أبو العربى ، المثل الاعلي في الفهلوه .
 

بمناسبه الفهلوي المصري دي واحده علي الماشي من روائع مثلنا الاعلي في الفهلوه وعم الشباب في بورسعيد:

أبو العربى!

-شوف يا عم برعي، أنا في مره عديت علي الأستاذ نبيه في الجمرك وأنا شايل كرتونه قد الداهيه ورايا علي الموتسيكل ،الراجل هجم عليا وفتح الكرتونه لقاها مليانه قش ،ابن اللذين نزل فيا تفتيش ونكش لحد ما طلع الفيديو من قعرها ،وصمم يدفعني جمرك وغرامه كمان ،قلت عليا النعمه لا مطلع عين اللي جابوه ،تاني يوم عديت عليه بنفس النظام ،قعد ينكش في الصندوق لحد ما طلعت عينه ،وفي الاخر لقي قعره ساعه يد صيني تسوي لحلوح واحد مالهوش تاني ! دفعت له الجمرك والغرامه علي الجزمه ومشيت ،وتالت يوم نفس النظام ،وأسبوع علي كده لحد الراجل ما زهق ،وبطل يفتشني وكل ما أعدي عليه يقولي مرحب يا أبو العربي ،عدي يا راجل البيت بيتك ،وميفتشنيش !
لحد ما يوم راح كابس عليا وفرتك الصندوق ،أبن اللئيمه كان بينيمني عشان ما أخدش خوانه وأحط البضاعه اللي انا ناوي اهربها ،بس علي مين هي الساعه الصيني يا باشا ومفيش غيرها!
قعدنا علي الحال ده شهرين ،وبعدين لقيت الاستاذ نبيه بيخبط عليا في البيت ،وبعد ما أخد الواجب بتاعه قال لي:
بص يا ابو العربي ،انا خلاص سلمت ،ومش قادر ،حموت واعرف انت بتهرب ايه،ان شالله اعدم عيني وعافيتي لو فتشتك تاني حتي لو مهرب جمل المحمل ،بس وحياة العربي قولي انت بتهرب ايه!
-قلت له؟
-طبعا ده حلفني بالعربي يا جدع.
-هه؟.... وطلعت بتهرب ايه؟
-موتوسيكلات!

أتمني تعجبكم

ههههههههههه
لا فهلوى فهلوى يعنى
هههههههه
تسلم يا بيبو

هههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههه
حلووووووووووووووووووووووووووووووووووووووي
تسلم اديك بيبو ،،،

هههههههههههههههههه حلوووووووووة

يسلمو بيبو
ابو العربى طلع ذكى
موفق