووووووووووك حبيبتي صوت وصدى على الوسام تستحقينه:flowers2:
وبلييييييييييييز لاتطولي علينا ننتظرك على احر من الجمر والله احس اني بنفجر من الحماس:dancingmonkeyff8: |
مساء الخير اعزائي المتابعين الاشاوس ... حبي ... ودي ... وتقديري ... لكم ومرحبا بكل المتابعين الجدد اسمحوا لي في البداية ان اشكركم من كل قلبي واقول لكم الله يبارك فيكم ان شاء الله واشكر المنتدى كذلك على التكريم .... ... اعزائي الاعضاء .... التشريف الحقيقي لي هو تواجدكم في صفحات هذه القصة .... تفاعلكم .... اهتمامك .... انتظاركم .... تاثركم بها .... اود اوضح بعض النقاط : 1- بخصوص موعد البارت الجديد ذكرت سابقاً ما عندي موعد محدد بس احاول قد ما اقدر اني انزل بحد اقصى خلال عشر ايام في حال ما جد ما يمنع ... 2- احب اوضح سبب تاخيري في التنزيل للبارت الجديد .... مع ظروف الحياة اليومية من عمل واسرة والتزامات .... >> اختكم بطيئة في الكتابة يعني الفقرة الوحده ممكن تاخذ معي من نصف ساعة الى ساعة .... وفي كثير من الاحيان امسح اللي كتبته من ثلاث الى اربع مرات ... والشاطر يعد الفقرة تصير كم ساعة ... وفي كثير من الاحيان تلقون حرق كثير في الحوار بسبب الكتابة واعادة المسح واعادة الكتابة من جديد .... 3- لاحظت بعض الاعضاء يصرون على توضيح ملامح الابطال في القصة .... كم لا بد من يكونو في قمة الجمال .... لما ؟؟؟؟ اعزائي ان الجمال يختلف حوله الكثير فهو نسبي بدرجة معيارية .... ومتى كان الحب والمشاعر منحصره في الرجل الوسيم والمرأة فائقة الجمال ؟؟؟؟ ان اغرب ما يوجد في هذا الوجود هو المشاعر الانسانية ...فلا تستغربوا ان يحب رجل أمراة مهما كان شكلهم ... واذا كنتم تردون الحق انا متعمده عدم رسم اي ملامح للابطال وذلك لاترك المجال مفتوح لخيال كل متابع ان يرسم البطل الخاص به ...تعليقات ... اقتباس:
اقتباس:
عزيزتي زارا زوري قناص عشان تعرفي وش هديتك اقتباس:
هرجوان خخخخخخخخخخخخخ اقتباس:
ألف شكر ياروعة الحنان اقتباس:
دلوعه وبكيفي معذوره عزيزتي الله لا يجيب زعل ان شاء الله اقتباس:
لأني أحبك اهلا ومرحبا بك وبقلمك الذي اتمنى من كل قلبي ان اشهد تميزه وعودته الحميدة اقتباس:
يا صاحب الانامل السحرية في رسم الابتسامات اود ان اطرح عليك سؤال كيف ترسم ابتسامة على شظايا زجاج المرآة المتكسرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اقتباس:
زين ما خلتيها في خاطرك لاني بالفعل استمتعت بكل اللي كتبتيه تعرفين في خاطري اقولك شيء من اول مشارك لك قريتها كل ما قريت نك نيمك قلبي يعورني عجوز كنتي ولا بنت العشرين يجعلك ربي من سكان جنات النعيم ان شاء الله اقتباس:
عزيزتي انا بالنسبة لي ما احدد مده معينة للقصة يعني امشي مع الاحداث خطوه بخطوه ولا يهمني الوقت ... بس اذا كان يهمك هذا شيء ثاني لابد ناخذه في الحسبان ... اقتباس:
تحليلك منطقي لكن كملي معنا عشان نشوف مدى صحة التحليل اقتباس:
والمهلي يا عزيزتي اقتراح بما ان جميع الاعضاء في انتظار ممل ... وش رايكم ان حنا نلعب لعبة تكملت القصة لكن بين الاعضاء ؟؟؟؟ :flowers2: اختكم صوت وصدى |
هلا يا صوت وصدى ماتدرين شكثر استانست لما شفت اسمك online
يعطيج الف عافيه والله ادري ان الكتابه اتعب (مجربه اوو من كثر ما طولت فيها ما كملت القصه او ليلحين عندي طقت جبدي او انا افكر امسح واكتب على قولتج ) ماراح اقولج متى البارت اليدي اوو نزليه على مهلج حبيبتي سلام |
من بين كل الكاتبين والروايات انتي لج مكانه عزيزه في نفسي يمكن لان اسلوبج يشبه اسلوب الكاتبه البدعه تحفه فنيه الله يرحمها برحمته (كبرياء امرأه وحب رجل ) لو اقراها الف مره ما امل منها من بعد رواياتها تهت اوو انا ادور على نفس استايلها ولا لقيت تعبت نفسيا لدرجه قمت ابجي حتى كان عندها روايه ماقدرت تكملها لانها توفت اهيه حببتني بقطر او باهل قطر( ملاحظه انا عندي اهل بقطر بس ولا مره زرتهم او من قمت اقرا رواياتكم كل يوم والثاني احن على ابوي انه نزورهم لما ياه الوقت انا بنني عندي ميدتيرمات الجامعه فمالي نصيب ازوركم) |
هلا غاليتي .. وشكرا على ردج
لي تعليق ... الجمال ليس هو الاساس .. وكلا يتخيلها كما يريد... لكن علي كيف يراها.. وصف الجمال ليس الغرض كما هي في نظر المحبوب .. وبالنسبه لاسمي .. اعرف يخرع .. لكنه يثبت في العقل .. لن اقول لك عمري تخيليه كما تريدين (كما ابطال قصتك)) لكن اعرف انك ستتذكريني .. لاني فلم رعب .. واخيرا .. شكرا لك دعاكي .. وردي لك ردته لك الملائكه ان شاء الله .. في الحديث بما معناه اان الدعاء لاخيك في وجه الغيب .. ترد عليك الملائكه ولك مثلها .. اتمنى ان القاك ان شاء الله في دار الخلد .. وعلى تعليق الاعضاء انهم في الانتظار .. اتمنى ان تكوني قارءه للقصص .. وتعرفي ان تتعلقي بشئ لاتنالينه .. وتتمني من الزمن ان يتحرك فقط حتى تعرفي ماذا سيحدث .. لتجدي نفسك متعلقه .. بجزء جديد.. هو ليس عتب .. بل هو شوق اتمنى ان تتفهمو ذلك ايها الكتاب .. ننطرج ليش ماننطرج .. بس بل بعد عشرة ايام .. وايد.. ربي يعطيني الصبر .. والطاقه على الصبر .. وعدم الحنه .. مع حبي |
انت كده زي الي تلعبي بالمويه قدام عطشان والله العظيم ردك حسسني ان في مفاجئات مخبيتهالنا الله يطول عمرك ويخليك ويحميلك حبايبك وينصرك ويعطيك الصحه ويرزقك من حيث لا تحتسبي وينولك الي تبغيه على قولتهم (عفيه والي يسلمتس) و ايش تبي كمان ... هادي بوسه كبييييره
بس رجاء لا تتأخري علينا بالبارت الجديد |
ألف مبرووك على الوساااام ..... بصرااااحه تستاهلينه ..... ومشكوووووووووووووووووررره على البارت ... البارت مليء بالاحداث.... والأحداث قويه .... نتمنى المزيد .... روعة البارت ... وقوة الأحداث .... نستني الكم تهزيئه .... اللي وصلت لي ....... بسبب أنتظاري للجزء ... ومع ذلك ما راااااح اتوب ..... بظل أنتظر جزء جديد ... حتى لو عندنا كل يوم عزيمه ..... دمت بود |
مساء الخير للغاليه المبدعه صوت وصدى والله مبسوطه بوجودك معنا الان حتى لو ما في بارت وانا في انتظار مهما طولتي وشكراً لكي القصه الاكثر من رائعه ودمتي بخير
|
الذين يشاهدون محتوى الموضوع الآن : 9 ( الأعضاء 9 والزوار 0)
هرجوان, teacher123, نوآرهـ, frolah, ست الحريم, صوت و صدى, نورأخضر, نجلاء989, bint jeddah مسكتك مره ثانيه يالله نبي حلاوه الوسام طبعاً من باب مافيه شيْ ببلاش الله يعطيك العافية |
اقتباس:
|
اولا.. انا لانك ماحصلتس وصفتي الابطال حطيت لهم تخيل من عندي.. وانا معك بكل كلمه قلتيها.. وترى الجمال جمال الروح والاخلاق.. ومعايير الجمال تختلف من شخص للثاني...
ثانيا.. بالنسبه للاقتراحك المرعب.. بما ان جميع الاعضاء في انتظار ممل ... وش رايكم ان حنا نلعب لعبة تكملت القصة لكن بين الاعضاء ؟؟؟؟ انـــــــــــــــــــا ارفضه بشده.. عشان القصه تروح وطي .. لاااااا والله ماحنا مستغنين عنها.. وعشرة ايام .عشرة ايام .. حيل الله اقوى |
أوعطيك العافية أتمنا مماتتأخرين علينا تقبلي مروريل شئ مبروك على الوسام وعقبال المراكز الأعلى تستاهلين على إبداعك وأسلوبك المميز البارت يجنن روعة اللة لايتأخرين علينا تقبلي مروري
|
السلام عليكم ورحمة الله وبركاته.,.,.,.
الف الف الف الف الف الف الف الف ا لف مبــــــــــــــــــــــــــــــــــــــــــــــــــــــــــ ـــــــــــــــــــــــــروك صدوووووووووووووووووووووووووووووووووووووووووووووووووووووووووو ووووووي,.,.,.,. وعلى فكرة العرووووووووووووووووووووووووس تسلم عليكم كلكم ,.,.,.,.,.,. |
| الساعة الآن 06:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية