اقتباس:
احنا مااختلفنا على عمـل الهيئه ولكـن طلبنـا الاصلاح انتم ذكرتم وتعرفون ان الخير يخص والشر يعم والبعض اللي يقول ان هؤلاء قله فعفوا ان اقول انهم كثره وشكلي راح اضطر اني انزل اكثر من فلم لبعض تجاوزات المحسبوين على هيئة الامر بالمعروف لان الموضوع صار فيه بعض التكذيب بالاحداث وارد اذكر ان الحديث واضح وصريح وهو ( من رأى منكم منكر فليغيره بيده ..فان لم يستطع فبقلبه ..فان لم يستطع فبلسـانه ..فذلك اعضعف الايمـان ) واحنا مابنكون مبسوطين مثلا لو كانت الهيئه تقوم بدورها على اكمل وجه ؟! اتمنى تقرأ ردودي وتستوعب ان فكرتي وفكرتك وحده شكرا الك |
اقتباس:
والله مافهمت اول ردك هل هو معنـاته انه تاكيد على ان الائمه تاخذ رواتب ..او هل هو استغراب من باب النفي ان الائمـة ماياخذون رواتب عالعموم ائمة المساجد ياخذون رواتب وهذا كلام مفروغ منه ..و اتفضلي زوري ازارة الاوقـاف والشؤون الاسلاميـه للتأكد وبعـدين اختي الكريمه بما انك تدعين المعرفه ترى الجلد ..والتعزير من احكام شريعة ديننا الاسلامي الحنيف والقاضي من يصدر الحكم ..ويكون على فعل شنيع مو الله يكرمك على سماع الاغاني او على لبس الفانيلات اللي عليها صور والخ الخ الخ وانا معك ان الولد يضرب عالصلاه ونص الحديث على مااذكر (مــرو اولادكم عالصلاة بسبع..واضربوهم عليها بعشــر) الله يكرمك راجعي اصل الحديث مخاطبة للابـاء ان خذو ابنائكم معاكم للصلاه وامروهم بها وعلموهم عليها ومن هم عمرهم سبع سنوات ومن ثم حاسبوهم عليها من هم عمرهـم عشر سنـوات الا اذا كنتي معتبره رجال الهيئه اوليـاء امور ..وهم الاناس المخولين فقط بالضرب فهذا كلام اخر واحنا مااختلفنا ان الصلاه واجبه ومن ترك الصلاه فقد كفر احنا ماننتقد طريقة دعوتهم اطلاقا بس بسالك واحد ماشي بالشارع ..ورايح لبيته وبيصلي جماعه مع اهله بالبيت ومر عليه تبع الهيئه وقاله الصلاه ويالله امشي صلي وقاله طيب ..وهو ماشي عكس اتجاه المسجد يصير ان تبع الهيئه يركبه معاه الجميس ويقول سمع الاذان ومااتجه للمسجد للصلاه ؟ يا اختي انما الاعمال بالنيـات وانما لكل امرء مانوى الصلاه فقط اللي مايصير فيها فقط سوى الدعـوه وماتقدر تمسك على واحد انه ماصلى وانا ضربت مثل لرجل هيئه اننا خرجنا من الصلاه وهو لسه يلف كان بالشوارع وكلمه واحد من الاهالي وقاله ليه ماصليت ونفس الشي الوالد ساله روحي راجعي كل ردودي ومن ثم تعالي واجهيني الله يرضى عليكي لكن لما ماتكوني قارئه ردودي كامله ..راح تكوني ضايعه منك حلقه كامله ..وهي حلقة الوصل وتيجي تناقشيني وانتي مو مقتنعه بكلامي وانا الكلام اللي قلته بحطه بذمتي ..وماني عارف ايش الشي الكبير تقوليلي كلامك كبير ..وين الكبير اللي في الموضوع وانا اعذرك لانك فتاه ,وفي بيتك ..وانتي اصلا المفروض تكوني مستمعه لانك لا تعلمين شي عن رجال الهيئه ..واقصد لا تعلمين شيء (الافعال) ولكن كنا نعلم عمل الهيئه واللي مايعرف يعرف ان الشرطه تشكو تتدخل الهيئه في عملها كمان وانا ذكرت ان مهام الهيئه متداخله واصبحت تبعد اكثر واكثر عن العمل الرئيسي المخصص لهم |
وبعدين الاخت اللي تقول مااعتقد ان احنا فاهمين بالدين اكثر منهم
ليه اختي ؟ احنا درسنا احكام الشريعه بالمدارس مثلنا مثلهم ونعرف نفرق بين الحلال والحرام وهذا اهم شي ولله الحمد يعني هم توسعو بالدراسه ..وعلى هذا الاساس يعملون مابدى لهم ..بحجه انهم اهل علم ونحن اقل منهم علم في الدين ؟ |
اقتباس:
اخوي والله انا ماكنت بناقش ردك لاني شايف انك تشكك بصدق كلامي بواقعة انا قلتها وانت كذبتها لان احنا نعطي شواهد وانا شفتها بعيني وانت تكذبني فيها والله شي يزعل بس ماراح اناقشك بهالجزئيه انت جـالس تقول ان اخطـاء الهيئه قليله جدا ولا تكـاد تذكر .. لكن الاعلام مترصدلهم يا اخوي ليه الاعلام مترصد للهيئه فقط يا اخوي انت تحت المجهر ودايما نسمع ان الغلطه بورطه يعني لتدافع عن الهيئه تتهم الاعلام بالفسـاد لانه يظهر حقائق اخوي ليه نزلنا موضوع عن الهيئه على كذا اذا ماكان كثر الكلام ليه مانقول انه مافي دخان بدون نار لو كانت الهيئه تقول باعملها بشكل صحيح ماكنا شفنا موضوع هنا ..وموضوع مشابه لهذا الموضوع في الكثير من المنتديـات يا اخوي انت جالس تغالط نفسك ..ولا تبغنا ماننفض الغبـار انت تقول قله بنحط الحين مقاطع للهيئه وابغى اشوف منك رد غير ردود (ان هؤلاء فئه قليله ) الفئه القليله شوف كم تجمهو حواليها من الجماهير شوف يا سبحان الله ..فئه قليله خربت عمل فئـه كثيره وبعدين انت لو بجده عايش روح مر بنفسك عالكبائن واعمل اضحكتني اخوي المداهمه تتم بوجود رجال الشرطه وبعد مراقبه طيب المداهمه من من مسؤولية الشرطه ولا مسؤولية الهيئه يا اخوي الهيئه المفروض تيجي بدور المصلح تدعوهم وتهديهم مو عملها عمل الشرطه اعتبر حالك بالسجن يا اخي واللي بينصحك رجل الهيئه يااخي كيف بتتقبل نصيحته وهو عارف ومتاكد (اقصد السجين) ان رجل الهيئه هذا واحد من رجال الشرطه ليه يا اخي تتداخل اعمال الهيئه باعمال الشرطه ليه مايسيبون امور المداهمه للشرطه ويرفعون عن انفسهم الحرج طالما انهم يضربون مو باقي الا انهم يشيلون مسدسات معهم :) ارد وكرر للمره المليون اطالب بالاصلاح مو بالتغيير وانا مع عمل رجال الهيئه ولكن بالطريقه المثلى وبعدين اخوي ماجد انا ذكرت موقف باننا كنا نلبع الكرة ومر علينا رجل من الهيئه ونصحنا باننا مانلعب بشورتات قصيره وانا جادلته بالبدايه وسالته ان في بعض الاعبين شورتاتهم تحت الركبه فقالي ليه ماتكون افضل منهم وتقتدي بسنة رسولنا الكريم وانا سمعت نصيحتي وكانت حكمتي من هالقصه انه دعاني بالحكمه والموعظه الحسنى وبرد اقول انا مع عمل الهيئه ولكن اطالب بالاصلاح او اصلا القلة اللي لا تذكر اللي انت تقول عنهم لان الواحد يخرب عمل المجموعه وعلى فكرة ..على قصة الشعر ...انت مو بغلطان لو كنت بتطول شعرك من باب الاقتداء بالرسول صلى الله عليه وسلم فهذا اقل جواب ممكن تقوله بس بالمقابل لازم تلتزم معاها بانك تطول اللحيه برضو :) |
يا اخوان
بالنسبه لجلد المعاكس فهذا حكم استحدث قبل حوالي السبع او الثمان سنوات تقريبا اذا الغرض منه الاصلاح والتاديب ليه مايكون في طريقه افضل من كذا لاحظو انا اخذت هالحكم ..لسبب بسيط فقط ..ان بعض العلماء اجتهدو فيه وهذا الحكم لا يطبق الا هنا بالمملكه انا بقترح اقتراح بعيد عن اي مقاصد والله العظيم بس بسال سؤال هل جلد هؤلاء الشباب هل هو الحل الأسلم؟ وهل هو الوسيلة المناسبة لتعديل اتجاهاتهم السلبية تجاه المرأة؟ بعد جلدهم هل نتوقع اننا زرعنا داخلهم القيم الصحيحة وانهم تحولوا لأفراد صالحين يرفضون الخطأ بكل أنواعه وان ضمائرهم استيقظت بدرجة كافية لحماية المجتمع من تهورهم حين تلمح أعينهم فجأة سواداً يتحرك؟ اخشى ان النتيجة ليست بهذه الايجابية وربما تكون عكسية، وربما نخلق روح عداء فالشاب من حقه ان يسأل لماذا لا تعاقب ايضاً الفتاة التي تثير الشاب بشكل أو بآخر ليه مايكون العقاب بشكل افضل من كذا على سبيل المثال لو كان كانت هذه اول مره يمسك فيها المعاكس ليه مانخليه يقوم باعمال خيريه ؟ لماذا لا نلزمهم بالعمل في المؤسسات الاجتماعية على سبيل المثال كأن يقوم أحد هؤلاء الشباب بالعمل في جمعية المعاقين وان يشترك في تنظيم رحلة لهؤلاء الأبرياء حينها سنحقق الهدف الذي نريد دون أن نهدر كرامة هذا الفتى أو ذاك بل اننا سنساعده على ان يستبصر بنعمة الله عليه والتي ربما ليدركها يحتاج لموقف إنساني يهزه من الأعماق لا يهينه، أتصور ان عمله لمدة أربع وعشرين ساعة داخل تلك المؤسسات أو مؤسسة خاصة بالمرضى العقليين فإننا سنفتح له أفقاً مضيئاً نحو التأمل في نعمة العقل التي من واجبه ان يشغلها في شيء أكثر ايجابية من كلمة متلعثمة لمرأة قد تصفعه، ايضاً لو كلفناه بأعمال أخرى في المؤسسات العامة مثل مدرسته أو جامعته إن كان طالباً.... ....نحن بذلك نخرج مع الشباب من الذاتية والتمركز حول الذات وهي مشكلة الشباب اليوم مع ملاحظة ان عقلية ابناء اليوم لا تتقبل الضرب كجزء من منظومة أساليب التربية التي تبني ولا تهدم. او انه يقوم بازالة الاذى عن الطريق يقوم بتنضيف الشوارع مثلا او يقوم بجمع التبرعات للفقراء والمساكين واذا رد نفس المعاكس كرر فعلته مره ثانيه ..ساعتها يعاقب بالجلد ..لانه لم يستفد من اول مره هذا شيء كان بخاطري من ظاهرة جلد المعاكس |
الساعة الآن 09:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية